الفصل 4
البــــــــــــــــــــ الرابع ـــــــــارت
اشِجان شافت الواتس وكانت رسالة من ذعار:لايوجد عمل ومِكتوب بالاسِفل ذعار الغانم
باستغراب:شعندهم ! تاففت بعدم اهتمام وهي تحس بملل موطبيعي نزلت تحت وهي تشوف المساعده تنظف:ممكن اذ خلصتي تسوين لي قهوه ؟
المُساعده هزت راسها بأيه صارت تتمشى بالبيت وهي تشوف تصاميم المجالس وغيره وكانت حلوه كان فيه باب استغربت وهي تفتحه وكان يفتح على الحوش الخلفي وكان فيه انوار كثيره لفت نظرها كيس اسود صارت تمشي وهي تتفقد الكيس برجلها وكان شي صلب اخذت الكيس واستغربت كاميرا ! اخذتها ورقت للغرفه وهي تحطها بالدرج وتقفل الدرج تبي تشوف وش سالفة الكاميرا هاذي
نزلت وهي تشوف القهوه جاهزه طلع علي وهو يسكر ثوبه:بيكون فيه غدا بيتجمعون عمانك وعيالهم وجدك وجدتك
اشِجان:تمام بس عيال مافيه بنات ؟
علي:فيه بس اصغر منك بكثييير يعني حول 12 و9 سنوات بس
اشِجان:طيب لف علي:ليش مارحتي للشركه اليوم ؟
اشِجان:ارسلو علي رساله انه مافيه عمل
علي:طيب انتبهي على نفسك بروح اجيب اغراض للغدا واجي مراح اطول
اشِجان:مين اللي بيسوي الغدا ؟
علي:المُساعده تعرف تطبخ
اشِجان هزت راسها بالايِجاب:تمام طلع علي فتحت اللاب وهي تشوف مسلسلها وراح عن بالها الكاميرا تماماً
"المحكمة"
القاضي:اثبتت الادله على المُتهم سِند سهاد الحمد بِقتل رامي نايف السفيان وحكمت المحكمة على المُتهم سنِد سهاد الحمد بالقصاص بعد 3 شهور بتاريخ 7/7/1442
سند اغمى عليه من قوة الصدمه
سهاد مسك راسه من المصيبه اللي نزلت عليهم:لاحول ولاقوة الابالله
شالو سند لانه مغمي عليه
رجعو للبيت وسهاد موقادر يمشي
ام ضاري سمعت ضاري وذعار وهّم يتكلمون:مدري وش اقول لامي مدري مدري
ذعار مسح دمعة ضاري:ضاري سند بيطلع باذن الله بيطلع وبنتكلم مع اهل القتيل يتنازلون عنه ونعطيهم ديه واللي يبونه
ام ضاري طلعت وهي تصيح وتصارخ:حكمو على ولدي بالقصاص ياوييييللليييييي
اشِجان اتصلت مره ومرتين وثلاث على وسن ارسلت لها واتس:ليش ماتردي ؟
وسن بعد ساعه دقت عليها
اشِجان:وجع خير توك تردين ؟
وسن:اشِجان بقولك شي ومنزمان كان ودي اقوله لك انتِ تعرفين انك صاحبتي وانا احبك مثل اختي يارا واعز بس هذا الشيء موبيدي
اشِجان بخوف:شفيك ؟
وسن:ممكن ماعاد تدقين علي ؟
اشِجان ضحكت:شلون يعني ماعاد ادق عليك ؟
وسن:ايوه يعني شوفي فؤاد منزمان قايل لي اني اترك بس انا كنت ارفض وصار لي مشاكل بسبب هالشيء وانا احب فؤاد ولاابي اخسره وانتِ قاطعتها اشِجان:اوك فهمت فهمت قفلت بوجها وهي ترمي جوالها بعيد عنها قاطعها دخول المُساعده:بابا علي يقول انزلي وصلو
لبست العبايه ولفت الطرحه ولبست النقاب ولبست سليبر نزلت:السلام عليكم
سلمت على جدها وجدتها بعدين عمانها وحِريمهم
علي:عيال عمك ؟
اشِجان لفت نظرها لهُم:اعتذر مراح اسلم عليكم الا من بعيد فقط وهي تبتعد وتجلس بعيد عنهم
عثمان رفع نظره وهو يناظر فيها نظَرات غريبه:اخبارك يابنت عمي ؟
اشِجان بدون لاتناظره:تمام الحمدالله
"المستشفى"
ام ضاري ماهي قادره تتكلم من الصدمه اللي جتها بولدها الصغير كانت نايمه على المُهدئات
سهاد موقادر يتصرف من كبر المُصيبه
