الفصل 16
*ـ روايه رغم الظلام ولكني عشقت*⊁.🪩🌫️↻))
البارت 16
🟩🟩🟩🟩🟩💞🟩🟩🟩🟩🟩🟩🟩🟩💞🟩🟩🟩🟩🟩🟩🟩🟩🟩
روايه رغم الظلام ولكني عشقت
البارت... 16
مع شروق شمس جديده علي ابطالنا.... واختلاف مشاعر كل واحد.. بين الحب والخوف والتوعد والجنون
... ومع بعض نبدا اول مشهد في البارت "
في شقه جميله وبتحديد... غرفه نوم وبنشوف الاء وتجهز نفسها وبتحط اخر اللمسات... كانت لبسه فستان حملات ابيض فيه بعض الورد الاسود لبعض الركبه وفوقيه جاكيت قصير بالون الاسود وشوذ اسود وسابت شعرها مفروض... ومع لمسات صغيره علي شفيفها من التيند..
وطلعت علي اوضه مراد وخبطت علي الباب..... بابتسامة صفراء:-قوم يا حبيبي يلا عشان نفطر
اتفتح الباب وبان مراد بهياته اللي تخطف القلب كان لابس تشيرت اسود وبنطلون اسود وشوز ابيض وساعه فضي..
(معلش بقا فتا احلامي لازم البسه علي مزاجي رغم اني هلبسه اسود علي طول بس اكيد هيكون زي القمر)
مراد برفع حاجب:- مش حاسه انك غريبه من امبارح
الاء وهي بتضم شفيفها لقدام وحركه حزينه:- الله انت وحش خالص يا ميرو علي فكره
مراد بصدمه:-ميرو
الاء بابتسامة اسفزاز:-ايوه ميرو
مراد:- بقولك اي مش المقدم
وقطعته الاء وهي مش قادره تمثل تاني اتكلمت بقرف:- انا اللي بقولك.... اطلع من الدور اللي انت عايشه ده كل ما حد يكلمك "واتكلمت وهي بتقلده" انا المقدم مراد المهدي خلاص عرفنا كل اللي بيقراء عرفوا انك اسمك مراد المهدي اي مش كفايه
ابتسم مراد بستفزاز:- شوفتي كلمه واحده مني طلعت كل اللي في قلبك..... بطلي تمثيل بقا
الاء بشر: كويس عشان العب علي المكشوف يا استاذ مراد واعرف ان من اللحظه دي هتكره تدخل اي مكان انا فيه
مراد بستفزاز:-اما نشوف يا اموره.....
__________________________________
غاده بعصبيه:- انت عايز مني اي بقولك..... طلقني
محمد بعصبيه:- وانتي هبله اي اللي خالكي توفقي تطلقي
غاده:- كان هيدخلني السجن بتهمت محاولة قتل نور
محمد بقرف:- لا وانتي صدقتي صح..
غاده بعدم فهم:- انا اصلا مش بحبه كل اللي كنت عايزه الفلوس... ودي هعملها ازاي وانا في السجن
محمد:-عشان تعرفي انك عبيطه.. اول حاجه الشخص اللي كان هيقتل نور برا مصر من بعد المحاولة قتل نور بساعه...
غاده:- يعني ايه كل ده
محمد:-يعني فارس ماكنش معه دليل.. وهو اكيد كان عنده شك وبهبلك انتي اكدتي الشك ده دلوقتي.... وزمانه مرقبك.. لان فارس مش اهبل وعارف انك مش هتعملي كل ده لوحدك و وراكي حد.
غاده بخوف:- كده فارس مش هيرحمني المرادي... طب هنعمل اي..
محمد بتوتر:- لازم تمشي دلوقتي وخالي بالك مافيش اتصالات تاني ولا حتا تجي هنا
غاده:- طب هو كده اكيد عرف مكانك...
محمد:-لا انا هنزل دلوقتي واكيد اللي بيراقب ميعرفش انتي طلعتي لمين.. المهم دلوقتي انزلي وانا هتصرف
____________________________
في المستشفى ~
فريده:- معلش يا حبيبتي كلها فتره وهتعدي... وبعدين انتي عارفه ان مهما فارس زعل منك وبعد. هيرجع تاني لانه بيحبك ومايقدرش علي بعدك.
قطعها دخول الاء بابتسامة:-صباح الجمال...
نور وفريده:- صباح الخير
الاء:- مالك يا نونو.... شكلك مش عجبني
نور بابتسامة:- لا يا حبيبتي تعبانه شويه بس
فريده بابتسامة:-خاليكي ماعها يا الاء وانا هطلع برا شويه
الاء:- اتفضلي يا طنط
اول لما خرجت فريده قربت الاء من نور وقعدت جمبها ومسكت ايدها.
الاء بحنان:- مالك يا حبيبتي... حاسه في حاجه مزعلكي
"نور قصت عليها اللي حصل مع فارس وكلام ملاك ليها"
نور بدموع:- وهي فعلا معها حق.. مفروض اضحي بكل حاجه عشانه... انا مستهلش حبه ليا مش كده
الاء بحب:-لا يا عمري انتي بس اللي عبيطه عن اللزوم
نور بضحك:- الاء بقا...
الاء بضحك:-اصل هقولك اي.. والواد هيموت عليكي وانتي نفس الموضوع يعني انا بقول نجوزكم بكره
نور:- ياريت والله
الاء:- يابت اتقلي شويه مش كده...
نور بقلق:- المشكله دلوقتي انه مش راضي يرد علي مكالماتي
الاء بتفكير شر:- امممم بقا كده... خلاص اهدي انتي كده بس نفذي كلام بالحرف الواحد..
