ما كان في الحسبان يقوى الهجر أعز انسان ٠ | روايتك

البارت الاول: & : & بسم الله..استغفرالله.. لاحول ولاقوة الا بالله..سبحان الله _____ ليت الزمن بمحبتك ما خذلني ‏وليت الهجر من طيب خاطرك ورضاك ‏لو إن قربك والوصل بـالتمني ‏ما غبت عن عيني كثر مااتمناك ‏خايف يطول البعد وتسج مني ‏ويآخذ مكانك شخص ماهو بيسواك ‏وش عاد اسوي يومك تسج عني ‏لا أنا اتبع المقفي ولا أحب فرقاك .............. في غرفة مظلمه الا من إضائه خافته بوجه شاحب والهالات خذت مكانها جالسه على سرير المستشفى براس مايل بسرحان والتعب ظاهر على ملامحها تناظر بهدوء قاتل للجدار وعيونها ماذرفت دمعه بعالم اخر بعيد عن الكل خارج الغرفة وعيونه عليها من خلال الشباك تكلم بأسى:هذا حالها من ٥ شهور ماتتكلم ولا نزلت حتى دمعه الوضع لو طول اكثر احتمال نسوي لها تحويل لطب النفسي ناظرت له الي موجهه لها الكلام بصوت متألم:لاتقولها يا دكتور..بتتشافى باذن الله الدكتور ناظر لها بقلة حيله:انتي شفتي معنا كيف حاولنا معها اخذنا لها موعد مع الدكاتره المختصين بالعلاج النفسي ولا رضت حتى تتكلم الصدمه او الحاله الي هي فيها جدا قويه ولربما مع استمرار كبتها حالتها تؤدي للجنون كيف تبين تتشافى بعزم ناظرت له ثم لها وهي ناويه تسوي الي ببالها بعد ماطفح الكيل:بتتكلم يادكتور بتتكلم... _______________ قبل خمس سنين ...:ريييييمممممم فزت بخوف وهي تلتفت بكل توتر وبس شافته ابتسمت : ه ه هاي نظراتها راحت ليده الي تضغط على مسكت الباب محاوله منه بتحكم بغضبه همس وعينه الحاده لو كانت سلاح قتلتها: اطلعيي احسن لكك ناظرت له بحزن وقهر وهي تترك الورقه وتعدل طرحتها وتمر من جنبه لخارج الغرفه سكر الباب وهو يتنهد وتقدم لمكتبه وناظر للورقه حرك راسه بأسف وهو يرفعها ويقرا المكتوب "ممكن تعطيني خريطه؟ لاني تائهه بجمال عينيك" عفس الورقه بكل قوه ورماها بسله الزباله بهمس:تافهه وتوجهه لكرسي المكتب يكمل شغل بعد ماضغط على مابين حواجبه بصداع ..... ريم بقهر:ماريا تخيلي طردني ناظرت لها ماريا بزعل:يا ريم انتي بتعرفي استاذ سلطان وبعدين مو عيب عليكي بتعملي هيك "برعب"لو بتعرف المدام بتقتلنا صدقيني ناظرت ريم لماريا والي تكون مربيتها:ماريا انتي بصفي ولا بصف سلطان؟ ماريا بتعب:انتي ما مليتي هيك صار لك سنه عايشه في احلامك الورديه مع استاذ سلطان بدل ماتركزي على دراستك انتي اول سنه ثانوي ريم بزعل:بس انتي اكثر وحده تعرفين وش كثر انا احبه ماريا (وبملل)وبعدين متى تضبطين لهجتنا ماريا انتي معي من ١٥ سنه وتتكلمين مكس كذا مايصلح ضحكت ماريا بخجل:شو بعمل انتي بتعرفي اني بحاول مابتخجليني زياده انتي كمان (وبجديه)يالله حبيبتي غسلي سنانك ونامي عندك مدرسه وانسي لي سلطان حبيبتي هاد كلو حب مراهقه مابينفعك قامت ريم بتملل:متى