جمانه:خالي ليش ماترحون لاهِل رامي وتتكلمون معاهم
ذعار تنهد:وتحسبين ماتكلمنا ؟ مايبون الا رقبته لاحول ولاقوة الابالله
جمانه خافت على سند تدري انه بريئ بس شلون تثبت برائته ؟ قدامها 3 شهور من وين تبدا ؟
سند جالس وشاد على شعره وهو نقطة وينجن من التفكير شلون انقتل رامي مين اللي رمى التهمه علي بطلع ولا هز راسه بالنفي وهو يرفع يده ويدعي مِن قلب دموعه نزلت لاشعورياً مسح على وجهه وهو يمسح دمعته بسرعه جاء الشرطي:سند سهاد الحمد زياره وقف سند وهو يطلع وكانت جمانه:سند اخبارك ؟
سند:جمانه وش جايبك ؟
جمانه:راح اطلعك راح اسوي اللي اقدر عليه سند جبت لك اغراض لان رفضو يدخلون عمي
سند هز راسه:طيب مشكوره
جمانه طلعت مصحف من شنطتها:استمر على القران يريح لك قلبك ياسند ويخفف عنك وراح اسوي اللي اقدر عليه
سند ابتسم بحِزن:قدامك 3 شهور ياجمانه 3 شهور تقدرين تطلعيني وتثبتين برائتي يابنت عمي ؟
جمانه:باذن الله ياسند راح اقدر مراح ارتاح الا اذ شفتك طالع باذن الله ياسند راح اطلعك
سند ابتسم:تمام وقف وهو يلف نظره لها دخل دخله الشرطي للزنزانه
"اشِجان"
نزلت وهي تشوف جدها وجدتها وابوها يتهامسون بشكل خفيف التفت علي وهو يتنحنح وسكتو
اشِجان لاحظت انهم سكتو وقت مادخلت اكتفت بالسكِوت وهي تجلس
الجده:اشِجان ياقلبي اخبارك ؟
اشِجان ابتسمت:الحمدالله تمام
الجده:تعالي ابيك عندي هنا تعالي
اشِجان جلست جنبها الجده مسحت على شعرها الطويل:يابنتي انتِ كبرتي وانتِ بسن الزواج
وعمك مسفر يبيك لولده عثمان
اشِجان:بس اللي اعرفه عثمان متزوج !
الجده:مافيها شي تكونين زوجة ثانيه
اشِجان ضحكت:مراح اتزوجه وانا مافكر بالزواج
رجاءً يعني لاتفتحون معي الموضوع هذا
الجد:براحتك بس فكري وقولي لنا لاتتسرعين
اشِجان:بس انا موموافقه اني اتزوج ومراح افكر لان عثمان مستححيل اتزوجه اعتذر جدي ممكن ماتفتحون معي الموضوع هذا واضن انه شيي بسيط وسهل وقفت وهي ترقى لغرفتها تنرفزت وكثيرر امس شافها بالسِرعه ذي صار يحبها ضحكت بسخريه حُب من 10 دقايق الله
اشِجان بدت تتذكر صديقتها الاكترونيه اللي تعرفت عليها سنه ونص من رجعت للسعوديه وهي ناسيتها تذكرتها اخذت جوالها وهي تتصل عليها بعد ثواني ردت:هلا اشِجان وينك انتِ مختفيه ؟
اشِجان:معليش والله انشغلت شوي وتدرين ؟ رجعت للسعوديه
جمانه ضحكت:واخيراً رجعتي وينك بالضبط ؟
اشِجان:بالرياض مالنا يومين ساكنين بيتنا الجديد
جمانه رفعت نظرها للساعه وكانت تِشير ل7:30 العشاء:تجين بيتي ؟ ودي افضفض لك احسني متضايقه اشِجان مره مره متضايقه
اشِجان:طيب اشوف ابوي واقولك ارسلي اللوكيشن
جمانه ابتسمت:تمام يلا
اشِجان نزلت وكان ابوها جالس هو وجدتها فقط:ابوي بروح لبيت صديقتي عازمتني
علي باستغراب:من متى عندك صديقات بالرياض ؟
اشِجان:اعرفها من سنه ونص شدعوه يبه البنت ثقه
علي:اشِجان مافيه روحه لبيت صديقاتك ماتعرفين خيرهم من شرهم بس تعرفينها بالجوال
اشِجان:طيب شوف مكان البيت اذ بعيد مره خلاص مانروح
علي:لا يعني لا
اشِجان فتحت الواتس وهي تشوف اللوكيشن كان قدام بيتها ضحكت بصدمه:بيتها قدام بيتنا ابوي
علي:شلون يعني بيتها قدام بيتنا !
