ذكرى الحب - 🗯البارت السادس 🗯 - بقلم منه فرحات (موني) | روايتك

هالوووز باللوز على عيلتي التانيه اللي خصصت وقت من يومها عشان يقروا رواياتي انا عارفه انكم متقدروش تقاومو رواياتي اصلا 😂 شوفتو انا متواضعه ازاي يلا بينا نبدأ البارت الجديد ويارب ينال اعجابكم وبفكركم تكتبولي تعليق جميل زي قلوبكم عشان تحمسوني على الكتابه الكاتبه منه فرحات(موني ) نظر الجميع بصدمه لذلك المشهد مريم وهي تبكي بشده وهي في حضن عمار.......عمار الحقني يا عمار الحقنيييي عمار وهو يخرجها من حضنه.......في ايه ايه اللي حصل يقين بهمس للين......مين بت الجزمه اللي بتحضن جوزي دي لين بنفس الهمس......مريم يقين.......اااه قولتيلي...ايوة يعني مين ست زفته لين......اهدي هتفضحينا عمار......طيب بس بطلي عياط وبصيلي يقين لنفسها......يا حونين مريم بانهيار......كنت قاعده في شقه واحده صحبتي وهي مسافرة وسابتهالي لحد ما فلتي تخلص عمار.....تمام كملي مريم......كنت بتفرج على التليفزيون وفجأة لقيت حرامي دخل عليا الشقه كان شكلو مرعب اوي يا عمار وارتمت في حضنه مرة اخري يقين بهمس للين......قسما بربي حجيبها من شعرها لين.....استنى بس يا معلم انا ححل الموضوع ده ذهبت لين ناحيتهم وانتزعت مريم من حضن عمار واخذتها في حضنها لين.......اهدي بس يا حبيبتي ماتعمليش في نفسك كده زهرة......وعملك حاجه يابنتي مريم......لا يا طنط مالحقش انا جريت على تحت علطول قبل مايشوفني يقين لنفسها......ياريتو كان شافك يا ختي وخلصنا عمار بغضب......مانا قولتلك يا مريم تيجي هنا كنتي حتبقى مبسوطه يعني لو حصلك حاجه زهرة......اهدى بس يا عمار وانتي يا لين خدي مريم اوضه الضيوف ترتاح وخليكي معاها لين بضيق......حاضر يا ماما زهرة......ورد ورد بت يا ورد كانت يقين تنظر على عمار بغضب وتتمتم بكلمات غير مفهومه في سرها زهرة......انتي يا زفته يقين بانتباه.......ايوة يا حجه زهرة......تاني حجه انتي مابتحرميش المهم يلا روحي على المطبخ حضري الاكل سراج زمانه جاي يقين.......حاضر رايحه اهو وظلت واقفه حتى طلعت لين مع مريم زهرة ......انتي يا بنتي يلا يقين بارتياح.......كده تمام انا رايحه دخلت يقين المطبخ زهرة......لازم تفضل الفتره دي هنا مش حينفع نسيبها لوحدها عمار......عندك حق انا حتكلم معاها في الموضوع ده زهرة بابتسامه.......تمام يا حبيبي اطلع غير هدومك زمانك تعبان عمار.......اوكي _____________________ في الحارة على القهوه مازن......هاااا يا بني صحبك ده حيتاخر أحمد......اهو جه اهو أحمد وهو يسلم على رؤوف......اووفه حبيبي رؤوف......معلش يا جماعه اتأخرت عليكو مازن.......لا ولا تأخير ولا حاجه المهم انا مازن المستاجر اللي أحمد كلمك عنه رؤوف......تشرفنا بحضرتك بس ممكن اسالك سؤال مازن......اتفضل رؤوف......اصل شكل حضرتك باشا كده وكمان لبسك نضيف وكمان راكن عربيه على أول الحارة ايه اللي يخليك تاجر الشقه والمحل بتوعي في المكان المعفن ده مازن......ظروف بقى يا اخ رؤوف أحمد......المهم خلونا في المفيد حنمضي العقود بكرة رؤوف ......مفيش مشكله بس نتفق الاول مازن......وانا تحت امرك في اللي تطلبه رؤوف......حاخد ٥ تلاف في الشهر مازن.....مافيش مشاكل رؤوف......انا زي ما أحمد قالك كده مسافر واختي وامي ساكنين في الشقه اللي في وش الشقه اللي انت حتاخدها حتدفع لأمي كل اول شهر الإيجار مازن......