جرح المدينة وجرح القلوب الحزينة - الفصل 39 - بقلم أمي روحي - مكتملة | روايتك

ابو سليمان: يعني ماراضيتها سليمان: بست رجولها بس الهانم موراضيه ترضى كاني كفرت موتزوجت على اذنكم ابروح ارتاح تعبان من السفر وطلع ساره: تشققت من الفرح بس حاولت كتم فرحها ام مشعل:الله يهديها هديل نكدت على اخوي والا فيه زوجه تستقبل زوجها كذا ساره حبيتي لاوصيك عليه حاولتي تهديني وتسمحين خاطره ساره: بدلع تلبس عباتها المزخرفه لاتوصين حريص سليماني بعيوني الثنتين لمياء: عصبت ماحد راح يهتم في اخوي اكثر من هديل بس هو عض اليد الي امدت له ام مشعل: عيب يابنت تقولين عن اخوك الكبير كذا لمياء:لاعيب ولايحزنو انا ابطلع لهدوله واخليكم ياهل العيب والواجب ام مشعل:الله يهديك ياخاله مدلعه لمياء حيل تراك وماتعرف تحترم الكبير ا م سليمان: لمياء ماقالت الا الصحيح بس ربك يعين فــــي بـــيــت ابـــو ســــ ع ـــــود كانوا هل سعود مجتمعين وبنات عمهم فوق بغرفهم ابو سعود: ايش رايك ياوليدي اخطب لك نوره بنت عمك ام سعود: الله لايقوله ياخذ وحده مطلقه ابو سعود: اسكتي انتي موكان يموت فيها وقوم الدنيا علشانهاليه ماياخذها الحين انا اشوفه مازال يحن لها نوره: كانت نازله بس سمعت اسمها بلسان عمها وقفت وفرحت ان عمها يطلب من سعود يتزوجها لانها مره تحبه الحين وندمت انها رفضت رجولة وجمال سعود مافيه بنت ترفضه سعود: يبه هذاك قلتها بلسانك كنت تحبها ابو سعود: يعني راح تاخذها اولا سعود: انا ما اخذ فضلة نايف نوره: حطيت يدها على فمها من قوي صدمة سعود ونزلت عيونها وقالت بهدوء مالومك ياسعود الي سويته فيك موقليل وجرحي لك موهين ورجعت ودخلت لجناحها ناديه : كانت تراقبهم وساكته لانها اكثر شي تفهم سعود من نظراته متى يحب ومتى يكره بس ماشافت بعيون سعود حب لنوره زيا ول ابدا شافت بس رحمه ام سعود: انا راح اخطب لولدي بنت اخوي عبير ياسمين:عبيرليه قضو البنات الا عبير نسرين: ايش فيها عبير جمال ودلال سعود: وانا موافق بس موالحين تكلمينهم يمه حتى اقولك لازم افكر قبل اكثر ام سعود: طارت من الفرحه وقامت تضم ولدها متى ياوليدي وربي ابغى افرح فيك اليوم قبل بكره سعود:طبعا زي عادته كان ثابت ولايهزه شي ان شاءالله راح اقولك يالله على اذنكم ابروح لمكتبي ناديه: لحقت سعود فوق واستاذنت ودخلت عليه غريبه سعود سعود: ايش الغريب ناديه: انك اخترت عبير سعود: وايش الغريب بكذا نسرين تقول انها تموت فيني ناديه: وانت سعود: مولازم احبهااصلا ماراح احب أي بنت ناديه: متاكد ياسعود انك ماراح تحب أي بنت وتناظرعيونه بتركيز سعود: نزل عيونه يشتغل بالاوراق الي على مكتبه ايه متاكدوتراني مشغول لاهنتي ياناديه لازم اخلص شغلي الليله ناديه: لام شافت تهربه تاكدت من ظنونها وشكها قامت وراحت للباب التفت عليه بس عبير تصرفاتها ولبسها مو من ذوقك سعود: الحين رفع عيونه بكل ثقه وطالع فيها قال تصرفاتها سهله اقدر اغيرها مافيه بنت تفرض تصرفاتها على سعود ناديه: ابتسمت وقالت اتمنى راسك دايم مرفوع ياسعود وماتنزله ابد وغمزت له بعينهاوطلعت سعود: ابتسم لو قدرت اخدع الناس كلهم ماقدرت اخدعك و اغبي عليك ياناديه انتي الوحيده ا لي تفهميني فــــي شــــقة ســــلـــيـــمـــان سليمان: كان متاثر حيل من هديل ومقابلتها له لان ساره واخته ماقصرو زادو غضبه طبعا العقربه ساره تتلصق وتتحب فيه وحاولت تنسيه هديل ساره: حاطه يدينها على رقبته ايش رايك تنام هنا الليله سليمان:لاحبيتي لازم ارجع لها بعدين اهلي يحطون اللوم