اشِجان:ايوه قدام بيتنا يبه بالله بروح
علي:يمه تعرفين اهِل البيت اللي قدامنا ؟
الجده:وانا شعرفني فيهم ؟ ماعرفهم
اشِجان باست راسه:ابوي بالله بروح لها
علي:طيب البسي يلا عشان اوديك لبست جينز اسود وتيشيرت ابيض نايك
لبست سليبر وعبايتها وتنقبت واخذت شنطتها وجوالها دقت على جمانه:افتحي انا عند الباب
جمانه باستغراب:بالسرعه ذي ؟ بنت مايمدي قايله لك من 5 دقايق
اشِجان وقفت عند باب بيتها:اقول افتحي رجلي اوجعتني وانا واقفه
لفت نظرها للسياره اللي وقفت نزل وهو مستغرب منها لفت نظرها له شهقت بصدمه وبهّمس:ذعار شجايبه هنا !
دخلت اشِجان:ساعه تفتحين ياربي
جمانه ناظرتها:شكلك موعلى صوتك وضحكت
اشِجان:انتِ اللي شكلك على صوتك بس طلعتي حلوه احلا من الصور
جمانه:شايفه يلا تعالي مسويه جلسة بالحوش
اشِجان:يلا بس فيه احد ؟
جمانه:ماعندي اخوان وابوي طالع مراح يجي الحين
جلسو فصخت النقاب وعبايتها وانتثر شعرها الطويل
جمانه:مشاءالله شعرك يجننن
اشِجان:تدرين يتعبني ودي اقصه بس ابوي رافض طبعاً
جمانه:لاتقصينه وربي حلو الا ماقلتي لي شلون جيتي بالسرعه ذي وربي جايه بهيلكوبتر انتِ ؟
اشِجان:البيت قدام البيت ياحلوه
جمانه:شلون يعني ؟
اشِجان:بيتنا قدامكم بالضبط
جمانه صرخت:تستهببلييين الله شلونن ؟
لايكون بيت عمي سهاد ؟
اشِجان هزت اكتافها:ماعرف بس اللي اعرفه بيتنا قدام بيتكم بس مشاءالله بيتك يشابه مع البيوت الثانيه وربي كنت واقفه عند اللي جنبكم نزل واخر شي طلع مديري الغثيث مدري وش ذي الصدفه
جمانه:دقيقه دقيقه مديرك ؟ انتِ وين تشتغلين ؟
اشِجان:بشركة الحَمد للتمور
جمانه:لاياشيخه ؟ بعد بعد هاذي شركة ابوي وعماني
اشِجان:يعني اللي شفته برا عمك ؟
جمانه:منهو ايش اسمه ؟
اشِجان:ذعار
جمانه:هذا خالي ذعار واشرت باصبعها على الشباك اللي قدامهم وهذا بيته فوق
اشِجان:ايه اشوا ماسبيته
جمانه:ترا خالي شوي عصبي وماتقربين منه يعني ماتدقين ميانه واجد
اشِجان:شفيك احسك متضايقه ؟
جمانه تنهدت وهي تقول لها السالفه
اشِجان:شلون وش بتسوين جمانه قدامك 3 شهور انتِ عطيتيه امل انك بتقدرين تطلعينه
جمانه:عطيته امل وخايفه ياشِجان اني اخسر بالقضية وماثبت برائته وربي سند موقادره اتخيل
يتبع.......
ـــــــــــــــــــــــــــــــــــــــــــــــــــــــــــ