الفصل 15
البــــــــــــــــــــ الخامس عشر ــــــــــــــــارت
"المِستشفى"
صحت اشِجان وعِقدت حواجبها بألم لفت نظرها وهي تشوف ضاري نايم على الكنب وسند جِسمه على الكرسي وراسه قريب من يدها نزلت دموعها وبداخِلها:ويني عنكم ياخواني وينييي !
تحرك ضاري بتعب من نومة الكنب فِتح عيونه وشافها صاحيه عّدل جلسته:صحيتي ؟
اشِجان:ايه ليش نمتو هِنا ليش مارحتو للبيت تريحون
ضاري:ونقدر نخليك ؟ تدرين ابوي رفض يروح بس لزمنا عليه انا وسند وراح مع ذعار
اشِجان وهِي تبي تجلس وقف ضاري:بشويش بشويش ساعِدها وخِلاها تجلس
سند صحى:ليش جلسي مايصير ارتاحي
ضاري:ارجع ارجع اخِمد
سند:لاشبعت نوم بس والله ظهري يوجعني
ضاري:طيب شبعت نوم قُوم غسل وجهك ورح جب لي قهوه مصدع
سند:طيب شِجن تبين شي ؟
اشِجان هِزت راسها بالنفي
طلع سند اشِجان:ضاري بسالك اللي طلعني مومِن الدفاع المدني صح ؟
ضاري:ايوه اللي طلعك كِنان لان شاف مافيه وقت ننتظر الدفاع المدني دخل بس حاولو يمنعونه وانا كنت بدخل بس الباب تِقفل وعيا ينفتح
اشِجان غِمضت عيونها وهي تتذكر كان شعورها بوقت الحريق عِباره عِن " حقد , وكره , وغِضب" لجِمـيله خافت تموت وماخذت حِقها من راضي وجِميله ! خافت تموت وماعاشت بحضن ابوها
كانت عايشه بخوف ورعب وتصحى مِن نص نومها بسبب حِلم صار يراودها من يوم اخذوها الديانين والسبب يرجع لراضي وجِميله ! ضاري:اشِجان تبين تاكلين ؟
اشِجان مسحت دموعها:لا مابي بس ابغى مويه
اخذ علبة المويه ومِدها لها جلس على طرف السرير:علميني شفيك ؟
اشِجان:مافيني شي
ضاري مسح على شعرها:اشِجان تخبين علي ؟
اشِجان حضنته:اشياء كثيييره بصدري توجعني
نوف اخذت جوالها واتصلت على كِنان مايرّد عليها تاففت وهي تضغط على رقم جمانه ثواني وردت عليها:هلا نوف ؟
نوف:جمانه خالك كِنان وينه ؟
جمانه بأستغراب:ايش ؟
نوف:خالك وينه ؟
جمانه:كِنان ؟
نوف:ايوه وينه ابي اكلمه ضروري
جمانه:طيب دقيقه بعدت الجوال وهي تركض لشِقة خالها كِنان طلع ذعار:شفيك ؟
جمانه:وين خالي كِنان ؟
ذعار:هذا هو عندي دخلت وهي تمد له الجوال وبهّمس:نوف تبيك
كِنان اخذ الجوال ودخل الغرفه:هلا ؟
نوف:كِنان !
كِنان:ايوه كِنان هلا نوف ؟
نوف:لي يومين خلصت العدة
كِنان:عدة ؟
نوف:تطلقت من خالد
كِنان:طيب المطلوب مني داقه علي عشان تقولين لي انك تطلقتي ؟
نوف:كِنان انت تدري اني احبك والله مانسيتك
كِنان:نوف قبل كل شي لازم يكون بوجهك حياء!!!
نوف:كِنان انت تعرفني وانا احبك وانت تحبني ايش المشكله ؟
كِنان:لاعاد تدقين علي يابنت الناس ! انا قريب بتكون مِلكتي !
نوف بقهر:كِنان ليش ليش تسوي فيني كذا انت تدري اني احبك بتتزوج وانت تحبني ؟
كِنان:مستحيل اتزوج وحده مِثلك ! قليله حياء ويلا لاعاد تدقين علي فاهمه ! سكر بوجها
وطِلع:عطيها بلوك وقولي للبنات ماعاد يتواصلون معها فاهمه !!!
جمانه:طيب طلعت وقفت على الدرج وهي تفكر ايش كانت تبي نوف من كِنان ! قاطعها صوت رنين جوالها:هلا
:اشتقت لك !
جمانه:وبعدين معك انت ؟ انا قلت لك تبيني تعال اخطبني ! قاطعها صوت الرشاش طلع كِنان وذعار:وش الصوت ذا !!!
