ما كان في الحسبان يقوى الهجر أعز انسان ٠ - الفصل 3 | روايتك

البارت الثالث: & : & بسم الله..استغفرالله.. لاحول ولاقوة الا بالله..سبحان الله _____ صعب أن تختار من تحب والأصعب أن تحاول كراهية من كنت تحب ..... بعد مرور أسبوع جالسه بغرفتها والدموع على خدها بعضها الي جف والبعض جديد تناظر للفراغ بسرحان بمحاوله لتجميع احداث هذا الاسبوع المتعب بس وصلو للمنطقة الي ساكنين فيها اعمامها كان عباره عن بيتين واحد لابو سعد وثاني ابو ثامر كبار ثلاث طوابق لكل واحد والي فهمته بداية وصولها انه اعمامها وعيالهم واحفادهم كلهم عايشين فيهم وعمتها ام عادل الي متزوجه ولد عمهم ساكنه معاهم مالتقت باحد ماكان لها نفس تتصادم معاهم خاصه بعد الي شافته من تعامل لما اخذوها دخلت مع ماريا للغرفه الي بتجلس فيها ومر اليوم بهدوء وبعدها بدت ايام العزا ماحتكت بأحد ولا لقت وقت كانت تجلس تستقبل المعزين وبعدها تصعد لغرفتها اللين جا خامس يوم لها هنا والي كسرها زود كسرها كسر .. نزلت بسرعه وهي تسمع صوت ماريا يعلى تقدمت بخوف وهي تتمسك بيد ماريا وقدامهم ام عادل وكان بينهم شنطة ماريا المرميه علارض:انا مدري وش انتي ترطنين ميير اسمعييي يا مارياا اليوووووم يعني اليوووم تمشين ماتجلسين عندنا دقيييقه وحده ناظرت ريم برعب لعمتها وتقدمت بقهر:وشوو ويين تبينها تروح ناظرتها ام عادل بشمئزازوهي تسحب برقعها:واناا وش دخلني فيها هاه تقدمت لريم وهي تمسكها من طرف كتفها وبقرف:اقول ترى ايام الدلع راحت وانا وحده ماعندي هلله وحده اعطيها لها تفهمين ولاا لا يعني مافي رااتب يعني مع السلامه تمشي هي وعفشها ريم برعب من انه تروح ماريا:عميي قال انه لي خمس الالف انا بعطيهم لها بس تجلس ماتروح دوت ضحكت ام عادل بالمكان لثواني اللين ناظرت لريم:ومن قال بتاخذينها؟ مصرف اكلك وعيشيتك هنا من وين ناخذه هاه؟؟ اكيد منهم بنصرف عليك من الخمس الاف وذي(اشرت على ماريا) ماتجلس يعني ماتجلس ماعندنا حريم غرب يدخلون بيوتنا شدت ماريا على كتف ريم وهي تسحبها لها:بسس ياريم بس(ناظرت لام عادل) حسبيى الله ونعم الوكيل فيكم بصوت عالي ردت ام عادل وهي تلوح بيدها:اقوول لاتجلسين تتحسبينن علينا ماسوينا لكك شيي ويالله عفشك لميه وشوفي السواق برى بنسامحك ونوديك ببلاش لاهلك يالله توكلي رفعت ريم يدها وهي تمسح خدها من دموعها بشوق لماريا وهي تتذكر كيف ماريا لمت اغراضها وطلعت من باب بيت اعمامها وحضنها لها وهي تهديها واخر كلامها وتوصيتها لها وهي تبكي:ريم ياقلبي انتي انا واثقه فيكي انتي قويه وبتقدري تعيشي وماحدا بيكسرك رفعت يدها وهي تمسح دموع ريم الي تشاهق من البكي وتكرر جملتها:ماريا لاتتركيني دموع ماريا ماوقفت بغصه :بتعرفي رقمي تواصلي معي حبيبتي انتي مابخليكي وباذن الله بتكبري وكلها كم سنه وبشوفك وبتزوريني وبزورك انتي بس عيشي ولاتخافي من حدا (وبجديه وهي تمسح دموعها)اعمامك مافيهم خير انتبهي منهم وانتبهي لحالك منهم الي تربيتي عليه ماتتركيه اخلاقك خليها احسن منهم تمام؟ بدي اشوفك بعد كم سنه وانا مفتخره فيكي واقول انه (وبغصه ودموعها نزلت وصوتها مخنوق)واقول بنتي رفعت لي ..رفعت لي راسي (وبحنيه وهي تميل راسها ويدينها على وجه ريم تمسح على خدها)طيب ياقلبي؟ تقدمت ريم لها وهي تحضن ماريا ببكي وشهقاتها مو راضيه توقف:ط..طيب.. زادت من شدة بكيها بينما ماريا شدت عليها اكثر وهي تبكي معاها وتتحسب عليهم ... قاطع ريم من شرودها الضرب الخفيف الي على الباب ردت تمسح دموعها ونزلت من على السرير وهي تفتح الباب وناظرت للحرمه الي ابتسمت لها وبهدوء:ممكن ادخل؟ بادلتها ريم الابتسامه بهدوء ووجها شاحب: اكيد تفضلي بعدت عن الباب تاركه لها مجال تدخل بينما الحرمه دخلت وتقدمت من الكرسي الي كان بجنب الشباك وجلست وهي تناظر لها ردت ريم وجلست على سريرها وهي تناظر لها بهدوء ابتسمت لها الحرمه والي كانت واضح اثار الحزن عليها:انا نوره واكون عمتك اكون الصغيره من بعد ابوك ناظرت لها ريم بهدوء وتخوف منها ماعاد صارت تثق في احد هنا:ياهلا نوره بحماس : تدرين كان نفسي حيل اجتمع مع اخوي فهد اكثر واتعرف عليك انتي بعد بس(بأسف) ماصار نصيب لهالشي فزت ريم بخوف من الباب الي انفتح بقوه وصفق بالجدار:ماشاءالله مجتمعيين اشووف وبعدين انتي وش مجلسك هنا ناقصين البنت يصيبها من شين حظك وتجلس على كبدنا مثلك نوره بانكسار من كلام اختها المعتاد وهي تناظر ريم باحراج:ماله داعي تقولين كذا يام عادل تخصرت ام عدل وهي تضرب يدها على صدرها:لا تعالي علميني بعد وبعدين لاقلتي ام عادل(برعب)اذكري ربكك ماني ناقصه تحسديني بعد بروحك لا زوج ولا عيال وقفت نوره بقهر وهي تمشي متعديتها لبرى ناظرت لها ام عادل وبصدمه:وش بها ذي زعلت عشاني قلت الصدق الحمدالله وشكر بس لفت لريم وبحده: اقوول يا شيخه قوميي قدامييي وقفت ريم برتباك: و..وين ام عادل وهي تناظرها من فوق لتحت: ويين بعد ياحظيي قومي فزي معي للمطبخ ولا ناويه تجلسين هنا تاكلين وتنامين وتمسحين يدك بالجدار (وبصراخ خلا ريم تفز تطلع)بسرررررررعههههههههه قدامييي وش تنتظرين هااه تنتظرين اجيك واشيلككك؟؟؟؟ نزلت ريم لتحت بينما ام عادل ناظرت لغرفتها وبحسره وهي تسكر اللمبات وتطلع:راحت الكهربا اي مو مقيوله حلال عمك لايهمك بينما ريم الي نزلت للمطبخ ودخلت وهي تشوف بنتين وحده تطبخ والثانيه تساعدها همست بهدوء:السلام ناظروها لها لثواني وردو السلام:وعليكم السلام الي كانت تساعد ناظرت لها وبفضول:امم انتي ريم بنت عمي فهد صح؟ ناظرت لها ريم بهدوء"يعني مين بكون مثلا":ايوا ابتسمت بحماس وهي تقرب لها وبيدها سكين الي كانت تشتغل عليه:هاي انا قموره قمر بنت عمتك وعمري ١٥وهذيك(اشرت للي عند القدر)لمار تصير بنت ولد عمي سعد اتوقع شفتيه بما انه هو وصلكم هنا وهي طبعا بعدها بزر وجالسه اعلمها تطبخ لفت لهم لمار وبزعل:هييه وشو بزر ترى كبرت خلاص عمري ١٣ قمر بتسليك:اي اي صح كبرتي(لفت لريم)الا صدق كم عمرك ابتسمت لها ريم بهدوء:كبرك فزت قمر بحماس وهي تتمسك بريم وسكين تروح مره يمين ومره يسار:صدققق واخيرااا (وبدراما)واخيير شفت احد كبري ومن عمريي اخخ تعبت من الزفت الي وراي ياارب الحمدالله بعدت ريم برتباك وعينها على السكين الي شوي وتجي فيها على دخلت ام عادل:قمرررر ووجع بعدت قمر عن ريم وبرتباك:نعم يمه تقدمت ام عادل وهي تسحب ريم لجهة المواعين:يالله غسلي ناظرت لها ريم بضياع:وش اغسل اشرت ام عادل :وش الي وش الي قدامكك المواعيننن ولا ماتشوفين بعد ناظرت لها ريم وبرتباك فتحت المويه وهي تسحب الصحن بقرف ماهي متعوده على دخلت المطبخ كانت ماريا والخدم يسون لها كل شي فزت بخوف من شهقت ام عادل وهي تسكر المويه:انتي ناويه تعيشينه بفقر شكلك المويه ليي كذا فاتحتها هاه ماتعرفين تاخذين على قدك ولا وشووو؟؟؟ عضت ريم على شفتها بتوتر وهي ترد تفتح شوي بس وتغسل الصحن تحت نظرات ام عادل سكرت المويه وناظرت لها: وين اوديه بحسره ام عادل اشرت:هناك ياحظيي انا مشت ريم برتباك بصحن الي مليان مويه وجت بتمر من جنب ام عادل لكن بسبب ايدها المبلله الصحن فلت من يدها وطاح مكسور لقطع صغيره بعد مادوى صوته بالمطبخ كله على شهقت ام عادل سكرت ريم عينها ويدها على طرف اذنها بسبب صوت الكسر:صحننييييييييي صحنييي يابنتتت الي ماني بقايلههه يا النجسههه تقدمت وهي تسحب ريم من شعرها بشده:انتيي وشوو ماتشوفيييننن يا الرفلهه يا الخبلهه يالمهبووولههه تقدمت قمر برتباك وهي تحاول تفلت شعر ريم الي تصيح من امها:يمه وشبكك حرامم ماتدري ام عادل ناظرت بنتها وبعصبيه:ابعدي لا احطكك مكانهاا الحينن بعدت قمر بخوف وهي تشوف ريم الي تركتها امها وهي تصيح ام عادل بحسره: ايي ابكييي وش ورااك مادفعتي فلسسس عليه ناظرت لقمر وبحده خلتها تفز تنفذ كلامها:جيبي المكنسهه ثواني ومدت قمر لامها المكنسه تقدمت ام عادل لريم وشدتها من يدها وهي تمسكها اياها:خذيي واكنسي الي كسرتيه بنفسك ومن اليوم ورايح تنزلين حالك حال البنات وتنظفين معاهم (وبحده وهي تسحبها من اذنها)فهمتيي ولا اعيد الكلام بطريقه ثانيه؟؟ ريم بألم ويدها على يد عمتها:فهمتت والله بس اتركيني بعدت ام عادل وهي تتنهد بقرف:الله يعيني بس على مابتلاني طلعت من المطبخ تاركه ريم الي نزلت تكنس بقايا الصحن بصمت بينما قمر الي ماسكتت تسولف طول وقت شغلها هي ولمار وبس خلصت وشالت اخر بقايا الصحن رجعت المكنسه مكانها وطلعت بتعب لغرفتها تاركه قمر تسولف مع نفسها تمددت على سريرها بتعب وهي تغمض عيونها وتتنفس بهدوء وكالعاده تستجمع افكارها والاحداث الغريبه الي تصير لها تحس بتعب النفسي قبل الجسدي كل شي جا مره وحده اشياء كثيره ماهي متعوده عليها اجواء المدينه.. والبيت ..