غرام الفارس - الفصل 32 - بقلم عشق القاسم - مكتملة | روايتك

الفصل الأخير خرج الجميع من حجرة الطعام و تقدمهم نبيل الذي فرح كثيرا عندما علم بوجود فرح نبيل باشتياق : فرح حبيبه جدك تعالي في حضني نظرت فرح لفهد الواقف بجوارها فابتسم لها ابتسامه خفيفه يشجعها فأسرعت فرح مهرولة لأحضان نبيل : وحشتني اوي عامل ايه دلوقتي خرجت من احضانه فحاصر نبيل وجهها بين يديه : بجيت احسن اول ما شوفتك يا قلب جدك ابتلعت فرح ريقها و علامات الحزن باديه علي وجهها ففهم نبيل ما تفكر فيه فرح نبيل و هو يرفع وجهها باصابعه : انتي حفيدتي يا فرح محدش يقدر ينكر ده عشان انا اللي ربيتك يا فرح و ربنا يعلم انك انتي بذات ليكي معزه خاصه في قلبي سعدت فرح من كلام جدها و احتضنته : انا بحبك اووي يا جدي نبيل بابتسامه صادقه : و انا كمان يا بنتي و اشتقتلك جوي كمان لينظر لفهد المتابع لما يحدث وعينيه تلمع بالسعادة لسعاده زوجته : الواد ده عامل معاكي ايه بيزعلك و لا حاجه حركت فرح رأسها برفض : لا يا جدي اطمن لتنظر له ده بيعاملني احسن معامله ابتسم نبيل لها فاطمه بابتسامه من خلفه : مش هتسلمي عليا يا فرح و لا ايه فرح بسعادة : لا طبعا يا خالتي لتحتضنها بلهفة و شوق وجدت غرام تقف بجانب فارس فابتلعت ريقها بمراره و هي تتذكر ما فعلته في حقهم و ما نوت عليه خرجت من أحضان فاطمه واقتربت من فارس و غرام و وقفت في مواجهتهم و هي تردف بخجل : انا عارفه اني اذيتكو كتير لترفع رأسها و تنظر لغرام : و انتي بذات يا غرام كنت علطول بغلط في حقك و كنت على طول بفكر ازاي اذيكي بس كان غصب عني صدقيني وانا دلوقتي اتغيرت و اتمنى تسامحوني أردف فارس بابتسامه و هو ينظر لفهد : هو فهد عمل فيكي ايه بالضبط نظرت فرح لغرام منتظره جوابها عليها لتظهر شبح ابتسامه علي وجهها يصاحبها ابتسامه عريضه بعدها : محصلش حاجه يا فرح و احنا ولاد النهارده وبعدين المفروض انا كمان اعتذرلك عشان انا برضو اذيتك كتير و اذبت مشاعرك بس صدقيني مكنش قصدي فأسرعت فرح باحتضانها لتبتسم غرام و تبادلها اياه في نفس الوقت نزل أسر برفقة شهد والابتسامة تعلو شفتيها انتبهت شهد لفرح تتأفف بانزعاج أسر بانعقاد حاجبيه : في ايه بتنفخي ليه انتي مجنونه يا بنتي شهد و هي تلكمه و تسدد له الضربات : انا مجنونة يا اسر ليه شايفني بشد في شعري أسر باستغراب و توجع أثر ضرباتها : اومال بتنفخى ليه شهد و هي تشير برأسها له : يعني مش شايف ان العقربه تحت أسر باستغراب : لا مش شايف عقارب انا مش شايف غير فهد و صمت قليلا و يردف بعدها أسر : ااااه انتي قصدك فرح شهد : بالضبط و اسكت بقى انت رغاي ليه لاحظت فرح شهد وهي تنزل برفقة اسر فرح بابتسامه : صباح الخير يا شهد عامله ايه التفتت شهد حولها و تقول ببلاهه : انتي بتكلميني انا فرح بضحك : اظن ان مفيش غيرك هنا اسمه شهد المهم عامله ايه وحشتيني ثم اقتربت منها شهد و علامات