شر الانتقام - الفصل 17 - بقلم أمي روحي - مكتملة | روايتك

في بيت ركي وبالتحديد في غرفة ربى ربى:مانامت اصلا زين بالليل وبعد اذان الفجر اخذت لها شاور وتوضت وصلت جلست تزين شعرها وبعدين رفعت جزء منه ونفختها شوي من قدام ونزلت خصل متمرده وبعد ين حطت كحل جوا عينها وبان وسعها مره وحطت شوي مكياج وكانت لابسه فستان بذنجاني غامق وفيه شك ناعم وقصير شوي من قدام وطويل من ورا وكلوش ورشت من عطرها المفضل جفنشي وصار شكلها تحفه وجلست تفكر ياربيه الحين انزل لاهله لحالي اخاف يهاوشني ويقولي ليش نزلتي قبلي تبين اهلي يعرفون واخاف اروح لمه برضو يزعل ايش اسوي ياربي كيفه ابنزل واذا سالوني اهله اقول نايم فتحت باب غرفتها ولام جات تبي تطلع من جناحهم التفتت تناظر الغرفه الي فيها تركي وقالت خليني بس اساله انزل لحالي والا يبي ينزل معاي اخاف منه يسويها لي قضيه بالصباحيه وضحكت شوي وقالت أي صباحيه ماتهنيت باول ليله اتهنى بالصباحيه بس الشكوى لله هذاالمكتوب لي تركي: كان اخينا بالله بسابع نومه ولايحس بالي حوله ربى:دقت الباب عليه 3 مرات ومافيه رد بعدين دخلت عليه وشافت البشت مرمي بجهه والغتره بجهه والثوب برضو وابتسمت وهزت راسها على الفوضى جلست على الطرف الثاني من السرير وقلت تركي تركي تركي:كان بسابع نومه لانه مانام بالليل مانام الا بعدمااذن الفجر لان ربى شغلت تفكيره طول الليل ربى:ترددت كيف تلمسه بس هو مش راضي يقوم هزته شوي مع كتفه تركي قوم تركي:شم العطر الي عرفه من يوم تركب بسيارته والبارح حفظه مرررررررررره ربى:تركي انت صليت الفجر تركي:فتح عيونه ببطء وشاف الملاك الي جالس قدامه طلعت احلى من امس لان مكياجها قليل طلع جمالها طبيعي ووضحت سعت عينها لاوحبتها الي بخدها وضحت مرررررررره ولونها البرونزي المميز ربى:ابتسمت له وقالت انت صليت الفجر تركي:لام شاف ابتسامتها ذاب عندها وبسرعه تدارك نفسه لاتجرفه مشاعره وعقد جبينه وقال كم الساعه هالحين ربى:الساعه 8 تركي:صح النوم الساعه 8 وتقولين لي صليت تو الناس ربى:اختفت ابتسامتها وقالت انت ماقلت لي قوميني للصلاة تركي:اجل ليش داخله علي حضرتك هالحين وتساليني بعدين من سمح لك تدخلين لغرفتي ربى:عصبت شوي وحاولت تمسك نفسها ورفعت عيونها له وقالت انا كنت ابنزل لاهلك بس انت قلت لايدرون عنا قلت ابسالك انزل لحالي والا لا تركي:جلس وقال لا ننزل سوا بس اباخذ شاور سريع قبل ربى:ابتسمت له ثانيه وقالت خلاص انتظرك انا وبرتب الغرفه على بال ماتطلع تركي:لاخليها الشغاله تجي وترتبها ربى:قالت ماحب الشغاله تدخل جناحنا ابد انا احب اسوي كل شي بيدي تركي:وهو ياخذ الفوطه هزت كلمت جناحنا بس ماوضح لها ودخل للحمام بدون مايقول لها شي ربى:فرحت انها مارفض وقال لاتدخلين غرفتي بس وقالت ان شاءالله فيه تقدم ماد ري ليش يجذبنيعلىو ايش مادري وابتسمت على نفسها ووطلعت لبس لتركي ووعطرته من عطوراته وحطتها على السرير وكملت ترتيب الغرفه تركي:طلع من الحمام وشاف ربى وهي معطيته ظهرها وترتب السرير بس انبهر من طول شعره وسواده ونعومته وكثرته لان في الزواج كانت رافعته تسريحه بس حاول يتدارك عمره ربى:التفتت لمه بس استحت لام شافته بس لاف الفوطه على خصره وصدره واضح ارتبكت ونزلت عيونها وصدت على الجهه الثانيه وقالت انا ابنتظرك في الصاله تركي :لاحظ خجلها وابتسم بس على طول اخفىابتسامته وقال خلاص دقايق وجاي ربى :جلست في الصاله وتلمس وجهها وقالت يوه خدودي نار مت من الفشيله تركي:شاف ملابسه وابتسم على دقتها بس اختفت ابتسامته لام تذكر كلام وائل وقال اكيد انها كان لها علاقه فيه وأهلها عرفو عنها وزوجها لي علشان يفتكو منهم والا ايش حدها كل هالجمال والجاذبيه تتزوج واحد مطلق مرتين ربى: كانت تطالع بساعتها وفجاه ترفع عيونها الا تركي قدامها كاشخ بالثوب والشماغ تركي:تعالي انت تبين تنزلين لاهلي بالعطر هذا وبالبس ربى:ايش فيه ماعجبك تركي:تتعطري وتقولين ماعجبني وين التزامك والتزام اهلك والا كله تمثيل ربى:قهرها كلامه وشدت على يدها من القهرررررررررر بس قالت من بين سنونها البيت مافيه الا عمي وخالتي وميس مافيه احد غريب تركي:بس اخاف احد اخواني يجي ربى:طيب خلاص اروح اغير انا مادريت قلت اكيد يبون يستاذنون قبل مايدخلو تركي:لاياشيخه بدينا بعد تبغين تفرقين بيني وبين خواني وتحطين بيني وبينهم رسميات هذا بيتهم قبل مايكون بيتك ربى:ناظرته بقوه وقالت انا ايش قلت كنت احسب بس انت ليش تحب تفهمني غلط خلاص اروح اغير هالحين ومشت من جنبه تركي:مسكها مع ذراعها وقال لاخلاص اكيد انهم ماراحو يجيو بدري وامس سهرانين بالاستراحه بس مره ثانيه لاتاخذين راحتك ربى:ارتعشت لمسكته ليدها ونزلت يده عنها بسرعه وقالت بزعل خلاص يالله ننزل ترانا تاخرنا تركي:جرحته بابعادها له بس وحس في زعلها وقالها يالله ام تركي:حي الله المعاريس والله لو فيني حيل لولشت تركي:الله يحييك يمه ولاتتعبين حالك وسلم هو ربى على امه وابوه ابوتركي:كيفك يابنيتي عساك نمتي زين وارتحتي عساك مبسوطه ريحيني الله يريحك تركي يطالع فيها وهي طالعت فيه ربى:مادامني اشوفكم مبسوطين وجنبي فانا مبسوطه ياعمي ومرتاحه ابو تركي:الله يخليك يابنيتي ام تركي:من طيب اصلك والله ربى :قامت تصب لهم القهوه ام تركي:خليك يابنيتي توك عروس ربى:مافيه كلافه ياخاله وبعدين صبت لهم كلهم ووصلت لتركي تركي:لام جت لمه ماطالع فيها كان يناظر بالفنجال بس ام تركي:اجلسي جنب زوجك يابنيتي ربى:هنا انحرجت اذا رفضت يبي يشكون فيها وتخاف عندهم عيب المره ترفض تجلس حنب زوجها واذاجلست تعرف ان تركي مايبغى قربها وهي بعد ماتعودت عليه بس ضغطت على نفسها وجلست جنبه تركي:شم عطرها وحس بقربها اكثر ولا والي زود الطين بله ان ربى احترت من شعرها وجابته على جنب وشعرها طخ تركي وكان عند يده وربى المسكينه مالاحظت لانها كانت تتكلم مع اهله وهوشم حتى ريحة بخور شعرها بدى تركي يبلع ريقه من التوتر الي جاه وبسرعه قام ربى:ناظرته ابوتركي:وين ياوليدي تركي:لابس ابشرب ماء ربى:خلك تركي انا اجيب لك تركي راح بسرعه وطنشها ورجع وجلس بغيد عنها ربى:وياعيني على ربى لاتسالون عن حالها تضايقت مره ونزلت راسها وقالت بقلبها الى هالدرجه كارهني تركي:لاحظها وقال بقلبه الحمد لله انها فهمت اني منقرف منها مو منجذب لها الله ستر وفك ازارير ثوبه الفوقيه ابوتركي:تراكم مافطرتو يالمعاريس تركي:وانتم ام تركي:تعرف الشيبان يفطرون بدري يالوليدي بس انت افطر انت وزوجتك ربى:اجل اقوم ميس علشان تفطر معانا تركي:انت ايش تقومينها تلقينها تعبانه من امس تبينها ترهق زياد هانت تراها طفله وتحتاج للنوم اكثر منا ربى:تغير وجهها مرررررررره ام