سارقه قلبي - الفصل 18 - بقلم عشق القاسم - مكتملة | روايتك

رواية/سارقة قلبي❤ 20 (كان سبباً في إبتسامتي ولكنه أبدع في بكائي❤️‍🩹) أدهم: انا رايح الشركه لم تعطيه اهتمام وانما جرت سريعاً الي الداخل أدهم: حاول تفرفشها شويه عمر: انا مش فاهم حاجه أدهم: بعدين يا عمر بعدين عمر: ماشي يا سيدي لمار بشر: دخلتي الأوضه ههه مش هتطلعي سليمه منها ولكن خرجت قمر مره اخري واتجهت الي الحديقه وجلست بها. لمار بضيق: ما احنا كنا حلوين عمر: ممكن اقعد قمر: اكيد عمر: زعلانه ليه قمر: مفيش عمر: قولي بس دا احنا صحاب ولا اي قمر بإبتسامه: طبعاً عمر: هاا يلا قولي انا سامعك قمر بحزن: عرفت انا متجوزه اخوك ازاي عمر: لا قمر: غصب عني عمر: ليه قمر: مش عارفه هو فجأه اتعصب عليا في الشركه وو (لم ترد ان تقول له ما حدث يومها بالتفصيل) عمر: بس أبيه باين عليه بيحبك قمر: بس انا مش بحبه يا عمر انا بنت بسيطه عمري ما جربت العيشه بتاعتكم دي وكمان انا لسه صغيره اووي علي الجواز والمسئوليه عمر: اممم قمر: ولما شوفت صحابي حاولت اهرب من أسئلتهم لإني فعلا هقول اي ليهم عمر: بصي يا قمر انا مش عارف حقيقي اقول اي بس عمرك ما هتلاقي احسن من أبيه وزي ما قولتلك هو بيحبك حاولي تتقبلي الموضوع لإنه باين عليه متمسك اووي بيكي يعني مستحيل يسيبك مهما حصل قمر: مش فاهمني ليه بقولك انا داخله علي اكتر سنه خايفه منها من اول ما دخلت التعليم تالته ثانوي عارف يعني اي تالته ثانوي يعني انتحار يعني مذاكره جامده يعني مجموع عمر: واي يعني سيبيها علي الله قمر: ونعمه بالله عمر: يعني مش مرتاحه معانا قمر: مش متعوده. بس حقيقي انتوا طيبين ما عدا عمتك واللي اسمها لمار دي عمر: لا سيبك من دول انا مثلا إياد بابا أدهم قمر: لا كويسين جدا عمر: خلاص يا سيتي شايله هم اي قمر: مش عارفه والله يا عمر عمر: يمكن خير مين عارف حاولي تتعاملي مع أبيه زي ما بيعاملك وهتحبيه والله وهتحبي العيشه دي قمر بإبتسامه: حاضر عمر بهزار: منك لله يا شيخه بوظتي علينا فسحة النهارده قمر: تتعوض يا صحبي عمر: ماااشي قمر: عمر معلش والنبي ساعدني. انا كنت عايزه أكلم ماما وبابا عمر: بس كدا اتفضلي الأيفون بتاعي قمر: أيفون؟ عمر: اوومال هو انا اي حد يا بنتي قمر: هتقولي في الشركه. ملك: إلحقوا دا مستر أدهم جه فارس: يوووه كدا شغلنا باظ هاجر: ليه ملك: ما احنا لازم ننظم كل المواعيد مع بعضها هاجر: في اجتماع واحد النهارده صح فارس: اه هاجر: خلاص يبقي كله تمام وبعدين انتوا بتقولوا ان مستر أدهم غايب من فتره اكيد يعني لما يجي الشركه مش هيشتغل شغل كتير ملك: تصدقي كلامك صح فارس بضحك: لا بجد فاهمه الشغل اكتر مننا هاجر بإبتسامه: لا طبعاً ملك: طب بصي يا هاجر هتروحي دلوقتي توصلي الجدول دا لـ منار ومستر أدهم ومستر إياد هاجر: امم تمام ملك: واحنا نروح نعمل قهوه لإن بجد تعبت فارس: ماشي ملك: قهوتك اي يا هاجر هاجر: بلاش قهوه عايزه شاي معلقه سكر بس ملك: اوك هاجر: أنسه منار دا نسخه ليكي ونسخه لمستر أدهم منار: تمام هاجر: لو سمحتي مستر إياد مكتبه فين منار: في أخر الممر علي اليمياليمين هاجر: تمام شكرا. دق دق دق إياد: اتفضل هاجر: احم جدول حضرتك بتاع النهارده إياد: تمام الشغل عامل اي هاجر: الحمد لله كويس إياد: أتمني يكون كدا دايماً هاجر: ان شاء الله تطلب حاجه إياد: لا شكرا اتفضلي هاجر: عن إذنك وخرجت. إياد بإبتسامه: الدنيا حلوه قمر: هطلع انا بقي يا عمر محتاج حاجه عمر: ليه اقعدي شويه قمر: حاسه بملل عمر: تعالي أما نلعب شويه في المطبخ قمر: ناوي علي اي عمر بخبث: كل خير بعد نصف ساعه. قمر: يا خراشي يا عمر دا المطبخ بقي كله دقيق عمر: يعني احنا اللي هنروق يعني قمر: طب حاسب الحشوه مش كدا عمر: تعالي يا ام الخبره اعملي قمر: وسع يا بابا للكبير عمر: يااا جاامد لمار: اي المهزله اللي بتحصل دي عمر بقرف: يا دي النيله لمار: بت انتي اطلعي من هنا قمر: نعم يا أختشي بتقولي حاجه لمار: اي اختشي دي دا انتي بيئه اي الألفاظ السوقيه دي قمر: لا يا بت انتي من جاردن سيتي يا ختي دا انتي محصلتيش جردك سيتي لمار بغيظ: اي القرف دا قمر: والله يا حبيبتي انا هنا في مطبخي اللي في بيتي وبيت جوزي اما انتي اممم مش عارفه بقي اوصف ازاي لمار بغضب: احترمي نفسك عمر: بااااس بس كفايه يا لمار اي دا لمار: بيئه وغادرت قمر: متأكد ان بنت عمتك دي كويسه ولا هو عقلها خفيف ولا اي النظام عمر: مش عارف والله قمر: يا ندخلها الفرن عمر: اوك بعد لحظات. قمر: يا جماااالو عمر: يا عيني عليكي يا شيف قمر: وسع هتتلسع عمر: وبعدين قمر: هنسيبها تهدي شويه وبعدين نزينها بقي عمر: طيب انا هطلع البس لبس تاني غير دا قمر: وانا هنضف المطبخ عمر: لا دا شغل ناس تانيه اطلعي غيري بس قمر: ميصحش احنا الي بوظنا عمر: اي الحنيه اللي انتي فيها دي قمر: دا احترام عموماً علي ما تنزل هكون خلصت ونزين بقي عمر: اوك يتبع.