انتِ مين
كنا انا وانت والثالث الليل....
ويضيع كل الليل بيني وبينك....
احنا تعودنا على بعضنا حيل....
هذا انا والليل بس انت وينك....
رؤى/سديم سديم ي بنت وينك....... امسكتك شو بتسوي وشو بتكتبي ي العاشقه الولهانه برا بالجو هاد
سديم/لا بالعكس كتير جو حلو ورومانسي بعد ورفعت حواجبها
رؤى/رومانسي ها لمين بتكتبي لحب طفوله كاشفتك عاد
سديم ابتسمت وباين عليها الخجل
وغيرت موضوع
سديم/ليش كنتي بتنادي عليا
رؤى/ذكرتيني الك بشارة حلوة
سديم/وشو هيا اتحفينا
رؤى/بكرا فش دوام بالجامعه وابتسمت
سديم/ليش؟؟
رؤى/ما عرفتي بالخبر انو وكيل جامعه صارت معو جلطه ودخل المشفى وهسا الدكاترة راحو يتحمدو الو بالسلامه
سديم/اه الله يشفيه ويعافيه الحمدلله على نعمه الصحه
رؤى/سدومه حبيبتي
سديم/شو بدك عارفه كلامك هاد وراه مصلحه
رؤى/يسعدها الى بتعرفني... وحضنت اختها
سديم بعدت عنها..
سديم/يلا قولي شو بدك
رؤى/امممممم اطلبي من بابا بكرا نطش ي حلوة والله جاي على بالي نطش انا وياكي ونتفسح بليييز وافقي
سديم/راح اقولوا مو على شانك على شاني لاني زهقانه وطفشت البيت
رؤى/يسعدلي الطفشان ايوا هيك دايمااطفشي عشان نطش ونغير جو ههههههه
♕♕♕♕♕♕♕♕♕♕♕♕♕♕♕♕♕♕♕♕♕
في نفس الوقت لكن بمكان اخر
عمر/احم احم فيني فوت وابتسم
/سبحان الله لما دخلت قولت فيني فوت متى راح تتعلم الاداب ضلك ي عمي على الباب ولما اقولك فوت بتفوت مش تدخل وتقول فيني فوت
عمر/شو اعملك ي اخي هادي عادتي وما بقدر اغيرها
وابتسم.... سيبك الحين من الاداب ومن عادتي وقولي مو ناوي تروح ي زلمه من صبح واحنا بنشتغل بالشركه والله تعبت ي اخي ما بتتعب انت ي برفسور
/هيك قولتها برفسور والبرفسور ما بتعب ودايما ناجح بشغلوا
عمر/مالت عليك قال برفسور قال
/ما قولت شي انت الى قولت
عمر/خلص سحبت كلامي بالله عليك ي ريان امشي معي نروح
ريان/نونو لازم اخلص شغل الى عليا ليش ما تروح لحالك
عمر/مالت عليك انت عارف بعرفش اسوق سيارة وبحبش اركب مع سواق
ريان/لكن استنى بس اخلص
انا بعرف كيف اخليك توافق ي استاذ ريان عمر/ريرو عشان حب طفولتك اذا كان الها خاطر عندك يلا مشينا وخلينا نروح
ريان/بتعرف تلعب على وتر الحساس مشينا يلا بكرا بكمل شغل
عمر/يسعدلي حبيبتك ي ناس الى عمري ما شفتها بس والله بتجبر الخواطر وهيا مش هنا ههههه
ريان/عمر كلمه تانيه عنها بفجمك تتغزلش فيها قدامي
عمر/طيب ي العاشق الولهان ماراح اجيب سيرتها
مشينا بس قبل ما نوصل الدار مر على شي مطعم وجيب اكل لاني ميت من جوعي
ريان/امرنا لله لازم نعمل عمل خير وناخد حسنات هههه
♡♡♡♡♡♡♡♡♡♡♡♡♡♡♡♡♡♡♡♡♡
فـ❤ـيـ❤ـ آلَصـ❤ـبـ❤ـآحـ❤ـ آلَتـ❤ـآلَيـ❤ـ
الام/ي بنات يلا فيقو مكفي نوم يلا انزلو افطروا
سديم/شوي بس يمه٥دقايق
الام/اي عارفه٥دقايق تعوتك قومي خلصيني وانتي ي رؤى قومي بسرعه ابوكو بستنانا على الفطور بسرعه قوموا
رؤى/حاضر ماما
الام/يلا ي سديم حبيبتي قومي
سديم/٥دقايق بس
رؤى/هههههه ٥دقايق قال والله لو امي سبتك الحين ونزلت تحت لضلك نايمه من هين لبكرا
ومسكت المخدة وضربتها على سديم
