الفصل 24 والاخييير
البــــــــــــــــــــ الرابع والعشرين ــــــــــــــــارت
"العصر"
دخل زيد:زين شفتكم متجمعين اوه الحلوه نجد عندنا
نجد:زيد مالي خلق لك نفسي بخشمي
زيد:بمشيها لك عشانك بفترة الوحِام بس
نجد:اسكت اسكت !!
زيد:طيب بدخل بالموضوع بسرعه ابي اتزوج
نجد:خير ان شاءالله تسوي فينا زي ذيك المره نخطب لك وبعدين تقول خلاص مابيها انقلع يالبزر
زيد:شوفي نجد ترا بصفقك كف اخليك ماتقدرين تتكلمين ياختي اسكتي اسكتي شتبين !!!
وبعدين البنت اللي خطبتوها قلت لكم ماعجبتني كيفي
مناور:خلاص اسكتي عن اخوك من تبي تخطب ؟
زيد:شروق
نجد:تمزح شروق بنت عمي عايض ؟لالا حبيبي اكيد عمي مراح يرضى فيك
زيد:وليش ان شاءالله ؟
نجد:عندك عيال لو ماعندك يمكن يوافق
مناور:زين حنا نبيك منزمان تتزوج من العائله بس عاندتنا وتزوجت اللبنانيه وتركتك بعدين
زيد:اول شي لها اسم وهو كارما ثاني شي هِـي ام عيالي قدرو العشره اللي بيني وبينها وكانت طِيـبه معاكم ولاغلطت عليكم
مناور:قّم معاي نروح نكلمه
زيد:الحين ؟؟
مناور:اي الحين الموضوع مايتأجل ليوم ثاني
طلعو
عايض:ماني موافق !!
مناور:ليش ياخوي زيد وتعرفه زين ومن هو صغير وهو قدامك وتعرف تربيتي زين
عايض:عندك عيال يازيد !!
زيد ضحك:وش مشكله عيالي بالموضوع ؟
عايض:ويمكن شروق موقادره تتحمل مسؤولية عيالك
زيد:بتخسر شي لو قلت لها عن الموضووع ؟ انا ابي شروق ومابي غيرها !!
عايض:ان شاءالله بكلمها وارد لك خِبر
زيد:عمي لاتطولون !!
مناور:ماعليك منه خذو راحتكم بالموضوع ولاتستعجلونن
عايض:تقهوى ياخوي تقهوى
جمانه:مابي بمنتجع ابي بالبيت
شروق:يالله غبيييه شوفي تبينه عائلي سويه فِي منتجع يطلع يجنن وفخم ياختي تكفين قولي ابيه بمنتجع
جمانه:ودك بمنتجع ؟
شروق:اي نفسييي يكون العرس بمنتجع
جمانه:ان شاءالله يكون عرسك بالمكان اللي تبينه ياقلبي
شروق:مطوله ياروحي مطوله
عايض:من قال ؟ جايك عريس ياحلوه
شروق:لاتقولها اخيراً
جمانه بصدمه:خير ؟؟
عايض ضحك:ماعليك منها ماسالتيني منهو العريس ؟
شروق:اي منهو ؟
عايض:زيد ولد عمك مناور مايحتاج اتكلم عنه لانك عارفته
شروق وقفت:عندي شغل رقت وسكرت باب الغرفه الله ياخذك ياشروق وربي كنت اطقطق اي صار الموضوع جدي اشوفك اكلتي ترابب
قاطعها طّرق الباب فتحت الباب:هاه ؟
جمانه ضحكت:اشوفك هربتي شفتي اقولك لاعاد تمزحين لان بتطيحين بموقف بايخ
شروق:اف ليت سمعت كلامك ياربي ماتوقعت ابوي صادق لانه دايم يمزح معاي كذا عشان يحرجني واسكت
جمانه مسكت يدها:تعالي وقولي لي انتِ موافقه عليه ؟
شروق:ماعرف موافقه او لا متردده وكثيير
جمانه:شوفي شروق صلي صلاة الاستخاره وفكري كويس وانا عارفه انك تطلعين وتقابلينه وتسولفون مع بعض بالساعات
شروق غطت فمها بيدها:تمزحين كنتي تراقبيني ؟
جمانه:ماكنت انام لان اسولف مع هيثم الا اسمع صوت باب غرفتك وعلى هالموال لين جاني الفضول وين تذلفين ولحقتك وسمعتك انتِ وزيد بالمستودع جالسين وتسولفون وبعض الاحيان يجيب لك قهوه
شروق:الله ليت حبيت زيد ولا حبيت الحيوان رائد لطيف بشكل يعني مدري شلون اوصِفه لك
جمانه:وش افهم مِنك ؟
