الفصل 22
البــــــــــــــــــــ الثاني والعشرين ــــــــــــــــارت
تغريد:ومستانسس بعد ضاري خير !!!
ضاري فتح باسورد جواله ومّده لها:خوذي وفتشيه
تغريد ابتسمت:ليه تحسبني بقول لك لا ؟
اخذته وهي تجلس على السرير تربعت وهي ترفع نظرها اذ فيه شي من الحين قوول !
ضاري:فتشي وشوفي انا مراح اتكلم او اشتت انتباهك
تغريد تاففت وهي ترمي الجوال عليه:خلاص مراح افتشه
ضاري:فتشي عشان ترتاحين ولا اقولك بشيل الباسورد ارتاحي
تغريد:يكون احسن تشيله
ضاري:طيب سوي لي شاهي من يدينك الحلوين
تغريد:من عيوني كم عندي ضاري انا ؟
" غرفة شروق"
دخلت وضرب الباب بالجدار فّزت:بسم الله الرحمن الرحيم خير ان شاءالله !!
نجد:وش بينك وبين زيد !!
شروق:مابيني وبينه شي وش بيكون يعني !!
نجد ضحكت بسخريه:شايفتني طفله وبصدق كلامك ! شروق انا عارفتك زين وعارفه ايش تبين توصلين له
شروق:مالك دخل فاهمه ويلا اطلعي برا يلا !!!
نجد صرخت بوجها:مراح اطلع واذ مابعدتي عن زيد والله لاعلم عن حركاتك معاه
شروق ضحكت:طيب خلصتي ؟ اطلعي !!
نجد:ابعدي عن زيد ولا راح يصير لك شي مايسرك فاهمه !!!
دخلت اشِجان:نجد !!
نجد لفت نظرها:شتبين اشِجان ؟
اشِجان:ليش تكلمين شروق بـ ذي الطريقه ؟
نجد:مالك دخل موضوع بيني وبين شروق خليك بعيده عنه احسن لك
اشِجان:اشوف الغلط واسكت ؟ انتِ غلطانه عليها
نجد:ماغلطت قلت لها بعدي عن اخوي فيها شي ؟
شروق:اشِجان لاتدخلين نفسك بسالفة تافهه !
نجد:اعيد واكرر ابعدي عن اخوي
اشِجان سحبتها من عبايتها:نجججد !! يكفي يكفي زيد مو بزر وماله داعي تتدخلين بحياته
نجد:لو تحبه بصدق مراح اوقف ضِدها وانا عارفه قلب شروق يميل لِمـين وماله داعي نكذب على بعض شروق تحب رائد للان بيوم وليله نسيتي حبك له وحبيتي زيد سبحان الله
شروق جلست وهي تضغط على راسها:نجد تكفين خليك بحياتك ولاتتدخلين بحياتي لوسمحتي
نجد:شروق خلاص ارخصتي نفسك وكثير ليش طايحه بكبد نفسك يوم تسوين الحركات ذي ؟
اشِجان انصدمت من كِلامها:نجد ايش الوقاحه ذي اطلعي ولاوالله لاعلم عمي بكل شي وتعرفينييي !
نجد عّدلت عبايتها وطلعت جمانه:وش عندك ؟
نجد:ماعندي شي
دخلت جمانه وشافت شروق تبكي واشِجان حاضنتها:شفيكم شصاير ؟
اشِجان:ولاشي
شروق:ممكن تتركوني لحالي احس بصّداع ودي انام شوي
اشِجان:لاتنامين خلينا نطلع ونتمشى شوي
شروق:مالي نفس اطلع أي مكان
جمانه:اشِجان خليها على راحتها شروق اذ تبين شي تعالي قولي لي
شروق هّزت راسها بالايجاب
سكرو الباب اشِجان:هاذي نجد صايره وقحه !!
جمانه:استغفرالله ياربي شفيهم ذولي انهبلو والله !
اشِجان:وكل اللي صاير بسبب رائد تدريين ونجد تحسب انه شروق تسوي كل شي عشان تتقرب من رائد اكثر مدري شلون تفكر !!
جمانه:الحين شروق تسوي كذا عشان تتقرب من رائد !! تكفين ذي شلون فكرت فيها ايش العقل ذا
اشِجان:انا بروح انام شوي احس للحين فيني نوم
جمانه:اجلل بكمل مسلسلييي
"يوم زواج نجد ورائد"
جمانه:بتروححين ؟؟
شروق:ليش ماروح يعني شفيكم انتم
جمانه:مدري بس اشوفك قاعده تسوين الميك اب حقك
شروق:بروح وبرقص وبستانس نجد عندها شي !
