نت كافيه - الفصل 2 - مكتملة | روايتك

شكلها كان مخيف أوي ، قبل ما توصل ليّا بثواني النور فتح تاني و الأسانسير بابه بدأ يتقفل ، حاولت تجري عليا لكن لحسن حظي كان الباب أسرع ، الباب إتقفل لخمس ثواني بالظبط و بعدين إتفتح ، قدام عينيا كان النت كافيه منور و مفتوح و الناس اللي قاعدين فيه بيبصولي ، البنت اللي بتشتغل فيه قامت تستقبلني بإبتسامة لطيفة علي وشها ، كان باين عليّا الخوف فسألتني مالي حكيتلها كل حاجة ، وشها إتغير و لونها بقي شاحب ، عرفت علي طول إنها عارفة حاجة فسألتها ، قالتلي إنها متعرفش حاجة بس فيه ناس بتقول إن مكان النت كافيه ده كان فيه كوافير حريمي و صاحبة الكوافير كان عليها ديونإنتحرت جوا المحل بتاعها ، و بعدين الناس بدأت تشتكي إن فيه حاجة غريبة بتحصل ، كانوا بيسمعوها و ساعات بيشوفوها وراهم في المراية ، البيت إتقفل خالص لحد ما من شهرين هما إشتروه و عملوه نت كافيه أنا مش عارف إيه اللي حصل بس أنا خايف أكون فتحت باب من أبواب الجحيم من غير ما أقصد ... أنا خايف الست دي ترجعلي تاني !