الفصل 31
... : ﺗﺪﺭﻱ ﻭﺵ ﺍﺻﻌﺐ ﺷﻲﺀ ﺍﻧﻚ ﺗﻔﻜﺮ ﺑﻌﻘﻠﻚ ﻭﺍﻧﺖ ﻓﻲ ﻭﺳﻂ
ﺍﻟﺤﺰﻥ .. ﻣﻬﻤﺎ ﻛﺎﻥ ﻣﺴﺘﻮﻯ ﺗﻔﻜﻴﺮﻙ ﻭﻛﺒﺮ ﻋﻘﻠﻚ ﻭﻣﻬﻤﺎ ﺑﻠﻐﺖ
ﺍﻟﻘﻤﻢ ﻭﺍﻋﻠﻰ ﺍﻟﻤﺮﺍﺗﺐ ﻋﻘﻠﻚ ﺭﺍﺡ ﻳﻈﻞ .. ﺿﻌﻴﻒ .. ﺍﻣﺎﻡ
ﻛﻤﻴﺎﺋﻴﺎﺕ ﺍﻟﺤﺰﻥ ﺍﻟﻲ ﺗﺘﻔﺎﻋﻞ ﺑﺪﺍﺧﻠﻚ ﻋﺎﺟﺰ ﻋﻦ ﻓﻬﻢ ﻣﺮﻛﺒﺎﺗﻬﺎ
ﻭﻃﺮﻳﻘﺔ ﺗﻜﻮﻳﻨﻬﺎ .. ﺍﻟﺤﺰﻥ ﻣﺜﻞ ﺍﻟﻔﺎﻳﺮﺱ ﺍﻟﻲ ﺍﺫﺍ ﺿﺮﺏ ﺑﺎﻟﻌﻘﻞ
ﻳﻌﻤﻞ ﻣﺴﺢ ﻛﺎﻣﻞ ﻟﻘﺎﻋﺪﺓ ﺍﻟﺒﻴﺎﻧﺎﺕ ﻭﻳﻠﺨﺒﻂ ﺍﻟﻤﻌﻠﻮﻣﺎﺕ ﻭﻳﻬﺰ
ﺻﻨﺪﻭﻕ ﺍﻟﺬﻛﺮﻯ ﻭﺗﻌﻴﺶ ﺑﺒﻘﺎﻳﺎ ﻋﻘﻞ .. ( ﺍﺳﺘﻨﺸﻖ ﻛﻤﻴﻪ ﻣﻦ ﺍﻟﻬﻮﺍﺀ
ﺍﻟﻤﺤﻤﻞ ﺑﺮﺍﺋﺤﺔ ﺍﻟﺒﺤﺮ ﻭﺍﻛﻤﻞ ) .. ﺗﺼﺪﻕ ﻋﺸﺖ ﻓﻲ ﺍﻟﺪﻧﻴﺎ ﻛﺜﻴﺮ
ﻭﺍﻧﺤﻄﻴﺖ ﺑﻤﻮﺍﻗﻒ ﺍﻧﻔﺮﺿﺖ ﻋﻠﻲ ﻭﺗﻌﺎﻳﺸﺖ ﻣﻌﻬﺎ ﺍﻛﺘﺴﺒﺖ
ﻣﻌﻠﻮﻣﺎﺕ ﻭﺧﺒﺮﺍﺕ .. ﻣﺮﻳﺖ ﺑﺤﺎﻻﺕ ﺍﺣﺒﺎﻁ ﻟﻜﻨﻬﺎ ﻣﺎ ﺍﺛﺮﺕ ﻓﻴﻨﻲ
ﻛﺜﻴﺮ .. ﻟﺤﻈﺎﺕ ﻣﺮﺕ ﻋﻠﻲ ﺣﺴﻴﺖ ﺍﻧﻲ ﻓﺎﻫﻢ ﺍﻟﺪﻧﻴﺎ ﻣﻀﺒﻮﻁ
ﻭﺷﺎﻣﻞ ﻛﻞ ﺟﻮﺍﻧﺒﻬﺎ .. ﻭﻓﺨﻮﺭ ﺑﻠﻲ ﺣﻘﻘﺘﻪ ﻭﻣﺴﺘﻌﺪ ﺍﻭﺍﺻﻞ
ﺑﺎﻟﺼﻌﻮﺩ .. ﻟﻜﻦ ﺍﺣﻴﺎﻧﺎ ﺍﻻﻗﻲ ﻧﻔﺴﻲ ﺗﺎﺭﻙ ﺍﻟﻌﺎﻟﻢ ﻣﻦ ﺣﻮﻟﻲ
ﻭﻣﻨﻌﺰﻝ ﻓﻲ ﺯﺍﻭﻳﺎ ﺍﻓﻜﺮ ﻓﻲ ﺍﺟﺎﺑﺎﺕ ﻟﺘﺴﺎﺋﻼﺕ ﻏﺒﻴﻪ ﺗﺪﻭﺭ ﻓﻲ ﺑﺎﻟﻲ
ﻣﻦ ﻏﺒﺎﻭﺕ ﺍﻻﺳﺄﻟﻪ ﻣﺤﺪ ﺑﻀﻴﻊ ﻭﻗﺖ ﺑﺎﻻﺟﺎﺑﻪ ﻋﻠﻴﻬﺎ .. ﻟﻴﻪ ﻣﺴﺎﺣﺔ
ﺍﻟﺒﺤﺮ ﺍﻛﺒﺮ ﻣﻦ ﺍﻟﻴﺎﺑﺲ ! ﻟﻴﻪ ﺣﻨﺎ ﻣﺎﻧﻘﺪﺭ ﻧﻠﻤﺲ ﺍﻟﺴﻤﺎ !
ﻭﻟﻴﻪ ﺍﻻﺣﻼﻡ ﻓﻲ ﻟﺤﻈﺔ ﺗﻤﻮﺕ !
ﻗﺎﻃﻌﻪ ﻭﺍﻓﻲ ﺑﻬﺪﻭﺀ : ﻻﻥ ﻛﻞ ﺷﻲﺀ ﺑﻬﺬﺍ ﺍﻟﻜﻮﻥ ﻟﻪ ﻧﻬﺎﻳﻪ
ﻣﺸﺎﺭﻱ ﺑﺤﺰﻥ : ﺑﺲ ﺍﺣﻼﻣﻲ ﺗﻮﻫﺎ ﺑﺎﻟﻤﻬﺪ .. ﻣﺎ ﺑﺘﺪﺕ ﺣﺘﻰ ﺗﻤﻮﺕ
ﻭﺍﻓﻲ ﻭﻫﻮ ﻳﺘﺄﻣﻞ ﻭﺟﻪ ﻣﺸﺎﺭﻱ ﺍﻟﺤﺰﻳﻦ : ﻛﻴﻒ ﻋﺮﻓﺖ ﺍﻧﻬﺎ ﻣﺎ ﺗﺖ
.. ﻳﻤﻜﻦ ﻫﻲ ﻓﻲ ﻓﺘﺮﺓ ﺳﻜﻮﻥ
ﻟﺤﻈﺎﺕ ﺻﻤﺖ ﻣﺮﺓ ﺑﻴﻦ ﺍﻻﺛﻨﻴﻦ ﺍﻟﺠﺎﻟﺴﻴﻦ ﺑﺎﻟﻘﺮﺏ ﻣﻦ ﺍﻟﺒﺤﺮ ﻋﻠﻰ
ﺍﺣﺪﻯ ﺷﻮﺍﻃﻰﺀ ﺍﻟﺠﺒﻴﻞ ﺍﻟﻬﺎﺩﻯﺀ ﻭﺍﻟﺨﺎﻟﻴﻪ ﻣﻦ ﺍﻟﻨﺎﺱ .. ﻋﻴﻮﻧﻬﻢ
ﺗﺘﺎﻣﻞ ﺍﻟﺒﺤﺮ .. ﻭﺍﻧﻔﺴﻬﻢ ﺗﺤﻤﻞ ﺍﻟﻜﺜﻴﺮ ﻟﻘﺪ ﻣﺮ ﻋﻠﻰ ﺟﻠﻮﺳﻬﻢ
ﺣﻮﺍﻟﻲ ﻧﺼﻒ ﺳﺎﻋﻪ .. ﻭﺍﻟﻜﻠﻤﺎﺕ ﺗﻠﻒ ﻭﺗﻠﻒ ﺣﻮﻝ ﺩﺍﺋﺮﺓ ﺑﻼ ﻣﺪﺧﻞ
ﺍﻭ ﺗﻨﺘﻈﺮ ﺍﻻﺷﺎﺭﻩ ﺑﺎﻟﺪﺧﻮﻝ .. ﻣﻌﺮﻛﻪ ﻓﻲ ﻭﺳﻂ ﻣﻌﺮﻛﻪ .. ﺍﻣﻮﺟﺎ
ﻫﺎﺩﺀﻩ ﻓﻲ ﺍﻟﻮﺍﻗﻊ .. ﻭﻫﺎﺋﺠﻪ ﻓﻲ ﺍﻟﺨﻔﺎﺀ .. ﺗﺘﺴﺎﺭﻉ ﺍﻻﻣﻮﺍﺝ
ﻭﺗﻀﺮﺏ ﻓﻲ ﺻﺨﻮﺭ ﺍﻟﺤﺰﻥ ﻟﻌﻠﻬﺎ ﺗﺤﻮﻟﻬﺎ ﺍﻟﻰ ﻓﺘﺎﺕ ﻭﺗﺄﺧﺬﻩ ﺍﻟﻰ
ﺍﻋﻤﺎﻕ ﺍﻟﻤﺤﻴﻂ ..
ﺭﻓﻊ ﺭﺍﺳﻪ ﻭﺍﻓﻲ ﻭﻧﺎﻇﺮ ﻗﺮﺹ ﺍﻟﺸﻤﺲ ﺍﻟﻲ ﺍﺧﺬ ﻣﻮﻗﻌﻬﺎ ﻓﻲ ﻭﺳﻂ
ﺍﻟﺴﻤﺎﺀ ..
ﻭﺍﻓﻲ ﺑﺼﻮﺕ ﻭﺍﻃﻲ : ﻭﺵ ﻗﻤﺔ ﺍﻟﺤﺰﻥ ﺑﻨﺴﺒﻪ ﻟﻚ
ﻣﺸﺎﺭﻱ ﺑﻨﺒﺮﻩ ﻣﺨﻨﻮﻗﻪ : ﻳﺎﻟﻴﺖ ﻟﺤﺰﻧﻲ ﻗﻤﻪ ﻛﺎﻥ ﺍﺭﺗﺎﺡ .. ﻫﺬﻱ ﻗﻤﻪ
ﺍﻟﺤﺰﻥ ﻭﻫﺬﺍ ﺍﻋﻠﻰ ﻣﺎ ﻭﺻﻠﻪ .. ﻟﻜﻨﻲ ﺍﺣﺲ ﻧﻔﺴﻲ ﺍﺗﺴﻠﻖ ﺟﺒﻞ
ﺍﻟﺤﺰﻥ ﻭﻣﺎﻧﻲ ﻭﺍﺻﻞ ﻟﻠﻘﻤﻪ ﻭﻛﻞ ﻣﺎ ﺯﺩﺕ ﻓﻲ ﺍﻟﺼﻌﻮﺩ ﺍﺧﺘﻔﺖ
ﺍﻻﺭﺽ ﻣﻦ ﺗﺤﺘﻲ ﻭﺍﻟﻀﺒﺎﺏ ﺍﻻﺳﻮﺩ ﻳﺤﺠﺐ ﺍﻟﺮﺋﻴﻪ ﻭﺍﻟﻘﻲ ﻧﻔﺴﻲ
ﻣﻌﻠﻖ ﻻﻧﻲ ﻃﺎﻳﻞ ﺍﻻﺭﺽ ﻭﻻﻧﻲ ﻭﺍﺻﻞ ﻟﻠﻘﻤﻪ
( ﻟﺤﻈﺔ ﺻﻤﺖ ) .. ﻛﺎﻧﺖ ﻓﻴﻬﺎ ﺍﻟﻌﻴﻮﻥ ﺗﺘﺎﻣﻞ ﺍﻟﺒﺤﺮ ..
ﻭﻓﺠﺄﻩ ..ﺍﻧﺴﺤﺒﺖ ﺧﻴﻮﻁ ﺍﻟﺼﻤﺖ ﺑﻌﻴﺪﺍ .. ﺍﻣﺎﻡ ﺿﺤﻜﺎﺕ ﻭﺍﻓﻲ
ﺍﻟﺘﻲ ﻋﻠﺖ
ﻭﺍﻓﻲ : ﻫﻬﻬﻬﻬﻬﻬﻬﻬﻬﻬﻬﻪ ﻫﻬﻬﻬﻬﻬﻬﻬﻬﻬﻬﻬﻬﻪ ﻫﻬﻬﻬﻬﻪ
ﻣﺸﺎﺭﻱ ﺍﻟﺘﻔﺖ ﻋﻠﻰ ﻋﻤﻪ ﻭﺍﻓﻲ ﻭﺟﻠﺲ ﻳﻨﺎﻇﺮ ﻓﻴﻪ ﺑﻨﻈﺮﺍﺕ
ﺍﺳﺘﻐﺮﺍﺏ .. ﻭﻭﺍﻓﻲ ﻣﺎ ﺯﺍﻝ ﻏﺎﺭﻕ ﻓﻲ ﺿﺤﻚ
ﻭﺍﻓﻲ ﻟﻤﺎ ﺷﺎﻑ ﻧﻈﺮﺍﺕ ﻣﺸﺎﺭﻱ ﻟﻪ .. ﻭﻗﻒ ﺿﺤﻚ ﻭﻏﻔﻞ ﻓﻤﻪ
ﺑﺒﺘﺴﺎﻣﻪ ..
ﻣﺸﺎﺭﻱ ﺑﺸﻮﻳﺖ ﻋﺼﺒﻴﻪ : ﻣﺎ ﺍﺷﻮﻑ ﻓﻲ ﻛﻼﻣﻲ ﺷﻲﺀ ﻳﺴﺘﺪﻋﻲ
ﺍﻟﻀﺤﻚ
ﻭﺍﻓﻲ ﺑﺒﺘﺴﺎﻣﻪ : ﻋﺎﺭﻑ .. ﻭﺍﺳﻔﻪ ﻏﺼﺐ ﻋﻨﻲ .. ﺧﻼﺹ ﻭﻻ ﻳﻬﻤﻚ
ﻧﺸﻴﻞ ﺑﻌﺪﻳﻦ ﺍﻟﻀﺤﻜﻪ ﺑﺎﻟﻤﻨﺘﺎﺝ ﻗﺒﻞ ﻻ ﻧﻌﺮﺽ ﺍﻟﻔﻠﻢ
ﻣﺸﺎﺭﻱ ﻧﺎﻇﺮ ﻋﻤﻪ ﺑﻨﻈﺮﺍﺕ ﻋﺘﺎﺏ ..
ﻭﺍﻓﻲ : ﻳﺎ ﺍﺧﻲ ﺻﺎﺭ ﻟﻨﺎ ﺳﺎﻋﻪ ﺟﺎﻟﺴﻴﻦ ﻫﻨﺎ .. ﺍﺻﺒﻐﺘﻨﺎ ﺍﻟﺸﻤﺲ
ﺑﺎﺳﻮﺩ .. ﻭﺍﻧﺖ ﻛﻼﻣﻚ ﻛﻼﻡ ﺍﻓﻼﻡ ﻭﻛﺘﺐ ﻓﻲ ﺍﻟﺒﺪﺍﻳﻪ ﻗﻠﺖ ﺧﻠﻴﻨﻲ
ﺍﺟﺎﺭﻳﻪ .. ﻭﻧﺪﺧﻞ ﻓﻲ ﺟﻮﺍ ﺍﻻﻓﻼﻡ .. ﺍﺟﻴﻚ ﻳﻤﻴﻦ ﺍﺟﻴﻚ ﺷﻤﺎﻝ
ﺍﺑﻴﻚ ﺗﺪﺧﻞ ﺑﺎﻟﻤﻮﺿﻮﻉ .. ﺍﺑﻲ ﺍﺳﻤﻊ ﺷﻲ ﻓﺎﻫﻤﻪ .. ﺷﻲﺀ ﻣﻦ
ﻣﺴﺮﺡ ﺍﻟﻮﺍﻗﻊ ﻭﺍﻧﺖ ﻣﺎ ﺯﻟﺖ ﻓﻲ ﺳﻴﻨﺎﺭﻳﻮ ﺍﻟﻔﻠﻢ
ﻣﺸﺎﺭﻱ ﺑﺴﺘﺴﻼﻡ : ﻋﻤﻲ ﺍﻣﻲ ﺗﺒﻲ ﺗﺨﻄﺐ ﻟﻲ ﺑﻨﺖ ﺧﺎﻟﻲ ﻧﻮﺭﻩ
ﺍﻟﺘﻔﺖ ﻭﺍﻓﻲ ﻋﻠﻰ ﻣﺸﺎﺭﻱ ﻭﻧﺎﻇﺮ ﻓﻴﻪ ﻛﺎﻧﻪ ﻳﺒﻲ ﻳﺘﺄﻛﺪ ﺍﺫﺍ ﻛﻼﻣﻪ
ﻫﺬﺍ ﻣﻮ ﻣﺰﺣﻪ : ﻟﻴﻪ .. ﻭﺳﺠﻰ
ﻣﺸﺎﺭﻱ : ﺍﻩ ﻳﺎ ﻋﻤﻲ .. ﺟﺒﺘﻬﺎ ﻋﻠﻰ ﺍﻟﻮﺗﺮ ﺍﻟﻤﺄﻟﻢ .. ﺍﻣﻲ ﻣﻦ
ﻓﺎﺗﺤﺘﻬﺎ ﺑﺎﻟﻤﻮﺿﻮﻉ ﻭﻫﻲ ﻣﻨﻘﻠﺒﻪ ﺗﻔﻜﺮ ﺍﻥ ﺣﻨﺎ ﻧﺒﻲ ﻧﻄﻠﻌﻬﺎ ﻛﺬﺍﺑﻪ
ﻭﻧﺒﻲ ﻧﺴﺘﺮ ﻋﻠﻰ ﺍﻟﻤﻮﺿﻮﻉ ﻋﻠﺸﺎﻥ ﻣﺎ ﺗﺮﻭﺡ ﺗﻌﻠﻢ ﺍﺑﻮﻱ ﻭﻋﻤﻲ ..
ﻭﺻﺎﺭﺕ ﻛﻞ ﺗﺬﻡ ﻓﻲ ﺳﺠﻰ ﻭﻫﺬﻱ ﺍﻟﻔﺘﺮﻩ ﺯﺍﺩﺕ ﻋﻼﻗﺘﻬﺎ ﺑﺨﺎﻟﺘﻲ
ﻧﻮﺭﻩ ﻭﺻﺎﺭﻭ ﻛﻞ ﻳﺠﻮﻥ ﺑﻴﺘﻨﺎ ﻭﻻ ﺍﻣﻲ ﺗﺮﻭﺡ ﻟﻬﻢ .. ﻋﺎﺩ ﺍﻧﺎ ﺳﻜﺮﺕ
ﺍﻟﻤﻮﺿﻮﻉ ﺷﻮﻱ ﻟﻤﻦ ﺗﻬﺪﺃ ﻭﺭﺣﺖ ﻛﻢ ﻳﻮﻡ ﺍﻟﺮﻳﺎﺽ ﻻﻥ ﺻﺎﺭﺕ
ﻣﺸﺎﻛﻞ ﺑﺎﻟﻌﻤﻞ ﻭﺭﺣﺖ ﺍﺷﻮﻑ ﺍﻟﻮﺿﻊ ﻭﻟﻤﺎ ﺭﺟﻌﺖ ﻓﺎﺗﺤﺘﻨﻲ
ﺑﺎﻟﻤﻮﺿﻮﻉ .. ﺍﻥ ﻫﻲ ﺗﺒﻲ ﺗﺰﻭﺟﻨﻲ ﺑﻨﺖ ﺧﺎﻟﺘﻲ
ﻭﺍﻓﻲ ﻭﻣﻨﺪﻣﺞ ﻣﻊ ﻣﺸﺎﺭﻱ : ﻃﻴﺐ ﻟﻴﻪ ﻣﺎ ﻗﻠﺖ ﻟﻬﺎ ﺍﻧﻚ ﺗﺒﻲ ﺑﻨﺖ
ﻋﻤﻚ ﻭﺍﻥ ﺍﻧﺘﻮ ﻣﺤﺠﻮﺯﻳﻦ ﻟﺒﻌﺾ ﻣﻦ ﺯﻣﺎﻥ
ﻣﺸﺎﺭﻱ ﺑﺤﺰﻥ : ﻗﻠﺖ ﻟﻬﺎ .. ﻗﺎﻟﺖ ﻋﺎﺩﻱ ﻫﺬﺍ ﺑﺲ ﺣﺠﺰ ﻣﺎ ﺻﺎﺭ
ﺷﻲﺀ ﻭﻛﺜﻴﺮ ﻧﺎﺱ ﻳﺤﺠﺰﻭﻥ ﻣﺎ ﻳﺘﺰﻭﺟﻮﻥ ﺍﻟﻲ ﺣﺎﺟﺰﻳﻨﻬﺎ ﻭﺑﻌﺪﻳﻦ
ﺳﺠﻰ ﺻﻐﻴﺮﻩ ﺍﻟﻄﺮﻳﻖ ﻗﺪﺍﻣﻬﺎ ﻃﻮﻳﻞ .. ﺍﻣﺎ ﺑﻨﺖ ﺧﺎﻟﺘﻲ ﻫﻲ ﺗﻐﺮﻳﺒﺎ
ﻣﻦ ﺳﻨﻲ ﺍﺻﻐﺮ ﻣﻨﻲ ﻛﻢ ﺷﻬﺮ ﻭﻣﺎﺭﺍﺡ ﺗﻠﻘﻰ ﺍﻟﻰ ﻳﺘﺰﻭﺟﻬﺎ ﻭﻳﺴﺘﺮ
ﻋﻠﻴﻬﺎ .. ﺗﺪﺭﻱ ﻭﺵ ﺍﻟﻤﺼﻴﺒﻪ ﺍﻥ ﺧﺎﻟﺘﻲ ﻭﺯﻭﺟﻬﺎ ﻳﺠﻮﻥ ﻛﻞ ﻳﻮﻡ
ﻳﺘﺮﺟﻮﻥ ﺍﻣﻲ ﻭﺍﺑﻮﻱ .. ﻭﺧﺎﻟﺘﻲ ﻛﻞ ﺗﺪﻕ ﻋﻠﻲ ﻭﺗﺒﻜﻲ ﻋﻠﻰ ﺑﻨﺘﻬﺎ
ﺍﻟﻲ ﻣﺎ ﻟﻬﺎ ﺍﺣﺪ ﻭﻻ ﺍﺣﺪ ﺑﻀﻤﻬﺎ ﺍﺫﺍ ﻏﻤﻀﺖ ﻋﻴﻨﻬﺎ ﻭﻣﺎﺗﺖ ..