تركي:يانور عيني ياربى قلبها على ميس فديتك والله تركي:بس الي يحرص على مصلحتها يحرص على راحتها بعد نوره:لاربى ماشاءالله عليها حريصه لاتوصي حريص تركي تركي:بسم الله انت متى جيتي نوره:توني جايه علشان اشوف عصافير الحب وابارك لهم بالصباحيه المباركه ربى:ناظرت تركي وابتسمت ابتسامه جامده وقامت تسلم على نوره وتهلي فيها نوره:كيفك ربى عساك مرتاح هوانا اختك ربى:الحمدلل نوره نوره:وانت ياتركي اخبارك اخوي تركي:لا الحمد لله تمااااااااااااام نوره:الله يديم عليكم ربى:اجل انا ابروح احط فطور لتركي وانت يانوره اكيد مافطرتي نوره:هيه انت بعقلك عروس تدخل المطبخ ربى:ايش فيها عادي مجرد فطور بسيط ابو تركي:والله ماتروحين المطبخ ام تركي:يابيتي ماراح تدخلين المطبخ الابعد شهر ان شاءالله تركي:يناظر في ردربى عليهم ويتابع بصمت ابوتركي:بعدين تراه فيه شغلتين بالبيت يابنيتي وحده للطبخ وحده للتنظيف ربى:بس احسن ان الطبخ احنا نسويه بايدينا هن بس يساعدن نوره:ياشيخه ريحي عمرك انت ولاتخربينهم ترا اهلي كلهم متعودين على اكل الشغالات حتى فهد ومتعب حريمهم مايطبخن ولايطبن المطبخ تركي:وانت بعد ههههههههههههههه نوره :وانا بعد مانكر انا ربى:ناظرت تركي وهو يضحك وقالت يازينه اذا ضحك بس هو يمن فيها تركي:تمثيل الطيبه مايمشي علي ربى يقولها في خاطره مستحيل تشديني لك وتخلين نفسك الكل بالكل بالبيت علشان ماستغني عنك (واثق من نفسه اخينا خخخخخخخخخخخ) في المستشفى رولا:منزله راسها وتشتغل بالملفات وفجاه احد يقولها السلام عليكم رولا رفعت راسها وتشوف قدامها الي اشغل تفكيرها مده طويله طلال:قلنا السلام عليكم رولا:وعليكم السلام ورحمة الله وبركاتهآسفه مانتبهت دكتور وبدى قلبها يضرب طبول طلال:ماعلينا بس لو سمحتي ابغى ملف المريضه شيخه اذا لقيتيه جيبه لعيادتي رولا:ان شاءالله دكتور طلال:راح من عندها وهو متشققمن الفرح اخيرا شفتها بس جلس على مكتبه ويقول ليش طلال سويت الحركه ذي انت فعلا مشتاق لها بس المفرض تمسك نفسك ولاتطاوع قلبك اووووووووف غصب عني والله ماتحملت الشوق اكثر مني رولا:يووووووووووه ماصارت الى الحين قلبي يضرب بقوه بس غريبه ليش هو الي جاء يطلب الملف ليش مارسل ممرضته يمكن ممرضته مشغوله الحين اروح اودي الملف له واشوفه ثانيه بعدين قالت لنفسها انت جنيتي رولا لاتخلين مشاعرك تجرفك وتغضبين فيهاربك ابد مستحيل بعدين ارسلت الملف مع المراسله الفلبينيه طلال:جالس بمكتبه ينتظرها على احرمن الجمر هوعارف ا نالي يسويه غلط ومو من طبعه هالحركات بس غصب عنه الفلبينيه:خذ دكتور طلال:اخذالملف وعرف ان رولا ماراح تجي صح ضاق صدره لامه ماشافها ثانيه بس اعجب فيها اكثر وقال تظلين يارولا البنت العاقله المحتشمه الله عليك انت تبين تجنينيني اكثرررررررررر ياناس احبها والله احبهاا لامو احبها امووووووووووووووت فيها في قصر الخالد فيصل:شوفي الصور تجيني يعني تجيني باي طريقه لاتقعدين تبكين عندي نسايم:حرام عليك انت ليش قلبك قتسي كذا ماترحم ماتخاف ان الله يعاقب ويبلاك باختك فيصل:اقول انطمي اذا اختي ازين منك واذا ماجبتينه والله لانزلهن بالنت فاهمه والا لا نسايم:حرااااااااااااام عليك حرااااااااااااام اكرهك الله ينتقم منك فيصل:وانا ماطيقك ولا اطيقك شوفتك معك مهله شهرررررررررر بس وسكر السماعه بوجهها