رؤى/قومي يالدبه
سديم مسكت المخده ورمتها على رؤى/انا دبه ي برميل
شردت رؤى من سديم وسديم صارت تجرا وراها تضربها
الام/خلص عاد انتي وياها ويلا بسرعه جهزوا حالكوا وانزلو تحت
سديم و رؤى/حاضر ماما
فـ❤ـيـ❤ـ آلَطـ❤ـآبـ❤ـقـ❤ـ آلَآرضـ❤ـيـ❤ـ
سديم/صباح الخير بابا.... صباح الخير ماما
وراحت تبوس راس ابوها وامها
الام/وين رؤى
قبل ما تجاوب سديم اجت رؤى
رؤى/هيني ي حلوين يسعدلي الى بفقدني
صباح الخير جميعا
راحت تبوس راس ابوها وامها وقعدت على طاوله الاكل
رؤى تغمز لسديم عشان تتكلم عن سالفه الطلعه
سديم/امممم بابا حبيبي
الاب/ي عيون ابوكي
سديم/بابا زي ما بتعرف اليوم فش دوام بجامعه لهيك حبينا انا ورؤى نطش ونغير جو
الاب/طيب ي روح ابوكي روحو بس لا تتاخروا وتعالو قبل المغرب طيب لانو في ضيوف جاين علينا
رؤى/حاضر بابا ماراح نتاخر يلا ي سديم نروح نجهز حالنا
الام/الحين بدكو تروحو
رؤى/اه الحين قبل ما بابا يغير رائيو ونبطل نطلع
الاب/انا بغير رائي شو رائيك اغير رائي الحين وفش طلعه عشان تعرفي تحكي زي ناس
رؤى/اسفه بابا انت احلى اب الى ما برفض طلب لبناتو الحلوات بس حبيت امزح معك
الاب/طيب روحوا الحين طشو وانبسطو واصحكو تتاخرو
رؤى/حاضر سيدي اي اوامر تانيه
الاب/اه تلكيش مع الشباب واي حدا بحكي معك طنشي لاني عارفتك ملسونه وما بتسكتي لحدا
رؤى/انا ي بابا ظلمتني ومدت بوزها
الاب/ي حرام كتير مظلومه يلا روحو قبل ما اغير رائي
♛♕♕♕♕♕♕♛♕♕♕♕♕♕♛
سوزان/بوووووووو...
سديم/اعوذ بالله من الشيطان حشى ي بنت خرعتي طبله اذني وبعدين احنا بسوق ليش حركات البزران هادي
سوزان/ههههه خويفه من يوم يومك ي عمي بدي اعيش طفولتي وحركت رومشها بدلع
رؤى/والله شو تعيشي الطفوله مع كرشك الى ممدود شبرين لقدام
سوزان/وي وي وي اسم الله على ابني مش كرش حبيتي ده.. دا نونو حبيبي
رؤى/مالت عليكي انتي ونونو
سديم/خلص بنات يلا نروح نتسوق بدي اشتري كم هدم لجامعه
رؤى/وانا كمان
سوزان/وانا بعد بدي اشتري كمان لنونو
رؤى/انا بدي اشتريلوا يختي ذوقك مو حلو
سوزان/طيب يختي اشتريلوا بدي اشوف ذوق صنوايت
♡♡♡♡♡♡♡♡♡♡♡♡♡♡♡♡♡♡♡♡♡
ام عناد/دعاء ي دعاء ي بنتي
دعاء/نعم يمه
ام عناد/عناد ما تصل فيكي
دعاء/لا والله يمه
ام عناد/الله يسامحو ابوكي لو ما بهدل الولد كان ما طلع هيك وللحين ما رجع الو ٣ايام برا البيت اخ ي ولدي شو صار معك معقول اكل يمكن الحين بردان يمه ي حبيبي
دعاء/يمه لا تخافي ان شاءلله بكون بخير وان شاء الله بنكسر الحطب وابويا يحن على اخويا ويرجعو
ام عناد/ان شاءلله ربنا كريم
لين بنت دعاء وهيا نازله على درج بسرعه
لين/جدتي جدتي جدتي
دعاء/ليش بتزعقي هيك شو صاير وليش بتجري هيك على درج مش خايفه توقعي وتنكسري وانا ابتلي فيكي
لين/ لا تخافي ما بصير فيا شي لا تخافي بنت ال( ) ما بصير عليا شي
ام عناد/ليش بتنادي عليا هيك شو في
لين/نسيت خودي الجوال ام جمان بدها تحكي معك
ام عناد/الو....... الحمدلله بخير...... كيفك انتي وكيف عيالك........ جد والله.... متى صار هالحكي.......