ﻭﺍﻓﻲ ﺑﺘﺴﺎﺋﻞ : ﻟﻴﻪ ﻫﻲ ﻣﺎ ﻋﻨﺪﻫﺎ ﺍﺧﻮﺍﻥ
ﻣﺸﺎﺭﻱ ﻫﺰ ﺭﺍﺳﻪ ﺑﺎﻟﻨﻔﻲ : ﻟﻼﺳﻒ ﻻ .. ﺧﺎﻟﺘﻲ ﻣﺎ ﺟﺎﺑﺖ ﺍﻟﻲ ﻫﻲ
ﻭﻋﻴﺸﻮﻫﺎ ﻋﻠﻰ ﺍﻟﺪﻻﻝ ﻭﻛﻞ ﺷﻲﺀ ﺗﻄﻠﺒﻪ ﻳﺠﺒﻮﻥ ﻟﻬﺎ ﻭﻛﺎﻥ ﻳﺮﻓﻀﻮﻥ
ﺍﻟﺨﻄﺎﺏ ﺑﺤﺠﺖ ﺍﻧﻬﺎ ﻟﻠﺤﻴﻦ ﺻﻐﻴﺮ ﺍﻭ ﻳﺒﻮﻥ ﻟﻬﺎ ﻭﺍﺣﺪ ﻏﻨﻲ ﻭﻳﻘﺪﺭ
ﻳﻌﻴﺸﻬﺎ ﺑﻌﺰ ﻭﻣﺮﺓ ﺍﻟﺴﻨﻦ ﻭﻗﺎﻣﻮ ﺍﻟﺨﻄﺎﺏ ﻳﻘﻠﻮﻥ ﺑﺎﻟﺘﺪﺭﻳﺞ
ﻭﺍﻓﻲ : ﻳﻌﻨﻲ ﻫﻢ ﺍﻟﺤﻴﻦ ﻳﺒﻮﻧﻚ ﺗﺴﻮﻱ ﻟﻬﻢ ﺧﺪﻣﻪ ﺍﻧﺴﺎﻧﻴﻪ ﻋﻠﻰ
ﺣﺴﺎﺏ ﻣﺸﺎﻋﺮ ﺳﺠﻰ ﻭﻋﻤﻚ
ﻣﺸﺎﺭﻱ ﺑﻀﻴﻘﻪ : ﻋﻤﻲ ﺍﺣﺲ ﺍﻧﻲ ﻣﺨﻨﻮﻕ ﻭﻋﺎﺟﺰ ﻭﻣﺎﻧﻲ ﻗﺎﺩﺭ
ﺍﺳﻮﻱ ﺷﻲﺀ .. ﻣﺎ ﺍﺩﺭﻱ ﻣﻦ ﺍﺳﻤﻊ ﻗﻠﺒﻲ ﻭﻻ ﻋﻘﻠﻲ .. ﺍﻣﻲ ﻭﻻ ﺣﺒﻲ
.. ﺑﻜﺎﺀ ﺧﺎﻟﺘﻲ ﻭﻧﻜﺴﺎﺭﻫﺎ ﻭﻻ ﺍﻫﺎﺗﻲ ﻭﺿﺮﺍﺧﺎﺕ ﺍﻟﺤﺐ ﺑﺪﺍﺧﻠﻲ
ﻭﺍﻓﻲ ﻭﻫﻮ ﻳﺤﻂ ﻳﺪﻩ ﻋﻠﻰ ﻛﺘﻒ ﻣﺸﺎﺭﻱ ﺑﺤﺐ : ﻳﺎ ﻣﺸﺎﺭﻱ ﺗﺮﻯ
ﻛﻠﻨﺎ ﺑﺸﺮ ﻭﺣﻨﺎ ﻣﻮ ﻣﺼﻨﻮﻋﻴﻦ ﻣﻦ ﺣﺪﻳﺪ ﻛﻠﻨﺎ ﻗﺎﺑﻠﻴﻨﻲ ﻟﻠﻜﺴﺮ
ﻭﺍﻟﻀﻌﻒ ﺍﻣﺎﻡ ﺍﻟﺤﺐ .. ﻭﺩﻣﻌﺔ ﺍﻻﻡ .. ﻭﺍﺭﺿﺎﺀ ﻗﺮﻳﺐ ..
ﻭﻣﺴﺎﻋﺪﺓ ﻣﺤﺘﺎﺝ ﺍﺣﻴﺎﻧﺎ ﺗﻜﻮﻥ ﻣﺴﺘﻌﺪ ﺗﺮﺿﻲ ﺍﻟﻜﻞ ﻋﻠﻰ ﺣﺴﺎﺏ
ﻧﻔﺴﻚ ﻭﺍﺣﻴﺎﻧﺎ ﻭﺩﻙ ﺗﺮﺿﻲ ﻧﻔﺴﻚ ﻭﻣﺎ ﻫﻤﻚ ﺍﻟﻜﻞ .. ﺑﺲ ﺍﺣﺐ
ﺍﻗﻮﻟﻚ ﺷﻲﺀ ﻻ ﺗﻤﺸﻲ ﻋﻜﺲ ﺍﻟﺘﻴﺎﺭ ﻻﻧﻚ ﺭﺍﺡ ﺗﺘﻌﺐ
ﻣﺸﺎﺭﻱ : ﻭﺵ ﻗﺼﺪﻙ ﻳﺎ ﻋﻤﻲ ﻳﻌﻨﻲ ﺍﺭﻭﺡ ﺍﺗﺰﻭﺝ ﺑﻨﺖ ﺧﺎﻟﺘﻲ
ﻭﺍﻓﻲ : ﺍﻧﺎ ﻣﺎ ﻗﻠﺖ ﻛﺬﺍ .. ﻳﻌﻨﻲ ﻟﻮ ﺑﺘﺴﺒﺢ ﻋﻜﺲ ﺍﻟﺘﻴﺎﺭ ﺭﺍﺡ
ﻳﺠﻴﻚ ﺍﻟﻤﻮﺝ ﻣﻦ ﻗﺪﺍﻡ .. ﻭﺑﺘﺒﺬﻝ ﺟﻬﺪ ﻛﺒﻴﺮ ﻭﺍﻧﺖ ﺗﺤﺎﻭﻝ ﺗﻜﺴﺮﻩ
.. ﻭﺗﺘﻌﺐ ﻭﺗﻀﻌﻒ ﻭﻟﻤﺎ ﺗﺼﺤﻰ ﺭﺍﺡ ﺗﻼﻗﻲ ﻧﻔﺴﻚ ﻣﻜﺎﻧﻚ ﻣﺎ
ﺗﺤﺮﻛﺔ .. ﺍﺳﺒﺢ ﺑﺘﺠﺎﻩ ﺍﻟﺘﻴﺎﺭ ﻭﺣﺎﻭﻝ ﺗﻜﻮﻥ ﺍﻧﺖ ﺍﻟﻤﺴﻴﻄﺮ ..
( ﻛﻤﻞ ﻭﺍﻓﻲ ﻭﻫﻮ ﻳﻮﻗﻒ ) .. ﻳﺎﻟﻠﻪ ﻗﻮﻡ ﻣﻌﻲ
ﻣﺸﺎﺭﻱ ﻭﻫﻮ ﻳﻮﻗﻒ : ﻭﻳﻦ
ﻭﺍﻓﻲ : ﺧﻠﻨﺎ ﻧﺮﻭﺡ ﻧﺴﺒﺢ
ﻣﺸﺎﺭﻱ ﺑﻨﻈﺮﺕ ﺍﺳﺘﻐﺮﺍﺏ : ﻣﺠﻨﻮﻥ ﻧﺴﺒﺢ ﺑﺬﺍ ﺍﻟﻮﻗﺖ
ﻭﺍﻓﻲ ﺑﺒﺘﺴﺎﻣﻪ : ﻻ ﻗﺼﺪﻱ ﺧﻠﻨﺎ ﻧﺮﻭﺡ ﺍﻟﺪﻣﺎﻡ .. ﺑﻜﻠﻢ ﺍﻣﻚ ﻭﺍﺑﻮﻙ
ﻣﺸﺎﺭﻱ : ﻭﺵ ﺭﺍﺡ ﺗﻘﻮﻝ ﻟﻬﻢ
ﻭﺍﻓﻲ ﺑﺒﺘﺴﺎﻣﻪ : ﺑﻘﻮﻟﻬﻢ ﺍﻧﻲ ﺑﺘﺰﻭﺝ ﺑﻨﺖ ﺧﺎﻟﺘﻚ ﺑﺪﺍﻟﻚ
ﻣﺸﺎﺭﻱ ﺑﻔﺮﺡ : ﺻﺤﻴﺢ ﻭﺍﻟﻠﻪ ﻋﻤﻲ
ﻭﺍﻓﻲ : ﻫﻬﻬﻬﻬﻬﻬﻬﻬﻬﻪ ﺻﺪﻗﺖ ﻳﺎ ﺧﺒﻞ .. ﺻﺤﻴﺢ ﺍﻧﻲ ﺍﺣﺐ ﺍﺳﺎﻋﺪ
ﺍﻟﻨﺎﺱ ﻭﺍﻗﺪﻡ ﺧﺪﻣﺎﺕ ﺑﺲ ﺧﺪﻣﺎﺕ ﻣﻦ ﻫﺬﺍ ﺍﻟﻨﻮﻉ ﻣﺎ ﻫﻲ ﻭﺍﺭﺩﻩ
ﻣﻦ ﺿﻤﻦ ﺧﺪﻣﺎﺗﻲ .. ﻭﺑﻌﺪﻳﻦ ﺍﻧﺎ ﻣﺎ ﺍﻗﺪﻡ ﺧﺪﻣﺎﺕ ﻋﻠﻰ ﺣﺴﺎﺏ
ﺣﻴﺎﺗﻲ ﻳﻤﻜﻦ ﻟﻮ ﻛﺎﻥ ﺍﻟﻤﻮﺿﻮﻉ ﻗﺒﻞ ﺑﺸﻬﻮﺭ ﻛﺎﻥ ﻓﻜﺮﺓ ﻓﻴﻬﺎ .. ﻟﻜﻦ
ﺍﻟﺤﻴﻦ ﺍﻟﻘﻠﺐ ﻣﺸﻐﻮﻝ
ﻣﺸﺎﺭﻱ ﺑﻈﺮﺓ ﺧﺒﺚ : ﻣﻦ ﻫﺬﻱ ﺳﻌﻴﺪﺓ ﺍﻟﺤﻆ ﺍﻟﻲ ﻣﺎﺧﺬﻩ ﺍﻟﺠﻮ
ﻭﺷﺎﻏﻠﻪ ﺍﻟﻘﻠﺐ
ﻭﺍﻓﻲ ﻭﺣﺲ ﺍﻥ ﻫﺬﻱ ﺍﻟﻜﻠﻤﻪ ﺑﺘﻔﺘﺢ ﻟﻪ ﺑﺎﺏ ﻣﺎﺭﺍﺡ ﻳﻘﺪﺭ ﻳﺴﻜﺮﻩ ..
ﺳﻮ ﺭﻭﺣﻪ ﻳﻜﺢ ﺑﺼﻮﺕ ﻋﺎﻟﻲ
ﻭﺍﻓﻲ ﻭﻫﻮ ﻳﻜﺢ : ﺍﻇﻦ ﺩﺧﻞ ﻏﺒﺎﺭ ﻓﻲ ﻓﻤﻲ .. ﺧﻠﻴﻨﺎ ﻧﻤﺸﻲ ..
.
.
.
.
ﻓــﻲ ﻣﻄﺎﺭ ﺍﻟﻘﺎﻫﺮﻩ ..
ﻫﺒﻄﺖ ﺍﻟﻄﺎﺋﺮﻩ ﻋﻠﻰ ﺍﻟﻤﺪﺭﺝ ﻭﺍﺧﺬﺕ ﻣﻮﻗﻌﻬﺎ ﺑﻴﻦ ﺍﻟﻄﺎﺋﺮﺍﺕ ..
ﻭﺍﻋﻠﻦ ﺍﻟﻜﺎﺑﺘﻦ ﻋﻦ ﻭﺻﻮﻟﻬﻢ ﺑﺎﻟﺴﻼﻣﻪ ﺍﻟﻲ ﻣﺤﻄﺔ ﺍﻟﺘﻮﻗﻒ ﺍﻻﻭﻝ ..
ﻣﻄﺎﺭ ﺍﻟﻘﺎﻫﺮﻩ .. ﻭﺳﻮﻑ ﺗﻨﻄﻠﻖ ﺍﻟﻄﺎﺋﺮﻩ ﺑﻌﺪ ﺣﻮﺍﻟﻲ ﺳﺎﻋﻪ ﻣﻦ ﺍﻻﻥ
ﻣﺘﺠﻪ ﺍﻟﻰ ﻣﻄﺎﺭ ..
ﺷﺎﺭﻟﻲ ﺩﻳﻐﺎﻝ ﺑﺒﺎﺭﻳﺲ .. ﺧﺎﺗﻤﺎ ﻛﻼﻣﻪ ﺑﺘﻤﻨﻴﺎﺗﻪ ﻟﻬﻢ ﺑﺮﺣﻠﻪ ﺳﻌﻴﺪﻩ
..
ﻋﻠﻰ ﺍﺣﺪﻯ ﻣﻘﺎﻋﺪ ﺍﻟﺪﺭﺟﻪ ﺍﻻﻭﻝ .. ﺍﻟﻮﺍﻗﻌﻪ ﻋﻨﺪ ﺍﻟﺸﺒﺎﻙ ﺍﻻﻳﻤﻦ ﻣﻦ
ﺍﻟﻄﺎﺋﺮﻩ ..
ﻓﻲ ﺍﻟﻤﻘﻌﺪ ﺍﻟﻲ ﺟﻨﺐ ﺍﻟﺸﺒﺎﻙ ﻛﺎﻥ ﺭﺍﺱ ﺍﻧﻔﺎﻝ ﻣﺴﻨﺪ ﻋﻠﻰ ﺍﻟﺠﺪﺍﺭ
ﻭﻏﺎﺭﻗﻪ ﻓﻲ ﺍﻟﻨﻮﻡ ﻟﺪﺭﺟﻪ ﺍﻧﻬﺎ ﻣﺎ ﺣﺴﺖ ﺑﻨﺰﻭﻝ ﺍﻟﻄﺎﺋﺮﻩ .. ﻟﻢ
ﺗﺴﺘﻄﻊ ﺍﻥ ﺗﻘﺎﻭﻡ ﺍﻟﻨﻮﻡ ﻭﻫﻲ ﺗﻨﻈﺮ ﺍﻟﻰ ﺍﻻﺭﺽ ﻣﻦ ﺗﺤﺘﻬﺎ ﻻﻭﻝ
ﻣﺮﻩ .. ﺑﺠﺒﺎﻟﻬﺎ ﻭﻣﺴﺎﺣﺎﺕ ﺍﻟﺨﻀﺮﺍﺀ ﺍﻟﻘﻠﻴﻠﻪ ﻓﻲ ﺍﺭﺽ ﺍﻟﻤﻤﻠﻜﻪ ﻟﻘﺪ
ﺍﻋﺠﺒﺘﻬﺎ ﺍﻟﻄﺎﺋﺮﻩ ﻭﺭﺍﻕ ﻟﻬﺎ ﻭﺟﻮﺩﻫﺎ ﻣﻌﻠﻘﻪ ﻓﻲ ﺍﻟﺠﻮ .. ﺻﺤﻴﺢ ﻓﻲ
ﺍﻟﺒﺪﺍﻳﻪ ﺷﻌﺮﺕ ﺑﺎﻟﺨﻮﻑ ﻋﻨﺪﻣﺎ ﺑﺪﺍﺕ ﺍﻟﻄﺎﺋﺮﻩ ﺑﺎﻻﺭﺗﻔﺎﻉ ﻟﻜﻦ ﺳﺮﻋﺎﻥ
ﻣﺎ ﺗﻼﺷﻰ ﻫﺬﺍ ﺍﻟﺨﻮﻑ ﻋﻨﺪﻣﺎ ﺍﺳﺘﻘﺮﺕ ﺍﻟﻄﺎﺋﺮﻩ ﺑﺎﻟﺠﻮ ﻃﻴﻠﺖ ﺍﻟﺮﺣﻠﻪ
ﻋﻴﻮﻧﻬﺎ ﺗﻨﺘﻘﻞ ﺑﻴﻦ ﺷﻬﺎﺏ ﻭﺍﻟﻨﺎﻓﺬﻩ .. ﻛﻠﻤﺎ ﻧﻈﺮﺓ ﺍﻟﻰ ﺍﻟﻨﺎﻓﺬﻩ
ﻭﺍﻃﺎﻟﺖ ﺍﻟﻨﻈﺮ ﻭﻓﻘﺪﺕ ﺍﻻﺣﺴﺎﺱ ﺑﻮﺟﻮﺩﻩ
ﺗﻨﻈﺮ ﺍﻟﻴﻪ ﻟﻠﺘﺄﻛﺪ ﻣﻦ ﻭﺟﻮﺩﻩ ﺑﻘﺮﺑﻬﺎ .. ( ﺍﺣﻴﺎﻧﺎ ﺍﻟﻘﺮﺏ ﺍﻟﺠﺴﺪﻱ
ﻳﻌﻮﺽ ﺍﻟﺒﻌﺪ ﺍﻟﻜﻴﺎﻧﻲ ﻭﺍﻟﻔﻜﺮﻱ ) .. ﻫﺬﺍ ﻣﺎ ﻛﺎﻧﺖ ﺍﻧﻔﺎﻝ ﺗﻘﻨﻊ ﻧﻔﺴﻬﺎ
ﻓﻴﻪ .. ﻭﺧﺎﺻﻪ ﺍﻧﻬﺎ ﻣﺤﺘﺎﺟﻪ ﺍﻥ ﺗﺤﺴﺲ ﻧﻔﺴﻬﺎ ﺑﻮﺟﻮﺩﻩ ﺣﺘﻰ ﻻ
ﺗﻔﻘﺪ ﺍﺣﺴﺎﺳﻬﺎ ﺍﻟﻘﻠﻴﻞ ﺑﺎﻻﻣﺎﻥ ..
ﻓﻲ ﺍﻟﻤﻘﻌﺪ ﺍﻟﻤﺠﺎﻭﺭ ﻟﻤﻘﻌﺪﻫﺎ ﻛﺎﻥ ﻳﺠﻠﺲ ﺷﻬﺎﺏ ..
ﻛﺎﻥ ﻃﻮﻝ ﺍﻟﺮﺣﻠﻪ ﻣﺴﻨﺪ ﺭﺍﺳﻪ ﻋﻠﻰ ﻇﻬﺮ ﺍﻟﻜﺮﺳﻲ ﻭ ﻣﻐﻤﺾ ﻋﻴﻮﻧﻪ
.. ﺍﻟﻲ ﻳﺸﻮﻓﻪ ﻳﻘﻮﻝ ﺍﻧﻪ ﻓﻲ ﺳﺎﺑﻊ ﻧﻮﻣﻪ ﻭﺧﺎﺻﻪ ﺍﻥ ﻣﺒﻴﻦ ﻋﻠﻰ
ﻣﻼﻣﺤﻪ ﺍﻟﺘﻌﺐ ﻭﺍﻟﺰﻫﻖ .. ﻟﻜﻦ ﺷﻬﺎﺏ ﻣﺎ ﻏﻤﺾ ﻋﻴﻮﻧﻪ ﻋﻠﺸﺎﻥ ﻳﻨﺎﻡ
ﻏﻤﻀﻪ ﻻﻧﻪ ﻣﺎ ﻳﺒﻲ ﻳﻨﺎﻇﺮ ﺍﺣﺪ ﻭﻻ ﻳﺒﻲ ﻳﺘﻜﻠﻢ ﻣﻊ ﺍﺣﺪ ﻭﺑﺎﻻﺧﺺ
ﺍﻧﻔﺎﻝ .. ﻭﺧﺎﺻﻪ ﺍﻧﻬﺎ ﺟﺎﻟﺴﻪ ﺟﻨﺒﻪ ﺍﻛﻴﺪ ﺑﺘﺤﺎﻭﻝ ﺗﻜﻠﻤﻪ ﺍﻭ ﺗﻨﺎﻇﺮ
ﻓﻴﻪ .. ﻟﻤﺎ ﺗﻠﺘﻔﺖ ﻋﻠﻴﻪ ﻭﺗﺸﻮﻓﻪ ﻧﺎﻳﻢ ﻣﺎ ﺭﺍﺡ ﺗﺘﻜﻠﻢ ﻣﻌﻪ .. ﻭﻫﻮ
ﺑﻌﺪ ﻣﺎ ﺭﺍﺡ ﺑﻨﺎﻇﺮ ﻓﻴﻬﺎ .. ﻓﻀﻞ ﺍﻥ ﻳﻐﻤﺾ ﻋﻴﻮﻧﻪ ﻃﻮﻝ ﺍﻟﺮﺣﻠﻪ ..
