الفصل 33
ﻓﺠﺄﻩ ﺣﺲ ﻃﻼﻝ ﺍﻥ ﺍﻟﺴﻤﺎ ﻃﺎﺣﺖ ﻋﻠﻰ ﺭﺍﺳﻪ .. ﻭﻛﺎﻥ ﻃﺎﺑﻘﻮﻩ
ﻗﻮﻳﻪ ﺿﺮﺑﺖ ﺭﺍﺳﻪ .. ﻭﺣﺲ ﺍﻥ ﺍﻟﺪﻧﻴﺎ ﻗﺎﻣﺖ ﺗﺪﻭﺭ ﻓﻴﻪ .. ﻭﺑﺪﻯ
ﺍﻟﺴﻮﺍﺩ ﻳﻤﻠﻲ ﺍﻟﻤﻜﺎﻥ ... ﻭﻓﻘﺪ ﺗﻮﺍﺯﻧﻪ
ﺍﺷﻬﻘﺖ ﻫﻴﺎﻡ ﺷﻬﻘﻪ ﺍﻧﻘﻄﻊ ﻣﻌﻬﺎ ﺍﻟﻨﻔﺲ .. ﻭﻫﻲ ﺗﻨﺎﻇﺮ ﺍﻟﻲ ﻗﺪﺍﻣﻬﺎ
ﻫﻴﺎﻡ ﺑﺼﻮﺕ ﻋﺎﻟﻲ : ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ
ﺗﺮﻙ ﻓﻴﺼﻞ ﺍﻟﺤﺪﻳﺪﻩ ﻣﻦ ﻳﺪﻩ ﻟﻴﺲ ﺍﺳﺘﺠﺎﺑﻪ ﻟﺼﺮﺧﺎﺕ ﻫﻴﺎﻡ ﻭﺍﻧﻤﺎ
ﻟﻴﻜﻤﻞ ﻣﺎ ﺑﺪﺍﻩ .. ﻣﺴﻚ ﻛﺘﻒ ﻃﻼﻝ ﻣﻦ ﺍﻟﺨﻠﻒ ﺑﻘﻮﻩ ﻭﻟﻔﻪ ﺟﻬﺘﻪ
ﻋﻠﺸﺎﻥ ﻳﺸﻮﻑ ﻭﺟﻬﻪ .. ﻭﺑﺤﺮﻛﻪ ﺳﺮﻳﻌﻪ ﻗﺒﻞ ﻻﻳﺴﺘﻌﻴﺪ ﻃﻼﻝ
ﺗﻮﺍﺯﻧﻪ ﻭﻳﻔﺘﺢ ﻋﻴﻮﻧﻪ ﺭﻛﻠﻪ ﺭﻛﻠﻪ ﻗﻮﻳﻪ ﻋﻠﻰ ﺑﻄﻨﻪ ﺑﻌﺪﻩ ﻋﻠﻰ ﻃﻮﻝ
ﺑﻜﺲ ﻋﻠﻰ ﻋﻴﻨﻪ ﺍﻟﻴﻤﻨﻰ .. ﺗﺮﻙ ﺟﺴﺪ ﻃﻼﻝ ﻳﺴﻘﻂ ﻋﻠﻰ ﺍﻻﺭﺽ
ﻟﻤﺎ ﻗﺮﺑﺖ ﻫﻴﺎﻡ ﻣﻨﻪ ﻭ ﻣﺴﻜﺖ ﻳﺪﻩ ﺑﻘﻮﻩ
ﻫﻴﺎﻡ ﻭﻫﻲ ﻣﺎﺳﻜﻪ ﻳﺪ ﻓﻴﺼﻞ ﺑﺘﺮﺟﻲ ﻭﺑﺼﻮﺕ ﻋﺎﻟﻲ : ﻟﻴﻪ ﺳﻮﻳﺖ
ﻛﺬﺍ ﻳﺎ ﻓﻴﺼﻞ .. ﻟﻴﻪ .. ﻟﻴﻪ .. ﺍﻟﻠﻪ ﻳﺨﻠﻴﻚ ﻭﺧﺮ
ﻓﻴﺼﻞ ﺩﻓﻌﻬﺎ ﺑﻘﻮﻩ ﻭﻫﻮ ﻳﺮﻛﻞ ﻃﻼﻝ ﺍﻟﻲ ﻛﺎﻥ ﻃﺎﻳﺢ ﻋﻠﻰ ﺍﻻﺭﺽ
ﺷﺒﻪ ﻓﺎﻗﺪ ﺍﻟﻮﻋﻲ .. ﻭﺑﻜﻞ ﻋﺼﺒﻴﻪ ﻭﺑﻤﻼﻣﺢ ﺗﻐﻠﺐ ﻋﻠﻴﻬﺎ ﺍﻟﺸﺪﻩ
ﻭﻳﺨﻴﻢ ﻋﻠﻴﻬﺎ ﺍﻟﺤﺰﻥ ﻭﺍﻟﻘﻬﺮ .. ﻓﻴﺼﻞ ﺑﺼﻮﺕ ﻋﺎﻟﻲ ﻭﻫﻮ ﻳﻨﺎﻇﺮ
ﻃﻼﻝ : ﻫﺬﺍ ﺍﻟﻲ ﺗﺨﻮﻧﻴﻨﻲ ﻣﻌﺎﻩ .. ﻭﺍﻗﻔﻪ ﻣﻌﻪ ﻓﻲ ﺍﻟﺸﺎﺭﻉ ﻭﺑﻬﺬﺍ
ﺍﻟﻮﻗﺖ .. ( ﻛﻤﻞ ﻭﻫﻮ ﻳﺮﻛﻞ ﻃﻼﻝ ) .. ﻭﺍﻟﻠﻪ ﻻﺫﺑﺤﻪ ﻭﺍﺷﺮﺏ ﻣﻦ
ﺩﻣﻪ
ﻫﻴﺎﻡ ﺗﺠﻤﻌﺖ ﺍﻟﺪﻣﻮﻉ ﻓﻲ ﻋﻴﻨﻬﺎ ﻭﻫﻲ ﺗﻨﺎﻇﺮ ﻃﻼﻝ ﺍﻟﻲ ﻛﺎﻥ ﻓﺎﻗﺪ
ﺍﻟﻮﻋﻲ ﻭﻣﺮﻣﻲ ﻋﻠﻰ ﺍﻻﺭﺽ ﻗﺪﺍﻣﻬﺎ ﻏﺎﺭﻕ ﺑﺪﻣﻪ ﺍﻟﻲ ﻛﺎﻥ ﻳﻨﺰﻑ ﻣﻦ
ﺭﺍﺳﻪ .. ﻭﺗﺸﺒﻊ ﻗﻤﺎﺵ ﺛﻮﺑﻪ ﺑﺪﻡ ﻭﺍﻛﺘﺴﺐ ﺍﻟﻠﻮﻥ ﺍﻻﺑﻴﺾ ﺍﻟﻨﺎﺻﻊ
ﻟﻮﻧﺎ ﺩﻣﻮﻱ .. ﻣﺎ ﻫﻤﻬﺎ
ﺍﻟﻜﻼﻡ ﺍﻟﻲ ﻗﺎﻟﻪ ﻓﻴﺼﻞ ﻭﻣﺎ ﻋﻨﺪﻩ ﺍﺳﺘﻌﺪﺍﺩ ﺗﺮﺩ ﻋﻠﻴﻪ .. ﺁﻟﻤﻪ ﺷﻜﻞ
ﻃﻼﻝ ﺳﺎﺑﺢ ﺑﺪﻣﻪ ﻭﻇﻨﺖ ﻟﻠﺤﻈﺎﺕ ﺍﻧﻪ ﻣﺎﺕ .. ﻗﺮﺑﺖ ﻣﻨﻪ ﺑﺴﺮﻋﻪ
ﻭﺍﻧﺰﻟﺖ ﻟﻤﺴﺘﻮﺍﻩ ﻟﻤﺎ ﺳﻴﻄﺮ ﻋﻠﻴﻬﺎ ﺷﻌﻮﺭ ﺍﻟﺨﻮﻑ
ﻫﻴﺎﻡ ﺑﺼﻮﺕ ﺣﺰﻳﻦ ﻭﻣﺨﻨﻮﻕ ﻭﻫﻲ ﺗﺤﺎﻭﻝ ﺗﺮﻓﻊ ﻃﻼﻝ : ﺍﻟﻠﻪ
ﻳﺨﻠﻴﻚ ﻳﺎ ﻓﻴﺼﻞ ﺧﻠﻴﻨﺎ ﻧﻨﻘﻠﻪ ﻟﻠﻤﺴﺘﺸﻔﻰ ﻝ
ﻗﺎﻃﻌﻬﺎ ﻓﻴﺼﻞ ﺑﻌﺼﺒﻴﻪ ( ﻓﻴﺼﻞ ﻳﺤﺲ ﺑﺸﻮﻳﺖ ﺭﺍﺣﻪ ﻟﻤﺎ ﺧﺬ
ﺑﺜﺎﺭﻩ ﻭﺩﺍﺱ ﻋﻠﻰ ﺍﻟﻬﻢ ﺍﻟﻲ ﻛﺎﻥ ﻳﻌﺬﺑﻪ ) : ﺍﺗﺮﻛﻴﻪ ﻋﻨﻚ .. ﺍﻗﻮﻟﻚ
ﺍﺫﺍ ﻣﺎ ﻭﺧﺮﺕ ﻋﻨﻪ ﻗﺴﻢ ﺑﺎﻟﻠﻪ ﺑﻘﻄﻌﻪ ﺍﺟﺰﺍﺀ
ﺍﺗﺮﻛﺖ ﻫﻴﺎﻡ ﻃﻼﻝ ﻭﻗﺮﺑﺖ ﻣﻦ ﻓﻴﺼﻞ .. ﻫﻴﺎﻡ ﺑﺼﻮﺕ ﻋﺎﻟﻲ
ﻭﺑﺘﺮﺟﻲ : ﻓﻴﺼﻞ ﻃﻼﻝ ﺑﻤﻮﺕ .. ﺍﻟﻠﻪ ﻳﺨﻠﻴﻚ ﺧﻠﻨﺎ ﻧﻨﻘﻠﻪ
ﺍﻟﻤﺴﺘﺸﻔﻰ .. ﺍﺑﻮﺱ ﺭﺟﻠﻚ ﻳﺎ ﻓﻴﺼﻞ .. ﺗﻜﻔﻰ .. ( ﻛﻤﻠﺖ ﻭﻫﻲ
ﺗﻤﺴﻚ ﻳﺪﻩ ) .. ﻓﻴﺼﻞ ﻋﻠﺸﺎﻥ ﺧﺎﻃﺮﻱ
/
*
/
*
/
ﻓﻲ ﻣﻄﻌﻢ ..
ﻟﺤﺪ ﻫﺬﻱ ﺍﻟﺤﻈﻪ ﻛﺎﻧﺖ ﺍﻟﻌﺰﻳﻤﻪ ﻣﺎﺷﻴﻪ ﺗﻤﺎﻡ .. ﺣﺮﻙ ﻋﺒﺪﺍﻟﺮﺣﻤﻦ
ﺍﻟﺴﻴﺎﺭﻩ ﺑﻌﺪ ﻣﺎ ﺭﻛﺒﺖ ﻋﻤﺘﻪ ﻋﻠﻴﺎ .. ﺣﺎﻭﻝ ﻋﺒﺪﺍﻟﺮﺣﻤﻦ ﻳﺘﺒﻊ ﺗﻌﻠﻤﺎﺕ
ﻋﻤﻪ ﻭﺍﻓﻲ ﻭﻳﻌﺘﻤﺪ ﺑﺸﻜﻞ ﺍﻛﺒﺮ ﻋﻠﻰ ﻗﺪﺭﺗﻪ ﻋﻠﻰ ﺍﻟﺘﻌﺎﻣﻞ ﻣﻊ ﻋﻤﺘﻪ
ﻋﻠﻴﺎ ﻭﺗﻘﻴﻢ .. ﻭﺗﻘﻮﻳﻢ ﺍﻟﻜﻼﻡ ﺍﻟﻲ ﻳﻘﻮﻟﻪ ﻟﻬﺎ .. ﻭ ﺍﺧﺘﻴﺎﺭ ﺍﻟﻜﻠﻴﻤﺎﺕ
ﺍﻟﺘﻲ ﺗﺸﻌﺮﻫﺎ ﺑﺮﺍﺣﻪ ﻭﺍﻟﻌﺒﺎﺭﺍﺕ ﺍﻟﺘﻲ ﺗﺪﻋﻮﻫﺎ ﻟﻼﺑﺘﺴﺎﻣﻪ .. ﻓﻲ
ﺍﻟﺒﺪﺍﻳﻪ ﻣﺎ ﻛﺎﻧﺖ ﻋﻠﻴﺎ ﺗﺘﺠﺎﻭﺏ ﻣﻌﻪ ﻛﺜﻴﺮ ﻻﻥ ﻋﻠﻴﺎ ﺑﻄﺒﻴﻌﺘﻬﺎ ﺣﺘﻰ
ﻟﻮ ﺍﺭﺗﺎﺣﺖ ﻟﺸﺨﺺ ﻣﺎ ﺗﺘﻜﻠﻢ ﻣﻌﻪ ﻛﺜﻴﺮ ﺗﺤﺐ ﺗﺴﻤﻊ ﻟﻪ ﺍﻛﺜﺮ ﻳﻤﻜﻦ
ﻻﻥ ﻣﺎ ﻓﻲ ﺷﻲﺀ ﺗﻘﻮﻟﻪ .. ﺍﻭ ﻻﻧﻬﺎ ﺗﻔﻀﻞ ﺍﻟﺴﻜﻮﺕ ﻋﻠﻰ ﺍﻟﻜﻼﻡ ..
ﻟﻜﻦ ﻋﻼﻣﺎﺕ ﺍﻻﺭﺗﻴﺎﺡ ﻭﺍﻟﺘﺠﺎﻭﺏ ﺗﻜﻮﻥ ﻭﺍﺿﺤﻪ ﻋﻠﻰ ﻣﻼﻣﺤﻬﺎ ..
ﻭﻫﺬﻱ ﺍﻟﻲ ﺗﺸﺠﻊ ﺍﻟﺸﺨﺺ ﻋﻠﻰ ﺍﻻﺳﺘﻤﺮﺍﺭ ﻓﻲ ﺣﺪﻳﺜﻪ ..ﻃﺒﻌﺎ ﻛﺎﻥ
ﺍﻏﻠﺐ ﺍﻟﺤﻮﺍﺭ ﺍﻟﻲ ﺩﺍﺭ ﺑﻴﻨﻬﻢ ﺍﺳﺄﻟﻬﺎ ﻳﻄﺮﺣﻬﺎ ﻋﺒﺪﺍﻟﺮﺣﻤﻦ ﻋﻠﻰ ﻋﻤﺘﻪ
.. ﻛﺎﻥ ﻗﺼﺪﻩ ﻣﻦ ﻫﺬﻱ ﺍﻻﺳﺄﻟﻪ ﻳﺮﻓﻊ ﻏﻄﺎﺀ ﺍﻟﺼﻤﺖ ﻋﻨﻬﺎ
.. ﻭﺍﺧﺘﻴﺎﺭﻩ ﻟﻼﺳﺄﻟﻪ ﻣﻦ ﻣﻔﺘﺮﻗﺎﺕ ﻛﺜﻴﺮﻩ ﺑﻌﻴﺪﻩ ﻋﻦ ﻣﻨﻌﻄﻒ
ﻣﺎﺿﻴﻬﺎ .. ﻟﻤﺎ ﻭﺻﻠﻮ ﺍﻟﻤﻄﻌﻢ ﻛﺎﻥ ﺭﺍﻗﻲ ﻭﻫﺎﺩﺀ ﻭﻣﻨﺎﺳﺐ ﻟﻔﺘﺢ
ﻣﻮﺿﻮﻉ ﺣﺴﺎﺱ ﻭﻋﻤﻴﻖ .. ﻃﻠﺐ ﻋﺒﺪﺍﻟﺮﺣﻤﻦ ﻟﻪ ﺻﺤﻦ ﺷﻮﺭﻣﺎ
ﻭﻃﻠﺐ ﻟﻌﻤﺘﻪ ﻋﻠﻴﺎ ﻟﺰﺍﻧﻴﺎ ﻭﺷﻮﺭﺑﺖ ﻓﻄﺮ ﻭﺻﺤﻦ ﺗﺒﻮﻟﻪ ﺑﺎﻻﺿﺎﻓﻪ
ﺍﻟﻰ ﺍﻟﻤﺸﺮﻭﺏ ﺑﻴﺒﺴﻲ ﻟﻪ ﻭﻋﺼﻴﺮ ﻛﻮﻛﺘﻴﻞ ﻟﻌﻤﺘﻪ ﻭﺍﻟﺤﻠﻰ ﻛﻴﻚ
ﻓﺮﻭﻟﻪ *..
ﻋﺒﺪﺍﻟﺮﺣﻤﻦ ﻭﻫﻮ ﻳﻨﺎﻇﺮ ﻓﻲ ﺻﺤﻦ ﻋﻤﺘﻪ ﻋﻠﻴﺎ : ﻗﻮﻝ ﻟﻲ ﻳﺎ ﻋﻤﻪ
ﻋﺠﺒﻚ ﺍﻻﻛﻞ
ﻋﻠﻴﺎ ﻭﻫﻲ ﺗﻘﺮﺏ ﺍﻟﻤﻠﻌﻘﻪ ﻣﻦ ﻓﻤﻬﺎ : ﻟﺬﻳﺬ .. ﻣﻤﻢ ﻋﺠﺒﺘﻨﻲ ﻛﺜﻴﺮ
ﺍﻟﺸﻮﺭﺑﻪ
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ : ﺗﺒﻴﻦ ﺍﻃﻠﺐ ﻟﻚ ﺷﻮﺭﺑﻪ ﺛﺎﻧﻴﻪ
ﻋﻠﻴﺎ ﺑﺒﺘﺴﺎﻣﻪ : ﻻ .. ﺗﺴﻠﻢ ﺍﻻﻛﻞ ﻛﺜﻴﺮ .. ﻋﺒﺪﺍﻟﺮﺣﻤﻦ ﻟﻴﻪ ﻣﺎ ﺟﺎ
ﺍﺧﻮﻱ ﻭﺍﻓﻲ ﻭﺳﺠﻰ ﻣﻌﻨﺎ
ﻋﺒﺪﺍﻟﺮﺣﻤﻦ : ﺳﺠﻰ ﻛﺎﻧﺖ ﺗﺒﻲ ﺗﺮﻭﺡ ﺍﻟﺴﻮﻕ ﺿﺮﻭﺭﻱ ﻗﺎﻟﺖ ﻟﻌﻤﻲ
ﻭﺍﻓﻲ ﻳﻮﺩﻳﻬﺎ .. ( ﻛﻤﻞ ﻭﻫﻮ ﻳﺤﺎﻭﻝ ﻳﻐﻴﺮ ﺍﻟﻤﻮﺿﻮﻉ ) .. ﻟﻴﻪ ﻳﺎ
ﻋﻤﻪ ﺍﻧﺎ ﻣﺎ ﺍﻛﻔﻲ ﻟﻴﻜﻮﻥ ﻣﻠﻴﺘﻲ ﻣﻨﻲ
ﻋﻠﻴﺎ ﺑﺒﺘﺴﺎﻣﻪ ﺧﻔﻴﻔﻪ : ﻻ ﻭﺍﻟﻠﻪ .. ﺑﺲ ﻛﺎﻥ ﻭﺩﻱ ﻳﻜﻮﻧﻮﻥ ﻣﻌﻨﺎ
.. ﺍﻻ ﺣﻤﺪ ﺍﺧﻮﻙ ﻣﺎ ﺷﻔﺘﻪ ﻣﻦ ﻳﻮﻣﻴﻦ
ﻋﺒﺪﺍﻟﺮﺣﻤﻦ ﺑﻨﺘﻬﻴﺪﻩ ﺧﻔﻴﻔﻪ : ﺍﺧﻮﻱ ﺣﻤﺪ ﻗﺎﻃﺲ ﻣﻊ ﺍﺧﻮﻳﺎﻩ
ﺗﺪﺭﻳﻦ ﺷﺒﺎﺏ ﻣﺎ ﻳﺤﺒﻮﻥ ﺟﻠﺴﺖ ﺍﻟﺒﻴﺖ ﻭﺟﻤﻌﺖ ﺍﻻﻫﻞ
ﻋﻠﻴﺎ : ﺫﻛﺮﻧﻲ ﺑﺎﺧﻮﻱ ﻭﺍﻓﻲ ﻟﻤﺎ ﻛﺎﻥ ﺑﺴﻦ ﺣﻤﺪ ﻛﺎﻥ ﻣﺎ ﻳﺤﺐ ﻳﺠﻠﺲ
ﺑﺎﻟﺒﻴﺖ .. ( ﻛﻤﻠﺖ ﺑﺤﺰﻥ ) .. ﻛﺎﻧﺖ ﻟﻪ ﺍﺳﺒﺎﺑﻪ
ﻋﺒﺪﺍﻟﺮﺣﻤﻦ ﻟﻤﺎ ﺷﺎﻑ ﺍﻟﺤﺰﻥ ﺑﺪﺍ ﻳﺨﻴﻢ ﻋﻠﻰ ﻣﻼﻣﺢ ﻋﻠﻴﺎ ﻟﻤﺎ ﺗﺬﻛﺮﺕ
ﻗﺴﻮﺕ ﺍﺑﻮﻫﺎ ﻭﻇﻠﻤﻪ ﺣﺐ ﻳﻐﻴﺮ ﺍﻟﻤﻮﺿﻮﻉ : ﺍﻟﻠﻪ ﻳﺮﺣﻤﻪ .. ﻋﻤﻪ ﻣﺎ
ﺷﺮﺑﺘﻲ ﻋﺼﻴﺮﻙ ﺷﺮﺑﻴﻪ ﻗﺒﻞ ﻻ ﻳﺼﻴﺮ ﺣﺎﺭ
ﻋﻠﻴﺎ ﻭﻫﻲ ﺗﻘﺮﺏ ﻛﺎﺱ ﺍﻟﻌﺼﻴﺮ ﻣﻦ ﻓﻤﻬﺎ : ﻃﻴﺐ
ﻋﺒﺪﺍﻟﺮﺣﻤﻦ ﻭﻫﻮ ﻳﻨﺎﻇﺮ ﻓﻲ ﻋﻤﺘﻪ ﻋﻠﻴﺎ .. ﺣﺲ ﺍﻥ ﺍﻟﻤﻮﺿﻮﻉ
ﺻﻌﺐ .. ﻭﻣﺎ ﻫﻮ ﻗﺎﺩﺭ ﻳﻔﺘﺤﻪ ﻣﻌﻬﺎ ﻭﻻ ﻫﻮ ﻻﻗﻲ ﻣﺪﺧﻞ ﻟﻠﻤﻮﺿﻮﻉ
.. ﻭﺧﺎﺻﻪ ﺍﻧﻪ ﺍﻭﻝ ﻣﺮﻩ ﻳﻜﻠﻢ ﻋﻤﺘﻪ ﺑﻤﻮﺿﻮﻉ ﺣﺴﺎﺱ ﻣﺜﻞ ﻫﺬﺍ
( ﻳﺎﺗﺮﻯ ﻛﻴﻒ ﺭﺍﺡ ﺗﻜﻮﻥ ﺭﺩﺕ ﻓﻌﻠﻚ ﻳﺎ ﻋﻤﻪ .. ﺑﺘﺼﺮﺧﻴﻦ ﺑﻮﺟﻬﻲ
.. ﺑﺘﺒﻜﻴﻦ .. ﺑﺘﻘﻮﻟﻴﻦ ﻟﻲ ﻣﺎ ﻟﻲ ﺩﺧﻞ ..ﺑﺘﻌﺎﺗﺒﻴﻨﻲ .. ﻻ ﻻ ﺧﻼﺹ ﻣﺎ
ﺭﺍﺡ ﺍﻛﻠﻤﻬﺎ ﺑﺎﻟﻤﻮﺿﻮﻉ ﺑﺲ ﺍﻧﺎ ﻭﻋﺪﺕ ﻋﻤﻲ ﻭﺍﻓﻲ .. ﺧﻠﻴﻨﻲ ﺍﺗﻮﻛﻞ
ﻋﻠﻰ ﺍﻟﻠﻪ ﻭﺍﺗﻜﻠﻢ )
ﻋﻠﻴﺎ ﻭﻫﻲ ﺗﺒﻌﺪ ﺍﻟﺼﺤﻦ ﻋﻨﻬﺎ ﺑﺎﻃﺮﺍﻑ ﺍﺻﺎﺑﻌﻬﺎ : ﺍﻟﺤﻤﺪﻟﻠﻪ
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ : ﺑﺎﻟﻌﺎﻓﻴﻪ .. ﺍﻗﻮﻝ ﻋﻤﻪ ﻭﺵ ﺭﺍﻳﻚ ﻧﺮﻭﺡ
ﺍﻟﺮﻳﺎﺽ ﻛﻢ ﻳﻮﻡ
ﻋﻠﻴﺎ ﻇﻠﺖ ﻓﺘﺮﻩ ﺗﻨﺎﻇﺮ ﻓﻲ ﻋﺒﺪﺍﻟﺮﺣﻤﻦ ﺑﻤﻼﻣﺢ ﺟﺎﻣﺪﻩ .. ﻭﺗﺬﻛﺮﺕ
ﺍﻟﻲ ﺻﺎﺭ ﻟﻬﺎ ﺑﺎﻟﺮﻳﺎﺽ ﻭﻋﻠﻰ ﻃﻮﻝ ﻗﺎﻟﺖ : ﻻ ﺍﻓﻀﻞ ﺍﻧﻲ ﻣﺎ ﺍﺭﻭﺡ
ﻋﺒﺪﺍﻟﺮﺣﻤﻦ : ﻟﻴﻪ ﻳﺎ ﻋﻤﻪ ﺗﺨﺎﻓﻴﻦ ﺗﺸﻮﻓﻴﻦ ﻏﺎﺯﻱ ﻣﺮﻩ ﺛﺎﻧﻴﻪ
ﺗﻐﻴﺮﺓ ﻣﻼﻣﺢ ﻋﻠﻴﺎ ﻟﻤﺎ ﺍﺳﻤﻌﺖ ﺍﺳﻢ ﻏﺎﺯﻱ .. ﻭﻧﺰﻟﺖ ﺭﺍﺳﻬﺎ ﻭﻇﻠﺖ
ﺗﻨﺎﻇﺮ ﻓﻲ ﺍﻟﺼﺤﻦ ﻣﺮﺕ ﺍﻣﺎﻣﻬﺎ ﺻﻮﺭ ﻣﻦ ﺍﻻﺣﺪﺍﺙ ﺍﻟﻲ ﺻﺎﺭﺕ ﻟﻬﺎ
ﺑﺎﻟﺮﻳﺎﺽ .. ﻭﺷﻜﻞ ﻏﺎﺯﻱ .. ﻭﺣﺴﺖ ﺑﺎﻟﻢ ﻓﻲ ﺻﺪﺭﻫﺎ ﻟﻤﺎ ﺗﺬﻛﺮﺕ
ﺍﻟﻤﻮﺿﻮﻉ ﺍﻟﻲ ﻓﺎﺗﺤﻬﺎ ﻓﻴﻪ ﻭﺍﻓﻲ ﻭﺍﻟﻲ ﺗﺤﺎﻭﻝ ﺗﺘﻨﺎﺳﺎﻩ ﻣﻊ ﺍﻧﻬﺎ ﻣﺎ
ﻗﺪﺭﺕ ﺗﻨﺴﺎﻩ ﻟﻜﻨﻬﺎ ﺣﺎﻭﻟﺖ ﺗﺘﺠﺎﻫﻠﻪ ﻭﺗﺮﻛﻨﻪ ﻓﻲ ﺯﺍﻭﻳﻪ ﺿﻴﻘﻪ ..
ﻋﺒﺪﺍﻟﺮﺣﻤﻦ ﻟﻤﺎ ﺷﺎﻑ ﺷﻜﻞ ﻋﻤﺘﻪ ﻋﻠﻴﺎ ﺗﺮﺍﺟﻊ ﻟﻠﺤﻈﺎﺕ .. ﻟﻜﻨﻪ
ﻓﻀﻞ ﺍﻥ ﻳﺪﺧﻞ ﻓﻲ ﺍﻟﻤﻮﺿﻮﻉ ﻋﻠﻰ ﻃﻮﻝ : ﻋﻤﻪ ﺗﺮﻯ ﻏﺎﺯﻱ ﻟﻠﺤﻴﻦ
ﻣﻮﺟﻮﺩ ﺑﺎﻟﺸﺮﻗﻴﻪ ﻭﻳﻨﺘﻈﺮ ﻣﻨﻚ ﺍﻟﺮﺩ
ﺍﺭﻓﻌﺖ ﻋﻠﻴﺎ ﺭﺍﺳﻬﺎ ﻭﻧﺎﻇﺮﺕ ﻓﻲ ﻋﺒﺪﺍﻟﺮﺣﻤﻦ ﺑﻨﺘﻈﺎﺭﺕ ﻋﺪﻡ
ﺗﺼﺪﻳﻖ .. ﻭﻣﻼﻣﺢ ﻫﺎﺩﺀﻩ ﻟﻜﻦ ﺳﺮﻋﺎﻥ ﻣﺎ ﺧﻴﻢ ﺍﻟﻈﻼﻡ ﺍﻣﺎﻣﻬﺎ ..
ﻭﺑﺪﺍ ﺟﺴﺪ ﻋﻠﻴﺎ ﺑﺎﻻﺭﺗﻌﺎﺵ .. ﻭﺑﺪﺍ ﻭﺟﻬﻬﺎ ﺑﺎﻻﺣﻤﺮﺍﺭ ..ﻭﻧﻈﺮﺍﺗﻬﺎ ﻣﺎ
ﺯﺍﻟﺖ ﻣﺜﺒﺘﻪ ﻋﻠﻰ ﻋﺒﺪﺍﻟﺮﺣﻤﻦ
ﻋﺒﺪﺍﻟﺮﺣﻤﻦ ﺑﺨﻮﻑ : ﻋﻤﻪ ﻓﻴﻚ ﺷﻲﺀ
ﻋﻠﻴﺎ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﺑﺤﺮﻛﻪ ﻣﺮﺗﺒﻜﻪ .. ﻭﻗﺎﻟﺖ ﺑﺼﻮﺕ ﻭﺍﻃﻲ
ﻭﻣﺮﺗﺠﻒ : ﺍﺑﻲ ﺍﺭﻭﺡ ﺍﻟﺤﻤﺎﻡ
ﻗﺒﻞ ﻻ ﻳﺘﻜﻠﻢ ﻋﺒﺪﺍﻟﺮﺣﻤﻦ ﻗﺎﻣﺖ ﻋﻠﻴﺎ ﻣﻦ ﻛﺮﺳﻴﻬﺎ ﺑﺴﺮﻋﻪ ﻭﻃﻠﻌﺖ
ﻣﻦ ﺍﻟﻜﺒﻴﻨﻪ .. ﺗﺪﻭﺭ ﻋﻠﻰ ﺍﻟﺤﻤﺎﻡ .. ﻣﻦ ﺣﺴﻦ ﺍﻟﺤﻆ ﺍﻥ ﺣﻤﺎﻡ
ﺍﻟﻨﺴﺎﺀ ﻛﺎﻥ ﻗﺮﻳﺐ ﻣﻨﻬﻢ .. ﻗﺮﺑﺖ ﻣﻦ ﺍﻟﺒﺎﺏ ﻭﺍﺩﻓﻌﺘﻪ ﺑﻜﻞ ﻗﻮﻩ ..
