جرح المدينة وجرح القلوب الحزينة - الفصل 35 - بقلم أمي روحي - مكتملة | روايتك

ام نايف: قوم عن ولدي لابارك الله فيك ياويل حالي يبي يروح فيها ولدي وجلست تبكي الناس تجمعت ورجال الامن جو يفكون الهواش ابو سعود: جر سعود مع كتوفه قال خلاص يكفي سعود خله لانه مو رجال ماتشوفه ماقدر ينطح رجال مثله وفاتل عضلاته على مراه لانه رخمه بس شايل اسم رجال نايف: قام وهو فحمان ودايخ من ضرب سعود له ويمسح الدم الي طلع من فمه انا ارجل منك انت وولدك ابو سعود: ناظر فيه باحتقار الرجال عمره مايمد يده على مراه وانت الحكومه راح تجازيك مو حنا ام نايف: ضمت ولدها وتبكي طمني جاك شي ياوليدي سامي: باستهزاء تخافين على هاللوح والمسكينه الي بين الحياة والموت ماتخافين عليها نايف: حمر عيونه على اخوه احترم نفسك لا اادبك بعد انت سامي: خوفتني اقول لايكثر بس فشلتنا الله يفشلك ومسوي الاخو الكبير والعاقل ياخساره بس ماحترمت عمتك بعد مماتها نايف: طنش اخوه التفت على ابوه هاه طمنوني عن نوره ابو نايف: لو كنت قلقان عليها ماسويت فيها كذا نايف: غصب عني يبه غصب عني والا وربي احبها موت سامي: عمر الي يحب مايضر حبيبه نايف: اقوووووووول انطم انت مابي اسمع منك ولاكلمه تفهم الدكتور: طلع الجميع اسكتو ندى: قربت للدكتور طمنا عليها يادكتور الدكتور: لا الحمد الله الحين فاقت بس لسه تعبانه ندى: ابغى اشوفها ارجوك الدكتور: بس والله لسه تعبانه حيل ندى: صدقني ماراح اتعبها اوعدك انا اختها ومالي بالدنيا غيره واغرقت عيونها بالدموع الجميع تاثرو لام سمعو كلام ندى حتى نايف كلمة ندى سكين بقلبه وسعود الحجر رحمها بس طبعا زي الجبل مايبن حزنه ولافرحه الدكتور: تفضلي بس لاتتعبينها بالكلام ندى: اوعدك دخلت على اختها نايف:جا يبي يدخل مع ندى سعود: حط يده على الباب قاله ممنووووع نايف: ايش دخلك انت تحرمني من زوجتي سعود:دخلني الباب فارق عن وجهي قسم لادوسك هنا نايف: ورني ايش راح تسوي ابو نايف: جر نايف مع كتفه قال اركد بس اذافاقت نوره هي الي تسمح لك نايف:بس خايف عليها يبه ابطمن عليها ابو سعود:يناظره باستحقار من شد خوفك ضربتها يكون بعلمك انا الحين بعد ابوهن وماراح تدخل عليها حتى تسمح لك نوره بنفسها نايف: ناظر فيهم وبعدين ناظر بسعود الي نظرات الكره والاستهزاء بعيونه جلس على احد الكراسي ونزل راسه وسكت لانه عارف ان الغلط راكبه من راسه لساسه عــــــــــنـــــد نــــــوره نوره: رفعت عيونها لندى وريقهاناشف ولام شافت ان ندى هي الي عندها بكت ونزلت دموعها بغزاره ندى: حاولت تمسح دموعها بسرعه وحاولت تكون قويه علشان تقوي اختها باستها مع راسها وايدينها قالت لها حمد الله على سلامتك نوره نوره: الله يسلمك شوي الا تدخل الممرضه : الضابط يبي يدخل نوره: عقدت حوجبها قالت ايش يبغى بعد ندى: ايش يبغى يبي يحقق علشان يجازي الي كان السبب نوره: مابغى شرطه ولا غيره صوت ضخم حمد الله على سلامتك وانا عمك نوره: رفعت عيونها ونزلت دموعها بسرعه قالت الله يسلمك ياعم ابو سعود: قرب منها وباسها مع راسها ماتشوفين شر وانا عمك وربي ماتبطك شوكه بعد اليوم وانا موجود نوره: بكت ومسكت يد عمها وباسته وحست بالامان وهو جنبها قالت الله لايحرمني منك يارب وتقول بقلبها ماطيب هالعم رغم غلطنا عليه سامحنا وحن علينا ونسى كل شي صار ندى: تناظر بعمها وهي فخوره فيه وتقول بقلبها الحمد الله ان الله عوضنا فيه بعد ابوي حتى ولده غريبه ماقصر قام بالواجب ابو سعود: نوره وانا عمك نوره: ترفع عيونها بتعب سم ياعم ابو سعود: لازم تخلين الضابط يحقق يابنتي لازم ياخذون حقك على الي ظلمك نوره: تنهدت قالت حقي ربي ياخذه ابو سعود: يابنتي ربك راح ياخذ حقك بس لازم الضابط ياخذ اقوالك ندى: عصبت نوره بلاهبال خلي الضابط يدخل بسرعه نوره: سكتت وماردت عليهم دخلو الضابط واخذوا قولها بس قالت انا متنازله عن كل شي ومابغى تحبسونه ولا شي وقعت على اقولها ندى: عصبت من اختها وهاوشتها ابو سعود: ندى خلاص اختك حره ندى: سم ياعم وطلعت هي وعمهامن غرفة اختها سعود: ولع وعصب لامعرف ان نوره تنازلت عن قضيتهابس قال ايش دخلني بينهم عساهم للحريقه رجعو كلهم بعد ماتطمنو على نوره اصرت ندى تجلس بس المستشفى نعها تكون مرافقه راحت لفندق هي وعمها في جناح وسعود بجناح مستقل فـــي بــيـــت فـــيـــصل فيصل: كان مشغول يجهزشنطته لان امه طالبه منه انه يوديها لشاليههم الي بجده علشلن تكون قريبه لهديل وتجلس عندها حتى يرجع زوجها من السفر ريم: جت قربت لفيصل وضمته من ظهره قالت حبيبي راح اشتاق لك فيصل: استغرب من تصرفاتها لها يومين وهي متغيره صايره احن وارق التفت عليها وباسها مع جبينها وانا اكثر حبي ريم: بدلع يعني ضوروي حبيي راح تسافر فيصل: اكيد قلبي من يودي امي ريم: اجل لا تتاخر ياعمري تراك توحشني مره فيصل: قرصها مع انفها وقالها وانتي ياقلبي ريم: ابروح معاكم للمطار فيصل: ليه ريم: علشان اودع خالتي عيب تسافر بدون اودعها فيصل/ استغرب بس ماحاول يوضح لها قال خلاص حبي مشينا مع السواق والشغاله وخوذي البنات علشان يسلمون على امي ريم: اكيد فديتها تحبهم مووووووووت وصدت وهي تميل بفمها وتقول بشويش مالت عليها بس يارب ماترجع من هالسفره ذي العجوز الي ادوختنا ركبو سوا بالسياره وام فيصل المسكينه طيبه فرحانه من تغير معاملة ريم لها وتضم ببنات فيصل وتسولف عليهم ريم: بشويش اوووف ادوختنا هي وقرقها لام نزل وجت ام فيصل تودع بناته ضمتهن وسلمت على ريم وضمتها وباستها ريم: اول ماركبت السيار اخذت الجوال ودقت على سماهر سماهر: بدلع الووووووووو ريم: هلا سيما سماهر : هاي ريمي ريم: قسم ان ماجابت خطتك نتيجه ان لاوريك الشغل سماهر: ههههههههههه ليه ياقلبي ايش صاير ريم: ماصار شي جديد بس طفشتني هالعجوز هي وقرقها وتبويسها مسويه العجوز الرحومه الطيوبه سماهر: هالاشكال الماكره عامليها بزي مكرها وتفوزين عليها ريم: متاكده سيما سماهر: افا