الفصل 4
رواية/سارقة قلبي♥ 4
(كُلمَا نَظرتُ إِلَيه شعرتُ بأَنَ قَلبِي دَافِئاً🖇♥)
قمر: السلام عليكم ورحمة الله وبركاته
الأب: وعليكم السلام ورحمة الله وبركاته يا هلا يا هلا
قمر: يا جمالك يا أبو صاصا يا جمالك
الأب: اي دي بدلة الشغل بس
قمر: عملاك يا رئيس شركه
الأب: أشوفك أنتي رئيسة شركه يا بنتي
قمر: يا رب
تولين: بابي أنا موجوده
الأب بضحك: ودي حاجه تتنسي
منار: السلام عليكم ورحمة الله وبركاته
الأب: وعليكم السلام ورحمة الله وبركاته خير يا منار في حاجه
منار: لا بس كنت جايه أقول لحضرتك إن أدهم بيه قال بكره أجازه وأمرني أبلغ الكل
الأب: اه وماله مره من نفسنا
منار بضحك: علي رأيك . دول مين
الأب: بناتي
منار: ما شاء الله اللهم بارك نورتوا يا قمرات
قمر: تسلمي بنورك والله
منار: أستأذن أنا
الأب: إتفضلي
قمر بفضول: مين دي
الأب: دي سكرتيرة مستر أدهم
قمر: اي يا بابا مستر دي؟
الأب: دا المدير بتاعنا وبنقوله مستر انا عارف فرق السن بس مهما كان رئيسي في الشغل
قمر: عامل ازاي المستر دا
الأب: يا أمي علي فضولك دا بس ماشي يا سيتي هقولك أدهم المنياوي مدير الشركه مع أنه في 26 أو 27 سنه بس واعي وناصح كمان ويقدر يخلص كذا صفقه في يوم دا غير كمان فروع لشركات المنياوي التانيه يعني ما شاء الله عليه بجد في معملته وأخلاقه وإحترامه ليا ولغيري
قمر: يتيم دا يا بابا
الأب: لا اللي أعرفه إن أبوه بيسافر عشان شركتهم اللي في تركيا
قمر: يااااه ياما نفسي أسافر البلد دي
الأب: باين كدا الكلام معاكي مش هيخلص اه صحيح اي سبب المفاجأه دي دا انتي عمرك ما جيتي هنا يعني
قمر: اه صح كنت رايحه أشوف تيتا عشان الأبله تولين عايزه تشوفها قال وحشاها
الأب: طب معلش يا قمري طلب صغنن أنا عارف إنك شاطره علي الكمبيوتر تعالي ساعديني شويه بس لمدة عشر دقايق وروحي
قمر: بس كدا يا حاج من عيني دا أنا سوبر مان في شغلك دا
عمر: اااه
أدهم: بس خلاص قربت أخلص
كان ماسك بمعقم وقطنه وبيعالج عمر.
عمر: ما بلاش ضرب من الأول
أدهم: دا أنا نفسي أخلص عليك بس كفايه المره دي
عمر: طب ليه علي فكره انا معملتش حاجه غلط
رفع إيده وعمر خفي وشه عنه ولكن نزلها تاني
أدهم: كلمه زياده هتلاقي كف علي وشك دلوقتي
عمر: يا أدهم حرام بجد اللي بتعمله معايا دا
أدهم بعصبيه: عمر انا قولتلك كذا مره صحابك دول بلاش منهم دول عيال فاشله وأنا مش عايزك زيهم بص لقدام أحسنلك
عمر قام وقف واتكلم بصوت عالي نسبياً.
عمر: حقيقي زهقت من تحكماتك دي وتدخلك في كل حاجه في حياتي يا عم أنا حر وعارف انا بعمل اي
أدهم بغضب: بص يا عمر ماما ماتت وهي بتولدك يعني محدش رباك غيري عارف انت عايز اي ومش عايز اي وعايز انت ماشي مع مين ومين لا وانا واجبي كأخ كبير عايز مصلحتك بشوف صحابك وبدور عليهم هما مين ولاد مين وبيعملوا اي
عمر: برضو دا مش مبرر
أدهم بغضب وصوت عالي: طب لو قولتلك إن علي صاحبك شرب سجاير امبارح وكان في با*ر
عمر بصدمه: اي؟
أدهم: انا عارف كل حاجه يا عمر
عمر: امتي دا حصل مستحيل
أدهم: بعت واحد من الحرس عشان يراقبه لمده يوم بس ويا عالم عمل اي قبل ما الحارس يراقبه
عمر: أبيه أكيد بتقول كدا عشان أبعد عنهم
أدهم: راجع نفسك يا عمر واعرف اني لو شميت خبر انك مشيت معاهم تاني هتشوف أسود من اليوم اللي شوفته النهارده.
وغادر.
الأب: بسم الله ما شاء الله دا أنتي يا بت يا قمر هتبقي مهندسه شاطره اووي
قمر بغرور مزيف: احم احم مش بحب أظهر مواهبي كتير
الأب: دا انتي لو في الشركه دي هتطلعيها في العالي
قمر: يا ريت والله يا بابا بقولك اي ما تشوفلي شغلانه زي شغلك دا أسلك فيه شهرين الأجازه دول
الأب: ايوه ماشي وماله من عيني
قمر: بجد والله
الأب: اه والله يلا بقي عشان متتأخروش ولما توصلي إديني رنه
قمر: اوك يلا سلام
تولين: سلام يا بابا
الأب: سلام يا قلب البابا
أحمد: أنا جيت
عمر بفرحه: بابااااااا
وجري عليه وحضنه اووي.
أحمد: ااه اه حاسب يا ابني عظمي اتكسر براحه
عمر: وحشتني اووي يا بابا
أحمد: دا مكنوش مجرد اسبوعين
سميه: حمدالله علي سلامتك يا غالي
أحمد:الله يسلمك يا سميه أومال فين لمار
سميه:خرجت شويه مع صحابها
أحمد: ترجع بالسلامه
إياد: حمد الله علي سلامتك يا بابا
أحمد وهو يحتضنه: الله يسلمك يا ابني
إياد: هنادي لـ أبيه أدهم من مكتبه
أحمد: لا استني هروح أنا
دق دق دق
أدهم: ادخلي يا علياء
أحمد: دلوقتي انا علياء
أدهم وقد ظهرت السعاده علي وجهه: بابا
أحمد وهو يضمه: ازيك يا أدهم
أدهم: الحمد لله يا بابا انت اخبارك
أحمد: الحمد لله كويس هاا قولي أخبار الشغل اي
أدهم: شغل اي بس دلوقتي اقعد استريح
أحمد: اهوو قعدت يا سيدي قولي بقي
أدهم: يا بابا الشغل ما شاء الله ماشي تمام وعملت كذا صفقه في الأيام اللي فاتت والحمد لله مشيت تمام
أحمد: أنا سامع انك داخل صفقه مع شركة X
أدهم: ايوه والصراحه دي واخده مني مجهود جامد اووي ووقت كمان يا رب يجيب نتيجه
أحمد: إن شاء الله خير يا ابني
أدهم: الشغل في تركيا أخباره
أحمد: ماشي كويس الحمد لله انا أستأذن اطلع استريح شويه
أدهم: أكيد أتفضل
(إستغفروا🤗♥)
يتبع.
🟩🟩🟩🟩🟩💞🟩🟩🟩🟩🟩🟩🟩🟩💞🟩🟩🟩🟩🟩🟩🟩🟩🟩