جمانه:شروق !!!
شروق:تبين شي يوم انك واقفه فوق راسي ولابس جايه تنكدين علي وتمشين ؟؟
جمانه:بنروح الصالون تروحين معنا ؟
شروق:خلصت الميك اب حقي بس بسوي شعري بالصالون
جمانه:طيب يلا اشِجان تنتظرنا تحت لبست عبايتها ونزلت قبل جمانه شافت زيد واقف وهي تلتفت تدور اشِجان تاففت:منزليني بالحر ذا
زيد:خير ان شاءالله طالعه بالشارع وجهك مليان مكياج ؟؟
شروق:وانت شدخلك زيد خلك بنفسك ركبت السياره وهي تتافف
اشِجان:وش قالك ؟
شروق:ماقال شي اشِجان تكفين جمانه لاتدري تحقق معي
اشِجان:اوشش جت جت
جمانه:يلا متاخرين ترا عن موعدنا حِركت للصالون
" القاعه "
تغريد:انتِ بوقت شاغله بالك بـ شروق خلاص انسيها وانسي الماضي نجد ماتوقعتك كذا !!
مسوين مشاكل بين بعضكم عشان رجال !!
نجد وقفت بعصبيه:ماقدر استحملها ماقدر كل ماشوفها اكرها اكثر من اليوم اللي قبله !
كل مافكر بحركاتها وتقّربها لزيد
تغريد:شوفي نجد تراك زودتيها مع شروق وش اللي غيرك عليها ايش الحركات ذي البنت ماسوت لك مشاكل وبعدت عنك خلاص ابعدي عن طريقها وخليها تعيش حياتها وعيشي حياتك !!
ثواني ودخلو جمانه واشِجان وروابي سّلمو على نجد تغريد:وينن شروق ؟
روابي:تحت رفضت تجيي
نجد بهّمس:يكون احسن
اشِجان رفعت نظرها وهي تشوف كره نجد لشـروق بشكل مبالغ وبسبب تافه بس مايوصل انِها تكرها عشان كذا
جت وحده كبيره بالسن ومسكت شروق وصارت تسألها شروق ابتسمت:معليش انا مخطوبه
وجلست جمانه:شسويتي ياخبله مخطوبه من مِين !
شروق:شف الثانيه صدقت من قال اني مخطوبه ؟
اشِجان:طيب ليش قلتي كذا لو كشفتك !
شروق:خليها تكشفني انا مابي اتزوج
جمانه:والله لو تعرف امي بس بتجربك
شروق:خليها ماهمتني اقول من تجي ترقص معاي
اشِجان:مالي حيل رجلي توجعني من الكعب
جمانه:بتقهوى ماحب ارقص تدرين يعني
ام جمانه:شروق تعالي !!
شروق وقفت وهي تروح لامها:هلا ؟
ام جمانه:انتِ وش قايله لـ ام سامي ؟
شروق:وشو مين ام سامي ؟
ام جمانه اشرت بعيونها:ذي وش قايله لها ؟
شروق:ماقلت شي وشو ؟؟
ام جمانه:تدرين اذ رجعت البيت اتفاهم معاك
شروق:طيب رجعت وجلست وهي تتافف
جمانه:قلت لك بتكشفك بس انتِ ماصدقتيني !!