نزلو للأسفل وهّم يشوفون ضاري وسند ماسكين الرشاش ويطلقون بالهواء وام ضاري تزغرط
جمانه ركضت وحضنتها:الحمدالله على السلامه ياروحي
اشِجان:الله يسلمك جمانه بهّمس:شوفي المنقذ شكلك ماشفتيه صح
اشِجان:يابنت مو وقت مِزحك والله
جمانه:يالله يارب تكونين من نصيب واحد من خِوالي
جِلست على يمينها سِهاد ويسارها ضاري
ام ضاري دخلت وبيدها كاسة عصير مدتها لأشِجان:اشربي ياقلبي عصير
اشِجان:كان خليتي المساعده تجيبه ليش تعبتي نفسك ؟
ام ضاري:هو كلها كاسه عصير حطيتها وجبتها لك بالعافيه
سهاد:شِجن تقدرين تقولين لي شصار لكِ ؟ اذ تعبانه خليها بوقت ثاني
اشِجان:كِنا راجعين من الحديقه وكانت فيه سيارات غريبه عند باب البيت دخلنا وكانو فيه رجال كثير صارو يتكلمون عن راضي انه اخذ منهم مبلغ عشان مشروع او شي زي كذا طبعاً سألو عنه بس مانعرف وين مكانه ابعدونا عن جميله وامسكونا وخيروها بيني وبين اختي واخواني التؤام بالبدايه رفضت انها تتخلى عن واحد فينا وكأنها تذكرت اني بنتك وهي تكرهك وماكانت تبيني على هالحياه قالت فرصه افتك منها أشرت علي من بين اخواني ونطقت بأسمي وقالت:شِجن !
اخذوني معاهم لين يرجع راضي فلوسهم ويسلموني لأهلي مرت سنه وطلعوني من الغرفه اللي كنت محبوسه فيها عطوني واحد عمره حِول ال55 وفوق وسمعتهم يقولون ودها للعنوان هذا اخذني وطلع موديني للبيت اللي اخذوني منه طلع البيت فااضي ! سأل الجيران وقال انهم طلعو متخيلين طلعو بعد ماخذوني الديانين بشهر! هّرب بزوجته وعياله وترك وراه بنت ماتعدا عمرها ال13 سنه ! درست بمدرسه باليونان ودخلت الجامعه وزي مانتو شايفين هذا انا قدامكم
سهاد ضمها لصِدره:راضي بيدفع الثمن صدقيني صدقنني!
اشِجان هِزت راسها بالايِجاب
سهاد:روحي لغرفتك ارتاحي ونقومك على الغدا
اشِجان:مافيني نوم بجلس معاكم
ضاري:انا بروح شوي واجي
ام ضاري:خّل تغريد تنزل اليوم بتتغدا عندنا
ضاري:طيب رقى لشِقته دخل وشاف تغريد جالسه وتوكِل ايان وايلان رفعت نظرها له وسِرعان مانزلتها
ضاري:جهزي نفسك ولاتسوين غدا
تغريد:لا !
ضاري:بكيفك بس انا وصِلت لك عزيمة امي
غِرفة نجد دخل زيد:قومي الحين وبدلي ملابسك وان سمعت انك قايله لوحده من البنات شي ماتلومين الا نفسك !
نجد:زيد الله يوفقك سامحني والله انا غلطانه عارفه
زيد!
زيد:خلصي وانِزلي لااشوف دموعك عند امي وابوي والباب ماعاد يتقفل !
نجد هزت راسها بالايجاب طلعت لها قميص يوصل لنِصف الساق مُريح وله اكِمام اخذت شور سريع وطلعت حطت خافي عِيوب وشوية مسكرا ومُرطب
نزلت جلست بعيد وبهدوء
مناور:نجد يابوي علامك مالك صوت
نجد رفعت نظرها لـ زيد:ولاشي بس نومي مومنِظم واسهر انا وشروق لين الصَباح وننام ومانصحى الاباليل بس اليوم ماكان فيني نوم وجيت جلست معاكم
ام زيد:تغريد دقت علي وقالت انه نجد ماترد علي
نجد:ماعرف والله مانتبهت
ام زيد:اليوم خميس وتعرفين عمانك والعيال يجتمعون كِل خميس بأستراحه فـ اليوم مِجمعتنا تغريد عِندها
نجد:طيب مادري يمكن اروح ويمكن لا
مناور:ليش تجلسين بالبيت لحالك ؟
زيد:لا بتروحين وش يجلسك لحالك
نجد:طيب بروح
"بيت عايض"
دخل كِنان وشاف شروق:وين امك ؟
شروق:بالمجلس !
كِنان:طيب دخل وشاف ام جمانه وعايض جالسين
السلام عليكم ردو السَلام جِلس وصار يتقهوى معاهم
ام جمانه:موبالعاده تجيني هالحزه !