"بعد دقايق من الكلام مع الاء فجاء بدات نور تاخد نفسها بالعافيه وبتحاول تكلم بس مش قادره تاخد نفسها "
الاء بشك:- براح يا نور مش كده... ده انا صدقتك.....
ولكن نور كانت مش قادره تاخد نفسها... ابتدت الاء تنادي علي الدكتور.....
___________________________________
"في مكان علي البحر كان فارس واقف هو ومراد"
مراد بخنقه:- عارف اني غلطان... وتعرف اول مره اندم علي حاجه
فارس بعصبيه:- ويفيد بيه دلوقتي بعد اللي عملته ده.. تعرف ان جوازك دي باطل
مراد بتنهيد:- خلاص بقا يا فارس مش ناقص دماغي هتفرتج من التفكير.
في اللحظة دي رن تلفون فارس وملامحه اتغيرت والفون وقع من ايده....
مراد بستغراب:-في اي يا فارس
"فارس كان في كوكب تاني وبسرعه طلع العربيه ومراد جري معه"
___________________________
في المستشفى ~
كله كان واقف قدام اوضه نور اللي بين الحياه والموت.... دخل فارس وهو بيجري ووراه مراد اللي مش فاهم فيه ايه
الاء وهي بتخبط علي ازاز الاوضه:-
نور.... لا يا نور متحرقيش قلبي تاني. بالله عليكي فوقي
فارس كان تايه مش عارف ينطق كل اللي علي لسانه:- قومي ماتسبنيش تاني... قومي... ماتسبنيش تاني
ملاك بعياط:- لا يا نور.... مش هقدر اعيش من غير اختي.. قومي يا نور.. نوووووور..... ووقعت مغشي عليها
جري عليها عمر وشلها ودخلها احد الغرف وشعوره كان مختلف عن الكل. اخته جوا بتصارع الموت...... والملاك اللي بين ايده اللي ميعرفش يوصفها بيه كل اللي يعرفه ان انفاسه انقطعت مع قفلت عنيها....
كان فارس واقف قدام الغرفه وشايف حركه الفوضه جوا... وكل واحد بيحاول ينقذها... ونفس الكلامات هو بينطقها..
وقف الدكتور عن تحريك جهاز الصدمه... واعلان علي رجوع النبض من اول... وهنا فارس رجعله مشلتهوش ورجع قعد علي الكرسي وحط راسه بين ايدي وسمح بدموعه بنزول..
فارس بدموع:-الحمدلله.. الحمدلله يارب... شكرا انك رجعتها ليا تاني.. شكرا
وكان حال الاء اقل من فارس لانها اكتر من اختها.. هي اللي في حزنها بتترمي في حضنها كانت بتعتبرها كل حاجه في حياتها.... امها واختها وكل حاجه.
الاء وهي قاعده علي الارض:- الحمدلله يارب.... طول عمري عارفه انك احن واحد عليا.. وعارف اني مش هقدر علي فراقها... "اللهم لا تجعل اختباري فيها يوما يا الله."
قرب مراد وهو متردد ولكن اتفاجاء بيها بتترمي في حضنه.. وبتمسك في قميصه جامد... كانت حاسه انها قدرت تشعر بالامان لاول مره بعد موت ولدها...
(ليست مشاعر البشر بيما يفعلون ولكن بيما يشعرون) لم يفهم احد تلك العباره اللي من عاشها بحق.... وانت تعلم ان حمايتك وراحتك مع من وجعك وكرهك في الحياة بأكملها....
"بعد وقت من الحزن كان كلهم متجمعين في غرفه نور... وكلهم بيتكلمو معادا فارس اللي كان قاعد علي كرسي في اخر الغرفه ولسه علي حاله رأسه بين ايده ونور اللي منزلتش عنيها عليه."
الاء:- مراد تعالي نروح نطمن علي ملاك
نور يتعب مع خوف:-ليه مالها
الاء بابتسامة: ما فيش حاجه يا حبيبتي اهدي عشان انتي لسه تعبانه.. هي بس اغمة عليها كانت خايفه عليكي.. وعمر معاها متقلقيش..... يلا يا مراد
اول لما طلعه اتكلمت نور بتعت:-فارس...... طب انت لسه زعلان منى
رفع فارس راسه وبص علي نور اللي كانت الدموع في عنيها....وماحسش بنفسه غير وهو بيخدها في حضنه كمان ولدرجه انها حاست انها هتدخل بين ضلوعه...
فضلت بين ضلوعه لفتره محاستش بيها ولكن حاست بدموع بتمر بين عنقها..
فارس بصوت اجش:- اوعي تبعدي عني تاني... او تفكري انتي فاهمه
طلعت من حضنه ومسكت وشه بين ايدها وبدات تمسح دموعه واتكلمت بدموع:- عمري...ماكنت هعملها تاني.. وهفضل طول عمري معاك مهما كان...
فارس بحب:-تتجوزيني....
نور بفرح:- ايوه.... ايووه
فارس حضنها واتكلم بكل حب فهي روحه الغاءبه:-بحبك يا نور روحي وحياتي كلها
نور وهي بتشد من حضنه:-بحبك يا فارس احلامي.
يتبع......
(وطبعا نرجع نضيف حاجه صغيره... ان مش عيب ان الراجل دموعه تنزل لان عمر مع الرجوله بالدموع ولا بطيبه القلب)
🟩🟩🟩🟩🟩💞🟩🟩🟩🟩🟩🟩🟩🟩💞🟩🟩🟩🟩🟩🟩🟩🟩🟩