الفصل 57
[ .. تعــددت الأشكــال والهـــروب واحــــــد ..]
((1))
منيـر
حزنتني سارا واقفه عند الباب بالشمـس تنتظر خواتهاااا .... بعد ماكااان دايم معهـا مفتاااحها والبيت هذا بيتها اللحين واقفـه برى كأنها ضيف ...
كنت اكلمهـااا وماترد بس تهز راسهـا بأيه اولااا اكيد مشتاقه لخواتهـا ومو فاضيـه لـــي ...
منير :تبغين انط السور وافتح لـك الباب .... واكيدالباب الداخلي مفتوح ...
سـارا :وش الفايده مو موجودين
منير :ياخبله عشان تدخـلين داخل احسن لك من الوقفه هنا بالشمس بعدين هم وين بيروحون اكيد اللحين بيجون ....
وكملت يوم ماردت علي :اصلاً ماني منتظر ردك اللحين انط ...
دخلت بيتناا وحطيت السلم على الجدار تسلقت وشلته وحطيته بحوش جيرانااا ونزلت عليه .. وبسرعه ركضت للباب فتحته ....
منير يلهث :وش رايك اسرع عملية سطووو ...
دخلت سارا وبسرعه راحت للبيت بدون ماترد علي وكانها ماصدقت شالت غطاها وعباتها ورمتهم .....
قلت وأنا ادور بالصاله ...
منير :ماتحسين ان بيتكم متغـيرر احس فيه جديد ...
سارا :يمكن انا وانت ...
منير :خخخخخ يمكن تصدقين احس اشكالنا خطأ هنااا ...
سمعنا صوت من على الدرج لفينا شفنا نـوره وشدن وشـوووووق اللي معها عصــــا ... وشدن نورهه معهم علاآقات المـــلابس ...
شــوق ..ياااااه من زمان ماشفتها وحشتني موووت ....
شوق :سااارا ... حبيبتــــــــــي .. اشتقنااا لك ...
وراحت تركض لها تسلم عليها وتحضنهــا ... طيب وأنا ...
((2))
سارا
واخيراً حسيت بالراحه وانا احضن وحده من خـواتي حسيت اني ضايعه وتوني لقيـت طريقي ماتحملت جلست ابكي وابكي وابكــي ...
شدن :خلااص سارا سلمي علـــــــي ...
لفيت على شدن يااحياااتي اشتقت لها كيف كنت اتهاوش معـها ...قلت لها وأنا احضنهـــااا ....
سارا:حبيبتي اشتقت لك حيـل ...
حضنت نـوره ...ياآآه ياحياتي احس شكلها تغيــر ...
سارا :نونو حبيبتي تعرفينــــــي ...
شدن :اكيد تعرفك نوره مو غبيــه .. بس وعد اكيد لو شافتك ماراح تعـــرفك ......
ضحكت على كلاام شدن ..ياااه اشتقت لهوشاتهـــــم ...
سألت شوق وأنا امسح دموعي
سارا :وين البنااات ملاااك وينهــــــــا ...
شوق :بالمستشفى ... ضحى ولدت ...
سارا بخوف :متـــــى
شوق :امس بالليل
سارا :بـرووح اشوفهااا
شوق:طيب انتظري لين البنااات يجوون بعدين نروح انا وأنتي ...
شدن :واناااا
شوق :لامايدخلـون صغــــــــــار ...
شدن :انتو اذا مابغيتووو تأخذونا معكم لمكان قلتو مايدخلـون الصـغار ....
سألت شــــوق بلهفه
سارا :والله تأخـرو البناااات
شوق :لاعادي اللحين بيجــون ..
وفجأه تذكــــــرت نقعتي على الباب
سارا :تعالي يالدوبا ساعه ادق الجرس مافكرتو تفتحون لي ياأغبياء
شوق :لا والله ماطرى لي أفتح لك الباب وأنا وحدي بالبيت ...
وكملت بأرتباك قبل ماأرد عليها ..
شوق :آه صح سارا بقولك شــي ...
استغربت ارتباااكها وش اللي بتقـوله ... يمكن شي تبغى منـير مايسمعه ... بس لحضه وينه منيـر ..يمكن طلع ..
سارا :وش فيه شـوق .. قولي مافيه الا انا وأنتــــي ...
شوق :شدن شوفي نوره وين راحـــت الحقي دخليها لاتطلع بالشارع ..
شدن :طيب بنوقف انا وياها على الباب
شوق :لاجيبيها وأدخلي ...
سارا :يوووه شوق والله انك فاضيه قولي وش عندك ....
شوق :طيب تعالي نجلس بدال جلستنا هذي على الدرج وأقولك وش فيــه ...
نزلنااا للصاله وجلسنااا ...
سارا :يالله قووولي وش صار
شوق :امـس كان ملكة مشـاعل ....
تفاجـئت بس قبل ماتنطق حـرف الشين كان قلبـي بيوقف .. توقعتها بتقول مـلاك والله كان انجــــــــن ...
سارا :طيب مين تزوجـت ...
شوق :ماراح تصدقيــن صار فلـم هنــدي ...
ياويلي لايكون تزوجـــــــت سـفرررررر .
سارا :المجنونه كيف تزوجت سـفر المتخلفه كيف سمحتوا لهــا .. ضحى كيف سمحت لها تزوجه .. ماني مصدقه كيـف
قطعتنـي صرخت شـــوق
شوق :لااااا مو كذا .. وش فهمتي أنتي .. وش جاب طاري سفـــــــر ..
سارا :اجل وش الفلم الهندي
شوق :الأحداث اللي صارت كأنها فلـم هنـــدي ... شوفي افهمك
سارا :بسرعه قولـي بجد ودي اصفقك خليتيني اشك بقدرات ميشو العقليه ...
شوق :طيب بحكـي ... شوفي هي خطبهااا واحـد الموهــم ضحى ماتبغاااه تقول مايصلح لك وهي مصـره عليــــه ... لا وقال خلاص ملكة وبيسافرون لبريطانيااا المهــم ... وجاء اخونا مالك ... تعرفينـــــه ...
سارا :لااا
شوق :طيب هذا سالفته طويله المهم هو ولي أمرنا بعد مبارك الله يرحمــه ..
سارا :شوق كيف تقولين مبارك بس توقعتك مؤدبه
شوق :انتو تقولون كذا
سارا :وانتي خبله أي حاجه نقولها تقولينها بعدين نخرب أخلااقك
شوق :صدق ان ماعندك سالفه ... المهــــم وأخـر شـي تزوجت مشاعل خــــــلف
صرخت بعدم استيعــاب ..
سارا:وشووو خلف وش دخلــــــه
شوق :مأدري مو اقولك فيلـم هنــدي ...
سارا :ياويلي والله فيلم هنـدي من قلــــــب .. بس أنا لازم أفهم وش السالفه مأعرف اعيش كذا
شوق :كلنا ودنا نعرف السالفه .. بس امس تعـبت ضحـى يوم سمعت هالموضوع .. وماصار عندنا وقت نفهم شـي ... يالله انا بروح اسوي لك قهــوه ...
سارا :بسرعه وضبطيها كويس ..
سحبت الرموت وشغلت التلـــــفزيون .. يااي فله عادت حياتي كماهــــي ..
قلت الكلمه هذي وبس رفعت عينــــي طاحت بعين ملاااك
صرخت بأسمهــا وأنا أحاووووول اقوم بس من الفرحه احس رجـولي متشابكه مع بعض ومو قادره ...
بس مـلاك جتني تركض وحضنا بعض وحنا جالسين
ملااك :ساارااا ماني مصدقه بديت افقد الأمـــل أني أشووووفك كيف تركتينـــــــي كيف .. ليه صحيتي وانا نايمه وطلعتـي من البيت ...ليه خليتينــــــي ...
كانت تتكلم ودموعهــا مغرقتنـــــي ...
سـارا :آآآه مــلاك بغيت امــوووت والله كنت بموووت وانتي مو معـي .... كنت ابغااااك .. انا ماقدر اعيش من غيــرك ....
كنت أسمع تعليقـات خواتــــــي بس ماني قادره اترك مــلاك ... وأخيـراً انا وياها مع بعــــــض ....
الله يحرمك الجنه مثـل ماحرمتنــي من خواتي ياقيس ...
ملاااك :خلاص ماراح اخليك تطلعين من عنـــــــدي ..
سارا :أنا مستحيل اترك مســتحيل ..
.
.
مشاعل :توقفااا عن ذالك كــم أمقت المسلسلات العربيه
وعد :اصلاً انتي تفهمينا عشان تكـرهينهـــــاااا ...
مشاعل :توقفي عن ذالك حديثي لم يكن موجه إليك
وعد :وحديثي انا مو موجه لك بعد ...
.
((3))
مشاعل
لم أستطع الأنضمام لأخواتي .. فضلت الأنفــراد بغرفتــي ... للتفكـير ... بمصيبتي العضمــى ..
مالذي يقصده مالك بمعرفته لكل شـيء ....
هناك أمور يستحيل عليه معرفتهـــااا لأن لايوجد غيري يعلمهــا ...
هل يلاعبنـــي بقوله هذا ... اممم يبدو انه كشف بعض الأمـور من سوسو ويعتقد انه عرف كل شـيء عنـــي ...
كلامه محيـر جداً ...
ولكنه غير مهــم .. المهم أن اجد مخـرج من الفخ الذي أوقعنـي فيــــــه ...
يجب أن اتصرف بذكـاء وأحترص هناك الكثير من الألغام الذي وضعتها بحياااتي السابقه ولايجـب ان اتعثر فيها حتى لاتتفجر وتنسفنـــي ...
أنا الآن زوجـه لخلف ويجب أن أتـصرف من هذا المنطـلق ....
اولاً كيف تزوجني وهو داخل السجـن هل خـرج منــه ...
كيف أجد أجابه لتساؤلي علي الأتصال بسعـاد وأجبارها على الحديث ....
أعلم أنهااا سترفض اعادة العلاقات وليتها تعلم اني رافضه اكثر منها ولكن لظروف أحكااام ...