تمام رؤوف......بس هي الشقه والمحل يعني عاوزين شويه تشطيبات صغيرة خالص مش حتحس بيهم مازن......خلاص ماشي طالما شويه حاجات صغيرة تمام أحمد.......على بركه الله اتفقنا __________________ وفي الفيلا وبالخصوص في المطبخ يقين وهي تدور حوالين نفسها.......بت الصرمه داخله تحضنه بكل بجاحه وقال ايه الحقني يا عمار الحقنييي جتك شكه في لسانك يا شيخه وظلت تقلدها حتى التفتت إلى الوراء وجدت عمار في وجهها يقين بخضه......انت طلعت منين اعوز بالله من الشيطان الرجيم عمار بضحك.......ايه شوفتي عفريت يا ورد يقين بضيق.....عاوز ايه عمار......مالك يا بنتي بتاكلي في نفسك كده ليه يقين......مالكش فيه عمار.......طيب انا كنت جاي عشان ماما بتقولك ابقي نادي على مريم عشان تتغدى يقين وهي تمسك المعلقه ووتجهها نحوه ......معاك تلت دقايق يا عمار لو مخرجتش من المطبخ حعورك انا على اخري عمار......حتعوريني بالمعلقه يقين بصرااااخ.........برررررررة خرج عمار بخوف.......يابت المجنونه ___________________ وفي الحارة محسن........يا أرض اهدي ماعليكي قدي عبرنا يا مكهربنا بسمه......استغفر الله العظيم يعني لازم كل يوم اضربك واهزقك عشان تمشي يا محسن محسن.......ومالو ضرب الحبيب زي اكل الزبيب بسمه وهي تخلع الشبشب ........هو انا اقدر ارفضلك طلب بردة يا حسونه عيب يا راجل ونزلت فوقه بالشبشب حتى انتزعوها من عليه بسمه والستات برجعها للخلف........عاوز زبيب كمان يا محسن محسن وهو بيبعد للخلف بخوف.......يصح كده يا بسمه بردة بسمه......سيبوني عليه ده عايز يتربى فتحي......انت يابني مابتحرمش لازم كل يوم تتهزق في الشارع يعني محسن.......بحبها ياعم فتحي بسمه.......حبك برص وعشرة خرس ده انت منتن يالا ريحتك جايبه اخر الحارة سيبي يا وليا عشان بقولكم ده عايز يتربي امو فاتن......اخفي ياض يا محسن من قدامها دلوقت مش لسه فاتحه دماغك بالطوبه من أربع تيام محسن.......ماشي يا بسمه بكرة تحبيني واخد نفسه ومشي والستات سابو بسمه بسمه......اتفو عيل نتن امو فاتن.......يابت انتي مش ساكته الا لما تموتيه بسمه......عيل مترباش اسيبو يعني فتحي......اطلعي يا بسمه ربنا يهديكي ___________________ في الفيلا أمام غرفه مريم يقين بتنهيده وهي تحدث نفسها.......ريلاكس يا يقين اهدي يامه حتدخلي وتقوليلها الاكل جاهز سهله مش لازم يعني تجيبها من شعرها دخلت يقين وكانت مريم جالسه أمام المرأه تضع مساحيق التجميل مريم.......انتي يا ماما مش فيه باب تخبطي عليه يقين لنفسها......ريلاكس ريلاكس يقين.......الاكل جاهز تحت مريم......هو انا مش بكلمك يقين.......الاكل جااهز وخرجت من الغرفه مريم......قليله الادب رن هاتف مريم باسم معتز مريم......الو معتز.....مريومتي طمنيني ايه الاخبار مريم......كله تمام انا في الفيلا دلوقت وشويه صغنين وحيجي عمار بنفسه يتحايل عليا اني افضل هنا معتز......يا واثق من نفسك انت مريم......امال يابني هو احنا بنلعب معتز......اوكيه عاوز الاخبار توصلني اول باول ومش عاوز حد يشك فيكي يا مريم فاهمه مريم......خلاص يا معتز فاهمه فاهمه يلا سلام عشان بينادو عليا للغدا معتز.......سلاام _________________ وفي الاسفل سراج.......روح قلب بابا من جوه لين......وحشني موت يا بابا اكتر واحد في البيت ده انت سراج بضحك......