الفصل 5
رواية من عرفتك بدأ عمري . زاد النبض في صدري . سرقت بضحكتك عمري
الفصل الخامس
طلعت من غرفة الملابس وراحت لتسريحه لفت شعرها ولبست الحجاب اخذت نفس وبعدها فتحت باب الغرفة وطلعت نزلت تحت وشافت الكل جالسين على الفطور
سديم :صباح الخير حنون
حنين :صباح النور
ابو صقر :صباح الخير بنتي
حنين :صباح النور عمي
سديم :تعالي فطري انا رحت لك غرفتك شفتك نايمه فما حبيت اجلسك
ابتسمت حنين وجلست رفعت راسها والتقت عينها بعين طلال الي كان طول الوقت يناظرها نزلت بسرعه راسها وبعدها رفعت وناظرت في صقر شافت ياكل بهدوء نزلت راسها بالاكل وهي تذكر شنو الي صار امس بدت تاكل علشان تنسى وطلال يناظرها ومو قادر ينزل عيونه عنها
سديم بستغراب :طلال
طلال رفع عينه وناظر سديم
سديم ناظرته وكلمته عن طريق العين
فهم عليها طلال ونزل راسه وصار ياكل
ابو صقر :ها يا اولاد جهزتو للرحله بكرة
سديم :اليوم يبه بنجهز كل شي
ابو صقر :مو تنسون شي
مشعل :يبه الساعه كم بنروح؟
ابو صقر :6 ونص علشان نوصل بكير ونفطر
طلال :بنبيت هناك
ابو صقر :ايه يومين ونرجع
سديم :يااااااي ونااااااسه
حنين ابتسمت لسديم وجلست تتخيل كيف شكل المزرعه وبعدها تذكرت ابوها وامها
انسدت نفسها عن الاكل وضاق صدرها كيف تفرح وهم ابعاد عنها
سديم : حنين ...حنين حنيـــــــــن
حنين انتبهت وقالت :هلا
سديم :شفيك صار لي ساعه اناديك ؟!
حنين :هاا ..لا ولا شي
سديم :اوكي شبعتي
هزت راسها بأي
سديم :اجل يلا نقوم نجهز للرحلة
*
*
بصراخ: يمــــــــــــه يمـــــــــــــه
:وجع صميتي اذن شتبين ؟
:ماما ابي اروح سوبر ماركت اشتري اغراض للرحلة
ام رنيم :الله يهديك كل هذا الصراخ علشان تبين تروحين سوبر ماركت روحي مافي احد ماسكك
رنيم :ادري إن مافي احد ماسكني بس
واشرت بيدها بطريقة فلووس
ام رنيم :تبــين فلوس ؟!!
رنيم :يب يب
ام رنيم :وين راحوا الفلوس الي عطيتك اياهم امس
رنيم :يمه انتي قلتيها بعظمة لسانك امس مو اليوم وبعدين يمه كلها خلصهة
ام رنيم وسعة عينها :حراااام عليك عاطتك 500 كيف خلصوو في يوم !
رنيم :رحت السوق امس وخلصوا
ام رنيم :ماقلتي لي انك بتروحي السوق وبعدين مع من رحتي ؟؟!
رنيم تورطت وقالت بسرعه :مع بنت عمي وصديقاتها
ام رنيم :بعطيك هذي المرة بس مرة ثانيه قولي لي اول انك بتروحي السوق
رنيم :إنشاء الله من عيوني بس يمه الحين عطيني فلووس
ام رنيم :جيبي شنطتي بتلاقيها على الكنب وإيا اني إياك تفتحينها جيبيها انا بعطيك
رنيم :اووووووكي
راحت تركض وجابت شنطت امها
طلعت من الشنطة 100 ريال وعطتها اياه
رنيم بصدمه :بــــــــــــــــــــــــــــــــــــــــــــــــ ــــــــــــس !!!