ﻟﻤﺎ ﺍﻧﺰﻟﺖ ﺍﻟﻄﺎﺋﺮﻩ ﻭﺗﻮﻗﻔﺖ ﻋﻦ ﺍﻟﺤﺮﻛﻪ .. ﻓﺘﺢ ﺷﻬﺎﺏ ﻋﻴﻮﻧﻪ
ﺑﻬﺪﻭﺀ ..
ﻭﻧﺎﻇﺮ ﺍﻟﺮﻛﺎﺏ ﻣﻦ ﺣﻮﻟﻪ .. ﺍﺧﺬ ﻧﻔﺲ ﻋﻤﻴﻖ ﻭﺍﻟﺘﻔﺖ ﺑﻬﺪﻭﺀ ﻋﻠﻰ
ﺍﻧﻔﺎﻝ ﺷﺎﻓﻬﺎ ﻧﺎﻳﻤﻪ ﻭﺭﺍﺳﻬﺎ ﻣﺴﻨﺪ ﺑﺎﻟﻘﺮﺏ ﻣﻦ ﺍﻟﻨﺎﻓﺬﻩ .. ﺣﺲ
ﺑﺮﺍﺣﻪ ﻻﻧﻬﺎ ﻧﺎﻳﻤﻪ ﻭﻣﺎ ﺣﺐ ﻳﺼﺤﻴﻬﺎ .. ﺣﺮﻙ ﻳﺪﻩ ﻭﺭﺟﻠﻪ ﻭﻣﺪﺩ
ﻋﻀﻼﺗﻪ ﺑﻌﺪ ﺣﺎﻟﺔ ﺍﻟﺴﻜﻮﻥ ﺍﻟﻲ ﺍﺳﺘﻤﺮﺕ ﺳﺎﻋﺘﻴﻦ ﺗﻐﺮﻳﺒﺎ .. ﻭﺍﻟﻲ
ﻛﺎﻧﺖ ﺑﺎﺭﺍﺩﺗﻪ .. ﻭ ﻗﺎﻡ ﻣﻦ ﺍﻟﻜﺮﺳﻲ ﺑﻬﺪﻭﺀ
ﺑﻌﺪ ﻧﺼﻒ ﺳﺎﻋﻪ ..
ﻓﺘﺤﺖ ﺍﻧﻔﺎﻝ ﻋﻴﻮﻧﻬﺎ ﺑﺒﻄﺄ ﻭﻇﻠﺖ ﻟﺤﻈﻪ ﺗﻨﺎﻇﺮ ﻓﻲ ﺍﻟﻨﺎﻓﺬﻩ ﺷﺎﻓﺖ
ﺑﺮ ﻭﻟﻤﺤﺔ ﻃﺎﺋﺮﻩ ﻭﺍﻗﻔﻪ ﺑﻌﻴﺪ .. ﺗﺤﺎﻭﻝ ﺗﺘﺬﻛﺮ ﻫﻲ ﻭﻳﻦ ﻭﻟﻴﻪ ﻫﻲ
ﻫﻨﺎ ..ﻟﻤﺎ ﺗﺬﻛﺮﺕ ﺣﺴﺖ ﺑﺸﻌﻮﺭ ﻏﺮﻳﺐ ﺍﺷﺒﻪ ﺑﺎﻟﺤﺰﻥ ﻟﻜﻨﻪ ﻣﻮ ﺣﺰﻥ
ﻳﻤﻜﻦ ﻭﺣﺪﻩ ﺍﻭ ﺍﺣﺒﺎﻁ .. ﺑﺲ ﻫﻮ ﺷﻌﻮﺭ ﻳﻀﺎﻳﻘﻬﺎ ﻭﺗﺤﺲ ﺑﻴﻦ
ﻓﺘﺮﻩ ﻭﻓﺘﺮﻩ ﺑﻮﻗﺰﺍﺕ ﻓﻲ ﺻﺪﺭﻫﺎ .. ﻭﺑﺎﻟﻢ ﻓﻲ ﻣﻌﺪﺗﻬﺎ ﻳﻤﻜﻦ ﻻﻧﻬﺎ
ﻓﺎﺭﻗﻪ ﻣﻦ ﺍﻣﺲ ﻭﻣﺎ ﺩﺧﻞ ﻓﻴﻬﺎ ﻏﻴﺮ ﻣﺎﻱ .. ﺻﺤﻴﺢ ﺗﺤﺲ ﺑﺎﻟﺠﻮﻉ
ﻟﻜﻨﻬﺎ ﻣﺎ ﻭﺩﻫﺎ ﺗﺎﻛﻞ .. ﻫﻮ ﺻﺤﻴﺢ ﻗﺪﻣﻮ ﻟﻬﻢ ﺍﻛﻞ ﻣﻦ ﺳﺎﻋﻪ ﻟﻜﻨﻬﺎ
ﻣﺎﺣﺒﺖ ﺗﺎﻛﻞ ﻟﻤﺎ ﺷﺎﻓﺖ ﺷﻬﺎﺏ ﻧﺎﻳﻢ ﺍﻭ ﺑﻤﻌﻨﻰ ﺍﺻﺢ ﻣﻐﻤﺾ
ﻋﻴﻮﻧﻪ ﻓﻄﻠﺒﺖ ﻣﻦ ﺍﻟﻤﻀﻴﻔﻪ ﺗﺮﻓﻊ ﺍﻻﻛﻞ ﻻﻥ ﺯﻭﺟﻬﺎ ﻧﺎﻳﻢ
ﺍﺭﻓﻌﺖ ﺭﺍﺳﻬﺎ ﺑﺜﻘﻞ ﻭﻟﺘﻔﺘﺖ ﻋﻠﻰ ﻣﻘﻌﺪ ﺷﻬﺎﺏ ﻣﺎ ﺷﺎﻓﺖ ﺟﺴﺪ
ﺷﻬﺎﺏ ﺍﻟﻲ ﻳﺤﺴﺴﻬﺎ ﺑﻘﻠﻴﻞ ﻣﻦ ﺍﻻﻣﺎﻥ .. ﺍﺗﺴﻌﺖ ﻋﻴﻮﻧﻬﺎ ﻭﺣﻄﺖ
ﻳﺪﻫﺎ ﻋﻠﻰ ﻗﻠﺒﻬﺎ ﻇﻠﺖ ﻓﺘﺮﻩ ﻋﻠﻰ ﻫﺬﻱ ﺍﻟﻮﺿﻌﻴﻪ ﻭﻫﻲ ﺗﻨﺎﻇﺮ ﻓﻲ
ﺑﺎﻃﻦ ﻣﻘﻌﺪ ﺷﻬﺎﺏ ﺍﻟﻔﺎﺭﻕ
ﺍﺭﻓﻌﺖ ﻋﻴﻮﻧﻬﺎ ﻭﻧﺘﻘﻠﺖ ﺍﻧﻈﺎﺭﻫﺎ ﺑﻴﻦ ﻣﻘﺎﻋﺪ ﺍﻟﻄﺎﺋﺮﻩ ﻻﺣﻈﺖ ﺍﻥ
ﺍﻏﻠﺐ ﺍﻟﻤﻘﺎﻋﺪ ﺍﺻﺒﺤﺖ ﻓﺎﺿﻴﻪ ﻭﺍﻥ ﺍﻟﻨﺎﺱ ﺑﺪﻭ ﻳﺘﺤﺮﻛﻮﻥ ﺑﻌﺪ ﻣﺎ
ﻛﺎﻧﻮ ﻓﻲ ﺳﻜﻮﻥ .. ﻏﺰﺍﻫﺎ ﺷﻌﻮﺭ ﺍﻟﻮﺣﺪﻩ ﺍﻟﺬﻱ ﻛﺎﻧﺖ ﺗﺤﺎﻭﻝ ﺍﻥ
ﺗﻘﺘﻠﻪ ﻭﺿﺎﻕ ﺻﺪﺭﻫﺎ ﻟﻢ ﺗﺸﻌﺮ ﺑﻤﺜﻞ ﻫﺬﻩ ﺍﻟﻮﺣﺪﻩ ﻓﻲ ﺣﻴﺎﺗﻬﺎ ﺣﺘﻰ
ﺍﺫﺍ ﻛﺎﻧﺖ ﻭﺣﺪﻫﺎ ﻓﻲ ﺍﻟﻤﻨﺰﻝ .. ﻟﻜﻦ ﻫﻨﺎ ﺍﻟﻮﺿﻊ ﺟﺪﺍ ﻣﺨﺘﻠﻒ ﻟﻘﺪ
ﺍﺻﺒﺤﺖ ﻓﻲ ﺍﺭﺽ ﻏﻴﺮ ﺍﺭﺿﻬﺎ ﻭﺩﺧﻠﺖ ﻋﺎﻟﻤﺎ ﻏﻴﺮ ﻋﺎﻟﻤﻬﺎ ..ﻓﻜﻴﻒ
ﻻﺗﺤﺴﻮ ﺑﺎﻟﻮﺣﺪﻩ
ﺍﻥ ﺟﻠﺴﺖ ﻫﻨﺎ ﺍﻛﺜﺮ ﻗﺪ ﻳﻘﺘﻠﻬﺎ ﺍﻟﺸﻌﻮﺭ ﺑﺎﻟﻮﺣﺪﻩ ﻭﺗﻀﻴﻖ ﻓﻴﻬﺎ ﺍﻟﺪﻧﻴﺎ
ﺍﻛﺜﺮ .. ﻗﺎﻣﺖ ﺍﻧﻔﺎﻝ ﻣﻦ ﻣﻘﻌﺪﻫﺎ ﺑﺎﻃﺮﺍﻑ ﺗﺮﺗﺠﻒ ﻭﺟﺴﺪﺍ ﻳﺤﺎﻭﻝ
ﺍﻥ ﻳﺴﺘﺮﺟﻊ ﺗﻮﺍﺯﻧﻪ ﻭﺍﻋﻴﻮﻧﻬﺎ ﺗﺤﺎﻭﻝ ﺍﻥ ﺗﺤﺒﺲ ﺍﻟﺪﻣﻌﻪ .. ﺍﻟﻬﻮﺍﺀ
ﺍﺻﺒﺢ ﺍﻛﺜﺮ ﺣﺮﺍﺭﻩ ﻣﻦ ﺗﺤﺖ ﺑﺮﻗﻌﻬﺎ ﻭﺍﻟﺘﻨﻔﺲ ﺍﺻﺒﺢ ﺍﻛﺜﺮ ﺻﻌﻮﺑﻪ
..
ﺍﺻﺒﺤﺖ ﺗﻤﺸﻲ ﻓﻲ ﻣﻤﺮﺍﺭ ﺍﻟﻄﺎﺋﺮﻩ ﻭﺗﻨﻈﺮ ﺍﻟﻰ ﻣﻼﻣﺢ ﺍﻟﻨﺎﺱ ﻣﻦ
ﺣﻮﻟﻬﺎ ﻟﻌﻠﻬﺎ ﺗﺮﻯ ﺍﻟﻤﻼﻣﺢ ﺍﻟﺠﺎﻣﺪﻩ ﻭﺍﻟﻨﻈﺮﺍﺕ ﺍﻟﺒﺎﺭﺩﻩ ﺍﻟﺘﻲ ﻓﻘﺪﺗﻬﺎ
ﻭﻓﻘﺪﺕ ﻣﻌﻬﺎ ﺍﺣﺴﺎﺳﻬﺎ ﺍﻟﻘﻠﻴﻞ ﺑﺎﻻﻣﺎﻥ .. ﻭﻗﻒ ﻣﻜﺎﻧﻬﺎ ﻭﺭﺟﻌﺖ
ﺗﻨﻈﺮ ﺍﻟﻰ ﺍﻟﻤﻜﺎﻥ ﻣﻦ ﺣﻮﻟﻬﺎ .. ﺍﻏﻤﻀﺖ ﻋﻴﻨﻴﻬﺎ ﻭﺍﺧﺬﺕ ﺗﺪﻋﻲ ﻓﻲ
ﺳﺮﻫﺎ ﺑﺎﻥ ﺍﻟﻠﻪ ﻳﻜﻮﻥ ﻓﻲ ﻋﻮﻧﻬﺎ ﻭﻳﺮﺟﻊ ﻟﻬﺎ ﺷﻬﺎﺏ .. ( ﻭﻳﻨﻚ ﻳﺎ
ﺷﻬﺎﺏ ﻟﻴﻪ ﺭﺣﺖ ﻭﺧﻠﻴﺘﻨﻲ ﻟﺤﺎﻟﻲ .. ﻟﻴﻪ ﺗﺮﻛﺘﻨﻲ .. ﻳﺎﺭﺑﻲ ﺍﺣﺲ
ﺍﻧﻲ ﺿﺎﻳﻌﻪ ﻭﺗﺎﻳﻬﻪ ﻭﺣﺪﻳﻪ ﻣﺎﺍﺩﺭﻱ ﻭﻳﻦ ﺍﺭﻭﺡ ﻭﺵ ﺍﺳﻮﻱ ..
ﻣﺪﺭﻱ ﻭﺻﻠﻨﺎ ﻻﺳﺒﺎﻧﻴﺎ ﻭﻻ ﻟﺴﻰ .. ﻣﺪﺭﻱ ﻟﻤﺎ ﻧﻤﺖ ﺻﺮﺕ ﻓﻲ ﻃﻴﺎﺭﻩ
ﺛﺎﻧﻴﻪ ﻏﻴﺮ ﺍﻟﻄﻴﺎﺭﻩ ﺍﻟﻲ ﻓﻴﻬﺎ ﺷﻬﺎﺏ .. ﻳﻤﻜﻦ ﺍﻧﺎ ﺍﺣﻠﻢ ﺧﻠﻴﻨﻲ
ﺍﻗﺮﺹ ﻧﻔﺴﻲ ﻋﻠﺸﺎﻥ ﺍﺻﺤﻰ ﻭﺍﺷﻮﻑ ﺷﻬﺎﺏ ﺟﺎﻟﺲ ﺟﻨﻲ .. ﻭﻻ
ﺍﻓﺘﺢ ﻋﻴﻮﻧﻲ ﻭﺍﺷﻮﻑ ﻧﻔﺴﻲ ﻓﻲ ﺑﻴﺖ ﺍﻣﻲ )
ﺷﺎﻓﺖ ﺳﻴﺪﻩ ﻋﻠﻰ ﺑﻮﺍﺑﺔ ﺍﻻﺭﺑﻌﻴﻦ ﻟﻜﻦ ﻛﺎﻥ ﺑﺎﺑﻴﻦ ﻓﻴﻬﺎ ﺭﻭﺡ ﺍﻟﺸﺒﺎﺏ
ﻭﺍﻟﻤﺎﻝ ﻭﺍﻟﻈﺎﻫﺮ ﺍﻧﻬﺎ ﺳﻴﺪﺓ ﺍﻋﻤﺎﻝ .. ﻛﺎﻧﺖ ﻻﺑﺴﻪ ﻋﺒﺎﻳﻪ ﻭﻃﺮﺣﻪ
ﻭﺷﻌﺮﻫﺎ ﻣﻦ ﻗﺪﺍﻡ ﻃﺎﻟﻊ .. ﻭﻓﻲ ﻭﺟﻬﺎ ﻣﻜﻴﺎﺝ ﺧﻔﻴﻒ ﻟﺘﺨﻔﻲ ﺑﻌﺾ
ﻋﻼﻣﺎﺕ ﺳﻦ ﺍﻻﺭﺑﻌﻴﻦ .. ﻛﺎﻧﺖ ﺣﺎﻃﻪ ﺭﺟﻞ ﻋﻠﻰ ﺭﺟﻞ ﻭﺟﺎﻟﺴﻪ
ﺗﺘﺼﻔﺢ ﻣﺠﻠﻪ .. ﻗﺮﺑﺖ ﻣﻨﻬﺎ ﺍﻧﻔﺎﻝ ﻭﻧﺎﻇﺮﺕ ﻓﻴﻬﺎ ﺑﻌﻴﻮﻥ ﺣﺎﺋﺮﻩ ..
ﺍﻧﻔﺎﻝ ﻭﺗﺤﺎﻭﻝ ﺗﻜﻮﻥ ﻃﺒﻴﻌﻴﻪ : ﺍﻟﺴﻼﻡ ﻋﻠﻴﻜﻢ
ﺭﻓﻌﺖ ﺍﻟﺴﻴﺪﻩ ﺭﺍﺳﻬﺎ ﻭﻧﺎﻇﺮﺕ ﻓﻲ ﺍﻧﻔﺎﻝ ﺍﻟﻲ ﻛﺎﻧﺖ ﻻﺑﺴﻪ ﺑﺮﻗﻊ
ﻭﺣﺎﻃﻪ ﻃﺮﺣﻪ ﺷﻔﺎﻓﻪ ﻋﻠﻰ ﻋﻴﻮﻧﻬﺎ ﻫﻲ ﻣﺎ ﻛﺎﻧﺖ ﺣﺎﻃﺘﻬﺎ ﻟﻜﻨﻬﺎ
ﻛﺎﻧﺖ ﺗﺒﻲ ﺗﺨﻔﻲ ﻣﺴﺘﻮﺩﻉ ﺍﻟﺪﻣﻮﻉ .. ﻭﻧﻈﺮﺍﺕ ﺍﻟﻀﻴﺎﻉ ﻭﺍﻟﺨﻮﻑ
ﺍﻟﻲ ﻛﺎﻧﺖ ﻭﺍﺿﺤﻪ ﻓﻲ ﻋﻴﻮﻧﻬﺎ
ﺍﻟﺴﻴﺪﻩ ﺑﻠﻬﺠﻪ ﻧﺠﺪﻳﻪ : ﻭﻋﻠﻴﻜﻢ ﺍﻟﺴﻼﻡ
ﺍﻧﻔﺎﻝ ﺑﺘﺮﺩﺩ ( ﻣﺎﺗﺪﺭﻱ ﻛﻴﻒ ﺗﺼﻴﻖ ﺍﻟﺴﺆﺍﻝ .. ﻭﻋﻦ ﺍﻳﺶ ﺗﺴﺄﻝ
. ) : ﻭﺻﻠﻨﺎ ﺍﺳﺒﺎﻧﻴﺎ
ﺍﺑﺘﺴﻤﺖ ﺍﻟﺴﻴﺪﻩ ﺍﺑﺘﺴﺎﻣﻪ ﻋﺮﻳﻀﻪ ﻭﺣﺎﻭﻟﺖ ﺗﺨﻔﻲ ﺿﺤﻜﺘﻬﺎ : ﻻ ﻳﺎ
ﻣﺎﻣﺎ ﻟﺴﻪ ﻣﺎ ﻭﺻﻠﻨﺎ ﺍﻟﻄﺮﻳﻖ ﻗﺪﺍﻣﻨﺎ ﻃﻮﻳﻞ
ﺍﻧﻔﺎﻝ ﺑﺴﺮﻋﻪ : ﻃﻴﺐ ﺣﻨﺎ ﻭﻳﻦ
ﺍﻟﺴﻴﺪﻩ ﺑﺘﻌﺠﺐ : ﺣﻨﺎ ﺍﻟﺤﻴﻦ ﻓﻲ ﻣﻄﺎﺭ ﺍﻟﻘﺎﻫﺮﻩ .. ﺷﻜﻠﻚ ﺍﻧﺖ
ﻣﻀﻴﻌﻪ ﻛﺜﻴﺮ
ﺍﻧﻔﺎﻝ ( ﺃﻱ ﻭﺍﻟﻠﻪ ﻛﺜﺜﺜﻴﺮ ) : ﻃﻴﺐ ﺷﻜﺮﺍ
ﻗﺒﻞ ﻻ ﺗﺘﺤﺮﻙ ﺍﻧﻔﺎﻝ ﻣﻦ ﻣﻜﺎﻧﻬﺎ ﻭﺗﺨﻂ ﺧﻄﻮﻩ ﻟﻘﺪﺍﻡ ﺍﺳﺘﻮﻗﻔﻬﺎ
ﺻﻮﺕ ﺍﻟﺴﻴﺪﻩ ..