ﻭﻫﺬﻱ ﺍﻟﺪﻓﻌﻪ ﺍﺳﺘﻬﺪﻓﺖ ﻧﺺ ﻃﺎﻗﺘﻬﺎ .. ﻭﺍﻟﻨﺼﻒ ﺍﻻﺧﺮ ﻣﻦ
ﺍﻟﻄﺎﻗﻪ ﺗﺤﺎﻭﻝ ﺑﻪ ﺍﻥ ﺗﺘﻤﺎﺳﻚ ﻭﺗﺜﺒﺖ ﻗﺪﻣﻬﺎ ﻋﻠﻰ ﺍﻻﺭﺽ .. ﺩﺧﻠﺖ
ﻋﻠﻴﺎ ﺍﻟﺤﻤﺎﻡ ﻛﺎﻥ ﺍﻟﺤﻤﺎﻡ ﻫﺎﺩﺀ ﻣﺎ ﻓﻴﻪ ﺍﺣﺪ ﻭﻧﻈﻴﻒ ﻭﺍﻻﺭﺿﻴﻪ
ﻧﺎﺷﻔﻪ ﻣﺎﻓﻴﻬﺎ ﻭﻻ ﺑﻘﻌﺔ ﻣﺎﺀ .. ﺟﻠﺴﺖ ﺑﺴﺮﻋﻪ ﻓﻲ ﺯﺍﻭﻳﻪ ﻣﻦ
ﺍﻟﺤﻤﺎﻡ ﻛﺎﻧﺖ ﻗﺮﻳﺒﻪ ﻣﻦ ﺍﻟﻤﻐﺴﻠﻪ .. ﻗﺮﺑﺖ ﺭﺟﻠﻬﺎ ﻣﻦ ﺟﺴﺪﻫﺎ
ﻭﺿﻤﺖ ﺭﺟﻠﻬﺎ ﺑﻴﺪﻳﻨﻬﺎ .. ﻭﺧﺒﺖ ﻭﺟﻬﻬﺎ ﻓﻲ ﻣﻔﺘﺮﻕ ﺭﺟﻠﻬﺎ
ﺑﺪﺍﺕ ﺍﻟﻀﻴﻘﻪ ﺗﺘﺰﺍﺣﻢ ﻣﻊ ﺍﺿﻠﻊ ﺻﺪﺭﻫﺎ ﻭﺗﺤﺘﺒﺲ ﺍﻟﻬﻮﺍﺀ ﻓﻲ
ﺍﻟﺮﺋﺘﻴﻦ .. ﻻﻗﺖ ﺻﻌﻮﺑﻪ ﻓﻲ ﺍﺧﺮﺍﺝ ﺍﻟﻬﻮﺍﺀ ﻣﻦ ﺭﺋﺘﻬﺎ
ﻏﻤﻀﺖ ﻋﻴﻮﻧﻬﺎ ﻭﺑﺪﺕ ﺍﻟﺪﻣﻮﻉ ﺗﺘﺠﻤﻊ ﻭﻛﺎﻧﻬﺎ ﺗﻨﺘﻈﺮ ﺍﻥ ﻳﻔﺘﺢ ﻟﻬﺎ
ﺍﻟﺒﺎﺏ ﻟﺘﺒﺪﺍ ﻓﻲ ﺍﻟﺘﺴﺎﺑﻖ .. ﻣﻦ ﺣﺮﺍﺭﺕ ﺍﻟﺪﻣﻮﻉ ﺍﻟﻤﺘﺰﺍﺟﻤﻪ ﺗﺤﺖ
ﺍﺟﻔﺎﻧﻬﺎ ﻣﺎ ﻗﺪﺭﺕ ﺗﺘﺤﻤﻞ ﻭﺍﻓﺘﺤﺖ ﻋﻴﻮﻧﻬﺎ ﺑﺴﺮﻋﻪ ﻟﺘﻨﺴﻜﺐ ﺍﻟﺪﻣﻮﻉ
ﻋﻠﻰ ﺧﺪﻭﺩﻫﺎ ﺑﻐﺰﺍﺭﻩ .. ﻣﺮﺕ ﺍﻣﺎﻡ ﻋﻨﻴﻬﺎ ﺻﻮﺭﺕ ﻏﺎﺯﻱ ﻭﺍﻟﻀﻮﺀ
ﻣﺴﻠﻂ ﻋﻠﻰ ﻣﻼﻣﺤﻪ .. ﺍﻟﻤﻼﻣﺢ ﺍﻟﺘﻲ ﺗﺒﺤﺚ ﻋﻨﻬﺎ ﻋﻨﺪﻣﺎ ﺗﺤﺘﺎﺝ
ﺍﻟﻰ ﺗﺎﻣﻠﻬﺎ ﻻ ﺗﻜﻔﻴﻬﺎ ﻭﺭﻗﻪ ﺣﻤﻠﺔ ﻛﻠﻤﺎﺗﻪ ﻭﺻﻮﺭﻩ ﺗﺤﻤﻞ ﻣﻼﻣﺤﻪ
)) ﻟﻴﻪ ﻳﺎ ﻏﺎﺯﻱ .. ﺑﻌﺪ ﻣﺎ ﻓﻘﺪﺕ ﺍﻻﻣﻞ ﺑﺮﺟﻌﺘﻚ ﺗﺮﺟﻊ .. ﻟﻴﻪ ﺗﺼﺮ
ﻋﻠﻰ ﻋﺬﺍﺑﻲ ﻭﺍﻧﺖ ﺍﻛﺜﺮ ﻭﺍﺣﺪ ﺗﺪﺭﻱ ﺑﺤﺎﻟﻲ ﺍﻧﺎ ﻣﺎ ﺍﻗﺪﺭ ﺍﺗﺤﻤﻞ
ﺑﻌﺎﺩﻙ ﻭﻻ ﻓﻴﻨﻲ ﺣﻴﻞ ﻗﺮﺑﻚ .. ﺍﺭﺟﻊ .. ﺍﺭﺟﻊ ﻻﻧﻲ ﻣﺎ ﺍﻗﺪﺭ ﺍﺭﺟﻊ
ﻟﻚ .. ﺍﺭﺟﻊ ﻻﻫﻠﻚ ﻭﺧﻠﻨﻲ ﺑﻌﺎﻟﻤﻲ ﻭﺣﻴﺪﻩ .. ﻻ ﺗﻔﺘﺢ ﻟﻲ ﺩﻓﺘﺮ
ﺍﻟﻤﺎﺿﻲ ﺧﻠﻨﻲ ﺑﺲ ﺍﻧﺎﻇﺮ ﻓﻲ ﺍﻟﻘﻼﻑ ﻭﺍﻗﺮﺍ ﺍﻟﻌﻨﻮﺍﻥ ﻛﻞ ﻳﻮﻡ ..
ﻳﻜﻔﻴﻨﻲ ﺫﻛﺮﺍﻙ (( ﺍﺧﻨﻘﺘﻬﺎ ﺍﻟﻌﺒﺮﻩ .. ﻭﺍﺣﺘﻘﻦ ﺍﻟﺪﻡ ﻓﻲ ﻭﺟﻬﻬﺎ
ﻭﺯﺍﺩﺕ ﺣﺮﺍﺭﻩ ﺍﻃﺮﺍﻓﻬﺎ ﻭﺣﺴﺖ ﺑﺎﻻﺧﺘﻨﺎﻕ .. ﺍﺭﻓﻌﺖ ﺭﺍﺳﻬﺎ ﺑﺴﺮﻋﻪ
.. ﻭﺣﺎﻭﻟﺖ ﺗﺴﺤﺐ ﻛﻤﻴﻪ ﻣﻦ ﺍﻟﻬﻮﺍ .. ﻋﻦ ﻃﺮﻳﻖ ﻓﻤﻬﺎ ﻭﻫﻲ ﺗﺒﻜﻲ
ﺑﺤﺮﻗﻪ .. ﻭﺑﺼﻮﺕ ﺑﺪﺍ ﻓﻲ ﺍﻟﺒﺪﺍﻳﻪ ﺑﺎﻫﺎﺕ ﻭﺗﻌﺎﻟﻰ ﺍﻟﻰ ﺻﺮﺧﺎﺕ
ﻣﺴﻤﻮﻋﻪ ..
ﻣﻦ ﺧﻠﻒ ﺑﺎﺏ ﺣﻤﺎﻡ ﺍﻟﺴﻴﺪﺍﺕ ﻛﺎﻥ ﻋﺒﺪﺍﻟﺮﺣﻤﻦ ﻭﺍﻗﻒ ﻋﻨﺪ ﺍﻟﺒﺎﺏ
ﻭﻳﺪﻩ ﻋﻠﻰ ﻣﻘﺒﺾ ﺍﻟﺒﺎﺏ .. ﻫﻲ ﻟﻤﺎ ﻃﻠﻌﺖ ﻃﻠﻊ ﻋﻠﻰ ﻃﻮﻝ ﻭﺭﺍﻫﺎ
ﻟﻜﻨﻬﺎ ﺍﺩﺧﻠﺖ ﺑﺴﺮﻋﻪ ﺍﻟﻰ ﺍﻟﺤﻤﺎﻡ ﻭﻣﺎ ﻗﺪﺭ ﻳﺪﺧﻞ ﺧﻠﻔﻬﺎ ﻓﻜﺘﻔﻰ
ﺑﺎﻟﻮﻗﻮﻑ ﻋﻨﺪ ﺍﻟﺒﺎﺏ ﻳﻨﺘﻈﺮﻫﺎ ﺗﻄﻠﻊ ﻟﻤﺎ ﺳﻤﻊ ﺻﻮﺕ ﺑﻜﺎﺋﻬﺎ .. ﺣﺲ
ﺑﻌﺠﺰ ﺑﻴﺪﻩ ﺩﻓﻌﻪ ﻭﺣﺪﻩ ﻣﻦ ﻳﺪﻩ ﻭﻳﻨﻔﺘﺢ ﺍﻟﺒﺎﺏ ﻭﻳﺪﺧﻞ ﻟﻬﺎ ﻟﻜﻦ
ﺭﺳﻤﺖ ﺍﻻﻧﺜﻰ ﺍﻟﻤﻮﺟﻮﺩﻩ ﻋﻠﻰ ﺍﻟﺒﺎﺏ ﺍﻟﻲ ﺗﻤﻨﻌﻪ .. ﻣﺎﻟﻪ ﺍﻟﻰ ﻳﻨﺎﺩﻳﻪ
ﺍﻭ ﻳﻀﺮﺏ ﻋﻠﻰ ﺍﻟﺒﺎﺏ ﻣﻊ ﺍﻧﻪ ﻣﺘﺎﻛﺪ ﺍﻥ ﻣﺎ ﺭﺍﺡ ﺗﺴﻤﻌﻪ
ﻋﺒﺪﺍﻟﺮﺣﻤﻦ ﻣﻦ ﺧﻠﻒ ﺍﻟﺒﺎﺏ : ﻋﻠﻴﺎ .. ﻳﺎ ﻋﻠﻴﺎ ﺗﻜﻔﻴﻦ ﺭﺩﻱ ﻋﻠﻰ ﻳﺎ
ﻋﻤﻪ ﺍﻧﺎ ﺍﺳﻒ ﻣﺎ ﻛﺎﻥ ﻗﺼﺪﻱ ﺍﻥ
ﻗﺎﻃﻌﻪ ﺻﻮﺕ ﺍﻣﺮﺍﻩ ﻣﻦ ﺍﻟﺨﻠﻒ : ﺍﻗﻮﻝ ﺍﻧﺖ ﻭﺵ ﺗﺴﻮﻱ ﻫﻨﺎ
ﻋﺒﺪﺍﻟﺮﺣﻤﻦ ﺑﺮﺗﺒﺎﻙ : ﺍﻥ ..
ﻗﺎﻃﻌﺘﻪ ﺍﻟﻤﺮﺍﻩ ﻭﻫﻲ ﺗﺄﺷﺮ ﻟﻪ ﺑﻴﺪﻩ : ﻳﺎﻟﻠﻪ ﺯﻳﺢ ﻣﻨﺎﻙ ﺧﻠﻴﻨﻲ ﺍﺩﺧﻞ
.. ﻭﺑﻌﺪ ﻣﻦ ﻫﻨﺎ
ﻋﺒﺪﺍﻟﺮﺣﻤﻦ ﺧﻄﺎ ﺧﻄﻮﺗﻴﻦ ﻭﺑﻌﺪ ﻋﻦ ﺑﺎﺏ ﺍﻟﺤﻤﺎﻡ ﻛﺎﻥ ﻭﺩﻩ ﻳﻘﻮﻝ
ﻟﻬﺎ ﺗﺸﻮﻑ ﻟﻪ ﺍﻟﺒﻨﺖ ﺍﻟﻲ ﺩﺍﺧﻞ ﻭﺗﻨﺎﺩﻳﻬﺎ ﻟﻪ ﻟﻜﻦ ﻫﻲ ﻣﺎ ﻋﻄﺘﻪ
ﻓﺮﺻﻪ .. ﺍﺳﻠﻮﺑﻬﺎ ﻫﺠﻮﻣﻲ ﻭﻧﻔﺴﻬﺎ ﺑﺨﺸﻤﻬﺎ .. ﺳﻨﺪ ﻇﻬﺮﻩ ﻋﻠﻰ
ﺍﻟﺠﺪﺍﺭ ﻳﻨﺘﻈﺮ ﻭﺣﺪﻩ ﺑﺘﺪﺧﻞ ﺣﻤﺎﻡ ﺍﻟﺴﻴﺪﺍﺕ ﻋﻠﺸﺎﻥ ﻳﻜﻠﻤﻬﺎ ﻭﻻ
ﺑﺮﻭﺡ ﻋﻨﺪ ﺍﺩﺍﺭﺕ ﺍﻟﻤﻄﻌﻢ ﻭﺑﻴﺴﺘﺄﺫﻧﻬﻢ ﻋﻠﺸﺎﻥ ﻳﺪﺧﻞ ﻳﺸﻮﻑ ﻋﻤﺘﻪ
.. ﻻﻡ ﻧﻔﺴﻪ ﻻﻧﻪ ﻛﻠﻤﻬﺎ ﻓﻲ ﺍﻟﻤﻮﺿﻮﻉ ﻟﻮ ﺍﻧﻪ ﻣﻨﺘﻈﺮ ﻟﻠﺒﻴﺖ ﻣﻮ
ﺍﻓﻀﻞ ﻭﻻ ﻣﻜﻠﻤﻬﺎ ﺑﺤﻈﻮﺭ ﻋﻤﻪ ﻭﺍﻓﻲ .. ﺍﻟﻤﺸﻜﻠﻪ ﺍﻟﺤﻴﻦ ﻣﺎ ﻫﻮ
ﻋﺎﺭﻑ ﻛﻴﻒ ﻳﺘﺼﺮﻑ ﺧﺎﻳﻒ ﻋﻠﻰ ﻋﻤﺘﻪ ﻣﺎ ﻳﺪﺭﻱ ﻭﺵ ﺣﺎﻟﻬﺎ ﻋﻠﻰ
ﻃﻮﻝ ﻓﻜﺮ ﺑﻌﻤﻪ ﻭﺍﻓﻲ ﻃﻠﻊ ﺟﻮﺍﻟﻪ ﻋﻠﺸﺎﻥ ﻳﻜﻠﻤﻪ ﻭﻳﻘﻮﻟﻪ ﻳﺠﻲ
ﺑﺴﺮﻋﻪ .. ﺗﻮﻩ ﺑﻴﺘﺼﻞ .. ﺷﺎﻑ ﺣﺮﻣﻪ ﺑﺘﺪﺧﻞ ﺍﻟﺤﻤﺎﻡ ﻋﻠﻰ ﻃﻮﻝ
ﺭﺍﺡ ﻟﻬﺎ ..
ﻋﺒﺪﺍﻟﺮﺣﻤﻦ ﻳﺤﺎﻭﻝ ﻳﺘﻮﻗﻔﻬﺎ ﺑﺮﺗﺒﺎﻙ : ﺍﻟﺴﻼﻡ ﻋﻠﻴﻜﻢ
ﺍﻟﺤﺮﻣﻪ ﺭﺩﺕ ﺍﻟﺴﻼﻡ ﻓﻲ ﺳﺮﻫﺎ ﻭﻧﺎﻇﺮﺕ ﻓﻴﻪ : ﺧﻴﺮ ﻳﺎ ﻭﻟﺪﻱ
ﻋﺒﺪﺍﻟﺮﺣﻤﻦ ﺍﺭﺗﺎﺡ ﺷﻮﻱ ﻣﺒﻴﻦ ﺍﻧﻬﺎ ﺣﺮﻣﻪ ﻛﺒﻴﺮﻩ ﺷﻮﻱ ﺑﺎﻟﻌﻤﺮ : ﻳﺎ
ﺧﺎﻟﻪ ﺑﻘﻴﺘﻚ ﺗﻨﺎﺩﻳﻦ ﻟﻲ ﻋﻤﺘﻲ ﺍﺩﺧﻠﺖ ﻣﻦ ﺯﻣﺎﻥ ﻣﺎ ﻃﻠﻌﺖ ..
( ﻛﻤﻞ ﺑﺘﺮﺩﺩ ) .. ﻫﻲ ﺍﻟﻲ ﺗﺒﻜﻲ ﻣﺎ ﺍﺩﺭﻱ ﻭﺵ ﻓﻴﻬﺎ
ﺍﻟﺤﺮﻣﻪ ﻭﻫﻲ ﺗﻔﺘﺢ ﺑﺎﺏ ﺍﻟﺤﻤﺎﻡ : ﺍﻥ ﺷﺄﻟﻠﻪ ..
ﺩﺍﺧﻞ ﺣﻤﺎﻡ ﺍﻟﺴﻴﺪﺍﺕ .. ﺍﺩﺧﻠﺖ ﺍﻟﺤﺮﻣﻪ ﻭﺷﺎﻓﺖ ﺑﻨﺖ ﻣﺘﻜﻮﺭﻩ
ﻭﺟﺎﻟﺴﻪ ﺑﺰﻭﺍﻳﻪ ﻭﺗﺒﻜﻲ ﺑﺼﻮﺕ ﻣﺘﻘﻄﻊ ﻭﺍﻋﺮﻓﺖ ﺍﻥ ﻫﺬﻱ ﺍﻛﻴﺪ ﺍﻟﻲ
ﻳﻘﺼﺪﻫﺎ ﺍﻟﻮﻟﺪ .. ﻋﻠﻰ ﻃﻮﻝ ﺭﺍﺣﺖ ﻟﻬﺎ ﻭﺍﻧﺰﻟﺖ ﺍﻟﻰ ﻣﺴﺘﻮﺍﻫﺎ
ﺍﻟﺤﺮﻣﻪ ﻭﻫﻲ ﺗﻤﺴﺢ ﻋﻠﻰ ﺭﺍﺱ ﻋﻠﻴﺎ : ﻟﻴﻪ ﺗﺒﻜﻴﻦ ﻳﺎ ﺑﻨﺘﻲ
ﻋﻠﻴﺎ ﻟﻤﺎ ﺍﺳﻤﻌﺖ ﺻﻮﺕ ﺍﻟﺤﺮﻣﻪ ﺍﺭﻓﻌﺖ ﺭﺍﺳﻬﺎ ﻭﻧﺎﻇﺮﺕ ﻓﻴﻬﺎ ..
ﻭﺯﺍﺩ ﺍﺧﺘﻨﺎﻗﻬﺎ .. ﻭﻋﻼ ﺻﻮﺕ ﺑﻜﺎﺋﻬﺎ
ﺍﺣﺘﻀﻨﺘﻬﺎ ﺍﻟﺤﺮﻣﻪ ﻭﻃﺒﻄﺒﺖ ﻋﻠﻰ ﻛﺘﻔﻬﺎ ﻭﻫﻲ ﺗﻘﻮﻝ ﺑﺼﻮﺕ ﺣﻨﻮﻥ
: ﻟﻴﻪ ﺗﺒﻜﻴﻦ ﻳﺎ ﺑﻨﺘﻲ ﺗﻌﻮﺫﻱ ﻣﻦ ﺍﺑﻴﻠﺲ ﻣﻮ ﺯﻳﻦ ﺗﺒﻜﻴﻦ ﻓﻲ ﺍﻟﺤﻤﺎﻡ
.. ﻳﺎ ﻟﻠﻪ ﻳﺎ ﺑﻨﺘﻲ ﺳﻤﻲ ﺑﺎﻟﺮﺣﻤﻦ ﻭﻗﻮﻣﻲ ﻏﺴﻠﻲ ﻭﺟﻬﻚ .. ﻭﻃﻠﻌﻲ
ﻳﻨﺘﻈﺮﻭﻧﻚ ﺑﺮﻩ
ﻋﻠﻴﺎ ﺑﺼﻮﺕ ﻣﺨﻨﻮﻕ ﻭﻛﻠﻪ ﺑﻜﻪ : ﻣﺎ ﺍﺑﻴﻪ ﻭﺍﺑﻴﻪ ... ﻣﺎ ﺍﺑﻴﻪ ﻭﺍﺑﻴﻪ
ﺣﺎﻭﻟﺖ ﺍﻟﺤﺮﻣﻪ ﺗﺮﻓﻊ ﻋﻠﻴﺎ ﻭﺗﺴﺎﻋﺪﻫﺎ ﻋﻠﻰ ﺍﻟﻮﻗﻮﻑ .. ﻭﺗﻬﺪﻳﻬﺎ
ﺷﻮﻱ : ﻳﺎﻟﻠﻪ ﻗﻮﻣﻲ ﻳﺎ ﺑﻨﺘﻲ ﺍﻟﻠﻪ ﻳﺤﻔﻈﻚ
ﻗﺎﻣﺖ ﻋﻠﻴﺎ ﻭﺑﻌﺪ ﻣﺎ ﻫﺪﺕ ﺷﻮﻱ .. ﺑﺪﺍﺕ ﺍﻟﻀﻴﻘﻪ ﻭﺍﻻﻟﻢ ﺗﻨﺰﻝ ﻣﻦ
ﺻﺪﺭﻫﺎ ﺍﻟﻰ ﻣﻌﺘﺪﻫﺎ .. ﻭﺑﺪﺍ ﺍﻻﻛﻞ ﻳﺼﻌﺪ ﺍﻟﻰ ﺑﻠﻌﻮﻣﻬﺎ ﻣﺮﻩ ﺛﺎﻧﻴﻪ ..
ﻣﺎ ﻗﺪﺭﺕ ﺗﻤﺴﻚ ﻧﻔﺴﻬﺎ .. ﻗﺮﺑﺖ ﻋﻠﻰ ﻃﻮﻝ ﻣﻦ ﺍﻟﻤﻐﺴﻠﻪ ﻭﻧﺰﻟﺖ
ﺭﺍﺳﻬﺎ .. ﻭﺭﺟﻌﺖ ﻛﻞ ﺍﻻﻛﻞ ﺍﻟﻲ ﻛﺎﻥ ﺑﻤﻌﺪﺗﻬﺎ ﺑﻨﺪﻓﺎﻉ ﻭﺑﺤﺮﺍﺭﻩ ..
ﺑﻌﺪ ﻣﺎ ﺭﺟﻌﺖ ﺍﻻﻛﻞ ﻇﻠﺖ ﻋﻠﻰ ﻫﺬﻱ ﺍﻟﻮﺿﻌﻪ ﻓﺘﺮﻩ ﺗﺎﺧﺬ ﺍﻧﻔﺎﺳﻬﺎ
.. ﻭﺍﺭﻓﻌﺖ ﺭﺍﺳﻬﺎ ﻟﻤﺎ ﺣﺴﺖ ﺷﻮﻱ ﺑﺮﺍﺣﻪ
ﻛﺎﻥ ﻋﺒﺪﺍﻟﺮﺣﻤﻦ ﻭﺍﻗﻒ ﻋﻠﻰ ﺍﻋﺼﺎﺑﻪ .. ﻣﺎ ﻳﺪﺭﻱ ﻭﺵ ﺣﺼﻞ ﻟﻌﻤﺘﻪ
.. ﺻﻴﺎﺣﻬﺎ ﺯﺍﺩ ﻭﺻﻮﺗﻬﺎ ﻋﻼ ﻭﻓﺠﺄﻩ ﺍﻧﻘﻄﻊ ﺻﻮﺗﻬﺎ ﻋﻠﻰ ﻣﺴﺎﻣﻌﻪ
..ﻟﻴﻜﻮﻥ ﺍﻏﻤﻰ ﻋﻠﻴﻬﺎ .. ﺯﺍﺩ ﻟﻮﻣﻪ ﻟﻨﻔﺴﻪ ﻣﺎ ﺗﻮﻗﻊ ﺍﻥ ﺍﻟﻮﺿﻊ
ﺑﻴﻮﺻﻞ ﺍﻟﻰ ﻫﺬﻱ ﺍﻟﺪﺭﺟﻪ ﺧﺎﻳﻒ ﻋﻠﻰ ﻋﻤﺘﻪ ﻭﺧﺎﻳﻒ ﻣﻦ ﻋﻤﻪ ﻭﺍﻓﻲ
.. ﻫﻮ ﻋﺎﺭﻑ ﻭﺵ ﻛﺜﺮ ﻣﻌﺰﺕ ﻋﻠﻴﺎ ﻋﻨﺪ ﻋﻤﻪ ﻭﻟﻮ ﻋﺮﻑ ﻭﺵ ﺻﺎﺭ
ﻟﻬﺎ ﺑﻌﺎﺗﺒﻨﻲ .. ﻭﺧﺎﻳﻒ ﺍﻥ ﻫﺬﻱ ﺍﻟﺨﻄﻮﻩ ﺍﻟﻰ ﺧﻄﺎﻫﺎ ﻭﺍﻟﻲ ﻛﺎﻥ
ﻳﻈﻦ ﺍﻧﻬﺎ ﺭﺍﺡ ﺗﻘﺮﺑﻪ ﻣﻦ ﻋﻤﺘﻪ .. ﺗﺒﻌﺪﻩ ﻟﺒﻌﻴﺪ ﻭﺗﺘﻐﻴﺮ ﻣﻌﺎﻣﻠﺖ
ﻋﻤﺘﻪ ﻟﻪ ..
*
/
ﻓﻲ ﺳﻴﺎﺭﺓ ﻓﻴﺼﻞ ﺍﻟﻰ ﻛﺎﻧﺖ ﻣﺘﺠﻪ ﻟﻠﻤﺴﺘﺸﻔﻰ ..
ﻛﺎﻥ ﺍﻟﺠﻮ ﻣﺘﻜﻬﺮﺏ ﺑﻴﻦ ﻓﻴﺼﻞ ﻭﻫﻴﺎﻡ ﺍﻟﻲ ﻣﻦ ﺍﺭﻛﺒﻮ ﺍﻟﺴﻴﺎﺭﻩ ﻫﻢ
ﻓﻲ ﺣﺎﻟﺔ ﺗﻨﺎﻓﺮ ﻗﻮﻳﻪ .. ﻭﻛﻞ ﻭﺍﺣﺪ ﻳﺮﻣﻲ ﺍﻟﺜﺎﻧﻲ ﺑﺎﻟﻜﻼﻡ ﻭﻛﺎﻥ ﻫﺬﺍ
ﺍﻟﻠﻘﺎﺀ ﻓﺮﺻﻪ ﻟﺘﺨﻔﻴﻒ ﻣﻦ ﺍﻟﻜﻼﻡ ﺍﻟﻲ ﻛﺎﻥ ﻣﻌﺒﺄ ﻭﻣﻜﺪﺱ ﺑﺪﺍﺧﻠﻬﻢ
..
ﻫﻴﺎﻡ ﻭﻫﻲ ﺗﻠﺘﻔﺖ ﻟﻮﺭﻯ ﻭﺗﻨﺎﻇﺮ ﺟﺴﺪ ﻃﻼﻝ ﺍﻟﻲ ﻛﺎﻥ ﻣﻤﺪﺩ ﻓﻲ
ﺍﻟﻤﻘﻌﺪ ﺍﻟﺨﻠﻔﻲ ﻭﺟﺮﺣﻪ ﻣﺎ ﻧﺸﻒ .. ﻭﺍﻟﺪﻡ ﻟﻠﺤﻴﻦ ﻳﻨﺰﻑ : ﻓﻴﺼﻞ
ﺗﻜﻔﻰ ﺑﺴﺮﻋﻪ .. ﺣﺎﻭﻝ ﺗﺴﺮﻉ
ﻓﻴﺼﻞ ﺑﻌﺼﺒﻴﻪ : ﻳﻌﻨﻲ ﺗﺒﻴﻨﺎ ﻧﻄﻴﺮ .. ﺍﺷﻮﻓﻚ ﺧﺎﻳﻔﻪ ﻋﻠﻲ .. ﺃﻱ
ﺍﻛﻴﺪ ﻻ ﺯﻡ ﺗﺨﺎﻓﻴﻦ ﻋﻠﻴﻪ ﻣﻮ ﻫﻮ ﺧﻮﻳﻚ ﺍﻟﻌﺰﻳﺰ
ﻫﻴﺎﻡ ﺑﻌﺼﺒﻴﻪ : ﻛﻔﺎﻳﻪ ﻳﺎ ﻓﻴﺼﻞ .. ﻗﻠﺖ ﻟﻚ ﻫﺬﺍ ﻋﻢ ﺻﺪﻳﻘﺘﻲ
ﻣﺎﻟﻲ ﻋﻼﻗﻪ ﻓﻴﻪ
ﻓﻴﺼﻞ ﺑﺴﺨﺮﻳﻪ : ﻛﻴﻒ ﻣﺎ ﻟﻚ ﻋﻼﻗﻪ ﻓﻴﻪ ﻭﺍﻧﺎ ﺷﺎﻳﻔﻜﻢ ﺑﻌﻴﻨﻲ
ﻭﺍﻗﻔﻴﻦ ﺑﺎﻟﺸﺎﺭﻉ .. ﻣﻮ ﺣﺎﺳﺒﻴﻦ ﺣﺴﺎﺏ ﻻﺣﺪ ﻭﺑﻬﺬﺍ ﺍﻟﻮﻗﺖ ..
ﻓﺎﻟﻴﻨﻬﺎ ﺳﻮﺍﻟﻒ .. ﺗﻔﻜﺮﻳﻨﻲ ﻏﺒﻲ ﻣﺎ ﺍﻓﻬﻢ
ﻫﻴﺎﻡ ﺑﻨﻔﺎﺫ ﺻﺒﺮ : ﺃﻱ ﻏﺒﻲ .. ﻭﻃﻮﻝ ﻋﻤﺮﻙ ﻏﺒﻲ ﻭﻣﺘﺴﺮﻉ ﻭﺑﺎﻳﺦ
ﻓﻴﺼﻞ ﺑﻌﺼﺒﻴﻪ : ﻭﺍﻧﺘﻲ ﻃﻮﻝ ﻋﻤﺮﻙ ﺧﺎﻳﻨﻪ .. ﻭﻗﺤﻪ .. ﻭﻣﺎ
ﺗﺴﺘﺤﻴﻦ
ﻫﻴﺎﻡ ﺗﻨﺎﻇﺮ ﻓﻴﻪ ﺑﺤﺪﻩ : ﻛﻔﺎﻳﻪ ﺗﺠﺮﻳﺢ ﻳﺎ ﻓﻴﺼﻞ
ﻓﻴﺼﻞ : ﻳﻮﻳﻮ ﻣﺎ ﺍﻗﺪﺭ ﻋﻠﻰ ﺍﻟﻤﻼﻙ ﺍﻟﻄﺎﻫﺮ ﻭﻫﻴﺎﻡ ﺍﻟﻮﻓﻴﻪ ﺍﻟﺮﻗﻴﻘﻪ
ﺍﻟﻲ ﻣﺎ ﻋﻤﺮﻫﺎ ﺍﺟﺮﺣﺖ ﺍﺣﺪ ﺍﻭ ﺳﺒﺖ ﺍﺣﺪ
ﻫﻴﺎﻡ ﺑﺤﺰﻥ : ﻃﻮﻝ ﻋﻤﺮﻙ ﻳﺎ ﻓﻴﺼﻞ ﺍﻧﺎﻧﻲ .. ﻭﻗﺎﺳﻲ ﻭﻣﺘﺴﺮﻉ ﻓﻲ
ﺣﻜﻤﻚ
ﻓﻴﺼﻞ : ﺍﻧﺎ ﻣﺎ ﺍﻛﺬﺏ ﻋﻴﻮﻧﻲ .. ﻭﻻ ﺍﺷﻚ ﺑﻈﻨﻮﻧﻲ
ﻫﻴﺎﻡ : ﺍﻟﻤﺼﻴﺒﻪ ﺍﻥ ﻋﻴﻮﻧﻚ ﻣﺎ ﺗﺸﻮﻑ ﺍﻟﺤﻘﻴﻘﻪ .. ﻣﺎ ﺗﺸﻮﻑ ﺍﻟﻰ
ﺍﻓﻜﺎﺭﻙ ﺍﻟﺴﻮﺩﻩ ﺍﻟﻲ ﻣﻌﺒﻴﻪ ﺭﺍﺳﻚ
ﺍﻟﺘﻔﺘﺖ ﻫﻴﺎﻡ ﻭﻧﺎﻇﺮﺕ ﺍﻟﻨﺎﻓﺬﻩ ﺍﻟﻲ ﺟﻨﺒﻬﺎ .. ﺑﺪﺕ ﺍﻟﺪﻣﻮﻉ ﺗﺘﺠﻤﻊ
ﻓﻲ ﻋﻴﻨﻬﺎ ﺧﻼﺹ ﻣﺎ ﻫﻲ ﻃﺎﻳﻘﻪ ﻧﻔﺴﻬﺎ ﻭﻻ ﻫﻲ ﻣﺘﺤﻤﻠﻪ ﺍﻟﻮﺿﻊ
ﺍﻟﻲ ﻫﻲ ﻓﻴﻪ .. ﺍﻋﺼﺎﺑﻬﺎ ﺍﺗﻠﻔﺖ .. ﻭﺍﻟﺨﻮﻑ ﺑﻬﺪﻟﻬﺎ .. ﻓﻜﺮﺓ ﻣﻮﺕ
ﻃﻼﻝ ﺗﻌﻴﺸﻬﺎ ﺑﺤﺎﻟﺔ ﺭﻋﺐ ﻓﻀﻴﻌﻪ ﻟﻮ ﺑﻴﺪﻫﺎ ﺭﺟﻌﺖ ﺍﻟﺰﻣﻦ ﺛﻼﺙ
ﺳﺎﻋﺎﺕ ﻟﻠﺨﻠﻒ )) ﻟﻮ ﺍﻧﻲ ﺩﺍﺧﻠﻪ ﺑﻴﺘﻨﺎ .. ﻟﻴﻪ ﺭﺣﺖ ﻛﻠﻤﺘﻪ ﻭﺵ ﻟﻲ
ﻓﻴﻪ .. ﻓﺘﺤﺖ ﻟﻨﻔﺴﻲ ﺑﺎﺏ ﻛﺒﻴﺮ ﻣﺨﻠﻮﻉ ﻣﻔﺘﺎﺣﻪ .. ﻭﻣﺎ ﺭﺍﺡ
ﻳﺘﺴﻜﺮ (( ﻧﺰﻟﺖ ﺩﻣﻮﻋﻬﺎ ﻭﺍﻓﻜﺎﺭﻫﺎ ﺧﺬﺗﻬﺎ ﻟﺒﻌﻴﺪ .. ﻟﻮ ﻣﺎﺕ ﻃﻼﻝ
ﻭﺩﺭﺕ ﺍﻧﻔﺎﻝ ﻭﺧﺎﻟﻬﺎ ﻭﺍﻣﻬﺎ ﻭﺍﻟﻨﺎﺱ ﻛﻠﻬﻢ ﺍﻥ ﻫﻲ ﻛﺎﻧﺖ ﻭﺍﻗﻔﻪ ﻣﻌﻪ
ﺑﺎﻟﺸﺎﺭﻉ ﻭﺟﺎ ﻓﻴﺼﻞ ﻭﺍﻗﺘﻠﻪ .. ﺭﺍﺡ ﻳﺘﻬﻤﻮﻧﻬﺎ ﺍﻥ ﻫﻲ ﺍﻟﺴﺒﺐ ﻭﻳﻤﻜﻦ
ﻳﺴﺠﻨﻮﻭﻧﻬﺎ ﻫﻲ ﻭﻓﻴﺼﻞ ﻭﺍﺳﺎﺱ ﻗﺒﻞ ﻻ ﻳﺴﺠﻨﻮﻧﻬﺎ ﺭﺍﺡ ﻳﻘﺘﻬﺎ
ﺧﺎﻟﻬﺎ ﻻﻧﻬﺎ ﺍﻭﻗﻔﺖ ﺗﺘﻜﻠﻢ ﻣﻌﻪ )) ﺭﺣﻤﺘﻚ ﻳﺎﺭﺏ (( ﻗﻄﻊ ﺗﻔﻜﻴﺮﻫﺎ
ﺻﻮﺕ ﻓﻴﺼﻞ
ﻓﻴﺼﻞ ﺑﺼﻮﺕ ﻫﺎﺩﺀ ﺷﻮﻱ : ﻫﻴﺎﻡ ﻭﺵ ﻧﺴﻮﻱ ﺍﻟﺤﻴﻦ ﻧﺪﺧﻠﻪ ﺩﺍﺧﻞ
ﺍﻟﻤﺴﺘﺸﻔﻰ ﻭﻻ ﻧﺮﻣﻴﻪ ﻋﻨﺪ ﺍﻟﺒﺎﺏ
ﻫﻴﺎﻡ ﻟﻤﺎ ﺳﻤﻌﺖ ﻛﻼﻡ ﻓﻴﺼﻞ ﺣﺴﺖ ﺑﺎﺣﺴﺎﺱ ﻗﺎﺳﻲ ﻛﺎﻧﻬﻢ
ﻣﺠﺮﻣﻴﻦ ﺍﻗﺘﻠﻪ ﻭﺍﻟﺤﻴﻦ ﻣﺤﺘﺎﺭﻳﻦ ﻭﻳﻦ ﻳﺮﻣﻮﻥ ﺍﻟﺠﺜﻪ (ﻳﻌﻨﻲ
ﻣﺠﺮﻣﻴﻦ ﻳﻤﻠﻜﻮﻥ ﺍﻟﻘﻠﻴﻞ ﻣﻦ ﺍﻟﺮﺣﻤﻪ ﺑﻴﺮﻣﻮﻥ ﺍﻟﺠﺜﻪ ﻋﻨﺪ ﺑﺎﺏ
ﺍﻟﻤﺴﺘﺸﻔﻰ )
ﻫﻴﺎﻡ ﺑﺼﻮﺕ ﻭﺍﻃﻲ ﻭﺑﺤﺴﺮﻩ : ﺍﻛﻴﺪ ﻋﻨﺪ ﺑﺎﺏ ﺍﻟﻤﺴﺘﺸﻔﻰ ..