علي ويغثوني بمحاضراتهم ساره: نزلت يدينها خلاص براحتك سليمان: ضمها مع وراها قاله ساره قلبي لاتزعلين مني ساره: تتميع قدامه وتتصنع الرقه والبرائه غصب عني حبيبي اغار عليك ماتخيلك تنام مع غيري سليمان: والي يوعدك ماراح يلمس غيرك ساره: ايش يضمن لي سليمان: اوعدك لان قلبي مايشوف غيرك وهديل ارحمه واقدرها بس ساره:طارت من الفرحه وضمته قالت الله لايحرمني منك ياقلبي سليمان: ولامنك ياحبي فـــــي جـــنــاح هــديــــل هديل: ذبلت وراح نور وجهها وشحبت الحزن اثر عليها وقل حالها مره من يلومها وهي الدموع صارت طبيعتها تقوم وتنام على دموع وقلب محترق مجروح كانت جالسه على الكنبه وتفكر بحالها وحال صديقتها واختها وحبيتها ندى تقول سبحان الله اظلمت الدنيا بعيوننايارب تفرجها لي ولها بس انا عندي حل وحيد ينقذ ندى من جحيم سعود واخته[هديل قلبها مولها تهتم باحزان وهموم الي تحبهم اكثرمن نفسها هذا طبعها حنونه مره] وهي تفكر دق جوالها تناظر الشاشه اغلى ماعندها بدنياها هو وعمتها اخوها ونور عينها مشعل نست احزانها لام شافته منور شاشة جوالها مشعل:هلا وغلا بكل الحلا هدولتي هديل:من زود فرحتها فيه اخنقتها العبره وذبحها الحنين له هلا وغلا بتاج راسي بعزوتي الله لايحرمني منه مشعل: تنهد لانه حاس بحزن اخته لو غبت عليه ولامنك هدولتي اخبارك طمنيني عنك هديل: بلعت عبرتها ونزلت دموعها غصب عنهااخباري تسرك[[ماتبغى تفرق بين مشعل وخاله]] مشعل: متاكده انك بخير هديل: بنعمه من ربي بس ماتكمل سعادتي وراحتي حتى ترجع فديت قلبك مشعل: من بعد زواج زوجك وانا شاد حيل وكلها كم اسبوعين وانا راجع لكم ان شاءالله هديل: نقزت من الفرحه وقالت جد مشعل مشعل: ايوه مايهدا لي بالي وانا احسك ضايق فيك الدنيا وانا بعيد عنك علشان كذا ضغطت على نفسي والحمد الله شوي ومنتهي وراجع هديل:تو جده ماتنور فيك [طبعا تذكرت صديقتها وحبيتها ندى]اجل مشعل ايش رايك نخطب لك مشعل: ايش خطبه وزواج الله يهديك هديل: مشعل حبيبي من زمان ونفسي اكلمك بالموضوع هذا مشعل: أي موضوع هديل: انت لازم تنسى حبك لنادين الله يرحمها ولازم نفرح فيك وعروستك عندي مشعل: بس انا مابغى اظلم أي بنت معاي وقلبي دفنته مع نادين الله يرحمها هديل: عودتني تتكلم بعقلك موبقلبك مشعل من الغلط تبقى على ذكريات وحده توفيت الله يرحمها وعلشان ماغشك العروس الي ابغاها لك بعد كانت تحب زيك بس حبها مات لانه خدعها يعني هي راح تعرف انك كنت تحب وانت بعد وكل واحد منكم يساعد الثاني على ترك حبيبه السابق مشعل: لاتكونين تبغيني اخطب ندى هديل: ايوه ابغاك تخطبها ندى ماناقصهاشي جمال ودلال وطيبه ندى يامشعل تمر بظروف صعبه الله وحده عالم فيها كانت متعشمه بولد خالها ينقذها من جحيم سعود واخته بس ولد خالها خذلها وغشها مشعل: تذكر هوش سعود وكرهه لندى وهو بطبعه رحوم مره وطيب زي اخته هديل رد عليها قالها بشرط تعلميها عن قصتي حبي لنادين ان وافقت فانا موافق هديل: فرحت مره مادري كيف اجازيك يامشعل جيتك راح تنقدذني وتنقذها انت يابو قلب كبير يااحن رجال واجهته بحياتي ليت سليمان زي حنانك وخنقتها العبره دخل سليمان وسمع اخر كلمه قالتها رد عليها قال سليمان راح تخسرينه وتخسرين حنانه بدلعك وعنادك هديل: مع السلامه مشعل بكره اكلمك وسكرت من اخوها وصدت عن سليمان وماكنها سمعت كلامه سليمان: ماشاءالله طلع الضحك والوناسه والمدح لمشعل وانا لي شهر غايب وتقابليني بدموع وحزن وهواش هديل: ناظرت فيه بتعجب قالت عطيتك اشد من كذا وانت فرطت فيه