روايــــة الانــــتــــقــــام - بداية الأنتقام - بقلم قباء المصري | روايتك

البارت ٥ أيان: بتمنى هشي،،سلام أنا بدي روح بدك مني شي؟ مازن:سلامتك أيان:ادعيلي مازن:الله يوفقك وترجعلك ذاكرتك أيان:اميين،،يلا سلام لف أيان ومشي وهو منزل راسو على الارض،،وبفكر شو بدو يحكيلها،،وصل أيان عالبيت،،وقف عند الباب يفكر يفكر شلون بدوا يقنعها انو خلاص هو معاد يعمل نفس هيك،،وكيف بدوا إياها تصدقوا وتثق فيه من جديد فتح الباب وفات وبلش ينادي أيان:خالتي ام فايز؟،،خالتي ام فايز؟،،خالتي؟،،خالتي وينك؟،، فات على مكان ما تهاوشو ورجع ينادي أيان:خالتي ام فاايز؟ لف وطلع من الصالة وراح على غرفة نومها وبلش يطبل أيان:خالتي انتي هون؟،،شكلا مو هون وقف ثواني يفكر وحكى أيان:ليش ما فوت ودور على القلادة دور مسكة الباب ونفتح الباب،،فتحو وفات وهو عم يطلع حواليه مشي لحتى وصل على درجة حد التخت،،ومسك ايد الدرج وسحبوا بس ما فتح أيان:هسع وكتوا،،طلع بكلة من جيبتوا وبلش يحاول يفتح الدرج،،طقوا طقتين وفتح الدرج بلش أيان يدور على اي شي اي شي غريب ومشبوه،، بلش يبحبش بالاغراض وما لقى شي،،اطلع جوة الدرج وصفن وسكروا،،فجأة رجع فتحوا ولقى فلاشة غريبة ومكتوب عليها شي بس مو واضح،،ضبها بجيبتو ورجع سكر الدرج وقفلوا،،،بلش يفتح لدروج واحد واحد لحتى وصل لاخر درج،،شاف فيه ورق مسكهن وصار يقلب فيهن،، أيان:شو هذول؟ رجع يقلب فيهن،،انتبه انو الخط مشبوك ببعضوا،،صفن ثواني وحكا أيان:تقرير طبي؟!! مسكهن يشوف الاسم ،،اول اربعه ام فايز ام فايز،،بعدين شاف اسم أيان،،طلعوا وكمل تدوير،،رجع يشوف اسم ام فايز(منى) لحتى قرب يخلص مل وحكا أيان:اكيد الباقيات لام فايز سكت ثواني وحكا ما رح أخسر شي خليني خلصهن وصل لعند آخر تقرير وكان الاسم أيان:😮 ..................... بـقـلـم:الــمــصــري قطع وعودة عند كيان طلعت من المحاضرة وراحت لعند الشلة وصلت وحكت كيان:سلام صبايا قعدت على كرسيها وكملت كيان:كيفكوا الصبايا:اهلين بدكتورتنا كيان:لسة بكير ميا:لا مو بكير،،انتي ماشاء الله بدون ما تتخرجي وتدربي شاطرة بمجالك،،صح صبايا جوليا:اي والله كاميليا:اه والله،،انتي بتعرفي يا كيان انو ميا مستحيل تجامل لهيك حكيها صح كيان:شهادة ميا فخر بعتز فيه،،تلفتت حواليها وحكت صح وين ميرا،،اليوم شفته ما كملت كلامها ولا حست حدا حط أيده على عيونها ...:حزر فزر مين انا كيان بمزح:اكيد ميور انشالت الادين عن عيونها بحزن لفت رأسها وشافت صاحبة الطفولة والشباب دمعت عيونها وحكت:توليييين ضمتها وانفجرت بالبكي،،طبطبت تولين على كيان وحكت تولين:اهدي حبيبتي اهدي،،لك ليش عم تبكي؟ كيان بشهقة:مـ من الـ الفر حة،، ما تو قعت ار جع شو فك،،ورجعت تبكي تولين:لك هي أنا قدامك بشحمي ولحمي،،بعدت تولين كيان عنها وكملت تولين:لا تبكي خلص هي ما انا واقفة قدامك،،اطلعي علي اطلعي رفعت كيان راسها وحكت كيان:و الله قاطعتها تولين وحكت:مسدقيتك بدون ما تكملي،،تعالي نقعد مع الصبايا وقفت جوليا وكاميليا ضمنها وحكن جوليا وكاميليا:اشتئنالك وين الغيبة تولين بضحكة:اشغال هالحياة اطلعت على ميا وأشارت عليها وحكت ما عرفتونا كانت جوليا بدها تحكي لما قاطعتها كيان وحكت