ﺍﻟﺴﻴﺪﻩ : ﺍﻧﺘﻲ ﻣﺴﺎﻓﺮﻩ ﻣﻊ ﻣﻴﻦ
ﺍﻧﻔﺎﻝ ﺑﺤﺴﺮﻩ ﻭﺣﺰﻥ : ﻣﺴﺎﻓﺮﻩ ﻣﻊ ﺯﻭﺟﻲ .. ﺑﺲ ﻣﺪﺭﻱ ﻭﻳﻨﻪ
ﻳﻤﻜﻦ ﺿــ ( ﺗﻮﻫﺎ ﺑﺘﻘﻮﻝ ﺍﻧﻪ ﺿﺎﻉ ﻟﻜﻨﻬﺎ ﺣﺴﺖ ﺍﻧﻬﺎ ﻫﺬﻱ ﺍﻟﻜﻠﻤﻪ
ﺑﺘﻘﻠﻞ ﻣﻦ ﺷﺄﻥ ﺷﻬﺎﺏ .. ﻣﻮ ﻫﻮ ﺍﻟﻲ ﻳﻀﻴﻊ ﺍﻧﺎ ﺍﻟﻲ ﺿﺎﻳﻌﻪ )
ﺍﻟﺴﻴﺪﻩ ﺑﺒﺘﺴﺎﻣﻪ ﺧﻔﻴﻔﻪ : ﺍﻟﻈﺎﻫﺮ ﺍﻧﻚ ﺍﻭﻝ ﻣﺮﻩ ﺗﺴﺎﻓﺮﻳﻦ ﺑﺤﻴﺎﺗﻚ
.. ﻳﻤﻜﻦ ﻧﺰﻝ ﺷﻮﻱ ﻭﺭﺍﺡ ﻳﺮﺟﻊ ﺑﺲ ﺍﻧﺘﻲ ﻻ ﺗﻘﻠﻘﻴﻦ
ﺗﻨﻬﺪﺕ ﺍﻧﻔﺎﻝ ﻭﻗﺎﻟﺖ : ﺍﻥ ﺷﺄﻟﻠﻪ .. ﻣﺸﻜﻮﺭﻩ ﺍﺧﺘﻲ .. ﺍﻧﺎ ﺍﺳﺘﺄﺫﻥ
ﺍﻟﺴﻴﺪﻩ ﺑﺒﺘﺴﺎﻣﻪ : ﺍﻟﻌﻔﻮ
ﻣﺸﺖ ﺍﻧﻔﺎﻝ .. ﻭﻫﻲ ﺗﺮﺩﺩ ﻓﻲ ﺩﺍﺧﻠﻬﺎ ( ﺍﻟﺤﻴﻦ ﺣﻨﺎ ﻓﻲ ﻣﻄﺎﺭ
ﺍﻟﻘﺎﻫﺮﻩ ﻳﻌﻨﻲ ﻓﻲ ﺍﺭﺽ ﻣﺼﺮ ) .. ﺷﺎﻓﺖ ﺑﺎﺏ ﺍﻟﻄﻴﺎﺭﻩ ﻣﻔﺘﻮﺡ
ﻭﻓﻲ ﺍﺷﺨﺎﺹ ﻗﻠﻴﻠﻪ ﺗﻨﺰﻝ ﻭﺍﻻﻛﺜﺮﻳﻪ ﺻﺎﻋﺪﻳﻦ .. ﻭﻗﻔﺖ ﻋﻨﺪ ﺍﻟﺒﺎﺏ
ﻭﺗﺬﻛﺮﺕ ﻛﻼﻡ ﺍﻟﺴﻴﺪﻩ ﻟﻤﺎ ﻗﺎﻟﺖ ﻟﻬﺎ ﻳﻤﻜﻦ ﻧﺰﻝ ﺷﻮﻱ ﻭﺭﺍﺡ ﻳﺮﺟﻊ ..
ﺣﺴﺖ ﺑﺸﻮﻱ ﺭﺍﺣﻪ ﻟﻤﺎ ﺗﻜﻠﻤﺖ ﻣﻊ ﺍﻟﺴﻴﺪﻩ ﻋﻠﻰ ﺍﻻﻗﻞ ﺣﺪﺩﺕ ﻟﻬﺎ
ﺍﻟﻤﻜﺎﻥ ﺍﻟﻲ ﻫﻢ ﻓﻴﻪ .. ﻫﺒﺖ ﻧﺴﻤﺖ ﻫﻮﺍ ﺣﺮﻛﺔ ﺑﺮﻗﻌﻬﺎ ﻭﺯﺍﺣﺖ
ﺍﻟﻄﺮﺣﻪ ﺍﻟﻲ ﻋﻠﻰ ﻋﻴﻮﻧﻬﺎ .. ﺗﻨﻔﺴﺖ ﻫﻮﺍﺀ ﺑﺎﺭﺩ ﻭﺣﺴﺖ ﺑﺮﺍﺣﻪ ﺍﻛﺜﺮ
ﻭﺧﻒ ﺍﺣﺴﺎﺳﻬﺎ ﺑﺎﻟﻀﻴﻘﻪ ﻭﻻ ﺯﺍﻝ ﺍﺣﺴﺎﺱ ﺍﻟﻮﺣﺪﻩ ﻳﺤﺎﻭﻝ ﺍﻥ
ﻳﺨﻨﻘﻬﺎ .. ﺗﻨﻔﺴﺖ ﺑﻌﻤﻖ ﻭﺍﻏﻤﻀﺖ ﺍﺟﻔﺎﻧﻬﺎ .. ﻣﺎ ﺍﻥ ﺗﻼﻣﺴﺖ
ﺭﻣﻮﺵ ﺍﻟﺠﻔﻦ ﺍﻟﻌﻠﻮﻱ ﻣﻊ ﺭﻣﻮﺵ ﺍﻟﺠﻔﻦ ﺍﻟﺴﻔﻠﻲ . . ﺣﺘﻰ ﺗﻔﺎﺭﻗﺔ
ﺑﺴﺮﻋﻪ .. ﻟﻤﺎ ﺳﻤﻌﺖ ﺻﻮﺗﻪ ﻣﻦ ﺧﻠﻔﻬﺎ .. ﺍﻟﺘﻔﺖ ﺑﺴﺮﻋﻪ ﻟﻤﺎ
ﺳﻤﻌﺘﻪ ﻳﻘﻮﻝ : ﻟﻴﻪ ﻗﻤﺘﻲ ﻣﻦ ﻣﻜﺎﻧﻚ
ﺿﻠﺖ ﻓﺘﺮﻩ ﺗﻨﺎﻇﺮ ﻓﻴﻪ .. ﻭﺍﻧﺮﺑﻂ ﻟﺴﺎﻧﻬﺎ ﻣﺎﺗﺪﺭﻱ ﻭﺵ ﺗﻘﻮﻝ ..
ﺗﻘﻮﻟﻪ ﺍﻧﻬﺎ ﺣﺴﺖ ﺑﺎﻟﻀﻴﺎﻉ ﻭﺍﻟﻮﺣﺪﻩ ﻟﻤﺎ ﻓﺘﺤﺖ ﻋﻴﻨﻬﺎ ﻭ ﻣﺎ ﻟﻘﺘﻪ
ﺟﻨﺒﻬﺎ .. ﻭﻻ ﺗﻘﻮﻟﻪ ﻫﻲ ﻗﺎﻣﺖ ﺗﺪﻭﺭ ﻋﻠﻴﻪ .. ﺗﺪﻭﺭ ﻋﻠﻰ ﺍﻟﻘﻠﻴﻞ ﻣﻦ
ﺍﺣﺴﺎﺱ ﺍﻻﻣﺎﻥ ﺍﻟﻲ ﻛﺎﻧﺖ ﺗﺤﺴﻪ ﻭﻫﻮ ﺟﺎﻟﺲ ﺟﻨﺒﻬﺎ .. ﻭﻻ ﺗﻘﻮﻟﻪ
ﺍﻧﻬﺎ ﻗﺎﻣﺖ ﻋﻠﺸﺎﻥ ﺗﺸﻢ ﺷﻮﻳﺖ ﻫﻮﺍ .. ﺗﻮﻫﺎ ﺑﺒﺘﻜﻠﻢ .. ﻟﻜﻨﻬﺎ
ﺗﺮﺍﺟﻌﺖ ﻟﻤﺎ ﺷﺎﻓﺖ ﺷﻬﺎﺏ ﻟﻒ ﻭﻣﺸﻰ .. ﺑﺴﺮﻋﻪ ﺣﺮﻛﺔ ﺭﺟﻠﻬﺎ
ﻭﻣﺸﺖ ﺧﻠﻔﻪ .. ﻭﻋﻴﻮﻧﻬﺎ ﻣﻌﻠﻘﻪ ﻋﻠﻰ ﻫﺬﺍ ﺍﻟﺠﺴﺪ ﺍﻟﻄﻮﻳﻞ ﺍﻟﺬﻱ
ﻳﻤﺸﻲ ﺍﻣﺎﻣﻬﺎ .. ﻻﺗﺮﻳﺪ ﺍﻥ ﺗﻔﻘﺪﻩ ﻻ ﺗﺮﻳﺪ ﺍﻥ ﺗﺒﺘﻌﺪ ﻋﻨﻪ .. ﺣﺴﺖ
ﺑﻌﻈﻤﺖ ﺍﺣﺴﺎﺱ ﺍﻻﻣﺎﻥ ﺍﻟﺬﻱ ﺗﺤﺴﻪ ﻣﻦ ﻗﺮﺏ ﺟﺴﺪ ﺷﻬﺎﺏ ..
ﺣﺘﻰ ﻟﻮ ﻛﺎﻥ ﻫﺬﺍ ﺍﻻﺣﺴﺎﺱ ﺿﺌﻴﻞ
ﺟﻠﺴﺖ ﻓﻲ ﻣﻘﻌﺪﻫﺎ ﺑﺎﻟﻘﺮﺏ ﻣﻦ ﺍﻟﻨﺎﻓﺬﻩ ﻭﺟﻠﺲ ﺷﻬﺎﺏ ﻓﻲ ﻣﻘﻌﺪﻩ
.. ﺭﺟﻌﺖ ﺟﺴﺪﻫﺎ ﻭﺍﺳﻨﺪﺕ ﻇﻬﺮﻫﺎ ﻋﻠﻰ ﻇﻬﺮ ﺍﻟﻤﻘﻌﺪ ﻭﺍﺣﺴﺖ
ﺑﺮﺍﺣﻪ ﻛﺒﻴﺮﻩ .. ﻏﻤﻀﺖ ﻋﻴﻨﻬﺎ ﻟﻜﻨﻬﺎ ﺑﺴﺮﻋﻪ ﻓﺘﺤﺘﻬﻢ .. ﻭﺍﻟﺘﻔﺖ
ﻋﻠﻰ ﺷﻬﺎﺏ ﻭﺷﺎﻓﺘﻪ ﻣﻐﻤﺾ ﻋﻴﻮﻧﻪ .. ﻛﺎﻥ ﻭﺩﻫﺎ ﺗﺘﻜﻠﻢ ﻣﻌﻪ ﺍﻭ
ﻋﻠﻰ ﺍﻻﻗﻞ ﺗﻌﺘﺬﺭ ﻟﻪ ﻻﻧﻬﺎ ﻗﺎﻣﺖ ﻣﻦ ﻣﻜﺎﻧﻬﺎ ﺑﺪﻭﻥ ﺍﺫﻧﻪ .. ﻭﺑﺪﻭﻥ
ﻋﻠﻤﻪ .. ﻭﺍﻛﻴﺪ ﻫﻮ ﻗﻠﻖ ﻋﻠﻴﻬﺎ .. ﺍﻟﻤﻔﺮﻭﺽ ﺍﻧﻬﺎ ﻣﺎ ﻗﺎﻣﺖ .. ﻗﺮﺭﺕ
ﺍﻧﻬﺎ ﻣﺎ ﺗﻨﺎﻡ ﻭﻻ ﺗﻐﻤﺾ ﻋﻴﻮﻧﻬﺎ .. ﻻﻧﻬﺎ ﺧﺎﻳﻔﻪ ﻳﻨﻌﺎﺩ ﺍﻟﻜﺎﺑﻮﺱ
ﻭﺗﻄﺎﺭﺩﻫﺎ ﺍﺷﺒﺎﺡ ﺍﻟﻀﻴﺎﻉ ﻭﺍﻟﻮﺣﺪﻩ
.
.
.
ﻓــﻲ ﺳﻴﺎﺭﺓ ﻣﺸﺎﺭﻱ ﺍﻟﻲ ﻛﺎﻧﺖ ﻋﺎﺋﺪﻩ ﺍﻟﻰ ﺍﻟﺪﻣﺎﻡ ..
ﻭﺍﻓﻲ ﻭﻫﻮ ﻳﻨﺎﻇﺮ ﻓﻲ ﻣﺸﺎﺭﻱ ﺍﻟﻲ ﺟﺎﻟﺲ ﻳﺴﻮﻕ : ﻳﺎ ﺍﺧﻲ ﺍﺑﺘﺴﻢ
ﻣﺸﺎﺭﻱ ﺑﺪﻭﻥ ﻧﻔﺲ : ﻭﺍﻟﻠﻪ ﻳﺎ ﻋﻤﻲ ﺍﻋﺬﺭﻧﻲ ﻣﺎﻟﻲ ﺧﻠﻖ ﺍﺑﺘﺴﻢ
ﻭﺍﻓﻲ ﺑﺒﺘﺴﺎﻣﻪ : ﺍﻟﻲ ﻳﺴﻤﻌﻚ ﺗﻌﺘﺬﺭ ﻳﻘﻮﻝ ﺍﻧﻲ ﻃﺎﻟﺐ ﻣﻨﻚ ﺧﺪﻣﻪ
ﻛﺒﻴﺮﻩ .. ﻻ ﺗﺒﺘﺴﻢ ﺑﺲ ﻋﻠﻰ ﺍﻻﻗﻞ ﺧﻞ ﻣﻼﻣﺤﻚ ﻃﺒﻴﻌﻴﻪ
ﻣﺸﺎﺭﻱ ﻣﺎ ﺭﺩ ﻋﻠﻰ ﻋﻤﻪ ﻟﻜﻨﻪ ﺍﺳﺘﺠﺎﺏ ﻟﻜﻼﻣﻪ ﻭﺣﺎﻭﻝ ﻳﺮﺧﻲ ﻓﻲ
ﺗﻌﺎﺑﻴﺮ ﻭﺟﻪ ﻭﻳﻜﻮﻥ ﺍﻛﺜﺮ ﺭﺍﺣﻪ
ﺑﻌﺪ ﻓﺘﺮﺓ ﺻﻤﺖ ﺩﺍﻣﺖ ﺑﻴﻨﻬﻢ ﻟﺪﻗﺎﺋﻖ
ﻭﺍﻓﻲ ﻭﻋﻴﻮﻧﻪ ﻋﻠﻰ ﺍﻟﺸﺎﺭﻉ ﺍﻟﻲ ﻗﺪﺍﻣﻪ : ﻟﻮ ﻣﺨﻠﻴﻨﻲ ﺍﺟﻲ ﺑﺴﻴﺎﺭﺗﻲ
ﻣﻮ ﺍﻓﻀﻞ
ﻣﺸﺎﺭﻱ : ﻟﻴﻪ
ﻭﺍﻓﻲ : ﻻﻧﻲ ﺑﺮﺟﻊ ﺑﺎﻟﻠﻴﻞ ..
ﻗﺎﻃﻌﻪ ﻣﺸﺎﺭﻱ : ﺍﺭﺟﻊ ﻣﻊ ﻭﺍﺣﺪ ﻣﻦ ﺍﺧﻮﻳﺎﺋﻚ .. ﺍﻭ ﺍﺧﺬ ﺳﻴﺎﺭﺓ
ﻋﺒﺪﺍﻟﺮﺣﻤﻦ ﺍﻭ ﺣﻤﺪ
ﻭﺍﻓﻲ : ﺷﻜﻠﻲ ﺑﺎﺧﺬ ﺳﻴﺎﺭﺓ ﻋﺒﺪﺍﻟﺮﺣﻤﻦ ﺍﻭ ﺣﻤﺪ ﻻﻧﻲ ﻣﺎﻟﻲ ﺧﻠﻖ
ﺍﺩﻕ ﻋﻠﻰ ﺍﺧﻮﻳﺎﺋﻲ ﻭﺍﺩﻭﺭ ﺍﺭﺍﺿﻴﻬﻢ ﻭﺑﻌﺪﻳﻦ ﺍﻛﻴﺪ ﻋﻨﺪﻫﻢ ﺍﺭﺗﺒﺎﻃﺎﺕ
ﻭﻛﻞ ﻭﺍﺣﺪ ﻣﺸﻐﻮﻝ ﻣﻊ ﺍﻫﻠﻪ .. ﻭﻣﺎ ﺍﺩﺭﻱ ﻣﺘﻰ ﺭﺍﺡ ﻳﻤﺸﻮﻥ
ﺭﺟﻊ ﺍﻟﺼﻤﺖ ﻳﺮﺍﻗﺺ ﺍﻟﺪﻗﺎﺋﻖ ﻗﺒﻞ ﺍﻥ ﻳﻘﻮﻝ ..
ﻣﺸﺎﺭﻱ ﻭﻧﺎﻇﺮ ﻋﻤﻪ ﻭﺍﻓﻲ ﺑﻄﺮﻑ ﻋﻴﻨﻪ : ﻗﺎﻝ ﺍﻳﺶ ﻗﺎﻝ ﺍﻟﻘﻠﺐ
ﻣﺸﻐﻮﻝ ..
ﻭﺍﻓﻲ : ﺍﻧﺘﺒﻪ ﻟﻄﺮﻳﻖ
ﻣﺸﺎﺭﻱ ﺑﺒﺘﺴﺎﻣﻪ ﺧﻔﻴﻔﻪ : ﻃﻴﺐ ﺧﺒﺮﻧﺎ ﻣﻦ ﻫﺬﻱ ﺳﻌﻴﺪﺓ ﺍﻟﺤﻆ ﺍﻟﻲ
ﺷﺎﻏﻠﻪ ﻗﻠﺐ ﻋﻤﻲ ﺍﻟﻜﺒﻴﺮ
ﻭﺍﻓﻲ ( ﺍﻟﺤﻴﻦ ﻭﺵ ﻳﻔﻜﻨﻲ ﻣﻨﻪ ﻣﺎﺻﺎﺭ ﻛﻠﻤﻪ ﻭﻃﻠﻌﺖ ﻣﻨﻲ )
ﻣﺸﺎﺭﻱ ﻭﻳﻠﺘﻔﺖ ﻋﻠﻰ ﻋﻤﻪ : ﻋﻤﻲ ﻭﺷﻔﻴﻚ ﺳﺎﻛﺖ .. ﻣﺴﺘﺤﻲ ﻣﻨﻲ
ﺍﻓﺎ ﻳﺎ ﻋﻤﻲ ﻻ ﺗﺴﺘﺤﻲ ﻭﺍﻧﺎ ﻭﻟﺪ ﺍﺧﻮﻙ .. ( ﻛﻤﻞ ﺑﺒﺘﺴﺎﻣﻪ ) .. ﻭﺍﻟﻠﻪ
ﻭﻛﺒﺮﺕ ﻳﺎ ﻋﻤﻲ ﻭﺻﺮﺕ ﺗﺤﺐ ﻭﺗﻨﺤﺐ .. ﻃﻴﺐ ﻳﺎﻋﻤﻲ ﺣﺐ ﻣﻦ
ﻃﺮﻓﻴﻦ ﻭﻻ ﻣﻦ ﻃﺮﻑ ﻭﺍﺣﺪ ﻭﻻ ﺍﻋﺠﺎﺏ .. ﻃﻴﺐ ﻫﻲ ﻣﻦ ﺍﻟﻌﺎﺋﻠﻪ
ﻭﻻ ﺍﻟﺠﻴﺮﺍﻥ .. ﻻ ﺗﻘﻮﻟﻲ ﻣﻦ ﺑﻨﺎﺕ ﺍﻟﺠﻴﺮﺍﻥ ﺍﺫﻛﺮﻫﻢ ﺍﻧﺎ ﻛﻞ ﻭﺣﺪﻩ
ﻋﺮﺽ ﺍﻟﺒﺎﺏ ﻭﺍﻧﺖ ﻳﺎ ﻋﻤﻲ ﺿﺎﻳﻊ ﺑﻴﻨﻬﻢ .. ﻻ ﻻ ﻣﺎ ﺍﻋﺘﻘﺪ ﻫﺬﺍ
ﺫﻭﻭﻗﻚ .. ﻃﻴﺐ ﻗﻠﻲ ﻭﻳﻦ ﺷﻔﺘﻬﺎ .. ﻭﺵ ﺍﺳﻤﻬﺎ .. ﺑﻴﻀﻪ ﺳﻤﺮﻩ
.. ﻃﻮﻳﻠﻪ ﻗﺼﻴﺮﻩ .. ﻣﺘﻴﻨﻪ ﺿﻌﻴﻔﻪ
ﻗﺎﻃﻌﻪ ﻭﺍﻓﻲ ﺑﻨﺒﺮﺓ ﺗﻬﺪﻳﺪ : ﺗﺮﻯ ﺍﻥ ﻣﺎ ﺳﻜﺮﺕ ﻓﻤﻚ .. ﻭﺍﻟﻠﻪ
ﺑﺤﻄﻚ ﺗﺤﺖ ﺗﻮﺍﻳﺮ ﺍﻟﺴﻴﺎﺭﻩ ﻭﺑﺪﻭﺳﻚ ﺑﺎﻟﺴﻴﺎﺭﻩ .. ﻣﺎﺑﺮﺣﻤﻚ
ﻣﺸﺎﺭﻱ : ﻃﻴﺐ ﺧﻼﺹ .. ﺑﺴﻜﺖ
ﻭﺍﻓﻲ ( ﻣﺎﻳﺴﻜﺮ ﻓﻤﻪ ﺍﻟﻰ ﺑﻌﻴﻦ ﺍﻟﺤﻤﺮﻩ .. ) ﺑﻨﺒﺮﺓ ﺗﻬﺪﻳﺪ : ﺍﻟﺤﻴﻦ
ﺍﺫﺍ ﻭﺻﻠﻨﺎ ﻭﻧﺰﻟﻨﻲ ﺑﻴﺖ ﺍﺧﻮﻙ ﺑﻮ ﺗﺮﻛﻲ ﺑﺘﻐﺪﺍ ﻫﻨﺎﻙ ﻭﺑﻌﺪﻳﻦ ﺗﻌﺎﻝ
ﻣﺮﻧﻲ ﻧﺮﻭﺡ ﺑﻴﺘﻜﻢ ﻭﺍﻛﻠﻢ ﺍﻣﻚ ﻭﺍﺑﻮﻙ
ﻣﺸﺎﺭﻱ : ﻋﻤﻲ ﺗﻌﺎﻝ ﺗﻐﺪﺍ ﻋﻨﺪﻧﺎ ..
