ما كان في الحسبان يقوى الهجر أعز انسان ٠ - الفصل 5 | روايتك

البارت الخامس: & : & بسم الله..استغفرالله.. لاحول ولاقوة الا بالله..سبحان الله _____ كنت اقول المفارق بيننا مستحيل فكرهٍ مرت ببالي واهملتها لين ما طحت في درب الفراق الطويل صارت أشياء واجد ما تخيلتها في غيابك .... في الليل جلسة ام سعد وبيدها صينية الشاهي بنعناع صبت لها و لام ثامر:خذي ياحرمه ووسعي صدرك مدت ام ثامر يدها واخذت الشاهي وهي ترشف منه وتزفر انفاسها محاوله منها تمسك اعصابها:وقسم بالله لو انك ما مسكتيني ذيك الساعه كان انهديت عليها خلاص ماعادني قادره اتحمل ام سعد اخذت شاهيها وهي تشرب منه بهدوء:هذي هي وهذي اطباعها وبعدين هي عمة عيالك لازم تتحملينها ولا ناسيه ام ثامر وهي تنزل شاهيها:لا لا مو طبيعيه حتى اختها نوره من لحمها ودمها ماسلمت منها وبعدين"باستكنار"انتي وش الي حادك مخليتها تسكن عندك بطابق الي فوق ناظرت ام سعد لشاهيها ثم لام ثامر:اي اخت زوجي بعد وش تبغين اسوي والبيت بيته يسكن الي يبي وبعدين"براحه"اهم شي رجالها له مخرج خاص ولا نشوفه ولا ينزل علينا هذا اهم شي ام ثامر بضيقه:والله لو اني مكانك مارضا يويلي ماهي طبيعيه مستحيل اتحمل اجلس معها بنفس البيت انا جنبها وبغيت انهبل مغير تقاطعني وكل شوي هي الصح رفعت ام سعد جهاز التحكم وهي تقلب بالقنوات:الله يعين وقفت ام ثامر وهي تعدل جلابيتها:انا بروح اشوف عمر تأخر ام سعد وقفت تقلب بالقنوات وهي تناظر لها:يويلي والشاهي ماشربتي شي ام ثامر وهي تلبس جزمتها وتعدل عبايتها الراس طالعه:مره ثانيه ان شااءلله يالله ماتشوفين شر ام سعد وهي ترجع تكمل تقلب:الشر مايجيك توجهة ام ثامر لجهة بيتها وهي تتصل بعمر:استغفرالله من هالولد بيجنني "بعدت الجوال وهي تناظر له بنرفزه"وراه مايرد ذا وصلت للباب الي بين حديقة بيتها وحديقة بيت ام سعد دخلت وهي ناويه تدخل لداخل لكن وقفت وهي تناظر لجزمة عمر عند باب مجلسهم تنهدت بضيق:اييه اكيد هو متسدح لي هنا وانا مغير اتصل فيه مشت بستعجال لجهة المجلس ودفت الباب بعصبية ناويه تضربه على سفهته لها :ياا...هااااءء"شهقت بصدمه وهي تحط يدها على صدرها"يوييييليي ابك انت علامككك يويلي ي... جلست بلأرض بدوخه بينما عمر الي كان جالس وثوبه مليان دم ومشقوق من كل الجهات وراسه حاطين فيه لفاف وبجنبه عادل الي مو احسن من حاله ويده لافينها وريحة الدخان بالمجلس كله وبيد كل واحد دخانه يسحب منه فز عمر بعد ماطفى دخانه وهو يمشي لامه:يمه مافيني شي وقسم بالله ام ثامر بروعه وهي ماسكه براسها وبيد عمر:انت وش مسوي وش ذا جلس عمر بجنبها بألم من رجله وبجنبه عادل الي واقف تكلم بتوتر:ابد بس صار علينا حادث والحمدالله جا بسليم رفعت ام ثامر يدها وهي تضربه من كتفهه بعصبيه:سليمم هاهه اي سليم وانت غرقان بدمانك انت وياه وبعديننن"ناظرت عادل"امك تدري ولا لا ؟ عادل برعب وتوتر وهو يمسح شاربه:تكفيين يا خاله انا بوجهكك لاتدري ناظر له عمر باستخفاف:وش بك يالدجاجه خايف عادل بنرفزه:اسكت بس هالمصيبه كلها من ورا راسك المربع عمر بعصبيه وهو يوقف ويمسك بثوبه :وشوووو وقفت ام ثامر وهي تسحب ولدها وتصرخ : لا بالله انت الدجاجه الي بطبخك لغدا بكراا "ناظرت لعادل وبعصبيه"وانت رووح بيتكمم وانتت تعال معي داخل اخلصص حسبيى الله عليكم من عيال الواحد طوله طول الباب وش خليتو للبزران مشت وبجنبها عمر لداخل بيتهم بعد ما عادل طلع لبيتهم وهي مكمله بعصبية تدف بعمر:هذا وعمرك٢١ قلت عمر عقل وكبر اثاريك ماتركت مصايبك ذي عمر بضيق وملل وهو رافع ثوبه:يمه وشبك خلاص ترى كبرتو السالفه دخلو لداخل وام ثامر تتوعد فيه تعلم ابوه لانه ماعاد ينفع معه الكلام ...... بعد مرور سنتين و٨شهور طلعت بهدوء من المستشفى وبيدها كيس الادوية وقفت لثواني تناظر لسيارات اللين لمحة سيارة فارس ولد عمها تقدمت بهدوء وهي تفتح الباب الخلفي صعدت وبجنبها من الجهه الثانيه صعدت الشغاله وسكرت الباب بعدها حرك فارس وهو يناظر لطريق:ان شاءالله احسن ناظرت له ريم وابتسمت بهدوء:ايي الحمدالله ردت تناظر للشباك بهدوء ثم لكيس الادويه الي كانت لـ ألام بطنها هذا حالها مره بالشهر لازم بطنها يصير يألمها بقوه لدرجة تاخذ حبوب تهدي الالم لكن بعض المرات يحالفها الحظ ويمر الشهر بسلام ناظرت المول الي بالجهه الثانيه لثواني ثم لفارس:فارس لو ماعليك امر توقف شوي عند المول ابي شي من المكتبه ناظر لها فارس من المرايه الاماميه لثواني ثم للطريق:ابشري ريم ردت بمتنان:تبشر بالجنه ومشكور وماتقصر ادري تعبتك معي فارس بضيق: وش ذا الكلام ياريم وبعدين انتي حسبت اختي وان شاءالله تردين ذا كله بيوم زواجي ماوصيك اول الحاضرين ابتسمت بهدوء له:ان شاءالله ويا بخت امل فيك ابتسم فارس بهدوء على ذكرها:الا يابختي انا وقف عند المول وبستفسار بدون يناظر لها:بتاخذين كتب؟ ريم وهي تفتح الباب بعد ماعدلت نقابها:اي كالعاده نزلت ومعها الشغاله والي لما كملت ريم عمر١٨ هي وقمر قبل سنه جابوها لهم تروح مع السواق وقت الجامعه معهم وريم تاخذها معها وقت مراجعاتها للطبيب متى ماحتاجت دخلت للمكتبه وهي تناظر بالكتب بتمعن صارت هذي متعتها بعد كلام الطبيبه قبل سنتين ونص حاولت تشغل نفسها بأشياء تفيدها وتبتعد عن التفكير السلبي الكثير محاوله منها تشوف الشي الايجابي بحياتها صحيح مرات اذا مو امثر الوقت ترجع تهوجس بماضيها وحاضرها ومستقبلها لكنها تحاول قد ماتقدر تبعد ذا كله عشان صحتها لانها اهم احسن ما تجيب لها الامراض والتعب تنهدت بضيق لجوالها الي يتصل رفعته وهي تناظر للاسم"قمر" ايي صحيح من دخلو الجامعه والوضع تغير كثير من ناحية التقيد الجوال بالنت والخط والشغاله صارو مسموحين وذا كله عشان روحات وردات الجامعه دخلت