كيان:أنا بعرفك عليها سحبتها من أيدها وأشارت على ميا وحكت كيان:تولين هي ميا صاحبتي،،ميا هي اختي وصديقة الطفولة والشباب تولين مدت تولين أيدها لميا وحكت تولين:تشرفت بمعرفتك ميا:وانا اكثر قعدوا البنات يحكوا بأمور متعددة ويعرفوا شو عملت تولين بعد غياب،، واحنا رح نخليهم يحكوا براحتهم لحتى عرفكم على تولين (تولين:تولين شهاب ابو حميد فتاه جميلة شقراء بعيون بنية وبشرة بيضاء حادة الذكاء تبلغ من العمر ٢٢ عام درست حقوق وتخصصت قانون لتصبح اصغر محامية عرفها التاريخ انهت دراستها قبل سنة درست اخر سنتين لها في امريكا لسبب سنعرفه لاحقا *ملاحظة "ممكن البعض يلاحظ انو ما عم عرف كل شخصيات الرواية لأنو مو كل شخصيات الرواية شخصيات أساسية ان شاء الله تكونوا فهمتوا علي") نكمل شردت كيان وحكت:ياجماعة ما الها بالعادة ميرا تتأخر لهي الدرجة،،رح رن عليها رنت وما كان فيه رد رجعت رنت مرة ثانية وكمان ما فيه رد ميا:ردت؟ كيان:لا ما ردت يمكن حاطيتو صامت،،رح جرب مرة ثانية رجعت رنت انفتح الخط ثواني معدودة ونفصل الخط بوجهها،،ورجعت رنت مرة رابعة مرة ورجع انفصل الخط بوجهها،،خافت عليها وحكت كيان بخوف:رح رن لكنان ليتبع تلفونها ميا بخوف:طيب قبل ما ترني عليه جربي رني عليها كمان مرة كيان:ما بقدر ميا:ليش؟ تولين:ممكن تسكر جوالها،،وإذا تسكر الجوال من الصعب الوصول الها ميا:طيب قوموا ندور بالجامعة كيان:هي مو بالجامعة ميا بخوف:شووووو شلون يعني مو بالجامعة،،كيف كيف لك اختي وين راحت،،كيان انتي شو عرفك كيان:انفتح الخط ثواني معدودة ونفصل الخط بوجهي بس سمعت صوت محرك سيارة ميا بخوف:ولي ولي لك البنت وين راحت كيان بمحاولة لطمنها: لا تخافي اخي شوي وبكون جايبها ميا:ان شاء الله رنت كيان على كنان وتستنى الرد ..................... بقلمي المصري قطع وعودة عند كنان طلع امين من عند مراد وهو منزل راسو على الأرض،،راح كنان لعند امين رفع امين راسو لتبين عيونو المحمرة على كنان أنصدم كنان من منظرو وحكا:امين بد قطع عليه صوت رنة جوالو طلعوا من جيبتوا وحكا كنان:ثواني امين فتح الخط وحكا كنان:اي كيان كيان برعب:اخي مشان الله ساعدني كنان بخوف:في شي صاير معك؟ كيان:مو أنا مو أنا،،هي صحبتي مختفية من الجامعة وما عم ترد على مبايلها كنان:بلكي حاطيتو صامت كيان:انفتح الخط ثواني يا اخي ورجع انفصل بوجهي كنان:خلص اختي صاحبتك رح ترجع بخير وسلامة كيان:ان شاء الله اخي ان شاء الله،،انا رح سكر،،بس اخي شو ما صار معك حكيلي تمام،،بدك شي اخي كنان: سلامتك،،خلص ولا يهمك اي مستجدات صارت معنا رح خبرك فيها،،يالله سلام كيان:الله معك سكر كنان الخط وراح لعند امين وحكا كنان:اي شو كنا نحكي امين:انت يلي كنت تحكي،،كأنو كيان يلي كانت تحكي معك كنان بتنهيدة:اي امين بقلق:شبك؟،،اختك فيها شي؟ كنان:صاحبتها ضايعة،،وبدها مني دور عليها،،صفن ثواني وحكا كنان:امين شو رأيك تدور عليها انت امين بإستغراب:انا،،طب ليش ما انت تدور عليها،،مو من عادتك تتخلى عن واجبك كنان:مو القصد اني اتخلى عن واجبي،،اسمعني انت بتعرف انو مراد بيقدر يسمع يلي عم نقواو امين بإستغراب:جد مين حكالك هالشي كنان:بتتذكر لما فاق مراد من الغيبوبة،،سألني عن شي وما حدا كان بيعرفو غيري،،وقتها عرفت انو كان يسمعنا امين:اها،،طيب شو دخل مراد بموضوع اختك كنان:ما في رابط مشترك،،بس أنا بدي فكر بشي قولو لمراد،،بس شي مو طبيعي،،مو عارف كيف وصللك فكرتي امين:فهمت عليك،،خلص ولا يهمك،،اعتبرني لقيتها،،اه صح قبل ما انسى احكي مع اختك خليها تبعثلي رقم البنت ومعلومات عنها كنان:تمام مسك تلفون ورن .....................بـقـلـم:الــمــصــري قطع وعودة عند كيان كانت قاعدة تهدي بميا وتحكي كيان:خلص والله كنان رح يلاقيها ولا يهمك رن تلفون كيان شافت الاسم وفتحت خط وحكت كيان:لقيتها اخي؟ كنان:لا لسة بس ما بدك تعطيني رقم تلفونها،،ومواصفاتها كيان:اسفة اخي من خوفي عليها نسيت،،خلص ولا يهمك هسع ببعثلك اياهن واتس اب كنان:تمام عم استناكي،،سلام،،وسكر خط ميا:بشريني بشريني لقاها كيان:نص ساعة بتلاقيها صارت بيناتنا مسكت تولين تلفونها وكتبت رسالة لحدا وبعثتها من دون ما حدا ينتبهلها .....................بـقـلـم:الــمــصــري قطع وعودة عند كنان وصلن رح ابعثلك اياهن امين:تمام،،سلامانا رايح كيان:الله معك طلع امين من المستشفى وتوجه على السيارة،،وقبل ما يفتح الباب رن تلفونوفتح خط وحكا امين:اي مازن،،وفات جوة السيارة مازن:معلم بلغت بإختفاء بنت من الجامعة تمام امين:غريبة مازن:معلم انت معي امين:اي اي معك،،تعال على المقر مازن:تمام شغل امين السيارة ومشي وأول ما مشي وصلتوا رسالة واتس اب امين:اكيد هي من كنان بعد ربع ساعة وصل امين فات لجوة لحتى وصل لاخر غرفة،،فتح الباب وفات وتوجه لعند مازن يلي كان بإنتظاروا طلع امين تلفونوا وشافت رسالة كنان قراها امين:مازن قبل ما تحكي عن البنت يلي اختفت في بنت ثانية اختفت بتكون صاحبة اخت كنان رقمها معي بدنا ندور هليها مازن:تمام اعطيني الرقم امين:سجل عندك ******07 ونقلوا الرقم سجل مازن الرقم ونكتبلوا الرقم مسجل اطلع على امين وحكت البنت اسمها ميرا؟ امين بإستغراب:اي كيف عرفت مازن:نفس البنت يلي اختفت من الجامعة امين:انت كيف عرفت انها من الجامعة مازن:... انتضروني السبت الجاي،،واسفة لأنو البارت قصير رح عوضكم بالبارت السادس،،ولاىتنسوا اكتبولي رأيكم بالبارت بـقـلـم:الــمــصــري البارت٦ بقلم :المصري مازن:انت ما بتعرف انو عندي اخت بالجامعة امين:بتدرس هناك؟ مازن: لا بس راحت لتشوف صاحبتها امين:تمام،،اسمها ميرا*** ورقم تلفونها معك،،عشان تدور عليها مازن بإستغراب:أنا ؟!!بس مو من عادتك تكون مكلف بمهمة وما تقوم فيها،،ليش ما تدور عليها؟ امين:في شي اهم من البنت،،ولازم اعرف وين مكانو مازن:شو هو،،بلكي ساعدتك امين:قصة طويلة،،بحكيلك إياها بعدين مازن:تمام،،انا رح بلش امين:أنا رح بلش بمهمتي مازن:اذا احتجت شي خبرني امين:اكيد،،انا رايح مازن:الله معك طلع امين من الغرفة وسكر الباب مشى خطوتين ،،لحتى وصل لعند باب حد باب الغرفة الاولى طلع مفتاح من جيبتوا وفتح الباب ودخل،،سكر وراه الباب مشي لحتى وصل على لابتوب قعد عالكرسي وفتح اللابتوب،،طلع جوالوا وفتح على محادثة مراد وسمع الصوت فلاش باك أحمد بخوف:رح احكي رح احكي مراد:احكي بسرعة أحمد بخوف: بلتقي مع ابو جبل كل اسبوع بصحرا بعيدة من هون شي نص ساعة