جرح المدينة وجرح القلوب الحزينة - الفصل 34 - بقلم أمي روحي - مكتملة | روايتك

فـي الـــطــيـــارة ندى جلست جنب عمها وسعود جلس لحاله على الكراسي الي جنبهم بس يفصل بينهم الممر طبعا ندى جنب الشباك بعدين عمها ندى:كانت متوتره مره وقلقانه على اختها تذكرت وصية حبيتها هديل دايم تردد عليهاان الانسان اذا ضاقت به الدنيا يكثر من الصلاة وقراة القرآن طلعت مصحفها وجلست تقرا فيه سعود:التفت جهة ابوه وندى وشافها وهي تقرا بالمصحف سند راسه على المرتبه قال سبحان الله قد ايش غريبه هالندى عندها قوة تحمل موطبيعيه بعدين سرح خياااااااله بعيييييييييد تذكر حبه لنوره وكيف كان يتحين الفرص يدخل بالعزايم علشان يشوفها وكيف كان يحبها من قلب تذكر غرورها عليه وتحطيمها له لام كانو صغار بس كان زي البلسم على قلبه تذكر لام يدور شغله مع دراسته علشان يكون فلوس بسرعه ويتزوجها وفجاه اقتحمت افكاره رفضها هي واهلها له سجنه استهزاء نا يف فيه نزل شماغه ومسك راسه بقوه وجلس يفرك فيه ندى: كانت تقرا بس ماتدري ليه التفت على اكره الناس لها شافته كيف كان سرحان وواضح انه بعالم ثاني استغربت من تغير مزاجه فجاه لانه جلس يمسك راسه ويفرك فيه بشده لاحظته لام رفع راسه وجلس يعدل من شعره كيف كان وجهه متغير واحمر كانه زعلان من شي تسندت على المرتبه قالت سبحان الله هالانسان ماعمري شفت اغمض منه متقلب مزاجه اشوف بعيونه حزن العالم بس نست سعود لان خوفها وحزنها على اختها داهمها رفعت عيونها قالت يارب احفظها لي ولعيالها يارب فــــي غــــرفـــة ســــلـــيـــمـــان سليمان: كان يشيل اغراضه ويحطهن بشنطه علشان يوديهن لبيته لان خلاص بعد يومين زواجه ناظرهديل الي كانت لابسه قميص ليموني ومعطيته ظهرها وتناظر وواقفه تناظر بالشباك وشعرها يتطاير مع الهواء وموحاسه بالي حولها وواضح الحزن عليها ترك الي بيده وقرب منها وضمها وباسها مع رقبتها هديل: سكتت ولا التفت عليه سليمان: قرب لاذنها وهمس لها هديل ارجوك لاتزعلين مني انتظر ردها هديل: كانت تسمعه بس ماردت سليمان: هدوله ارجوكي سامحيني ترا غلاك بقلبي كبيرررر هديل: التفت عليه وناظرته بعيونها سليمان: فرح لام ناظرته هديل: مسكت ايدينه قالت اوعدني سليمان انك تعدل بينناوماتنساني سليمان: اوعدك هديل هديل: بلعت عبرتها قالت له حتى لو جاك ولد سليمان: اوعدك حتى لو جاني مية ولد مو ولد واحد هديل جمايلك مغرقاني اكون نذل لو نسيتها او نسيتك هديل: ناظرته وسكتت سليمان: ارتاح لام كلمته بس محيرته بنظراتها مونظرات هديل الاولى مايشوف فيه الحب الي كان يشوفه قبل قال بس فتره وراح ترجع هديل زي ماكانت هديل طيبه وطول عمرها طيبه تركها واخذت شنطته وطلع هديل: رمت نفسها على الكنبه تردد جميلك علي ياهديل مغرقاني كيف انساها ماقال حبك بقلبي كبير معقوله كل هالمده وجميع محاولاتي لكسب حبه فشلت واخذت دموعها تنزل بهدوء وعيونها تدور بارجاء الغرفه وتبلع غصتها معقوله سليمان ماكان يحبني بس منحرج من تصرفاتي لا معقوله مانسي حبه لسار ه طاحت على الكنبه وجلست تبكي وتبكي فــــي الــــمـــســتـــشـــفـــى ندى: راحت عند غرفة اختها منعوها الممرضات انها تدخل اصرت عليهم ومنعوها وعمها وسعود يراقبونها بس ندى دفت وحده منهم ودخلت عند اختها الممرضه: جت تبي توقفها سعود: نادى الممرضه قال لها خليها مارح يضرانها تشوفها الممرضه: بغت ترد عليه بس هابته وسكتت ندى: دخلت عند نوره وطارت عيونها وحطت يدينها على فمها وهي تشوف الكدمات بوجههاناظرت للمرضه قالت تعرضت لضرب هي الممرضه: للاسف ايوه وهذا الي خلاها تنزف وبقوه وعرض حياتها للخطر ولازم يوفر لها دم حالا ندى : طلعت تركض من غرفت اختها دورت عمها مالقته سالت الممرضه وين راحو دلتها على غرفة الدكتور ابو سعود وسعود كانو عند الدكتور الي علمهم عن