الفصل 1
إزيكم ... أنا دانيال من أمريكا ، عندي 24 سنة ، خريج كلية العلوم جامعة ميتشيجان ، مش بصدق كتير في الخوارق ، متعرضتش لحاجة تخليني أصدق إن فيه خوارق و عالم ما ورائي ، أنا بصدق اللي بشوفه بسمن فترة أنا و مراتي حققنا حلمنا ، إشترينا بيت أحلامنا ، بيت صغير في مكان هادي ، قريب من الغابة و بعيد عن العمران ، حلم حياتيكنا مبسوطين إن بيتنا صغير بما إننا هنتنقل فيه أنا و مراتي بس ، أنا و مراتي لما إتقابلنا أول مرة حبينا بعض و علاقتنا تطورت بسرعة و إتجوزنا في فترة قصيرة جدًا ، قبل ما نتجوز بأيام قالتلي إنها مش بتخلف ، كانت فاكرة إني هسيبها لكن الحقيقة إن أنا كمان مكنتش بخلف ، مخلوقين لبعض ... صح ؟؟الموضوع بدأ لما كانت مراتي قاعدة علي النت ، شافت الإعلانأوضتين نوم ، حمامين ، جراج كبير ، جنينة أمامية و جنينة خلفية ، بيت علي مساحة 2100 متر ، و السعر ؟؟ ، 45 ألف دولار بسلقطة ... صح ؟أنا و مراتي عايشين في شقة صغيرة فلما لقينا البيت ده كان لازم نتمسك بيه جدًا ، بعتنا إيميل و علي طول جالنا الرد ، تاني يوم كنا في البيت بنقابل إصحابهراجل و مراته ، في أواخر التلاتينات ، من سننا تقريبًا ، بدون أولاد ... شبهنا جدًا ، عملولنا قهوة و شربنا القهوة و إتفرجنا علي البيت ، إرتحت للبيت نفسيًا ، سألته بضحك : " إيه الخدعة ؟ "الراجل إبتسم و بص في الأرض : " بصراحة ، حصلت جريمة إنتحار في البيت ده أوائل العشرينات "سألته : " طب بتبيعه ليه ؟ "قالي بصراحة : " فيه أطفال بتقعد تلف حوالين البيت بالليل تنده علي البنت اللي إنتحرت و الصبح مش بنلاقي لهم أي أثر "بصيت لمراتي لقيتها بتضحك ، شاورتلي علي دماغها فيما معناه إن الراجل ده مجنون ، قلتله : " و بعدين ؟؟ "قالي : " أنا و مراتي هنروح كاليفورنيا ، لقينا شغل هناك بمرتب أحسن من هنا عشان كده بنبيع البيت بالسعر الرخيص ده ، أتمني إيميليا متضايقكوش "سألته : " إيميليا ؟؟ "هز راسه و إبتسم و قالي إن ده إسمها ، إشترينا البيت ، سعر كويس و زي ما قلتلكم ... أنا مش بصدق في الماورائياتعدي أسبوع تقريبًا علي سكننا في البيت ده ، كان يوم أجازتنا ، قاعدين في الصالة قدام التليفزيون ..بنتفرج علي التليفزيون لما سمعنا صوت في العلية ( الصندرة ) (( بـــــوم ))أول مرة تجاهلناه و كملنا فرجة علي التليفزيون ، مراتي بصوت واطي قالت : " ممكن سنجاب "هزيت راسي و أنا مشغول بأحداث الفيلم (( بــــوم ))المرة دي بصتلي و طلبت مني بلطف أطلع العلية أشوف فيه إيه عشان هي خايفة ، مكنتش أقدر أرفض لها طلب ، طلعت بسرعة و لأن العلية مفيش فيها نور أخدت الموبايل بتاعي و شغلت الفلاش ككشاف ، العلية كانت متربة أوي ، كأن محدش طلع المكان من عشرين سنة علي الأقل ! ، العنكبوت مالي المكان ، التراب حرقلي مناخيري ، عيني دمعت من كتر التراب ، الصناديق القديمة واقعة علي بعض ، كل حاجة طبيعية تمامًاقبل ما أنزل شفته ، كتاب قديم بني واقع علي الأرض ، مترب و شكله قديم أوي ، وطيت مسكته و لقيت مكتوب عليه ( مذكرات إيميليا ) ، مسكتها و نفضت التراب عنه ، هيكون شيء ممتع لو أقري مذكرات بنت إنتحرت في العشرينات ... صح ؟؟نزلت لقيت مراتي نامت علي الكنبة ، يظهر إنها كانت تعبانة ، حطيت الكتاب و شلتها طلعتها السرير ، غطيتها كويس و نزلت شغلت الدفاية و قفلت الفيلم و بدأت أقرا17 يناير 1923بابا رجع النهاردة من شغله في منجم الفحم ، أنا خايفة أقوله علي صديقتي الجديدة ، كالعادة مش هيصدقني ، بتواسيني لما بعيط بعد ما هو يضربني ، هي الوحيدة اللي بتهون عليا الدنيا ، محدش يقدر يشوفها أو يسمعها غيري ، هي بتقولي إن ده بسبب إن محدش يستحق يشوفها غيري ، أبيجيل ( صديقتي ) قالتلي إنها هتوريني مكان حلو هي عايشة فيه قريب ، أنا بحب أبيجيل ، شكرًا ليكي "أنا سمعت عن أصدقاء خياليين كتير قبل كده ، لكن المرة دي الموضوع كان مخيف19 يناير 1923أبيجيل بتقولي إنها مش قادرة تستني لحد ما توريني المكان اللي هكون بأمان فيه ، قالتلي إني لازم بكرة أقابلها في العلية ، بكرة هكون في أمان ، متحمسة أوي و مش قادرة أستني ، شكرًا أبيجيل "حاسس إني بدأت أخاف شوية !20 يناير 1923" النهاردة هو اليوم المنتظر ، النهاردة هكون في أمان و بابا هيبطل يضربني ، من أول النهاردة هنام بالليل و أنا مش خايفة ، أنا هروح أقابل أبيجيل عشان توديني المكان الموعود ، أنا بحب أبيجيل "قلبت في الكتاب بعد كده لكن باقي ورقه كان مترب و فاضي