((4))
ملاااك
ماصدقت قدرت أختلــي بسارا بعيـد عن باقـي خواتي وكانت الفرصه لما أذن المغرب قلت بروح انا وسارا نـصلي بغرفتنـاااا ...
أول مادخــلنا الغرفه .. قفلت الـباب علينا بالمفتاح ...
سارا باستهبال :وش تسوين لاتكونين بتقتلينـــــــي ...
ملاك :اسمعيني سارا بلاا هـبااال .. حنا لازم ندبـر لنـا خطه ..
سارا :خطه لأيش
جوابها صدمني وين سارا اللي تفهم كلامي وهو طـاير .. لايكون خلاص تعودت على حياتها مع قيس او تعلقت فيه ... بس هي قبل شــوي تقولنا عن المصايب اللي سواها فيها من طق وتعذيب كيف تبغى ترجع له
ملاك :ليكون بترجعين لقيس ...
سارا :طبعاً لاااا .. مهبوووله انااا .. ماصدقت اجي عندكم والله مأطلع من البيت ..
ملاك :طيب ماتطلعين من البيت وبس حنا ماندري وش ممكن يصير..
سارا بترجي :ملاك لاتخوفيني هو مايقدر يدخل ويطلعني من بيتنا وانا مو طالعه له ...
ملاك :بس بعد ماندري وش ممكن يصير ... يمكن يصيــر فيك مثل يوم العيــد يجيك منير يقول امه مرضانه او فيهـــا شي وتروحين زي الخبله لبيت الوحــش ...
سارا :ملوووكه لاتقهريني وتذكريني بذاك المـوضوع بعديــن انا مو غبيه ينلعب علي مرتين ...وصح امه اصلاً بالمستشفى تدرين..
قلت بنرفزه على غبائها..
ملاك :لا مأدري ولاأبغى ادري ... سارا ركزي معي شــــــوي ...جلوسك بالبيت مو حل ..
سارا :اجل وش الحل..
قلت لها اللي براسـي مباشره ..
ملاك :ندور لنا مكان ثاني نعيش فيه..
سارا :كيــــــف ... ووين ..؟ .. تقصدين بيت خالتي..
قلت لها بســــــــرعه ...
ملاك :لااا بيت خالتي مستحيـــل .. خلاص انسيهــااا ..ا
سارا :طيب ليه ...
ملاك :امور كثيره بعدين اشرحها لك بس اللحيـــن خلينا ندور لنا على مكـان ....
سارا :ملاك انتي من عقلك نترك خواتنا ونروح لمكان ثاني..
ملاك :ايه نتركهم ونروح لمــكان ثانــــي ... لاتخافين عليهم ماراح يصير لهم شــي بعدين حنا ماراح نخليهم للأبد بس فتره معينــه لين نقدر نخلصك من قيســووه بعدين نرجـع لخواتنــا بكل راحــــه ...
سارا :طيب ويـن وكيف ...؟
ملاك :شوفي انا براسـي مخطط يخلصك من قيس ..
سارا :وشووو
ملاك : ضحـى هي اللي دبستك بقيس وهي الوحيده اللي تقدر تخلصك منه ولاتنسين ضحـى معها رجااال اللي هو عســاف ... وحنااا مامعنا احد ...
سارا :مافهمــت
ملاك :اللحين تفهمــين ... شوفـي ضحى تعبانه اليوم وبكره بس بعد كم يوم بتقــوم بالسلامــه ... وساعتها بنكون انا وأنتي مختــفين ..
سارا :ملاك والله خايفه وحرام نسوي بضحى كذا ...
ملاك :غبيه لوخفتــــــي وضحى هي اللي رمتك بالمصيبه هذي بالبدايه لماااا اجبرتك توافقين عليه والمره الثانيه لما رمتك عليه ...
سارا :بس مأدري والله خايفه
بتجنني هالبنت قلبهــا ضعـيف وطيبه رغم كل اللي مرت فيهـا ماتعلمت القسـاوه ...
ملاك :يعني الوضع اللي انتي فيه ابد مايخــــوف .. طيب انتي عندك أستعداد ترجعيــن للقيس
سارا :طبعاً لاااا
ملاك :طيب هو عنده أستعداد يطلقك .. عمره قال أنه بيطلقك ...
سارا :أنا وش درانــي .. انا اصلاً ماني فاهمه شي ... ليه تزوجني وكيف بيطلقني ..
ملاك :شفتي ولا أنا فاهمـــه ... بس هو ليه تزوجك لوعنده نيه يطلق .... طيب انتي ماحاولتي تفهمين منه ليه تزوجك ..
سارا :طبعاً لا اصلاً اخاف اتكلم معه ..يوووه بليزز ملاك لاتذكريني بالكابوس اللي كنت عايشته..
قلت لها بحنــان لأن سـارا تألمت كثـيره ومحتاجه حنان وتفهم موقســوة ...
ملاك :حياتي انا مأبغى اذكرك وبنفس الوقت ماأبغاك ترجعين مره ثانيه لنفـس الكابوس .. عشان كـذا لازم تساعديني اسمعيني للآخر بعدين اعترضي على راحتك ... بس اللحين خليني اكفي كل كلامـــــي ...
سارا :يالله قولي ...
ملاك :شوفي أنا عنــدي الفين ريااال ... نهرب ونستأجر أي شـقه ونسكن فيهــا ..
سارا :لاااا وش نستأجر شقه .. ملاك حنا نبغى مكان آمـن ... بعدين كيف نستأجر شقه وانا وانتي بناااات .. ماينفع لازم رجــال ...
ملاك :ياربي انتي ليه تحبين تقاطعينـي ..
سارا :وعلى فكره الفين ريااال ماتنفع قليله مره اللي يسمعك يقول عشرين ألف ....
يالناس ودي اظربها كف بس ماتهون علي يكفي عليها ظرب الوحش عسى يديــه للنار جهنــم ...
ملاااك :سويره والله اذبحك اذا ماسكتي لين اخلص ..
سارا :طيب يامليكه تكلمـي..
ملاك :وربي هالمره لو تكلمتي لحط لصاق على فمك لين اخلص كلامـــــــي .. شوفي نتخبى بأي داهيه
وعطيتها نظره توعد قويه لو فكرة تكلم .. وكملت ..
ملاك :المهم بالموضوع والجمله اللي من صبح بقولها وماني معطتني فــرصه ... ضحى اكيد بتنبهل لو هربنا واكيد تبغااانا نرجع حنا بنكلمها ونقـولها نرجع بشرط تخلـي قيس يطلقك فهمتي ياحــلوه يالله تكلمي لين بكــــــــره ...
سارا :بايخه ... ماهضمتها الفكره .. ومن قال ان ضحى بتموت وترجعنــا .. يمكن حتى ولاتهتم فينــا ... هي عندها بيتها وولدها وبنتهــاا أهم منـا .. وبتقول بنفسها يهربن اليوم وبكره يرجعن مارح اتعب نفسي ..
ملا ك غبيه :لو فكــرتي كذا ... انتي ماتذكرين لما هربت شهد ضحى كيف استجنت ..
سارا : الا اذكر بس وضع شهد غيـــر ..وواضح ليه كان خوف ضحى عليها ... لأنها خافت تكون هربانه مع واحد وبكـره تنفضح والناااس تدري عنها .. بس حنا تعرف انا هربانين مع بعــض واذا كلمناها بتأكد انا بخيـر وبتقول كلها كم يوم ويرجعــــن ...
ملاك :بس حنا ماراح نرجع للين تنفذ كلامنا .. ولاتشككين بحب ضحـــــى لنااا .. واذا فعلاً ضحى خلاص ماتبينـا .. خواتنااا ماراح ينسـونا واكيد بيزعجـونها .. وبعدين لو فعلاً خلاص مايبغــونـاااا ... حنا بعد مانبغاهم ونكمل حياتنا أنا وأنتـــي .. من باعنا بعنـاه لو كان غالـــــي ...
سارا :اكشخ ملاااك تعرفين تقولين جملة تعبير...
صرخت عليها بنرفزه .. هذي كيف تفكر ..بجد فايقه..
ملاك :سوووووويره والله احط على فمك لصق مأمزح عليك أناااا..
سارا :طيب لاتصرخين علــي .. يكفـــــيني صراخ الوحـــش اللي سبب لي طرش ...
ملاك :بسم عليك من الطرش .. جعله هو لصمخ والطــــــرش ...
سارا :آآمييين يارررب ...
ملا :الموهم ماتغيري المــوضوع ...
سارا :اوكي انا معك .. ماتعرفيني دايم اعاند وبالأخير ارجع على كلامك
ملاك :يعني موافقه نهرب
سارا :موافقه نهرب من البلد كلها لو تبغــين ...
ملاك :فكره مش بطاله بس خليها للمستقبل اللحين خلينا بالهروب الداخلي لتنمية الأكشن بالبلد ....
((5))
عساف
خايف أن مصـير ضحى يكون مصير عمـتهــا سمــاح ... خايف أكـره ولدي مثــل ماكـرهت شدن ... بس هذا ولد ضحــى كيف أكــرهه ...
ليه مكتوب علي أعيش هالظـــروف ....
صــرت أكــــــره العــيال والحمل والولاده ..... لوطــلعت ضحى منهااا مستحيييل أخليها تحمل مره ثانيه ..
مو غبــــي عشان أكرر التجـــربه ... خلاص شبعت من هم العيــال ..
بس هي تقوم بالسلامه ماأبغى أكثــر من كذا .........
تجــربتي الأولــــى أوجعتــني كثيــر ..
مــوت سمـاح ماكان سهــل علي .. صح كنت أيامهــا طايــش .. بس مو عديــم أحساس ... اللي كان بينا عشـرت سنــوات مو يوم وليله .. وموتهــا أثر علي كــثير .. ماكانت مستوعب تجــربة أني فقدت أنســان غالي ..
وقريب مني تعــودت عليه .. كان لهااا أثــــر كبيـر بحياتي .. ذبحــوني يوم طلبوا مني أتزوج بنت أخــوهـــااا ...
تزوجتها بس أهملتهــا وطنشـتـها وسافرت وتــــــركتهــا عقاب لأهلي ولأن ذكرى سماح مازالت حــيه ماني قادر أنساااها ...
