الفصل 21
البــــــــــــــــــــ الواحد والعشرين ــــــــــــــــارت
"الساعه 4 الفجر "
اشِجان:عادي انام عندكم مافيني حيل اروح للبيت
جمانه:نامي
شروق:تو الناس خير ان شاءالله ؟
جمانه:حبيبي انا واشِجان صاحين من 10 الصباح وانتِ صحيتي العصر يعني شبعانه نوم
شروق:بتنامون يعني ؟
اشِجان:شكلها بتصير يلا ضفي وجهك وسكري الباب معاك
جمانه:يلا يلا
شروق:بنات خير تو الناس خلونا نسولف !!
جمانه:سولفي مع نفسك سمعت انه يزيد الثقه عند الانسان
شروق:سخيفاتت اخذت الشيبس والكولا والايسكريم
اشِجان:ام بطين روحي روحي
شروق اخذت جوالها وجلست بالحوش شغلت اغنيه طلع عايض:وش الازعاج ذا قومي نامي يلا يلا
شروق:مافيني نوم
عايض:اجل ادخلي تجلسين بالحوش الوقت ذا ليش لايجيك احد
شروق:ابووي لاتخوفنننييي
عايض ضحك:قومي ياعيني انتِ وروحي غرفتك وارقصي على كيفك بس سمي بالله
شروق:ودي اجلس الجو يجننن
عايض:اجل بجلس معك لين اصلي الفجر
شروق:ياهلا والله تو مازانت جلستتي
"صباح يوم جديد"
:جمانه ياروحي انتِ قلت لك انه بيجي يوم تعرفيني صح ولالا ؟
جمانه:ومتى يجي هاليوم يالمجهول ؟؟
:بتعرفين جوابك اليوم او بكره
جمانه بأستغراب:مافهمتك ؟
:عاد انتظري وقلت لك اليوم او بكره
جمانه:وش جوابه انت شقاعد تقول ؟؟
:عندي شغل تذكري ايش قلت لك ببداية المكالمه وراح تعرفين ايش قلت انا سكر بدون لايسمع ردها
جمانه:متخلف والله شهقت لايكون يقصد !! طلعت وهي تدور شروق لقتها صاحيه وتدندن بروقان
شروق:بسم الله خوفتيني خير خير
جمانه:فيه احد جانا اليوم ؟
شروق:مين بيجي يعني ؟
جمانه:مدري بس فيه احد جاي
شروق:اسالني امي ولا ابوي انا شدراني زين زين مني اني اعرف اسمي
جمانه:الحمدالله انِك اعترفتي
نزلت تحت ولقت امها وابوها يتهامسون بصوت خفيف صفقت بيدها:شعندكم ؟
عايض:نسولف انا وامك يلا يلا ارجعي غرفتك
جمانه جلست جنبه:شدعوه تدري طفشانه ؟
عايض:وش مطفشك ؟ من امس وانتِ تهابدين من مكان لِمكان
جمانه ضحكت:الله يسامحك الا بسالكم فيه احد جانا اليوم ؟
ام جمانه:بسم الله وانتِ شدراك ؟
عايض:لايكون دريتي ؟
جمانه:عن وش !!
عايض:انتِ شايفه الرجال اللي طلع ؟
جمانه بِكذب:ايه شفته شعنده ؟
عايض:طيب مادامك شفتيه
جمانه:ايه ؟
عايض:هذا الله يسلمك جاني الاسبوع اللي راح وطلبك على سنة الله ورسوله وقلت بسال عنك اذ انت رجال زين وكفو بفتح الموضوع مع بنتي وهو وافق ورجع اليوم يبي ياخذ رقمي عشان مو كل شوي بيجي
جمانه:بيخطبني انا بيخطبني انا ؟
عايض:ايه انتِ فيه احد غيرك جالس معنا بالصاله ؟
جمانه:طيب سألت عنه رجال زين ؟
ام جمانه:يابنت عيب استحي
جمانه:يمه هذا موضوع مو وقت استحي فيه الزواج مسؤوليه ويعني لازم اتناقش معاكم عن موضوعه واعرف كل شي عنه
عايض:هي صادقه والله شوفي سألت عنه وماقالو عنه الا كل خير والله والرجال مشاءالله عليه موظف بالبنك وراتبه زين انتِ فكري بالموضوع ياجمانه تراه رجال ماشاءالله عليه
جمانه:طيب انا بروح لأشجان
عايض:الحين حنا نقولك فكري تقولين بروح لأشجان !!
جمانه:اي صح مأسالت عن اسمه ؟؟
عايض:هيثم بن حسام العيسى
جمانه:ايه طيب يلا بروح اخذت عبايتها وطلعت لبيت اشِجان بعد دقايق
اشِجان:معقوله يكون هو ؟
جمانه:اي هو لان قالي بتعرفين جوابك اليوم او بكره
اشِجان:مافيه الا حل واحد اتصلي عليه ؟
جمانه ضحكت:ياشيخه وش اقول له ؟
اشِجان:قولي انت هيثم حسام العيسى ؟
جمانه:شوفي صح انه ابوي قال لي عنه بس للان ماعرف مين هو
اشِجان:شوفي انتِ اكيد راح تتعرفين عليه وعلى شخصيته بس قبل كل شي انتِ موافقه عليه ؟
جمانه:ايه اكيد موافقه
اشِجان:بالسرعه ذي وافقتي ؟
جمانه:اي عادي ليش وابوي سال عنه وقالو انه سمعته كويسه وشخص مشاءالله
اشِجان:الله يوفقك يارب بكره بروح احلل
جمانه:الله الله يوفقكم يارب
اشِجان ابتسمت:امين وياك يارب
"شقة تغريد وضاري"
ضاري:ايه وافقت خلاص
تغريد:وانا اخر من يعلم ؟
ضاري ضحك:والله نسيت اقولك وبعدين ماقالو لك هّم ؟
تغريد:مين هّم ؟
ضاري:اكيد اشِجان قايله لجمانه لان ماتخبي عنها شي
تغريد:طيب انتو موافقين على خالي ؟
ضاري:اي ليش لا طيب ؟
تغريد:مدري بس شوف احسه كبير عليها بزياده
ضاري:كبير ؟
تغريد:ايه اشِجان عمرها 22 سنه وهو 34 سنه يعني هو اكبر منها بـ 12 سنه
ضاري:بس ماشوف انها مشكله العمر عادي
تغريد:مدري والله بس ماشوف لايقين لبعض مع اني حاولت بأمي ناخذها لـ ذعار اذ ودهم يعني تكون زوجة اخوهم
ضاري:وش فرق كِنان عن ذعار كلهم بالثلاثين
تغريد:فيه فرق ذعار بيكون اكبر منها بـ 8 سنوات عكس كِنان 12 سنه كبير عليها بس تدري الله يوفقهم يارب
ضاري:طيب انتِ شايفه فارق العمر اللي بيني وبينك ؟
تغريد ضحكت:انت تدري كم بيني وبينك ياعمري ؟ 4 سنوات بس
ضاري:عارف بس انتِ كانك بزر على حركاتك ذي
تغريد:ودك تتهاوش انت ؟ مورايقه لك ترا
مّسك خدها:انتِ تدرين اني امزح معاك سحبها لحِضنه لاتخلينا نزعل من بعض ياتغريد
"بعد فترة "
اشِجان:شلون يعني مافهمت ؟
ضاري:بتفهمين اذ دخلتي
اشِجان:ادخل عنده لحالي ؟
ضاري:اي هو يبيك لحالك ويبي يتفاهم معاك عن اشياء كثيره
اشِجان:طيب ادخل معاي انت
سهاد:يابنت ادخلي لحالك تدرين له ساعه ينتظرك ؟
اشِجان:احد يدخل معاي ليش ادخل لحالي !!
سهاد:ادخلي واجلسي بعيد عنه انتِ اسمعي وش يقول وتناقشو مافيها شي ترا
اشِجان:بس !
