بعا جدي ونانتي الله يسعدلي ياهن انا ماسة عمري 18صرلي 3اشهر مطبقة ال17و طاحشة ب 18 انا بنت ما عندي دقن ممشطة وطول الوقت عم اتقاتل مع ابن عمي سهيل سعد ..طول الوقت عم نعمل مقالب ببعضنا واليوم حطلي بفطوري فلفل من نوع الي بيحطوه لصلصات الباربيكيو الحار وطبعا هلق لساني وشفتي عم يحرقوني وعم اشرب مي متل المجنونة سعد : عجبتك السلطة ماسة وهي عم تتشلوط من الحدودية وتشرب مي : حححح انا بورجيك ححح مقلبك بايخ وقديم سعد وعم يضحك :بايخ وقديم وخليتك تنطي ما تحطي هي المرا انا هزمتك ماسة :بنشوف 😡 فكرت فكرت وبعدا بتسمت بخبث 😈خلص لقيتا اجتني فكرة ..دخلت ع غرفة سعد ع روس اصبيعي وسرقت تلفونو هههههه وطلعت تخبيت بغرفتي وقفلت الباب وكنت مراقبتو من دون ما يحس وعرفانة كلمة السر وفتحتو وبلشت اتجسس 😈..... ولقيت شغلة خلتني اموت ضحك عليه المهم نقلت الي بدي ياه ع تلفوني.... ورحت تسلل ع غرفتو وفتت حطيت تلفونو محل ما كان ولما بدي اطلع سمعتو جاي... هبط قلبي وما عرفت وين اتخبى ما لقيت غير ورا برداية باب جنينة المسبح الخاص فيو .....ودخل وانا عم اتسمع عليه حكا مع رفقو وهو عم يحكي اجتو السعلة طبعا انا من ورا البرداية عم قلدو كيف عم يسعل بتمسخر ولما راح تفقدت الجو.... ورحت ركيد ع غرفتي حملت مقطع فيديو من تلفوني المقطع الي سرقتو من تلفون سعد حطيتو ع الفلاشة وكملت تخطيط لما رجع ع البيت كان الكل قاعد تحت ومجموعين يعني نحنا كل يوم بننجمع بس اليوم غير هههه اليوم رح ردلو مقلبو ل سعد قمت وحطيت اللفلاشة وعمامي ونسوانهن مع ابي وامي وجدي ونانتي وبنات عمي الكل كان عم يتطلع انو انا شو عم شغل .....وبلش الفيديو انا قعدت وبلشت ابتسم كان سعد ورفيقو عم يمثلو انو جارات رفيقو عم يقلو وهوي ما سك الحجاب :جوزي ما بحبني وسعد حاطط غطا الصلاة وعم يقلو : انكسر قلبي عليكي يا جارتي وانا هو قال جارتي فرطتت وبنات عمي صارو يضحكو معي وعمامي عملو حالهن مو منتبهين وعم يحكو مشان ما يخجلوه ولاد عمي عم يضحكو من تحت ل تحت وكانو عم يأشرولي انو انا فزت وورقتي رابحة .... وسعد انصدم انو كيف وصلت ل فيديو كان مخبيه من لمى كان بصف السادس.... انا كنت عم طلع فيو وارفعلو حواجبي ونزلهن انو شوف شوف ننننن وهو حاططت ايدو ع تمو وصافن كيف يردلي ياها .... قمت واخدت فلاشتي وركضت ع غرفتي وقفلت الباب اجا سعد من ورا الباب وقلي بنتواجه ستني لقلك .... وانا عم قلو كسرتيلي قلبي يا جارتي واضحك .... بعدا فرشيت سناني وقعدت بتختي وكنت عم قول لحالي .... اكيد سعد عم يدبرلي مكيدة يردلي الصاع صاعين بعرفو ما بيسكت عنيد متلي بعدا قلت لحالي شو ما كان الي رح يعملو انا كمان رح اعمل متلو وزيادة ....{لما فقت }...اليوم عندي كزدورة مع رفقاتي وطبعا امي ما بتخليني اروح معهن طلبت كتير بس عبث ماسة :ماما رح نروح ع الحديقة انا ورفقاتي وبعدا ع مدينة الملاهي امي : لا ماسة : ماما ولله ما بطول طلعي ازا مشان شي رح اخد ناريمان وسديل امي : لا .... اممم ليش ما عديتي راما ماسة : عفوا امي ما بدي السنكوحة تروح...ما بدي اقرف الطلعة كرمالها امي : لا يعني لا ماسة : طيب ليش عم قلك ما رح طول امي : قوليلهن هنة يجو مية السلامة ماسة : امي انتي فيكي شي عم قلك مدينة ملاهي بتقيليلي يجو لهون امي : مافي طلعة ... خلي يجو لهون وخلص يأست من امي ودقيت ل رفقاتي بلزور لرضو واجو كلياتهن لعندي دخلتهن وصحت للخدامة تحط الموالح والشاي .... قعدنا وكانت القعدة حلوة شغلنا اغاني واجا سعد وكان عم يبتسم بطريقة مو مريحة ابدا يعني ميبن عليه ناوي يعمل شي اجا لعنا وكان شايل كاتو حطو ع الطاولة وقال سعد : اهلا وسهلا ب رفقات ماسة جدي طلبلكن كاتو ماسة : حبيبي يا جدو {وجدو بسابع نومة } تركنا التخليطة والبزر والفوشار والكعك والفستق والفريز والموز والتفاح ورحنا لعند الكاتو كان شكلو بيشهي جبنا السكين وجينا قطعنا لقينا شي غريب بقلبو قطعناها من الطول للطول وشفنالك هديك الشوفة😱 ..#