نفضت هالذكـرى من راسي مأبغى اتذكر كيــف خذلت ضحــى ...
ماراح أتــركهـا حتى لو صار لها شــــــي ببقى طــول عمري وفــي لها ...
مستحيل أخونها مثل ماخنت سماااح مستـحـــيلل ..
((6))
سارا
بعد العـشاء كنا جالسين نشوف فيــلم ومطفين الأنوار وداخـلين جو وكل شـوي اقول لملاك وش كنت افكر فيه لماكنت اتابع الأفلاااام وانا مو عندهــــم ... واكتشفت ان ملاك ماكانت تطلع من الغرفه ولاتشوف التلفزيون مع خواتي يعني كانت حالتها اسوء من حالتي مع انها بين خواتها ..ومارجعت تندمج مع خواتي الا بعد ماطاحت ضحى عليهم ....
فجأه نطت ملاك ..وطيرات راسي .. قلت لها وانا افرك راسي اللي طاح على الأرض
سارا :وجععع وش فيك كسرتي راسي
ماحسيت فيها الاتسحبني ..
ملاك :سوري تعالي بقولك شـــــي ..
دخلتني وقفلت الباب علينا..
سارا :يووه وش بعد ماخلصت اسرارك اليوم ..
ملاك :أسمعيني لقيت الحـــــل .. عرفت وين نتخبى لهربنــــااا..
سارا :وين يالفالحه ليكون بفندق..
ملاك :لاياحياتي مو غبيه انااا كنت عارفه ان فكرة الشقه مو حلوه بحقناااا وماراح نلقى شقه أمنه بس اللحيـن عندي الحــل والمكان الأمــن والله فيه حرس بعد ....
انفجعت وش تفكـــــر فيه هذي ..
سارا :يامتخلفه بتدخلينا السجـــــن ..بس عشان نتخبى ...وش هالفكره اللي مثل وجهـــــك ..
صرخت بوجهي بقهــر ..
ملاك :مجنووونه انتي ..للمره المليار أقولك لاتقاطعيني وأنا اتكلم ...
سارا :والله مأدري من المجنون انا او اللي بتدخلينا السجن ..
شفت بعيونهــااا النيه لقتلــي .. حطيت يديني الثنتين على فمي علامة الصمــت ...
قالت لي بعد مازفرت زفره طالعه من قلب ..
ملاك :بيت ضحى ..
وش تقول هذي شكلها انهبلت من جلستها الفتره الماضيه لحالها..
سارا :بعقلك شي انتي ... اللحين مكان آمن ومأدري ايش واخرتها بيت ضحى .. اشوى انك ماقلتي نتخبي بالبيت هنااا ..
ماحسيت الا بصقعه على راسي ..
ملاك :الف مليون مره قلت لاتقاطعيني خليني اكمل سالفتي بعدين علقي لين بعد بكــره ..
سارا :قبل شـوي تقــولين مليار واللحين نزلتي للمليون ...قولي وش عندك اتحفينـــا ..
ملا ك :مو بيت ضحى نفسه .. اقصد الدور الثانــي .. مو بيأجرونه ... وللحين ترى مأحد سكنـــه .. وأنا اعرف وين مفتاحه نروح هناك ونستخبى علي كيفنااا ومحد داري عنــــااا ..
سارا :بس ضحى ساكنه فوق كيف تقولين الدور الثاني ...
ملاك :لااا تحت وش فيك تذكرين يوم حملت ترى رجعوا نزلوا تحت وتركوا الدور اللي فوق يأجرونه وللحين مأجروه ...
وقلت وانا مو مقتنعـــــه ...
سارا :طيب عساف
ملاك :لاتخافين بنكون حذرين ويمكن ندخل ومانطلــع ..
سارا :بس كيف نجلس هناااك فيه اثاث يعني ..
ملاك :ايه فيه اذكر مره رحنا لها بعد ماكانت حامـل وقبل ماتغصبك علي قيس وكان الدور الثاني شبه كامل اثاثه وحتى طلعنا لسوق ولعبنا فيه وطلينا على جيرانهم خخخخخخخ ...
سارا :لاوالله ماني متذكره شي اكيد من ظرب الوحش فقدت ذاكرتي ..
ملاك :اذا رحنا هناك بتذكـرين كل شـــي ...
ياربي ماني بالعه الفكــره احسـها مغامـره وتخـوف .. كيف نترك بيتنا ونروح نتخبى ببيت شخص غريب .. صح هو بيت أختنا بس اللي ساكن هناك اللحيـن عساف .....
سارا :بس عسااف ..
ملاك :لاتفكرين كثير .. ماراح يصير شي .. وعساف ترى آمان لنا مو مصدر خــوف ...
سارا :بعد ماني مقتنعه ...
ملاك :فكري فيها وبتقتنعيــن .. تذكري انك بالطريقه هذي بتخلصين من الوحـش وبتقتنعين ..
سارا :طيب اخاف ننكشف..
ملاك :واذا انكشفنا خيـر ياطيـــــر ... وش بيصير ...
بتصير أشياء كثيره بس مأقدر اقولهــــااا ... اولها قيس اللي اكيد ساعتها بيذبحني .. هو اذا شافني طالعه بالشارع وش كان يسوي فيني .. كيف اللحين وأنا هربانه منــه .. خايفه من الفكره كثير وماني متقبلتهــــــاا .. بس عشاان ملاك مأبغى اخيب ظنها .. هي ماسوت هالشي الا عشاني وأنا مستحيــل أخذلهـــااااا ...
بس يارب مأطيح بيد قيس بعدهــا لأن ساعتها ماراح يفكني منه غير المووت ...
سارا :صادقه وش بيصير نهرب نرجــع نسافر مافيه احد ورانا ويحاسبنـــا ...
ملاك بتريقه :والله ..
سارا :ودي اعرف كيف تعرفين لي ...
ملاك :لأنك تربية يدي لاتحاولين تفـوقين علي بتحريف بالكـلاااام ... تدرين سارا لطـلقك قيس .. في ببالي أشياء كثيره بنســويها..
قلت بحمـــاس وأنا اتمنى يصير هالطلاق اليوم قبــل بكـره ..
سارا :وش هالأشياء ..
ملاك :اولاً فيه اخو لنااا اسمه مالك ودي اصفقه لين يـقول بس ..
سارا :الشين الحقير اللي ورط مشاعل ..
ملاك :أيه هو العله مافيـه غيـــره ..
سارا :طيب وش رايك نأدبه قبل مانهرب ..
ملاك :لامامعنــا وقت هروبنــا لازم يكون اليــــــوم الفجر ..
سألتها بأندهاش وأنا ماني مصدقه سرعتهاااا ..
سارا :بدري ... ليه مستعجله..
ملاك:انتي ماتضمنين قيسووه الحقــــير متى يجي يأخذك .. خليناااا نتغدى فيه قبل يتعشى فيناااا ...
قلت بقهـــــر..
سارا :ياليتنا نتغدى فيه صدق..
مـلاك :ههههه تجين نأجـر قاتل يذبحـه ويواري جثته عن أنظار رجال الشرطه ...
سارا :والله لو مـو حرام كان مأتردد بتسويتهاااا ..
ملاك :ياووويلي الوحـش طبعك بأطباعه وين راح الجانب الأنساني اللي فيك
سارا :الله يرحمـه اذا السالفه فيها الوحــش .. ولأن فيني جانب أنساني اذبحه وأريح الناس الحقيقين من شره ...
ملاك:طيب اهم شـي لازم نستعد الليله لاناموا خــواتك .. ونجهز وقتنا للهـــــروب ...
سارا: أخاف أحد يشـوفنــااا .. بعدين معك مفتاااح كيف بندخـل بيت ضحـــى ..
ملاك :مو مفتاااح واحد كل المفاااتيح اعرف مكااانها بنأخذ نسخه لكل مفتاااح .. مفتاح البيت الخارجي واللي بين الدور الثاني والدور اللي ساكنه فيه ضحـى وحق الدور الثانــي ... ونرجعهم مكانهم عشان مأحد يشك أنا هناااك .. مع أن مافيه امل احد يفكر بمكانا ..
قلت بحــزن..
سارا :كيف توقعين خواتي يواجهون الموضوع حرام بتطيح بروسهـــــم ..
ملاك :أمرنا لله .. هم ماعليهم خطر أنتي اللي عليك خطـر .. وخليهم يتحملون لين ضحى تصير زينه ويخبرونهاااا...
بديت اتوتر .. اخاف ضحى تنصدم ويصير لها شـي لعرفت بهروبنااا..
سارا :ياربي والله خايفه على ضحى مأدري كيف يطاوعك قلبك نهرب وهي حالتها كذا..
ملاك :صدقيني ضحى ان شاءالله بتقوم بالسلاامه وعندها زوجهاااا لاتخافين عليها خافي على نفســـك ...
قلت بقهـــــــر..
سارا :ياربي والله انتي مجنونه مأدري كيف تفكرين..
ابتسمت بخبث ...وردت بثقه وهي تنسدح وتحط راسها على رجـــــلي ..
ملاك :أفكر صح ...يالله اللحين خلينااا نااام عشـان اخر الليل نصحى ونضبط كل الأمور
سارا :ياويلي كيف بنطلع اخر الليل كأن مو صاحيات..
صرخت علي ملاااك وهي تجلس..
ملاك :قسم بالله ان انتي اللي مو صاحيه شكل الحبسه بالشقه لحست مخك وخلتك جبانه .. طول عمرنااا نمتر الشوارع بالليل ماعمر صار لنا شـي بعدين حنا ماراح نتعــدى حارتنااا .. ذاك الحداد ننسخ عنده المفاتيح وبيت ضحى بأخر الحـــــاره ..
دفيتها ترجع تنام ..
سارا :طيب لاتصارخين يالله نامي وخلينــي أنام شكل ورانا بـلاوي بطريق ..
نمت على فراشي وملاك على فراشها وبعد شـوي تذكرت شـي ...
صرخت وانا اجلس
سارا :لامستحيل ماني رايحه معك وانا ماشفت ضحــــــى ...