ﻭﺍﻓﻲ ﺑﺒﺘﺴﺎﻣﻪ : ﻻ ﺑﺮﻭﺡ ﺍﺗﻐﺪﺍ ﻣﻊ ﺳﺠﺎﻭﻱ ( ﻣﺘﻌﻤﺪ ﻳﻘﻮﻝ
ﺍﺳﻤﻬﺎ ) .. ﻭﻋﻠﻴﺎ
ﻣﺸﺎﺭﻱ ﺑﺤﺰﻥ : ﻃﻴﺐ ﻣﺎ ﻳﻨﻔﻊ ﺍﺟﻲ ﺍﺗﻐﺪﺍ ﻣﻌﻜﻢ
.
.
.
ﻓــﻲ ﺑﻴﺖ ﺑﻮ ﺗﺮﻛﻲ .. ﻭﺗﺤﺪﻳﺪﺍ ﻓﻲ ﺍﻟﻤﻄﺒﺦ ..
ﻛﺎﻧﺖ ﺍﻡ ﺗﺮﻛﻲ ﺟﺎﻟﺴﻪ ﻋﻠﻰ ﺍﻟﻜﺮﺳﻲ ﺗﻘﻄﻊ ﺍﻟﺠﺰﺭ ﻟﻠﺴﻠﻄﻪ .. ﻭﺑﺎﻟﻬﺎ
ﻣﺸﻐﻮﻝ ﺑﻮﻟﺪﻫﺎ ﺣﻤﺪ ﺍﻟﻰ ﻣﺎ ﻧﺎﻣﺖ ﺍﻟﻠﻴﻞ ﺗﻔﻜﺮ ﻓﻴﻪ ﻣﻦ ﺍﻣﺲ ﻭﻫﺬﺍ
ﺣﺎﻟﻬﺎ ﻓﻜﺮﻩ ﺗﻮﺩﻳﻬﺎ ﻭﺍﻟﺜﺎﻧﻴﻪ ﺗﺠﻴﺒﻬﺎ .. ﻓﻜﺮﻩ ﺗﺠﻴﺐ ﻟﻬﺎ ﺍﻟﻀﻴﻘﻪ ..
ﻭﻓﻜﺮﻩ ﺗﻬﻮﻥ ﻋﻠﻴﻬﺎ .. ﻣﺤﺘﺎﺭﻩ ﺗﺨﺒﺮ ﺑﻮﺗﺮﻛﻲ ﻭﻻ ﺗﻨﺘﻈﺮ ﺷﻮﻱ
ﺍﻻﻓﻀﻞ ﺍﻧﻬﺎ ﺗﻨﺘﻈﺮ ﺷﻮﻱ ﻭﺗﻜﻠﻢ ﺣﻤﺪ ﻣﺮﻩ ﺛﺎﻧﻴﻪ ﻳﻤﻜﻦ ﺗﻘﺪﺭ ﺗﺤﻞ
ﺍﻟﻤﻮﺿﻮﻉ ﺑﺪﻭﻥ ﺗﺪﺧﻞ ﺑﻮ ﺗﺮﻛﻲ .. ﻻﻥ ﺑﻮﺗﺮﻛﻲ ﻟﻮ ﺗﺪﺧﻞ ﺑﺘﺼﻴﺮ
ﻋﻠﻮﻡ ﻭﻫﻲ ﻋﺎﺭﻓﻪ ﻭﻟﺪﻫﺎ ﺍﺣﻴﺎﻧﺎ ﺍﻟﻌﺼﺒﻴﻪ ﻭﺍﻟﺘﻬﺪﻳﺪ ﻣﺎ ﻳﺠﻴﺐ ﻣﻌﻪ
ﻧﺘﻴﺠﻪ .. ﺑﺎﻟﻌﻜﺲ ﺑﺰﻳﺪ ﻭﺑﺴﻮﻱ ﺍﻟﻲ ﺑﺮﺍﺳﻪ ﻭﻣﺎ ﺭﺍﺡ ﻳﺤﺴﺐ ﺣﺴﺎﺏ
ﺍﺣﺪ ( ﻟﻴﻪ ﺣﻤﺪ ﻃﺎﻟﺐ ﻳﺘﺰﻭﺝ ﻟﻴﻪ ﻳﻔﻜﺮ ﺑﺎﻟﺰﻭﺍﺝ .. ﻣﺎﻳﻔﻜﺮ ﺑﺎﻟﺰﻭﺍﺝ
ﺍﻟﻰ ﺍﺫﺍ ﻛﺎﻧﺖ ﻓﻲ ﺑﻨﺖ ﺑﺤﻴﺎﺗﻪ ﻣﻦ ﻫﻲ ﻫﺬﻱ ﻭﻛﻴﻒ ﻋﺮﻓﻬﺎ .. ﺍﻛﻴﺪ
ﺍﻟﻌﺒﺖ ﺑﻌﻘﻠﻪ ﻭﻗﺼﺖ ﻋﻠﻴﻪ ﺃﻱ ﺍﻛﻴﺪ ﺷﺎﻓﺘﻪ ﺑﺰﺭ ﻭﻣﺘﻬﻮﺭ .. ﻏﺼﺖ
ﻋﻠﻴﻪ ﻭﻫﻮ ﻭﺍﻋﻠﻲ ﻋﻠﻴﻪ ﺻﺪﻕ .. ﻻ ﻻ ﻳﻤﻜﻦ ﻫﻮ ﻏﻠﻂ ﻣﻊ ﺑﻨﺖ
ﻭﺗﻮﺭﻁ ﻣﻌﻬﺎ ﻭﻗﺎﻝ ﺑﺼﻠﺢ ﻏﻠﻄﺘﻪ ( ﻣﺠﺮﺩ ﻣﺎ ﻓﻜﺮﺓ ﺑﻬﺬﻱ ﺍﻟﻔﻜﺮ
ﻗﺎﻡ ﻗﻠﺒﻬﺎ ﻳﻌﻮﺭﻫﺎ .. ﻭﻣﺎ ﻗﺪﺭﺕ ﺗﺘﺤﻤﻞ ﺣﺎﻭﻟﺖ ﺗﻄﺮﺩ ﻛﺎﺑﻮﺱ ﻫﺬﻱ
ﺍﻟﻔﻜﺮﻩ ﺑﻌﻴﺪ ﻋﻦ ﺑﺎﻟﻬﺎ ) ﻭﺭﺟﻌﺖ ﺗﻔﻜﺮ ﻓﻲ ﺣﺪﻭﺩ ﺍﻟﻤﻮﺿﻮﻉ
ﻭﺍﻟﻮﺍﻗﻊ ﺍﻟﺤﺎﻟﻲ ( ﻻ ﺍﻧﺎ ﻻﺯﻡ ﺍﺗﺼﺮﻑ ﻻﺯﻡ ﺍﻋﺮﻑ ﺳﺎﻟﻔﺘﻪ ﺑﺎﻟﺘﻔﺼﻴﻞ
.. ﺑﻘﻮﻝ ﻟﻮﻟﺪﻱ ﻋﺒﺪﺍﻟﺮﺣﻤﻦ ﻭﺑﺴﺘﺸﻴﺮﻩ ﻭﺑﺎﻟﻤﺮﻩ ﺑﺨﻠﻴﻪ ﻫﻮ ﻳﺘﺼﺮﻑ
ﻣﻌﻪ ﻭﻳﻌﺮﻑ ﻣﻨﻪ ﻛﻞ ﺍﻟﺴﺎﻟﻔﻪ .. ﻫﻮ ﻳﻔﻬﻢ ﺍﻛﺜﺮ ﻣﻨﻲ ﺑﺴﻮﺍﻟﻒ
ﺍﻟﺸﺒﺎﺏ ﻳﻤﻜﻦ ﺍﺣﺪ ﻗﺎﺹ ﻋﻠﻴﻪ ﻭﻻﻋﺐ ﺑﻌﻘﻠﻪ ﻭﻣﺰﻳﻦ ﻟﻪ ﻓﻜﺮﺓ
ﺍﻟﺰﻭﺍﺝ )
ﺗﻨﺘﻬﺪﺓ .. ﻭﺍﺧﺬﺕ ﺧﻴﺎﺭﻩ ﻭﺑﺪﺕ ﺗﻘﻄﻌﻬﺎ ..
ﺩﺧﻠﺖ ﺳﺠﻰ ﺍﻟﻤﻄﺒﺦ ﺑﺒﺘﺴﺎﻣﻪ ﻭﺷﺎﻓﺖ ﺍﻣﻬﺎ ﺳﺮﺣﺎﻧﻪ ﻭﺑﻴﺪﻫﺎ
ﺳﻜﻴﻨﻪ ﺗﻘﻄﻊ ﺍﻟﺨﻴﺎﺭ .. ﺍﺟﻠﺴﺖ ﻋﻠﻰ ﺍﻟﻜﺮﺳﻲ ﺑﻬﺪﻭﺀ ﻭﺍﻣﻬﺎ ﻣﺎ
ﺣﺴﺖ ﻓﻴﻬﺎ
ﺳﺠﻰ ﻭﻫﻲ ﺗﻨﺎﻇﺮ ﻣﻼﻣﺢ ﺍﻣﻬﺎ ﺍﻟﺬﺑﻼﻧﻪ ( ﺍﻛﻴﺪ ﺍﻣﻲ ﺗﻔﻜﺮ ﺑﻤﻮﺿﻮﻉ
ﻛﺒﻴﺮ ﺷﺎﻏﻞ ﺑﺎﻟﻬﺎ ﻛﻠﻴﺎ ﻟﺪﺭﺟﻪ ﺍﻧﻲ ﺟﻠﺴﺖ ﻭﻣﺎ ﺣﺴﺖ ﻓﻴﻨﻲ ..
ﺍﻗﻄﻊ ﺍﻳﺪﻱ ﻟﻮ ﻣﺎ ﻛﺎﻥ ﺍﻟﻤﻮﺿﻮﻉ ﻳﺨﺺ ﺣﻤﺪ .. ﺍﻣﻮﺕ ﻭﺍﻋﺮﻑ
ﻭﺵ ﻣﺴﻮﻱ ﻋﺎﻣﻮﺩ ﺍﻟﻜﻬﺮﺑﺎ .. ﻫﻠﻬﺒﻞ )
ﺍﺭﻓﻌﺖ ﺭﺍﺳﻬﺎ ﺍﻡ ﺗﺮﻛﻲ ﻭﻧﺎﻇﺮﺕ ﺳﺠﻰ ﺍﻟﻲ ﺟﺎﻟﺴﻪ ﻓﻲ ﺍﻟﻜﺮﺳﻲ
ﺍﻟﻲ ﻗﺒﺎﻟﻬﺎ
ﺍﻡ ﺗﺮﻛﻲ ﺑﺒﺘﺴﺎﻣﻪ ﺑﺎﻫﺘﻪ : ﺟﻠﺴﺘﻲ ﻣﻦ ﺍﻟﻨﻮﻡ ..
ﺳﺠﻰ ﺑﺒﺘﺴﺎﻣﻪ : ﺍﻳﻮﻩ ﺟﻠﺴﺖ .. ( ﻭﺗﻜﻤﻞ ﻭﻫﻲ ﺗﺴﺘﻨﺸﻖ ﺭﻳﺤﺔ
ﺍﻻﻛﻞ ﺍﻟﺸﻬﻴﻪ ) .. ﻭﺵ ﻫﺎﻟﺮﻳﺤﻪ ﺍﻟﺨﻄﻴﺮﻩ .. ﻭﺍﻟﻠﻪ ﻣﺎﻧﻲ ﻗﺎﺩﺭﻩ
ﺍﻗﺎﻭﻡ ﻋﺼﺎﻓﻴﺮ ﺑﻄﻨﻲ ﺑﺪﺕ ﺍﺻﻮﺍﺗﻬﺎ ﺗﻌﻠﻰ .. ﻣﺘﻰ ﺑﺘﺤﻄﻴﻦ ﺍﻟﻐﺪﺍ
ﺍﻡ ﺗﺮﻛﻲ ﺑﺒﺘﺴﺎﻣﻪ ﻣﻦ ﺯﻣﺎﻥ ﻣﺎ ﺷﺎﻓﺖ ﺳﺠﻰ ﺷﻬﻴﺘﻬﺎ ﻣﻔﺘﻮﺣﻪ ﻛﺬﺍ
: ﺍﺧﻮﻛﻲ ﻋﺒﺪﺍﻟﺮﺣﻤﻦ ﻭﻋﻤﺘﻚ ﻋﻠﻴﺎ ﺍﺟﻠﺴﻮ ﻣﻦ ﺍﻟﻨﻮﻡ
ﺳﺠﻰ : ﺍﺧﻮﻱ ﻋﺒﺪﺍﻟﺮﺣﻤﻦ ﺟﻠﺲ ﺷﻔﺘﻪ ﻃﺎﻟﻊ ﻣﻦ ﻏﺮﻓﺘﻪ .. ﺍﻣﺎ
ﻋﻤﺘﻲ ﻋﻠﻴﺎ ﻣﺪﺭﻱ ﻣﺎ ﺷﺎﻓﺘﻬﺎ ﺍﻟﻈﺎﻫﺮ ﻟﻠﺤﻴﻦ ﻧﺎﻳﻤﻪ
ﺍﻡ ﺗﺮﻛﻲ ﻭﻫﻲ ﺗﻘﻮﻡ : ﺳﺠﻰ ﻛﻤﻠﻲ ﺗﻘﻄﻴﻊ ﺍﻟﻄﻤﺎﻃﻢ .. ﻭﺧﻠﻄﻲ
ﺍﻟﺴﻠﻄﻪ ﻭﺣﻄﻴﻬﺎ ﻓﻲ ﺍﻟﺼﺤﻮﻥ
ﺳﺠﻰ ﺑﺒﺘﺴﺎﻣﻪ : ﺍﻥ ﺷﺄﻟﻠﻪ .. ﺑﺲ ﺍﻧﺘﻲ ﻭﻳﻦ ﺑﺘﺮﻭﺣﻴﻦ
ﺍﻡ ﺗﺮﻛﻲ : ﺑﺮﻭﺡ ﺷﻮﻱ ﻭﺑﺮﺟﻊ .. ﻭﺧﻔﻲ ﻳﺪﻙ ﺍﺑﻲ ﺍﺭﺟﻊ ﺍﺷﻮﻑ
ﺍﻟﺴﻠﻄﻪ ﺟﺎﻫﺰﻩ
ﻃﻠﻌﺖ ﺍﻡ ﺗﺮﻛﻲ ﻣﻦ ﺍﻟﻤﻄﺒﺦ ﻭﺻﻌﺪﺕ ﺍﻟﺪﺭﺝ ﻭﻫﻲ ﻛﻞ ﻣﺎ ﺍﺻﻌﺪﺕ
ﻋﺘﺒﻪ ﺗﺤﺲ ﺍﻥ ﺍﻟﻬﻢ ﻳﺘﺰﺍﻳﺪ ﺑﺪﺍﺧﻠﻬﺎ .. ﺧﺎﻳﻔﻪ ﺍﻥ ﺗﻜﺒﺮ ﺍﻟﺴﺎﻟﻔﻪ
ﻭﺗﻮﺻﻞ ﻟﺒﻮﺗﺮﻛﻲ .. ﻭﻫﻲ ﺍﻟﺴﺎﻟﻔﻪ ﻣﻮ ﺳﺎﻟﻔﺔ ﻓﻠﻮﺱ ﻭﻻ ﺳﻴﺎﺭﻩ ﻭ ﻻ
ﻃﻠﻌﻪ ﺍﻭ ﺳﻔﺮﻩ ﺍﻟﺴﺎﻟﻔﻪ ﺍﻛﺒﺮ ﻣﻨﻪ .. ﺍﻟﻠﻪ ﻳﻬﺪﻳﻚ ﻳﺎﻭﻟﺪﻱ
ﺩﺧﻠﺖ ﺍﻡ ﺗﺮﻛﻲ ﻏﺮﻓﺔ ﻋﺒﺪﺍﻟﺮﺣﻤﻦ ﺑﻌﺪ ﻣﺎ ﺿﺮﺑﺖ ﻋﻠﻰ ﺍﻟﺒﺎﺏ
ﻋﺒﺪﺍﻟﺮﺣﻤﻦ ﻭﻫﻮ ﻳﻠﺒﺲ ﺑﻠﻮﺯﺗﻪ : ﻫﻼﺍﺍ ﻳﻤﺎ .. ﻛﻴﻒ ﺍﺻﺒﺤﺘﻲ
ﺍﻡ ﺗﺮﻛﻲ ﺑﺒﺘﺴﺎﻣﻪ ﻣﺎﺗﺪﺭﻱ ﻟﻴﻪ ﻭﻟﺪﻫﺎ ﻋﺒﺪﺍﻟﺮﺣﻤﻦ ﻣﻦ ﺑﻴﻦ ﺍﻋﻴﺎﻟﻬﺎ
ﻣﻦ ﺗﺸﻮﻓﻪ ﻭﺟﻪ ﻭﺗﺴﻤﻊ ﺻﻮﺗﻪ ﺗﺮﺗﺎﺡ : ﺗﻮﻙ ﻣﺘﺮﻭﺵ
ﻋﺒﺪﺍﻟﺮﺣﻤﻦ ﻭﻫﻲ ﻳﻤﺸﻂ ﺷﻌﺮﻩ ﻭﻳﻨﺎﻇﺮ ﻧﻔﺴﻪ ﻓﻲ ﺍﻟﻤﺮﺍﻳﻪ : ﺍﻳﻮﻩ
ﺍﻡ ﺗﺮﻛﻲ : ﻧﻌﻴﻤﺎ
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ ﻭﻫﻮ ﻳﺤﻂ ﺍﻟﻤﺸﻂ ﻋﻠﻰ ﺍﻟﺘﺴﺮﻳﺤﻪ : ﺍﻟﻠﻪ
ﻳﻨﻌﻢ ﻋﻠﻴﻚ ﻳﺎ ﺍﻟﻐﺎﻟﻴﻪ
ﺍﻡ ﺗﺮﻛﻲ ﻭﻫﻲ ﺗﺠﻠﺲ ﻋﻠﻰ ﺍﻟﻜﺮﺳﻲ : ﻋﺒﺪﺍﻟﺮﺣﻤﻦ ﺍﺑﻴﻚ ﺑﻤﻮﺿﻮﻉ
ﻋﺒﺪﺍﻟﺮﺣﻤﻦ ﻭﻫﻮ ﻳﺤﻂ ﺯﺟﺎﺟﺔ ﺍﻟﻌﻄﺮ ﻋﻠﻰ ﺍﻟﺘﺴﺮﻳﺤﻪ ﺑﻌﺪ ﻣﺎ ﺭﺵ
ﻣﻨﻬﺎ : ﺧﻴﺮ ﻳﻤﺎ
ﻋﺒﺪﺍﻟﺮﺣﻤﻦ ﻭﻫﻮ ﻳﺠﻠﺲ ﻋﻠﻰ ﻃﺮﻑ ﺍﻟﺴﺮﻳﺮ ﺍﻟﻲ ﻣﻘﺎﺑﻞ ﺍﻟﻜﺮﺳﻲ
ﺍﻟﻲ ﺟﺎﻟﺴﻪ ﻋﻠﻴﻪ ﺍﻣﻪ : ﺍﻣﺮﻱ
ﺍﻡ ﺗﺮﻛﻲ ﺑﺒﺘﺴﺎﻣﻪ ﺑﺎﻫﺘﻪ : ﻣﺎ ﻳﺎﻣﺮ ﻋﻠﻴﻚ ﻋﺪﻭ .. ﺍﺧﻮﻙ ﺣﻤﺪ
ﻋﺒﺪﺍﻟﺮﺣﻤﻦ ﺑﺘﻨﻬﻴﺪﻩ ﻭﻧﻈﺮﻩ ﻻ ﻣﺒﺎﻟﻪ : ﻭﺵ ﻣﺴﻮﻱ ﺑﻌﺪ ﺣﻤﺪ .. ﻣﻮ
ﺍﻟﻤﺸﺎﻛﻞ ﻓﻲ ﺍﻟﺒﻴﺖ ﻛﻠﻬﺎ ﻣﻦ ﻫﺎﻟﺤﻤﺪ .. ﻭﺵ ﻣﺴﻮﻱ ﺍﻛﻴﺪ ﻣﺘﺴﻠﻒ
ﻣﻦ ﺧﻮﻳﻪ ﻣﺒﻠﻎ ﺩﺳﻢ ﺍﻭ ﻣﻜﺴﺮ ﺍﻟﺴﻴﺎﺭﻩ ﻭﻻ ﻣﺴﻮﻱ ﻓﻴﻬﺎ ﺣﺎﺩﺙ
ﻭﻳﺒﻲ ﻳﺼﻠﺤﻬﺎ ﺍﻭ ﻳﺒﻲ ﻳﺴﺎﻓﺮ ﻣﻊ ﺍﺧﻮﻳﺎﺋﻪ ﻭﻣﺎ ﻋﻨﺪﻩ ﻓﻠﻮﺱ ﺗﻜﻔﻲ
.. ﺍﻭ ﻳﺒــ
ﻗﺎﻃﻌﺘﻪ ﺍﻡ ﺗﺮﻛﻲ : ﻻ ﺍﻟﻤﻮﺿﻮﻉ ﺑﻌﻴﺪ ﻛﺜﻴﺮ ﻋﻦ ﻛﻞ ﻫﺬﺍ ( ﻛﻤﻠﺖ
ﺑﺘﺮﺩﺩ ) .. ﺣﻤﺪ ﺍﺧﻮﻙ ﻳﺒﻲ ﻳﺘــﺰﻭﺝ
ﻋﺒﺪﺍﻟﺮﺣﻤﻦ ﻧﺎﻇﺮ ﻣﻼﻣﺢ ﺍﻣﻪ ﺑﻨﻈﺮﺍﺕ ﺗﻌﺠﺐ .. ﻭﻛﺎﻧﻪ ﻳﺤﺎﻭﻝ
ﻳﺘﺮﺟﻢ ﻣﺎ ﺳﻤﻌﻪ
ﻋﺒﺪﺍﻟﺮﺣﻤﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻫﻬﻬﻬﻬﻬﻬﻪ
ﺍﻡ ﺗﺮﻛﻲ ﻭﻫﻲ ﺗﻨﺎﻇﺮ ﻋﺒﺪﺍﻟﺮﺣﻤﻦ ﺍﻟﻲ ﻣﻴﺖ ﻣﻦ ﺍﻟﻀﺤﻚ ﺑﻨﻈﺮﺍﺕ
ﻋﺘﺎﺏ : ﻟﻴﻪ ﺗﻀﺤﻚ
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ : ﺍﺳﻒ .. ﺑﺲ ﻭﺍﻟﻠﻪ ﺍﻟﻤﻮﺿﻮﻉ ﻳﻀﺤﻚ ..
