عــتـمــة الـــلـــيــل - الـــجــزء الــخــامــس - بقلم Wafae elhare & Zineb ezz - مكتملة | روايتك

عــتـمــة الـــلـــيــل ....🖤🌑 بقلم للــكـاتـــبــات 🪐✍️: WaFae Elhar.....Zineb ezz الـــجــزء الــخــامــس: كؤوس الإستسلامِ في عقيدَتي خمورٌ مُحَرمة 🩶🍷 لا أستطيع حتى أن أصف ما أشعر به الآن ، كل ما يمكنني قوله هو أنه يؤلمني كثيراً .!🖤 فور ما فتحات الباب نباعث ضو خفيف من غرفتها البريئة لي كتلجئ ليها بعد كل لحظة من حياتها سواء كانت زوينة او ابشع لحظة عشتها ، كتستسلم لنومة على وسادتها الناعمة لي كتخليها تنسى الهموم وتعطيها امل جديد بعد مكتحط راسها عليها . واش تقدر هاد الغرفة تبدل حياتها ثاني من الاسوء للافضل او العكس هذا كان سؤال ستنكاري بالنسبة ليها حيث عارفة بلي حتا حاجة مبقات كفيلة تقتل الفكرة لي كدور فراسها فور ما سمعت بالحكم هاد الفكرة عارفاها بلي اسوء خيار يمكن ليها تمشي ليه وايضا مآمنة بانها الشي الوحيد لي غيهنيها من الشعور الخيب لي كتعيشو وغتزيد تعشيو بقات كتخيل راسها وهي كتنفذ حكم الاعدام على راسها الحكم لي كانت كتسنا فيه شهر وعشر أيام باش يتطبق على صاحب فعلتها لدقائق ونقدرو نقولو لساعات وهيا كتفكر حتى بدات كتنهار بالبكاء حزنا على حياتها وروحها لي فقداتها واكثر حزنا على جسمها لي ولات كتخايل بلي مبقات عندو حتا قيمة طاحت على ركابيها كتنخصص وكتغوت باعلى صوتها شهقات متتالية كيخرجو من صدرها دموعها مبقاش عندهم قدرة يحبسو بحال شي شلال تطلق وميمكنش يعاود يتسد حطات ايدها فوق راسها و كتنتف خصلات شعرها الاشقر وتضرب فجبهتها لوهلة هزات عينيها فلغرفة وسريرها بدات كتشوف المشهد لخايب لي عاشتو كيتمثل وسط غرفتها الخوف والخلعة رجعو سيطرو على مخيلتها وافكارها الجهنمية زادو حياو صمتها كيتخللو شهقات متتابعة جميع المشاهد الكئيبة لي كانت كتسناهم يموتو بعدما تغلق باب غرفتها عاد مزادو كيتبادرو لدهنها ويتمثلوو قدامها ضورات راسها في انحاء الغرفة وجمعات رجليها بسرعة واقفة كتمسح دموعها بعنف هزات الكرسي حطاتو موازي مع الثرية لي معلقة فكل حركة كتزاد شدة هجوم الافكار سوداء على مخيلتها. حلات لبالكون كان عتمة قوية وسحاب حاجبة ضوء القمر يضوي كانت فقط كتشوف الظلام رجعت سداتو بسرعة ونفسها كطلع وتنزل بقوة دروت عينها فالغرفة لي كانت عالمها الخاص دابا عالمها الوردي تدمر كليا ولا بنسبة ليها عالم مسيطرة عليه عتمة الليل نترات الحبل لي كان هاز مجموعة من ديكورات مزينة بيها الغرفة بسرعة رجعات طلعات فوق الكرسي وعقداتو مع طرف الثرية نزلات كتأمل منصة الاعدام تمنات وهي كتشوف فيها لولا كان الوحش الآدمي لي دار فيها هاد الحالة فبلاصتها لكن للاسف هاذ العقاب تسلط عليها العدالة مكانتش منصفة هي عايشة دور ضحية اغت///صاب وهاهيا غتعيش دور ضحية المحكومة بالاعدام مزادتش فكرات فأي شخص نسات احبائها فلحظة غضب نسات حتى روحها رجعت طلعات فوق الكرسي وحطات عنقها فحبل المشنقة دموعها نشفو لكن ذبولهم كان بمثابة بكاء صامت خدات نفس عميق وبلا متفكر جوج دالمرات ضربات الكرسي برجلها سامحة لروحها تنفاصل على جسدها بطريقة مأساوية #نــهــايــة _الــفــلـاش _بــاك