الفصل 38
.......................................
ﺍﻧﻔﺎﻝ ﺑﺤﻴﺎ : ﻻﺍﺍﺍ ﺩﻟﻮﻝ ﻣﺎﻧﻲ ﻓﺎﺳﺨﻪ ﺍﺳﺘﺤﻲ
ﺩﻻﻝ ﺑﺘﺮﺟﻲ : ﻳﺎﻟﻠﻪ ﻋﺎﺩ ﺍﻧﻔﺎﻝ ﺗﻜﻔﻴﻦ .. ﻓﺴﺠﻲ ﻋﺒﺎﺗﻚ .. ﻃﻴﺐ
ﻓﺘﺤﻴﻬﺎ ﺧﻠﻴﻨﺎ ﺍﺷﻮﻑ ﺍﻟﻔﺴﺘﺎﻥ ﻋﻠﻴﻚ .. ﻳﺎﻟﻠﻪ ﻋﺎﺩ
ﺍﻧﻔﺎﻝ ﺑﺴﺘﺴﻼﻡ ﻭﻫﻲ ﺗﻔﺘﺢ ﻋﺒﺎﺗﻬﺎ : ﺑﺲ ﺷﻮﻱ
ﺩﻻﻝ ﻭﻫﻲ ﺗﻨﺎﻇﺮ ﺍﻟﻔﺴﺘﺎﻥ ﻋﻠﻰ ﺍﻧﻔﺎﻝ ﺑﺒﺘﺴﺎﻣﻪ ﻋﺮﻳﻀﻪ : ﺭﻭﻭﻭﻭﻋﻪ
ﻃﺎﻟﻊ ﻳﺠﻨﻦ ﻋﻠﻴﻚ .. ( ﻛﻤﻠﺖ ﻭﻫﻲ ﺗﻐﻤﺰ ﺑﻌﻴﻨﻬﺎ ) ﻳﺎ ﺧﻄﻴﺮﻩ ..
ﻭﺵ ﻫﻞ ﻗﻮﺍﻡ ﺍﻟﺤﻠﻮﻭ
ﺍﻧﻔﺎﻝ ﻭﻫﻲ ﺗﺴﻜﺮ ﻋﺒﺎﺑﺘﻬﺎ ﺑﺴﺮﻋﻪ .. ﻭﺻﺎﺭ ﺧﺪﻭﺩﻫﺎ ﺣﻤﺮ : ﺩﻟﻮﻝ ..
ﺗﺮﻯ ﺍﺳﺘﺤﻲ ..
ﺩﻻﻝ : ﻫﻬﻬﻬﻬﻬﻪ ﻫﻬﻬﻬﻪ ﺍﺫﺍ ﺍﻧﺘﻲ ﺗﺴﺘﺤﻴﻦ ﻭﺵ ﺧﻠﻴﺘﻲ ﻟﻨﺎ ﺣﻨﺎ
ﺍﻟﺒﻨﺎﺕ ﺍﻟﻲ ﻣﺎ ﺗﺰﻭﺟﻨﺎ .. ( ﻛﻤﻠﺖ ﺑﺒﺘﺴﺎﻣﻪ ) .. ﻳﺎ ﺳﺘﻲ ﺟﺴﻤﻚ
ﻳﻔﺸﻞ .. ﻭﺍﻟﻔﺴﺘﺎﻥ ﻋﻠﻴﻚ ﻳﺨﺮﻉ .. ﻭﻫﺬﺍ ﺍﻟﻮﻥ ﻣﺎ ﻳﻨﺎﺳﺒﻚ
ﺍﻧﻔﺎﻝ ﻭﻫﻲ ﺗﺸﺪ ﻋﻠﻰ ﻋﺒﺎﻳﺘﻬﺎ ﺑﻴﺪﻫﺎ .. ﺑﺎﺳﻰ : ﻻﺍﺍﺍ ﺩﻻﻝ ﻻ
ﺗﺤﻄﻤﻴﻨﻲ
ﺩﻻﻝ ﺑﺒﺘﺴﺎﻣﻪ : ﻭﺍﻟﻠﻪ ﻣﺎ ﻋﺮﻓﻨﺎ ﻟﻚ ﺍﻥ ﻣﺪﺣﻨﺎﻙ ﺍﺳﺘﺤﻴﺘﻲ .. ﻭﺍﻧﺎ
ﺫﻣﻴﻨﺎﻙ ﺣﻄﻤﻨﺎﻙ .. ﺍﻗﻮﻝ ﺍﻧﻔﺎﻝ ﺑﻼ ﺩﻟﻊ ﺯﺍﻳﺪ ﻭﻓﺴﺠﻲ ﻋﺒﺎﺗﻚ ..
( ﻛﻤﻠﺖ ﻭﻫﻲ ﺗﺘﺼﻨﻊ ﺍﻟﻌﺼﺒﻴﻪ ) .. ﻭﻻ ﺗﺮﻯ ﻟﻲ ﺗﺼﺮﻑ ﺛﺎﻧﻲ ﻣﻌﻚ
..
ﺍﻧﻔﺎﻝ ﻭﻋﺎﻗﺪﻩ ﺣﻮﺍﺟﺒﻪ : ﻃﻴﺐ ﺧﻼﺹ .. ﺭﺍﺡ ﺍﻓﺴﺦ ﻋﺒﺎﺗﻲ
ﺩﻻﻝ ﻗﺮﺑﺖ ﻣﻦ ﺍﻧﻔﺎﻝ ﻭﻫﻤﺴﺖ ﻟﻬﺎ ﺑﺒﺘﺴﺎﻣﻪ : ﺯﻭﺟﻚ ﺷﺎﻑ ﺍﻟﻔﺴﺘﺎﻥ
ﻋﻠﻴﻚ ﻭﻻ ﻻ
ﺍﻧﻔﺎﻝ ﺻﺎﺭ ﻭﺟﻬﻬﺎ ﻣﻼﻫﻲ .. ﻧﺎﻇﺮﺕ ﺩﻻﻝ ﺑﺤﻴﺎ ﻭﻫﻲ ﺗﻘﻮﻝ : ﻻ ..
ﻻﻧﻲ ﻟﺒﺴﺘﻪ ﺑﺴﺮﻋﻪ ﻭﻟﺒﺴﺖ ﻋﺒﺎﺗﻲ ﻭﻃﻠﻌﺖ
ﻗﺮﺑﺖ ﻟﻴﻠﻰ ﻭﻧﺎﻇﺮﺕ ﺍﻧﻔﺎﻝ ﺑﺒﺘﺴﺎﻣﻪ : ﺍﻧﻔﺎﻝ ﻟﻴﻪ ﻣﺎ ﻓﺴﺨﺘﻲ ﻋﺒﺎﺗﻚ
ﺍﻧﻔﺎﻝ ﻧﺎﻇﺮﺕ ﺩﻻﻝ ﺑﻌﺪﻳﻦ ﻧﺎﻇﺮﺕ ﻟﻴﻠﻰ : ﺍﻟﺤﻴﻦ ﺑﻔﺴﺨﻬﺎ ..
ﺍﺳﺎﺱ ﺍﻧﻔﺎﻝ ﺍﻟﻴﻮﻡ ﻣﺎ ﺷﺎﻓﺖ ﺷﻬﺎﺏ ﻻﻧﻬﺎ ﺻﺤﺖ ﻣﻦ ﺍﻟﻨﻮﻡ ﻋﻠﻰ
ﺍﻟﺴﺎﻋﻪ 11 ﺍﻟﻀﺤﻰ ﻭﻣﺎ ﺷﺎﻓﺘﻪ ﻛﺎﻟﻌﺎﺩﻩ .. ﻃﻠﻊ ﻣﻦ ﺍﻟﺼﺒﺎﺡ
ﺍﻧﺘﻈﺮﺗﻪ ﻭﻗﺖ ﺍﻟﻐﺪﺍ ﻣﺎ ﺟﺎ .. ﺑﺲ ﺍﺳﻤﻌﺖ ﺻﻮﺗﻪ ﺍﻟﻤﻐﺮﺏ ﻟﻤﺎ ﺩﻗﺖ
ﻋﻠﻴﻪ ﺗﺴﺘﺄﺫﻧﻪ ﻋﻠﺸﺎﻥ ﺗﺮﻭﺡ ﻣﻊ ﻟﻴﻠﻰ ﻣﻠﻜﺔ ﻋﻠﻴﺎ .. ﻛﺎﻧﺖ ﻓﻲ
ﺍﻟﺒﺪﺍﻳﻪ ﻻﺑﺴﻪ ﺗﻨﻮﺭﻩ ﻣﻊ ﺑﻠﻮﺯﻩ .. ﻟﻜﻦ ﺑﻌﺪﻳﻦ ﻏﻴﺮﺕ ﻭﻟﺒﺴﺖ
ﺍﻟﻔﺴﺘﺎﻥ ﻟﻤﺎ ﺩﻗﺖ ﻋﻠﻴﻬﺎ ﺩﻻﻝ ﺗﺬﻛﺮﻫﺎ ﺑﺎﻟﻮﻋﺪ .. ﻃﺒﻌﺎ ﻛﺎﻧﻮ ﺑﺮﻭﺣﻮﻥ
ﻣﻊ ﺍﻟﺴﻮﺍﻕ .. ﺑﺲ ﻻﻥ ﻣﺎ ﻳﺪﻟﻮﻥ ﺍﻟﺒﻴﺖ .. ﻗﺎﻟﻮ ﻟﺪﻻﻝ ﺗﻤﺮ ﺗﺎﺧﺬﻫﻢ
ﻣﻌﻬﺎ .. ﻭﻻﻥ ﺩﻻﻝ ﻭﺍﻋﺪﻩ ﻋﻠﻴﺎ ﺗﺠﻴﻬﺎ ﺑﺪﺭﻱ ﻫﻲ ﻭﻣﻨﺎﻝ ﺍﻟﻲ ﺭﺍﺡ
ﺗﻌﻤﻞ ﻟﻬﺎ ﺷﻌﺮﻫﺎ ﻭﺍﻟﻤﻴﻚ ﺍﺏ .. ﻓﻀﻄﺮﻭ ﻳﺮﺣﻮﻥ ﻣﻌﻬﺎ ﺑﺪﺭﻱ ..
ﻭﻣﺮﻭ ﻋﻠﻰ ﺳﺠﻰ ﻭﺧﺬﻭﻫﺎ ﻣﻌﻬﻢ ﻋﻠﺸﺎﻥ ﺗﺪﻟﻴﻬﻢ ﺍﻟﺒﻴﺖ ..
ﺍﻓﺴﺨﺖ ﺍﻧﻔﺎﻝ ﻋﺒﺎﻳﺘﻬﺎ ﻭﻗﺮﺑﺖ ﻣﻦ ﺍﻟﻤﺮﺍﻳﻪ ﻭﻧﺎﻇﺮﺕ ﺷﻜﻠﻬﺎ .. ﺍﻭﻝ
ﻣﺮﻩ ﺗﻠﺒﺲ ﻓﺴﺘﺎﻥ ﻗﺼﻴﺮ .. ﻳﻌﻨﻲ ﻫﻮ ﻣﺎ ﻛﺎﻥ ﻗﺼﻴﺮ ﺣﻴﻞ ﻳﻮﺻﻞ
ﻟﺮﻛﺒﻪ .. ﺑﺲ ﻫﺬﺍ ﺑﺎﻟﻨﺴﺒﻪ ﻻﻧﻔﺎﻝ ﻗﺼﻴﺮ ﺑﻘﻮﻩ .. ﻭﻣﻦ ﻓﻮﻕ ﺳﻴﻮﺭ ..
ﻛﺎﻥ ﻧﺎﻋﻢ ﻭﻣﺎﻓﻲ ﺃﻱ ﺣﺮﻛﻪ ﺑﺲ ﺍﻟﻨﻌﻮﻣﻪ ﻓﻲ ﺍﻟﺨﺎﻡ ﻧﻔﺴﻪ ..
ﻭﺍﻟﻔﺠﺎﻣﻪ ﻓﻲ ﺍﻟﺒﺴﺎﻃﻪ ﻭﺍﻟﻠﻮﻥ .. ﻭﻃﺎﻟﻊ ﻋﻠﻰ ﺍﻧﻔﺎﻝ ﻣﺮﺗﺐ ..
ﺍﺑﺘﺴﻤﺖ ﻟﻤﺎ ﺷﺎﻓﺖ ﻟﻴﻠﻰ ﺗﻘﺮﺏ ﻣﻨﻬﺎ .. ﻭﺗﺤﻂ ﻳﺪﻫﺎ ﻋﻠﻰ ﻛﺘﻔﻬﺎ ..
ﻟﻴﻠﻰ ﺑﺘﻔﺎﺟﺄ ﺍﻭﻝ ﻣﺮﻩ ﺗﺸﻮﻑ ﺍﻧﻔﺎﻝ ﻻﺑﺴﻪ ﺷﻲﺀ ﺭﺍﻗﻲ .. ﺑﺒﺘﺴﺎﻣﻪ
: ﻭﺵ ﻫﺰﻳﻦ ﻭﺭﺑﻲ ﻳﺠﻨﻦ ﺍﻟﻔﺴﺘﺎﻥ ﻋﻠﻴﻚ
ﺍﻧﻔﺎﻝ ﺑﺒﺘﺴﺎﻣﻪ : ﻭﺍﻟﻠﻪ .. ﻭﺵ ﺭﺍﻳﻚ ﻓﻴﻪ
ﻟﻴﻠﻰ ﺑﺒﺘﺴﺎﻣﻪ : ﻳﻬﺒﺒﺒﺒﺒﺒﻞ .. ﺑﺲ ﺗﺪﺭﻳﻦ ﻭﺵ ﺍﻟﻲ ﻧﺎﻗﺼﻚ ..
ﺍﻟﺬﻫﺐ
ﺍﻧﻔﺎﻝ ﺑﺒﺘﺴﺎﻣﻪ ﻭﻫﻲ ﺗﻨﺎﻇﺮ ﺷﻨﻄﺘﻬﺎ ﺍﻟﻤﺤﻄﻮﻃﻪ ﻋﻠﻰ ﺍﻟﻜﻨﺐ : ﺍﻧﺎ
ﺟﺎﻳﺒﻪ ﻣﻌﻲ ﺫﻫﺐ .. ﺑﻠﺒﺴﻪ ﺑﻌﺪﻳﻦ .. ﻗﻮﻝ ﻟﻲ ﺧﻠﺼﺖ ﻋﻠﻴﺎ ..
ﻟﻴﻠﻰ : ﻻ ﻟﺴﻰ .. ﺧﻠﺼﺖ ﻣﻦ ﺷﻌﺮﻫﺎ .. ﻭﺟﺎﻟﺴﻪ ﻳﺤﻄﻮﻥ ﻟﻬﺎ
ﺍﻟﻤﻴﻚ ﺍﺏ .. ﻫﻲ ﺗﻘﺮﻳﺒﺎ ﺧﻠﺼﺖ ﺑﺲ ﺑﺎﻗﻲ ﺍﻟﻠﻤﺴﺎﺕ ﺍﻻﺧﻴﺮﻩ
ﻭﺗﺨﻠﺺ .. ﻋﻠﺸﺎﻥ ﺗﻠﺒﺲ ﻓﺴﺘﺎﻧﻬﺎ .. ﺑﺲ ﺗﺼﺪﻗﻴﻦ ﻣﺪﺭﻱ ﻟﻴﻪ
ﺍﺣﺴﻬﺎ ﻣﺘﻮﺗﺮﻩ ﻭﻫﺎﺩﺀﻩ .. ﻭﻣﺎ ﺗﺒﺘﺴﻢ ﻛﺜﻴﺮ
ﺍﻧﻔﺎﻝ : ﻫﻲ ﻃﺒﻴﻌﺘﻬﺎ ﻛﺬﺍ ﻣﺎ ﺗﺘﻜﻠﻢ ﻛﺜﻴﺮ .. ﻭﺍﻟﺘﻮﺗﺮ ﺷﻲﺀ ﻻﺑﺪ ﻣﻨﻪ
ﻓﻲ ﻫﺎﻟﻤﻮﺍﻗﻒ .. ﺍﻟﻠﻪ ﻳﺴﺎﻋﺪﻫﺎ .. ﻭﻳﻦ ﺳﺠﻰ ﻣﺎ ﺍﺷﻮﻓﻬﺎ
ﻟﻴﻠﻰ : ﺳﺠﻰ ﺗﺤﺖ ﺑﺎﻟﺼﺎﻟﻪ ﺟﺎﻟﺴﻪ ﺗﺸﻮﻑ ﺍﻟﺘﺮﺗﻴﺒﺎﺕ ﻣﻊ ﺍﺧﻮﻫﺎ ..
( ﻛﻤﻠﺖ ﻭﻫﻲ ﺗﻤﺴﻚ ﻳﺪ ﺍﻧﻔﺎﻝ ) .. ﻳﺎﻟﻠﻪ ﺗﻌﺎﻝ ﻣﻌﻲ ﻻﻥ ﺩﻭﺭﻙ ﺑﻌﺪ
ﻋﻠﻴﺎ ﻋﻠﺸﺎﻥ ﻳﻌﻤﻠﻮﻥ ﻟﻚ ﺷﻌﺮﻙ ﻭﺍﻟﻤﻴﻚ ﺍﺏ ..
ﻓﻲ ﺳﻴﺎﺭﺓ ﻭﺍﻓﻲ ..
ﻛﺎﻥ ﻭﺍﻓﻲ ﻳﺴﻮﻕ ﺍﻟﺴﻴﺎﺭﻩ ﻭﺟﻨﺒﻪ ﺣﻤﺪ ﺍﻟﻲ ﻣﺴﻨﺪ ﻇﻬﺮﻩ ﻋﻠﻰ
ﺍﻟﻜﺮﺳﻲ ﺑﺴﺘﺮﺟﺎﺀ .. ﻭﻣﻐﻤﺾ ﻋﻴﻮﻧﻪ .. ﺣﻤﺪ ﻳﺤﺐ ﺍﻟﻨﻮﻡ
ﺑﺸﻜﻞ !! .. ﺑﺎﻟﻤﻮﺕ ﺗﺰﺣﺰﺡ ﻣﻦ ﺍﻟﺴﺮﻳﺮ ﻭﻛﺎﻧﺖ ﻣﻘﺎﻭﻣﺘﻪ ﻛﺒﻴﺮﻩ
ﻟﺠﻤﻴﻊ ﺍﺳﺎﻟﻴﺐ ﺍﻻﺯﻋﺎﺝ ﺍﻟﻲ ﺍﺗﺒﻌﻬﺎ ﻭﺍﻓﻲ ﻣﺎ ﺻﺤﻰ ﺍﻟﻰ ﻟﻤﺎ ﻛﺐ
ﻋﻠﻴﻪ ﻛﺎﺱ ﻣﺎﻱ ﺑﺎﺩﺭ ﻣﻊ ﺍﻥ ﻭﺍﻓﻲ ﻣﺎ ﻳﺤﺐ ﻫﺬﻱ ﺍﻟﻄﺮﻳﻘﻪ .. ﻻﻧﻬﺎ
ﺗﺮﻭﻉ ﺍﻟﻮﺍﺣﺪ ﻭﺗﻔﺰﻋﻪ ﺑﺲ
ﻭﺵ ﻳﺴﻮﻱ ﻣﻊ ﺣﺎﻟﺔ ﺣﻤﺪ .. ﻭﻫﻢ ﻣﺎﻧﻔﻊ ﻫﺬﺍ ﻫﻮ ﺟﺎﻟﺲ ﺟﻨﺒﻪ
ﻧﺎﻳﻢ ﻭﺷﺨﺮ ..
ﺍﻟﺘﻔﺖ ﻭﺍﻓﻲ ﻋﻠﻰ ﺣﻤﺪ ﻭﻧﺎﻇﺮﻩ ﻭﻫﻮ ﻧﺎﻳﻢ ﻭﺑﺒﺘﺴﺎﻣﺔ ﺧﺒﺚ .. ﺩﻋﺲ
ﻋﻠﻰ ﺍﻟﺒﺮﻳﻚ ﺑﺮﺟﻠﻪ ﺑﻘﻮﻩ .. ﻭﻗﻒ ﺍﻟﺴﻴﺎﺭﻩ ﻓﺠﺄﻩ ﻃﺒﻌﺎ ﻻﻥ ﺣﻤﺪ
ﻧﺎﻳﻢ ﻓﺠﺴﻤﻪ ﻓﻲ ﺣﺎﻟﺔ ﺍﺳﺘﺮﺧﺎﺀ .. ﻭﻋﺪﻡ ﺳﻴﻄﺮﻩ .. ﺍﻧﺪﻓﻊ ﺑﺴﺮﻋﻪ
ﻟﻘﺪﺍﻡ ﻭﺿﺮﺏ ﺭﺍﺳﻪ
ﺣﻤﺪ ﻭﻫﻮ ﻳﺮﺟﻊ ﺟﺴﻤﻪ ﺑﺜﻘﻞ ﻭﻳﺪﻩ ﻋﻠﻰ ﺭﺍﺳﻪ ﻭﺟﻬﻪ ﻣﻌﺘﻔﺲ ﻣﻦ
ﺍﻟﻨﻮﻡ ﻭﺍﻟﻀﺮﺑﻪ ..ﺍﻟﺘﻔﺖ ﻋﻠﻰ ﻋﻤﻪ ﻭﺍﻓﻲ ﻭﻧﺎﻇﺮﻩ ﺑﻨﻈﺮﻩ ﺣﺎﺩﻩ ..
ﻭﺑﺼﻮﺕ ﻣﺨﻨﻮﻕ ﻣﻦ ﺍﻟﻨﻮﻡ ﻭﺷﻮﻳﺖ ﻋﺼﺒﻴﻪ : ﻋﻤﻲ
ﻭﺍﻓﻲ ﺍﻟﺘﻔﺖ ﻭﺣﺎﻭﻝ ﻳﻜﺘﻢ ﺍﻟﻀﺤﻜﻪ ﻭﻻ ﻛﺎﻧﻪ ﺳﻮﻯ ﺷﻲﺀ : ﺍﺳﻔﻪ
ﻣﺎ ﻧﺘﺒﻬﺖ
ﺣﻤﺪ ﻭﻫﻮ ﻳﺴﻨﺪ ﻋﻠﻰ ﺍﻟﻜﺮﺳﻲ ﻭﻋﺎﻗﺪ ﺣﻮﺍﺟﺒﻪ : ﻃﺎﺡ ﻗﻠﺒﻲ ..
( ﻛﻤﻞ ﻭﻫﻮ ﻳﻨﺎﻇﺮ ﻋﻤﻪ ﻣﻦ ﻃﺮﻑ ﻋﻴﻨﻪ ) .. ﺍﻧﺎ ﺍﺩﺭﻱ ﺍﻧﻚ ﻣﺘﻌﻤﺪ
ﺗﺴﻮﻳﻬﺎ .. ( ﻛﻤﻞ ﻭﻫﻮ ﻳﻨﺎﻇﺮ ﺍﻟﺸﺎﺭﻉ ﻗﺪﺍﻣﻪ ﻭﻳﺘﺤﻠﻄﻢ ) .. ﻣﺎ
ﺗﺨﻠﻮﻥ ﺍﻟﻮﺍﺣﺪ ﻳﻨﺎﻡ .. ﻣﺴﻮﻱ ﻫﺠﻮﻡ ﻣﻜﺜﻒ ﻋﻠﻲ ﻭﻣﺰﻟﺰﻟﻨﻲ ﻣﻦ
ﺍﻟﻨﻮﻡ ﻭﻣﺠﺮﺟﺮﻧﻲ ﻣﻌﻚ .. ﺑﻠﻌﻨﺎﻫﺎ .. ﻟﻜﻦ ﺗﺤﺎﻭﻝ ﺗﺮﻭﻋﻨﻲ ﻫﺬﻱ
ﻋﺎﺩ ﻣﺎ ﺗﻨﺒﻠﻊ ﺑﺎﻟﻤﺮﻩ
ﻭﺍﻓﻲ ﺍﻟﺘﻔﺖ ﻋﻠﻰ ﺣﻤﺪ ﺑﺒﺘﺴﺎﻣﺔ ﺍﻧﺘﺼﺎﺭ : ﺍﻧﺖ ﻣﺎ ﺗﻘﻮﻟﻲ ﻛﻢ ﺳﺎﻋﻪ
ﺗﻨﺎﻡ ﺑﺎﻟﻴﻮﻡ ..
ﺣﻤﺪ ﺑﺴﺘﻬﺒﺎﻝ : 24 ﺳﺎﻋﻪ .. ﻳﻌﻨﻲ ﻛﻢ ﺳﺎﻋﻪ ﺍﻧﺎﻡ 9 ﺳﺎﻋﺎﺕ 10
ﻟﻜﻦ ﺑﺮﻛﺎﺗﻚ ﺻﺎﺭ 9 ﺩﻗﺎﻳﻖ
ﻭﺍﻓﻲ : ﻫﻬﻬﻬﻬﻬﻬﻬﻬﻪ ﻫﻬﻬﻬﻬﻬﻬﻪ ﺍﺣﺴﻦ ﻣﻮ ﺯﻳﻦ ﻛﺜﺮﺓ ﺍﻟﻨﻮﻡ
ﺣﻤﺪ : ﻭﻗﻠﺘﻪ ﺷﻴﻨﻪ .. ﺍﻗﻮﻝ ﻋﻤﻲ ﻭﻳﻦ ﻫﻨﺎ ..ﻭﻳﻦ ﺭﺍﻳﺤﻴﻦ
ﻭﺍﻓﻲ ﺑﺒﺘﺴﺎﻣﻪ : ﻋﻨﺪﻧﺎ ﻛﺬﺍ ﻣﺸﻮﺍﺭ .. ﺑﻤﺮ ﺍﻭﻝ ﻣﺤﻤﻞ ﻭﺍﻟﻮﺭﺩ ..
ﻭﺑﻤﺮ ﺍﻟﻤﻄﻌﻢ .. ﻭﺍﻟﺴﻮﺑﺮ ﻣﺎﺭﻛﺖ .. ﻭﺍﻟﻤﻐﺴﻠﻪ ﻭ
ﻗﺎﻃﻌﻪ ﺣﻤﺪ : ﺍﻟﻠﻪ ﻛﻞ ﻫﺬﻱ ﺍﻟﻤﺸﺎﻭﻳﺮ .. ﻭﺍﻟﻠﻪ ﻟﻮ ﺍﻧﻚ ﻣﺨﻠﻴﻨﻲ
ﺑﺴﺮﻳﺮﻱ ﺍﺣﺴﻦ ﻟﻲ
ﻭﺍﻓﻲ ﺍﻟﺘﻔﺖ ﻋﻠﻰ ﺣﻤﺪ : ﻭﺍﻟﻠﻪ ﻛﺎﻥ ﻭﺩﻱ ﺍﺩﺭﻱ ﺍﻧﻚ ﺍﻣﺲ ﻣﺎ ﻧﻤﺖ
ﺍﻟﻰ ﻣﺘﺄﺧﺮ .. ﺑﺲ ﻻﻥ ﺻﺪﻳﻘﺎﺕ ﻋﻠﻴﺎ ﺑﺠﻮﻥ .. ﻭﺍﺑﻴﻬﻢ ﻳﺎ ﺧﺬﻭﻥ
ﺭﺍﺣﺘﻬﻢ ﻓﻲ ﺍﻟﺪﻭﺭ ﺍﻟﺜﺎﻧﻲ .. ﺻﺤﻴﺘﻚ ﻭﺟﺒﺘﻚ ﻣﻌﻲ
ﺣﻤﺪ ﺑﺸﻮﻳﺖ ﻋﺼﺒﻴﻪ : ﻛﺎﻥ ﺻﺤﻴﺘﻨﻲ ﻭﻗﺎﻟﺖ ﻟﻲ ﺍﻧﺰﻝ ﻧﺎﻡ ﺗﺤﺖ ..
ﻻﺯﻡ ﺗﺼﺤﻴﻨﻲ ﻭﺗﺠﻴﺒﻨﻲ ﻣﻌﻚ
ﻭﺍﻓﻲ ﺑﺘﻬﺪﻳﺪ : ﺗﺮﻯ ﺍﺫﺍ ﻣﺎ ﺳﻜﺮﺕ ﻓﻤﻚ .. ﺑﻨﺰﻟﻚ ﺑﺎﻟﺸﺎﺭﻉ ..
ﻭﺑﺨﻴﻚ ﺗﻨﺎﻡ ﻋﻠﻰ ﺍﻟﺮﺻﻴﻒ
ﺍﻟﺘﻔﺖ ﺣﻤﺪ ﻋﻠﻰ ﺍﻟﻨﺎﻓﺬﻩ ﺍﻟﻲ ﺟﻨﺒﻪ .. ﻭﻇﻞ ﻳﺘﺄﻣﻞ ﺍﻟﻤﺤﻼﺕ
ﻭﺍﻟﺒﻴﻮﺕ .. ﻗﺒﻞ ﻻ ﻳﻠﺘﻔﺖ ﻋﻠﻰ ﻋﻤﻪ ﻭﻗﻮﻝ .
ﺣﻤﺪ ﺑﺼﻮﺕ ﻫﺎﺩﺀ : ﻛﻠﻤﺖ ﺍﺑﻮﻱ ﺑﺎﻟﻤﻮﺿﻮﻉ
ﺍﻟﺘﻔﺖ ﻭﺍﻓﻲ ﻋﻠﻰ ﺣﻤﺪ .. ﻟﻤﺎ ﻟﻤﺲ ﺍﻟﻀﻴﻘﻪ ﺑﻨﺒﺮﺓ ﺻﻮﺗﻪ .. ﻧﺎﻇﺮ
ﻣﻼﻣﺤﻪ ﻗﺒﻞ ﻻ ﻳﻘﻮﻝ : ﻻ ﻟﺴﻰ .. ﺍﻥ ﺷﺄﻟﻠﻪ ﺭﺍﺡ ﺍﻛﻠﻤﻪ ﺑﻜﺮﻩ
ﺣﻤﺪ ﺑﺘﺮﺩﺩ .. ﻭﺑﺼﻮﺕ ﻭﺍﻃﻲ : ﻋﻤﻲ ﺗﻌﺘﻘﺪ ﺍﻥ ﺍﺑﻮﻱ ﺑﻴﺮﺿﻰ ﻋﻠﻲ
ﻭﺍﻓﻲ ﻭﻋﻴﻮﻧﻪ ﻋﻠﻰ ﺍﻟﻄﺮﻳﻖ : ﺍﻛﻴﺪ .. ﺍﻧﺎ ﺭﺍﺡ ﺍﻛﻠﻤﻪ ﻭﺍﺑﻴﻚ ﺗﻌﺘﺬﺭ
ﻣﻨﻪ ﻭﺗﺒﻮﺳﻪ ﻋﻠﻰ ﺭﺍﺳﻪ ﻭﺗﺒﻴﻦ ﻟﻪ ﺍﻧﻚ ﻓﻌﻼ ﺧﺠﻼﻥ ﻣﻦ ﺍﻟﻲ
ﺳﻮﻳﺘﻪ
ﺣﻤﺪ ﺑﺸﻮﻳﺖ ﻋﺼﺒﻴﻪ .. : ﺍﺥ .. ﺑﺲ ﻟﻮ ﻳﻄﺤﻮﻥ ﺑﻴﺪﻱ ﺳﻌﺪ
ﻭﻣﻄﻠﻖ .. ﻭﻗﻄﻌﻬﻢ ﻭﺭﻣﻴﻬﻢ ﻟﻠﻜﻼﺏ
ﻭﺍﻓﻲ ﺍﻟﺘﻔﺖ ﻋﻠﻰ ﺣﻤﺪ ﻭﺑﻨﻈﺮﻩ ﺣﺎﺩﻩ ﻭﻫﻮ ﻋﺎﻗﺪ ﺣﻮﺍﺟﺒﻪ : ﺣﻨﺎ
ﻭﺵ ﻗﻠﻨﺎ .. ﺧﻠﻚ ﻣﻨﻬﻢ ﻭﻻ ﻳﻬﻤﻮﻧﻚ .. ﺗﺪﺭﻱ ﻟﻮ ﺍﻧﺖ ﺭﺣﺖ ﻟﻬﻢ
ﻭﺗﺨﺎﻧﻘﺖ ﻣﻌﻬﻢ .. ﺑﻴﻨﺒﺴﻄﻮﻥ ﻻﻥ ﺍﻟﻲ ﻳﺒﻮﻧﻪ ﺻﺎﺭ ﻭﺷﺎﻓﻮﻙ ﻣﺴﻜﻮﺭ
ﻗﺪﺍﻣﻬﻢ .. ﻟﻜﻦ ﻟﻤﺎ ﺗﻨﻘﻄﻊ ﺍﺧﺒﺎﺭﻙ ﻭﻣﺎ ﻋﺎﺩ ﻳﺸﻮﻓﻮﻧﻚ .. ﻳﺘﺴﺎﺋﻠﻮﻥ
ﻭﺵ ﺍﻟﻲ ﺣﺼﻠﻚ .. ﻭﺭﺍﺡ ﻳﺠﻮﻥ ﻟﻚ ﺑﻨﻔﺴﻬﻢ ﺍﻭ ﻳﺪﻗﻮﻥ ﻋﻠﻴﻚ
ﺣﻤﺪ : ﻳﻌﻨﻲ ﻭﺍﺛﻖ ﺍﻥ ﺭﺍﺡ ﻳﺪﻗﻮﻥ ﻋﻠﻲ
ﻭﺍﻓﻲ ﺑﺒﺘﺴﺎﻣﺔ ﺛﻘﻪ : ﻣﻴﻪ ﺑﺎﻟﻤﻴﻪ ..ﻭﺭﺍﺡ ﺗﺸﻮﻑ ﺍﻥ ﻛﻼﻣﻲ ﻣﻀﺒﻮﻁ
ﻻﻥ ﻧﻮﻋﻴﺖ ﺳﻌﺪ ﻭﻣﻄﻠﻖ ﻣﺮﺍﻩ ﻋﻠﻲ ﻛﺜﻴﺮ ﻣﻦ ﻗﺒﻞ
...
ﺗﻮﻟﻌﺖ ﺑﻬﻮﺍﻙ ﻭﺟﻴﺖ ﻟﻚ ﻣﻴﺖ ﻋﻠﻰ ﻗﻠﺒﻲ ....ﻭﺍﻧﺎ ﺍﺧﺸﻰ ﻟﻮ ﻧﺴﻴﺖ
ﻳﻤﻮﺕ ﻗﻠﺒﻲ ﻣﺎ ﺗﺬﻛﺮﺗﻪ
ﻳﺎ ﺍﻭﻝ ﻣﻦ ﺩﻓﻌﻨﻲ ﻟﻠﻌﺬﺍﺏ ﻭﻣﺎ ﻭﻗﻒ ﺟﻨﺒﻲ .... ﺍﻧﺎ ﻣﺎﻫﻤﻨﻲ ﻣﻨﻚ
ﺍﻟﻌﺬﺍﺏ ﻭﻻ ﺗﻜﺎﺛﺮﺗﻪ
ﺑﺤﺮﻛﻪ ﺳﺮﻳﻌﻪ .. ﺣﻄﺖ ﺍﻟﻮﺭﻗﻪ ﺧﻠﻒ ﺍﻻﻭﺭﻕ .. ﻭﺑﺪﺕ ﻋﻴﻮﻧﻬﺎ ﺗﻘﺮﺍ
ﺍﻟﻮﺭﻗﻪ ﺍﻟﺜﺎﻧﻴﻪ
ﺯﻟﺰﻝ ﻛﻴﺎﻧﻲ ..ﻓﺠﺮ ﺍﻟﺸﻮﻕ .. ﺗﻔﺠﻴﺮ .... ﺩﻋﻨﻲ ﺍﻣﻮﺕ ﺑﻨﺎﺭ ﺍﻻﺷﻮﺍﻕ
ﺩﻋﻨﻲ
ﺍﻟﻠﻲ ﻓﻲ ﺑﺎﻟﻚ ﺍﻋﺘﻘﺪ ﻳﻮﻡ ﺑﻴﺼﻴﺮ .....ﻳﺎﺗﺸﺘﺮﻳﻨﻲ ﺍﻭ ﻟﻼﺣﺰﺍﻥ ﺑﻌﻨﻲ
ﺑﻌﻴﻮﻧﺎ ﻣﺘﺴﻌﻪ .. ﺗﺠﻤﻊ ﻧﻈﺮﺍﺕ ﺍﻟﺪﻫﺸﻪ .. ﻭﺍﻻﺳﺘﻐﺮﺍﺏ .. ﻭﻋﺪﻡ
ﺍﻟﺘﺼﺪﻳﻖ .. ﻗﻠﺒﺖ ﺍﻟﺼﻔﺤﻪ ﺍﻟﺜﺎﻧﻴﻪ
ﻳﺎ)) ﺻﺪﻓﻪ (( ﻣﺮﺕ ﻋﻠﻰ ﻧﺎﻇﺮﻱ ﺍﻣﺲ ... ﺻﺮﺗﻲ ﺣﻘﺎﻳﻖ ﺩﻧﻴﺘﻲ
ﻭﺍﻟﻄﻮﺍﺭﻱ
ﺍﻧﺘﻲ ﺍﻻﻣﺎﻧﻲ ﻻﻃﻮﺍ ﺧﺎﻓﻘﻲ ﻳﺄﺱ ... ﻭﺍﻧﺘﻲ ﺑﻘﺎﻳﺎ ﻗﻮﺗﻲ ﻭﺍﻧﻜﺴﺎﺭﻱ
ﻣﻌﻘﻮﻟﻪ !! ﻣﻌﻘﻮﻟﻪ ﺗﻜﻮﻥ ﺻﺪﻓﻪ .. ﻛﻞ ﻫﺬﻱ ﺍﻟﻘﺼﺎﻳﺪ ﺍﻟﻲ ﺑﻴﻦ ﻳﺪﻱ
ﻫﻲ ﻧﻔﺴﻬﺎ ﺍﻟﻘﺼﺎﻳﺪ ﺍﻟﻲ ﺑﺠﻮﺍﻟﻲ .. ﻫﻲ ﻧﻔﺴﻬﺎ ﺍﻟﻘﺼﺎﻳﺪ ﺍﻟﻲ ﻳﺮﺳﻠﻬﺎ
ﻟﻲ ﺍﻟﺮﻗﻢ ﺍﻟﻲ ﺳﻤﻴﺘﻪ ﺭﻭﺡ ﺍﻟﻘﺼﻴﺪ .. ﻣﻌﻘﻮﻟﻪ .. ﻻ ﻻ ﺍﻛﻴﺪ ﺻﺪﻓﻪ
.. ﻭﺍﺫﺍ ﻛﺎﻧﺖ ﻣﻮ ﺻﺪﻓﻪ .. ﻳﻌﻨﻲ ﺍﻥ ﺭﻭﺡ ﺍﻟﻘﺼﻴﺪ ﻫﻮ .. ( ﺯﺍﺩﺕ
ﺩﻗﺎﺕ ﻗﻠﺒﻬﺎ ) .. ﻫﻮ ﻭﺍﻓﻲ ..
ﻃﺎﺣﺖ ﺍﻻﻭﺭﺍﻕ ﻣﻦ ﻳﺪ ﺩﻻﻝ ﻭﺗﻨﺎﺛﺮﺕ ﻋﻠﻰ ﺍﻻﺭﺽ ﻭﺷﻬﻘﺖ ﺷﻬﻘﻪ
ﻣﻦ ﻗﻠﺐ ﻟﻤﺎ ﺍﺳﻤﻌﺖ ﺻﻮﺕ ﺳﺠﻰ ..
ﺳﺠﻰ ﻭﻫﻲ ﺗﺪﺧﻞ ﺍﻟﻐﺮﻓﻪ : ﺍﻧﺘﻲ ﻫﻨﺎ ﻭﺍﻧﺎ ﺍﺩﻭﺭ ﻋﻠﻴﻚ ..