ام رنيم :اولا انتي بتشتري خرابيطك المعروفه مو السوبر كله ثانياً هذا عقاب علشان مرة ثانيه تقولين لي قبل لا تروحين
رنيم صارت تتحلطم وبعدها فجأة قالت :يمه اخوي بيرجع بكرة مو يعني وحنا في المزرعه
ام رنيم :ايه بجينا هناك
رنيم :يااااااااي وناااسه وحشني الدب
ام رنيم بدت تدمع :وانا اكثر والله
رنيم :بديناااااا بالدموع
ام رنيم :والله ما اقدر اشتقت له
رنيم ابتسمت وقالت :صدق يمه وين ابوي ؟؟
ام رنيم :راح الشغل يقول في اشياء واااجد لازم يخلصها علشان يقدر يجي المزرعه معنا
رنيم :اهااا
^
^
سديم :حنين فتحي الكبت الثاني من تحت بتلاقين شنطه جيبيها
راحت حنين وفتحت الكبت وجابت الشنطة
سديم :اول شيء نبدى في شنطتك بحط لك لبستين و ملابس سباحه وكريم ومشط وبكل وطوق واكسسوارات و
حنين :بس بس ليش كل هذا وبعدين ليش ملابس سباحه
سديم :في المرزعه في عين كبيرررررة مرررة حلووة راح تستانسي عليها وبنسبح فيها
حنين بأحراج :بس انا ما اعرف اسبح
سديم :ماتعرفي ؟! اوكي لا تخافي في البداية مو غزير لو ابتعدتي بكون غزير
حنين :اوكي
خلصوا من شنطة حنين وبدو في شنطة سديم ولما خلصوا
سديم :الحين خلينا نروح سوبر ماركت ونشتري اغراض
حنين :سديـم
سديم :هلا
حنين :ابـي ازور امي
سديم ناظرت فيها وقالت :اوكي خلاص نروح اول لامك وبعدها نروح السوبر ماركت شرايك ؟
حنين ابتسمت بشكر وحضنت سديم وقال :شكرا شكرا شكرا سديـــم ما بنسئ وقفتك معي طول عمررررري
ابتسمت سديم وقالت :ولو احنا خوات ولا نسيتي
حنين ودموعها على خدها :تدرين طيبتك بمن تذكرني
سديم :بمن ؟
حنين :بأسرار
:اسرار اختصري شنو تبين ؟
اسرار :كنت بسأل الساعه كم بنروح للعشاء
ريان :وليش؟! إنشاء الله ناوية تروحين ؟ّ!
اسرار :ايه ناويه وبعدين شنو دخلك هذي خصوصياتي وبعدين لو سمحت لا تتعدى الشروط
ريان :بس بس اصدق إن محد قالك من قبل انك ثرثارة بزيادة
اسرار :لا والله محد قالي والحين بترد على سوالي ولا شنو
ريان :تراك صجيتي راسي
اسرار :اوكي بريحك بس قول متى
ريان :7
اسرار :ول بكيرر
ريان :انتي تدرين متى يكون وقت الاذان هنا وبعدين تدرين متى ينامون
اسرار :اوكي اوكي خلاص لا تسويها سالفة انا بروح اجهز
ريان :و في احد ماسكك !