تخصص ادارة اعمال ماهو طموحها ابد لكن مجبوره تدرسه ولا كيف بتمسك شغل ابوها وجدها رفعت جوالها وهي ترد على قمر:الوو وصل لها صوت قمر:وينكك عندي محاضره شوي ناظرت ريم لشغاله الي واقفه تناظر بالكتب:يالله هذا انا جايه قمر:يالله لاتتاخرين سكرت قمر الخط بعدت ريم الجوال وهي تطلع لجهة الاتصالات تحديدآ الارقام الي عندها كانت لقمر ولمار وعمها ابو سعد وعمتها ام عادل وفارس ... وسلطان صحيح ماهو رقمه لكن بكل مره تدخل وتشوف الاسم تحس بلأمان وبالحنين لايامها القديمه تحس وكانه لحد الان عندها صله بماضيها ولو شوي دخلت جوالها بشنطه وهي تاخذ الكتب الي تبيها ومشت باستعجال تحاسبهم قبل تاذيها قمر بلاتصالات الي ماتخلص ..... واقفه بضيق وهي تنتظر ريم والشغاله فزت لما شافت سيارة فارس وقفت ونزلت منها ريم مع الشغاله تقدمت قمر بنرفزه:زين كذا بتأخر على محاضرتي ناظرت لها ريم ثم للبسها العبايه الي تبرق والكعب:هه ماتوقع انا الي أخرتك وبعدين وش يدريني انه عندك بهالوقت محاضره الي اعرفه انه بعد ساعتين طالعه قبل وقتك ليش قمر بارتباك :وانتي وش دخلك وبعدين عادي قدمو وقت المحاضره يووه مشت قمر بانزعاج ومعها الشغاله بعد ما اشرت لها تلحقها لفت ريم تناظر لها بحسره:هه والله ماهقوتي وراك جامعه دخلت بهدوء وهي تمر بجنب ام ثامر بعد ماصبحت عليها ناظرت لها ام ثامر ببتسامه وسرحان:ياهلا صباحك خير ثم طلعت ام ثامر لبيتها تلحق على ولدها فارس تناقشه بموضوع زواجه الي قرب .... عند ريم الي بدلت ولبست حجابها ونزلت للمطبخ تسوي لها شي خفيف ابتسمت بهدوء بعد ماشافت عمتها نوره:صباح الخير ناظرت لها نوره:صباح النور كيفك ان شاءالله احسن سحبت ريم لها بيض وهي تاخذ المقلاة وتسخنها مع زيت:اي الحمدالله تبين معي فطور؟ نوره وهي كانت جالسه وبيدها كوب مويه:ماقول لا ابتسمت ريم بهدوء وهي تطلع بيضه ثانيه وتكسرها ثم طلعت جزر وبقدونس وفلفل الاخضر البارد غسلتهم ثم بشرت الجزر وقطعت الفلفل البارد قطع صغار والبقدونس حركت البيض ثم ضافتهم بتدريج مع الملح والفلفل الاسود اخذت لها صحن والتوست ودهنتهم باللبنه وسكرت على طبختها وهي تاخذ منها وتغرفها بحبات التوست وتسكر عليها وتقطعها بنص شغلة غلاية المويه وطلعت كوب لقهوتها :عمه جهزتي لزواج فارس؟ نوره الي كانت مندمجه بريم وهي تطبخ:لا والله باقي لفت لها ريم بعد ماسكرت الغلايه:طيب وش رايك اليوم تطلعين معي نجهز باقي ماجهزت نوره:خلاص اجل تم ابتسمت ريم وهي تحط المويه بالكوب الي فيه قهوتها شالت صحن الفطور والقهوه وجلست عند الطاوله مقابل عمتها:وهذا فطوري المتواضع ابتسمت لها نوره:لا والله تسلم ايدينك باين يشهي اخذت ريم قطعه وهي مبتسمه لها:فيه العافيه بينما كانو ياكلون نوره كانت تناطر بريم بسرحان كبرت وتغيرت كثير عن اول مره شافتها فيها بعمر١٥ من الناحية الجسديه طولت عن قبل كثير وملامح جسمها اختلفت عن ملامحها الطفوليه لكن نفسيتها ابد ماهي عاجبتها تدري فيها كيف تحاول تتأقلم وتبتسم لكن اخر الليل تسمع صوت بكيها بسجادتها واختها ام عادل بعد ماتقصر معها طول هالثلاث سنين تكرف فيها وتضايق فيها بالكلام:ريم رفعت ريم راسها واللقمه باقي تاكلها:همم نوره بتوتر سألت بهمس:باقي تاكلينهم؟ نزلت ريم الي بيدها تناظر بسرحان لثواني:وش اكل..؟ نوره بضيق وهي تسحب يدها:ريم انا شفتهم لاتسوين نفسك ماتدرين ناظرت لها ريم وبجديه:كيف عرفتي نوره:روحاتك للمستشفى كثرت ودخلت مره وشفت ادويتك انتي تدرين انها بتضرك الحبوب المنومه لها اضرار جانبيه ماهي زينه ابد لك تنهدت ريم بضيق وهي تاخذ من قهوتها وترشف تبل ريقها شوي:عمه انا ماقدر انام بدونها ماقدر ابد مايجيني النوم والتفكير ياكلني والارهاق يجيني وبعدها بيبدا بطني يعورني اكثر وهالشي ما تمنى ابد اعيشه لانه يألم وكثير مو شوي وكاني اعايش الموت بعينه بكل مره ناظرت لها نوره بألم:بس يضل ماهو زين لك حاولي تتركينهم وش الي يضايقك يا ريم عشان تاكلينهم كذا بعدك صغيره على الهموم ضحكت ريم باستخفاف وهي تناظر للجنب لثواني:ايي صح بعدني "وبجديه"عمه انتي شايفه كيف انا اعيش هنا؟ كل يوم شغل الشغاله حتى الي جايبينها ماتسوي كثر ماسوي واذا مرضت يذلوني ذل عشان الطبيب بس لولا الله ثم فارس الي بكل مره يتبرع ويوديني محد همه لو اموت فلوسي حتى الي سلطان يمشيهم لي ماجالسه اخذ منها الا ٥٠٠ ريال بسسس وعمتي ام عادل اتوقع مايحتاج اقول لك شنو السم الي كللل يومم كل يوممم تقوله فوق راسي ولا شتم والذل وتحسسني ماكله من حلالها ولا جابرتها تستقبلني عندها كل يوم كلام سلبي كلل يوم تغديني وتعشيني وتفطرني بكلام سلبي يجيب الهم وضيقه ماقدر اهرب اي مكان عشان ماسمع مجبوره اسمعها وانا ادري هي وعماني ماضفوني حب فيني الا طمع انا حتى مستقبلي مدري وش بيكون ماني بتاكده شلون بكمل باقي حياتي جالسه واشوف عمري يروح كذا بدون فايده تخصصي الي احبه مادشيته وكله من عمي ابو سعد وانتي اكثررر وحده عارفه وشايفه الطلعه مثل الناس وروحه ورده ماجالسه اروح الطبيب بالحسره والمكتبه مع طريقها دايم ومستقبل مجهول بالمختصرر فا لاتقولين ليش تاكلينهم لانه انا مانام بدونهم ابدد التفكير ياكلني زفرت انفاسها بضيق وهي توقف وتاخذ قهوتها:انا بطلع فوق اذا ناويه تمشين للمول علميني تدرين بعد مو بكل مره بنقدر نطلع كبت قهوتها وغسلت الكوب وردته مكانه ثم طلعت تاركه نوره اللي كانت ساكته طول الوقت ماهي عارفه وش ترد لانها بنهايه كل الي تقوله حقيقي: الله يعينك ويعيني يارب .... دخلو بهدوء لغرفتها همست لمار بغضب:بسررعههه ناظرت لها قمر بخوف:لمار والله خايفه دخلت لمار بسرعه وضيق وهي تسحب الصور وتحطهم داخل لبست المخده ثم تسحب قمر بسرعه لبرا وتسكر الباب:بسس خلصنا مره