شروق:وجع مسرع قالت لامي طيب تعرفيني ليش تسالين انا بنت مين
اشِجان:بتفتح معاك موضوع ياخبله ومالقت الا ذي
"الساعه 10 الصَباح"
دخل رائد:نجد تعالي افطري طلعت نجد:رائد ؟
رائد:هلا
نجد:بتكلم معاك بموضوع مهم ممكن ؟
رائد:طيب جلس وجلست مُقابله
نجد:بصراحه انت تزوجتني عشان تبعد عنك شروق ؟
رائد:ايش ؟
نجد:كلامي واضح مايحتاج اعيده
رائد:لا انا تزوجتك عشاني ابيك اما حركات اتزوج عشان ابعد وحده عني ماهي حلوه اصلاً
نجد:اكيد ؟
رائد:ليش صاير شي ؟
نجد:شوف رائد انا اعرف عن شروق كل شي واعرف عن حبها لك يعني انت ماحبيتها ابد او حبيت اهتمامها فيك ؟
رائد:اول شي انا شروق ماحبيتها والسبب حركاتها شلون اثق بوحده تدخل غرفتي بأنصاص الليالي ؟
وتحاول تحضني وتتقرب مني نجد انسي شروق وخلينا بحياتنا لاتفكرين فيها كثير لان شروق ماحبيتها ولا راح احبها تمام ؟
نجد ابتسمت رائد رّد الابتسامه لها:افطري الحين عشان نطلع
نجد هزت راسها بالايجاب:تمام
"بيت عايض"
ام جمانه:توها تكلمني تقول بيروح لبنان عشان زوجته تشوف عيالها
عايض:موهي اللي طلبت الطلاق ورمت عيالها على زيد ؟
ام جمانه:عاد الحين تدق عليه وتترجاه تبي تشوف عيالها وزيد قال من حقها تشوفهم حتى لو هي غلطانه مراح اغلط مثلها واحرمهم من شوفتها
عايض:متى بيروح ؟
ام جمانه:اليومين ذي قاعد يجهز لسفرته للبنان
جمانه:مين اللي بيسافر لـ لبنان ؟
عايض:زيد
جمانه:شعنده بيسافر ؟
ام جمانه:بيودي عياله يشوفون امهم
جمانه:اهاه
شروق سمعتهم وطلعت للحوش:معقوله يرجعها ؟
عشان كذا قال ابعدي عني !! عشان يرجع زوجته ؟
جمانه:شروق وش مطلعك بالحر ؟
شروق:انتظر المطعم يجي مو قلتي اطلبي لنا اكلل ؟
جمانه:ايه اقول مادريتي عن زيد ؟
شروق:لا وشو ؟
جمانه:بيروح لبنان انا اقول شكله بيرجعها على ذمته
شروق:مدري عاد شدخلني انا
جمانه:اي طيب اذ جاء الاكل تعالي بالصاله انتظرك
شروق فتحت الباب اللي بينهم وبين حوش عمها مناور نادته:زيدد !
زيد لف نظره لها:شروق ؟
شروق اشرت له بمعنى تعال قرب منها
شروق:صدق بتسافر لـ لبنان ؟
زيد:ايه بودي تالا وتولين وعمر يشوفون امهم
شروق:للحين تحبها يازيد ؟
زيد:مين ؟
شروق:كارما
زيد:لا ليش هالسؤال ؟
شروق هّزت كتفها بمعنى مدري
زيد:طيب تبين شي ؟
شروق:لا سلامتك جت بتسكر الباب وقفها
زيد:انتظري بطلب منك طلب !!
شروق:طيب ؟
زيد:انتظريني لين اجي من لبنان لاتوافقين على أحد ياشروق تكفين
شروق:مافهمت شلون يعني ؟
زيد:يعني انا ابيك !!!
شروق ضحكت:متاكد يازيد انك تبيني راجع نفسك لمليونن مره ولاتتسرع بقرار زي كذا !
زيد:ليش ياشروق !!
شروق:ماعرف بس راجع نفسك ولاتتسرع ولاجيت من لبنان بالسلامه نشوف وش قرارك عن هالموضوع وماقدر اقولك قراري الا اذ شفت اقتناعك عن هالموضوع ولاتتسرع تمام ؟
زيد:بس قاطعته:يُفضللل لي ولك
زيد هّز راسه بالايجاب:طيب طلع من البيت وهي سكرت الباب اخذت نفس عميق دخلت
جمانه:وين الاككل ؟
شروق:مدري ماجاء للحين
جمانه:وش قاعده تسوين برا انتِ ؟
شروق:جمانه خلاص خلاص رفعتي ضغطيي
رقت لغرفتها رمت نفسها على السرير:حتى موقادره اتكلم مع زيد والسبب نجد واقفه بيني وبينه !!