♕♕♕♕♕♕♕♕♕♕♕♕♕♕♕♕♕♕♕
فـ❤ـيـ❤ـ آلَمـ❤ـطـ❤ـعـ❤ـمـ❤ـ
سوزان/يلا ي بنات اطلبوا مش قادرة استحمل ميته جوع
سديم/ي ويلي عليا هسا كل واحدة حامل هيك بتصير فيها دايما اكل
سوزان/شو عليكي انتي ان شاءلله بتتجوزي وبتحملي وبتحسي فيا
رؤى/يلا صبايا اطلبوا انا عن نفسي بدي نسكافيه
سديم/وانا كيكه وعصير
سوزان/انا بدي شاورما وعصير وتحلايه
سديم ورؤى انفجروا ضحك مع بعض
سوزان/حطبه كود وليش بتضحكي انتي وياها حاكين شي بضحك
رؤى/لا بس شكلك وانتي بتطلبي بفرض ضحك مع كرشتك هادي
سوزان/مالت عليكي يلا جيبي الجرسون ياخد طلبات
الشب/شباب طلعوا على طاوله الى جنبنا الله عليهم مزز كشخه
الشب تاني/اه والله مبين منهم واحدة متجوزة بس حلوة والله مع الحمل ههههه
الشب الاول/اعجبتني انا اما شاله البيج
خلينا نقرب منهم ونحكي معهم وناخد ارقامهم ونتسلى
الشب تاني/يلا مشينا
وراحو على طاولتهم
الشب الاول/هاي صبايا ممكن نقعد معكو
رؤى/ليش بقى فش طاوله غير هالطاوله الى عنا عشان تقعدوا
الشب الاول/الله بحب البنت القويه رقمك ي حلوة راح اعجبك وغمزلها
رؤى/ماشاء الله عنك واثق من حالك
سديم/سبيكي منهم ويلا مشينا
الشب التاني/وين ي حلوة بدري لسا ما قعدت معك وحكينا ما بادلنا الارقام على الاقليه
رؤى وهيا مش ناويه خير عليهم الله يستر من فرعون لما يقوم ههههه/وي وي وي بدك رقمها حلوة عاد اعجبتني كتير بجد
الشب تاني/عنجد عجبتك
رؤى/كتير شو رائيكوا انتو الاتنين ناخد صورة مع بعض لانو صراحه نعجبت بشخصياتكو ماشاءالله
الشب الاول/ليش لا بناخد صورة
رؤى /راح ناخدها بجوالي لانو كاميرتو حديثه
يلا شباب جهزو حالكو
يلا ابتسمو 1.. . . 2.. . . 3.. .
رؤى/بتجنن
والحين ي حلوين بتحبو تستنوا هنا شرطه ولا برا احسن
الشب التاني/شرطه هههه وليش شرطه وايش بدو يجيبها
رؤى/لانو ي حبايبي صورة الى صورتكو ياها نزلتها على فيس وبعتها لشرطه صح معكو جوالات اي شوفو شو منزل
وكل واحد من شباب مسك جوالو وشاف شو مكتوب
الشب الاول وملامح الغضب على وجهو/انا بفرجيكي ي واطيه... واجي بدو يمد ايدو عليها
رؤى مسكت ايدو ولوتها الله عليك بنت بالف راجل هيك البنت ولا بلاها دافع عن حقها وما تسكت
رؤى/لا خوفتني ي شيخ صراحه انرعبت منك.. بكسرها ايدك اذا تاني مرة مديتها علي افهمت
الشب الاول/انا بفرجيكي وماراح اسكتلك حموده امشي معي
وراح الشب مسكها من ايديها عشان ما تتحرك واجي الشب يضربها كف على وجها
في حدا اجي بدو يدخل وينقذ البنت بس صار شي؟؟؟؟
سديم/الله عليكي ي رؤى برافو اضربيهم ايوا كدا كسري راسوهم بعد
رؤى مسكت العصا الى كان بالمطعم وضربتهم فيها
رؤى/لا تفكر كل البنات متل خواتك ي عيني انا راح اربيك لانو مبين اهلك ما ربوك منيح
وصارت تضرب فيهم عبال ما اجت شرطه ومسكتهم وشكرت شرطه رؤى على شجاعتها وصفقولها الناس الى كانو بالمطعم
سديم حضنت اختها🫂
سديم/الله عليكي من بنت كفو بنت ابويا
رؤى/بعجبك
سوزان/خلص على كذا ابني بس يجي على دنيا راح ابعتو عندك تعلميه الدفاع عن نفس
رؤى/لا والله شايفتيني مدربه ملاكمه لاعلم ابنك طلاميس الدفاع عن نفس
سوزان/مالت عليكي من بنت اقول امشي اخرتونى
سديم /اه والله تاخرنا والله بابا راح يموتنا لانو قال ما نتاخر
♕♕♕♕♕♕♕♕♕♕♕♕♕♕♕♕♕♕♕♕♕♛♛♛♛♛♛♛♛♛♛♛♛♛♛♛♛♛♛♛♛♛
الام/هلا والله بدري لكن تاخرتو شوي
رؤى/ماما والله كان راح نيجي بدري بس صار معنا قصه
الام /اه ي قصصك الى ما بتخلص
سديم/ماما الضيوف اجو وراحو
الام/لا بستنو فيكو تشرفو عشان يروحو
انتي وياها شرفو فوق على مكتب ابوكي بدو ياكو قال بس يجو ابعتيهم فوق روحو خدو البهدله
رؤى/بس ي ماما ما تاخرنا برضانا
الام/لا تبرري الي روحي احكي لابوكي وبرري يلا فوق انتي وياها
فـ❤ـيـ❤ـ غـ❤ـرفـ❤ـنـ❤ـ آلَمـ❤ـكـ❤ـتـ❤ـبـ❤ـ
الاب/هلا هلا والله بدري ي دكاترة كان تاخرتوا كمان شوي
سديم/بابا تاخرنا لانو صارت معنا قصه بالمطعم
الاب/احكي شو صار فرجيني اعذاركو
سديم حكت لابوها كلشي صار بالمطعم................