ﺣﻤﺪ ﻳﺒﻲ ﻳﺘﺰﻭﺝ
ﺍﻡ ﺗﺮﻛﻲ : ﺍﻳﻮﻩ ﺻﺤﻴﺢ ﺍﻣﺲ ﺣﻤﺪ ﻛﻠﻤﻨﻲ ﻭﻗﺎﻝ ﻟﻲ ﺍﻗﻮﻝ ﻻﺑﻮ ..
ﻭﺍﺫﺍ ﻣﺎ ﻭﺍﻓﻘﻨﺎ ﺭﺍﺡ ﻳﻜﻮﻥ ﻟﻪ ﺗﺼﺮﻑ ﺛﺎﻧﻲ
ﻋﺒﺪﺍﻟﺮﺣﻤﻦ ﺑﻤﻼﻣﺢ ﺟﺎﺩﻩ : ﻫﻲ ﺍﻟﺪﻧﻴﺎ ﻓﻮﺿﻰ .. ﻭﺍﻟﺮﺟﻮﻟﻪ ﻣﻦ
ﻟﺒﺲ ﺛﻮﺏ ﻭﻋﻘﺎﻝ ﻭﻗﺎﻝ ﺍﻧﺎ ﺭﺟﺎﻝ
ﺍﻡ ﺗﺮﻛﻲ : ﺑﺲ ﻳﺎﻭﻟﺪﻱ ﺍﻧﺎ ﺧﺎﻳﻔﻪ ﻋﻠﻰ ﺍﺧﻮﻙ
ﻋﺒﺪﺍﻟﺮﺣﻤﻦ : ﻫﺬﺍ ﺍﻟﻤﻔﺮﻭﺽ ﺗﺨﺎﻓﻴﻦ ﻣﻨﻪ ﻣﻮ ﻋﻠﻴﻪ
ﺍﻡ ﺗﺮﻛﻲ ﺑﺘﺮﺟﻲ : ﺍﺑﻴﻚ ﻳﺎ ﻭﻟﺪﻱ ﺗﺮﻭﺡ ﺗﻜﻠﻤﻪ ﻭﺗﻔﻬﻢ ﻣﻨﻪ ﻭﺵ
ﺳﺎﻟﻔﺔ ﻫﺎﻟﺰﻭﺍﺝ .. ﻟﻴﻜﻮﻥ ﺑﻨﺖ ﻻﻋﺒﻪ ﺑﻌﻘﻠﻪ ﻭﻻ ﻣﺘﻮﺭﻁ ﻣﻌﺎ .. ﻭﻻ
ﻳﻤﻜﻦ ﺭﺑﻌﻪ ﻗﺎﻧﻌﻴﻨﻪ ﻭﻻﻓﻴﻦ ﻣﺨﻪ
ﻋﺒﺪﺍﻟﺮﺣﻤﻦ ﻭﻋﺎﻗﺪ ﺣﻮﺍﺟﺒﻪ : ﺍﻛﻴﺪ ﺭﺍﺡ ﺍﻛﻠﻤﻪ .. ﻭﺍﻛﺴﺮ ﺭﺍﺳﻪ ﺑﻌﺪ
ﻫــ
ﻗﺎﻃﻌﺘﻪ ﺍﻡ ﺗﺮﻛﻲ : ﻻ ﻳﺎ ﻋﺒﺪﺍﻟﺮﺣﻤﻦ ﺍﺑﻴﻚ ﺗﻜﻠﻤﻪ ﺑﻬﺎﺩﻭﻩ ﻭﺗﺎﺧﺬﻩ
ﻋﻠﻰ ﻗﺪ ﻋﻘﻠﻪ ﺍﻧﺖ ﻋﺎﺭﻑ ﺍﻥ ﺣﻤﺪ ﻣﺎ ﺗﻨﻔﻊ ﻣﻌﻪ ﺍﻟﻌﺼﺒﻴﻪ ﻭﺍﻟﺸﺪﻩ
ﺑﺎﻟﻌﻜﺲ ﺭﺍﺡ ﻳﺰﻳﺪ ﻭﻳﻌﺎﻧﺪ .. ﻟﻮ ﺍﻧﻲ ﻗﻠﺖ ﻟﺘﺮﻛﻲ ﻛﺎﻥ ﻣﺎ ﺭﺣﻤﻪ ..
ﺑﺲ ﺍﻧﺎ ﺟﻴﺖ ﻗﻠﺖ ﻟﻚ ﻻﻥ ﻋﻘﻠﻚ ﻛﺒﻴﺮ ﻭﺗﺰﻥ ﺍﻻﻣﻮﺭ .. ﻭﺑﻌﺪﻳﻦ ﻻ
ﺗﻨﺴﻰ ﺍﻥ ﺍﺧﻮﻙ ﺣﻤﺪ ﻣﺮﺍﻫﻖ ﺣﺎﻭﻝ ﺗﺴﺎﻳﺴﻪ ﻭﺗﺎﺧﺬ ﻭﺗﻌﻄﻲ ﻣﻌﻪ
..
ﻋﺒﺪﺍﻟﺮﺣﻤﻦ : ﺍﻥ ﺷﺄﻟﻠﻪ .. ﻫﻮ ﻭﻳﻨﻪ ﺍﻟﺤﻴﻦ
ﺍﻡ ﺗﺮﻛﻲ : ﺍﻛﻴﺪ ﻧﺎﻳﻢ ﺑﻐﺮﻓﺘﻪ .. ﺍﻧﺰﻝ ﺍﻟﺤﻴﻦ ﺗﻐﺪﺍ ﻭﺑﻌﺪﻳﻦ ﻛﻠﻤﻪ ..
ﻭﺍﻟﻠﻪ ﺍﻧﺎ ﺧﺎﻳﻔﻪ ﺗﻜﺒﺮ ﺍﻟﺴﺎﻟﻔﻪ ﻭﺗﻮﺻﻞ ﻻﺑﻮﻙ
ﻋﺒﺪﺍﻟﺮﺣﻤﻦ : ﻻ ﺍﻥ ﺷﺄﻟﻠﻪ ﻣﺎ ﺗﻜﺒﺮ ﺍﻟﺴﺎﻟﻔﻪ
ﻓــﻲ ﻏﺮﻓﺔ ﺣﻤﺪ ..
ﻛﺎﻥ ﺣﻤﺪ ﻣﻨﺴﺪﺡ ﻋﻠﻰ ﺍﻟﺴﺮﻳﺮ ﻭﺭﺍﺳﻪ ﻣﺴﻨﺪﻩ ﻋﻠﻰ ﻇﻬﺮ ﺍﻟﺴﺮﻳﺮ .
. ﻭﺭﺟﻠﻪ ﺍﻟﻴﻤﻨﻰ ﻣﺮﻓﻮﻋﻪ ﻋﻠﻰ ﺭﺟﻠﻪ ﺍﻟﻴﺴﺮﻯ .. ﻭﻳﺪﻩ ﺍﻟﻴﻤﻨﻰ
ﻣﺎﺳﻜﻪ ﺍﻟﺠﻮﺍﻝ ﺍﻟﻲ ﻻﺻﻖ ﻓﻲ ﺍﺫﻧﻪ ﺍﻟﻴﻤﻨﻰ ﻭﻳﺪﻩ ﺍﻟﻴﺴﺮﻯ ﺣﺎﻃﻬﺎ
ﻋﻠﻰ ﺻﺪﺭﻩ ﺑﺴﺘﺮﺧﺎﺀ ﻭﺭﺍﺣﻪ
ﺣﻤﺪ ﺑﺒﺘﺴﺎﻣﻪ : ﺩﻟﻮﻟﺘﻲ ﺗﺼﺪﻗﻴﻦ ﺍﻟﻴﻮﻡ ﺣﻠﻤﺖ ﻓﻴﻚ
ﻣﻴﻼﻑ ﺑﺪﻟﻊ : ﻭﺍﻟﻠﻪ .. ﻭﺵ ﺣﻠﻤﺖ ﻓﻴﻪ ﻭﻛﻴﻒ ﻛﺎﻥ ﺷﻜﻠﻲ ﻓﻲ
ﺍﻟﺤﻠﻢ
ﺣﻤﺪ ﺑﺒﺘﺴﺎﻣﻪ : ﻛﻨﺘﻲ ﻃﺎﻟﻌﻪ ﻣﻼﻙ .. ﺣﻠﻤﺖ ﺍﻧﻚ ﻻﺑﺴﻪ ﻓﺴﺘﺎﻥ
ﺍﺑﻴﺾ ﻭﺍﻧﺎ ﻻﺑﺲ ﺑﺪﻟﻪ ﺑﻴﻀﻪ ﻭﺍﻟﻤﻜﺎﻥ ﻣﻦ ﺣﻮﻟﻨﺎ ﻛﻠﻪ ﻭﺭﺩ ﺍﺣﻤﺮ ﻭﺍﻧﺎ
ﻣﺎ ﺳﻚ ﻳﺪﻙ ﺑﺤﺐ .. ﻭﺟﺎﻟﺴﻴﻦ ﺑﻴﻦ ﺍﻟﻮﺭﺩ ﺍﻻﺣﻤﺮ ﻭﺑﻌﺪﻳﻦ ﻗﻄﻔﺖ
ﻭﺭﺩﻩ ﺣﻤﺮﻩ ﻭﻗﺪﻣﺘﻪ ﻟﻚ << ( ﺗﺮﻯ ﺣﻠﻤﻪ ﻭﻟﻴﺪ ﺍﻟﺤﻈﻪ .. ﻭﻣﻦ ﻧﺴﺞ
ﺧﻴﺎﻟﻪ )
ﻣﻴﻼﻑ : ﻳﺎﺍﺍﺍﺍﺍﺍﺍﺍﻱ ﺗﺨﻴﻞ ﺣﻤﺪ ﻟﻮ ﻳﺘﺤﻘﻖ ﻫﺎﻟﺤﻠﻢ
ﺣﻤﺪ ﺑﺒﺘﺴﺎﻣﻪ : ﺑﻴﺪﻧﺎ ﺗﺤﻘﻴﻘﻪ .. ﺩﻻﻝ ﺗﺼﺪﻗﻴﻦ ﻧﻔﺴﻲ ﺍﺷﻮﻓﻚ
ﻣﻴﻼﻑ ﻭﺗﺤﺎﻭﻝ ﺗﺘﻬﺮﺏ : ﺧﻼﺹ ﺷﻔﺘﻨﻲ ﻓﻲ ﺍﻟﺤﻠﻢ ﻭﻗﺪﻣﺖ ﻟﻲ
ﻭﺭﺩﻩ ﺣﻤﺮﻩ
ﺣﻤﺪ : ﺗﻐﺪﻳﺘﻲ ﻭﻻ ﻟﺴﻰ
ﻣﻴﻼﻑ : ﻻ ﺍﻧﺎ ﻣﺎ ﺍﻛﻞ ﺍﻻ ﻭﺟﺒﻪ ﻭﺣﺪﻩ ﻓﻲ ﺍﻟﻴﻮﻡ ﻭﺟﺒﺔ ﺍﻟﻌﺸﺎ ..
ﺗﺪﺭﻱ ﻻﺯﻡ ﺍﺣﺎﻓﻆ ﻋﻠﻰ ﺭﺷﺎﻗﺘﻲ
ﺣﻤﺪ ﺑﺒﺘﺴﺎﻣﻪ : ﺍﺫﻭﻭﻭﺏ ﺍﻧﺎ ﻓﻲ ﺍﻟﺮﺷﻴﻘﺎﺕ ﻭﺍﻟﺠﻤﻴﻼﺕ
ﻣﻴﻼﻑ ﺑﺪﻟﻊ ﺯﺍﻳﺪ : ﻛﻞ ﺍﻟﺮﺷﻴﻘﺎﺕ ﻭﺍﻟﺠﻤﻴﻼﺕ
ﺣﻤﺪ : ﻫﻬﻬﻬﻬﻬﻬﻬﻬﻬﻪ ﻫﻬﻬﻬﻬﻬﻬﻪ ﻭﺍﺣﺐ ﺍﻟﻲ ﻳﻐﺎﺭﻭﻥ
ﻋﻠﺖ ﺿﺤﻜﺎﺕ ﺣﻤﺪ ﻭﻭﺻﻠﺖ ﺍﻟﻰ ﻣﺴﺎﻣﻊ ﻋﺒﺪﺍﻟﺮﺣﻤﻦ ﺍﻟﻲ ﻛﺎﻥ ﻣﺎﺭ
ﻣﻦ ﺟﻨﺐ ﻏﺮﻓﺔ ﺣﻤﺪ ﻭﻋﺎﺩ ﺍﺩﺭﺍﺟﻪ ﻭﻭﻗﻒ ﻋﻨﺪ ﺑﺎﺏ ﺍﻟﻐﺮﻓﻪ ﻟﻤﺎ
ﺳﻤﻊ ﺿﺤﻜﺎﺕ ﺣﻤﺪ ﺍﻟﻌﺎﻟﻴﻪ .. ﺍﺳﺘﻐﺮﺏ ﻣﻦ ﺟﻠﺴﺖ ﺣﻤﺪ ﻣﻦ ﺍﻟﻨﻮﻡ
ﻓﻲ ﻫﺬﺍ ﺍﻟﻮﻗﺖ ﻻ ﻭﺑﻌﺪ ﺟﺎﻟﺲ ﻣﺮﻭﻕ ﻭﻳﻀﺤﻚ ..ﻏﺮﻳﺒﻪ ﻧﺎﺩﺭ ﻣﺎ
ﺗﺼﻴﺮ ﻫﻮ ﺑﺎﻟﻌﺎﺩﻩ ﻟﻤﺎ ﻳﺠﻠﺲ ﺍﻭ ﺑﻤﻌﻨﺎ ﺍﺻﺢ ﺍﺫﺍ ﺟﻠﺴﻨﺎﻩ ﻣﻦ ﺍﻟﻨﻮﻡ
ﺗﻜﻮﻥ ﻧﻔﺴﻪ ﺑﺨﺸﻤﻪ ﻭﻣﺎﻟﻪ ﺧﻠﻖ ﺣﺘﻰ ﺍﻟﺬﺑﺎﻧﻪ ﻟﻤﺎ ﺗﻤﺮ ﻣﻦ ﺟﻨﺒﻪ ..
ﻭﻳﻈﻞ ﺳﺎﻋﺘﻴﻦ ﺍﻭ ﻛﺜﺮ ﺑﻬﺬﺍ ﺍﻟﻤﺰﺍﺝ .. ﻭﺍﻟﻠﻪ ﻳﺎﺧﻮﻓﻲ ﻛﻞ ﻫﺬﺍ ﻣﻦ
ﺗﺎﺛﺮ ﻓﻜﺮﺓ ﺍﻟﺰﻭﺍﺝ ﺍﻟﻲ ﻃﺎﻟﻊ ﻓﻴﻬﺎ ﻓﻠﺘﺖ ﺯﻣﺎﻧﻪ ..
ﻭﻗﻒ ﻋﺒﺪﺍﻟﺮﺣﻤﻦ ﻋﻨﺪ ﺍﻟﺒﺎﺏ ﻓﺘﺮﻩ .. ( ﻓﺮﺻﻪ ﺧﻠﻴﻨﻲ ﺍﺩﺧﻞ ﺍﻛﻠﻢ
ﺣﻤﺪ ﺩﺍﻡ ﺍﻥ ﻣﺰﺍﺟﻪ ﺭﺍﻳﻖ .. ﻧﺎﺩﺭ ﻣﺎ ﺍﺣﺼﻠﻪ ﺑﻬﺬﺍ ﺍﻟﻤﺰﺍﺝ )
ﺿﺮﺏ ﻋﺒﺪﺍﻟﺮﺣﻤﻦ ﻋﻠﻰ ﺑﺎﺏ ﺍﻟﻐﺮﻓﻪ ﻛﻢ ﺿﺮﺑﻪ ﻭﺩﺧﻞ ﻗﺒﻞ ﻻ ﻳﺴﻤﻊ
ﺍﻻﺫﻥ ﺑﺎﻟﺪﺧﻮﻝ ..
ﺗﻐﻴﺮﺓ ﻣﻼﻣﺢ ﺣﻤﺪ ﻟﻤﺎ ﺷﺎﻑ ﻋﺒﺪﺍﻟﺮﺣﻤﻦ ﻳﻘﺮﺏ ﻣﻦ ﺳﺮﻳﺮﻩ ..
ﻭﺍﺧﺘﻔﺖ ﺍﻻﺑﺘﺴﺎﻣﻪ
ﻋﺒﺪﺍﻟﺮﺣﻤﻦ ﻭﻫﻮ ﻳﻨﺎﻇﺮ ﻓﻲ ﺣﻤﺪ ﺍﻟﻲ ﺷﺒﻪ ﻣﻨﺴﺪﺡ ﻋﻠﻰ ﺍﻟﺴﺮﻳﺮ :
ﺳﻜﺮ .. ﺍﺑﻴﻚ ﺑﻤﻮﺿﻮﻉ
ﺣﻤﺪ ﺑﻼﻣﺒﺎﻟﻪ : ﻣﻦ ﺍﺫﻥ ﻟﻚ ﺗﺪﺧﻞ ﺍﻟﻐﺮﻓﻪ .. ﻭﺑﻌﺪﻳﻦ ﻣﺎﻧﻲ ﺑﻔﺎﺿﻲ
ﻟﻚ
ﻋﺒﺪﺍﻟﺮﺣﻤﻦ ﻟﻤﺎ ﻟﻤﺲ ﻗﻠﺖ ﺍﻻﺣﺘﺮﺍﻡ ﻭﻻ ﻣﺒﺎﻟﻪ ﻣﻦ ﺣﻤﺪ .. ﺣﺲ ﺍﻥ
ﺍﻟﻤﻮﺿﻮﻉ ﻣﺎ ﻳﺒﻲ ﻟﻪ ﺷﺨﺺ ﻫﺎﺩﻱ ﻳﺒﻲ ﻟﻪ ﺷﺪﻩ ﺷﻮﻱ
ﻋﺒﺪﺍﻟﺮﺣﻤﻦ ﺑﻨﺒﺮﺓ ﺍﻣﺮ : ﺍﻗﻮﻝ ﺳﻜﺮ ﺍﻟﺠﻮﺍﻝ ﺍﺑﻴﻚ ﺑﻤﻮﺿﻮﻉ
ﺣﻤﺪ ( ﻳﻌﻨﻲ ﻣﺴﻮﻱ ﻧﻔﺴﻪ ﺷﺨﺼﻴﻪ ﻗﻮﻳﻪ ) : ﺍﻧﺘﻈﺮﻧﻲ ﺑﺮﺍ ﻟﻤﺎ
ﺍﺧﻠﺺ ﻣﻜﺎﻟﻤﺘﻲ ﺑﺠﻴﻚ
ﻋﺒﺪﺍﻟﺮﺣﻤﻦ ﺑﻌﺼﺒﻴﻪ : ﺍﻗﻮﻟﻚ ﺳﻜﺮ .. ﻻﻓﺘﺢ ﻟﻚ ﺍﺑﻮﺍﺏ ﺳﻮﺩﺍ
ﺑﻮﺟﻬﻚ
ﺣﻤﺪ ﻧﺎﻇﺮ ﻋﺒﺪﺍﻟﺮﺣﻤﻦ ﺍﻟﻲ ﺑﺎﻧﺖ ﻋﻼﻣﺎﺕ ﺍﻟﻌﺼﺒﻴﻪ ﻓﻲ ﻭﺟﻬﻪ ..