كِنان:بتكلم معاك بموضوع وقف عايض:انا ماشي وانت سولف مع اختك
كِنان:كان جلست تسمع الموضوع ابي رايك فيه
عايض جّلس
كِنان:ابي اتزوج
ام جمانه:بتتزوج ؟
كِنان:ايه ابيك تخطبين لي وبعدين شِفيك مستغربه ؟
ام جمانه:خلاص فيه بنت ماشاءالله كنت حاطه عيني عليها
كِنان:لالا لاتروحين بعيد ابي بنت سهاد !
ام جمانه:انت صادق البنت توها راجعه لأبوها بتاخذها منهم وتراها اخت نوف تبيها عادي ؟
كِنان:ايه ابيها واذ اخت نوف لاتنسين انا ونوف ماصار بيننا شي وكانت فقط خطبه !
عايض:وهو صادق واذا كانت اخت نوف اخطبيها له
ام جمانه:انهبلتو البنت توها طالعه من المستشفى تبوني اخطبها الحين خلوها على الاقل شهر ؟
كِنان:شهر وان راحت البنت وحنا ننتظر شهر ؟
عايض:ماعليك من سوالف اختك انا بطلبها من سهاد لكِ
ام جمانه:ودي اعرف خِلصو البنات تخطب اشِجان ؟
كِنان:عارف انهم ماخلصو بس انا ابيها ولاخلاص
ام جمانه:طيب خلاص مواليوم
كِنان:موفيه عزيمه عند تغريد اليوم كِلمي ام ضاري وانت كلم سهاد وقف:يلا لاتنسون !
"المِستشفى"
الدكتور:فترة عِلاجك بتكون 3 شهور اقِل شي
صقر:يعني خلاص اقدر امشي ؟
الدكتور:ايوه تقدر بس بعد فترة العلاج بتكون على عكاز لفِترة بسيطه
صقر:مشكور دكتور
الدكتور:ولو واجبنا بس صقر اهّم شي الراحه
صقر ابتسم وهِز راسه بالايجاب
دخلت نور:نرجع البيت ؟
صقر:باقي شوية فحوصات ونرجع ان شاءالله
نور:تمام بنتظرك برا اذ خلصت نادني
صقر:كان خليتي السواق يبقى معاي
نور:السواق امي تبيه ضروري فـ انا ببقى معاك
"عِزيـمة تغريد"
اشِجان:جمانه بالله ارفعي شعري تضايقت منه
شروق:اشِجان قصي منه شوي افِضل لك
اشِجان:تدرين افكر كثير اني اقصه بس تعبت عليه كثير والله
تغريد:لاتقصينه شعرك يجنن ماشاءالله تبارك الله
ام جمانه:والله احرجني مدري وش اقول له بس تعرفين كِنان
ام ضاري:ليش وش صاير ؟
ام جمانه:والله يام ضاري انا عارفه انه موقته ابد بس بقولك
ام زيد ضحكت:نبي اشِجان لأخوي كِنان
ام ضاري ضحكت:هاذي الساعه المباركه بس مو تصبرون شوي يعني البنت توها رجعت لنا بعد سنين
ام زيد:ماحنا مستعجلين بس كلمي ابو ضاري
ام ضاري:ابشري ياعيني
وقفت اشِجان:بروح شوي واجي
تغريد:بطريقك تغريد شوفي ايان وينه اختفى قبل شوي كان يحوس عندي
اشِجان:طيب دخلت للمطبخ شربت مويه وشافت روابي واقفه بالمطبخ
اشِجان:ليش ماتجلسين معنا ؟
روابي رفعت نظرها عن جوالها:ولاشي بس كذا
اشِجان:تعالي شدعوه جالسه لحِالك
روابي:طيب بجي الحين
طلعت اشِجان تدور ايان وشافته واقف عند باب الشقه:ايان تعال شعندك واقف هنا
وصلت للباب لكِن شهقت بخوف من شافته يناظر فِيها رجعت للخلف بحيث تغطي نفسها بالباب عِضت شفايفها بأحراج كِنان تنحنح:نادي لي اختي عواطف
اشِجان وبهّمس:طيب سكرت الباب ودخلت للمجلس خالتي اخوك يبيك
ام جمانه:انا ؟
اشِجان:ايوه طلعت ام جمانه:هاه كِنان وش عندك ؟
كِنان:كلمتيها ؟
ام جمانه:ايه كلمتها تقول عطونا وقت انت شفيك مطفوق ماني خابرتك كذا وبعدين تعال لايكون شفتها ؟
كِنان طِلع الزقاره من فمه ونفث الدخان بالهواء:تبين الصراحه ؟ شفتها هو شوفي شفتها من قبل يوم طلعتها من الحريق بس الحين وضح لي شكلها البنت حلوه ومافيها شي اقول خِليهم يعجلون علي بالموافقه .
يتبع........
ـــــــــــــــــــــــــــــــــــــــــــــــــــــــــــ