الحيرة والاندهاش تظهر على وجهها لتضع يديها علي جبينها : انتي سخنه صح أسر و هو يقوم بانزال يد زوجته و يجز على أسنانه و يقول بهمس : انتي بتعملي ايه و سخنه ايه شهد بصوت سمعه الجميع : ايوه ما انت متفهمنيش انها طبيعيه دي عمرها ما قالت لي صباح الخير إلا لما بيبقى وراها حاجه صمتت عقب كلماتها و نظرت لفرح : انتي بتخططي لحاجة صح اقترب فهد من زوجته و احتضنها بتملك : مفيش حاجه من اللى قولتيها يا شهد فرح فعلا اتغيرت و هي اللي طلبت مني تيجي تشوفكو عشان حبه انها تعتذر لكم عشان اللي بدر.منها قبل كده اسر بابتسامه : الله ينور يا بن عمي شايفين قعد معاها كام يوم عمل معاها تالي محدش فيكو عرف يعملو الله عليك بجد شهد و هي تنظر له بغيظ : اخرس أنت اسر بغيظ : ايه اخرس انتي احترميني شويه والا والله يا شهد فارس بصرامة : اخرسوا انتو الاتنين لينظر لفهد و اسر فارس : تعالوا معايا و سيبو البنات تقعد مع بعض أومأ له فهد و هو ينظر لزوجته بحب : عاوزه حاجه يا حبيبتي أردفت فرح بعشق : لا يا حبيبي عاوزه سلامتك همست شهد بغيظ لأسر : شايف يكش تتعلم اسر : يكش تتعلمي انتي شايفه ردت عليه ازاي و لا شايفه غرام بتعامل فارس ازاي و لا جميلة و كمية الرقه بس الظاهر ان حد داعي عليا عشان اتجوزك يا برعي شهد بغيظ : انا برعي يا اسر اسر بضحك : يعني انتي سبتي كلامي كله و مسكتي في برعي قاطع حديثهم فهد : اسر مش يلا و لا ايه اسر بضحك : اها يلا بينا غادر اسر و فهد و فارس مع بعضهم و دلف نبيل لغرفه المكتب برفقه ابنه حامد و دخلت فاطمه المطبخ لتبقي كلا من شهد.و فرح و جميله و غرام معا اقتربت شهد من جميلة و هي تهمس : انتي مصدقه التغيير اللي هي فيه ده جميله بهمس : شكلها كده و اظاهر ان جوزك معاه حق و ان فهد عمل اللي انتو معرفتوش تعملوه و علي العموم لو بتمثل هيبان شهد بتساؤل : ايوه يعني انا اعمل ايه دلوقتي اصدها و لا اتعامل عادي جميله : انا شايفه اتعاملي عادي شهد و هي تنظر لفرح بتفحص : مبسوطة بقا مع فهد.يا فرح فرح : الحمد لله يا شهد انتي عامله ايه مع اسر شهد : ماشي الحال نظرت فرح لغرام : الحمل عامل معاكي ايه غرام : تعبني اوي يا فرح و ساعات مش بعرف انام من الوجع فرح : ان شاء الله تولدي بالسلامه غرام : يارب ................................................................. في غرفة المكتب نبيل : و بعدين يا حامد حامد بصرامة : هو ايه اللي وبعدين نبيل : هتفضل زعلان مني لحد امتي تنهد حامد بحزن و لزم الصمت فنهض نبيل من مكانه و جلس بجانبه نبيل بترجي : سامحني يا حامد سامحني يا بني انا مش فاضل في عمري كتير و عايز اعيش اللي باقيلي و انت في حضني صدقني لو رجع بيا الزمن عمري.