مكبره الموضوع ترى طالعه هي وعمتك نوره للمول والبيت فاضي ماله داعي كل هالخوف مشت لمار متوجهه لغرفتها تاركه قمر اللي ناظرت لباب غرفة ريم لثواني ثم طلعت ورا لمار وقت المغرب دخلت ريم مع نوره لداخل البيت:عمه بطلع اصلي المغرب واقايس الفستان اذا تبين تعالي معي تشوفينه نوره الي ماسكه بيدها الاغراض الي شرتهم:يالله اجل انا بعد وبجيك لاخلصت طلعت ريم لغرفتها وحطت اغرضها بجنب السرير شالت عبايتها ودخلت الحمام توضي لصلاة بعد ماخلصت طلعت واخذت لبس الصلاة وحطت سجادتها وبدت تصلي فرضها بتركيز واستشعار تحب هالوقت الي تصلي فيه تحس بكل مره تتقرب لربها اكثر وتثبت دايم لنفسها انه بهدنيا الانسان ماله غير ربه لما تنزل وتسجد لربها تحس وكانها الطاقه السلبيه كلها تنزل معها بكل مره لما تخلص صلاة تحمد ربها على هالنعمه الي الكثير فاقدها نزلت ثوب الصلاة وترجهة لاغراضها وسحبت الفستان الاسود والماسك على الجسم اختارت هالتصميم لانه منزمان كان بنفسها تلبس كذا وماتبين طفله وهالمره بعد ماكبرت تحس انها صارت بالعمر المناسب لكذا فساتين تبرز ملامح الجسم باقي شهر على زواج فارس وتحس لاول مره بعد فتره طويله تتحمس لشي ناظرت للباب باستغرب للاصوات نزلت الفستان داخل الكيس وهي ناويه تفتح الباب لكن صدمها دخول عمها ابو سعد:يالخسيسهه وبدون مقدمات توجهه لها وبعصبيه صكها بكف اختل توازنها بسببه وطاحت علارض على صرختها المتألمه وصرخته:يا تبنننن تقدم ابو سعد لريم وسحبها من شعرها الطويل بقوه والي كانت رافعته بمسكه صرخت بألم وهي ترفع يدينها على يد عمها الي بشعرها:اهخخ وشوو شد على شعرها اكثر وهو يوقفها ويصكها بكف ثاني ورفع رجله ودفها ببطنها اللين رجعت على ورا وطاحت على الدرج الصغير وشهقه بألم ويدها على ظهرها من الجنب وهي تناظر الارض بألم وصدمه وجهل ودموعها بدت تنزل بخوف ورجفه لما قرب لها ناوي يضربها اكثر لكن دخول سعد ولد عمها وقفه بنبرته العاليه:يبهه خلها علي ناظرت بخوف ورجفه لهم وهي ناويه تسحب ثوب الصلاة بألم تتغطى عنه رفعت راسها برعب لسعد الي تعدا ابوه وتقدم لها ونزل لمستواها بسرعه وشد بيده على فكها بقووه وهو يرفع راسها وعينه الحاده بعينها وبصراخ:مينن ذا يبنتت الكلب ميين تكلمييييييييييييي ناظرتهم برجفه وعدم فهم طاحت عينها على عمتها ام عادل و وراها قمر المتغطيه ولمار بنت سعد الي واقفه وراها وتناظر بصمت همست برعب : م ميين... تقدم ابو سعد وهو يسحب ولده ويحذف بوجهها صور كثير سحبت لها صورتين برجفهه ماهي راضيه توقف وهي تلف الصور وتناظرهم بصدمه صوره محادثات مع ولد وكان يكتب اسمها والي صدمها اكثر وزاد رجفتها انه بين المسجات كان في صور تنرسل لها وله رفعت راسها بعيونها المليانه دموع همست بضيقه وهي تتنهد بثقل:مو انا ردت تناظرهم بضياع وهمس:والله مو انا تقدم سعد بقهر وهو يسحبها من شعرها