ﺍﻟﺘﻔﺘﺖ ﻋﻠﻰ ﺟﻬﺔ ﺍﻟﻨﺎﻓﺬﻩ ﻭﺍﻟﺪﻣﻮﻉ ﻣﺎﻟﻴﻪ ﻭﺟﻬﻬﺎ .. ﺗﺤﺎﻭﻝ
ﺗﺘﻤﺎﺳﻚ ﻣﺎ ﺗﻘﺪﺭ ﺗﺘﺼﻮﺭ ﺍﻥ ﻫﻲ ﺑﻬﺬﻱ ﺍﻟﻘﺴﺎﻭﻩ ﻭﻗﻠﺒﻬﺎ ﻣﺎ ﻓﻴﻪ
ﺭﺣﻤﻪ .. ﻻ ﻗﻠﺒﻲ ﻣﻮ ﻗﺎﺳﻲ ﺑﺲ ﺍﻟﻮﺿﻊ ﻫﻮ ﺍﻟﻲ ﻣﻘﺴﻴﻪ .. ﻣﺎ ﺍﻗﺪﺭ
ﺍﺩﺧﻞ ﻃﻼﻝ ﻟﺪﺍﺧﻞ ﺍﻟﻤﺴﺘﺸﻔﻰ ﺍﺧﺎﻑ ﻳﻤﻮﺕ ﻭﻳﺘﻬﻤﻮﻧﺎ .. ﻭﻻ
ﻳﻤﻜﻦ ﻳﻤﺴﻜﻮﻧﺎ ﻭﻳﺤﻘﻘﻮﻥ ﻣﻌﻨﺎ .. ﻣﻦ ﺍﻟﻲ ﺍﺿﺮﺑﻪ ؟ ﻭﺵ ﻳﻘﺮﺏ
ﻟﻜﻢ ؟ ﻭﻣﻴﻦ ﺍﻧﺘﻮ ؟
ﻗﻄﻊ ﺗﻔﻜﻴﺮﻫﺎ ﺻﻮﺕ ﻓﻴﺼﻞ ..
ﻓﻴﺼﻞ ﺑﺼﻮﺕ ﻫﺎﺩﺀ : ﻫﻴﺎﻡ ﻣﺎ ﺍﺷﺘﻘﺘﻲ ﻟﻲ
ﺍﻟﺘﻔﺘﺖ ﻫﻴﺎﻡ ﺑﺴﺮﻋﻪ ﻋﻠﻰ ﻓﻴﺼﻞ ﻭﻇﻠﺖ ﺗﻨﺎﻇﺮ ﻓﻴﻪ ﻭﻓﻲ ﻣﻼﻣﺤﻪ
ﺍﻟﺠﺎﻣﺪﻩ ﻭﺍﻋﺼﺎﺑﻪ ﺍﻟﺒﺎﺭﺩﻩ ﻭﻻ ﻛﺎﻧﻪ ﻣﺴﻮﻱ ﺷﻲﺀ .. ﺍﻟﺤﻴﻦ ﺍﻟﻮﻟﺪ ﺑﻴﻦ
ﺍﻟﺤﻴﺎﻩ ﻭﺍﻟﻤﻮﺕ .. ﻭﺍﻟﺴﺒﺐ ﺍﻧﺖ ﻭﺟﺎ ﺗﻘﻮﻝ ﺑﻜﻞ ﺑﺮﻭﺩ ﻣﺎ ﺍﺷﺘﻘﺘﻲ
ﻟﻲ
/
*
/
*
/
ﻓﻲ ﺍﻟﻴﻮﻡ ﺍﻟﺜﺎﻧﻲ ..
ﻓﻲ ﺑﻴﺖ ﺑﻮ ﻣﺸﺎﺭﻱ .. ﻭﺗﺤﺪﻳﺪﺍ ﻓﻲ ﻏﺮﻓﺔ ﻣﺸﺎﺭﻱ ..
ﻛﺎﻥ ﻣﺸﺎﺭﻱ ﺟﺎﻟﺲ ﻋﻠﻰ ﺍﻟﺴﺮﻳﺮ ﻭﻣﺴﻨﺪ ﻇﻬﺮﻩ ﻋﻠﻰ ﻇﻬﺮ ﺍﻟﺴﺮﻳﺮ
.. ﻭﺑﻴﻦ ﺍﻳﺪﻩ ﻛﺘﺎﺏ ﺷﻌﺮ .. ﺻﺎﺭﺕ ﺍﻟﺤﻴﺎﻩ ﻓﻲ ﺍﻟﺒﻴﺖ ﻏﻴﺮ ﻣﺮﻳﺤﻪ
ﻣﻦ ﺧﺬﺕ ﺭﺟﻞ ﺧﺎﻟﺘﻪ ﻭﺯﻭﺟﻬﺎ ﻭﺑﻨﺘﻬﺎ ﻋﻠﻰ ﻛﺜﺮﺕ ﺍﻟﺠﻴﺎﺕ ﻟﺒﻴﺘﻬﻢ
.. ﻣﺎ ﻓﻲ ﺣﺮﻳﻪ ﻣﻦ ﻳﺮﺟﻊ ﻣﻦ ﺍﻟﺪﻭﺍﻡ ﻋﻠﻰ ﻃﻮﻝ ﻳﺼﻌﺪ ﻏﺮﻓﺘﻪ
ﻭﺣﺎﻭﻝ ﺍﻥ ﻣﺎ ﻳﻨﺰﻝ ﻛﺜﻴﺮ ﻋﻠﺸﺎﻥ ﻣﺎ ﺗﺸﻮﻓﻪ ﺧﺎﻟﺘﻪ ﻭﻳﺒﺘﺪﻱ ﺍﻟﻤﻮﺍﻝ
ﻭﺍﻟﺤﺴﺮﻩ ﻋﻠﻰ ﺍﻟﺤﺎﻝ .. ﻭﻫﻮ ﻣﻮ ﻧﺎﻗﺺ ﺩﻟﻊ ﺯﺍﻳﺪ ﻭﺛﻘﻞ ﻃﻴﻨﻪ ..
ﻛﻞ ﻣﺎ ﺗﺬﻛﺮ ﻳﻮﻡ ﺍﻣﺲ ﻳﺤﻤﺪ ﺭﺑﻪ ﺻﺤﻴﺢ ﺍﻣﺲ ﻛﺎﻥ ﻳﻮﻡ ﺛﻘﻴﻞ
ﻋﻠﻴﻪ ﻛﺜﻴﺮ ﻣﺎﻳﺪﺭﻱ ﻛﻴﻒ ﺗﺤﻤﻞ ﻏﺎﻟﻴﻪ .. ﻣﺠﺮﺩ ﺍﻟﺘﻔﻜﻴﺮ ﻓﻴﻬﺎ ﻳﺰﻳﺪ
ﺛﻘﻞ ﺍﻟﻬﻢ ﺍﻟﻲ ﺑﺪﺍﺧﻠﻪ ﻗﺮﺭ ﺍﻥ ﻳﺤﻂ ﻏﺎﻟﻴﻪ ﻭﺧﺎﻟﺘﻪ ﺑﺰﻭﺍﻳﻪ ﺑﻌﻴﺪﻩ
ﻋﻦ ﻣﺴﺎﺣﺔ ﺗﻔﻜﻴﺮﻩ ﺣﺎﻟﻴﺎ ﻭﻳﻔﻜﺮ ﺑﺴﺠﻰ ﺍﻟﻲ ﻳﺤﺲ ﺍﻥ ﻫﻮ ﻣﻘﺼﺮ
ﻣﻌﻬﺎ ﻓﻲ ﻛﻞ ﺷﻲﺀ ﺣﺘﻰ ﺑﺘﻔﻜﻴﺮﻩ ﻣﻦ ﺯﻣﺎﻥ ﻣﺎ ﺳﻤﻊ ﺍﺧﺒﺎﺭﻫﺎ ..
ﻭﺳﺄﻝ ﻋﻦ ﺣﺎﻟﻬﺎ ﻛﺎﻥ ﻭﺩﻩ ﻳﺮﺳﻞ ﻟﻬﺎ ﻣﺴﺞ ﺑﺲ ﻣﻬﻮ ﻗﺎﺩﺭ ﻳﻜﺘﺐ
ﻭﻳﻌﺒﺮ ﻳﺤﺲ ﺍﻥ ﺍﻟﻤﺸﺎﻋﺮ ﻋﻨﺪﻩ ﻣﺘﻌﻘﺪﻩ ﻓﻀﻞ ﺍﻥ ﻫﻮ ﻳﻘﺮﺍ ﺍﺑﻴﺎﺕ
ﻣﻦ ﺍﻟﺸﻌﺮ ﻭﻳﺪﺧﻞ ﻓﻲ ﻋﺎﻟﻢ ﺍﻟﻘﺼﻴﺪ ﻳﻤﻜﻦ ﻳﺠﻴﻪ ﺍﻻﻟﻬﺎﻡ ﻭﻳﻄﻠﻊ
ﻣﻌﻪ ﺑﻴﺖ ﺍﻭ ﺛﻼﺙ ﺍﺑﻴﺎﺕ ﺗﻌﺒﺮ ﻋﻦ ﺣﺎﻟﻪ .. ( ﺍﺑﺘﺴﻢ ) ﻟﻤﺎ ﺗﺬﻛﺮ
ﺻﻮﺕ ﺳﺠﻰ ﺍﻣﺲ ﻣﺎﻳﺪﺭﻱ ﻟﻴﻪ ﺻﻮﺗﻬﺎ ﺑﺤﺬ ﺫﺍﺗﻪ ﻳﺴﺤﺮﻩ ﻓﻲ ﻧﺒﺮﻩ
ﺍﺫﻧﻪ ﺗﺮﺗﺎﺡ ﻟﺴﻤﺎﻋﻬﺎ .. ﻭﺭﺑﻲ ﻣﺸﺘﺎﻕ ﻟﻚ ..
ﻣﺎﺯﺍﻟﺖ ﺍﻻﺑﺘﺴﺎﻣﻪ ﻣﺮﺗﺴﻤﻪ ﻋﻠﻰ ﻭﺟﻬﻪ ﻭﻫﻮ ﻳﻘﻠﺐ ﺻﻔﺤﺎﺕ ﺍﻟﻜﺘﺎﺏ
.. ﺗﻮﻗﻒ ﻋﻨﺪ ﺍﺑﻴﺎﺕ ﻗﺼﻴﺪﻩ ﻭﺣﺐ ﻳﻘﺮﺍﻫﺎ
ﺟﻤﻌﺘﻚ ﻣﻊ ﺷﺘﺎﺕ ﺍﻻﻣﺲ .. ﺳﺮﺍﺏ ﻭﻣﻮﻋﺪ ﻭﺣﺰﻭﻥ
ﻭﺗﻌﺒﺖ ﺍﻃﺮﺩ ﻭﻫﻢ ﺣﺒﻚ ﻭﺗﺎﻫﺖ ﺩﻭﻧﻚ ﻇﻨﻮﻧﻲ
ﻧﺜﺮﺗﻚ ﻓﻲ ﺧﻔﻮﻗﻲ ﻋﺸﻖ .. ﻃﺒﻌﻲ ﺑﺎﻟﻐﺮﺍﻡ ﺟﻨﻮﻥ
ﻭﺍﻧﺎ ﻣﻦ ﻫﻤﺖ ﻓﻲ ﺣﺒﻚ ﺗﺒﺪﺕ ﺛﻮﺭﺓ ﺟﻨﻮﻧﻲ
ﺷﺮﻳﻚ ﺍﻟﺮﻭﺡ .. ﻳﺎ ﺭﻭﻋﻪ ﺯﻣﺎﻥ ﻣﺎ ﻏﺪﺍ ﻟﻪ ﻟﻮﻥ
ﺭﺟﻴﺘﻚ .. ﻭﺍﻟﺠﻔﺎ ﻋﺘﻤﻪ .. ﺗﻌﻴﺪ ﺍﻟﺶ ..
ﻗﻄﻊ ﻋﻠﻴﻪ ﺍﻧﺪﻣﺎﺟﻪ ﺻﻮﺕ ﺑﺎﺏ ﻏﺮﻓﺘﻪ ﻳﻨﻔﺘﺢ .. ﺭﻓﻊ ﺭﺍﺳﻪ ﻭﻧﺎﻇﺮ
ﻣﻦ ﻓﺘﺢ ﺍﻟﺒﺎﺏ ﻭﺍﺧﺘﻔﺖ ﺍﻻﺑﺘﺴﺎﻣﻪ
ﻏﺎﻟﻴﻪ ﺩﺧﻠﺖ ﺍﻟﻐﺮﻓﻪ ﻭ ﻭﻗﻔﺔ ﻗﺮﻳﺐ ﻣﻦ ﺍﻟﺒﺎﺏ .. ﻗﺎﻟﺖ ﺑﺒﺘﺴﺎﻣﻪ :
ﻣﻤﻜﻦ ﺍﺩﺧﻞ
ﻣﺸﺎﺭﻱ ﺑﺒﺘﺴﺎﻣﻪ ﺟﺎﻧﺒﻴﻪ : ﻣﻮ ﺍﻧﺘﻲ ﺩﺧﻠﺘﻲ ﺍﻟﻐﺮﻓﻪ ﺧﻼﺹ .. ﻟﻴﻪ
ﺗﺴﺘﺄﺫﻧﻴﻦ
ﻏﺎﻟﻴﻪ ﻭﻫﻲ ﺗﻘﺮﺏ ﻣﻦ ﺍﻟﺴﺮﻳﺮ : ﻳﻌﻨﻲ ﺍﺩﺧﻞ
ﻣﺸﺎﺭﻱ ﺑﺪﻭﻥ ﻧﻔﺲ : ﺧﻴﺮ ﻭﺵ ﺑﻘﻴﺘﻲ
ﻏﺎﻟﻴﻪ : ﺍﻣﻲ ﻭﺧﺎﻟﺘﻲ ﻳﻘﻮﻟﻮﻥ ﻟﻚ ﺗﻌﺎﻝ ﺍﻧﺰﻝ ﺗﺤﺖ ﻭﺍﺟﻠﺲ ﻣﻌﻨﺎ ..
ﺷﻮﻱ ﻭﺑﺤﻄﻮﻥ ﺍﻟﻐﺪﺍ
ﻣﺸﺎﺭﻱ ﺭﺟﻊ ﻳﻐﻠﺐ ﺻﻔﺤﺎﺕ ﺍﻟﻜﺘﺎﺏ : ﻣﺎ ﻟﻲ ﻧﻔﺲ ﺃﻛﻞ .. ﻭﻣﺎﻟﻲ
ﺧﻠﻖ ﺍﻧﺰﻝ ﺗﺤﺖ ﻗﻮﻝ ﻻﻣﻲ ﺍﻧﻲ ﺗﻌﺒﺎﻥ ﻭﺍﺑﻲ ﺍﺭﺗﺎﺡ ﺗﻮﻧﻲ ﺟﺎﻱ ﻣﻦ
ﺍﻟﺪﻭﺍﻡ
ﻏﺎﻟﻴﻪ ﻭﻫﻲ ﺗﺠﻠﺲ ﻋﻠﻰ ﻃﺮﻑ ﺍﻟﺴﺮﻳﺮ ﺑﺒﺘﺴﺎﻣﻪ : ﻃﻴﺐ ﻣﻤﻜﻦ
ﺍﺟﻠﺲ ﻣﻌﻚ ﺷﻮﻱ .. ﺣﺘﻰ ﺍﻧﺎ ﻣﻠﻴﺖ ﻣﻦ ﺍﻟﺠﻠﺴﻪ ﺗﺤﺖ
ﻣﺸﺎﺭﻱ ﺭﻓﻊ ﺭﺍﺳﻪ ﻭﻧﺎﻇﺮﻫﺎ : ﺍﻧﺖ ﺟﻠﺴﺘﻲ ﺧﻼﺹ .. ﻟﻴﻪ ﺗﺴﺘﺄﺫﻧﻴﻦ
ﻏﺎﻟﻴﻪ ﺑﺒﺘﺴﺎﻣﺔ ﺩﻟﻊ : ﻣﻦ ﺑﺎﺏ ﺍﻟﺬﻭﻕ
ﻣﺸﺎﺭﻱ : ﻭﻣﻦ ﺑﺎﺏ ﺍﻟﺬﻭﻕ ﺍﻧﻚ ﻣﺎ ﺗﺠﻠﺴﻴﻦ ﺍﻻ ﻟﻤﺎ ﺍﺳﻤﺢ ﻟﻚ
ﻏﺎﻟﻴﻪ ﻭﺣﺒﺖ ﺗﻐﻴﺮ ﺍﻟﻤﻮﺿﻮﻉ : ﺍﻗﻮﻝ ﻣﺸﺎﺭﻱ ﻭﺵ ﺭﺍﻳﻚ ﺑﺸﻔﺎﻳﻔﻲ
ﺣﻠﻮﻳﻦ ﻛﺬﺍ ﻭﻻ ﺍﻛﺒﺮﻫﻢ
ﻧﺰﻝ ﻣﺸﺎﺭﻱ ﺭﺍﺳﻪ ﻭﺭﺟﻊ ﻳﻐﻠﺐ ﻓﻲ ﺻﻔﺤﺎﺕ ﺍﻟﻜﺘﺎﺏ .. ﻳﺎﺍﻟﻠﻪ ﻫﺬﻱ
ﺍﻟﺒﻨﺖ ﺳﺨﻴﻔﻪ ﻻﺑﻌﺪ ﺍﻟﺤﺪﻭﺩ ﻣﻦ ﺍﻣﺲ ﻭﻫﺬﺍ ﻣﻮﺍﻟﻬﺎ ﺗﻐﻴﺮ ﻣﻮﺿﻮﻋﻪ
ﻛﻞ ﺷﻮﻱ .. ﻭﺵ ﺭﺍﻳﻚ ﺑﻌﻴﻨﻲ ﻭﺵ ﺭﺍﻳﻚ ﺑﻄﻮﻝ ﺭﻣﻮﺷﻲ .. ﻭﺵ
ﺭﺍﻳﻚ ﺑﺨﺪﻭﺩﻱ .. ﻭﺵ ﺭﺍﻳﻚ ﺑﻠﻮﻥ ﺷﻌﺮﻱ .. ﻭﺵ ﺭﺍﻳﻚ ﺑﺠﺴﻤﻲ ..
ﻭﺵ ﺭﺍﻳﻚ ﺑﺎﻇﺎﻓﺮﻱ .. ﻭﺵ ﺭﺍﻳﻚ ﺑﻀﺤﻜﺘﻲ
ﻏﺎﻟﻴﻪ ﻟﻤﺎ ﻣﺎ ﺳﻤﻌﺖ ﻣﻨﻪ ﺭﺩ ﻗﺎﻟﺖ : ﻭﺵ ﺗﻘﺮﺍ .. ﺍﻛﻴﺪ ﺷﻌﺮ ..
ﻃﻴﺐ ﻭﻳﻦ ﺍﻟﻘﺼﻴﺪﻩ ﺍﻟﻲ ﻭﻋﺪﺗﻨﻲ ﻓﻴﻬﺎ
ﺍﺳﺘﻤﺮ ﻣﺸﺎﺭﻱ ﻓﻲ ﺗﻐﻠﻴﺐ ﺍﻟﺼﻔﺤﺎﺕ ﻭﻫﻮ ﻳﻘﻮﻝ : ﺃﻱ ﻗﺼﻴﺪﻩ
ﻏﺎﻟﻴﻪ ﺑﺪﻟﻊ : ﺍﻟﻘﺼﻴﺪﻩ ﺍﻟﻲ ﻭﻋﺪﺗﻨﻲ ﻓﻴﻬﺎ ﺍﻣﺲ .. ﺗﺘﻐﺰﻝ ﻓﻴﻬﺎ
ﺑﺠﻤﺎﻟﻲ ﻭﺩﻻﻟﻲ
ﻧﺎﻇﺮﻫﺎ ﻣﺸﺎﺭﻱ ﺑﻄﺮﻑ ﻋﻴﻨﻪ ﻭﻫﻮ ﻳﻘﻮﻝ : ﺍﻧﺎ ﻣﺎ ﻭﻋﺪﺗﻚ ﺑﺸﻲﺀ
/
*
/
*
/
ﻓﻲ ﺍﻟﻤﺴﺘﺸﻔﻰ .. ﻭﺗﺤﺪﻳﺪﺍ ﻓﻲ ﻏﺮﻓﻪ ﺭﻗﻢ 307 ﻓﻲ ﺍﻟﺪﻭﺭ ﺍﻟﺜﺎﻧﻲ
..
ﻛﺎﻧﺖ ﺍﻟﻐﺮﻓﻪ ﻛﺒﺎﻗﻲ ﻏﺮﻑ ﺍﻟﻤﺴﺘﺸﻔﻰ ﻳﻌﻤﻬﺎ ﺍﻟﻬﺪﻭﺀ .. ﻭﻳﻐﻠﺐ
ﻋﻠﻴﻬﺎ ﺍﻟﻠﻮﻥ ﺍﻻﺑﻴﺾ .. ﻛﺎﻥ ﻻﺷﻌﺔ ﺍﻟﺸﻤﺲ ﺍﻟﻨﺼﻴﺐ ﺍﻻﻛﺒﺮ ﻣﻦ
ﺍﻳﻨﺎﺭﺕ ﺍﻟﻐﺮﻓﻪ .. ﻻﻧﻬﺎ ﺷﻤﺲ ﺍﻟﻈﻬﺮﻳﻪ .. ﻋﻠﻰ ﺳﺮﻳﺮ ﻣﻮﺟﻮﺩ ﻓﻲ
ﺻﺪﺭ ﺍﻟﻐﺮﻓﻪ ﻛﺎﻥ ﺟﺴﺪ ﻃﻼﻝ ﻣﻤﺪﺩ ﻓﻴﻪ .. ﻭﺣﻮﻟﻪ ﺍﻻﺟﻬﺰﻩ .. ﻓﻲ
ﻳﺪﻩ ﺍﻟﻴﻤﻨﻰ ﻛﺎﻧﺖ ﻣﻐﺮﻭﺳﻪ ﺍﺑﺮﺓ ﺍﻟﺪﻡ .. ﻭﻓﻲ ﻳﺪﻩ ﺍﻟﻴﺴﺮﻯ ﻛﺎﻧﺖ
ﻣﻐﺮﻭﺳﻪ ﺍﺑﺮﺓ ﺍﻟﻤﻐﺬﻱ .. ﻭﺭﺍﺳﻪ ﻣﻠﻔﻮﻑ ﺑﺸﺎﺵ ﺍﺑﻴﺾ ﺍﻟﻠﻮﻥ ..
ﻭﺗﺤﺖ ﺣﺎﺟﺒﻪ ﺍﻻﻳﻤﻦ ﻗﻄﻌﺔ ﻗﻄﻦ ﻓﻮﻗﻬﺎ ﻟﺼﻘﻪ .. ﻭﻣﻌﺼﻤﻪ ﻛﺎﻥ
ﻣﻠﻔﻮﻑ ﺑﺸﺎﺵ ..
ﺗﺴﺎﺋﻠﺖ ﺳﺎﺭﻩ ﻭﻫﻲ ﺗﺤﻂ ﺑﺎﻗﺔ ﺍﻟﻮﺭﺩ ﻋﻠﻰ ﺍﻟﻄﺎﻭﻟﻪ ( ﻣﺪﺭﻱ ﻫﻮ
ﻧﺎﻳﻢ .. ﻭﻻ ﻟﻠﺤﻴﻦ ﻓﺎﻗﺪ ﺍﻟﻮﻋﻲ ) .. ﺭﺗﺒﺖ ﺍﻟﻄﺎﻭﻟﻪ ﺍﻟﻲ ﺟﻨﺐ
ﺍﻟﺴﺮﻳﺮ .. ﻛﺎﻥ ﻋﻠﻴﻬﺎ ﺟﻴﻚ ﻣﺎﻱ ﻭﻛﺎﺱ ﺯﺟﺎﺝ .. ﻭﺑﺎﻗﺔ ﻭﺭﺩ ..
ﻭﻋﻠﺒﺔ ﺷﻜﻼﺗﺎ .. ﻫﻲ ﺍﻟﻲ ﺟﺎﻳﺒﺘﻬﻢ .. ﺍﻟﺘﻔﺘﺖ ﻋﻠﻰ ﻃﻼﻝ ﻭﻇﻠﺖ
ﺗﻨﺎﻇﺮ ﻓﻴﻪ .. ﺗﺬﻛﺮﺕ ﻟﻤﺎ ﻗﺎﻟﺖ ﻟﻬﺎ ﻧﻮﺭﻩ ﺍﻟﻲ ﻛﺎﻧﺖ ﻣﻨﺎﻭﺑﻪ ﺍﻣﺲ
ﺑﻠﻴﻞ ﺍﻥ ﺷﺎﻓﻮﻩ ﻣﺮﻣﻲ ﻋﻨﺪ ﺑﺎﺏ ﺍﻟﻤﺴﺘﺸﻔﻰ ﻭﻫﻮ ﻏﺎﺭﻕ ﺑﺪﻣﻪ ..
ﻭﺍﻟﻮﺍﺿﺢ ﺍﻥ ﻧﺰﻑ ﺩﻡ ﻛﺜﻴﺮ ﻭﺗﻌﺮﺽ ﻟﻀﺮﺑﻪ ﻗﻮﻳﻪ ﻋﻠﻰ ﺭﺍﺳﻪ ﻟﻮ
ﺍﻧﻬﻢ ﻣﺘﺄﺧﻴﺮﻥ ﻋﻠﻴﻪ ﻛﺎﻥ ﺻﺎﺭ ﻓﻲ ﻋﺪﺍﺩ ﺍﻻﻣﻮﺍﺕ .. ﺗﺎﻣﻠﺖ ﻣﻼﻣﺤﻪ
ﺍﻟﺬﺑﻼﻧﻪ ﻭﻟﻮﻧﻪ ﺍﻟﺸﺎﺣﺐ .. ﻭﺍﻟﺠﺮﻭﺡ ﺍﻟﺼﻐﻴﺮﻩ ﺍﻟﻤﻮﺯﻋﻪ ﻋﻠﻰ ﺭﻗﺒﺘﻪ
ﻭﺍﻟﺸﺎﺵ ﺍﻟﻌﺮﻳﺾ ﺍﻟﻲ ﻣﺨﺒﻲ ﻗﻤﺔ ﺭﺍﺳﻪ ﻭﻣﻘﺪﻣﺔ ﻭﺟﻬﻪ .. ﺣﺴﺖ
ﺑﺎﻟﻢ ﻓﻲ ﻗﻠﺒﻬﺎ ﻟﻤﺎ ﺷﺎﻓﺘﻪ ﺑﻬﺬﺍ ﺍﻟﺤﺎﻝ ( ﻣﻦ ﻫﺬﺍ ﺍﻟﻲ ﺳﻮﻯ ﻓﻴﻚ ﻛﺬﺍ
.. ﻣﻦ ﺍﻟﻲ ﺣﺎﻭﻝ ﻳﻘﺘﻠﻚ .. ﻭﻟﻴﻪ .. ﻣﺎ ﻳﺪﺭﻱ ﺍﻥ ﺑﻘﻰ ﻳﻴﺘﻢ ﺣﺒﻲ
ﻭﻫﻮ ﻣﺎ ﺑﻌﺪ ﺣﺲ ﺑﺤﻨﺎﻧﻪ .. ﻣﻨﺖ ﺑﻤﺴﻤﻮﺡ ﻳﻠﻲ ﻣﺎ ﻓﻲ ﻗﻠﺒﻚ ﺭﺣﻤﻪ
.. ﻭﺍﻟﻠﻪ ﻟﻮ ﺍﺩﺭﻱ ﻣﻦ ﺍﻧﺖ .. ﻻﺩﻓﻌﻚ ﺛﻤﻦ ﻛﻞ ﺿﺮﺑﻪ ﻭﻛﻞ ﺟﺮﺡ
ﻏﺎﻟﻲ .. ﺍﻧﺖ ﻣﺎ ﺗﺪﺭﻱ ﻫﺬﺍ ﻭﺵ ﻳﻌﻨﻲ ﻟﻲ ..ﻫﺬﺍ ﺍﻟﻬﻮﺍ ﺍﻟﻲ ﺍﺗﻨﻔﺴﻪ
.. ﻫﺬﺍ ﺳﺮ ﺍﻟﺤﻴﺎﻩ .. ﻛﻞ ﻧﻈﺮﻩ ﻣﻨﻪ ﺗﻘﺘﻠﻨﻲ ﻭﺗﺤﻴﻨﻲ .. ﺍﻩ ﺍﻩ
ﻣﺪﺭﻱ ﻣﺘﻰ ﺑﺤﺲ ﻓﻴﻨﻲ )
ﻗﺮﺑﺖ ﻣﻦ ﺳﺮﻳﺮﻩ ﻭﺭﻓﻌﺖ ﻳﺪﻫﺎ .. ﻭﻗﺮﺑﺘﻬﺎ ﻣﻦ ﻭﺟﻪ ﺑﺎﺭﺗﺒﺎﻙ ..
ﻣﺮﺭﺕ ﺍﻃﺎﺑﻌﻬﺎ ﺑﻬﺪﻭﺀ ﻋﻠﻰ ﺧﺪﻩ ﺍﻻﻳﺴﺮ .. ﺣﺴﺖ ﺑﺤﺮﺍﺭﻩ ﺗﺴﺮﻱ
ﻓﻲ ﺍﻃﺮﺍﻓﻬﺎ ( ﺗﺼﺪﻕ ﻳﺎ ﻃﻼﻝ ﻛﻨﺖ ﺍﺑﻲ ﺩﻣﻲ ﻳﺨﺘﻠﻂ ﺑﺪﻣﻚ
ﻳﻤﻜﻦ ﻟﻤﺎ ﻳﺪﺧﻞ ﺩﻣﻲ ﻓﻲ ﻗﻠﺒﻚ ﻳﻬﺰﻩ ﺷﻮﻱ ﻭﺗﺤﺲ ﻓﻴﻨﻲ .. ﺑﺲ
ﻟﻼﺳﻒ ﻟﻤﺎ ﺭﺣﺖ ﺍﻟﻴﻮﻡ ﺍﻟﺼﺒﺎﺡ ﻭﺳﺤﺒﻮ ﻣﻨﻲ ﺩﻡ .. ﻃﻠﻌﺖ ﻓﺼﻴﻠﺔ
ﺩﻣﻲ ﻣﺎ ﺗﻨﺎﺳﺒﻚ .. ﻟﻴﻪ ﻛﻞ ﺷﻲﺀ ﺍﺳﻮﻱ ﻟﺠﻞ ﺍﻭﺻﻞ ﻟﻚ ﻳﺒﻌﺪﻧﻲ
ﻋﻨﻚ .. )
ﺷﺎﻟﺖ ﻳﺪﻫﺎ .. ﻭﺭﺟﻌﺖ ﺍﺟﻠﺴﺖ ﻋﻠﻰ ﺍﻟﻜﺮﺳﻲ ﺍﻟﻲ ﺟﻨﺐ ﺍﻟﺴﺮﻳﺮ ..
