الفصل 20
البــــــــــــــــــــ العشرين ــــــــــــــــارت
روابي:وافقتي ؟
اشِجان هّزت راسها بالايجاب
روابي:ماعرف بس مولاقين على بعض
شروق:اكرمينا بسكوتك
جمانه:روابي خلاص !!!
روابي:انا ماقلت شي واشِجان ماتزعل مني صح ؟
اشِجان:صح عادي هي قالت رايها مافيها شي
شروق:تخلي رايها لنفسها ولاعاد تقوله
روابي:شروق ممكن افهم مشكلتك معاي ؟
شروق:ابد مافيه مشكله دخلت نجد:السلام علليكم
ردو السّلام ماعدا شروق اللي متجاهلتها واخذت جوالها تسوي نفسها مشغوله فيه
نجد جلست وهي منتبه على حركة شروق من وقت مادخلت
جمانه لفت نظرها لشِروق وهي تشوف تعابيرها وجها تغيرت للانزعاج رفعت نظرها لـ نجد اللي نزلت راسها للأسفل وشبكت يدها فِي بعض
اشِجان كانت ملاحِظه صمت شروق ونِظرات نجد جمانه:تبون نشغل اغاني ؟
اشِجان:لاعندي لعبة راح تعجبكم
وقفت وجت بتدخل وقفها صوت جمانه:وين رايحه ؟
شروق:بنام لاني صاحيه من امس
جمانه: بس ؟
شروق:بنام !!! دخلت
روابي:يلا انا ماشيه امي مِرسله لي تبيني ارجع والحين الساعه 12 يلا
جمانه:دقيقه طلبت العشاء !!!
روابي:بالعافيه عليييكم وقفت وهي تلبس عبايتها وطلعت
نجد:انا بعد ماشيه
جمانه:شفيكم انتِم ؟ تو الناس والعشاء طيب ؟
نجد:بالعافيه مالي نفس وعندي قومة من صباح الله خير عندي شغلل لـفوق راسي
جمانه وقفت:لايكون زعلتي بسبب شروق !!
نجد:لامازعلت يلا تصبحون على خير طلعت من باب الحوش
جمانه:منجدهم ذوللي !!!
اشِجان:معليش جمانه شروق هي اللي خربت جلستنا
جمانه:عارفه عارفه خليني. ساكته الحين وش نسوي بالعشااء ؟ دخلت الاكياس وكان حق 5 اشِخاص
اشِجان:والله كثرتي الاكل الله يهديك
جمانه:طيب شنسوي ؟اشِجان:خلي العشاء حقنا على جنب ونعطي سند او خوالك
جمانه:اتصلي على سند بعد ثواني رد عليها:لاتعشيت بالعافيه عليكم
جمانه:مافي الا خوالي تعالي ساعديني بس دقيقه بجيب صينية
اشِجان:هوب هوب وش اساعدك خلي المساعده تروح معاك انا لا
جمانه:نامت نامتت
اشِجان:خلي شروق ولا تدرين وديهم حبه حبه
جمانه:الاكل بيبرد وانتِ تقولين حبه حبه
اشِجان:تكفين جمانه مابي اروح معاك
جمانه:انا قلت لك ادخلي وتكي معاهم ؟ وقفي لي على الدرج وانا بعطيهم الاكل
اشِجان:اتصلي عليهم يمكن مايبون
جمانه تاففت واتصلت عليهم
كِنان:وش عشاك عاد توني صاحي !
جمانه ابتسمت:سمك يحبه قلبك والله طلبت عشاء يكفي 5 اشخاص بس البنات نفسيات كل وحده راحت بيتها
كِنان:طيب هاتيه بفتح لك باب الشقه
جمانه:وخالي ذعار وينه ؟
كِنان:بالاستراحه اقول اخلصي جيبي العشاء
جمانه:طيب يلا يلا
اشِجان:مايحتاج اجي لان الاكل موكثير !