ﺍﻟﺘﻔﺘﺖ ﺩﻻﻝ ﻋﻠﻰ ﺳﺠﻰ ﺑﺨﻮﻑ .. ﻭﺣﻄﺖ ﻳﺪﻫﺎ ﻋﻠﻰ ﻗﻠﺒﻬﺎ : ﻃﺎﺡ
ﻗﻠﺒﻲ . ( ﻛﻤﻠﺖ ﻭﻫﻲ ﺗﺎﺧﺬ ﻧﻔﺴﻬﺎ ) .. ﺍﺭﻋﺒﺘﻴﻨﻲ
ﺳﺠﻰ ﻭﻫﻲ ﺗﻘﺮﺏ ﻣﻦ ﺩﻻﻝ .. ﻭﺗﺤﻂ ﻳﺪﻫﺎ ﻋﻠﻰ ﺧﺼﺮﻫﺎ ..
ﻭﺑﻨﻈﺮﻩ ﺣﺎﺩﻩ : ﻭﺵ ﺗﺴﻮﻳﻦ ﻫﻨﺎ ﺍﻋﺘﺮﻓﻲ ..
ﺩﻻﻝ ﻭﻫﻲ ﺗﻨﺤﻨﻲ .. ﻭﺗﺠﻤﻊ ﺍﻻﻭﺭﺍﻕ ﺍﻟﻲ ﻃﺎﺣﻮ ﻣﻨﻬﺎ : ﻛﻨﺖ
ﻋﻄﺸﺎﻧﻪ .. ﻭﻃﻠﻌﺖ ﺍﺩﻭﺭ ﻋﻠﻰ ﺍﻟﻤﻄﺒﺦ
ﺳﺠﻰ ﻭﻣﺎ ﻣﺸﺖ ﻋﻠﻴﻬﺎ : ﻟﻬﺬﻱ ﺍﻟﺪﺭﺟﻪ ﻓﻲ ﺗﺸﺎﺑﻪ ﺑﻴﻦ ﺍﺛﺎﺙ ﻫﺬﻱ
ﺍﻟﻐﺮﻓﻪ ﻭﺩﻭﺍﻟﻴﺐ ﺍﻟﻤﻄﺒﺦ
ﺩﻻﻝ ﻭﻫﻲ ﺗﺮﻓﻊ ﺟﺴﺪﻫﺎ .. ﻭﺑﻴﻦ ﻳﺪﻫﺎ ﺍﻻﻭﺭﺍﻕ .. ﻧﺎﻇﺮﺕ ﺳﺠﻰ
ﺍﻟﻲ ﻭﺍﻗﻔﻪ ﺟﻨﺒﻬﺎ .. ﻭﺣﺎﻭﻟﺖ ﺗﻜﻮﻥ ﻃﺒﻴﻌﻴﻪ ﺍﺑﺘﺴﻤﺖ ﻭﻫﻲ ﺗﻘﻮﻝ
ﺑﺴﺘﻬﺒﺎﻝ : ﻳﻌﻨﻲ ﻓﻲ ﺗﺸﺎﺑﻪ ﻃﻔﻴﻒ .. ( ﻛﻤﻠﺖ ﻭﻫﻲ ﺗﻨﺎﻇﺮ
ﺍﻟﺴﺮﻳﺮ ) .. ﺍﻗﻮﻝ ﺳﺠﻰ ﻣﻦ ﻏﺮﻓﺘﻪ ﻫﺬﻱ ( ﻃﺒﻌﺎ ﻫﻲ ﻣﺎ ﺩﺧﻠﺘﻬﺎ
ﺍﻻ ﻻﻧﻬﺎ ﻋﺎﺭﻓﻪ ﺍﻥ ﻫﺬﻱ ﻏﺮﻓﺔ ﻭﺍﻓﻲ )
ﺳﺠﻰ ﻭﻫﻲ ﺗﺘﺠﻮﻝ ﺑﻨﻈﺮﺍﺗﻬﺎ ﺑﺎﻟﻐﺮﻓﻪ ﺍﻟﻲ ﻭﺍﺿﺢ ﺍﻧﻬﺎ ﻣﻦ ﺯﻣﺎﻥ ﻣﺎ
ﺗﺮﺗﺒﺖ .. ﺍﻟﺴﺮﻳﺮ ﻣﻮ ﻣﺮﺗﺐ .. ﺩﻓﺎﺗﺮ ﻭﻣﺠﻼﺕ ﻭﺍﻭﺭﺍﻕ ﻋﻠﻰ
ﺍﻟﻄﺎﻭﻟﻪ ﻭﻓﻲ ﺍﻟﺪﺭﺝ ﺍﻟﻤﻔﺘﻮﺡ .. ﻋﻘﺎﻝ ﻭﺛﻮﺏ ﻣﻌﻠﻖ ﻋﻠﻰ ﺍﻟﺸﻤﺎﻋﻪ ..
ﻛﺮﺍﺗﻴﻦ ﻋﻄﺮ ﻭﺯﺟﺎﺟﺎﺕ ﻋﻄﺮ ﻓﺎﺿﻴﻪ ﻣﺤﻄﻮﻃﻴﻦ ﻋﻠﻰ ﺍﻟﺘﺴﺮﻳﺤﻪ ..
: ﻫﺬﻱ ﻏﺮﻓﺔ ﻋﻤﻲ ﻭﺍﻓﻲ
ﺩﻻﻝ : ﺍﻟﻐﺮﻓﻪ ﻣﻦ ﺯﻣﺎﻥ ﻣﺎ ﺗﻨﻈﻔﺖ .. ﻛﺎﻧﻬﺎ ﻣﻬﺠﻮﺭﻩ .. ﻫﻮ ﻣﺎ ﻳﻨﺎﻡ
ﻫﻨﺎ
ﺳﺠﻰ : ﻻ ﻳﻨﺎﻡ ﻓﻲ ﺑﻴﺘﻨﺎ .. ﺑﺲ ﻳﺠﺎ ﻫﻨﺎ ﻳﺒﺪﻝ ﻣﻼﺑﺴﻪ ﻭﻳﻄﻠﻊ ﻫﻮ
ﺑﺎﻟﻌﺎﺩﻩ ﻋﻤﺘﻲ ﻋﻠﻴﺎ ﺗﻨﻈﻒ ﺍﻟﻐﺮﻓﻪ ﻭﺗﺮﺗﺒﻬﺎ .. ﻭﻻﻧﻬﺎ ﺍﺟﻠﺴﺖ ﻋﻨﺪﻧﺎ
ﻣﺎ ﺻﺎﺭ ﻓﻲ ﺍﺣﺪ ﻳﻨﻈﻔﻬﺎ .. ﻭﻋﻤﻲ ﻭﺍﻓﻲ ﺑﻄﺒﻌﻪ ﻓﻮﺿﻮﻱ ﻓﺼﺎﺭﺕ
ﺍﻟﻐﺮﻓﻪ ﻓﻲ ﺣﺎﻟﻪ ﻳﺮﺛﻰ ﻟﻬﺎ
ﺩﻻﻝ ﺑﻬﻤﺘﻤﺎﻡ : ﻟﻴﻪ ﻣﺎ ﻋﻨﺪﻫﻢ ﺧﺪﺍﻣﻪ ﻓﻲ ﺍﻟﺒﻴﺖ
ﺳﺠﻰ : ﻻ .. ﺍﻟﺒﻴﺖ ﻣﻮ ﻣﺤﺘﺎﺝ ﺧﺪﺍﻣﻪ .. ﻭﻋﻤﻲ ﻭﺍﻓﻲ ﺍﺳﺎﺱ ﻣﺎ
ﻳﺤﺐ ﺍﻟﺨﺪﺍﻣﻪ ﺗﺨﺪﻣﻪ .. ( ﻛﻤﻠﺖ ﻭﻫﻲ ﺗﻨﺎﻇﺮ ﺩﻻﻝ ﺑﻨﻈﺮﻩ
ﺣﺎﺩﻩ ) .. ﺑﻌﺪﻳﻦ ﺍﻧﺘﻲ ﻟﻴﻪ ﺗﺴﺄﻟﻴﻦ .. ﻭﺵ ﻫﺬﻱ ﺍﻻﻭﺭﺍﻕ ﺍﻟﻲ ﺑﻴﺪﻙ
ﺩﻻﻝ ﺑﺮﺗﺒﺎﻙ ﻣﺨﻔﻲ : ﺑﺲ ﻛﺬﺍ ﻓﻀﻮﻝ .. ( ﻛﻤﻠﺖ ﻭﻫﻲ ﺗﻤﺪ
ﺍﻻﻭﺭﺍﻕ ﻟﺴﺠﻰ ) .. ﻗﺼﺎﻳﺪ ﺷﻌﺮ ﻣﻤﺰﻭﻋﻪ ﻣﻦ ﻣﺠﻼﺕ
ﺍﺧﺬﺕ ﺳﺠﻰ ﺍﻻﻭﺭﺍﻕ ﻣﻦ ﺩﻻﻝ ﻭﻧﺎﻇﺮﺕ ﻓﻴﻬﻢ : ﺣﻖ ﻣﻴﻦ ﻫﺬﻱ
ﺍﻻﻭﺭﺍﻕ
ﺩﻻﻝ ﻭﻫﻲ ﺗﻬﺰ ﺍﻛﺘﺎﻓﻬﺎ : ﻣﺪﺭﻱ ﻟﻘﻴﺘﻬﺎ ﻋﻠﻰ ﺍﻻﺭﺽ .. ﻳﻤﻜﻦ ﻟﻌﻤﻚ
ﻭﺍﻓﻲ ﺍﻭ ﻟﻤﺸﺎﺭﻱ ﻭﻟﺪ ﻋﻤﻚ ﻣﻮ ﻳﺤﺐ ﺍﻟﺸﻌﺮ
*
ﻓﻲ ﺍﻟﻤﺠﻠﺲ .. ﺍﻟﺴﺎ ﻋﻪ 9 ﻭﻧﺺ ..
ﻛﺎﻥ ﻏﺎﺯﻱ ﺟﺎﻟﺲ ﻓﻲ ﺻﺪﺭ ﺍﻟﻤﺠﻠﺲ ﻛﺎﺷﺦ ﻭﻋﻠﻰ ﻭﺟﻬﻪ ﺍﺣﻠﻰ
ﺍﺑﺘﺴﺎﻣﻪ .. ﺗﺮﻣﺰ ﻟﺮﺍﺣﻪ .. ﻭﺍﻟﺴﻌﺎﺩﻩ .. ﻭﺍﻟﺸﻮﻕ ﻭﻋﻴﻮﻧﻪ ﻛﺎﻧﺖ
ﺗﻮﺯﻉ ﻧﻈﺮﺍﺕ ﻓﺮﺡ .. ﻭﻣﺘﻨﺎﻥ ﻭﺷﻜﺮ ﻟﻜﻞ ﺍﻟﻲ ﺟﺎﻟﺴﻦ ﻭﺍﻟﻲ ﺑﺎﺭﻛﻮ ﻟﻪ
.. ﻭﺍﺷﻬﺪﻭ ﻋﻠﻰ ﻛﺘﺐ ﻛﺘﺎﺑﻪ .. ﻭﺯﻭﺍﺟﻪ ﻣﻦ ﻋﻠﻴﺎ .. ﻣﻊ ﺍﻧﻪ ﻓﻲ
ﺩﺍﺧﻠﻪ ﻳﻨﺘﻈﺮﻫﻢ ﻳﻄﻠﻌﻮﻥ ﻋﻠﺸﺎﻥ ﻳﺪﺧﻞ ﻳﺸﻮﻑ ﻋﻠﻴﺎ .. ( ﺻﺒﺮﺕ
ﺳﺖ ﺷﻬﻮﺭ ﻣﺎ ﻣﺖ ﺑﻘﺎﺩﺭ ﺗﺼﺒﺮ ﻫﻞ ﻛﻢ ﺩﻗﻴﻘﻪ ) .. ﻭﻻﻧﻲ ﺻﺒﺮﺕ
ﺳﺖ ﺷﻬﻮﺭ ﻣﺎ ﻧﻲ ﻗﺎﺩﺭ ﺍﺻﺒﺮ ﺑﻌﺪ ﺩﻗﺎﻳﻖ ..
ﻛﺎﻥ ﻭﺍﻓﻲ ﺟﺎﻟﺲ ﺟﻨﺒﻪ ﻭﻋﻠﻰ ﻭﺟﻬﻪ ﺍﺑﺘﺴﺎﻣﻪ ﺧﻔﻴﻔﻪ .. ﻭﺑﺎﻳﻦ ﻋﻠﻰ
ﻣﻼﻣﺤﻪ ﺍﻟﺮﺍﺣﻪ .. ﻟﻌﺪﺕ ﺍﺳﺒﺎﺏ ﺍﻭﻻ .. ﻻﻧﻪ ﺍﻃﻤﺄﻥ ﻋﻠﻰ ﺍﺧﺘﻪ ﻋﻠﻴﺎ
ﻣﻊ ﻏﺎﺯﻱ ﻭﻫﻮ ﻭﺍﺛﻖ ﺍﻥ ﺭﺍﺡ ﻳﺴﻌﺪﻫﺎ .. ﻻﻧﻪ ﺣﺎﺱ ﺍﻥ ﻓﻲ ﺣﺐ
ﺧﺠﻮﻝ ﻣﺨﺘﺒﺄ ﻓﻲ ﻗﻠﻮﺑﻬﻢ ﻭﺣﺎﻥ ﺍﻟﻮﻗﺖ ﺍﻧﻪ ﻳﺸﻮﻑ ﺍﻟﻨﻮﺭ .. ﺛﺎﻧﻴﺎ
.. ﺍﺧﻮﻩ ﺑﻮ ﺗﺮﻛﻲ .. ﺟﺎﻟﺲ ﻗﺒﺎﻟﻪ ﻭﻋﻠﻰ ﻭﺟﻬﻪ ﺍﺑﺘﺴﺎﻣﻪ ﺧﻔﻴﻔﻪ
ﻣﻔﺎﺟﺎﻩ ﻛﺎﻧﺖ ﻟﻠﻜﻞ ﻗﺪﻭﻡ ﺑﻮﺗﺮﻛﻲ ﺑﺲ ﻣﺎ ﻳﻨﻜﺮ ﺍﻧﻬﺎ ﻛﺎﻧﺖ ﻣﻔﺎﺟﺎﻩ
ﺣﻠﻮﻭﻩ ﻭﻏﻴﺮ ﻣﺘﻮﻗﻌﻪ ﺑﺲ ﺑﻮ ﻣﺸﺎﺭﻱ ﻣﺎ ﺟﺎ ﻻﻧﻪ ﺑﺎﻟﻤﺰﺭﻋﻪ .. ﻭﺍﻟﺜﺎﻟﺜﻪ
: ﺍﻥ ﻛﻞ ﺍﻟﻲ ﻋﺰﻣﻬﻢ ﺟﺎﻭ .. ﻭﺍﻣﺘﻸ ﺍﻟﻤﺠﻠﺲ ﺑﺎﻟﺮﺟﺎﻝ ..
ﻋﺒﺪﺍﻟﺮﺣﻤﻦ ﻛﺎﻥ ﺟﺎﻟﺲ ﺟﻨﺐ ﻏﺎﺯﻱ ﻭﺣﻤﺪ ﻭﻣﺸﺎﺭﻱ .. ﻭﺗﺮﻛﻲ ..
ﻭﺟﻴﺮﺍﻧﻬﻢ .. ﻭﺍﺧﻮﺍﻳﺎﻳﺌﻪ ﻛﻠﻬﻢ ﺣﺎﻇﺮﻳﻦ
ﻏﺎﺯﻱ ﻭﻗﺮﺏ ﻣﻦ ﻭﺍﻓﻲ .. ﻭﺑﺼﻮﺕ ﻭﺍﻃﻲ : ﻭﺍﻓﻲ ﺗﺮﻯ ﺧﻠﺼﻨﺎ
ﻣﻠﻜﻨﺎ ﻣﺘﻰ ﺭﺍﺡ ﺍﺩﺧﻞ ﺍﺷﻮﻑ ﻋﻠﻴﺎ
ﻭﺍﻓﻲ ﺑﺒﺘﺴﺎﻣﻪ ﻭﺻﻮﺕ ﻭﺍﻃﻲ : ﻣﻮ ﺑﺎﺍﻻﻭﻝ ﺧﻠﻴﻨﺎ ﻧﺤﻂ ﺍﻟﻌﺸﺎ ..
ﻏﺎﺯﻱ ﺑﻘﻠﺖ ﺻﺒﺮ : ﻃﻴﺐ ﻭﺵ ﺗﻨﺘﻈﺮ ﻳﺎﻟﻠﻪ ﻗﻮﻡ ﺣﻂ ﺍﻟﻌﺸﺎ . ﺧﻠﻬﻢ
ﻳﺘﻌﺸﻮﻥ ﻭﻳﻤﺸﻮﻥ . ﻳﺎﺧﻲ ﺍﺑﻲ ﺍﺟﻠﺲ ﻣﻊ ﻣﺮﺗﻲ
ﻭﺍﻓﻲ ﺑﺒﺘﺴﺎﻣﻪ : ﻋﻠﻰ ﻫﺬﺍ ﺍﻟﺨﺸﻢ .. ﺍﻥ ﺷﺄﻟﻠﻪ .. ﺍﻗﻮﻝ ﻏﺎﺯﻱ ﻣﺎ
ﻛﺎﻧﻚ ﻗﻠﺖ ﺑﺠﻲ ﺍﺧﻮﻙ ﺟﻮﺍﺩ ﻣﺎ ﺍﺷﻮﻓﻪ ﺟﺎ
ﻏﺎﺯﻱ ﺑﺠﺪﻳﻪ : ﺗﺼﺪﻕ ﻣﺎ ﺍﺩﺭﻱ ﻟﻴﻪ ﻣﺎ ﺟﺎ ﻣﻊ ﺍﻧﻲ ﻣﻜﻠﻤﻪ ﺍﻣﺲ
ﻭﺍﻛﺪ ﻟﻲ ﺍﻧﻪ ﺭﺍﺡ ﻳﺠﻲ ﻫﻮ ﻭ ﻣﺮﺗﻪ .. ﺩﻗﻴﺖ ﻋﻠﻴﻪ ﺍﻟﻴﻮﻡ ﺍﻟﻤﻐﺮﺏ ﻣﺎ
ﺭﺩ ﻋﻠﻲ .. ﺷﻜﻠﻪ ﻣﺎ ﻗﺪﺭ ﻳﺠﻲ ..
ﻭﺍﻓﻲ ﺑﺒﺘﺴﺎﻣﻪ ﺧﻔﻴﻔﻪ : ﺍﻥ ﺷﺄﻟﻠﻪ ﺍﻟﻤﺎﻧﻊ ﺧﻴﺮ ..
ﻓﻲ ﺍﻟﺼﺎﻟﻪ ..
ﻛﺎﻧﺖ ﺍﻟﺼﺎﻟﻪ ﻣﺘﻐﻴﺮﻩ ﻛﺜﻴﺮ ﻭﻛﺎﻧﻬﺎ ﺻﺎﻟﺔ ﻣﻨﺎﺳﺒﺎﺕ ﻣﺼﻐﺮﻩ ..
ﺍﻟﻜﻨﺒﺎﺕ ﻛﺎﻧﺖ ﻋﻠﻰ ﻃﻮﻝ ﺍﻟﺼﺎﻟﻪ ﻋﻠﻰ ﺍﻟﺜﻼﺙ ﺟﻬﺎﺕ ﺍﻣﺎ ﺍﻟﺠﻬﻪ
ﺍﻟﺮﺍﺑﻌﻪ ﻓﻴﻬﺎ ﻛﻨﺒﻴﻦ .. ﻭﻃﺎﻭﻟﻪ ﺻﻐﻴﺮﻩ ﺑﻴﻨﻬﻢ .. ﻭﺣﻮﻟﻬﻢ ﺑﺎﻗﺎﺕ
ﺍﻟﻮﺭﺩ ﻭﺷﻤﻮﻉ ﻣﻀﻮﻳﻪ .. ﺍﻟﺼﺎﻟﻪ ﺷﺒﻪ ﻣﻤﺘﺎﺋﻠﻪ ﺑﺎﻟﺤﺮﻳﻢ .. ﻋﻠﻴﺎ
ﺍﻋﺰﻣﺖ ﺛﻨﺘﻴﻦ ﻣﻦ ﺻﺪﻳﻘﺎﺗﻬﺎ ﺑﺎﻟﻜﻠﻴﻪ .. ﻭﻓﺮﺣﺖ ﻟﻤﺎ ﺟﺎﻭ ﻭﻻﻧﻬﺎ
ﻛﺎﻧﺖ ﻣﺘﻮﻗﻌﻪ ﺍﻧﻬﻢ ﻣﺎ ﺭﺍﺡ ﻳﺠﻮﻥ ﻻﻥ ﻋﻼﻗﺘﻬﺎ ﻓﻴﻬﻢ ﻣﺎ ﻛﺎﻧﺖ
ﻗﻮﻳﻪ .. ﻭﺍﻡ ﻣﻄﻠﻖ ﺍﻋﺰﻣﺖ ﺻﺪﻳﻘﺘﻬﺎ ﻭﺍﻟﺠﻴﺮﺍﻥ .. ﻭﺑﻌﺾ ﺍﻗﺮﺍﺑﻬﻢ
.. ﻭﺍﻡ ﺗﺮﻛﻲ ﻫﻢ ﺑﻌﺪ ﺍﻋﺰﻣﺖ ﺻﺪﻳﻘﺘﻬﺎ .. ﺍﻣﺎ ﺍﻡ ﻣﺸﺎﺭﻱ ﻟﺴﻰ ﻣﺎ
ﺟﺎﺕ ﺩﻗﺖ ﻋﻠﻴﻬﺎ ﺍﻡ ﻣﻄﻠﻖ ﻭﻗﺎﻟﺖ ﺍﻥ ﻫﻢ ﻋﻠﻰ ﻭﺻﻮﻝ .. ﺍﻟﺒﻨﺎﺕ
ﻛﺎﻧﻮ ﺟﺎﻟﺴﻦ ﻋﻠﻰ ﺍﻟﻜﻨﺒﻪ ﺍﻟﻘﺮﻳﺒﻪ ﻣﻦ ﺍﻟﻜﻨﺒﺘﻴﻦ .. ﺍﻟﻲ ﺟﺎﻟﺴﻪ ﻋﻠﻴﺎ
ﻋﻠﻰ ﻭﺣﺪﻩ ﻣﻨﻬﻢ ﻋﻴﻮﻥ ﺍﻟﺤﺮﻳﻢ ﻛﺎﻧﺖ ﻣﺜﺒﺘﻪ ﻋﻠﻰ ﻋﻠﻴﺎ ﺍﻟﻲ ﺗﺤﺲ
ﺑﺨﻮﻑ ﻓﻀﻴﻊ .. ﻭﺍﺿﻄﺮﺍﺏ ﻣﺎﻫﻲ ﻗﺎﺩﺭﻩ ﺗﺴﻴﻄﺮ ﻋﻠﻰ ﻧﻔﺴﻬﺎ
ﺗﺤﺎﻭﻝ ﺗﺘﻨﺎﺳﻰ ﻧﻈﺮﺍﺕ ﺍﻟﻨﺎﺱ .. ﻻﻥ ﻧﻈﺮﺍﺗﻬﻢ ﺗﺬﻛﺮﻫﺎ ﺑﺬﻛﺮﻳﺎﺕ
ﺳﻮﺩﻩ ﻭﺑﻤﺎﺿﻲ ﺭﻫﻴﺐ ﺣﺘﻰ ﻓﻲ ﻫﺬﻱ ﺍﻟﻠﺤﻈﺎﺕ ﻫﻮ ﺍﻟﻤﺴﻴﻄﺮ ﻋﻠﻴﻬﺎ
.. ﺗﺮﻓﺾ ﺍﻟﺼﻔﺤﻪ ﺍﻟﺴﻮﺩﻩ ﺗﻤﺘﻠﻲ ﺑﺎﻟﺒﻴﺎﺽ .. ﻋﻨﻮﺍﻥ ﺍﻟﺬﻛﺮﻳﺎﺕ
ﻳﺤﺘﻞ ﺻﺪﺭ ﺍﻟﻜﺘﺎﺏ ﻭﻣﻜﺘﻮﺏ ﺑﺎﻟﺨﻂ ﺍﻟﻌﺮﻳﺾ .. ( ﺍﻟﻤﺎﺿﻲ ﺳﻴﻈﻞ
ﺣﺎﻇﺮﻙ ﻃﺎﻟﻤﺎ ﻫﻨﺎﻙ ﺍﺯﻭﺍﺟﺎ ﻣﻦ ﺍﻟﻌﻴﻮﻥ ﺗﺮﺍﻏﺒﻚ ﺑﺴﺘﻐﺮﺍﺏ ) ..
ﻭﺗﺴﺘﻨﻜﺮ ﻓﻌﻠﺘﻚ .. ﺗﻨﻜﺮ ﺣﻘﻚ ﺑﺎﻟﻌﻴﺶ .. ﺣﺎﻭﻟﺖ ﺗﻄﺮﺩ ﺍﺷﺒﺎﺡ
ﺍﻟﺬﻛﺮﻳﺎﺕ ﺍﻟﻲ ﺗﺪﻭﺭ ﺑﺮﺍﺳﻬﺎ .. ﻭﺗﻔﻜﺮ ﺑﻐﺎﺯﻱ .. ﺍﻻﻧﺴﺎﻥ ﺍﻟﻲ ﻋﺸﺎﻧﻪ
ﻣﺴﺘﻌﺪﻩ ﺗﺘﺤﻤﻞ ﻛﻼﻡ ﺍﻟﻨﺎﺱ .. ﻭﻧﻈﺮﺍﺗﻬﻢ .. ﻭﺍﺷﻤﺌﺰﺍﺯﻫﻢ .. ﻫﻲ
ﺍﻟﻠﺤﻴﻦ ﺯﻭﺟﻪ ﺑﺨﺘﻴﺎﺭﻫﺎ ﻭﺑﻘﻨﺎﻋﻪ ﻭﻻﻭﻝ ﻣﺮﻩ ﺗﺘﺎﺧﺬ ﻗﺮﺍﺭ ﻣﺼﻴﺮﻱ
ﺑﺤﻴﺎﺗﻬﺎ .. ﺻﺤﻴﺢ ﺍﻧﻬﺎ ﻋﺎﺭﻓﻪ ﺑﻘﺮﺍﺭﺕ ﻧﻔﺴﻬﺎ ﺍﻥ ﻣﺎ ﺭﺍﺡ ﺗﻨﻘﻠﺐ
ﺣﻴﺎﺗﻬﺎ ﻓﺠﺄ ﻭﺗﺘﺤﻮﻝ ﺍﻟﻰ ﺳﻌﺎﺩﻩ ﺍﺑﺪﻳﻪ .. ﻭﻓﺮﺡ ﺩﺍﺋﻢ .. ﻟﻜﻨﻬﺎ
ﻣﺘﺎﻛﺪﻩ ﺍﻧﻬﺎ ﺭﺍﺡ ﺗﻌﻴﺶ ﺑﻐﻴﺖ ﺣﻴﺎﺗﻬﺎ ﻣﻊ ﻏﺎﺯﻱ ﺑﺮﺍﺣﻪ ﻭﺍﻣﺎﻥ
ﺍﺑﺘﺴﻤﺖ ﺍﺑﺘﺴﺎﻣﻪ ﺧﻔﻴﻔﻪ ﻭﻫﻲ ﺗﺸﻮﻑ ﺩﻻﻝ ﺗﺠﻠﺲ ﺟﻨﺒﻬﺎ ﻋﻠﻰ
ﺍﻟﻜﻨﺒﻪ ﺍﻟﺜﺎﻧﻴﻪ ..
ﺩﻻﻝ ﺑﺒﺘﺴﺎﻣﻪ : ﺗﺒﻴﻦ ﺍﺟﻴﺐ ﻟﻚ ﺷﻲﺀ .. ﻣﺤﺘﺎﺟﻪ ﺷﻲﺀ
ﻋﻠﻴﺎ ﻫﺰﺕ ﺭﺍﺳﻬﺎ ﺑﻨﻔﻲ .. ﻭﺑﻌﺪ ﺛﻮﺍﻧﻲ ﻣﻦ ﺍﻟﺼﻤﺖ ﻗﺎﻟﺖ ﺑﺘﺮﺩﺩ :
ﺩﻻﻝ ﻣﻤﻜﻦ ﺗﺠﻴﺒﻴﻦ ﻟﻲ ﻛﺎﺱ ﻣﺎﻱ .. ﻋﻄﺸﺎﻧﻪ
ﺩﻻﻝ ﺑﺒﺘﺴﺎﻣﻪ ﻭﻫﻲ ﺗﻘﻮﻡ : ﺍﻥ ﺷﺎﻟﻠﻪ ..
ﻛﺎﻧﻮ ﺍﻟﺒﻨﺎﺕ ﺍﻛﺜﺮ ﺣﺮﻛﻪ .. ﻭﺣﻈﻮﺭﻫﻢ ﻣﻠﻔﺖ ﻳﻤﻜﻦ ﻻﻥ ﻣﺎﻓﻲ ﺍﻟﻲ
ﻫﻢ ﻣﺠﺘﻤﻌﻴﻦ ﻭﻗﺎﻳﻤﻴﻦ ﺑﻜﻞ ﺷﻲﺀ .. ﺍﻧﻔﺎﻝ ﺷﻜﻠﻬﺎ ﺟﻨﺎﻥ ..
ﺑﺎﻟﻔﺴﺘﺎﻥ ﺍﻻﺧﻀﺮ ﺍﻟﻘﺼﻴﺮ ﻭﻃﻘﻢ ﺍﻟﺬﻫﺐ ﺍﻟﻲ ﻻﺑﺴﺘﻪ ﻛﺎﻥ ﻫﺪﻳﻪ ﻣﻦ
ﺍﻡ ﺿﺎﺭﻱ ﻟﺰﻭﺍﺟﻬﺎ .. ﻣﻜﻴﺎﺟﻬﺎ ﻧﺎﻋﻢ ﺑﺲ ﺑﺎﺭﺯ ﺗﻔﺎﺻﻴﻞ ﻋﻴﻮﻧﻬﺎ ..
ﻭﺷﻌﺮﻫﺎ ﻣﺴﺘﺸﻮﺭ ﺑﻄﺮﻳﻘﻪ ﺣﻠﻮﻩ ﻣﻊ ﺍﻧﻬﺎ ﻋﺼﺒﺖ ﻟﻤﺎ ﻣﻨﺎﻝ ﻗﺼﺖ
ﺍﻃﺮﺍﻓﻪ ﻻﻧﻪ ﺫﺑﻼﻥ .. ﻭﻗﺼﺮﺕ ﻟﻬﺎ ﻗﺬﻟﺘﻬﺎ .. ﻭﺍﻧﺼﺤﺘﻬﺎ ﺗﻌﺘﻨﻲ ﻓﻴﻪ
ﺍﻛﺜﺮ ﻭﺗﻌﻤﻞ ﻟﻪ ﺣﻤﺎﻡ ﺯﻳﺘﻲ ﺑﻴﻦ ﻓﺘﺮﻩ ﻭﺍﻟﺜﺎﻧﻴﻪ .. ﺍﻧﻔﺎﻝ ﻣﺎ ﺟﻠﺴﺖ
ﻣﻜﺎﻧﻬﺎ ﻃﻮﻝ ﺍﻟﻮﻗﺖ ﻭﻫﻲ ﺗﺴﺎﻋﺪ ﺍﻡ ﺗﺮﻛﻲ ﻓﻲ ﺍﻟﻤﻄﺒﺦ .. ﻭﺗﻀﻴﻒ
ﺍﻟﺤﺮﻳﻢ .. ﻻﻥ ﻣﺎﻓﻲ ﺍﻟﻲ ﺧﺪﺍﻣﻪ ﻭﺣﺪﻩ ﻭﻣﺎ ﺗﻘﺪﺭ ﺗﻠﺤﻖ .. ﺍﻣﺎ ﻟﻴﻠﻰ
ﻛﺎﻧﺖ ﻧﺎﻋﻤﻪ ﻛﺜﻴﺮ .. ﻻﺑﺴﻪ ﺗﻨﻮﺭﻩ ﻗﺼﻴﺮﻩ ﻟﻮﻧﻬﺎ ﺍﺳﻮﺩ ﻣﻊ ﺑﻠﻮﺯﻩ
ﻟﻮﻧﻬﺎ ﺑﻨﻔﺴﺠﻲ .. ﻭﺷﻌﺮﻫﺎ ﻣﻔﺘﻮﺡ ﻭﻣﺰﻳﻨﺘﻪ ﺑﺸﺮﻳﻄﻪ ﺑﻨﻔﺴﺠﻴﻪ ..
ﻭﻋﺎﻣﻠﻪ ﻣﻜﻴﺎﺝ ﺧﻔﻴﻒ .. ﻟﻴﻠﻰ ﻛﺎﻧﺖ ﻃﻮﻝ ﺍﻟﻮﻗﺖ ﺟﺎﻟﺴﻪ ﺟﻨﺐ
ﻫﻴﺎﻡ ﻭﺳﺠﻰ ﺗﺴﻮﻟﻒ ﻣﻌﻬﻢ .. ﺳﺠﻰ ﻛﺎﻧﺖ ﺍﻛﺜﺮ ﻫﺪﻭﺀ .. ﻭﻛﺎﻥ
ﻭﺍﺿﺢ ﻋﻠﻴﻬﺎ ﺍﻟﺸﺮﻭﺩ .. ﻭﺍﺣﻴﺎﻧﺎ ﺗﻨﺴﻰ ﻧﻔﺴﻬﺎ ﻭﺗﺮﻭﺡ ﻋﺎﻟﻢ ﺛﺎﻧﻲ ﺍﺫﺍ
ﺟﺎﺕ ﺍﻏﻨﻴﻪ .. ﺍﺿﺮﺑﺖ ﻋﻠﻰ ﺍﻭﺗﺎﺭ ﺍﻟﻤﺸﺎﻋﺮ
ﺍﺩﺧﻠﺖ ﻓﻲ ﻫﺬﻱ ﺍﻟﻠﺤﻈﻪ ﺍﻡ ﻣﺸﺎﺭﻱ ﺑﺒﺘﺴﺎﻣﻪ ﻋﺮﻳﻀﻪ ﻭﻣﻌﻬﺎ ﺍﻡ
ﻏﺎﻟﻴﻪ .. ﻭﺍﻛﻴﺪ ﻏﺎﻟﻴﻪ ﺍﻟﻲ ﺩﻟﻌﻬﺎ ﺯﺍﻳﺪ ﺣﺒﺘﻴﻦ .. ﻣﻦ ﺍﻭﻝ ﻣﺎ ﺩﺧﻠﺖ
ﻋﻠﻰ ﻃﻮﻝ ﻧﺎﻇﺮﺕ ﺳﺠﻰ ﺍﻟﻲ ﻛﺎﻧﺖ ﺟﺎﻟﺴﻪ ﻋﻠﻰ ﺍﻟﻜﻨﺐ .. ﻗﺮﺑﺖ
ﻣﻦ ﻋﻠﻴﺎ ﻭﺳﻠﻤﺖ ﻋﻠﻴﻬﺎ ﻭﺑﺎﺭﻛﺖ ﻟﻬﺎ .. ﻭﺑﻌﺪﻳﻦ ﻗﺮﺑﺖ ﻣﻦ ﺳﺠﻰ
ﺑﺒﺘﺴﺎﻣﺔ ﺟﺎﻧﺒﻴﻪ .. ﻭﻧﺎﻇﺮﺗﻬﺎ ﻣﻦ ﻓﻮﻕ ﻟﺘﺤﺖ .. ﻗﺒﻞ ﻻ ﺗﻘﻮﻝ
ﻏﺎﻟﻴﻪ ﺑﺒﺘﺴﺎﻣﻪ ﺟﺎﻧﺒﻴﻪ : ﺍﻧﺘﻲ ﺳﺠﻰ ﺻﺢ
ﺳﺠﻰ ﻗﺎﻣﺖ ﻭﻧﺎﻇﺮﺕ ﻏﺎﻟﻴﻪ ﻣﻦ ﻓﻮﻕ ﻟﺘﺤﺖ ﺑﻨﻈﺮﺕ ﺍﺳﺘﺨﻔﺎﻑ
.. ﻗﺒﻞ ﻻ ﺗﻘﻮﻝ : ﺍﻧﺘﻲ ﺍﻛﻴﺪ ﻏﺎﻟﻴﻪ ( ﺣﺴﺖ ﺑﻘﺼﻪ ﻟﻤﺎ ﺍﻧﻄﻘﺖ
ﺍﺳﻤﻬﺎ )
ﻏﺎﻟﻴﻪ ﺑﺪﻟﻊ : ﺃﻱ ﺍﻛﻴﺪ .. ﻭﻫﻞ ﻳﺨﻔﻰ ﺍﻟﻘﻤﺮ ..
ﺑﺴﺮﻋﻪ ﻗﺎﻣﺖ ﻧﺎﺩﻳﻪ ﻣﻦ ﻣﻜﺎﻧﻬﺎ .. ﻭﺧﺬﺕ ﺍﻣﻬﺎ ﻋﻠﻰ ﺟﻨﺐ ..
ﻧﺎﺩﻳﻪ ﻗﺮﺑﺖ ﻣﻦ ﺍﻣﻬﺎ .. ﻭﺑﺼﻮﺕ ﻭﺍﻃﻲ : ﻳﻤﺎ ﻟﻴﻪ ﺟﺒﺘﻲ ﺧﺎﻟﺘﻲ
ﻭﻏﺎﻟﻴﻪ ﻣﻌﻚ
ﺍﻡ ﻣﺸﺎﺭﻱ : ﻭﻟﻴﻪ ﻣﺎ ﺍﺟﻴﺒﻬﻢ ﻣﻌﻲ ﻣﻮ ﺧﺎﻟﺘﻚ ﻭﺑﻨﺖ ﺧﺎﻟﺘﻚ .. ﻫﺬﺍ
ﺑﺪﻝ ﻣﺎ ﺗﺮﺣﺒﻴﻦ ﻓﻴﻬﻢ
ﻧﺎﺩﻳﻪ ﺑﺴﺮﻋﻪ .. ﺑﺼﻮﺕ ﻭﺍﻃﻲ ﻭﺿﻴﻘﻪ : ﻳﻤﺎ ﻗﺼﺮﻱ ﺻﻮﺗﻚ ﻻﺣﺪ
ﻳﺴﻤﻌﻨﺎ .. ﺍﻧﺎ ﻣﻮ ﻗﺼﺪﻱ ﻛﺬﺍ ﺧﺎﻟﺘﻲ ﻋﻠﻰ ﻋﻴﻨﻲ ﻭﺭﺍﺳﻲ .. ﺑﺲ ﻳﻤﺎ
ﻭﺟﻮﺩﻫﺎ ﻏﻴﺮ ﻣﺤﺒﺐ .. ﺍﻧﺎ ﻣﺎ ﺍﺑﻲ ﺧﺎﻟﺘﻲ ﺍﻡ ﺗﺮﻛﻲ ﻭﺳﺠﻰ ﻳﺤﺴﻮﻥ
ﺑﺸﻲﺀ
ﺍﻡ ﻣﺸﺎﺭﻱ : ﺍﻧﺎ ﻣﺎ ﺍﺑﻴﻬﻢ ﻳﺤﺴﻮﻥ ﺍﺑﻴﻬﻢ ﻳﻌﺮﻓﻮﻥ ﺍﻥ ﻏﺎﻟﻴﻪ ﺧﻄﻴﺒﺖ
ﻣﺸﺎﺭﻱ ﻭﻟﺪﻱ ﻭﺑﻨﺖ ﺍﺧﺘﻲ ﺍﻟﻐﺎﻟﻴﻪ
ﻧﺎﺩﻳﻪ ﺑﺼﻮﺕ ﻭﺍﻃﻲ .. ﻭﻋﺘﺐ : ﺍﻟﻠﻪ ﻳﺴﺎﻣﺤﻚ ﻳﻤﺎ .. ﻛﺎ ﻟﻬﺎ ﻟﺰﻣﻪ
ﻳﻌﻨﻲ ﺍﻟﻴﻮﻡ ﺗﺠﺒﻴﻨﻬﻢ ﻣﻌﻚ
/
*
/ﻓﻲ ﺑﻴﺖ ﺑﻮ ﺷﻬﺎﺏ .. ﻭﺗﺤﺪﻳﺪﺍ ﻓﻲ ﺍﻟﻤﺠﻠﺲ ..