ما كنت هقف في وش سعادتك و مكنتش هسمح لمصطفي أو لوفاء انهم يؤذوك و ياذو عيلتك بالطريقه دي سامحني يا حامد ارجوك مسح حامد دموعه التي انهمرت و نظر لوالده فوجده يبكي ليمد انامله و يزيل دموع والده و يرتمي في أحضانه فعانقه نبيل بلهفه واشتياق و يكاد لا يصدق بأن ابنه بين يديه ليظلوا كذلك لوقت ليس بقليل فنبيل لا يريد إخراجه من احضانه نبيل : انا لو مت دلوقتي هموت و انا مبسوط عشان انت سامحتني قبل حامد يديه : عمري معرفت ازعل و كنت علطول بحن ليك بس لما كنت بشوف جميلة وهي محرومة من أمها كان قلبي بيقسى و اصمم اكثر ان محدش فيكو غير اني عايش كنت زعلان و مقهور و رغم كل ده بحن ليك اول ما رجعت و شوفتك كان نفسي اترمي في حضنك بس مقدرتش مقدرتش غير اني اعاتبك لاني اتحرمت من جميلة و منك عتابي لك كان من حبي فيك يا بابا نبيل بندم : انا اسف يا بني والله مكنت اعرف ان كل ده هيحصل و مكنتش متوقع ان اخوك او وفاء يطلع منهم كل ده حامد وهو يهدء قليلا : خلاص يا بابا خليني اعيش ايامي الجايه في حضنك احتضنه نبيل مره اخري : ياااااه وحشتني قوي كلمه بابا منك يا حامد بادله حامد عناقه و هو فرح بابنته فلولاها لم يكن سيحدث ذلك ................................................................. في المساء في غرفه مي دخلت فرح الغرفه حتى تطمئن عليها لتج. نائمه لتقترب منها و الابتسامة تعلو وجهها و تقترب منها و تمسد علي شعرها و تقبلها من وجنتيها و تقوم بتغطيتها و تخرج من الغرفة و تدخل غرفتها لتجد فهد يغير ملابسه و عاري الصدر لتخفض وجهها بخجل ليلتفت فهد لها فهد : مي نامت اؤمات فرح له بخجل ليلاحظ خجلها و يقترب منها ليرفع ذقنها و يقترب منها ويهمس لها فهد : انتي مكسوفه و لا ايه يا فرح فرح و هي تنظر له نظرة سريعة : لا مش مكسوفه و لا حاجه انا هدخل اغير في الحمام ثم امسك فهد ذراعيها و يقربها منه : طب متغيري هنا مدام مش مكسوفه نظرت له فرح و قائلة بتلعثم : ا اا انت قليل الادب ضحك فهد ضحكة رجولية عالية : ايه قله الادب في كده ليكمل بخبث : ده انا حتي زي جوزك نظرت له فرح بغيظ و كادت تتحرك من أمامه فأمسكها مرة اخرى و لكن تلك مره وجدته التصق بها و انحني يقبل شفتيها و يقبل كل انشء في وجهها ليبتعد عنها و هو يهمس بشوق : وحشتني اووي فرح و صدرها يعلو و يهبط : و انت كمان وحشتني اوي يا فهد وانحني ناحيتها مرة اخرى و يتجه بها ناحية الفراش وتعلقت فرح برقبته و غاصا معا فى بحور العشق ................................................................. بغرفه شهد كان أسر يحاول اقناعها بان ترجع معه المنزل آسر : يا شهد يا حبيبتي ده هيبقي وضع مؤقت بس عقبال مضبط البيت اللي هتقعد فيه شهد بعناد.