على طريق غابة بتم فيها كثير عم ما كمل كلامو ولا اجتو رصاصة بصدرو ناحية قلبو مباشرة شد مراد على قبضة ايدو بغضب وصرخ مراد:حــيــوانــات باك بلش يبحث عن مكان العمارة فتح خريطة وبحث عن مكانها،،بلش يمرر على المناطق القريبة من العمارة حدد نطاق البحث،،بحدود مسافة 35 كيلوا متر طلعلوا المكان،،رجع يدور على الصحرة بعد عشر دقايق لقا كل المعلومات عن المكان سكر اللابتوب،،وطلع من الغرفة توجه لعند مازن فتح الباب وفات وحكا امين:أنا طالع خبرني شو بصير معك تمام مازن:ان شاء الله طلع امين من الغرفة وتوجه على السيارة وقف قدام السيارة وصفن امين بنفسو:يالله،،روح ل كنان وخبروا شو صار معي،،ولا بلش بالمهمة أنا حط ايدو على راسو وحركها بحركة سريعة امين:بس ممكن يزعل،،ومعقول اللواء يرضى يخليني قوم بالمهمة؟،،خلص رح خبر كنان ركب امين السيارة وقادها ومشي بعد ربع ساعة وصل امين على المستشفى امين بنفسوا:ياربي خبرو؟ والله محتار كنان يلي فيه مكفيه ومو ناقصو قصص تانية عقلوا:يعني على أساس يا امين انت يلي ناقصك امين:بعرف والله بس عقلوا:بس شو اذا هو صاحب مراد ف انت ابن عمو يعني اخوه امين:والله بعرف بس كنان لازم يعرف عقلوا:ليش مين قال اني معارض انو يعرف اي خليه يعرف،،وخبروا كمان انو أمان عايش،،بس مو هسه امين:ايمتى عقلوا:بس لحتى وفجأة انقطع حواروا بينو وبين عقلوا لما سمع صوت دق على شباك السيارة نزل امين شباك السيارة وطلع راسو امين:نعم؟ الشب:عفوا فكرتك شخص ثاني امين:عادي ولا يهمك راح الشب وعيون امين بتراقبو بإستغراب حسم امين أمروا ونزل من السيارة وتوجه على بوابة المستشفى، .....................بقلم:المصري قطع وعودة عند أيان واقف وبيده التقرير ولسة مصدوم من الاسم صوت أشخاص وصور وانفجار وصوت صراخ وضحك وبكي،،كل هاذ عم يمر براسوا كانو فلم معروض قدامو وقعت الاوراق من أيدوا،،مسك راسوا وبلش يضغط عليه ويصرخ أيان:خلص خلص خلااااااااص،،يارب راسي بدوا ينفجر فجأة سمع صوت صفير وكل الاصوات اختفت قعد على ركبوا ومنزل راسو،،رفع راسو شوي شوي وصفن ضل أيان شارد فجأة سمع صوت صحاه من شرودو بلش يتلفت وكأنو ضايع ومو عرفان شو يعمل ركز بالصوت وكان صوت تلفونو طلعوا من جيبتوا وكان مازن صفن بالاسم،،لحتى فصل الخط اطلع على الحيط وشرد،،فجأة قناة من مكان بعد ما ستوعب كل شي وكأنو كان بغيبوبة وهسه لصحي منها،،مسك التقارير يلي بأسمو وبالاسم الغريب وطلع من البيت،،مشي بسرعة لحتى وصل على الشارع وقف تكسي وأعطاه العنوان .....................بقلم المصري بغرفة طافي فيها الضو قاعد على كرسيه وعم يحاول يلاقي مكان البنت،،بس عقلو مشتت على صاحب عمرو فجأة تذكر اول لقاء بينهم قبل خمس سنين كان مازن شب طايش و مو هامو شي بالحياة لما التقى ب أيان تغير 360 درجة تغير كليا فلاش باك كان ماشي بالشارع والسيجارة بثمو ومعقد حواجبو وحاطط اديه بجيابو،،ولابس طوق ومطول شعراتو لعند كتافو يعني بالمختصر ازعر،،بس ملامحو الهادية ما تغيرت رغم كل هاض ضل ماشي لحتى وصل لنص السوق وكمل طريقو،،كل ما مشي مسافة قصيرة عم يشوف الناس عم تبتعد عنو وهاض ينبه ابنو منو وهاض يقول لجارو شوف شوف اهلو ما عرفوا يربوه الله لا