سهاد:لابس ولاشي يلا ادخلي
اشِجان عّدلت حجابها دخلت:السلاام عليكم
رفع نظره:وعليكم السلام جلست بعيد عنه وشبكت يدها فِي بعض
كِنان عّدل جلسته:اشِجان انا بدخل بصلب الموضوع بدون مقدمات كم تبين مهرك ؟
اشِجان:عادي مايفرق معاي
كِنان:لا انا مابي مايفرق معاك انا طلبت اني اجلس معاك عشان اعرف طلباتك وابي اعرف كم تبين مهرك وكم الفلوس اللي تكفي لك ؟
اشِجان:50 الف يكفي
كِنان:بس ؟
اشِجان:ايوه يكفي
كِنان:الزواج والمِلكه بيكونون بيوم واحد
اشِجان:ماعندي مشكله
كِنان:وبيكون بعد شهرين اذ حابه اغير الموعد واخليه اطول عشان تجهزين نفسك اذ تبين
اشِجان:ممكن يكون بعد 4 شهور افِضل
كِنان:يعني تقريباً بشهر 10 ؟
اشِجان:ايوه
كِنان:زين احدد يوم من شهر 10 وادور قاعه
اشِجان:طيب
كِنان:المهر بحوله لك بكره بأذن الله
اشِجان هزت راسها بالايجاب
كِنان:عطيني رقمك عشان ارسلك كل شي واذ تبين تساليني عن حاجه
اشِجان:عطني جوالك اسجله اخذت الجوال رفعت نظرها بفشله نست رقمها من التوتر
كِنان:سجلي رقمي طيب
اشِجان:طيب بدت تسجل رقمه وقفت وهي تطلع من المجلس اخذت نفس عميق وهي تشيل الحجاب يمه يالتوترر
ضاري ضحك:تكفين شوفي شكلك بالمرايه
اشِجان:يالله يسخافه اقولك ادخل معاي رفضت
ضاري:كنت بدخل معاك بس ابوي رفض اني ادخل معاك
اشِجان:يمه يدي ترجف شف
ضاري:لو تشوفين تغريد عاد من دخلت علي وهي تضحك
تغريد:من الخوف والله اضحك عاد نسيت يوم ضحكت معاي؟ولا صار يسالني اساله غبيه وانا من كل عقلي اجاوب ضاري كّشر:وانتِ لازم تعيدين بالسالفه ذي ؟
اشِجان ضحكت:اي احسن من طق الباب لقى الجواب انت اللي بديت
ضاري:ماينمزح معاكم انتو ؟
تغريد:امزح ماحد قايل لك شي بس لاتطقطق علي
نجد: خليني اقولك انا مومرتاحه لك الصراحه
شروق:ليش ؟
نجد:بيوم وليله نسيتي حبك لـرائد ولاكانك اللي جيتي وقلتي ارفضيه واتركيه
شروق:كنت غلطانه انا مابي ارخص نفسي لرائد اكثر من كذا وندمانه بشكل موطبيعي على اللي سويته وكرهت نفسي ورائد وعرفت انه رائد مجرد حُب مراهقه راجعت اشياء كثيره وعرفت كيف اني غلطانه تمام ؟
نجد:بس ياشروق
شروق:لابس ولاشي الله يوفقك معاه بس رائد صار زوجك وانا اعرفه بس على انِه ولد عمتي فقطط !! ومن الافضل تنسين كل شي ومن اللحظه هاذي ابدي حياه جديده والماضي خليه خلفك يلا انا ماشيه طلعت بالحوش وهي تعّدل حجابها شافت زيد معصب من تالا وتولين:بشويش بشويش عليهم
زيد وهو مِفور من العصبيه:مالك دخل وهذولي بناتي !!! لفت نظرها لتالا وتولين ابتسمت:روحو كِملو لعب يلا
زيد:انتِ مين عشان تعصين كلمتي قدام بناتي !!!
شروق:زيد !! انت اللي بديت تتدخل فيني وتحشر نفسك بشي مايخصك وكنت ارفض وبفضلك انا تخطيت مرحله بفتره قصيره فقط والسبب يرجع لك اسمح لي انِي اساعدك انت رجال وماتعرف احتياجات البنات او ايش يبغون عكس العيال
زيد ضحك:صدق تبيني تساعديني ؟
شروق هِزت راسها بالايجاب:اكيد
زيد:ابعدي عني ياشروق وبكذا انتِ تساعديني
شروق: مافهمت ؟
زيد:خايف عليك من نفسي ابعدي ياشروق ابعدي
شروق:زيد انت شقاعد تقول شلون يعني خايف علي من نفسك
زيد:اقولها لِك بالصريح ؟
شروق:ايه ؟
زيد:بنت جميله كامله والكامل الله انا رجال ماقدر امسك نفسي والشيطان شاطر مابي اسوي شي اندم عليه
شروق هِزت راسها بالايجاب طلعت وهي متوجهه لبِيتهم
" غِرفة جمانه"
وينه ذا من عِقب خطبته لي حتى مارسل رساله !