شروق:اكيد بوافق عليه تحسبيني برفضه بس بطول شوي بالموافقه
جمانه:طيب ليش مانخلي عرسي وعرسك مع بعض
شروق:انا ابيه بمنتجع وانتِ تبينه بالبيت
جمانه:والله بالبيت يطلع حلوو تعالي بوريك بوريك
شروق:هيه ماندري يمكن يطول زواجي
جمانه:اطلبي انه يكون مع زواجي والله بيطلع حلو
شروق ضحكت:خليني اوافق بالاول بعدين نشوف
"الاسِتراحه"
ذعار:والله انا عن نفسي ناوي اطق الاربعين ولا راح اتزوج
سند:انا معاك والله ياعيال احس الزواج مايناسبني
ذعار:صادق
ضاري:اقول سوالفكم طولت انا ماشي
زيد:انا مامعي سيارة وجاي مع سند بروح معك
سند:تخلي خويك ؟
زيد:خويي طاقها سوالف وراي دوام بكره
ذعار:الله يادوام ترا كلنا نشتغل مع بعض اقول اجلس بنسهر ونروق شفيكم كانكم عجايز تنامون بدري
ضاري:اقول اسكت تبي تروح معي زيد ؟
زيد:اي اي معاك بس باخذ سلك الشاحن
ذعار:يليل اجيبه معاي ياخوي
زيد:تصير زي ذيك المره وماجبته وزرفه كِنان
ذعار:كِنان مسافر ماهو هِنا بجيبه والله اجيبه
سند:من حلف بالله فـ صدقوه
زيد:يلا تجيبه ياويلك تنساه
"زواج جمانه وهِيثم , شروق وزيد"
جمانه:ليش ماتبين تسوين زفة ؟؟
شروق:احلفي وش اسوي زفه مابي مو حلو بجلس هنا مروقه واكل لين يجي وقت دخول الشيخ زيد
اشِجان:وانتِ همك بطنك ؟ بنات خير طيب ليش مسوين الزواج عائلي موعشان ناخذ راحتنا اكثر ونستانس مع بعض ؟
جمانه:ايوه
نجد:مافيني حيل اقوم وارقص معاكم ارقصو عني
تغريد ضحكت:ياعمري نجد قسم بالله شكلك
شروق:نجد ياختي مع الحمل صرتي نتفه اكثر من قبل
نجد:ياحيوانه مولابِسه كعب قسم بالله مافيني حيل البس كعب شايفه بطني وش طوله البس كعب ؟
شروق:تولدين بالسلامه ان شاءالله
اشِجان:يلا خلصوني من تبي تنزف اول ؟
جمانه:خلاص انا اول بعدين شروق تمام ؟
شروق هزت راسها بالايجاب جلست وشهقت بقوه:بناتت !!
لفو عليها بخوف
شروق:احسني اشتهيت مكرونه بالباشميل
نجد:اقول انا اطلع المجنونه ذي بتخليني اولد الحين والله
اشِجان:سخخيييفه اول مره اشوف عروس مثلك تفكر فِي بطنها وش تاكل
تغريد:يوم زواجي قسم بالله حتى مويه ماشربت من الخوف
جمانه:انا ماتشوفين حلقي ناشف احس موقادره اشرب و هاذي بلعت كل شي موجود ماشاءالله
بعد ساعتين ونِص
"الفندق "
زيد:وش حابة تاكلين على العشاء ؟
شروق:مومشتهيه نفسي مسدوده
زيد:ليش ؟
شروق:والله صدق مابي اكل مومشتهيه شي
زيد مسك يدها شروق علطول سحبتها:ليش ؟
شروق:وشو ليش اقولك بعد عني خير !!
زيد ضحك:يابنت انا زوجك وش بعد عني ؟
شروق:لا والله اقول بعد عني
زيد:طيب قصري صوتك فضحتينا خلاص ماني مقرب منك
شروق:يكون احسن خلك بعيد
زيد:طيب قومي بدلي ملابسك
شروق:ياويلك تلحقني يازيد ياويلك
زيد:طيب خلاص ادخلي مراح الحقك
دخلت للغرفه بسرعه وهي تسكر الباب ماكان فِيه مفتاح تاففت وهي تجلس على السرير وتحط يدها على قلبها:شلون اهرب منه ذا يمه امزح رجعوني
فتحت الشنطه واخذت لها بجامه ودخلت للحمام "يكرم القارى" مسحت الميك اب وعدلت لبسها وطلعت شهقت من سحبها ورصها على الجدار: وتتوقعين اترك يوم صرتي حلالي ؟
شروق:زيد ؟ زيد حّاوط خصرها:اشش لاتحاوليين !