اتخرج خلاص تعبت يارب تخلص ثلاث سنين بسرعه واكبر (وبحالميه)واتزوج انا وسلطان هزت ماريا راسها بأسى:الله يكملك بعقلك يابنتي طلعت ريم من الحمام بعد مالبست بجامتها وسحبت ماريا معها لسريرها وهي تنسدح عليه ببتسامه :ماريا اللعبي بشعري وقولي لي قصتي انا وسلطان لما كنا صغار لين انام جلست ماريا بجنبها وهي تمسح بخصلات شعرها الناعمه:مابتملي من هالقصه ريم وهي تغمض عيونها:ولا بمل احمم يالله قولي ابتسمت بهدوء وهي تحرك اناملها على شعرها :همم قبل ٩سنين .... ريم بعصبيه ودموع بعيونها:اتركنييييييييييي دوى صوت ضحك العيال من حولها والولد الي ماسك بشعرها سحبه اكثر: يا بكاياا وش بك زعلتيي ههههههههههههههههههههههههه هههه ناظرت له ريم ودموعها تسيل بألم:والله اعلم جده عليك ضحك الولد زياده وهو يرفع رجله ويرفسها ببطنها: ماباقي الا البزران يهددوني روحي علمي جدتك وانا راح انادي ابوي واخواني جلست ريم علارض وهي تبكي:انت تضربني بس عشان ماعندي اهل لو كان عندي ماسويت كذا قرب واحد من العيال لخوييه:سالم حرام عليك تضرب بزر تراها صغيره عمرها سته بس سالم نظر له وبعصبيه:ذي ست؟ ذي جنيه لايغرك امس ضاربتني بالعصا ذيك "بعصبيه وهو يمسكه من كتفه" تبيي اضربك فيهاا الولد برتباك:ضربتك لانك امس غلطت عليها ولا نسيت قامت ريم بألم وهي تهرب منهم وصوت بكيها بشارع كله كالعاده بحيث الكل تعود على ريم حفيدة ام خالد الوحيده الي كل يوم يتنمرون بزران الحاره عليها خففت ركض قبل توصل لباب بيتهم وعينها على سلطان الي كان واقف من بداية المضاربه ويناظرها بهدوء رفعت يدها وهي تمسح دموعها :لي مافزعت لي ناظر لها لثواني ثم تجاهلها وهو ينتظر امه تطلع قربت عنده وهي ترفسه من رجله وترفع راسها تناظره:انت هيه اكلمك لي ما فزعت لي نزل راسه وهو يناظر الطفله الي تكلمه:تكلميني؟ دمعت عيونها وبكتمه:والله اعلم خاله مريم عليك اخليها تضربك مثلهمممم راحت داخل تركض باسرع ماعندها تنهد سلطان صاحب ١٣ سنه وهو يلف يناظر للبزران همس:ذا الي كان ناقصني انا .... ماريا وهي تمسح على شعرها وهي تتذكر:لما شفتك تدخلي داخل وانتي بتبكي قربت لسلطان ابنا لطباخه مريم وكان بدي اسأله بس شفتو وهو عم بيصرخ على العيال انه مابيقربو عليك مره ثانيه ابتسمت ريم وبهمس:هم ماقربو بعدها تدرين كلهم خافو يحسبونه اخوي الكبير هههههههه شفتي كيف هو ماهتم بلأول بس بعدها ساعدني ابتسم ماريا وبعتب:مو قلنا راح ننام بس بنسمع القصه؟ ضحكت ريم بشقاوه وهي تسكر عيونها وبهمس:وش اسوي ماقدر انام اذا اسمه موجود ههههههه (بألم) أي لاتقرصيني ماريا بزعل: عيب يابنتي هيدا الحكي ويالله نامي وانسي لي هالسلطان ......... في مكان ثاني من الفله ...:سويت الي قلت لك عليه يا سلطان؟ جلس وباحترام وبهيبته المعتاده للي قدامه:اي طال عمرك كل الاوراق الرسميه المطلوبه حولتها لفرعنا الي بلندن ....:اسمعني يا سلطان انت ولد مريم الغاليه وتعرف وش كثر معزت امك عندي وانا ما أمنتك على الشركه وفرعها الا وانا واثقه فيك وبأنه اذا صار لي شي بيوم بتعطي الأمانه لحفيدتي ريم بدون يجيها شي تنهد سلطان وهو يناظر ل أم خالد:يطول بعمرك ان شاءالله واكيد بنهايه هذا حقها دام الصمت لثواني ونطقت أم خالد وبجديه:أنت تدري يا سلطان انا من تزوجة أبو فهد وعيالي من زوجي الأولي حاطين عينهم على الحلال هذا ماهو حلالي هذا حلال اليتيمه الي عندي بنت فهد ولا انا مابخلت عليهم بيوم فا خلك نبيهه لهم وقف سلطان وهو يناظر لساعته: مالهم شي وماعليك منهم عموما انا ماشي يا خاله وبس تبين شي ناديني أم خالد:ماقصرت ياولدي تعبتك معي (وبضحك)وشكلك بترجع متأخر اليوم لأهلك طلع سلطان مع ابتسامه هاديه ......... اليوم الثاني في وقت الظهر ضربت ام خالد بعصاتها علأرض وبعصبيه:كييف مالقيتووها وش افهم من كلامكمم هذاا وقف السايق برجفه وبجنبه ماريا المرتبكه:طال عمرك انا رحت مثل كل يوم لمدرستها بس ماكان في حدا سألت المعلمات بس محدا شافها ام خالد:كيف محد شافها يعني انشقت الأرض وبلعتها؟ انا تاركه حفيدتي عندكم امانه كذاا تسووونن ماريا رجفت بخوف من عصبية ام خالد وهي تتحسب على ريم بداخلها وتفكر وين راحت وبخوف انه صار لها شي: نتصل عالشرطه مدام ام خالد جلست وهي تحاول تتحكم بعصابها قربت منها ماريا بخوف انه الضغط ارتفع:فيكي شي ضربت ام خالد يدها وبعصبيه:ناديي لي سلطانن بسرعهه بعدت ماريا وبتوتر:ان شاءالله تامري امر راحت تركض ماريا لداخل بعد دقايق دخل سلطان للمكان بخطوات هاديه:نعم طال عمرك طلبتيني؟ ام خالد وهي تناظره بقلق:ريم يا سلطانن ريم جلس سلطان بالكنب المقابل لها وبستغراب:وش بها ام خالد وهي تمسح بيدها بتوتر:اليوم الصبح راحت للمدرسه ولا رجعت ومحد شافها من معلماتها مدري وين ارضها هالبنت سكت سلطان لثانوي بسرحات وجت على باله ذكرى اليوم الصبح —- متوجهه لداخل الفله ياخذ كم ورقه قبل يمشي لشركه لكنه وقف بستغراب وهو ينتبه لريم الي تهمس بالجوال ولا نتبهت له:ايواا ماعليك اخذت كم ريال من شنطة جدتي....هههههه ماعليك ماتدري....بس اهم شي كلمتي سواقكم يجي ياخذنا؟...حلوو الوعد اجل نروح سينما بعدها نتفطر....لا وين مانبي نرجع بسرعه وقت الطلعه نروح اي مول ناخذ لنا قهوه....هههههه يوه حماس يالله باي باي ماريا جت....