الفصل 12
البــــــــــــــــــــ الثاني عشر ــــــــــــــــارت
كِنان:طيب خلاص اذ جت تعرفون رقمي مايحتاج
تغريد:طيب
نجد طلعت:راح وجع غثيث والله
دخل للشقه وهو ينزل اغراضه جاه اتِصال من ذعار رد عليه:هلا
ذعار:وينك ماشاءالله ؟
كِنان:توي راجع مِن البر ليش ؟
ذعار:لا ولاشي
كِنان:وينك انت الشِقه حقتك فاضيه ؟
ذعار:ليه انت بالرياض الحين ؟
كِنان:خلصت اجازتي ورجعت
ذعار:طيب انا لازم اقِفل عندي شغل
كِنان:طيب فِمان الله
ذعار:فمان الكريم سكر مِنه جاء
المُوظف:اتِصلو علي وقالو انه الاجتماع بيكون 7:30 الصَباح لان هّم مشغولين كِثير وهذا وقِت مناسب
ذعار:خِبر المُصممه اشِجان انه لازم يكون شغلها خَالص قبل 7 الصَباح
الموظف هِز راسه بالايجاب
"بِيت سهاد"
دخل ضاري ومِعه ايان
ام ضاري:شصار عليه ؟
ضاري:اصرفو له شِوية ادويه وعطوه ابره وزي مَانتي شايفه نايم من التعّب
ام ضاري:وده لغِرفته خِله يكمل نومته
ضاري:انا بنام بعد عشان اذ صحى انا اكون جِنبه
ام ضاري:حِطه بغرفته افضل بعدين يعديك !
ضاري:لا عادي
طلع سِند:ليش ماتخليه بغرفته انا كل شوي ادخل اشوفه
"المِطار"
وصُلت للرياض وطلعت وركبت تاكسي مِتوجهه للبيت له يومين مايرد رسايلها ولاعلى اتصالاتها !
اسِتغربت وصِلت للبيت وهي ماتشوف غير سيارتها وسيارة عِلي موموجوده فتحت شنطتها وهي تفتح الباب ودخلت شافت انوار البيت طافيه وظلام
طلعت المُساعده:اشِجان لفت نظرها:هلا
مدت لها ورقِة فتحتها انِصدمت:ربيتك وكِبرتك ودرستك بأفضل مدارس وجامعات اليونان انتهى وقتي مِعاك عِنوان اهلك طِلعته أسالي جمانه عنه وراح تِخبرك اسِتودعتك الله الذي لاتضيع ودائعه
اشِجان صرخت وهي تِقطع الورقه بكِل عنف:صرت تمنها علي صرت تمن رعايتك لي بوقت اهلي تركوني فيه عشان الفلوس الله ياخذكم كلكم كلكم كذابين كذاااااابين تركتوني لحاليي بوقت انا محتاجتهم فيه وقفت وهي تمسح دموعها بكِل عنف طلعت وطقت الباب بقوه على بيت جمانه فِتح الباب عايض:هلا ؟
اشِجان:ابي جمانه ممكن تناديها لي ؟
عايض:طيب دخل عايض وهو ينادي جمانه
جمانه:هلا
عايض:صديقتك تبيك برا وقفت جمانه وهي تركض ابتسمت:الحمدالله على السلامه
تعالي تعالي
اشِجان:عطيني العنوان اللي عطاك ياه علي
جمانه:اشِجان ارتاحي الحين اهِلك موهنا بالرياض بالقصيم هّم بكره روحي لهِم موالحين
اشِجان صرخت صِرخة ارعِبت جمانه وطِلعو كل اللي بالبيت:عطيني العنوان عطيني ياه
جمانه:مراح اخليك تروحين بالحاله هاذي اهدي وخلينا نتفاهم
اشِجان بدت تدف جمانه:عطيني ياه انتِ شدخلك شدخلك عطيني ياه ومالك دخل فيني
جمانه:اشِجان اهدي لاتسوين بنفسك كذا تعالي خلينا نجلس
اشِجان بدت تضرب صِدر جمانه بكل عُنف:مالك دخل فيني مالك دخل هاتي العنوان هااااتييييه
جمانه رفعت يدها وضِربتها كف:اصحي اصحي ناس تِخلو عنك تبين ترجعين وتشوفينهم ليش لهِدرجه ماعندك كرامه ترجعين لناس تِخلو عنك عشان الفلوس عشان يفتكون من الدين اللي كان عليهم باعوك للغريب برخص التراب ! انتِ كنتي طفله بعمر ال 12 سنه امك حِنت عليك لا لا لانك بنت طليقها الثاني كِان قلبها مليان حِقد وكراهيه انتِ ماتصحين ؟ خيروها انا تتِخلى عن واحد مِن عيالها وهي ايش سوت ! اشِرت عليك من بين اخوانك الثّلاث ! قالت اشِجان 10 سنوات يأشِجان 10 سنوات اشِجان صرخت:يكفي يكفييييي طلعت تركض تبي بس تِدخل لبِيتها صرخت وهِي تغطي وجها صِدمتها السياره طاحِت على الارض راسها ينزف دم طلعت جمانه:اشِجان اشِجان مسكها ذعار :ادخلي ادخلي !