ﺷﻜﻠﻬﺎ ﺍﻟﻴﻮﻡ ﺑﺘﻘﻀﻴﻪ ﻛﻠﻪ ﻓﻲ ﻏﺮﻓﺔ ﻃﻼﻝ
ﻓﺘﺢ ﻃﻼﻝ ﻓﻲ ﻫﺬﻱ ﺍﻟﺤﻈﻪ ﻋﻴﻮﻧﻪ ﺑﺒﻄﻰ ﻭﺑﺘﻌﺐ .. ﻭﻧﺎﻇﺮ ﻧﻘﻄﻪ
ﻓﻲ ﺍﻟﺴﻘﻒ .. ﺣﺲ ﺑﺎﻟﻢ ﻓﻈﻴﻊ ﺑﺮﺍﺳﻪ ..
ﺑﺴﺮﻋﻪ ﻗﺎﻣﺖ ﺳﺎﺭﻩ ﻣﻦ ﻛﺮﺳﻴﻬﺎ ﻟﻤﺎ ﺷﺎﻓﺘﻪ ﻓﺘﺢ ﻋﻴﻮﻧﻪ ﻭﻗﺮﺑﺖ
ﻣﻨﻪ ..
ﺳﺎﺭﻩ ﺑﺼﻮﺕ ﻧﺎﻋﻢ : ﺍﻟﺤﻤﺪﻟﻠﻪ ﻋﻠﻰ ﺍﻟﺴﻼﻣﻪ
ﻃﻼﻝ ﺳﻤﻊ ﺻﻮﺗﻬﺎ ﺑﺲ ﻣﺎﻫﻮ ﻗﺎﺩﺭ ﻳﺤﺮﻙ ﺭﺍﺳﻪ .. ﻭﺣﺲ ﺑﺜﻘﻞ
ﻓﻲ ﺍﻃﺮﺍﻓﻪ ..ﺭﺟﻊ ﻏﻤﺾ ﻋﻴﻮﻧﻪ ﻣﺮﻩ ﺛﺎﻧﻴﻪ ﺑﺒﻄﺄ
)) ﻳﺎﺍﻟﻠﻪ ﻭﺵ ﻫﺬﺍ ﺍﻻﻟﻢ .. ﺍﻧﺎ ﻭﺵ ﺍﻟﻲ ﺟﺎﺑﻨﻲ ﻫﻨﺎ .. ﻭﺵ ﺍﻟﻲ
ﺣﺼﻞ ﻟﻲ ..ﻣﺮﺕ ﺍﻣﺎﻣﻪ ﺻﻮﺭ ﻣﺸﻮﺷﻪ ﻭﻏﻴﺮ ﻭﺍﺿﺤﻪ ﻟﻼﺣﺪﺍﺙ ﺍﻟﻲ
ﺻﺎﺭﺕ ﻟﻪ ﺍﻣﺲ .. ﻳﺘﺬﻛﺮ ﺍﻥ ﻛﺎﻥ ﺭﺍﻳﺢ ﻟﻠﻌﻨﻮﺍﻥ ﺍﻟﻲ ﺩﻟﻪ ﻋﻠﻴﻪ
ﺣﺎﻣﺪ ﻋﻠﺸﺎﻥ ﻳﻘﺎﺑﻞ ﺭﺍﺷﺪ ﻭﻳﺘﻔﺎﻫﻢ ﻣﻌﻪ .. ﻳﺘﺬﻛﺮ ﺍﻥ ﻛﺎﻥ ﻭﺍﻗﻒ
ﻭﺟﺎﺕ ﻟﻪ ﻫﻴﺎﻡ .. ﺃﻱ ﻫﻴﺎﻡ ﺻﺎﺣﺒﺖ ﺍﻧﻔﺎﻝ .. ﻭﺑﻌﻴﺪﻳﻦ ﻣﺎ ﻳﺪﺭﻱ
ﻭﺵ ﺻﺎﺭ ﺗﺬﻛﺮ ﺍﻧﻪ ﺗﻠﻘﻰ ﺿﺮﺑﻪ ﺷﺪﻳﺪﻩ ﻋﻠﻰ ﺭﺍﺳﻪ ( ﺣﺎﻭﻝ ﻃﻼﻝ
ﻳﺤﺮﻙ ﺭﺍﺳﻪ ﻭﻛﺎﻧﻪ ﻳﺘﺎﻛﺪ ﻣﻦ ﺳﻼﻣﺔ ﺫﺍﻛﺮﺗﻪ .. ﻣﺎ ﻗﺪﺭ ﻳﺤﺮﻛﻪ
ﻳﺤﺲ ﺑﺜﻘﻞ ﺑﺮﺍﺳﻪ ) ﻓﺘﺤﺖ ﻋﻴﻮﻧﻪ ﺑﺒﻄﺄ .. ﻭﻧﺎﻇﺮ ﺍﻟﺴﻘﻒ ( ﺍﻧﺎ
ﻭﺵ ﺍﻟﻲ ﺟﺎﺑﻨﻲ ﻫﻨﺎ )
/
*
/
*
/
ﻓﻲ ﺍﺳﺒﺎﻧﻴﺎ ..
ﺟﻠﺴﺖ ﺍﻟﻴﻮﻡ ﺍﻧﻔﺎﻝ ﻣﻦ ﺍﻟﻨﻮﻡ ﻣﺘﺎﺧﺮ ﻻﻧﻬﺎ ﻛﺎﻧﺖ ﺍﻣﺲ ﺳﻬﺮﺍﻧﻪ
ﺗﻨﺘﻈﺮ ﺷﻬﺎﺏ ﻳﺮﺟﻊ ﻭﻣﺎ ﻗﺪﺭﺕ ﺗﻘﻮﺍﻡ ﺍﻟﻨﻮﻡ ﻭﻧﺎﻣﺖ ﺗﻌﺒﺖ ﺍﻣﺲ
ﻣﻦ ﻛﺜﻴﺮ ﻣﺎ ﺗﻔﻜﺮ .. ﻟﻴﻦ ﺭﺍﺳﻬﺎ ﺍﻟﻤﻬﺎ ﻣﻦ ﻛﺜﺮﺓ ﺍﻻﻓﻜﺎﺭ .. ﻣﺎﺗﺪﺭﻱ
ﻟﻴﻪ ﺗﺤﺲ ﺑﺎﺭﻫﺎﻕ ﺷﺪﻳﺪ ﻭﺑﻀﻌﻒ ﺑﺠﺴﺪﻫﺎ .. ﺍﻓﺘﻘﺪﺕ ﺭﺍﺣﺖ ﺍﻟﺒﺎﻝ
ﻭﺻﺎﺭ ﺑﺎﻟﻬﺎ ﻣﺸﻐﻮﻝ ﺑﺸﻬﺎﺏ ﺣﺎﻟﻪ ﻏﺮﻳﺐ ﻭﺻﻤﺘﻪ ﺭﻫﻴﺐ ﻋﺠﺰﺕ
ﺗﻼﻗﻲ ﺗﻔﺴﻴﺮ ﻟﻐﻴﺎﺑﻪ ﻓﻲ ﺍﻟﻴﻞ ﻭﺭﺟﻌﺘﻪ ﺍﻟﺼﺒﺎﺡ ﻭﻋﺪﻡ ﻧﻮﻣﻪ ﻣﻌﻬﺎ
ﻓﻲ ﺍﻟﺴﺮﻳﺮ ﻣﻮ ﻫﻲ ﺯﻭﺟﺘﻪ ﻣﻮ ﺍﻟﻔﺮﻭﺽ .. !! ﻣﻌﻘﻮﻟﻪ ﺍﻟﺰﻭﺍﺝ ﺍﻟﻲ
ﻣﺎﻓﻴﻪ ﻓﺘﺮﺓ ﺧﻄﻮﺑﻪ .. ﻳﻜﻮﻥ ﻭﺿﻌﻪ ﻛﺬﺍ ﻛﻞ ﻭﺍﺣﺪ ﻭﺍﻗﻒ ﻓﻲ
ﻣﻜﺎﻧﻪ ﻭﺍﻟﻌﻼﻗﻪ ﺑﻴﻨﻬﻢ ﺑﺎﺭﺩﻩ .. ﻛﻞ ﻳﻮﻡ ﺗﻈﻦ ﺍﻥ ﻋﻼﻗﺘﻬﺎ ﻣﻊ
ﺷﻬﺎﺏ ﺭﺍﺡ ﺗﺘﻀﺢ ﺍﻛﺜﺮ .. ﻭﺑﻜﻮﻥ ﻓﻲ ﺗﻮﺍﺻﻞ ﻭﻣﺸﺎﺭﻛﻪ .. ﻫﻲ
ﺻﺤﻴﺢ ﺗﻐﻴﺮﺕ ﺗﻐﻴﺮ ﻏﻴﺮ ﻣﻠﺤﻮﻅ ﻳﻌﻨﻲ ﻋﻠﻰ ﺍﻻﻗﻞ ﺍﻣﺲ ﺗﻜﻠﻢ
ﻗﺎﻣﺖ ﻣﻦ ﺍﻟﺴﺮﻳﺮ ﻭﻫﻲ ﺣﺎﻃﻪ ﻓﻲ ﺑﺎﻟﻬﺎ ﺍﻥ ﺍﻟﻴﻮﻡ ﺭﺍﺡ ﺗﺘﻜﻠﻢ ﻣﻌﻪ
.. ﻻﺯﻡ ﻭﺍﺣﺪ ﻣﻨﻬﻢ ﻳﺒﺪﺍ ﻭﺷﻜﻠﻬﺎ ﻫﻲ ﺍﻟﻲ ﺭﺍﺡ ﺗﺒﺪﺍ
ﻗﺮﺑﺖ ﻣﻦ ﺑﺎﺏ ﺍﻟﻐﺮﻓﻪ ﻭﺳﺘﻐﺮﺑﺖ ﻣﻦ ﻋﺪﻡ ﺳﻤﺎﻋﻬﺎ ﻟﺼﻮﺕ
ﺍﻟﺘﻠﻔﺰﻳﻮﻥ .. ( ﻳﻤﻜﻦ ﺷﻬﺎﺏ ﻟﻠﺤﻴﻦ ﻧﺎﻳﻢ ) .. ﺍﻓﺘﺤﺖ ﺍﻟﺒﺎﺏ ﺑﻬﺪﻭﺀ
ﻋﻠﺸﺎﻥ ﻣﺎ ﺗﺰﻋﺠﻪ .. ﻭﻃﻠﺖ ﻓﻲ ﺍﻟﺒﺪﺍﻳﻪ ﻗﺒﻞ ﻻ ﺗﻔﺘﺢ ﺍﻟﺒﺎﺏ ﻛﻠﻪ ..
ﺗﻔﺎﺟﺎﺕ ﻟﻤﺎ ﺷﺎﻓﺖ ﺍﻟﻜﻨﺒﻪ ﻓﺎﺿﻴﻪ .. ﻋﻠﻰ ﻃﻮﻝ ﺍﻓﺘﺤﺖ ﺍﻟﺒﺎﺏ ﻛﻠﻪ
ﻭﺩﺧﻠﺖ ﺍﻟﺼﺎﻟﻪ .. ﺍﻭﻗﻔﺖ ﻓﻲ ﻧﺼﻒ ﺍﻟﺼﺎﻟﻪ ﻭﻧﺎﻇﺮﺕ ﺍﻟﻤﻜﺎﻥ ﻣﻦ
ﺣﻮﻟﻬﺎ ﻭﻛﺎﻧﻬﺎ ﺗﺒﺤﺚ ﻋﻦ ﺟﺴﺪ ﺷﻬﺎﺏ ﻓﻲ ﺍﺍﺣﺪﻯ ﺯﻭﺍﻳﺎ ﺍﻟﺼﺎﻟﻪ
ﺍﻟﺼﻐﻴﺮﻩ .. ﺗﻨﻬﺪﺕ ﻣﻦ ﺍﻻﻋﻤﺎﻕ ﻭﻫﻲ ﺗﻨﺎﻇﺮ ﺍﻟﻜﻨﺒﻪ ( ﻟﺤﻖ ﻳﺠﻲ
ﻭﻳﻨﺎﻡ ﻭﻳﻄﻠﻊ ) ﺍﺭﻓﻌﺖ ﻳﺪﻫﺎ ﻭﻧﺎﻇﺮﺕ ﺍﻟﺴﺎﻋﻪ .. ﺍﻭﻝ ﻣﺮﻩ ﺗﺤﺲ
ﺍﻥ ﺍﻟﻨﻮﻡ ﺑﺤﺪ ﺫﺍﺗﻪ ﻣﺸﻜﻠﻪ ﻣﺘﻌﺒﻪ ﺍﻛﺜﺮ ﻣﻦ ﺍﻥ ﻫﻮ ﺭﺍﺣﻪ ﻣﻊ ﺍﻧﻬﺎ
ﺗﻨﺎﻡ ﺳﺎﻋﺎﺕ ﻣﻌﻘﻮﻟﻪ .. ﻭﺍﻗﻞ ﻣﻦ ﺍﻟﻤﻌﺪﻝ ﺍﻟﻄﺒﻴﻌﻲ .. ﺑﺲ ﺷﻬﺎﺏ
ﺷﻜﻠﻪ ﻗﻠﻴﻞ ﺍﻟﻨﻮﻡ ﻭﺛﻼﺙ ﺳﺎﻋﺎﺕ ﺍﻭ ﺍﺭﺑﻌﻪ ﺗﻜﻔﻴﻪ .. ﻻﺯﻡ ﻫﻲ
ﺗﺤﺎﻭﻝ ﺗﻘﻠﻞ ﻣﻦ ﺳﺎﻋﺎﺕ ﻧﻮﻣﻬﺎ ﻣﻮ ﺣﻠﻮﻩ ﺗﻨﺎﻡ ﺍﻛﺜﺮ ﻣﻨﻪ ﻭﺵ ﺭﺍﺡ
ﻳﻘﻮﻝ ﻋﻨﻬﺎ ..
ﺍﺭﺟﻌﺖ ﻣﺮﻩ ﺛﺎﻧﻴﻪ ﺍﻟﻐﺮﻓﻪ ﻭﺧﺬﺕ ﻟﻬﺎ ﺩﺵ ﻋﻠﻰ ﺍﻟﺴﺮﻳﻊ .. ﻭﻃﻠﻌﺖ
ﺍﻟﺒﺴﺖ ﺑﺠﺎﻣﻪ ﻟﻮﻧﻬﺎ ﺍﺑﻴﺾ ﻣﺎﺋﻞ ﺷﻮﻱ ﻟﻼﺻﻔﺮﺍﺭ .. ﺍﻭﻗﻔﺖ ﺍﻣﺎﻡ
ﺍﻟﺘﺴﺮﻳﺤﻪ ﻭﻫﻲ ﺗﺤﺲ ﺑﺎﻻﺗﻌﺎﺵ ﻻﻥ ﺍﻟﻤﺎﻱ ﻛﺎﻥ ﺑﺎﺭﺩ ﻭﻣﻨﻌﺶ ..
ﺍﺭﻓﻌﺖ ﺷﻌﺮﻫﺎ ﻟﻔﻮﻕ ﻭﺛﻨﺒﺘﻪ .. ﻓﻜﺮﺓ ﻓﻲ ﺍﻟﺒﺪﺍﻳﻪ ﺗﺴﺘﺸﻮﺭﻩ ﻟﻜﻨﻬﺎ
ﺗﺮﺍﺟﻌﺖ ﺍﺳﺘﺸﻮﺍﺭﻩ ﺑﻴﺎﺧﺬ ﻭﻗﺖ ﻻﻥ ﺷﻌﺮﻫﺎ ﻛﺜﻴﻒ ﻭﻃﻮﻳﻞ ﺷﻮﻱ
.. ﻗﺮﺭﺕ ﺗﺴﺘﺸﻮﺭ ﺍﻟﻤﻘﺪﻣﻪ ﻭﺍﻟﻘﺬﻟﻪ ﺍﻟﻲ ﻗﺼﺘﻬﺎ ﻳﻮﻡ ﺍﻟﺰﻭﺍﺝ ..
ﺭﺍﺣﺖ ﻟﻌﻨﺪ ﺷﻨﻄﺘﻬﺎ ﻭﻓﺘﺤﺘﻬﺎ ﻋﻠﺸﺎﻥ ﺗﻄﻠﻊ ﺍﻻﺳﺘﺸﻮﺍﺭ
ﺷﺎﻓﺖ ﺑﻴﻦ ﻣﻼﺑﺴﻬﺎ ﻛﺘﺎﺑﻴﻦ ﻛﺎﻧﺖ ﺟﺎﻳﺒﺘﻬﻢ ﻣﻌﻬﺎ .. ( ﻓﺮﺻﻪ
ﺧﻠﻴﻨﻲ ﺍﻗﺮﺍ ﻓﻴﻬﻢ ﻗﺒﻞ ﻻ ﻳﺠﻲ ﺷﻬﺎﺏ ﻭﺑﻌﺪﻳﻦ ﺍﺳﺘﺸﻮﺭ ﺷﻌﺮﻱ )
ﺭﺟﻌﺖ ﺍﻻﺳﺘﺸﻮﺭ ﻓﻲ ﺍﻟﺸﻨﻄﻪ ﻭﺧﺬﺕ ﺍﻟﻜﺘﺎﺑﻴﻦ .. ﻭﺭﺍﺣﺖ ﺍﺟﻠﺴﺖ
ﺑﺎﻟﺼﺎﻟﻪ ..
ﺗﺴﻨﺪﺕ ﻋﻠﻰ ﻇﻬﺮ ﺍﻟﻜﻨﺒﻪ ﺑﺮﺗﻴﺎﺡ ﻭﻫﻲ ﻣﺘﺸﻮﻗﻪ ﻟﻤﺤﺘﻮﻯ ﺍﻟﻜﺘﺎﺏ ..
ﺣﻄﺖ ﺍﻟﻜﺘﺎﺑﻴﻦ ﻋﻠﻰ ﺍﻟﻄﺎﻭﻟﻪ ﻭﺍﺣﺘﺎﺭﺕ ﺃﻱ ﻭﺍﺣﺪ ﻣﻨﻬﻢ ﺗﺒﺘﺪﻱ ﻓﻴﻪ
.. ﺗﺎﻣﻠﺖ ﻓﻲ ﺍﻟﻌﻨﻮﺍﻥ .. ﻛﺎﻥ ﻭﺍﺣﺪ ﻣﻦ ﺍﻟﻜﺘﺐ ﺍﺳﻤﻪ ( ﺷﻬﺮ ﻋﺴﻞ
ﺩﺍﺋﻢ ) .. ﻭﺍﻟﻜﺘﺎﺏ ﺍﻟﺜﺎﻧﻲ ( ﻛﻴﻒ ﺗﺴﺤﺮﻳﻦ ﺯﻭﺟﻚ ﻓﻲ ﺷﻬﺮ
ﺍﻟﻌﺴﻞ ) ﺍﺧﺘﺎﺭﺕ ﺍﻟﻜﺘﺎﺏ ﺍﻻﻭﻝ ( ﺷﻬﺮ ﻋﺴﻞ ﺩﺍﺋﻢ ) ﺗﺤﺴﻪ ﺍﻋﻤﻖ
.. ﺑﺪﺕ ﺗﺘﺼﻔﺤﻪ ﻭﺑﻌﺪ ﺧﻤﺲ ﺩﻗﺎﺋﻖ ﺭﻣﺘﻪ ﻋﻠﻰ ﺍﻟﻄﺎﻭﻟﻪ ﺑﻌﺼﺒﻴﻪ ..
ﻭﺧﺬﺕ ﺍﻟﻜﺘﺎﺏ ﺍﻟﺜﺎﻧﻲ ﺗﺼﻔﺤﺘﻪ ﻭﺑﻌﺪ ﺩﻗﻴﻘﺘﻴﻦ ﺳﻜﺮﺗﻪ ﺑﻘﻮﻩ
( ﺍﻟﺤﻴﻦ ﻫﺬﻭﻟﻲ ﺍﻟﻜﺘﺐ ﺍﻟﻲ ﺷﺮﻳﺘﻬﻢ ﺑﺎﻟﺨﻔﺎ ﻟﻤﺎ ﺭﺣﺖ ﻣﻊ ﺍﻣﻲ
ﺍﻟﺴﻮﻕ ﻋﻠﺸﺎﻥ ﻣﺎ ﺗﺸﻮﻓﻬﻢ ﻭﻓﺤﺮﺕ ﻓﻴﻬﻢ ﻭﻇﻨﻴﺖ ﺍﻧﻲ ﺑﺴﺘﻔﻴﺪ
ﻣﻨﻬﻢ .. ﻣﺎ ﻛﻨﺖ ﺍﻇﻦ ﺍﻥ ﻫﺬﺍ ﻣﻀﻤﻮﻧﻬﻢ .. ﻛﻞ ﻋﻦ ﺍﻻﺷﻴﺎﺀ
ﺍﻟﺴﻄﺤﻴﻪ ﺍﻟﻤﻼﺑﺲ ﻭﺍﻟﻤﻜﻴﺎﺝ .. ﻭﺍﻟﺸﻌﺮ ﻭﺍﻻﻏﺮﺍﺀ .. ﺍﻟﻌﻨﻮﺍﻥ ﻣﺎﻳﺪﻝ
ﻋﻠﻰ ﺍﻟﻤﺤﺘﻮﻯ ﻫﺬﻱ ﺛﻼﺙ ﻣﺮﻩ ﺍﻧﺨﺪﻉ ﺑﺎﻟﻌﻨﻮﺍﻥ .. ﺍﻧﺨﺪﻋﺖ ﻟﻤﺎ
ﺷﺮﻳﺖ ﻛﺘﺎﺏ ﻋﻦ ﺍﺳﺮﺍﺭ ﺍﻟﻨﻔﺲ ﻭﻗﺮﻳﺘﻪ ﻣﻦ ﺍﻟﻐﻼﻑ ﺍﻟﻰ ﺍﻟﻐﻼﻑ
ﻣﺎﻓﻴﻪ ﻭﻻ ﺳﺮ ﻭﺍﺣﺪ ﻭﺍﻟﺤﻴﻦ ﻫﺬﻭﻟﻲ ﺍﻟﻜﺘﺐ .. ﻇﻨﻴﺖ ﺍﻥ ﻣﺤﺘﻮﺍﻫﻢ
ﺍﻋﻤﻖ ﻣﻦ ﻛﺬﺍ .. ﻳﻌﻨﻲ ﻋﻦ ﻛﻴﻔﻴﺖ ﺍﻟﺘﻌﺎﻣﻞ ﻣﻊ ﺍﻟﺰﻭﺝ .. ﻭﻣﻌﺮﻓﺔ
ﺷﺨﺼﻴﺘﻪ ﻭﺩﺭﺍﺳﺖ ﺗﺼﺮﻓﺎﺗﻪ .. ﻛﻴﻒ ﺍﺑﺪﺍ ﻣﻌﻪ ﺣﻮﺍﺭ ﻭﺍﺗﻘﺮﺏ ﻣﻨﻪ
ﻭﺍﻓﻬﻤﻪ ..
ﻗﻄﻊ ﻋﻠﻴﻬﺎ ﺗﻔﻜﻴﺮﻫﺎ ﺻﻮﺕ ﺍﻟﺒﺎﺏ ﻳﻨﻔﺘﺢ ..
ﺍﺭﻓﻌﺖ ﺭﺍﺳﻬﺎ ﻭﺷﺎﻓﺖ ﺷﻬﺎﺏ ﺩﺍﺧﻞ ﻣﻦ ﺍﻟﺒﺎﺏ .. ﺩﺧﻞ ﺷﻬﺎﺏ
ﺑﺪﻭﻥ ﻣﺎ ﻳﺘﻜﻠﻢ ﻭﺟﻠﺲ ﻋﻠﻰ ﺍﻟﻜﻨﺒﻪ .. ﻭﻗﻊ ﻧﻈﺮﻩ ﻋﻠﻰ ﺍﻟﻜﺘﺐ
ﺍﻟﻤﻮﺟﻮﺩﻩ ﻓﻮﻕ ﺍﻟﻄﺎﻭﻟﻪ .. ﻋﻘﺪ ﺣﻮﺍﺟﺒﻪ ﻟﻤﺎ ﻗﺮﺍ ﺍﻟﻌﻨﺎﻭﻳﻦ .. ﻧﺎﻇﺮ
ﺍﻧﻔﺎﻝ ﺑﻄﺮﻑ ﻋﻴﻨﻪ .. ﻭﻣﺪ ﻳﺪﻩ ﻭﺧﺬ ﻛﺘﺎﺏ ( ﻛﻴﻒ ﺗﺴﺤﺮﻳﻦ ﺯﻭﺟﻚ
ﻓﻲ ﺷﻬﺮ ﺍﻟﻌﺴﻞ ) .. ﺳﻨﺪ ﻇﻬﺮﻩ ﻋﻠﻰ ﻇﻬﺮ ﺍﻟﻜﻨﺐ ﻭﺑﺪﺍ ﻳﺘﺼﻔﺢ
ﺍﻟﻜﺘﺎﺏ
ﺍﻧﻔﺎﻝ ﺑﻠﻌﺖ ﺭﻳﻘﻬﺎ ﻟﻤﺎ ﺷﺎﻓﺖ ﻳﺪﻩ ﺗﻤﺘﺪ ﻭﺗﺎﺧﺬ ﻭﺍﺣﺪ ﻣﻦ ﺍﻟﻜﺘﺐ ..
ﻭﺭﺗﻌﺸﺖ ﺍﻃﺮﺍﻓﻬﺎ .. ﻭﺑﺪﺍ ﺍﻟﺨﻮﻑ ﻳﺰﻳﺪ ﺑﺪﺍﺧﻠﻪ ﻭﻫﻲ ﺗﺸﻮﻑ
ﺷﻬﺎﺏ ﻳﻘﻠﺐ ﻓﻲ ﺻﻔﺤﺎﺕ ﺍﻟﻜﺘﺎﺏ ﻭﻳﺘﻮﻗﻒ ﻋﻦ ﺻﻔﺤﻪ ﻭﻳﻨﺎﻇﺮ
ﻓﻴﻬﺎ ..
ﺑﺪﻭﻥ ﻣﺎ ﻳﺮﻓﻊ ﺭﺍﺳﻪ ﻋﻦ ﺍﻟﺼﻔﺤﻪ .. ﻻﺣﺖ ﺍﺑﺘﺴﺎﻣﻪ ﺟﺎﻧﻴﻪ ﻋﻠﻰ
ﺷﻔﺎﻳﻔﻪ .. ﻧﺎﻇﺮﻫﺎ ﺑﻨﻈﺮﻩ ﺑﺎﺭﺩﻩ ﻗﺒﻞ ﻻ ﻳﺘﻜﻠﻢ
ﺷﻬﺎﺏ ﻭﺍﻟﺴﺨﺮﻳﻪ ﻭﺍﺿﺤﻪ ﻓﻲ ﺻﻮﺗﻪ ﻭﻫﻮ ﻳﻨﺎﻇﺮ ﻓﻲ ﺍﻟﺼﻔﺤﻪ
ﻭﻳﻘﺮﺍ ﻣﺎ ﻛﺘﺐ ﻓﻴﻬﺎ : - ﺃﻣﺪﺣﻴﻪ ﻓﻲ ﺍﺳﻠﻮﺑﻪ ﺃﻭ ﺃﻧﺎﻗﺘﻪ ﺣﺘﻰ ﻳﺸﻌﺮ
ﺑﺴﻌﺎﺩﻩ ﻣﻤﺎ ﺳﻴﺰﻳﺪ ﻣﻦ ﺣﺒﻚ ﻓﻲ ﻗﻠﺒﻪ
ﻧﻈﺮﻩ ﺑﻄﺮﻑ ﻋﻴﻨﻪ ﺑﺪﻭﻥ ﻣﺎ ﻳﺮﻓﻊ ﺭﺍﺳﻪ .. ( ﺷﻜﻠﻬﺎ ﺟﺎﻟﺴﻪ ﻋﻠﻰ
ﺍﻋﺼﺎﺑﻬﺎ ) .. ﻏﻠﺐ ﺍﻟﺼﻔﺤﻪ ..
ﺷﻬﺎﺏ ﺑﺼﻮﺕ ﻋﺎﻟﻲ ﺷﻮﻱ ﻭﻻ ﻳﺨﻠﻮ ﻣﻦ ﺍﻟﺴﺨﺮﻳﻪ : ﺍﻫﺘﻤﻲ
ﺑﻤﻈﻬﺮﻙ ﺩﺍﺋﻤﺎً ﺣﺘﻰ ﻟﻮ ﻟﻢ ﺗﻀﻌﻲ ﺍﻟﻤﻜﻴﺎﺝ ﻓﻴﻜﻔﻲ ﺍﻋﺘﻨﺎﺋﻚ ﺑﻤﻠﺒﺴﻚ
ﻭﺑﻤﻈﻬﺮﻙ ﻓﻬﻲ ﺳﺘﻌﻄﻲ ﻟﻤﺴﺎﺕ ﺳﺎﺣﺮﺓ ﻓﻲ ﻗﻠﺐ ﺯﻭﺟﻚ
ﺭﻓﻊ ﻋﻴﻨﻪ ﻭﻧﺎﻇﺮ ﻓﻴﻬﺎ ﺑﺮﻭﺩ .. ( ﺷﻜﻞ ﺍﻻﻋﺼﺎﺏ ﺗﻠﻔﺎﻧﻪ ) .. ﺭﺟﻊ
ﻳﻐﻠﺐ ﺍﻟﺼﻔﺤﻪ .. ﺍﺗﺴﻌﺖ ﺍﺑﺘﺴﺎﻣﺘﻪ ﺍﻟﺠﺎﻧﻴﻪ ﻭﻫﻮ ﻳﻨﻈﺮ ﺍﻟﻰ
ﻣﺤﺘﻮﻯ ﺍﻟﺼﻔﺤﻪ ..
ﺷﻬﺎﺏ ﺑﺼﻮﺕ ﻋﺎﻟﻲ ﻭﺯﺍﺩﺕ ﺍﻟﺴﺨﺮﻳﻪ ﻓﻴﻪ : ﺍﺧﺘﺎﺭﻱ ﺍﻟﻤﻼﺑﺲ ﺍﻟﺘﻲ
ﺗﻈﻬﺮ ( ﺭﻓﻊ ﻋﻴﻨﻪ ﺷﻬﺎﺏ ﻭﻧﺎﻇﺮ ﻣﻼﺑﺲ ﺍﻧﻔﺎﻝ ﻗﺒﻞ ﻻ ﻳﻜﻤﻞ
ﻛﻼﻣﻪ ) ..ﻣﻔﺎﺗﻨﻚ ﻭﺗﺒﺮﺯ ﺍﻧﻮﺛﺘﻚ .. ﻭﺍﻟﻤﻼﺑﺲ ﺫﺍﺕ ( ﺭﻓﻊ ﻋﻴﻨﻪ
ﻭﻧﺎﻇﺮ ﻓﻲ ﻣﻼﺑﺴﻬﺎ ﻭﻛﻤﻞ ) .. ﺍﻻﻟﻮﺍﻥ ﺍﻟﺰﺍﻫﻴﻪ ﺍﻟﺘﻲ ﺗﺠﺬﺏ ﺍﻧﻈﺎﺭ
ﺯﻭﺟﻚ ﻓﺎﻟﻌﻴﻮﻥ ﺗﻌﺸﻖ ﻗﺒﻞ ﺍﻟﻘﻠﺐ
ﺑﺤﺮﻛﻪ ﺳﺮﻳﻌﻪ ﻏﻠﺐ ﺍﻟﺼﻔﺤﻪ ﻭﺑﺪﺍ ﻳﻜﻤﻞ ﺑﻨﻔﺲ ﻧﺒﺮﺓ ﺍﻟﺼﻮﺕ
ﺍﻟﻤﺼﺤﻮﺏ ﺑﺴﺨﺮﻳﻪ : ﻋﻨﺪﻣﺎ ﻳﺤﻴﻦ ﻣﻨﺘﺼﻒ ﺍﻟﻠﻴﻞ ﺣﺎﻭﻟﻲ ﺍﻥ
ﻧﺴﺘﺪﺭﺟﻲ ﺯﻭﺟﻚ ﺍﻟﻰ ﺍﻟﺴﺮﻱ .. ( ﻭﻗﻒ ﺷﻬﺎﺏ ﻗﺮﺍﺀﻩ ﻭﻓﻀﻞ ﺍﻥ
ﻳﻘﺮﺍ ﺑﺎﻗﻲ ﺍﻟﻜﻼﻡ ﺑﻌﻴﻮﻧﻪ )
ﺭﻓﻊ ﺭﺍﺳﻪ ﻭﻧﺎﻇﺮ ﺍﻧﻔﺎﻝ ﺑﻨﻈﺮﻩ ﺑﺎﺭﺩﻩ .. ﻭﺗﻔﺎﺟﺎ ﻟﻤﺎ ﺷﺎﻑ ﺍﻟﺪﻣﻮﻉ
ﺑﺪﺕ ﺗﺘﺠﻤﻊ ﻓﻲ ﻋﻴﻮﻧﻬﺎ
ﺍﻧﻔﺎﻝ ﻭﻗﻔﺖ ﺑﺴﺮﻋﻪ ﻭﻧﺎﻇﺮﺕ ﺷﻬﺎﺏ ﺑﻨﻈﺮﺕ ﺣﺰﻥ ﻣﻦ ﺧﻠﻒ
ﺍﻟﺪﻣﻮﻉ .. ﻭﺑﺴﺮﻋﻪ ﺩﺧﻠﺖ ﺍﻟﻐﺮﻓﻪ ﻭﺳﻜﺮﺕ ﺍﻟﺒﺎﺏ ﺑﻘﻮﻩ .. ﻭﺭﻣﺖ
ﻧﻔﺴﻬﺎ ﻋﻠﻰ ﺍﻟﺴﺮﻳﺮ ﻭﺧﺒﺖ ﻭﺟﻬﻬﺎ ﺑﻴﻦ ﺍﻟﻤﺨﺪﺍﺕ .. ﻭﺑﺪﺕ ﺗﺼﻴﺢ
ﺑﺼﻮﺕ ﻋﺎﻟﻲ
ﺷﻬﺎﺏ ﻟﻤﺎ ﺷﺎﻑ ﺍﻟﺪﻣﻮﻉ ﻓﻲ ﻋﻴﻮﻥ ﺍﻧﻔﺎﻝ ﻭﺭﺗﺎﻉ ﻣﻦ ﺻﻮﺕ ﺑﺎﺏ
ﺍﻟﻐﺮﻓﻪ ﻭﻫﻮ ﻳﺘﺴﻜﺮ ﺑﻘﻮﻩ .. ﺳﻜﺮ ﺍﻟﻜﺘﺎﺏ ﺍﻟﻲ ﺑﻴﺪﻩ ﻭﺭﻣﺎﻩ ﻋﻠﻰ
ﺍﻟﻄﺎﻭﻟﻪ .. ﻭﻇﻞ ﻓﺘﺮﻩ ﻳﺘﺎﻣﻞ ﺑﺎﻟﻌﻨﻮﺍﻥ .. ﻭﻫﻮ ﻣﺘﻔﺎﺟﺎ .. ﺭﻓﻊ
ﺭﺍﺳﻪ ﺑﺴﺮﻋﻪ ﻭﻧﺎﻇﺮ ﻓﻲ ﺑﺎﺏ ﺍﻟﻐﺮﻓﻪ ﻟﻤﺎ ﺳﻤﻊ ﺻﻮﺕ ﺻﻴﺎﺡ ﺍﻧﻔﺎﻝ
.. ﻗﺎﻡ ﺑﺒﻄﺎ ﻭﻗﺮﺏ ﻣﻦ ﺍﻟﺒﺎﺏ .. ﻭﻫﺰ ﺍﻛﺘﺎﻓﻪ ﺑﻼﻣﺒﺎﻟﻪ ( ﺍﻟﻤﻮﺿﻮﻉ
ﻣﺎ ﻳﺴﺘﺪﻋﻲ ﻛﻞ ﻫﺬﻱ ﺍﻟﻤﻨﺎﺣﻪ )
ﺭﺟﻊ ﺟﻠﺲ ﻋﻠﻰ ﺍﻟﻜﻨﺐ .. ﻭﺑﺠﺮﻛﻪ ﺳﺮﻳﻌﻪ ﺿﻐﻂ ﻋﻠﻰ ﺯﺭ ﺗﺸﻐﻞ
ﺍﻟﺘﻠﻔﺰﻳﻮﻥ .. ﻭﺑﺪﺍ ﻳﻘﻠﺐ ﻓﻲ ﺍﻟﻘﻨﻮﺍﺕ .. ﺯﺍﺩ ﺑﻜﺎﺀ ﺍﻧﻔﺎﻝ ﻭﺻﺎﺣﺐ
ﺑﻜﺎﺋﻬﺎ ﺻﺮﺧﺎﺕ ﻋﺎﻟﻴﻪ .. ﺍﺯﻋﺠﺖ ﻣﺴﺎﻣﻌﻪ ..