الاب/ماشاء الله طلع عندي ولد وانا مش عارف بتفرجي مهاراتك بشارع
رؤى/ي بابا ما بفرجي مهاراتي بس الشب قل ادبو معنا وانا فرجيتو قيمتو حتى ي بابا صورتهم ونزلتو على فيس شوف التعليقات كلها مدح الي
الاب/وانتي مبسوطه يعني
رؤى/اه والله بحب الناس تمدحني وابتسمت بسخافه
الاب/بسك عاد هيني بعيد وبزيد الك وياريت البطيخه الى براسك تفهم ي ويلك اذا شفتك بتعملي الحركات هادي مرة تانيه..
رؤى/ي بابا مالهم الحركات هاد اسمو دفاع عن نفس
الاب/هادي اسمها مرجله مين بدو يتجوزك ي بنت ناس وانت عامله حالك شب وحركاتك متلهم
رؤى/دادي الى بدو ياني راح ياخدني متل ما انا ويحبني متل ما انا وماراح يطلب مني اني اتغير
الاب/ااخ منك ومن تصرفاتك مستحيل تفهمي
يلا انتي وياها على غرفتكو وجعتو راسي وتاني مرة لا تتاخرو واي شي بصير معكو بتيجو تحكولي وانا بتصرف
سديم و رؤى/حاضر بابا.....
سديم/تصبح على خير بابا
رؤى/تصبح على خير بابا
♕♕♕♛♕♕♕♕♕♕♕♕♕♕♕♕♕♕♕
سديم/رؤى رؤى رؤؤؤؤؤش اصحى عاد ما اثقل نومك
رؤى/حرام تخلوا الواحد نايم ومرتاح
سديم/والله ودي اخليكي نايمه ومرتاحه بس اليوم في دوام بجامعه وراح يخصمولك ي حلوة اذا ما داومتي
رؤى/شو اليوم في جامعه
سديم/اي ي حلوة شو مفكرة عطله متل امبارح ما انتي صدقتي حالك بدك كل يوم عطله
رؤى/اه والله بدي كل يوم عطله متى اتخرج ي جماعه الخير
سديم/طيب قومي هسا جهزي حالك لجامعه عشان تتخرجي بسرعه
رؤى/طيب
♡♡♡♡♡♡♡♡♡♡♡♡♡♡♡♥♡♡♡♡♡♡♡
فـ❤ـيـ❤ـ جـ❤ـآمـ❤ـعـ❤ـهّ
رؤى/مولدتيش يم كرش
سوزان/كرش بعينك ي بنت.. كيف بدك ياني اولد بشهر السادس يعني
رؤى/متاكدة انك بشهر ٦ والله الى بشوفك بقول بشهر التاسع وباي وقت راح تولدي
سديم/هههههههه
سوزان/مكفي تريقه عليا الحين بزعل
سديم وهيا حاضنه سوزان/كلو ولا تزعل ام السوس
رؤى/يلا على محاضرة انتي وياها مافي وقت
@@@@@@@@@@@@@@@@@@@
دعاء/يمه متى بدك تزوري ام جمان
ام عناد/والله لسا ماني عارفه
دعاء/اها خلص لما تروحي بتخبريني عشان اروح معك واباركلهم
ام عناد/طيب يمه
/مام ي مام وييينك
ام عناد/حطب ان شاءلله ما بتشوف اني قبالك ولا بتتهبل
/بمزح ي حلوة بس حبيت امزح
ام عناد/ ي خفه مزحك عاد وين ي صايع صرنا ما نشوفك غير بالاسبوع مرة
/عشان تشتاقولي ي حلوة وغمزلها
ام عناد/انا ما بشتاق لواحد صايع بس تكون رجال وقد مسؤوليه ساعيتها بشتاقلك...