ويدفها للجدار الي وراها تقدم للادراج وهو يفتحهم ويطلع الاغراض وينفض فيهم تقدمت ام عادل وهي تفتح بلادراج الثانيه بينما ابو سعد يناظر بضياع وقهر والبنات بمكانهم لكن عمتها نوره كانت واقفه بصدمه بجنبهم ريم كانت متسنده عالجدار وشعرها المتبهذل طايح بعض خصلاته على وجهها بينمها وجهها مليان دموعها و تيشيرتها مايل تناظرهم بتعب وضياع نفض سعد السرير ثم المخده وهو يضرب فيها بقوه اللين طاحت صور رفعهم بسرعه وهو يقلبهم لثواني ضغط عليهم بقوه ولف لها وهو يتقدم بسرعه لها سحبها من رقبتها وصفقها بالجدار باقوى ماعنده على شهقتها المتألمه ويده لحد الان ضاغطه على رقبتها بقووه رفع صور الولد بينما ينظرها بحده وفحيح صوته:مو انتي اجل هاه ناظرت لهم بصدمه والدموع بعيونها زادت الرؤية عندها صارت ضبابيه وهي تناظر لصور بضياع وارهاق لفت تناظر للي حولها كيف كلهم يناظرونها ثم لصور التنفس عندها ضاق وعينها بصور تحاول تسحب هوا همست والسواد بدا ينتشر بنظرها:م..ماعرفه طاحت الصور من يد سعد وهو يمد يده يمسك كتفها بعد ما مالت على جنب بثقل وطاحت علارض فاقده لوعيها لف بسرعه :لماار جيبيي عطر ومويهه فزت لمار بسرعه تجيب الي ابوها يبيه بينما نوره تقدمت بضيق وهي تمسح دموعها وتسحب ثوب الصلاة تغطيها وعينها على الصور:حرام عليكمممم وش سويت بالبنتت ابو سعد بعصبيه وهو يسحب نوره الي تغطي فيها:ابعديييي لا احطك مكانها الحينن هذي ماتستاهل شفقه نزلت راسنه بلارض ناظرت لهم نوره وبقهر:مو هيي صدقنيي يا اخوي مو هي انا معها طول الوقت مو هيي ناظر لها سعد وبعصبيه:عمهههه اذ مو هي الصور اجل وش تسوييي عندها بغرفتها تدرينن انه الظرف الي فيه الصور وصل للمجلس بين الرجال لو طايح بيد واحد منهم وقسم بالله راسها ذا اشيله من مكاانهه ناظرت لهم نوره بضيق وهي تمسح دموعها:اكيد كذب ولا تركيب حرام والله عليكم مو هييي تقدمت ام عادل وهي تسحب بنوره وتدز فيها لبرا: اقووول انقلعيي بس ماهو غريب تطلعين انتي معها بعد شهقت نوره بصدمه وهي تشوف ام عادل الي تدف فيها:حرام عليك انا تقولين عني كذا دفتها ام عادل زياده وهي تصفق الباب من بعد مادخلت لمار تاركين نوره ورا الباب تضرب فيه ببكي: حراممم عليكممم ربي راح يحاسبكم باللي تسونه باليتيمه المسكينه .... اظلموني واتركوني وأنا أعذاري سمان لين ما فضلت أغادر عن حدود الحمى القدر مكتوب للناس والعمر امتحان من يوقف سهم الأقدار لا منه رمى ومن يرجع من شعور المحبة شي كان ومن يهدي جن شعري ليا منه زمى يا شعور الضحك وينك ما شفتك من زمان شوف موق الحزن من خارج عيوني طمى أنا من يشري حنينه من حساب الحنان منكسر في درب الأمان والحظ عمى ____________________________________ نوقف هنا..! عمر وعادل.؟!! فارس؟!! نوره؟!! لمار وقمر.!؟ اعمام ريم وولد عمها سعد..؟ ريم وحالها ..! دمتم بخير..????