ملااك :بتروحين غصباً على خشمك ... العصر كله ليه مارحتي خلاص راحت عليك ... الفجر بنهرب ولاعلي منك ولامن ضحى ...
ياربي من ملاك صايره مره قاسيه وعنيده ...
سارا:بليز ملاك اجليها يوم لين أشوف ضحــى ...
ملاك :مافيه تأجـيل وضحى مردك بتشوفينــــهااااا ...
طرت علي بالي فكـره ذكيه بس ياليت ملاك تقتنع فيها..
سارا :طيب وش رايك نبقى لين يجي وقت زياره لضحـى ... وبعد مانزورها نطلع يقالنا بنرجع للبيت بعــدين نهرب..
ملاك :لااااا بنهرب قبل الفجر واليوم ولاتزودين حكي بعدين حنا لازم نكتب رساله للبنات عشان يعرفون انا هربااانين ومايقلقون علينا لو طلعنـا من الزياره ومارجعنا بينهبلون علينا..
سارا :لا ماراح ينهبلون لو كلمنااااهم ..
ملاك :ياغبيه صدقيني فكرتي أحلى الليل غطا وستـار .. لو طلعنا من الزياره العصـر مثلاً او المغرب او حتى الساعه تسع ماراح نقدر نتسلل لبيت لأن الناس صاحـــــيه .. وكلن بيشوفنــاااا ...
وبعد حوار طويل عريض اضطريت استسلــم لأن ملاك صاير راسها حجرررر مستحيل يلين او تقتنع بغير رايها .. وش اللي غيرها كانت دايم تأخذ برايي .. اكيد هذا لأني ابتعدت عنها ومع الأيام برجعها مثل ماكانت ...
((7))
ملاك
طول الليل ماجاني نــوم جالسه افكـر بكل شـي .. مأبغى اخطأ بالشـــي .. لازم اكون حاسبه كل شــــــي ..
على الساعه 12 صحيت سارا يعني بعد ساعتين من نومهااا ..
سارا :ملاك حرام عليك ماشبعت نوم خليهـااا بكره ...
ملاك :اييه شكلك مطوله يالله اصحـي شوفي جبت المفاااتيح ... قومي بسرعه شوفي الشنطة جهزتهااا وكل شـي .. اللحين ماعليك غير تقومين وتجين معــي نروح للحداد ننسخ المفاتيح ونرجعهااا بسررعه قبل مايقفل ..
سارا :طيب خليني أنام شـوي والله بدري ..
ملاك :وين تنامين بعد.. قلت لك المحل بيقفل واللحين الليمـوزين بيجي ترى أتصلت وطلبت لنا واحد يجي بعد ربع ساعه يالله بسرعـــه ..
سارا :قسم بالله أشكالنا شبهه .. ولارايحين اخر الليل ...
ملاك :طيب وش نسوي لو أخذنا المفاااتيح ونقصت وجت تشوفهم ضحــى اكيد بتكشفنا
سارا :طيب شوفي عندي فكــره ... المفااتيح اللحين وين ..
ملاك :شوفيهم معي ..
سارا :لا مو ذولي كل المفاتيح وينهم ..
ملاك :بغرفة ضحــى ..
سارا :طيب امشي اوريك ...
رحنا لغرفة ضحى بشوف ام العلوم سارا وش بتســــــوي ...
سارا :وووواااااو وش كل ذولي انتي متأكده انه بيت مو فندق ... خخخخ شكل حتى الدرايش لها مفاتيح..
ضحكت عليها وأنا اقول ..
ملاك :يالله خلصينا وش بتســوين يالعبقريه..
سارا :طيب قبل ممكن سؤال كيف عرفتــي ان هذي المفاتيح المطلوبه..
ملاك :مايبغى لها ذكاء شوفي الأختصارات المكتوبه عليــهااا وبتعرفين كل مفتاح حق أيش ...
سارا :طيب شوفي فكـرتي اللحين كل ثلاث مفااتيح مكتوب عليها حقت ايش طيب خلينااا نأخذ من مفاتيح بيتنا ونحطها بدال اللي أخذنا عشان لو نظر لها أحد يلقاها كامله ومايشك ..
بغيت اصرخ من حلاوة الفكـره بس خفت البيت كل يصحى على صرختي ..
ملاك :ياخطيررره يالله دبري لنااا ثلاث مفاتيح ...
سارا :وين مفاتيح بيتنا ...
ملاك :شوفيها بالدرج الثاااني ,,
وفعلاً طلعنا المفااتيح وحطينا بدال اللي أخذنا . وكلها مفاتيح مأحد مفرق ....
طلعنا من غرفة ضحـــى رحنا لغرفتنا أخذنا عباياتنا والشنطـه حقت الملااابس ... ونزلنا تحت ...
قلت لسارا اللي تمشي قدامي ... بشويش انتي وجزمتك هذي ليه تطلع صوت..
سارا :مأدري مانتبهت قبل انها تطلع صــوت..
ملاك :كان لبستي سبورت بدال التوهيقه هذي امشي بسرعه خلينااا نطلع ...
سارا :طيب خلينا نطلع من البيت على خيـر بعدين انتقدي لين بعد بكــــره ...
طلعنا بهدوء وعلقنااا على باب البيت الداخلي الرساله اللي تركناها لخواتــــي .. وبسرعه لبرى وأشوى اول ماطلعنا الا سيارة الليموزين توقف ركبنااا بسرعه وعطيناااه عنوان بيت ضحـــى وقفنااا قبل بيت ونزلناااا بعد ماتطمنا على الوضع وأنا الشارع خالـــــي ... ومأحد يشوفنااا .. فتحنا بااب الحـوش ودخــلنااا ...
اول مادخلناااا حسيت بالرهـــــبه ... ياويلــي وش هالجنون اللي سوينــاااه ...
سارا بهمس :ملاااك انااا خايفه ...
رديت عليها بهمــس وأنا احس قلبي واصل حلقــي من الخوف ...
ملاك :وش اللي يخوف هذا بيت ضحــى وعسااف هنااا وش يخوفك ...
حسيت بيد سارا على يدي اللي اكتشفت انها ترتعــــــش ...
سارا :طيب لو مايخوف ليش تنافضين ....اللحين بنطلع فـــــووق .. والبيت مقفل من متى أخاف مسكــون من الــ ... انتي فاهمه مايحتاج اقول ... بسم الله الرحمن الرحيم ..
ملاك :انتي وش مخوفك بس نقول بسم الله خلاص المفروض مانخاف شـي واللحين اقري دعاء نزول المنزل وتوكلي على الله .
سارا :ملاك من الخوف نسيته ...
ملاك :اعوذ بكلمات الله التامات من شر ماخلق ... ثلاث مرات قوليها وخلااص
مشينااا لين وصلنا المدخل وبدأ الخوف يتضاعف داخـــلي ...
كان الظلااام بالحوش حالك كيف داخل البيت ....
بعد تردد كبير فتحت البيت وسميت بالله ودخلـت ودخلت بعدي ســارا ..
سارا :ياويلي ملاااك والله خايفه خلينا نرجع للبيت بــــس ..
عدلت الشنطه على كتفــــي وقلت لهاااا
ملاك :امشـي بس امسكي فيني عشان ماتطيحين اعرفك بالظلام بس تخبطين بالجدارن ...
سارا :طيب بسرعه خلينا نطــلع فوق وانشغل الأنوار انااا ميته خوف من الظلاااام ...
ملاك :طيب هش تصوري عساف صاحي وجالس بالصاله ... ويسمعنــــا...
سارا :ماتوقع البيت كله مافيه انوار الا اذا كان يجلس بالظلااام أكيد بيحسبنا من ذوليك تعرفينهم مايحتاج أقولهـــم ...
ضحكتني سارا احس عقلهااا منخرش ..وانا اقول صارت قويه بعد ماعاشت كم أسبوع مع المعفن قيس بس شكله مافيه أمل قلبها يصير قوي ...
قلت لها وأنا اوقف قدام باب الشقه ..
ملاك :وصلنا سمي بالله ..
سارا :بسم الله .. خلينا نشغل الكهربا قبل ماندخل ...
ملاك :شوفي وينه العداد وافتحــيه ...
سارا :وين اشوف .. هو فيه مجال نشوف شــي ..
ملاك :طيب تحسسي الجدار أكيد بيكون قريب من البـاااب ...
سارا :لاااه احط يدي بمكان مأدري وشو تصوري اتحسس الجدار واحط يدي على بريعصي وعععععع ...
ملاك :يافضاااوتك ياشيخه طيب وخري أشوف انا ادوره ..
وخرتها وتحسست الجدار سميت وفتحت العداد ...
ملاك :يالله بسم الله ادخلــي ...
أول مادخلت حسيت بكتمه مو طبيعيه وكأن المكان مافيه اكسجـــين ...
سارا :ياربي ملااااك احس بأختنق
ملاك :وأنا بعــد احس بخنقـــه ...
تحسست الجدار وفتحـت الأنوار ......
اول مانفتح النور غمضت عيوني كان الضوء مره قــوي ...
سارا :ملاااك وش ذا
فتحت عيوني بشوف عن ايش تكـــــلم ..
كان المكان عادي موكيــت وكم كرسي وطـاولة تلفزيون ماعليها تلفزيون .. وبــــس ...
ملاك :عادي وش كنتي متوقعــه ..
سارا :مافيه تلفزيون كيف بنقضي وقتنااااا...
ملاك :اللحين اهم شـي خلينا نلقي فرش اخاف مافيه بعد ...
سارا :والله مالي شغل تدبريناااا
...
ملاك :سارا اهونك عليك أنا توأمك لازم توقفين معي بالشدائد
سارا :الشدائد اللي من تحت يدك انتي توقفين فيها لحــالك ...
والحمدلله لقينا فرش بس بدون اغطيه ومخدات ...
حطينا الشنطه مخده وتغطينا بعباياااتنا ونمنا بدون خوف بدون قلق .. ولاكأنا بمكان غريب عنااا ..((8))
سارا
فتحت عيــوني .. جلست دقايق اطالع بالسـقف .. اللحين وش بنــسوي .. بنموت ملل هنــــا ..
ملاك :سارا صحيتي .. قومي سويت فطور ..
