ذكرى الحب - 🗯البارت الثاني 🗯 - بقلم منه فرحات (موني) | روايتك

اهلا بحبيبي اللي وحشوني من البارت اللي فات يلا بينا بقى نشوف البارت اللي جديد مخبيلنا ايه الكاتبه ..منه فرحات (موني) دخل احد إلى الغرفه ..... يقين ......يا مصبتشي سراج......انت مين وبتعملي ايه هنا يقين بتعجب.....انا سراج......ايوة انتي هو في حد غيرك واقف يقين.....الله اعلم يمكن في حد من اخواننا العفاريت ولا حاجه موجود ...ربنا يجعل كلامنا خفيف عليهم سراج ......سبق وسألت بتعملي ايه هنا تكونيش بت من بتوع مازن يقين.....لا يا باشا احنا بنات عاءلات محترمات سراج وهو يمرر بيده على وجهه بضيق .....اللهم اطولك يا روح ....انت مين يابت انتي يقين.....اني سراج بنفاذ صبر .....اممممم يقين......محسوبتك ورد اللي بتغسلكم وتوكلكم وتنضفلكم قرفكم سراج......اولا ايه قرفكم دي ماتلمي نفسك ثانيا ماتقولي الخدامه وخلاص يقين وهي ترفع اصبعها في وجهه ......انا لا اسمح لك اني مش خدامه انا مساعده فقط لا غير سراج وهو يخرج من الغرفه .......لا دي اكيد مجنونه يقين تحدث نفسها ......واللهي لا الففكم حوالين نفسكم وبكرة تقولو يقين قالت عالم حرابيق ......يالهوي انا نسيت الاوضه التانيه الوليه الحربوقه حتقتلني دخلت يقين الغرفه المجاورة وما ان دخلت حتى علمت انها غرفه معشوقها لانها كانت ملونه بالون الاسود وهو اللون المفضل لديه وملابسه في كل مكان وتوجد له صورة على الكومود بجانب السرير يقين بخنقه ووجع وهي تقف على الباب دون أن تتحرك......عماار اقتربت قليلا من السرير وأخذت الصورة الموضوعه بجانبه بين كفيها يقين بدموع......وحشتني اوي يا حبيبي وحشني كل حاجه فيك شكلك وضحكتك وريحتك وحضنك اللي مابحسش بالدفا غير فيه ....وحشني نطقك لاسمي بحب وحشتني كلمه يقيني وضمت الصورة إلى صدرها بقوة وهي تبكي بحرارة حتى التفتت وجدت قميصه موضوع بجانبها مسكت وقربته من انفها وظلت تشتم رائحته بكل ما فيها من عشق يقين ببكاء......هو انا فعلا حقدر أقف قدامك واتكلم من غير ما ترمي في حضنك واقولك قد ايه انت واحشني؟؟ ولا حضعف قدام عيونك ومش حقدر على بعدك اكتر من كده ؟؟ مسحت دموعها المتساقطه بكفيها ثم قالت .......لازم تنجحي في كده ...لو هو مش فاكرك يبقى لازم يحبك من جديد زي ماعشقك قبل كده _______________________ وفي الاسفل عند زهرة وسراج سراج......البت الخدامه دي مش طبيعيه زهرة......ليه بتقول كده هي عملت حاجه ولا ايه سراج ......حاسسها مجنونه ومخها ضارب حبه زهرة بضحك.....فعلا انا كمان لاحظت كده بس شكلها غلبانه سراج.......بس البت شكلها حلو ولسه صغيرة وانتي معاكي شحطين في البيت وانا خايف اكتر حاجه من مازن انت عارفه انو بتاع بنات مش ناقصه مصايب وبعدين ما تنسيش ان احنا مسافرين انا وانتي الاسبوع الجاي عشان نباشر على شغل الأرض بتاعتي ونقضي يومين وحنسيبها معاهم زهرة.....عندك حق بصراحه هي حلوة وصغيرة بس كمان ولادك مش صغيرين اكيد مش حيبصو لخدامه يعني سراج......