الـــجــزء الـــســابـــع
عــتـمــة الـــلـــيــل ....🖤🌑
بقلم للــكـاتـــبــات 🪐✍️: WaFae Elhar.....Zineb ezz
الـــجــزء الـــســابـــع :
كؤوس الإستسلامِ في عقيدَتي خمورٌ مُحَرمة 🩶🍷
مات القلب واستيقظ العقل وبدأت المتعة في تصفية الحسابات لتلك الروح الغالية ...🖤
فاتي تنهدات تنهيدة طويلة : "عقلتي على أول واحد بديتي بيه "
دعاء عينيها على نفس البنات لي كيلعبو حدا البحر رجع بيها عقلها لعام قبل .
#بــدايــة_الــفــلاش_ بــاك
في مدخل النادي كانت واقفة بكل ثقة ، وكاع الأنظار عليها بسحر لا يقاوم. كانت لابسة غوب في كحل قصيرة بزاف كتلامس منحنيات جسدها بشكل مثير، مع فتحة العميقة في الصدر كتكشف على بشرتها الناعمة القمحية بشكل مغري و لابسة معاه طالون عالي كتضيف لقامتها سحر خاص.
شعرها المكتسب لونو من حبات القهوى كان منسدل بأنوثة ورا ودنيها، و عينيها كانت كتلمع ببريق غامض كيخلي القلوب تتسارع
بجانبها، كانت هازة حقيبة صغيرة من الجلد الأسود، كتضفي على إطلالتها لمسة من الأناقة والغموض .
وبينما كانت تتقدم بثبات و بخطوات واثقة و هي كتتأرجح بأنوثة متألقة مع كل خطوة نحو البار،لي كيرافقها صخب الموسيقى وهمس الأصوات المليئة بالإعجاب والإعجاب المبهم ،
عينيها تتلألأ بلمعة الإثارة والغموض، و تتأمل الشاب لي جالس على بار بتحدي وجاذبية مكتقاومش .
بينما هو ، كالس بثبات على كرسيه، لابس بدلة سوداء أنيقة كتعكس رجولتو، وهاز بين ايديه كأس من الويسكي معبأة بأناقة، كيبان واثق من نفسو ومهتم بشنو كيدور حولو شعل ݣارو حطو بين شفايفو .
كتتحرك بأناقة وأنوثة في زاوية للإضاءة المثالية، وهي كتحاول تجبد انتباهو ليها بابتسامتها الجذابة ونظراتها الغامضة.وصلات عندو كلسات قدامو ،كتتلعثم بكلماتها برقة وكتهضر بلغة جسد مغرية، مستخدمة حركاتها وإيماءاتها لكتثير اهتمامو وكتشعل شرارة الرغبة في داخلو.
هو لي لاحض وجودها وارتافع اهتيمامو ليها ، ولكن بقا محافظ على هدوء
فاتي (قربات يدها عندو وخدات ليه كارو من فمو و حطاتو على فمها كتسوط سحابة من دخان): اش بان ليك نمشيو شي بلاصة كالم على هنا (غمزاتو)
مهدي :(طلعها وهبطها من راسها رجليها مع ابتسامة جانبية) شكرا ليك ولاكن كنفضل نبقا هنا
فاتي :(حطات يديها برفق على دراعو) غي يالله معايا غنخلي هاد اليلة تكون مميزة بنسبة ليك ، مغنقبلش تفوت عليك هاد فرصة.
مهدي :(دوز لسانو على شفايفو بشهوة) مرحبا علاش لا
فاتي : ( قربات ليه باستو في حنكو وخشات يديها في جيبو وجبدات منو كونطاك طونوبيل بعدات عليه بشوية وتمات غادة سبقاه شيرات عليه بيديها) "تبعني غنمشيو بلاصة غتعجبك انا لي غنصوك نتا غي وجد ليا راسك ليلة طويلة "
مهدي : (حرك راسو وتبعها كيتمتم بين شفايفو وعينيه على ترمتها) شكون بحالك مريح حتا جاب ليك الله دجاجة بكامونها
خرجو ركبو فطونوبيل وهي لكانت صايكة بسرعة كبيرة باغا ايمتا توصل ...معالم توثر باينة على وجها واخا كتحاول تخفيهم عينيها على طريق ومديرونجيا من لمساتو عليها هو لي كل مرة كيحط ايدو فقنت كيتلمس فيها وحوارهم القليل
بعد مسافة تاع طريق وصلو الواحد الغابة مضلمة اشجارها طوال حاجبين ضوء القمر يوصل ليهم طول طريق وهو كيسول فين غادين وهيا كان جوابها واحد "قربناا"
هو شاف فيها باستغراب: اشنو جينا نديرو هنا
هبطات فاتي من طموبيل وهبط تا هو تبعها بستغرب كيدور فعينيه فديك البلاصة كانت دار متوسطة الغابة بشجرها الكتيف شاف فيها بستغرب وهيا واقفة قدامو وعلى وجها بابتسامة واسعة
مهدي: "بلاصة غريبة هد"
تقطع صوتو على صوت حديدة قوية ضربتو فراسو طاح على طولتو