هششش امك تسمعك حتنفخك زهرة.......عيله واطيه مالكيش غير ابوكي يا ختي لين......منورة يا زوزو ده انتي الحب كله زهرة......بنورك يا بكاشه هانم نزلت مريم وكانت ترتدي فستان كات قصير وتاركه شعرها مفرود على ظهرها مريم.....ازيك يا انكل سراج سراج....مريومه ازيك عمار.....مساء الخير يا جماعه الجميع .......مساء الخير زهرة.......بت يا ورد هاتي الاكل يلا ورد يا ورد لين ......شكلها مش سامعه عمار.......طيب انا حدخل اغسل ايدي واناديلها زهرة ....تمام في المطبخ كانت يقين سارحه وتبكي في صمت عمار من الخلف......احم ورد مسحت يقين دموعها وادارت وجهها للخلف....امممم عمار......ماما بتنادي من ساعتها يابنتي مش سامعه يقين......معلش مسمعتهاش عمار.....مالك شكلك مضايقه ماما عملتلك حاجه يقين......مفيش مخنوقه شويه بس عمار بمرح......يا شيخه ده انتي كنتي حتقتليني بالمعلقه من شويه ابتسمت يقين بحزن عمار بابتسامه.....ايوة كده اضحكي شكلك مستفز وانتي مبوزه بس مقولتيليش برضو ايه اللي معصبك كده يقين.....مين البت الصفرا اللي برا دي عمار باستغراب.......قصدك مريم يقين......ايوة زفته عمار.......دي كانت زميلتي في الكليه وبينا شغل حاليا يقين......ومكلمتنيش عليها قبل كده يعني عمار باستغراب.....وهو ايه اللي حيخليني اكلمك عنها يقين بتوتر.......يعني مش احنا صحاب عمار بابتسامه.......ايوة يا ستي صحاب بس يعني احنا معرفش بعض غير من تلت تيام اكيد مش حلحق احكيلك عنها يقين بحزن......ايوة تلت تيام عمار وهو بيقلدها.......يادي ام البوز ده انتي بحالات يا بنتي يقين بضحك......طيب يلا قبل الوليا امك ماتزعق ضحك عمار بشده......الوليا طيب يلا يا ختي وعلى السفرة كانت يقين تضع للجميع الطعام حتى جاءت أمام مريم يقين......عايزة تكلي مريم باستغراب.......امال حتفرج عليهم يقين وهي تضع لها الطعام وتمتم بكلمات في سرها ......بالسم الهاري دخل مازن وجدهم ياكلون زهرة......لو عاوز تاكل تعالى سراج.......تلاقيه كال برة هو دة بيستنا حد نظر لهم مازن وطلع دون رد سراج.......شايفه قله الادب مابيردش عليا لين......اي حد مكانش مش حيرد زهرة......انتي بتقولي ايه لين......انتو مش شايفين ان انتو بتعاملوة بطريقه مستفزة وبعدين ليه منستناهوش لما يجي وناكل كانت زهرة ستتحدث ولكن قاطعها نزول مازن وبيده حقيبته عمار......ايه الشنطه دي يا مازن مازن.......دي شنطه هدومي سراج......وياترى رايح تصيع فيني حته مازن.......اظن ان وجودي من عدمه مايفرقش معاكم زهرة......اتكلم مع ابوك بأدب يا ولد يقين بهمس ......ولولو عليكي بدري يا بعيده خرج مازن زهرة......ولد يا مازن انت يا ولد عمار.......ماما لو سمحتي انا حتكلم معاه اهدي وخرج ورا عمار سراج.......عيل مش متربي لين بضيق......بجد انتو بقيتو غربه اويي وطلعت على غرفتها مريم......اهدي يا طنط اهدا يا انكل ماتضيقوش نفسكم يقين بهمس......نططوكي على الازاز يا بعيده وطلعت عند لين _____________________ عند مازن وعمار عمار......اهدا يا بني حفضل اجري وراك يعني مازن......نعم يا عمار عاوز ايه عمار......تعال نقعد على اي كافيه نتكلم ماتمشيش وانت متعصب كده مازن...تمام يلا وفي الكافيه عمار......انا بجد مش فاهم هما بيعملو كده ليه بس يمكن مضغوطين مش اكتر مازن......