جمانه:لاتجين لاتجين مسويه مستحيه ترا بيصير زوجك خلاص عاد
اشِجان ضحكت:ياختي خليني اسوي نفسي مستحيه شتبين انتِ تخيلي اودي له الاكل ولا شرايك نتعشى معه بعد ؟
جمانه:والله فكره حرام يتعشى لحاله !
لو انه مملك عليك اخذك ونتعشى انا وياك معاه غصب
اشِجان:روحي روحي لاتخليني اجرم فيك
جمانه ضحكت:حطي الاكل ورتبيه لين اجي
اشِجان:من عييييوني كم عندي جمانه انا ؟
جمانه :وحده طبعاً
طلعت شروق وهي تشوف اشِجان مشغوله بترتيب الاكل وقفت خِلف الجدار دخلت اشِجان ركضت شروق وهي تدخل لبيت عمتها جوزاء فرصتها عشان تخلي رائد يغير رايه من ناحية زواجه من نجد دخلت وكان البيت هدوء دخلت لغرفته وصارت تلتفت تدوره بعيونها شهقت بخوف من شافته دخل للغرفه وبيده كوب قهوه:انتِ وش جابك هنا !!!
شروق:ممكن اكلمك ؟
رائد:انتِ ماتفهمين تبيني اجرم فيك هنا شروق بطلي حركاتك الرخيصه ذي وبعدي عني مستحيل اتزوج وحده مثلك وشكل ماينفع فيك الا اني اقول لعمي عنك !
شروق:وش فيها زود يوم اخذتها !!!
رائد:اقول اطلعي لاافضحك الحين يلا اطلعي
شروق تشبثت فيه:انا احبك رائد ليشش ليشش تسوي فيني كذا
رائد حاول يفك نفسها:وخري عني شروق وخري !!!
شروق ضمته بقوه:لاتبعدني عنك رائد انا احبك والله احبك ماقدر اعيش بدونك
رائد دفعها وارتِطم جسمها بالجدار:قلت لك وخري عني وعيب عليك الحركات ذي
شروق دفعته:انت قاعد تسوي فيني كذا عشاني احبك تبي تتزوج نجد مو حب فيها تبي تقهرني وتبعدني عنك رائد ليش ليشش !!!
رائد تاففت:اطلعي اطلعييي !
شروق:مراح اطلع وش بتسوي مراح اطلعع !!
رائد ضحك:بتندمين !!
شروق:وش بتسوي ؟
رائد جلس على الكِنبة:افضل لك تطلعين من هالباب بدون أي فضايح لان شوفي لو احد كشفك انِك عندي بتجيبين الفضيحه لنفسك وماحد راح يطق بابكم وبتخربين على اختك بعد فـ عشان كذا فكري بنفسك وبأهلك ولاتحاولين انك ترجعين لي مره ثانيه لو رجعتي لي كسرت رجلك فاهمه والحين تقلعي يلا لاتخليني اجرم فيك واخلي عمي يعيد تربيته لك !!
شروق:رائد !
رائد وقف وأشر بأصبعه على الباب:اطلعيي !! لك 3 ثواني ماطلعتي بفضحك !!
شروق خافت وهي تطلع وبكت نزلت شافت بوجها زيد اللي واقف بالحوش حِقهم
زيد:انا موقلت لك لاعاد اشوفك رايحه له !
