الساعه 12:20 الظهر دخلت وهي معصبه ومكشره رمت شنطتها بنص الصاله وصارخت؛ يييمههههه دخلوا وراها التفت لاخوها همست ؛ لاتهتم بقهر ؛ شهد! ابتسمت بخبث ؛ الحين اقلب السالفه معليك ابتسم بخفه التفتوا على صراخ زي مايسمونها دايم عجوز النار ؛ خخخيررر ان شاءالله انتي وياها شهد كما تعودت معاها دايم الا وهي البرود ؛ شصاير؟ طالعتها بعصبيه ؛ انا ام مصعب ماني وحده من الي تطبقين عليهم المرضى ! شهد ببرود حاد؛ اولاً المرضى هم اطهر واطيب قلب منك وارقى منك بعد هه ثانيا ليه كل هذا !؟ عشان رحت اجيب اخـــوي قبلها ؟ ام مصعب عصبت ؛ انتي تعدييتيي حدودك انتي اوضع منك ماشفت !!!! وايهه تروحين تجيبينها قبل هال شهد قاطعتها بعصبيه ؛ حدّك عاد ! كل شيء الا صهيب سمعتي ! وبعدين انا الوضيعه ولا انتي ؟ اقول احمدي ربك انا السبب انك انتي عايشه ب هالنعمه والخير كله بعد ربي سبحانه وبعدين صهيب ولد ويقعد عند الشمس عكس بنتك بالمدرسه وعند المكيفات ؛ يمههه شهد طالعتها بهدوء؛ هتون ! * ابتسمت* خلينا حلوين مع بعض ها يا اختي ؟ هتون بلعت ريقها وسكتت بخوف وضح عليها سحبت شنطتها وصعدت فوق بسرعه شهد ؛ روززز * طالعتها بهدوء * غدانا انا وصهيب فوق وطلعت لفوق ووراها صهيب صعدوا وراحوا للدور الثالث الي ابوهم مخصصه لهم متكامل مطبخ تحضيري بكامل ادواته وصاله صغيره مكونه من كنب ومكتب صغير على جمب و3 غرف وحده لشهد جواها حمامها ووحده لصهيب وجواها حمامها والثالثه خلوها غرفه رياضه لهم , وكانت شهد حريصه انها تلبي كل طلبات اخوها صهيب صهيب ؛ شهد الى متى ؟ شهد التفت وهي تفصخ عباتها وجلست على الكنب ضمت راسها وطالعته وتنهدت ؛ ايش ؟ صهيب جلس قدامها ؛ خلينا نطلع نروح لو شقه لحالنا مانبي نجلس عندهم شهد تنهدت ابتسمت ؛ صهيب مابي نروح شقه وانت تدري ان فلتنا توها قيد البناء صهيب بحده؛ شهد الي قاعد يصير قاهرني ! عجوز النار تصارخ عليك وانتي باردددههه عطيها العين الحمراء ! شهد ابتسمت بهدوء؛ صهيب شيئين تذكرهم وحطهم على بالك دايم خليك بارد وَ هادي البرود يخلي الي قدامك يشتعل نار والهداوه صهيب بملل ؛ كل شيء يجي بـ الهداوه والتفكير الهادي شهد ضحكت ؛ شفت هذي هي صهيب ؛ وش بيفيدني ابي اعرف ! شهد ابتسمت ؛ بتعرف قريب * قامت * انا بروح ابدل صهيب بضحكه على قانونها الي دايم كل يوم تسويه له ؛الا ماقلتي لي وصيه اليوم ؟ شهد ابتسمت بضحكه ؛ ممم في تعاملك مع الناس ؛ تذكر ان اسهل الاغصان كسراً هي الاغصان الصلبه ..