اسرار :الي قاهرني إن تعاملك هنا غير عن الجامعه ياليتك تصير مثل ما كنت في الجامعه مسكر فمك عن الثرثرة اريح لي
ومشت عنه
ريان :صدق طويلة لسان
دخلت اسرار الغرفة وسحبت جوالها واتصلت على بيتهم كلمتهم وبعدها اتصلت على بيت حنين ولا احد يرفعه
اسرار بخوف :من وصلت وانا ادق على بيتهم ولا احد يرفعه ياااربي مايكون فيك شي يا حنين ياااااااارب
في المستشفى كانت واقفة تناظر امها من النافذة الصغيرة نزلت دموعها على خدها ومسحتهم لها سديم وقالت :ادخلي لها
حنين :ما اقدر اشوفها كذا
سديم :تشجعي يا حنين تراء كل شي راح تقولينه لها بتسمعه صدقيني
حنين هزت راسها ولبست لبس العناية ودخلت لها
اول ماشافتها طاحت دموعها دمعه وراء دمعه وبدت تشاهق لين انهارت بالبكي وراحت حظنت امها وهي تشكي وحدتها في هذي الدنيا وتقول :يمـــــه يا اغلا البشر تدرين يا يمه من بعدكم شنو صار فيني تدرين كيف صارت حالتي يمه من بعدكم النوم جافاني والاكل عفته والفرح غاب عني يمه شنو اسوي في نفسي بدونكم يمه ردي علي انتي ترضين يصير فيني كذا ترضين تشوفيني ضعيفة تررررررضين اصحي يا يمه ورجعي لي الفرح من جديد مالي غيرك في هذي الدنياء لا تتركيني مثل ما سوى ابوي فيني اهئ اهئ يمه تدرين إن ابووي راح راح يا يمه راح آآآآه يا يمه آآآآه اهئ اهئ ما بقى لي احد في هذي الدنياء تعبت يا يمه اتعبت والله اتعبت ابيكم معي بجنبي حولي ليش تركتوني ثنينكم ليــــــــــش آآآآآه يايمه من دنيا فرقتنا آآآه اهئ اهئ يمه اشتقت لكم رجعولي لو بس يوم أقول لكم عن غلاكم في قلبي يمه قومــــــي يمه قومـــــــــــــــــــي بسك نوووووووووووووم اهئ اهئ بسك نوم يا يمه بسك نووووووم قومي شوفيني وحظنيني قومي مسحي لي دموعي قومي شجعيني قومي يا يمه قومي اهئ اهئ اهئ قوووومي يمه قووومي لا تتركيني وحيـــــــــــــدة آآآآآآآه آآآآآآآآآآآآآه آآآآآآآآآآآآآآآآآآآآآآآآآآآه
وبدت تزيد اهات حنين <<استحملي يا حنين الي بجيك بعدين مو سهل
دخلت سديم لها لانها ما استحملت منظرها وراحت بسرعه وحضنتها وبدت تهدي فيها
بعد ربع ساعة طلعوا من المستشفى وركبوا السيارة
سديم :محمد روح البيت
حنين وصوتها ضعيف من البكي :مو قلتي بنروح السوبر ماركت
سديم :انتي في وضع ما يسمح للسوبر ماركت
ابتسمت حنين من وراء نقابها وقالت :لا خلينا نروح السوبر يمكن ينسيني اشوي
ابتسمت لها سديم وقالت للسواق يروح السوبر ماركت
في السوبر ماركت
حنين :سديم مو هذي بت عمك
سديم ناظرت المكان الي تشير له حنين وقالت :أي والله هذي هي شكلها جايه تجهز للرحلة بروح لها
رنيم :كم مرة أقول لك انا عطيتك 100 مو 50 يا غبي
سديم :اهلين رنيم
رنيم دارت لسديم وابتسمت :هلا سدوووم جايه تاخذي للرحلة
سديم :يب يب وانتي ؟
رنيم :مي تو وناظرت في حنين الي تبعد عنهم اشوي وقالت :والامريكيه معاك بعد
سديم بستغراب :من تقصدين
رنيم اشرت بصبعها على حنين
سديم ضحكت :هههههههه قصدك حنين
رنيم :هي اسمها حنين توني اعرف اسمها حلوو بس كأن حزين
سديم :اممم يعني المهم يلا احنا بنروح
رنيم :انتظري بروح معكم
سديم :معنا انا عارفة انك مابتجين علشاني بس اوكي يلا مشينا
في الشركة
ضرب الطاولة بأيده بغضب وصرخ :كيـــــــــــــف يعني صار لكم 5 سنوات تبحثون عنها وللحين ما لقيتو شي
: ياطويل العمر المعلومات الي عطيتنا اياها مو كافيه علشان نقدر نلقاها
صقر وهو حدة معصب :اسمع ابيكم تجبون أي خبر عنها خلال شهر والا بتشوفو شي ماشفتوه
وهو خايف من غضب صقر:حاظر يا طويل العمر
وطلع ودخل صديقه جراح وهو يقول :شفيك معصب ؟!
