الفصل 2
✨سجين عينيها✨
الحلقه الثانيه
في قصر الشرقاوي
مني:انتي مين وبتعملي اي هنا
ريم:انا ريم جيت مع..مع
مني:مع مين انطقي
ادم جاء من خلف مني:جت معايا انا يا امي
مني بزعيق : مين دي يا ادم..وجت معاك ليه .. اوعي يكون
قاطعها ادم : هفهمك يا امي اتفضلي اقعدي
جلست مني .. وبجوارها ادم علي الفراش .. وريم تقف تتابع بخوف
ادم :بصي يا ستي اللي حصل ان .. ثم قص لها ما حدث
مني:طب وانتي ياريم تعرفي اسم اهلك او اي حاجه عنهم
ريم بإرتباك : انا عارفه ان ماما اسمها ساره وكانت مدرسه..وبابا اسمه كريم وكان شغال في شركه استيراد وتصدير دا اللي انا فكراه
ادم:طب مش فاكره العنوان ولا اي حاجه
ريم بحزن : لا مش فاكره .. انا كنت صغيره لما فارقتهم
ادم :طيب فاكره شكل اهلك
ريم بإبتسامه : ايوه انا معايا صوره ماما وبابا
ثم خلعت سلسله من رقبتها :دول ماما وبابا
ادم:تمام خليكي هنا وانا هدور في شركات الاستيراد والتصدير اجيب كشف بكل اللي اسمهم كريم ونروح ليهم واحد واحد
ريم:بسس
ادم بجديه:بس اي خليكي هنا انتي منمتيش كويس ارتاحي شويه
مني بحزن علي حالها:ايوه يا بنتي خليكي ومن بكره انزلي مع ادم دوروا عليهم
ريم:حاضر
وذهب ادم وبقيت هي مع مني
.
.
......
في المدرسه
ساره:السلام عليكم ورحمة الله وبركاته
الاطفال:وعليكم السلام ورحمة الله وبركاته
ساره: انا ميس ساره مدرسه الانجليزي
الاطفال بصوت واحد:اهلا بيكي يا ميس
ساره:اهلا بيكو يا حبايبي..يلا كل واحد يعرفني بإسمه
وبدأو الاطفال يعرفوها بأسمائهم
ساره لاحظت طفله جالسه في جانب بمفردها حزينه ذهبت اليها
ساره:اسمك ايه يا قمر
الطفله:اسمي جنا
ساره:مالك زعلانه ليه يا جنا
جنا:علشان انا تعبت من بابا وماما كل شويه يتخانقو وسمعتهم بيقولو هيطلقو
ساره ضمتها:لا يحبيبتي ان شاء الله مش هيطلقو ادعيلهم انتي بس
جنا:حاضر
وظلت ساره تحكي معهم حتي نهايه الحصه
.....
في قصر الشرقاوي
مني وريم جالسين يحكوا مع بعض
نزل محمد من فوق
محمد:السلام عليكم
ريم ومني:وعليكم السلام
ثواني نتعرف علي عائله ادم
الجد:-منصور الشرقاوي 72 سنه بيحب عائلته جدا ومستعد ان يفعل اي شئ من اجلهم لديه ولدان محمد وعبدالرحمن وبنت عبير
محمد:-والد ادم 54 سنه لديه ادم ورقيه ومتزوج من مني
عبدالرحمن:-51 سنه لديه 3 اولاد سيف وادهم ويارا ومتزوج من عواطف
عبير:43 سنه تزوجت وطلقت بعد زواجها بسنتين وليس لديها اولاد لكنها تحب اولاد اخويها جدا
مني:والدة ادم عندها52 سنه
عواطف:زوجة عبدالرحمن وعندها 50 سنه وتريد ان تزوج ابنتها يارا من ادم بأي طريقه لكثره امواله
ادم:-سبق وتعرفنا عليه
رقيه:-اخت ادم الصغري فهو يحبها كثيرا ويعاملها كإبنته ليس كأخته ولديها 21 سنه تدرس في كليه فنون جميله فهي تعشق الرسم
سيف:-سبق وتعرفنا عليه
ادهم:اخو سيف الصغير 28 سنه يعمل دكتور نساء وتوليد
يارا:. اخت سيف الصغري وتحب ادم بشده لكنه لا يعيرها اهتمام22سنه تدرس في كليه حقوق
هي ممكن تلغبطكو شويه لكن مع الوقت هتستوعبوا
محمد:ايه ده يا مني عندنا ضيوف قمر كده
لتبتسم ريم بخجل
مني:ايوه يا محمد دي ريم
محمد:اهلا بيكي ياريم
ريم:اهلا يا عمو
وبدأت العائله تهبط من غرفهم ويتعرفوا علي ريم وجلسوا علي الافطار
عواطف:قريبتك دي يا مني
مني:ايوه قريبتي
وجلسوا يتحدثون مع فطورهم
....