"نجد ورائد"
نجد تاففت:احسن احسن تستاهلين ياربيه يالفشله اقول له ماعرف اطبخ بيقول لي وش الرفاله هاذي
رائد ضمها له بحيث يكون ظهرها مُلاصق لصدره:مراح اقول عادي بساعدك ونسوي مع بعض
نجد عّضت شفايفها بفشله
رائد ضحك:شوفي ماقلت لك ترا عادي عندي تتعلمين مني
نجد:ليه تعرف تطبخ ؟
رائد:ايه تعلمت الطبخ من امي كنت اساعدها قبل تعبي وصرت اعرف
نجد:اهاه عشان كذا انا صراحه ماقد دخلت المطبخ لو بدخل شربت مويه وطلعت
رائد:مين اللي يطبخ لكم طيب ؟
نجد:تغريد قبل تتزوج والحين امي و المساعده عندها بعد
رائد ضحك:اولهه تغريد متزوجه لها 6 سنين وانتِ بال 6 سنين ماطبختي ؟
نجد:اول شي تغريد لها 5 سنين زدت سنه على كيفك وطبخ مافكرت اني اطبخ وماتوقعت اني بتزوجك بعد مدري
رائد:ليه ماكان ودك تتزوجين يعني ؟
نجد:لا موقصة كذا بس يعني ولا اقول كنسلل
رائد:لا صدق وشو ماتوقعتي اني اكون زوجك ؟
نجد:لا ابد
رائد:النصيب النصيب ياعيني نجد
" ليلة زواج كِنان واشِجان "
اشِجان:بنات الفستان كاتم على نفسي يمه احس بصيح
جمانه ضحكت:شوفي انتِ تبين حجه عشان تصيحين يلا صيحي بس بشويش عشان الميك اب
شروق:اوفر على فكرة ترا كِنان مايخوف
اشِجان:شدخل كِنان انتِ الثانيه انا اقصد الفستان
جمانه:بنعطيك على جوك ونقول الفستان هو اللي بيخليك تصيحين
شروق:انا بنزل اشوف كل شي جاهز وتمام لان بنسوي زفة قبل الناس يجون
اشِجان:دقيقه تبون اسوي زفتين لا والله !
شروق:وشو لاوالله نسيتي انك طالبه تسوين زفتين ؟ الزفه الاولى انتِ وكِنان والثانيه لحالك
اشِجان:لا ابيه معي بالزفه الثانيه تخيلو اطيح واتفشل !!
جمانه ضربتها على كتفها:لاتفاولين على نفسك انك بتطيحين ولا صدق بيصير اللي تقولينه
اشِجان:شرايكم نكنسل سالفة الزفه انا بروحي متوتره تبون اتوتر زياده خلوني هنا مستوره احسن
شروق:شكلك نكته نكته
اشِجان رفعت يدها:يارب اشوفك كذا واطقطق عليك عشان اردها لك واقول شكلك نكته
شروق:يارب تكفين مع الشخص اللي فبالي
جمانه لفت نظرها:عيب وشو الكلام ذا وانتِ للحين مانزلتي ؟؟
شروق:بنزل بنزل نزلت وشافت نجد توها داخله
لفت نظرها وبتدخل للمطبخ لكِن نجد سحبتها وضمتها:ماودك تسلمين ؟
شروق ابتسمت:شدعوه موقصة كذا بس كنت بشوف شغله وبجي اسلم عليك
نجد:ننسى كل شي ؟
شروق:انا نسيت كل شي بس انتِ اللي موراضيه تنسين !!
نجد:انا اسفه على اللي سويته
شروق ضمتها:مازعلت منك
تغريد:ياماحلاكم صدق وش ذا الزين ياشروقي ونجدي ؟
شروق:طالعين عليك يابنت العّم نزلت نظرها لـنجد موكانك حامل ؟؟
نجد:واضح ؟ يابنت حاولت قد ماقدر اني اخفي بطني بس شسوي يارب ماحد يلاحظ
شروق ضحكت:مبروك بس ليش ؟
نجد:امي تقول مفروض ماتجين للعرس بعد بس حاولت فيها
تغريد ضحكت:مثلي يوم حملت بس ماكان فيه عرس الا بعد ماولدت جاء عرس
نجد:ياحظك يارب ماتنتبه للكعب لان شوي وتصفقني
شروق:تمام نرقى لأشِجان ؟
تغريد:يلا لان كل شي خالص بس ننزل وقت الاستقبال
اشِجان مسحت دموعها وقت مادخلو البنات
تغريد:ليش اشِجان عطيني البودره
جمانه:اشربي العصير لان ماكلتي شي اشِجان ياقلبي
اشِجان شربت منه ونزلته على الطاوله
شروق:بتجي المصوره تصور وبعدها بتنزلين زفتك الاولى
اشِجان:بنات خلونا نكنسل الزفه الاولى
المصوره:بس افِضل تسوين زفة اولى انتِ وزوجك لان لو زفتك قدام المعازيم بتكون صعبه عليك انك تتصورين زين بتكونين متوتره وزحمة المعازيم
اشِجان:تمام
يتبع.......
ـــــــــــــــــــــــــــــــــــــــــــــــــــــــــــ