ﻃﻮﻝ ﻋﻠﻰ ﺻﻮﺕ ﺍﻟﺘﻠﻔﺰﻳﻮﻥ .. ﻋﻠﺸﺎﻥ ﻳﻐﻄﻲ ﻋﻠﻰ ﺍﻟﺼﻮﺕ ﺍﻟﺒﻜﺎﺀ
ﺍﻟﺼﺎﺩﺭ ﻣﻦ ﺍﻟﻐﺮﻓﻪ/
*
/
ﻓﻲ ﺍﻟﻤﺴﺘﺸﻔﻰ ..
ﻣﻦ ﺍﺳﺘﻌﺎﺩ ﻭﻋﻴﻪ .. ﻣﺎ ﻧﻄﻖ ﺑﻜﻠﻤﻪ .. ﻳﻐﻤﺾ ﻋﻴﻮﻧﻪ ﺗﻤﺮ ﻗﺪﺍﻣﻪ
ﺻﻮﺭ ﻣﻦ ﺍﻻﻣﺲ .. ﻭﺍﺫﺍ ﻓﺘﺢ ﻋﻴﻮﻧﻪ ﻳﺜﺒﺘﻬﺎ ﻋﻠﻰ ﻧﻘﻄﻪ ﻓﻲ ﺍﻟﺴﻘﻒ
.. ﻭﺗﺘﺠﺴﺪ ﺍﺣﺪﺍﺙ ﺍﻻﻣﺲ ﻋﻠﻰ ﺑﻴﺎﺽ ﺍﻟﺴﻘﻒ .. ﻳﺤﺲ ﺑﺜﻘﻞ ﺍﺫﺍ
ﺣﺎﻭﻝ ﻳﺤﺮﻙ ﺭﺍﺳﻪ ..
ﻗﺮﺑﺖ ﻣﻨﻪ ﺳﺎﺭﻩ .. ﺍﻟﻲ ﻇﻠﺖ ﺟﺎﻟﺴﻪ ﻣﻌﻪ ﻣﻦ ﺍﻟﺼﺒﺎﺡ ﻭﻣﺎ ﺗﻄﻠﻊ
ﻣﻦ ﺍﻟﻐﺮﻓﻪ ﺍﻟﻰ ﻟﻀﺮﻭﺭﻩ
ﺳﺎﺭﻩ ﺑﺼﻮﺕ ﻭﺍﻃﻲ : ﻃﻼﻝ ﻣﺤﺘﺎﺝ ﺷﻲﺀ
ﺣﺎﻭﻝ ﻃﻼﻝ ﻳﺒﻠﻞ ﺭﻳﻘﻪ ﺍﻟﺠﺎﻑ ﻋﻠﺸﺎﻥ ﻳﺘﻜﻠﻢ ..
ﻃﻼﻝ ﻭﻋﻴﻮﻧﻪ ﻣﺜﺒﺘﻪ ﻋﻠﻰ ﻧﻘﻄﻪ ﻓﻲ ﺍﻟﺴﻘﻒ .. ﻭﺑﺼﻮﺕ ﺗﻌﺒﺎﻥ :
ﻣﻤﻜﻦ ﺗﺮﻓﻌﻴﻦ ﻟﻲ ﺍﻟﺴﺮﻳﺮ
ﺳﺎﺭﻩ ﻋﻠﻰ ﻃﻮﻝ ﺍﺳﺘﺠﺎﺑﺖ .. ﻭﻓﺮﺣﺖ ﻟﻤﺎ ﺗﻜﻠﻢ .. ﻻﻧﻬﺎ ﻟﻠﺤﻈﺎﺕ
ﺧﺎﻓﺖ ﺍﻥ ﺍﻟﻀﺮﺑﻪ ﺍﺛﺮﺕ ﻋﻠﻰ ﻋﻘﻠﻪ
ﻟﻤﺎ ﺍﺭﻓﻌﺖ ﻟﻪ ﺍﻟﺴﺮﻳﺮ ﺷﻮﻱ .. ﺻﺤﻴﺢ ﻓﻲ ﺍﻟﺒﺪﺍﻳﻪ ﺣﺲ ﺑﺎﻟﻢ ﻓﻲ
ﻇﻬﺮﻩ ﻟﻜﻨﻪ ﺍﺭﺗﺎﺡ ﻋﻠﻰ ﺍﻻﻗﻞ ﺻﺎﺭ ﻳﻘﺪﺭ ﻳﺸﻮﻑ ﺍﻟﻐﺮﻓﻪ ﻣﻦ ﺯﻭﻳﺘﻴﻦ
..
ﺳﺎﺩ ﺍﻟﺼﻤﺖ ﻭﺍﻟﻬﺪﻭﺀ ﺍﺟﻮﺍﺀ ﺍﻟﻐﺮﻓﻪ .. ﺑﻌﺪ ﺭﺑﻊ ﺳﺎﻋﻪ .. ﺗﻜﻠﻢ
ﻃﻼﻝ
ﻃﻼﻝ ﺑﺼﻮﺕ ﻭﺍﻃﻲ ﻭﺑﺘﻌﺐ : ﻣﻦ ﺍﻟﻲ ﺟﺎﺑﻨﻲ ﻫﻨﺎ
ﺳﺎﺭﻩ ﺗﺮﺩﺩ ﻭﻣﺎ ﻋﺮﻓﺖ ﻭﺵ ﺗﻘﻮﻟﻪ .. ﺗﻘﻮﻟﻪ ﺍﻥ ﻟﻘﻮﻩ ﻋﻨﺪ ﺑﺎﺏ
ﺍﻟﻤﺴﺘﺸﻔﻰ .. ﻭﻻ ﺗﻘﻮﻟﻪ ﺍﻟﻲ ﺟﺎﺑﻪ ﻫﻨﺎ ﻓﺎﻋﻞ ﺧﻴﺮ
ﺩﺧﻞ ﻓﻲ ﻫﺬﻱ ﺍﻟﺤﻈﻪ ﺍﻟﺪﻛﺘﻮﺭ ﻣﺴﺎﻋﺪ ..
ﺩﺧﻠﻮﻩ ﺍﻧﻘﺬ ﺳﺎﺭﻩ ﻣﻦ ﺍﻻﺟﺎﺑﻪ .. ﻟﻜﻨﻬﺎ ﻣﺎ ﻛﺎﻥ ﻭﺩﻫﺎ ﻳﺠﻲ
ﻣﺴﺎﻋﺪ ﻭﻫﻮ ﻳﻘﺮﺏ ﻣﻦ ﻃﻼﻝ : ﺳﻼﻣﺎﺕ ﻳﺎ ﺍﻟﺤﺒﻴﺐ ﻣﺎ ﺗﺸﻮﻑ ﺷﺮ
..
ﻃﻼﻝ ﻭﻳﺤﺎﻭﻝ ﻳﻠﻒ ﺭﺍﺳﻪ ﺷﻮﻱ ﻋﻠﺸﺎﻥ ﻳﺸﻮﻑ ﻭﺟﻪ ﻣﺴﺎﻋﺪ ..
ﻭﺑﺼﻮﺕ ﺗﻌﺒﺎﻥ : ﺍﻟﺸﺮ ﻣﺎ ﻳﺠﻴﻚ ﻳﺎﻟﻐﺎﻟﻲ
ﻣﺴﺎﻋﺪ ﺑﺒﺘﺴﺎﻣﻪ : ﻛﻴﻔﻚ ﺍﻟﺤﻴﻦ ﺍﻥ ﺷﺄﻟﻠﻪ ﺍﻓﻀﻞ ..
ﻃﻼﻝ ﺑﺼﻮﺕ ﻭﺍﻃﻲ : ﺍﻟﺤﻤﺪﻟﻠﻪ
ﻣﺴﺎﻋﺪ ﺑﺘﺮﺩﺩ : ﺍﻗﻮﻝ ﻃﻼﻝ ﺗﻘﺪﺭ ﺗﺘﻜﻠﻢ ﻛﺜﻴﺮ ..
ﻃﻼﻝ : ﻟﻴﻪ
ﻣﺴﺎﻋﺪ : ﻓﻲ ﺷﺮﻳﻄﻲ ﻳﻨﺘﻈﺮ ﺑﺮﻩ .. ﻳﺒﻲ ﻳﺪﺧﻞ ﻳﺴﺄﻟﻚ ﻛﻢ ﺳﺆﺍﻝ
ﻃﻼﻝ : ﺑﺨﺼﻮﺹ ﻭﺵ
ﻣﺴﺎﻋﺪ ﺍﻟﺘﻔﺖ ﻋﻠﻰ ﺳﺎﺭﻩ ﺍﻟﻲ ﻛﺎﻧﺖ ﺟﺎﻟﺴﻪ ﻋﻠﻰ ﺍﻟﻜﺮﺳﻲ :. ﻟﻮ
ﺳﻤﺤﺘﻲ ﻣﻤﻜﻦ ﺗﺨﻠﻴﻨﺎ ﻟﺤﺎﻟﻨﺎ
ﻗﺎﻣﺖ ﺳﺎﺭﻩ ﻭﻧﺎﻇﺮﺕ ﻣﺴﺎﻋﺪ ﺑﻨﻈﺮﻩ ﺣﺎﺩﻩ .. ﻭﻋﻠﻰ ﻃﻮﻝ ﺍﻃﻠﻌﺖ
ﻣﻦ ﺍﻟﻐﺮﻓﻪ
ﻣﺴﺎﻋﺪ ﻟﻤﺎ ﺳﻤﻊ ﺻﻮﺕ ﺍﻟﺒﺎﺏ ﺧﻠﻔﻪ ﺍﻟﺘﻔﺖ ﻋﻠﻰ ﻃﻼﻝ : ﺧﺒﺮﻧﻲ
ﻋﻦ ﺍﻟﻲ ﺣﺼﻞ ﻟﻚ ﺍﻣﺲ ﻭﻣﻦ ﺍﻟﻲ ﺳﻮﻯ ﻓﻴﻚ ﻛﺬﺍ
ﻃﻼﻝ : ﺗﺼﺪﻕ ﻣﺎ ﺍﺩﺭﻱ .. ﻛﻞ ﺍﻟﻲ ﺍﺗﺬﻛﺮ ﺍﻧﻲ ﺍﻣﺲ ﺭﺣﺖ ﺍﺩﻭﺭ
ﻋﻠﻰ ﺑﻴﺖ ﻭﻟﻤﺎ ﻭﺻﻠﺖ ﻟﻠﻌﻨﻮﺍﻥ ﻧﺰﻟﺖ ﻣﻦ ﺍﻟﺴﻴﺎﺭﻩ ﻭﺍﻧﺎ ﻭﺍﻗﻒ ﻓﻲ
ﺍﻟﺸﺎﺭﻉ .. ﺟﺎﺗﻨﻲ ﺿﺮﺑﻪ ﺷﺪﻳﺪﻩ ﻋﻠﻰ ﺭﺍﺳﻲ .. ﻭﺑﻌﺪﻳﻦ ﺣﺴﻴﺖ ﺍﻥ
ﺍﻟﺪﻧﻴﺎ ﻗﺎﻣﺖ ﺗﺪﻭﺭ ﻣﻦ ﺣﻮﻟﻲ .. ﻭﺑﻌﺪﻳﻦ ﺗﻮﻻﻧﻲ ﺍﺣﺪ ﺑﺎﻟﻀﺮﺏ ..
ﻭﺑﻌﺪﻳﻦ ﻣﺎ ﺍﺩﺭﻱ ﻭﺵ ﺍﻟﻲ ﺻﺎﺭ
( ﻃﺒﻌﺎ ﻃﻼﻝ ﻣﺎ ﺣﺐ ﻳﻘﻮﻝ ﺍﻥ ﻫﻮ ﻟﻤﺎ ﻧﺰﻝ ﻣﻦ ﺍﻟﺴﻴﺎﺭﻩ ﺷﺎﻑ
ﻫﻴﺎﻡ ﺻﺎﺣﺒﺔ ﺍﻧﻔﺎﻝ .. ﻭﺗﻜﻠﻤﺖ ﻣﻌﻪ )
ﻣﺴﺎﻋﺪ ﺑﺴﺘﻐﺮﺍﺏ : ﻣﺎ ﺗﺘﺬﻛﺮ ﺷﻜﻞ ﺍﻟﻲ ﺍﺿﺮﺑﻚ
ﻃﻼﻝ : ﻻ ﻣﺎ ﺍﺫﻛﺮﻩ ﻣﻀﺒﻮﻁ ﺑﺲ ﺍﺫﻛﺮ ﺻﻮﺗﻪ .. ( ﻛﻤﻞ
ﺑﺘﺴﺎﺋﻞ ) .. ﻣﺴﺎﻋﺪ ﻣﻦ ﺍﻟﻲ ﺟﺎﺑﻨﻲ ﻫﻨﺎ
ﻣﺴﺎﻋﺪ : ﻣﺪﺭﻱ .. ﻟﻘﻮﻙ ﺍﻟﺼﺒﺎﺡ ﻋﻨﺪ ﺑﺎﺏ ﺍﻟﻤﺴﺘﺸﻔﻰ .. ﻧﺰﻓﺖ ﺩﻡ
ﻛﺜﻴﺮ .. ﻭﺍﻧﻘﻠﻮﻙ ﻋﻠﻰ ﻃﻮﻝ ﻭﺩﻗﻮ ﻋﻠﻰ ﺍﻟﺸﺮﻃﻪ ﻭﺑﻠﻘﻮﻫﻢ ﺑﺎﻟﻲ
ﺣﺼﻞ .. ﻭﻫﻲ ﺟﺎﺕ ﻋﻠﺸﺎﻥ ﺗﺤﻘﻖ ﺑﺎﻟﺤﺎﺩﺙ
ﻃﻼﻝ ﺑﻀﻴﻘﻪ : ﻣﺎﻟﻲ ﺧﻠﻖ ﺍﺗﻜﻠﻢ ﻣﻌﻪ .. ﻗﻮﻝ ﻟﺸﺮﻃﻲ ﻳﺠﻲ ﺑﻮﻗﺖ
ﺛﺎﻧﻲ
ﻣﺴﺎﻋﺪ : ﻃﻴﺐ .. ﺍﻗﻮﻝ ﻃﻼﻝ ﺍﺧﺖ ﺳﺎﺭﻩ ﻣﻦ ﻣﺘﻰ ﻭﻫﻲ ﻫﻨﺎ
ﻃﻼﻝ : ﻣﻦ ﻓﺘﺤﺖ ﻋﻴﻨﻲ .. ﻣﺴﺎﻋﺪ ﺩﻗﻴﺖ ﻋﻠﻰ ﺍﻫﻠﻲ ﻭﺧﺒﺮﺗﻬﻢ
ﻣﺴﺎﻋﺪ : ﺍﻳﻮﻩ .. ﻛﻠﻤﺖ ﺍﺧﻮﻙ ﺑﻮﺿﺎﺭﻱ ﺍﻟﻴﻮﻡ ﺍﻟﺼﺒﺎﺡ .. ﻛﺎﻥ ﺑﺠﻲ
.. ﺑﺲ ﻗﻠﺖ ﻟﻪ ﺍﻟﺤﻴﻦ ﻃﻼﻝ ﻣﻮ ﻭﺍﻋﻲ ﺗﻌﺎﻝ ﺑﺎﻟﻠﻴﻞ ﺍﻟﻈﺎﻫﺮ ﺍﻥ
ﺑﺠﻮﻧﻚ ﺑﺎﻟﻠﻴﻞ
ﻃﻠﻌﺖ ﺳﺎﺭﻩ ﻣﻦ ﺍﻟﻐﺮﻓﻪ ﺑﻌﺼﺒﻴﻪ .. ﻭﻫﻲ ﺗﺘﺤﻠﻄﻢ .. ﻭﺭﺍﺣﺖ ﻟﻌﻨﺪ
ﻧﻮﺭﻩ ﺍﻟﻲ ﻛﺎﻧﺖ ﻣﺎﺳﻜﻪ ﻣﻠﻔﺎﺕ ﺑﻴﺪﻫﺎ
ﻭﻗﻔﺖ ﻧﻮﺭﻩ ﻟﻤﺎ ﺷﺎﻓﺖ ﺳﺎﺭﻩ ﻣﺘﺠﻪ ﻟﻬﺎ
ﻧﻮﺭﻩ : ﺍﻃﺮﺩﻭﻙ ﻣﻦ ﺍﻟﻐﺮﻓﻪ ﻭﻻ ﻃﻠﻌﺘﻲ ﺑﻨﻔﺴﻚ
ﺳﺎﺭﻩ ﺑﺘﺬﻣﺮ : ﺍﻟﺪﻛﺘﻮﺭ ﻣﺴﺎﻋﺪ ﻭﺍﻗﻒ ﻟﻲ ﻓﻲ ﺑﻠﻌﻮﻣﻲ .. ( ﻛﻤﻠﺖ
ﻭﻫﻲ ﺗﻘﻠﺪ ﺻﻮﺗﻪ ) .. ﻣﻤﻜﻦ ﺗﺨﻠﻴﻨﺎ ﻟﺤﺎﻟﻨﺎ
ﻧﻮﺭﻩ : ﻭﺍﻧﺖ ﻟﻴﻪ ﻣﺎ ﺗﺤﻠﻴﻦ ﻋﻨﻪ ﺷﻲ .. ﻣﻦ ﺍﻟﺼﺒﺢ ﻭﺍﻧﺖ ﻋﻨﺪﻩ ..
ﺗﻌﺎﻟﻲ ﺷﻮﻓﻲ ﺷﻐﻠﻚ ﻭﺧﻠﻲ ﻏﻴﺮﻙ ﻳﻬﺘﻢ ﻓﻴﻪ
ﺳﺎﺭﻩ : ﻣﺎ ﺍﻗﺪﺭ ﺍﺧﺎﻑ ﻳﺤﺘﺎﺝ ﺷﻲﺀ
ﻧﻮﺭﻩ ﺑﺠﺪﻩ : ﺳﺎﺭﻩ ﺗﺮﻯ ﺍﻟﻴﻮﻡ ﺍﻟﻤﻮﻇﻔﻴﻦ ﻓﻲ ﺍﻟﻤﺴﺘﺸﻔﻰ ﻣﺎ ﻋﻨﺪﻫﻢ
ﺳﺎﻟﻔﻪ ﺍﻟﻲ ﺍﻧﺘﻲ ﻭﻃﻼﻝ ..
ﺳﺎﺭﻩ ﺑﺘﻨﻬﻴﺪﻩ : ﻭﺵ ﻳﻘﻮﻟﻮﻥ
ﻧﻮﺭﻩ : ﻳﻌﻨﻲ ﻛﻞ ﻭﺍﺣﺪ ﻳﻄﻠﻊ ﻛﻼﻡ ﻣﻦ ﻋﻨﺪﻩ .. ﻛﻠﻤﻪ ﻣﻦ ﻫﻴﻨﺎ
ﻭﻛﻠﻤﻪ ﻣﻦ ﻫﻴﻨﺎ ﻭﺗﻜﺒﺮ ﺍﻟﺴﺎﻟﻔﻪ .. ﺳﺎﺭﻩ ﺣﺒﻴﺒﺘﻲ ﺍﻧﺘﻲ ﺍﻟﻤﻔﺮﻭﺽ
ﺍﻧﻚ ﻣﺎ ﺗﺠﻠﺴﻴﻦ ﻟﺤﺎﻟﻚ ﻣﻊ ﻃﻼﻝ ﻓﻲ ﺍﻟﻐﺮﻓﻪ ﻣﺪﻩ ﻃﻮﻳﻠﻪ .. ﺧﻔﻲ
ﺷﻮﻱ ﻛﻔﺎﻳﻪ ﺳﻮﺍﺗﻚ ﺍﻟﻴﻮﻡ ﺍﻟﺼﺒﺎﺡ ﻟﻤﺎ ﻃﻠﻌﺖ ﻓﺼﻴﺘﻚ ﻣﺎ ﺗﻨﺎﺳﺐ
ﻃﻼﻝ
ﺳﺎﺭﻩ : ﻳﻮﻩ ﻓﻜﻴﻨﺎ ﻋﺎﺩ ﺍﻧﺎ ﻣﺎ ﻫﻤﻨﻲ ﻭﺵ ﻳﻘﻮﻟﻮﻥ ﺍﻟﻤﻬﻢ ﻋﻨﺪﻱ
ﻃﻼﻝ
/
*
/
*
/
ﻓﻲ ﺑﻴﺖ ﻫﻴﺎﻡ ..
ﻓﺘﺤﺖ ﻫﻴﺎﻡ ﻋﻴﻨﻬﺎ ﺑﺒﻄﺄ ﻭﻣﺮ ﺷﺮﻳﻂ ﺍﺣﺪﺍﺙ ﺍﻻﻣﺲ ﻗﺪﺍﻣﻬﺎ
.. ﺍﻣﺲ ﻋﺎﺷﺖ ﻓﻠﻢ ﺭﻋﺐ ﺣﻘﻴﻘﻲ ﻭﻛﺎﺑﻮﺱ ﻣﺎ ﺗﺪﺭﻱ ﻣﺘﻰ ﺗﺼﺤﻰ
ﻣﻨﻪ .. ﻟﻤﺎ ﺭﺟﻌﺖ ﺍﻟﺒﻴﺖ ﻣﺎ ﺟﺎﻫﺎ ﺍﻟﻨﻮﻡ ﺿﻠﺖ ﺗﺘﻘﻠﺐ ﻓﻲ ﺍﻟﺴﺮﻳﺮ
ﺷﻌﻮﺭ ﺍﻟﺬﻧﺐ ﻣﻌﺬﺑﻬﺎ .. ﻭﺍﻟﺨﻮﻑ ﺳﺎﻛﻨﻬﺎ ﻛﻞ ﺍﻟﻲ ﺻﺎﺭ ﻛﺎﻥ ﺑﺴﺒﺒﻬﺎ
ﻟﻮ ﻫﻲ ﻣﺎ ﻛﻠﻤﺖ ﻃﻼﻝ ﻛﺎﻥ ﻣﺎ ﺻﺎﺭ ﺍﻟﻲ ﺻﺎﺭ .. ( ﺑﺪﺕ ﺍﻟﺪﻣﻮﻉ
ﺗﺘﺠﻤﻊ ﻓﻲ ﻋﻴﻨﻬﺎ ﻟﻤﺎ ﺗﺬﻛﺮﺕ ﺷﻜﻞ ﻃﻼﻝ ﻟﻤﺎ ﻧﺰﻟﻮﻩ ﻣﻦ ﺍﻟﺴﻴﺎﺭﻩ
ﻭﺣﻄﻮﻩ ﻋﻨﺪ ﺑﺎﺏ ﺍﻟﻤﺴﺘﺸﻔﻰ .. ﻣﻦ ﻭﻳﻦ ﺟﺎﺗﻬﺎ ﺍﻟﻘﺴﺎﻭﻩ ) ﻧﺰﻟﺖ
ﺩﻣﻮﻋﻬﺎ ﺑﻤﺠﺮﺩ ﻣﺎ ﻓﻜﺮﺕ ﺑﻤﻮﺗﻪ ( ﺍﻥ ﺷﺄﻟﻠﻪ ﻣﺎ ﻳﻤﻮﺕ .. ﺍﻥ ﺷﺄﻟﻠﻪ
ﻳﻌﻴﺶ .. ﺑﻤﻮﺗﻪ ﺗﻀﻴﻊ ﺣﻴﺎﺗﻨﺎ ﺍﻧﺎ ﻭﻓﻴﺼﻞ .. ﻧﻨﺘﻬﻲ .. ﻧﻨﻔﻀﺢ ..
ﻧﺘﻌﺬﺏ .. ﻧﻨﺬﻝ .. ﻧﻨﻌﺪﻡ ﻟﻴﻪ ﺍﻧﺎ ﻣﻦ ﺑﻴﻦ ﻫﻞ ﻋﺎﻟﻢ ﻳﺼﻴﺮ ﻟﻲ ﻛﺬﺍ
ﻟﻴﻪ ﺍﻧﺎ ﺑﺬﺍﺕ ﺍﺧﺘﺎﺭﻧﻲ ﺍﻟﺤﺰﻥ ﺧﻮﻳﻪ .. ﻭﺍﻻﻟﻢ ﺍﺧﺘﺎﺭ ﺻﺪﺭﻱ ﻭﻃﻦ
.. ﻭﺍﻟﺸﻘﻰ ﺩﺭﺑﻲ ﺍﻟﻄﻮﻳﻞ ﺍﻟﻲ ﻣﺎ ﺍﺩﺭﻱ ﺑﻨﺘﻬﻲ ﻓﻴﻪ ﻭﻻ ﺑﻴﻨﺘﻬﻲ
ﻓﻴﻨﻲ ) ﻣﺮ ﻗﺪﺍﻣﻬﺎ ﺷﺮﻳﻂ ﺍﺣﺪﺍﺙ ﺍﻻﻣﺲ ﻭﻛﺎﻧﻪ ﻳﺬﻛﺮﻫﺎ ﺍﻥ ﻫﻮ
ﺍﺣﻖ ﺑﺘﻔﻜﻴﺮﻫﺎ ﻣﻦ ﻣﺎﺿﻲ ﺍﺣﺰﺍﻧﻬﺎ .. ( ﺍﻟﺤﻴﻦ ﻛﻴﻒ ﺍﻋﺮﻑ ﺍﺫﺍ
ﻃﻼﻝ ﺣﻲ ﻭﻻ ﻻ .. ﻛﻴﻒ ﺍﻃﻤﻦ ﻋﻠﻴﻪ )
ﺑﺤﺮﻛﻪ ﺑﻄﻴﺄﻩ ﺩﺧﻠﺖ ﻳﺪﻫﺎ ﺗﺤﺖ ﺍﻟﻤﺨﺪﻩ ﻭﻃﻠﻌﺖ ﺟﻮﺍﻟﻬﺎ .. ﺍﺭﻓﻌﺖ
ﺟﺴﺪﻫﺎ ﻭﺳﻨﺪﺗﻪ ﻋﻠﻰ ﻇﻬﺮ ﺍﻟﺴﺮﻳﺮ ..
ﻧﺎﻇﺮﺕ ﺷﺎﺷﺔ ﺟﻮﺍﻟﻬﺎ .. ﺷﺎﻓﺖ ﻣﻜﺎﻟﻤﻪ ﻟﻢ ﻳﺮﺩ ﻋﻠﻴﻬﺎ = 2 ..
ﻓﺘﺤﺘﻬﻢ ﺷﺎﻓﺘﻬﻢ ﻣﻦ ﺩﻻﻝ .. ﻛﺎﻧﺖ ﺑﺘﻀﻐﻂ ﻋﻠﻰ ﺯﺭ ﺍﻻﺗﺼﺎﻝ
ﻟﻜﻨﻬﺎ ﺗﺮﺍﺟﻌﺖ ﻣﺎ ﻟﻬﺎ ﻧﻔﺲ ﺗﺘﻜﻠﻢ ﻣﻊ ﺍﺣﺪ .. ﺍﺭﺟﻌﺖ ﺍﻟﻰ ﻗﺎﺋﻤﺔ
ﺍﻻﺳﺎﻣﻲ .. ﻭﺑﺤﺜﺖ ﻋﻦ ﺭﻗﻢ ﻓﻴﺼﻞ
ﺩﻗﺖ ﻋﻠﻴﻪ ﺑﻌﺪ ﺍﻟﺮﻧﻪ ﺍﻻﻭﻝ ﺟﺎﻫﺎ ﺻﻮﺕ ﻓﻴﺼﻞ ..
ﻓﻴﺼﻞ : ﻫﻼ ﻫﻴﻮﻡ .. ﻧﻮﺭﺕ ﺷﺎﺷﺔ ﺍﻟﺠﻮﺍﻝ
ﻫﻴﺎﻡ ﺑﺼﻮﺕ ﻣﺨﻨﻮﻕ : ﻓﻴﺼﻞ ﺍﻧﺎ ﺧﺎﻳﻔﻪ
ﻓﻴﺼﻞ : ﻣﻦ ﺍﻳﺶ ﺧﺎﻳﻔﻪ
ﻫﻴﺎﻡ : ﺍﺧﺎﻑ ﻃﻼﻝ ﻣﺎﺕ
ﻓﻴﺼﻞ : ﻭﺍﺫﺍ ﻣﺎﺕ
ﻫﻴﺎﻡ ﺑﺸﻮﻳﺖ ﻋﺼﺒﻴﻪ : ﻳﻌﻨﻲ ﺷﻨﻮ ﻭﺍﺫﺍ ﻣﺎﺕ ﺍﻧﺖ ﻋﺎﺭﻑ ﺍﺫﺍ ﻣﺎﺕ
ﺑﻨﻜﻮﻥ ﺣﻨﺎ ﺳﺒﺐ ﻣﻮﺗﻪ
ﻓﻴﺼﻞ : ...
ﻫﻴﺎﻡ : ﻓﻴﺼﻞ ﻣﻤﻜﻦ ﺍﻃﻠﺐ ﻣﻨﻚ ﻃﻠﺐ .. ﺍﺑﻴﻚ ﺗﺮﻭﺡ ﺗﺴﺄﻝ ﻋﻨﻪ
ﻓﻲ ﺍﻟﻤﺴﺘﺸﻔﻰ
ﻓﻴﺼﻞ : ﺍﻥ ﺷﺄﻟﻠﻪ .. ﺍﺷﻮﻓﻚ ﻣﻬﺘﻤﻪ ﻓﻴﻪ .. ﻳﻮ ﻳﻮ ﻧﺴﻴﺖ ﺍﻧﻪ
ﺧﻮﻳﻚ
ﻫﻴﺎﻡ ﺑﻌﺼﺒﻴﻪ : ﻓﻴﺼﻞ ﺗﺮﺍﻧﻲ ﻣﻮ ﺭﺍﻳﻘﻪ ﻟﻚ .. ﺍﻛﺮﻣﻨﻲ ﺑﺴﻜﻮﺗﻚ
ﻓﻴﺼﻞ : ﺧﻼﺹ ﻻ ﺗﻌﺼﺒﻴﻦ .. ﻣﻤﻢ ﻫﻴﺎﻡ .. ﻣﺎﻗﻠﺘﻲ ﻟﻲ ﻣﺎ
ﺍﺷﺘﻘﺘﻲ ﻟﻲ
ﻫﻴﺎﻡ ﺧﺬﺕ ﻧﻔﺲ ﻋﻤﻴﻖ .. ﻭﻗﺎﻟﺖ : ﺍﺷﺘﻘﺖ ﻟﻚ
ﺳﻤﻌﺖ ﺿﺮﺑﺎﺕ ﻋﻠﻰ ﺑﺎﺏ ﻏﺮﻓﺘﻬﺎ ..
ﻫﻴﺎﻡ ﺑﺴﺘﻌﺠﺎﻝ : ﻓﻴﺼﻞ ﻓﻲ ﺍﺣﺪ ﻳﻀﺮﺏ ﻋﻠﻰ ﺑﺎﺏ ﻏﺮﻓﺘﻲ ..