اشوفك بالمدرسه —- عض على شفته سفليه بنرفزه وهو يهمس:انا اعرف وين ارضها وقف وبهدوء وهو يعدل نسفته:ماعليك الحين اجيبها لك ناظر لماريا:اللحقيني انتي وسواق ردت ماريا برتباك:حاضر مشت بتوتر ورا سلطان وهي تلتفت لأم خالد شوي بتوتر وثم لسلطان لين بغت تطيح من عتبت الباب وقفت برتباك وهي تطلع مع وسلطان توجهة لسواق الي كان ينتظر برا بعد مادخل سلطان واشرت له يشغل السياره ...... في مكان ثاني داخل سيارة السواق جالسه مع خوياتها ويضحكون وناسيين الدنيا بالي فيها ريم:ههههه اماا يا كذابهه هند:والله وبعدها امي سحبت جوالي اسبوع كامل ريم براحه وهي تشرب من قهوتها:لا الحمدالله انا ماعندي هسوالف مافي غير ماريا وماتقدر تسوي شي لي تنهدت نور وهي تناظر ريم وبحسد:ياحظكك ماعندك احد يغثك بهالموضوع انا امي مايمدي تصير ساعه١٠ الا ساحبه جوالاتنا ومخليتنا ننام كانه دجاج ضحكت ريم بمتعه:ههههههههههههههههههه� �هه اوف تنامين ١٠ كمان مانام الا ساعه١ واكمل النومه بالمدرسه قاطعهمم ضرب على شباك السياره لفت هند بعصبيه وببالها انه السواق الي مخليته يستنى برا شهقت بصدمه وهي تلف لريم الي تناظر لشباك بصدمه:رييم بولعت ريم بريقها وبخوف:يمهه ذا كيف لقانا ناظرت بتوتر لسلطان الي ماكان يقدر يشوفهم من الشباك المظلل توجه لسواق وكان يتكلم معه بشبه عصبيه نور بستفسار:ريم ذا سلطان صح ريم بتوتر وعيونها عليه:اي ومو وقته يا بنات شكله معصب هند وهي تناظر فيه بتدقيق:يووه ريم مالومك مره حلوو ضربتها ريم وبغيره:هييه ماسولف لك عشان تحبينه نور بضحك:ههههههههههه شوف بس الغيره حبيبتي يوم يعطيك وجهه غاري ذا ماينفع مع شي كل خططنا الي علمناها لك ماتفيد معه هند وهي تتنهد :من جد افكاري خلصت وانا احاول اجمع راسين بالحلال مير قلبه حجر مافيه احساس اخذت ريم شنطتها وهي تفتح الباب:خليت الاحساس لكم يابنات ابي دعواتكم الحين بس انه اشوفكم بكرا وانا حيه ودعوها نور وهند وهم ياشرون لها انها تتشجع قربت ريم بتوتر من سلطان:كيف لقيتني ناظر لها سلطان بشمئزاز:وش ذي الحركات الطفوليه؟ كل مره تثبتين لي وش كثر انتي انسانه تافهه ماعندك حياة ولا انتي مستوعبه الدنيا عايشه في احلامك وعالمك الخيالي ذا (وبعصبيه)قداامييي لسيارة سواقككك يا طفله ناظرت له ريم بصدمه وبهمس:وش تقول انت وبعدين(والدموع بدت تتجمع بعيونها) كنت ابي اعيش مغامره مع خوياتي ماسويت شي غلط قرب منها وهو يسحبها من شنطتها الي على كتفها وبهمس وبحده:مغامره؟ انتي تحسبين الدنيا على هواك والكل بيفكر مثلك لما ماتحضرين للمدرسه ومحد يشوفك لا من حارس ولا من معلمات يعني مادخلتي المدرسه بالمختصر المسوؤليه تطلع عن عاتقهم لانه ماختفيتي وانتي داخل المدرسه وكمان بوقت رجعت البيت مو موجوده شنو الفكره الي بتجي ببالنا همم؟