الفصل 103
رواية لو بس لوّحت بالكفوف شرعت لها صدري بلاد
الفصل مائه وثلاثة
جابر رفع يده وناظر لساعته : لي ساعه هنا
ريم باستغراب : وليه تجي
قرب منها وابتسم : اشتقت لك
أردفت ظهرها لورى وهي تسنده : ليش م كلمت طيب ؟
جابر : لاعادي ، م حبيت أقاطع اجتماعك الا وش صار فيه ؟
لفت له بحماس من الطاري وبدات تقول له اللي صار معها وهي فرحانة كثير وجابر انبسط من فرحتها ...
..
.
فتح عيونه وفركها بهدوء وهو يلف للجهة الثانية
رفع راْسه وابتسم براحة وهو يتأملها ، مهب مصدق انها قدام عيونه ! مهب مصدق انه بإمكانه يتأملها متى ما وده انه بيصبح وبيمسي على وجهها يحس انه بحلم
قرب بهدوء منها وهو يبوس جبينها برقة
رفع راْسها وناظرها وهي تفتح عيونها
ابتسمت لما شافته : صباح الخير
رد لها الابتسامة : صباح النور ي نور عمري !
اثير : متى صحيت ؟
ماجد : قبل ربع ساعه
اثير باستغراب : وش تسوي هنا اجل
ضحك : مستسلم قدام سحرك أتأمل ابداع ربي بتفاصيلك
أستحت وهي تسحب الشرشف على وجهها وهو ضحك اكثر
وقف وهو يسحب الشرشف معه
وهي صرخت : لااااا
ماجد : تجهزي يالله ، امي تنتظرنا اكيد
هزت راْسها بطيب وهي توقف
٠
٠
« بعد ثلاث اشهر في اليونان »
ابتسمت للذكريات اللي راودتها وقفلت اللابتوب بعد ما خلصت شغلها اخذت أغراضها وهي تطلع للمستشفى اللي كان جنب البيت
دخلت الغرفة وشافت احمد جالس يمشي فيها
وهو ماسك لعبته ابتسمت وهي تمشي وتبوسه رغم كل شيء م كرهته هي تعرف انه مجرد ضحية نفسها تذكرت مكالمة منار لها لما انتهت من المحكمة وكيف خبرتها بجلسة حسن كانت طول الفترة السابقة تدري بس م حبت تعطي جابر خبر تدري انه يخفي عليها الموضوع عشانها عشان تنسى هالشيء وهي بالفعل طبقت اللي خاطره فيه وبدات تنسى كل شيء يضيق صدرها
مشت وهي تبوس راس سارة : كيفك اليوم
ابتسمت : تمام الحمد لله
ريم : مها وينها ؟
سارة : طفشت تقول وطلعت تتمشى
ريم : حلو
سارة : كيف منار ؟ وش صار بزواج اختها
ريم : ايه تزوجت باخو زيد قبل اسبوع الله يسعدهم
سارة : كان ودك تحضرين ؟
هزت راْسها بلا : كان المهم زواج منار وحضرته
ابتسمت : حلو اجل ..
ناظرتها ريم وهي تتذكر تفاصيل زفاف منار اللي للان م نستها وكأن توه امس ، ضحكهم على منار
اللي انصدمت من شكلها وطقطقتهم عليها كانت اجمل شي بعد إطلالتها ..
تذكرت تفاصيل زفتها الراقية ونظرات زيد لها
منار نزلت من الدرج وارتباك الكون بقلبها شدت على المسكة بقوة حست انها لأول مرة تستحي بالطريقة القوية ذي
رفعت راْسها بهدوء وناظرت الحضور شافت ريم تاشر لها بمعنى اضحكي تذكرت كلامها وهي تقولها تعيش هاليوم بأدق تفاصيله رفعت راْسها اكثر وهي تبتسم وتناظر لزيد اللي واقف قدامها ينتظرها
نزلت وهي تقرب منه وهو اول ما وقفت جنبه مسك يدها وهو يبوسها بهدوء رفع راْسه وانصدمت وهي تشوف اللمعة بعيونه
ابتسمت وهي تضغط على يده وكملت معه المسيرة حمدت ربها عليه على اليوم اللي تعرفت فيه على هالزيد على مفاجاءته اللي ما تخلص على انها تكتشف كل يوم صفة تحببّها فيه اكثر واليوم اكتشفت فيه الحنيّة الزايدة الا بس لما شافها بالأبيض لمعت بعيونه الدمعة حبت انه قوي مع الكل وثقيل الا معها تخور قوته ويبقى بس زيد !
٠٠
رجعت للحظة وهي ترفع راْسها وتناظر الباب اللي انفتح دخل جابر وهو حاط قدّامه باقتين ورد
ابتسمت لما شافته وهو قرب واعطى باقة لـ سارة : لـ ام قصبة السكر
ضحكت سارة على تعبيره : تسلم يا ولدي
قرب لريم وهو يعطيها الورد وهو يهمس لها : لحمامتي اللي ما يليق الورد الا لها
ابتسمت وهي تاخذه : بعد عمري انت والله
جابر : هاه كيف الشغل معك تتعبين ؟
هزت راْسها بلا : شدعوة بس من ورى اللابتوب اخلص الإيميلات كل شي ميّسر الحمد لله
حط يده على بطنها : اهم شي م تتعب بنتي
ضحكت : كل هذا عشان بنتك صح انا عادي
جابر رفع حواجبه : بدينا نغار
ابتسمت : لاعاد ، أغار من بنتي ؟
هز كتوفه : مدري عنك
قربت منه وهي تناظر لامها لقتها ترجع تقرا كتابها وصاده عنهم
حطت الورد ورى ظهرها وهي تدعس على رجله بقوة كان بيصرخ بس حطت يدها على فمه بسرعه
وهو ضحك بهدوء وناظر لها
ريم : م تحب احد اكثر مني حتى بنتك تفهم !
هز راْسه بطيب وهي بعدت يدها عن فمه
جابر : هذي اللي تقول ما أغار
ريم ناظرته بحدة وهو ضحك بهدوء وقرب وهو يحط يده على بطنها : ما أغلى من البنت الا امها والله
ابتسمت له برقة من كلامه دائماً يعصبها ويعرف كيف يهديها
ريم : كيف خالتي صارت بخير ؟
هزراسه باي : الحمد لله تو كلمتها بس نزلة برد خفيفة عشان تغير عليها الجو
هزت راْسها : ممكن عاد
مسك خصلة من شعرها وهو يلعب فيها وهي ابتسمت وهي تناظر لعيونه نفس النظرة اللي ناظر لها بها لما عرف بحملها بأحلى يوم بحياتهم
رجعت لها التفاصيل من نظرته وهي تتذكره ..
.
***
**
*
https://play.google.com/store/apps/details?id=com.stories4all.offline13