و اصرار : مستحيل انا مش هرجع البيت ده تاني ابدا أسر و هو يتنهد بغيظ : يعني يرضيكي نفضل بعاد الفترة دي كلها ده احنا حتي عرسان جداد شهد : برضو لا انا اتفقت معاك من الاول انى مش هرجع البيت ده و انت وعدتني اننا هتقعدو في بيت لوحدينا اسر : و انا عند وعدي يا شهد بس مش معقوله اقعد كل ده بعيد عنك شهد : تعال انت اقعد معايا هنا أسر : انتي بتهزري يا شهد شهد : لا طبعا بكلم جد أسر و هو يقترب منها و يحاصرها : طب مش انتي بتحبيني شهد و هي تنظر لعينيه : اكيد اسر : طب اسرحبيبك بيطلب منك طلب دلوقتي و نفسه تسمعي كلامه شهد : يا اسر امك مش بتحبني ولا بطيقني و أنا مش معقول هفضل طول اليوم في الاوضه تنهد أسر : ماشي يا شهد براحتك شهد.بدلال : اسر مش عاوزاك تزعل مني و بعدين مش عاوزاك تمشي خليك معايا انهارده ابتسم اسر بخبث : ومين اللي قالك اني همشي انهارده ها ثم اقترب منها يتذوق شهد.شفتيها و يقوم بحملها على ذراعيه و يضعها على الفراش و هو يهمس لها بكلمات الحب و العشق ................................................................. بعد مرور ٤ شهور كانت غرام تنام بجوار فارس تشعر بنغزات شديدة في بطنها غرام : ااااه فارس فارس فارس بخضه : مالك يا غرام انتي بتولد و لا ايه غرام بصريخ : ايوه يا فارس في مايه بتنزل قوم بسرعه قوم تحرك فارس مسرعا و يقوم بوضع إحدى العبايات علي غرام و يخرج بها من الغرفه وهو يحملها واستيقظ من بالمنزل على صراخها غرام : اااااااه شهد : ايه ده انتي بتولدي يا بت غرام : ااااه لا بهزر معاكو يخربيت غبائك شهد.: في حد يولد دلوقتي مش قادرة تستني للصبح يا غرام جميله : اسكتي يا شهد اسكتي انتي مروحتيش مع جوزك ليه صحيح شهد : ده وقته يا جميله غرام : اااااه فارس خليهم يسكتوا فارس : اسكتي انتي و هي تحرك فارس بالسياره و صعدت شهد بجواره و جميلة بجوار غرام فاطمه : احنا جايين وراكو بسرعه يا فارس اسرع فارس بها و وصلوا للمستشفي فقام بحملها بين ذراعيه فارس : الحقوني مراتي بتولد دخلت غرام غرفة العمليات و ظل فارس منتظرها و القلق و الخوف ينهش قلبه فاطمة : خير يا فارس متقلقش فارس : يارب يا امى يارب بعد مرور عدة ساعات خرج الدكتور و هي تطمئنهم على غرام و على الاطفال سعد فارس وظل يحمد ويشكر الله كثيرا جميله : مبروك يا فارس يتربوا في عزك يارب شهد : مبروك يا فارس يتربي في عزك فارس : الله يبارك فيكو عقبالك يا جميله عقبالك يا شهد ................................................................. كان الجميع بغرفه غرام يبارك لها و لفارس علي اطفالهم نبيل وهو يحمل الصبي : هتسموه ايه يا فارس نظر فارس لغرام فهو يعرف انها تريد ان تسمي الصبي فارس و هو يقبل يديها : غرام اللي هتسميه يا جدي نبيل بابتسامة : هتسمي حفيدي ايه يا غرام غرام بابتسامه و الجميع ينظر لها منتظر ردها : هسميه نبيل نظر لها فارس بسعاده و كذلك نبيل لا يصدق اذنيه اقترب منها فارس يقبلها من وجنتيه : بتكلمي جد غرام بإيماءة و ابتسامه على وجهها: جد الجد كمان و كنت هقولك كده ساعه لما سألتني بس انت ساعتها رخمت عليا فارس بابتسامه : انتي لسه فاكره غرام بغرور مصطنع : طبعا يا ابني انا مبنساش حاجه طرق باب الغرفة ليدخل فهد برفقة فرح فهد بابتسامه : مبروك يا فارس يتربى في عزك يارب فارس : الله يبارك فيك فرح بفرحه له : مبروك يا فارس مبروك يا غرام غرام : الله يبارك فيكي حبيبتي أسر بضحك : الا قولي يا فارس عملتها ازاي دي فارس.: هي ايه دي أسر : اتنين في واحد عقد.