ﻳﺎﻟﻠﻪ ﻣﻊ ﺍﻟﺴﻼﻣﻪ
ﺳﻜﺮﺕ ﺍﻟﺠﻮﺍﻝ ﻗﺒﻞ ﻻ ﺗﺴﻤﻊ ﺭﺩ ﻣﻦ ﻓﻴﺼﻞ .. ﻭﺭﻣﺖ ﺍﻟﺠﻮﺍﻝ ﻋﻠﻰ
ﺍﻟﻄﺎﻭﻟﻪ .. ﻟﻤﺎ ﺷﺎﻓﺖ ﺍﻣﻬﺎ ﺩﺍﺧﻠﻪ ﻣﻦ ﺍﻟﺒﺎﺏ ..
ﺍﻡ ﻫﻴﺎﻡ : ﻣﺎ ﺻﺎﺭﺕ ﻧﻮﻡ ﻳﺎ ﻫﻴﺎﻡ ..
ﻫﻴﺎﻡ ﺑﺮﺗﺒﺎﻙ : ﺭﺍﺳﻲ ﻳﺎﻟﻤﻨﻲ ..
ﺍﻡ ﻫﻴﺎﻡ : ﻳﺎﻟﻠﻪ ﻗﻮﻣﻲ ﻣﻦ ﺳﺮﻳﺮﻙ ﺑﻼ ﺩﻟﻊ ﺯﺍﻳﺪ ﻭﻏﺴﻠﻲ ﻭﺟﻬﻚ
ﻭﻧﺰﻟﻲ ﺗﺤﺖ ﺷﻮﻱ ﺑﻨﺤﻂ ﺍﻟﻐﺪﺍ ﻭﺗﺮﻯ ﺧﺎﻟﻚ ﺗﺤﺖ ﻳﻨﺘﻐﺪﺍ ﻣﻌﻨﺎ
ﻫﻴﺎﻡ : ﺩﺍﻡ ﺍﺧﻮﻙ ﻣﻮﺟﻮﺩ ﺍﻧﺴﺪﺕ ﻧﻔﺴﻲ ﻣﺎ ﺍﺑﻲ ﻏﺪﺍ
ﺍﻡ ﻫﻴﺎﻡ : ﺗﻌﻮﺫﻱ ﻣﻦ ﺍﺑﻠﻴﺲ ﻭﻧﺰﻟﻲ ﺗﻐﺪﻱ ﻣﻌﻨﺎ ﻣﺎ ﻟﻲ ﺧﻠﻖ
ﺍﺻﺮﺍﺥ ﺧﺎﻟﻚ .. ﻭﺑﻌﺪﻳﻦ ﺍﻧﺖ ﻗﻮﻟﻲ ﻟﻲ ﻟﻴﻪ ﺭﺟﻌﺘﻲ ﺍﻣﺲ ﻣﺘﺎﺧﺮ
ﻫﻴﺎﻡ ﺑﺮﺗﺒﺎﻙ : ﻫﺎ .. ﺃﻱ ﻟﻤﺎ ﺧﻠﺼﺖ ﺷﻐﻞ ﺭﺣﺖ ﻣﻊ ﺻﺪﻳﻘﺘﻲ ﺳﻤﺮ
ﺍﻟﻲ ﺗﺸﺘﻐﻞ ﻣﻌﻲ ﺑﺎﻟﻤﺸﻐﻞ ﺑﻴﺘﻬﻢ ﻭﺑﻌﺪﻳﻦ ﺟﺎﺑﺘﻨﻲ ﺑﻴﺘﻨﺎ
ﺍﻡ ﻫﻴﺎﻡ : ﻭﻟﻴﻪ ﻣﺎ ﺩﻗﻴﺘﻲ ﻋﻠﻲ ﻭﻋﻄﻴﺘﻴﻨﻲ ﺧﺒﺮ
ﻫﻴﺎﻡ : ﺩﻗﻴﺖ ﻋﻠﻴﻚ ﺑﺲ ﺍﻧﺖ ﻣﺎ ﺭﺩﻳﺘﻲ
/
*
/
*
/
.. ﻓﻲ ﺑﻴﺖ ﺑﻮ ﺗﺮﻛﻲ .. ﻭﺗﺤﺪﻳﺪﺍ ﻓﻲ ﻏﺮﻓﺔ ﻋﻠﻴﺎ ..
ﻋﺒﺪﺍﻟﺮﺣﻤﻦ : ﻋﻤﻪ ﺍﻧﺘﻲ ﺯﻋﻼﻧﻪ ﻣﻨﻲ
ﻋﻠﻴﺎ : ﻟﻴﻪ ﺍﺯﻋﻞ ﻣﻨﻚ
ﻋﺒﺪﺍﻟﺮﺣﻤﻦ : ﻣﻦ ﺍﻟﻲ ﺍﻟﻲ ﺣﺼﻞ ﺍﻣﺲ ..
ﻋﻠﻴﺎ : ﺍﻧﺴﻰ ﺍﻟﻲ ﺻﺎﺭ
ﻋﺒﺪﺍﻟﺮﺣﻤﻦ : ﺍﻣﺲ ﻃﻮﻝ ﺍﻟﻄﺮﻳﻖ ﻣﺎ ﺗﻜﻠﻤﺘﻲ .. ﻗﻠﺖ ﻳﻤﻜﻦ ﺯﻋﻼﻧﻪ
.. ﺍﻛﻴﺪ ﻳﺎ ﻋﻤﻪ ﻣﻨﺘﻲ ﺑﺰﻋﻼﻧﻪ ﻣﻨﻲ
ﻋﻠﻴﺎ : ﺍﻛﻴﺪ ..
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ : ﺍﺟﻞ ﻳﺎﻟﻠﻪ ﺧﻠﻴﻨﺎ ﻧﻨﺰﻝ ﺗﺤﺖ .. ﻧﺠﻠﺲ
ﺑﺼﺎﻟﻪ
ﻓﻲ ﺍﻟﺼﺎﻟﻪ ..
ﻛﺎﻧﺖ ﺳﺠﻰ ﺟﺎﻟﺴﻪ ﻣﻊ ﺍﻣﻬﺎ ﻳﺘﺎﺑﻌﻮﻥ ﻣﺴﻠﺴﻞ ﻭﻳﻔﺼﻔﺼﻮﻥ ﺣﺐ
..
ﺍﻡ ﺗﺮﻛﻲ : ﺳﺠﻮﻱ ﺷﻮﻓﻲ ﻭﺵ ﺳﻮﻳﺘﻲ ﻭﺳﺨﺘﻲ ﺍﻻﺭﺽ ..
ﻣﺎﺗﻌﺮﻓﻴﻦ ﺗﺮﻣﻴﻦ ﻗﺸﺮ ﺍﻟﺤﺐ ﻓﻲ ﺍﻟﺼﺤﻦ
ﺳﺠﻰ : ﻳﻤﺎ ﻣﻊ ﺍﻟﺤﻤﺎﺱ
ﺍﻡ ﺗﺮﻛﻲ : ﺍﺫﺍ ﺧﻠﺼﺘﻲ ﻛﻨﺴﻲ ﺍﻻﺭﺽ
ﺳﺠﻰ : ﺍﻥ ﺷﺄﻟﻠﻪ .. ﺑﺲ ﺧﻠﻴﻨﺎ ﻧﺘﺎﺑﻊ ﺍﻟﻤﺴﻠﺴﻞ ﻭﺑﻌﺪ ﺍﻟﻤﺴﻠﺴﻞ
ﻳﺼﻴﺮ ﺧﻴﺮ
ﺩﺧﻠﻮ ﻓﻲ ﻫﺬﻱ ﺍﻟﺤﻈﻪ ﻋﻠﻴﺎ ﻭﻋﺒﺪﺍﻟﺮﺣﻤﻦ ..
ﺍﻡ ﺗﺮﻛﻲ ﺑﺒﺘﺴﺎﻣﻪ ﻭﻫﻲ ﺗﻨﺎﻇﺮ ﻋﻠﻴﺎ : ﻧﻮﻡ ﺍﻟﻌﻮﺍﻓﻲ ﻳﺎ ﻋﻠﻴﺎ ..
ﻃﻮﻟﺘﻲ ﻓﻲ ﺍﻟﻨﻮﻡ .. ( ﻛﻤﻠﺖ ﻭﻫﻲ ﺗﺎﺷﺮ ﺑﻴﺪﻫﺎ ) .. ﺗﻌﺎﻟﻲ ﻳﺎ ﻋﻠﻴﺎ
ﺟﻠﺴﻲ ﺟﻨﺒﻲ
ﺳﺠﻰ ﻭﻫﻲ ﺗﻨﺎﻇﺮ ﻋﺒﺪﺍﻟﺮﺣﻤﻦ ﺍﻟﻲ ﺟﻠﺲ ﺟﻨﺒﻬﺎ : ﺷﻮﻓﻮ ﻣﺘﻰ
ﺍﻣﺲ ﺍﺭﺟﻌﻮ ﻣﻦ ﺍﻟﻤﻄﻌﻢ
ﻋﺒﺪﺍﻟﺮﺣﻤﻦ : ﺍﻗﻮﻝ ﺗﺎﺑﻌﻲ ﻣﺴﻠﺴﻠﻚ .. ﺃﻟﻲ ﻳﺴﻤﻌﻚ ﻳﻘﻮﻝ ﺍﻥ ﺍﻧﺘﻮ
ﺍﻟﻲ ﺍﻣﺲ ﺭﺟﻌﺘﻮ ﺑﺪﺭﻱ
ﺳﺠﻰ : ﺑﺲ ﻫﻨﺎ ﺭﺟﻌﻨﺎ ﻗﺒﻠﻜﻢ
ﻋﺒﺪﺍﻟﺮﺣﻤﻦ : ﺭﺟﻌﺘﻮ ﻗﺒﻠﻨﺎ ﺑﻌﺸﺮ ﺩﻗﺎﻳﻖ
ﺍﻡ ﺗﺮﻛﻲ ﻭﻫﻲ ﺗﻨﺎﻇﺮ ﻋﻠﻴﺎ ﺑﺒﺘﺴﺎﻣﻪ : ﻛﻠﻴﺘﻲ ﻛﻮﻳﺲ ﺍﻣﺲ ﻓﻲ
ﺍﻟﻤﻄﻌﻢ
ﻋﻠﻴﺎ : ﺃﻱ ﻛﺎﻥ ﺍﻻﻛﻞ ﺣﻠﻮ ( ﻣﻊ ﺍﻥ ﻣﻌﺪﺗﻬﺎ ﻣﺎ ﻟﺤﻘﺖ ﺗﻬﻀﻤﻪ ..
ﻭﺗﺘﻬﻨﺎ ﻓﻴﻪ )
ﺍﻡ ﺗﺮﻛﻲ ﺑﺒﺘﺴﺎﻣﻪ : ﺑﺎﻟﻌﺎﻓﻴﻪ .. ﺧﻠﻴﻨﻲ ﺍﻗﻮﻡ ﺍﺣﻂ ﻟﻚ ﻏﺪﺍ .. ﺍﻛﻴﺪ
ﺟﺎﻳﻌﻪ
ﻋﻠﻴﺎ ﺑﺒﺘﺴﺎﻣﻪ ﺧﻔﻴﻔﻪ : ﺍﻟﻠﻪ ﻳﻌﺎﻓﻴﻚ .. ﻣﺎﻟﻲ ﻧﻔﺲ ﺍﻛﻞ ﺍﻟﺤﻴﻦ ..
ﺗﻮﻧﻲ ﺟﺎﻟﺴﻪ ﻣﻦ ﺍﻟﻨﻮﻡ
ﺍﻡ ﺗﺮﻛﻲ ﻭﻫﻲ ﻗﺎﻳﻤﻪ : ﻳﺎﻟﻠﻪ ﺍﻧﺎ ﺑﻘﻮﻡ ﺍﻧﺎﻡ ﺷﻮﻱ .. ﺗﺒﻮﻥ ﺷﻲﺀ ..
( ﻛﻤﻠﺖ ﻭﻫﻲ ﺗﻨﺎﻇﺮ ﻋﻠﻴﺎ ) .. ﺣﺒﻴﺒﺘﻲ ﻋﻠﻴﺎ ﺍﺫﺍ ﺟﻌﺘﻲ ﺣﻄﻲ ﻟﻚ
ﻏﺪﺍ .. ﻻ ﺗﺴﺘﺤﻴﻦ
ﻋﺒﺪﺍﻟﺮﺣﻤﻦ ﻭﻫﻮ ﻳﻨﺎﻇﺮ ﺍﻟﺴﺎﻋﻪ : ﺗﺄﺧﺮ ﻋﻤﻲ ﻭﺍﻓﻲ
ﺳﺠﻰ ﺍﻟﺘﻔﺘﺖ ﻋﻠﻰ ﻋﺒﺪﺍﻟﺮﺣﻤﻦ : ﻟﻴﻪ ﻫﻮ ﻗﺎﻝ ﺑﻴﺠﻲ
ﻋﺒﺪﺍﻟﺮﺣﻤﻦ : ﺍﻳﻮﻩ .. ﻟﻤﺎ ﻛﻠﻤﺘﻪ ﺍﻟﻈﻬﺮ .. ﻗﺎﻝ ﺑﺨﻠﺺ ﺷﻐﻠﻪ
ﻭﺑﻴﺠﻲ
ﺩﺧﻞ ﻓﻲ ﻫﺬﻱ ﺍﻟﺤﻈﻪ ﻭﺍﻓﻲ ..
ﻭﺍﻓﻲ ﺑﺒﺘﺴﺎﻣﻪ : ﺍﻟﺴﻼﻡ ﻋﻠﻴﻜﻢ
ﻋﺒﺪﺍﻟﺮﺣﻤﻦ + ﺳﺠﻰ + ﻋﻠﻴﺎ : ﻭﻋﻠﻴﻜﻢ ﺍﻟﺴﻼﻡ
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ : ﻫﻼ ﻋﻤﻲ ﺗﺼﺪﻕ ﻋﻤﺮﻙ ﻃﻮﻳﻞ ﺗﻮﻧﺎ ﻓﻲ
ﻃﺎﺭﻳﻚ
ﻭﺍﻓﻲ ﺑﺒﺘﺴﺎﻣﻪ : ﺍﻛﻴﺪ ﺗﺤﺸﻮﻥ ﻓﻴﻨﻲ
ﻋﺒﺪﺍﻟﺮﺣﻤﻦ : ﻻ ﻛﻨﺖ ﺟﺎﻟﺲ ﺍﻗﻮﻝ ﻟﻬﻢ ﻣﺪﺭﻱ ﻭﺵ ﻓﻴﻪ ﻋﻤﻲ ﻭﺍﻓﻲ
ﺗﺄﺧﺮ
ﻭﺍﻓﻲ ﻫﻮ ﻳﺠﻠﺲ ﺟﻨﺐ ﺍﺧﺘﻪ ﻋﻠﻴﺎ : ﻛﺎﻧﺖ ﻋﻨﺪﻱ ﺯﺣﻤﺔ ﺍﺷﻐﺎﻝ
ﻗﻀﻴﺘﻬﻢ ﻭﺟﻴﺖ
ﻭﺍﻓﻲ ﻭﻫﻮ ﻳﻨﺎﻇﺮ ﻓﻲ ﻋﻠﻴﺎ : ﻋﻼﻭﻱ ﺷﺨﺒﺎﺭﻙ ؟
ﻋﻠﻴﺎ ﺍﺑﺘﺴﻤﺔ ﻟﻤﺎ ﺳﻤﻌﺖ ﺍﺳﻢ ﻋﻼﻭﻱ .. ﺩﺍﺋﻤﺎ ﺍﺧﻮﻫﺎ ﻭﺍﻓﻲ ﻟﻤﺎ
ﻳﺤﺲ ﺍﻧﻬﺎ ﻣﺘﻀﺎﻳﻘﻪ ﻭﻳﻌﺮﻑ ﺍﻧﻬﺎ ﺣﺰﻳﻨﻪ .. ﻳﻨﺎﺩﻳﻬﺎ ﺑﺴﻢ ﻋﻼﻭﻱ ..
ﻭﻳﻜﻠﻤﻬﺎ ﺑﺼﻴﻐﺖ ﺫﻛﺮ .. ﻭﺑﻄﺮﻳﻘﻪ ﻻ ﺗﺨﻠﻮ ﻣﻦ ﺍﻟﻤﺪﺍﻋﺒﻪ ﺍﻟﻄﻴﻔﻪ ..
( ﺍﻛﻴﺪ ﻗﺎﻝ ﻟﻪ ﻋﺒﺪﺍﻟﺮﺣﻤﻦ ﺑﻠﻲ ﺣﺼﻞ ﺍﻣﺲ ) : ﺍﻧﺎ ﺑﺨﻴﺮ ﺩﺍﻣﻚ
ﺑﺨﻴﺮ
ﻭﺍﻓﻲ ﺑﺒﺘﺴﺎﻣﻪ : ﻻ ﺍﻧﺎ ﺗﻤﺎﻡ ﺍﻟﺘﻤﺎﻡ .. ﻋﻼﻭﻱ ﺍﻧﺴﻰ ﺍﻟﻲ ﺻﺎﺭ ﺍﻣﺲ
.. ﻭﻻ ﻳﻀﻴﻖ ﺻﺪﺭﻙ
ﻋﻠﻴﺎ ﻫﻲ ﺗﻨﺰﻝ ﺭﺍﺳﻬﺎ : ﻃﻴﺐ
ﺳﺠﻰ ﻛﺎﻧﺖ ﺗﻨﺎﻇﺮ ﻭﺗﺴﻤﻊ ﻛﻼﻡ ﻋﻤﻬﺎ ﻭﺍﻓﻲ ﻣﻊ ﺍﻧﻬﺎ ﻣﺎ ﻓﻬﻤﺖ ﻣﻨﻪ
ﺷﻲﺀ ﻟﻜﻨﻬﺎ ﺗﻔﺎﺟﺎﺕ ﻣﻦ ﺍﺳﻠﻮﺏ ﻭﺍﻓﻲ ﻭﻃﺮﻳﻘﺔ ﻛﻼﻣﻪ ﻣﻊ ﻋﻠﻴﺎ ..
ﺍﻭﻝ ﻣﺮﻩ ﺗﻠﻤﺲ ﺣﻨﺎﻥ ﻋﻤﻬﺎ ﻭﺍﻓﻲ ﻭﺣﺒﻪ ﻻﺧﺘﻪ ﻭﻫﺬﺍ ﻛﺎﻥ ﻭﺍﺿﺢ
ﻓﻲ ﻃﺮﻳﻘﺔ ﻛﻼﻣﻪ ﻭﺍﺑﺘﺴﺎﻣﺘﻪ .. ﻭﺑﻌﺪﻳﻦ ﺍﻟﻴﻮﻡ ﻋﻤﻲ ﻭﺍﻓﻲ ﻣﺘﻐﻴﺮ
.. ﻣﺤﻠﻖ ﻭﻣﺮﺟﻊ ﺍﻟﺸﻌﺮ ﻟﻮﺭﻯ .. ﻭﻛﺎﺷﺦ .. ﻭﺍﻟﻔﺮﺡ ﺑﺎﺩﻱ ﻋﻠﻴﻪ ..
ﻗﻄﻊ ﺗﻔﻜﻴﺮﻫﺎ ﺻﻮﺕ ﻋﻤﻬﺎ ﻭﺍﻓﻲ ..
ﻭﺍﻓﻲ : ﺳﺠﺎﻭﻱ ﻭﻳﻦ ﻭﺻﻠﺘﻲ
ﺳﺠﻰ ﺑﺒﺘﺴﺎﻣﻪ : ﻗﺮﻳﺐ .. ﺍﻗﻮﻝ ﻋﻤﻲ ﺍﻟﻴﻮﻡ ﻛﺎﺷﺦ .. ﻭﺍﻟﻠﻪ ﻃﺎﻟﻊ
ﺗﺠﻨﻦ
ﻭﺍﻓﻲ ﺑﺒﺘﺴﺎﻣﻪ ﻋﺮﻳﻀﻪ : ﻃﻮﻝ ﻋﻤﺮﻱ ﺍﺣﺐ ﺍﻟﻜﺸﺨﻪ .. ﻭﺍﺟﻨﻦ
ﻋﺒﺪﺍﻟﺮﺣﻤﻦ ﻭﻫﻮ ﻗﺎﻳﻢ : ﻻ ﻭﺍﺿﺢ .. ﻛﻞ ﻳﻮﻡ ﺗﺠﻲ ﻟﻨﺎ ﻣﻘﻄﻊ
ﻋﻤﺮﻙ ﻣﻦ ﺍﻟﻜﺸﺨﻪ
ﻭﺍﻓﻲ : ﺍﻧﺎ ﺟﺬﺍﺏ ﺣﺘﻰ ﺑﺠﺎﻣﺖ ﺍﻟﻨﻮﻡ .. ﻣﻮ ﻣﺜﻠﻚ .. ( ﻛﻤﻞ ﻭﻫﻮ
ﻳﻨﺎﻇﺮ ﻋﺒﺪﺍﻟﺮﺣﻤﻦ ﺍﻟﻲ ﻗﺎﻡ ) .. ﻋﻠﻰ ﻓﻴﻦ ﻳﺎ ﺣﺒﻴﺐ
ﻋﺒﺪﺍﻟﺮﺣﻤﻦ : ﺑﻄﻠﻊ .. ﻣﻮﺍﻋﺪ ﻭﺍﺣﺪ ﻣﻦ ﺍﻟﺸﺒﺎﺏ ﻧﺮﻭﺡ ﻧﺠﺮﻱ ﻋﻠﻰ
ﺍﻟﻜﺮﻧﻴﺶ
ﻭﺍﻓﻲ ﺑﺒﺘﺴﺎﻣﻪ :ﺗﻮﻙ ﺗﺤﺲ ﺍﻧﻚ ﺩﺑﻪ ﻭﻣﺴﻮﻱ ﺯﺣﻤﻪ .. ﻭﻗﺮﺭ ﺗﺴﻮﻱ
ﺭﻳﺎﺿﻪ .. ﻋﺎﺩ ﺍﺟﺮﻱ ﺑﺴﺮﻋﻪ .. ﻣﺎ ﺍﺑﻲ ﺍﺷﻮﻑ ﺫﺍ ﺍﻟﻜﺮﺷﻪ ﺍﻟﻠﻴﻠﻪ
ﻋﺒﺪﺍﻟﺮﺣﻤﻦ ﺧﺬ ﺍﻟﻤﺨﺪﻩ ﻭﺭﻣﺎﻫﺎ ﻋﻠﻰ ﻋﻤﻪ ﻭﺍﻓﻲ ﺍﻟﻲ ﺗﻔﺎﺩﺍﻫﺎ ..
ﻭﻃﻠﻊ ﻣﻦ ﺍﻟﺼﺎﻟﻪ ..
ﻋﻠﻴﺎ ﺍﺑﺘﺴﻤﺖ ﻣﻦ ﻗﻠﺐ ﻋﻠﻰ ﻛﻼﻡ ﺍﺧﻮﻫﺎ .. ﻭﺣﺴﺖ ﺑﺮﺍﺣﻪ ﻟﻤﺎ
ﺷﺎﻓﺘﻪ
ﺍﻟﺘﻔﺖ ﻭﺍﻓﻲ ﻋﻠﻰ ﺳﺠﻰ : ﺍﻗﻮﻝ ﺳﺠﺎﻭﻱ ﺍﻟﻴﻮﻡ ﻣﺎ ﺭﺍﺡ ﺗﺮﻭﺣﻮﻥ
ﺍﻟﺴﻮﻕ
ﺳﺠﻰ ﺑﺒﺘﺴﺎﻣﻪ ﺧﺒﺚ : ﻟﻴﻪ ﺗﺴﺄﻝ
ﻭﺍﻓﻲ : ﻻ ﺑﺲ ﺍﻣﺲ ﺍﻧﺘﻮ ﻗﻠﺘﻮ ﺑﺘﺮﻭﺣﻮﻥ ﺍﻟﻴﻮﻡ .. ﻟﻴﻜﻮﻥ ﻫﻮﻧﺘﻮ
( ﺗﺤﻄﻴﻢ ﺍﺫﺍ ﻫﻮﻧﻮ )
ﺳﺠﻰ ( ﺍﻟﺤﻴﻦ ﻋﺮﻓﺖ ﻟﻴﻪ ﺟﺎﻱ ﻭﻛﺎﺷﺦ ) : ﻻ ﻣﺎ ﻫﻮﻧﺎ
ﺭﻥ ﻓﻲ ﻫﺬﻱ ﺍﻟﺤﻈﻪ ﺟﻮﺍﻝ ﺳﺠﻰ .. ﻛﺎﻧﺖ ﺍﻟﻤﺘﺼﻠﻪ ﺩﻻﻝ
ﺭﺩﺕ ﺳﺠﻰ ﻭﻋﻴﻨﻬﺎ ﺗﺮﺍﻗﺐ ﻣﻼﻣﺢ ﻋﻤﻬﺎ ﻭﺍﻓﻲ ﻭﻫﻲ ﺗﻘﻮﻝ : ﻫﻼﺍﺍ
ﺩﻻﻝ
ﻻﺣﻈﺖ ﺳﺠﻰ ﺍﺗﺴﺎﻉ ﺍﺑﺘﺴﺎﻣﺔ ﻋﻤﻬﺎ ﻭﺍﻓﻲ ( ﻳﺎﻛﺜﺮ ﺍﻟﻤﻼﺣﻈﺎﺕ ﺍﻟﻲ
ﺟﻤﻌﺘﻬﺎ ﻣﻦ ﺍﻣﺲ )
ﺩﻻﻝ : ﻫﻼﺍﺍﺍ ﺳﺠﻮﻱ .. ﺷﺨﺒﺎﺭﻙ ؟
ﺳﺠﻰ ﺑﺒﺘﺴﺎﻣﻪ : ﺍﻟﺤﻤﺪﻟﻠﻪ ﺍﻧﺘﻲ ﺷﺨﺒﺎﺭﻙ ؟
ﺩﻻﻝ : ﺗﻤﺎﻡ .. ﺍﻗﻮﻝ ﺳﺠﻮﻱ ﻻ ﺗﻨﺴﻴﻦ ﺍﻟﻴﻮﻡ ﺑﺮﻭﺡ ﺍﻟﺴﻮﻕ
ﺳﺠﻰ ﻭﺗﻨﺎﻇﺮ ﻋﻤﻬﺎ ﻭﺍﻓﻲ : ﻻ ﻣﺎﺭﺍﺡ ﺍﻧﺴﻰ .. ﻭﺍﺫﺍ ﻧﺴﻴﺖ ﻏﻴﺮﻱ
ﻣﺎ ﻧﺴﻰ .. ﺍﻥ ﺷﺄﻟﻠﻪ ﺑﻌﺪ ﺻﻼﺕ ﺍﻟﻤﻐﺮﺏ ﺭﺍﺡ ﻧﻤﺮﻙ
ﺩﻻﻝ : ﻃﻴﺐ .. ﺍﻟﺤﻴﻦ ﺍﻟﺴﺎﻋﻪ ﻛﻢ
ﺳﺠﻰ : ﺍﻟﺴﺎﻋﻪ ﺗﻘﺮﻳﺒﺎ ﺧﻤﺲ ﻭﻧﺺ
ﺩﻻﻝ : ﻳﺎﻟﻠﻪ ﺍﺳﺘﻨﺎﻛﻢ .. ﺳﻠﻤﻲ ﻋﻠﻰ ﻋﻤﺘﻚ ﻋﻠﻴﺎ
ﺳﺠﻰ ﺑﺒﺘﺴﺎﻣﻪ : ﻫﺬﺍ ﻫﻲ ﺟﻨﺒﻲ ﺗﺒﻴﻦ ﺗﻜﻠﻤﻴﻨﻬﺎ
ﺩﻻﻝ : ﺍﻳﻮﻩ .. ﻋﻄﻴﻨﻲ ﺍﻛﻠﻤﻬﺎ
ﺳﺠﻰ ﻗﺎﻣﺖ ﻭﻋﻄﺖ ﺍﻟﺠﻮﺍﻝ ﻟﻌﻠﻴﺎ .. ﺍﻟﺘﻔﺖ ﻭﺍﻓﻲ ﻣﻐﻨﺎﻃﺴﻴﺎ ﻟﻌﻠﻴﺎ
ﺍﻟﻲ ﻛﺎﻧﺖ ﻗﺮﻳﺒﻪ ﻣﻨﻪ ﻭﺗﺸﺎﺭﻛﻪ ﺍﻟﻜﻨﺒﻪ
ﻋﻠﻴﺎ ﺧﺬﺕ ﺍﻟﺠﻮﺍﻝ ﻣﻦ ﺳﺠﻰ ﻭﺭﺩﺕ ﺑﺒﺘﺴﺎﻣﻪ ﺧﻔﻴﻔﻪ : ﻫﻼﺍﺍﺍﺍ
ﺩﻻﻝ
ﺩﻻﻝ ﺑﺒﺘﺴﺎﻣﻪ : ﻫﻼﺍﺍ ﻋﻠﻴﺎ ﺷﺨﺒﺎﺭﻙ ؟ ﻭﺵ ﺩﻋﻮﻩ ﻣﺎ ﺗﺪﻗﻴﻦ ﻋﻠﻴﻨﺎ
ﻣﺎ ﺗﺴﺄﻟﻴﻦ ﻋﻨﺎ
ﻋﻠﻴﺎ ﺑﺒﺘﺴﺎﻣﻪ : ﺍﻟﺤﻤﺪﻟﻠﻪ ﺑﺨﻴﺮ .. ﺍﻧﺘﻲ ﺍﺧﺒﺎﺭﻙ .. ﻧﺨﺎﻑ ﻧﺪﻕ
ﻭﻧﺰﻋﺠﻜﻢ
ﺩﻻﻝ : ﺑﺨﻴﺮ .. ﻻ ﻣﺎﻓﻲ ﺍﺯﻋﺎﺝ ﻭﻻ ﺷﻲﺀ .. ﺑﺎﻟﻌﻜﺲ .. ﺍﻗﻮﻝ ﻋﻠﻴﺎ
ﻛﻴﻒ ﻛﺎﻧﺖ ﻋﺰﻳﻤﺔ ﺍﺑﺎﺭﺡ ؟
ﻋﻠﻴﺎ ﺑﺒﺘﺴﺎﻣﻪ : ﺣﻠﻮﻭﻩ
ﺩﻻﻝ ﺑﺴﺮﻋﻪ : ﻋﺎﺩ ﺍﻟﻴﻮﻡ ﻻﺯﻡ ﺗﺠﻴﻦ ﻣﻌﻨﺎ ﺍﻟﺴﻮﻕ .. ﻣﺎ ﻧﻘﺒﻞ ﻣﻨﻚ
ﺍﻋﺬﺍﺭ
/
*
/
*
/
ﻓﻲ ﺳﻴﺎﺭﺓ ﺣﻤﺪ ﺍﻟﻲ ﻛﺎﻧﺖ ﻣﻮﻗﻔﻪ ﻋﻨﺪ ﺣﻼﻕ ..
ﺑﻌﺪ ﻣﺎ ﺣﻠﻖ ﺣﻤﺪ ﻭﺭﺗﺐ ﻛﻞ ﺍﻣﻮﺭﻩ .. ﺍﺟﺘﻤﻊ ﺍﻟﻴﻮﻡ ﻋﻠﻰ ﺍﻟﻐﺪﺍ ﻣﻊ
ﺍﻟﺮﺟﺎﻝ ﺍﻟﻲ ﺭﺍﺡ ﻳﻘﻮﻣﻮﻥ ﺑﺪﻭﺭ ﺍﺑﻮﻩ ﻭﻋﻤﻪ ﻓﻲ ﺍﻟﺒﺪﺍﻳﻪ ﺷﻌﺮ
ﺑﺎﻻﺣﺒﺎﻁ ﻟﻤﺎ ﺷﺎﻓﻬﻢ ﻻﻧﻬﻢ ﻣﺎ ﻛﺎﻧﻮ ﺭﺯﻩ .. ﻭﻫﻴﺎﺗﻬﻢ ﻣﺎ ﺗﺠﻴﺐ
ﺍﻟﺮﺍﺣﻪ .. ﻟﻜﻦ ﺳﻌﺪ ﺧﻮﻳﻪ ﻗﺎﻝ ﻟﻪ ﺍﻥ ﺍﻟﻤﻬﻢ ﺍﻧﻬﻢ ﻳﻤﺜﻠﻮﻥ ﻣﻀﺒﻮﻁ
.. ﻭﻳﻔﻮﻥ ﺍﻟﻐﺮﺽ ﺍﻟﻤﻄﻠﻮﺏ .. ﺣﻂ ﺑﺠﻴﺐ ﻛﻞ ﻭﺍﺣﺪ ﻣﻨﻬﻢ ﻣﻴﺘﻴﻦ
ﻣﺒﺪﺋﻴﻪ ﻭﺍﻟﻤﺒﻠﻎ ﺍﻟﺒﺎﻗﻲ ﺑﻌﺪ ﻣﺎ ﻳﻄﻠﻌﻮﻥ ﻣﻦ ﺑﻴﺖ ﺩﻻﻝ .. ﻭﻳﺘﻢ ﻛﻞ
ﺷﻲﺀ ﻣﺜﻞ ﻣﺎ ﻫﻮ ﻳﺒﻲ .. ﻭﻭﻋﺪﻫﻢ ﺍﺫﺍ ﺑﻴﻀﻮ ﺍﻟﻮﺟﻪ ﺭﺍﺡ ﻳﺰﻳﺪ
ﺍﻟﻤﺒﻠﻎ .. ﻓﻬﻤﻬﻢ ﻋﻠﻰ ﻛﻞ ﺷﻲﺀ .. ﻭﻋﻄﺎﻫﻢ ﺍﻟﻤﻌﻠﻮﻣﺎﺕ ﺍﻻﺳﺎﺳﻴﻪ
..