عمار انت مش فاكر اخر ست سنين من حياتك وقبلها كنت بتتعلم برا مصر يعني يعتبر ماتعرفش طباعهم ولا ازاي هما على كول كده مش حكايه ظغط عمار.......وانت ناوي تعمل ايه مازن......حسكن برا وحفتح مشروع لنفسي بالفلوس اللي معايا عمار.....بص انا يمكن مش فاكر بس انا عارف اخويا وعارف كمان اهلي واكيد في سبب للي بيعملوة وانا مش حقولك ماتمشيش بالعكس لو عاوز اي حاجه اعرف ان اخوك في ضهرك وابدا من جديد واعمل كيانك لنفسك من غير حد مازن بابتسامه......مانحرمش منك ابدا ____________________ في غرفه لين لين بعياط.......هما ليه بيعاملوة كده من وهو صغير مازن طيب اوي مايستهلش كل ده يقين وهي تاخذها في حضنها.......خلاص يا روحي اهدي بس بصراحه اهلك دول مستفزين لين......يقين يقين......ايه مادي الحقيقه انا بكتب يعني لين ......ياترى حيروح فين بس يقين......ماتخفيش الواد حمودي حيشوفله مكان لين......مين يقين .......احمد اخويا لين......ونبي ماتجيبي سيرة الكائن ده يقين.......نيل ايه المنيل على عينه لين......استنى ححكيلك ظلت لين تحكي ليقين ماحدث وفات اليوم دون أحداث جديدة غير ذلك ________________ في صباح اليوم التالي في غرفه يقين يقين.......اتنيلي يا فاتن قولي الحروف صح عشان ماروحش الصيدليه الدكتور يضحك عليا فاتن......بمليكي صح انتي اللي طرشه يقين.....طيب اقفلي يل فاتن عشان ماضربكيش في الموبايل سلام فاتن ......سلام يقين بعد ان اغلقت .......طيب وبعدين في البت الصاروخ اللي برا دي الواد عمار حيخيب باين عليه لازم انيل اي حاجه نظرت لنفسها في المراه يقين......مافك ام الضفيرتين والاشارب دول بدل مانا عامله زي عم فتحي كده الواد حيتفش مني فكت يقين الضفيرتين والاشارب وتركت شعرها الاسود منسدل على ظهرها ولبست دريس بدلا من العبايه الفلاحي ووضعت ملمع شفاه وكحل بسيط ونزلت للمطبخ يقين بغناء وهي تحضر الإفطار....... اكدب عليك اممم اكدب عليك اكدب عليك اكدب عليك اكدب عليك لو قولت بحبك لسه اكدب عليك اكدب عليك لو قولت نسيتك همسه اكدب عليك كان ينزل عمار على السلم حتى سمع صوتها من المطبخ فابتسم واتجه ناحيه الصوت عمار.....احم احم صباح الخير التفتت يقين له وابتسمت .......صباح العسل اعسل عمار باستغراب من شكلها.......ايه ده انتي مين يقين بضحك......اخس عليك مش عارفني يا ابو العمامير عمار.......ابو العمامير لا مش معقول ورد انتي استحميتي ولا ايه يقين.......تصدق غلطانه اني بكلم واحد مهزق زيك اطلع برا يالا عمار.......لمي لسانك يا كلب البحر انتي يقين بشهقه......هيييي انا كلب البحر يا أنثى الخنفساء عمار.......اسم الله ده انتي كنتي شبه الصرصار بالضفرتين بتوعك يقين......انت عايز تضرب يعني عمار وهو يمسكها من ياقه الدريس.......اتكلمي على قد حجمك وأكمل وهو يهشها.......روحي العبي في جنب يا شاطرة يقين.......يبني ماتعصبنيش حتنضرب وحيبقى شكلك وحش عمار......يابت انتي عند ركبتي انا خايف ادوس عليكي يقين.....مش ذنبي انك طويل واهبل...يا ابو طويله عمار.......انا شاكك انك من الأقزام السبعه اساسا يقين وهي تمسك المعلقه......انت شكلك محرمتش من امبارح عمار بشرشحه.......لا بقولك ايه حتمسكيلي المعلقه حمسكلك الشوكه انتي ماتعرفينيش يقين.......طيب خد هنا بقى كدا ومسكته من التيشرت وبتعضو من ودانو عمار.......