الفصل 101
رواية لو بس لوّحت بالكفوف شرعت لها صدري بلاد
الفصل مائه وواحد
بعد ما رجعت ناظرت لجابر اللي قال لها بخبر زواج اثير اللي بعد شهر ، جزء منها حزين عشانها ماراح تكون معها بالفترة ذي وجزء سعيد من سعادتها
جابر كان حاط يده على وجهه يحاول ينام بس ما قدر كالعادة لآزم تَمْر ساعات من التفكير اللي يسبب له صداع و يخاف بسببه يدخل باكتئاب
حست عليه وهي تمسك يده وتشد عليها بقوة رفع يده الثانية من على عيونه وهو يناظرها ابتسم بسبب حركتها اللطيفة ورفع يده بمعنى تعالي انحنت وهي تنسدح جنبه وهو ابتسم : بكرة بداية جديدة باْذن الله
ريم : يارب بداية ما يقترب الحزن مننا فيها ابداً
تنهد : يارب ..
.
.
سحبت ورقة التقويم وهي تكتب بالورقة ١٣٥ يوم ابتسمت وهي توقف وتمشي باتجاه الدريشة وهي تكتف يدينها وتناظر للمكان اللي تعودت طول المدة اللي فاتت عليه
طوال الأربعة الشهور اللي قضوها هنا وهي تحس انها عايشة بحلم رغم انهم جايّين وهم خائبين و على ضوء امل بسيط لكن هالامل كبّر بمرور الوقت خصوصاً ان امها استجابت للعلاج مرت اربع اشهر ونص وهم هنا
رغم انه فاتت الفترة اللي لآزم تمشي بها بس م يئسو مشت وهي تاخذ كوب قهوتها واللابتوب وهي تجلس بالبلكونة فتحته وبدات تنجز شغلها اليوم بالجمعية بعد ما انتهت منه قفلته ناظرت جوالها وهي تشوف رسالة من منار مضمونها
كأن " اشتقت لك "
ابتسمت وهي ترد عليها وهي تسترجع تفاصيل الايام الجميلة اللي عاشتها بالفترة اللي رجعو فيها من السفر لزواج اثير ..
" جابر يناظر لاثير وماجد وهو مبتسم السعادة اللي على وجيههم وكأنه ملك الدنيا بيديه واخيراً قدر يشوف هالملامح على وجه اخته مشى وهو يسلم ويبارك لهم : الله الله بختصر الكلام من الاخير تراها قرة العين يا ويلك تعميها لو اعرف انها نزلت لها دمعة وحدة بسببك راح اكسر عظامك
ماجد ضحك : نعرف ان طرف البنت عنيفين بس مهب للدرجة ذي بعدين ي ولد توصيني على قلبي ؟
اثير كانت تسمعهم وشوي وتبكي من كلامهم تحس باللحظة ذي الامان استحل قلبها
خالد كان واقف جنبها في الجهة الثانية شد على يدها وهو يبتسم وهي ناظرت له وابتسمت
بعد ما انتهو جابر كان واقف جنب الدرج من فوق
وهو ساند ظهره على الجدار ومغمض عيونه شافته ومشت وهي توقف قدامه
ابتسم على طول بدون م يفتح عيونه لما حس بوجودها وفتح عيونه على طول ناظرها بإعجاب وانبهار بها ما قدر يشوفها العصر بسبب الاستعجال وما حلّ له يشوفها الا الحين أستحت من نظراته ونزلت عيونها للأرض وهو قرب منها وقربها له وهو يضمها بلطف
انحنى براسه وهو يقرب انفه من شعرها ابتسم وهو يبتعد عنها ويناظرها : شتسوين فيني ي بنتي ؟
ضحكت وهزت كتفها ب مدري
وهو ابتسم وتذكر : كلمت مها قبل دقايق تقول كل شيء تمام وسلطان منتبه لهم وهو ياخذهم للمواعيد
ابتسمت : الله يسعده هالسلطان
هز راْسه : م يحتاج نرجع يعني نبقى هالأسبوع عشان زواج زيد
ابتسمت وهي تتذكر انهم قدموه قبل فترة عشان يكونون جابر وريم موجودين هنا هزت راْسها بطيب : متطمنه على امي الحمد لله
ابتسم وسحبها وهو يمسكها من على جنب ويمشي معها : م قلتي لي وين عبايتك ؟ نبي نرجع بيتنا
ضحكت : خالتي ؟
غمز لها : مع زوجها
ضحكت اكثر وهي تمشي وتاخذ أغراضها من الغرفة وعلى طول طلعو من القاعة للبيت ......
٠
٠
بعد يومين
صحت بدري وهي تقوم تتجهز خلصت وناظرت الساعه شافتها ٧:٣٨ص
ناظرت لجابر وتنهدت : كيف اصحيه الحين اعتقد انه مستحيل يقوم دامه نايم بالطريقة ذي
مشت وهي تصحيه لكن زي ما توقعت ما صحى
سمعت صوت رسالة من جوالها طلعته وهي تشوف من من وابتسمت لما شافتها من منار " أوصلك معي ؟ او بتروحين مع جابر "
ردت على طول " انتظريني "
دخلت على محادثة جابر وهي تكتب له انها بتروح
مع منار
اخذت أغراضها والاوراق وهي تنزل على طول
شافت الجوهرة جالسة بالصالة قربت وهي تبوس راْسها : صباح الخير
الجوهرة ابتسمت : صباح النور عالجمعية ؟
هزت راْسها باي : رايحة مع منار
الجوهرة : تمام
مشت وهي تطلع من البيت وشافت سيارة منار واقفه بالحرم مشت وهي تركب وتناظر لها : على الشركة ؟
منار : ايه عندي جلسة بكرة
ريم شهقت : من جدك بعد بكرة زواجك وش اللي عندك جلسة ؟
منار : عشان زواجي يعني بهمل شغلي ؟ شدعوة
ريم : وش حب الشغل ذَا منيب فاهمة
منار ضحكت : اسمع من اللي يتكلم !
ريم : ياربي ي سخيفة يالله استعجلي بعد نص ساعة اجتماعي
منار : هالجمعية مصدر خير والله
.
***
**
*
https://play.google.com/store/apps/details?id=com.stories4all.offline13