في بيت الحاج سعد ظلوا يبحثوا عن ريم ولكن دون جدوي
الحاج سعد:راحت فين بس
حنان:مش عارفه اهدي بس يا حاج يمكن خرجت تجيب حاجه
الحاج سعد:خرجت تجيب حاجه ومتقوليناش وبعدين هتقعد لحد دلوقتي دا العصر اذن وكتب كتابها بعد العشاء
حنان:مش عارفه يا حاج وبعت ل سلمي قالتلي متعرفش راحت فبن
الحاج سعد:الحاج فتحي هيخربها علي دماغنا
حنان:ربنا يستر
.......
(في قصر الشرقاوي)
ريم خرجت من غرفتها بعدما ارتاحت بعض الوقت حتي اذان الظهر
دلفت الي غرفة الجلوس
ريم:بعد اذنك يا طنط عايزه سجادة صلاه
مني:حاضر يحبيبتي هجبلك اللي في اوضتي
ريم:تسلميلي
ريم صلت الظهر واخرجت مصحف صغير تحمله معها وظلت تقرأ قرآن بصوتها العذب حتي الساعه 2 اتت اليها رقيه
رقيه:يلا يا ريم علشان الغدا
ريم:حاضر
ريم في نفسها:اسالها ولا لا
ريم:رقيه انتي ليه مش محجبه
رقيه:والله انا مش عارفه اقولك اي بس محدش طلب مني قبل كده
ريم:طيب بس كده مش نافعلك صلاه
رقيه بأسي:انا مبعرفش اصلي
ريم:يا خبر..طب اي رأيك اعلمك
رقيه:بجد ياريت
ريم:بس مينفعش صلاه من غير حجاب
رقيه بتفكير:هقول ل ابيه ادم لما يرجع اشوف رأيه اي
ريم:بس دي حاجه خاصه بيكي انتي دي حاجه بينك وبين ربك
رقيه:طب ممكن تديني حجاب من بتوعك ثواني
ريم:حجاب علي بنطلون...
رقيه:خلاص انا هغير لبسي كله وهجيب حاجات واسعه
ريم بإبتسامه:طيب يلا بينا
رقيه:يلاا
.......
في شركة الشرقاوي
ادم جالس يفكر في ريم
ادم لنفسه:لا يا ادم لا لا انتا نسيت اللي حصل فيك زمان انسي البت دي انتا بتساعدها ليه لا انتا هتساعدها وبعدين ملكش دعوه بيها تاني
قام ادم ودخل الحمام وغسل وشه ورجع ع مكتبه
ادم:طارق انتا هنا من امتاا
طارق:لسه داخل اهو..
ثواني نتعرف علي طارق المحامي بتاع ادم وصحبه الانتيم في نفس سن ادم وبيدرب يارا بنت عم ادم
ادم:هاا عرفت حاجه
طارق:دول كل اللي اسمهم كريم في شركات الاستيراد والتصدير ... ودا كشف بكل اللي اسمهم ساره في المدارس الموجوده في القاهره كلها
ادم:بس دول كتير اوي
طارق:انا هفرزهم ع حسب السن لان مش معقوله واحد لسه بادئ شغله هيبقا ابوها وكذلك امها
ادم:طب هتاخد وقت قد اي
طارق:هبعتهوملك بالليل
ادم:تمام .. يلا ماشي ولا رايح فين
طارق:لا راجع المكتب عندي شغل
ادم:طيب عن اذنك
.........