جمانه بكت:خلني تكفى خلني وصِلت الاسعاف واخذت اشِجان
عايض:خلونا نروح مع البنت جمانه البسي عبايتك بسرعه
ذعار:رح معاهم كِنان وانا ببقى واذ صار شي قولو لي جت جمانه وهي تركض ركبو السياره وحِركو ورا الاسعاف
بعد ساعتين طلع الدكتور:كانت اصابه خفيفه بس لازم نسوي لها شوية فحوصات وبكره ان شاءالله تقدر تطلع
عايض:مشكور دكتور لف نظره لجُمانه:وين ابوها عطيني رقمه اتِصل عليه
جمانه:غير رقمه وهو تِركها يعني نقل هو وعائلته لبرا الرياض
كِنان:هي عن أي عنوان تتكلم ؟
جمانه:عنوان اهِلها
كِنان:كان عطيتيها وفكيتينا من المصايب شوفي لوين وصلنا والسبب عِنادك لوصار فيها شي انتِ المسؤوله !
"الساعه 8 الصباح "
كانت صاحيه لها ساعه وماشافت احد عندها نزلت دموعها لكِن سرعان مامسحتها من شافت دخول جمانه:صحيتي ؟
اشِجان صوتها مبحوح:تدرين لو عطيتني العنوان كان انا ماصار فيني كذا
جمانه:خفت عليك اشِجان انا اعرفك بتشغلين السياره وبتمشين للقصيم مايصير انا اروح معاك ونشوف اهلك بس ماتروحين لحالك
اشِجان:ابحجز الحين انا بروح الحين مابي اضيع ثانيه وحده ابي اشوف ابوي
جمانه:تمام انت تبين توصلين لابوك ارتاحي اليوم وبكره نحجز ونروح للقصيم بس اليوم ارتاحي عشاني
اشِجان نزلت راسها للاسفل وشِبكت اصابعها فِي بعض
"بيت مناور"
نجد:وربي كِسرت خاطري يعني معقوله صاير فيها كذا حرامم
شروق:كله كِوم وغثاثة خالك كِنان كوم ثاني موقادره اتحمل غثاثته يارب صبرنا
تغريد:اسكتو لايسمعكم والله يكسر البيت فوق روسنا
نجد:حتى خطيبته ماتحملته وهّم بفترة الخطوبه
شروق:ايه شايفه معقد ذا وربي مع انها كانت حبه الاول بس شوفي من تصرفاته كرهت الحب
نجد:من قالك كرهت الحب ؟ تزوجت وصار عندها بنتين
شروق:تمزحين تزوجت ؟
نجد ضحكت:شكلك موبعالمنا ابد ايه تزوجت عرفت من امي قالت انه بيكلمونها يرجعونها له بس هي رفضت ترجع له بسبب عصبيته الزايده وحركاته المعقده تقول هذا وحنا بفترة الخطوبه بس يسوي فيني كذا لاتزوجنا وصرنا تحت سقف واحد ايش بسوي تقول طقت روحي منه مابيه
شروق:ياعمري كسرت خاطري بس تزوجت اكيد رجال زين صح ؟
نجد:اخر مره شفتها بالاستراحه اللي قبل3 سنين كانت تقول لجمانه وتغريد انه زين معي ومدلعني ومومقصر علي بشي
تغريد:ايه قاطعِهم دخول كِنان:شروق سوي لي شاهي نعناع وطِلع
نجد:لايكون سمعنا ؟
تغريد:لالا ماضن لوسمعنا كسر المطبخ فوق روسنا المهم سوي له شاهي
شروق تاففت وهي تقلده:شروق سوي لي شاهي نعناع مالقى غيري يعني مريض وربي
نجد:ودك تتصفقين اسمعي لاتحطين له سكر
شروق:لاوالله عشان يصب الشاهي فوق راسي
تغريد:ايه صادقه نجد حطي السكر على جِنب وهو يحط لنفسه يلا انا بروح له مابيه يجلس لحاله
كِنان كان عاقد حواجبه ويطقطق بجواله
نجد:يوه انا بجلس بالمطبخ شكله معصب وبيطلع اللي فيه فينا حنا اهربو
تغريد ضحكت:اوص فضحتينا
كِنان رفع نظره وشاف نجد بترجع للمطبخ:تعالي ارجعي مكانك
نجد:مين انا ؟
كِنان:ايه انتِ تعالي اجلسي بكلمك بموضوع
نجد جلست وهي ترجف:هلا خالي
كِنان نزل شماغه وحِطه جمبه:ايش تعرفين عن موضوع نوف !
نجد:هاه ماعرف شي والله ماعرف شي
كِنان:انا سمعتك تتكلمين مع شروق بالمطبخ ايش كانت تقول لكم عني !
"بعد يومين"
راضي:مين انتِ ؟
اشِجان:هذا بيت جميله عبدالوهاب ؟
راضي:ايه بس ماقلتي لي مين انتِ ؟
اشِجان:لي كلام معها ممكن تناديها لي !
راضي لف نظره لريان:خل امك تجي دخل ريان وبعد ثواني بسيطه طلعت جميله اشِجان رفعت نظرها
جميله:هلا والله بس مين انتِ ماعرفتك !
اشِجان:معقوله ماتعرفين البنت اللي انقذتي حياة زوجك ورميتي البنت اللي عمرها 12 سنه مع ناس ماتعرفين خِيرهم من شرهم اهم شي راحتك وراحت عِيالك ؟
جميله مصدومه مِن اللي قاعده تشوفه:شِجن ؟
اشِجان:اللي هو عطيني اسم ابوي كامل وعنوانه !
جميله:شِجن تعالي افِهمك الموضوع
اشِجان ضحكت بسخريه:اي موضوع توك تجين تفهميني وينك عني من 10 سنوات ؟ قولي لي اسم ابوي ولايكثر !
جميله هِزت راسها بالايجاب:
يتبع.......
ـــــــــــــــــــــــــــــــــــــــــــــــ