اسم الله ياختي ده على اساس ان الفالح الكبير مكانش عاوز يجوز اخت السواق بتاع الشركه وماسكلي بحبها يا بابا في ذلك الحين دخل مازن وسمع حديثهم مازن ......وانت عملت ايه يا سراج باشا لما قالك كده فاكر ولا افكرك انا _____________________ فلاش باك عمار يستند بظهرة على سيارته أمام كليه الفنون الجميله ينتظر معشوقته الصغيرة كالعاده في توقيت انتهاء محاضراتها عمار وهو ينظر في ساعته .......بحب ضفدعه ايه البطء ده يا يقين يقين.......انت اللي صحتك مساعداك إنما أنا صحتي على قدي بمشي براحه عمار.......قل اعوز برب الفلق انا مبقلقش غير من صحتك مساعداك دي يقين .....متخافش مباحسدش في رمضان ..هاا جبتلي الشكولاته بتاعتي عمار......يعني مبتحسديش في رمضان لكن بتفطري في رمضان عادي يقين بتلعثم ......لا يا ح حبيبي دانا باكلها بعد المغرب عمار......لا يا شيخه يقين......ونحمه عمار.......يقين نبطل دلع في الشارع احسن واللهي ماحكون مسؤل عن تصرفاتي يقين بعد ان فهمت قصده قالت بخجل .....انت قليل الادب يا عماار عمار .....براحتك خالص كلها شويه صغنين ونتجوز وتبطلي تقولي انت قليل الادب يا عمار وظل يردد الكلام وهو يقلدها ضربته يقين بخفه في كتفه .......انت بتتكلم جد حنتجوز اخيرا ...يع يعني حتفاتح اهلك في الموضوع ...احلف يا عمار وحيات امك بتتكلم جد عمار......واللله العظيم حكلمهم النهارده يا قلب عمار كادت ان تطير يقين من السعاده وارتسمت بسمه ملأت وجهها الجميل لكن فجاه تذكرت شيء وتساقطت دمعه من عينيها عمار......يختااي يعني تزعلي تعيطي تفرحي تعيطي بردو مالك يا قيني بتعيطي ليه يقين بدموع .....تفتكر حيوافقو على جوازك من اخت السواق بتاعهم عمار......وهم مالهم هو انا اللي حتجوز ولا هما وأكمل وهو يمسح دموعها وبعدين اخت السواق دي الوحيده اللي قدرت تدخل قلبي وتقفل من جوة بالمفتاح يقين......طيب لو ماوفقوش حتسبني يا عمار عمار......هشششش مش عاوز اسمع الكلمه دي تاني ابدا لان مفيش حاجه حتفرقنا غير الموت وحتى لو ماوفقوش يا يقين برضو حنتجوز انا مش صغير عشان حد يتحكم فيا وقام بإخراج الشكولاته من جيبه عمار.....خدي امسكي حطيها بسرعه في الشنطه قبل ما حد يشوفنا في نهار رمضان كده يقين .....ماتحسسنيش ان احنا بنسلم مخدرات دي شكولاته عمار.....في رمضان الشكولاته اللي مش عجباكي دي انيل من المخدرات لو حد شافها اوصل عمار يقين للمنزل كعادته اليوميه وذهب إلى البيت زهرة.....اتأخرت يابني يلا اقعد فاضل على المغرب خمس دقايق كان يجلس الجميع على السفرة ينتظرون اذان المغرب في صمت حتى نطق عمار عمار .....بابا كنت عاوز اتكلم معاك في موضوع كده سراج......سامعك يا حبيبي اتكلم عمار ....احم احم بصراحه انا قررت اتجوز زهرة بفرحه ......ده يوم المنى يوم الهنى يوم مافرح بيك يا حبيب ماما قولي مين دي وانا اروح اطلبهالك بعد الفطار حالا سراج......احنا نعرفها يبني تبقى بنت مين ساكنه فين اسمها ايه عمار......