♡انا الذي لايهزني برق ولا رعد أعينين متلألأه تهزم ثباتي ♡ الكاتبه: شادن البـــــــــ الاول ـــــــــارت وقفت وهي تعّدل بِلوفرها اللي شبة طويل وتلبس العبايه وتنقبت اخِذت شنطتها وجوالها:صباح الخير علي:صباح النور وين رايحه ؟ اشِجان:بقابل وسن بنتقهوى بعدين بنروح المول علي:جهزي نفسك ترا حِجزت للسعوديه وبكره رحِلتنا الساعه 7 الصَباح اشِجان:ليش نرجع للسعوديه ؟ علي:اشِجان ترا جالسين باليونان لنِا 10 سنوات قاعِدين هنا وحنا المَفروض راجعين مِنزمان طيب ؟ بس انا سكِت لانك حابه تدرسين هنا التصميم وانتِ لك 3 شهور مِتخرجه خَلاص افضل شي نرجع وتتوظفين بنفس مجالك بالسعوديه اشِجان طلعت بدون لاتِنطق بأي كلمة وهي مقهوره موحابة انها تِرجع ركبت سيارتها وهي تتصل على وسن:وينك انتِ للحين نايمه ؟ وسن ضحكت:يلا تعالي انتظرك انتِ الي نايمه دخلت للكوفي وهي تجلس:السلام عِليكم وسن:وعليكم السلام وينك انتِ ؟ اشِجان:وقفني ابوي وقال انه بنرجع بكره للسعوديه تدرين ؟ وسن:تمزحين يعني خلاص بتروحين للسعوديه ! اشِجان:ايوه بكره ساعه 7 وسن:طيب خلينا نروح للمول وقفو وهم يطلعون ويرحون للمول "السعـوديه" سهاد:دق عليه خليه يجي له 3 شهور مانعرف عنه شي نبي موظفة لقسم التصميم ضاري دخل:رد علي ويقول انه بالطريق اليوم بيجي ع المغرب كذا تغريد وقفت وهي تطلع من الصاله ضاري ناظر فيها وهو يدخل وراها:شفيك انتِ ! تغريد لفت نظرها له:نعم تكلمني ؟ ضاري:ايه اكلمك ليش كل ماشفتيني تقومين ؟ تغريد:لان مابي اشوف وجهك عايفتك طيب ؟ ضاري:تغريد خلاص ليش مَانتي راضيه بالشيء هذا ! تغريد لفت نظرها له:ارضى !متزوج اعز صاحباتي واشوف خياناتك لي وتبيني اكون معاك عادي ! يعني اشوفك تكلم بنات قدامي وتقابلهم كَمان وتبيني قاطعها:بس بكيفي انا اسوي اللي ابيه تغريد:اوك وانا بسوي اللي ابيه وللمعلوميه تراني جالسه عِندك عشان ايلان مابيها تكبر بدون اب عاد لو تشوف ابوها حَركاته حركات مُراهقين مو بيصك ال 30 ضاري:انتِ تدرين اني مابيك وانا تزوجتك عشان وصية جدي فقطط ولاانا ماحبك تغريد:طيب اطلع برا اطلللع ! ضاري:انتِ شايفه لبسك ؟ انتِ اصلا ذوق مِاعندك ذوق بس جالسه بالجلابيات كانك عِجوز ! مو وحده عِمرها 24 سنه وتبيني اجلس عِندك انتِ شوفي كشخة البنات الي يجذبونك غصب عنك وانا رجال قاطعته:ضاري اطلع برا ! اطللع ضاري ضحك بسخريه:انجرحتي ؟ طلع ضاري وسكرت الباب بقوه دخلت للحمام "يكرم القارى"وفتحت الدش وجلست تحته بملابسها وهي تعض اصبعها السّبابه تمنع شِهقاتها مِن الخروج ماتبي تبين ضعفها لأحد وخصوصاً ضاري نِدمت على زواجها مِنه كرهت حياتها فعلاً تعبت نفسيتها مِنه "شروق,جمانه" جمانه:تبين تطلعين معاي ؟ شروق:مالي نفس اطللع جمانه:خلينا نطلع نغير جو واليوم الجو ممطر فيه احلا من كذا ؟ شروق:عارفه بس مالي نفس اطلع جمانه:بكيفك اخذت جوالها وهي تنزل وجلست بالحوش وكان ينزل مطر كثير ابتسمت وهي ترفع يدها وتدعيي وسط المطر نجد ناظرت ب روابي:نعم شتبين ؟ روابي:مابي شي انتِ الي شتبين ناويه على مشكله ترا ابد مورايقه لك نجد ناظرتها مِن فوق لتحت وهي ترقى للغرفه وتتصل على صقر ثواني ورد عِليها:هلا نجد:وينك ليش ماصرت تتصل علي اشتقت لك والله صقر ابتسم:انا والله الي اشتقت نجد ياعمري عندي شغل اليوم كثير فترة الغدا اكلمك عادي ؟ نجد بزعل:صقر وش فترة الغدا ساحب علي يومين ماسمعت صوتك الا الحين صقر:لاتزعلين مني بس تقروشنا بسبب ماعندنا مصممه ف الشغل صاير كثير وندور على موظفه صار لنا شهر ندور ف ماش مالقينا وحده تاخذ مِحل الي راحت اكلمك شوي تمام ؟ نجد:لاتتصل لاني مراح ارد عليك "اليونان" علي:جيتي ؟ اشِجان:ايوه جيت شريت كم لبس لي وشريت اكسسوارت ودعت وسن علي:جهزي اغراضك لان بكره نبي نروح قبل الرحله بساعه اشِجان:يعني لزوم نرجع للسعوديه ؟ علي:ايوه لزوم وترا قِلت لاخوي يدبر لك شغل بالرياض اشِجان:حنا بنروح الرياض ؟ علي:ايوه بنسكن بالرياض حُولت لاخوي فلوس من كم شهر عشان يشتري لنا بيت اشِجان:انت مخطط ولاقلت لي انه بنرجع للسعوديه الا اليوم ! ابوي انا مافكر اني ارجع مابي ارجع علي:اليونان ماردنا بنتركها اليوم او بكره او عِقبه لان اهلنا وناسنا بالسعوديه موهنا باليونان طيب ! اشِجان وقفت وهي تدخل لغرفتها وتفتح الدولاب وتطلع الشنطه وتحط اغراضها وتكوي عبايتها والطِرحه خلصت اغراضها ولفت للساعه تُشير للساعه 9:30 اليل انسدحت على السرير وهي ميتته تبي النوم غِفت بدون لاتحس على نفسها ' دخل للشقه:اخبار حبيبي ايان ؟ ايان ابتسم ضاري:وين ماما ؟ صار يدور حصه ماشاف زولها دخل للغرفه وانصدم بأنها نايمه وايان لحاله مافِيه فوق راسه مُراقبه لوصار له شي صرخ باعلى صوته:ححصصصة ! فزت بخوف:بسم الله شصاير ! ضاري:شصاير كل ذا وش صاير ! حصه منجدك مخليه ايان لحاله ! وياكل شبس بدون مراقبه منك لوغص فيها لو شرق بالعصير حصه:مراح يصير له شي لاتكبر الموضوع ضاري مسك مِعصمها:يعني ننتظر يصير له شي انتِ بعقلك يامره ! حصه:ضاري تراك طفشتني خلاص انا اعرف لولدي لاتاذيني ضاري:ترا بتندمينن ياحصه بتندمييين على حركاتك ! حصه:مراح اندم دخلت للحمام "يكرم القارى"وهي تغسل وجها وتوضي وتصلي العصر دخلت للمطبخ وهي تسوي قهوه بعد 10 دقايق جلست وهي تصب قهوه وتِمدها لضاري:ترا لي شهر عن اهلك ودي ازورهم ضاري:بعدينن مالي خلق لك انتِ وتغريد حصه مِيلت فمها بملل وهي ترتشف من فنجال قهوتها ضاري:لاعاد اشوفك تكررين حِركتك اليوم تنامين وتخلين ايان لحاله فاهمه ! حصه:فاهمه وايان كبير عمره 4 سنين ويفهم ضاري:هذا طفل طفل وش كبير الي عمره 15سنه لزوم عليه مراقبه شلون طفل عمره 4 سنين حصه:تمام ضاري فهمت فهمت ضاري ابتسم لها وهو يقوم:يلا انا ماشي ومِد لها 1000 روحي السوق واشتري الي ناقصك انتِ وايان حصه ابتسمت:تمام مشكور طلع ضاري وهو يرد على البنت:طيب خلاص لاتزعجيني نكد الساعه 2 اليل طلعت شروق وهي تمشي بشويش وتفتح الباب الي كان بينهم وبين بيت عمتها جوزاء دخلت للبيت وهي تمشي على اطراف اصابعها دخلت غرفة رائد شافته نايم والمُهدئات عند راسه نزلت دمعتها بحزن على حاله تغير رائد من سنه ونص والسبب مخفي ماحد يعرف ايش صار له حتى اهله مِلامحه بهتت صار غير رائد ماهو رائد الاولي مسحت على شعره وهي تبكي وقف بخوف وهي تشوف عمتها دخلت:شروق ؟ وش جايبك باليل ؟ شروق:عمتي تكفين لاحد يدري توبه والله مراح ادخل عنده مره ثانيه انا اسفه والله مراح ادخل ولااعيدها جوزاء ضحكت:شفيك خفتي اكيد مراح اقول لاحد تعالي ابيك انا ترا اشوفك وانتِ تدخلين بنفس الوقت وتتطمنين عليه وتطلعين شروق مسحت دمعتها بطرف اصبعها:تغير رائد ياعمتي تغير وكثيير ماهو رائد الاولي جوزاء تنهدت بتعب:مدري ايش فيه والله خايفه عليه وانا وابوه عِجزنا فيه رفض يروح للمستشفى رفض تام شروق:ليش ماتخلون واحد من العيال يكلمه لزوم يروح للمستشفى تكفين عمتي حاولي فيه يمكن قاطعهم رائد وهو يصحى شهقت وهي تلف حجابها عّدل رائد:شجايبك انتِ ! امي ليش ذي بغرفتي ! جوزاء:خلاص ارجع نام شروق طلعت وهي تنزل بسرعه بترجع للبيت رائد:امي وش جايبها هنا ؟ جوزاء:شفيك جايه تساعدني وانا جيت اتطمن عليك وهي دخلت معاي رائد:ترا فِيه شي اسمه خصوصيه قليلة الادب هاذي لاعاد تدخل غرفتي صدق وقحه جوزاء مسحت على شعره:ارجع نام انسدح رائد وهو متنزفز من وجود شروق عِنده وبالساعه هاذي ثواني بسيطه ورجع ينام لفت جوزاء وهي تدور شروق بعيونها عرفت انها رجعت للبيت يتبع...... ـــــــــــــــــــــــــــــــــــــــــــــــــــــــــــ
