لوحكينا الحكي ممكن يطول اختصرها وضم يدك في يدي شوف عيوني يعيوني وشتقول - الفصل 3 | روايتك

نواف ؛ لا والله ماني محترمها دامها قلّت ادبها وبعدين كيف تبيني احترم وحده مثل هذي ؟ الي مثلها ### شهد ضحكت بسخريه؛ اشفق عليك لانك مسكين بيبي ماعندك غير لسانك انت هيه * ابتسمت بخبث * تراك مو قدّي سمعت ؟ انا اقدر اقلب حياتك كلها واشوه سمعتك بامر مني هه فلذلك اقضب ارضك * وبسخريه* ياولد ابوك نواف عض شفته بقوه ؛ نشوف ي بنت امّـــك * وشد عليها* مشعل؛ نووواف ! شهد ؛ وانت بعد خير ان شاءالله ؟ احد وصّاك عليّ؟ * طالعت مصعب * عندي اخوي الله لايحرمني ماني محتاجه لك سمعت ؟ مشعل لف وطالعها وهمس ؛ ا شهد طالعته بنظره انصدم منها مستحيل هذي الي حبّها شهد طالعتهم واحد واحد ؛ حسابي معكم ماخلّص وراح احاسبكم واحد واحد وبتشوفون * اشرت على ابوها* وخصوصاً انت تقدم ابومصعب وهمس لها ؛ ش همست شهد؛ دينك المليون اقدر باتصال اجرجرك بالمحاكم لين تدفعه لي سمعت ؟ ف خلينا حلوين مع بعض ابونواف بقهر؛ الحين وش الي تبينه ؟ شهد ابتسمت بغرور؛ هذا المطلوب سمعوني زين انا وصهيب راح نسافر ونكمل برا ببعد صهيب عنكم وعن بيئتكم الفاشله والي تحث على كل شيء سيء * طالعت نواف بقرف * و الي ابيه منكم * ابتسمت بسخريه* البيت الي ساكنين فيه , السيارات , الاراضي , كل شيء يرجع لي واننم ادرى وش اقصد ولا ؟ يابوي وياعمي ؟ والكلام طبعا ابيه يوصل لعمتي لكم مهله سنه وانتظر توجهت بتطلع التفت بابتسامه لابوها؛ ايه صح اتمنى ماشوفك بالشركه تمام؟ واصلاً لو يشوفونك السكيورتي على برا على طول *همست بحقد* راح اطلع منكم كل حق لامي خذتوه منها وكل كلمه قلتوها مو زينه بحقها وكل مره عانيت فيها و سكتت بالم واشرت لمصعب وطلعت مشعل جلس وهو يفكر ومقهور ياسر ؛ متاكدين هذيي بنت ؟ طبيعيه يعني ترحم ؟ ههذيي وححششش! نواف بحقد؛ محد بيمشيها على الصراط المستقيم غيريي وتشوفون ابونواف ؛ اطلعوا برا قاموا وطلعوا ومصعب راح لها ابو مصعب ؛ وش السوات ؟ وش بنسوي ؟ ابونواف؛ معليك انا عندي بحسابي الخاص يكفي لنعطيها الي تبي ويكفينا بنفتح مؤوسسه صغيره بنبدا من الصفر واذا على العيال ماشااءالله كل واحد ودراسته لاتشيل هم ابومصعب ؛ والسكن! ابونواف؛ راح نسكن عند امي عندها اجنحه كبار يكفينا تنهد ومسك راسه وهو يفكر بالشيء الي ماقالته شهد وهو اكبر شيء والي شهد مستحيل تسكت عنه بس هي شلون حست ؟ - عند شهد ومصعب مصعب ؛ شهد وش الي قلّبك ؟ شهد مرّ عليها الي سمعته وشافته قبل يومين همست ؛ بعدين المهم ابيك تنتبه لك طيب ؟ واذا تبي اي شيء كلمني * عطته بطاقه* هذا رقمي ورقم صهيب ورقم واحد بيكون المسؤول عن كل شيء هنا طيب ؟ هز راسه وطالعه ؛ وانتي ؟ شهد لاتخبين بنفسك اذا متضايقه فضفضي لصهيب شهد ابتسمت وضمته وهي تدمع همست ؛ بشتاق لك مصعب همس لها ... شهد بعدت عنه بلعت ريقها ؛ ايش ؟ مصعب ابتسم ؛ هو موجود تراه هناك شهد تلعثمت ؛ بس طبعاً اكيد تغير مصعب ؛ يعني انتي تغيرتي قاطعهم مشعل ؛ ش شهد نزلت راسها تبي تمسك عمرها ماقدرت لفت وهمست لمصعب ؛ فمان الله ماحست الا بنواف سحبها وضربها كف الكل انصدم صهيب كان واقف صارخ وركض مسك نواف من ياقته ؛ ممممينننن اليي سسمحححح لكك تمدد ايدككك ! شهد رفعت راسها طالعت نواف بهدوء وهمست ؛ صهيب يالله اتركه مصعب مسك صهيب ؛ صهيب خلاص * التفت لنواف* حسابك بعدين صهيب صارخ؛ ماراح اتركه اليينن يعتذر ! نواف ابتسم ؛ تخسي وتخسي شهد رفعت راسها وطالعت نواف بنظره خلته يعقد حواجبه مصعب ؛ شهد صهيب خلاص روحوا يالله شهد مسكت يد صهيب وسحبتها وراحوا ركبوا السياره همست؛ يالله مراد ومشى متوجهه للمطار وصهيب بس يتحلطم على شهد ليه ماخليتيني عليه وهي ساكته ومبتسمه بهدوء وناويه على شيء اكبرر بمخها رفعت صوتها؛ صهههيبب صهيب ؛ نعم ! شهد ابتسمت ؛ وصيه اليوم تعلّم متى -وكيف- تتحدث وتعلم قبلها متى وكيف - تصمت جاهل صامت اكثر وقارا وهيبه من متعلم ثرثار * محمد الرطيان * فهمت عليّ ؟ صهيب سكت كالعاده وجلس يفكر بالي تقوله بتمعّن ابتسم مراد وكمل طريقه وصلوا للمطار نزلوا وسووا الاجرائات ربع ساعه وركبوا الطياره دقايق واقلعت الطياره لدبي ترانزيت تنهدت شهد وراها مشوار طويل وهم كبير حاملته بصدرها تذكرت كلمه مصعب ابتسمت " صقر رجع ؟ " غمضت عيونها وهي تتذكر موقف من مواقف صقر " قبل سنه ونص كانوا مسافرين وهي واقفه تطلب لهم قهوه مع انها ماتحبها وشافت مصعب وصهيب واقفين مع واحد معطيها ظهره ماهتمت وراحت لهم ؛ خذوا قهوتكم الساخنه وع الله يكرم النعمه جوالي يرن ضحك صهيب واخذ حقه واعطى صقر ؛ تفضل صقر ادري بك تحب القهوه رفعت راسها من شنطتها تاركه جوالها الي يرن وهي تطالعه ابتسم صقر بخفه ؛ ماش احس اني صرت ماحبها من هاللحظه ضحك مصعب ؛ لالا ياخوك بالمكان الغلط والشخص الغللطططط شهد عقدت حواجبها ؛ هاه؟ صهيب ابتسم ؛ شهد هذا صقر كان يدرس معنا بس هو اكبر مننا بكم سنه بس نعرفه يعني صقر هذي اختي شهد صقر اكتفى بابتسامه ؛ تشرفنا عاد تدرين دايم ماقول البنت الي تحب القهوه تكون الطف واكثر بنت رايقه بس من بعدك احس كلام بس هه عالعموم استاذن انا * اخذ القهوه وغمز لها* الجايه على حسابي وراح ركب سيارته ومشى شهد فاكه فمها طالعتهم ؛ ماشاءالله ادب واخلاق وجمال تف تف مصعب ضحك وغمز ؛ ها ناويه تحولين من مشعل له؟ شهد كشرت ؛ اص بس * بغرور* مايجي ربع مشعل صهيب ضحك ؛ ايه واضضضح !؟ والخقه طيب ؟؟ شهد كشرت وتركتهم يضحكون " ابتسمت بخفه على هالذكرى والي كانت اول مره تشوفه ومن بعدها دايم تشوفه مع اخوانه وجلست معاه مرتين وكانت تحس باهتمامه لها بس ماكانت تصدّق هالشيء لانها كانت متوهمه بحب مشعل التفت على صهيب الي راسه على كتفها ابتسمت اخه ياخوي لو مو انت كان قلبت ذيك العايله كلها بس عشانك ساكته عشانك مستعده اسكت وابعدك عنهم قد ماقدر المهم تكون مبسوط تنهدت وغمضت عيونها لتنام وفعلاً دقايق ونامت - نرجع لورى شوي لبيت الجده عند العيال مصعب ؛ نواف ! وش الي سويتهه ؟ هذا وانت الكبير العاقل؟ نواف ببرود؛ مالكم دخل ابونواف جاء؛ شفيكم ؟ نواف ؛ ولاشيء انا طالع وطلع ركب سيارته ومشى جاء بباله شهد ونظرتها رمى هالافكار وهو يرفع صوت الاغنيه لينساها وارسل للعيال انه جاي لهم - ببيت ابو نواف الصباح جالسه تفطر بهدوء دخل ياسر وجلس ؛ صبحهم بالخير ابتسمت دارين؛ صباح النور ياسر؛ ايوهه * نزل كوب الحليب* وش نسوي اليوم؟ دارين بتفكير؛ ممم شرايك نروح مع البنات لشاليه ؟ ياسر بضحك ؛ ايه صح وبسبح معاكم واكل ؟ دارين ضحكت ؛ لا عاد يعني اكيد بناخذ ثنتين وحده لنا ووحده لكم ياسر ضحك؛ اذا كذء تم ابشري ارسلي لي رقم الشاليه وانا بحجز وانتي اتصلي على البنات واتفقي معهم دارين نقزت ؛ ششكراا يالله وانا بجهز بعد وراحت بسرعه ابتسم بخفه ونزل راسه ليشوف الرقم بعد مارسلت توه بيدق عليه اتصل عليه صديقه ؛ الوو .. معليش سامر انا مشغ... ايششششششششششش من جدككككك!!! .. بتجييي اليوممم؟ ... اسسححححب على ام شغليي جايكم جايكم ... بجي من الحين ههههههههههههههههههههههههه ههههههه سسلاممم صكر منه وبسرعه طلع لفوق بدل ملابسه ونزل ركب سيارته وشخط على استراحه العيال - عند دارين ابتسمت وهي تجرب كم لبس عقدت حواجبها وهي تلف ؛ كانه مفتوح شوي اصلا عادي مافي احد غير البنات التفت وهي تاخذ جوالها الساعه صارت 4 ومرت اكثر من ساعه من الفطور يعني اكيد حجز رفعت جوالها واتصلت عليه ولايرد عقدت حواجبها بسم الله شفيه ! تنهدت وهي تشوف قروب بنات عمها يسألون ابتسمت هي ماقالت لهم غير لاتطلعون شيء اليوم ارسلت لياسر بالسناب وواتس وبيبي ولا يرد واتصلت عليه من ساعه ولايرد طلعت من الغرفه تشوف اغراض المطبخ جاهزه لقت بوجهها نواف ؛ نواف زين شفتك ماكلمك ياسر اكلمه مايرد نواف؛ ياسر؟ توني شايف خويه سامر يقول بيروح له بالاستراحه دارين ضحكت بسخريه؛ ايش؟! نواف؛ والله شفيك* جاء على باله عقد حواجبه* دارين يا دارين دمعت عينها ابتسمت ؛ خلاص خلاص صعدت فوق قفلت الغرفه جلست على سريرها وضمت رجولها وهي تبكي ليه يوعدها طيب ! ليه يقولها ويحمسها ! نامت وهي تبكي وهي تهمس ؛ يمه ابيك نواف استغرب شفيها ؟ راح لغرفته اتصل على ياسر مايرد اتصل على سامر ؛ الوو .. سامر شلونك .. الحمدلله ... بسالك ياسر وينه؟ .. عطني اياه .. * ثواني وجاه صوت ياسر والي شكله شارب وبس يضحك* ههههاااالاااااااا امرريي يعيون ياسر يقولون طالبتني ههههههههههههه مدري مين قايلك اني وجبهه نواف بنرفزه؛ ياككككلبب وشارب بعد ! انا نواففف! اسمعنيي انت قايل شيء لدارين ! ياسر بضحكه؛ دارين ؟ ياللببيه حتى الاسم يخرفن تعالي تعالي فيه غرف ككثيره طبي واختاري بس طارت عيونه نواف من وقاحه اخوه ؛ يييياااسسسسرررررر التفت على صوت ابوه ؛ نواف! نواف لاشعوريا صكر الجوال بسرعه؛ امرر ابونواف بهدوء؛ شفيه ياسر؟ نواف بلع ريقه وبهدوء؛ ولاشيء بس يقول بيتاخر وحذرته يجي بدري ابو نواف طالعه بهدوء والتفت وراح وهو الي سمع كل شيء وصل لغرفته وصكر الباب تنهد وش فيهم عياله ! الاثنين صايعين ورايحين فيها ولايقدر يسوي لهم شيء هم كبار بس ياسر ! ياسر بيضيع عمره مسك راسه وهو يتذكر كلام زوجته ام نواف قبل لاتموت بيومين كذء " وهي تبكي ؛ حسبي الله ونعم الوكيل كل شيء تسويه ربيي بيبتليك بعيالنناا عععيالناا ودارين بنتك ماخفت عليها مافكرت فيها! ابونواف؛ خل قاطعته وهي تبكي ؛ مابي اسمع منك شيء خلاصص روححح وطلعت من الغرفه " تنهد بقلّ حيله وقام ليبدل وينام له ساعتين كذء - ببيت ام مشعل ام مشعل ؛ وين اخوكم ؟ سمو ؛ يمه شفيك عليه خلاص هو قال بيتاخر معليه هيام ؛ امي صادقه مو زين يتاخر سمو بقهر؛ بنتت انتي اصلا بزر اصص ام مشعل؛ بس انتي وياها دخل مشعل وهو يحس راسه مصدّع مقهور من نفسه لاول مره يشرب ويحس جسمه ثقيل ولايفكر باي شيء شاف امه وخواته ضحك بقوه وهو يشوف امه سمو خافت من شكله بسرعه سحبت هيام وصعدتها فوق دخلتها الغرفه وقفلت الباب عليها بوسط صراخ هيام الي مقهوره ليه ماتجلس نزلت تحت بنص الدرج وهي تطالعه شرب ! اككيدد مو بوعيهه هذا ! ام مشعل ؛ مشعل شفيك ؟ مشعل بضحكه ؛ شفيني!. هههههههههههههه اخهه يايمه وانتي اكثر وحده تعرفيني بالي فيني مو انتي سببه ! ام مشعل تاففت ؛ لاحول ولاقوه الا بالله من طاري هالبنت ! مشعل ؛ يءيمه لاتسبينها ها قلت لك ام مشعل بتكشيره ؛ وووعععع مالت عليهااا وعلى امهاا ال### مشعل بعصبيه ؛ لاتتتسبينهااا قلتتت! نزلت سمو بسرعه ومسكته ؛ مشعل خلاص اهدى مشعل وهو يدمع ؛ سموو رجعيها لي خليها ترجع والله احبها والله سمو بكت على حال اخوها ؛ خلاص اهد قاطعتها امها؛ ووش تترجععع وييي عساهاا تروح ولا ترجع!!! مشعل عصب ؛ ككككككفايههههه ححححرمتينييي منهااا كفايههه خلاصصص انتيي ماتحسين بولدك! ماتحسينن قد ايش هو متعذببب!!!! ام مشعل؛ لا اذا وحده مثلها مستحيل بحس علي قاطعها وهو يقلب الطاوله الي قدامها ؛ انتتتييي امممم انتتتييي اممممم ام مشعل بصدمه؛ كل هذا عشانها؟ مشعل توه بيتكلم مسكته سمو وهمست ؛ تعال حبيبي انت لغرفتك ارتاح اتركها مشعل راح معاها لانه بينفجر من وجع راسه راحوا لغرفته فتحت له مويه الشاور ودخلته؛ يالله تروش تمام؟ هز راسه تنهدت بحزن وطلعت اما هو دخل بملابسه وجلس على البانيو والمويه تنزل على ملابسه ويطالع الفراغ بهدوء - اليوم الثاني 7:00 العشاء ببيت ابو مصعب ام مصعب ؛ يعني شلون ؟ ابومصعب بهمس ؛ شهد ماراح تسكت ابدد ام مصعب؛ طب مو هي ساكته الحين ؟ ابومصعب ؛ عشان صهيب بس ولا كان قلبت الدنيا ام مصعب بتكشيره ؛ هالبنت 🙌🏻💔 ابومصعب بتفكير وش بتسوين لو تعرفين انها تطالب بكل شيء واننا راح نسكن عند امي تنهد والتفت على بنتها الي لابسه عباتها وبتطلع؛ وين؟ هتون؛ استاذنت من امي صديقتي مرتني مع سواقهم بنروح لجمعه البنات تنهد؛ زين انتبهي لنفسك يابنيتي ابتسمت وهزت راسها وطلعت نزل مصعب ؛ ابويي انت خليتها تروح! ابومصعب: ايه ليه؟ مصعب بعصبيه؛ يبه شلون تسمح لها تطلع وهي ب هالعمر ولناس مانعرفهم مرا وبعدين هذي صديقتها الي بتاخذها تعرفونها؟ ام مصعب ؛ ايه نعرفها اسمها سمر انقهر مصعب وطلع وصفق الباب ركب سيارته وهو متوتر اصلا شهد وصهيب لهم يومين الحين ولايدري عنهم همس؛ يارب - ببيت ابو نواف دخل البيت وهو ماسك راسه من الصداع شاف دارين معاها كاس مويه ولمن شافته طاح الكاس منها بخوف وبثواني انقلبت نظرات الخوف للبرود وصعدت فوق ياسر عقد حواجبه وتذكر ركض يلحقها؛ دارينن دارينن مسك الباب قبل لاتصكرها ؛ دارينن وقفي والله اسف نسيت عمري دارين دمعت عينها؛ بعد ياسر ياسر ؛ دا قاطعتها وهي تصارخ ؛ تعبتت منكمم تعبتت خلاص طول عمريي لحالي ب هالبيت الكبيرر بيجي يوم وانحاشش منكم خلاص وانت لمره بتكون زين معاي وتسحب علي وتروح استراحتك ! ابي اعرف ليه؟ وش الي بالاستراحه اهم من اختككك ! ياسر نزل راسه لان ماعنده جواب اكيد تنهد؛ دا دفته بقوه وصرخت؛ انسسىىى ان عندكك اختت سمعتت!! وصكرت الباب وقفلت الباب بقوه ياسر يطق الباب ؛ دارين دارين افتحي طلع نواف؛ شفت هذي نتيجه افعالك! ياسر بقهر؛ لاتسوي طالع منها نواف ؛ على الاقل ماوعدتها زيك! ياسر ماهتم ؛ دا* وقف وهو يسمع صوت تكسير خاف التفت لنواف * نواف نواف تقدم يبي يكسر الباب وهو وياسر كسرّوه طارت عيونهم وهم يشوفونها جالسه على سريرها وضامه رجولها وتبكي التفتوا لمرايتها الطويله كسرتها تنهدوا براحه المهم ماجاها شيء مشى نواف لعندها وجلس جمبها وضمها وهي تضرب صدره وتبكي ؛ بعدّ بعدّ نواف همس ؛ اهدي ي عيون امك * دايم يقولون لها هالكلام لتذكر امها وتهدى * دارين ابتسمت بين دموعها وغمضت عيونها بسرعه وهي تبكي وتشهق ؛ ماما وين كنتي ! ليه رحتي فقدتك ياسر تاثر ودمعت عينه عض شفته بقوه وطلع برا نواف مسح على شعرها الين نامت غطاها وطلع نادى روز ؛ اسمعيني اذا صحت دارين وراحت للجامعه صلحوا الباب ورتبي غرفتها الحين بدون ازعاج سمعتي؟ هزت راسها تنهد وراح لياسر فتح الباب ؛ عاجبك ؟ ياسر ؛ نواف خلاص ابي انام والله تعبان وزاد علي حاله دارين نواف تنهد؛ اجل اسمع وش بنسوي ياسر؛ وش ؟ نواف ؛......... - انتهى