الـــجــزء الــثــانــي عــشـــر
عــتـمــة الـــلـــيــل ....🖤🌑
بقلم للــكـاتـــبــات 🪐✍️: WaFae Elhar.....Zineb ezz
الـــجــزء الــثــانــي عــشـــر :
كؤوس الإستسلامِ في عقيدَتي خمورٌ مُحَرمة 🩶🍷
تجاوزت مرحلة الاكتئاب وبدأت بمرحلة اسمها فقدان المشاعر🖤
دعاء تحول غضبها الحزن ودموع فعينيها مسابقين على خذها كلسات فاشلة على ركبيها شادة فقلبها بصوت حزين ومقهور متألم : " خسرت كولشي خسرت عائلتي ماما نتاحرت قدام عيني او انا صغيرة تهرست روحي طفات
فاتي كدوز يديها على شعرها بحنية: "خوي قلبك أدعاء ولو غير مرة وحدة فحياتك أنا كنسمعك"
خدات نفس عميق ودموع عماو عينيها كانت كلمات فاتي كافيلة تخليها تخوي لي فقلبها بلا متاخد نفس دموع متسابقة كأنها كتشهد على كاع لي كيعاود لسانها
دعاء: "موت مي طفاني شفت شي حوايج كباار عليا عشت فزنقة حوايج لي من المفروض بنت فعمري عمرها تسمع عليهم تبعني الماضي مقدرتش نسااه الماضي هرسني عمرني بريت منو وعمرني نبرا انا خلاقيت باش نتعذب انا ما خلاقيتش باش رتاح عيييت:
افاتي تبسمت فعز دموعها حاطة يديها على قلبها كانت كتحس بألم فيه قلبها كيتعصر
دعاء " جيت الميتم تلاقيت بيك وبمهى كنتو بحال شمس لي نورات حياتي حسيت بيكم ملجأ ليا حنان الأم حسيتو فحضنك الأمن حسيتو معاكم كنتو نتوما هوما المهرب الوحيد لي كنهرب ليه من الماضي لي كان تبعني نتوما كنتو داك الحبل لي كنتشبت فيه فاش كنحس براسي غرقت فالعتمة لي عايشة فيها نتوما لي كنتو كتشافيو جروحي"
كانت كتبكي بهسترية فقدة كاع حواسها كانت أول مرة تفرغ لي فقلبها
دعاء: " نتي ديماا كنتي طبيبة نفسية ديالي مهى هيا لي كانت مخليني نحس براسي حية هيا كانت نسمة الخفيفة لي سحرتني وبعد موتها رجعت عشت نفس شعور رجع جرح كينزف مطاحوش دموعي وسكاتي كان بكاء بلا صوت كنت كنتمنى نبكي ولكن ما قدرتش دموع كانو عافية كيحرقو فيا من لداخل تهرسات بلا رحمة او بلا شفقة وتسرقات منها ديك ضحكة لي كانت كتنسني كل همومي (شافت فاتي بعينين مقهورين )
حطات يديها على قلبها بألم وحسرة" فمذكرتي كتبت سؤال واش الى كانت روحك ثمن هل ستشتريها أم تبيعها مهى باعت روحها ما كنتش كنكتم انا غير مقدرش نوصف باش كنحس حاجة وحدة لي كنت عارفة هدشي كيضرني بزاف مهى كانت باغا تعيش حياتها عمرها كانت باغا تأذي شي حد ولكن تأذات قلبها تهرس قلبي رجع ماتت بعدما حياتو، طفى القلب وخدم عقلي وبديت كنصفي الحسابات باش نوفي بوعدي ليها الانتقام مقدرش يطفي ليا نار لي شاعلة فقلبي ، تواحد ماعرف شحال تاع جهد كندير باش ميبانش الحزن فوجهي ولكن مقدرتش ديك ليلة فاش لقيت مهى معلقة فحبل المشنقة ونتي عند رجليها كنت بغيت نغوت ونخوي كولشي دكشي لي حابسة ولكن حبست راسي وداك الغوات ستقر فيا كل ليلة كنسمعو فراسي لداخل من موتها نسيت كيفاش ديرا سعادة ،مهى مشات ولكن محدها باقا سكانة عقلي عمرها مشات"
فاتي: "دعاء"
دعاء حركات راسها بنفي ومسحات دموعها بهدوء: " انا تجاوزت مرحلة الاكتئاب وبديت فقدان المشاعر ماعنديش شنو نعطي لشي حد اخر "
كانت فاتي كل هاد الوقت وهيا كالسة كتسمع ليها مخلياها تخوي قلبها على خاطرها ، و فاتي من ديما ليها دور كبير فحياة دعاء من ديما كتسمع ليها وكتحاول تخفف عليها فاتي هيا الحضن الدافئ والحنين لدعاء
قربات منها منوضها من الأرض: " الحوايج الخايبة كتسالي ولكن ذكريات كتبقى للأبد عمرنا نقدرو نتخلصو منها ولكن كنتعايشو معاه حيت كتبقا غير ذكريات الماضي ، ماعندناش القدرة نبدلو الماضي ولكن عندنا القدرة نتحكمو فالمستقبل مهى بغاك تكوني حسن من هاكا مهى كون كانت حاضرة بينا دابا كانت غدي تكون مقلقة من حالتك حاولي ادعاء انك تحاربي ذكرياتك الخايبة وصنعي لراسك ذكريات جديدة متخليش ديك العتتمة لي فيك الداخل تسيطر عليك ديما من بعد ليل كطلع شمس كتنور حياتك حاولي تخلي الحب هو ديك شمس لي اتنوار حياتك فكري فراسك ومتكونيش أنانية من جيهت راسك خلي دعاء البنت صغيرة لي فيك تحياء "
دعاء رجعت كلسات فوق الكرسي كانت محتاجة تخوي قلبها كانت محتاجة لهد الحوار بينها وبين فاتي مقدراش تنكر بلي فاتي قدرت تأثر فيها كتحس بواحد الإحساس غريب عليها مقدرتش تمنع راسها من أنها توقف قدام فاتي كتشوف فيها بعينيها العسلية: " عنقني ".