الفصل 8
البــــــــــــــــــــ الثامن ــــــارت
دخل ضاري التِفت بعيونه يدور حصه ماشافها جاء بيدخل للغرفه وقف وهو يسمعها: ماحبيت ضاري الا عشان فلوسه حاولت قد ماقدر اني اخليه يحبني ومايلتفت لتغريد وصار اللي فبالي زي مابغيت بس الحين انا مابي فلوسه مابي شي منه لان حياتي ممله معاه انتِ تدرين سويت كل هذا عشان اسدد ديون ابوي وانتِ عارفه اني احب خالد وهو يحبني وهو للحين يبيني يعني عادي لو اتطلق من ضاري خالد للان يبيني حتى لو معي ولد فِزت بخوف وطاح الجوال من يدها ضاري قِرب منها:يرضى فيك ومعك ولد عادي ؟ هذا تفكيرك تتطلقين مني وتاخذين حبيب القلب ؟
حصه:دقيقه انت موفاهم خلني افهمك ضاري
ضاري بصراخ:وش اللي تفهمينييي علمييني وش ؟
انتِ ماخذتني عشان فلوسي ؟
حصه:ضاري اسمعني اسمعني طيب
ضاري:مراح اسمعك وانتِ طالق
راح لأيان وشاله وطلع من الغرفه حصه وقفت عند الباب:تدري ؟ خّل ولدك عندك بشوف حياتي منزين هالحياه اللي عايشتها عندك نكد بِنكد
طلع وأيان يبكي صار يهديه وركب سيارته وقف عند اقِرب بقالة نزل واخذ ايان معاه وصار يشتري له عشان يسكت ركب السياره وتُوجه لبيت ابوه
"الساعه 12:40"
اشِجان وسِرحانه والاكل نفس ماهو ماتغير منه شي
دخل علي طلعت المُساعده:ماكلت على نفس حالها ولانامت
علي:من متى الاكل هنا ؟
المُساعده:من جيتو من المستشفى حطيت لها الاكل ورحت ارتب غرفتها رجعت وكلمتها رفضت تاكل
علي:خوذي الاكل وسخنيه وجيبيه انا بخليها تاكل
اخذت الصينيه وعلي جلس جِنبها ليش ماكلتي ؟
اشِجان ساكته ولا تكلمت علي تنهد:اشِجان شفيك ساكته من رجعنا من المستشفى وانتِ ساكته !
"المستشفى"
نجد:الله يوفقك شروق خلينا نرجع تدرين مراح يدخلونا وقت الزياره خلص هم يفتحون وقت الزياره 7 العشاء والحين 1 وشوي
شروق لفت عليها:انتِ ماتاكلين تبن ؟ قلت لك انتظريني بالسياره بس ماتفهمين
نجد:برجع للسياره وانتِ خلصي وتعالي
شروق:طيب خلاص روحي روحي اف ازعاج بس شلون ادخل من العسكر ؟
نجد:الحين موقلتي لي انه عمتي وعمي رجعو للبيت وشفتيهم بعِينك ؟
شروق:ايه ؟
نجد:قولي مُرافقه وادخلي مراح يشكون فيك
شروق:طيب خلاص انقلعي جت عِند البوابه ودخلت بعدها وقفت من وقفها العسكري:وين داخله ؟
شروق:مرافقه مع زوجي
العسكري بعد وهو يفتح الباب دخلت شروق وهي تتنفس بتوتر مِشت بسرعه وهي تدور غرفة رائد وقفت عند الغرفه وفتحتها بشويش ودخلت سكرت الباب وهي تاخذ مويه وتشربها دفعة وحده جلست على الكِنب شوي عشان تتنفس بشويش
صحى رائد من سمع الحركه اللي حوله
شروق وقفت وهي تِفرك يدها بتوتر
رائد عّدل نفسه تنهد وهو يشبك يده فِبعض:هاه شروق شعندك جايه ؟ شروق انتِ ماتخافين على نفسك مني ؟
شروق:ليش اخاف على نفسي منك ؟ مراح تضرني ! وانت كان فيك ورم عشان كذا صارت تهلوس بأشخاص غِير موجودين بالحياه ولاانت مافيك شي ترا
رائد:طيب شايفه الوقت الحين ؟
شروق:طيب انا اسفه ماعاد بجيك ولاراح تشوف وجهي من اللحظة هاذي ادري ضايقتك جت بتطلع لفت نظرها له وطلعت علطول بدون لاتسمع رد مِنه
علي:اشِجان كافي اللي تسوينه بنفسك
اشِجان لفت نظرها له:انت شتبي الحين خلاص خلاص لاتكلمني لاتكلمننني طيب !
