اصوات مزعجه جداً - الفصل 2 - مكتملة | روايتك

أنا كنت بطلت ، كنت إتعالجت ، كنت بقيت كويس !قمت من مكاني و رحت أوضة الإستراحة ، تجاهلت ضحكهم و سخريتهم ، قفلت الباب علي نفسي ، فتحت الدرج و قعدت أدور لحد ما لقيته ، المقص الصغير !خبطت ودني بيه من جوا ، خرمت ودني ، ضربت مرا ورا مرا متجاهل الألم و متجاهل رغبتي في إني أصرخ ، حركته جوا ودني كويس لحد ما إتأكدت إنها إتخرمت ، حركت إيدي عند ودني الشمال عشان أتأكد و فعلًا مسمعتش حاجة .خرجته من ودني و بصيت عليه ، مليان دم و حتت لحم صغيرة لكن ده مهمنيش ، حطيته في ودني التانية و كررت الموضوع ، لحد ما الحمد لله مش سامع أي حاجة ، في اللحظة دي دخل واحد من زمايلي ، شافني و صرخ ، بس أنا شفت شفايفه بتتحرك بس ، مسمعتش صوت صرخته ، قدرت أتخلص من لعنة الأصوات للأبد ... قدرت أخلص نفسي منها ... الحمد لله ، الحمد للـــ .... !مين فيكم اللي كح ؟؟