جرح المدينة وجرح القلوب الحزينة - الفصل 42 - بقلم أمي روحي - مكتملة | روايتك

فــــــــي جــــــــــــده ندى سافرت لجده هي وبيت عمهاعلشان سعود طلب من ابوه انهم مايتعبون مشعل بالسفر وراحو لجده سكنو في بيت لهم يملكونه بجده ندى: لبست وتكشخت وتبي تروح لبيت خالها تسلم عليهم بعد ماتصالحو وتزور اختها هناك سعود: قابلها عند الباب قبل تركب مع السواق والشغاله ندى: كالعاده كانت راسمه عينها زين ونقابها ماسكرته سعود: ابفهم كيف تسمحين لنفسك تطلعين بالشكل هذا ندى: تنهدت وقالت بقلبها لاحول لنا كم شهر ماتهاوشنا بس شكلها ناويه هوشه الحين ايش فيه شكلي سعود: بالله عليك تسمين هذا ستر ندى: سم الله علي متستره غصب عنك سعود: وعيونك الطالعه ايش تسمينها ندى: بكيفي سعود: لا موبكيفك ولاراح تطلعين حتى تسكرينهم ندى:ماراح اسكرهم ولاتنسى اني وراي رجال الحين بس هو الي يامرني سعود: اذا ملكتو قولي لي كذا الحين انا ولد عمك ومن حقي امنعك ندى: قال ولد عمي قال ماعرفه الا للهوا ش بس والا للحميه ماعرفه سعود: اقول لايكثر سكري نقابك ندى: ماراح اسكره فهمت او لا واعلى مابخيلك اركبه وجت تبي تطلع سعود: وقف قدامها بكل شموخه ماراح تطلعين ندى: رفعت عيونها له وبان طوله وضخامته عندها قالت قلت لك ابعد عن طريقي احسن لك ورصت على سنونها سعود: اذا سكرت نقابك شوي الا يجي عمها ندى بسرعه تاخرتي على السواق لهم شوي ينتظرونك سعود: ابعد عن طريقها ندى: سوت بيدينها حركه يعني حرررررره سعود: مسك ابتسامته وقال لها وربي لاذلك ياندى واكسر شموخك ياعنيده ندى: استغربت لام شافت شبح ابتسامه على وجهه وقالت تحلم وضحكت وركبت مع السواق سعود: عنيده متكبره بس يارب يجي ذاك اليوم الي اكسر شموخك وتكبرك في بيت ابو نايف جلسو سوا ضحك وسوالف ماحست ندى بالوقت الا ويقولن السواق عند الباب نوره:ايش فيك مستعجله ندى: تعرفين بكره فارسي راح يرجع ولازم اتجهز من الحين شوق: فارسك ونسيتي سامي ياندى ندى: كانت تظهر السعاده لكنها جواها يحترق رحمه لسامي سكتت نوره: ندو تاخرتي يالله مع السلامه وقامت وباستها ولم طلعت ندى التفت نوره على شوق قالت المفروض انك ماتقولين لها كذا خلاص هي الحين مخطوبه لغيره شوق: لاتلوميني ونزلت دموعها لو تشوفين حال سامي قسم ترحمينه ندى: طلعت بالحوش شوي الا قدامها الي مابغت عيونها تشوفه حبها الاول سامي بس ماكنه سامي زاد ذبوله وشحوب وجهه سامي: هنت عليك ياندى ندى: سكتت شوي وعجزت تناظره بعدين ردت عليه بهدوء انت الي غدرت فيني سامي: اقسم بربي هذا ماعمره خانك وياشر على قلبه ونزلت دمعه من عينه حرام عليك ياندى ذبحتيني بدون سكين ندى: لو سمحت ابطلع سامي: تطلعين من بيتنا بس ماتطلعين من قلبي ندى: اخنقتها العبره ورحمته بس خلاص مابيدها شي مشعل وواقفت عليه ومارح تتراجع سامي: اقسم بربي بعد ذاك الموقف كرهت كل البنات ونسيتهم علشانك ابغاك بس تسامحيني ياندى ندى: الله يسعدك مع غيري سامي سامي: مع غيرك ماظن سعادتي معاك انتي بس وتعاستي ببعدك عني ندى: على اذنك مع السلامه ركبت بالسياره وهي تتالم وتقول يارب انا ظلمته اولا مسكين رحمته بس خلاص لازم مافكر فيه لازم اخلص لمشعل مشعل وبس ااااااه يامشعل هل راح اسعدك وتسعدني متى ترجع بس واتنقذني من التعب والالم والتشتت والضياع الي احس فيه فــي بيت فـيــصــل ريم: جلست بكل دلع جنب فيصل فصولي نبغى نسافر لسويسرا حياتي فيصل: ريوم حبي قلت لك ماقدر ابعد بعيد عن امي ريم: نست نفسها امي امي انا متزوجتك انت والا امك فيصل: حبيتي متزوجتني انا بس لاتنسين امي مالها غيري ريم: حبيي ايش ذنبي انك وحيد امك فيصل: ريوم ارجوك لاتتعبيني تعرفيني ماحب النقاش كثير سفر طويل وبعيد ماقدر ترضين اسبوع اوك ماعندي مانع ريم: حرام عليك اسبوع ايش راح تسوي فيصل: اجل مافيه غير كذا ياحياتي ريم: خلاص براحتك على اذنك ابروح انام فيصل: مسك يدها ريوم حبي زعلتي ريم: كتمت غيظها علشان تكمل مكرها لاحبيبي ماقدر ازعل عليك فــــــي جــنــاح هــديــل سليمان وهديل كانو جالسين مع بعض ويتقهون هديل: قدر ماتسطيع تخفي حزنها عن سليمان لانه زوجها واجب عليها تطيعه سليمان: مبسوط لان هديل شوي تتحسن معاملتها معاه ويقول بقلبه مشتاق لضحكتك هديل مشتاق لحنانك وحبك وهيامك هديل: كانت تكلمه عن جيت مشعل وخطبته لندى شوي الا يدق جوال سليمان سليمان: الو هلا ساره هديل: تغير وجهها سليمان: اوك دقايق وعندك ساره: تمثل التعب الحق علي سليمان تعبانه حيل موقادره استحمل حبيبي سليمان: سلامتك من التعب ساره فيني ولافيك [[نسى نفسه ان هديل عنده]] انتبه على وجه هديل الي حمر من الضيقه وندم وسكر جواله هديل: تناظر فيه سليمان: بارتباك تسمحين لي هديل ساره مسكينه تعبانه واا هديل: وقفت وتكتفت كالعاده ابوديها للمستشفى تروح ولاترد نمت عنها لانها تعبانه حيل الى متى سليمان كذا تراني ملييت سليمان: قرب لهاهدوله ساره متعبها الحمل حيل هديل: التفت الظاهر كل الناس تحمل بس ماسوت زيها سليمان الى متى نظل كذا اول قدريني هديل اول زواجنا والحين قدريني ساره حامل الى متى تهملني علشانها ابفهم سليمان: عاذرك ماتقدرين تقدرينها لانك ماجربتي الحمل بس هديل: ناظرته بنظرة الم سليمان: انتبه انه جرحها وسكت هديل: جلست وماتكلمت قد ايش طاري الحمل يجرحها سليمان: باسها مع راسها وطلع لساره هديل: ااااااااااااه يارب ارحمني احاول اتجاهل احاول اصبر بس خلاص احس اني موقادره متى ترجع مشعل واحس بوقوفك جنبي ماتتخيل قد ايش فقدتك ياخوي ياعزوتي ياقوتي بعد ربي فـــي بــريـــطـــانـــيـــا مشعل: خلاص اخر يوم له ورحلته بعد ساعات بس طبعا من البارح ماجاه نوم يفكر باخته بخطيبته ندى هل راح يقدر يسعدها اولا وهو يرتب اغراضه طلع صندوق ذكرياته جلس على طرف السرير وفتحه طلعت منه تنهيده قويه طلع خاتم فضي فيه فص اسود وراح بفكره بعييييييييد