ﻃﻼﻝ : ﺣﺘﻤﺎﻝ ﺑﻜﺮﻩ ﺍﻭ ﺍﻟﻲ ﺑﻌﺪﻩ ﺍﺩﺍﻭﻡ
ﻛﻤﺎﻝ : ﻳﻌﻨﻲ ﻣﺎ ﺭﺍﺡ ﺗﺮﻭﺡ ﻣﻌﻨﺎ ﺍﻟﺸﺎﻟﻴﻪ
ﻃﻼﻝ : ﻟﻴﻪ ﺍﻧﺘﻮ ﻣﺘﻰ ﺭﺍﺡ ﺗﺮﺣﻮﻥ
ﻛﻤﺎﻝ : ﺑﻜﺮﻩ
ﻃﻼﻝ ﺑﻌﺪ ﺗﻔﻜﻴﺮ : ﻣﺎ ﺍﻋﺘﻘﺪ ﺍﻗﺪﺭ ﺍﺭﻭﺡ ﻣﻌﻜﻢ .. ﻻﻥ ﺟﺮﺣﻲ
ﻟﻠﺤﻲ ﻣﺎ ﺷﻔﻰ ﻛﺎﻣﻞ ﻭﺑﺒﺘﺪﻱ ﺩﻭﺍﻡ ﺑﻌﺪ ﻳﻮﻣﻴﻦ .. ﻟﻴﻪ ﻣﺎ ﺗﺎﺟﻠﻮﻥ
ﺍﻟﻄﻠﻌﻪ ﻟﺴﺒﻮﻉ ﺍﻟﺠﺎﻱ
ﻋﺒﺪ ﺍﻟﻌﺰﻳﺰ : ﺍﺳﺒﻮﻉ ﺍﻟﺠﺎﻱ ﺭﺍﺡ ﻳﺒﺘﺪﻱ ﺩﻭﺍﻡ ﺍﻟﺠﺎﻣﻌﻪ .. ﻣﺎ
ﻳﻘﺪﺭﻭﻥ ﺍﻟﺸﺒﺎﺏ ﻳﺄﺟﻠﻮﻧﻬﺎ .. ( ﻛﻤﻞ ﻭﻫﻮ ﻳﻨﺎﻇﺮ ﺷﻬﺎﺏ ﺍﻟﻲ ﻛﺎﻧﺖ
ﻋﻴﻮﻧﻪ ﻋﻠﻰ ﺍﻟﺘﻠﻔﺰﻳﻮﻥ ) .. ﻭﺍﻧﺖ ﻳﺎ ﺍﻟﻤﺘﺰﻭﺝ ﺣﺪﻳﺜﺎ .. ﺭﺍﺡ ﺗﺮﻭﺡ
ﻣﻌﻨﺎ ﻭﻻ ﻻ
ﻃﻼﻝ ﻧﺎﻇﺮ ﺷﻬﺎﺏ ﺑﻄﺮﻑ ﻋﻴﻨﻪ .. ﻭﻫﻮ ﻳﻘﻮﻝ : ﻻ ﻣﺎﺭﺍﺡ ﻳﺮﻭﺡ
ﻣﻌﻜﻢ .. ﺗﻌﺒﺎﻥ ﺗﻮﻩ ﺟﺎﻱ ﻣﻦ ﺍﻟﺴﻔﺮ ﻭﻻ ﺗﻨﺴﻰ ﺍﻧﻪ ﻣﺎ ﻛﻤﻞ ﺷﻬﺮ
ﺍﻟﻌﺴﻞ ﻣﺎ ﻳﺼﻴﺮ ﻳﻘﻄﻌﻪ ﻭﻳﺮﻭﺡ ﻣﻌﻜﻢ
ﺷﻬﺎﺏ ﺍﻟﺘﻔﺖ ﻋﻠﻰ ﻃﻼﻝ ﻭﻧﺎﻇﺮ ﻓﻴﻪ .. ﻭﺑﻌﺪﻳﻦ ﻧﺎﻇﺮ ﻓﻲ ﻛﻤﺎﻝ :
ﻗﻠﺖ ﻣﺘﻰ ﺭﺍﺡ ﺗﺮﻭﺣﻮﻥ
ﻛﻤﺎﻝ : ﺑﻜﺮﻩ ﺑﻨﻤﺸﻲ ﺑﺎﻟﻠﻴﻞ
ﺷﻬﺎﺏ ﻭﻳﺤﺎﻭﻝ ﻳﻐﻴﻆ ﻃﻼﻝ ﺑﻜﻼﻣﻪ : ﺍﺟﻞ ﺣﺴﺒﻮﻧﻲ ﻣﻌﻜﻢ ﺭﺍﺡ
ﺍﺭﻭﺡ
ﻃﻼﻝ ﺍﻟﺘﻔﺖ ﻋﻠﻲ ﺷﻬﺎﺏ ﻭﻗﺎﻝ : ﻭﻳﻦ ﺍﻧﻔﺎﻝ ﺯﻭﺟﺘﻚ ( ﻛﺎﻥ ﻣﺘﻌﻤﺪ
ﻃﻼﻝ ﻳﺴﺄﻝ ﻋﻨﻬﺎ ﻛﻨﻮﻉ ﻣﻦ ﺍﻟﺘﺬﻛﺮ ﺑﺎﻧﻪ ﻣﺘﺰﻭﺝ ﻭﻋﻨﺪﻩ ﺯﻭﺟﻪ
ﺍﺳﻤﻬﺎ ﺍﻧﻔﺎﻝ .. ﻭﺍﻟﻤﻔﺮﺽ ﻳﺎﺧﺬ ﺑﺮﺍﻳﻬﺎ )
ﺷﻬﺎﺏ ﺑﻼﻣﺒﺎﻟﻪ : ﻃﺎﻟﻌﻪ ﻣﻊ ﻟﻴﻠﻰ ﻣﻦ ﺍﻟﻤﻐﺮﺏ ﺭﺍﻳﺤﻴﻦ ﻣﻠﻜﺔ
ﺻﺪﻳﻘﺘﻬﺎ
/
*
*
/
ﻛﺎﻧﺖ ﺍﻏﻨﻴﺔ ﺭﺍﺷﺪ ﺍﻟﻤﺎﺟﺪ )) ﻻ ﺗﺤﺮﻣﻮﻧﻲ ﻣﻨﻪ (( ﺑﺎﻟﺤﺎﻧﻬﺎ ﺍﻟﻄﺮﺑﻴﻪ
ﻣﺎﻟﻴﻪ ﺍﻟﺠﻮ .. ﺍﻟﻜﻞ ﻛﺎﻥ ﻣﺴﻤﺘﻊ ﺍﻻ ﺑﻌﺾ ﺍﻻﺷﺨﺎﺹ ﺍﻟﻲ ﻳﺤﺎﻭﻟﻮﻥ
ﻳﻈﻬﺮﻭﻥ ﻋﻜﺲ ﻣﺎ ﻳﺨﻔﻮﻥ .. ﻭﻳﺤﺎﻭﻟﻮﻥ ﻳﺪﺧﻠﻮﻥ ﺑﺎﻟﺠﻮ .. ﺍﻡ ﺗﺮﻛﻲ
ﻛﺎﻧﺖ ﻣﺴﺘﻐﺮﺑﻪ ﻣﻦ ﺍﻡ ﻣﺸﺎﺭﻱ ﺍﻟﻲ ﻛﺎﻧﺖ ﻣﺒﺴﻮﻃﻪ ﻭﺗﺴﻮﻟﻒ ﻣﻌﻬﺎ
ﻋﺎﺩﻱ ﻭﻻ ﻛﺎﻥ ﺷﻴﺊ ﺻﺎﺭ ﻭﺍﻟﻲ ﻛﺎﻧﺖ ﺷﺎﻳﻠﻪ ﻫﻤﻬﺎ ﻭﻣﺎﻫﻲ ﻋﺎﺭﻓﻪ
ﻛﻴﻒ ﺑﺘﻮﺍﺟﻬﻬﺎ ﻭﺑﺘﺒﺮﺭ ﻣﻮﻗﻒ ﺳﺠﻰ .. ﻛﺎﻧﺖ ﺗﻨﺘﻈﺮ ﻣﻦ ﺍﻡ ﻣﺸﺎﺭﻱ
ﻋﺘﺎﺏ ﺍﻭ ﺃﻱ ﻛﻼﻣﺎﺕ ﺯﻋﻞ ﻟﻜﻨﻬﺎ ﺗﻔﺎﺟﺎﺕ ﺑﺎﻟﻌﻜﺲ ﺍﻡ ﻣﺸﺎﺭﻱ
ﺗﻔﻬﻤﺖ ﻣﻮﻗﻒ ﺳﺠﻰ ﻭﻗﺎﻟﺖ ﺍﻥ ﺍﻟﺰﻭﺍﺝ ﻗﺼﻤﻪ ﻭﻧﺼﻴﺐ ﻭﺍﻫﻢ ﺷﻲﺀ
ﺍﻟﺮﺍﺣﻪ ..ﻣﺎ ﺗﺪﺭﻱ ﺗﻌﺘﺒﺮ ﻫﺬﺍ ﺗﺼﺮﻑ ﺣﻜﻴﻢ ﻣﻦ ﺍﻡ ﻣﺸﺎﺭﻱ ﻭﻻ ..
ﺍﻣﺎ ﺳﺠﻰ ﻭﻏﺎﻟﻴﻪ ﺻﺎﻳﺮﻳﻦ ﻣﺜﻞ ﺍﻗﻄﺎﺏ ﺍﻟﻤﻐﻨﺎﻃﻴﺲ ﺍﻟﻤﺘﻨﺎﻓﺮﻩ ..
ﻭﻛﺎﻧﻬﻢ ﻓﻲ ﺣﻘﻞ ﻛﻬﺮﺑﺎﺋﻲ ﻣﻜﻬﺮﺏ .. ﻧﻈﺮﺍﺗﻬﻢ ﺗﺤﻤﻞ ﺗﺤﺪﻱ ..
ﺗﺼﺮﺍﻓﺘﻬﻢ ﻣﺘﻌﺎﻛﺴﻪ .. ﺣﺘﻰ ﺷﻜﻠﻬﻢ ﻣﺨﺘﻠﻒ ..
ﻗﺎﻣﺖ ﻏﺎﻟﻴﻪ ﺑﺪﻟﻊ ﻭﺭﻗﺼﺖ .. ﺑﻤﻴﺎﻋﻪ .. ﻭﺑﺮﻭﺩ ﻭﻫﻲ ﺗﺤﺎﻭﻝ ﺗﺮﻗﺺ
ﻗﺮﻳﺐ ﻣﻦ ﺳﺠﻰ .. ﻭﺗﺪﻟﻊ ﻗﺪﺍﻣﻬﺎ ﻫﺬﻱ ﺛﺎﻟﺚ ﺍﻏﻨﻴﻪ ﺗﺮﻗﺺ ﻋﻠﻴﻬﺎ
ﻏﺎﻟﻴﻪ .. ﻭﻛﻞ ﻧﻔﺲ ﺍﻟﺤﺮﻛﺎﺕ ﺗﻬﺰ ﺧﺼﺮﻫﺎ ﺑﻮﺟﻪ ﺳﺠﻰ ﻭﺗﻠﻒ ﺑﺪﻟﻊ
ﻭﺗﻀﺤﻚ .. ﻻﻋﺖ ﻛﺒﺪﻫﺎ ﺳﺠﻰ ﻭﻫﻲ ﺗﺸﻮﻑ ﺧﻠﻘﺘﻬﺎ .. ﻭﺗﺤﺲ ﺍﻧﻬﺎ
ﺑﺘﻨﺒﻂ ﻣﻦ ﺍﻟﻘﻬﺮ .. ( ﺑﻴﺮﺧﺼﻨﻲ ﻟﺠﻞ ﻫﺮﺧﻴﺼﻪ .. ﺍﻟﻤﺎﻳﻌﻪ ..
ﺍﻟﺒﺎﺭﺩﻩ .. ﺍﻟﻔﺎﺷﻪ ) .. ﻗﺎﻣﺖ ﺳﺠﻰ ﻭﺣﺎﻭﻟﺖ ﺗﺒﺘﺴﻢ .. ﻭﺳﻮﺕ
ﺭﻭﺣﻬﺎ ﺑﺘﻄﻠﻊ ﻣﻦ ﺍﻟﺼﺎﻟﻪ .. ﺑﺲ ﻫﻲ ﻭﻗﻔﺖ ﻋﻨﺪ ﺍﻟﻤﺴﺠﻞ ﺍﻟﻲ
ﻣﺤﻄﻮﻁ ﻋﻨﺪ ﺍﻟﺒﺎﺏ .. ﻭﻋﻠﻰ ﻃﻮﻝ ﺳﻜﺮﺗﻪ ..
ﻭﺑﺘﺴﻤﺖ ﺍﺑﺘﺴﺎﻣﻪ ﺟﺎﻧﺒﻴﻪ ..ﻭﻫﻲ ﺗﻨﺎﻇﺮ ﻏﺎﻟﻴﻪ ﺍﻟﻲ ﺗﻮﻫﺎ ﺑﺘﻬﺰ
ﺍﻛﺘﺎﻓﻬﺎ ﻭﻳﺪﻫﺎ ﻣﺮﻓﻮﻋﻪ ﻟﻔﻮﻕ .. ﻭﻣﺎﺧﺬﻫﺎ ﺍﻟﺤﻤﺎﺱ ﻣﻊ ﺍﻟﻐﻨﻴﻪ ..
ﻏﺎﻟﻴﻪ ﺣﺴﺖ ﺑﺸﻮﻱ ﺍﺣﺮﺍﺝ ﻭﻧﺰﻟﺖ ﻳﺪﻫﺎ ﺑﺴﺮﻋﻪ ﻭﻗﻔﺖ .. ﻭﺍﻟﺘﻔﺘﺖ
ﻋﻠﻰ ﺳﺠﻰ
ﺍﻟﻜﻞ ﻣﺴﺘﻐﺮﺏ ﻣﻦ ﺗﺼﺮﻑ ﺳﺠﻰ ﻳﻌﻨﻲ ﻣﻮ ﻣﻦ ﺫﻭﻭﻕ ﺍﻥ ﺗﺴﻜﺮ
ﺍﻟﻤﺴﺠﻞ ﻓﺠﺄ ﻭﻓﻲ ﺍﺣﺪ ﻳﺮﻗﺺ .. ﺍﻏﻠﺒﺖ ﺳﺠﻰ ﺍﻟﺸﺮﻳﻂ ﻋﻠﻰ
ﺍﻟﻮﺟﻬﻪ ﺍﻟﺜﺎﻧﻲ ﻭﺷﻐﻠﺘﻪ .. ﻭﺭﺟﻌﺖ ﺍﺟﻠﺴﺖ ﻣﻜﺎﻧﻬﺎ ﻋﺎﺩﻱ ..
ﺩﻻﻝ ﻗﺮﺑﺖ ﻣﻦ ﺳﺠﻰ ﺍﻟﻲ ﺟﺎﻟﺴﻪ ﺟﻨﺒﻬﺎ : ﺳﺠﻰ ﻟﻴﻪ ﺳﻮﻳﺘﻲ ﻛﺬﺍ
ﻣﺎ ﺗﺸﻮﻓﻴﻦ ﺍﻟﺒﻨﺖ ﺗﺮﻗﺺ .. ( ﻛﻤﻠﺖ ﺑﺒﺘﺴﺎﻣﻪ ) .. ﻣﺴﻜﻴﻨﻬﺎ ﻛﺎﻥ
ﻋﻠﻰ ﺍﻻﻗﻞ ﺧﻠﻴﺘﻴﻬﺎ ﺗﺨﻠﺺ ﺣﺮﻛﺔ ﺍﻟﻄﻴﺮ ﺍﻟﻤﺮﻓﺮﻑ .. ﺗﺮﻓﻊ ﻳﺪﻫﺎ
ﻓﻮﻕ ﻭﺗﻠﻔﻬﻢ ﺑﻬﻮﺍ .. ﻫﻬﻬﻬﻬﻬﻪ ﻫﻬﻬﻬﻬﻬﻬﻪ ﺑﺼﺮﺍﺣﻪ ﻫﺎﻟﺤﺮﻛﻪ
ﺗﺬﻛﺮﻧﻲ ﺑﺎﻟﻬﻨﻮﺩ ﺍﻟﺤﻤﺮ
ﺳﺠﻰ ﺭﻏﻢ ﺿﻴﻘﻬﺎ ﺍﺿﺤﻜﺖ ﻋﻠﻰ ﻛﻼﻡ ﺩﻻﻝ : ﻫﻬﻬﻬﻬﻪ ﺃﻱ ﻭﺍﻟﻠﻪ
ﻟﻴﻠﻰ ﻛﺎﻧﺖ ﻣﺘﻮﺳﻄﻪ ﺍﻧﻔﺎﻝ ﻭﻫﻴﺎﻡ ﻓﻲ ﺍﻟﻜﻨﺒﻪ .. ﺍﻟﺘﻔﺘﺖ ﻋﻠﻰ ﺍﻧﻔﺎﻝ
ﻭﺑﻌﺪﻳﻦ ﻫﻴﺎﻡ ﺍﻟﻲ ﻛﺎﻧﺖ ﻣﺎﺳﻜﻪ ﺟﻮﺍﻟﻬﺎ ﻃﻮﻝ ﺍﻟﻮﻗﺖ ﻭﺗﻨﺎﻇﺮ ﻓﻲ
ﺍﻟﺸﺎﺷﻪ ﻣﺜﻞ ﺍﻣﺲ .. ﻭﺳﺮﺣﺎﻧﻪ ﻓﻴﻪ .. ﺣﺘﻰ ﻟﻤﺎ ﺍﺭﻗﺼﺖ ﺍﺭﻗﺼﺖ
ﺷﻮﻱ ﻭﺟﻠﺴﺖ ﻭﺛﺒﺘﺖ ﻋﻴﻮﻧﻬﺎ ﻋﻠﻰ ﺍﻟﺠﻮﺍﻝ .. ﺍﻣﺎ ﺍﻧﻔﺎﻝ ﻛﺎﻧﺖ
ﻣﺎﺳﻜﻪ ﺍﻟﺠﻮﺍﻝ ﻓﻲ ﻳﺪﻫﺎ ﻭﻋﻨﺪﻫﺎ ﺍﻣﻞ ﺍﻥ ﺷﻬﺎﺏ ﺑﺪﻕ ﻋﻠﻴﻬﺎ ﻓﻲ ﺃﻱ
ﻟﺤﻈﻪ ﻭﺗﺨﺎﻑ ﻣﻊ ﺻﻮﺕ ﺍﻟﻤﺴﺠﻞ ﺍﻟﻌﺎﻟﻲ ﻣﺎ ﺗﺴﻤﻊ ﺍﺗﺼﺎﻟﻪ ..
ﻓﺤﺘﻈﻨﺖ ﺍﻟﺠﻮﺍﻝ ﺑﻴﺪﻫﺎ ﻭﻇﻠﺖ ﺗﻨﺎﻇﺮ ﻓﻲ ﺍﻟﺸﺎﺷﻪ ..
ﻟﻴﻠﻰ ﻭﻫﻲ ﺗﻨﺎﻇﺮ ﺍﻧﻔﺎﻝ ﺑﺒﺘﺴﺎﻣﻪ : ﻣﻨﺘﻈﺮ ﻣﻜﺎﻟﻤﻪ ﻣﻦ ﺍﺣﺪ
ﺍﻧﻔﺎﻝ ﺍﺭﻓﻌﺖ ﺭﺍﺳﻬﺎ ﻭﻫﻲ ﺗﻘﻮﻝ : ﻻ .. ﺑﺲ ﻛﻨﺖ ﺍﺷﻮﻑ ﻛﻢ
ﺍﻟﺴﺎﻋﻪ .. ﻣﺎ ﺍﺑﻲ ﺍﺗﺄﺧﺮ ﺑﺎﻟﺮﺟﻌﻪ
ﻟﻴﻠﻰ ﺑﺒﺘﺴﺎﻣﻪ : ﺃﻱ ﺻﺤﻴﺢ ﺩﻕ ﻋﻠﻲ ﻋﻤﻲ ﻃﻼﻝ ﻭﺳﻠﻢ ﻋﻠﻴﻚ ..
ﻋﺎﺩ ﺍﻧﺎ ﻗﻠﺖ ﻟﻪ ﻳﻤﺮ ﻋﻠﻴﻨﺎ ﻭ ﺻﻔﺖ ﻟﻪ ﺍﻟﺒﻴﺖ ﻭﻫﺬﺍ ﻫﻮ ﺟﺎﻱ
ﺑﻄﺮﻳﻖ
ﺍﻧﻔﺎﻝ ﺑﺨﻴﺒﺔ ﺍﻣﻞ ﻛﺎﻥ ﻭﺩﻫﺎ ﺗﺪﻕ ﻋﻠﻰ ﺷﻬﺎﺏ ﻭﺗﻘﻮﻝ ﻟﻪ ﻳﺠﻲ
ﻳﺎﺧﺬﻫﻢ : ﻃﻴﺐ
ﻋﻨﺪ ﺑﺎﺏ ﺍﻟﻤﺠﻠﺲ ..
ﻭﺍﻓﻲ : ﻳﺎﻟﻠﻪ ﺍﻧﺎ ﻛﻠﻤﺖ ﺍﺑﻮﻙ ﺑﺎﻟﻤﻮﺿﻮﻉ .. ﻭﻋﺎﺩ ﺍﻟﺒﺎﻗﻲ ﻋﻠﻴﻚ ﺭﻭﺡ
ﺗﺴﺎﻣﺢ ﻣﻨﻪ ﻭﺑﻮﺳﻪ ﻋﻠﻰ ﺭﺍﺳﻪ
ﺣﻤﺪ ﺑﺨﻮﻑ : ﻣﺎ ﺍﻗﺪﺭ .. ﺍﺧﺎﻑ ﻳﺼﺪﻧﻲ ﺳﻠﻤﺖ ﻋﻠﻴﻪ ﺍﻭﻝ ﻣﺎ ﺟﺎ
ﻣﺎ ﺭﺩ ﻋﻠﻲ .. ﺷﻜﻠﻪ ﻟﻠﺤﻴﻦ ﻣﻌﺼﺐ ﻋﻠﻲ
ﻭﺍﻓﻲ : ﻳﻌﻨﻲ ﺍﻧﺖ ﺗﻈﻦ ﺍﻟﻲ ﺳﻮﻳﺘﻪ ﺷﻲﺀ ﻫﻴﻦ .. ﺑﻤﺮ ﻣﺮﻭﺭ ﺍﻟﻜﺮﺍﻡ
ﺣﻤﺪ ﺑﻀﻴﻘﻪ : ﻳﺎﻋﻤﻲ ﻭﺍﻟﻠﻪ ﻋﺎﺭﻑ .. ﻋﺎﺩ ﺍﻧﺖ ﻣﻮ ﻛﻞ ﺷﻮﻱ
ﺗﺬﻛﺮﻧﻲ ﻳﻌﻨﻲ ﺍﻻﻧﺴﺎﻥ ﻣﺎ ﻳﺨﻄﻲ
ﻭﺍﻓﻲ : ﻳﺨﻄﻲ ﺑﺲ ﻳﺨﻄﻲ ﺍﺧﻄﺎﺀ ﻣﻌﻘﻮﻟﻪ .. ﻭﻋﻠﻰ ﻗﺪ ﺍﻟﺨﻄﺄ
ﻻﺯﻡ ﻳﻜﻮﻥ ﺍﻟﻌﻘﺎﺏ .. ﺧﻼﺹ ﺍﻧﺎ ﻣﺎ ﺭﺍﺡ ﺍﺗﻜﻠﻢ ﻋﻦ ﺍﻟﻤﻮﺿﻮﻉ ﻣﺮﻩ
ﺛﺎﻧﻴﻪ .. ﺑﺲ ﺍﻻﻫﻢ ﺍﻧﻚ ﺗﻌﺘﺮﻑ ﺑﺨﻄﺄ ﻭﺗﻘﺮ ﻓﻴﻪ .. ﻭﺗﻌﺮﻑ ﺍﻥ
ﺍﻻﺧﻮﻳﺎﺀ ﻣﻮ ﻓﻲ ﻛﻞ ﺷﻲﺀ ﻧﻄﻴﻌﻬﻢ ﻭﻧﺼﻴﺮ ﻟﻬﻢ ﻛﺘﺎﺏ ﻣﻔﺘﻮﺡ ﻛﻞ
ﺷﻲﺀ ﻧﻘﻮﻝ ﻟﻬﻢ .. ﻭﺣﺲ ﺷﻮﻱ ﺑﻘﻴﻤﺖ ﺍﻫﻠﻚ .. ( ﻭﻛﻤﻞ ﻭﻫﻮ ﻳﺎﺷﺮ
ﻋﻠﻰ ﻧﻔﺴﻪ ﺑﺒﺘﺴﺎﻣﻪ ) .. ﻭﻗﻴﻤﺖ ﻋﻤﻚ
ﻓﻲ ﺍﻟﺼﺎﻟﻪ ..
ﻛﺎﻥ ﺍﻟﺒﻨﺎﺕ ﻣﺠﺘﻤﻌﻴﻦ ﺣﻮﻝ ﻋﻠﻴﺎ ﻳﺒﺎﺭﻛﻮﻥ ﻟﻬﺎ
ﺍﻧﻔﺎﻝ ﻭﻫﻲ ﺗﺒﻮﺱ ﻋﻠﻴﺎ : ﻣﺒﺮﻭﻭﻭﻙ ﻳﺎ ﻋﻠﻴﺎ ﺍﻟﻠﻪ ﻳﻬﻨﻴﻚ ﻭﻳﺴﻌﺪﻙ
ﻋﻠﻴﺎ ﺑﺼﻮﺕ ﻭﺍﻃﻲ : ﺍﻟﻠﻪ ﻳﺒﺎﺭﻙ ﻓﻴﻚ
ﺩﻻﻝ ﻭﻫﻲ ﺗﻨﺎﻇﺮ ﻣﻼﻣﺢ ﻋﻠﻴﺎ ﺍﻟﻬﺎﺩﺀﻩ : ﻋﻠﻴﺎ ﻋﺎﺩ ﻧﺒﻲ ﻣﻨﻚ ﺍﺣﻠﻰ
ﺍﺑﺘﺴﺎﻣﻪ ﻗﺒﻞ ﻻ ﻧﻤﺸﻲ
ﻋﻠﻴﺎ ﺍﺑﺘﺴﻤﺖ ﻋﻠﻰ ﻃﻮﻝ ﺗﻠﺒﻴﺘﺎ ﻟﻄﻠﺐ ﺩﻻﻝ .. ﻗﺒﻞ ﻻ ﺗﻘﻮﻝ : ﺩﻻﻝ
ﻭﺍﻟﻠﻪ ﻣﺎﻧﻲ ﻋﺎﺭﻓﻪ ﻛﻴﻒ ﺍﺷﻜﺮﻙ .. ﻣﺸﻜﻮﺭﻩ ﻋﻠﻰ ﻛﻞ ﺷﻲﺀ
ﻟﻴﻠﻰ ﺑﺒﺘﺴﺎﻣﻪ : ﺍﻟﺸﻜﺮ ﺑﺲ ﻟﺪﻻﻝ .. ﻭﺣﻨﺎ ﻣﺎ ﻟﻨﺎ ﺭﺏ
ﻋﻠﻴﺎ ﻭﻫﻲ ﺗﻨﺎﻇﺮ ﺍﻟﺒﻨﺎﺕ ﺍﻟﻲ ﻣﺠﺘﻤﻌﻴﻦ ﺣﻮﻟﻬﺎ ﻭﻣﻼﻣﺤﻬﻢ ﺍﻟﻲ ﺗﻌﺒﺮ
ﻋﻦ ﺍﻟﻔﺮﺣﻪ .. ﻭﺍﻻﺑﺘﺴﺎﻣﻪ ﻋﻨﻮﺍﻥ ﻭﺍﺿﺢ ﻟﻤﺎ ﻳﺠﻮﻝ ﻓﻲ ﺧﻮﺍﻃﺮﻫﻢ
.. ﺍﺩﺭﻛﺖ ﻣﻨﺬﻭ ﺳﺎﻋﺎﺕ ﺑﻘﻴﻤﺖ ﺍﻟﻤﺸﺎﺭﻛﻪ ﻭﺍﻟﺘﻮﺍﺻﻞ ﺑﺎﻻﺑﺘﺴﺎﻣﻪ ..
ﻃﻮﻝ ﻣﺎ ﻫﻲ ﺟﺎﻟﺴﻪ ﻋﻠﻰ ﺍﻟﻜﻨﺐ .. ﻛﺎﻥ ﺍﻟﺒﻨﺎﺕ ﻳﺤﺎﻭﻟﻮﻥ ﻳﺮﺳﻤﻮﻥ
ﺍﻟﺒﺴﻤﻪ ﻋﻠﻰ ﺷﻔﺎﻳﻔﻬﺎ ﺍﻟﺠﺎﻓﻪ .. ﺍﻧﻔﺎﻝ ﺑﺘﻌﺎﻭﻧﻬﺎ ﻭﻣﺴﺎﻋﺪﺗﻬﺎ ﻻﻡ
ﺗﺮﻛﻲ ﻓﻲ ﺍﻟﻀﻴﺎﻓﻪ .. ﺩﻻﻝ ﻛﺎﻧﺖ ﻫﻲ ﺍﻟﺸﺨﺺ ﺍﻻﻗﺮﺏ ﻟﻬﺎ ﺍﻟﻲ
ﺩﺍﺋﻤﺎ ﺗﺴﻮﻟﻒ ﻣﻌﻬﺎ ﻭﺗﺤﺎﻭﻝ ﺗﺨﻔﻒ ﻣﻦ ﺗﻮﺗﺮﻫﺎ .. ﺳﺠﻰ ﻭﺟﻮﺩﻫﺎ
ﻛﺎﻥ ﻳﺮﻳﺢ ﻋﻠﻴﺎ ﺑﺮﻏﻢ ﻣﻦ ﺳﺮﺣﺎﻧﻬﺎ ﺍﻟﻤﻠﺤﻮﻅ .. ﻟﻴﻠﻰ .. ﻋﻔﻮﻳﺘﻬﺎ
ﻭﺭﻭﺣﻬﺎ ﺍﻟﺤﻠﻮﻭﻩ .. ﻫﻴﺎﻡ ﻇﻬﻮﺭﻫﺎ ﻛﺎﻥ ﻗﻠﻴﻞ ﺍﻏﻠﺐ ﺍﻟﻮﻗﺖ ﻛﺎﻧﺖ
ﺟﺎﻟﺴﻪ ﻭﺳﺎﻛﺘﻪ .. ﺍﻡ ﺗﺮﻛﻲ .. ﺍﻡ ﻣﺸﺎﺭﻱ .. ﺍﻡ ﻣﻄﻠﻖ .. ﻭﺩﻫﺎ
ﺗﺸﻜﺮ ﺍﻟﻜﻞ ﺑﺎﻻﺳﻢ .. ﺻﺤﻴﺢ ﻟﻠﻔﺮﺡ ﻭﺟﻮﻩ ﻛﺜﻴﺮﻩ .. ﺍﻭﻝ ﻣﺮﻩ
ﺗﺤﺲ ﺑﺎﻟﻔﺮﺡ ﺑﻮﺟﻮﺩ ﺍﻟﻨﺎﺱ ﻣﻦ ﺣﻮﻟﻬﺎ ..
ﻋﻠﻴﺎ ﻭﻓﻲ ﺩﻣﻌﻪ ﺣﺎﺋﺮﻩ ﺑﻌﻴﻨﻬﺎ .. ﻭﺑﺒﺘﺴﺎﻣﻪ ﺧﻔﻴﻔﻪ : ﻣﺸﻜﻮﺭﻳﻦ ..
ﻭﺍﻟﻠﻪ ﻣﺎ ﻗﺼﺮﺗﻮ ﻣﻌﻲ .. ﺍﻟﻠﻪ ﻳﻌﻄﻴﻜﻢ ﺍﻟﻌﺎﻓﻴﻪ
ﺳﺠﻰ ﺑﺒﺘﺴﺎﻣﻪ ﺧﻔﻴﻔﻪ ﻭﻫﻲ ﺗﻨﺎﻇﺮ ﻋﻤﺘﻬﺎ ﻋﻠﻴﺎ : ﻳﺎﻟﻠﻪ ﺗﺮﻯ ﻋﻤﻲ
ﻭﺍﻓﻲ ﺣﺮﻕ ﺟﻮﺍﻟﻲ ﻣﻦ ﻛﺜﻴﺮ ﺍﻟﻤﻜﺎﻟﻤﺎﺕ .. ﻳﻘﻮﻝ ﻏﺎﺯﻱ ﻃﻠﻊ ﺍﻟﺸﻴﺐ
ﺑﺮﺍﺳﻪ .. ﻣﻦ ﻛﺜﺮ ﻣﺎ ﻳﻨﺘﻈﺮ .. ﻣﺎ ﻋﺎﺩ ﻓﻴﻪ ﺻﺒﺮ ﻳﺒﻲ ﻳﺪﺧﻞ
ﻋﻠﻴﺎ ﺍﺧﺘﻔﺖ ﺍﺑﺘﺴﺎﻣﺘﻬﺎ ﻭﻧﺰﻟﺖ ﺭﺍﺳﻬﺎ ﺑﺮﺗﺒﺎﻙ ﻭﺣﻴﺎ .. ﻭﺣﺴﺖ
ﺑﺘﺼﻠﺐ ﺍﻃﺮﺍﻓﻬﺎ ﻣﻦ ﺍﺳﻤﻌﺖ ﺍﺳﻢ ﻏﺎﺯﻱ
ﻟﻴﻠﻰ : ﻳﺎ ﻗﻠﺒﻲ ﻋﻠﻰ ﺍﻟﻲ ﻳﺴﺘﺤﻮﻥ .. ﺍﺟﻞ ﺧﻠﻴﻨﺎ ﻧﻄﻠﻊ ﻗﺒﻞ ﻻ
ﻳﺼﻴﺮ ﺷﻌﺮ ﻏﺎﺯﻱ ﺍﺑﻴﺾ
ﺩﻻﻝ : ﻫﻬﻬﻬﻬﻬﻬﻪ ﻳﻌﻨﻲ ﻫﻨﺎ ﺍﻟﻲ ﻣﻌﻄﻠﻴﻨﻪ
ﻫﻴﺎﻡ ﻗﺮﺑﺖ ﻣﻦ ﻋﻠﻴﺎ ﻭﺑﺎﺳﺘﻬﺎ ﺑﺴﺮﻋﻪ : ﺍﻟﻒ ﺍﻟﻒ ﻣﺒﺮﻭﻭﻭﻙ ﻳﺎﻟﻠﻪ ﺍﻧﺎ
ﺍﺳﺘﺄﺫﻥ ﺍﻟﺤﻴﻦ
ﺩﻻﻝ ﺑﺴﺘﻐﺮﺍﺏ : ﻣﻦ ﺍﻟﻲ ﺟﺎﻱ ﻳﺎﺧﺬﻙ
ﻫﻴﺎﻡ ﻭﻫﻲ ﻣﺎﺷﻴﻪ : ﺧﺎﻟﻲ ﻭﺍﻗﻒ ﻋﻨﺪ ﺍﻟﺒﺎﺏ ﻳﻨﺘﻈﺮﻧﻲ
ﺩﻻﻝ ﻫﺰﺕ ﺍﻛﺘﺎﻓﻬﺎ ﺑﺴﺘﻐﺮﺍﺏ ﻭﻧﺎﻇﺮﺕ ﺳﺠﻰ ﺍﻟﻲ ﻭﺍﻓﻘﻪ ﺟﻨﺒﻬﺎ
ﻭﻫﻲ ﺗﻘﻮﻝ ﺑﺼﻮﺕ ﻭﺍﻃﻲ : ﺳﺠﻰ ﻣﺎ ﺗﻼﺣﻈﻴﻦ ﺍﻥ ﻫﻴﺎﻡ ﺻﺎﻳﺮﻩ
ﻫﺬﻱ ﺍﻻﻳﺎﻡ ﻏﺮﻳﺒﻪ .. ( ﻛﺎﻥ ﻭﺩﻫﺎ ﺗﻜﻤﻞ ﻛﻼﻣﻬﺎ ﻭﺗﻘﻮﻝ ﻟﻬﺎ ﺣﺘﻰ
ﺍﻧﺘﻲ ﺻﺎﻳﺮﻩ ﻏﺮﻳﺒﻪ ﺑﺲ ﺗﺮﺍﺟﻌﺖ .. ﻻﻥ ﺍﻟﻮﻗﺖ ﻣﺎ ﻳﻨﺎﺳﺐ )
ﺳﺠﻰ ﺑﺼﻮﺕ ﻭﺍﻃﻲ : ﺃﻱ ﺻﺤﻴﺢ ﻛﻞ ﺟﺎﻟﺴﻪ ﻭﺗﻨﺎﻇﺮ ﺟﻮﺍﻟﻬﺎ ﻟﻬﺬﻱ
ﺍﻟﺪﺭﺟﻪ ﻣﻜﺎﻟﻤﺔ ﺧﺎﻟﻬﺎ ﺻﺎﺭﺕ ﻣﻬﻤﻪ .. ﻭﺍﻟﻐﺮﻳﺐ ﺍﻥ ﺑﺲ ﻳﺪﻕ ﺟﻮﺍﻟﻬﺎ
ﺗﻄﻠﻊ ﻋﻠﻰ ﻃﻮﻝ ﻫﻲ ﺑﺎﻟﻌﺎﺩﻩ ﺍﺫﺍ ﺩﻕ ﺧﺎﻟﻬﺎ ﺗﻄﺒﺨﻪ ﻋﻨﺪ ﺍﻟﺒﺎﺏ ﺷﻮﻱ
ﺩﻻﻝ ﺑﺼﻮﺕ ﻭﺍﻃﻲ : ﻳﻤﻜﻦ ﺗﺨﺎﻑ ﻳﻌﺼﺐ ﻋﻠﻴﻬﺎ .. ﻣﺎ ﺗﺴﺘﺒﻌﺪﻳﻦ
ﻳﻤﻜﻦ ﻣﻬﺪﺩﻫﺎ ﺑﻌﺪ ﻫﻮ ﺯﻳﻦ ﺟﺎﺑﻬﺎ ﺍﻣﺲ ﻭﺍﻟﻴﻮﻡ
ﺍﻟﺘﻔﺖ ﻟﻴﻠﻰ ﻋﻠﻰ ﺍﻧﻔﺎﻝ : ﻳﺎﻟﻠﻪ ﺍﻧﻔﺎﻝ ﻋﻤﻲ ﻃﻼﻝ ﻳﻨﺘﻈﺮﻧﺎ ﺑﺮﻩ
ﺍﻧﻔﺎﻝ : ﻃﻴﺐ .. ( ﻛﻤﻠﺖ ﻭﻫﻲ ﺗﻨﺎﻇﺮ ﺩﻻﻝ ﺑﺒﺘﺴﺎﻣﻪ ) .. ﺩﻻﻝ
ﻧﻮﺻﻠﻚ
ﺩﻻﻝ ﺑﺒﺘﺴﺎﻣﻪ : ﻻ ﻣﺸﻜﻮﺭﻩ ﺣﺒﻴﺒﺘﻲ ﺍﺧﻮﻱ ﺑﺪﺭ ﺑﺠﻲ ﻳﺎ ﺧﺬﻧﻲ
ﻃﻠﻌﺖ ﺑﺴﺮﻋﻪ ﻫﻴﺎﻡ .. ﻭﻋﻴﻮﻧﻬﺎ ﺗﺪﻭﺭ ﻋﻠﻰ ﺳﻴﺎﺭﺓ ﻓﻴﺼﻞ ..