شفتها منزله الصينيه وعليها حليب
نطيت جالسه..
سارا :المطبخ فيه فرن ...
ملاك بحماس:لا نزلت تحــت .. تصوري بعد ماصلينا الفجر ماجاني النوم .. وجلست اتجول بالدور واراقب صوت بااااب البيت الخااارجي لين طلع عساااف وراح بالسياره نزلت تحت وفتحت الباب الفاصل اللي بينا ودخلت وعلى طول رحت للمطبخ ..
سارا :يعني نقدر نشوف التلفزيون .. عساف اكيد مو راجع الا الساعه ثنتين لخلص دوامه ...
ملاااك :مادري اخاف يطب علينا وذاك الوقت ننكشف وين نودي وجيهنا منه
ضحكت عليها ... امااا تنحرج من عســاف ..
سارا :ملاك ياشينك وانتي عاقله..
ملاك :وانتي ياشينك وأنتي ماتعرفين العقل .. وبعدين العقل نعمه ...
سارا :ادري العقل نعمه ولأنه نعمه مايصلح نضيعه بامور تافه مثل الحيا من عساف ..
نزلت كوب الحليب بقدامي بقوه.
ملاك :طيب ممكن تشربين هالكوب وانتي ساكته ..
قلت بأستهبال..
سارا :اشرب الكوب او اللي داخل الكـــــوب ...
ملاااك :اشربي الكوب ثم اللي وسط الكوب ...
بعد ماأفطرنا ... اصريت على ملاك ننزل تحــت ... بس هي رافضــه ... زعلت منها وقلت بروح أنام بس ماعطتني وجــه ...
دخلت شوي بالغرفه بعدين طلعت لها بعد مامليت من التفكيـر مع نفســـي .. لأن مايحتاااج اقولكم وش بفكـر فيه .. اكيد بالعله قيس ...
انصدمت بالمجلات والكتب اللي مع ملاك..
سارا :اكشخ ملاك من وين جبتيــهم .. ماكانوا بالشنطه..
ملاك :من تحت..
قلت لها بقهر وانا ارمي المجلات مثل الكوره برجلي..
سارا :نزلتي وانااا يوم اقولك بنزل تقولين لااااا..
ملاك :ياغبيه جبتهم لما سويت الفطور .. وخلاص مره وحده باليوم ننزل تحت مو كل دقيقه وانا جبتهم عشان نتســلي .. اجلسي شوفي معي لاتصـيرين بزر..
قلت لها بقهر وانا اجلس مجبوره..
سارا :وش اشوف..
ملاك :والله ضحى ماهي هينـه ولا هالمجلات عنده ازياء وكشخه..
سارا :ليه ماتكون لعساااف..
طيرت ملاك عيونها في..
ملاك :لاحرام عليك عساف يحب ضحى مو راعي حركاااات..
سارا :يمكن يبغاها تغار عليه..
عفست ملاك وجهااا بطريقة تضحك..
ملاك :وانتي من وين تعرفين هالحركات ليكون الوحش يسويهاااا ..
رحت فبالي بعيد وش قصدهااا .. بعدين تذكــرت .. اشوى احسب ملاك حست بالشــي ... بس وش بيدريهااا هي .. اقول لملاااك ياربي هالموضوع مثل الهم على صدري .. بس مأقدررر كيف اقووولهااا كيف ...
قلت اضيع الموضوع وعشان ماتحس ملاااك ان تفكيري اخذني ....
سارا :حلوووه منك بس لاعاد تعيدينهاااا ...
ملاك :الا صدق لما رحتي للسوق مافكرتي تهربين منه..
سارا :شوفي انااا فكرررت مأخبي عليك .. بس فكرة أنه جايبني هنا عشـان يضيعني كانت أكـبر .. وقلت لو حاول يضيعني بهبل فيه وماراح اضيع وبلاحقه .. شفت انا كيف ذكيه..
ملاك :لأنك حمـاره اللحين بدال ماتهربين منه تلاحقينه..
سارا :ياهبلاااا اللي يسمعك يقول صار صدق ظيعني..
ملاك :وش دراني يمكن هذا اللي صار انا ماكنت معكم..
قلت بقهــر وانا اسحب منها المجله واظربها على راسها...
سارا :غبيه كيف بس تفكرين فيني كذا ...
سحبت المجله مني واكيد ظربتني فيها على راسي..
ملاك :سويررره انا مو الوحش تظربيني واسكتلك..
سارا :ايه هين حلوه يسكت لي .. تصدقين المجله مره حلــوه..
ملاك :بجد شوفي الروج هذا توووحفه .. احسه بيطلع علينا حلووو هذي نفس بشرتناااا
سارا :خخخخخخ من تسدح على البحر..
ملاك :بديت اشك انك يوم رحتي الشرقيه تسدحتي على البحر...
سارا :ورب البيت اني ماطلعت من الشقه ..
ضحكت علي ضحكه قويه وانسدحت على ظهرها وهي تضحك..
ملاك من بين دموع ضحكها :بجد هبلااا وين عايشين اوماا تسدحين على البحــــــررر تكفين يالبرزيليه..
سارا :لاتذكريني يوم كنت برزيليه مافيه لاعب عندهم الا خطبنــــــي..
ظربتني على كتفي من كثر الحماس وكأن السالفه صدق ...
ملاك :ياشين الشلخ اللي يطلع منك ذيك أنا نسيتــي .
سارا :طيب انتي ماهو أنا بس فكينا من يدك تصدقيني احس عظامي بتحول لطحين من كثر ظربك
ملاك :اللحين ظربي اللي بيحول عظامك لطحين ليه ماحولها ظرب قيس ....
تجاهلت كلامها وجلس افتش بالمجلات بس تذكرت برنااامج دايم احب اتابعه هالوقت الساعه 11 ماعلي من كلام ملاك بتسلل بس لازم اخدعهااا ...
سارا :انا رايحه للحمام..
...
سويت نفسي بروح لحمااام ...بعدين رحت للمدخل وعنده كان مفتاح الباب الفاصل اللي تحت اخذته وتركت الباب بدون ماقفله نزلت بسرعه ... فتحت الباب اللي كان يطلع صوت قوي .. وركض على التلفزيون شغلته .. يعع وش الغبار اللي عليه شهر مأحد مسحه ... اخذت فاين ومسحتـــه .. جلس على الأرض .. وحطيته على البرنامج كان بادي من فتره .. الله يغثك ياملاكووه ...
اندمجت بالبرنامج وماحسيت الوقت مادريت الا صوت رجااال جاي من جهة المطبخ ...
:ياوولد .. من اللي هنااااا ..
ياويلي هذا اكيد عســـــــــــــــــاآاف يافضيحتي ياربي وش أقول .. وش دراه اني بنت ونادى ليه مأكون حرامي اكيد دخل وشافني وأنا مفهيه ومو داريه عن الدنيااا .. الله يشيلني يافضيحتــــي ليتني سمعت كلام ملاااك ياربي خربت كل شــي بلقافتي .. والله ماتسامحني ملاك طوول عمرهاااا ...
رجع يقول:يااااووولد ...
قلت بسرعه والخوف ماليني ....
سارا :لاااتدخل ...أنا سارا .. وملاك جينا ننظف البيت عشان ضحــى لطلعــت .
ورحت ركض وقفلت الباب الفاصل وخبيت المفتاااح ...
ورجعت بسرعه ... وانا اسمعه يتكلم مأدري وش يقول ..
سارا :ووش ماسمعتك..
...:اقوول من وين جبتي مفتاح البيت
سارا :من ضحى..
:بس مفتاح ضحى معي ...
لما قال هالجمله حسيت بالشـي .. هذا موصوت عساف .. هذا فيه نعومه .. هذا صوت ملااااك
سارا بقهر :الله يشيلك يالحيوانه .. قسم تروعت بغيت اعملها على نفســــــــي ..
دخلت ملاك وهي متقطعه من الضحك ....
ملاك :الله يشيلك انتي موقايله لك لتنزلين تصوري لو هالموقف صدق وش كان موقفنـــــــاااا ..
سارا :بس هو مستحيييل يجي هالوقت ...
بس ملاك ماعبرتني قفلت التلفزيون وسحبتني
ملاك :يالله فوق بس وين المفتاح ..
فتحت الباب وطلعناااا بعد ماقفلنااااه ...
((9))
ميشو
صحوت على مصيبــــه ... لقد فـرتااا .. ملاك وسارا .. تاركات لنا خبر فرارهـن على قطعة ورق علقتاااها على الـباب ...
في بداية الأمـر توقعنااااه مقلب سخيف منـهن .. ولكن حينما طال الأمـر وجاء العصـر من غير حضورهن اقتنعنا أن الأمـــــر جاااد ...
هنــد :خلونا بس نروح لضحـى ماهن جايات ..
نوف :ضحى ماصحـت .. لو صحت اتصلوا علينا
شوق :بس لازم نروح لها انا ماشفتها امس
وعد :وبنشوف ولد ضحـــــــى انا امس ماشفته زين ....
مشاعل :شوق لما تذهبي انتي وهنــد .. أنا يجب علي البقاء بالمنزل
وعد :أيه انتي أجلس وانتبهي لشدن ونورا
يألهي يال الصغيره المشاكسه انها تأمرنــــــــي
مشاعل :ولكني لم اتعود رعاية الأطفال
هند :عادي تعودي انتي خلاص متزوجه بكره يطلع خلف من السجن وتسوون عرسكم ويجيكم عيـــــــال ...
هزتني طريقة الشرح المبسطه التي أبدتها هند لحـياتنااا .. حقاً هكذا فقط يال سهولة الأمــر ..
نوف :خلاص مشاعل تجلسين وحنا نروح...
صرخت برفض..
مشاعل :بالتأكيد لن أبقى وحدي مع هاتين المشاغبتين..
وعد :مشاعل لاتصيرين خبله انتي عاقله يعني نئتمنك عليهم .. حنا اتمنا المجنونات سارا وملاك عليهم كيف أنتي ...
مشاعل :ياحمقاء انا لأشكك بقدراتــي ولكني لأرغب بذالك..
وعد :طيب ارغبي الموضوع مره سهل .. حنا بنروح يالله بناااات..