عليك متاكده مرررره ريم: الله يعجل بنجاح الخطه لاني من جد منقرفه منها سماهر: تحملي ياحبي فــي غرفــــة نـــوره فـــي الــــمــســتــشفى كان عمها وندى موجودين عند غرفتها ينتظرون يسمح لهم بزيارتها جاء خالها وشوق وزوجة خالها ونايف وعيالها مع سامي يدور فيهم ويمشيهم ويلهيم شوي عن امهم جو يبيون يدخلون نايف: ابدخل اطمن على زوجتي ندى: ايش تبغى بعد تبي تكمل عليها ام نايف: عيب يابنتي هالكلام سعود: كان جالس ويراقبهم ندى: ناظرت بزوجة خالها بقوه قالت ليه ياخالتي ماعلمتي ولدك انه عيب الرجال يمد يده على مراه وخصوصا اذا كانت زوجته ليه ماربتيه رجال يعرف الصح من الغلط نايف: ناظرها بعصبيه قال ماتلاحظين انك طولتيها ياندى ندى: لا انت الي مقصرها يعني ترا نوره ماتبغى تشوف رقعة وجهك تشوف ملك الموت ارحم من انها تشوف واحد حقير زيك يغدر بزوجته وببنت عمته الي كانت شايلتك بعيونها بس للاسف امي وابوي الله يرحمهم اساأو الاختيار ابو سعود: كان واقف جنب ندى كانها اشاره منه لهم يحذرهم يقربون لها ويحسس ندى بالامان انه جنبهاومخليها هي الي ترد وساكت علشان يحقر نايف وابوه ويعلمهم قدرهم ان البنت هي الي ترد عليهم ان نايف ماله هيبه ولاقدر عندهم ويتلذذ وهو يشوف بنت اخوه ماسحه بنايف البلاط ومعجبته قوتها وشخضيتها ابو نايف: ماتلاحظين ياندى انك تغلطين بكلامك وانا خالك ندى: اسفه خالي حقك علي كلامي صار غلط وفعل ولدك صار صح ابو نايف: انا لمته وزعلان عليه الحين ندى: خالي انت ماقصرت بس ولدك غدر بالامانه وماجافظ عليها لاتلومني يتخال ارجوك ولاتاخذ بخاطرك بخاطرك علي سعود: كان يراقب ندى وقوتها يقول بقلبه غريبه هالبنت من جد غريبه ماعمري شفت زي قوتها ابو نايف: لا مالومك وانا خالك وناي فالي سواه مو قليل ندى: يالله على اذنكم ابدخل لنوره وبعدين دخل خالها وزوجته وشوق سعود:قام وقرب من نايف وصفك بيدينه باستهتار وضحك باستهزاء اكثر برافو عليك بنت تهزاك تراني ماسكت ا لا ابخليك تعرف قدرك انك حشره تنداس بالرجلين أي بنت تدوس عليك تعرف ليه لانك ماحافظت على رجولتك وطلعتها على انسانه ضعيفه ماتقدر تدافع عن نفسها ياحقير نايف: رفع يده يبي يعطي سعود كيف سعود: مسك يد نايف بكل قوته وقال هالمره سماح يالحبيب والمره الثانيه قسم لاكسرها لك كسرررررر تفهم او لا ونزلها بقوه ومشى وخلاه نايف: جلس بكرسيه حقير نذل بس انا الي جبت لنفسي كل هالكلام انا طبعا نوره رفضت تشوفه واصرت انه يطلقها خالها حاول فيها بس هي رفضت وقرر عمها انه يشلها معاه للرياض ويسكنها ببيته لان بيته كبيرررر مره ويبي يفرغ جناح مستقل لنوره وعيالها رفض نايف يطلقها بس ابوه صمم عليه وبعد اصرار ابوه عليه طلقها وهوبقمة حزنه والي زاد قهره انها راح تسافر وتسكن في بيت سعود الي كان يموت فيها تاكد نايف انه خلاص خسر نوره للابد لانه شاف سعود كيف يدافع عن نوره وكيف ضربه علشانها عرف ان سعود مازال يحب نوره وبقووووووووه بعد