اااه يابت العضاضه ومسكها من شعرها بيبعدها حتى دخلت زهرة المطبخ الوضع كالآتي يقين بتاكل ودن عمار😂 وعمار بيشد شعرها يبعدها وزهرة واقفه مصدومه يقين سابت ودانه وعمار ساب شعرها زهرة......ايه اللي بيحصل هنا ده عمار بتلعثم.......انا انا هههه انا جعان وخرج من المطبخ قربت زهرة من يقين........انتو كنتو بتضربو بعض يقين ببكاء مصطنع.......بصراحه مش حخبي عليكي انا لما بجوع جامد بقفش في ودان اي حد قدامي وهو اللي كان هنا بقى اعمل ايه زهرة بصدمه😳 .......يخربيتك بتاكلي باني ادمين يقين بهمس وقربت منها ........مش انا اللي باكلهم زهرة بخوف وبنفس الهمس.......اومال مين يقين........ربنا يجعل كلامنا خفيف عليهم زهرة برعب .......انتي قصدك...... اومات يقين بمعنى ايوة .......دول لما بيعرفو ان حد ضايقني ولا عملي حاجه تزعلني بيجولو من تحت السرير وهو نايم وبياكلوة من ودانه زهرة بارتعاش😨.......وانتي يابنتي مابتخافيش منهم يقين.......لااا خالص ده احنا بقينا صحاب حتى تحبي اعرفك عليهم زهرة وهي بتجري خارج المطبخ ........للللااللااااا لااااااااالللللا يقين بضحك.......يخربيتك يا زوزو طلعتي جبانه معلش بقى استحملي مرات ابنك طالعه من سرايا المجانين ____________________ في الحارة كانت بسمه عند عم فتحي بسمه.......ياعم فتحي مليون مرة اقولك بلاش خل على البتنجان عشان القولون فتحي.......بت انا مش فايقلك على الصبح كولي وانتي ساكته بسمه......كده يا توحه طيب واللهي لاشتكيك لنعمه هاا فتحي .......وانا يعني حخاف يبت نعمه . من البلكون.......فتحيييي فتحي.......ايوه يا روحي بسمه بضحك........اطلع ياعم فتحي اطلع منصور صبي القهوه اللي في الحارة.......ماعرفتوش اللي بيحصل بسمه......ارغي يا منصور منصور.......عم ابو محسن صاحب القهوة بيتعارك مع واحد وحالف ليعلقو بسمه بحماس......اللله انا رايحه اتفرج فتحي......رايحه فين يبت اقعدي انتي مش لسه ضربه ابنه امبارح بسمه......مش قادرة فضولي حيموتني وفي الخناقه ابو محسن(سيد).......بقى انت يلا يانتن تشتمني ياض طيب وربنا لانفخك مازن......وربنا وربنا يا فندم انا كنت بطلب قهوه بالنجليزي عادي سيد.......وكمان بتقولي يا فندم ده انت ليلتك سوده واعطاه بوكس محترم في نص وشه مازن......يالهووويييييييييي بسمه بفضول وهي لا ترى جيدا.......مين يا ام ابراهيم مين هاا ام ابراهيم......ونبي يا بسمه ماعرف واحد نضيف كده بس شكلو مش من هنا بسمه بشك.......نضيف وشكلو مش من هنا يارب يكون اللي في بالي دخلت بسمه داخل الخناقه ولقيتو فعلا مازن بسمه بابتسامه خبيثه.......ابو نسب ازيك يا راجل مازن بتوسل.......ابوس رجلك يابسمه الحقيني بسمه وتهمس جنب اذنه ........عاوزة اكله فسيخ واطلعك من الموضوع صاغ سليم مازن بعدم فهم.......حعمل اللي انتي عاوزاه بس ونبي انا تعبت بسمه بزعيق وهي تبعد مازن عن سيد وتوقفه وراءها.......في ايه يا معلم سيد بتستقوى على الضعيف ولا ايه سيد.......اطلعي منها انتي يا بسمه احسنك بسمه........لالالالا خوفت انا صح طيب يبقى حد يقربلو تاني وانا حوريه محسن وهو يأتي من بعيد.....في ايه اللي بيحصل هنا ده يابا سيد......الواد الجربوع ده بيشتم ابوك ياض يا محسن محسن وهو يشمر كمامه.......قالك ايه يابا وانا اشرحهولك هنا بسمه......اهدى على نفسك يا سوسو الا يطقلك عرق ولا حاجه تشرح مين ياض محسن......وانتي مالك بيه يابسمه بسمه.......