مشاعل :هند لن تذهبي ستظلين معي ..
ولكن تلك العنيــــده لم ترضى ..
هند :لاحبيباتي مو كل مره تطلعون من غيري .. انتي اجلسي معهم..
ميشو :لن أفعـــــــل..
شوق :تكفين مشاعل ... اذا اصريتي مأحد بيجلس غيري وانا ابغى اشوف ضحـــــى
لم أستطع رفض طـلب شوق فهــي كالنسمه أخفى برفضي أنا اجرحهـــا ...
اما وعد وهنــد سأعاقبهم يجب علي ذالك ...
مشاعل :حسناً اذهبوو ولكن لاتتأخروا .. لأملك الطاقه الكافيه لرعاية هاتي المشاغبتين ..
بعد أن خرج الجميـع .. وبقيت مع الصغيرتين .. بادرتني شدن بطلبها..
شدن :انا ماطلعت من ثلاث أيام طلعيني أنا ونورا للألعاب ولاتقولين ماأقدر انتي تقدرين تسويين كل شــــــــــي ...
مشاعل :حقاً لأستطيع..
ردت شدن مقلده طريقتي بالحديث ..
شدن :ميشوو أرجوك خذينا لنلعب ..
بعد أصرار طـويل رضخـت لطلبهـــا .. وبماأن الفتيات قد خرجن مع السائق .. اخذنا سيارة أجره وذهبـنا لأحد المجمعات كم أصـرت شدن لأنها تحب اللعب بتلك الأماااكن .. لم أكــن أملك الكثير من المااال .. مئة ريال فقط وأخشــى ان لاتكفـــــي ..
بعد دقائق من وصولنا هناك وبعد ان دخـلت شدن ونورا للعب بأحد الألعــــاب ... رأيت شخص لم أتوقع ابداً رؤيته ...
وأتاني صوته من خلفي كفحيح أفعــــــى ..
فارس :مرحــباااا ياقلبي .. كيفك ..
كان يحدثني من دون أن ينظـر إلي وكأنه يحدث شخص بجواره او على الطرف الأخر من الهاتف ولكنه لم يكن يحمل جـوال ...
ثم لف علي بعيــناه المخادعتان الجميلتان للأسف ..
فارس :ماصدقت عيوني يوم شفتك قلت اكيد من كثر مأحلم فيك صرت اتصورك بكل مكان ..
ميـشو :جيده ماذا تفعل هنااا ..
فارس :ولاشي اتسكع كالعاده..
ميشو :متى رأيتني..؟
فارس :من دخلتــي .. تجين نشرب حاجه..
ميشو :كلا لأستطيع ... رجاءً ابتعد لأريد ان يراك أحد معــــي ..
فارس :ميشوو علينا أنا عارفه ان ماوراك احد مو علينا هالكلااام ..
ميشو :فارس رجاءً ابتعد عن طريقي
فارس :ميشووو لاتعامليني كذا حرام عليك قلبـي العاشق ...
هل تصدقون رغم خبرتـــــــي ومعرفتي ويقينــي بأنـــــــه ذئب ولكن أحيان أشعــر بالأنجذاب إليه ..حينما يحدثني بهذه الطريقــه .. كيــف بالفتيات الصغيرات البريئات بالتأكيد ستنطلي عليهـــن الكذبه بكل سهـــــوله ...
ميـشو :هل تعلــم فارس كم أنت سافل ...
رفع صوته وهو ينطق جملته ..
فارس :وربي أني أكبــر سافل لخاطر عيونك الزرقاء .. بس تعالي معي ...
ميشو :مازلت سافل ايضاً ..
فارس :سافل تربيع مو مشكلـــــه ..
ميشو :ومعدوم الضمير ..
فارس :معدوم الضمير ألف مره مو مره بس اشفقي على قلبي الولهااان .. ميشو أنا لما اشوفك اذوب ...
ميشو :أعلم .. لأني شمــــــس تحرق من يقف قريب منها فابتعد لأني خطيــره
فارس :اموت على ثقتك بنفسك..
ميشو :حديثك تافه لايسليني ابتعد
وبادرت أنا بالأبتعاد ولكنه لاحقنــي ووقف على بعد ذراع منــــــي وهو عيناة تحدق باللأطفال الذي يلعبون بالداخــل كما افعــل أنا ..
فارس :أنا عارفه انك زعلانه من أخر مــره .. لكن وربي كانت علاقتنا حلوه
ميشو :رجاءً لاتشوه الحقيقه نحن لم نكن بيوم على علاقه ...
فارس :ميشو لاتنكرين أنا كنا معجبين ببعض
ميــشو :انا لأعجب بالذئب أمثالك فرجاءً ابتعد..
فارس :لو لعبت عليك ماعملتيني هالمعامله بس لأن قلبي طيب واعترفت لك كرهتيني وصرتي ماتبغينـــي ...
كان يقصد اعترافــه لـي بأن ملاحقته لي كانت بدعوه من كريمــه وسعـاد اللاتي خططن للأيقاع بــي
اردن أن يتسـلن على حسـابي وكدت أقع بالفخ لولا ان الفخ الذي اخترنه لي كان أحمق واعترف بحقيقة اللعبه وهو يحلف بأنه يحبنــي حقاً ...
كان غرض كريمه وسوسو مجرد التسـليه .. وصدقت ذالك ..
((10))
ملاك
مـر يوميــن طـوال علينا هنا وماكلمــنا خواتنا وقررنا اليوم نكلمهم ومن صحينــا وسارا عالتني كل بعد دقيقتين تقول خليا نكلمـهن ...
ملاك :انتي غبيه او تستهبلين تبغينا ننزل تحت والرجـال لسى ماطلع..
سارا :اكيد نايم مو حاس فينا ناخذ السماعه ونتخبى بغرفة شدن او المجلس او أي مكااان ...
ملاك :سارا اعقلي لاتجننيني معــك .. وحتى لو التلفون ماراح نكلم منه تصوري لو احد مبلغ الشرطه الوحش مثلاً درى انك هاربه وبلغ الشرطه وراقبو تلفونا
سارا :ياحبك للحركات الأفلام والأكشــــــــن ..
وكملت لما سفهتــها ومارديت عليها..
سارا :يعني لازم نشحن الجــوال وعساف شكله اليوم مو طالع وحتى لو طلع يمكن مانلقى شاحن او نلقى شاحن مايناسب الجهـــــاز ...
ملاك :والله اللي يقهر الجوال اللي فاضـي شحنه ..جوال الوحش مافيه بركه ...
سارا :ترى له اسبوع فاضي شحنه مـو تووو ...
ملاك :عارفه بس بعد جوال الوحش مافيه خير وانتي وش فيك تدافعين عنه ..
طالعتني بصدمه ...
سارا :أنا ادافع عنه خبله انتي اللحين هرووبنا هذا وحالتنا كلها مو بسببه وادافع عنه .. بلييز ملاك لو ماعندك سالفه انطمي احسن ...
ملاك :يمه اكلتيني طيب ياكلمه ردي مكاااانك ...
صرخنا ونطينا من مكااانا لما سمعنااا ظربة الباب الخارجي الداله على خروج عســـاف ... كانت الظربه توصلنا خفيفه وحنا كنا ننتظرهاا ومفتحين اذانا عشان كذا نسمعهااااا ...
نزلنا بسرعه متجاهلين خوفنا اللي دايم انه ينسى شي ويرجع فتحنا الباب وبدينا البحث عن شاحــــــــــن ...
وبسرعه لقيناااه مشبوك بالكهرباء جنب الســـرير ..اخذناااه بسرعه وطلعنا فوق وشبكنـاه بالكهرباء وبدأ يشحــن ...
سارا :يالله خلاص مو لازم يعني ..
ملاك :انتظري اخاف ينقطــع وسط المكالمه ..
سارا :لاتفصلينه من الكهرباء ...
ملاك :لا خطر تبغيـني اموت انتي ..
سارا :ياحبك للكلام المسلسلات ..
انتظرنا لين امتلت البطاريه وفصلناه .. مسكت الجوال متردده غمضت عيوني وبديت اضغط ارقام بيتنا اللي حافظتها..
سارا :ملااك شكلك يخوف ليش مغمضه عيونك ..
ملاك :أحس بتوتر..
سارا :ليش..؟
ملاك :مأدري اخاااف اسمع كلاام منهم مايعجبني عن ضحى او انهم خبـرو الشرطه او احد درى ...
سارا :طيب قولي لهــم لو كان قيس داري انا هربانين لايقولون انا اتصلناااا
ملاك :طيـــب ..
اول مانرفعت السماعه قلبــــــــــي طاااح ..
ملاك :الوووو..
وعد بصرخه :ملااااااااااااااااك يالخااااينه ليه ماهربتونني معكم ياحماره وين سارا وينكم..؟
حسيت براحه من دفاشة وعد المعتــاده ... يعني ان شاءالله ماحصل شي .. بس صدق وعد عديمة احساس لو البيت بمافيه محترق تكلم بكل هبااال ورواقه ..
ملاك :بلاغبــاء كيف اعلمك مكاني وأنا هرباااانه ..
وعد :هربانه يعني انتي لحالك .. طيب سارا وينهااا...
ضحكت على غبائها ..
ملاك :سارا معي بلا غباء يعني كل وحده تهرب لحالها أو كيف ..
وعد :صادقه نسيت اسمعــي متى بترجعـــون..
ملاك :اذا حققتو اللي بنطلبه منكم..
وعد بضحكه :اغبياء يخطفون انفسهم ويطلبـون فديه .. حنا فقرانين من وين ندفع لكـــم ...
ملاك :احد قال نبغى فـلوس اسمعي .. من عندك ..
وعد :عندي روبي وشدن ونوره..
بجد هالوعد خبله تعد القطوه قبل خــواتهااا .. بعدين تذكـــــــرت..
ملاك :تعالي روبي رجعت وين لقيتوها..
وعد :مأدري ميـشو لقتها .. اسمعــي شفتي ولد ضحــى عساف سمااااه محمد..
ملاك :صدق يعني من اللحين ندلعه حمــودي ..
بعدين تذكـــــــرت..