ﺷﺎﻓﺘﻬﺎ ﻣﻮﻗﻔﻪ ﺗﻐﺮﻳﺒﺎ ﻋﻨﺪ ﺍﻟﺒﺎﺏ ﻋﺼﺒﺖ ﻻﻧﻬﺎ ﺍﻣﺲ ﻛﺎﻧﺖ ﻣﺼﻮﻳﺘﻪ
ﺍﺫﺍ ﺟﺎ ﻳﺎﺧﺬﻫﺎ ﻳﻮﻗﻒ ﺑﻌﻴﺪ ﻋﻦ ﺍﻟﺒﻴﺖ .. ﻋﻠﺸﺎﻥ ﻣﺎ ﻳﺸﻮﻓﻬﻢ ﺍﺣﺪ
.. ﺍﺭﻛﺒﺖ ﺑﺴﺮﻋﻪ ﺍﻟﺴﻴﺎﺭﻩ ..
ﻫﻴﺎﻡ ﺑﺨﻮﻑ ﻣﻤﺰﻭﺝ ﺑﻌﺼﺒﻴﻪ : ﻓﻴﺼﻞ ﻳﺎﻟﻠﻪ ﺑﺴﺮﻋﻪ ﺣﺮﻙ ..
ﻭﺑﻌﺪﻳﻦ ﺍﻧﺎ ﻣﺎ ﻗﻠﺖ ﻟﻚ ﻻ ﺗﻮﻗﻒ ﻋﻨﺪ ﺍﻟﺒﺎﺏ
ﻓﻴﺼﻞ ﺑﺮﻭﺩ : ﻭﻋﻠﻴﻜﻢ ﺍﻟﺴﻼﻡ
ﻫﻴﺎﻡ ﻭﻫﻲ ﺗﺴﻨﺪ ﺭﺍﺳﻬﺎ ﻋﻠﻰ ﺍﻟﻜﺮﺳﻲ .. ﻭﺑﺸﻮﻳﺖ ﺭﺍﺣﻪ ﻭﻫﻲ
ﺗﺸﻮﻑ ﺍﻟﺴﻴﺎﺭﻩ ﺗﺒﻌﺪ ﻋﻦ ﺍﻟﺒﻴﺖ : ﺍﻟﺤﻤﺪﻟﻠﻪ ﻃﻠﻌﺖ ﻗﺒﻞ ﻻ ﻳﻄﻠﻌﻮﻥ
ﺍﻧﻔﺎﻝ ﻭﻟﻴﻠﻰ ﻭﺩﻻﻝ
ﻓﻴﺼﻞ ﻭﻋﻴﻮﻧﻪ ﻋﻠﻰ ﺍﻟﻄﺮﻳﻖ : ﺃﻱ ﺻﺤﻴﺢ ﺷﻔﺖ ﻃﻼﻝ ﻋﻨﺪ ﺍﻟﺒﺎﺏ
ﻫﻴﺎﻡ ﺍﺗﺴﻌﺖ ﻋﻴﻮﻧﻬﺎ ﻭﺭﻓﻌﺖ ﻇﻬﺮﻫﺎ ﻭﺍﻟﺘﻔﺖ ﻋﻠﻰ ﻓﻴﺼﻞ : ﻭﺍﻟﻠﻪ
ﻭﻋﺴﺎ ﺷﺎﻓﻚ
ﻓﻴﺼﻞ : ﺍﻛﻴﺪ ﺑﺸﻮﻓﻨﻲ .. ﻭﺟﺎ ﺳﻠﻢ ﻋﻠﻲ
ﻫﻴﺎﻡ ﺍﺷﻬﻘﺖ ﺷﻬﻘﻪ ﻃﻮﻳﻠﻪ .. ﻭﺣﻄﺔ ﻳﺪﻫﺎ ﻋﻠﻰ ﺻﺪﺭﻫﺎ ﻭﻫﻲ
ﺗﻘﻮﻝ : ﻳﻌﻨﻲ ﺷﺎﻓﻨﻲ ﻭﺍﻧﺎ ﺍﺭﻛﺐ ﻣﻌﻚ .. ( ﻛﻤﻠﺖ ﺑﺼﻮﺕ ﻋﺎﻟﻲ
ﻭﺑﺤﺴﺮﻩ ) .. ﻭﻳﻠﻲ ﻭﻳﻠﻲ ﻭﻳﻠﻠﻠﻠﻠﻲ .. ﻭﻳﻠﻠﻠﻠﻠﻲ .. ﻭﻳﻠﻠﻠﻠﻲ ﻋﻠﻰ
ﺣﺎﻟﻲ ﻭﻳﻠﻠﻠﻠﻲ
ﻓﻴﺼﻞ ﺍﻟﺘﻔﺖ ﻋﻠﻴﻬﺎ ﺑﺸﻮﻳﺖ ﻋﺼﺒﻴﻪ : ﻫﻴﺎﺍﺍﺍﺍﻡ ﻻ ﺗﻀﺎﺭﺧﻴﻦ ..
ﻭﺗﺠﻠﺴﻦ ﻭﺗﻮﻟﻮﻟﻴﻦ ﻣﺜﻞ ﺍﻟﺤﺮﻳﻢ
ﻫﻴﺎﻡ ﻭﻫﻲ ﺗﻀﺮﺏ ﻋﻠﻰ ﺧﺪﻫﺎ ﺑﺤﺴﺮﻩ .. ﻭﺑﺪﺕ ﺍﻟﺪﻣﻮﻉ ﺗﺘﺠﻤﻊ
ﺑﻌﻴﻨﻬﺎ : ﺍﻟﺤﻴﻦ ﺍﻛﻴﺪ ﺑﻘﻮﻝ ﻻﻧﻔﺎﻝ .. ﻭﺍﻧﻔﺎﻝ ﺑﺘﺪﺭﻱ ﻭﺑﺘﻘﻮﻝ ﻟﺪﻻﻝ
ﻭﺳﺠﻰ .. ﻭﻳﻠﻲ ﻭﻳﻠﻲ ﻭﺍﻧﺎ ﻗﺎﻳﻠﻪ ﻟﻬﻢ ﻗﺒﻞ ﻻ ﺍﻃﻠﻊ ﺍﻥ ﺧﺎﻟﻲ ﺟﺎﻱ
ﻳﺎﺧﺬﻧﻲ .. ﺍﻟﺤﻴﻦ ﻭﺵ ﺭﺍﺡ ﻳﻘﻮﻟﻮﻥ
ﻓﻴﺼﻞ : ﻣﻤﻜﻦ ﺗﻬﺪﻳﻦ ﺷﻮﻱ
ﻫﻴﺎﻡ ﻭﺑﺼﻮﺕ ﻋﺎﻟﻲ .. ﻭﺑﺼﺮﺍﺥ ﻭﺑﻜﻰ ﻭﺣﺴﺮﻩ : ﺍﻧﺎ ﻭﺵ ﺍﻟﻲ
ﺧﻼﻧﻲ ﺍﻗﻮﻟﻚ ﺗﺠﻲ ﺗﺎﺧﺬﻧﻲ .. ﻟﻴﻪ ﻣﺎ ﺍﻧﺸﻌﻤﺖ ﻭﻗﻠﺖ ﻟﺨﺎﻟﻲ .. ﻭﻻ
ﺍﻧﻄﻘﻴﺖ ﻭﺟﻠﺴﺖ ﺑﺎﻟﺒﻴﺖ ﺑﻼ ﺣﻔﻠﻪ ﻭﺑﻼ ﻣﻠﻜﻪ .. ﺑﻼ ﺧﺮﺍﺑﻴﻂ
ﻓﻴﺼﻞ ﺍﻟﺘﻔﺖ ﻋﻠﻰ ﻫﻴﺎﻡ ﺑﻌﺼﺒﻴﻪ ﻭﻣﺴﻚ ﻳﺪﻫﺎ ﺑﻘﻮﻩ .. ﻭﺑﺼﻮﺕ
ﻋﺎﻟﻲ ﺷﻮﻱ : ﺍﻧﺘﻲ ﻫﺬﻱ ﺍﻟﻲ ﻓﺎﻟﺤﻪ ﻓﻴﻪ ﺗﺒﻜﻴﻦ ﻭﺗﺘﺤﺴﺮﻳﻦ ﻋﻠﻰ
ﺣﺎﻟﻚ .. ﻭﺗﻤﺜﻠﻴﻦ ﺩﻭﺭ ﺍﻟﻤﻜﺴﻮﺭﻩ
ﻫﻴﺎﻡ ﻭﻫﻲ ﺗﺤﺎﻭﻝ ﺗﻔﻚ ﻳﺪﻫﺎ ﻣﻦ ﻳﺪ ﻓﻴﺼﻞ .. ﻭﺑﺼﺮﺍﺥ ﻭﺑﻜﻰ :
ﻭﺍﻧﺖ ﺷﺎﻃﺮ ﺑﺲ ﺗﺮﻣﻲ ﻛﻼﻡ ﻣﺜﻞ ﺍﻟﺴﻢ .. ﺗﺠﺮﺡ ﻭﺗﺪﻭﺱ ..
ﻭﺗﺴﺐ ﻭﻻ ﻫﻤﻚ ﺍﺣﺪ .. ( ﻛﻤﻠﺖ ﻭﻫﻲ ﺗﺼﺎﺭﺥ ﺑﺼﻮﺕ ﻋﺎﻟﻲ ﻫﺰ
ﺍﻟﺴﻴﺎﺭﻩ ﻫﺰ ) .. ﻳـﺎ ﺍﻧﺎﻧـﻲ
*
ﻓﻲ ﺍﻟﺼﺎﻟﻪ ..
ﺑﻌﺪ ﻣﺎ ﻃﻠﻌﻮ .. ﺍﻧﻔﺎﻝ ﻭﻟﻴﻠﻰ ﻭﺩﻻﻝ ﻭﻫﻴﺎﻡ .. ﺑﺎﻗﻲ ﺑﺲ ﺻﺪﻳﻘﺔ ﺍﻡ
ﺗﺮﻛﻲ ﻭﺻﺪﻳﻘﺔ ﺍﻡ ﻣﻄﻠﻖ ﺑﻮﺻﻠﻬﻢ ﻋﺒﺪﺍﻟﺮﺣﻤﻦ ﻻﻥ ﻫﻮ ﺍﻟﻲ ﺟﺎﻳﺒﻬﻢ
.. ﺍﻡ ﻣﺸﺎﺭﻱ ﻭﺍﺧﺘﻬﺎ ﻭﻏﺎﻟﻴﻪ ﻃﺒﻌﺎ ﺑﺮﺟﻌﻮﻥ ﻣﻊ ﻣﺸﺎﺭﻱ ..
ﺳﺠﻰ ﻟﻤﺎ ﺭﺍﺣﻮ ﺍﻟﺒﻨﺎﺕ ﺿﺎﻕ ﺧﻠﻘﻬﺎ .. ﻭﺟﻮﺩﻫﺎ ﻣﻊ ﻏﺎﻟﻴﻪ ﻓﻲ ﻣﻜﺎﻥ
ﻭﺍﺣﺪ ﻭﺷﻮﻓﺘﻬﺎ ﻗﺪﺍﻣﻬﺎ ﻫﻢ ﺛﻘﻴﻞ ﻋﻠﻰ ﻗﻠﺒﻬﺎ ﻭﻳﻨﻘﺒﺾ ﻗﻠﺒﻬﺎ ﺑﺴﺮﻋﻪ
ﻟﻤﺎ ﺗﺘﺼﻮﺭ ﻟﺜﻮﺍﻧﻲ ﺍﻥ ﻣﺸﺎﺭﻱ ﺑﻴﺘﺰﻭﺝ ﻏﺎﻟﻴﻪ .. ﺗﺤﺎﻭﻝ ﺗﺘﺠﺎﻫﻠﻬﺎ ..
ﻟﻜﻦ ﺍﺣﺴﺎﺳﻬﺎ ﺑﻮﺟﻮﺩﻫﺎ ﻳﺨﻨﻘﻬﺎ .. ﺗﺤﺎﻭﻝ ﻣﺎ ﺗﺸﻮﻓﻬﺎ .. ﻟﻜﻦ
ﺻﻮﺗﻬﺎ ﺍﻟﻌﺎﻟﻲ ﻭﺿﺤﻜﺎﺗﻬﺎ ﺗﻨﺮﻓﺰﻫﺎ ..
ﻗﺮﺑﺖ ﺳﺠﻰ ﻣﻦ ﻋﻠﻴﺎ .. ﺑﺒﺘﺴﺎﻣﻪ ﺧﻔﻴﻔﻪ : ﻳﻘﻮﻝ ﻋﻤﻲ ﻭﺍﻓﻲ
ﺍﻟﺤﻴﻦ ﺑﺪﺧﻠﻮﻥ
ﻋﻠﻴﺎ ﺍﻛﺘﻔﺖ ﺑﻬﺰ ﺭﺍﺳﻬﺎ ﺑﺘﻮﺗﺮ .. ﻳﺪﻫﺎ ﺗﺮﺟﻒ ﻭﻗﻠﺒﻬﺎ ﻳﺪﻕ ﺑﺴﺮﻋﻪ ..
ﻧﺰﻟﺖ ﺭﺍﺳﻬﺎ ﻭﺣﺎﻭﻟﺖ ﺗﻬﺪﺀ ﻧﻔﺴﻬﺎ
ﺩﺧﻞ ﻭﺍﻓﻲ .. ﻭﻏﺎﺯﻱ .. ﻭﻋﺒﺪﺍﻟﺮﺣﻤﻦ .. ﻭﺣﻤﺪ .. ﻭﺗﺮﻛﻲ ..
ﻭﻣﺸﺎﺭﻱ .. ﺑﻮ ﺗﺮﻛﻲ .. ﻭﺍﻟﺘﻔﻮ ﺣﻮﻝ ﻋﻠﻴﺎ ﺍﻟﻲ ﻣﻦ ﺷﺎﻓﺘﻬﻢ ﻳﺪﺧﻠﻮﻥ
ﻣﻦ ﺍﻟﺒﺎﺏ ﻭﻗﻔﺖ ﻭﻧﺰﻟﺖ ﺭﺍﺳﻬﺎ .. ﻭﺗﺤﺎﻭﻝ ﺗﺴﻴﻄﺮ ﻋﻠﻰ ﺩﻣﻮﻋﻬﺎ
ﺍﻟﻲ ﺑﺪﺕ ﺗﺘﺠﻤﻊ ﺑﻌﻴﻨﻬﺎ ﻗﺮﺑﺖ ﻳﺪﻫﺎ ﻟﺠﺴﺪﻫﺎ ﻭﻟﻤﺖ ﻧﻔﺴﻬﺎ ﺑﺨﻮﻑ
.. ﻭﻫﻲ ﺗﺴﻤﻊ ﺻﻮﺕ ﺍﺧﻮﻫﺎ ﺑﻮ ﺗﺮﻛﻲ ..
ﺑﻮ ﺗﺮﻛﻲ ﺑﺠﺪﻳﻪ : ﺭﻓﻌﻲ ﺭﺍﺳﻚ ﻳﺎ ﻋﻠﻴﺎ
ﺣﺎﻭﻟﺖ ﻋﻠﻴﺎ ﺟﺎﻫﺪﻩ ﺗﺮﻓﻊ ﺭﺍﺳﻬﺎ .. ﻭﻫﻲ ﺗﺤﺲ ﺍﻥ ﺭﺍﺳﻬﺎ ﺻﺎﺭ
ﺛﻘﻴﻞ .. ﻭﺟﻬﻬﺎ ﺟﺎﻑ ﺍﻭ ﺑﻤﻌﻨﻰ ﺍﺻﺢ ﺍﻟﻤﻴﻚ ﺍﺏ ﻳﺒﺲ ﺑﻮﺟﻬﻬﺎ
ﻭﺍﻟﻜﺤﻞ ﺗﺤﺠﺮ .. ﻧﺎﻇﺮﺕ ﻭﺟﻬﻪ ﺑﻮ ﺗﺮﻛﻲ ﺍﻟﻲ ﻭﺍﻗﻒ ﻗﺒﺎﻟﻬﺎ ..
ﻭﺣﺴﺖ ﺑﺸﻮﻳﺖ ﺭﺍﺣﻪ ﻟﻤﺎ ﺷﺎﻓﺖ ﺍﻻﺑﺘﺴﺎﻣﻪ ﻋﻠﻰ ﻭﺟﻬﻪ ﻭﻫﻮ ﻳﻘﻮﻝ
ﻟﻬﺎ : ﻣﺒﺮﻭﻭﻭﻙ ﻳﺎ ﻋﻠﻴﺎ .. ﺣﺎﻭﻟﺖ ﺗﺘﻜﻠﻢ ﻟﻜﻦ ﺻﻮﺗﻬﺎ ﻣﺎ ﺳﺎﻋﺪﻫﺎ
ﺑﺎﺭﻙ ﻟﻬﺎ ﺍﻟﻜﻞ .. ﻭﺑﺎﺳﻮﻫﺎ ﻋﻠﻰ ﺭﺍﺳﻬﺎ ..
ﺍﻣﺎ ﻏﺎﺯﻱ ﺍﻟﻲ ﻣﻦ ﺍﻭﻝ ﻣﺎ ﺩﺧﻞ ﻣﺎ ﺭﻓﻊ ﻋﻴﻨﻬﺎ ﻣﻦ ﻋﻠﻴﻬﺎ .. ﻳﺤﺲ
ﺍﻥ ﻫﻮ ﺑﺤﻠﻢ .. ﻭﻣﻮ ﺃﻱ ﺣﻠﻢ .. ﺣﻠﻢ ﻛﺎﻥ ﻣﻦ ﺍﻳﺎﻡ ﻣﺴﺘﺤﻴﻞ .. ﻣﻮ
ﻣﺼﺪﻕ ﺍﻥ ﺍﻟﻲ ﻗﺪﺍﻣﻪ ﻫﻲ ﻋﻠﻴﺎ .. ﺍﻻﻧﺴﺎﻧﻪ ﺍﻟﻲ ﻛﺎﻥ ﺍﻟﺤﺰﻥ ﻋﻨﻮﺍﻧﻬﺎ
.. ﻭﻣﺪﻳﻨﺘﻬﺎ ﺍﻟﻲ ﺗﻌﺐ ﻫﻮ ﻳﺘﺴﻠﻖ ﺳﻮﺭﻫﺎ ﺍﻟﻌﺎﻟﻲ .. ﻣﺎ ﻏﻠﻂ ﻣﻦ
ﺳﺎﻣﻬﺎ ﻋﻠﻴﺎ ﻻﻧﻬﺎ ﻓﻌﻼ ﻋﺎﻟﻴﻪ .. ﺣﺘﻰ ﻭ ﻫﻮ ﺑﻘﺮﺑﻬﺎ ﻭﻣﻠﻚ ﻋﻠﻴﻬﺎ
ﻳﺤﺲ ﺍﻧﻪ ﻣﺎ ﻣﻠﻜﻬﺎ .. ﺳﺮﺡ ﻓﻴﻬﺎ ﻣﺘﻨﺎﺳﻲ ﺍﻟﻲ ﺣﻮﻟﻪ .. ﻫﺬﺍ ﻫﻲ ﻣﺎ
ﺗﻐﻴﺮﺕ .. ﻣﻼﻣﺢ ﻫﺎﺩﻳﻪ .. ﻭﻋﻴﻮﻥ ﺣﺎﻳﺮﻩ .. ﻭﺟﺴﻢ ﺿﻌﻴﻒ ﻫﻮ
ﺍﻭﻝ ﻣﺎ ﺷﺎﻓﻬﺎ ﺟﻠﺲ ﻳﺒﺤﺚ ﻓﻴﻬﺎ ﻋﻦ ﻣﻼﻣﺢ ﻋﻠﻴﺎ ﺍﻟﻲ ﺗﺮﻛﻬﺎ ..
ﻭﺍﻟﻲ ﻣﺸﺘﺎﻕ ﻟﻬﺎ .. ﻭﻣﻴﺖ ﻋﻠﻴﻬﺎ ﺑﺲ ﻣﺎ ﻣﻨﻌﻪ ﺑﺤﺜﻪ ﻣﻦ ﺍﻻﻧﺒﻬﺎﺭ
ﺑﺸﻜﻠﻬﺎ .. ﻟﺪﺭﺟﻪ ﺍﻥ ﻣﻦ ﺍﻭﻝ ﻣﺎ ﺩﺧﻞ ﺿﻴﻌﻬﺎ ﻣﺎ ﻋﺮﻓﻬﺎ ..
ﻗﻄﻊ ﻋﻠﻴﻪ ﺳﺮﺣﺎﻧﻪ ﺻﻮﺕ ﻭﺍﻓﻲ ﺍﻟﻲ ﻭﺍﻗﻒ ﺟﻨﻴﻪ ..
ﻭﺍﻓﻲ ﺑﺒﺘﺴﺎﻣﻪ ﻭﻫﻮ ﻳﻨﺎﻇﺮ ﺷﻜﻞ ﻏﺎﺯﻱ : ﻏﺎﺯﻱ .. ﻏـﺎﺯﻱ ﻭﻳﻦ ﺭﺣﺖ
ﻏﺎﺯﻱ ﻭﻣﺎ ﺯﺍﻟﺖ ﻋﻴﻮﻧﻪ ﻋﻠﻰ ﻋﻠﻴﺎ ﺍﻟﻲ ﻭﺍﻗﻔﻪ ﻗﺮﻳﺐ ﻣﻨﻪ ﻭﻣﻨﺰﻟﻪ
ﺭﺍﺳﻬﺎ .. ﻭﺑﺼﻮﺕ ﺭﺍﻳﺢ ﻓﻴﻬﺎ : ﻣﻌﻜﻢ
ﻋﺒﺪﺍﻟﺮﺣﻤﻦ : ﻫﻬﻬﻬﻬﻬﻬﻬﻬﻪ ﻭﺍﺿﺢ ﺍﻧﻚ ﻣﻌﻨﺎ
ﻭﺍﻓﻲ ﺑﺒﺘﺴﺎﻣﻪ : ﻏﺎﺯﻱ ﻣﻨﺖ ﺑﻨﻮﺍﻱ ﺗﺴﻠﻢ ﻋﻠﻰ ﻋﻠﻴﺎ .. ﻭﻻ ﺗﻨﺘﻈﺮﻫﺎ
ﺗﺴﻠﻢ ﻋﻠﻴﻚ
ﻏﺎﺯﻱ ﺑﺼﻮﺕ ﻭﺍﻃﻲ .. ﻭﻫﻮ ﻳﻨﺎﻇﺮ ﻋﻠﻴﺎ ﺑﺒﺘﺴﺎﻣﻪ : ﻋﻠﻴﺎ .. ﻛﻴﻒ
ﺣﺎﻟﻚ
ﻋﻠﻴﺎ ﺍﻛﺘﻔﺖ ﺑﺒﺘﺴﺎﻣﻪ ﺧﺠﻮﻟﻪ ﺩﺍﻣﺖ ﺛﻮﺍﻧﻲ ﻋﻠﻰ ﺷﺎﻳﻔﻬﺎ .. ﻭﻫﻲ
ﻣﻨﺰﻟﻪ ﺭﺍﺳﻬﺎ
ﻏﺎﺯﻱ ﺑﺼﻮﺕ ﺭﻣﻨﺴﻲ .. ﻭﺍﻃﻲ ﺷﻮﻱ ﻟﻜﻦ ﻣﺴﻤﻮﻉ .. : ﻭﺭﺑﻲ
ﻣﺸﺘﺎﻕ ﻟﻚ ﻣﻮﻭﺕ
ﺯﺍﺩﺕ ﺩﻗﺎﺕ ﻗﻠﺒﻬﺎ ﻭﺣﺴﺖ ﺑﻐﺸﻌﺮﻳﺮﻩ ﺗﺴﺮﻱ ﺑﺎﻃﺮﺍﻓﻬﺎ .. ﻟﻤﺎ ﻗﺮﺏ
ﻣﻨﻬﺎ ..
ﺣﻤﺪ ﺑﺒﺘﺴﺎﻣﻪ : ﺍﺣﻢ .. ﺍﺣﻢ ﺗﺮﻯ ﻧﺤﻨﻮ ﻫﻨﺎ ﻣﺎ ﺑﻌﺪ ﻧﺬﻟﻒ
ﻏﺎﺯﻱ ﻭﻫﻮ ﻳﻨﺎﻇﺮﻫﻢ : ﻣﻮ ﻭﺟﻮﺩﻛﻢ ﻛﺎﺗﻢ ﻋﻠﻰ ﺍﻧﻔﺎﺳﻲ ..
ﻣﺤﺎﻭﻃﻴﻨﺎ ﻭﺗﻨﺎﻇﺮﻭﻥ ﻓﻴﻨﺎ .. ( ﻛﻤﻞ ﻫﻮ ﻳﻨﺎﻇﺮ ﻋﻠﻴﺎ ﻭﺑﺼﻮﺕ
ﺭﻣﻨﺴﻲ ) .. ﻣﺎ ﺗﺨﻠﻮﻥ ﺍﻟﻮﺍﺣﺪ ﻳﻌﺒﺮ ﻋﻦ ﺷﻌﻮﺭﻩ
ﻣﺸﺎﺭﻱ ﺑﺘﺴﺎﻣﻪ : ﻋﺒﺮ ﻋﻦ ﻣﺸﺎﻋﺮﻙ ﻗﺪﺍﻣﻨﺎ .. ﺧﻠﻨﺎ ﻧﺘﻌﻠﻢ ﻓﻦ
ﺍﻻﻓﺼﺎﺡ ﻭﺍﻟﺘﻌﺒﻴﺮ ﻋﻦ ﺍﻟﻤﺸﺎﻋﺮ
ﻏﺎﺯﻱ ﺑﺴﺘﻬﺒﺎﻝ : ﻣﺎ ﺍﻋﻄﻲ ﺩﺭﻭﺱ ﺑﻼﺵ
ﻭﺍﻓﻲ ﺑﺒﺘﺴﺎﻣﻪ : ﻳﻠﻪ ﻳﺎ ﺷﺒﺎﺏ .. ﺧﻠﻮ ﺍﻟﻤﻌﺎﺭﻳﺲ ﻳﺎﺧﺬﻭﻥ ﺭﺍﺣﺘﻬﻢ
.. ( ﻛﻤﻞ ﻫﻮ ﻳﻨﺎﻇﺮ ﻏﺎﺯﻱ ) .. ﻭﻻ ﺍﻗﻮﻝ ﺍﻓﻀﻞ ﻟﻚ ﺍﻧﻚ ﺗﺎﺧﺬ ﻋﻠﻴﺎ
ﻭﺗﺮﻭﺡ ﻣﻌﻬﺎ ﺍﻟﻐﺮﻓﻪ ﺍﻟﺜﺎﻧﻴﻪ ..
ﻓﻲ ﺍﻟﻐﺮﻓﻪ ﺛﺎﻧﻴﻪ .. ﻛﺎﻥ ﺍﻟﺤﺮﻳﻢ ﺟﺎﻟﺴﻴﻦ ﻛﻞ ﻭﺣﺪﻩ ﻻﺑﺴﻪ ﻋﺒﺎﺗﻬﺎ
ﻧﺎﺩﻳﻪ ﻭﻫﻲ ﺗﻠﻒ ﻃﺮﺣﺘﻬﺎ : ﻳﺎﻟﻠﻪ ﺍﻧﺎ ﺑﻤﺸﻲ ﺗﺮﻛﻲ ﻳﺴﺘﻨﺎﻧﻲ ﻋﻨﺪ
ﺍﻟﺒﺎﺏ .. ﻓﻲ ﺍﺣﺪ ﻳﺒﻴﻨﻲ ﻧﻮﺻﻠﻪ ﺑﻄﺮﻳﻘﻨﺎ .. ( ﻛﻤﻠﺖ ﻭﻫﻲ ﺗﻨﺎﻇﺮ ﺍﻡ
ﺗﺮﻛﻲ ﻭﺳﺠﻰ ) .. ﺧﺎﻟﻪ ﺗﻌﺎﻟﻲ ﻣﻌﻨﺎ .. ﻳﺎﻟﻠﻪ ﻳﺎ ﺳﺠﻰ
ﺍﻡ ﺗﺮﻛﻲ : ﺍﻟﻠﻪ ﻳﻌﻄﻴﻚ ﺍﻟﻌﺎﻓﻴﻪ ﻳﺎ ﺑﻨﺘﻲ .. ﺑﺮﺟﻊ ﻣﻊ ﻋﺒﺪﺍﻟﺮﺣﻤﻦ
ﻻﻧﻲ ﺑﻮﺻﻞ ﺍﻡ ﻧﺎﺻﺮ .. ﻭﺍﻡ ﻳﻌﻘﻮﺏ
ﻟﻤﺎ ﺍﻓﺘﺤﺖ ﻧﺎﺩﻳﻪ ﺍﻟﺒﺎﺏ .. ﺯﺍﺩ ﺻﻮﺕ ﺿﺤﻜﺎﺕ ﺍﻟﺸﺒﺎﺏ ﺍﻟﺼﺎﺩﺭﻩ ﻣﻦ
ﺍﻟﺼﺎﻟﻪ ..
ﻏﺎﻟﻴﻪ ﻭﻫﻲ ﺗﻨﺎﻇﺮ ﺟﻮﺍﻟﻬﺎ .. ﻭﺑﺪﻟﻊ : ﺧﺎﻟﻪ .. ﺍﺩﻕ ﻋﻠﻰ ﻣﺸﺎﺭﻱ
ﺍﻗﻮﻟﻪ ﻳﺮﺟﻌﻨﺎ ﺍﻟﺒﻴﺖ
ﻧﺎﻇﺮﺕ ﺳﺠﻰ ﻏﺎﻟﻴﻪ ﻣﻦ ﻃﺮﻑ ﻋﻴﻨﻬﺎ ( ﺩﻗﻮ ﺭﺍﺳﻚ ﺑﺴﺒﻊ ﻣﻄﺎﺭﻕ
ﻭﻛﺴﺮﻭ ﻋﻀﻤﻚ )
ﺳﺠﻰ ﻭﻫﻲ ﺗﻘﻮﻡ : ﻳﻤﺎ ﺍﻧﺎ ﺑﻨﺘﻈﺮ ﻋﺒﺪﺍﻟﺮﺣﻤﻦ ﺑﺮﻯ
ﺍﻃﻠﻌﺖ ﺳﺠﻰ ﻣﻦ ﺍﻟﻐﺮﻓﻪ ﻭﻋﻠﻰ ﻃﻮﻝ ﺍﻃﻠﻌﺖ ﻓﻲ ﺍﻟﺸﺎﺭﻉ .. ﺍﻟﺒﻴﺖ
ﺧﻼﺹ ﻣﺎ ﻓﻲ ﺍﻛﺴﺠﻴﻦ ﻣﺎ ﺗﻘﺪﺭ ﺗﺘﻨﻔﺲ ﻟﻮ ﺍﺟﻠﺲ ﺑﻌﺪ ﺩﻗﺎﻳﻖ
ﺑﺪﺍﺧﻠﻪ .. ﺍﻭﻝ ﻣﺎ ﻃﻠﻌﺖ ﺗﻨﻔﺴﺖ ﺑﻌﻤﻖ .. ﻣﺮﻩ ﻭﻣﺮﺗﻴﻦ ﻭﺛﻼﺙ ..
ﺣﺴﺖ ﺑﺸﻮﻳﺖ ﺭﺍﺣﻪ .. ﻧﺎﻇﺮﺕ ﺣﻮﻟﻬﺎ ﻣﺎﻓﻲ ﺍﺣﺪ ﻫﺪﻭﺀ .. ﻃﻠﻌﺖ
ﺟﻮﺍﻟﻬﺎ ﻋﻠﺸﺎﻥ ﺗﺪﻕ ﻋﻠﻰ ﻋﺒﺪﺍﻟﺮﺣﻤﻦ ﻳﻄﻠﻊ ﻟﻬﺎ ﻻﻧﻬﺎ ﺗﺨﺎﻑ ﺗﻮﻗﻒ
ﻟﺤﺎﻟﻬﺎ ..ﻭﺩﺍﻡ ﻏﺎﻟﻴﻪ ﺩﺍﺧﻞ ﺍﻟﺒﻴﺖ ﻣﺎ ﺭﺍﺡ ﺗﺪﺧﻠﻪ .. ﺍﺷﻬﻘﺖ ﺷﻬﻘﻪ
ﺧﻔﻴﻔﻪ ﻟﻤﺎ ﺳﻤﻌﺖ ﺍﺣﺪ ﻳﻨﺎﺩﻳﻬﺎ
ﻣﺸﺎﺭﻱ : ﺳﺠﻰ ﻟﻴﻪ ﻭﺍﻗﻔﻪ ﺑﺎﻟﺸﺎﺭﻉ
ﺳﺠﻰ ﺍﻟﺘﻔﺖ ﺑﺴﺮﻋﻪ ﻭﻧﺎﻇﺮﺗﻪ ﺑﻨﻈﺮﻩ ﺣﺎﺩﻩ .. ﺑﻌﺪﻳﻦ ﻟﻔﺖ ﺭﺍﺳﻬﺎ
ﺑﺴﺮﻋﻪ ﻭﻧﺎﻇﺮﺕ ﺟﻮﺍﻟﻬﺎ
ﺣﺎﻭﻟﺖ ﺗﺠﻤﻊ ﻗﻮﺗﻬﺎ .. ﻭﻗﺎﻟﺖ : ﺍﻧﺘﻈﺮ ﺍﺧﻮﻱ ﻋﺒﺪﺍﻟﺮﺣﻤﻦ
ﻣﺸﺎﺭﻱ ﺑﺎﻣﺮ : ﻋﺒﺪﺍﻟﺮﺣﻤﻦ ﻣﺎ ﺑﻌﺪ ﻳﻄﻠﻊ .. ﺩﺧﻠﻲ ﺍﻧﺘﻈﺮﻳﻪ ﺑﺎﻟﺒﻴﺖ
ﺳﺠﻰ : ....
ﺑﻌﺪ ﺩﻗﺎﻳﻖ ﻣﻦ ﺍﻟﺼﻤﺖ .. ﺍﺷﻌﻠﺖ ﻧﺎﺭ ﺑﺪﺍﺧﻠﻪ ﻟﻬﻴﺒﻬﺎ ﺍﺷﻮﺍﻕ ..
ﻭﺣﻄﺒﻬﺎ ﺣﺰﻥ ﻭﺣﺴﺮﻩ .. ﻭﻫﻤﻮﻡ .. ﻭﺩﺧﺎﻧﻬﺎ ﺍﻫﺎﺗﻪ ﻭﺩﻩ ﻳﻔﺎﺗﺤﻬﺎ
ﺑﺎﻟﻤﻮﺿﻮﻉ ﻓﻲ ﺧﺎﻃﺮﻩ ﻛﻼﻡ ﻛﺜﻴﺮ ﻭﺩﻩ ﻳﻘﻮﻟﻪ .. ﻟﻜﻦ ﻻ ﺍﻟﻮﻗﺖ ﻭﻻ
ﺍﻟﻤﻜﺎﻥ ﻳﺴﻤﺢ .. ﻳﺤﺲ ﺍﻥ ﻭﻗﻮﻓﻪ ﻣﻌﻬﺎ ﻟﺤﺎﻟﻬﻢ ﺍﻛﺒﺮ ﺧﻄﺄ .. ﺑﺲ
ﻗﻠﺒﻪ ﻣﺎ ﻳﻄﺎﻭﻋﻪ ﻳﺪﺧﻞ ﻭﺧﻠﻴﻬﺎ ﻭﺍﻗﻔﻪ ﺑﺎﻟﺸﺎﺭﻉ ﻭﻫﻮ ﻋﺎﺭﻑ ﺍﻥ ﻣﺮﻛﺰ
ﺍﻟﻌﻨﺎﺩ ﻓﻴﻬﺎ
ﻣﺸﺎﺭﻱ ﺑﻠﺴﻌﺔ ﻏﻴﺮﻩ : ﺳﺠﻰ ﻏﻄﻲ ﻋﻴﻮﻧﻚ
ﺳﺠﻰ ﻣﻨﺰﻟﻪ ﺭﺍﺳﻬﺎ ﻭﺗﻨﺎﻇﺮ ﺟﻮﺍﻟﻬﺎ .. ﻭﻻ ﻛﺎﻧﻬﺎ ﺗﺴﻤﻌﻪ : ...
ﻣﺸﺎﺭﻱ ﺑﺼﻮﺕ ﺍﻋﻠﻰ ﺷﻮﻱ : ﺍﻗﻮﻟﻚ ﻏﻄﻲ ﻋﻴﻮﻧﻚ .. ﻣﺎ ﺗﺴﻤﻌﻴﻦ
ﺳﺠﻰ ﺍﻟﺘﻔﺖ ﺑﺴﺮﻋﻪ ﻋﻠﻴﻪ .. ﻭﺑﻨﻈﺮﺓ ﺍﺻﺮﺍﺭ ﻭﻋﻨﺎﺩ .. : ﺑﺼﻔﺘﻚ
ﻣﻴـﻦ ﺗﺎﻣﺮﻧﻲ .. ﺍﺑﻮﻱ .. ﺍﺧﻮﻱ .. ﻭﻻ ﻋﻤﻲ
ﻣﺸﺎﺭﻱ : ﺑﺼﻔﺘﻲ .. ( ﻣﺎ ﻗﺪﺭ ﻳﻜﻤﻞ ﻻﻧﻪ ﻣﻮ ﻋﺎﺭﻑ ﻭﺵ ﻳﻘﻮﻝ
ﺯﻭﺟﻚ ﻣﺴﺘﻘﺒﻼ .. ﻭﻻ ﺧﻄﻴﺒﻚ ﺳﺎﺑﻘﺎ )
ﻓـﻲ ﺍﻟﻐﺮﻓﻪ .. ﺍﻟﻲ ﺿﻤﺖ ﻏﺎﺯﻱ ﻭﻋﻠﻴﺎ ..