وضعها وانه اذا ماوفر لهادم خلال 6 ساعات احتمال تموت طبعا دم سعود مطابق لدم بنت عمه قرر انه ينقلون لها الدم منه حالا ندى: فتحت الباب بقوه ابو سعود والدكتور وسعود تفاجاو من طريقتها بالدخول ندى: عم انت عرفت ان نوره تعرضت لضرب وحشي ابو سعود: نزل عيونه بحزن قال ايوه عرفت وانا عمك ندى: من الي ضربها ابغى افهم سعود: خلي تحقيقك بعدين ويالله مشينا ندى: ناظرته وهي بقمة عصبيتها انت ممكن تسكت سعود: مابقى غيرك تسكتيني ندى/ انت لو عليك كمل عليها وموتها وذبحتني وراها انسان حاقد موغريبه عليك تتلذذ وانت تشوف اختي تموت سعود: قهرته وجرحته بكلامها هو الحين الي راح يتبرع لها وهذي تصب غضبها عليه قالها بعصبيه ممكن تنطمين موقت هبال بزران الحين ندى: جت تبي ترد عليه ابو سعود: سعود ندى خلاص مو وقت هواش الحين وانت يادكتور ابذل كل مابوسعك لانقاذها واذا ماكان عندكم امكانيه نقلناها لمستشفى خاص الدكتور: لا ان شاءالله يابو سعود المساله بسيطه بس لاننا مالقنا لها دم يطابق دمها والا الحمد الله النزف توقف بس لازم نعوضها ومادام الاخ سعود مستعد مشنا ندى: انصدمت ان سعود هو الي يبي يتبرع لاختها ماتبغى بس هي تعرف ان دمها مايطابق دم اختها سكتت احتراما لعمها والا كانت تحترق من الداخل من داخلها ندمت انها ظلمته بس كابرت ابو سعود: جلس هو وندى عند غرفة نوره ينتظرون سعود يطلع ويبغون يطمنون على نوره بعد نقل الدم ابو نايف: كان جاي مسرع هو وزوجته وسامي ابو سعود: ناظرهم والشرر يطلع من عيونه ابو نايف:العذر والسموحه بس والله احنا هنا من البارح رحنا نبدل ملابسنا ونرجع سامي: ناظر بحبيته بس مالاقى منها نظرات الحب شاف نظرات كره وغضب نزل عيونه وقال مالومك ياندى ندى: تقول باستهزاء لاماقصرت ياخال ليه تعب حالك ابو نايف: لاتعب ولاشي يابنت اختي ندى: بس ياليتك متعب حالك وراقبت ولدك المجرم زين ام نايف: ايش هالكلام الله يهديك ندى ابو سعود: ندى مو وقت نقاش وعتاب الحين لازم نطمن على نوره اول ولنا معاهم كلام طووووويل ابو نايف: جلس هو وزوجته وولده قال الله يفشلك يانايفوه ام نايف: يمكنها هي رفعت ضغطه بعد ليش تحط كل الحمل على ولدك من زمان بنات اختك زي اختك حارات وعناديات ماتشوف قوة ندى وكم مره امر من عند جناحهم اسمع صراخها عليه ابو نايف: خلاص اسكتي انتي الحين يكفيني بالبلوى الي بلانا فيها ولدك طبعا شوق ماجت لانها جلست عند عيال اخوها علشان مايشوف امهم بالوضع هذا ويتروعون سعود: قام من السرير وهو يحس بدوخه لانهم سحبو منه دم كثير قام وطلع من الغرفه ولام طلع الا ويشوف الرجال الي يركض ويدقق فيه الا وهو نايف خلاص جت شياطين الارض وقفت عند راسه نايف: لام عرف عن نوره تضايق حيل وحزن عليها وندم مره وجاء للمستشفى يركض بس تفاجاءوجن جنونه لام شاف سعود واقف عند غرفتها ابو سعود: يناظر بولده لام طلع من الغرفه بس استغرب ليه سعود معصب كذامره ندى: نفس عمها ناظرت سعود وحست انه دايخ ورحمته مره تمنت انها تروح له وتبوسه مع راسه لانه انقذ اختها نست في تلك اللحظه كرههم لبعض بس تفاجات لانه حمر وجهه وعقد حواجبه تناظر للجهه الي يناظر لها سعود وتشوف نايف جاي منها سعود: انظلق مثل الاسد ومسك نايف مع رقبته لاتظن يالخسيس ا ن اهلها ماتو ماوراها احد نايف: وانت ايش دخلك ياخريج الســ سعود: ماكمل كلمة نايف لان سعود عطاه بوكس مع وجهه خلاه يسكت نايف: ياحقير ايش دخلك جاي عند زوجتي سعود: شد فيه مره ثانيه ويكلمه وهو راص على سنونه ماحقير غيرك وودع من اليوم ورايح انها تكون زوجتك ابو سعود وابونايف وسامي ركضو يفكون بينهم لان سعود سدح نايف على الارض طبعا نايف كان لاشي بالنسبه لجسم وضخامة سعودمع ان سعود توهم ساحبين منه د م بس مازال اقوى من نايف ندى وام نايف يراقبون الوضع وخايفات ان سعود يذبح نايف