والحين ليش جاي شو بدك لانك انت ما بتيجي لله
بتكلم وهو بمضغ علكه/الله على فهماني قديش بحبها مامي بدي فلوس
ام عناد/طولك طول النخله وجاي تطلب فلوس مني احترم شبابيتك
/اف مامي ليش بتعملي معي هيك
ام عناد/بدك مصاري روح اشتغل وجيب مصاري واصرف على حالك يلا امشي
/دودي احكي مع مامي
دعاء/نواف مالي دخل بينك وبين امي وامي ما غلطت بشي كلامها صح شوف حالك وين وصلت
نواف/ اف ايش هالعيشه هاي ما بتنطاق ماراح ادخل بيتكو مرة تانيه وطلع
ام عناد/بطقاعه
دعاء/يمه زوتيها مع نواف الحين راح يكبر راسوا ويزيد باغلاطوا وماراح يرجع لطريق صح
ام عناد/راح يرجع لطريق صح اصبري شوي
♕♕♕♕♕♕♕♕♕♕♕♕♕♕♕♕♕♕♕♕
فـ❤ـيـ❤ـ جـ❤ـآمـ❤ـعـ❤ـهّ
سوزان/ابصر مين الدكتور الجديد الى راح يجي بدل الى راح متشوقه اعرف مين هو شب عادي ولا عجوز
رؤى/سديم معقول هادي البنت متجوزة
سديم/لولا فش نونو بطنها راح اقول انها اكيد مش متجوزة
ضحكت سديم ورؤى
سوزان/مالت عليكو شو اعمل عاد عندي فضول اعرف مين الدكتور يارب يطلع شب حليوة عشان استوعب الدراسه منو
رؤى/لا انا الحين راح اخبر جوزك عن فعايلك
سوزان/بتخربي بيتي ي وليه وحطت ايدها على صدرها
رؤى/والله ي حلوة مو انا الى بخرب بيتك حضرت جنابك الى بخرب بيتو
سديم/اسكتو عاد هيو اجى الدكتور
الدكتور/مساء الخير صبابا
البنات/يسعد صباحك دكتور
الدكتور/طبعا بتعرفو اني بدل الدكتور احمد لانو سافر لعمرة
واحدة من بنات المحاضره/دكتور شو اسمك وكم عمرك
سوزان/بدت اللحظه الحاسمه ههههه
رؤى/يسخفك عاد
الدكتور/اسمي عناد العمر30سنه ولو سمحتو ممنوع اي اسئلة تانيه لاني ماراح اجاوب بدون احراج طبعا
البنات بتهامسوا مع بعض
بجنن الدكتور...... مش مبين عليه العمر هاد مبين اصغر...... وشخصيتو الله بتجنن ي الله لو يطلع من نصيبي
رؤى/ي سخفكم من بنات هاد شاطرين فيه حلو وشخصيه ونفسي يطلع من نصيبي مالت عليكو من بنات
سوزان/لا تكذبي الدكتور شخصيه طلعي عيونو وساع ولونهم سمر وتدويرت وجهو حلوة وطلعي كيف محدد الدقن طالع عليه جنان ولبس الى لابسو مش لابق الا عليه الله لو مش متجوزة كان حطيت عيني عليه واخدتو
رؤى/ي سخفك عاد طيب بس اشوف جوزك راح احكيلوا شو حكيتي
سوزان/عادي احكي ماراح يصدقك اناراح اخترع كذبه من عندي
رؤى/ماراح تقدري لاني سجلت حكيك ورفعت حواجبها وابتسمت
سوزان/انا بفرجيكي بعد المحاضرة
الدكتور/وين وصلتوا مع دكتور احمد
واحدة من بنات المحاضره/دكتور وصلنا مع دكتور احمد عند صفحه 75 التشريح
وصار الدكتور يشرحلهم عن التشريح وطريقتها•••••••••••••••••••
سوزان/والله شرح الدكتور بجنن.... رايحه استفسر منه كم سؤال قبل ما يتطلع
رؤى/شفتيها ي سديم كانت كل يوم تقولي مش فاهمه من دكاترة معنهم يشرحولها الدرس ميه مرة ما تفهم واجا هاد دكتور الغشيم وفهمت منو من اول مرة ولا عشانو حلوة وشخصيه فهمت منو الى ما تستحي
سديم/هههههههه بلسانك قولتي حلو وشخصيه عشان هيك فهمت منو حتى انا فهمت منو
رؤى/مالت عليكي وعليها
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ام سديم/على قولتك سديم بترضى
ابو سديم/وليش ما ترضى رجال بنشد فيه الضهر والنعم فيه
ام سديم/انا مش حاكيه عن شب شي بس على قصه سفر سديم ماراح توافق البنت ما بتحب الغربه
ولا تغصب البنت اذا ما رضيت
ابو سديم/لا تخافي ماراح ترفض بنتي وعرفاها
ام سديم/الله يصلحك بس
ابو سديم/متى بروحو البنات
ام سديم/البنات قالوا على 2 بروحو
••••••••••••••••••••••••••••••••••••••••••••••••••
فـ❤ـيـ❤ـ آلَمـ❤ـطـ❤ـعـ❤ـمـ❤ـ
رنيم/هلا هلا والله بالقاطع
سيلان/هلا هلا بالواصل هههههه
رنيم/وينك ي بنت الى ساعه بستنى فيكي
سيلان/ماذا اقولك انها زحمه السير
رنيم/هكذا اذا لا عليك كلي فيداكي اذا بدك بستناكي من هين لبكرا
سيلان/لبي قلبك ي روحي
رنيم/اه ي القاطعه وين زمان عنك ما بتبايني لا على اتصال ولا بجامعه بنشوفك
سيلان/اااخ شو اقولك عاد صارت معي شغله وخلتني اقطع العالم كلو مو بس انتي
رنيم/ليش شو صار معك ي عيني خبريني