الاشخاص ..اسلوب الكلام ..الروتين اليومي الي تغير وكانه حياتها بالكامل تحولت لحياة ثانيه بينهم ..غرفتها ..مدرستها وصاحباتها... جدتها ..وماريا حتى السواق...وسلطان كلهم اختفو من حياتها مثل الحلم لاا مو هم الحلم ...الي تعيشه هو الحلم ..كابووس تنتظر متى تصحى منا وترجع لروتينها اليومي تلعب وتضحك وتسوي مقالب بسلطان وتعيش بخيالها معه سوالف العصر مع جدتها وقبل النوم مع ماريا صديقاتها ومغامراتهم تبي ترجع لهم(نزلت دموعها بصمت وتنفس زاد عندها بسبب حبسها وكتمها للبكيه)همست بألم وهي تحضن نفسها:ابي ارجع ابي اصحى...لي تركتني سلطان قلت لك لاتخليني.. نامت ذيك الليله وقلبها الصغير مليان هموم وافكار ومستقبل مجهول الاشخاص الي كانو امان لها تركوها كلهم بأوقات متقاربه كلهمم راحو مره يألم لانه كلهم لما تركوها كانو فاقدينها هي بس لكن عكسها هي فقدتهم كلهم وكذا كثير مره عليها لي كذا يصير معها هذا الي كانت تفكر فيه ذيك الليله ... الظهر مجتمعين كلهم عند ام عادل ام ثامر وام سعد يسولفون واختها نوره جالسه على جنب كالعاده هاديه رشفت ام ثامر من الشاي وهي تتكلم بهدوء:ايي يقوله ولدي ثامر يوم تروحون تجيبونها من بيتهم فله وش كبرها لها هي بس ام سعد وهي ترفع اكمامها تبرز ذهبها لام ثامر ناويه تحرها:لييه ولدك ماصور لك(وبغرور)بعد عمري سعد ماخلا بخاطري هذاك اليوم صور لي عشان لا سمعت اكون عارفه وشايفه ام ثامر ناظرت لها وهي تبتسم بدون نفس:اييه الله يخليه لك لفت لام عادل بتضيع لسالفه:الا اقول غداكم ماخلص ترى جعنا ام عادل الي كانت تقلب بالقنوات بانشغال:الا هذا هو بيخلص مخليه ذي الي ينقال لها ريم تطبخه اليوم ام سعد بنتقاد تناظر لها:وهي تعرف تسوي الغدا ام عادل وهي تلف لها بحسره:لا والله رفله مير(لكن)ماني مخليتها تجلس كذا عندي بكرفها شوي ام ثامر وهي تاخذ من المكسرات:ايي زين تسوين ومره وحده خليها هي والبنات يتغدون معنا (بفضول)بخاطري اشوفها عدل يوم العزا مافضيت ام عادل وهي تلف تكمل بالقنوات:ايي لاجت تحط لنا الغدا شوفيها الوكاد(الاكيد) "بكرهه لها" انه مافيها زود عاديه ام سعد:والله انا هم يوم جتني حرمة سعد حسنه اول شبابها ماخليتها تجلس قومتها تشتغل معي ولا وشوله الشغاله وهي ورع وفيها حيل وهذي هي (بفخر)بنت ولدي لمار سنعه تطبخ وتسوي ام عادل وهي تناظرها وبسخريه:اي حبيبتي يوم انه بنتي قمر جالسه تعلم فيها ضحكت ام ثامر بهدوء وهي تصب لها شاي للمره الثانيه: الحمدالله ماعندي مثلكم هي اسراء وان شاالله عرسها قريب وعيالي كلهم صغار مطوله على سوالف حريم العيال والاحفاد ام سعد بنغزه:الا على طاري حريم العيال ثامر وقلتي بتاخذين له بنت اختك عمر ولدك هالحين كم عمره؟ ٢٠ ليش ماتشوفين ذي ريم يمكن تصلح له ام ثامر وهي ترشف من شايها : توه صغير لاحق(وبنغزه)اخذيها لفارس ام سعد بضيق:مايبي يعرس تعبت من هالولد عمره ٢٣ اقول له علاقل اخطب مير ماوده بالعرس هالحين ام عادل نزلت الجهاز وهي تشمشم الجو:يويلي تشمن الي اشمه ناظروه باستغراب لام عادل قامت من مكانها وهي ترمي الي بيدها وتلحق مكان الريحه دخلت للمطبخ وهي تبقق عيونها بصدمه وتشهق ويدها على صدرها:يوييليي حسبيى الله على عليك يا مسودة الوجهه انتيي وش انتيي مسويييههههه ناظرت لريم الي تناظر بتوتر للقدر الي كانت فاتحته وتناظر للرز الي احترق كله:سويت الي قالته قمر وكذا طلع والله ماعرف قربت ام عادل وهي ترد تشهقق:مطبخييي يويلي على مطبخيي انتي وش مسوييه فيييه يالرفله يالخبله وخريي شيلييه ارفعي القدر حرقتيييه لابارك الله باليوم الي شفتك فيه رفعت ريم القدر برتباك وبسرعه وبدون تنتبهه لحرارته فلتته بألم :اخخ.. طاح بالارض وانتثر الرز المحروق داخله بينما يدها بدت ترجف والدموع لقت مكانها بين عيونها الخايفه على صرخت ام عادل عليها وشدها لشعرها:انا وشش اسوييي فيككك انتي هااهه يالخبلهه يالمجنووونه انقلعيي انقلعيي لغرفتكك لاشووفك طالعه (وبجنون)انقلعييييييييييييي يييييي وخرت ريم بخوف عنها وهي تطلع لغرفتها على صوت صراخها وام سعد وام قامر راحو لها داخل المطبخ بينما ريم دخلت لغرفتها و قفلت الباب نفسها راحت لسريرها وجلست عليه ورجفت ايدها ماوقفت برعب بس خلاص تعبت منهم اليوم الصباح دخلت عليها عمتها واجبرتها تنزل تسوي الغدا تحت اشراف قمر الي علمتها عسريع وراحت تتكلم بالجوال بعد ماوصتها ماتعلم احد انه عندها خط تاركتها تناظر للقدر وخاصه انها ماتعرف تطبخ من الاساس ومانتبهت للوقت وانه كان لازم تقصر على النار واحترق الرز رفعت يدها وهي تمسح دموعها بتعب وهي تتراكا على سريرها وببالها ذكرى ذاك اليوم قبل ٣سنين قبل تتحجب والي جربت تطبخ فيه ببيتهم .. كالعاده نازله وباذنها سماعاتها تدندن على لحن الاغنيه ودخلت المطبخ وهي تسلم على الخدم ببتسامتها المعتاده تقدمت لثلاجه بعد ماشالت السماعات وبدت تطلع مقادير الكيكه:همم وين بلقى فانيلا سائله الحين طلعت البيض والطحين وباقي اغراض الكيكه على دخلت سلطان للمطبخ وهو ياشر لشغاله تعطيه مويه ناظر لها باستغراب:وش تسوين ريم الي كانت تكسر البيضه:اسوي كيكه لخوياتي باخذها للمدرسه سلطان تراكا على الجدار:ماشاءالله تعرفين تسوين انتي؟ ريم بغرور وهي تهف شعرها على ورا:صح انها اول مره لكن راح تطلع فناانه همهم سلطان بتفهم وهو يناظر لها تشتغل على الكيك:طيب ورا ماتخلين الشغالات يسونها ريم وهي تخلط بالخليط:ابي اجرب بنفسي مو كل شي تسوي الشغاله سلطان وهو ينزل الكاسه وقبل يطلع:طيب انتبهي لاتحترقين ناظرت له وببتسامه وهي ترفع يدها تبعد شعرها:افا عليك راح اسوي ثنتين واخليك تذوقها وتقول دايم تسوينها لي ابتسم لها بهدوء وهو يطلع:نشوف.. ... ناظرت لاظافر يدها وهي تبتسم