شروق:وانت شدخلك فيني زيد فكني من شرك موفاضيه لك
زيد سحبها ودخل في غرفة المستودع:دخلت انا وياك هنا لاتفهميني غلط اجلسي
شروق عّدلت حجابها وجلست وكان بعيد عنها شوي
زيد طلع زقارته وكان بيشغلها سحبتها من فمه قبل يشغلها:ناوي تفضحنا ؟
زيد:ترانا بالمستودع مراح يشكون
شروق:انت عارف انه مافيه رجال عندنا غير ابوي ومايدخن الحين تفوح الريحه بالحوش
زيد:طيب شوفي شروق كلها 10 دقايق عندي كلام لك وبطلع واتمنى تفكرين بكلامي طيب ؟
شروق هزت راسها بالايجاب
"شقة ضاري وتغريد"
تغريد شابكه يدها فِي بعض وقفت وهي تدور بالغرفه كثير فيه اشياء فِي بالها اخذت نفس عّميق وشربت المويه دُفعه وحده طلعت وماشافته موجود صارت تلتفت تدوره اتصلت على اشِجان وبعد ثواني ردت:اشِجان ضاري عندكم ؟
اشِجان:لا دقيقه بسأل سند وين ضاري ؟
سند:اي توني اتصلت عليه وقال لي انه بالسطح
اشِجان:تغريد حبيبي شوفيه بالسطح
تغريد:طيب يلا بسكر سكرت من اشِجان وهي تحذف الجوال على الكنبه ورقت للسطح اخذت نفس وهي ترتب شعرها ونفسها دخلت وشافته جالس رفع نظره من حِس بحركة حوله جلست جنبه وشبكت يدها بردت اطِرافها من التوتر
ضاري فِضل السكوت ومايبي يضايقها بأي كلمه يبيها بس جِنبة
تغريد رفعت راسها وبهدوء:حاولت كثير وكثير أنِي اكرهك لكِن تفضحني كل نبضة من عِروقي تقول أسمك
ضاري ابتسم وسحبها لحِضنه تنهد براحِة وهو يمسح على شعرها
"ليلة مِلكة نجد"
دخلت شروق جمانه لفت لأشجان:وش جابها !
اشِجان وهي تاكل من قِطعة الشكولاته:طيب عادي ؟
جمانه ضحكت:ياخوفي تسوي شي
اشِجان:لاشوفيها مبتسمه ومتكشخه يعني لاتخافين مراح تسوي شي
جمانه:بس هي رفضت تجي !
اشِجان:دقيقه شوي نفهم وش عندها
جمانه:طيب شرايك ناخذ قشنا ونسهر بالحوش ؟
اشِجان:تمام اسكتي قربت ابتسمت بعد ماسّلمت على الكّل
شروق:بالله شرايكم فيني غّطيت عليكم
اشِجان ضحكت:الثقه اللي الله يحرمنا منها
شروق شهقت:تكفين مو حلو شكلي؟؟
اشِجان:شوفي انتِ كشختك ماعليها كلام بس حركات اني غّطيت عليكم قويه ذي
جمانه:وريني متى شريتي اللبس ذا ؟
شروق:مدري والله ناسيه فتحت الدولاب الا ويطلع بوجهي قلت هلا بالزين ماشفتك ولبسته وهذاني جيتكم
اشِجان ضحكت:تدرين اسحب كلمتي غطيتي علينا
شروق:شفتي انا اقولك بس موصدقتني
دخلت نجد وسلمت على الكل وصِلت لين شروق ابتسمت شروق:مبروك الله يتمم لكم على خير
نجد ابتسمت لكِن من داخلها مِصدومه وش اللي غيرها وهي لها اكثر من اسبوعين ماتكلمها جلست وكل شوي تسرق النظِر لها وتشوفها مبسوطه وتضحك ولاكانها اللي كانت قبل اسبوع !
بعد دقايق دخّل رائد لبِسها الشِبكة شروق لفت نظرها لزيد وهي تبتسم
جمانه واشِجان وتغريد يناظرون بعض بصدمه من حركاتها زيد رفّع نظره وشافها تناظر له ردّ لها الابتسامه
اشِجان لاحِظت نِظراتهم لبعض:ايه عرفت السبب
ياعيني ياعيني
جمانه:زيييد وشروق !!