ﻣﺮﺕ ﻳﻤﻜﻦ ﺭﺑﻊ ﺳﺎﻋﻪ .. ﻧﺺ ﺳﺎﻋﻪ .. ﺳﺎﻋﻪ .. ﻭﻳﻤﻜﻦ ﺑﻌﺪ ﺍﻟﺰﻣﻦ
ﺗﻮﻗﻒ .. ﻣﻮﻣﻬﻢ .. ﻣﺪﺭﻱ ﻟﻠﺤﻴﻦ ﻟﻴﻞ ﻭﻻ ﻃﻠﻊ ﺍﻟﻨﻬﺎﺭ .. ﻫﻢ ﻣﻮﻣﻬﻢ
.. ﻣﺪﺭﻱ ﺍﻟﺠﻮ ﺣﺮ ﻭﻻ ﺑﺮﺩ ﻣﺎ ﺍﺿﻦ ﺍﻥ ﻣﻬﻢ ..ﻇﺎﻫﺮﻳﺎ ﻛﺎﻧﻮ ﻓﻲ
ﺣﺎﻟﺔ ﺳﻜﻮﻥ .. ﻟﻜﻦ ﻫﻨﺎﻙ ﻋﻮﺍﺻﻒ ﻣﺨﻔﻴﻔﻪ .. ﻣﺸﺎﻋﺮ ﺣﺎﻥ ﺩﻭﺭﻫﺎ
ﻟﺘﻌﺒﻴﺮ .. ﻛﻠﻤﺎﺕ ﻗﺪ ﺫﺍﺑﺖ ﻋﻠﻰ ﻃﺮﻑ ﺍﻟﻠﺴﺎﻥ .. ﻋﻴﻮﻧﺎ ﺗﺤﻜﻲ ﺑﻠﻬﻔﻪ
.. ﻭﺷﻔﺎﻫﺎ ﺣﺎﺋﺮﻩ ﺑﻴﻦ ﺍﻻﺑﺘﺴﺎﻣﻪ ﻭﺍﻟﺼﺮﺍﺥ .. ﻋﻴﻮﻧﺎ ﺗﻠﺘﻘﻲ .. ﻫﻞ
ﺍﻧﻬﺖ ﺣﺪﻳﺜﻬﺎ .. ﻣﺘﻰ ﻳﺎﺗﻲ ﺩﻭﺭ ﺍﻟﺤﺮﻭﻑ ﻟﺘﻨﻄﻖ ؟
ﻏﺎﺯﻱ ﻛﺎﻧﺖ ﻋﻴﻮﻧﻪ ﺗﺘﺄﻣﻞ ﻋﻠﻴﺎ ﺑﺸﻮﻕ .. ﻭﻋﺪﻡ ﺗﺼﺪﻕ .. ﺍﻭﻝ ﻣﺮﻩ
ﻳﺸﻮﻓﻬﺎ ﺑﻬﺬﺍ ﺍﻟﺠﻤﺎﻝ .. ﻗﻤﺮ .. ﻛﺎﻧﺖ ﻻﺑﺴﻪ ﻓﺴﺘﺎﻥ ﺍﺯﺭﻕ ﻃﻮﻳﻞ
ﻭﺣﺎﻃﻪ ﺷﺎﻝ ﻋﻠﻰ ﻛﺘﻔﻬﺎ .. ﻭﻻ ﺑﺴﻪ ﻃﻘﻢ ﺫﻫﺐ ﺍﺑﻴﺾ ﻧﺎﻋﻢ ..
ﻣﺴﺘﺸﻮﺭﻩ ﺷﻌﺮﻫﺎ ﻭﻋﺎﻣﻠﻪ ﺭﻓﻌﻪ ﺧﻔﻴﻔﻪ ﻣﻦ ﻗﺪﺍﻡ ..
ﻏﺎﺯﻱ ﻭﺍﺧﻴﺮ ﻗﺮﺭ ﻳﺘﻜﻠﻢ ﻭﻳﻌﺒﺮ ﻋﻦ ﺷﻌﻮﺭﻩ .. ﺑﺼﻮﺕ ﺭﻣﻨﺴﻲ :
ﻋﻠﻴﺎ .. ﻭﺭﺑﻲ ﺍﺣﻠﻰ ﻣﻦ ﺍﻟﻘﻤﺮ
ﻋﻠﻴﺎ ﻧﺰﻟﺖ ﺭﺍﺳﻬﺎ ﺑﺤﻴﺎ .. ﻭﺍﺑﺘﺴﻤﺖ ﺍﺑﺘﺴﺎﻣﻪ ﻣﺮﺗﺒﻜﻪ : ...
ﻏﺎﺯﻱ ﻗﺮﺏ ﻣﻨﻬﺎ ﻭﺑﺎﺳﻬﺎ ﺑﺠﺒﻴﻨﻬﺎ .. ﻭﻟﻤﺎ ﺭﺟﻊ ﺧﻄﻮﻩ ﻟﻠﺨﻠﻒ ..
ﻧﺎﻇﺮ ﻓﻲ ﻋﻴﻮﻧﻬﺎ ﻭﺷﺎﻑ ﺍﻟﺪﻣﻮﻉ ﺑﺪﺕ ﺗﺘﺠﻤﻊ
ﻏﺎﺯﻱ ﺑﺘﺮﺟﻲ .. ﻭﺑﺼﻮﺕ ﺭﻣﻨﺴﻲ : ﻋﻠﻴﺎ ﻭﺍﻟﻠﻪ ﻣﺎ ﺍﻋﻴﺪﻫﺎ .. ﺑﺲ
ﺗﻜﻔﻴﻦ .. ﺩﺧﻴﻠﻚ ﺍﻻ ﺩﻣﻮﻋﻚ ﺗﺮﻯ ﻣﺎ ﺍﻗﻮﻯ ﻋﻠﻴﻬﻢ
ﻋﻠﻴﺎ ﻛﺎﻧﺖ ﺗﻨﺎﻇﺮ ﻏﺎﺯﻱ ﺑﻌﻴﻮﻥ ﺗﻤﻼﻫﺎ ﺍﻟﺪﻣﻮﻉ ( ﺩﻣﻮﻉ ﻋﻠﻴﺎ ﺗﻌﺸﻖ
ﺍﻻﺿﻮﺍﺀ ..
ﺑﺴﺮﻋﻪ ﺭﻣﺖ ﻋﻠﻴﺎ ﻧﻔﺴﻬﺎ ﺑﺤﻀﻦ ﻏﺎﺯﻱ .. ﻭﺧﺒﺖ ﻭﺟﻬﻬﺎ ﺑﻜﻔﻴﻨﻬﺎ ..
ﻭﺑﺪﺕ ﺗﺒﻜﻲ ﺑﺼﻮﺕ ﻣﺨﻨﻮﻕ
ﻋﻠﻴﺎ ﺑﺼﻮﺕ ﻛﻠﻪ ﺑﻜﺎ .. ﻭﺍﻃﻲ ﺷﻮﻱ : ﻏﺎﺯﻱ ﺍﻟﻠﻪ ﻳﺨﻠﻴﻚ ﻻ ﺗﺨﻠﻴﻨﻲ
..
ﺿﻤﻬﺎ ﻏﺎﺯﻱ ﺑﺤﻨﺎﻥ .. ﻭﻫﻮ ﻳﻘﻮﻝ : ﻭﻋﺪ ﻣﻨﻲ .. ﻣﺎ ﺭﺍﺡ ﺍﺧﻠﻴﻚ ..
/
*
*
/
ﻓﻲ ﺑﻴﺖ ﺑﻮ ﺷﻬﺎﺏ ..
ﺍﺭﻓﻌﺖ ﻳﺪﻫﺎ ﺑﺘﻌﺐ ﻭﺣﺎﻭﻟﺖ ﺗﺮﻛﺰ ﻋﻠﻰ ﺍﻻﺭﻗﺎﻡ ﺍﻟﻲ ﺗﺸﻴﺮ ﻟﻬﺎ
**** ﺏ ﺍﻟﺴﺎﻋﻪ .. (3 ﻭﻧﺺ ).. ﻣﺎ ﺑﻘﻰ ﺷﻲﺀ ﻋﻠﻰ ﺻﻼﺓ ﺍﻟﻔﺠﺮ ..
ﻭﺷﻬﺎﺏ ﻟﺴﻰ ﻣﺎ ﺟﺎ .. ﺣﺮﻛﺔ ﺍﻧﻔﺎﻝ ﺟﺴﺪﻫﺎ ﺑﺒﻄﺄ ﻭﺣﺴﺖ ﺑﺎﻟﻢ ﻓﻲ
ﻇﻬﺮﻫﺎ ﻣﻦ ﺍﻟﻮﺿﻌﻴﻪ ﺍﻟﺨﻄﺎ ﺍﻟﻲ ﻫﻲ ﺟﺎﻟﺴﺘﻬﺎ .. ﺍﻟﻜﺤﻞ ﺑﺪﻯ ﻳﺜﻘﻞ
ﻋﻠﻰ ﺍﺟﻔﺎﻧﻬﺎ .. ﻭﺍﻟﻤﺴﻜﺮﻩ ﺑﺪﺕ ﺗﻴﺒﺲ ﺭﻣﻮﺷﻬﺎ .. ﻭﺍﻟﻨﻮﻡ ﻣﻀﻴﻊ
ﺣﻮﺍﺳﻬﺎ .. ﻋﻴﻨﻬﺎ ﺗﺤﺮﻫﺎ ﻭﺩﻫﺎ ﺗﺤﻜﻬﺎ ﻟﻜﻦ ﺗﺨﺎﻑ ﺍﻟﻤﻴﻚ ﺍﺏ ..
ﻳﺨﺘﺮﺏ .. ﺭﺍﺳﻬﺎ ﻳﺎﻟﻤﻬﺎ .. ﻭﺷﻌﺮﻫﺎ ﻣﻀﺎﻳﻘﻬﺎ ﻭﺩﻫﺎ ﺗﺮﻓﻌﻪ .. ﺍﻟﺒﺮﺩ
ﺟﻤﺪﻫﺎ ﻭﺩﻫﺎ ﺗﻐﻴﺮ ﻣﻼﺑﺴﻬﺎ .. ﺳﻨﺪﺕ ﻇﻬﺮﻫﺎ ﻋﻠﻰ ﺍﻟﻜﻨﺐ ﻭﻧﺎﻇﺮﺕ
ﺍﻟﺒﺎﺏ ( ﺷﻜﻠﻪ ﻣﺎ ﺭﺍﺡ ﻳﺠﻲ .. ﻻ ﻫﻮ ﺍﻛﻴﺪ ﺑﺠﻲ .. ﺑﺲ ﻣﺘﺎﺧﺮ
ﻣﺪﺭﻱ ﺍﻗﻮﻡ ﺍﻏﻴﺮ ﻣﻼﺑﺴﻲ ﻭﻻ ﺍﻧﺘﻈﺮﻩ ﺑﻌﺪ .. ﺍﻟﻰ ﻣﺘﻰ ﻣﻦ ﺍﻟﺴﺎﻋﻪ
ﻭﺣﺪﻩ ﻭﺍﻧﺎ ﺟﺎﻟﺴﻪ ﺍﻧﺘﻈﺮﻩ ﺧﻼﺹ ﺗﻌﺒﺖ ) ﻗﺎﻣﺖ ﻣﻦ ﺍﻟﻜﺮﺳﻲ
ﻭﻧﺎﻇﺮﺓ ﻧﻔﺴﻬﺎ ﺑﺎﻟﻤﺮﺍﻳﻪ .. ﻛﺎﻥ ﻭﺩﻫﺎ ﻳﺸﻮﻓﻬﺎ ﺷﻬﺎﺏ ﻭﻫﻲ ﻛﺎﺷﺨﻪ
.. ﻓﺴﺨﺖ ﺍﻟﺬﻫﺐ ﻭﻣﺴﺤﺖ ﻣﻜﻴﺎﺟﻬﺎ ﺣﺴﺖ ﺑﺮﺍﺣﻪ ﺍﻟﺤﻴﻦ ﺗﻘﺪﺭ
ﺗﻔﺘﺢ ﻋﻴﻮﻧﻬﺎ ﻭﺗﺴﻜﺮﻫﺎ ﺑﺨﻔﻪ .. ﻏﻴﺮﺕ ﻣﻼﺑﺴﻬﺎ ﺑﺴﺮﻋﻪ ﻭﺣﻄﺖ
ﺍﻟﻔﺴﺘﺎﻥ ﻋﻠﻰ ﺍﻟﺴﺮﻳﺮ .. ﻭﺩﺧﻠﺖ ﺍﻟﺤﻤﺎﻡ ( ﻭﺍﻧﺘﻮ ﺑﻜﺮﺍﻣﻪ ) ﻋﻠﺸﺎﻥ
ﺗﻐﺴﻞ ﻭﺟﻬﻬﺎ ﻭﺗﺰﻳﻞ ﺑﻘﺎﻳﺎ ﺍﻟﻤﻴﻚ ﺍﺏ
ﺩﺧﻞ ﺷﻬﺎﺏ ﻓﻲ ﻫﺬﻱ ﺍﻟﻠﺤﻈﻪ ﺍﻟﻐﺮﻓﻪ .. ﻭﺗﻔﺎﺟﺎ ﻟﻤﺎ ﺷﺎﻑ ﺍﻟﺴﺮﻳﺮ
ﻋﻠﻰ ﺣﺎﻟﻪ .. ﻛﺎﻥ ﻣﺘﻮﻗﻊ ﻳﺮﺟﻊ ﻳﻼﻗﻴﻬﺎ ﻧﺎﻳﻤﻪ
ﻗﺮﺏ ﻣﻦ ﺍﻟﺴﺮﻳﺮ .. ﻭﺷﺎﻑ ﺍﻟﻔﺴﺘﺎﻥ ﺍﻻﺧﻀﺮ .. ﻋﻘﺪ ﺣﻮﺍﺟﺒﻪ
ﻭﺭﻓﻌﻪ .. ﻭﻓﺘﺤﻪ ﻭﻧﺎﻇﺮ ﻓﻴﻪ
ﻃﻠﻌﺖ ﺍﻧﻔﺎﻝ ﻣﻦ ﺍﻟﺤﻤﺎﻡ ﺑﺴﺮﻋﻪ ﻭﻛﺎﻧﺖ ﻣﺎﺳﻜﻪ ﺷﻌﺮﻫﺎ ﺑﺘﺮﻓﻌﻪ ..
ﺑﺲ ﻟﻤﺎ ﺷﺎﻓﺖ ﺷﻬﺎﺏ ﺣﻄﺘﻪ ﻋﻠﻰ ﺟﻨﺐ
ﺍﻧﻔﺎﻝ ﺑﺒﺘﺴﺎﻣﻪ : ﺷﻬﺎﺏ ﺟﻴﺖ
ﺷﻬﺎﺏ ﻭﻣﺎ ﺯﺍﻝ ﻣﺎ ﺳﻚ ﺍﻟﻔﺴﺘﺎﻥ .. ﺑﺘﺴﺎﺋﻞ : ﻟﻤﻴﻦ ﻫﺬﺍ ﺍﻟﻔﺴﺘﺎﻥ
ﺍﻧﻔﺎﻝ ﺑﺒﺘﺴﺎﻣﻪ ﻭﺑﺤﻴﺎ : ﻟﻲ
ﺷﻬﺎﺏ ﻧﺎﻇﺮ ﻓﻲ ﺍﻧﻔﺎﻝ ﺍﻟﻲ ﻛﺎﻥ ﺷﻌﺮﻫﺎ ﻣﻔﺘﻮﺡ ﻭﺧﻄﻼﺕ ﻣﻦ
ﺷﻌﺮﻫﺎ ﺟﺎﻱ ﻋﻠﻰ ﻋﻴﻮﻧﻬﺎ : ﻛﻨﺘﻲ ﻻ ﺑﺴﺘﻪ
ﺍﻧﻔﺎﻝ ﺑﺒﺘﺴﺎﻣﻪ : ﺍﻳﻪ
ﺷﻬﺎﺏ ﻫﻮ ﻳﻨﺎﻇﺮ ﺍﻟﻔﺴﺘﺎﻥ : ﻟﻴﻪ ﻣﺎ ﺩﻗﻴﺘﻲ ﻋﻠﻲ ﻋﻠﺸﺎﻥ ﺍﺟﻲ
ﺍﺧﺬﻛﻢ
.. ﻓﻲ ﻭﻗﺖ ﺍﻟﻐﺪﺍ .. ﺑﺎﻟﻤﻄﺒﺦ ..
ﻟﻴﻠﻰ ﻭﻫﻲ ﺗﻔﺘﺢ ﺍﻟﻔﺮﻥ ﺑﺤﺬﺭ ﻭﺗﻄﻞ ﻓﻴﻪ : ﺍﻧﻔﺎﻝ ﺍﻋﺘﻘﺪ ﺍﻧﻬﺎ
ﺍﺳﺘﻮﺕ
ﺍﻧﻔﺎﻝ ﻭﻫﻲ ﺗﻘﺮﺏ ﻣﻦ ﻟﻴﻠﻰ ﻭﺗﻄﻞ ﻓﻲ ﺍﻟﻔﺮﻥ : ﻻ ﻳﺒﻲ ﻟﻬﺎ ﺷﻮﻱ
ﻟﻴﻠﻰ ﻭﻫﻲ ﺗﺴﻜﺮ ﺍﻟﻔﺮﻥ ﺑﺤﺬﺭ : ﺍﺧﺎﻑ ﺗﺤﺘﺮﻕ
ﺍﻧﻔﺎﻝ ﻭﻫﻲ ﻣﺎﺳﻜﻪ ﺍﻟﺨﻼﻁ ﺗﺨﻠﻂ ﺍﻟﻜﺮﻳﻤﻪ : ﻻ ﻣﺎ ﺭﺍﺡ ﺗﺤﺘﺮﻕ
ﻟﻴﻠﻰ ﺑﺒﺘﺴﺎﻣﻪ ﻭﻫﻲ ﺗﻨﺎﻇﺮ ﺍﻧﻔﺎﻝ : ﻃﻠﻌﺖ ﺭﻳﺤﺘﺎﻫﺎ .. ﻣﺎ ﻧﻲ ﻗﺎﺩﺭﻩ
ﺍﺻﺒﺮ ﻣﺘﻰ ﺗﺴﺘﻮﻱ ﻭﺍﻗﻀﻲ ﻋﻠﻴﻬﺎ
ﺍﻧﻔﺎﻝ ﺑﺒﺘﺴﺎﻣﻪ ﻋﺮﻳﻀﻪ : ﻟﺴﻰ ﺑﺪﺭﻱ ﻋﻠﻴﻬﺎ .. ﺑﻄﻠﻌﻬﺎ ﻭﺑﺨﻠﻴﻬﺎ ﺗﺒﺮﺩ
ﺷﻮﻱ .. ﻭﺑﻌﺪﻳﻦ ﺑﺤﻂ ﻓﻮﻗﻬﺎ ﺍﻟﻜﺮﻳﻤﻪ ﻭﺑﺤﻄﻬﺎ ﺑﺎﻟﺜﻼﺟﻪ .. ﻳﻌﻨﻲ
ﺑﺘﻜﻮﻥ ﺟﺎﻫﺰﻩ ﺑﻌﺪ ﺍﻟﻐﺪﺍ .. ( ﻛﻤﻠﺖ ﻭﻫﻲ ﺗﻨﺎﻇﺮ ﻟﻴﻠﻰ ﺑﺘﺴﺎﺋﻞ ) ..
ﺷﻜﻠﻚ ﺗﺤﺒﻴﻦ ﺍﻟﺤﻠﻰ
ﻟﻴﻠﻰ : ﺍﻧﺎ ﺍﻛﺜﺮ ﻭﺣﺪﻩ ﻓﻲ ﺍﻟﺒﻴﺖ ﺗﺤﺐ ﺍﻟﺤﻠﻰ .. ﻟﻤﺎ ﺍﻣﻲ ﺗﺴﻮﻱ
ﺣﻠﻰ ﻣﺤﺪ ﻳﺎﻛﻠﻪ ﺍﻻ ﺍﻧﺎ ﻭﺑﻮﻱ
ﺍﻧﻔﺎﻝ ﺑﺘﺴﺎﺋﻞ : ﻭﺷﻬﺎﺏ ..
ﻟﻴﻠﻰ : ﺷﻬﺎﺏ ﺫﻭﻗﻪ ﺻﻌﺐ ﺑﺎﻻﻛﻞ .. ﻣﻮ ﺃﻱ ﺷﻲﺀ ﻳﺤﺒﻪ ﻭﺧﺎﺹ
ﺍﻟﺤﻠﻰ ﻣﺎ ﻳﺎﻛﻞ ﺍﻻ ﺑﺎﻟﻤﻨﺎﺳﺒﺎﺕ .. ﻫﻮ ﺗﻘﺪﺭﻳﻦ ﺗﺴﻤﻴﻨﻪ ﻣﺪﻣﻦ
ﻣﺸﺮﻭﺑﺎﺕ .. ﺑﻴﺒﺴﻲ .. ﻋﺼﻴﺮﺍﺕ .. ﻗﻬﻮﻩ ﺷﺎﻱ ..
... ﺍﻃﻠﻌﺖ ﻟﻴﻠﻰ ﻣﻦ ﺍﻟﻤﻄﺒﺦ ﻭﺻﺎﺩﻓﺖ ﺷﻬﺎﺏ ﺗﻮﻩ ﺩﺍﺧﻞ ﺍﻟﺒﻴﺖ ..
ﻭﺑﻴﺪﻩ ﻣﻠﻔﺎﺕ
ﻟﻴﻠﻰ ﺑﺒﺘﺴﺎﻣﻪ : ﻫﻼﺍﺍ ﺷﻬﺎﺏ .. ( ﻛﻤﻠﺖ ﻭﻫﻲ ﺗﻨﺎﻇﺮ ﺍﻟﻤﻠﻔﺎﺕ ) ..
ﺷﻜﻠﻚ ﺩﺍﻭﻣﺖ ﺍﻟﻴﻮﻡ
ﺷﻬﺎﺏ ﺑﺒﺘﺴﺎﻣﻪ ﺧﻔﻴﻔﻪ : ﻫﻼﺍﺍ ﻟﻴﺎﻝ .. ﻻ ﻣﺎ ﺩﺍﻭﻣﺖ ﺑﺲ ﻣﺮﻳﺖ
ﺍﻟﺸﺮﻛﻪ ﻭﺧﺬﻳﺖ ﺑﻌﺾ ﺍﻟﻤﻠﻔﺎﺕ ﺑﺮﺍﺟﻌﻬﻢ ﺑﺎﻟﺒﻴﺖ
ﻟﻴﻠﻰ : ﺍﻫﺎﺍﺍﺍ .. ﺗﺮﻯ ﺍﻧﻔﺎﻝ ﺑﺎﻟﻤﻄﺒﺦ ﺗﺒﻴﻨﻲ ﺍﻧﺎﺩﻳﻪ ﻟﻚ
ﺷﻬﺎﺏ ﺑﺴﺮﻋﻪ : ﻻ .. ﻳﺎﻟﻠﻪ ﺍﻧﺎ ﺑﺼﻌﺪ ﻓﻮﻕ ﺍﺭﺗﺎﺡ
ﻟﻴﻠﻰ ﻭﻫﻲ ﺗﺸﻮﻑ ﺷﻬﺎﺏ ﻳﺼﻌﺪ ﺍﻟﺪﺭﺝ : ﺷﻬﺎﺏ ﻣﺎ ﺗﺒﻲ ﻏﺪﺍ
ﺷﻬﺎﺏ ﻭﻗﻒ ﻭﺍﻟﺘﻔﺖ ﻋﻠﻴﻬﺎ : ﻻ ﻣﺎ ﺍﺑﻲ .. ﺑﺲ ﺳﻮﻱ ﻟﻲ ﻋﺼﻴﺮ
ﺑﺮﺗﻘﺎﻝ
ﺩﺧﻞ ﺷﻬﺎﺏ ﺍﻟﻐﺮﻓﻪ ﻭﺑﺪﻝ ﻣﻼﺑﺴﻪ ﻭﺟﻠﺲ ﻋﻠﻰ ﺍﻟﻜﻨﺐ ﻳﺮﺍﺟﻊ
ﺍﻻﻭﺭﺍﻕ .. ﺑﻌﺪ ﺛﻠﺚ ﺳﺎﻋﻪ ﺗﻐﺮﻳﺒﺎ ﺩﺧﻠﺖ ﺍﻧﻔﺎﻝ ﺣﺎﻣﻠﻪ ﺻﻨﻴﻪ ..
ﺍﻧﻔﺎﻝ ﻭﻫﻲ ﺗﺤﻂ ﺍﻟﺼﻨﻴﻪ ﻋﻠﻰ ﺍﻟﻄﺎﻭﻟﻪ .. ﺑﺒﺘﺴﺎﻣﻪ : ﺗﻔﻀﻞ
ﺑﺪﻭﻥ ﻣﺎ ﻳﺮﻓﻊ ﺭﺍﺳﻪ ﻧﺎﻇﺮ ﺍﻟﺼﻨﻴﻪ ﺑﻄﺮﻑ ﻋﻴﻨﻪ .. ﻭﺭﺟﻊ ﻳﻜﻤﻞ
ﺷﻐﻠﻪ ﻛﺎﻧﺖ ﺍﻟﺼﻨﻴﻪ ﺗﺤﻮﻱ ﺻﺤﻦ ﻓﻴﻪ ﻗﻄﻌﺔ ﻛﻴﻚ ﻋﻠﻰ ﻛﺮﻳﻤﻪ ..
ﻣﻊ ﻛﺎﺳﻴﻦ ﻋﺼﻴﺮ ﺑﺮﺗﻘﺎﻝ
ﺍﻧﻔﺎﻝ ﻭﻫﻲ ﺗﺠﻠﺲ ﻋﻠﻰ ﺍﻟﻜﻨﺒﻪ : ﺳﺨﺒﺎﺭﻙ .. ﻭﺷﺨﺒﺎﺭ ﺍﻟﺸﻐﻞ ﻣﻌﻚ
ﺷﻬﺎﺏ ﺑﺪﻭﻥ ﻣﺎ ﻳﺮﻓﻊ ﺭﺍﺳﻪ .. ﻭﺑﺮﻭﺩ : ﺑﺨﻴﺮ
ﺑﻌﺪ ﺩﻗﺎﻳﻖ ﻣﻦ ﺍﻟﺼﻤﺖ .. ﻇﻠﺖ ﻓﻴﻬﺎ ﺍﻧﻔﺎﻝ ﺗﺮﺍﻏﺐ ﺷﻬﺎﺏ ﻭﻫﻮ
ﻣﺸﻐﻮﻝ ﻳﻘﻠﺐ ﺍﻻﻭﺭﺍﻕ ﻭﺩﻫﺎ ﺗﺴﻮﻟﻒ ﻣﻌﻪ ﻟﻜﻨﻬﺎ ﻣﺎ ﺣﺒﺖ ﺗﺰﻋﺠﻪ ..
ﻭﺗﺸﺘﺖ ﺗﺮﻛﻴﺰﻩ .. ﻗﺎﻣﺖ ﻭﺟﺎﺑﺖ ﻟﻬﺎ ﻛﺘﺎﺏ ﺗﻘﺮﺍ ﻓﻴﻪ
ﺭﻓﻊ ﺷﻬﺎﺏ ﺭﺍﺳﻪ .. ﻭﻣﺪ ﻳﺪﻩ ﻭﺭﻓﻊ ﻋﺼﻴﺮ ﺍﻟﺒﺮﺗﻘﺎﻝ ﻭﻗﺒﻞ ﻻ ﻳﺸﺮﺏ
ﻣﻨﻪ ﺷﺎﻑ ﺍﻧﻔﺎﻝ ﻣﺎﺳﻜﻪ ﻛﺘﺎﺏ ﻭﺗﻘﺮﺍ ﻓﻴﻪ
ﺷﻬﺎﺏ ﺑﺘﺴﺎﺋﻞ : ﻛﺘﺎﺏ ﺍﻳﺶ ﻫﺬﺍ
ﺍﺭﻓﻌﺖ ﻋﻴﻨﻬﺎ ﻣﻦ ﻋﻠﻰ ﺍﻟﻜﺘﺎﺏ .. ﻭﻧﺎﻇﺮﺕ ﺷﻬﺎﺏ ..ﺑﺒﺘﺴﺎﻣﻪ :
ﻗﺼﺔ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﻭﺍﺻﻞ ﺍﻻﺷﻴﺎﺀ .. ( ﻛﻤﻠﺖ ﻭﻫﻲ ﺗﺴﻜﺮ
ﺍﻟﻜﺘﺎﺏ ﻭﺗﺘﺎﻣﻞ ﺍﻟﻐﻼﻑ .. ﺑﺒﺘﺴﺎﻣﻪ ) ﻫﺬﺍ ﺍﻟﻜﺘﺎﺏ ﻋﺰﻳﺰ ﻋﻠﻲ ﻻﻧﻪ
ﻫﺪﻳﻪ ﻣﻦ ﺻﺪﻳﻘﺘﻲ ﺩﻻﻝ
ﺷﻬﺎﺏ ﺑﻌﺪ ﻣﺎ ﺭﺷﻒ ﺭﺷﻔﻪ ﻣﻦ ﺍﻟﻌﺼﻴﺮ : ﺍﻫﺎﺍﺍ .. ﻭﻋﻦ ﺍﻳﺶ ﻳﺘﻜﻠﻢ
ﺍﻧﻔﺎﻝ ﺑﺒﺘﺴﺎﻣﻪ ﻋﺮﻳﻀﻪ .. ﻭﺑﻨﻔﻌﺎﻝ : ﻣﻮ ﻳﻘﻮﻟﻮﻥ ﺍﻟﺤﺎﺟﻪ ﺍﻡ
ﺍﻻﺧﺘﺮﺍﻉ .. ﻫﺬﺍ ﺍﻟﻜﺘﺎﺏ ﺷﺎﻣﻞ ﻛﻞ ﺷﻲﺀ .. ﻛﻞ ﺍﻻﺷﻴﺎﺀ ﺍﻟﻲ
ﻧﺴﺘﺨﺪﻣﻬﺎ ﺑﺤﻴﺎﺗﻨﺎ ﻟﻬﺎ ﺍﺻﻞ ﺑﺎﻟﺘﺎﺭﻳﺦ .. ﻭﺍﻟﻌﺎﺩﺍﺕ ﻟﻬﺎ ﻗﺼﻪ .. ﻣﺜﻼ
ﻟﻤﺎ ﻧﺘﺜﺎﻭﺏ ﻧﺤﻂ ﻳﺪﻧﺎ ﻋﻠﻰ ﻓﻤﻨﺎ ﻣﻦ ﺑﺎﺏ ﺍﻻﺩﺏ .. ﻗﺪﻳﻤﺎ ﻛﺎﻥ
ﻳﻈﻨﻮﻥ ﺍﻥ ﻟﻤﺎ ﻳﺘﺜﺎﻭﺏ ﺍﻟﺸﺨﺺ ﺑﺘﻄﻠﻊ ﺭﻭﺣﻪ ﻭﺑﻔﺎﺭﻕ ﺍﻟﺤﻴﺎﻩ ..
ﻋﻠﺸﺎﻥ ﻛﺬﺍ ﻛﺎﻥ ﻟﻤﺎ ﻳﺘﺜﺎﻭﺑﻮﻥ ﻳﺤﻄﻮﻥ ﻳﺪﻫﻢ ﻋﻠﻰ ﻓﻤﻬﻢ ﻋﻠﺸﺎﻥ ﻣﺎ
ﺗﻄﻠﻊ ﺭﻭﺣﻬﻢ .. ( ﻛﻤﻠﺖ ﻭﻫﻲ ﺗﻨﺎﻇﺮ ﺍﻟﺸﻮﻛﻪ ) ﻋﺎﺩ ﺗﺼﺪﻕ ﻫﺬﺍ
ﺍﻟﺸﻮﻛﻪ ﺍﻟﻲ ﻧﺎﻛﻞ ﻓﻴﻬﺎ ﺣﻜﺎﻳﺘﻬﺎ ﺣﻜﺎﻳﻪ ..
ﺷﻬﺎﺏ ﺑﻬﺘﻤﺎﻡ ﻭﻫﻮ ﻳﻨﺎﻇﺮ ﺍﻟﺸﻮﻛﻪ : ﻭﺵ ﺣﻜﺎﻳﺘﻬﺎ
ﺍﻧﻔﺎﻝ ﺑﺒﺘﺴﺎﻣﻪ : ﻗﺒﻞ ﻻ ﻳﺨﺘﺮﻋﻮﻥ ﺍﻟﺴﻜﻴﻨﻪ ﻭﺍﻟﻤﻠﻌﻘﻪ ﻭﺍﻟﺸﻮﻛﻪ ..
ﻓﻲ ﺍﻟﺮﻭﻣﺎﻥ ﻛﺎﻧﻮ ﺍﻟﻨﺒﻼﺀ ﻳﺎﻛﻠﻮﻥ ﺑﺜﻼﺙ ﺍﺻﺎﺑﻊ ﺍﻣﺎ ﻋﺎﻣﺔ ﺍﻟﺸﻌﺐ
ﻛﺎﻧﻮ ﻳﺎﻛﻠﻮﻥ ﺑﺨﻤﺲ ﺍﺻﺎﺑﻊ .. ﻭﻳﻌﺘﺒﺮﻭﻥ ﺍﻟﺸﺨﺺ ﺍﻟﻲ ﻳﺎﻛﻞ ﺑﺨﻤﺲ
ﺍﺻﺎﺑﻊ ﺷﺨﺺ ﻏﻴﺮ ﻣﻬﺬﺏ ﻭﻗﻠﻴﻞ ﺍﺩﺏ ..ﻃﺒﻌﺎ ﺍﻻﺛﺮﻳﺎﺀ ﻫﻢ ﺍﻟﻲ
ﺍﺳﺘﺨﺪﻭﻡ ﺍﻟﺸﻮﻙ ﻟﻼﻛﻞ .. ﻭﻛﺎﻥ ﻳﺼﻨﻌﻮﻧﻬﺎ ﻣﻦ ﺍﻟﺬﻫﺐ ﻭﺍﻟﻔﻀﻪ
ﻭﻛﻞ ﻭﺍﺣﺪ ﻳﺪﻟﻊ ﺑﺸﻮﻛﺘﻪ ﻓﻲ ﺍﻟﻌﺸﺎﺀ ﺍﻻﺟﺘﻤﺎﻋﻲ .. ﻭﺍﻧﻘﻄﻊ ﺍﻟﻨﺎﺱ
ﻋﻦ ﺍﺳﺘﺨﺪﺍﻣﻬﺎ ﻓﺘﺮﻩ ﻃﻮﻳﻠﻪ ﻟﻤﺎ ﻣﺎﺗﺖ ﺳﻴﺪﻩ ﺑﻌﺪ ﻣﺎ ﻛﻠﺖ ﺑﺸﻮﻛﻪ
ﻭﻗﺎﻟﻮ ﺍﻟﻜﻬﻨﻪ ﺍﻥ ﻫﺬﻱ ﻋﻘﻮﺑﻪ ﺳﻤﺎﻭﻳﻪ ﻻﻧﻬﺎ ﻛﻠﺖ ﺑﺎﻟﺸﻮﻛﻪ .. ﻭﺻﺪﻕ
ﺍﻟﻨﺎﺱ .. ﻭﻫﻲ ﺍﺳﺎﺱ ﻣﺎﺗﺖ ﺑﺴﺒﺐ ﻭﺑﺎﺀ
ﺗﺪﺭﻱ ﺍﻥ ﻓﻲ ﺍﻧﻜﻠﺘﺮﻩ ﻛﺎﻧﻮ ﻳﻌﺎﻗﺒﻮﻥ ﺍﻻﺷﺨﺎﺹ ﺍﻟﻲ ﻳﺎﻛﻠﻮﻥ ﺑﺸﻮﻛﻪ
.. ﻭﺑﻌﺪ ﻗﺮﻧﻴﻦ .. ﺭﺟﻌﻮ ﺍﻟﻨﺒﻼﺀ ﻳﺴﺘﺨﺪﻣﻮﻥ ﺍﻟﺸﻮﻛﻪ ﺑﺲ ﻣﻮ ﻟﻼﻛﻞ
.. ﻟﻠﻤﺒﺎﺭﺯﻩ ﺑﺪﻝ ﺍﻟﺴﻴﻒ .. ﻭﺗﻔﺎﺧﺮ ﻓﻜﺎﻥ ﻛﻞ ﺍﻣﻴﺮ ﻳﻘﻴﻢ ﻋﻠﻰ
ﺣﺴﺐ ﺍﻟﺸﻮﻙ ﺍﻟﻲ ﻋﻨﺪﻩ ﻃﺒﻌﺎ ﻛﺎﻧﺖ ﻣﺰﻳﻨﻪ ﺑﺎﻻﻟﻤﺎﺱ ﻭﺍﻻﺣﺠﺎﺭ ..
ﻋﻨﺪﻙ ﺷﻮﻛﻪ ﻣﻌﻨﺎﺕ ﻣﺮﻛﺰﻙ ﺍﻻﺟﺘﻤﺎﻋﻲ ﻋﺎﻟﻲ ﻣﺎ ﻋﻨﺪﻙ ﺷﻮﻛﻪ
ﻓﻘﻴﺮﻭﻣﺎﻟﻚ ﻗﻴﻤﻪ ﺑﻌﺪ ﺛﻼﺙ ﻗﺮﻭﻥ ﻃﻠﻌﺖ ﺍﻟﺸﻮﻛﻪ ﻓﻲ ﺍﻳﻄﺎﻟﻴﺎ ..
ﺑﺲ ﻛﺎﻧﺖ ﻣﺴﺨﺮﻩ ﻟﺮﺟﺎﻝ .. ﺃﻱ ﺭﺟﻞ ﻳﺎﻛﻞ ﺑﺸﻮﻛﻪ ﻛﺎﻥ ﻳﺘﻤﺴﺨﺮﻭﻥ
ﻋﻠﻴﻪ ﻭﻳﻀﺤﻜﻮﻥ ﻭﻣﺎ ﻳﻌﺘﺒﺮﻭﻧﻪ ﺭﺟﺎﻝ ﻛﺎﻣﻞ ﻻﻥ ﺍﻟﺸﻮﻛﻪ ﻛﺎﻧﺖ ﺭﻣﺰ
ﺍﻟﺪﻟﻊ ﻭﺍﻟﺮﻗﻪ ﻭﺍﻛﺜﺮ ﺷﻲﺀ ﻳﺴﺘﺨﺪﻣﻮﻧﻬﺎ ﺍﻟﻨﺴﺎﺀ
ﺷﻬﺎﺏ ﺑﻨﺪﻣﺎﺝ .. ﻣﺪ ﻳﺪﻩ ﻭﻣﺴﻚ ﺍﻟﺸﻮﻛﻪ ﻭﻗﻄﻊ ﺍﺑﻬﺎ ﻗﻄﻌﻪ ﻣﻦ
ﺍﻟﻜﻴﻚ .. ﻭﻛﻼﻫﺎ .. ﻭﻫﻮ ﻳﻘﻮﻝ : ﻳﻌﻨﻲ ﺍﻟﺤﻴﻦ ﻫﺬﻱ ﺍﻟﺸﻮﻛﻪ .. ﻳﻄﻠﻊ
ﻣﻨﻬﺎ ﻛﻞ ﻫﺬﺍ
ﺍﻧﻔﺎﻝ ﺑﺒﺘﺴﺎﻣﻪ : ﺯﻳﻦ .. ﻗﻮﻝ ﻭﺵ ﺭﺍﻳﻚ ﺑﺎﻟﻜﻴﻜﻪ
ﺷﻬﺎﺏ : ﺣﻠﻮﻩ
/
*
*
/
ﻓﻲ ﺑﻴﺖ ﺍﻻﻫﻞ ..