بهدوء بين دموعها وصحيح قال الجمله بس كانت فيه كلمه "لا"بعد دايم وخاصه بعد ماحترق المطبخ كله بالكامل والله ستر عليها وقتها ردت دمعت عيونها وشفتها ترتجف لما تذكرت كيف كانو خايفين عليها وسالوها اذا هي بخير وسلطان اصر تاخذ فحص خاصه على جهاز التنفسي لانها بلعت دخان كثير خافو عليها وهدوها بدل ما تتصفق مثل ماسوت فيها ام عادل تنهدت باشتياق لهم ولايامها الهاديه .... مرت الشهور ثقيله على ريم نقل فيها عمها ابو سعد اوراقها لمدرسة قريبه منهم كانت تدرس الصباح وترجع تشتغل مع قمر تحت اشراف وعصبية ام عادل الي كرهتها بحياتها وبس تخلص تدخل غرفتها وتدرس مبعده عن الكل وبطول هالفتره كانو يجتمعون فيها تنزل تسلم وتطلع لغرفتها بحجت انها تبي تدرس واليوم تكمل ١٦ سنه بدون يتذكر احد هالشي ناظرت لجوالها بحيل مهدود من كل شي من شهور جوالها مفصول عن الخدمه وبدون نت هذا كان نظامهم هنا ماكان عندها حل غير انها تتخبى بالحوش الي ورا وتشبك على شبكة الجيران كل مالقت فرصه وترسل لماريا انها بخير وتسال عن اخبارها وبعدها تفصل جوالها وهي تدعي لهم لانه الشبكه بدون كلمة سر انقطعت عن خوياتها ماكان ودها ابد هالشي لكنها مجبوره بينما سلطان..ماسمعت عنه خبر من اخر لقاء كان بينهم وبكل مره لما تضيق فيها الدنيا كانت تصلي الوتر وتبكي وقبل تنام تفكر فيه وكيف هان عليه انه يتركها كذا بينهم كيف هان عليه انه كل شي بحياتها يتغير كيف انه مستقبلها كله مجهول وبيد اعمامها كيف انه..تنهدت وهي تستغفر ربها وتمسح دموعها قامت للحمام وغسلت وجها وهي تناظر نفسها بالمرايه مره التعب واضح فيها من البكي والهموم الي شايلتها طلعت وهي تجلس على الكنب وتناظر للجدار بهدوء تعبت كثير من الضغظ الي هي فيه ماهي قادره تستمع مافي مجال للمتعه كل يوم شغل كل يوم كرف وماهي قادره تتأقلم مع قمر او ذيك لمار الي تجي بين فتره وفتره والي فهمت انها تكون بنت ولد عمها سعد سوالفهم غريبه وماتحسهم بنات صالحات ابد وماهي مرتاحه لهم ولا ودها تحتك بأحد في هالبيت تسندت على الكنب وهي تناظر للسقف وتغمض عيونها وهي تتذكر عمتها نوره هي تكون اصغر وحده بعد ابوها وعمرها ٤٠ الي فهمته من حدة عمتها ام عادل معها انها ماهي متزوجه ودايما حظها ماهو بصالحها والاكيد عمتها ام عادل ماتفوت شي كانت طول هالسنين تتشمت فيها قشعر جسمها برعب للحظات من فكرت انه حالها يوصل لكذا تعيش يينهم لين يجننونها ويكتمونها ويسكرون عليها بين جدران هذا البيت هذا ماهو المستقبل الي تطمح له ابد مو هو... ..... في مجلس الرجال مجتمعين الي يلعب بلاوراق اللي منسدح قدام الشاشه يتابع كوره وفي الي جالس مستكن على الشاهي والبياله بيده دخل عمر ولد ابو ثامر بعربجيه وهو لابس الفروه:يا شباب وش رايكم بفروتي الجديده استقبال للشتا والي اخيرا شرف ناظر له فارس ولد عمه ابوسعد بهدوء من فوق لتحت :اييه حلوه ثم رجع ناظر لجواله ناظر عمر له بكره وهو يتعداه لعادل:والله انك نفسيه اقول عدوول وش رايكك ناظر له عادل بتدقيق:والله انك مو هين من وين ماخذها سحب عادل عمر من فروته وهو يشوف ملمسها:والله انها حلوه رفع عمر اكتافهه بفخر:افا عليك هجولة لي كم هجوله بساحه مع اخوياي وتراهنو لو عطيتهم كم عرض حلو و شتروها لي (جلس وبحماس)شف ترى خامتها قويه عادل بغيره وهو يمسح على دقنه برجا وهو يناظره:عمر توسط لي تكفى بهجول لهم واخذ فروه ابتسم عمر بفخر:افا عليك مايحتاج انا اهجول لك بسياره واجيب لك وحده كم عدول عندي ضحك عادل بفرح:والله انك كفو ورجال قاطعهم دخول سعد بضيق وهو يجلس ناظر له فارس باستغراب: وش بك سعد بعصبيه:وش بعد ذي الريم ذي ثالث مره تحرق فيها الغدا ماهي بحاله كل شوي مخسره من اغراض المطبخ وماناكل فارس بضيق:ولي يخلونها تطبخ يوم انها ماتعرف (وبستفسار)الا هي كم عمرها سعد بضيق وهو يصب له من الشاهي:اكبر من لمار بنتي بسنتين يعني حروة ال١٦ فارس بتفهم:اييه بعدها ورع ماهو انتم ماخذينها قبل سنه مايمديها تتعلم تطبخ سعد بصوت شبه مرتفع وبيده الشاهي يحرك فيه بشرح:لمار بنتي وهي اصغر منها وتعرف العمر ماهو حاجز يوم انها تحرق الطبخه كل مره فارس بشرح :اييه بس يا ابوسالم انت خابر بنتك معلمينها من كم سنه ذي توها بعد الواحد يرحم شويهه طلع سعد دخانه وهو يحطها بطرف فمه ويشغلها ويسحب له وحده ثم يطلعها بهدوء:ماهو عذر الا رفله ومامنها فايده مدري منهو المقرود الي بيعرس عليها تنهد فارس بهدوء وهو ياخذ الشاهي ناوي ينهي النقاش الي بدون فايده ... داخل البيت وبعد ما قامت حسنه حرمة سعد وضربت الصدر بانها بتسوي لهم اسرع طبخه وتغدو وخلصو جلست ريم بضيق بالمطبخ وهي تغسل المواعين ناظرت وراها لقمر الي كل شوي تدخل وتحط من المواعين وتطلع هي ولمار يشيلون الباقي ناظرت ليدها المليانه بقايا اكل عضت شفتها بضيق:ياربي وش هالحاله كملت تغسل بالقدر المحترق والي ماهو راضي يروح عدل دخلت ام عادل عليها وهي تناظر للمواعين الي بلارض:ابك انتم ماخلصتو دخلت قمر وبيدها الكاسات حقت المويه الي شربو منها:الا يمه بنخلص قريب ان شاءالله ام عادل: اييه زين تسوين يوم تخلصين قومي روحي اشطفي الحوش وبكرهه لريم:وانتي لاخلصتي من المواعين نظفي عيون الغاز والمطبخ واشطفي الارضيه وراك ولا والله عشا ماتاخذين تفهميين؟؟؟ ريم بضيق وهي تلف لها:طيب..(وبهمس)استغفرالله ضيقت ام عادل عيونها:قلتي شي؟؟؟ ريم ردت تناظر لها بهدوء:لا سلامتك سحبت ام عادل برقعها وهي تناظر لها بعيونها المكحله :اييه عبالي بعد ____________________________________ نوقف هنا.. رايكم؟!! توقعاتكم شنو بيصير مع بطلتنا ريم!!! سلطان؟! ام عادل؟! نوره؟! عيال اعمامها..!! اتمنى استمتعتو ببارت اليوم والاحداث مليانه قدامنا باذن الله???? اشوفكم بالبارت الجاي????