لو بس لوحت بالكفوف شرعت لها صدري بلاد - الفصل 100 - مكتملة | روايتك

رواية لو بس لوّحت بالكفوف شرعت لها صدري بلاد الفصل المائه الوليد : شرايك لو ان ملكتنا اليوم معهم ؟ كان الحين انا اسعد انسان بالدنيا ضحكت : عادي عاد ، بس احس صعبة محد يعرف عننا ! ولا خذيت موعد الوليد وقف : يعني لو كانت ملكتنا معهم الليلة كان فرحتي ؟ سحر بضحكة : وش هالسوال يعني ماراح أزعل ، بس فكرة الموضوع غبية ، فجاءة بيوم وليلة تصير ملكتي ، ابي أعيش الشعور ما ابي كذا فجاءة ما استمتع بشيء ! الوليد رجع يجلس وهو يعطيها الحق ف ياللي تقوله حتى هي من حقها تضحك وتستانس بهاليوم : اجل صدقيني بخليك تعيشين اجمل ايام حياتك سحر : واثقة من ذلك ابتسم : ي بنت م تحسين انك حبيتيني كثير والله فجاءة هوب اعترفتي بحبك بس برسالة ، حتى رقمي مدري من وين جبتيه ضحكت : اذا ابي الشيء جبته بعدين لا تخليني اكمل عنادي الوليد : يا ساتر لالا اعتبريني م تكلمت وسحر ضحكت ع ردة فعله .. زيد يناظر للوليد اللي باقي يكلم اخذ كرتون فاين ورماه بقوه عليه : مهب وقت الاتصالات ! كمل الشيء اللي عطيتك إياه الوليد لف لزيد وتافف : يالله مشغول الحين سحر : تمام فمان الله قفل وهو يمشي ويدف زيد : مالت عليك وع ملكتك وش دخلني اسوي اشغالك انت ؟ زيد ضحك وهو يحط العقال على راْسه : لاني العريس الوليد : كلها ع بعضها ملكة بالبيت وشوي رجال وش تبي انت قال عريس ؟ زيد : وش حارق رزك طيب كيفي الوليد مشى وهو يناظره بنص عين وداخله فرحان كثير لفرحته ... .. ريم وقفت وهي تسمع رسالة في جوالها من منسوبة ب الجمعية " استاذة ريم افتحي البريد " على طول دخلت ع البريد وهي تشوف العقد والتوقيع ضحكت بفرحة وهي تناظر لمنار اللي تناظر نفسها ف المراية : منار لفت لها على طول : وش فيك مشت وهي توريها العقد ومنار ابتسمت بفرحة وهي تضمها : مبروك ما حد يستاهل هالمكانة الا انتي متيقنة انك بتعطين كل اللي تحتاجها هالجمعية ريم : الله يعين بس بكرة السفرية وبداية أعمالي عن بعد خايفة كثير منار ابتسمت وهي تُمسح على ظهرها : انتي قد كل شيء انتي اقوى من الظروف واعتقد هالشيء بيقويك اكثر ريم شدت ع يدها : اليوم يومك انتي اليوم فرحتك - ابتسمت - بالمناسبة تبهرين العين منار ابتسمت : بعد قلبي ... .. ماجد نزل من سيارته وهو يناظرها جالسة على الكرسي اللي جنب الورد ابتسم وهو يمشي لها وهي انتبهت ولفت له : اخيراً ابتسم : اشتقت لك اثير : المشتاق يجي ! ماجد : هذاني جيت اثير : ي السخيف جاي تأخذني لملكة صديقتي مهب عشان تشوفني ماجد : لو ماني مشتاق م خليتك تنتظريني اثير وقفت وهي تناظر له : تمام ماجد : م تدرين اني مشغول ب ايش ؟ اثير مشت وهي توقف قدام السيارة : ايش ؟ ماجد ابتسم : حجزت القاعه حقت الزواج وخلصت الأمور اثير : جابر بكرة بيسافر شلون كذا ؟ ماجد : الزواج بعد شهر بالضبط بعد م يتأقلمون هناك راح يرجعون ريم وجابر يحضرون ! اثير ابتسمت وهي تناظر له : قل كذا من البداية ! ماجد ضحك : لو مو قايل م رضيتي صح ! هزت راْسها باي : اكيد ما ارضى تنشغل عني باي شيء ماجد ابتسم : اذا انشغلت وم قدرت اجي خلي عندك يقين انك بقلبي وعقلي ابتسمت من كلامه وهو مد يده لها مسكتها ومشت لبيت منار ٠ ٠ ريم جلست وهي تناظر لحصة اللي تناظرها بحدة تنرفزت من نظراتها ولفت عنها بضيق سحر انتبهت لهم ومشت لامها وهي تهمس لها : يمة وش هالنظرات للبنت ! كليتيها بعيونك حصة : خليها تحس على دمها ولها عين تجي بعد ! سحر اخذت نفس بضيق من تفكير امها اللي للان على حاله : يمة فشلة اللي تسوينه ، خلاص الرجال تزوج وراح وهذي زوجته وصديقة منار ، ضيفة يمة تاففت : خلاص اجلسي مكانك وبس ناظرت لـ ام زيد وهي تسولف معها والجوهرة وسلمى جالسين جنبهم من الجهة الثانية بعد دقايق نزلت منار وكلهم التفتو لها مبسوطين اول مرة تستحي من نظرات احد جلست جنب ريم : وش ذَا الاحراج ؟ ريم ضحكت بخفيف : شايفينك حلوة اليوم منار رفعت حاجبها : عفوا شقصدك ؟ انا كل يوم شينة ؟ ريم رفعت يدينها : حاشى استغفر الله ! منار كانت بترد بس سكتت لما شافت ام زيد جايبه الكتاب عشان توقع ارتعش جسمها كله من اللحظة ذي تنهدت بضيق وهو يطري على بالها ابوها لو كان موجود كان هو اللي يمد لها هالكتاب ابتسمت وهي تاخذ القلم وتوقع وسط تصفيق الكل لها بعد دقايق وصلتها رسالة من زيد " يا حلو اليوم اللي صرتي فيه لي زوجة " زادت دقات قلبها بفرحة من كلامه وهي مبسوطة كثير باليوم ذَا . . *** ** * https://play.google.com/store/apps/details?id=com.stories4all.offline13