انتو ماشفتوهاش قبل كده بس هي اخت واحد بيشتغل معانا سراج ....كنت شاكك اصلا اكيد إسراء اخت سامر شريكنا صح عمار......لا يا بابا انا عايز اتجوز يقين اخت أحمد سواق الشركه سراج ......نعم !!!!انت اتجننت وبعدين ده شغال عندنا مش معانا عمار.....وليه نقول كده ده مجرد بيساعدنا عشان نوصل شغلنا ومقابل كده بياخد مقابل مادي ليه نقول شغال عندنا زهرة.....انت بتقول ايه انت واعي للي انت بتقوله عاوز تتجوز شحاته عمار......ماما لو سمحتي ماسمحلكيش تتكلمي عنها كده يقين مش شحاته سراج بغضب ......لا ده المواضيع متطورة باين كده ووقعتك عشان تاخد فلوسك مكنتش اعرف انك غبي كده مازن.....اهدو يا جماعه واسمعوه وبعدين انا اعرف يقين وهي بنت كويسه ومحترمه جدا ليه نظلمها كده زهرة.....انت تسكت خالص يعني انت كمان كنت عارف باللي اخوك بيعملو وساكت عمار......بابا انا اتخذت قراري خلاص فياريت بلاش نتكلم في الموضوع كتير سراج......وانا قولت كلمتي يا عمار لو دي اخر بنت في العالم مش حتتجوزها عمار بعند وهو يقف ويرتدي الجاكيت......وانا مش حتجوز غير يقين يا بابا وده اخر كلام عندي وخرج دون أن ينتظر رد مازن وهو يلحقه ......انا مش عارف مصريين تتحكمو في حياتنا ليه خرج مازن وراءه وهو يوقفه مازن......اهدى يا عمار متتهورش وبلاش تقول لي يقين حاجه دلوقت وانا لو كلمتها مش حقول حاجه عمار وهو يتنفس بصعوبة.......انا عاوزك تساعدني يا مازن مازن......قولي حتعمل ايه وانا معاك في اي حاجه عمار بتنهيده.......حتجوز يقين باك _______________________ مازن......انت رفضت ومع ذلك هو ما عرضكش بعدها وسافر وساب كل حاجه ليه بقى كل شويه تفتح في الموضوع ده سراج......عشان اخوك لولا اللي حصله ماكنش نسيها لسه هو فضل بعدها فاكرها انا عارف ومشلهاش من دماغه وكان زمانه لحد دلوقت بيفكر فيها سكت الجميع عندما سمعو صوت خطوات عمار تقترب منهم عمار بمرح ......ايه ده اجتماع عاءلي من غيري خيااانه اهىء اهىء زهرة ......غير هدومك يابني وتعالى على مايكون الاكل جاهز عمار .....حاضر يا ست الكل صعد عمار إلى غرفته ليغير ملابسه وبعد قليل نزل وجلس على السفره معهم زهرة ......يلا يا ورد هاتي بقيت الاكل يقين ......حاضر يا ست هانم جايه اهو وأكملت لنفسها..... اللهي تتوعدي بحبايه في وشك ياشيخه عاللي عملاه فيا من الصبح خرجت يقين بباقي الاطباق وارتفجت عندما وجدته يجلس على الطاوله ومشغول في هاتفه لم تستطيع أن تتحرك تقف وبيدها الاطباق وهي في حاله صموت زهرة .....ورد يا ورد انتبهت يقين لها وتكلمت يقين......نعم زهرة ......يلا اغرفي الأكل يقين ......حح حاضر حاضر اقتربت من زهرة وسراج ووضعت لهم الطعام ثم من مازن ووضعت له أيضا ولم يتبق الا هو اقتربت منه ببطء وهو ينظر في الموبايل ووضعت له الطعام ترك هو الموبايل من يده ورفع براسه عمار......شكرا يا ..... حتى وقعت عيناه على تلك العينان التي تراوضه يوميا في أحلامه ظل ينظر لها كثيرا وهي أيضا كانت لا تستطيع الحركه زهرة ......