( ناظرها بحده) لو انا مو سامعك اليوم الصباح شنوو كان بيجي ببالنا غير انك هايته او هاربه مع واحد وتسمينها مغامره بعد دزها من طرف شنطتها وبقرف:لسياره قدامي ناظر لها وهي تدخل لسياره اللين حركت متوجهه للفله تحرك لسيارته وهو يتوجهه لشركه يكمل باقي اشغاله بعد ماضغط على مابين حواجبه بصداع من هالبنت وطفوليتها ...... شدت على يدينها بخوف وعيونها بلارض من صراخ جدتها:اناا وش سويت عشان كذا تسوين فيني هاه بحسره:ربيت فيك ابيك تشيلين شركة ابوك لما تكبرين قلت حفيدتي بتكون قدها لكن ذي حركاتك بلاخير هاه وين الثقل وين الرزانه ريم ناظرت لجدتها وبخوف:بس انا ماسويت مصيبه يا جده لي كذا مكبرين الموضوع رجف جسمها بخوف من عصا جدتها الي بدت تلوح قدامها:مكبريين الموضوعع يا بنت فهددد هايتتن مايندرى وين ارضك من سماك تقوليين ماسويت شيي قعدت ام خالد بتعب :روحي عن وجهيي لاشوفكك اليوم ناظرت ريم لماريا الي قربت لجدتها بخوف على ضغطها ضربت برجلها بلارض وراحت لدرج وبقهر: الواحد مايعيش حياته يعنيي كله شركه وشركه اناا مافهمم اصلا بذي الامور ومااابيييهااااا ناظرت ماريا بريم الي صعدت وبتوتر: ماعلي يا مدام هي مراهقه بعدها مو مستوعبه الي بتعملو تنهدت ام خالد بتعب من هالبنت: ولا اتوقع بتستوعب ياخوفي تغيب عيني عنها وياكلونها الي مايخافون الله ........ بعد اسبوع في حديقة الفله وبيدها فنجان القهوه:اخبار اخوانك والعيال ارتشف ابو سعد من قهوته:يسرك الحال يا الغاليه ناظرت له ام خالد وبنغزه:اخلص وش جابك لعندي ياخالد ناظر لها ابو سعد وضحك برتباك: افا يالغاليه يعني مايصير اسلم عليك واخذ اخبارك ام خالد ارتشفت من فنجانها وبهمس:عز الله عرق ابوكم في دمكم ناظر لها ابو سعد:قلتي شي يمه ناظرت له ام خالد وبتنهد :لا ماقلت شي عدل ابو سعد جلسته وبفضول:وين حفيدتك يا يمه ولا (بنغزه)بتخبينها مثل العاده ناظرت له بطرف عينها:اقول اشرب فنجالك وانت ساكت تحمحم ابو سعد وهو يمسك فنجاله:ههههه وش قلت انا وبعدين نهايتنا شايفينها ذي الحفيده المجهوله ام خالد بعصبيه وبنبره حاده:مالك دخل باليتيمه وخلك بنفسك وبعيالك ابو سعد: على طاريهم متى بتجينا يا الغاليه ام خالد وهي تناظر حولها: اتوقع اني ماقصرت ربيتكم وكبرتكم وزوجتكم لين صارو عيالكم وعيال عيالكم بطولكم رغم اني اعرست بعد ماتطلقت من ابوكم الا اني ماقصرت معاكم بشي الحين دور اني استرخي ببيتي وزيارات متى مابغيت جيتكم ماهي اجبار ابو سعد بهدوء :طيب بما انك تبين تسترخين ليش ماتعطيني ادارة الشركة ولا ماستاهل يالغاليه ناظرت له وبنظره حاده:قول كذا من الاول يا ولد بطني حاطين عينكم على مال اليتيمه (رفعت يدها المليانه تجاعيد وبرجفه كبر السن وبتهديد)اسمعع يا خالد انت عارف مثل ما انا عارفه هذا كله حلال ابو فهد ومن بعده فهد اخوكم لاهو لي ولاهو لك ومحد له حق بذا كلهه غيير بنتهه حط هالشي براسك ولاتنساه وقفت بتعب وهي توقف على عصاتها:والحين تقدر تمشي انا الظاهر الكبر متعبني اروح انام احسن لي وماقول غير عسى الله يهديكم يا عيال بطني ........... صوت تحطييم قوي دوى في داخل جدران الفله لحقه صوت صرخت ريم فز سلطان وام خالد الي كان