ﻏﺎﺯﻱ ﻭﻫﻮ ﻳﻨﺎﻇﺮ ﻓﻲ ﻋﻠﻴﺎ : ﺗﺼﺪﻗﻴﻦ ﻳﺎ ﻋﻠﻴﺎ ﺍﻥ ﺍﻣﺲ ﻣﺎ ﻗﺪﺭﺕ
ﺍﻧﺎﻡ .. ﺍﺧﺎﻑ ﺍﻧﺎﻡ ﻭﺻﺤﻰ ﻭﻳﻄﻠﻊ ﺣﻠﻢ
ﻋﻠﻴﺎ ﺑﺒﺘﺴﺎﻣﻪ ﺧﻔﻴﻔﻪ : ﺣﺘﻰ ﺍﻧﺎ ﺍﻣﺲ ﻣﺎ ﺟﺎﻧﻲ ﻧﻮﻡ
ﻏﺎﺯﻱ ﺑﺒﺘﺴﺎﻣﺔ ﺧﺒﺚ : ﺍﻛﻴﺪ ﻣﺎ ﺭﺍﺡ ﻳﺠﻴﻚ ﻧﻮﻡ ﻻﻥ ﻗﻠﺒﻚ ﻋﻠﻰ
ﻗﻠﺒﻲ .. ﻛﻴﻒ ﺗﻨﺎﻣﻴﻦ ﻭﺍﻧﺎ ﺻﺎﺣﻲ
ﻋﻠﻴﺎ ﻧﺰﻟﺖ ﺭﺍﺳﻬﺎ ﺑﺤﻴﺎ .. ﻭﺿﻤﺖ ﻳﺪﻫﺎ ﺑﺤﻈﻨﻬﺎ
ﻏﺎﺯﻱ ﺑﺒﺘﺴﺎﻣﻪ ﺟﺎﻧﻴﻪ : ﺍﻣﻮﺕ ﺍﻧﺎ ﻓﻲ ﺍﻟﻲ ﻳﺴﺘﺤﻮﻥ .. ( ﻛﻤﻞ ﻫﻮ
ﻳﻔﺘﺢ ﺍﻟﻜﻴﺲ ) .. ﺗﻌﺎﻟﻲ ﺷﻮﻓﻲ ﻭﺵ ﺍﻟﻲ ﺟﺎﻳﺐ ﻟﻚ ..ﻏﺪﺍ ﻋﻠﻰ
ﻛﻴﻒ ﻛﻴﻔﻚ .. ﺍﻟﻴﻮﻡ ﻧﺎﻭﻳﻨﻬﺎ ﺍﻧﺎ ﻭﺍﻧﺘﻲ ﺑﺎﻟﺨﻤﺲ
ﻋﻠﻴﺎ ﺍﺑﺘﺴﻤﺖ ﺍﺑﺘﺴﺎﻣﻪ ﺍﺷﺒﻪ ﺑﺎﻟﻀﺤﻚ ﻻﻥ ﻏﺎﺯﻱ ﻓﻲ ﺟﻤﻴﻊ ﺣﺎﻻﺗﻪ
ﻣﺎ ﻳﻨﺴﻰ ﺑﻄﻨﻪ .. ﺗﻮﻩ ﺑﺘﻘﻮﻡ ﺍﺳﻮﻗﻔﻬﺎ ﻏﺎﺯﻱ
ﻏﺎﺯﻱ ﺑﺘﺴﺎﺋﻞ : ﻋﻠﻰ ﻭﻳﻦ
ﻋﻠﻴﺎ ﺑﺼﻮﺕ ﻭﺍﻃﻲ : ﺑﺮﻭﺡ ﺍﺟﻴﺐ ﺻﺤﻮﻥ ﻭﻣﻼﻋﻖ
ﻏﺎﺯﻱ : ﻻ ﻻ ﺗﺮﻭﺣﻴﻦ .. ﺍﻗﻮﻟﻚ ﻧﺎﻭﻳﻨﻬﺎ ﺍﻧﺎ ﻭﺍﻧﺘﻲ ﺑﺎﻟﺨﻤﺲ ..
ﺑﻌﺪﻳﻦ ﻻ ﺗﺒﻌﺪﻳﻦ ﻋﻨﻲ ﻣﻮ ﻛﻔﺎﻳﻪ ﺍﻣﺲ ﺍﺧﻮﻙ ﻭﺍﻓﻲ ﺟﺎﻟﺲ ﻋﻠﻰ
ﺭﺍﺳﻲ ﻣﺎ ﺭﺗﺎﺡ ﺍﻻ ﻟﻤﺎ ﻃﻠﻌﺖ ﻣﻦ ﺍﻟﺒﻴﺖ ﻣﻮ ﺭﺍﺿﻲ ﻳﻔﻬﻢ ﺍﻥ ﺍﻧﺘﻲ
ﺍﻟﺤﻴﻦ ﻣﺮﺗﻲ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﻟﻮ ﺍﺧﻄﻔﻚ ﻣﺤﺪ ﻳﻘﺪﺭ
ﻳﻄﺎﻟﺒﻨﻲ ﻓﻴﻚ .. ( ﻛﻤﻞ ﻭﻫﻮ ﻳﻔﺘﺢ ﺻﺤﻦ ﺍﻟﻜﺒﺴﻪ ) .. ﻳﺎﻟﻠﻪ ﺳﻢ
ﺑﺴﻢ ﻟﻠﻪ
ﻋﻠﻴﺎ ﺷﻬﻴﺘﻬﺎ ﻣﻔﺘﻮﺣﻪ .. ﻭﺩﻫﺎ ﺗﺎﻛﻞ ﻻﻧﻬﺎ ﺍﻣﺲ ﻣﺎ ﻛﻠﺖ ﺷﻲﺀ ..
ﺑﺲ ﻣﺎ ﻫﻲ ﻋﺎﺭﻓﻪ ﻛﻴﻒ ﻭﻣﺴﺘﺤﻴﻪ ﻟﻮ ﺑﺘﺎﻛﻞ ﺑﺎﻟﺨﻤﺲ ﺑﺘﺴﻮﻱ
ﻓﻮﺿﻪ .. ﻟﻤﺎ ﺷﺎﻓﺖ ﻏﺎﺯﻱ ﺑﺪﺍ ﻳﺎﻛﻞ ..ﺗﺸﺠﻌﺖ ﻭﻣﺪﺕ ﻳﺪﻫﺎ ﻭﻛﻠﺖ
..
ﻏﺎﺯﻱ ﻭﻫﻮ ﻳﺎﻛﻞ : ﺷﻮﻓﻲ ﺍﻧﺎ ﺑﺎﻛﻞ ﺭﺑﻊ ﺍﻟﺼﺤﻦ ﻭﺍﻧﺘﻲ ﺍﻛﻞ ﺍﻟﺒﺎﻗﻲ
.. ﺗﺮﻯ ﺍﻧﺎ ﻣﺎ ﺍﺣﺐ ﺍﻟﺠﺴﻢ ﻳﻜﻮﻥ ﺿﻌﻴﻒ ﺍﻟﺤﻤﺪﻟﻠﻪ ﻋﻠﻰ ﺍﻟﻨﻌﻢ ﻣﺤﻨﺎ
ﺑﻤﺠﺎﻋﻪ .. ﺍﺑﻴﻚ ﺗﺼﻴﺮﻳﻦ ﺩﺑﻪ ﻣﺎ ﺗﺪﺧﻠﻴﻦ ﻣﻦ ﺍﻟﺒﺎﺏ
ﻋﻠﻴﺎ ﻭﻫﻲ ﺗﺪﺧﻞ ﺍﻟﻠﻘﻤﻪ ﺑﻔﻤﻬﺎ .. ﺑﺒﺘﺴﺎﻣﻪ : ﺍﻥ ﺷﺄﻟﻠﻪ
ﺑﻌﺪ ﻣﺎ ﺧﻠﺼﻮ ﺍﻛﻞ .. ﻃﺒﻌﺎ ﻋﻠﻴﺎ ﻣﺎ ﻛﻠﺖ ﺍﻟﻰ ﻗﻠﻴﻞ .. ﻭﻏﺎﺯﻱ ﻫﻮ
ﺍﻟﻲ ﻛﻞ ﺍﻛﺜﺮ
ﻏﺎﺯﻱ ﻭﻫﻮ ﻳﻨﺎﻇﺮ ﻓﻲ ﻋﻠﻴﺎ ﺑﺴﺘﻬﺒﺎﻝ : ﻋﻠﻴﺎ ﻣﺎ ﺍﺷﻮﻓﻚ ﻣﺘﻨﺘﻲ
ﻋﻠﻴﺎ : ﻫﻬﻬﻬﻬﻬﻬﻪ ﺍﻻﻛﻞ ﻣﺎ ﺑﻌﺪ ﻳﻮﺻﻞ ﺍﻟﻤﻌﺪﻩ
ﺩﻕ ﻓﻲ ﻫﺬﻱ ﺍﻟﻠﺤﻈﻪ ﺟﻮﺍﻝ ﻏﺎﺯﻱ .. ﻃﻠﻌﻪ ﺑﺴﺮﻋﻪ ﻣﻦ ﻣﺨﺘﺎﺑﺘﻪ
ﻭﻧﺎﻇﺮ ﺍﻟﺸﺎﺷﻪ
ﻏﺎﺯﻱ ﻭﻫﻮ ﻗﺎﻳﻢ : ﺛﻮﺍﻧﻲ ﺑﻄﻠﻊ ﺍﻛﻠﻢ ﻭﺑﺮﺟﻊ
ﻃﻠﻊ ﻏﺎﺯﻱ ﻣﻦ ﺍﻟﻤﺠﻠﺲ ﻭﻗﻒ .. ﺑﻌﻴﺪ ﺷﻮﻱ ﻋﻦ ﺍﻟﺒﺎﺏ ﻭﻋﻠﻰ ﻃﻮﻝ
ﺭﺩ .
ﻏﺎﺯﻱ ﺑﺠﺪﻳﻪ : ﻋﻼﻣﻚ ﻳﺎ ﺍﺧﻮﻱ ﺍﻣﺲ ﺍﺩﻕ ﻋﻠﻴﻚ ﻣﺎ ﺗﺪﺭ ﺷﻐﻠﺖ
ﺑﺎﻟﻲ .. ﺍﻟﻠﻪ ﻳﺤﻔﻈﻚ
ﺟﻮﺍﺩ : ﻫﻼﺍﺍ ﻏﺎﺯﻱ .. ﺷﺨﺒﺎﺭﻙ
ﻏﺎﺯﻱ : ﺍﻧﺎ ﺑﺨﻴﺮ ﺍﻧﺖ ﻃﻤﻨﻲ ﻋﻠﻴﻚ .. ﻋﺴﺎ ﻣﺎ ﺷﺮ ﻟﻴﻪ ﺍﻣﺲ ﻣﺎ
ﺟﻴﺖ ﺍﻧﺖ ﻗﺎﻳﻞ ﻟﻲ ﺑﺘﺠﻲ
ﺟﻮﺍﺩ : ﻣﺒﺮﻭﻭﻭﻙ ﻳﺎﺧﻮﻱ .. ﻭﺳﺎﻣﺤﻨﻲ ﻻﻧﻲ ﻣﺎ ﺟﻴﺖ
ﻏﺎﺯﻱ : ﺍﻟﻠﻪ ﻳﺒﺎﺭﻙ ﻓﻴﻚ .. ﻃﻤﻨﻲ ﻋﻠﻴﻚ ﻭﻋﻠﻰ ﺍﻟﻮﺍﻟﺪﻩ ﻭﺍﺑﻮﻱ
ﻭﺧﻮﺍﻧﻲ ﻋﺴﺎﻫﻢ ﺑﺨﻴﺮ ﻭﻣﺮﺗﺎﺣﻴﻦ
ﺟﻮﺍﺩ ﺑﺸﻮﻳﺖ ﺿﻴﻘﻪ : ﻭﺍﻟﻠﻪ ﺑﺼﺮﺍﺣﻪ ﻳﺎ ﻏﺎﺯﻱ ﻣﺎ ﺍﺩﺭﻱ ﻭﺵ ﺍﻗﻮﻟﻚ
ﻏﺎﺯﻱ ﺑﺨﻮﻑ : ﻗﻮﻝ ﻳﺎ ﺧﻮﻱ ﻋﻼﻣﻚ .. ﻭﺵ ﺍﻟﻲ ﺣﺼﻞ
ﺟﻮﺍﺩ ﺑﻀﻴﻘﻪ : ﻭﺍﻟﻮﺍﻟﺪﻩ ﺍﻣﺲ ﺍﺗﻌﺒﺖ ﻋﻠﻴﻨﺎ ﻭﺧﺬﻳﻨﺎﻫﺎ ﻟﻠﻤﺴﺘﺸﻔﻰ
ﻏﺎﺯﻱ ﺑﺨﻮﻑ : ﻭﺵ ﻓﻴﻬﺎ
ﺟﻮﺍﺩ : ﺍﺭﺗﻔﻊ ﻋﻨﺪﻫﺎ ﺍﻟﻀﻐﻂ ﻭﺍﻟﺴﻜﺮﻱ .. ﻭﻧﻮﻣﻮﻫﺎ ﺑﺎﻟﻤﺴﺘﺸﻔﻰ ..
ﻋﻠﺸﺎﻥ ﻛﺬﺍ ﻣﺎ ﻗﺪﺭﺕ ﺍﺟﻲ ﺍﻣﺲ ﻭﺩﻗﻴﺖ ﺍﻗﻮﻟﻚ ﺑﻌﺪ ﺗﺮﻯ ﺍﻣﻲ ﺗﺒﻲ
ﺗﺸﻮﻓﻚ ﻭﻣﺎﻓﻲ ﻋﻠﻰ ﻟﺴﺎﻧﻬﺎ ﺍﻻ ﻭﻟﺪﻫﺎ ﻏﺎﺯﻱ
ﻏﺎﺯﻱ ﺑﺪﻭﻥ ﺗﻔﻜﻴﺮ : ﺧﻼﺹ ﻣﺴﺎﻓﺔ ﺍﻟﻄﺮﻳﻖ ﻭﺍﻧﺎ ﻋﻨﺪﻛﻢ .. ﺑﺲ
ﺍﻟﻠﻪ ﻳﺨﻠﻴﻚ ﻳﺎ ﺟﻮﺍﺩ ﻃﻤﻦ ﺍﻣﻲ ﻭﻗﻞ ﻟﻬﺎ ﺍﻧﻲ ﺟﺎﻱ
ﺳﻜﺮ ﻏﺎﺯﻱ ﺟﻮﺍﻟﻪ ﻭﺩﺧﻠﻪ ﺑﺠﻴﺒﻪ ﺑﻀﻴﻘﻪ .. ﻫﻠﺖ ﺍﻟﻬﻤﻮﻡ ﻓﺠﺄﻩ ..
ﻭﺿﺎﻗﺖ ﻓﻴﻪ ﺍﻟﺪﻧﻴﺎ ﺑﻌﺪ ﻣﺎ ﻛﺎﻧﺖ ﻣﻮ ﺳﺎﻳﻌﺘﻪ ﻣﻦ ﺍﻟﻔﺮﺣﻪ .. ﻣﻮ
ﻋﺎﺭﻑ ﻛﻴﻒ ﻳﻘﻮﻝ ﻟﻌﻠﻴﺎ ﺍﻥ ﻫﻮ ﻻﺯﻡ ﻳﻤﺸﻲ ﺍﻟﺮﻳﺎﺽ ﻭﻣﺎ ﻳﺪﺭﻱ
ﻳﻜﺬﺏ ﻋﻠﻴﺎ ﺑﺎﻱ ﺣﺠﻪ ﻭﻻ ﻳﻘﻮﻝ ﻟﻬﺎ ﺍﻟﻮﺍﻗﻊ ﻭﻻﻧﻪ ﻻﺯﻡ ﻳﻤﺸﻲ
ﺍﻟﺮﻳﺎﺽ ﻻﻥ ﺍﻣﻪ ﺗﻌﺒﺎﻧﻪ .. ﻭﻓﻲ ﻧﻔﺲ ﺍﻟﻮﻗﺖ ﻣﺎ ﻫﻮ ﻗﺎﺩﺭ ﻳﺘﺮﻛﻬﺎ ..
ﻭﻣﻨﺤﺮﺝ ﻣﻨﻬﺎ
ﺩﺧﻞ ﻏﺎﺯﻱ ﺍﻟﻤﺠﻠﺲ ﻭﺟﻠﺲ ﺟﻨﺒﻬﺎ .. ﻭﺣﺎﻭﻝ ﻳﺒﺘﺴﻢ .. ﻭﻳﺨﻔﻲ
ﺿﻴﻘﺘﻪ .. ﺑﻌﺪ ﺩﻗﺎﻳﻖ ﻣﻦ ﺍﻟﺼﻤﺖ ﺗﻜﻠﻢ ﻏﺎﺯﻱ
ﻏﺎﺯﻱ ﺑﺼﻮﺕ ﻭﺍﻃﻲ : ﻋﻠﻴﺎ
ﺍﺭﻓﻌﺖ ﻋﻠﻴﺎ ﻋﻴﻨﻬﺎ ﻭﻧﺎﻇﺮﺕ ﻓﻴﻪ ..
ﻏﺎﺯﻱ ﻫﻮ ﻣﻮ ﻋﺎﺭﻑ ﻛﻴﻒ ﻳﻘﻮﻝ ﻟﻬﺎ : ... ﻋﻠﻴﺎ ﺍﺳﺘﺴﻤﺢ ﻣﻨﻚ ﻻﻧﻲ
ﻻﺯﻡ ﺍﻣﺸﻲ ﺍﻟﺮﻳﺎﺽ ﺍﻟﺤﻴﻦ
ﻋﻠﻴﺎ ﻧﺎﻇﺮﺕ ﻓﻴﻪ ﺑﻨﻈﺮﺍﺕ ﺗﺴﺎﺋﻞ .. ﻭﺧﻮﻑ .. ﻭﺗﻌﺠﺐ ...:
ﻏﺎﺯﻱ ﻭﻫﻮ ﻳﻘﺮﺏ ﻣﻨﻬﺎ ﻭﻳﻤﺴﻚ ﻳﺪﻫﺎ : ﻋﻠﻴﺎ ﺍﻣﻲ ﺗﻌﺒﺎﻧﻪ .. ﻻﺯﻡ
ﺍﺭﻭﺡ ﺍﺷﻮﻓﻬﺎ .. ( ﻛﻤﻞ ﻭﻫﻮ ﻳﺸﻮﻑ ﺍﻟﺪﻣﻮﻉ ﺑﺪﺕ ﺗﺘﺠﻤﻊ ﻓﻲ
ﻋﻴﻮﻧﻬﺎ ) .. ﺍﻧﺎ ﻭﻋﺪﻙ ﺍﻧﻲ ﻣﺎ ﺭﺍﺡ ﺍﺧﻠﻴﻚ ﻭﺍﻧﺎ ﻣﺎ ﺯﻟﺖ ﻋﻨﺪ ﻭﻋﺪﻱ
.. ﺑﺲ ﻫﺬﻱ ﺍﻣﻲ ﻭﻏﺎﻟﻲ ﻋﻠﻲ
ﻋﻠﻴﺎ ﺑﺪﺕ ﺩﻣﻮﻋﻬﺎ ﺗﻨﺰﻝ ﻋﻠﻰ ﺧﺪﻫﺎ .. ( ﺩﻣﻮﻉ ﺗﻌﺸﻖ ﺍﻟﻈﻬﻮﺭ ) :
....
ﻏﺎﺯﻱ ﻭﻫﻮ ﻳﻤﺴﺢ ﺩﻣﻮﻋﻬﺎ ﺑﻄﺮﻑ ﺍﺻﺒﻌﻪ ﻭﻳﺤﺎﻭﻝ ﻳﻬﺪﻳﻬﺎ : ﺭﺍﺡ
ﺍﺭﻭﺡ ﺍﺭﺟﻊ ﺑﻨﻔﺲ ﺍﻟﻴﻮﻡ
ﻋﻠﻴﺎ ﻭﺑﻌﻴﻮﻥ ﻣﻠﻴﺎﻧﻪ ﺩﻣﻮﻉ .. ﻭﺑﺼﻮﺕ ﻭﺍﻃﻲ : ﻏﺎﺯﻱ ﺧﺬﻧﻲ ﻣﻌﻚ
ﺑﻌﺪ ﺛﻮﺍﻧﻲ ﻣﻦ ﺍﻟﺼﻤﺖ ﻭﻋﺪﻡ ﺍﻟﺘﺼﺪﻳﻖ .. ﻏﺎﺯﻱ ﺑﺘﻔﺎﺟﺎ : ﺑﺘﺮﻭﺣﻴﻦ
ﻣﻌﻲ ﺍﻟﺮﻳﺎﺽ
ﻋﻠﻴﺎ ﺑﺼﻮﺕ ﺣﺰﻳﻦ ﻭﻫﻲ ﻣﻨﺰﻟﻪ ﺭﺍﺳﻬﺎ : ﺍﺧﺎﻑ ﺗﺮﻭﺡ ﻭﻣﺎﺗﺮﺟﻊ ﻟﻲ
*
*
/
ﻓﻲ ﺑﻴﺖ ﻫﻴﺎﻡ .. ﻭﺗﺤﺪﻳﺪﺍ ﻓﻲ ﺍﻟﺼﺎﻟﻪ ..
ﻫﻴﺎﻡ ﺑﺘﺴﺎﺋﻞ : ﻳﻤﺎ ﻭﻳﻦ ﻧﻮﺭﻩ ﻣﺎ ﺍﺷﻮﻓﻬﺎ
ﺍﻡ ﻣﻴﺜﻢ : ﻓﻲ ﺑﻴﺖ ﺍﻟﺠﻴﺮﺍﻥ
ﻫﻴﺎﻡ ﺑﺨﻮﻑ : ﺃﻱ ﺟﻴﺮﺍﻥ ؟
ﺍﻡ ﻣﺜﻴﻢ : ﺑﻴﺖ ﺍﻡ ﻓﻴﺼﻞ
ﻫﻴﺎﻡ ﺑﻌﺼﺒﻴﻪ ﻭﺑﻌﺘﺐ : ﻭﺵ ﺍﻟﻲ ﻭﺩﺍﻫﺎ ﻋﻨﺪﻫﻢ .. ﺍﻧﺎ ﻛﻢ ﻣﺮﻩ
ﻗﻠﺖ ﻟﻚ ﻻ ﺗﺨﻠﻴﻨﻬﺎ ﺗﺮﻭﺡ ﻋﻨﺪﻫﻢ
ﺍﻡ ﻣﻴﺜﻢ : ﺭﺣﺖ ﻋﻨﺪﻫﻢ ﻋﻠﺸﺎﻥ ﺍﺟﻴﺐ ﺑﻀﺎﻳﻊ ﻭﻛﺎﻧﺖ ﻣﻌﻲ ..
ﻗﺎﻟﺖ ﻟﻲ ﺗﺒﻲ ﺗﺠﻠﺲ ﺷﻮﻱ ﻋﻨﺪﻫﻢ .. ( ﻛﻤﻠﺖ ﻭﻫﻲ ﺗﻨﺎﻇﺮ
ﻫﻴﺎﻡ ) .. ﺍﻧﺘﻲ ﺍﻣﺲ ﻣﺘﻰ ﺭﺟﻌﺘﻲ
ﻫﻴﺎﻡ ﺿﺎﻕ ﺧﻠﻘﻬﺎ ﻟﻤﺎ ﺗﺬﻛﺮﺕ ﺍﻣﺲ : ﺍﻟﺴﺎﻋﻪ 12 ﻭﻧﺺ
ﺍﻡ ﻣﻴﺜﻢ : ﻣﻦ ﺍﻟﻲ ﺟﺎﺑﻚ .. ﻭﺑﻌﺪﻳﻦ ﻳﺎ ﺑﻨﺘﻲ ﻻ ﺗﺘﺄﺧﺮﻳﻦ ﻣﺮﻩ
ﺛﺎﻧﻴﻪ ﺍﻣﺲ ﻣﺖ ﻭﺍﻧﺎ ﺍﺣﺎﺗﻴﻚ .. ﻭﺧﺎﻟﻚ ﺗﺮﻯ ﺍﻣﺲ ﺟﺎ ﻭﺳﺄﻝ ﻋﻨﻚ
ﻫﻴﺎﻡ : ﻭﺵ ﻗﻠﺘﻲ ﻟﻪ .. ( ﻛﻤﻠﺖ ﺑﻌﺼﺒﻴﻪ ) .. ﻭﺑﻌﺪﻳﻦ ﻫﻮ ﻭﺵ
ﺟﺎﻳﺒﻪ ﻣﺎ ﺍﺑﻲ ﺍﺷﻮﻑ ﻭﺟﻪ ﻣﺮﻩ ﺛﺎﻧﻴﻪ ﻋﻨﺪﻧﺎ
ﺍﻡ ﻣﻴﺜﻢ ﻭﺗﺒﺪﻝ ﺣﺎﻟﻬﺎ .. ﻭﺑﺼﻮﺕ ﺣﺰﻳﻦ : ﻗﻠﺖ ﻟﻪ ﺍﻧﻚ ﻧﺎﻳﻤﻪ ..
ﻟﻴﻪ ﻳﻤﺎ ﻣﺎ ﺗﺒﻴﻦ ﺗﺸﻮﻓﻴﻦ ﻭﺟﻬﻪ ﻫﺬﺍ ﺧﺎﻟﻚ ﻫﺬﺍ ﺍﺧﻮﻱ ﻣﺎ ﺑﻘﻰ ﻟﻲ
ﺑﺎﻟﺪﻧﻴﺎ ﻏﻴﺮﻩ .. ﻣﻦ ﺭﻳﺤﺖ ﺍﻣﻲ ﻭﺍﺑﻮﻱ .. ﻭﺍﺧﻮﻱ ﺍﻟﻲ ﺍﺧﺎﻑ ﺍﻓﻘﺪﻩ
.. ( ﻛﻤﻠﺖ ﻭﻫﻲ ﺗﻀﺮﺏ ﻋﻠﻰ ﺻﺪﺭﻫﺎ ) .. ﺭﺍﺡ ﺍﻟﻮﻟﺪ ﻭﺭﺍﺡ ﺍﻟﺰﻭﺝ ..
ﻭﺭﺍﺡ ﺍﻻﺑﻮ .. ﻭﺭﺍﺣﺖ ﺍﻻﻡ ..
ﻫﻴﺎﻡ ﻭﻫﻲ ﺗﺸﻮﻑ ﺍﻣﻬﺎ ﺗﺒﻜﻲ .. ﻭﺗﻌﻴﺪ ﻧﻔﺲ ﺍﻟﻤﻮﺍﻝ ﺍﻟﺤﺰﻳﻦ ﺍﻟﻲ
ﻛﻞ ﻳﻮﻡ ﺗﺴﻤﻌﻪ ﻣﻨﻬﺎ ﻭﺧﺎﺻﻪ ﺍﺫﺍ ﺟﺎﺑﺖ ﻣﻮﺿﻮﻉ ﺧﺎﻟﻬﺎ ﻭﺩﻫﺎ ﺗﻘﻮﻡ
ﺗﻀﻤﻬﺎ ﻭﺗﻬﺪﻳﻨﻬﺎ ﻟﻜﻨﻬﺎ ﻋﺠﺰﺍﻧﻪ ﺧﻼﺹ ﺗﺤﺲ ﺑﺮﻭﺩ ﻭﻣﻠﻞ ﻣﻦ ﺣﺎﻟﺔ
ﺍﻣﻬﺎ ﺍﻟﻲ ﻛﻞ ﻳﻮﻡ ﺗﺰﻳﺪ .. ﻭﻫﻲ ﺍﻻ ﻛﺎﻧﺖ ﺗﻈﻦ ﺍﻥ ﺍﻟﺰﻣﻦ ﺑﺪﺍﻭﻱ
ﺟﺮﻭﺣﻬﺎ .. ﺭﺍﺡ ﺍﻻﺑﻮ ﺭﺍﺡ ﺍﻟﻮﻟﺪ ﻭﺭﺍﺡ ﺍﻟﺰﻭﺝ .. ﻭﺭﺍﺣﺖ ﺍﻟﺮﻭﺡ
ﻣﻌﻬﻢ ﻛﻞ ﻳﻮﻡ ﺗﻘﻮﻟﻬﺎ .. ﻭﻛﻞ ﺳﺎﻋﻪ ﺗﺮﺩﺩﻫﺎ .. ﻟﻠﺤﻈﺎﺕ ﺗﺤﺲ ﺍﻥ
ﺍﻣﻬﺎ ﻣﺮﻳﻀﻪ ﻧﻔﺴﻴﺎ ﻭﺗﻔﻘﺪ ﺍﻟﺸﻌﻮﺭ ﺑﺎﻟﺤﻴﺎﺀ ﻓﻲ ﻛﺜﻴﺮ ﻣﻦ ﺍﻟﻤﻮﺍﻗﻒ
.. ﻭﺍﺣﻴﺎﻧﺎ ﻳﻨﻌﺪﻡ ﻋﻨﺪﻫﺎ ﺍﻟﻘﺪﺭﻩ ﻋﻠﻰ ﺭﺑﻂ ﺍﻻﺷﻴﺎﺀ .. ﻳﻌﻨﻲ ﻟﻤﺎ
ﻳﻜﻨﻮﻥ ﺟﺎﻟﺴﻴﻦ ﻋﻠﻰ ﺍﻟﻐﺪﺍ ﻭﺗﻘﻮﻝ ﻻﻣﻬﺎ ﺍﻟﻤﻠﺢ ﺯﺍﻳﺪ ﺷﻮﻱ .. ﺗﺒﺘﺪﻱ
ﺍﻣﻬﺎ ﻣﻮﺍﻟﻬﺎ ﺍﻟﺤﺰﻳﻦ .. ﻟﻤﺎ ﻛﻨﺖ ﺍﺣﻂ ﺍﻟﻤﻠﺢ ﺍﻓﻜﺮ ﺑﻮﻟﺪﻱ ﺍﻟﻲ ﺭﺍﺡ
ﻗﻄﻌﻪ ﻣﻨﻲ ..ﻭﺍﺣﻴﺎﻧﺎ ﺗﻘﻮﻝ ﻟﻬﻴﺎﻡ ﺍﺫﺍ ﺷﺎﻓﺘﻬﺎ ﺗﻄﻠﻊ ﻣﻦ ﺍﻟﺒﻴﺖ .. ﻻ
ﺗﻄﻠﻌﻴﻦ ﻣﻦ ﺍﻟﺒﻴﺖ ﺧﻠﻴﻚ ﻋﻨﺪﻱ ﺍﺧﺎﻑ ﺗﺮﻭﺣﻴﻦ ﻭﻣﺎ ﺗﺮﺟﻌﻴﻦ ﻣﺜﻞ
ﺍﻟﻲ ﺭﺍﺣﻮ ﻭﻣﺎ ﺭﺟﻌﻮ .. ﻭﺣﺘﻰ ﻟﻤﺎ ﺗﻌﺼﺐ ﻋﻠﻴﻬﺎ ﻭﺗﻘﻮﻝ ﻟﻬﺎ ﻻ
ﺗﻌﻄﻴﻦ ﺧﺎﻟﻲ ﻓﻠﻮﺱ .. ﺗﻘﻮﻝ ﺗﺮﻭﺡ ﺍﻟﻔﻠﻮﺱ ﻭﻻ ﻳﺮﻭﺡ ﺧﺎﻟﻚ ﻭﻣﺎ
ﻳﺮﺟﻊ ..
ﺩﻕ ﺟﻮﺍﻟﻬﺎ ﺍﻟﻲ ﻛﺎﻥ ﻣﺤﻄﻮﻁ ﻋﻠﻰ ﺍﻟﻄﺎﻭﻟﻪ .. ﻗﺎﻣﺖ ﻭﺭﻓﻌﺘﻪ ..
ﻭﺷﺎﻓﺔ ﺍﻟﺸﺎﺷﻪ ﻭﻫﻲ ﺗﻤﺸﻲ ﺑﺘﺮﻭﺡ ﺍﻟﻤﻄﺒﺦ ..
ﻣﻜﺎﻟﻤﻪ ﻟﻢ ﻳﺮﺩ ﻋﻠﻴﻬﺎ = 9 .. ﺍﻛﻴﺪ ﻓﻴﺼﻞ .. ﻣﺎ ﻟﻲ ﺧﻠﻘﻪ ..ﻛﻠﻬﻢ
ﻣﺜﻞ ﺑﻌﺾ ﻣﺤﺪ ﻓﺎﻫﻤﻪ
/
*
*
/
ﻓﻲ ﺳﻴﺎﺭﺓ ﻏﺎﺯﻱ .. ﻋﻠﻰ ﻃﺮﻳﻖ ﺍﻟﺮﻳﺎﺽ ..
ﺟﺰﺀ ﻣﻦ ﺍﻟﻨﺺ ﻣﻔﻘﻮﺩ .. ﻭ ﻫﻮ ﺍﻟﺠﺰﺀ ﺍﻻﻫﻢ ﻭﺍﻻﻋﻤﻖ
ﻫﻨﺎﻙ ﺍﻟﻜﺜﻴﺮ ﻣﻦ ﻋﻼﻣﺎﺕ ﺍﻟﺘﻌﺠﺐ .. ﻭﺍﻟﺘﺴﺎﺋﻞ ﻭ ﺍﻻﺳﺘﻔﻬﺎﻡ ..
ﻣﻜﻮﻧﻪ ﻣﺴﺘﻌﻤﺮﺍﺕ ﻓﻲ ﻣﺴﺎﺣﺔ ﺍﻟﻔﻜﺮ ..ﺭﻏﻢ ﺳﻴﻄﺮﺍﺗﻬﺎ ﺗﺤﺲ
ﺑﺎﻟﺨﺠﻞ ﺍﻭ ﺭﺑﻤﺎ ﺍﻟﺨﻮﻑ ﻣﻦ ﻣﻀﻤﻮﻥ ﺍﻻﺟﺎﺑﻪ .. ﻛﺎﻥ ﺍﻟﺼﻤﺖ ﺳﻴﺪ
ﺍﻟﻤﻮﻗﻒ .. ﻭﺍﻟﺘﻔﻜﻴﺮ ﺑﺎﻟﻄﺮﻳﻖ ﻭﺍﻟﻬﺪﻑ ﺍﻟﻤﻘﺼﻮﺩ .. ﻏﺎﺯﻱ ﻣﺸﻮﺵ
ﺍﻟﺬﻫﻦ .. ﻭﻣﺮﺗﺒﻚ ﻋﺎﻃﻔﻴﻪ .. ﻭﻳﺤﺎﻭﻝ ﻳﺨﻔﻲ ﺍﺿﻄﺮﺍﺑﻪ .. ﻣﻦ
ﻛﺜﺮﺓ ﺍﻻﻓﻜﺎﺭ ﺍﻟﻲ ﻣﺘﺰﺍﺣﻤﻪ ﺑﺮﺍﺳﻪ ..ﺧﺎﻳﻒ ﻣﻦ ﺭﺩﺕ ﻓﻌﻞ ﺍﻫﻠﻪ ﻟﻤﺎ
ﻳﺸﻮﻓﻮﻥ ﻋﻠﻴﺎ ﻣﻌﻪ .. ( ﺍﻟﺘﻘﻴﻢ .. ﺳﻠﺒﻴﻪ .. ﻭﻫﺠﻮﻣﻴﻪ ) .. ﺧﺎﻳﻒ
ﻋﻠﻰ ﻋﻠﻴﺎ ﻣﻦ ﺭﺩﺕ ﻓﻌﻠﻬﻢ .. ( ﺍﻟﺘﻘﻴﻢ .. ﺗﺤﻄﻤﻴﻪ
ﻭﺗﺠﺮﻳﺤﻴﻪ ) .. ﻣﻮﻗﻔﻪ ﻫﻮ ﻣﻦ ﺍﻟﻲ ﺭﺍﺡ ﻳﺼﻴﺮ ( ؟؟؟ )
ﺍﻣﺎ ﻋﻠﻴﺎ ﻛﺎﻧﺖ ﻋﻴﻮﻧﻬﺎ ﻋﻠﻰ ﺍﻟﻄﺮﻳﻖ .. ﻣﺎ ﻭﺩﻫﺎ ﺗﻔﻜﺮ ﺑﺎﻟﺮﺍﺡ ﻳﺼﻴﺮ
ﻟﻬﺎ ﻫﻨﺎﻙ .. ﻣﺎ ﺗﺒﻲ ﺗﺤﺲ ﺑﺎﻟﻀﻌﻒ ﻭﻫﻲ ﻓﻲ ﺑﺪﺍﻳﺔ ﺍﻟﻄﺮﻳﻖ ..
ﺗﺤﺎﻭﻝ ﺗﻘﻮﻱ ﻧﻔﺴﻬﺎ ﺑﺘﺮﺩﻳﺪ ﻛﻼﻣﺖ ﺗﺸﻌﺮﻫﺎ ﺑﺎﻟﻘﻮﻩ ﺣﺘﻰ ﻟﻮ ﻛﺎﻧﺖ
ﻫﺬﻱ ﺍﻟﻘﻮﻩ ﻟﻔﻈﻴﻪ ﺑﺲ ﺍﻟﻤﻬﻢ ﺍﻥ ﺍﺣﺴﺎﺱ ﺍﻟﻘﻮﻩ ﻳﻘﻮﻳﻬﺎ .. ﻭﺟﻮﺩ
ﻏﺎﺯﻱ ﻗﺮﻳﺐ ﻣﻨﻬﺎ ﻫﻮ ﻣﺼﺪﺭ ﺍﻟﻘﻮﻩ ﺍﻟﺤﻘﻴﻘﻪ ..
ﺩﻕ ﻓﻲ ﻫﺬﻱ ﺍﻟﺤﻈﻪ ﺟﻮﺍﻟﻬﺎ ﻭﺍﺑﺘﺴﻤﺖ ﺍﺑﺘﺴﺎﻣﻪ ﺧﻔﻴﻔﻪ ﻟﻤﺎ ﺷﺎﻓﺖ
ﺍﻟﺮﻗﻢ .. ﻫﺬﺍ ﺳﺎﺩﺱ ﻣﺮﻩ ﻳﺪﻕ ﻋﻠﻴﻬﺎ ﺍﺧﻮﻫﺎ ﻭﺍﻓﻲ
ﻣﻦ ﻛﻠﻤﺘﻪ ﻭﻗﺎﻟﺖ ﻟﻪ ﺍﻧﻬﺎ ﺑﺘﺮﻭﺡ ﻣﻊ ﻏﺎﺯﻱ ..
ﻋﻠﻴﺎ : ﻫﻼﺍﺍ ﻭﺍﻓﻲ
ﻭﺍﻓﻲ : ﻫﻼﺍﺍ ﻋﻠﻴﺎ .. ﻫﺎ ﻭﺻﻠﺘﻮ ﻭﻻ ﻟﺴﻰ
ﻋﻠﻴﺎ ﻭﻫﻲ ﺗﻨﺎﻇﺮ ﺍﻟﻄﺮﻳﻖ : ﻻ ﻟﺴﻰ ﺑﺎﻗﻲ ﺳﺎﻋﺔ ﺗﻐﺮﻳﺒﺎ
ﻭﺍﻓﻲ ﺑﺘﺮﺩﺩ ﻭﺧﻮﻑ : ﻋﻠﻴﺎ ﻛﺎﻥ ﺍﻧﺘﻈﺮﺗﻮ ﻛﻢ ﺳﺎﻋﻪ ﻋﻠﻰ ﻣﺎ ﺍﺟﻲ
ﻣﻦ ﺍﻟﺪﻭﺍﻡ ﻭﺍﺭﻭﺡ ﻣﻌﻜﻢ .. ﺍﻧﺎ ﺧﺎﻱ ..
ﻗﺎﻃﻌﺘﻪ ﻋﻠﻴﺎ ﺑﻬﺪﻭﺀ ﻭﻫﻲ ﺗﻠﺘﻔﺖ ﻋﻠﻰ ﻏﺎﺯﻱ : ﻭﺍﻓﻲ .. ﺍﻧﺎ ﻣﻊ
ﻏﺎﺯﻱ
/
*
*
/
ﻓﻲ ﺑﻴﺖ ﺑﻮ ﻣﻨﺼﻮﺭ .. ﺯﻭﺝ ﺍﻡ ﺍﻧﻔﺎﻝ ..