ملاك :ضحى صحت ..كيف حالها اللحين ..
وعد :ايوه صحت بس شوي ورجعت تعبــت ... يعني هي صاحيه بس تتألم ... وتعباااانه ومانقدر نجلس معهــا ...
ملاك :طيب درت عنا..
وعد :لااا ياغبيه اصلاً هي ولدها ماتدري عنـــه ..
قلت بحزن على حالتهـــــا..
ملاك :ياحياتي مره تعبااانه..
وعد :ايوه مـررره .. اسمعي ترى مشاعل تقول بتنتف حواجبكم لو رجعتــو..
ملاك :تعالي الوحش درى..
وعد :مين الوحش اللي بأي فلم.. ووش السالفه..؟!
ياربي من غباء هالبنت..
ملاك بعصبيه :ياغبيه قـيس درى ان سارا هربت..
وعد :والله انتي الغبيه قيس كيف بيدري عايش معنا هو ...
بجد هالبنت بتجنني اخذتها على قد عقلها ..
ملاك :طيب ماجاء سأل عن سارا يبغاها ترجع معه مثلاً..
وعد :لا ماجاء .. بعدين ترى امه مريضه وبالمستشفى وبغيبوبه يمكن ماتصحــــي منهــاااا ...
ملاك :اهاا صدق من متى هالكلااام..
وعد :مأدري من زمان .. المهم انتم بترجعون أولاااا..
ملاك :لااا..
وعد :طيب الجو عندكم وناسه او لاااا..؟
ملاك :لاا ملل .. اسمعي سلمي على البنااات .. مع السلامه..
وقفلت وطالعت بسارا اللي جالسه معي ومندمجه بالمكااالمـــــه .. استغربت ماحاولت تقاطعني تأخذ السماعه مني تعلق تقول شـي ..
ملاك :وش فيك..؟
سارا :مافينــي شي قولي وش صـار..؟
ملاك :مأحد مهتم فينااا ..ومشاعل بتنتف حواجبنا اذا رجعنا .. ضحى صحت وتعباااانه .. وام قيس بغيبوبه ويمكن ماتصحى منهــــــا...
سارا :عرفت ضحى أناهربنااا..؟
ملاك :لااا تقول مو حاسبه بنفسهــا .. صح وولد ضحـى سمووه محمـــــد..
سارا :الله حلــــــوو .. ندلعه حمـودي ..
ملاك :اصلاً انااا قلتها قبلك..
سارا :وانا اخذتها منك..
وضحكت بغباء ضحكت معهـا وظربتها على راسها .. وتنهدت بمللل يعني هروبنا اليومين اللي راحوا ماجاب نتيجه الله يعينا على الملل الجاااي ..شكلنا اخرتها بنرجع بدون شــروط .. بس مستيحـل ان المفروض ماايأس انا لازم انقــــذ سـارا لاااازم ...((11))
قيس
من امس كان مقرر ياخذ سـارا من عند أهلها بس انشغل وأجل المـوضوع بس اليوم فاضـي وماوراه شـي ...
عنده اصرار عجيب على أرجاعهااا للبيت يبغـى يبدأ حياة جديده مثل ماقـررر ..
يبغى كل شـي جدي ... وبالتو واللحضــه ...
يبغى يعيش الموقف الطبيعي عشان يــرتاااح ويحس أن أختيـاره صحيح ... تقبل القدر هو أفضــل تصـرف الجزع والرفض ماينفع صاحبـــه ...
وقف قدام بيتهم بعد صلاة العشـــــــاء ... وبعد تردد بسيط نزل من السياره ودق الجـــــرس ....
وكالعاااده انتظر وقت مو بسيط على بال مأنفتح البــــاب ...
قيس لوعد اللي فتحت الباب :قولي لسارا يالله ..
فهت شوي على بال مأستوعبت الموضوع وبعدها قالت
وعد :بس سارا مو فيه خلاص هربت ...
قيس بصدمه :كيف ... وين هربت ..؟!
وعد :اللي يهرب مايعلم وين مكــــانه ...
كان مصدوم الا اكــــــــــــبر من مصدوووووم
وبكل قهــــــر قال ...
قيس :هربت مع ميييييييييييين
هو يقصد رجـــــال هذا اول ماتبادره لذهنـــــــــه ... بس رد وعد صدمه أكثر
وعد بكل برود :مع مين اكيد ملاااك ..
وكملت
وعد :خلاص روح عن بيتناا ..وخل عندك كرامه ولاعاد تجي .. البنت هربت منك ...
وقفلت الباب بوجهــــــــــه .. قبل مايستوعب كلمتهـــــا ..
سارا هربت .. وهربت مع مــلاك .. ماهو مصدق أكيد يلعبونه عليه ...
أكيد أصــلاً هي اللي مرسله وعد تقوله هالكـلام ..وش متوقعينه مغفل لهدرجــــــه ...
رجع للبيت وهي يغـــلي .. وسحب منيره معه ..
قيس :أسمع اللحين تدخل عندهم وتفتش البيت فوق وتحــت .. وياويلك لوكانت موجوده وخبيت علي قسم بالله أذبحك ..
منير :لااا تكفى انا مالي شغل .. اصلاً انت تقول عيب تدخل عند البنات اللحين تبغاني أدخل عليهن ...
سحب مع ثوبه لين علقه بالهواء ...
قيس :انت ياحشرررررره تنفذ اللي ينقال لك وتنطـــــم سااااامع ...
رماه على الأرض بقوه
قيس :انقلع عن وجهي سوو اللي قلت لك ...
بعد ربع ساعه من الأنتظـــار .. طلع منيــر من بيت جيرانهم يسحـــب رجــوله لسيارة قيس بتردد ...
فتح له البــــــاب بعصبيه :اركب يالله ...
بعد تردد ركب منيــر ..
منير:والله مالقيتهـــــم ... صدق هربااانييين ...
ظرب على الدريكسون بكل يدينه ..
قيس :كيف يعني هرباانين وين بيروحون
منير :مأدري .. مأحد يدري....
فتح قيس الباب له بعصبيه ...
قيس :انزل طيب انقلع عن وجهــي ...
نزل منير بكل سرعته من السـياره .. ماصدق انه يطلع من السياره بدون ظرب
وقيس تنهد وسند راسه على الدريكسون بكـــــل قهــر ...
((12))
سارا
صحيت على رفسة من ملاك على ظهـــري ...
قمت وأنا ماسكــه ظهري ..
سارا :يمــل السلاال ياحـمارا وش فيك علي ...
ملاك :انتي يمل الظارب أن شاءالله يالغبيـــــه .. اللحين تقوليني أنك سارقه الجوال من قيس وانه مايدري انه معك .. اجل وش تفســـــرين اتصالاااته عليك لا ومرسل رسالة تهديد ان مارديتي عليـه بيذبحك..
صرخت برعب..
سارا :مستحيييل كيف عـــــــــرررف ..
رجعت ملاك ترفسنــــــــي .. وهي تقول بقهر..
ملاك :كله من تحت راسك يالغبيــــــــه .. وش دراني أناااا..
قلت بخــوف ... وانا استرجع منظر قيس وعيونه اللي تروع ونظرة تهديد فيها ...
سارا :ياويلي ملاك وش اسوي..
ملاك :يعني وش تسوين خلاص قفلت الجوال وماعاد حنا فاتحينه..
سارا :بس هو قال بيذبحنـــــي..
ملاك :وهو يعرف انتي وين عشان يذبحك شغلي مخك شــوي حنا ماراح نترك المكان هنا لين يطلقك ...
سارا :طيب واذا طلقني يعني ماراح يقدر يوصلي ويذبحني هو قبل كان يظربني وهو مو زوجي ...
ملاك:قبل غير واللحين غيــر .. خلاص تزوجك وظربك جميع انواع الظرب بعدين بيدور ضحيه جديده يطلع فيها هوايته بالظـــــــرب ....
ارتحت لكلام ملاك الغبــــــي مع أنه غبي وغير مقنع بس اصلاً فيها أشياء كثيره بحياتي غير مقنعــه مثل ظرب قيس لي وزواجــه مني وهروبـي واسمي وكل شــــــــــي ...
ملاك :أسمك وش فيه ليه مو مقتنعه فيــــــــــــــه ...
طالعتها بسخريه..
سارا :يعني عرفتي اني مومقتنعه بأسمي وماعرفتي ليه..
ملاك :وش اسوي هذا من المشـــفر ماقدر استوعبه بأي لغه انتي تفكــــيرني..
سارا :عربي وانتي..
ملاك :لغات كثيــره..نجديه .. لبنانيه ... عراقيه ..
سارا :واااااااااو ماشاءالله ... الله يزيدك يارب ...
ملاك :ويعطيك يارب ..
سارا :اللحيــــن شو نعمــل هذا اليوم الثالث من هـــــروبنااا..
ملاك :خلي عندك صبر حنا ماندري كم بنضطر نبقى هنااا لازم نصــبر .. يمكن نبقى شهـر او اكثر
صرخت بأستنكااار..
سارا :تكلمي عن نفسك حبيبتـــــي أنا أكثر من اسبوع مأتحمـــل ..
طلعت ملاك وتركتني ولاكأني أتكلم لحقتها للصالة ...وجلست معها ..
سارا :ماتملين من المجلات هذي .. قومي سويلي شااي..
ملاك بنرفزه :انتي اللي روحي سوي اشوفك جالسه لاشغله ولامشغله
سارا :موأنا ممنوعــه من النزول..
ملاك :لاعادي انزلي سمحت لـك ..
قلت لها بلؤم ..
سارا :بس حنا العصر اخاف عساف موجود ..
ردت علي وهي تقلب بالمجله ...
ملاك :لامأتوقع هو مايجي الا 12 بالليل شكله يطلع من الدوام للمستشفى ...
وأخيراً وصلت للي أريده ..
سارا :اهااا قلتيها انتي مايجي الا 12 اجل بنزل تحت وشوف التلفزيون ..
ملاك :لاااا غبيه انتي تصوري كشفناااا ..
وصرخت بوجهـــــي وماباقي الا تظربني بالمجله على وجهـــي ..