باجتماع معها حول امور الشركة تحرك بسرعه لداخل وخصوصا المطبخ وصوت الاغاني بدت توضح له وقف بصدمه وهو يناظر النار العاليه جدا من المقلى الي مليانه زيت وصحن بلارض منقسم لنصيين بينما ريم بالبجامه واقفه تناظر بخوف لنار شهقت الجده وهي تحط يدها على صدرها:يويلييي وش انتي مهببه تقدم سلطان بسرعه وهو يسكر الغاز ويغطي على النار اللين راحت لف لها وبعصبيه: خبله انتي؟؟؟ ماتعرفين تتصرفين ناظرت له برتباك: هاه انا بس كنت ب.. قاطعها وهو يصد عنها :تكفيين اسكتي ماوراك الا المصايب انتي طلع من المطبخ وهو منزل راسه بعد مامرت ماريا والي تخبت بسرعه لما شافت سلطان تقدمت بسرعه لريم بعد ماطلع وهي تمسكها:شوو صار شوو هالصوت وبعدين انتي بخير؟ ريم وهي تناظر للباب الي طلع منه سلطان وبزعل همست: ايوا بخير... تقدمت ام خالد وهي تقرص ريم من يدها :انتي وبعدين معك ريم بألم وهي تمسح مكان القرصه: وشوو يا جده ماكنت ادري غسلت الصحن واخذته ورحت بطلع البطاط وجا للزيت مويه وبعدها مدري وش صار ام خالد وهي تهز راسها بأسف:عسى الله يهديك بسس انا يوم كنت كبرك بطني شطوله واطبخ الذبيحه وحتى لا جبت الضنا الصباح تلقيني الظهر بالمطبخ اسوي الغدا ماهوب انتم يا بنات هالجيل مامنكم فايده ناظرت لريم وبهدوء:اهم شي ماجاك شي؟ ريم بأسف وهي تناظر يدها:لا الحمدالله ناظرت ماريا للجده الي طلعت وتنهدت وهي تناظر ريم: لي ماخليتيني انا اعمل لك الاكله ريم ناظرت لها وهي تدمع: وشو ابي اعتمد شوي على نفسي خوياتي كلهم يطبخون لنفسهم بجرب انا بعد حرام يعني اوفف بعدت ماريا عن طريقها وطلعت لغرفتها بينما ماريا جلست تنظف المطبخ من قطع الصحن المنتشره ......... بعد اسبوع نزلت ريم بملل وقفت وهي تناظر جدتها جالسه تاكل من التمر وتتقهوى جلست بجنبها: جده استغربت عدم ردها:جددهه زاد استغرابها وبصوت اعلى:ياجده فزت ام خالد وهي تناظر لها: بسم الله وش بكك ريم وهي تتراكا على يدها: انتي الي وش بك ماتردين ام خالد وهي تناظر لفنجالها: اهوجس يامك ريم بستمتاع: الله يا جده عشقانه (وهي تحرك حواجبها)منوو ليكون ابو يوسف الي باخر الحاره صرخ بألم وهي تمسك يدها:اخخ لي تضربيني وش سويت انا ام خالد بنغزه:انتي وش عرفك بهسوالف هاه ريم بملل وهي ترد تحط يدها: يمه منو مايعرف هسوالف الحين انتم جيلكم قبل غير ترى عننا ام خالد بحسافه:وانتي الصادقه جيلنا مافي منه شهامه ورجوله (وبنغزه)والبنت وقتها حرمه سنعه جلست ريم وبحماس:الا جد ياجده وش رايك تقولين لي قصة زواجك من جدي ام خالد وهي تمد لها الفنجال:اقول صبي لي بس من القهوه وروحي ادرسي ريم وهي تاخذ الدله والفنجان:ماودي ادرس اصلا ماعندي شي ادرسه خلصت ام خالد بعصبيه:امسكي الفنجان بيدك اليمين والدله باليسار وش تسوين انتيي ريم :يووهه وشوو طيييب عدلت