كن غصنا ليناً واخضر لمحمد الرطيان ودخلت لغرفتها تاركه صهيب يفكر بعمق بالي قالته تنفست بعمق دخلت للحمام" يكرم القارىء " غسلت وجهها طالعت نفسها بالمرايه همست ؛ مابقى الا القليل صهيب المهم طلعت وبدلت ملابسها جلست على الكرسي لتمشط شعرها ابتسمت صهيب دايم يضحك على وصيه اليوم تذكرت ان سبب الي خلاها تسوي كذء بعد ماقرت كتاب وصايا لمحمد الرطيان واعجبتها وصارت فقره كل يوم تقول لصهيب وحده منهم التفت على صوره امها الي لطالما تعودوا يشوفونها صوره دمعت عينها وهمست وهي تمرر اصبعها على الصوره ؛ لو مو انتي كان حنا وين ؟ اشتقت لك رفعت راسها وهي تسمع صوت صهيب يناديها حطت الصوره ومسحت دموعها وراحت له - بنفس البيت بغرفه الطعام جالسين يتغدون ام مصعب ؛ فهد بنتك تعدت حدودها بس تصرخ علي ابو مصعب ؛ شيخه ! انتي اكثر وحده تعرفين ان شهد هدوء ماقبل العاصفه امسكي عمرك بكلمه تطردنا كلنا هتون؛ ابوي هي شدخلها هذا بيتنا هي واخوها يطلعون مصعب ؛ بنت خير ان شاءالله اخوانك هم وبعدين شهد ماتسويها هتون؛ لا تسويها اليوم قالت لامي بعد ابو مصعب ؛ وش اسوي طيب ! ام مصعب ؛ تدور لها شقه وتطلع عننا ابو مصعب ؛ واذا طلعت وش بنسوي ؟ ام مصعب فهمت عليه وسكتت بقهر مصعب ؛ عاد ليه هالكرهه بالعكس ياحلوهم هتون؛ انن اسكت بس * التفت لابوها* متى بنروح اليوم ؟ ابو مصعب ؛ على 5 العصر بنروح هزت راسها ام مصعب ابو مصعب؛ مابي مشاكل مع شهد عند امي هزت راسها بهدوء وهي ناويه عليها - عند شهد وصهيب ابتسمت بضحكه ؛ انزين ؟ صهيب ضحك ؛ اقولك عاد الاستاذ انقهر ومن القهر مشى وطاخخ على الباب شهد؛ ههههههههههههههههههههههههه هههههههههه احسسسننن محد طقه على ايده وقاله يعاملكم ب هالاسلوب التبن صهيب ؛ والله محد يعرف له غير مصعب ؛ كاني سمعت اسمي ؟ شهد ضحكت؛ تعال تعال يالاهبل ضحك ودخل ؛ ايوهه شهد؛ عاد شدوا حيلكم صهيب انت اخر سنه ثانوي وانت يامصعب بثاني ثانوي صهيب ؛ ان شاءالله مصعب ؛ افف عاد صدق مالي خلق دراسه شهد؛ معليك انت ادرس وشد حيلك والتخصص الي تبيه بدخلك غصب عن الي مايرضى ابتسم مصعب ؛ ياختي ليه انتي كذء تهبلين صهيب بعصبيه مزيفه؛ بعدد تغازلل اختي قدامي ! مصعب ضحك؛ اصه بس اختي بعد ضحكت شهد بخفه وقامت ؛ خلوكم من النقاش الميت انا ببدل وبطلع عندي شغل مصعب؛ شهد على 5 بنروح لامي منيره هزت راسها؛ معليك بجي قبل 5 ودخلت غرفتها بدلت ملابسها ولبست عباتها واخذت شنطتها وطلعت ؛ يالله سلام نزلت لتحت شافتهم يتقهوون طالعتهم بعدم اهتمام وطلعت ركبت مع السايق همست؛ روح الشركه مشى السايق تنهدت وهي تفكر بالي براسها ناويه على شيء بس ناقصه تتاكد من شيء - الساعه 5:00 العصر دخلت البيت ومعاها ملفات لميزانيه الشركه لاخر 4 شهور لقت بوجهها ابومصعب وام مصعب وهتون ومصعب مصعب ؛ ماراح تروحين اليوم؟ شهد؛ الا بجي بعد المغرب ابومصعب بتوتر وهو عينه على الملفات؛ يابنتي وش هاللي معك شهد بهدوء؛ ملفات للميزانيه ومشت راحت لفوق ابومصعب همس؛ الله يستر مصعب ؛ شفيك؟ ام مصعب ؛ يالله بس ركبوا السياره ومشوا عند شهد دخلت شافت صهيب على البلايستيشن التفت ؛ وش هاللي معك شهد جلست وهي تحط الملفات على الطاوله ؛ ملفات الميزانيه لاحظت زادت اخر اربع شهور صهيب قام وجلس جمبها؛ انزين؟ شهد فصخت عباتها؛ براجعها واشوفها عاد صهيب؛ زين يمكن موظفين جدد وهذا رواتبهم؟ شهد؛ لا لان لو جاوو مابترتفع زي كذء وبدت تشوف وتدقق وصهيب قام ياخذ شاور قبل لايروحون رن جوالها برساله اخذته ودخلت تشوف (" ولاغيرك حتكون حبيبتي ''خلي عندك خبر .) تنهدت بقل حيله وضيقه رجعت جوالها وبدت تشتغل بعد ربع ساعه طلع صهيب وهو لابس بيروح يصلي وينشف شعره شهد بقهر؛ شفتت قلت لك فيه ارتفاع ب هالاربع شهور خسرنا اكثر من مليون ونص وين راحوا ! صهيب ؛ طيب شهد هذا ولاشيء ترى خلي عنك بس شهد طالعته ؛ صهيب خلك حاط هالشيء ببالك اذا نقص من حقك ولو ريال طالب به وحافظ عليه لان ماتدري وش بيصير من بعدك بعدين فهمتني ؟ هز راسه بتفكير ؛ زين بروح اصلي وانتي صلّي والبسي لنروح هزت راسها؛ تمام نزل وهي اخذت الملفات وحطتها بغرفتها وراحت توضت وصلت وطلعت لبست جمبسوت باللون الاحمر يوصل لنص ساقها حفر وشعرها تركته زي ماهو لاخر ظهرها طايح وبلفات بسيطه من تحت حطت مسكرا وايلاينر خفيف وروج خفيف ماتبي تكثر تنهدت الي بتروح لهم كلهم ضدها تقريبا الا جدتها وسمو ابتسمت من طاري هالخبله التفت على تصفيره صهيب ؛ وش هالزين شهد ضحكت بخفه ؛ اقول امش بس صهيب ؛ حمّرتي حمّرتي يمهه يالي يستحون شهد انحرجت جد واخذت شنطتها وعباتها ونزلوا ركبوا مع السايق لان شهد للحين ماتبي صهيب يسوق ربع ساعه ووصلوا نزلوا ودخلوا شهد؛ بنات تغطوا صهيب بيدخل ثواني وتغطوا ماعدا هتون ودخل يسلم باس راس الجده ؛ شلونك يمه ؟ الجده؛ الحمدلله بخير انت شلونك ؟ صهيب ابتسم ؛ الحمدلله التفت وسلّم على عمته؛ شلونك عمه ام مشعل " موضي" بتكشيره ؛ بخير شهد مسكت صهيب الي كان بيبوس راسها ؛ تعال ابيك طلعوا ؛ كم مره اقولك لاتبوس راسها هالعجيز صهيب تنهد؛ شهد هذي عمتي لها احترامها تنهدت؛ المهم الحين نجلس 5 دقايق ونروح لخوالي مجتمعين ابتسم بقوه؛ جد والله مشتاق لهم متى رجعوا من اوروبا ؟ ابتسمت شهد ؛ قبل يومين واصرّت امّي نوره اننا نروح وننام عندهم صهيب ؛ تمام انا * طالع ساعته* على 7:00 بالتمام بركب السياره شهد ؛ زينن يالله استودعتك ربي ابتسم وراح دخلت وسلّمت على الجده وجلست جمبها ومسكت يدها؛ اسفه على الي صار بس رحت اكلم صهيب ابتسمت ببشاشه ؛ معليه يابنتي اهم شيء انتي شلونك وشلون دراستك ؟ شهد ابتسمت؛ الحمدلله تمام الجده همست؛ رجعوا خوالك؟ شهد ؛ ايه شوي وبروح لهم تعرفين توهم راجعين ولهم شهر مشتاق لهم صهيب الجده؛ وانتي ؟ شهد ؛ انا وش ؟ الجده؛ مو مشتاقه لهم ؟ شهد يامّي ليه ماتقولين عن الي بقلبك ؟ شهد نزلت راسها وهي تبعد انظارها قامت ؛ عن اذنكم لازم اروح ام مصعب ؛ على وين ان شاءالله ماغير تسعسعين ؟ شهد ماسكه نفسها ؛ مالك شغل ام مشعل؛ طبعاً بنت امك شهد التفت لها بحدّه ؛ مشكوره ياعمتي ام مشعل ابتسمت بسخريه؛ غصبا عنك شهد ماسكه اعصابها التفت سحبت شنطتها ولحقتها سمو ؛ شهد شهد لفت شهد وهي ماسكه نفسها ؛ نعم سمو بعدين سمو ؛ وين بتروحين طيب؟ شهد ؛ خوالي رجعوا وبروح اشوفهم وبنام عندهم سمو ابتسمت ؛ زين انتبهي لك * باست خدها* ابتسمي شهد ابتسمت بتسليك وتعدتها طلعت للحوش وهي تضبط شنطتها وصكرتها ورفعت راسها تلف طرحتها صنّمت وهي تشوفه نزلت عيونها وهي ترجف ؛ شهد شهد عضت شفتها بقوه حطت يدها على فمها وهي تشهق طالعته بابتسامه حزن ؛ ي عيونها تقدم خطوه؛ شهد شهد رجعت على ورى ؛ ابعد خلاص مشعل الي بيننا راح ! مشعل ؛ شهد صدقيني مو بيدي شهد صارخت ؛ ممممليتتتت مممليتت من هالعذر!!!! عشان امككك ! ياشيخخ روححح بسس طلعت بسرعه وهي ترمي طرحتها على وجهها ركبت شافت صهيب ؛ شهد شفيك ؟ شهد همست؛ ميراج روح بيت ماما نوره هز راسه وراح صهيب تركها براحتها وتنهد وهو سرح بالي سمعه قبل مايدخل " ابو مصعب ؛ اقولك ياخوي مغصوب ! لازم اسويي هالشيء ابو نواف ؛ عاد تسححبب مليونن ! من جدك ! ابو مصعب ؛ سعود! ساعدني الحين لازمم اخلي شهد ماتدري بولاشيء من الي اسويه ابو نواف؛ زوجها زوجها باول واحد يجيك وافتك بتنشغل معه وخلاص ابومصعب ؛ لا اخاف زوجها يكون معها ابونواف بتفكير ابتسم؛ لا الزوج خله عليّ ابومصعب ؛ زينن بس لاتتاخر هاليومين ها ابونواف ؛ بكره اكلمك نتفق نروح نكلمه " صحى من سرحانه على صوت شهد ؛ هاه ابتسمت ؛ وصلنا ولا من شفت بعض الناس طرت التفت وشافها تمشي تدخل بسرعه ابتسم بخفه التفت ؛ انزلي وانتي ساكته ضحكت ونزلت تعلقت بذراعه بوزت وهي تطالعه ؛ يمه يالطويل صهيب ضحك طالعها ؛ عمري النتفه شهد ضحكت ودخلوا شافت خالتها وامها نوره شهد ركضت وضمت امها نوره ؛ امممييييي اشتقتت لك ضمتها وهي تضحك ؛ ياعمري ي بنيتي شلونتس يامٌي ؟ وهه جعلتس ماتفقدين غالي ي عيون امتس شهد بعدت وهي تضحك ؛ امممينن بخير دامني شفتك * التفت وضمت خالتها ؛ ايوهه انتم سافروا ولاتخبروني ضحكت الجده نوره ؛ قلنا لتس وعييتي المره الجايهه معنا انتي خالتها ام مراد توترت ؛ هاه اي ان شاءالله جاء صهيب وسلّم عليهم ؛ شلونكم ؟ ؛ الحمدلله جلسوا شهد ؛ وينن تغرييد ومراد ؟ دخل مراد؛ جييتت بس ماشاءالله الوالده درت انكم بتجون ومشوروني ضحك صهيب ؛ غصبا عنك مراد قام وسحب شهد؛ اص عاد تعالي ابيك وطلعوا برا دخلت تغريد ويالله ينسمع صوتها؛ شلونك صهيب صهيب وهو ذايب ابتسم ؛ بخير وانتي ؟ تغريد؛ الله يديمها , الحمدلله بخير , لكم فقده ابتسمت ام مراد وسكتت صهيب ؛ اصلاً مادريت الا وانتم رايحين لكم اسبوع الجده نوره استغربت؛ شهد ماقالت لك قلنا لها وعييت صهيب استغرب بس صرفها؛ ايه صح نسيت ههههههههههههههههههههههههه تغريد التفت لامها ؛ شهد وينها؟ صهيب بسرعه وهو يبي سالفه يكلمها ؛ مع مراد يبيها تغريد نزلت راسها وهي تلعب باصابعها الجده نوره قامت ؛ ابروح اشوف العشاء قومي يا وفاء معي ضحكت ام مراد وهي عاررفه امها؛ يالله تغريد قامت ؛ بساعد قاطعتها الجده نوره؛ اقول انطقي بس واجلسي مع رجلتس تخلينه بروحه يالله اشوفك موطوطه هناك وتاركه عين السيح لحاله ضحك صهيب وطالعها بانتصار قام وجلس جمبها؛ شلونك ؟ تغريد ؛ كم مره سئلتني؟ بخير صهيب؛ الا مراد شعنده مع شهد ؟ تغريد ؛ مدري عنهم شرايك نداهمهم ؟ صهيب ابتسم ؛ يالله يالله ضحكت تغريد وقامت معاه - عند شهد ومراد مراد؛ يالله قولي وش الي مضايقك شهد ؛ مراد خلاص عاد لاتذكرني يكفي اني كارهه هالطاري * سرحت* كارهه هالحب الي احسه ماراح يروح مراد؛ شهد هو يحبك ماله شغل بام قاطعته وهي تدمع ؛ امه ؟ ههه * رجعت شعرها لورى عضت شفتها وطالعته ابتسمت بسخريه على حالها* لدرجه انه مايطالع بعيوني ويقولها ؟ طب هو عارف من زمان علاقتي بامه كذء ! يعلقني فيهه ليه ؟ يلحقني بكل مكان ليه ؟ مراد ؛ يحبكككك يححبككك شهد الرجال مستحيل ينزل نفسه ويطق امه بالجدار عشان وحده ! شهد شهقت وغطت فمها بايدها ودموعها بدت تنزل لاشعوريا لفت وجهها لايشوف دموعها مراد؛ شهد ارجعي فكري ب هالشيء يحبك شهد مب قادره تسكت اكثر لفت عليه وهي تبكي ؛ مراد يخخخونيي يخونيي باليوم ملييوننن مرهه! مراد طارت عيونه ؛ ايش ؟ شهد وهي تبكي ؛ ايهه وبكل مره يرجع ويكلمني انا اسف مادريت شهد غصب عني ! مرادد مليتت من كل شيء خلاصص ابغىى اهربب من الدنيا كلهاا وهالناسس انا تعبتت خلاصص ! احس اني غريبه بين كل الي حولي ! توني صغيره والله صغيره فقدت امي والحين فقد اول شخص حبيته ! مراد قام وماحس على نفسه الا وهو ساحبها يضمها؛ بس شهد خلاص اهدي شهد تمسكت بقوه ناسيه عمرها ؛ مراد ابغى اروح خلاص مالي جلسه هنا ببدء بدايه جديده وباخذ صهيب مراد بعدها ؛ ايش! انتي شقاعده تقولين ؟ شهد مسحت دموعها ؛ ايهه طول الطريق كنت افكر ب هالشيء وراح اسويه ولا علي من احد مراد؛ وتتوقعين امّي نوره بترضى ؟ ؛ ترضى بايش؟ انتهى