يبلانا،،وهاض يحكي وهاض يتمتم وهاض يلي هرب،،وكأنهم ما شافوا بشر لا وكأنهم شافوا شي حيوان مفترس،،على الرغم من كل هاض ما تغيرت وضعيتوا بل على العكس يوم يسمع هاض كلو،،اغتر بنفسو وخاصة يوم شاف كيف الناس بتبعد عن طريقة،،فكر حالو شي شغلة مهمة،،مع انو سمع اكمن حدا و يحكوا عليه بس ولا همو،،انتبه بين هل ناس شب طول بعرض طولو بيوصل 188،،واقف ولا تحرك من مكانو ضل ماشي،،شال السيجارة من ثمو ورماها على الأرض،،وكما مشيو لحتى وصل لعندو وخبط فيه مازن بعصبية:العما بعيونك مو شايف يعني لف أيان عليه بملامحو الحادة وحكا أيان بهدوء عكس ملامحوا:يا اخ ليش عم تصرخ انت يلي خبطت فيني مو أنا،،بس رح مرقلك إياها،،والمرة الجاية انتبه وين بتمشي تمام،،روح حبيبي روح دور على لهايتك مازن بضراخ:مين مفكر حالك ولا طنشو أيان لما شاف الناس بلشت تتجمع وكأنهم من زمان ما حضرو هوشة،،ولا كأنهم يلي من قبل شوي كانو خايفين تنرفز مازن وراح ودفشو وحكا مازن:عم احكي معك التفت عليه أيان وأعطاه نضرة حادة وكمل طريقة بلع مازن ريقو من الخوف هوا ما بينكر انو خاف منو،،بس لأنو هوا عامل رعب لكل حارة بيفوت عليها وشاف أيان ما خاف منو اطلع على الناس وشاف كيف نظرات الشماتة بعيونهم،،وكانهم عم يقولو خرجك اجا واحد يقدرلك انجن مازن من نضراتو أهل الحارة ولحق أيان مازن صرخ:وققفف وركض لعندو لحتى وصل عليه ودفشو بكل غضب،،يمكن بالبداية كان حاب يفرجي للناس انو أنا ما حدا بيقدر يوقف بوجهي بس لما أيان هددو وشاف نظرات أهل الحارة ما قدر يتحمل اكثر صح مازن كان عارف انو الفرق بينهم كبير،،يعني مبين على أيان انو بيلعب بجيم ولا ننسى فرق الطول أما مازن كانت بنيتو الجسدية مو كثير،،يعني كان مايل على الضعف،وطولو ما بيتجاوز الثمانين كان طولو 180 يعني في فرق الا انو مازن ما فكر بكل هاض الناس لحقو مازن لما اتكدو انو رح تصير هوشة هسه وهما احب على قلبهم يشوفو يلي عامللهم رعب عم تنكسر شوكتو لف أيان عليه وقبل ما يحكي شي،،كان مازن ضاربو بكس على بطنو عصب أيان وراح لعندو وردلو إياها وبلشوا يضاربوا،،بس كان مبين انو الكفة راجحة لصف أيان،،تعب مازن وحس عليه أيان لما ضرباتو صارت أضعف،،دفشو لبعيد وحكا أيان:أسماع يا،،اعتبرها هاي فركة اذن،،المرة الجاي اذا بشوفك هون لا تلوم الاحالك مازن بتعب:النا لقاء ثاني سند ضهرو وطلع سيجارة من جيبتوا ولعها وما حس ولا حدا مسكها ورماها ولا شاف أيان عصب مازن وحكا:ليش رميتها طنشو أيان وحكا بهدوء أيان:الدخان مضر،،وانت مبين عليك صغير ومانك شغل مشاكل،،لو شو ماحاولت تعمل رح تضل ملامح الهدوء معتلية وجهك حتى لو شوهت حالك بنضر الكل مسكو أيان ومشي معو نتر حالو مازن من بين ايديه وحكا بنرفزة مازن:انت ما إلك شغل فيني،،وانا بقدر امشي لحالي وماني محتاج شفقة حدا تركوا أيان على راحتوا وتركوا مشي خطوتين وكان رح يقع بسرعة مسكو أيان ومشي فيه مازن بصراخ:قلتلك بقدر امشي لحالي أيان بهدوء:لا تصرخ،،رح ساعدك يعني رح ساعدك سكت مازن لما شاف أيان مصر أيان:قديش عمرك؟ مازن: 21،،وانت أيان:صغير،،ما بعرف مازن بإستغراب:جد،،كيف يعني ما بتعرف أيان:ما بعرف مازن:شو اسمك أيان:أيان،،وانت مازن:مازن أيان:تشرفت بمعرفتك يا مازن،،بس بتمنى المرة الجاية لما شوفك ما تكون بهاض الشكل مازن:ليش شبو شكلي أيان:ولا شي بس مبين مثل الزعران،،ومبين انت مو هيك من ملامحك مازن:اخخخ من ملامحي باك مازن:يا الله على الايام مسك تلفونو ورن على ايان استنى وستنى وستنى وما لقى رد،،رن مرة ومرتين وثلاث مازن بخوف:يالله ليش ما عم يرد رن على امين رن رنتين ونفتح الخط مازن:الووو امين:اهلين،،شو لقي مازن بمقاطعة:معلم امين أنا رح اطلع من المقر امين بإستغراب:ليش مازن بخوف:صاحبي ما بعرف شو ما لو عم رن عليه ما عم يرد امين:خلص اطلع أنا شوي وبرجع وبكمل بدالك اهم شي صاحبك انتبه مازن على نبرة الحزن يلي تعبت صوتو لما حكا عن الصاحب،،بس ما عندو وقت يسألو بدو يعرف شو صار ب أيان طلع مازن من المقر وركب سيارتو ومشي بأقصى سرعة بعد عشر دقايق وصل،،ضل يحاول طول الطريق يرن ل أيان لحتى وصل،،نزل من السيارة ودق الباب فجأة انفتح وكأنو كان مردود بس فات لجوة وبلش ينادي مازن:أيان يا أيان وقف بالصالة ورن عليه سمع صوت رنين تلفون،،بلش يدور على مصدر الصوت لحتى وصل عند باب غرفة دق الباب ما سمع رد،،فتح الباب وفات دور بحجر عينو بأرجاء الغرفة بس ما شاف أيان،،الا انو صوت التلفون بعدو طالع،،وصل لعند الصوت شاف التلفون مرمي على الأرض وحواليه اوراق مسك التلفون وفصل الخط،،قرب لعند الاوراق وشالهن عن الارض،،عرف من شكل الورق أنهن تقارير طبية،،صف ثواني اطلع على التقرير وقام،،مسك تلفون أيان حطو بجيبتو وطلع من البيت،،ركب سيارتو ومشي .....................بقلم المصري قاعد بالسيارة بفكر نزل من السيارة وتوجه ناحية الباب،،فجأة حس على حدا دفشو التفت عليه ونصدم وحكا بهمس:أمان بس ما لحق يمسكو لأنو الشخص فات لجوة لحقو ويصرخ امين: أمان أمان وقف شوي بس الشخص ما عم يرد ضلو لاحقو،،فجأة حس حدا مسكو من كتفو التفت وراه وشاف مازن امين:مازن شو عم تعمل هون؟ مازن:انت يلي شو عم تعمل هون وليش كنت عم تصرخ وكأنو امين اتذكر وحكا امين:لك شفت واحد بيشبه صاحبي يلي مفقود من زمان،،بس ناديتلو وما رد مازن بشك:مفقود؟،،من ايمتى امين:من سبع سنين،،بعدين بحكيلك السولافة بس بدي دور عليه،،بعدين ما حكيتلي ليش انت هون مازن:مشان صاحبي امين:اها،، بعدين منكما سوالف مازن:امشي ندور عليه سوا امين:يالله امشي مازن:خلينا نسأل جوا امين:تمام ..................... نزل من السيارة بعد ما حاسب وتوجه على الباب وصل على الباب فجأة خبط بحدا،،فات لجوة من دون ما يعتذر ماشي والأصوات عم تتزايد براسو،،مانو مركز على الواقع سامع صوت بنادي بس مو مركز اذا الو ولا لاء وقف بنص الطريق وسأل حدا من المارين وين مكتب المدير،،دلو عليه أيان بتمتمة:شكرا وضل ماشي لحد ما وصل والأصوات عم تتزايد وتتزايد وتتزايد الصورة صارت سودة وما عم يشوف شي فتح الباب وغمي ..................... عم يسألو عن شب لابس ببوزة سودة وبنطلون أسود بس ما حدا انتبه امين:يالله وين بدنا نلاقيه مازن:خلينا نكمل سؤال اذا حدا عطانى طرف الخيط بنكمل،،اما اذا ما حدا انتبه فرح نوقف البحث امين:لك مستحيل وقف بعد ما لقيت طرف الخيط،،ما رح كن ولا أهدى للاقيه مازن:تعال نسأل هنيك امين:امشي سألو وسألو وسألو وما في حدا شاف شب لابس هيك بس امين ما يئس وضل يسأل لحتى وصل على شب امين:يا اخ الشب:نعم؟ امين:شفت شب لابس بلوزة سودة وبنطلون أسود الشب:اي على الاغلب امين:بتعرف وين راح؟ الشب:من قبل شوي اجا شب لابس مثل ما قلت حضرتك سألني عن غرفة المدير امين:شكرا شكرا الك الشب:العفو توجه امين ومازن على غرفة المدير بعد ما سألو عن مكانها وصلو طبلو سمعو حدا عم يقول تفضل فتح امين الباب بهدوء وفات،،وفات وراه مازن وقف المدير وحكا المدير:تفضلو بشو بقدر فيدكون امين:لو سمحت من شي عشر دقايق اجا لعندك شب لابس بلوزة سودة وبنطلون أسود؟ المدير:اي امين بلهفة:ممكن اعرف وينو المدير:بغرفة رقم302 امين بخوف:ليش فيه اشي المدير:لا تخاف بس شكلو نزل ضغطو امين:شكرا شكرا المدير:العفو،،لحضة التفت امين على المدير راح المدير على الطاولة وحكا المدير:هذول كانن مع الشب،،ومدلو التقارير طلع امين ومازن من الغرفة سألو عن الغرفة رقم 302دلوهم عليها وصلو عليها ودق الباب،،طلع الطبيب من الغرفة وحكا الطبيب:تفضلو امين:ممكن نفوت نشوف المريض الطبيب:عفوا ليش مين انت امين:أنا اخوه الطبيب:حاليا هو غايب عن الوعي وما رح يحس عليك امين:ما بهم المهم اشوفو الطبيب:طيب بس إلبس البس الطبي وتعقم امين:تمام لبس امين ومازن البس الطبي وتعقمو وفاتو قرب امين لعند أيان المرمي على التخت والسيروم معلق بأيد قرب بهدوء ناحية التخت وقعد على الكرسي ركز بملامحو ودمعن عيونو وحكا امين بهمس:يالله شو بيشبهو،،الله يرحمك انتبه مازن لحركات امين وقرب عليه وحكا مازن:شب فجأة سكت رفع امين راسو وحكا:شو مالك،،شافو مطلع على الشب وعلامات الصدمة معتلية وجهو امين:بتعرفو مازن بتمتة:لك لك لك،،وصرخ لك هاد صاحبي امين بإستغراب:صاحبك؟!! مازن:اي والله هاد صاحبي والله والله صاحبي قرب عليه وهزو مازن:لك أيان شبك هيك مرمي،،عم تمزح ولو صح،،قول انك عم تمثل،،وصرخ لك أياااااان بلد امين من الاسم وحكا امين: أيان؟!!انت حكيت أيان ولا شو رجع اطلع على ايان وحكا امين:معقول أيان يلي بعرفو؟،،لا لا اين الله يرحمو مات وشبع موت مازن:أيان يا أيان رد عليي امين مسك راسو وصرخ:لا تقول أيان لا تقول أيان أيان ماااات بتعرف شو يعني ماااااات،،يمكن أنا شبهت انو بيشبه أمان بس انا متأكد انو مو أيان،، موووووو أياااااان قرب مازن من امين:امين امين،،شبك امين امين:مانو أيان مانو أيان مازن:خلص مو أيان هاد مو أيان فجأة نفجر بالبكي وحكا امين;ياريتو أيان ياريتو أيان استغرب مازن من تصرفاته وكلامو المتناقض،،إلا انو ما قدر يخفي تأثرو بكلام امين فجأة امين سكت ومعاد طلعلوا صوت نزل لعندو مازن مستغرب من سكوتو المفاجئ شافوا مطلع ناح السرير ومصدوم لف شاف أيان ساند ضهرو على التخت وعم يتنفس بصعوبة وقف امين وراح ناح التخت رفع راسو أيان وصفن بوجه امين المصدوم قرب امين بخطوات هادية لحتى وصل على التخت،،وقف دقيقة و وقع مغمي عليه نزل أيان راسو على امين الواقع على الأرض،،قرب مازن على امين وحاول يصحيه مسك كاسة المي ورشرس على وجوه بلش يصحصح وقفو وحطو على الكنبة واخيرا حكا أيان:مي قرب مازن منو وأعطاه مي،،شرب وسأل أيان:مين انت؟ أنصدم مازن وحكا مازن:انا؟ أيان:اي مازن مصدوم:أيان شبك،،ماعرفتني أيان بهدوء:أيان؟مين أيان تراجع مازن من صدمتو لورا لحتى خبط بطرف الكنبة لف على امين شافوا عم يفتح عيونو فتح امين عيونو،،شاف صدمة مازن فجأة تذكر الشب يلي بيشبه أيان وقف على رجليه وختل توازنو بس مسك بأيد الكنبة و وازن وقفتو قرب على أيان،،قعد على الكرسي وحكا بهدوء امين:أيان؟ انت أيان؟ أيان:مين أيان امين:انت أيان:لا أنا مو أيان شكلك مشبه علي امين:شو اسمك أيان:اسمي؟،،ما بعرف امين:مابتعرف،،انت ليش هون صفن أيان شوي وحكا:مابعرف امين:قرب شوي يا مازن قرب مازن عليه وقعد حد امين امين:انت بتعرف هاض الشب صفن أيان بوجه مازن وحكا أيان:لا اطلع امين على مازن وحكا امين:روح نادي للدكتور وحكيلو انو الشب صحي طلع مازن من الغرفة أيان:انت مين امين:أنا امين حيان السيد أيان:قديش عمرك امين:30 أيان:امين بتعرف شب اسمو مراد امين:مراد شو صفن أيان وحكا أيان:مراد،،مراد ال السي،،كانو السيد امين:كانو؟منوين بتعرفو أيان:ما بعرفو،،اجاني شب بالحلم وحكالي انو اسمو مراد السيد امين:اوصفلي إياه لأنو عندي ابن عم اسمو مراد صفن أيان وحكا:اطول مني مربي عضلات،،شب ابيض شعراتو سود،،ملامحو ما كانت مبينة امين:شو حكالك أيان:غير انتقملك امين:هاض ابن عمي اسمو مراد جهاد السيد أيان:ليش بدو ينتقملي امين:قبل س فجأة انفتح الباب ودخل مازن وكنان والطبيب وقف امين مستغرب من وجود كنان امين:كنان؟ شو عم تعمل هون قرب كنان على ايان يلي مستغرب من الشب يلي فات وقف مقابيلو وحكا كنان: أيان؟!!مد ايدو لوجه أيان يتلمسو بعد أيان راسو وخاف من حركة الشب الغريب مسك كنان وجه أيان وفجأة حكا كنان:والله أيان والله،،ايان عايش يا جماعة أيان عايش يا امين أيان عايش يا مراد أيان ما مات ما مات أيان:يا جماعة أنا مو أيان كنان:وين كنت يا أيان وين كنت سبع سنين وحنا مفكرينك متت نزلن دموعو وحكا كنان:سبع سنين وانا عم حول انتقملك،،سبع سنين وانا عم شوف مراد عم يتعذب،،سبع سنين هذول سبع سنين حكا مازن بعد صمت:أيان يا كنان كان فاقد الذاكرة طول السبع سنين وهو يحاول يعرف شي عن ماضيها وعن الشباب يلي ما عم يتركوه بحالو،،سبع سنين وهو عم يحلم بأخوه،،سبع سنين وهو عم يحاول بس يتذكر شو اسم عيلتو،،سبع سنين ضل عايشهن على أمل يرجع على حياتو القديمة ،،سبع سنين وانا شوفو عم يتعذب،،سبع سنين يا كنان فجأة أيان صرخ:بكفي خلص مشاااان الله خلص طلع الطبيب الشباب لبرى وقرب وأعطاه ابره مهدية ما قدر يقاوم وفجأة بلش يرتخي وصوت يتلاشى برا عند الشباب كنان:لازم نحكي ل مراد اجا صوت من وراهم بيحكي ما في داعي تحكولي شي يا ترى شو رح يصير ب أيان وياترى كيف حيكون لقاء مراد وايام بعد فراق سبع سنين ومعقول أيان ترجعلو ذاكرتك ولا حيصير شي ما كان الحسبان وين صارت ميرا وايمت فاق مراد ومعقول القصة تنتهي لهون وتوقف قصة الانتقام بعد ما طلع أيان ولا حيكمل مراد بإنتقامو كل هاض واكثر رح نجاوب عليه مع البارتات الجاية نــهــايــة الــبــارت يــتــبــع اكتبولي رأيكم واجابات الاسئلة بالتعليقات وآسفة للقطعة يلي قطعتها بس أنتو بتعرفو بداية المدارس وهيك بس ان شاء الله كل بارت رح نزلوا بموعدو وموعدنا السبت الجاي