"جمانه وهِيثم"
هيثم:تعالي اجلسي بقولك سالفتي اللي انتِ موفاهمتها من الاساس
جلست جِنبه شبك يده بيدها كنتي طالبه بالثانويه يمكن ثالث او ثاني ثانوي ماذكر والله وكنتي طالعه من المدرسه معصبه وكنتي محجبه فقط عكس البنات الباقي متغطين والله العظيم دخلتي قلبي علطول كنتي جميله جميله بشكل كانت تدرس معاك وحده من بنات خالاتي وماكان عندي خوات يدرسون وقتها بالثانوي مافيه الا فتون بنت خالتي وحاولت فيها انها تجيب لي اسمك بالبدايه رفضت بس حاولت قد ماقدر اني اجيب اسمك وفعلاً جابته لي كامل حتى سجلته لي بورقه عشان ماتنساه ضحكت جمانه:كمل ؟
هيثم:بعدين صرت اكتب لك رسايل غّزل واتعب عليها بالساعات ارتب الكلام وكانت تحط الرساله بشنطتك وانتِ تجيني وتقطعينها وتحطينها بالزباله "يكرم القارى" بدون لاتقرين ايش فيها
وكانت تجي فتون وتقول لي ايش سويتي بالرساله وهكذا لمدة 4 شهور وانا ارسل لك صارت الاختبارات النهائيه وتعرفين الشارع يكون فاضي بالتمام كنت انتظرك تطلعين عشان اشوفك بس مسكتي فتون المسكينه وضربتيها عند الشيء ذا وعرفتي اني انتظرك برا وعرفتي سيارتي بعد طلعتي وصرتي تدورين سيارتي شفتك تضحكين وترفعين الرساله وتقطعينها وترمينها على الارض ودعستي عليها انا هنا عصبت منك ولحقتك لين بيتك نزلت وانتِ خفتي وصرتي تصارخين جمانه صرخت:امانهه اللي جلدوك زيد وضاري ؟
هيثم ضحك:اي عيال عمك
جمانه:ياعمري عليييك انا اسفه
هيثم:شوفي وجهي بسبب زيد ولد عمك والله حيوان ماعنده تفاهم طلع المفتاح وصار يمشخ وجهي فيه
جمانه تحسست مكان المخشه:هي اللي مّحليتك تدري ؟
هيثم:من صراخك يابنت الناس قسم بالله اني خفت بس اشوا عدت على خير ومن بعدها لو برجع للحاره برجع وانا خاطبك بعد
جمانه:ياروحي انت
هيثم سحبها لحِضنه: يا كثر حبّك بقلبي .. ويا حلو قلبي فيك
"تغريد وضاري "
دخلت للبيت لان تأخرت شوي بالجلسه عند اهلها
سمعت ضحكات ضاري تتعالى بالغرفه ابتسمت وهي تتجه للغرفه اختفت ابتسامتها مُجرد ماقال لها انا اشتقت لك اكثر والله ماتبي تتسرع وتحكم على ضاري بالخيانه للمره المليون جلست عند باب الغرفه وهِـي تسمع كلامه معاها ضحكت بسخريه:الخيانه طبع والطبع غِلب التطبع !!
وقفت وهي تفتح باب الغرفه بقوه لدِرجه صفق بالجدار فز ضاري بخوف:بسم الله !!
تغريد:لمتى ياضاري وانت تسوي هالحركات وتستغفلني !! للمره العاشره اعطيك فرصه ليش ياضاري تسوي فيني كذا ليشش !!! ماتقدر تصبر الا اذ كلمت بنات وش تستفيد قُل لي وش تستفيد ماتخاف الدنيا تدور واللي تسويه في بنات الناس يرجع على بنتك بيوم من الايام !!
ضاري:بس
تغريد:ضاري والله مليت منك والله انا تفشلت خلاص كل شوي رايحه لبيت اهلي وبعدين ارضى وارجع لك بس تدري ؟ هاذي المره الاخيره اللي بتشوفني فيها عندك ومراح اروح بيت اهلي لان اعرف بيزنون فوق راسي لين ارجع لك ضاري خلاص اللي بيني وبينك انتهى لانك واحد كذااب وماتستاهل أي فرصه ثانيه ضاري:اسمعيني طييبب !!
تغريد لفت نظرها له:الطلاق وبس ابي اسمع منك الطلاق بس اللي بيني وبينك انتهى !!!
ضاري مسكها مع يدها:اسمعيني لاتستعجليين بقرارك طيب
تغريد نزلت دموعها وهي تضربه على صدره ضربات متتاليه:تعبت منك ومن حركاتك !!!
اتركنيييي
ضاري:تكفين تغريد سامحينننيي
تغريد بعدت عنه وهِـي تنزل على الارض وسندت راسها على الجدار ضحكت وهي تمسح دموعها بعنف رفعت نظرها له وكان جالس ويناظر لها:شي واحد وابيك تنفذه وتريحني !!!