جلس صقر على الكرسي وسند راسه وتهند تنهيدة طوووووويلة
جراح :اهااا فهمت الحين من تنهيدتك هذي ..للحين ما عرفو عنها شي ؟
صقر :لا ولاشي انا بنهار 5 سنين وللحين ماشافو عنها شي
جراح بتفكير :اممم انتو دورتوا عليها في قسم الوفيات
صقر انصدم ورفع راسه بسرعه
جراح :لا تنصدم كل شي ممكن ويمكن تكون ماتت
صقر :كيف مافكرت انها ممكن تكون ماا تـ ـت
جراح :لانك ماتبي تصدق انها تكون ممكن ماتت
صقر حس بضيقة وفتح زرار ثوبه وسند راسه وغمض عينه وقال :اتمنى انها تكون عايشة
جراح (الله يعينك يا صديقي لو صج كلامي وتكون مااتت راح يموت صقر وراها )
اول ما وصلوا الفلة نزلت رنيم بسرعه ودخلت وفسخت عباتها وراحت تركض فوق غرفة مشعل
كانت تناظرها بصدمه وقالت لسديم :هي كذا عادي؟!
سديم :هههههه لا تستغربين منها هي ماتتحجب عن اخواني ولا اولاد عمي تعتبرهم اخوانها ولا حتى صديق اخوي صقر تقول هو حملني وانا طفلة فليش اتحجب عنه
في غرفة مشعل
دخلت وما شافت احد عرفت انه ياخذ شور راحت وبدت تفتش في غرفته فتحت درج ولقت دفتر صغير اخذته وبدت تقرء فيه فجأة انسحب الدفتر منها رفعت راسها وشافت مشعل معصب وقال :ليش تفتشين اغراض غيرك ؟
رنيم :بس كذا حرة .. بس تعال قولي انت تبي تحب
رفع راسه بصدمه
رنيم :هههههههه انا قريت الي كاتبنه انك تبي تعيش قصة حب حقيقية
مشعل :صج ملقووووووفة
رنيم :الحين قولي صج تبي تحب حب حقيقي
مشعل تهند وجلس على السرير وقال :الصراحه ودي اترك المراهقة حقي واترك البنات وحب حب حقيقي اعيش فيه مررة وحلووة
رنيم :هههههههههههههه
مشعل بدء يتنرفز :ليش تضحكي ؟؟
رنيم :بمجرد اتخيل انك تحب هههههههه اضحك ابد ما يناسب لك
مشعل بتحدي :تتحدي احب واخلي الي احبها تحبني ؟!
رنيم :اوكي اتحداك
وضموا يدهم ببعض وناظرو في عين بعض وقالت رنيم :احلام جحا تشوف من تحبك هذا اذا انت صحيح ما بتلعب بذيلك
مشعل :راح نشوف من الي يفوز
رنيم :اوكي الي يخسر ينفذ طلبات الثاني لمدة 3 ايام
مشعل :اوكي اتفقنا اجل
في غرفة سديم
سديم وهي تحوس :يوووو شكلنا نسينا نشتري علكة افف
حنين :مو لازم
سديم :من قال مو لازم بتصل للسايق يجيب معه علبه
بعد ماخلصت سديم صارت تحوس في جوالها فجأة قالت وكأنها تذكرت شي :صحيح حنووون ما عندي رقم جوالك
حنين سكتت
سديم :شفيك ليه سكتي ؟
حنين :انا ماعندي جوال
سديم تفاجأت في هذا الزمن الكل عندة حتى البزرين عندهم بس ماحبت تفشلها فقالت :قومي معي
حنين بستغراب :وين ؟؟
سديم :قومي معي وانتي ساكته واخذي عباتك معك
حنين راحت وراها وهي مستغربة وين بتودينا
في السيارة
حنين :الحين مابتقولي وين رايحين ؟
سديم :خليها مفاجأة
بعد دقايق وصلوا لمحل
:محل الجوالات
سديم :راح نشتري لك اخر شي نزل في السوق يلا تعالي معي
دخلو المحل وشافت سديم جوال (جلكسي3) وسألت عن سعره