ملاك : قسم كأنك بزررر .. مو كأن اللي اسويه عشانك .. انقلعي سووي اللي تبغين انا مالي شغل فيك ...
ومامداها تختم جملتها الا قالت بأستجداء..
ملاك : حرام عليك سارا بتضيعين تعبناااا ... ياررربي والله كل اللي أسويه عشانك يعني أنا مبسوطه بالخنقه هنــــــا ..
سارا :طيب لاتعيديني وتكررين بهالجمله عارفه انك ماتسوين كذا الا عشـاني ... بس تحمليني انا متضــــايقه .. هاتي بشوف رسايل الوحش..
ملاك :طيب افتحيه بس طلعي الشريحـــــه ...
سويت كلامها وفتحــت الجوال وشفت الرسال وليتني ماشفتها لأن بعد ماقريتها مأتوقع أقدر أنام ....
((13))
شوشو
نزلت من التاكســـــي وهي تحس بالأنتعــاش .. واااو من زمااان مامارست لعبتــها المفضــــله ...
مرت على شلتها المعتــاده ..
شوشو :مرحباااا يازملااء المهـنــه ...
سمعت صرخااات الشحادين الصغار بأسمهـــــا .. حست نفسها مهمه ..
:شووشو ...
:دكتوره شوشو ..
موس :هلااا والله بأحلى شوشو بقمــر الشحادات كلهـــــــم ..
شوشو بضحكه :هلااا فيك ياشيخ الشحادين .. وش أخباركم ...
موس :حنا مثل ماحنا وينك انتي ياشيخــــــه ماعاد شفنااااك انقطعتي فجأه ... شكيت انك بسجن ولارحتي تحت كفر واحد من السواق المتهـــــورين ...
شوشو بضحكه :هههههههههههههههه لا ذاك انتي حبيبي مو أنا .. دنا شوشو والأجر على الله .. السجون تقفل بوجهــي والسيارات توقف لي وتظرب تعظيم تحيه ...
موس :اووه اوووه شوشو وش صاير من وراناا كل هذا يحصل معك ليكون عيونك وزيرة الشحــــــادين ...
شوشو :ياقدمك اصلاً أنا من زاولت هالمهنه وأنا وزيره للشحادين يعني قبل ماتولدك أمك
موس :ليه كم عمرك انتي
شوشو :اظرب عمرك بألف وتعرف كم عمري ..يالله عن أذنك عطلتني عن شغلي الله يهديك ...
طـلعت من الشــــارع المزحــوم .. وفرشت سجااادتهااا قدام البنااايه المقابله للبنك واللي يفصــــل بينهم شــــارع ...
وبدت تنتظــر أي مـار عشان تركض وراه وتشحد منـــــــه ..
وأول ماشافت واحد وقف سيارته ونزل بسرعه وشبه يركض بيقطع الشــارع ...
أسرعت ووقفت وراه وهو ينتظر خلو الشارع من السيارات عشان يقطعه للطرف الثاني ...
شوشو :لله يامحسنين اعطني مماأعطاك الله ... فقيـــــرره .. وعيالي يتامي .. صغار وينامون ليالي بدون عشاء ..الله يستر عيالك ويخليهم لك ... ساعدني وأعطنــي مماأعطاك الله ...
تأفف وهو ينتظر فراغ الشارع .. زفــــــر بملل لف عليها عطاها عشرين ريااال وشكلهااا طالعه غصب بس عشان يتخلص منهــــــااا ...
مسكت الفلوس بعــباتها لأنها كانت سماعه ان الفلــوس مرتع للجراثيم ...
حطتها بشنطتهااا ...
شوشو :الله يوفقك ويفتح الأبواب المقفله بوجـــهك .. الله يرزقك من كل طيب ...
رجعت جلست على سجادتها بأنتظــــــــــار مـار اخـــر ...
بعد ثلاث ساعااات وبعد ماتوسطت الشمــس السمــاء ... شالت سجادتهااا وحطتها بشنطتهــا ... وطلعت توزع اللي كسبته على البيوت اللي تعـــــرفهااا .. وكلن يسألها وين هالغيبه وهي تعتذر بالظروف ....
((14))
مالك
من عرفت أن طلعت خلف وشيكـــه ... اتخذت قـراري ورفضت أي نقــاش فيــــه ...
بس أمي ماتسمع الا رايها .. كانت مصره تثنيني عن قرار يي ...
باشـا :طيب ليش ماتجلس لين تقابلون وتصفون النفــوس بعدين سافــر علي كيفك ....
رميت المــــلابس اللي بيدي بالشنطة بملل
مالك :يمه تكلمنااا بالموضوع ألف مــــره .. ورايي ماراح أغيــره ...بسـافر ببتعد عنه ماني طايقه ..
باشا :حرام عليك لاتعور قلبي هو كل اللي سواااه لأنه فاهم السالفه خطأ
تنرفزت وبديت ارفع صــوتي عليهـــــــــــــا ...
مالك :لأنه ولدك تقولين كذا لو أنا اللي مكــانه واخطيت هالخطأ ماسكتيلي ...
سكت يوم شفت دمــوعها بس ماقدرت لازم اطلع كل اللي بقلبــــــي
مالك :السالفه مو سالفة انه ظلمني وبس هذا ذبح أبـــوووووي ...
باشا :ماذبحه لاتقـــــــــــول اذبحه ...
مالك: الا أذبحـــــــه .. وأذا كنتي قدرتي تغيـرين الحقايق بواسطــاتك .. ماراح تقدرين تغيـــــرينهــا داخلـــي
فهمــي كل الناس أن مبــارك مات بسكتــه قلبـيه والرصاص كان مـجرد جرح أضـافي ... بس أنا ....لاااا انا ابوي مات قدام عيــوني وهو يدافــع عنـــي ... وذبحه ولدك خلــــــــــــــــف ... اللي طول عمره أبوي يعده ولد له .. بس هو ماااقدرررر .... ماقدررر كل اللي سواه أبوي عشــــــانه .. وجاااي يذبحني .. بتهمة أني خنتـــــــه ... قووليلي يمـه ليش خلف فكـر فينـي كذا وأنا اخوه ... تدرين لأنـــه هذي أطبــــــــــااعه هذي حركااااته .... عشان كذا يــشوف كل الناااس بهالنظــره.. .
باشا :خلك من هالهرج الفاضـــي خلف ماذبح أحد .. مبارك هذا كان يــومه ...
وكملت تستجدانــي بضعفهـــا المصطنع ..
باشا: مالك اذا تبغى رضاي عليك .. لاعاد تقول هالكلام قدام أحد حنا مو ناقصيــن شمـاته ...
رميت كل شــي بيدي وأنا اقول ...
مالك :ياحليلك يمه للحين تفكـرين بالناس رغم كل اللي صـار للحين تفكرين بكلم النااااس ....
باشا :ايه افكر بكل الناااس ... وعشان كلام النااس لاتسافر وتفضحنااا اللحين بيتثبت الكلام عنــدهم وبيقولون ان براءة خلــف من دم أبوك كــذب .. خلف ماراح يتحمـــل يعيش وهو ذابح أبـــوه .. انت عارف وش كثـر خلف يحــب أبوك .. بس الشيطان أعمــى عينه .. ولو أبوك حــي كان ايد كلامــــي .. تكفى مالك انتظر لاتسافر مأبغى خلف يشك بالشـــــــي ..
مالك :يمه انتي مو واثقـــه ببراءة ولدك وش دخلك بكلام الناس ...
أو بكـــــــلامي ... وخلف رجــال مايهمه شــــــي .. يذبح ويمشــي بدم باارد ...
باشا :بس هذا أبوه مـبارك مو أي أحـــــــــــــــد ...
صكيت أذانــي مأبغى اسمع صوتهـــــــا ...وقلت ..
ملك : أنا مســــــــافر ... مسافر رايح لوديااان الحقيقيه مو اللي اتهمتونــــــي فيهــا ..بروح عندها لأنها الوحيده اللي تحبنــي مو أنتم اللي كل همكم خلف وكلام الناس .. ولاتناظريني كذا يمــه بروح برضاك وبدونــــــه ..
ماقدرت أستحمــل نظرة عيونها الضعيفه هذي أمـــــــــي ... سألتها وأنا اجلس على السرير بتعب
مالك :وش تبغيني أسوي بعد كل اللي تبغينــه سـويتــه ... عشان ولدك سويت البلاوي وتوسطت عند أنسابه عشان يتنازلون عن القضــيه ... وقلت قدام كل هالعــالم أني مقتنع أنه مو سبب موت أبــوي .. وأنا كلام الدكـاتره صدق وأبوي مات بسكتــه قلبـــــيه ...... وزووجته أختي اللي كانت له مثــل الحــلم ... اللحين ولدك بيطلع من السجــن عريس وش تبغين اسوي اكثـر من كذا ....
جلست معي على السرير وحطت يدهــا على كتفــي بحنان زايف ...
باشا :طيب خلاص حبيبي سافـررر وريح أعصــابك .. بس مو ترجع لي متزوج اللي ماتنسمى هذي ...
مالك :وليه مأتزوجــهااا..
باشا :لأني مجهــزه لك عــروس تستاهلك..
مالك :طيب أتزوج وديان وأتزوج العروس اللي مجهزتها لي .. الشرع حلل أربع ولاهالتحليل مقتصـر على ولدك ....
باشا:لا حبيبي تزوج كثر ماتبــي بس لاتنسى كثر الزوجااات وش سوى بأبوك وأخـــوك لاتخليهم قدوه لك ...بس خلهم عظــــــه ...
كان مجــرد كلام اصلاً ماراح أتزوج لاوحــده ولاثنتيـــــن .. بس كانت دقه بأقهـرها فيها لأن ولدهــا ماعاد يقدر يتزوج مثل مايبي بعد البـلاوي اللي سواها ... حتى لو الناس صدقت أنه ماذبح أبــــوي ... محاولة قتل وديان كلن سمــــع فيهااا ومافيه احد بيزوج بنته لشخـص مثل هــذا ... مو بس خطـر على البنت لااا وسبب بتشـويه سمعــتهاااا ... بالأول ريم ثم هنــد وأخر شي وديــــااان ...