اشِجان ضربتها بكِوعها:خلي صوتك عالي اكثر
شروق:شفيها شرووق ؟
اشِجان:ايه عرفنا من حبيب القلب واللي غّير رايك
وخلاك تجين بعد
شروق:مين ؟
جمانه قِرصتها:لايكون حبيتي زيد ؟؟
شروق:وش حبيته ؟؟ لاطبعاً
جمانه:اججل وش الحركات ذي ؟
شروق:وشو تبيني اكشر بوجهه ؟؟
جمانه:انطمي انطمي انا اوريك شوي
اشِجان ضحكت:بنات اوص فضحتونا
بعد المِلكة طلعت شروق وجمانه واشِجان:بنات خلاص روحو لحالكم شايفين كيف طويل الكعب ؟
شروق:هلقت فينا بالكعب
جمانه:شفيكم خير بنطلب وحنا بالسياره نقول لحق البقاله يجي وبس
شروق:طيب كان خليتني اغير السليبر
وقف كِنان وهو ينزل من السياره وكان يدخن:هيه هيه على وين ؟
شروق:استغفرالله كان ناقصنا يلا عاد وش يقعنه الحين
جمانه:مراح يوافق اقنعيه اشِجان تكفين
اشِجان شهقت وهي تشوفه يقرب:شدخلني
نجد:انا مصدومه شفتيها ؟ رقصت على كل اغنيه نشغلها ولاكان صاير شي
تغريد:ماعرف والله
نجد:للحين مستغربه منها شي مايدخل العقل اللي مسويه لي مشاكل وجايه تهدد فجاه ترقص وتضحك وتبارك لي وفوق ذا كله جايبه لي بوكيه ورد وكاتبه فيه مبروك الملكة من شروق يعني مدري مدري احس فيه شي غلط
تغريد:نجد شفيك خايفه يمكن شافت انه هذا الشيء خيره لها ونصيب بعد
تغريد:طيب انا بروح لبيتي
نجد:الا تعالي ماشفتك الا اليوم تصالحتو خلاص ؟
تغريد ضحكت:حرام احس قسيت عليه بس الحين مدلعني الحمدالله ضاري تغير تغير
نجد:الله يخليكم لبعض
"بالسياره"
دخلو للسوبر ماركت
جمانه:يلا يلا بنات لاتستحون
شروق ضحكت:الله يعينه بتجيه فاتوره اطول مني بمرتين
كِنان:يلا خذو اللي بخاطركم لاتستحون
جمانه وشروق اخذو عربيه وصارو يركضون
اشِجان بداخِلها:منجدهم ذولي سحبو عليي !!
لف نظره وشافها تمشي وراه بهدوء:ليش مارحتي معاهم
اشِجان:مدري والله
كِنان:ماتدرين شلون يعني ماتدرين ؟
اشِجان ضحكت:والله مدري انت شقاعد تقول ؟
كِنان ضحك:فاهيه انتِ ؟
اشِجان:شوي يعني بس موفهاوه اللي ترفع الضغط
كِنان:طيب تروحين معي ؟
اشِجان:وين نروح ؟
كِنان:يعني عادي تروحين معي مادامك سألتي مسك يدها وقف عند الفريزر وطلع له ايسكريم بالمانجو لف نظره لها:تبين ايسكريم ؟
اشِجان ضحكت:لا مابي
كِنان:شوفي اختاري اللي يعجبك ولاباخذ لك اكثر من نكهه
اشِجان:مثلك المانجو
كِنان:حلو بيني وبينك شي مشترك شي ثاني للمره الثانيه اقولك لاتستحين
اشِجان:والله مافيه خلاص تلقى البنات جابو كل شي
كِنان:اكيد ؟
اشِجان هِزت راسها بالايجاب
ركبو السياره جمانه:وين رحتي
اشِجان:توهم يتذكروني المشافيح
شروق ضحكت:ايه حنا مشافيح اول مره احد يعزمنا على سوبر ماركت وفلوس غير محدوده
جمانه:ايه طيب بس بعض الناس مسوي نفسه مستحي لايغرك خالي تراها اشفح منها
شروق:فعلاً تهاوشت معي قبل شوي عشاني اخذت الشكولاته المحشوه بالبستاشيو وكانت اخر حبه
اشِجان لفت نظرها:كذابه متى !!!
شروق:صح جمانه ؟؟
جمانه ضحكت:ايه ايه انا اقول لاتغرك المظاهر
يتبع........
ــــــــــــــــــــــــــــــــــــــــــــــــــــ