ﺭﻓﻊ ﻳﺪﻩ ﻭﻧﺰﻝ ﺷﻮﻱ ﺍﻟﻤﺮﺍﻳﻪ .. ﻭﻧﺎﻇﺮ ﺫﻗﻨﻪ .. ( ﺍﺑﺘﺴﻢ ﺍﺑﺘﺴﺎﻣﺔ
ﺭﺿﻰ .. ﻭﺭﻓﻊ ﺍﻟﻤﺮﺍﻳﻪ ﺷﻮﻱ )
ﻃﻠﻊ ﺟﻮﺍﻟﻪ ﻣﻦ ﻣﺨﺒﺎﻩ ﻭﺗﺼﻞ ﻋﻠﻰ ﺩﻻﻝ ﻋﻠﺸﺎﻥ ﻳﺨﺒﺮﻫﺎ .. ﻣﺎ
ﻳﺒﻴﻬﺎ ﺗﺘﻔﺎﺟﺄ ﺑﺎﻟﺨﻄﻮﺑﻪ .. ﻳﺒﻲ ﻛﻞ ﺷﻲﺀ ﻳﺘﻢ ﺑﻌﻠﻤﻬﺎ
ﺟﺎﻩ ﺻﻮﺕ ﻣﻴﻼﻑ ﺑﺪﻟﻊ ﺑﻌﺪ ﺍﻟﺮﻧﻪ ﺍﻟﺜﻼﺛﻪ ..
ﻣﻴﻼﻑ ﺑﺪﻟﻊ : ﻫﻼﺍﺍ ﺣﻮﻳﻤﺪ
ﺣﻤﺪ ﺑﺒﺘﺴﺎﻣﻪ : ﻫﻼﺍﺍﺍ ﺑﺪﻟﻮﻟﺘﻲ .. ﻫﻼﺍ ﺑﻘﻠﺒﻲ .. ﻛﻴﻒ ﺣﺎﻟﻚ ؟
ﻣﻴﻼﻑ : ﺗﻤﺎﻡ .. ﺍﻧﺖ ﺷﺨﺒﺎﺭﻙ
ﺣﻤﺪ ﺑﺒﺘﺴﺎﻣﻪ : ﺍﻧﺎ ﺑﺨﻴﺮ ﺩﺍﻡ ﺍﻧﻲ ﺍﺳﻤﻊ ﺻﻮﺗﻚ ..
ﻣﻴﻼﻑ ﺑﻌﺘﺐ : ﻟﻴﻪ ﺍﻣﺲ ﻣﺎ ﺩﻗﻴﺖ ﻋﻠﻲ ..
ﺣﻤﺪ : ﻭﺍﻟﻠﻪ ﺍﻣﺲ ﻛﻨﺖ ﻣﻌﺰﻭﻡ ﻋﻠﻰ ﺯﻭﺍﺝ ﺧﻮﻳﻴﻲ .. ﻭﺗﺎﺧﺮﺕ ..
ﻣﻴﻼﻑ : ﻳﺎ ﺳﻼﻡ ﺍﻧﺖ ﻣﺒﺴﻮﻁ ﻓﻲ ﺍﻟﺰﻭﺍﺝ ﻭﻻ ﻋﻠﻴﻚ ﻭﺍﻧﺎ ﺍﻣﺲ
ﺳﻬﺮﺍﻧﻪ ﺍﻧﺘﻈﺮ ﺍﺗﺼﺎﻟﻚ
ﺣﻤﺪ ﺑﺒﺘﺴﺎﻣﻪ : ﺍﺳﻒ ﻳﺎ ﻗﻠﺒﻲ .. ﻭﺍﻟﻠﻪ ﻣﺎ ﺍﻋﻴﺪﻫﺎ
ﻣﻴﻼﻑ ﺑﺪﻟﻊ : ﻣﺴﻤﻮﺡ ﻳﺎ ﻋﻴﻮﻧﻲ .. ﺍﻗﻮﻝ ﺣﻮﻳﻤﺪ ﺍﻧﺖ ﻭﻳﻨﻚ
ﺍﻟﺤﻴﻦ
ﺣﻤﺪ : ﻭﺍﻟﻠﻪ ﺗﻮﻧﻲ ﻃﺎﻟﻊ ﻣﻦ ﺍﻟﺤﻼﻕ .. ﺍﻗﻮﻝ ﺩﻟﻮﻝ
ﻣﻴﻼﻑ : ﻗﻮﻝ
ﺣﻤﺪ ﺑﺠﺪﻳﻪ : ﻟﻮ ﺟﻴﺖ ﺍﻟﻴﻮﻡ ﺧﻄﺒﺘﻚ ﻣﻦ ﺍﻫﻠﻚ ﺑﺘﻮﺍﻓﻘﻴﻦ
ﺗﺘﺰﻭﺟﻴﻨﻲ
ﻣﻴﻼﻑ ( ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﻃﺒﻌﺎ ﻻ ﻫﺬﺍ ﺍﻟﻲ ﻧﺎﻗﺺ ﺍﺗﺰﻭﺝ ﺑﺰﺭ
.. ﻭﺑﻌﺪﻳﻦ ﻫﺬﺍ ﻭﺵ ﻓﻴﻪ ﻣﺮﻩ ﺑﻤﺮ ﺟﻨﺐ ﺑﻴﺘﻨﺎ .. ﻭﺍﻟﺤﻴﻦ ﺑﺠﻲ
ﻳﺨﻄﺐ ﻭﺍﻟﻠﻪ ﻣﺎ ﺍﺩﺭﻱ ﻫﺬﺍ ﻛﻴﻒ ﻳﻔﻜﺮ .. ﺍﻧﺎ ﺍﺷﻚ ﺍﻧﻪ ﻓﻲ ﻟﺴﻌﺔ
ﺟﻨﻮﻥ .. ﻛﻴﻒ ﺑﺠﻲ ﻳﺨﻄﺒﻨﻲ ﻋﻠﻰ ﻗﻮﻟﺘﻪ ﻭﻫﻮ ﺣﺘﻰ ﺍﺳﻤﻲ ﻣﺎ
ﻳﻌﺮﻓﻪ ﻭﻻ ﻳﻌﺮﻑ ﺑﻴﺘﻨﺎ .. ﺍﺳﺎﺳﺎ ﺍﻧﺎ ﻣﺎ ﻣﺮﻩ ﻗﻠﺖ ﻟﻪ ﻣﻌﻠﻮﻣﺎﺕ
ﺻﺤﻴﺤﻪ ﻭﺣﻘﻴﻘﻴﻪ .. ﺍﻻ ﺑﻌﺾ ﺍﻟﻤﻌﻠﻮﻣﺎﺕ ﺍﻟﺒﺴﻴﻄﻪ ﻭﺳﻄﺤﻴﻪ .. )
ﺣﻤﺪ : ﺩﻟﻮﻝ ﻭﻳﻦ ﻭﺻﻠﺘﻲ .. ﻟﻬﺬﻱ ﺍﻟﺪﺭﺟﻪ ﺳﺆﺍﻟﻲ ﺻﻌﺐ ﻭﻣﺤﺘﺎﺝ
ﺗﻔﻜﻴﺮ
ﻣﻴﻼﻑ ( ﻭﺵ ﻳﻔﺮﻕ ﻟﻮ ﻗﻠﺖ ﻟﻪ ﺃﻱ ﺍﻭ ﻻ ﺧﻠﻨﻲ ﺍﻗﻮﻝ ﻟﻪ ﺃﻱ ﻫﻲ
ﺧﺎﺭﺑﻪ ﺧﺎﺭﺑﻪ ﻫﻬﻬﻬﻪ ) : ﺍﻛﻴﺪ ﺑﻮﺍﻓﻖ
ﺣﻤﺪ ﺑﻔﺮﺡ : ﺻﺤﻴﺢ ﻭﺍﻟﻠﻪ
ﻣﻴﻼﻑ ﺑﺴﺮﻋﻪ : ﺣﻤﺪ ﺑﻌﻴﺪﻳﻦ ﺍﻛﻠﻤﻚ .. ﻋﻨﺪﻱ ﺧﻂ ﺛﺎﻧﻲ ..
ﺑﺎﺍﺍﺍﺍﻱ
ﺣﻤﺪ ﺑﻔﺮﺡ : ﺑﺎﺍﺍﺍﻱ
ﺳﻜﺮ ﺣﻤﺪ ﻣﻦ ﻣﻴﻼﻑ ﻭﻫﻮ ﻣﺘﺸﻘﻖ ﻣﻦ ﺍﻟﻮﻧﺎﺳﻪ ﻭﺍﻟﻔﺮﺡ ..
ﻣﻮﺍﻓﻘﺘﻬﺎ ﺧﻠﺘﻪ ﻳﻨﺴﻰ ﻳﺘﻔﻖ ﻣﻌﻬﺎ ﻋﻠﻰ ﺍﻟﻴﻮﻡ ﻭﻳﺮﺗﺐ ﻣﻌﻬﺎ ..
ﻭﻳﻘﻮﻝ ﻟﻬﺎ ﺗﺨﺒﺮ ﺍﺧﻮﻫﺎ .. ﺍﻥ ﻫﻮ ﺑﺠﻲ ﺍﻟﻴﻮﻡ ﻣﻊ ﺍﻫﻠﻪ ﻳﺨﻄﺒﻮﻧﻬﺎ
.. ﻭﺣﻤﺎﺳﻪ ﻧﺴﺎﻩ ﻳﺴﺄﻟﻬﺎ ﻋﻦ ﻋﺎﺋﻠﺘﻬﺎ ﻭﻳﺎﺧﺬ ﻣﻨﻬﻤﺎ ﺑﻌﺾ
ﺍﻟﻤﻌﻠﻮﻣﺎﺕ .. ﺍﻟﻤﻬﻤﻪ
ﺍﻣﺎ ﻣﻴﻼﻑ ﻛﺎﻧﺖ ﻓﻌﻼ ﻋﻨﺪﻫﺎ ﺧﻂ ﺛﺎﻧﻲ .. ﺳﻜﺮﺕ ﺑﺴﺮﻋﻪ ﻣﻦ
ﺣﻤﺪ ﻭﻫﻲ ﻣﻴﺘﻪ ﻣﻦ ﺍﻟﻀﺤﻚ ( ﻣﺎ ﺗﺪﺭﻱ ﻛﻴﻒ ﻟﻠﺤﻴﻦ ﻣﺘﺤﻤﻠﻪ ﻫﺒﺰﺭ
.. ﺑﺲ ﻭﺍﻟﻠﻪ ﻳﻮﺳﻊ ﺍﻟﺼﺪﺭ .. ﻋﻠﻴﻪ ﺳﻮﺍﻟﻒ ﺗﻀﺤﻚ )
ﻣﻴﻼﻑ ﺑﺒﺘﺴﺎﻣﻪ : ﻫﻼﺍﺍﺍ ﻟﻴﻠﻰ .. ﺷﺨﺒﺎﺭﻙ ؟
ﻟﻴﻠﻰ : ﺍﻧﺎ ﺗﻤﺎﻡ ﺍﻧﺖ ﺷﺨﺒﺎﺭﻙ .. ﺳﺎﻋﻪ ﻭﺍﻧﺎ ﺍﺗﺼﻞ ﻋﻠﻴﻚ ﻣﺎ ﺗﺮﺩﻳﻦ
.. ﻟﻴﻪ ﺣﺎﻃﻪ ﺧﺪﻣﺔ ﺍﻻﻧﺘﻈﺎﺭ ﻋﻠﺸﺎﻥ ﺗﻠﻄﻌﻴﻦ ﻋﻠﻰ ﺍﻟﺨﻂ
ﻣﻴﻼﻑ : ﻻ ﻭﺍﻟﻠﻪ ﻛﺎﻥ ﻋﻨﺪﻱ ﻣﻜﺎﻟﻤﻪ ﻣﻬﻤﻪ
ﻟﻴﻠﻰ : ﺍﻫﺎﺍﺍﺍ .. ﻃﻴﺐ ﻣﺎ ﺩﺭﻳﺘﻲ ﺑﻠﻲ ﺻﺎﺭ ﻟﻌﻤﻲ ﻃﻼﻝ
ﻣﻴﻼﻑ ﺑﺴﺘﻐﺮﺍﺏ : ﻣﺎ ﺩﺭﻳﺖ .. ﻭﺵ ﺍﻟﻲ ﺻﺎﺭ
ﻟﻴﻠﻰ ﺑﻀﻴﻘﻪ : ﻋﻤﻲ ﻃﻼﻝ ﺑﺎﻟﻤﺴﺘﺸﻔﻰ ..
ﻣﻴﻼﻑ ﺑﻬﺘﻤﺎﻡ : ﻟﻴﻪ ﻭﺵ ﻓﻴﻪ
ﻟﻴﻠﻰ : ﻣﺪﺭﻱ ﻳﻘﻮﻝ ﺍﺧﻮﻱ ﻛﻤﺎﻝ ﺍﻥ ﻣﺘﺨﺎﻧﻖ ﻣﻊ ﺍﺣﺪ .. ﺍﻟﻤﻬﻢ ﻣﺎ
ﺑﺘﺮﻭﺣﻴﻦ ﻣﻌﻨﺎ .. ﺍﻟﺤﻴﻦ ﺍﻧﺎ ﻭﻛﻤﺎﻝ ﺑﺮﻭﺡ ﺍﻟﻤﺴﺘﺸﻔﻰ ﻧﺰﻭﺭﻩ
ﻣﻴﻼﻑ : ﺍﻛﻴﺪ ﺑﺮﻭﺡ ﻣﻌﻜﻢ
/
*
/
*
/
.. ﻓﻲ ﺳﻴﺎﺭﺓ ﻭﺍﻓﻲ ﺍﻟﻲ ﻛﺎﻧﺖ ﻣﺘﺠﻪ ﻟﻤﺠﻤﻊ ﺍﻟﻈﻬﺮﺍﻥ ﻣﻮﻝ ..
ﻛﺎﻥ ﺍﻟﺼﻤﺖ ﻳﺴﻮﺩ ﺍﻟﺠﻮ .. ﻓﻲ ﺍﻟﻈﺎﻫﺮ ﻓﻘﻂ .. ﻟﻜﻦ ﻫﻨﺎﻙ ﺛﺮﺛﺮﻩ
ﺑﺪﻭﻥ ﺻﻮﺕ .. ﻭﻛﻠﻤﺎﺕ ﺑﻼ ﺣﺮﻭﻑ .. ﻋﺒﺎﺭﺍﺕ ﻟﻢ ﺗﻜﺘﺐ ﺑﺤﺮﻭﻑ
ﺍﻻﺑﺠﺪﻳﻪ .. ﻓﻘﺪ ﺗﺸﻜﻠﺔ ﻣﻦ ﻣﺠﻤﻮﻋﻪ ﺍﺣﺎﺳﻴﺲ ﺻﺎﺩﻗﻪ .. ﺭﺳﻤﺖ
ﺷﻮﻗﺎ ..ﻭﺭﺗﺒﺖ ﺑﻠﻬﻔﻪ .. ﻟﺘﺮﺳﻠﻬﺎ ﺍﻟﻨﻈﺮﺍﺕ ﺍﻟﻤﺒﺘﻌﺜﻪ ﻣﻦ ﻋﻴﻨﻴﻦ
ﻣﺜﺒﺘﻪ ﻋﻠﻰ ﺍﻟﻤﺮﺍﻳﻪ ..
ﻟﻬﺎ ﻋﻴﻮﻥ ﻧﺎﻋﺴﻪ ﺗﺮﺳﻞ ﺍﻟﻮﻳﻞ
ﻭﻳﺎﻭﻳﻞ ﻣﻦ ﻫﻮ ﺻﻮﺑﺘﻪ ﺑﻨﻈﺮﻫﺎ
ﻭﻟﻬﺎ ﻧﻈﺮﻩ ﻣﻨﻬﺎ ﺗﻤﻮﺕ ﺍﻟﺮﺟﺎﺟﻴﻞ
ﻭﺭﻣﺶ ﺍﻟﻌﻴﻮﻥ ﺍﻟﺴﻮﺩ ﺯﻭﺩ ﺧﻄﺮﻫﺎ
ﻓﻴﻬﺎ ﺟﻤﺎﻝ ﻭﺯﺍﺩﻫﺎ ﺍﻟﻜﺤﻞ ﺗﺠﻤﻴﻞ
ﻓﻴﻬﺎ ﺩﻻﻝ ﻳﺴﺤﺮ ﺍﻟﻠﻲ ﻧﻈﺮﻫﺎ
ﻛﺎﻧﺖ ﺩﻻﻝ ﺟﺎﻟﺴﻪ ﺧﻠﻒ ﻭﺍﻓﻲ .. ﻭﺍﻟﻨﺎﺭ ﺷﺎﺑﻪ ﺑﺼﺪﺭﻫﺎ .. ﺗﺤﺲ
ﺑﺤﺮﺍﺭﻩ ﻓﻲ ﺍﻃﺮﺍﻓﻬﺎ ﻛﻞ ﻣﺎ ﺟﺎﺕ ﻋﻴﻨﻬﺎ ﻓﻲ ﻋﻴﻨﻪ .. ﻫﺪﻭﺀ ..
ﻭﺷﻮﻳﺖ ﻇﻼﻡ .. ﻧﻈﺮﺕ ﻋﻴﻮﻧﻪ .. ﻭﻗﺮﺑﻪ .. ﺻﻮﺕ ﺗﻨﻔﺴﻬﺎ ﻣﻦ
ﺗﺤﺖ ﺑﺮﻗﻌﻬﺎ .. ﺻﻮﺕ ﻧﺒﺾ ﻗﻠﺒﻬﺎ ﺑﻴﻦ ﺍﻟﻀﻠﻮﻉ .. ﻭﺩﻫﺎ ﺗﻨﺰﻝ ﻣﻦ
ﺍﻟﺴﻴﺎﺭﻩ .. ﻭﺗﺘﻤﻨﻰ ﺍﻥ ﺗﻄﻮﻝ ﺍﻟﻤﺴﺎﻓﻪ ﺍﻛﺜﺮ .. ﺷﻲﺀ ﻏﺮﻳﺐ ﻋﺪﻡ
ﺍﺣﺴﺎﺳﻬﺎ ﺑﻮﺟﻮﺩ ﺳﺠﻰ ﻭﻋﻠﻴﺎ ﻣﻌﻬﻢ ..ﻭﺳﻜﻮﻧﻬﻢ ﻋﻦ ﺍﻟﺤﺮﻛﻪ
ﻭﻛﺎﻧﻬﻢ ﻣﺠﺮﺩ ﺟﻮﺍﻣﺪ ..
ﻣﺜﻞ ﻣﺎ ﺩﻻﻝ ﺗﺤﺲ ﺍﻧﻬﺎ ﺑﻌﺎﻟﻢ ﺍﺧﺮ ﻫﻲ ﻭﺍﻓﻲ .. ﻋﻠﻴﺎ ﻛﺎﻧﺖ ﻓﻌﻼ
ﺑﻌﺎﻟﻤﻬﺎ ..
ﻋﻠﻴﺎ ﻛﺎﻧﺖ ﺟﺎﻟﺴﻪ ﻗﺪﺍﻡ .. ﻭﻋﻴﻮﻧﻬﺎ ﻣﺜﺒﺘﻪ ﻋﻠﻰ ﺍﻟﻨﺎﻓﺪﻩ ﺍﻟﻲ ﺟﻨﺒﻬﺎ
.. ﻣﺮﻭ ﻓﻲ ﻛﻢ ﺷﺎﺭﻉ ﻭﺳﺘﻮﻗﻔﺘﻬﻢ ﻛﻢ ﺍﺷﺎﺭﻩ ﻭﻋﻠﻴﺎ ﻣﺎﺯﻟﺖ ﺗﻐﻮﺹ
ﺑﻌﺎﻟﻤﻬﺎ .. ﻋﺰﻳﻤﺖ ﺍﻣﺲ ﻭﺍﻟﻲ ﺻﺎﺭ ﻟﻬﺎ ﺟﺪﺩ ﺍﻟﺬﻛﺮﻯ .. ﻭﻣﻠﻜﻬﺎ
ﺍﻟﺨﻮﻑ .. ﻭﻫﺰﻫﺎ ﺷﻮﻕ ﻟﻐﺎﺯﻱ .. ﻣﺎﺗﺪﺭﻱ ﻟﻴﻪ ﻟﻤﺎ ﻓﺎﺗﺤﻬﺎ
ﻋﺒﺪﺍﻟﺮﺣﻤﻦ ﺑﺎﻟﻤﻮﺿﻮﻉ .. ﺯﻳﺪ ﺍﻟﻮﺍﻥ ﺍﻟﺼﻮﺭ ﺍﻟﺠﻤﻴﻠﻪ .. ﻭﺻﺎﺭﺕ
ﺍﻛﺜﺮ ﻭﺿﻮﺣﺎ ﺑﻌﺪ ﻣﺎ ﺑﺪﺕ ﺗﺒﻬﺖ ﻭﻳﺨﺘﻔﻲ ﻟﻮﻧﻬﺎ .. ﺻﺎﺭ ﺗﻔﻜﻴﺮﻫﺎ
ﻓﻲ ﺍﻟﻤﻮﺿﻮﻉ ﻣﻘﺘﺼﺮ ﻋﻠﻰ ﻣﺸﺎﻋﺮ ﺟﻤﻴﻠﻪ ﻣﺪﻓﻮﻧﻪ ﻓﻲ ﻣﻘﺒﺮﺕ
ﺍﻟﺤﺰﻥ ﺍﻟﻲ ﺑﺼﺪﺭﻫﺎ .. ﻟﻴﻠﺔ ﺍﻣﺲ ﻣﺎ ﺟﺎﻫﺎ ﺍﻟﻨﻮﻡ ﻭﻫﻲ ﺗﻨﺒﺶ ﻗﺒﻮﺭ
ﺍﻟﺤﺰﻥ ﺗﺒﺤﺚ ﻋﻦ ﻣﺸﺎﻋﺮ ﺣﻴﻪ .. ﻣﺎﺯﺍﻟﺖ ﺗﻨﺒﺾ ﻟﻌﺎﺯﻱ ..
ﺍﻣﺎ ﺳﺠﻰ ﻓﻜﺎﻥ ﺍﻟﻮﺿﻊ ﻋﻨﺪﻫﺎ ﻣﺨﺘﻠﻒ .. ﻛﺎﻧﺖ ﺟﺎﻟﺴﻪ ﺧﻠﻒ ﻋﻠﻴﺎ
.. ﺗﻨﺎﻇﺮ ﺍﻟﺤﻮﺍﺭ ﺍﻟﺼﺎﻣﺖ .. ﻭﺍﺻﻄﺪﺍﻡ ﺍﻟﻨﻈﺎﺭﺍﺕ ﻋﻨﺪﻣﺎ ﺗﻠﺘﻘﻲ
ﺍﻟﻌﻴﻮﻥ .. ﻣﺮﺍﻗﺒﻪ ﺻﺎﻣﺘﻪ ﻭﺳﻜﻮﻧﺎ ﻇﺎﻫﺮﻳﺎ .. ﻟﻜﻦ ﺣﺰﻥ ﻭﺍﻟﺤﻨﻴﻦ
ﻣﺸﺎﻋﺮ ﻣﺘﺰﺍﺣﻤﻪ ﺑﺪﺍﺧﻠﻬﺎ .. ﻋﻨﺪﻣﺎ ﺗﺎﻣﻠﺖ ﻋﻴﻮﻥ ﺩﻻﻝ .. ﻭﻻﺣﻈﺖ
ﺑﺮﻳﻖ ﻋﻴﻨﻴﻬﺎ ﺗﺬﻛﺮﺕ ﻧﻈﺮﺍﺗﻬﺎ ﻭﻟﻬﻔﺘﻬﺎ .. ﻭﻓﺮﺣﻬﺎ ﻋﻨﺪﻣﺎ ﺗﺠﻠﺲ
ﺧﻠﻒ ﻣﻘﻌﺪ ﻣﺸﺎﺭﻱ ﻭﺗﻨﺘﻈﺮ ﻫﺬﺍ ﺍﻟﻠﻘﺎﺀ .. ﻛﺎﻥ ﻟﻘﺎﺋﺎ ﺗﻨﺘﻈﺮﻩ ﺑﻠﻬﻔﻪ
.. ﻓﻴﻪ ﺗﺤﺲ ﺑﺤﺪﺓ ﻧﻈﺎﺭﺗﻪ ﻭﻳﻠﻤﻊ ﺍﻟﺸﻮﻕ ﻓﻲ ﻋﻴﻨﻪ .. ﻋﺬﺍﺏ
ﺗﻌﺸﻘﻪ ﺑﺠﻨﻮﻥ
/
*
/
*
/
ﻓﻲ ﺑﻴﺖ ﺩﻻﻝ .. ﻭﺗﺤﺪﻳﺎ ﻓﻲ ﺍﻟﻤﺠﻠﺲ ..
ﻛﺎﻥ ﺣﻤﺪ ﻭﺳﻌﺪ ﻭﻣﻄﻠﻖ .. ﻣﻊ ﺑﻮ ﺗﺮﻛﻲ ﻣﺄﻗﺘﻨﺎ .. ﻭﺑﻮ ﻣﺸﺎﺭﻱ
ﺍﻟﻤﺰﻳﻒ .. ﺟﺎﻟﺴﻴﻦ .. ﺣﻤﺪ ﻛﺎﻥ ﻣﺘﻮﺳﻄﻬﻢ .. ﻛﺎﺷﺦ ﻭﻣﺜﻘﻞ ﺍﻟﺸﻨﺐ
ﺑﺎﻟﻜﺤﻞ ﺍﻻﺳﻮﺩ ﻋﻠﺸﺎﻥ ﻳﺒﻴﻦ ﺍﻛﺜﺮ ﺭﺟﻮﻟﻪ .. ﻭﻻﺑﺲ ﺷﻤﺎﺥ ﻭﺑﻴﻦ
ﺍﻛﺜﺮ ﺭﺯﻩ ..
ﺭﻳﺘﺸﺎﺭﺩ ﻛﺎﻥ ﻫﻮ ﺍﻟﻲ ﺣﻴﺎﻫﻢ ﻭﺭﺣﺐ ﻓﻴﻬﻢ ﻭﺩﺧﻠﻬﻢ ﺍﻟﻤﺠﻠﺲ ..
ﻭﺟﻠﺲ ﻣﻌﻬﻢ
ﺣﻤﺪ ﻟﻤﺎ ﺷﺎﻑ ﻫﻴﺌﺔ ﺭﻳﺘﺸﺎﺭﺩ ﺍﻧﺒﺴﻂ .. ﻭﺗﻼﺵ ﺍﻟﺨﻮﻑ .. ﻛﺎﻥ
ﺭﻳﺘﺸﺎﺭﺩ ﻭﺍﺿﺢ ﺍﻧﻪ ﻏﺮﺑﻲ ﻣﻦ ﻟﻮﻥ ﺑﺸﺮﺗﻪ ﻭﻟﻮﻥ ﻋﻴﻮﻧﻪ ﻭﺷﻌﺮﻩ ..
ﻭﻟﺒﺴﻪ ﻭﻃﺮﻳﻘﺔ ﻣﺸﻴﺘﻪ ﻭﺍﺳﻠﻮﺑﻪ ﺑﺎﻟﻜﻼﻡ .. ﻭﺍﻟﺴﻼﺳﻞ ﺍﻟﻲ ﻣﺜﻘﻠﻪ
ﻋﻠﻰ ﺻﺪﺭﻩ ﻭﺍﻟﻮﺷﻢ ﺍﻟﻲ ﺑﺬﺭﺍﻋﻪ .. ﺗﺬﻛﺮ ﺣﻤﺪ ﺩﻻﻝ ﻟﻤﺎ ﻛﻠﻤﺘﻪ ﻋﻦ
ﺍﺧﻮﻫﺎ ﻋﺒﺪﺍﻟﻌﺰﻳﺰ ﺍﻧﻪ ﻫﻮ ﻣﻨﻔﺘﺢ ﻭﻣﺎﺧﺬ ﺍﻟﺪﻧﻴﺎ ﺑﺴﺎﻃﻪ .. ﺑﺲ ﻣﺎ
ﺗﻮﻗﻌﻪ ﺑﺎﻻﺿﺎﻓﻪ ﺍﻟﻲ ﺍ ﻧﻔﺘﺎﺣﻪ ﻣﺘﻄﺒﻊ ﺑﻄﺒﺎﻉ ﺍﻟﻐﺮﺏ ﺑﻜﻞ ﺷﻲﺀ
( ﺭﺍﺡ ﺗﻜﻮﻥ ﺍﻻﻣﻮﺭ ﺍﺳﻬﻞ ﻣﻤﺎ ﻛﻨﺖ ﺍﺗﻮﻗﻊ ﺩﺍﻡ ﺍﻻﺥ ﻋﺒﺪﺍﻟﻌﺰﻳﺰ
ﺑﺎﻳﻌﻬﺎ ﻓﻲ ﻛﻞ ﺷﻲﺀ .. ﻣﺎﺩﺭﻱ ﻟﻴﻪ ﺍﻧﺎ ﺟﺎﻳﺐ ﺍﻟﺨﻤﻪ ﻣﻌﻲ ﻭﻣﺴﻮﻱ
ﺯﺣﻤﻪ .. ﻛﺎﻥ ﺟﻴﺖ ﺍﻧﺎ ﺑﺮﻭﺣﻲ ﻭﻛﻠﻤﺘﻪ ﻭﺍﻧﺘﻬﻰ ﺍﻟﻤﻮﺿﻮﻉ ﻭﺩﺍﺭﺍ ﺩﺭﺍ
ﻭﺩﺍﺭﺍ ﺑﻌﺪﻩ ﻣﺎ ﺩﺭﺍ .. ﺧﻠﻴﻨﻲ ﺍﺟﻞ ﺍﻧﺎ ﺍﻟﻲ ﺍﻓﺎﺗﺤﻪ ﺑﺎﻟﻤﻮﺿﻮﻉ )
ﺣﻤﺪ ﺑﺒﺘﺴﺎﻣﻪ ﻭﻫﻮ ﻳﻨﺎﻇﺮ ﻓﻲ ﻋﺒﺪﺍﻟﻌﺰﻳﺰ ﺍﻟﻲ ﻛﺎﻥ ﻭﺍﺿﺢ ﻋﻠﻴﻪ ﺍﻻ
ﻣﺒﺎﻻﻩ : ﺍﻻﺥ ﻋﺒﺪﺍﻟﻌﺰﻳﺰ
ﺭﻳﺘﺸﺎﺭﺩ : ﻻ .. ﺭﻳﺘﺸﺎﺭﺩ
ﺑﺎﻧﺖ ﻋﻼﻣﺎﺕ ﺍﻟﺘﻌﺠﺐ ﻋﻠﻰ ﺣﻤﺪ ﻭﺳﻌﺪ ﻭﻣﻄﻠﻖ ﻟﻤﺎ ﺍﺳﻤﻌﻮ ﺍﻻﺳﻢ
.. ﺍﻣﺎ ﻳﻮﺗﺮﻛﻲ ﻭﺍﻟﻌﻢ ﺍﻟﻤﺰﻳﻔﻴﻦ .. ﻛﺎﻥ ﻣﺸﻐﻮﻟﻴﻦ ﻳﻨﺎﻇﺮﻭﻥ ﺍﻻﺛﺎﺕ
ﻭﺍﻟﺪﻳﻜﻮﺭ .. ﻛﺎﻥ ﺍﻟﻤﺠﻠﺲ ﻭﺍﺳﻊ ﻭﻋﻠﻰ ﻣﺴﺘﻮﻯ ﻋﺎﻟﻲ ﻣﻦ ﺍﻟﻔﺠﺎﻣﻪ
ﻭﺍﻟﺠﻤﺎﻝ ..