شهقت حنين وقالت :سدوووم الله يخليك انا ما ابيه سعره غااااالي كثيررر وبعدين هذا لمس وانا ما اعرف له
سديم :لا غالي ولا شي مافي شي غالي عليك وبعدين انا راح اعلمك عليه تراه مثل الحقي
اشترو الجوال وبسرعه رسلت سديم للبنات رقم حنين
حنين :مو عارفة كيف اشكرك يا سديم كلفتي على نفسك
سديم :لا كلافة ولا شي
في بريطانيا
وبالتحديد في شقة ريان واسرار
ريان وهو فاتح باب الشقة
اسرار جات تركض وقالت :انتظرني
ريان دار راسه وناظرها
اسرار :كنت ناوي تروح عني انا ما اعرف وين المطعم
ريان :وانا اتورط معك
اسرار :على الاقل كان خبرتني
حقرها ريان وطلع لانه عارف انهم مابخلصون لو استمر
اسرار لحقته بسرعه وصارت تمشي وراه وتناظر في الشوارع والناس و فجأة شهقت و وقفت منصدمه من المنظر الي شافته
وقف ريان بستغراب ودار لها وشاف عينها الي توسعت من الصدمه وفمها الي فتحته من الدهشة استغرب وناظر الاتجاه الي تناظر فيه اسرار وفجأة :ههههههههههههه هههههههه
اسرار ناظرت فيه بستغراب
ريان :راح تتعودين تشوفين هذي المناظر هنا
اسرار وهي منقرفه منهم :هذيلا مايستحون قدام العالم اصدق ما عندهم بيوت يسون فيها الي يبون
ريان دار عنها وبدء يمشي وهو يقول :تلاقينهم مو متزوجين
شهقت اسرار بصوت اعلا من الصدمه والكل التفت لها نزلت راسها بحراج وراحت تركض وراء ريان الي سبقها
وصلوا لمحطة الباصات وركبوا فيها وكل واحد راح مكانه 10 دقايق و وصلوا
قدام المطعم
ريان :ادخلي اول وبعد 10 دقايق بدخل انا
اسرار :اوكي
دخلت اسرار وصارت تبحث عنهم شافت امجاد تأشر عليها ابتسمت لهم وراحت وجلست على الكرسي
امجاد :كيف عرفتي مكان المطعم توقعتك بضيعي ؟
اسرار برتباك :هاا... ايه.. سألت عنه وقالو لي وين
شهد :الحمد لله انك ما ضيعتي
اسرار اكتفت بأبتسامه لها
ريم :ياااربي جعت
فيصل :خسئ الجووع الحين نطلب وتاكلين ليــــن تقولين بس
امجاد بسرعه :لااا ما راح نطلب شي لين يجي ريان
فهد :شكله راح يتأخر خلينا نطلب واذا جاء نطلب له
امجاد :لا انا واثقة انه قرب انتظرو ماب تخسرون شي
اسرار (ليش هي مهتمه فيه كثيرر غريبة لا يكون تحـ .. قطع عليها صوت ريان :السلام عليكم
الكل :وعليكم السلام
بندر :واخيييرا شرفت متنا من الجوع
ريان حقر بندر وناظر النافذة
بندر مانصدم لانه كان متوقع منه هالشي مو غريب عليه
اسرار (صدق مغرووور حتى صديقة يحقره )
طلبوا لهم الاكل وبدوء ياكلوا بهدوء
صرت اناظرهم كيف يكلون التفت لريان وهو ياكل كان هادئ حسيت بطريقة اكله انه راقي وكأنه اميــر ضحكت على طريقة تفكيري رجعت ناظرت في الصحن وانا متورطة كيف اكل واقطع اللحمة بدون لا امسكها احترت معها بس فجأة حسيت بصحن انمد لي رفعت راسي وشفت فهد يبتسم لي ويقول :حبيت انا اقطع لك بمناسبة انضمامك لنا