(في شقة ساره)
سميره:يلا يا ساره علشان نتعشاا يا حبيبتي
ساره:حاضر يا ماما هصلي المغرب وجايه
سميره:تقبل الله يا حبيبتي
ساره:منا ومنكم
ساره تركت المصحف وقامت توضأت وصلت وجلست علي السجاده تدعي:يارب رجعلي بنتي يارب .. يارب تكون عايشه كويس يارب.. ودعت ل جنا بان والديها لا ينفصلوا
ولمت السجاده وخرجت تتعشاا مع والدتها
سميره:عملتي ايه في المدرسه
ساره:اتبسطت اوي يا ماما .. في بنت كانت زعلانه جدا انهارده زعلت عليها اوي
سميره:ليه يا حبيبتي مالها
ساره:اهلها هينفصلوا .. انا بفكر اكلمهم علشانها
سميره:ربناا يهديهم يارب
........
في قصر الشرقاوي
ادم وصل وجلس مع عائلته علي غير طبيعته وظل يبحث بعينيه عليها ولكنه لم يجدها
رقيه لاحظته فقالت بهمس:بتدور عليها..هي بتصلي العشاا
ادم:انا..انا عايزها علشان اوريها الاسماء اللي وصلنالها
رقيه:طب وطي صوتك علشان ماما مرضيتش تقول ل مرات عمك عواطف الموضوع ولا عمك عبدالرحمن وقالت انها قريبتها
ادم:ليه
رقيه:معرفش.ثم غمزت.. شكلها عايزاها قريبتها
ادم فهم:انتي عارفه لو مسكتيش هعمل فيكي اي
رقيه:خلاص يا ابيه هسكت..المهم انا عايزه اتحجب
ادم:ودا من اي ده
رقيه:ريم كلمتني كتير عن الدين بتاعنا والصلاه واديتني ازدال اصلي بيه بس قالتلي مينفعش صلاه من غير حجاب لازم اتحجب
ادم بإعجاب:ريم دي انسانه جميله
رقيه:هوب هوب ههههه
ادم ضربها بالمخده:قومي يا بت من جنبي
مني:بتتخانقو ليه
ادم:مفيش يا ماما عن اذنكو
وذهب لغرفه ريم وقبل ان يطرق الباب سمع صوت عذب يرتل آيات الله فظل بالخارج يسمعها بعض الوقت ثم طرق الباب
ريم:اتفضل
ادم:مساء الخير
ريم:وعليكم السلام ورحمة الله وبركاته
ضحك ادم بشده
ريم ظلت تنظر الي ابتسامته وبعدها تذكرت ان تغض بصرها فنظرت للاسفل
ادم:جبت كل اللي اسمهم كريم في شركات الاستيراد والتصدير في القاهره بعنوانهم وجبت كشف بكل اللي اسمهم ساره وشغالين اساتذه هاا تحبي ننزل بكره ندور عليهم
ريم ابتسمت:بجد شكرا ليك يا بشمهندس علي كل اللي عملته معايا مش عارفه من غيرك كان حصلي اي
ادم:لا شكر علي واجب .. تيجي تقعدي معاهم بره علشان متزهقيش
ريم:لا انا هقرأ قرآن
ادم:علي فكره صوتك حلو جدا
ريم بخجل:شكرا
وتركها ادم وصعد الي غرفته وظل يفكر بها
.......
(في منزل الحاج سعد بالمنصوره)
الحاج فتحي:اومال فين عروستنا
لحظه الحاج فتحي راجل قد الحاج سعد بس محدش يقدر يرفضله طلب لعدد رجالته طبعا وطلب ايد ريم والحاج سعد لم يستطيع ان يرفض خوفا منه
الحاج سعد:بصراحه ريم ثم سكت
الحاج فتحي:مالها ريم
الحاج سعد:صحينا الصبح ملقينهاش فالبيت
الحاج فتحي بصوت عالي يشتعل غضبا:يعني اي هربت ثم نادي علي احد رجالته
الرجل:اؤمر يباشاا
الحاج فتحي بغضب:تقلب المنصوره كلها علي ريم ولو ملقيتهاش هقتلك فاهم
الرجل:فاهم يباشا فاهم
الحاج فتحي:اما انتا بقا ونظر للحاج سعد واكمل حسابك معايا لما الاقيها
وتركهم وذهب
.........
في قصر الشرقاوي
استيقظت ريم قبل صلاه الفجر وظلت تقرأ قرآن بصوتها العذب حتي اذن الفجر
اثناء قرآتها كان ادهم عائد من عيادته بعد عمليته وسمع صوتها وشعر بشئ غريب تجاهها وصعد الي غرفته وظل يفكر بهاا
يتبع.....