دا دا دا خطيبي يا محسن نظر مازن لها بصدمه......انا محسن.......خطيب مين يابت انتي هبله انتي بتاعتي يابسمه فاهمه ولا لأ بسمه........بت لما تبتك يا عرة الرجاله انا مش بتاعت حد يا عنيا وخطيبي قدامك اهو ولا مش مالي عينك محسن.......انتي كدابه يا بسمه انتي اتخطبتي امتا وفين الدبله بسمه......لسه مجبناش الدهب ومتخافش يا محسن مش حعزمك عشان متعرنيش قدام الشهوات اللي حيحضرو محسن........ماشي يا بسمه ان ماوريتك يلا يابا بينا بسمه بصوت عالي .......انا بقول قدام الحارة كلها اهي مازن خطيبي والكل معزوم ماعدا محسن هااا _____________________ لين.....ماما ماما ماماا زهرة برعب......اممممم لبن......مالك يا ماما سرحانه في ايه زهرة.......مفيش يا حبيبتي كنتي عاوزة ايه لين.......انا رايحه النادي تيجي معايا زهرة......لا انا مش قادرة اطلع من البيت النهاردة لين.......اوكي انا ماشيه زهرة.......خدي مريم معاكي بدل ماهي قاعده في اوضتها لوحدها لين بضيق......معلش ياماما هي ماتعرفش صحابي وحتتحرج منهم خرجت لين وكانت ترتدي سيلوبت وردي ورافع شعرها ديل حصان ولبسه كاب دخلت لين السيارة دون حديث أحمد بضيق وهو يركب .......في حاجه اسمها صباح الخير على فكرة لو ماتعرفيش يعني لم تتحدث أيضا أوقف أحمد السيارة فجاه لين بخضه........انت مجنون كنت حتموتنا أحمد......لمي لسانك يا لين لين........بالنسبالك لين هانم علفكرة أحمد.......ماتستفزينيش اكتر من كده لين.......انت كائن غريب مالك ومالي يا اخي حتطني في دماغك ليه يا اخي حد مصلتك عليا أحمد......انزلي لين.......انت مجنون حتنزلني في الشارع أحمد باستفزاز.......احنا وصلنا يا لين هانم لين باحراج.......ااه تمام امشي انت بقى أحمد.......شيء مايخصكيش لين.......انسان بارد أحمد.......من بعض ما عندكم دخلت لين بغيظ من ذلك المستفز أحمد واللهي لاربيكي من اول وجديد يا لين __________________ في الفيلا مريم.......انتي يا اسمك ايه انتي هاتيلي قهوه يقين.......اولا اسمي ورد ثانيا رجلك مش مقطوعه قومي اعملي لنفسك انا بسمع المسلسل مريم .......هو مش انتي الخدامه يقين وهي ترفع اصبعها بتحزير.......اياكي ثم اياكي اسمع الكلمه دي تاني وشاور على نفسها .......بقى القمر ده خدامه امال انتي ايه كيس زباله مريم.......انتي واحده قليله الادب عماار يا عماار يقين وهو تقلدها........عماار يا عمااار عمار........فيه ايه يا مريم بتنادي كده ليه مريم.......الباني ادمه دي بنقول عليا كيس زباله عمار بحده......ورد انتي قولتي كده فعلا يقين بصدمه مصطنعه.......إن شالله انتص في نظر مريم هانم ماقولت عمار وهو يكتم الضحك.........يمكن سمعتي غلط يا مريم ولا حاجه مريم.......بقولك سمعتها بوداني نظر عمار ليقين مرة اخرى......ورد يقين........ده انا بقول لعم عبده يرمي كيسه الزباله هي اللي سمعت غلط عمار.......خلاص بقى يا مريم اهي قالتلك اهي يلا انا حمشي بقى عشان اتأخرت خرج عمار وما ان خرج حتى ضحك بشده لانه يفهم انها قالت ذلك بالفعل نظرت مريم لها بغيظ وغضب وبالمقابل نظرت يقين بابتسامه سمجه مستفزة وهي تهز حاجبيها ____________________ في الحارة أمام محل عم فتحي يجلس كل من فتحي ونعمه ومازن وبسمه مازن........اااااه براحه يعم الحج مراخيري فتحي.......اتنيل بقى اكتم لما اخلص مازن........