جرح المدينة وجرح القلوب الحزينة - الفصل 75 - بقلم أمي روحي - مكتملة | روايتك

فـــي الـــشـــرقـــيــــــــه نسرين: سلطان حبيبي ماقدر اطلع معاك سلطان: حياتي لازم التقي فيك جن جنوني لام شفت صورتك حبك حرمني النوم نسرين: حبيبي ماقدر سلطان: انتي تقولي تروح وتجي مع السواق نسرين: بس بابا وسعود لازم يرسلون معانا الشغاله وتنزل معاي بعد سلطان: حبيتي الشغاله ميتين ريال تسكتها لازم التقي فيك بالقريب ياروحي نسرين: بس سلطان: اموووووت فيك ماقدر اتحمل اكثر ارجوك نسرين: وانا بعد متى تجي تخطبني وترتاح وارتاح سلطان: بس اكمل دراستي اخطبك ياروحي بس الحين ارجوكي لاتحرميني منك نسرين: خلاص حبييي ولايهمك فـــي جـــنــــــــــاح ســـ ع ـــود &ندى ندى: منسدحه على سريرها جت لها الشغاله وحطت لها الشوربه حقتها والعصير الطازج ندى قالت شيليه مابغاه الشغاله: بس مدام بابا سعود يقول لازم ياكل ندى: بعصبيه انا الي اباكل او باباك شيليه عن وجهي اقولك ماحست الا بصوت خشن يتكلم لفت شافته واقف عند باب غرفتها سعود: قال للشغاله خليه وانزلي تحت الشغاله: نزلت الاكل وطلعت سعود: قرب من سرير ندى وجلس بالكرسي الي جنبها ندى: لفت عنه مالها خلقه سعود: ممكن افهم ليه ماتكلين ندى: مابغي شهيتي مسكره سعود: طيب كولي علشان الي يحبونك ندى:وجعها قلبها لام قال هالكلمه تذكرت الصوت الي جاها بالليل لفت عليه تناظر عيونه تدور فيهم شي بس مالقت لفت للجهه الثانيه ردت والعبره خانقتها الي يحبوني ماتو وخلوني سعود: حزن علشانها فيه كثير غيرهم ندى: لفت له ومنهم ياحسره سعود: ابوي وامي وناديه وياسمين واختك نوره وولد اختك فارس الي انجن لام شافك مغمي عليك ندى: فديتهم كلهم وتنهدت سعود: يالله عاد بلادلع كولي ندى: تكلمت وهي العبره خانقتها صدقني ياسعود مالي نفس اكل سعود: وجعه قلبه اكثر عليها وجته كهربا وهو يسمع اسمه بلسانها وكانها تشتكي له اخذ صحن الشوربه وجلس طرف السرير ومسك الملعقه وقربها لفمهاوابتسم لها ندى: ناظرت ابتسامته وذابت منها وماقدرت تقاوم فتحت فمها وشربت ماحست بروحها الا وهي مخلصه الصحن سعود: برافو علكي لا شطوره تسمعي الكلام وابتسم لها ندى: ردت له باتسامه وقلبها يدق طبول اول مره بعد زواجها تحس بسعاده وامن لو انه مؤقت بس مو مشكله سعود: ذاب من ابتسامتها ونسى نفسه وماحس انه ماسك يدها ويضغط عليها بحنان وهي بعد كانت ماسكه يده قطع عليهم صوت جوال سعود تدارك نفسه وسكر جواله بوجهه المتصل ومد لها كاسة العصير وقالها لازم تقضينه دقايق وراجع لك ندى: حست بفراغ بغرفتها لام طلع ناظرت بكاسة العصير وماتبغاها بس قالت اخاف يفهمني غلط ويظن اني اتدلع عليه وابغى هو يشربني شربته غصب سعود: رجع لها ولاكانه الي قبل شوي هايم فيها رجع لنفس بروده قال ممتاز يالله الحين كولي علاجك وعطاها دواها ونادى الشغاله وطلع وراح لغرفته قال الحمد لله اني ماتهورت البنت هذي تفقدني شعوري بس ايش الفايده وقلبها مو لي ليه اعلق نفسي بسراب ليه ندى: تتخيل شكله ونظراتها ياربي هالانسان محيرني احسه غامض عجزت افهمه معقوله يميل لي الي جالس قدامي قبل شوي نظراته انه عاشق وولهان لا لا ياندى اكيد يسوي كذا علشان تطييبي بسرعه لان عمي موصيه علي ولاهو ماهميته ناظرت السقف قالت اااااااااه ياحلاته اذا كان هادي وحنون ماكانه سعود ناظرت يدها تتحسس مسكته لها شمتها مازالت ريحة عطره عالقه فيها قالت حيرتني ياسعود فيك لغز ايش هو مادري فـــي بـــيــت شـــــــهــــد هاله: مصممه تسوين الي ببالك شهد: وهي تكمل مكياجها ايوه هاله: لو شافك سعود عندها شهد: الشغاله تقول العصر يطلع مايكون موجود لانه موصيها عليهاواصلا اول مايجي راح تدق علي مخططه كل شي انا هاله: مادري شهد اخاف يجيك يوم تندمين عليه شهد: تاشر بيدها لها بااااااااااااااااااااااااااااي فكينا من نصايحك فــــي شـــــــــــالــــيـــــــــه جـــــــــده العمه: عساكم اخذتو عمره فيصل" جالس مه هديل على نفس الكنبه ولاف يده حلوها قال الحمد لله اخذنها اول ماوصلتو العمه: يمه هديل ماراح تمرين على ابوك فيصل: التفت على هديل يشوف وجهها هديل: ان شاءالله راح اروح وازورهم العمه: لاتنسين خالتك وانا عمتك زيارة المريض لها فضل كبير هديل: حطت شعرها ورا اذنها قالت ان شاءالله فيصل: شدها له وابتسم لها كانه يشجعها تروح وتواجه خالتها بعد الي صار هديل: رفعت عيونها وبادلته ابتسامته ونزلت راسها وطاح جزا من شعرها على وجهها رفعته بيدها وتنهدت لانها ماتتصور تواجه خالتها الي قاست منها انواع الظلم وتشوف بيت سكن فيه مشعل الله يرحمه فـــي بـــيـــت ابـــــــو ســـ ع ـــــود الشغاله: مدام فيه مدام بره يبغى يكلم انتي ندى: تحسنت حالتها كثير وكانت لابسه تنوره سواداء قصيره تحت الركبه وتيشرت جمبنيز احمر قالت غريبه منو الي جاي اقولك خليها تتفضل شهد: لابسه بنطلون جينز برمواد وبدي اخضر عليه رسومات قالت هاي ندوووش حمد الله على سلامتك قلبي ندى: عرفتها وانصدمت لانها مارتاحت لها وتقززت من لبسها قالت وعليك الهاي بس ليتك تقولين تحية اهل الجنه وتكسبين اجر شهد: اوووووه اشفه انا ياقلبوووووو مو مشكله السلام عليكم ورحمة الله وبركاته وجلست تسولف مع ندى وشوي شوي جلست تكلمها عن دراستها برا هي وسعود وبدت تلمح لها بدون تصريح انها كانت بينهم علاقة حب وطلعت من شنطتها صورة سعود في حفل تخرجها وهو واقف مع ابوها وهي ندى: كان شهد صبت عليهامويه حاره الحين تاككدت شكوكها خلت نفسها كانها ماهتمت قالت اجل ليه ماتزوجك مادامكم تحبون بعض شهد: فرحت بسؤالها قالت فكرنا ياقلبي بس انا بنت سلطان ال..... من كبار رجال الاعمال وسعود مع احترامي له صح استقام الحين بس له سوابق اثرت على سمعته ندى: استغربت سوابق أي سوابق شهد: تمثل الدهشه غريبه ماتعرفين عن ولد عمك الي هو زوجك شي ندى: بعصبيه كملي بسرعه شهد: تسوي نفسها بريئه انا غبيه انسى نفسي اذا صرت اتكلم وظنيتك تعرفين عنه كل شي ندى: انتي تفهمين عربي او لا قلت لك كــــــــــمـــــــــــلي