الفصل 97
رواية لو بس لوّحت بالكفوف شرعت لها صدري بلاد
الفصل السابع والتسعون
تنهد جابر لما عرف ان ابوه درى بموضوع خطفهم : الحمد لله يبه طيبين
خالد : وريم !!
جابر : حتى هي طيبه رايحين المستشفى الحين
خالدة: ليه !
جابر : امها تعبت , يالله يبه تطمن حنا بخير وتكفى لا احد يدري بالموضوع
خالد بضيق: طيب ياالله
قفل وهو يمسك يد ريم اللي تحاول تكتم شهقاتها
بقوه بحياء من الشرطي اللي يسوق فيهم
جابر شد ع يدها بقوه وهو ينزل راسه ويبوسها قرب وهمس لها : كل شيء انتهى كل الوجع والضيم والالم انتهى كل التعب انتهى !! لا تبكين اكثر لا توجعين نفسك وتوجعيني بكتم شهاقتك اكثر
هزت راسها بطيب وهو رفع عبايتها من على كتفها لما توجعت عض ع شفايفها بقهر ع وجعها وصل المستشفى ونزلت ع طول متجاهله وجع الحرق ومشت للاستقبال تسال عن اسم امها جاوبوها انها بالعمليات الان
شهقت بخوف ع امها : شلون !
مشت ع طول وجابر جنبها و وصلت وهي تشوف مها واقفه عند الباب اول ماشافتها مشت لها بسرعه وهي تضمضها وتبكي: كيفك !
ريم بعدت عنها ع طول : امي وينها ليه بالعمليات
مها : الدكتور اول م شاف حالتها امر انها تدخل العمليات ع طول
ريم حطت يدها ع وجهها وبكت ومها تنهدت بضيق ع طول تذكرت : وش سوى فيك هالكلب !
ريم بكت اكثر وجابر م تحمل مشى لها ع طول وهو ياخذها وبياشر ل مها اللي هزت راسها ب عادي ..
دخل غرفه ونادى للدكتورة تجي نزل عبايتها وهو ياشر ع محل الحروق الدكتوره مشت ع طول وهي تعقمه
وريم وجع قلبها كان اقوى لانها تعتقد انها السبب ف ذا كله بعد م خلصت تعقيم عدل جابر لها العبايه وضمها له وهو يهديها : تكفين خلاص ارحمي نفسك تعبتي حالك وتعبتيني
هزت راسها : مهب بيديامي بالحاله ذي بسببي
انت بالحاله ذي بسببي
اخذ نفس : كل شيء مقدر ومكتوب انتي مالك سبب استوعبي ي راحتي
كانت بتتكلم ع دقه الباب دخلت مها ع طول وهي تعطيهم خبر ان عمليه ساره انتهت طلعو ع طول وهم يتجهون لها ريم مشت ع طول وهي تمشي معها ع السرير وتمسك يدها وضعوها بغرفه المراقبه ومنعو احد من الدخول
جابر مشى للدكتور : طمنا عنها !
الدكتور : العمليه مرت بخير الحمد لله اضطرينا لها بسبب كسر كبير بالساق والفخذ الحين م اقدر بالضبط احدد وضعها لكن ان شاء الله انها بتكون بخير
جابر تشكره وناظر لريم اللي سمعت كلامهم : شفتي ان شاء الله انها بخير هزت راسها بطيب وهي تحاول تهدي نفسها
٠
٠
بعد اربع ساعات من الانتظار فتحت ساره عينها بتعب وهي تناظر حولها شافت ريم مسنده راسها ع الكرسي ومغمضه عيونها ومها واقفه عند الدريشه
انفتح الباب ودخل جابر وبيده اكياس اول م انتبه لها ابتسم وريم فتحت عيونها وناظرت للمكان اللي جابر يناظر فيه و وقفت ع طول وهي تبتسم بفرحة : يمه
مها لفت وضحكت وريم باست راسها جابر طلع وع طول مشى وهو ينادي الدكتور اللي بعد اصرار ريم تركهم ينتظرون عندها
مشى هو والممرضه وناظر لسارة وهو يطّلع سماعات ويقيس نبضها : كيفك
ساره بتعب تحاول تتكلم لكن م قدرت
الدكتور : مب مشكله لا تتكلمين لكن مضطر اكشف عليك الحين انا راح اسالك اسئله وانتي هزي راسك بدون م تتكلمين تمام !
هزت راسها بطيب
صار يضغط بالقلم ع يدها وسالها تحس بشيء وجاوبت باي
نزل وهو يضغط ع رجلها وسالها وهي م سمعت وهي تناظر لريم ضغط بقوه اكثر وماشاف منها أي رده فعل
اخذ القلم وهو يناظر لورقته ويكتب وهو يتمنى لها السلامه
اشر لجابر اللي مشى معه ع طول : مع الاسف طلع احساسي صحيح لكن م قدرت اقوله لحتى اتاكد السيده ساره اصابها شلل جزيئ
جابر عض ع شفايفه بقهر وناظر الغرفه وشاف ريم اللي ناظرت لهم ونزلت دمعتها عرف انها عرفت وتنهد : اللهم لا اعتراض ع حكمك .. مع العلاج طيب راح تتطور حالتها !
الدكتور : اكيد بدون شك هالشلل مع العلاج الفيزيائيه والجلسات العلاجيه المكثفه مع البيئه المناسبة طبعا اللي لا وجود للا فيها للأحباط ، خلال سنه باذن الله رح تقدر تمشي
ابتسم : الله يبشرك
استاذن منه الدكتور ومشى
وجابر اتجه لريم : لا تخافيين باذن الله كل شيئ بيكون تمام
بكت وهي تقرب وتحضنه بقهر وهو شد عليها بضيق !!
٠
٠
« بعد مرور اسبوع »
ما في احد عرف بالسالفة سوى زيد و منار اللي طلبت من زيد يأجل الخطوبه وهو بدوره وافق ع طول لما عرف السبب ..
طوال الاسبوع كانت مع ريم وهي اللي استلمت القضيه حقت ريم اللي طلبت منها ترفع ع حسن قضية تحرش واعتداء على امها حلفت م يروح اللي سواه بأمها ع الفاضي ! هي صبرت وتحملت و جابهت كل الظروف بس لما يصير الموضوع امها !
هنا يرفع القلم ....
.
.
***
**
*
https://play.google.com/store/apps/details?id=com.stories4all.offline13