ﻗﺮﺏ ﺳﻌﺪ ﻣﻦ ﺣﻤﺪ .. ﺳﻌﺪ ﺑﺼﻮﺕ ﻭﺍﻃﻲ : ﺍﻗﻮﻝ ﺣﻤﺪ ﻟﻴﻜﻮﻥ
ﻫﺬﺍ ﻃﺒﺎﺧﻬﻢ ﻭﻻ ﺳﻮﺍﻗﻬﻢ .. ﻳﻘﻮﻝ ﺍﺳﻤﻪ ﺭﻳﺘﺸﺎﺭﺩ
ﺣﻤﺪ ﺑﺼﻮﺕ ﻭﺍﻃﻲ : ﻳﺎ ﺫﻛﻲ ﻓﻲ ﺳﻮﺍﻕ ﻳﺪﺧﻞ ﺑﻴﺖ ﻣﻌﺰﻳﻨﻪ
ﻭﻳﺠﻠﺲ ﻓﻲ ﺍﻟﻤﺠﻠﺲ ﻭﻛﺎﻧﻪ ﻣﻦ ﺍﻫﻞ ﺍﻟﺒﻴﺖ
ﺳﻌﺪ ﺑﺼﻮﺕ ﻭﺍﻃﻲ : ﺍﺟﻞ ﻣﻴﻦ ﻫﺬﺍ ﺍﻟﻜﻮﻓﻴﺮ ﺣﻘﻬﻢ .. ﺍﻧﺖ ﺷﻮﻑ
ﻭﺵ ﻻﺑﺲ ﻛﺎﻧﻪ ﺭﺍﻳﺢ ﺍﻟﺒﺤﺮ
ﺩﺧﻞ ﻓﻲ ﻫﺬﻱ ﺍﻟﻠﺤﻈﻪ ﺑﺪﺭ .. ﻭﺳﻠﻢ ﻭﺟﻠﺲ
ﺣﻤﺪ ﺑﺒﺘﺴﺎﻣﻪ ( ﻫﺬﺍ ﺍﻛﻴﺪ ﻋﺒﺪﺍﻟﻌﺰﻳﺰ ) : ﺍﻻﺥ ﻋﺒﺪﺍﻟﻌﺰﻳﺰ
ﺑﺪﺭ ﺑﺒﺘﺴﺎﻣﻪ : ﻻ ﻭﺍﻟﻠﻪ ﺍﺧﻮﻱ .. ﺑﺪﺭ
ﺣﻤﺪ ﺑﺮﺗﺒﺎﻙ ( ﻟﺤﻮﻝ ﻫﺬﺍ ﺭﻳﺘﺸﺎﺭﺩ ﻭﻫﺬﺍ ﺑﺪﺭ ﺍﺟﻞ ﻭﻳﻦ
ﻋﺒﺪﺍﻟﻌﺰﻳﺰ ) : ﻟﻮ ﺳﻤﺤﺖ ﻭﻳﻦ ﺍﻻﺥ ﻋﺒﺪﺍﻟﻌﺰﻳﺰ
ﺑﺪﺭ ﺑﺴﺘﻐﺮﺍﺏ : ﺃﻱ ﻋﺒﺪﺍﻟﻌﺰﻳﺰ .. ﻣﺎﻋﻨﺪﻧﺎ ﺍﺣﺪ ﺑﻬﺬﺍ ﺍﻻﺳﻢ
ﺍﺭﺗﺴﻤﺖ ﻋﻼﻣﺎﺕ ﺍﻟﺘﻌﺠﺐ ﻋﻠﻰ ﻭﺟﻪ ﺣﻤﺪ ( ﻳﻌﻨﻲ ﻛﻴﻒ ﻣﺎ ﻓﻲ
ﺍﺣﺪ ﺍﺳﻤﻪ ﻋﺒﺪﺍﻟﻌﺰﻳﺰ .. ﻟﻴﻜﻮﻥ ﺟﻴﻨﺎ ﺍﻟﺒﻴﺖ ﺍﻟﻐﻠﻂ .. ﺑﺲ ﺍﻧﺎ
ﻣﺘﺎﻛﺪ ﻣﻦ ﺍﻟﺒﻴﺖ ) ﺣﺲ ﺣﻤﺪ ﻟﻠﺤﻈﺎﺕ ﺑﺘﻮﺗﺮ ﻭﻫﻮ ﻳﻨﺎﻇﺮ ﻣﻼﻣﺢ
ﺑﺪﺭ ﻭﺭﻳﺘﺸﺎﺭﺩ ﺍﻟﻲ ﻛﺎﻧﺖ ﺑﺎﺩﻩ ﻋﻠﻴﻬﻢ ﻋﻼﻣﺎﺕ ﺍﻟﺘﻌﺠﺐ ﻭﻧﻈﺮﺍﺗﻬﻢ
ﺗﺤﻤﻞ ﺗﺴﺎﺋﻼﺕ .. ﻣﺎﻋﺮﻑ ﻣﻦ ﻭﻳﻦ ﻳﺒﺘﺪﻱ .. ﻭﺵ ﻳﻘﻮﻝ
ﺩﺧﻞ ﻓﻲ ﻫﺬﻱ ﺍﻟﻠﺤﻈﻪ ﺑﻮ ﺑﺪﺭ .. ﻭﺳﻠﻢ ﻋﻠﻴﻬﻢ ﻭﺟﻠﺲ ..
ﺣﻤﺪ ﻫﻮ ﻳﻨﺎﻇﺮ ﺑﻮ ﺑﺪﺭ ( ﻫﺬﺍ ﻣﻴﻦ ﺑﻌﺪ ﻣﺎ ﺍﻋﺘﻘﺪ ﺍﻥ ﻫﻮ ﻋﺒﺪﺍﻟﻌﺰﻳﺰ
.. ﻫﺬﺍ ﺷﻜﻠﻪ ﺑﻮ ﻋﺒﺪﺍﻟﻌﺰﻳﺰ ﺑﺲ ﺑﻮ ﻋﺒﺪﺍﻟﻌﺰﻳﺰ ﻣﺘﻮﻓﻲ .. ﺍﺟﻞ ﻣﻴﻦ
ﻫﺬﺍ ) ﺍﻟﺘﻔﺖ ﺣﻤﺪ ﻋﻠﻰ ﺑﻮﺗﺮﻛﻲ .. ﻭﻧﺎﻇﺮ ﻓﻴﻪ ﻋﻠﺸﺎﻥ ﻳﺘﻜﻠﻢ ..
ﺑﻮﺗﺮﻛﻲ ﺍﺣﺘﺎﺭ ﻣﻦ ﻳﻜﻠﻢ ﺍﺫﺍ ﻣﺎ ﻋﻨﺪﻫﻢ ﻋﺒﺪﺍﻟﻌﺰﻳﺰ ﻳﻤﻜﻠﻢ ﻣﻴﻦ
ﻭﻫﺬﻭﻟﻲ ﺍﻟﻲ ﺟﺎﻟﺴﻴﻦ ﻗﺪﺍﻣﻪ ﻭﺵ ﻋﻼﻗﺘﻬﻢ ﺑﺪﻻﻝ ﺍﺧﻮﺍﻧﻬﺎ .. ﻋﻤﺎﻣﻬﺎ
.. (ﺧﻮﺍﻟﻬﺎ .. ﺑﺲ ﺣﻤﺪ ﻗﺎﻳﻞ ﻟﻲ ﺍﻥ ﻋﻨﺪﻫﺎ ﺍﺧﻮ ﻭﺍﺣﺪ ﻭﺍﺑﻮﻫﺎ
ﻣﺘﻮﻓﻲ .. ﺍﺟﻞ ﺍﻛﻴﺪ ﻫﺬﺍ ﻋﻤﻬﺎ ﻭﻻ ﺧﺎﻟﻬﺎ ) ..
ﺑﻮﺗﺮﻛﻲ : ﺍﻟﻄﻴﺐ ﻭﺵ ﺍﺳﻤﻪ
ﺑﻮ ﺑﺪﺭ : ﺑﻮ ﺑﺪﺭ
ﺑﻮﺗﺮﻛﻲ : ﻭﺍﻟﻨﻌﻢ .. ﻭﺍﻟﻠﻪ ﻳﺎ ﺑﻮ ﺑﺪﺭ ﺣﻨﺎ ﻃﺎﻟﺒﻴﻦ ﺍﻟﻘﺮﺏ ﻣﻨﻜﻢ ..
ﻧﺒﻲ ﺑﻨﺘﻜﻢ ﺩﻻﻝ ﺍﻟﻠﻪ ﻳﺤﻔﻈﻬﺎ ﻟﻮﻟﺪﻧﺎ ﺣﻤﺪ
ﺑﻮ ﺑﺪﺭ ﺑﻤﻼﻣﺢ ﺟﺎﻣﺪﻩ ﻭﻫﻮ ﻳﻨﺎﻇﺮ ﺍﻟﺸﺒﺎﺏ ﺍﻟﻲ ﺟﺎﻟﺴﻴﻦ ﺟﻨﺐ
ﺑﻌﺾ : ﺑﻨﺘﻲ ﺩﻻﻝ ! .. ﺃﻱ ﻭﺍﺣﺪ ﻓﻴﻬﻢ ﺣﻤﺪ
ﺍﺑﺘﺴﻢ ﺣﻤﺪ ﺍﺑﺘﺴﻤﺎﻣﻪ ﻣﺮﺗﺠﻔﻪ ﻭﺑﻠﻊ ﺭﻳﻘﻪ ( ﺑﻨﺘﻪ ﺩﻻﻝ ) : ﺍﻧﺎ ﺣﻤﺪ
ﺭﻳﺘﺸﺎﺭﺩ ﺑﺴﺘﺨﻔﺎﻑ : ﺍﻗﻮﻝ ﻳﺎ ﻣﺎﻣﺎ .. ﺭﻭﺡ ﺍﺧﻄﺐ ﺑﻨﺖ ﻣﻦ
ﻣﺴﺘﻮﺍﻙ ﻭﺑﻌﻤﺮﻙ .. ﻭﻻ ﺭﻭﺡ ﺟﺎﺑﻞ ﺩﺭﻭﺳﻚ
ﻭﻃﻰ ﺑﺪﺭ ﺑﺮﺟﻠﻪ ﻋﻠﻰ ﺭﺟﻞ ﺭﻳﺘﺸﺎﺭﺩ ﺍﻟﻲ ﺟﺎﻟﺲ ﺟﺒﻨﻪ .. ﻭﺧﺰﻩ
ﻋﻠﺸﺎﻥ ﻳﺴﻜﺖ
ﺑﺪﺭ ﺑﺒﺘﺴﺎﻣﻪ ﻭﻫﻮ ﻳﻨﺎﻇﺮ ﻣﻼﻣﺤﻬﻢ ﺍﻟﻲ ﻣﺎ ﺗﺤﻤﻞ ﻭﻻ ﺫﺭﺓ ﺷﺒﻪ ﻣﻦ
ﺑﻌﺾ : ﺍﻧﺘﻮ ﻣﻦ ﺃﻱ ﻋﺎﺋﻠﻪ
ﺑﻮ ﺗﺮﻛﻲ : ﺍﻟﻔﻼﻧﻲ
ﺑﺪﺭ ﺑﺒﺘﺴﺎﻣﻪ : ﻭﻧﻌﻢ
ﺍﻟﺘﻔﺖ ﺳﻌﺪ ﻋﻠﻰ ﺣﻤﺪ ﺑﻌﺼﺒﻴﻪ .. ﺳﻌﺪ ﺑﺼﻮﺕ ﻭﺍﻃﻲ ﺷﻮﻱ ﺑﺲ
ﻣﺴﻤﻮﻉ : ﺷﻮﻑ ﻫﺬﺍ ﻃﺒﺎﺧﻬﻢ ﻳﻐﻠﻂ ﻋﻠﻴﻨﺎ
ﺍﺭﺗﺒﻚ ﺣﻤﺪ ﻭﻣﺎ ﻋﺮﻑ ﻭﺵ ﻳﻘﻮﻝ .. ﺧﺎﺹ ﺍﻥ ﺻﻮﺕ ﺳﻌﺪ ﻛﺎﻥ
ﻋﺎﻟﻲ ﺷﻮﻱ ﻭﺳﻤﻌﻪ ﺍﻟﻜﻞ
ﺣﻤﺪ ﺑﺼﻮﺕ ﻭﺍﻃﻲ : ﺳﻌﺪ ﺍﺳﻜﺖ
ﺳﻌﺪ ﺑﻌﺼﺒﻴﻪ : ﻭﺑﻌﺪﻳﻦ ﺍﻧﺖ ﻣﺎ ﺗﻘﻮﻝ ﺍﻥ ﺍﺑﻮﻫﺎ ﻣﺘﻮﻓﻲ ﻭﺍﺧﻮﻫﺎ
ﻋﺒﺪﺍﻟﻌﺰﻳﺰ ..ﻫﺬﺍ ﺍﺑﻮﻫﺎ ﺣﻲ ﻳﺮﺯﻕ .. ﻭﻋﺒﺪﺍﻟﻌﺰﻳﺰ ﻣﺤﻨﺎ ﺷﺎﻳﻔﻴﻦ
ﺣﺘﻰ ﻃﻴﻔﻪ ..ﻣﺤﻨﺎ ﺷﺎﻳﻔﻴﻦ ﺍﻻ ﺯﻭﺝ ﺧﺪﺍﻣﺘﻬﻢ .. ﻣﺪﺭﻱ ﻭﺵ
ﺍﺳﻤﻪ
ﺭﻳﺘﺸﺎﺭﺩ ﺑﻌﺼﺒﻴﻪ : ﺷﻮﻑ ﺍﻧﺖ ﻳﺎ ﻣﻠﻌﻘﺔ ﺍﻟﺸﺎﻱ ﺍﺫﺍ ﻣﺎ ﺳﻜﺮﺕ
ﻓﻤﻚ ﻟﻲ ﺗﺼﺮﻑ ﺛﺎﻧﻲ ﻣﻌﺎﻙ
ﺣﻤﺪ ﺯﺍﺩ ﺍﺭﺗﺒﺎﻛﻪ ﻭ ﺍﻟﺘﻔﺖ ﻋﻠﻰ ﺳﻌﺪ : ﺳﻌﺪ ﺑﺘﺴﻜﺖ ﻭﻻ ﺍﻗﻮﻡ
ﺍﺩﻓﻨﻚ ﻫﻨﺎ
ﺳﻌﺪ ﺑﻌﺼﺒﻴﻪ : ﻻ ﻭﺍﻟﻠﻪ
ﺗﻜﻠﻢ ﻣﻄﻠﻖ ﻭﺣﺎﻭﻝ ﻳﻬﺪﺍ ﺍﻟﻮﺿﻊ : ﻳﺎ ﺟﻤﺎﻋﻪ ﺻﻠﻮ ﻋﻠﻰ ﺍﻟﻨﺒﻲ
ﻗﺎﻡ ﺑﻮ ﺑﺪﺭ ﺑﻌﺼﺒﻴﻪ ﻭﺧﺰ ﻓﻴﻬﻢ ﻛﻠﻬﻢ ﻭﺍﺣﺪ ﻭﺍﺣﺪ .. ﻭﺳﻜﺘﻮ ..
ﺑﻮ ﺑﺪﺭ ﻭﻫﻮ ﻳﻨﺎﻇﺮ ﺑﺪﺭ ﻗﺒﻞ ﻻ ﻳﻄﻠﻊ ﻣﻦ ﺍﻟﻤﺠﻠﺲ : ﺑﺪﺭ ﺿﻴﻔﻬﻢ
ﻭﻭﺻﻠﻬﻢ ﻋﻨﺪ ﺍﻟﺒﺎﺏ ..
/
*
/
*
/
ﻓﻲ ﻣﺠﻤﻊ ﺍﻟﻈﻬﺮﺍﻥ ..
ﻛﺎﻧﻮ ﺍﻟﺒﻨﺎﺕ ﻳﺘﻤﺸﻮﻥ ﻭﻣﻌﻬﻢ ﻭﺍﻓﻲ .. ﻧﺰﻝ ﻣﻌﻬﻢ ﺑﺤﺠﺖ ﺍﻥ ﻫﻮ
ﻳﺒﻲ ﻳﺘﻤﺸﻰ ﻣﻊ ﺍﺧﺘﻪ ﻋﻠﻴﺎ .. ﺩﻻﻝ ﻛﺎﻧﺖ ﺗﻤﺸﻲ ﺟﻨﺐ ﺳﺠﻰ
ﻭﻋﻠﻴﺎ ﻛﺎﻧﺖ ﺗﻤﺸﻲ ﺟﻨﺐ ﺍﺧﻮﻫﺎ ﻭﺍﻓﻲ ..
ﻭﻛﻠﻤﺎ ﺍﺩﺧﻠﻮ ﻣﺤﻞ ﻳﺪﺧﻞ ﻣﻌﻬﻢ ﺑﺤﺠﺖ ﺍﻥ ﻫﻮ ﻳﺒﻲ ﻳﺨﺘﺎﺭ ﻻﺧﺘﻪ
ﻋﻠﻴﺎ ﻣﻼﺑﺲ ﻋﻠﻰ ﺫﻭﻗﻪ ..
ﺩﺍﺧﻞ ﺍﻟﻤﺤﻞ ..
ﺩﻻﻝ ﻛﺎﻥ ﻓﻜﺮﻫﺎ ﻣﻮ ﻣﻌﻬﺎ .. ﻭﺑﺎﻟﻬﺎ ﻣﻮ ﻓﻲ ﺍﻟﺘﺴﻮﻕ .. ﻣﻦ ﺩﺧﻠﻮ
ﺍﻟﻤﺠﻤﻊ ﻣﺎ ﺷﺮﺕ ﺷﻲﺀ ﻣﺎﻫﻲ ﻋﺎﺭﻓﻪ ﺗﺸﺘﺮﻱ
ﺳﺠﻰ ﻭﻫﻲ ﺗﻬﺰ ﻛﺘﻒ ﺩﻻﻝ ﺍﻟﻲ ﻛﺎﻧﺖ ﻭﺍﻗﻔﻪ ﺳﺮﺣﺎﻧﻪ ﺗﻨﺎﻇﺮ ﻓﻲ
ﻭﺍﻓﻲ ﺍﻟﻲ ﻳﺴﻮﻟﻒ ﻣﻊ ﻋﻠﻴﺎ : ﺩﻻﻝ .. ﺩﻻﻝ
ﺩﻻﻝ ﺗﻨﻬﺪﺓ ﻭﻟﺘﻔﺘﺖ ﻋﻠﻰ ﺳﺠﻰ : ﻭﺵ ﺑﻘﻴﺘﻲ
ﺳﺠﻰ : ﺳﻼﻣﺘﻚ .. ( ﻛﻤﻠﺖ ﻭﻫﻲ ﺗﺮﻓﻊ ﻟﺒﻠﻮﺯﻩ ﺍﻟﻲ ﻓﻲ ﻳﺪﻫﺎ ) :
ﻭﺵ ﺭﺍﻳﻚ ﻓﻲ ﻫﺬﻱ ﺣﻠﻮﻩ
ﺩﻻﻝ ﺍﺭﻓﻌﺖ ﻋﻴﻨﻬﺎ ﺗﻨﺎﻇﺮ ﻓﻲ ﻭﺍﻓﻲ ﻭﻫﻲ ﺗﻘﻮﻝ ﺑﺼﻮﺕ ﻭﺍﻃﻲ :
ﺃﻱ ﺗﺠﻨﻦ
ﺳﺠﻰ .. ﻗﺮﺑﺖ ﻣﻨﻬﺎ ﺍﻛﺜﺮ .. ﻭ ﺑﺼﻮﺕ ﺍﺷﺒﻪ ﺑﺎﻟﻬﻤﺲ : ﺍﻧﺎ ﻋﺎﺭﻓﻪ
ﺍﻧﻪ ﻳﺠﻨﻦ
ﺍﻟﺘﻔﺖ ﺩﻻﻝ ﻋﻠﻰ ﺳﺠﻰ ﺑﺮﺗﺒﺎﻙ : ﺳﺠﻰ ﺍﺷﻮﻑ ﻟﺒﻠﻮﺯﻩ ﺍﻟﻲ ﻓﻲ ﻳﺪﻙ
.. ﺃﻱ ﻭﺍﻟﻠﻪ ﺣﻠﻮﻭﻩ
ﺳﺠﻰ ﺍﺑﺘﺴﻤﺖ ﻋﻠﻰ ﺗﺼﺮﻳﻔﺖ ﺩﻻﻝ
ﻗﺮﺑﺖ ﻋﻠﻴﺎ ﻣﻦ ﺍﻟﺒﻨﺎﺕ ﺑﻌﺪ ﻣﺎ ﺭﺍﺡ ﻭﺍﻓﻲ ﻳﺤﺎﺳﺐ ﻋﻠﻰ ﺍﻟﺒﻼﻳﺰ ﺍﻟﻲ
ﺍﺧﺘﺎﻫﻢ ﻟﻬﺎ .. ﻋﻠﻴﺎ ﺗﺤﺲ ﺑﺮﺍﺣﻪ ﻻﻥ ﺍﺧﻮﻫﺎ ﻭﺍﻓﻲ ﻣﻌﻬﺎ ﻭﻻﻧﻬﺎ ﻣﻦ
ﺯﻣﺎﻥ ﻣﺎ ﺭﺍﺣﺖ ﺍﻟﺴﻮﻕ ﺗﺘﺴﻮﻕ .. ﻭﺍﻓﻲ ﺣﺎﻟﻒ ﺍﻥ ﻛﻞ ﻣﺤﻞ
ﻳﺪﺧﻠﻮﻥ ﻓﻴﻪ ﻻﺯﻡ ﻳﺸﺘﺮﻱ ﻟﻬﺎ ﻣﻨﻪ ﻋﻠﻰ ﺫﻭﻗﻪ ..
ﻋﻠﻴﺎ : ﻋﺠﺒﻜﻢ ﺷﻲﺀ
ﺳﺠﻰ ﺑﺒﺘﺴﺎﻣﻪ : ﺃﻱ ﻭﺍﻟﻠﻪ ﺍﻟﻤﺤﻞ ﻓﻲ ﺍﺷﻴﺎﺀ ﺣﻠﻮﻩ .. ﺑﺲ ﻣﺸﻜﻠﻪ
ﺍﻟﻲ ﺑﺎﻟﻬﺎ ﻣﻮ ﻣﻌﻨﺎ ( ﺗﻘﺼﺪ ﺩﻻﻝ ) .. ﺍﻧﺘﻲ ﺷﺮﻳﺘﻲ ﺷﻲﺀ
ﻋﻠﻴﺎ ﺑﺒﺘﺴﺎﻣﻪ : ﺍﻳﻮﻩ .. ﺷﺮﻳﺖ ﺑﻠﻮﺯﺗﻴﻦ ﻭﺑﻨﻄﻠﻮﻥ
ﻗﺮﺏ ﻭﺍﻓﻲ ﻣﻦ ﺍﻟﺒﻨﺎﺕ ﻭﻫﻮ ﺣﺎﻣﻞ ﺑﻴﺪﻩ ﺍﻻﻛﻴﺎﺱ ..
ﻭﺍﻓﻲ ﺑﺒﺘﺴﺎﻣﻪ : ﻫﺎ ﺧﻠﺼﺘﻮ .. ( ﻛﻤﻞ ﻭﻫﻮ ﻳﻨﺎﻇﺮ ﻓﻲ ﺩﻻﻝ ) ﺗﺮﻯ
ﺍﺫﺍ ﺗﺒﻮﻥ ﺍﺳﺎﻋﺪﻛﻢ ﻭﺍﺧﺘﺎﺭ ﻟﻜﻢ ﻋﻠﻰ ﺫﻭﻗﻲ ﻣﺎ ﻋﻨﺪﻱ ﻣﺸﻜﻠﻪ
ﺑﻌﺪ ﻣﺎ ﺧﻠﺼﻮ ﻣﻦ ﺍﻟﻤﺤﻞ .. ﺍﻃﻠﻌﻮ ﻣﻨﻪ ..
ﺳﺠﻰ ﺍﻟﺘﻔﺖ ﻋﻠﻰ ﺩﻻﻝ ﻭﻫﻢ ﻳﻤﺸﻮﻥ : ﺩﻟﻮﻝ ﺧﻠﻴﻨﺎ ﻧﺪﺧﻞ ﻫﺬﺍ
ﺍﻟﻤﺤﻞ .. ﺍﻟﻲ ﺍﻣﺲ ﻣﺎ ﻛﻔﺎﻧﺎ ﺍﻟﻮﻗﺖ ﻧﺪﺧﻞ
ﺩﻻﻝ : ﻳﺎﻟﻠﻪ
ﻋﻨﺪ ﺑﺎﺏ ﺍﻟﻤﺤﻞ ( ﻣﺤﻞ ﺍﻟﻤﻼﺑﺲ ﺍﻟﺪﺍﺧﻠﻴﻪ ) ﻗﺒﻞ ﻻ ﻳﺪﺧﻠﻮﻥ ..
ﺗﻮﻗﻔﻮ ﺍﻟﺒﻨﺎﺕ ﻭﻧﺎﻇﺮﻭ ﻓﻲ ﻭﺍﻓﻲ ﺍﻟﻲ ﻛﺎﻥ ﺑﻴﺪﺧﻞ ﻣﻌﻬﻢ ..
ﺳﺠﻰ ﻭﻫﻲ ﺗﻨﺎﻇﺮ ﻓﻲ ﻋﻤﻬﺎ : ﻋﻤﻲ ﻋﻠﻰ ﻭﻳﻦ
ﻭﺍﻓﻲ : ﻳﻌﻨﻲ ﺷﻨﻮ ﻋﻠﻰ ﻭﻳﻦ .. ﺑﺪﺧﻞ ﻣﻌﻜﻢ
ﺳﺠﻰ ﺑﺴﺘﻐﺮﺍﺏ : ﺑﺘﺪﺧﻞ ﻣﻌﻨﺎ ﻫﺬﺍ ﺍﻟﻤﺤﻞ .. ﻻ ﻣﻤﻨﻮﻉ ﺩﺧﻮﻝ
ﺍﻟﺮﺟﺎﻝ
ﻭﺍﻓﻲ : ﻣﻦ ﻗﺎﻝ .. ﻭﺍﻟﻲ ﻳﺒﻴﻊ ﺩﺍﺧﻞ ﻣﻮ ﺭﺟﺎﻝ
ﺳﺠﻰ : ﺭﺟﺎﻝ .. ﻫﻨﺪﻱ ﻭﺍﻟﻬﻨﺪﻱ ﻣﺎ ﻳﻔﻜﺮ
ﻭﺍﻓﻲ ﺑﺴﺘﻬﺒﺎﻝ : ﻭﻣﻦ ﻗﺎﻝ ﻟﻜﻢ ﺍﻧﻲ ﺍﻓﻜﺮ
ﻛﺎﻧﺖ ﺩﻻﻝ ﻭﺍﻗﻔﻪ ﺟﻨﺐ ﺳﺠﻰ ﻭﺗﻨﺎﻇﺮ ﻓﻲ ﻭﺍﻓﻲ ﻭﺗﺤﺎﻭﻝ ﺗﻜﺘﻢ
ﺿﺤﻜﺘﻬﺎ ( ﻭﺭﺑﻲ ﻳﺠﻨﻦ )
ﻋﻠﻴﺎ ﺿﺤﻜﺖ ﺑﺼﻮﺕ ﻋﺎﻟﻲ ﻋﻠﻰ ﺍﺧﻮﻫﺎ ﻭﺍﻓﻲ : ﻫﻬﻬﻬﻬﻬﻬﻬﻪ
ﺳﺠﻰ ﻭﺩﻻﻝ ﻇﻠﻮ ﻳﻨﺎﻇﺮﻭﻥ ﻓﻲ ﻋﻠﻴﺎ ﺍﻟﻲ ﻛﺎﻧﺖ ﺗﻀﺤﻚ ﺑﺼﻮﺕ
ﻋﺎﻟﻲ .. ﺍﻭﻝ ﻣﺮﻩ ﻳﺴﻤﻌﻮﻧﻬﺎ ﺗﻀﺤﻚ
ﻋﻠﻴﺎ ﺑﺒﺘﺴﺎﻣﻪ : ﺧﻼﺹ ﺍﻧﺘﻮ ﺩﺧﻠﻮ .. ﻭﺍﻧﺎ ﺑﺠﻠﺲ ﻣﻊ ﺍﺧﻮﻱ ﻭﺍﻓﻲ
ﻧﺘﻈﺮﻛﻢ
ﻭﺍﻓﻲ ﺑﺒﺘﺴﺎﻣﻪ : ﻻ ﻻﺯﻡ ﺗﺪﺧﻠﻴﻦ ﻣﻌﻬﻢ .. ﻳﺎﻟﻠﻪ ﺩﺧﻠﻮ .. ﻭﺍﻧﺎ
ﺑﺠﻠﺲ ﺍﺳﺘﻨﺎﻛﻢ ﻫﻨﺎ .. ﻻ ﺗﻄﻮﻟﻮﻥ
ﺗﻮﻫﻢ ﺍﻟﺒﻨﺎﺕ ﺑﺪﺧﻠﻮﻥ ﺍﻟﻤﺤﻞ ﺍﺳﺘﻮﻗﻔﻬﻢ ﺻﻮﺕ ﻭﺍﻓﻲ ..
ﻭﺍﻓﻲ ﺑﺒﺘﺴﺎﻣﻪ : ﻋﻠﻴﺎ .. ﺍﺫﺍ ﺗﺒﻴﻦ ﺷﻲﺀ ﻧﺎﺩﻳﻨﻲ .. ﺍﻧﺎ ﺟﺎﻟﺲ ﺣﻨﺎ
..
ﺭﺍﺡ ﻭﺍﻓﻲ ﻭﺟﻠﺲ ﻋﻠﻰ ﺍﻟﻜﺮﺳﻲ ﺍﻟﻤﻘﺎﺑﻞ ﻟﺒﻮﺍﺑﺖ ﺍﻟﻤﺤﻞ ﺍﻟﻲ ﺍﺩﺧﻠﻮ
ﻓﻴﻪ ﺍﻟﺒﻨﺎﺕ ..
ﺩﺍﺧﻞ ﺍﻟﻤﺤﻞ ..
ﺍﻭﻝ ﻣﺎ ﺩﺧﻠﺖ ﺩﻻﻝ ﺍﻟﻤﺤﻞ ﻣﺎ ﻗﺪﺭﺕ ﺗﻤﺴﻚ ﺿﺤﻜﺘﻬﺎ ..
ﺩﻻﻝ ﻭﺗﻀﺤﻚ ﻣﻦ ﻗﻠﺐ : ﻫﻬﻬﻬﻬﻬﻬﻬﻬﻪ ﻫﻬﻬﻬﻬﻬﻬﻬﻪ ﻫﻬﻬﻬﻪ
ﺳﺠﻰ ﺍﻟﺘﻔﺘﺖ ﻋﻠﻰ ﺩﻻﻝ ﺍﻟﻲ ﻣﻴﺘﻪ ﻣﻦ ﺍﻟﻀﺤﻚ : ﻋﻼﻣﻚ ﺗﻀﺤﻜﻴﻦ
ﺩﻻﻝ ﺑﺒﺘﺴﺎﻣﻪ : ﻻ ﺳﻼﻣﺘﻚ .. ﺑﺲ ﺗﺬﻛﺮﺕ ﺷﻲﺀ
ﺳﺠﻰ ﺑﺒﺘﺴﺎﻣﻪ : ﻳﺎﻟﻠﻪ ﺩﻟﻮﻝ ﻫﺬﺍ ﻭ ﻃﻠﻌﻨﺎﻩ ﻣﻦ ﺍﻟﻤﺤﻞ .. ﺭﻛﺰﻱ
ﻣﻌﻲ ﺷﻮﻱ ﻭﺍﺧﺘﺎﺭﻱ ﺷﻲﺀ ﺣﻠﻮ ﻻﻧﻔﺎﻝ
ﺩﻻﻝ : ﻃﻴﺐ ﻭﺵ ﺭﺍﻳﻚ ﻓﻲ ﺭﻭﺏ ﺍﻟﻨﻮﻡ ﺍﻻﺣﻤﺮ ﻣﻮ ﻳﺠﻨﻦ
ﻛﺎﻥ ﻭﺍﻓﻲ ﺟﺎﻟﺲ ﻋﻠﻰ ﺍﻟﻜﺮﺳﻲ ﻭﻋﻴﻮﻧﻪ ﻣﺜﺒﺘﻪ ﻋﻠﻰ ﺍﻟﻤﺤﻞ ﺍﻟﻲ
ﻗﺪﺍﻣﻪ .. ﻳﺪﻭﺭ ﻋﻠﻰ ﺣﺠﻪ ﻋﻠﺸﺎﻥ ﻳﺪﺧﻞ ﻣﻌﻬﻢ ..
ﺳﻤﻊ ﺻﻮﺕ ﺍﺣﺪ ﻳﻨﺎﺩﻳﻪ ﻣﻦ ﺍﻟﺨﻠﻒ .. ﻭﺍﻟﺼﻮﺕ ﻣﺄﻟﻮﻑ ﻟﻪ .. ﻋﻠﻰ
ﻃﻮﻝ ﺍﻟﺘﻔﺖ .. ﻭﺗﻔﺎﺟﺎ ﻟﻤﺎ ﺷﺎﻑ ﻏﺎﺯﻱ ﻗﺪﺍﻣﻪ
ﻏﺎﺯﻱ ﺑﺒﺘﺴﺎﻣﻪ : ﻫﻼﺍﺍ ﻭﺍﻓﻲ .. ﺷﺨﺒﺎﺭﻙ ؟
ﻭﺍﻓﻲ ﻣﺘﻔﺎﺟﺄ : ﻏﺎﺯﻱ .. ﻭﺵ ﺗﺴﻮﻱ ﻫﻨﺎ
ﻏﺎﺯﻱ ﺑﺒﺘﺴﺎﻣﻪ : ﺍﺩﻭﺭ ﻋﻠﻴﻚ
ﻭﺍﻓﻲ ﺑﺴﺘﻐﺮﺍﺏ : ﺗﺪﻭﺭ ﻋﻠﻲ .. ( ﺍﻟﺘﻔﺖ ﻭﻧﺎﻇﺮ ﺍﻟﻤﺤﻞ ﺍﻟﻲ ﻓﻴﻪ
ﺍﻟﺒﻨﺎﺕ .. ﻭﺑﺴﺮﻋﻪ ﺍﻟﺘﻔﺖ ﻋﻠﻰ ﻏﺎﺯﻱ .. ﻭﺑﺤﺮﻛﻪ ﺳﺮﻳﻌﻪ ﻣﺴﻚ ﻳﺪﻩ
ﻭﻛﻤﻞ ) .. ﻏﺎﺯﻱ ﺗﻌﺎﻝ ﻧﺘﻤﺸﻰ
ﻏﺎﺯﻱ ﻭﻫﻮ ﻳﻤﺸﻲ ﺟﻨﺐ ﻭﺍﻓﻲ : ﻭﻳﻦ ﻋﻠﻴﺎ
ﺗﻮﻗﻒ ﻭﺍﻓﻲ ﻭﻧﺎﻇﺮ ﻓﻲ ﻏﺎﺯﻱ ﺑﺴﺘﻐﺮﺍﺏ : ﺍﻧﺖ ﻣﻦ ﻗﺎﻝ ﻟﻚ ﺍﻥ ﻫﻨﺎ
ﻫﻴﻨﺎ
ﻏﺎﺯﻱ : ﺩﻗﻴﺖ ﻋﻠﻴﻚ ﻣﺎ ﺭﺩﻳﺖ ﻋﻠﻲ .. ﻗﻤﺖ ﺩﻗﻴﺖ ﻋﻠﻰ
ﻋﺒﺪﺍﻟﺮﺣﻤﻦ ﻭﻗﺎﻝ ﺍﻧﻚ ﻣﻊ ﻋﻠﻴﺎ ﻫﻨﺎ