ﻟﻜﻨﻬﺎ ﻣﺎ ﺍﺛﺮﺕ ﻓﻴﻪ .. ﺍﻭ ﻣﺎﺑﻴﻦ ﺍﻧﻬﺎ ﺗﺎﺛﺮ ﻓﻴﻬﺎ
ﺣﻤﺪ ﻭﻋﻴﻮﻧﻪ ﻣﺜﺒﺘﻪ ﻋﻠﻰ ﻋﺒﺪﺍﻟﺮﺣﻤﻦ ﻭﺍﻟﺠﻮﺍﻝ ﺟﻨﺐ ﺍﺫﻧﻪ .. ﻗﺎﻝ
ﺑﺜﻘﻪ ﻭﺗﻌﻤﺪ ﻭﻗﺼﺪ ﻭﺑﻨﺺ ﺍﺑﺘﺴﺎﻣﻪ : ﺍﻗﻮﻝ ﺣﺒﻴـــﺒﺘﻲ ( ﻭﺷﺪ ﻋﻠﻰ
ﺣﺮﻭﻑ ﻫﺬﻱ ﺍﻟﻜﻠﻤﻪ ) ﺷﻮﻱ ﻭﺍﻛﻠﻤﻚ .. ﺧﻠﻲ ﺟﻮﺍﻟﻚ ﺟﻨﺒﻚ ﻻﻧﻲ ﻣﺎ
ﺷﺒﻌﺖ ﻣﻦ ﺳﻮﺍﻟﻔﻚ ..
ﻣﻴﻼﻑ ﺑﺴﺘﻐﺮﺍﺏ ﺑﻌﺪ ﻣﺎ ﺳﻤﻌﺖ ﺻﻮﺕ ﺍﺣﺪ ﻳﻜﻠﻢ ﺣﻤﺪ ( ﻫﺬﺍ
ﻛﻴﻒ ﻳﻘﻮﻝ ﻟﻲ ﻫﺬﺍ ﺍﻟﻜﻼﻡ ﻭﻓﻲ ﺍﺣﺪ ﻣﻌﻪ ﺑﺎﻟﻐﺮﻓﻪ .. ﺍﻧﺠﻦ ﺍﻟﻮﻟﺪ )
ﻣﻴﻼﻑ ﺭﺩﺕ ﻣﺘﺎﺧﺮ ﺷﻮﻱ ﺑﺒﺮﻭﺩ : ﻃﻴﺐ .. ﺍﺳﺘﻨﺎﻙ
ﺣﻤﺪ ﻟﻤﺎ ﻻﺣﻆ ﺗﻘﺎﺳﻢ ﻭﺟﻪ ﻋﺒﺪ ﺍﻟﺮﺣﻤﻦ ﺑﺪﺕ ﺗﺘﻌﻘﺪ ﻭﺯﺍﺩﺕ
ﺷﺮﺍﺭﺍﺕ ﺍﻟﻌﺼﺒﻴﻪ ﺍﻟﻲ ﺗﺘﻄﺎﻳﺮ ﻣﻦ ﻋﻴﻮﻧﻪ .. ﺣﺐ ﻳﺰﻭﺩ ﺷﻮﻱ
ﻋﻠﺸﺎﻥ ﻳﺼﻴﺮ ﻓﻲ ﺍﻛﺸﻦ ﺍﻛﺜﺮ : ﺍﻗﻮﻝ ﺣﺒﻴﺒﺘﻲ ﺭﺍﺡ ﺍﺷﺘﺎﻕ ﻟﻚ ﻛﺜﻴﺮ
.. ﻭﻟﻚ ﺍﺣﻠﻰ ﺑﻮﺳﻪ .. ﺑﺎﺍﺍﺍﻱ
ﺳﻜﺮ ﺣﻤﺪ ﺍﻟﺠﻮﺍﻝ ﻭﺭﻣﺎﻩ ﺟﻨﺒﻪ ﻋﻠﻰ ﺍﻟﺴﺮﻳﺮ ﻭﻫﻮ ﻟﻠﺤﻴﻦ ﻋﻠﻰ
ﻭﺿﻌﻴﺘﻪ : ﻫﺬﺍ ﺍﻟﺠﻮﺍﻝ ﻭﺳﻜﺮﻧﺎﻩ ﻭﺵ ﺑﻘﻴﺖ
ﻋﺒﺪﺍﻟﺮﺣﻤﻦ ﺑﺤﺮﻛﻪ ﺳﺮﻳﻌﻪ ﻭﺑﻮﺟﻪ ﻏﻀﺒﺎﻥ ﻭﻧﻈﺮﻩ ﺣﺎﺩﻩ ﻗﺮﺏ ﻣﻦ
ﺣﻤﺪ ﻭﻣﺴﻚ ﺛﻮﺑﻪ ﻣﻦ ﻣﻨﻄﻘﺔ ﺍﻟﺼﺪﺭ ﻭﻟﺼﻪ ﻓﻲ ﻇﻬﺮ ﺍﻟﺴﺮﻳﺮ
ﻋﺒﺪﺍﻟﺮﺣﻤﻦ ﺑﻨﻈﺮﻩ ﻣﻠﺘﻬﺒﻪ : ﺍﻗﻮﻝ ﻛﻠﻤﻨﻲ ﺑﺤﺘﺮﺍﻡ .. ﻭﻻ ﺗﻨﺴﻰ ﺍﻧﻲ
ﺍﻛﺒﺮ ﻣﻨﻚ
ﺑﻌﺪ ﻣﺎ ﻗﺎﻝ ﺍﺧﺮ ﻛﻠﻤﻪ .. ﺑﺤﺮﻛﻪ ﺳﺮﻳﻌﻪ ﺷﺪ ﺣﻤﺪ ﻟﻘﺪﺍﻡ .. ﻭﻗﺎﻝ :
ﺍﺟﻠﺲ ﻛﺬﺍ ﻭﻛﻠﻤﻨﻲ ﻋﺪﻝ
ﻋﺒﺪﺍﻟﺮﺣﻤﻦ ﺭﻓﻊ ﻳﺪﻩ ﻭﺣﻂ ﺍﻃﺮﺍﻑ ﺍﺻﺎﺑﻌﻪ ﻋﻠﻰ ﺧﺪ ﺣﻤﺪ ﺍﻻﻳﺴﺮ
.. ﻭﻋﻄﺎﻩ ﻛﻔﻮﻑ ﺧﻔﻴﻔﻪ ﻣﺘﺘﺎﻟﻴﻪ ﺗﻬﺪﻳﺪﻳﻪ ﻭﻗﺎﻝ ﺑﻨﺒﺮﺓ ﺍﺳﺘﻬﺰﺍﺀ :
ﺍﺟﻠﺲ ﻋﺪﻝ ﻳﺎﻟﻤﻌﺮﺱ
ﺣﺮﻛﺔ ﻋﺒﺪﺍﻟﺮﺣﻤﻦ ﺍﻟﻐﻴﺮ ﻣﺘﻮﻗﻌﻪ .. ﺍﻟﻲ ﺗﻔﺎﺟﺎ ﻓﻴﻬﺎ ﺣﻤﺪ ﻫﺰﺕ
ﺍﻟﺜﻘﻪ ﺍﻟﻲ ﻛﺎﻥ ﻳﺘﻜﻠﻢ ﻓﻴﻬﺎ .. ﺣﺲ ﺑﺸﻮﻱ ﺧﻮﻑ ﻟﻜﻨﻪ ﺣﺎﻭﻝ ﺍﻥ
ﻣﺎﻳﺒﻴﻦ ﻫﺬﺍ ﺍﻟﺸﻲﺀ ﻭﺧﻼ ﻣﻼﻣﺤﻪ ﺟﺎﻣﺪﻩ .. ﻟﻤﺎ ﺷﺪﻩ ﻋﺒﺪﺍﻟﺮﺣﻤﻦ
ﻭﺭﻓﻊ ﻇﻬﺮﻩ .. ﻭﺑﻌﺪ ﺭﺍﺳﻪ ﻋﻦ ﻇﻬﺮ ﺍﻟﺴﺮﻳﺮ .. ﻭﻧﺰﻝ ﺭﺟﻠﻪ ﻣﻦ
ﻋﻠﻰ ﺍﻟﺴﺮﻳﺮ .. ﺭﻓﻊ ﺣﻤﺪ ﻳﺪﻩ ﻭﺑﺤﺮﻛﻪ ﺳﺮﻳﻌﻪ ﻋﺪﻝ ﺛﻮﺑﻪ ﺍﻟﻲ
ﺍﻧﻌﻔﺲ ﺑﻴﻦ ﺭﺍﺣﺖ ﻳﺪ ﻋﺒﺪﺍﻟﺮﺣﻤﻦ ..
ﻋﺒﺪﺍﻟﺮﺣﻤﻦ ﺑﻨﻈﺮﻩ ﺣﺎﺩﻩ : ﻣﻦ ﻫﺬﻱ ﺍﻟﻲ ﻛﻨﺖ ﺗﻜﻠﻤﻬﺎ
ﺣﻤﺪ ﻭﻳﺤﺎﻭﻝ ﻳﺮﺟﻊ ﺍﻟﺜﻘﻪ ﻟﻨﻔﺴﻪ ﻭﻳﺘﻔﺎﺩ ﻧﻈﺮﺍﺕ ﻋﺒﺪﺍﻟﺮﺣﻤﻦ :
ﻣﺎﻟﻚ ﺩﺧﻞ
ﻋﺒﺪﺍﻟﺮﺣﻤﻦ ﺑﻌﺼﺒﻴﻪ : ﻛﻴﻒ ﻣﺎﻟﻲ ﺩﺧﻞ .. ﺑﺘﺘﻜﻠﻢ ﺍﻟﻠﺤﻴﻦ ﻭﻻ ﺍﺩﺧﻞ
ﻳﺪﻱ ﻓﻲ ﺑﻠﻌﻮﻣﻚ ﻭﺍﻗﻄﻊ ﺍﺣﺒﺎﻟﻚ ﺍﻟﺼﻮﺗﻴﻪ
ﻗﺎﻡ ﺣﻤﺪ ﻣﻦ ﺍﻟﺴﺮﻳﺮ ﻭﻫﻮ ﻳﻘﻮﻝ ﺑﺜﻘﻪ : ﻫﺬﻱ ﺣﺒﻴﺒﺘﻲ ﻭﺑﺘﺰﻭﺟﻬﺎ
ﻏﺼﺐ ﻋﻨﻚ ﻭﻋﻦ ﺍﻟﻜﻞ
ﻋﺒﺪﺍﻟﺮﺣﻤﻦ ﺑﻌﺼﺒﻴﻪ : ﻭﻟﻚ ﻋﻴﻦ ﺗﺘﻜﻠﻢ
ﺣﻤﺪ ﻭﻫﻮ ﻣﺘﺠﻪ ﺍﻟﻰ ﺑﺎﺏ ﺍﻟﻐﺮﻓﻪ ﺑﻴﻄﻠﻊ ﺑﺼﻮﺕ ﻋﺎﻟﻲ : ﻳﻌﻨﻲ ﺍﻧﺎ
ﺧﺎﻳﻒ ﻣﻨﻚ .. ﺑﺘﻜﻠﻢ ﻭﺑﻌﻠﻲ ﺻﻮﺗﻲ ﺑﻌﺪ
( ﻓﻀﻞ ﺣﻤﺪ ﻳﻄﻠﻊ ﻣﻦ ﺍﻟﻐﺮﻓﻪ ﻗﺒﻞ ﻻ ﻳﺸﺘﺪ ﺍﻟﺤﺪﻳﺚ ﺑﻴﻨﻬﻢ
ﻭﺧﺎﺻﻪ ﻟﻤﺎ ﺣﺲ ﺍﻥ ﺛﻘﺘﻪ ﺑﺪﺕ ﺗﻨﻔﺬ . ﻭﺍﻥ ﻋﺒﺪﺍﻟﺮﺣﻤﻦ ﺯﺍﺩﺕ
ﻋﺼﺒﻴﺘﻪ ﻭﻫﻮ ﺍﻭﻝ ﻣﺮﻩ ﻳﺸﻮﻓﻪ ﻛﺬﺍ ﻓﺎﻗﺪ ﻧﺼﻒ ﺍﻋﺼﺎﺑﻪ ﻭﻣﺎﺣﺐ
ﻳﺸﻮﻑ ﻋﺒﺪﺍﻟﺮﺣﻤﻦ ﻣﻼﻣﺢ ﺍﻟﺨﻮﻑ ﺍﻟﻈﺎﻫﺮﻩ ﺑﻮﺟﻬﻪ ﻭﺍﻟﻲ ﻳﺤﺎﻭﻝ
ﻳﺨﻔﻴﻬﺎ )
ﻋﺒﺪﺍﻟﺮﺣﻤﻦ ﻭﻫﻮ ﻳﺸﻮﻑ ﺣﻤﺪ ﺍﻟﻲ ﻃﻠﻊ ﻣﻦ ﺍﻟﻐﺮﻓﻪ ﻗﺎﻝ ﺑﺼﻮﺕ
ﻋﺎﻟﻲ ﻋﻠﺸﺎﻥ ﻳﻮﺻﻞ ﻟﻤﺴﺎﻣﻊ ﻟﺤﻤﺪ : ﺍﻋﻠﻰ ﻣﺎ ﺑﺨﻠﻴﻠﻚ ﺍﺭﻛﺒﻪ
ﺟﻠﺲ ﻋﺒﺪﺍﻟﺮﺣﻤﻦ ﻋﻠﻰ ﻃﺮﻑ ﺍﻟﺴﺮﻳﺮ .. ﺭﻓﻊ ﻳﺪﻩ ﻭﺩﺧﻠﻬﺎ ﻓﻲ
ﺷﻌﺮﻩ ﻭﺭﺟﻌﻪ ﺍﻟﻰ ﺍﻟﺨﻠﻒ .. ﻭﻏﻤﺾ ﻋﻴﻮﻧﻪ ﻭﺣﺎﻭﻝ ﻳﻬﺪﻱ ﻧﻔﺴﻪ
ﻭﻳﺮﻳﺢ ﺍﻋﺼﺎﺑﻪ ﺍﻟﻰ ﺣﺪﺙ ﻟﻬﺎ ﻣﺪ ﻭﺟﺰﺭ ﻣﻦ ﺗﺼﺮﻓﺎﺕ ﺣﻤﺪ ..
ﻓﺘﺢ ﻋﻴﻮﻧﻪ ﻭﻧﺎﻇﺮ ﺑﺎﺏ ﺍﻟﻐﺮﻓﻪ .. ( ﻳﺎﻟﻠﻪ ﻛﻴﻒ ﻓﻘﺪﺕ ﺍﻋﺼﺎﺑﻲ ..
ﻭﺍﻧﺎ ﻭﺍﻋﺪ ﺍﻣﻲ ﺍﻧﻲ ﻣﺎ ﺭﺍﺡ ﺍﻋﺼﺐ ﻭﺍﻧﻲ ﺭﺍﺡ ﺍﺗﻌﺎﻣﻞ ﻣﻌﻪ ﺑﻬﺪﻭﺀ
ﻭﻋﻘﺎﻟﻨﻴﻪ .. ﻫﻮ ﺧﻞ ﻓﻴﻬﺎ ﻋﻘﻞ .. ﻛﻨﺖ ﻣﻌﺘﻘﺪ ﺍﻥ ﺍﻟﺴﺎﻟﻔﻪ ﺍﺳﻬﻞ
ﻣﻦ ﻛﺬﺍ ﺑﻜﺜﻴﺮ .. ﻭﺍﻟﻠﻪ ﺍﻟﻈﺎﻫﺮ ﺍﻥ ﺍﻟﺴﺎﻟﻔﻪ ﺑﺘﻜﺒﺮ ﻭﺑﺘﻮﺻﻞ ﻻﺑﻮﻱ ..
ﻭﺑﻌﺪﻳﻦ ﻳﺎﻫﻲ ﺑﺘﺼﻴﺮ ﻋﻠﻮﻡ ﻭﻋﻮﺍﻟﻢ .. ﻻ ﻻ ﺯﻡ ﺍﺗﺼﺮﻑ ﺧﻠﻴﻨﻲ
ﺍﻗﻮﻡ ﺍﺷﻮﻑ ﻭﻳﻦ ﺫﻟﻒ ﻭﺍﺭﺟﻊ ﺍﺗﻜﻠﻢ ﻣﻌﻪ ﺑﻬﺪﻭﺀ ﺍﻛﺜﺮ ﻭﺣﺎﻭﻝ
ﺍﻣﺴﻚ ﺍﻋﺼﺎﺑﻲ .. )
.
.
.
ﻓــﻲ ﺑﻴﺖ ﺑﻮ ﺿﺎﺭﻱ .. ﻭﺗﺤﺪﻳﺪﺍ ﻓﻲ ﺍﻟﻤﺠﻠﺲ ..
ﻃﻼﻝ : ﻫﺎ ﻳﺎﺑﻮ ﺿﺎﺭﻱ ﺑﻘﻴﺘﻨﻲ ﺑﻤﻮﺿﻮﻉ ﺍﻣﺮ
ﺑﻮﺿﺎﺭﻱ : ﻣﺎﻳﺎﻣﺮ ﻋﻠﻴﻚ ﻋﺪﻭ ﻭﻻ ﻇﺎﻟﻢ .. ( ﺍﻟﺘﻔﺖ ﻋﻠﻰ ﺿﺎﺭﻱ ﺍﻟﻲ
ﻛﺎﻥ ﻳﻘﻠﺐ ﻓﻲ ﻗﻨﻮﺍﺕ ﺍﻟﺘﻠﻔﺰﻳﻮﻥ ﻭﻛﻤﻞ ) .. ﺍﻗﻮﻝ ﺿﺎﺭﻱ ﺭﻭﺡ
ﺟﻴﺐ ﻣﺎﻱ ﻟﻌﻤﻚ .. ﻭﻗﻞ ﻻﻣﻚ ﺗﺤﻂ ﻟﻪ ﻗﺪﻭﻉ
ﺿﺎﺭﻱ ﻭﻫﻮ ﻗﺎﻳﻢ ﻫﻮ ﻋﺎﺭﻑ ﺍﻥ ﻫﺬﻱ ﺗﺼﺮﻳﻔﻪ ﻣﻦ ﺍﺑﻮﻩ ﻋﻠﺸﺎﻥ ﻣﺎ
ﻳﺴﻤﻊ ﺍﻟﺤﺪﻳﺚ ﺍﻟﻲ ﺑﻴﻨﻬﻢ : ﺍﻥ ﺷﺄﻟﻠﻪ ﻳﺒﺎ
ﻃﻼﻝ : ﻻ ﻻ ﺗﺤﻂ ﻗﺪﻭﻉ ﺑﻄﻨﻲ ﻣﻠﻴﺎﻥ ﻣﺎﻓﻲ ﻣﺠﺎﻝ .. ﻣﺰﻭﺩ ﺍﻛﻞ
ﺍﻟﻴﻮﻡ .. ﺑﺲ ﺟﻴﺐ ﻟﻲ ﻛﺎﺱ ﻟﺒﻦ
ﺿﺎﺭﻱ ﻭﻫﻮ ﻳﻄﻠﻊ ﻣﻦ ﺍﻟﻤﺠﻠﺲ : ﻃﻴﺐ
ﻃﻼﻝ ﺍﻟﺘﻔﺖ ﻋﻠﻰ ﺑﻮﺿﺎﺭﻱ ﺑﻬﺘﻤﺎﻡ : ﺧﻴﺮ ﻳﺎ ﺑﻮ ﺿﺎﺭﻱ
ﺑﻮﺿﺎﺭﻱ : ﺧﻴﺮ ﺑﻮﺟﻬﻚ .. ﺷﻮﻑ ﻳﺎﻃﻼﻝ ﺍﻧﺎ ﺑﺠﻴﺒﻬﺎ ﻟﻚ ﻣﻦ ﺍﻵﺧﺮ
ﻻﻥ ﺍﻟﻤﻮﺿﻮﻉ ﻣﻮ ﺟﺪﻳﺪ ﻭﻣﻮ ﺍﻭﻝ ﻣﺮﻩ ﺍﻓﺘﺤﻪ ﻣﻌﻚ .. ﻃﻼﻝ ﺍﻧﺖ
ﻭﺍﻟﺤﻤﺪﻟﻠﻪ ﺭﺟﺎﻝ ﻭﺷﻴﺦ ﺍﻟﺸﺒﺎﺏ .. ﻋﻤﻠﻚ ﻗﺪﻳﺮ ﻭﺧﻴﺮﻙ ﻛﺜﻴﺮ
ﻭﻋﻤﺮﻙ ﺍﻥ ﺷﺄﻟﻠﻪ ﻣﺪﻳﺪ .. ﻭﺻﺤﺘﻚ ﺣﺪﻳﺪ ﻣﺎ ﺷﺄﻟﻠﻪ ﺑﻌﺰ ﺷﺒﺎﺑﻚ
ﻭﻛﺎﻣﻞ ﻭﺍﻟﻜﻤﺎﻝ ﻟﻠﻪ .. ﻭﻣﻮ ﻧﺎﻗﺼﻚ ﺍﻻ ﺑﻨﺖ ﺍﻟﺤﻼﻝ ﻭﺍﻟﺰﻭﺟﻪ
ﺍﻟﺼﺎﻟﺤﻪ .. ﺍﻟﻲ ﺗﺰﻳﻦ ﻟﻚ ﺣﻴﺎﺗﻚ ﻭﺗﻜﻤﻞ ﻣﻌﻚ ﺩﺭﺑﻚ ﻭﺗﺸﺎﺭﻛﻚ
ﺍﻟﻔﺮﺡ ﻭﺍﻟﺤﺰﻥ .. ﺗﺮﻯ ﺍﻟﺤﻴﺎﻩ ﻣﺸﺎﺭﻛﻪ ﻭﺗﻌﺎﻭﻥ .. ﻭﺍﻻﻧﺴﺎﻥ ﻛﻞ ﻣﺎ
ﺗﻘﺪﻡ ﺑﺎﻟﻌﻤﺮ ﺍﺣﺘﺎﺝ ﻻﺣﺪ ﻳﻮﻧﺴﻪ ﺑﻮﺣﺪﺗﻪ ﻭﺷﺎﺭﻛﻪ ﺣﻴﺎﺗﻪ ﻭ ﻳــ
ﻗﺎﻃﻌﻪ ﻃﻼﻝ : ﺑﺲ ﺍﻧﺎ ﻣﺎ ﺍﺑــ
ﻗﺎﻃﻌﻪ ﺑﻮﺿﺎﺭﻱ : ﺍﻧﺎ ﻋﺎﺭﻑ ﺍﻧﻚ ﻣﺎ ﺗﺒﻲ ﻣﻦ ﺑﻨﺎﺕ ﻋﻤﻨﺎ ﻭﻻ ﻓﻲ
ﺧﺎﻃﺮﻙ ﻭﺣﺪﻩ ﻣﻦ ﺍﻟﻌﺎﺋﻠﻪ .. ﺣﻨﺎ ﻣﻮﺍﻓﻘﻴﻦ ﺗﺎﺧﺬ ﻣﻦ ﻋﺎﺋﻠﻪ ﺛﺎﻧﻴﻪ ..
