الفصل السادس
طلعت وكانت راما رح تفجر والكل راح ع غرفتو وهو متلبك والتلفونات اشتغلت والتدريب كمان انا دبرت فرقة كاملة خاصة فيني مكونة من اربع شباب نخب اول لانو ما بدي اي غلطة كنت مجهزة كلشي ونزلت ع السوق وكانو بنات عمي معي كل وحدة اشترت لبسها قدامي إلا انا ما خليتهن يشوفو لبسي
ماسة : يييي ما عجبني شي بنات روحو حجزوو بهداك الكافيه انا رح اسال عن هاد الفستان واجيكن
سديل : يلا بسرعة
ناريمان : اوك عسولتي لاتتأخري رح اطلب كاكاو بلحليب
ماسة : اووووكيه قلوباتي..اوك سانية وبرجعلكن
هنة راحو انا اشتريت لبسي ورحت حاولو يشوفو شوفي بس انا قلتهن انو هدولة الغراض ل عمامي وانهن هدايا ومغلفين ومابدي اشيل التغليف وأنزعهن ... ورحنا ع البيت قعدنا وصرنا نحكي انا وسديل وناريمان بغرفتي
سديل : تعلمت كم حركة ناريمان بترقصي معي حبابة ما حسنت ادبر فرقة ... ولله الرقصة سهلة
ناريمان : طيب موافقة بس بشرط
سديل : شرطي !!
ناريمان : قوليلي مين رح تختاري
سديل : بس ما بتحكو انتو الجوز ل حدا
ماسة : وليك احكي ... خلص بنوعدك
ناريمان : خلص وعد احكي هلق
سديل بخجل : لؤي
ماسة : شكوكي بمحلها كنت عرفانة بس ما تاكدت لهلق
ناريمان : وهو بحبك ؟؟
سديل : ولك اي اي و من زمان
ماسة وهي عم تضحك:الله يوفق لنسفق 😂😜
ناريمان : ان شاء الله
سديل :وانتي ناريمان مين رح تختاري
ناريمان بهمس: احمد 🙊
ماسة : ههههههههههههههههه ولله كنت بعرف هالاهتمام مو ع الفاضي ...
سديل : ان شاء الله تكمل قصصنا ونكون لبعض
وبعدا تطلعو علي هنة التنتين وبتسمو ابتسامة وسخة وقلولي :وانتي مدموزيل ماسة مين رح تختاري ....قمت ورحت لجنب مرايتي تطلعت ع حالي وبعدا عليهن وقلتلهن.