فرحة كثير وحسيت بالفرج شكرته واخذت صحنه وعطيته صحني
وكان هذا كله تحت انظار ريان
بعد نص ساعه
امجاد :الحمد لله هذا المطعم اموووت فيه
شهد :امم اكلهم وااجد حلوو وغير كذا اسلامي
فهد :عن اذنكم بروح الحمام
بندر :وانا بعد
اسرار رفعت عينها على ريان الي كان يناظر في النافذة وسرحان لبعيـــد
اسرار (ليش هو كله سرحان احس وراك اسرار يا ريان )
حس فيها وناظرها بس هي بسرعه نزلت راسها
فيصل :انا وريم بنروح تبون شي
امجاد :لا سلامتكم مع سلامه
اسرار بستغراب :امجاد
امجاد :هلا
اسرار :فيصل و ريم متزوجين او مخطوبين ؟
امجاد :لا مومتزوجين بس يحبون بعض من زماان وناوين اذا خلصوا دراسة يخطبون
اسرار بصدمه (وش خلوا للأجانب يتزوجون وفكون حالهم )
في الحمام
بندر :اجل هدية بمناسبة انضمامها للمجموعة
فهد مافهم بعدها قال :اهااا ههههههه حسيتها متورطه ومو عارفة كيف تقطع اللحم ما حبيت احرجها فقلت هدية
بندر :توقعت طول عمرك طيب وتعرف الواجب
فهد :احم احم لا تمدح وااجد تراء اصدق
بندر :ههههههه
في قصر من قصور السعودية
فتحت درج كمدينتها وطلعت صورته ابتسمت وقالت: واخيررراً راح ترجع اشتقت لك
طقت الباب ودخلت
رفعت راسها لاختها التوام وابتسمت دخلت الصورة الكوميدينا
جنى ببتسامه باهته :صورة سلطان
لمى ببتسامه مشرقة :يب يب تصدقين جنى كل ما قرب وقت وصوله قلبي يزيد نبضاته
جنى بضيق :يوصل بسلامه
لمى :اميييييييين ...اااه اشتقت له انتي الوحيد يا اختي تحسين فيني انتي توامي واكيد حاسه بقلبي كيف مشتاق
جنى (حااسه يا اختي حااسه لانا قلبي بعد مشتاق له )
لمى :تتوقعين يحبني؟؟
جنى (بس بس يكفي يا لمى انتي تعذبيني كذا انتي ما تحسي بالنار الي تشتعل في قلبي اختي التوام تحب نفس الي احبه والله صعبه على قلبي تحمله )
لمى بستغراب :جنى ليش ساكته انا اكلمك ؟!
جنى :اسفة لمى بس انا تعبانه بروح غرفتي انام
لمى :اوكي حبيبتي روحي نامي ورتاحي
دخلت غرفتها ونزلت دموعها :ليـــش ليـــش تحبين نفس الشخص الي احبه ليش انكتب علي إني اضحي بحبي الاول لجل سعادة غيري ليش يصير معي كذا آآآآآه يا لمى عذبني حبك لسلطان سلبتي مني قلبي آآآه انا لازم انسااه لازم
في غرفة مشعل
رنيم :لالالا الخطة الي قلت لك عنها احسن واحلا صدقني بتموووت ضحك عليهم
مشعل :لا فكرتي احسن وبتكون حمااااسيه
رنيم :افف تراك اديتني بفكرتك هذي خلاص نسوي فكرتي احسن
مشعل :لا حبيبتي فكرتي هي الي راح تتنفذ
رنيم :لا والله ماتسويها فكرتي احسن من فكرتك بمليووون مرة وهي الي راح تتنفذ
مشعل :نعم انسه رنيم شنو تفضلتي أقول فكرتي هي الي بتتنفذ
رنيم :لا فكرتي هي الي بتتنفذ
ممشعل :لا فكرتي
رني :لا فكرتي
وما زالو يتنافسون على الخطط والمغالب الي راح يسونها في المزرعه
بعد يومين
يوم المزرعه
.
***
**
*