سيلان/والله ي حب طلع صاحب الاذاعه الى على راديو طلع متجوز (وصارت تبكي)
رنيم مصدومه/لا انتي كدا زودتيها مجنونه انتي بقول الحين البنت راح تقولي سالفه كبيرة طلعت تافهه وبعد قاطعه العالم كلو عشان عرفتي مذيع راديو طلع متجوز
سيلان/لك حب 3شهور اااخ حبي باز (صارت تعيط)
رنيم بعقلها (هادي مهبوله اكيد)/اذا كان 3شهور عملتي هيك طيب كيف لو كان3سنين شو بتعملي ي بعدي
سيلان/راح موت حالي
رنيم/لا انتي هبله عاد مكفيك هبل هاد حب فش منو يختي حتى ما شفتي شكل مذيع الراديو اذا كان شب باول عمرو ولا ختيار حبتيه بس عشان صوتو حلو وعلى العموم ي بنت انتي حبيتي صوتو ما حبيتي شكلو ولا بتعرفيه اصلا
سيلان/كيف ما بعرفو وانا كل يوم على ساعه 7 بالليل بستناه على نار عشان اسمع صوتو على الراديو كل يوم على 7 بستناه حتى فصلت شكلو بمخيلتي
رنيم (لا اكيد هادي انهبلت)/يبنت صحصحي وين عقلك هاد حطاه
سيلان باستهبال/عندو
رنيم/اي لكن رجعيه وحطيه تحت رجليكي وصحصحي معي هاد اسمو اعجاب وانتي انعجبتي بصوتو بس لا حب ولا خرابيت افهمتي وكويس كشفتي بدري انو متجوز بلاش تعمقيها وتصيري مهوسه فيه
سيلان/على قولتك كان اعجاب
رنيم هزت راسه بايه
سيلان/يعني مو حب يعني 3شهور راحو على الفاضي ي خسارة الوقت بس راح وقتي على الفاضي
رنيم باستغراب/انتي مو متاثرة على حبك الفاشل ومتاثرة على الوقت الى راح سدى
سيلان/اه ي قلبي وايش مفكراني على شو بدي اتاثر غير على الوقت الى راح ااخ بس;; بس احلى شي بهذا كلو انو جربت شعور انو واحد يكسر قلبك الله شعور كتير حلو
رنيم باستغراب/هذا شي حلو انو حدا يكسر قلبك
سيلان/ايه ما عمري جربت كسر القلب بس اليوم جربتو الله ما احلاه بجنن
رنيم/بس تحبي عنجد وبعدين يتركك حبيب الغفله ساعيتها راح تعرفي معنى كسر القلب كيف بكون
سيلان/ما هيني جربت يعني حبي للمذيع مو حب
رنيم/لا ي قلبي مو حب هذا اعجاب بس انتي نبهتي لعقلك الباطن انو حب وهو مش حب بس انتي حبيتي تجربي انك تحبي وتنحبي وما زبط معك
سيلان بعيون حزينه/صح كلامك نفسي اجرب حدا يحبني واحب حدا زي بقصص الافلام ليش الشباب ما بطلعو فيه وبحبوني استغفر الله يعني وجهي موب حلو ولا جسمي
رنيم/لا ي قلبي انتي حلوة والحلو ما بشوفو غير الانسان الحلو
سيلان/لبي قلبك شو حلو ي دكتورتنا النفسيه
رنيم/بعجبك عاد
سيلان/بمناسبه انو حبيبي تركني شو رائيك نروح سوق نرفهه عن حالنا
رنيم/مجنونه عايشه الدور ههههه..... يلا ليش لاء خلينا نروح
♡♕♡♕•♡•♡
رؤى وهيا داخله البيت/ماما وين الغدا ميته جوع
الام/الواحد لما يدخل بسلم مش ماما وين الغدا (مع تقليد بنتها الى قبل شوي)
رؤى/ سوري ماما.. احم احم السلام عليكم وهسا وين الغدا
سديم/ههههه بنتك هادي ما بتصبر حطيلها الغدا قبل ما تاكلنا
الام/وانا بقول هيك... روحو غسلوا وتعالو
راحو البنات يغسلو واجو
وقعدو على سفرة الاكل
رؤى/اممممم الله الاكل ما الذو ي عالم مافي احلى من طبخ امي تسلملي الايدين هدووول واعطتها بوسه على الهوا بحبك مامي
الام/وانا بحبك بعد.... صحه وهنا على قلبك ي قلبي بس كولي بشويش تخافيش ما هوا طاير الاكل
سديم/سبيكي منها يمه الجوع ذابحها ههههه...... ماما بابا وينو ليش ما بشوفو هنا على الغدا
الام/ابوكي طلع على شغلو اتصلو عليه
سديم /اها
وكملو غداهم.........
$$$$$$$$$$$$$$$$$$$$$$$$$$$$$$
عناد/الو وعليكم السلام..... هلا هلا والله بطلول
طلال/اهلين بعنود شو شايفنى بزران عشان تقول طلول
عناد بضحكه/حق عليا بدلعك
طلال/ي اخي لا دلعني بتخرب هيبتي انا الحين نقيب وبدلعني تخيل يسمعك الناس شو موقفي قدامهم
عناد/هالله هالله خايف على هيبتك تروح قدام ناس ههههههه
طلال/ي ثقل دمك ي شيخ
عناد/مثل دمك.... اه قول ليش متصل
طلال/انت عارف بتصل لمصلحه
عناد/عادي مصلحه مقابل مصلحه احكي مصلحتك بالاول عشان احكي مصلحتي بعدين
طلال/تعال عندي على مركز الشرطه وهناك بخبرك
عناد/طيب هيني مروح من الجامعه وجاي عليك
طلال/طيب لا طول
وسكر الخط....