ﻳﺤﺲ ﺍﻧﻪ ﻣﻮ ﻣﺮﺗﺎﺡ ﻭﻫﻮ ﺟﺎﻟﺲ ﻋﻠﻰ ﻫﺬﻱ ﺍﻟﻜﻨﺒﻪ .. ﺷﻌﻮﺭ ﻣﻐﺰﺯ
ﻭﻟﻮﻥ ﺑﺎﻫﺖ ﻣﻦ ﺍﻭﻝ ﻣﺎ ﺩﺧﻞ ﻣﻦ ﺍﻟﺒﺎﺏ ﻭﻋﻴﻮﻧﻪ ﻣﻐﻨﺎﻃﺴﻴﺎ
ﺗﺘﻔﺤﺺ ﺍﻻﺷﻴﺎﺀ .. ﺳﺠﺎﺩ ﻳﺤﻤﻞ ﺑﻘﻊ ﻛﺜﻴﺮ ﻣﺘﻔﺎﻭﺕ ﺍﻟﻠﻮﻥ ﻏﺮﻳﺒﻪ
ﻣﻦ ﺑﻘﻊ ﺍﻟﻐﺒﺎﺭ .. ﻣﻜﺘﺒﻪ ﻓﻮﻗﻬﺎ ﺗﻠﻔﺰﻳﻮﻥ ﻣﻦ ﺍﻟﻨﻈﺮﻩ ﺍﻻﻭﻝ ﺗﻮﻗﻊ ﺍﻧﻪ
ﻣﻮ ﺷﻐﺎﻝ ﺑﺲ ﻟﻤﺎ ﺷﻐﻠﻪ ﺑﻮ ﻣﻨﺼﻮﺭ ﺗﻌﺠﺐ ..ﻃﺎﻭﻟﻪ ﻋﻠﻴﻬﺎ ﺗﺤﻔﺘﺎﻥ
ﺍﻏﺮﺏ ﺍﻟﻲ ﺍﻟﻠﻌﺎﺏ ﺍﻻﻃﻔﺎﻝ .. ﻣﻜﻴﻒ ﺻﻮﺗﻪ ﺍﺿﺨﻢ ﻣﻦ ﻗﺪﺭﺗﻪ ﻋﻠﻰ
ﺍﻟﺘﺒﺮﻳﺪ .. ﻗﻄﻊ ﻋﻠﻴﻪ ﺗﺎﻣﻠﻪ ﺻﻮﺕ ﺑﻮ ﻣﻨﺼﻮﺭ
ﺑﻮ ﻣﻨﺼﻮﺭ : ﺣﻴﺎ ﺍﻟﻠﻪ ﻣﻦ ﺟﺎﻧﺎ ..ﻫﻼﺍ ﻓﻴﻚ ﺗﻮ ﻣﺎﻧﻮﺭ ﺍﻟﺒﻴﺖ ..
ﺷﺨﺒﺎﺭﻙ ؟
ﺷﻬﺎﺏ ﻭﻳﺤﺎﻭﻝ ﻳﺒﺘﺴﻢ : ﺍﻟﻠﻪ ﻳﺤﻴﻚ .. ﺍﻧﺎ ﺑﺨﻴﺮ ﻭﺍﻟﺤﻤﺪﻟﻠﻪ
ﺑﻮﻣﻨﺼﻮﺭ : ﻛﻴﻒ ﻛﺎﻧﺖ ﺍﻟﺴﻔﺮﻩ .. ﻋﺴﺎ ﺍﻧﺒﺴﻄﺘﻮ ﻓﻴﻬﺎ
ﺷﻬﺎﺏ ﺑﺒﺘﺴﺎﻣﻪ ﺧﻔﻴﻔﻪ : ﺍﻟﺤﻤﺪﻟﻠﻪ ..
ﺑﻌﺪ ﺩﻗﺎﻳﻖ ﻣﻦ ﺍﻟﺼﻤﺖ ﺩﺧﻞ ﺍﻧﻔﺎﻝ ﺍﻟﻤﺠﻠﺲ ﺑﺒﺘﺴﺎﻣﻪ ﻭﺍﻓﺮﺷﺖ
ﺍﻟﺴﻔﺮﻩ ﺑﺎﻻﺭﺽ .. ﻭﺻﻔﺖ ﺍﻻﻛﻞ
ﺑﻮ ﻣﻨﺼﻮﺭ ﻭﻫﻮ ﻳﻘﻮﻡ : ﻳﺎﻟﻠﻪ ﻳﺎ ﻭﻟﺪﻱ ﺗﻔﻀﻞ .. ﻻ ﺗﺴﺘﺤﻲ ﺍﻟﺒﻴﺖ
ﺑﻴﺘﻚ
ﺷﻬﺎﺏ ﻭﻫﻮ ﻳﺠﻠﺲ ﻋﻠﻰ ﺍﻻﺭﺽ : ﺗﺴﻠﻢ .. ﺯﺍﺩ ﻓﻀﻠﻚ
ﺑﻮﻣﻨﺼﻮﺭ ﻣﺪ ﻳﺪﻩ ﻭﺑﺪﺍ ﻳﺎﻛﻞ .. ﺷﻬﺎﺏ ﺩﻭﺭ ﺑﻌﻴﻮﻧﻪ ﻋﻠﻰ ﻣﻠﻌﻘﻪ ﺍﻭ
ﺷﻮﻛﻪ ﻋﻠﺸﺎﻥ ﻳﺎﻛﻞ ﻓﻴﻬﺎ ﻭﻟﻤﺎ ﻣﺎ ﺣﺼﻞ ﺍﺳﺘﺤﻰ ﻳﻄﻠﺒﻬﺎ .. ﺳﻢ
ﺑﺴﻢ ﻟﻠﻪ ﻭﻣﺪ ﻳﺪﻩ .. ﺍﻛﻞ ﺷﻮﻱ .. ﻭﺷﺮﺏ ﻣﺎﻱ
ﺷﻬﺎﺏ ﻭﻫﻮ ﻗﺎﻳﻢ : ﺍﻟﺤﻤﺪﻟﻠﻪ
ﺑﻮ ﻣﻨﺼﻮﺭ ﺑﺴﺘﻐﺮﺍﺏ : ﻣﺎ ﻛﻠﻴﺖ ﺷﻲﺀ ﻳﺎ ﺷﻬﺎﺏ ﻟﻴﻜﻮﻥ ﺍﻻﻛﻞ ﻣﺎ
ﻋﺠﺒﻚ
ﺷﻬﺎﺏ : ﻻ ﻭﺍﻟﻠﻪ .. ﺍﻻﻛﻞ ﻃﻴﺐ .. ﺳﻔﺮﻩ ﺩﺍﻳﻤﻪ
ﺑﻮ ﻣﻨﺼﻮﺭ : ﺑﺎﻟﻌﺎﻓﻴﻪ .. ( ﻛﻤﻞ ﻭﻫﻮ ﻳﻨﺎﻇﺮ ﺷﻬﺎﺏ ﻣﺤﺘﺎﺭ ﻭﻳﻦ
ﻳﺮﻭﺡ ) .. ﺍﻟﻤﻐﺎﺳﻞ ﻋﻨﺪ ﺍﻟﺒﺎﺏ
ﺑﻌﺪ ﻣﺎ ﺧﻠﺼﻮ ﻣﻦ ﺍﻟﻌﺸﺎ ﺟﺎﺕ ﺍﻧﻔﺎﻝ ﻭﺷﺎﻟﺔ ﺍﻟﺴﻔﺮﻩ .. ﻭﺟﺎﺑﺖ
ﺍﻟﺸﺎﻫﻲ .. ﻭﺍﻟﻘﻬﻮﻩ ..
ﺍﻧﻔﺎﻝ ﻭﻫﻲ ﺗﻨﺎﻇﺮ ﻋﻤﻬﺎ ﺑﻮ ﻣﻨﺼﻮﺭ : ﻋﻤﻲ ﻛﻢ ﻣﻠﻌﻘﺔ ﺳﻜﺮ
ﺑﻮ ﻣﻨﺼﻮﺭ ﺑﺒﺘﺴﺎﻣﻪ : ﻭﺍﺣﺪﻩ
ﺍﻧﻔﺎﻝ ﻭﻫﻲ ﺗﻤﺪ ﻟﻬﺎ ﻛﻮﺏ ﺍﻟﺸﺎﻱ : ﺗﻔﻀﻞ .. ( ﻛﻤﻠﺖ ﻭﻫﻲ ﺗﻨﺎﻇﺮ
ﺷﻬﺎﺏ ﺑﺒﺘﺴﺎﻣﻪ ) ﻛﻢ ﻣﻠﻌﻘﺔ ﺳﻜﺮ
ﺷﻬﺎﺏ : ﻣﻠﻌﻘﺘﻴﻦ
ﺑﻮ ﻣﻨﺼﻮﺭ ﻭﻫﻲ ﻳﻘﺮﺏ ﻛﻮﺏ ﺍﻟﺸﺎﻱ ﻣﻦ ﻓﻤﻪ : ﻗﻮﻝ ﻟﻲ ﻳﺎﺑﻨﺘﻲ
ﻛﻴﻒ ﺍﺳﻌﺪﺍﺩﺍﺗﻚ ﻭﻋﺰﻳﻤﺘﻚ ﻟﺪﺭﺍﺳﺔ ﺍﻟﻄﺐ
ﺍﻧﻔﺎﻝ ﺑﺮﺗﺒﺎﻙ ﻧﺎﻇﺮﺕ ﺷﻬﺎﺏ ﻭﺭﺟﻌﺖ ﻧﺎﻇﺮﺓ ﻋﻤﻬﺎ ﺑﻮ ﻣﻨﺼﻮﺭ :
ﻣﺎﺭﺍﺡ ﺍﺩﺭﺱ ﻃﺐ ﻳﺎ ﻋﻤﻲ
ﺑﻮ ﻣﻨﺼﻮﺭ ﺑﺴﺘﻐﺮﺍﺏ : ﻟﻴﻪ ﻳﺎ ﺑﻨﺘﻲ .. ﻣﻮ ﻗﻠﺖ ﻟﻲ ﺫﺍﻙ ﺍﻟﻴﻮﻡ ﺍﻧﻚ
ﺍﻧﻘﺒﻠﺘﻲ ﻭﺧﻼﺹ ﺭﺍﺡ ﺗﺪﺭﺳﻴﻦ ﻃﺐ
ﺍﻧﻔﺎﻝ ﺑﺮﺗﺒﺎﻙ : ﺍﺑﻮﻱ ﻭﻋﻤﻲ ﻣﺎ ﺭﺿﻮ ﻟﻲ ﺍﺩﺭﺱ ﻃﺐ
ﺑﻮ ﻣﻨﺼﻮﺭ : ﻃﻴﺐ ﺍﻟﺤﻴﻦ ﻭﺵ ﺑﺘﺪﺭﺳﻴﻦ
ﺍﻧﻔﺎﻝ ﻭﺗﺤﺎﻭﻝ ﺗﺒﺴﻢ ﺭﻏﻢ ﺣﺴﺮﺗﻬﺎ ( ﺗﻐﻴﺮ ﺍﻟﻤﻮﺿﻮﻉ ) : ﻭﻳﻦ
ﺍﺧﻮﻱ ﻣﻨﺼﻮﺭ ﻣﺎ ﺷﻔﺘﻪ
ﺑﻮﻣﻨﺼﻮﺭ : ﺍﻛﻴﺪ ﺑﺎﻟﺤﺎﺭﻩ ﻣﻊ ﺍﻻﻭﻻﺩ
ﺷﻬﺎﺏ ﻭﻫﻲ ﻳﺤﻂ ﺍﻟﻜﻮﺏ ﻋﻠﻰ ﺍﻟﻄﺎﻭﻟﻪ ﺑﻌﺪ ﻣﺎ ﺭﺷﻒ ﻣﻨﻪ ﺭﺷﻔﺘﻴﻦ
: ﻳﺎﻟﻠﻪ ﻳﺎ ﺍﻧﻔﺎﻝ ﺧﻠﻴﻨﺎ ﻧﻤﺸﻲ
ﺑﻮ ﻣﻨﺼﻮﺭ : ﻭﻳﻦ ﺗﻮﻩ ﺍﻟﻨﺎﺱ .. ﺟﻠﺴﻮ ﻣﻌﻨﺎ ﺷﻮﻱ
ﺷﻬﺎﺏ ﺑﺒﺘﺴﺎﻣﻪ ﺧﻔﻴﻔﻪ : ﺍﻥ ﺷﺄﻟﻠﻪ ﺍﻟﻤﺮﻩ ﺍﻟﺠﺎﻳﻪ
ﺍﻟﺒﺴﺖ ﺍﻧﻔﺎﻝ ﻋﺒﺎﻳﺘﻬﺎ ﺑﺴﺮﻋﻪ ﻭﺳﻠﻤﺖ ﻋﻠﻰ ﺍﻣﻬﺎ ﻭﻋﻤﻬﺎ ﻭﺍﻃﻠﻌﺖ
ﺧﻠﻒ ﺷﻬﺎﺏ ﺍﻟﻲ ﺳﺒﻘﻬﺎ ﻟﺴﻴﺎﺭﻩ ..ﻛﺎﻥ ﻭﺩﻫﺎ ﺗﺠﻠﺲ ﺍﻛﺜﺮ ﻣﻊ ﺍﻣﻬﺎ
ﺑﺲ ﺷﻬﺎﺏ ﻣﺎ ﺗﺪﺭﻱ ﻟﻪ ﻣﺴﺘﻌﺠﻞ .. ﻣﺎ ﺧﺬﻭ ﺳﺎﻋﺘﻴﻦ ﻣﻦ ﺩﺧﻠﻮ
ﺑﻴﺖ ﺍﻣﻬﺎ ..
ﺑﻌﺪ ﺩﻗﺎﻳﻖ ﻣﻦ ﺍﻟﺼﻤﺖ ﺗﻜﻠﻢ ﺷﻬﺎﺏ : ﻋﻤﻚ ﻣﻨﺼﻮﺭ ﻭﺵ ﻳﺸﺘﻐﻞ
ﺍﻧﻔﺎﻝ ﺍﻟﺘﻔﺖ ﻋﻠﻰ ﺷﻬﺎﺏ : ﻋﻨﺪﻩ ﻣﺤﻞ ﻣﻼﺑﺲ ﻟﻼﻃﻔﺎﻝ ﻓﻲ ﺍﻟﺴﻮﻕ
ﺍﻟﻲ ﺟﻨﺐ ﺑﻴﺘﻨﺎ ﻭﻋﻨﺪﻩ ﺑﻌﺪ ﻣﺤﻞ ﺛﺎﻧﻲ ﺑﺲ ﺷﺮﺍﻛﻪ ﻣﻊ ﺟﺎﺭﻧﺎ
ﺷﻬﺎﺏ ﻭﻋﻴﻮﻧﻪ ﻋﻠﻰ ﺍﻟﻄﺮﻳﻖ : ﺍﻫﺎﺍﺍ .. ﻭﺍﺧﻮﻙ ﻣﻨﺼﻮﺭ ﻛﻢ ﻋﻤﺮﻩ
ﺍﻧﻔﺎﻝ ﺑﺒﺘﺴﺎﻣﻪ : ﺍﺧﻮﻱ ﻣﻨﺼﻮﺭ ﻋﻤﺮﻩ 14 ﺳﻨﻪ ﻭﺍﺧﻮﻱ ﺳﺎﻟﻢ ﻋﻤﺮﻩ
11 ﺳﻨﻪ
ﺷﻬﺎﺏ : ﻳﻌﻨﻲ ﻣﺎ ﻋﻨﺪﻙ ﺧﻮﺍﺕ ﻻ ﻣﻦ ﺍﻣﻚ ﻭﻻ ﻣﻦ ﺍﺑﻮﻙ
ﺍﻧﻔﺎﻝ ﺑﺠﺪﻳﻪ : ﻻ ﻣﺎ ﻋﻨﺪﻱ .. ﺍﻣﻲ ﻛﺎﻥ ﻭﺩﻫﺎ ﺗﺠﻴﺐ ﺑﻌﺪ ﺍﻃﻔﺎﻝ
ﺑﺲ ﻇﺮﻭﻑ ﻋﻤﻲ ﺍﻟﻤﺎﻟﻴﻪ ﻣﺎ ﺗﺴﻤﺢ ﻣﺼﺎﺭﻳﻒ ﺯﻳﺎﺩﻩ
ﺷﻬﺎﺏ ﻣﺎ ﻋﻠﻖ .. ﻭﻇﻞ ﻳﺘﺎﻣﻞ ﺍﻟﻄﺮﻳﻖ ..
ﺑﻌﺪ ﺩﻗﺎﻳﻖ ﻣﻦ ﺍﻟﺼﻤﺖ ﺗﻜﻠﻤﺖ ﺍﻧﻔﺎﻝ : ﺷﻬﺎﺏ ﻟﻴﻪ ﻣﺎ ﺟﻠﺴﻨﺎ ﺍﻛﺜﺮ
ﻓﻲ ﺑﻴﺖ ﻋﻤﻲ ﻣﻮ ﺣﻠﻮﻩ ﻧﺎﻛﻞ ﻭﻧﻄﻠﻊ
ﺷﻬﺎﺏ ﺑﺮﻭﺩ ﻭﻋﻴﻮﻧﻪ ﻋﻠﻰ ﺍﻟﻄﺮﻳﻖ : ﻻﻧﻲ ﺑﻤﺸﻲ ﺍﻟﺸﺎﻟﻴﻪ ﺍﻟﺤﻴﻦ
( ﻗﺎﻟﻬﺎ ﻟﻠﻌﻠﻢ ﻭﻟﻴﺲ ﻟﻼﺳﺘﺸﺎﺭﻩ )
ﺍﻧﻔﺎﻝ ﺑﺘﻌﺠﺐ : ﺍﻟﺤﻴﻦ !! ﺑﺬﺍ ﺍﻟﻠﻴﻞ
/
*
*
/
ﻓﻲ ﺍﻟﺮﻳﺎﺽ .. ﻭﺗﺤﺪﻳﺪﺍ ﻓﻲ ﺑﻴﺖ ﺟﻮﺍﺩ ..
ﻏﺎﺯﻱ ﺑﻀﻴﻘﻪ ﻗﻮﻳﻪ : ﻟﻴﺘﻨﻲ ﻣﺎ ﺧﺬﻳﺘﻬﺎ ﺑﻴﺖ ﺍﺑﻮﻱ
ﺟﻮﺍﺩ ﺑﻨﻈﺮﺓ ﻋﺘﺎﺏ : ﻟﻴﻪ ﻣﺎ ﻗﻠﺖ ﻟﻲ ﺍﻧﻚ ﺟﺎﻳﺒﻬﺎ ﻣﻌﻚ ﻟﻤﺎ ﻛﻠﻤﺘﻚ
ﻏﺎﺯﻱ ﺑﻀﻴﺎﻉ : ﻣﺪﺭﻱ ﻭﺍﻟﻠﻪ
ﺟﻮﺍﺩ ﺑﺠﺪﻳﻪ : ﻃﻴﺐ ﻗﻮﻝ ﻭﺵ ﺍﻟﻲ ﺣﺼﻞ
ﻏﺎﺯﻱ ﺑﺘﻨﻬﻴﺪﻩ ﻣﻦ ﻗﻠﺐ : ﻟﻤﺎ ﻭﺻﻠﻨﺎ ﻓﻜﺮﺕ ﺍﻣﺮ ﺍﻟﻤﺴﺘﺸﻔﻰ ﺍﻭﻝ
ﺑﺲ ﺑﻌﺪﻳﻦ ﺗﺮﺍﺟﻌﺖ ﻗﻠﺖ ﺧﻠﻴﻨﺎ ﻧﻤﺮ ﺍﻟﺒﻴﺖ ﺍﻓﻀﻞ .. ﻣﺎ ﺍﻋﺘﻘﺪﺕ
ﺍﻥ ﺭﺍﺡ ﺍﻻﻗﻲ ﺍﻟﻌﺎﺋﻠﻪ ﺍﻟﻜﺮﻳﻤﻪ ﻛﻠﻬﺎ ﻫﻨﺎﻙ .. ﺍﻭﻝ ﻣﺎ ﺩﺧﻠﻨﺎ ﺍﻟﺼﺎﻟﻪ
.. ﺗﻘﻮﻝ ﻛﺎﺋﻨﺎﺕ ﻓﻀﺎﺋﻴﻪ ﺍﻟﻌﻴﻮﻥ ﻛﻠﻬﺎ ﻋﻠﻴﻨﺎ .. ﻭﻛﻞ ﻭﺍﺣﺪ ﻣﻔﺘﺢ
ﻋﻴﻮﻧﻪ ﻭﻓﻤﻪ ﻃﺒﻌﺎ ﺭﺣﺖ ﺑﺴﻠﻢ ﻋﻠﻰ ﺍﺑﻮﻱ ﺻﺪ ﻋﻨﻲ .. ﻭﻗﺎﻟﻲ ﺍﻟﻲ
ﻳﻜﺴﺮ ﻛﻠﻤﺘﻲ ﻣﺎ ﻫﻮ ﺑﻮﻟﺪﻱ .. ﻋﺎﺩ ﺑﺪﺍ ﺍﻟﻠﻮﻡ ﻭﺍﻟﻜﻼﻡ ﺍﻟﺠﺎﺭﺡ .. ﻭﺍﻧﺎ
ﻛﻨﺖ ﺧﺎﻳﻒ ﻋﻠﻰ ﻋﻠﻴﺎ ﻭﻛﻞ ﺷﻮﻱ ﺍﻧﺎﻇﺮﻫﺎ .. ﻭﺍﺣﺴﻬﺎ ﺗﺤﺎﻭﻝ
ﺗﺘﻤﺎﺳﻚ .. ﻭﻫﻲ ﻣﻦ ﺩﺍﺧﻞ ﻣﻨﻬﺎﺭﻩ .. ﺑﺲ ﻣﺎ ﺗﺒﻲ ﺗﺒﻴﻦ ﻟﻲ .. ﻟﻤﺎ
ﺷﻔﺖ ﺩﻣﻮﻋﻬﺎ ﺑﺪﺕ ﺗﻨﺰﻝ ﻗﻠﺖ ﻟﻬﺎ ﺧﻠﻴﻨﺎ ﻧﻄﻠﻊ ﻣﻦ ﺍﻟﺒﻴﺖ ﻭﻧﺮﻭﺡ
ﻧﺄﺟﺮ ﻟﻨﺎ ﺷﻘﻪ .. ﻻﻥ ﺧﺎﻻﺗﻲ ﺍﻟﻠﻪ ﻳﻬﺪﻳﻬﻢ ﺯﻭﺩﻭﻫﺎ ﻛﻞ ﺷﻮﻱ ﻗﺎﻝ
ﻟﻬﺎ ﺍﻧﺘﻲ ﺳﺒﺐ ﻛﻞ ﺍﻟﻲ ﺻﺎﺭ .. ﺑﺴﺒﺒﻚ ﺍﺧﺘﻨﺎ ﺍﺗﻌﺒﺖ .. ﻋﺎﺩ ﻟﻤﺎ
ﻃﻠﻌﺖ ﺩﻗﻴﺖ ﺍﻧﺖ ﻭﺟﻴﻨﺎ ﻋﻨﺪﻙ ﻋﻠﻰ ﻃﻮﻝ
ﺟﻮﺍﺩ : ﺍﺟﻞ ﻧﺎﻣﻮ ﻋﻨﺪﻧﺎ ﺍﻟﻠﻴﻠﻪ .. ﻭﻻ ﻋﺎﺩ ﺗﻮﺩﻫﺎ ﺑﻴﺖ ﺍﻻﻫﻞ ﻣﺮﻩ
ﺛﺎﻧﻴﻪ ﺗﺮﻯ ﻣﺎ ﺭﺍﺡ ﻳﺮﺣﻤﻮﻧﻚ
ﻓﻲ ﺍﻟﺼﺎﻟﻪ ...
ﺩﺍﻧﻪ ( ﻣﺮﺓ ﺟﻮﺍﺩ ) : ﺗﻔﻀﻠﻲ ﻛﺎﺱ ﺍﻟﻤﺎﻱ ﻳﺎ ﻋﻠﻴﺎ
ﻋﻠﻴﺎ ﻭﻫﻲ ﺗﺎﺧﺬ ﻛﺎﺱ ﺍﻟﻤﺎﻱ .. ﺑﺼﻮﺕ ﻭﺍﻃﻲ : ﻣﺸﻜﻮﺭﻩ
ﺩﺍﻧﻪ ﺑﺒﺘﺴﺎﻣﻪ ﺧﻔﻴﻔﻪ ﻭﻫﻲ ﺗﻨﺎﻇﺮ ﻋﻠﻴﺎ .. ﺍﻟﻲ ﺷﻜﻠﻬﺎ ﻳﺤﺰﻥ ﺑﺎﻟﻤﺮﻩ :
ﻻ ﺗﺸﻴﻠﻴﻦ ﺑﺨﺎﻃﺮﻙ ﻳﺎ ﻋﻠﻴﺎ .. ( ﻛﻤﻠﺖ ﺑﺒﺘﺴﺎﻣﻪ ﻭﻫﻲ ﺗﺤﺎﻭﻝ ﺗﻬﻮﻥ
ﻋﻠﻴﻬﺎ ) .. ﻫﻨﺎ ﻣﺸﻬﻮﺭﻳﻦ ﺑﺎﻟﺮﻳﺎﺽ ﺗﺪﺭﻳﻦ ﺑﺄﻳﺶ ﺑﺎﻟﻌﺪﻭﺍﻧﻴﻪ ..
ﻭﺍﻟﻬﺠﻮﻣﻴﻪ ﻭﻗﺪﺭﻳﻦ ﺗﻘﻮﻟﻴﻦ ﺍﻧﻘﺎﻣﻴﻪ .. ﺑﺠﺮﻋﺎﺕ ﺯﺍﻳﺪﻩ ﻓﻲ ﻛﺒﺎﺭ
ﺍﻟﺴﻦ .. ﺍﻣﺎ ﺣﻨﺎ ﺍﻟﺠﻴﻞ ﺍﻟﺸﺒﺎﺑﻲ ﺍﻟﺤﻤﺪﻟﻠﻪ ﺳﻠﻤﻴﻦ ﻭﻣﺴﺎﻟﻤﻴﻦ
ﻋﻠﻴﺎ ﺍﺭﻓﻌﺖ ﺭﺍﺳﻬﺎ ﻭﻧﺎﻇﺮ ﺩﺍﻧﻪ .. ﻭﺑﺼﻮﺕ ﻭﺍﻃﻲ ﺑﺘﺴﺎﺋﻞ : ﺍﻧﺎ ﻣﺎ
ﺷﻔﺘﻚ ﻣﻦ ﻗﺒﻞ ؟
ﺩﺍﻧﻪ : ﻻﻧﻲ ﻣﺎ ﺟﻴﺖ ﺍﻟﺸﺮﻗﻴﻪ .. ﻛﻨﺖ ﻧﺎﻭﻱ ﺍﺟﻲ ﺑﻤﻠﻜﺘﻜﻢ ﺑﺲ ﻣﺎ
ﺍﻟﻠﻪ ﻛﺘﺐ ﻟﻲ .. ﻭﺗﻌﺒﺖ ﻋﻤﺘﻲ ﻭﻣﺎ ﻗﺪﺭﻧﺎ ﻧﺠﻲ ﺑﺲ ﺍﻧﺎ ﺍﺳﻤﻊ ﻋﻨﻚ
ﻭﺍﻋﺮﻑ ﺍﺧﺒﺎﺭﻙ ﻣﻦ ﺯﻭﺟﻲ ﺟﻮﺍﺩ .. ﻻﻥ ﻫﻮ ﻗﺮﺏ ﺣﻴﻞ ﻣﻦ ﺍﺧﻮﻩ
ﻏﺎﺯﻱ
ﻋﻠﻴﺎ : ...
ﺑﻌﺪ ﺩﻗﺎﻳﻖ ﻣﻦ ﺍﻟﺼﻤﺖ ﺣﺎﻭﻟﺖ ﺩﺍﻧﻪ ﺗﻔﺘﺢ ﺑﺎﺏ ﻟﻠﺤﻮﺍﺭ ﺑﻌﻴﺪ ﻋﻦ
ﺍﻻﺣﺪﺍﺙ ﻓﻲ ﺍﻟﺴﺎﺣﻪ ﺍﻟﺤﺎﻟﻴﻪ : ﻋﻠﻴﺎ ﺍﻧﺘﻲ ﻭﺵ ﺗﺪﺭﺳﻴﻦ
ﻋﻠﻴﺎ ﺑﻌﺪ ﺛﻮﺍﻧﻲ ﻣﻦ ﺍﻟﺼﻤﺖ : ﺭﻳﺎﺿﻴﺎﺕ
ﺩﺍﻧﻪ ﺑﺒﺘﺴﺎﻣﻪ : ﻣﺎ ﺷﺄﻟﻠﻪ .. ﻛﻮﻳﺲ
ﻓﻲ ﺍﻟﻴﻮﻡ ﺍﻟﺜﺎﻧـﻲ .. ﺍﻟﺴﺎﻋﻪ 3 ﻭﻧﺺ ﺍﻟﻌﺼﺮ ..
ﺍﻃﻠﻌﺖ ﺍﻧﻔﺎﻝ ﻣﻦ ﺍﻟﺤﻤﺎﻡ ( ﻭﺍﻧﺘﻮ ﺑﻜﺮﺍﻣﻪ ) ﺑﻌﺪ ﻣﺎ ﺍﺧﺬﺕ ﺩﺵ
.. ﻭﺟﺪﺩﺕ ﻧﺸﺎﻃﻬﺎ ﻛﺎﻧﺖ ﻣﺤﺘﺎﺟﻪ ﻟﻪ ﺑﻌﺪ ﺍﻟﺴﻬﺮ ﻭﺍﻟﻨﻮﻡ ﺍﻟﻘﻠﻴﻞ ..
ﻭﻋﻠﻰ ﻃﻮﻝ ﺍﺭﻓﻌﺖ ﺟﻮﺍﻟﻬﺎ ﺍﻟﻲ ﻛﺎﻥ ﻣﺤﻄﻮﻁ ﻋﻠﻰ ﺍﻟﺴﺮﻳﺮ
ﻭﻧﺎﻇﺮﺕ ﺍﻟﺸﺎﺷﻪ .. ﻭﺻﺎﺑﺘﻬﺎ ﺧﻴﺒﺖ ﺍﻣﻞ .. ﻣﻦ ﻃﻠﻊ ﺷﻬﺎﺏ ﺍﻣﺲ
ﻣﺎ ﺳﻤﻌﺖ ﺻﻮﺗﻪ ﻣﻊ ﺍﻧﻬﺎ ﻗﺎﻳﻠﻪ ﻟﻪ ﺍﺫﺍ ﻭﺻﻞ ﻳﺪﻕ ﻋﻠﻴﻬﺎ .. ﻭﻣﻦ
ﺍﻣﺲ ﻭﻫﻲ ﺗﺪﻕ ﻋﻠﻴﻪ ﻣﺎ ﻳﺮﺩ ﻓﻜﺮﺕ ﺗﺮﺳﻞ ﻟﻪ ﻣﺴﺞ ﺑﺲ ﺍﺣﺘﺎﺭﺕ
ﻭﺵ ﺗﻜﺘﺐ ﻟﻪ .. ﺑﺪﺕ ﺗﺤﺎﺗﻴﻪ ..
ﻃﻠﻌﺖ ﻣﻦ ﺍﻟﻐﺮﻓﻪ ﻭﺭﺍﺣﺖ ﻏﺮﻓﺔ ﻟﻴﻠﻰ .. ﺿﺮﺑﺖ ﺍﻟﺒﺎﺏ ﻭﻟﻤﺎ ﻣﺎ
ﺳﻤﻌﺖ ﺭﺩ ﺍﻓﺘﺤﺖ ﺍﻟﺒﺎﺏ .. ﻭﻣﺜﻞ ﻣﺎ ﺗﻮﻗﻌﺖ ﺍﻻﺧﺖ ﻣﺎ ﺯﺍﻟﺖ
ﻣﻜﺒﺮﻩ ﺍﻟﻤﺨﺪﻩ ..ﺩﺧﻠﺖ ﺑﻬﺪﻭﺀ ﻭﺳﻜﺮﺕ ﺍﻟﺒﺎﺏ .. ﻭﺷﻐﻠﺖ ﺍﻻﻧﻮﺍﺭ ..
ﺑﺲ ﻟﻴﻠﻰ ﻣﺎ ﺣﺴﺖ ﺍﻭﻻ ﻻﻧﻬﺎ ﺑﺴﺎﺑﻊ ﻧﻮﻣﻪ .. ﻭﺛﺎﻧﻴﺎ .. ﻻﻧﻬﺎ ﻣﻐﻄﻴﻪ
ﻭﺟﻬﻬﺎ ﺑﺎﻟﺒﻄﺎﻧﻴﻪ .. ﻗﺮﺑﺖ ﺍﻧﻔﺎﻝ ﻣﻦ ﺍﻟﺴﺮﻳﺮ ..
ﺍﻧﻔﺎﻝ ﻭﻫﻲ ﺗﻬﺰ ﻛﺘﻒ ﻟﻴﻠﻰ .. ﻭﺑﺼﻮﺕ ﻓﻲ ﺗﺼﺎﻋﺪ : ﻟﻴﻠﻰ .. ﻟﻴﻠﻰ
.. ﻟﻴـﻠﻰ .. ﺍﺻﺤﻲ
ﻟﻴﻠﻰ ﺍﻓﺘﺤﺖ ﻋﻴﻮﻧﻬﺎ ﺷﻮﻱ ﻭﻧﺎﻇﺮﺕ ﻣﻦ ﺍﻟﻲ ﺟﺎﻟﺲ ﻳﻬﺰﻫﺎ ﻭﺑﻌﺪﻳﻦ
ﺳﻜﺮﺕ ﻋﻴﻮﻧﻬﺎ ﻭﻫﻲ ﺗﻘﻮﻝ ﺑﺼﻮﺕ ﻛﻠﻪ ﻧﻮﻡ : ﺣﺮﺍﻡ ﻋﻠﻴﻚ ﻳﺎ ﺍﻧﻔﺎﻝ
.. ﺗﻮﻧﻲ ﺑﺎﻭﻝ ﺍﻟﺤﻠﻢ
ﺍﻧﻔﺎﻝ ﻭﻫﻲ ﺗﺠﻠﺲ ﻋﻠﻰ ﻃﺮﻑ ﺍﻟﺴﺮﻳﺮ : ﻓﺎﺕ ﻭﻗﺖ ﺍﻟﺤﻠﻢ ﺍﻟﺤﻴﻦ
ﻫﻨﺎ ﺑﻌﺰ ﺍﻟﻨﻬﺎﺭ .. ﻳﺎﻟﻠﻪ ﻟﻴﻠﻰ ﻗﻮﻣﻲ ﻣﻦ ﺍﻟﻨﻮﻡ
ﻟﻴﻠﻰ ﻭﻫﻲ ﺗﻔﺘﺢ ﻋﻴﻨﻬﺎ ﺑﺴﺘﺴﻼﻡ : ﻭﻫﺬﺍ ﺍﻧﺎ ﺻﺤﻴﺖ .. ﻭﺵ
ﻋﻨﺪﻙ
ﺍﻧﻔﺎﻝ : ﺍﺑﻴﻚ ﺗﺪﻗﻴﻦ ﻋﻠﻰ ﺍﺧﻮﻙ ﻛﻤﺎﻝ
ﻟﻴﻠﻰ ﻭﻫﻲ ﺗﻤﺪ ﻳﺪﻫﺎ ﺑﻬﻮﺍ ( ﺗﺘﻤﻘﻂ ) : ﻟﻴﻪ
ﺍﻧﻔﺎﻝ ﺑﺘﺮﺩﺩ : ﺷﻬﺎﺏ ﻣﺸﻰ ﺍﻣﺲ ﺑﺎﻟﻠﻴﻞ ﺍﻟﺸﺎﻟﻴﻪ .. ﺍﺩﻕ ﻋﻠﻴﻪ ﻣﺎ
ﻳﺮﺩ ﺍﺧﺎﻑ ﺣﺼﻞ ﻟﻪ ﺷﻲﺀ
ﻟﻴﻠﻰ ﺍﺭﺟﻌﺖ ﻣﺮﻩ ﺛﺎﻧﻴﻪ ﺍﻧﺴﺪﺣﺖ ﻋﻠﻰ ﺍﻟﺴﺮﻳﺮ ﻭﻫﻲ ﺗﻘﻮﻝ : ﻭﺍﻟﻠﻪ
ﻋﻠﻰ ﺑﺎﻟﻲ ﻋﻨﺪﻙ ﺳﺎﻟﻔﻪ ﻣﻬﻢ ﻣﺠﻠﺴﺘﻨﻲ ﻣﻦ ﺍﻟﻨﻮﻡ .. ﺍﻟﺤﻴﻦ ﺍﻟﺸﺒﺎﺏ
ﺑﺬﺍ ﺍﻟﻮﻗﺖ ﻧﺎﻳﻤﻴﻦ .. ﻟﺠﺎ ﺍﻟﻤﻐﺮﺏ ﺩﻗﻴﻨﺎ ﻋﻠﻴﻬﻢ .. ﻳﺎﻟﻠﻪ ﺗﺼﺒﺤﻴﻦ
ﻋﻠﻰ ﺧﻴﺮ ..
ﺍﻟﺴﺎﻋﻪ .. 8 ﺑﺎﻟﻠﻴﻞ .. ﻓﻲ ﺳﻴﺎﺭﺓ ﻭﺍﻓﻲ ﺍﻟﻲ ﻛﺎﻧﺖ ﻣﺘﺠﻪ ﻟﻌﻨﻮﺍﻥ
ﺍﻟﻤﻘﺼﻮﺩ ..
ﻭﺍﻓﻲ ﻳﻜﻠﻢ ﻋﺒﺪﺍﻟﺮﺣﻤﻦ ﺑﺎﻟﺠﻮﺍﻝ ..
ﻭﺍﻓﻲ : ﻭﻳﻦ ﺍﺧﺘﻚ ﺳﺠﻰ
ﻋﺒﺪﺍﻟﺮﺣﻤﻦ : ﺑﻐﺮﻓﺘﻬﺎ
ﻭﺍﻓﻲ : ﻛﻠﻤﺘﻬﺎ ﺑﺎﻟﻤﻮﺿﻮﻉ
ﻋﺒﺪﺍﻟﺮﺣﻤﻦ : ﻻ .. ﻛﻞ ﻣﺎ ﺍﻓﺎﺗﺤﻬﺎ ﺑﺎﻟﻤﻮﺿﻮﻉ ﺗﻨﺤﺎﺵ ﻏﺮﻓﺘﻬﺎ
ﻭﺗﻐﻔﻞ ﻋﻠﻴﻬﺎ ﺍﻟﺒﺎﺏ ﻭﺗﺸﻐﻞ ﻣﻮﺳﻴﻘﻰ ﺣﺰﻳﻨﻪ ﻣﺪﺭﻱ ﺍﻣﻮﺍﺝ ﺑﺤﺮ ..
