الـــجــزء الــحــادي عــشــر
عــتـمــة الـــلـــيــل ....🖤🌑
بقلم للــكـاتـــبــات 🪐✍️: WaFae Elhar.....Zineb ezz
الـــجــزء الــحــادي عــشــر:
كؤوس الإستسلامِ في عقيدَتي خمورٌ مُحَرمة 🩶🍷
أما أنا ، فقد نسيت شكل الأيام وهي سعيدة .!🖤
منضر زوين كيريح الانفس..هواء نقي كينعش الانسان..سماء طاغي عليها لون أحمر بسبب شمس لي كتعيش أخر لحضتها قبل لا تغرب خالقة منضر ساحر لعيون، كان كيخليك تكلس لدقائق وربما لساعات طويلة تأمل فيه...صورت شمس وهيا منعاكسة على البحر...أو أشعتها ل كتلاشا كتعلن على نهاية نهار سامحة لقمر يسرق بلاصتها ...صورة من إبداع الخالق كتزرع راحة وطمئنة فقلب الإنسان....والسفون راجعة فتجاه اليابسة ...وهوما على نفس الوضعية كيتفرجو على الغروب
فاتي: " ونتي كتنتاقمي شنو ربحتي؟ علاش باقا الحد هد ساعة كتنتاقمي من رجال ياك كنتي باغا تاخدي حق مهى شنو خلاك تولي عندك كره كبيره تجاه رجال؟"
دعاء : "الانتقام الحاجة الوحيدة لي كيحسسني بلي عايشة ..الق*ل الحاجة الوحيدة لي كنلقا فيها راسي تقدري تقولي لقيت العالم لي كنتمي ليه "
فاتي تنهدات: " وليت خايفة عليك من راسك ادعاء أنا متأكدة الى دخل الحب الحياتك غدي يبدلك غدي يعاود يحيك "
دعاء ضحكات ضحكة استهزاء قالبة ليها الموضوع :" شنو كان شعورك ونتي كتهضري عليا فنشرة الإخبارية ؟"
فاتي تبسمات : "تيقيني الى قلت ليك كنت مفتاخرة بيك "
#بــدايــة_الفــلاش_بـاك
واقفة المديعة الأخبارية بكل ثقة ورقة كتبان واثقة من راسها و هادية فنفس الوقت ، كيتألق بريق الكاميرا على عينيها، كتميز ببشرة حنطية دافئة كتضفي عليها مظهر جذاب .... وشعرها متوسط الطول كيتدلى بأناقة على كتافها و بلمعان طبيعي... و ابتسامتها الودودة كتضيف لمسة من الدفء والترحيب على الشاشة....لا بسة اونصوبل بالصفر مع طوب بالبيض وطالنو عالي بالكحل.... كتلقي كلماتها بكل ثقة وجدية،... معبرة على التفاصيل المروعة لقضية "القتل المتسلسل" بأسلوب محترف كيثير الاهتمام وكيثبت انتباه المشاهد .
مرحبا بكم، أعزائي المشاهدين .معاكم "فاطمة الزهراء عوراج "، وأهلا بكم في نشرتنا اللاخبارية لليوم.
"أيها المشاهدين الأعزاء، أقف أمامكم اليوم بقلب مثقل بالحزن والقلق لأطلعكم على ظاهرة مروعة تهدد سلامة مدينتنا العزيزة.
تعرض مجتمعنا لسلسلة من الجرائم البشعة، حيث يستهدف قاتل متسلسل بلا رحمة الرجال في شوارعنا وأزقتنا.
يجب أن نواجه هذا التحدي بكل قوة وتصميم، ونعمل معًا كمجتمع واحد للقبض على هذا الجاني ووضع حد لهذه الجرائم البشعة. دعونا نتضامن معًا كمدينة واحدة، ونعمل بجدية وتعاون لضمان سلامتنا وسلامة أحبائنا.
أدعو الجميع للتعاون مع السلطات وتقديم أي معلومات قد تساعد في القبض على هذا القاتل المتسلسل. لنبقى يدًا واحدة في وجه هذه الظاهرة الخطيرة ونحمي بعضنا البعض.
شكرًا لاهتمامكم وتعاونكم في هذه الظروف الصعبة. والسؤال الذي يطرح نفسه هو: ما هو دافع هذا القاتل المتسلسل ولماذا يستهدف بشكل متكرر الرجال؟"
#نــهـايــة_الفــلاش_بـاك
فاتي : "كان كل مرة كيطيحي واحد من دوك الكلاب كنت كنحس بواحد الاحساس فشكل سكينة كتنزل على قلبي والعافية لي فيا طفى شويا بشويا تيقني عمرني سولتك كيفاش قدرتي تقتليهم واحد بواحد شكون دوك رجال لي قدمو ليك المساعدة وكيفاش حيت كنت مقتانعة بحاجة وحدة هيا أنك قدرتي توفي بوعدك ليها "
غادرت لـكنها لم تغادرني يوماً 🖤
دعاء: " موت مهى سلب مني كولشي عتبرتها بنتي قبل منعتبرها ختي موتها هرسني ..مقدرتش نتحكم فراسي من مور موتها وليت محتاجة المهدئات باش نعس كل مرة كنشوف خيالها قدامي كنحس براسي فاشلة مقدراش نعنقها ولا نقيسها انتقامي ليها خلاني نتجرد من شخصيتي نقتل قلبي نولي عايشة جسد بلا روح للحضة كتشفت بلي انك تجري مورك الانتقام ماشي نجاة وإنما موت بطيء ونتا فمنتصف الحياة ولكن شنو عند هاد الموت انها تدي مني او انا دفنت قلبي تحت تراب بيدي"
فاتي تقدات فكلستها مقابلة معاها: " إمتى غدي يساليو هد المعانات "
شافت فيها دعاء مطولة: " نهار غدي يسالي حبي ليها "
فاتي: " شجرة وحدة كتصنع مليون عود كبريت ويمكن لعود واحد يحرق مليون شجرة متخليش موتها يفنيك أدعاء"
حولات دعاء نضرها فتجاه لبحر: "حاجة صعيبة عليا ونتي ؟ "
هزت فاتي راسها بأه : "أنا بخير ...واخا قلبي كيضرني ومرة مرة كنكبي وساكني خوف كبير من أني نخسرك حتى نتي شي نهار راني فحالة خايبة، عينينا فكل مرة تفكرت ذكرياتنا كيعمرو بدموع ولكن كنحاول بكل قوتي نمنعها يمكن وليت بحالك كنبكي فصمت باش ميشوفتي حتى واحد ممكن تقولي وليت بحالك واخا الارهاق وتدهور صحتي ولكن كاتمة كولشي لداخل ديالي باش منشغلش بال ناس لي كتبغني "
دعاء : " وليت جسد بلا روح "
فاتي بهدوء: "يمكن غدي داوينا الوقت "
دعاء : "عمر الوقت ما كييداوي ...الوقت فقط كيخليك تعايش مع جرحك الوقت كتعلمك كيفاش تكمل حياتك بداك جرح لي نتا هاز فقلبك وهو كينزف