اتصلت على اشِجان وقالت لها الموضوع
اشِجان:بسيطه اتصلي عليه واساليه وينه يعني هو دايم اللي يتصل بادري المره ذي
جمانه:ياختي اخاف يكون مو هو
اشِجان:طيب جربي مراح تخسرين شي يلا يلا جمانه:طيب يلا باي سكرت وهي تناظر بأسمه
ياربي اتصل ولالا ؟ اخذت نفس عميق وهي تضغط على اسمه وصارت تتصل اكثر مِن مره مسحت على وجها ورفعت نظرها للجوال لايكون صاير فيه شي !! لالا بتصل عليه يمكن يرد
بعد ثواني رد عليها:هلا معليش كان جوالي بالشاحن
جمانه تنفست براحه:وينك انت خوفتني عليك
ضحك:صدق والله صرتي تخافين علي و 7 مكالمات
جمانه:هيثم ؟
هيثم:ياعيون هيثم يازين اسمي تصدقين اول مره احس انِه اسمي حلو تدرين ؟
جمانه ضحكت:والله
هيثم:اخخ لو تشوفين انا قد ايش مستانس
جمانه:الله يديم السعاده ان شاءالله
هيثم:جمانه بتنامين شوي ؟
جمانه:ماعرف ليش
هيثم:بكلمك لان الحين عندي شغللل ضروري ولازم اخلصه
جمانه:تمام
اشِجان دخلت:السلام عليكم
جمانه:وعليكم السلام هلا والله تعالي تعالي
وش سويتي ؟
اشِجان:ماسويت شي بس بديت احجز المصوره والكيك وحوسه والله العظيم والعرس بيتحدد بـ شهر 10
جمانه:تدرين نجد تحدد زواجِها ؟ وبيكون الشهر الجاي بعد
اشِجان:تمزحين احس مالي خلق احضره لاني متقروشه بنفسي والله قدامي 4 شهور مدري وش الحق ؟
جمانه:انتِ يمديك تخلصين كل يوم تسوين شي عكس نجد الشهر الجاي مدري شلون بتحلق والله
اشِجان:اشوا سالني قال متى تبينه
جمانه:لا يمديك ان شاءالله لازم نكتب كل شي ونوزع الفلوس عشان نعرف
اشِجان:طبعاً قلت لتغريد تروح معاي قالت ودي بس متقروشه مع نجد يعني مافيه الا انتِ وشروق
دخلت شروق:كأني كأني سمعت اسمي ؟
جمانه:تبينا نساعدها عشان تجهز
شروق:الله خاطري منزمان اجهز لعروسه كنت انتظر جمانه تتزوج بس شكلها مطوله
جمانه:ياحليلك مادريتي ؟
شروق:عننن ؟
اشِجان:اختك انخطبت وانتِ ماتدرين ؟
شروق صرخت:تمزحين وليش ماقلتي لي ياحقيره !!
جمانه ضربتها على يدها:وش حقيره مدري نسيت راح عن بالي
شروق:اي شروق اختك من امك وابوك راحت عن بالك واشِجان بنت عمك ماشاءالله اول الناس تعرف
اشِجان:طيب نست نست ماصار شي ترا
شروق:بس الصراحه زعلتوني منكم
جمانه:الا تعالي وش غير رايك عن رائد كنتي نقطه وتذبحين نفسك !!
شروق:انتو شفيكم قلت لكم اكثر من مِره غلطانه غلطانه بحبي لشِخص مايستاهل حبي من الاسسساس ! تدرون مُجرد مافكر باللي سويته عشانه اكره نفسي مليون مره ورائد خلاص صار زوج بنت عمي وهو الان فقطط يكون لي ولد عمتي بنات ممكن تسكرون عن الموضوع وتنسونه وتخلوني انسى !
اشِجان:خيره لك ونصيبك بيجيك ان شاءالله
شروق ابتسمت:طيب الحين فاضين ؟ خلونا نبدا احسني متحمسه وكثير
جمانه:انا بعد متحمسه
اشِجان:طيب خلونا نقِسم شرايكم ؟
شروق:جوي جوي شوفي اشِجان خوذي ذوقي بالعطور والميك اب هاذي اللي جنبك ماتفهم بشي
جمانه:مالي خلق اتناقش معاك
اشِجان:تمام باخذ ذوقكم كلكم لاتزعلون شدعوه
جمانه:مراح ازعلل لان ذوقي نفس ذوقك
"شقة تغريد وضاري"
تغريد وقفت قدام الباب وهي تسمع ايش يقول دخلت بسرعه رفع نظره بسرعه:شفيك خير داخله كذا ؟
تغريد:مين تكلم ضاري وليش قفلت بسرعه ؟
ضاري:تغريد !! واحد من العيالل
تغريد تخِصرت:اي واحد من العيال ضاري قسم بالله لو شكيت مُجرد شك هاه مُجرد شك لااقوم الدنيا علييك
ضاري قّرب ومسك خصرها:تغريد لو ابي كلمت قدامك بعد وانتِ عارفتني زيين
تغريد:ومستانسس بعد ضاري خير !
يتبع......
ـــــــــــــــــــــــــــــــــــــــــــــــــــــــــــ