علي:بنت تكلمين ابوك كذا انجنيتي ؟
اشِجان:ابوي ؟؟؟؟ ايش قلت ابوي ! لاتضحكني لان فعلاً مالي خلق اضحك اليوم وخر عني انتو كلكم كذااابين كذاااابييييين بدت تكسر الاشياء اللي قدامها اخذت كوب قزاز وضربته بالارض اخذت قطعة من القزاز وحطتها بيدها الثنتين وصارت تِضغط على يدها بقوة علي صرخ:بنتت!! انهبلتتتي
مسك يدها وهو يحاول يفكها بس هي شادة على يدها بقوه المُساعده طلعت وانهبلت من شافت اشِجان تضحك ويدها تنزف دم علي عّصب ورفع يده وضربها كِف لعّل وعسى تصحى على نفسها وتشوف ايش هي قاعده تسوي طاحت على الارض مِن قوة الكف وفكت شِدة يدها شالها بِين يدينه وهو يطلع بيروح للمستشفى ركب سيارته متوجه للمستشفى بعد دقايق طلع الدكتور:اشِجان عندها انهيار عصبي تِحتاج دكتور نفسي دخلت بفترة اكتئاب وقلق يِفضل انك توديها دكتور نفسي عشان ماتتطور الحاله مِعها
علي مسح على وجهه:طيب ماتعرف دكتور نفسي كويس ؟
الدكتور:طيب انا بسوي لها تحويل على الدكتور اسامه
علي:يعطيك العافيه تعبناك مِعنا
الدكتور:ولو واجبنا
علي دخل عليها:كيفك الحين ؟
اشِجان:لمتى بتكذب علي ليش ماتقول لي الحقيقه ؟
علي جلس على طِرف السرير:ايش حقيقته ؟ قولي لي وابشري راح اقولك كل شي
اشِجان بكت:انت عارف انا ايش قاعده اقصد انت عارف
علي:طيب انتِ الحين نامي وريحي نفسك وبكره نتكلم
اشِجان انسدحت دفِنت وجها بالمخده ثواني وغِفت من التعب
جمانه وقفت عند باب البيت وهي تضغط زر الجرس وصل علي ونزل:هلا ؟
جمانه:عمي اشِجان بخير وينها ؟
علي:اشِجان مسافره الفترة هاذي تقريباً بعد شهرين تجي
جمانه:شلون يعني بعد شهرين ليش هي وين رايحه ؟
علي:رجعت لليونان عندها كم شغله ترجع ان شاءالله
جمانه باستغراب:طيب اعذرني ازعجتك بعدت وهي مستغربه من اشِجان سافرت بدون لاتقول لاحد مادخل الموضوع براسِها
شروق:هاه شصار لقيتيها ؟
جمانه:لا يقولي رجعت لليونان عندها كم شغله هناك وبترجع
شروق:الحين صديقتك هاذي من اليونان ؟
جمانه:لا هي سعوديه بس يعني من وهي صغيره باليونان
شروق:طيب ادخلي شفيك واقفه
"مِجلس مناور"
دخلت تغريد:السلام عليكم
ضاري وبحضنه ايان:وعليكم السلام
جلست تغريد: تبي تشوفني ؟
ضاري تنهد:تغريد بدون مقدمات ارجعي لي
تغريد:بس انا اتخِذت قراري مابي ارجع لك ضاري
ضاري:طيب انا اسف على كل اللي سويته
تغريد ضحكت بسخريه:اسف ؟ ترا الكِلمه هاذي مراح تصلح شعور بداخلي انِكسر وسبب كسره انت
ضاري مراح ارجع لك !
ضاري وقف:ليش عطيني فرصه
تغريد:ليش جايبه معاك ؟
ضاري لف نظره لأيان:طلقتها
تغريد ببرود:طلقت حصه تستهبل ؟
ضاري:لاماستهبل صادق انا ارجعي لي
تغريد:مراح ارجع لك وخذ ولدك واطلع برا يلا
ضاري:تغريد ! انا طلقت حصه
تغريد ضحكت:طلقتها وش السبب اللي طلقتها عشاِنه ؟
ضاري:اجلسي واعِلمك !
تغريد:عندك 10 دقايق تقول اللي عندك
ضاري:تكلم صديقتها مدري اختها مدري مين تكلم وهي تزوجتني عشان فلوسي
تغريد ضحكت بسخريه:وانت جاي لي شتبي موهاذي اللي فضلتها علي ؟
اشِجان وقفت وهي تعدل بجامتها الرماديه وقفت قدام الشباك وضحكت بسخريه:المُصممة اشِجان اللي عاشت بين رسم والوان الحين ! بغرفة بيضاء خاليه من اللوان صرتي تتعالجين عند دكتور نفسي ليش يحبسوني هنا ! انا مافيني شي
الدكتور:شوية علاج وراح تطلعين مافيك شي بس تحتاجين لشوية راحه وهدوء
اشِجان لفت نظرها:راحه ؟ ماظنتي برتاح وانا مالقيت اهلي
الدكتور جلس:ليش ماتنسينهم ! وتعيشين حياتك زي اول واحسن
اشِجان لفت نظرها:اعيش عند واحد ماهو ابوي ؟
الدكتور:بس صار رباك ودرسك وتخرجتي من افضل الجامعات باليونان والحين تشتغلين باحسن شركات بالسعوديه
اشِجان:انا مانكر انه سوا لي اشياء كثيره بس ليش يخبي علي ليش ماقال لي الحقيقه ليش !
الدكتور:يبيك تعيشين حياة طبيعيه بدون قلق بدون ماتحسين بغرابه بمى انه ماهو ابوك مايبيك تحسين انك عايشه بدون اهل
اشِجان ضحكت بسخريه:الحين صار كل شي واضح وهو ماهو ابوي
الدكتور:طيب نوقف لهنا ترتاحين شوي ؟
اشِجان لفت نظرها له:تعطيني جوالك ؟
الدكتور:ليش ايش تبين فيه ؟
اشِجان:بتصل على ابوي بقوله شي
الدكتور:طيب طلع جواله ومده لها
بعد دقايق رد علي:هلا
اشِجان:انا اشِجان ممكن طلب بسيط ؟
علي ابتسم:امري يابوي اشِجان ؟
اشِجان:تجي تطلعني مابي اجلس ولاثانيه بالمستشفى
علي:تتعالجين عن اللي فيك وابشري اجي اطلعك
اشِجان بكت:بس مابي تعبت من اول يوم انا مابي اجلس لحالي بغرفة بيضاء تعبت نفسيتي وانا هذا ثاني يوم لي تعال طلعني مابي اجلس
علي:طيب بطلعك بجيك الحين
مدت له الجوال
يتبع.......
ـــــــــــــــــــــــــــــــــــــــــــــــــــــــــــ