فارس حاجبيه بعدم فهم لتشرح له شهد شهد : بيقر عليك يا فارس عشان جبت تؤام و خلي بالك بقى من نفسك و منهم عشان اسر عينه مدوره قهقهقه الجميع علي حديثها عدا اسر أسر : هههه ظريفه اووي لينظر لفهد و انت بتضحك علي ايه فهد بخبث و بنبره فهمها اسر: ممنوع اضحك و لا ايه اسر بخوف مصطنع : لا يا حبيبي اضحك براحتك فرح.: و انتي يا شهد بقيتي في الشهر الكام شهد : في اخر التاني خلاص ابتسمت لها فرح : يجي بالسلامه ان شاء الله شهد : ان شاء الله نظر فهد لفرح و ابتسم لها ليقول لها بهمس لم يسمعه غيره : ان شاء الله العلاج اللي كتبه ليكي الدكتور يجيب نتيجه فرح : ان شاء الله انا عندي امل في ربنا كبير فهد بابتسامه : ان شاء الله يا حبيبتي فاطمة التي تحمل الصغيره : طب انتو نسيتو الكتكوته دى و مقولتوش هتسموها ايه غرام : دي بقا فارس اللي هيسميها فارس وهو ياخذ الصغيرة من والدته : هسميها غرام يا امي جميله : الله عليك يا فارس هو ده الكلام نظرت له غرام بحب ليقترب منها و هو يضع الصغيرة بجانبها لتهمس له : بعشقك لتتسع ابتسامته و يقول بهمس : و انا كمان بعشقك ................................................................. بعد مرور ٦ شهور في منزل اسر و شهد شهد : ااااااااااه مش قادره لتدخل الغرفة شهد : آسر آسر ااااااااااسر أسر بخضه : ايه في ايه ايه اللي حصل شهد : الحقني شكلي بولد اسر بتوتر : بتكلمي جد يا شهد شهد : لا بهزر معاك كمل نوم تنهد أسر براحه : خضتيني يا شيخه شهد بوجع و صريخ : قوم يخربيتك بقولك بولد اااااااااااااااااااااه نهض أسر من مكانه و خرج بها من المنزل و يوصلها الي المستشفي و تدخل غرفة العمليات ليخرج هاتفه و يحدث عائلتها ليخبرهم و تحدث مع والده و والدته ليخبرهم ايضا و لم يمضي كثيرا حتى جاء الجميع وكانوا ينتظرون بلهفة أمام غرفة العمليات خرجت الطبيبة بابتسامة مردفة: الف مبروك اسر : طمني شهد عامله ايه الطبيبه : بخير الحمد لله وجابت ولد و الف حمد لله علي السلامه في الغرفه قام الجميع بتهنئه شهد و اسر لتقترب منها حمديه و تمسك كفيها حمديه : الف مبروك يا بنتي و عاوزاكي تسامحيني على ايه حاجه عملتها معاكي سعد اسر من فعله والدته شهد بابتسامه : حصل خير يا طنط ثم نظرت لأسر الذي سعد بأجابتها : انا عاوزه ابنى بقا يا آسر اديهولي شويه أقترب منها أسر ووضعه بجانبها أسر : هتسميه ايه يا شهد شهد و هي تنظر لفارس : هسميه علي اسم اخويا الكبير اللي طول عمره شايل العيله و مستحملنا كلما هسميه فارس سعد فارس كثيرا و نظر لغرام التي تحمل ابنه و نظر هو لطفله الذي بين يديه بسعاده تمت بحمد الله