ضاري:إذا كان الطلاق ماقدر اطلقك انا ابيك واحبك والله
تغريد:اللي يحبني مايخون ويخلف بوعده ومَايلهي مع غيري وينساني
ضاري:مانسيتك مانسيتك من قال اني ناسيك انتِ تعرفين بحبي لك !!
تغريد ضحكت بسخريه وهي توقف وتعّدل عبايتها:اللي يحبك تبان افعاله ولا الحكّي ؟ كلن يقوله سحبت شنطتها وحملت ايلان بين يدينها وطلعت من البيت
"نجد ورائد"
نجد:ارسلت لك اغراض للبيت جيبها
رائد تافف:نجد خلاص كل شوي طلبات طلبات !!
نجد:طيب اغراض ناقصتنا بالبيت وجيبها معاك
رائد:طيب خلاص لاتكثري هرج
نجد:انت شفيك لك يومين منفس بوجهي خير ان شاءالله
رائد:انتِ كل همك تصرفين ترا انا مو على بنك كل شي جيب جيب جيب !!!
نجد:رائد انا ماعمري طلبت منك الا الضروري وين المشكله بالموضوع
رائد:ليتك تهتمين فيني زي ماتهتمين بنواقص البيت
نجد:رائد ودك تتهاوش مو رايقه لك ترا كافي الحمل لاعب فيني ومخلي نفسيتي زفت بالله لاتزيدها علي انت بعد
رائد:لو هِـي مكانك ماقالت الكلام ذا وقف وهو يسحب مفاتيحه مسكته
نجد:تعال مين اللي لو هِـي مكاني ؟ رائد شقاعد تقول انت !!
رائد:ماقول شي وخري عني موتبين اجيب لك نواقص البيت ؟
نجد:لا قول لي من هِي اللي مفروض تكون مكاني ؟
رائد:ودك تعرفين لـذي الدرجه ؟
نجد:ايوه قول مين هي ؟
رائد:اجلل شوفي ليت شروق هي اللي مكانك لو فكرت بس شوي اني اتزوج اللي تحبني وراح تسوي أي شي عشان ترضيني
نجد:تفكر بشروق انت الحين تفكر بشروق وهي على ذمة رجال ثاني ؟
رائد:هذا اللي قاهرني تدرين لو ماتزوجها زيد انا اللي بتزوجها وبجيبها فوق راسك بعد طلع وهو يصفق الباب بقوه
نجد جلست على الكنبة وهي حاسه بالبرود بعِلاقتهم من بعد ماحملت:مافكرتي يانجد لو شوي انه ممكن يفكر فيها ويحب اهتمامها اللي خسره بعد ماتزوجك !!
«وعَانق الرّوحِ ، إن الروحَ مُتعبةُ، ضمة منك بعد الموت تحييها، املأ فوادي بقربٍ منك ينعشهُ فرَاحتِي من سنا عينك أجنيها »
دخل للبيت وكان ظلام رغم انه الان ظهر الا انه البيت صار على هالحال من 9 أشهر تنهد بتعب وهو يفصخ جاكيته حِق البدله خلخل اصابعه بشعره مايعرف كيف يطلعها من هالحال طلعت وكانت ملامِحها باكيه ماكانت تبي تبين له انها كانت تبكي ولكِن هو عارفها زين فتح يده لها وماعارضت ابداً اسّرعت بخطواتها وجلست بحضنه ودفنت وجها بصدرها حاولت قد ماتقدر انها تخفي بكاءها نزل نظره لها وشاف اهِتزاز جسمها وعرف انها تبكي شدها له وهو يحاول يهديها رفعت نظرها له وهي تمسح دموعها:كِنان ضايقتك ؟
كِنان هز راسه بالنفي:لا ياعين كِنان انتِ
اشِجان:ضمني ياكِنان لعّل وعسى يخف وجعي تعبت ياكِنان تعببت هلكني الكيماوي والله هلكني
كِنان:اصبري ياعمري انتِ ولك الاجر بأذن الله
اشِجان:خايفه اموت واكون بعيده عنك وعن ابوي واخواني خايفه وكثييير
كِنان:لاتخافين انا معاك مراح اخِليك
اشِجان:بسالك انت تحبني ؟
كِنان ابتسم وهو يبوس راسها: أنتِ الوححِيده اللي استقريتِ في اعمق جزء في ققَلبي ، أنتِ اللي اغنيتني عن كل اللي حولي ، أنتِ حبيبتي وصدفتي الحلوه وكل اششِيائي
اشِجان رفعت نظرها له وهي تبتسم له
كِنان رد لها الابتسامه وباس خدها
رفع يده وهو يمسح على شعرها لف نظره ليده وهو يشوف كمية الشعر اللي طاحت بين يدينه
شد اشِجان لحضنه بحيث يكون وجها عند صدره
اخفى شعرها بجيب بنطلونه نزلت دمعه مِنه احرقت خده .
♡النهـــــــــــــــــــــــايه♡