مسكتها وصبت لجدتها من القهوه:خذي ام خالد بحسره:سمي يابنتي يقولون سمي ريم وهي شوي وبتصيح:سمي ياجده اخذت منها الفنجان وشهقة بصدمه: وش ذاا ريم بخوف:وشو ام خالد:تارستها لي ليش هاه (ناظرت لها وبعتب)تدرين لو انك صابتها لجدك عسى الله يرحمه كان تلقينها مكبوبه على وجهك ريم:اوف لي وش انا مسويه ام خالد: القهوه ماتنملي اذا مليتيها كانك تقولين للضيف اطلع من مجلسي ريم وهي ترد الدله:والله انه قبل ماعندكم سالفه عشان كذا من الملل صرتو تحطون قوانين بايخه ردت تعدلت بقعدتها وبحمس اكثر: يالله ياجده تكفيين قولي لي قصة زواجك حركت ام خالد قهوتها وبتنهد: ايييه وانا امك في سنه من السنين يوم اني حرمه توني ظاهرتن على الحياة هاه عمري حروت ال١٢ سنه اعرست على زوجي الأولي وجبت منه عيالي بكري خالد الي هو عمك ابو سعد وابوثامر وبناتي ام عادل والصغيره نوره ماهي متزوجه ريم:جده لي ماتخليني ازورهم ناظرت لها ام خالد: منطقتهم بعيده وانتي خابره وبعدين اخذتك يوم انك ورع ريم بملل: حتى ولو ابي اشوفهم ام خالد:لا كبرتي وديتك المهم(اكلت من التمر وهي تهوجس) وبعدها صارت لي مشاكل وانا من اخذته وانا وياه بمشاكل كان بخيل (سكتت لثواني)استغفرالله واذكرو محاسن موتاكم..استغفرالله ياربي العظيم ماعلينا تطلقت منه و(ابتسمت بهدوء وهي تناظر يدها الي ملتها التجاعيد)خذاني الي بغيته من ذيك السنين كان ولد حارتنه ومن عمري مير ابوي زوجني بابو خالد والي كان اكبر مني بكثير اخذت ابو فهد وانا عمري ٣٢ وعشت معاه عمرآ حلو وكانو عيالي يجوني دوم كل عطله لين كبرو وعرسو ومن اخذت ابو فهد جبت له فهد(وبسرحان) وراح فهد مع ابو فهد ابتسمت ريم بحزن لجدتها الي دمعت:الله يرحمهم رفعت ام خالد طرف طرحتها ومسحت دموعها من ورا البرقع وبتنهد: هذي هي الدنيا وانا امك قصيره الواحد يعمل خير ويطلع منها الناس ماتذكره الا بزين فعايله والدعاوي الزينه ....... بعد يومين جالسه تتفطر بستعجال لانها تأخرت على المدرسه: ماريا جدتي وين ماريا وهي تحط لها الحليب: من امس راحت لمنطقة عيالها ريم وهي تلعب بصحنها:همم راحت لهم ولا خذتني كالعاده يعني جلست ماريا وهي تفطر معاها:خليكي انتي من هيدا كله واكلي يالله لا تتأخري .. .. .. __________________________________ نوقف هنا توقعاتكم للاحداث القادمه..!؟ .. .. السلام عليكم جميعآ نظرآ لصراركم على روايه جديده وايضا لأفكار صارت تجيني كثير وبخاطري اكتبها قررت اكتب هذي الروايه أتمنى تتفهمون انه اخر مره كتبت فيها كانت قبل سنتين اشياء كثيره تغيرت بهالفتره واتمنى انه اقدر اكتبها بطريقه الي ببالي الروايه عميقه بمشاعرها وهذي فقط مجرد البدايه اتمنى ماتحكمون من بدايتها ???????? ملاحظة:ماحددت جنسية ماريا لاني ماني شاطره ابد بالهجات الثانيه لكم حرية التخيل..^_^