ﺍﺗﺮﺟﺎﻫﺎ ﺗﻔﺘﺢ ﺍﻟﺒﺎﺏ ﻣﺎ ﺗﻔﺘﺢ .. ﺗﺼﺪﻕ ﺑﻨﺖ ﺍﻟﻠﺬﻳﻨﻪ ﺍﻟﻴﻮﻡ ﺭﺍﻳﺤﻪ
ﻣﻊ ﺍﺑﻮﻱ ﺍﻟﺴﻮﻕ ﺗﺸﺘﺮﻱ ﻟﻬﺎ ﻟﻠﺠﺎﻣﻌﻪ ﺍﻟﺤﻴﻦ ﺣﻨﺎ ﻣﻮﺟﻮﺩﻳﻦ ﻣﺎ
ﻃﻠﺒﺖ ﻣﻨﺎ ﻧﻮﺩﻫﺎ
ﻭﺍﻓﻲ ﻭﻫﻮ ﻳﻨﺎﻇﺮ ﺍﻟﻄﺮﻳﻖ .. ﻻ ﻳﻀﻴﻊ ﺍﻟﻌﻨﻮﺍﻥ : ﻭﺍﻟﻠﻪ ﺳﺠﻰ ﻋﻠﻴﻬﺎ
ﺣﺮﻛﺎﺕ ﺩﺍﻫﻴﻪ ﻣﺎ ﺗﺴﻮﻱ ﺍﻻ ﺍﻟﻲ ﻓﻲ ﺭﺍﺳﻬﺎ ..ﻭﻻ ﺍﻧﺎ ﻗﺎﻳﻞ ﻟﻬﺎ ﻳﻮﻡ
ﻣﻠﻜﺖ ﻋﻠﻴﺎ ﻻ ﺗﺮﻭﺣﻴﻦ ﺍﻟﺒﻴﺖ ﺍﺑﻴﻚ ﻣﻮﺿﻮﻉ ﺑﻌﺪ ﻣﺎ ﺗﺨﻠﺼﻮﻥ
ﺍﻟﺤﻔﻠﻪ .. ﻗﺎﻟﺖ ﻟﻲ ﺍﻥ ﺷﺄﻟﻠﻪ ﻟﻤﺎ ﺧﻠﺼﻨﺎ .. ﺍﺩﻭﺭﻫﺎ ﻗﺎﻝ ﻟﻲ ﺍﻭﻝ
ﻭﺣﺪﻩ ﺍﺭﻛﺒﺖ ﺍﻟﺴﻴﺎﺭﻩ
ﻋﺒﺪﺍﻟﺮﺣﻤﻦ : ﻋﻤﺘﻲ ﻋﻠﻴﺎ ﺷﺨﺒﺎﺭﻫﺎ ؟
ﻭﺍﻓﻲ ﺑﺘﻨﻬﻴﺪﻩ ﺧﻔﻴﻔﻪ : ﺍﻟﺤﻤﺪﻟﻠﻪ ﺗﻮﻧﻲ ﻣﻜﻠﻢ ﻏﺎﺯﻱ ﺍﺳﺄﻝ ﻋﻦ ﺍﻣﻪ
ﻋﺒﺪﺍﻟﺮﺣﻤﻦ : ﺑﺼﺮﺍﺣﻪ ﻋﻤﻲ ﺍﻧﺎ ﺗﻔﺎﺟﺎﺕ ﻟﻤﺎ ﺭﺍﺣﺖ ﻣﻌﻪ .. ﺍﺣﻂ
ﻳﻄﺐ ﺑﺎﻟﻨﺎﺭ ﺑﺮﺟﻠﻪ
ﻭﺍﻓﻲ ( ﻭﺟﻮﺩﻫﺎ ﻫﻨﺎﻙ ﺷﺎﻏﻞ ﺑﺎﻟﻪ .. ﻭﻣﻀﺎﻳﻘﻪ .. ﻫﻮ ﻋﺎﺭﻑ ﺍﻥ ﻣﺎ
ﺭﺍﺡ ﻳﺴﺘﻘﺒﻠﻮﻧﻬﺎ ﺑﺎﻻﺣﻀﺎﻥ ﻟﻜﻦ ﺟﻮﺩ ﻏﺎﺯﻱ ﻣﻌﻬﺎ ﻣﺮﻳﺤﻪ ﻧﻮﻋﺎ
ﻣﺎ ) : ﺍﻗﻮﻝ ﺩﺣﻮﻣﻲ ﻭﻳﻦ ﺍﺧﻮﻙ ﺣﻤﺪ .. ﻣﺎ ﺩﻕ ﻋﻠﻲ ﺍﻟﻴﻮﻡ
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ : ﺟﺎﻟﺲ ﻣﻊ ﺍﻣﻲ ﺗﺤﺖ ﻳﺘﺎﺑﻌﻮﻥ ﻓﻠﻢ .. ﻭﺍﻟﻠﻪ
ﺍﻣﻲ ﻓﺮﺣﺎﻧﻪ ﻟﻤﺎ ﺗﺴﺎﻣﺢ ﻣﻦ ﺍﺑﻮﻩ ﻭﺳﺎﻣﺤﻪ
ﻭﺍﻓﻲ ﺑﺒﺘﺴﺎﻣﻪ ﻭﻫﻮ ﻳﻮﻗﻒ ﺍﻟﺴﻴﺎﺭﻩ ﺟﻨﺐ ﺑﻴﺖ : ﻳﺎﻟﻠﻪ ﺩﺣﻮﻣﻲ
ﺑﺴﻜﺮ ﺍﻟﺤﻴﻦ ..
ﺳﻜﺮ ﻭﺍﻓﻲ ﻣﻦ ﻋﺒﺪﺍﻟﺮﺣﻤﻦ ﻭﻧﺎﻇﺮ ﻓﻲ ﻭﺍﺟﻬﺔ ﺍﻟﺒﻴﺖ ﺍﻟﻲ ﻭﻗﻒ
ﺍﻟﺴﻴﺎﺭﻩ ﺟﻨﺒﻪ .. ﻣﻦ ﻧﺎﻓﺬﺓ .. ﺍﻟﺘﻔﺖ ﻭﻧﺎﻇﺮ ﺍﻟﺸﺎﺭﻉ .. ﻭﺍﻟﺒﻴﻮﺕ
ﺍﻟﻤﻘﺎﺑﻠﻪ .. ﻭﺭﺟﻊ ﻣﺮﻩ ﺛﺎﻧﻴﻪ ﻳﻨﺎﻇﺮ ﺍﻟﺒﻴﺖ ﻫﻮ ﻣﺮ ﻣﻦ ﻫﻨﺎ ﻗﺒﻞ ﻛﺬﺍ
ﺑﺲ ﻣﺎ ﻳﺪﻱ ﻣﺘﻰ .. ﻭ ﻫﺬﺍ ﺍﻟﺒﻴﺖ ﻛﺎﻥ ﻗﺎﺻﺪﻩ ﻣﻦ ﻗﺒﻞ ﺑﺲ ﻣﺎ
ﻳﺪﺭﻱ ﻟﻤﻴﻦ .. ﻧﺰﻝ ﻋﻠﺸﺎﻥ ﻳﺮﻥ ﺍﻟﺠﺮﺱ
ﻓﻲ ﻧﻔﺲ ﺍﻟﻠﺤﻈﻪ ﺳﻴﺎﺭﺓ ﻃﻼﻝ ﻛﺎﻧﺖ ﻭﺍﻗﻔﻪ ﻗﺪﺍﻡ ﺳﻴﺎﺭﺓ ﻭﺍﻓﻲ ..
ﻣﻘﺎﺑﻠﻪ ﻟﺒﻮﺍﺑﺖ ﺍﻟﺒﻴﺖ ﺑﻀﺒﻂ ..
ﻃﻼﻝ : ﺍﻗﻮﻝ ﻟﻴﻠﻰ ﺩﻗﻲ ﻋﻠﻰ ﺑﻨﺎﺕ ﻋﻤﺘﻚ ﻗﻮﻝ ﻟﻬﻢ ﻳﻘﻮﻟﻜﻢ ﻋﻤﻲ
ﻃﻼﻝ ﺍﻥ ﻣﺎ ﻃﻠﻌﺖ ﺍﻟﺤﻴﻦ ﺑﻨﻤﺸﻲ .. ﺻﺎﺭ ﻟﻨﺎ ﻧﺺ ﺳﺎﻋﻪ ﻭﺣﻨﺎ
ﻧﺴﺘﻨﺎﻫﻢ ﻭﺵ ﺩﻋﻮﻩ ﺣﺘﻰ ﻟﻮ ﺑﺮﺣﻮﻥ ﻋﺮﺱ ﺍﻟﻠﺒﺲ ﻭﻗﻀﻮ ..
ﻟﻴﻠﻰ ﻣﻦ ﺍﻟﻤﻘﻌﺪ ﺍﻟﺨﻠﻔﻲ : ﺍﻥ ﺷﺄﻟﻠﻪ ﺍﻟﺤﻴﻦ ﺍﺩﻕ ﻋﻠﻴﻬﻢ .. ﻣﻊ ﺍﻧﻲ
ﺩﺍﻗﻪ ﻋﻠﻴﻬﻢ ﻗﺒﻞ ﻻ ﻧﻮﺻﻞ ﻭﻣﻨﺒﻬﺘﻬﻢ ﻋﻠﻰ ﻋﺪﻡ ﺍﻟﺘﺎﺧﻴﺮ ..ﻭﻗﺎﻳﻞ
ﻟﻬﻢ ﻳﻠﺒﺴﻮﻥ ﻋﺒﺎﻳﺎﺗﻬﻢ ﺑﺪﺭﻱ
ﻃﻼﻝ ﻭﻫﻮ ﻳﺸﻮﻑ ﺷﺨﺺ ﻳﺼﻌﺪ ﺩﺭﺝ ﺍﻟﺒﻴﺖ ﻭﻳﺮﻥ ﺍﻟﺠﺮﺱ :
ﺑﻨﺰﻝ ﺍﻧﺎﺩﻳﻬﻢ ﺍﻧﺎ ﺑﻨﻔﺴﻲ .. ﺑﺴﻜﺮ ﺍﻟﺴﻮﻕ ﻭﻫﻢ ﻣﺎ ﻃﻠﻌﻮ ... ﻧﺰﻝ
ﻃﻼﻝ ﻣﻦ ﺍﻟﺴﻴﺎﺭﻩ ..
ﻃﻼﻝ ﻭﻫﻮ ﻳﺼﻌﺪ ﺍﺧﺮ ﻋﺘﺒﻪ ﻣﻦ ﺩﺭﺝ ﺍﻟﺒﻴﺖ : ﺍﻟﺴﻼﻡ ﻋﻠﻴﻜﻢ
ﺍﻟﺘﻔﺖ ﻭﺍﻓﻲ ﻋﻠﻰ ﻃﻮﻝ ﻭﻧﺎﻇﺮ ﻓﻲ ﻃﻼﻝ .. : ﻭﻋﻠﻴﻜﻢ ﺍﻟﺴﻼﻡ
ﻃﻼﻝ ﺑﺘﺴﺎﺋﻞ : ﺧﻴﺮ ﻳﺎ ﺧﻮﻱ
ﻭﺍﻓﻲ ﻧﺎﻇﺮ ﺍﻟﺒﺎﺏ ﻭﺑﻌﺪﻳﻦ ﺭﺟﻊ ﻧﺎﻇﺮ ﻃﻼﻝ : ﻣﻮ ﻫﺬﺍ ﺑﻴﺖ
ﻋﺒﺪﺍﻟﺮﺅﻑ ﻧﺎﺻﺮ <<< ﺧﺒﺮﻩ ﻓﻲ ﺍﻟﺘﺼﺮﻓﺎﺕ
ﻃﻼﻝ ﻇﻞ ﻟﺤﻈﻪ ﻳﻨﺎﻇﺮ ﻓﻲ ﻣﻼﻣﺢ ﻭﺍﻓﻲ .. ﻣﻮ ﻏﺮﻳﺒﻪ ﻋﻠﻴﻪ ﻛﺎﻧﻪ
ﺷﺎﻳﻔﻪ ﻣﻦ ﻗﺒﻞ : ﻻ ﺍﺧﻮﻱ ﻏﻠﻄﺎﻥ ﺑﺎﻟﺒﻴﺖ
ﻭﺍﻓﻲ ﺑﺴﺮﻋﻪ : ﺍﺳﻔﻪ .. ﺍﻇﺎﻫﺮ ﺍﻧﻲ ﻏﻠﻄﺖ ﻓﻲ ﺍﻟﺸﺎﺭﻉ .. ( ﻛﻤﻞ
ﻭﻫﻮ ﻳﻤﺸﻲ ) .. ﻳﺎﻟﻠﻪ ﻣﻊ ﺍﻟﺴﻼﻣﻪ
ﻃﻼﻝ : ﺍﻟﻠﻪ ﻳﺴﻠﻤﻚ
ﻣﺸﻰ ﺑﺴﺮﻋﻪ ﻭﺍﻓﻲ ﻭﺭﻛﺐ ﺍﻟﺴﻴﺎﺭﻩ .. ﻫﻮ ﻣﺘﺎﻛﺪ ﺍﻥ ﻫﺬﺍ ﺍﻟﺒﻴﺖ
ﺟﺎﻱ ﻟﻪ ﻣﻦ ﻗﺒﻞ .. ﺍﻛﻴﺪ ﻣﻮﺻﻞ ﺻﺪﻳﻘﻪ ﻣﻦ ﺻﺪﻳﻘﺎﺕ ﺳﺠﻰ ..
ﺑﺲ ﺻﻌﺐ ﻳﺘﺬﻛﺮ ﻣﺘﻰ .. ﻳﺨﺎﻑ ﻳﺤﺎﻭﻝ ﻳﺘﺬﻛﺮ .. ﻳﻈﻬﺮ ﻏﺒﺎﺋﻪ ..
ﻣﻮ ﻫﻮ ﺍﻟﺬﺍﻛﺮﻩ ﺍﺣﻴﺎﻧﺎ ﺗﺨﻮﻧﻪ
ﻓﻲ ﺍﻟﺸﺎﻃﻰﺀ ﻣﻮﻝ ..
ﻛﺎﻧﺖ ﻟﻴﻠﻰ ﻭﻣﻴﻼﻑ ﻭﻣﻴﻌﺎﺩ .. ﻳﻄﻠﻌﻮﻥ ﻣﻦ ﻣﺤﻞ ﻭﻳﺪﺧﻠﻮﻥ ﺍﻟﻤﺤﻞ
ﺍﻟﻲ ﺟﻨﺒﻪ .. ﻳﺠﻬﺰﻭﻥ ﻟﻠﺠﺎﻣﻌﻪ .. ﻫﻲ ﻣﻼﻣﺒﺲ ﻭﻫﻲ ﻗﻤﺼﺎﻥ ..
ﻭﺗﻨﺎﻧﻴﺮ .. ﻭﻛﺴﺴﻮﺭﺍﺕ .. ﻭﺍﺣﺬﻳﻪ .. ﻭﺷﻨﻂ .. ﻭﻣﻜﻴﺎﺝ ..
ﻭﻧﻈﺎﺭﺍﺕ .. ﺍﺳﺘﻌﺪﺍﺩ ﺗﺎﻡ ﻭﺗﺠﺪﻳﺪ ﺷﺎﻣﻞ ﺍﻣﺎ ﺍﻧﻔﺎﻝ ﻓﻜﺎﻧﺖ ﺗﻤﺸﻲ
ﺟﻨﺐ ﻋﻤﻬﺎ ﻃﻼﻝ ﻭﺗﻠﺤﻘﻬﻢ .. ﻣﻦ ﻣﺤﻞ ﺍﻟﻰ ﻣﺤﻞ .. ﻭﺍﺣﻴﺎﻧﺎ
ﺗﺮﻭﺡ ﻣﻌﻬﻢ ﺗﺸﻮﻑ ﻭﺵ ﻳﺸﺘﺮﻭﻥ .. ﺗﺤﺲ ﺍﻥ ﺍﻻﺳﻌﺎﺭ ﻧﺎﺭ ..
ﻭﺑﺼﺮﺍﺣﻪ ﺍﻟﻤﻼﺑﺲ ﻣﺒﺎﻟﻎ ﻓﻴﻬﺎ ﻣﻌﻘﻮﻟﻪ ﻳﻠﺒﺴﻮﻥ ﻛﺬﺍ ﻟﻠﺠﺎﻣﻌﻪ
ﺍﻧﻔﺎﻝ ﻭﻫﻲ ﺗﻨﺎﻇﺮ ﻟﻴﻠﻰ ﺗﻘﻠﺐ ﻓﻲ ﺍﻟﺒﻠﻮﺯﻩ : ﻟﻴﻠﻰ ﻣﻮ ﻳﻘﻮﻟﻮﻥ ﻟﺒﺲ
ﺍﻟﺠﺎﻣﻌﻪ ﺍﻟﻠﻮﺍﻥ ﻣﺤﺪﺩﻩ
ﻟﻴﻠﻰ ﺑﺒﺘﺴﺎﻣﻪ : ﺍﻳﻮﻩ .. ﺑﺲ ﺍﻏﻠﺐ ﺍﻟﺒﻨﺎﺕ ﻣﺎ ﻳﻠﺘﺰﻣﻮﻥ .. ﻭﺍﻧﺎ ﻭﺣﺪ
ﻣﻨﻬﻢ ﺑﺼﺮﺍﺣﻪ ﺍﻟﻠﻮﻥ ﺍﻻﺑﻴﺾ ﻳﺠﺐ ﻟﻲ ﻛﺄﺑﻪ
ﻣﻴﻼﻑ ﻗﺮﺑﺖ ﻣﻨﻬﻢ ﻭﺑﻴﺪﻫﺎ ﺑﻠﻮﺯﻩ ﻟﻮﻧﻬﺎ ﻓﻮﺷﻲ : ﻟﻴﻠﻰ ﻭﺵ ﺭﺍﻳﻚ
ﻓﻴﻬﺎ
ﻟﻴﻠﻰ ﺑﺒﺘﺴﺎﻣﻪ : ﺭﻫﻴﺒﻪ ..
ﺍﻧﻔﺎﻝ ﻭﻫﻲ ﺗﻨﺎﻇﺮ ﺍﻟﺒﻠﻮﺯﻩ : ﺑﺲ ﻟﻮﻧﻬﺎ ﻏﻴﺮ ﻣﺮﻳﺢ ﻟﻠﻌﻴﻦ .. ﺣﻴﻞ
ﺻﺎﺭﺥ
ﻣﻴﻼﻑ ﻣﻦ ﻏﻴﺮ ﻧﻔﺲ : ﻣﻦ ﻃﻠﺐ ﺭﺍﻳﻚ .. ﺍﻛﺮﻣﻴﻨﺎ ﺑﺴﻜﻮﺗﻚ .. ﺍﻧﺎ
ﻣﺪﺭﻱ ﻟﻴﻪ ﺟﺎﻳﺎ ﻣﻌﻨﺎ
ﻟﻴﻠﻰ ﺍﻟﺘﻔﺘﺖ ﻋﻠﻰ ﻣﻴﻼﻑ .. ﻭﺿﺮﺑﺘﻬﺎ ﺑﻜﻮﻛﻬﺎ .. ﻭﻫﻲ ﺗﻘﻮﻝ :
ﻳﺎﻟﻠﻪ ﺧﻠﻴﻨﺎ ﻧﻄﻠﻊ ﻣﻦ ﺍﻟﻤﺤﻞ
ﻣﻴﻼﻑ ﻭﻫﻲ ﺗﻤﺸﻲ ﺟﻨﺐ ﻟﻴﻠﻰ ﻭﺗﻨﺎﻇﺮ ﺍﻧﻔﺎﻝ ﺑﺤﺘﻘﺎﺭ : ﺍﺗﻤﻨﻰ ﺍﻧﻚ
ﻣﺎ ﺗﻠﺤﻘﻴﻨﺎ ﻻﻥ ﺑﺼﺮﺍﺣﻪ ﺗﺨﺮﺑﻴﻦ ﻋﻠﻰ ﻣﺘﻌﺖ ﺍﻟﺘﺴﻮﻕ .. ﻭﺑﻌﺪﻳﻦ
ﺍﻧﺘﻲ ﻣﻨﺖ ﻣﺤﺘﺎﺟﻪ ﺗﺸﺘﺮﻳﻦ ﺷﻲﺀ .. ﻻﻧﻚ ﺭﺍﺡ ﺗﺠﻠﺴﻦ ﺑﺎﻟﺒﻴﺖ
ﻟﻴﻠﻰ .. ﺑﺴﺮﻋﻪ ﺍﻣﺴﻜﺖ ﻣﻴﻼﻑ ﻣﻦ ﻳﺪﻫﺎ ﻭﺟﺮﺗﻬﺎ ﺑﺮﻯ ﺍﻟﻤﺤﻞ ..
ﻭﻫﻲ ﺗﻘﻮﻝ : ﻟﻴﻪ ﺣﺎﻃﻪ ﺩﻭﺑﻚ ﻭﺩﻭﺑﻬﺎ .. ﻣﻦ ﺍﻭﻝ ﻣﺎ ﺭﻛﺒﺘﻲ
ﺍﻟﺴﻴﺎﺭﻩ ﻭﺍﻧﺘﻲ ﻣﺴﺘﻠﻤﺘﻬﺎ .. ﺗﺮﺍﻧﻲ ﻣﺎ ﺍﺳﻤﺢ ﻟﻚ ﻫﺬﻱ ﻣﺮﺓ ﺍﺧﻮﻱ
ﻣﻴﻼﻑ : ﺗﻜﻔﻴﻦ ﻋﺎﺩ ﻳﺎ ﺍﻟﺤﻤﺎﻩ ﺍﻟﻤﺜﺎﻟﻴﻪ
ﺩﺧﻠﻮ ﻣﺤﻞ ﺛﺎﻧﻲ .. ﺑﺲ ﺍﻧﻔﺎﻝ ﻣﺎ ﺩﺧﻠﺖ ﻣﻌﻬﻢ .. ﺟﻠﺴﺖ ﻋﻠﻰ
ﺍﻟﻜﺮﺳﻲ ﻣﻊ ﻋﻤﻬﺎ ﻃﻼﻝ .. ﻻﻧﻬﺎ ﺗﻌﺒﺖ ﻣﻦ ﺍﻟﻤﺸﻲ
ﻃﻼﻝ : ﺍﻧﻔﺎﻝ ﻟﻲ ﻣﺎ ﺷﺮﻳﺘﻲ ﻟﻚ ﺷﻲﺀ
ﺍﻧﻔﺎﻝ : ﻫﻢ ﻳﺠﻬﺰﻭﻥ ﻟﻠﺠﺎﻣﻌﻪ .. ﻭﺍﻧﺎ ﻣﺎ ﺭﺍﺡ ﺍﺭﻭﺡ ﺍﻟﺠﺎﻣﻌﻪ
ﻃﻼﻝ ﺑﻌﺪ ﺗﻔﻜﻴﺮ : ﻟﻴﻪ ﻣﺎ ﻛﻠﻤﺘﻲ ﺷﻬﺎﺏ ﻭﻗﻠﺖ ﻟﻪ ﻳﻨﻘﻞ ﺍﻭﺭﺍﻗﻚ
ﻣﻦ ﻛﻠﻴﺔ ﺍﻟﻄﺐ ﺍﻟﻰ ﻛﻠﻴﻪ ﺛﺎﻧﻴﻪ
ﺍﻧﻔﺎﻝ : ﻳﻌﻨﻲ ﻳﻘﺪﺭ ﻳﻨﻘﻞ ﺍﻭﺭﺍﻗﻲ
ﻃﻼﻝ : ﺍﻋﺘﻘﺪ ﻳﻘﺪﺭ
ﺍﻧﻔﺎﻝ : ﺑﺤﺎﻭﻝ ﺍﻛﻠﻤﻪ .. ﻭﺍﻥ ﺷﺄﻟﻠﻪ ﻳﺮﺿﻰ .. ( ﻛﻤﻠﺖ ﻭﻫﻲ ﺗﻨﺎﻇﺮ
ﻋﻤﻬﺎ ﻃﻼﻝ ﺑﺒﺘﺴﺎﻣﻪ .. ﻟﻤﺎ ﺗﺬﻛﺮﺕ ﺩﻻﻝ ) .. ﺍﻗﻮﻝ ﻋﻤﻲ ﺳﻤﻌﺖ
ﺍﻧﻚ ﻧﺎﻭﻱ ﺗﺘﺰﻭﺝ
ﻃﻼﻝ ﻭﻋﺎﻗﺪ ﺣﻮﺍﺟﺒﻪ : ﻣﻦ ﺧﺒﺮﻙ ..
ﺍﻧﻔﺎﻝ ﺑﺒﺘﺴﺎﻣﻪ : ﺧﺎﻟﺘﻲ ﻣﻦ ﺍﻡ ﺿﺎﺭﻱ .. ﻗﺎﻟﺖ ﻟﻲ ﺍﻛﻠﻢ ﺩﻻﻝ
ﺍﺳﺄﻟﻬﺎ ﻗﺒﻞ ﻻ ﻳﺮﺣﻮﻥ ﻳﺨﻄﺒﻮﻥ ﺭﺳﻤﻲ
ﻃﻼﻝ ( ﻣﺎ ﻛﺎﻥ ﻋﻠﻰ ﺍﻟﺒﺎﻝ ﻭﻻ ﻋﻠﻰ ﺍﻟﺨﺎﻃﺮ ﻫﺬﺍ ﺍﻟﻤﻮﺿﻮﻉ ..
ﺍﺳﺎﺳﺎ ﻧﺴﺎﻩ ﻭﺗﻔﺎﺟﺎ ﻟﻤﺎ ﻗﺎﻟﺖ ﻟﻪ ﺍﻧﻔﺎﻝ ) : ﻃﻴﺐ ﻛﻠﻤﺘﻴﻬﺎ
ﺍﻧﻔﺎﻝ ﺑﺒﺘﺴﺎﻣﻪ : ﺑﻜﺮﻩ ﺭﺍﺡ ﺍﻛﻠﻤﻬﺎ .. ﺍﻟﻴﻮﻡ ﺩﻗﻴﺖ ﻋﻠﻴﻬﺎ ﺑﺎﻟﺴﻮﻕ
ﻃﻼﻝ ﻭﺣﺐ ﻳﻐﻴﺮ ﺍﻟﻤﻮﺿﻮﻉ .. ﻭﻟﻘﺎﻫﺎ ﻓﺮﺻﻪ ﻳﺴﺘﻔﺴﺮ ﻣﻦ ﺍﻧﻔﺎﻝ
ﻋﻦ ﻣﻮﺿﻮﻉ ﺷﺎﻏﻞ ﺑﺎﻟﻪ ﻣﻮ ﻣﺨﻠﻴﻪ ﻳﻨﺎﻡ : ﺍﻧﻔﺎﻝ ﺻﺪﻳﻘﺘﻚ ﻫﻴﺎﻡ ..
ﻣﺨﻄﻮﺑﻪ
ﺍﻧﻔﺎﻝ ﺑﺴﺘﻐﺮﺍﺏ : ﻻ
ﻃﻼﻝ : ﻃﻴﺐ ﻫﻲ ﻋﻨﺪﻫﺎ ﺍﺧﻮﺍﻥ ﻛﺒﺎﺭ ﺍﻭ ﻋﻴﺎﻝ ﻋﻢ .. ﻋﻤﺎﻡ ﺧﻮﺍﻝ
ﺍﻧﻔﺎﻝ ﺑﺴﺘﻐﺮﺍﺏ ﺍﻛﺜﺮ : ﻻ ﻣﺎ ﻋﻨﺪﻫﺎ ﺍﻻ ﺍﺥ ﻭﺍﺣﺪ ﻭﺻﻐﻴﺮ .. ﻣﺎ
ﺍﻇﻦ ﻋﻨﺪﻫﺎ ﻋﻴﺎﻝ ﻋﻢ .. ﻭﻻ ﻋﻤﺎﻡ ﺑﺲ ﻋﻨﺪﻫﺎ ﺧﺎﻝ ﻛﺒﻴﺮ ﺷﻮﻱ
ﺑﺴﻦ .. ﻭﺷﺪﻳﺪ ﻋﻠﻴﻬﻢ
ﻃﻼﻝ ﺯﺍﺩﺕ ﺣﻴﺮﺗﻪ .. ﺍﺟﻞ ﻣﻦ ﻫﺬﺍ ﻓﻴﺼﻞ .. ﻭﺵ ﻳﻘﺮﺏ ﻟﻬﺎ ..
ﺍﻧﺎ ﺷﺎﻳﻔﻬﺎ ﺗﺮﻛﺐ ﻣﻌﻪ ﺑﺎﻟﺴﻴﺎﺭﻩ .. ﻣﻌﻘﻮﻟﻪ ﺧﻄﻴﺒﻬﺎ ﻭﻣﺎ ﻗﺎﻟﺖ ﻟﻬﻢ
.. ﻻ ﻻ .. ﻣﺎ ﺍﻛﻮﻥ ﻃﻼﻝ ﺍﺫﺍ ﻣﺎ ﻋﺮﻓﺖ ﻣﻦ ﻫﺬﺍ ﻓﻴﺼﻞ )ﻓﻲ ﺍﻟﺮﻳﺎﺽ .. ﻭﺗﺤﺪﻳﺪﺍ ﻓﻲ ﺍﻟﻤﺴﺘﺸﻔﻰ ..
ﻛﺎﻥ ﻏﺎﺯﻱ ﻳﻤﺸﻲ ﻓﻲ ﺍﻟﻤﻤﺮ ﺍﻟﻄﻮﻳﻞ ..ﻭﻋﻴﻮﻧﻪ ﻋﻠﻰ ﺍﺧﺮ ﺑﺎﺏ ﻋﻠﻰ
ﺟﻬﺘﻪ ﺍﻟﻴﺴﺎﺭ .. ﻭﻗﻠﺒﻪ ﻣﻊ ﻋﻠﻴﺎ ﺍﻟﻲ ﺗﻤﺸﻲ ﺟﻨﺒﻪ ﻛﻞ ﻣﺎ ﺧﻄﺎ
ﺧﻄﻮﻩ ﺍﻟﺘﻔﺖ ﻋﻠﻴﻬﺎ ﻭﻧﺎﻇﺮ ﻓﻴﻬﺎ .. ﻳﺤﺴﻬﺎ ﺗﺤﺎﻭﻝ ﺗﺘﻤﺎﺳﻚ ﻣﻮ
ﻛﻔﺎﻳﻪ ﺍﻧﻬﻴﺎﺭﻫﺎ ﺍﻣﺲ ﻭﺩﻣﻮﻋﻬﺎ ﺍﻟﻰ ﻣﺎ ﻭﻗﻔﺖ ﺣﺘﻰ ﻭﻫﻲ ﻧﺎﻳﻤﻪ ..
ﻗﺎﻝ ﻟﻬﺎ ﺗﺠﻠﺲ ﺑﻴﺖ ﺍﺧﻮﻩ ﺟﻮﺍﺩ ﻣﻊ ﺩﺍﻧﻪ ﻣﺮﺕ ﺍﺧﻮﻩ .. ﻭﻫﻮ
ﻳﺮﻭﺡ ﺍﻟﻤﺴﺘﺸﻔﻰ .. ﻟﻜﻨﻬﺎ ﺍﺻﺮﺭﺕ ﺗﺠﻲ ﻣﻌﻪ .. ﺻﺎﺭ ﻗﺒﺎﻝ ﺍﻟﺒﺎﺏ
..
ﻣﺪ ﻳﺪﻩ ﻭ ﻣﺴﻚ ﻣﻘﺒﺾ ﺍﻟﺒﺎﺏ .. ﺣﺲ ﺑﺪﻓﺎ ﻳﺪ ﻋﻠﻴﺎ ﺍﻟﻲ ﺍﺣﺘﻀﻨﺖ
ﻳﺪﻩ ﺍﻟﺜﺎﻧﻴﻪ
ﺍﻟﺘﻔﺖ ﻋﻠﻴﺎ ﺑﺒﺘﺴﺎﻣﻪ ﻭﻫﻮ ﻳﺸﺪ ﻋﻠﻰ ﻳﺪﻫﺎ .. ﻭﻓﺘﺢ ﺍﻟﺒﺎﺏ ﻭﻣﺜﻞ ﻣﺎ
ﻛﺎﻥ ﻣﺘﻮﻗﻊ .. ﻧﺺ ﺍﻟﻌﺎﺋﻠﻪ ﺍﻟﻜﺮﻳﻤﻪ ﻛﺎﻧﺖ ﻣﻮﺟﻮﺩﻩ .. ﺩﺧﻞ ﻭﻋﻴﻮﻧﻪ
ﻋﻠﻰ ﺍﻣﻪ ﺍﻟﻲ ﻣﻨﺴﺪﺣﻪ ﻋﻠﻰ ﺍﻟﺴﺮﻳﺮ .. ﺷﺪ ﻋﻠﻰ ﻳﺪ ﻋﻠﻴﺎ ﺍﻛﺜﺮ
ﻭﻗﺮﺏ ﻣﻦ ﺍﻣﻪ
ﻏﺎﺯﻱ ﻭﻫﻮ ﻳﺒﻮﺱ ﺭﺍﺳﻪ ﺍﻣﻪ : ﻣﺎ ﺗﺸﻮﻓﻴﻦ ﺷﺮ ﻳﺎﻟﻐﺎﻟﻴﻪ ..
ﺳﻼﻣﺘﻚ ﻳﺎﻣﺎ
ﺍﻡ ﺟﻮﺍﺩ ﺑﺼﻮﺕ ﻭﺍﻃﻲ : ﺍﻟﺸﺮ ﻣﺎ ﻳﺠﻴﻚ ﻳﻤﺎ .. ﻭﻳﻨﻚ ﻳﻤﺎ ﺭﺣﺖ
ﻭﺧﻠﻴﻨﻲ .. ﺗﻌﺒﺖ ﻭﺍﻧﺎ ﺍﺣﺎﺗﻴﻚ
ﻏﺎﺯﻱ ﺑﺒﺘﺴﺎﻣﻪ ﺧﻔﻴﻔﻪ ﻭﻫﻮ ﻳﻨﺎﻇﺮ ﻋﻠﻴﺎ : ﻳﻤﺎ ﻫﺬﻱ ﻋﻠﻴﺎ ..
ﺍﻡ ﺟﻮﺍﺩ ﺑﺪﻭﻥ ﻣﺎ ﺗﻨﺎﻇﺮ ﻋﻠﻴﺎ .. ﺑﺼﻮﺕ ﻗﻮﻱ ﺭﻏﻢ ﺗﻌﺒﺎﻫﺎ : ﻫﺬﻱ
ﺍﻟﻲ ﻋﻠﺸﺎﻧﻬﺎ ﺗﺮﻛﺖ ﺍﻫﻠﻚ .. ﻭﺍﻣﻚ ﻭﺭﺣﺖ ﻟﻬﺎ
ﺗﻜﻠﻤﺖ ﺍﺧﺘﻪ ﺍﻧﻮﺍﺭ ﺍﻟﻲ ﻛﺎﻧﺖ ﺟﺎﻟﺴﻪ ﻗﺮﻳﺐ ﻣﻦ ﺍﻣﻬﺎ : ﻭﺟﺎﻳﺒﻬﺎ
ﻣﻌﻚ ﻣﺴﺘﺎﻧﺲ ﻋﻠﻴﻬﺎ ﻫﻞ ﺍﻟﻤﺠﻨﻮﻧﻪ .. ﻫﺬﺍ ﺑﺪﻝ ﻣﺎ ﺗﺮﺟﻊ ﻟﻌﻘﻠﻚ
ﻭﺍﻫﻠﻚ ..
ﺗﻜﻠﻤﺖ ﻋﻤﺘﻪ ﺍﻡ ﺫﻳﺎﺏ : ﻟﻴﻪ ﺟﺎﻳﺒﻪ ﻣﻌﻚ .. ﺗﺒﻲ ﺗﺘﻌﺐ ﺍﻣﻚ
ﻭﺗﻤﺮﺿﻬﺎ ﺯﻳﺎﺩﻩ ﻣﻮ ﻛﻔﺎﻳﻪ ﺗﻌﺒﻬﺎ ﺑﺴﺒﺒﻚ .. ﻭﺣﺴﺮﻩ ﻋﻠﻴﻚ .. ﻋﻠﻰ
ﺍﻟﻈﺎﻟﻤﻴﻦ ﺍﻟﻲ ﺍﻟﻌﺒﻮ ﺑﻌﻘﻠﻚ ﻫﻞ ﻣﺎ ﻳﺨﺎﻓﻮﻥ ﺭﺑﻬﻢ
ﺗﻜﻠﻤﺖ ﻋﻤﺘﻪ ﺍﻟﺜﺎﻧﻴﻪ ﺑﺸﺮﺍﺳﻪ : ﺍﻧﺎ ﻗﻠﺖ ﻟﻜﻢ ﺳﺎﺣﺮﺗﻪ ﻫﺬﻱ ﺳﺎﺣﺮﻩ
ﻣﺎ ﺗﺸﻮﻓﻮﻧﻪ ﻣﻮ ﻗﺎﺩﺭ ﻳﺒﻌﺪ ﻋﻨﻬﺎ ﻳﻤﺸﻲ ﻭﺭﺍﻫﺎ ﻣﺜﻞ ﺍﻟﻤﺠﻨﻮﻥ ..
ﺑﺪﻭﻥ ﺣﻮﺍﺱ ﻭﻋﻘﻞ ..
ﻋﻠﻴﺎ ﻛﺎﻧﺖ ﻭﺍﻗﻔﻪ ﺟﻨﺐ ﻏﺎﺯﻱ ﻣﻨﺰﻟﻪ ﺭﺍﺳﻬﺎ .. ﻭﺗﺤﺲ ﺍﻥ ﺍﻟﺪﻧﻴﺎ
ﺗﺪﻭﺭ ﻓﻴﻬﺎ .. ﻭﻛﻼﻣﻬﻢ ﻣﺜﻞ ﺍﻟﺮﻣﺎﺡ ﺍﻟﻲ ﺗﺼﻴﺐ ﺑﻼ ﺭﺣﻤﻪ .. ﺗﺤﺲ
ﺍﻧﻬﺎ ﺑﻐﺎﺑﻪ .. ﻭﻣﺤﺎﻭﻃﻴﻨﺎ ﺍﻟﻮﺣﻮﺵ ﻣﻦ ﻛﻞ ﺟﻬﻬﺎ .. ﺍﻭ ﺗﺤﺲ ﺍﻧﻬﺎ
ﺑﻮﺍﺩﻱ ﻋﻤﻴﻖ ﻣﺎ ﻻ ﻧﻬﺎﻳﻪ .. ﺍﻭ ﻛﺎﻧﻬﺎ ﻗﺎﻓﺰﻩ ﻣﻦ ﺟﺒﻞ .. ﻭﻛﻞ ﻣﺎ
ﻗﺮﺑﺖ ﻣﻦ ﺍﻻﺭﺽ .. ﺯﺍﺩ ﺍﻟﻀﻐﻂ ﻋﻠﻴﻬﺎ .. ﻣﻠﺖ ﻛﺜﺮﺓ ﺍﻟﺪﻣﻮﻉ
ﺑﺮﻗﻌﻬﺎ .. ﻣﺎﻫﻲ ﻗﺎﺩﺭﻩ ﺗﺘﻨﻔﺲ .. ﻗﺎﻣﺖ ﺍﻟﺪﻧﻴﺎ ﺗﺪﻭﺭ ﻓﻴﻬﺎ ﺑﻘﻮﻩ ..
ﻭﺍﻟﺴﻮﺍﺩ ﺧﻴﻢ ﻋﻠﻰ ﺍﻟﻤﻜﺎﻥ ﻣﻦ ﺣﻮﻟﻬﺎ .. ﻣﺎ ﺗﻘﺪﺭ ﺗﺸﻮﻑ ﺷﻲﺀ ..
ﻏﻴﺮ ﺍﻟﺴﻮﺍﺩ .. ﻣﺎ ﺗﺤﺲ ﺑﺸﻲ .. ﻏﻴﺮ ﺑﺪﻣﻮﻋﻬﺎ ﺍﻟﺤﺎﺭﻩ .. ﻭﻗﻮﺓ ﻳﺪ
ﻏﺎﺯﻱ ..
ﺍﺻﺮﺧﺖ ﺻﺮﺧﻪ ( ﺍﻟﻢ ) .. ﻫﺰﺕ ﺍﻟﻤﻜﺎﻥ .. ﻭﻃﺎﺣﺖ ﻋﻠﻰ ﺍﻻﺭﺽ ..