انت بتدهنها ايه فتحي........زيت زيتون مازن.........يالهووويييييييييي هي طبق فول نعمه........وانت يا منيل ايه اللي خلاك تتعارك مع سيد مازن.......واللهي ياطنط نعمه ........يا مصبتي طنط انت بتشتمني يا واد بسمه بضحك........لا يا نعومه طنط دي يعني انسه نعمه........اااه قولتيلي مازن بصدمه.......ايه ده بسمه........اخلص ايه اللي نيلك مع سيد مازن........واللهي انا كنت قاعد على القهوة فالقيت الراجل ده جاي عليا وبيقولي تشرب ايه ياض قولتلو عاوز كابتشينو اسيبرسو انصدم نفس صدمه الحجه نعمه دلوقت وعينك ماتشوف الا النور بسمه........وانت بتشتمو ليه يعني مازن.......ياللهووي انتي كمان فكراني بشتمو انا كنت بطلب قهوه عادي بسمه........طيب ماتتنيل تقول عايز قهوه لازم انعرة كدابه يعني مازن.......انتو شكلكم كلكم بيءه وجهله بسمه........ولا اظبط ياض ونعمه زي ماطلعتك من تحت ايدو اوديك تاني مازن بخوف.......ده انا بهزر معاكي يا بسمه انتي صدقتي يا شيخه نعمه........طيب يا فالحه حتعملي ايه بعد لما قولتي انه خطيبك بسمه.......بصراحه مش عارفه بس انا قولت اهي حجه اخلص بيها من الزفت اللي اسمو محسن ده فتحي........مفيش حل غير انكم تتخطبو فترة مازن........نعم مستحيل بسمه........اكتم ياض كمل يا توحه فتحي.......عشان سمعتك وكمان عشان محدش يقربلو تاني زي مابيقول حيقعد فترة هنا وبعدها بشويه تبقو تسيبو بعض باي حجه نعمه.......صح يا ولاد ده الحل الوحيد بسمه بعد تفكير.......يا مصبتي فتحي .......ايه يابنتي بسمه وهي تجري على المنزل ........المسلسل شغال بقاله ربع ساعه وخلص على حته حلوة امبارح مازن..... ايه ده فتحي بضحك.......دي بسمه يعني اشرب بقى __________________ في غرفه لين لين.......الو ايوة يا حبيبي بتعمل ايه دلوقت صلاح.......قاعد باكل وانتي لين........بكلمك صلاح........طيب ايه بقالك يومين هنا ولسه ماشوفتكيش وحشاني اوووي علفكرة لين........خلاص اوعدك نتقابل بكرة اوكي صلاح.......اوكي سلام انا بقى عشان ورايا معاد شغل مهم وحجهزلو دخلت يقين للغرفة وشاورتلها لين ان تنتظر لين .......اوكي يا قلبي باي صلاح........باي لين بعد ما قفلت........اقعدي يا يويو واقفه ليه يقين وهي تجلس بعصبيه.......انتي لسه على علاقه بالزفت ده لين.......حتفضلي طول عمرك مابتحبيش صلاح يا يقين هو عملك ايه لكل ده يقين........ماعملش يا لين بس هو مش كويس صدقيني انا مش مرتحاله لين.......بطلي هبل يا بنتي انا وصلاح بنحب بعض من سنتين عمري ما شوفت منه حاجه وحشه يقين.......ماتسميش ده حب انتي عايزة اي حد والسلام يملا الفراغ اللي اهلك عملهولك وخلاص لين.....حتى لو كده زي مابتقولي طيب مانا فعلا يعتبر ماليش اهل عمرهم ماعرفو يحتووني علطول كنت بحس اني مش بنتهم وبعدين ارجع ابص الاقيهم بيعملو اخواتي بنفس الطريقه مش انا بس امتلأت عين لين بالدموع اخذتها يقين في حضنها قاءله........بس يا بت بطلي عبط انتي مش لوحدك عندك اخين زي الحيطه اهم قمر ماشاء الله وخصوصا الواد ابو العمامير اللي تاعبني معاه ده ابتسمت لين من بين دموعها........شكلنا حنفضل منحوسين طول حياتنا يقين.......يخربيت فقرك عيله نحس قومي يا بت شغلي اغاني نرقص حبه شغلت لين اغنية ايه اليوم الحلو دة وظلت يرقصو ويغنو بطرق مضحكه وبكده حلقتي الجميله خلصت يا حلوين باااااي منه فرحات(موني)