ناوليني ياورد الملح فاقت من سراحنها وكادت ان تبتعد لكي تأتي بالملح حتى وجدته يتمسك بقوه بمعصم يديها وينظر لعينيها السوداويتين باستغراب وهو صامت يقين في نفسها ......معقول عرفك يا يقين معقول حبيبك افتكرك وقطع حبل افكارها صوته عمار وهو مازال يتمسك بها .......انتي مين وقعت تلك الجمله على مسمعها كالصاعقه فزوجها ومعشوقها وحب حياتها لا يعرفها حقا لا يتذكرها ابدا يقين وفاقت لما هي فيه وتذكرت خطتها تكلمت بابتسامه وبلهجه مضحكه قليلا .......اني ورد يا بيه الهاوس كيبر مازن بضحك......هاوس كيبر مرة واحده هو مش انتي الخدامه يقين....... مسمهاش خدامه اسمها مساعده للناس اللي في البيت مازن بضحك مرة تانيه......تمام انا اسف يا سياده المساعده للناس اللي في البيت نظرت يقين له مرة أخرى وتحدثت يقين بمرح .....هو انا سرقت منك حاجه يابيه عمار وقد آفاق من النظر في عيونها .......نعم يقين .......اصلك قافش فيا زي حرامي الغسيل كده بوظت البرستيج بتاعي خالص كده عمار وهو يترك يدها ......انا اا اسف بس كنت بسألك انتي مين مقصدش زهرة ......ورد تقدري تفضلي تاكلي في المطبخ واوضتك حتلاقيها جمب المطبخ علطول يقين ......حاضر يا حجه اوامرك زهرة......استني عندك يقين لنفسها ......يمصبتك يا حنفي شكلك اتفضحت😨 يقين ......نعم زهرة .......ايه حجه دي أنتي شايفاني كبيرة اوي كده يقين لنفسها .......يوليا وقعتي قلبي🙂 يقين.......تحبي اقولك يا تيته زهرة .......تيته في عينك انا تيته يقين .......ايوة يعني ماتبقيش تيته ليه مانتي معاكي اتنين شوحطه اهم اللي زيهم مجوزين ومخلفين سوري يا شباب مازن بضحك......ولا يهمك اكملت يقين......يعني كان مسيرك كده كده حتبقى تيته زهرة بضيق .......اسمها ناناة يا جاهله يقين وهي تهرش في رأسها بغباء وتنظر لمازن .......ناناة ناناة بالانجليزي دي يا مرسي مازن وهو يكاد يسقط من على الكرسي من كثرة الضحك......لا بالفرنساوي يقين ببلاههه ......قولتلي بقى امممم العلام حلو برضو سراج بضحك لم يستطع منعه .......وانت خريجه ايه يا ورد يقين ......اني ... مسسسم.....انا وبلا فخر خريجه دبلون زراعة قسم خراطيم مازن ......قسم ايه يا ختي خراطيم ازاي يعني يقين .....ايوه يا اخويا احنا اللي بنفضل ماسكين الخراطيم بتاعت الميه اللي بترش على الزرع طول اليوم وفجاه سمعت صوت ضحكات رجوليه هي تعشق ان تسمعها فهي ضحكاته هو نعم التي تسرحها وتجعلها اسعد من بالكون كان عمار لا يستطيع التوقف عن الضحك مما اصار ذهول الجميع فهو منذ الحادث من شهر وثلاثة اسابيع وهم لم يرو تلك الضحكه على وجهه بتلك الطريقه زهرة بسعاده لضحك عمار.......طيب يا لمضه يلا شوفي اللي قولتلك عليه يقين حين افاقت من السرحان في ضحكات معشوقها.....اي ايوة حاضر يا نننن ننن يا ناناة قولتها صح كده ذهبت يقين مسرعه للغرفة التي ادلتها عليها زهرة وأغلقت الباب وسندت عليه ونزلت على ركبتيها وسمحت لدموعها المتالمه ان تسقط يقين بالم ......