على طريق الخط شاف حادث خطير وكل الناس متجمعه حولين الشخص الى عامل الحادث ومش مبين منه شي
عناد/ايش هالناس العدمين الحيا الشخص عامل حادث وقاعدين بتفرجو لا حول ولا قوة الا بالله
ونزل حتى يسعف الشخص
عناد/ي جماعه الخير وسعو وسعو خليني اسعف الشخص وحاول يتقدم قدام وشاف شخص مرمي على الارض وبنزف وتقريبا عمره بال50 وطلب مساعده من الموجودين عشان يحملوه معو ويحطونه بسيارتو عشان يسعفو
عناد/يجماعه الخير حدا يجي يشيل معي ويركبو بسيارتي عشان نسعفو
وتقدمو الرجال الى موجودين وحملوه معو وحطوه بالسيارة وراح فيه ع المستشقى
꧁꧁꧂꧁꧂꧁꧂꧁꧂
فـ❤ـيـ❤ـ آلَمـ❤ـشـ❤ـفـ❤ـى
عناد/حدا يساعدني في حاله طارئة لو سمحتو ساعدوني
واجو الممرضين وحملو المريض معهم وحطو على السرير ودخلوه غرفه العنايه
الممرضه/لو سمحت ي اخ ممكن تعبي الاوراق الدخول
واخد عناد وعبي اوراق دخول
وبعد نص ساعه طلع الدكتور
عناد/دكتور لو سمحت بدي اسال على حاله المريض الى جوا كيف وضعو
الدكتور/شو بتقربلو انت ابنو ولا شو
عناد/لا مش ابنو بس انا لاقيتو عامل حادث واسعفتو ليش ي دكتور في شي الزلمه لسمح الله
الدكتور/الصراحه المريض نزف كتير ومحتاجين كميه دم واحنا محتاجين اهلو ضروري عشان يمكن يطلع واحد من اولادو نفس الزمرة ويعطونه ما بدنا نتاخر
عناد/طيب ي دكتور بنفعش تفحص فصيله دمي يمكن تطلع مطابقه واقدر اساعدو
الدكتور/جزاك الله خيرا.... الحين ببعتلك ممرض عشان يفحصلك فصيله دمك وانا بروح للاستقبال واعطيهم كرت زلمه عشان يتصلوا باهلو يجو
عناد/عملت الخير ي دكتور
وراح الدكتور يعطي الكرت للاستقبال عشان يتصل باهل المريض
وعناد راح مع الممرض عشان يفحص فصيلتو
&&&&&&&&&&&&&&&&&&&&&&&&&&&&&$$$$$$$$$$$$$$$$$$$$$$$$$$$$$$$$
سديم/لو سمحت اليوم اجي رجال عمل حادث اليوم اسمو محمد سعود البراك
الاستقبال /دقيقه شوي
...... اي فيه هو في الغرفه 101
سديم/شكرا الك........ امشي يمه يلا رؤى
راحو وصلوا الغرفه
ام سديم/ياربي شو صار فيك ي قلبي كيف صارلك الحادث
سديم/وحدي الله يمه واهدي احمدي الله انو بابا عايش وماصار فيه شي
ام سديم/الحمدلله الحمدلله الك يارب الحمدلله والشكر
رؤى/الحمدلله انو بابا ماصار اله شي.... سديم انتبهي على ماما انا رايحه اشوف دكتور واطمن عن حالتو
وراحت رؤى لدكتور ودخلت الغرفه
رؤى/السلام عليكم دكتور فيني فوت
الدكتور/وعليكم السلام فوتي ي بنتي
رؤى/دكتور بدي اسالك عن حاله المريض الى اليوم عمل حادث اسمو محمد سعود البراك
الدكتور/انتي بنتو
رؤى/ايه
الدكتور/الحمدلله ي بنتي ابوكي ربنا نجاه وبعتلو شخص ينقذو........ كان حالتو خطيرة كتير وكان بنزف كتير ومحتاج لكميه الدم وشخص الى جابو هين هو نفسو تبرعلو بدمو وانقذو ولولا ربنا ولولاه كان ابوكي الحين بعون الكريم
رؤى/الحمدلله... ربنا يجزاه كل خير ربنا يوفقه ويكون معه ويسعده زي ما ساعد بابا وانقذ حياتو....
لو سمحت دكتور فيني اعرف وين هو الشخص او شو اسمو
الدكتور/هو بعد ما تبرع لابوكي بدم الزلمه داخ وارتمى وهو الحين بالغرفه بارتاح لانو شكلو اتبرع لابوكي بدون ما يكون ماكل ومغذي حالو
رؤى/في اي غرفه هو
الدكتور/في غرفه 200
رؤى/شكرا الك دكتور عن اذنك
رؤى راحت لعند عناد لتشوفو وتتشكرو على الى سواه بابوها
.....................