سليمان: قرب منها ومسكها مع ايدينها قال هديل تراني اول خطوبتي كنت اعذرلك واقول مالومها لسه مصدومه بس قسم بالله اذا استمريتي كذ1ا راح تخربين بيتك بيندك وهنا ماراح ينفع ندمك وانتي تعرفين مالك احد غيري هديل: فكت نفسها منه وابعدت عنه واشرت فوق قالت لي ربي وربك ياسليمان ماراح يخليني وطلعت وخلته سليمان: جدع نفسه على الكنبه وفك ازارير ثوبه وقال اوووووووف قسم ترفع الضغط ادللها ومافيه فايده بس وربي من اليوم ورايح لادبها حتى تكف عن دلعها الزايدوين تروحين ياهديل على قولة اختي ام مشعل مالها احد تروح له مصيرها جالسه معك جالسه فــــي غـــرفـــة نــــــدى ندى: نوره ايش تقولين انتي انجنيتي ترجعين له بعد الي سواه فيك نوره: وهي حزينه لان مازال كلام سعود خنجر بقلبها ردت على اختها لازم ارد له تعرفين ندى احنا مالنا اهل وجلوسي ببيت عمي غلط لازم ارجع انا وعيالي لابوهم الى متى نظل كذا ندى: اجلسي ياغبيه ببيت عمك معززه ومكرمه احسن لك من جحيم نايفوه نوره: نايف ان شاءالله تاب وتغير وانا لو اشوف منه أي غلط راح ابلغ عمي عنه ماراح اسكت زي ا ول ندى:: براحتك حبيتي والله يحفظك نوره: على اذنك ابروح اجهز اغراضنا لاني رديت لنايف برساله اني موافقه ارجع له وهوطار من الفرحه ورد لي بكره راح يجي ويرجعني معاه ندى: ضمت اختها وباستها وهي تحجر دموعها الله يسعدك معاها بس وربي راح افقدك فرحت وانتي معاي حتى سعود خف عني وانا ماتعرضت له بعد زعل ياسمين علي نوره: مسكتها مع كتفها قالت ندى ابوصيك وصيه سعود تراه وربي طيب بس مر بظروف خلاه كذالاتظلمينه ندى: واضح طيب وهو اول ماسمع صوتي وهو مشبعني اهانات جلست وعلامات الحزن عليها تصدقين اشوف رجولته تعجبني واتمنى يكون ولد عم طيب معاي احيانا اشوف نظراته حاقده واحيانا واحنا نشد مع بعض ويرمي علي كلام احس بنظراته موحقد ولاشي احس فيها شي عجزت افهمها احسه انسان غامض جدا عجزت افهمه نوره: حبيتي قلت لك هو طيب وربي زي عمي وناديه وياسمين بس مر بظروف صعبه ندى: ظروف صعبه ظروف صعبه مواصعب من ظروفي نوره الي فقدت كل اهلي ومحتاجه احد حولي وولد عمي ينصرني مويهني ويخذلني متى يجي اليوم الي ارتاح منه واطلع من هالبيت لايغشك سكوتي ومكابرتي عن اني اظهر الحزن قسم جواتي يانوره نار تحترق بس ماحب اظهرها نوره: ضمتها حاسه فيك حبيتي وربك مارح يخليك يالله حبي ابروح انوم عيالي وراهم سفره بكره ندى: الله يحفظك جلست ندى تفكر بكلام اختها وتنهدت بحزن يارب تعجل بخلاصي منهم وشوي الا تدق هديل عليها هديل: هلا وغلا حبي ندى: هلا ببلسم جراحي والامي هديل: ندى مابغى اطول لان سليمان عندي بس ابغى اشاورك بموضوع ندى: ايش هو هديل: ابدخل فيه بدون مقدمات مشعل راح يرجع بعد اسبوعين وانا اقترحت عليه نخطبك له ندى: انا اتزوج مشعل هديل: ايش فيه مشعل مايعيبه شي طيب وحبوب وحنون وماراح تلقين احسن منه صح موجميل حيل بس جمال قلبه ونفسه اهم شي ندى: ماهمني الشكل بس انتي زمان حكيتي انه متعلق في نادين الله يرحمها ومايبغى احد بعدها هديل: صح بس نادين ماتت الله يرحمها ولازم ينسى حبها ندى: اسفه ماقدر اتزوج انسان سبق حب غيري هديل:لاتنسي انتي بعد حبيتي كنت متعلقه في سامي ندى: بس هو مانساها هديل: واتوقع انك انتي لسه مانسيتي سامي بس تحاولين تنسينه تعاوني انتي ومشعل كل واحد مكم ينسي الثاني حبه الاول صدقيني ندى انتي مثل روحي واذا تزوجتي مشعل ماراح تندمي ندى: ابستخير وارد عليك هديل: ماخاب من استخار يالله اخليك الحين وع الف سلامه