الفصل 2
يظهر إن دي الليلة اللي إيميليا إنتحرت فيها عشان تهرب من ضرب و قسوة أبوها ، حطيت الكتاب علي الكنبة ، قفلت الدفاية و طلعت أنام ، لما صحيت تاني يوم مراتي كانت في المطبخ بتحضرلنا الفطار ، نزلت رحتلها ، قعدت علي الكنبة و دورت علي الكتاب ملقيتوش !سألتني بصوت هادي : " حبيبي ، إيه اللي كان عامل الدوشة دي إمبارح في العلية ؟ "محبيتش أقلقها و أقولها أي حاجة فقلتلها إنه فار و كان بيخبط في الكراتين و وقعها ، قلتلها إني النهاردة هجيبله سم أو مصيدة عشان نخلص منه (( بــــوم ))سمعت الصوت و عيني جت ف عين مراتي ، فتحت التليفزيون و عملت مش سامعه ، بصراحة خايف أطلع فوق بعد اللي قريته في المذكرات (( بــــوم ))سمعت الصوت تاني ، قمت و بخوف مشيت لحد العلية و طلعت فوق ، في وسط الأرض كانت المذكرات مرمية علي الأرض ، مسكتها و قلبت فيها ، كان فيه صفحة جديدة إتكتب ، بنفس طريقة الكتابة و نفس الخطصفحة واحدة بس ... مكتوب فيها7 ديسمبر 2016" إزيك يا دانيال ؟؟ ، يا تري مستعد ؟؟ "مش عارف مين اللي طلع الكتاب فوق ، مش عارف مين اللي كتب النص بتاع النهاردة ، مش عارف إزاي قدر يكتبه بنفس خط بنت إنتحرت من 100 سنة تقريبًا ، نزلت و قفلت الباب ورايا و أنا عارف حاجة واحدة بسأنا هسيب البيت ده ... حد منكم يشتريه مني ؟؟