ي حليل صدف الافلام بالواقع
رؤى راحت على غرفه 200 وعناد كان طالع منها بالوقت الى اجت فيه رؤى
رؤى فتحت باب الغرفه/يوه غريبه الغرفه فاضيه معقول انا غلطانه(طلعت رؤى على باب الغرفه مكتوب عليها الرقم الى حكاه الدكتور الها) نفس الغرفه الى حكاها الدكتور ليش فش حدا معقول طلع
عناد/دكتور كيف حال المريض الى جبتو
الدكتور/بخير الحمدلله كويس
عناد/الحمدلله..... بقيت ادخل اشوفو بس لاقيت اهلو عندو
الدكتور/اه اجو اهلو عندو قبل ساعه واجت بنتو تسالني عن وضعو وقولتلها انو انت الى انقذتو وراحت تشوفك بالغرفه ما شفتها
عناد/لا
الدكتور/هيا قالت بدها تروح تشوفك عشان تتشكرك
عناد/اها اذا شفتها ي دكتور قولها شكرها مقبول... الحين عن اذنك محتاج اطلع عندي شغل
وطلع عناد من المشفى.........؟..........
في غرفه 101
سديم/رؤى وين روحتي صح قولتي بدك تشوفي دكتور ليش تاخرتي حكالك الدكتور شي مو منيح
رؤى/لا بالعكس اخبار حلو بابا صحتو صارت احسن بس لازم يقعد اسبوع تحت الملاحظه عشان يطمنو اكثر
ام سديم/الحمدلله على كل حال
&&&&&&&&&&&&&&&&&&&&&&&&&&&
فـ❤ـيـ❤ـ آلَمـ❤ـخـ❤ـفـ❤ـر
طلال/وينك ي زلمه طولت عليا
عناد/وانا جاي عليك وشفت زلمه عامل حادث واسعفتو لهيك طولت عليك
طلال/ااه جزاك الله خير.. والله لو نلف العالم كلوا ما بنلاقي زي حنيتك
عناد/تسلم ما بتقصر بحكيك.... ااه خبرني شو بدك تقول
طلال/عنا عمليه الاسبوع جاي ومطلوب انت تدخل فيها
عناد/طلال ما انت عارف اني تركت الخدمه العسكريه وبقدرش ارجعلها
طلال/عناد انا فاهمك وحاسس فيك وقديش كنت بتحب الجيش والاسلحه وقديشك بتحب وطنك وظروفك عاكستك واطردت من الخدمه العسكريه... بس ي عناد عشان شعبك وطنك وبلدك ادخل بالعمليه معنا وانا اخدت الموافقه من النيابه بس عليك انت ترضى وتوافق
عناد/النيابه وافقت اني اشارك بالعمليه
طلال/ااه ي اخي.. وانسى الماضي وحط ايدك بايدي وخلينى نهزم الاعداء
عناد/قصه اني انسى الماضي هاد مستحيل.. بس راح احط ايدي بايدك ونهزم الاعداء
طلال/هاد ارفيقي الشهم.. ايوا كدا
وطلال حضن عناد ساعيتها
$$$$$$$$$$$$$$$$$$$$$$$$$$$$$$$$
فيـ❤ـ آلَصـ❤ـبـ❤ـآحـ❤ـ آلَيـ❤ـوٌمـ❤ـ آلَتـ❤ـآلَيـ❤ـ
فـ🌙ـيـ🌙ـ آلَجـ🌙ـآمـ🌙ـعـ🌙ـهّ
سوزان/كيف عمي ي رؤى
رؤى/بخير الحمدلله.. بس بدو يضل اسبوع بالمشفى ليرتاح
سوزان/حمدلله على سلامتو ما يشوف شر.... سديم
ليش ما اجت على جامعه
رؤى/الله يسلمك.... سديم عند بابا بالمشفى عشان امي ما بتقدر ضل معو لانها بتتعب
سوزان /ااها.. طيب يلا مشينا عندها المحاضرة بلشت
.................... ً.......................... ٍ
فـ⭐️ـيـ⭐️ـ آلَمـ⭐️ـحـ⭐️ـآضـ⭐️ـرهّ
عناد/صباح الخير للجميع
الطلاب/صباح النور دكتور
عناد/ي جماعه الخير في مسابقه طريقه تشريح الانسان عملي برا جامعه في مخيم لاكدوس(طبعا الاسم من عقلي)
الى بدو يشارك ينزل تحت على الادارة ويعبي البيانات المطلوبه
...... والحين بعتذر منكو ما راح اعطيكو محاضرة اليوم
واحدة من البنات المحاضره/ليش دكتور
عناد/امور شخصيه حصلت معي وان شاء الله بحاول اعطيكو ياها بيوم تاني
....... وطلع عناد من المحاضره.........
سوزان/ي عمري ي دكتور مبين عليه تعبان
رؤى/وانتي ايش دخلك تعبان ولا لا انتي اهتمي بكرشك وبس... ويلا قومي ننزل على كافتيريا نشرب شي شغله ي عطوفه انتي
سوزان/مالت عليكي من بنت عديمه احساس ومشاعر يلا مشينا ابني جاع
رؤى/هههههههه يلا
....... رؤى وسوزان وهما نازلين من على درج شافوا الدكتور عناد مغمي عليه على درج....
رؤى/دكتوووووووووووور