ااااه يانا مكنتش متخيله ان الموضوع حيكون صعب كده معرفش ازاي تماسكت قدامه من غير ما حضنه قد ايه اتعذبت لما سمعت جمله انتي مين معقوله بعد السنين دي كلها ارجع اسمع الجمله دي منه هوه تانيه وذهبت في ذكرايتها _____________________ فلاش باك من خمس سنين بسمه .......الو ايوة يا زفت انت نسيت الاكل بتاعك يا حلوف بيه أحمد.......ايوة واللهي يا بسمه نسيته وانتي عارفه اني حتاخر جامد وحجوع اكيد وانا مش عايز ابعزق المرتب واجيب اكل بسمه .......بطل لف ودوران عاوز ايه يا احمد أحمد........بسومه حبيبه اخوها تجيب الاكل معاها وهي رايحه الدرس بسمه .......نعم يا احمد انت اتجننت انت عايزني امشي كل ده ده انا اموت يا جدع أحمد.......تعالي بالعجله بتاعت يقين بسمه .......لا يا اخويا انا لبست في شجرة و٨ أشخاص المرة اللي فاتت أحمد.......طيب وبعدين بسمه وهي تنظر ليقين بخبث.......يويو يقين......بتبصيلي كده ليه انا مش رايحه بسمه .......معلش حبيبت اختك انتي عارفه انا صاحبه مرض يا مه وعندي امتحانات بكرة وحتكسح في المشوار يقين بغيظ.......هاتي الاكل يا بسمه انا قرفت واللهي ركبت العجله الخاصه بها وظلت تسير بها كالفراشه نزلت من عليها أمام تلك الشركه العملاقه الخاصه بالأعمال الهندسيه ومكتوب عليها شركه المرشدي للمعمار دخلت للداخل وهي تلتفت في كل مكان لا تصدق ما ترى من جمال فالشركه قمه في الروعه والجمال كان هو يسير كالعاده ممسك بالهاتف وباليد الأخرى كوب القهوه الخاص به حتى خبطو بعضهم البعض وسقطت القهوة على فستان يقين يقين .....مش تحاسب يا باني ادم انت ينفع كده عمار......علفكرة بقى انتي اللي كنتي بتتلتفتي حواليكي يقين .......ده على اساس ما كنتش قاعد تحب في التليفون عمار بضحكه جذابه لم يستطيع اخفاءها.........احب سرحت يقين في ضحكته قليلا ثم قالت .......مش باصص فيه وبتضحك اكيد بتحب ......وأكملت بدموع كالاطفال.....طيب اروح ازاي دلوقت انا نظر عمار في عينيها المدمعتين قليلا وكأنه تعلق بهم وصار ما صار عمار......انا اسف واللهي بجد ممكن تيجي المكتب بتاعي واخلي حد ينضفهولك يقين وهي تلتفت لكي ترحل .......شكرا انا حصرف نفسي عمار......طيب استني طيب انتي مين التفتت له ثم قالت بابتسامه.....يقين عمار........ايه يقين .......اسمي يقين وذهبت من أمامه عمار لنفسه....... يقين مين برضو ثم تذكر عيناها الممتلءين بالدموع كالاطفال وابتسم وهو يردد.....يقين يقين باك ________________________ فاقت من سرحانها وهي ناءمه على السرير على صوت الباب يفتح مما جعلها تنهض بخضه .......ميين وبكده البارت خلص يا حبايب قلب موني يا ترى مين اللي دخل اوضه يقين وعاوز ايه ده اللي حنعرفه البارت الجاي واحب افكركم للمرة التانيه يا جماعه انا الكاتبه مش بس ناشرها فعشان كده بتفرق معايا بجد تعليقاتكم عشان اكمل في باقي الروايات سلااااام🖐🖐