ﻟﺠﻞ ﻛﺬﺍ ﺍﻧﺎ ﻛﻠﻤﺖ ﺑﻮﺷﻬﺎﺏ ﻭﺳﺘﺸﺮﺗﻪ .. ﻭﻛﻠﻤﺖ ﺍﻡ ﺿﺎﺭﻱ ﺗﺪﻭﺭ
ﻟﻚ ﻋﻠﻰ ﺑﻨﺖ ﺍﺻﻮﻝ ﻭﻣﻦ ﻣﺴﺘﻮﺍﻧﺎ .. ﻭﺣﺼﻠﺖ ﻟﻚ ﻭﺣﺪﻩ ﻣﻦ
ﻋﺎﺋﻠﻪ ﺍﺟﺎﻭﻳﺪ .. ﻭﺍﺻﻞ ﻃﻴﺐ .. ﻭﺍﻧﺎ ﻟﻤﺎ ﻗﺎﻟﺖ ﻟﻲ ﺍﻡ ﺿﺎﺭﻱ
ﻓﺮﺣﺖ ﻻﻧﻚ ﻋﺎﺭﻑ ﺍﻥ ﺣﻨﺎ ﻣﺎ ﻧﻄﻠﻊ ﺑﺮﻩ ﺍﻟﻌﺎﺋﻠﻪ ﻭﺍﻥ ﻃﻠﻌﻨﺎ ﻣﺎ
ﻧﺎﺳﺐ ﺃﻱ ﺍﺣﺪ .. ﻫﺎ ﻭﺵ ﻗﻠﺖ
ﻃﻼﻝ ﻛﺎﻥ ﺟﺎﻟﺲ ﻳﺴﻤﻊ ﻛﻼﻡ ﺑﻮﺿﺎﺭﻱ ﻭﺑﻠﺤﻈﻪ ﺗﺠﻤﻌﺖ ﻓﻲ ﺩﺍﺧﻠﻪ
ﺍﻧﻮﺍﻉ ﺍﻟﻤﺸﺎﻋﺮ .. ﺣﺲ ﺑﺎﻟﺤﺰﻥ ﻻﻥ ﺧﺒﻪ ﻋﻠﻰ ﺍﻫﻠﻪ ﻣﻮﺿﻮﻉ ﺯﻭﺍﺟﻪ
.. ﻭﺣﺲ ﺍﻧﻪ ﺍﻧﺎﻧﻲ ﻟﻤﺎ ﺗﺰﻭﺝ ﺑﺪﻭﻥ ﻋﻠﻤﻬﻢ .. ﻭﺣﺲ ﺑﺤﻨﻴﻦ ﺟﺎﺭﻑ
ﻟﻠﻤﺎﺿﻲ .. ﻭﺣﺲ ﺑﺮﻓﺾ ﺍﻟﺸﺪﻳﺪ ﻟﻠﻔﻜﺮﻩ .. ﻭﻣﻘﺎﺑﻞ ﻟﻬﺬﺍ ﺍﻻﺣﺴﺎﺱ
ﻛﺎﻥ ﻳﺤﺲ ﺑﺎﻟﺨﻴﺎﻧﻪ ﻻﻧﻪ ﻓﻜﺮ ﺑﻠﺤﻈﻪ ﺑﺰﻭﺍﺝ .. ﻭﺣﺲ ﺑﺎﻟﺤﻴﺮﻩ
ﻭﺍﻟﺨﺠﻞ ﻣﺎﻳﺪﺭﻱ ﻭﺵ ﻳﻘﻮﻝ .. ﻭﺧﺎﺻﻪ ﺍﻥ ﻣﺎ ﻋﻨﺪﻩ ﺳﺒﺐ ﻗﻮﻱ
ﻭﻣﻘﻨﻊ ﻳﻘﻮﻟﻪ ..ﻭﺍﻥ ﺍﺧﻮﺍﻧﻪ ﻣﺎ ﻗﺼﺮﻩ ﻣﻌﻪ ﺿﻤﻪ ﻓﻲ ﺑﻴﻮﺗﻬﻢ ﻭﺑﻴﻦ
ﺍﻋﻴﺎﻟﻬﻢ .. ﺍﻟﻰ ﻣﺘﻰ ﺑﻈﻞ ﻛﺬﺍ ..
ﻗﻄﻊ ﻋﻠﻴﻪ ﺳﺮﺣﺎﻧﻪ ﺻﻮﺕ ﺑﻮﺿﺎﺭﻱ ..
ﺑﻮﺿﺎﺭﻱ : ﻃﻼﻝ ﻋﻼﻣﻚ ﺳﺮﺣﺖ .. ﻫﺎ ﻭﺵ ﺭﺍﻳﻚ ﻧﺘﻮﻛﻞ ﻋﻠﻰ ﺍﻟﻠﻪ
ﻭﻧﺨﻄﺐ
ﻃﻼﻝ ﺑﻌﺪ ﻓﺘﺮﺓ ﺻﻤﺖ : ﻻ .. ﻗﺼﺪﻱ ﻭﺩﻱ ﺍﻓﻜﺮ
ﺑﻮﺿﺎﺭﻱ : ﺍﻧﺖ ﻣﻦ ﻧﻔﺎﺗﺤﻚ ﺑﻬﺬﺍ ﺍﻟﻤﻮﺿﻮﻉ .. ﺗﻔﻜﺮ ﻋﺎﺩ ﻗﻠﻨﺎ ﻭﺵ
ﺗﻔﻜﺮ ﻓﻴﻪ ﺍﻟﻤﺴﺄﻟﻪ ﻣﺎﻳﺒﻲ ﻟﻬﺎ ﺗﻔﻜﻴﺮ .. ﻳﻌﻨﻲ ﺍﻧﺖ ﻟﻮ ﺷﺎﻳﻒ ﺍﻟﺒﻨﺖ
ﻗﻠﺖ ﺧﻠﻪ ﻳﻔﻜﺮ .. ﺑﺲ ﺍﻧﺎ ﺍﻟﺤﻴﻦ ﺍﺑﻲ ﺭﺍﻳﻚ ﻣﺒﺪﺍﻳﺎ ﻓﻲ ﺍﻟﺰﻭﺍﺝ ..
ﻃﻼﻝ ﻭﻫﻮ ﻗﺎﻳﻢ : ﻳﺼﻴﺮ ﺧﻴﺮ ﺍﻥ ﺷﺄﻟﻠﻪ
ﺑﻮﺿﺎﺭﻱ : ﺍﻓﻬﻢ ﻣﻦ ﻛﻼﻣﻚ ﺍﻧﻚ ﻣﻮﺍﻓﻖ
ﻃﻼﻝ : ﺍﻟﻲ ﺗﺸﻮﻓﻪ .. ( ﻛﻤﻞ ﻭﻫﻮ ﻳﻨﺎﻇﺮ ﻓﻲ ﺳﺎﻋﺘﻪ ) .. ﻳﺎﻟﻠﻪ
ﻣﻊ ﺍﻟﺴﻼﻣﻪ ﺗﺄﺧﺮﺕ ﻋﻠﻰ ﺩﻭﺍﻣﻲ
.
.
.
ﻓــﻲ ﺑﻴﺖ ﺑﻮ ﺗﺮﻛﻲ .. ﻭﺗﺤﺪﻳﺪﺍ ﻓﻲ ﻏﺮﻓﺔ ﻋﻠﻴﺎ ..
ﻋﻠﻴﺎ ﺑﺒﺘﺴﺎﻣﻪ : ﻣﺸﻜﻮﺭﻩ ﻋﻠﻰ ﺍﻟﻔﺴﺘﺎﻥ ﻭﻋﻠﻰ ﻛﻞ ﺷﻲﺀ
ﺩﻻﻝ : ﺍﻟﻌــﻔﻮ .. ﺍﻟﻤﻬﻢ ﺍﻧﻪ ﻋﺠﺒﻚ
ﻋﻠﻴﺎ : ﻋﺠﺒﻨﻲ ﻛﺜﻴﺮ ..
ﺩﻗﺎﺋﻖ ﻣﻦ ﺍﻟﺼﻤﺖ .. ﻭﺑﻌﺪﻫﺎ ﺗﻜﻠﻤﺖ ﺩﻻﻝ
ﺩﻻﻝ ﻛﺎﻧﺖ ﻣﺤﺘﺎﺭﻩ ﻭﺵ ﺗﻘﻮﻝ : ﻭﻳﻦ ﺳﺠﻰ .. ﺍﻛﻴﺪ ﻓﻲ ﻏﺮﻓﺘﻬﺎ
ﻣﺎﺯﺍﻟﺖ ﺑﺤﺎﻟﺔ ﺍﻻﺿﺮﺍﺏ
ﻋﻠﻴﺎ ﺑﺒﺘﺴﺎﻣﻪ : ﻻ ﺧﻼﺹ ﺳﺠﻰ ﻭﺩﻋﺖ ﺍﻻﺿﺮﺍﺏ ﻣﻦ ﺍﻣﺲ
ﺩﻻﻝ ﻣﺘﻔﺎﺟﺄﻩ : ﻭﺍﻟﻠﻪ .. ﻛﻴﻒ .. ﻻ ﺗﻘﻮﻟﻴﻦ ﻟﻲ ﺳﺠﻰ ﻣﻦ ﻧﻔﺴﻬﺎ
.. ﺻﺎﺣﺒﺘﻲ ﻭﺍﻋﺮﻓﻬﺎ ﻋﺪﻝ ﺭﺍﺳﻬﺎ ﻳﺎﺑﺲ ﻋﻨﻴﺪﻩ
ﻋﻠﻴﺎ : ﺍﻣﺲ ﻟﻤﺎ ﺭﺟﻌﻨﺎ ﻟﻘﻴﻨﺎ ﺍﻟﺒﻴﺖ ﻏﻴﺮ .. ﻭﺍﻻﻫﻞ ﻛﻠﻬﻢ ﻣﺠﺘﻤﻌﻴﻦ
ﺑﺎﻟﺼﺎﻟﻪ ﻳﻨﺘﻈﺮﻭﻧﺎ .. ﻭﺗﺴﺎﻣﺢ ﺗﺮﻛﻲ ﻣﻦ ﺳﺠﻰ ﻭﺗﺼﺎﻟﺤﻮﻩ ..
ﻭﻧﺒﺴﻄﻮ ﻭﻗﻄﻌﻮ ﺍﻟﻜﻴﻚ
ﺩﻻﻝ ﺑﺒﺘﺴﺎﻣﻪ : ﻣﺴﻮﻳﻦ ﺣﻔﻠﻪ ﻣﻦ ﻭﺭﺍﻱ .. ﺍﻳﺎ ﺍﻟﺨﺎﻳﻨﻪ ﻳﺎ ﺳﺠﻰ ﻣﺎ
ﺩﻗﺖ ﻋﻠﻲ ﻭﺧﺒﺮﺗﻨﻲ ﻫﻲ ﻭﻳﻦ ﺍﻟﺤﻴﻦ
ﻋﻠﻴﺎ ﺍﺑﺘﺴﻤﺖ ﻋﻠﻰ ﻛﻼﻡ ﺩﻻﻝ : ﺗﺤﺖ ﺟﺎﻟﺴﻪ ﺗﺘﺎﺑﻊ ﻓﻠﻢ .. ﺗﻘﻮﻝ
ﻣﺸﺘﺎﻗﻪ ﻟﺘﻠﻔﺰﻳﻮﻥ ﻭﻣﺘﺸﻮﻗﻪ ﻟﻼﻓﻼﻡ
ﺩﻻﻝ ﻭﺣﺎﺑﻪ ﺗﺴﻮﻟﻒ ﻣﻊ ﻋﻠﻴﺎ : ﻟﻴﻪ ﻣﺎ ﺗﺎﺑﻌﺘﻲ ﻣﻌﻬﺎ ﺍﻟﻔﻠﻢ .. ﻭﻻ ﻣﺎ
ﺗﺤﺒﻴﻦ ﺍﻻﻓﻼﻡ
ﻋﻠﻴﺎ ﺑﺮﺍﺣﻪ : ﺟﺎﻟﺴﻪ ﺗﺘﺎﺑﻊ ﻓﻠﻢ ﺍﺟﻨﺒﻲ ﻭﺍﻧﺎ ﻣﻮ ﺫﺍﻙ ﺍﻟﺰﻭﺩ ﻣﻊ
ﺍﻻﻓﻼﻡ ﺍﻻﺟﻨﺒﻴﻪ .. ﺍﺣﺐ ﺍﻟﻤﺼﺮﻳﻪ ﻭﺍﻟﻬﻨﺪﻳﻪ ﺍﻛﺜﺮ
ﺩﻻﻝ : ﺍﻧﺎ ﺍﻻﺟﻨﺒﻴﻪ ﺍﺣﺐ ﻓﻴﻬﺎ ﺍﻓﻼﻡ ﺍﻻﻛﺸﻦ ﻭﺍﻻﺛﺎﺭﻩ ﻭﺍﻟﺮﻋﺐ ..
ﺍﻟﻬﻨﺪﻳﻪ ﺗﺠﻨﻦ ﺭﻣﻨﺴﻴﻪ .. ﺍﻣﺎ ﺍﻟﻤﺼﺮﻳﻪ ﺍﻏﻠﺒﻬﺎ ﺍﻓﻼﻡ ﻛﻮﻣﺪﻳﻪ ﻭﻣﺎﻟﻬﺎ
ﻗﺼﻪ ﻭﺍﺿﺤﻪ .. ﺍﻧﺎ ﺍﻻﻓﻼﻡ ﺍﻟﻤﺼﺮﻳﻪ ﻣﺎ ﺍﻫﻀﻤﻬﻢ ﻛﺜﻴﺮ
ﻋﻠﻴﺎ : ﺃﻱ ﺻﺤﻴﺢ ﺗﺘﺎﺑﻌﻴﻦ ﺍﻟﻔﻠﻢ ﻣﻦ ﺍﻟﺒﺪﺍﻳﻪ ﻭﻳﺨﻠﺺ ﺍﻟﻔﻠﻢ ﻭﺍﻧﺘﻲ
ﻟﻠﺤﻴﻦ ﻣﺎ ﻋﺮﻓﺘﻲ ﻭﺵ ﺍﻟﻘﺼﻪ .. ﻓﺮﻕ ﻛﺒﻴﺮ ﺑﻴﻨﻬﺎ ﻭﺑﻴﻦ ﺍﻻﻓﻼﻡ
ﺍﻟﻤﺼﺮﻳﻪ ﺍﻟﻘﺪﻳﻤﻪ ﺭﻏﻢ ﺍﻧﻬﺎ ﻗﺪﻳﻤﻪ ﺑﺲ ﺍﻧﺎ ﺍﺣﺐ ﺍﺗﺎﺑﻌﻬﺎ
ﺩﻻﻝ : ﻋﺎﺩ ﺍﻻﻓﻼﻡ ﺍﻟﻤﺼﺮﻳﻪ ﺍﻟﻘﺪﻳﻤﻪ ﺗﺠﻨﻦ .. ﺍﺣﻠﻰ ﻓﻠﻢ ﺷﻔﺘﻪ ﻛﺎﻥ
ﻓﻠﻢ ﺍﻟﺴﺎﺣﺮﻩ ﺍﻟﺼﻐﻴﺮ ﺭﻭﻭﻋﻪ ﻣﺎ ﺍﻣﻞ ﻣﻨﻪ
ﻋﻠﻴﺎ ﺑﺒﺘﺴﺎﻣﻪ : ﻋﺮﻓﺘﻪ ﺍﻟﻲ ﻓﻴﻪ ﺭﺷﺪﻱ ﺍﺑﺎﺿﻰ .. ﺣﻠﻮﻭ ﻛﺜﻴﺮ ﺍﻟﻔﻠﻢ
.. ﺗﺼﺪﻗﻴﻦ ﺩﻻﻝ ﻧﻔﺴﻲ ﺍﺭﻭﺡ ﺳﻴﻨﻤﺎ
ﺩﻻﻝ : ﻣﺎ ﻣﺮﻩ ﺭﺣﺘﻲ ﺳﻴﻨﻤﺎ
ﻋﻠﻴﺎ : ﻻ ﻭﻻ ﻣﺮﻩ
ﺩﻻﻝ ﺑﺒﺘﺴﺎﻣﻪ : ﺧﻼﺹ ﺗﻌﺎﻟﻲ ﺑﻴﺘﻨﺎ ﻭﺍﺳﻮﻱ ﻟﻚ ﺳﻴﻨﻤﺎ .. ﺣﻨﺎ ﻋﻨﺪﻧﺎ
ﺷﺎﺷﺔ ﺑﻼﺯﻣﺎ ﻛﺒﻴﺮ ﻧﻄﻔﻲ ﺍﻻﻧﻮﺍﺭ ﻭﻧﺸﻐﻞ ﺍﻟﺴﻤﺎﻋﺎﺕ ﻭﻧﻌﻠﻲ ﻋﻠﻰ
ﺍﻟﺼﻮﺕ .. ﻭﻧﺠﻠﺲ ﻧﺘﺎﺑﻊ ﺍﻟﻔﻠﻢ ﺯﻱ ﺍﻟﺴﻴﻨﻤﺎ .. ﻭﺵ ﺭﺍﻳﻚ
ﻋﻠﻴﺎ : ﻫﻬﻬﻬﻬﻬﻪ ﺳﻮﻫﺎ ﺍﺧﻮﻱ ..ﻣﺮﻩ .. ﻟﻤﺎ ﻛﻨﺖ ﻣﺸﺘﻬﻴﻪ ﺍﺭﻭﺡ
ﺍﻟﺴﻴﻨﻤﺎ ﻭﻗﻠﺖ ﻟﻪ .. ﻋﻠﻰ ﻃﻮﻝ ﺭﺍﺡ ﺷﺮﻯ ﺷﺎﺷﺔ ﺑﻼﺯﻣﺎ ﻛﺒﻴﺮ ﻣﻊ
ﺳﻤﺎﻋﺎﺗﻬﺎ .. ﻭﺍﺷﺮﻃﺖ ﺍﻓﻼﻡ .. ﻭﺣﻄﻬﺎ ﻓﻲ ﺍﻟﻤﺠﻠﺲ .. ﻭﺣﻂ
ﻛﻨﺒﺘﻴﻦ ﻗﺒﺎﻝ ﺍﻟﺸﺎﺷﻪ .. ﻭﻃﻔﻰ ﺍﻻﻧﻮﺍﺭ ﻭﺟﺎﺏ ﻧﻔﻴﺶ ﻭﺣﺐ
ﻭﺑﻄﺎﻃﺲ ﻭﺑﻴﺒﺴﻲ .. ﻭﺟﻠﺴﻨﺎ ﻧﺘﺎﺑﻊ ﺍﻟﻔﻠﻢ ﻓﻲ ﺍﻟﻈﻠﻤﻪ ﻗﺼﺪﻱ ﺍﺗﺎﺑﻊ
ﺍﻟﻔﻠﻢ ﻓﻲ ﺍﻟﻈﻠﻤﻪ ﻻﻧﻪ ﺑﻌﺪ ﻧﺼﻒ ﺳﺎﻋﻪ ﻣﻦ ﺑﺪﺍﻳﺖ ﺍﻟﻔﻠﻢ ﻧﺎﻡ ﻋﻠﻰ
ﺍﻟﻜﻨﺐ .. ﺍﺫﻛﺮ ﻛﺎﻥ ﺍﻟﻔﻠﻢ ﺣﻠﻮﻭ .. ﺑﺲ ﺑﻌﺪ ﻭﺩﻱ ﺍﺣﻈﺮ ﻓﻠﻢ ﻓﻲ
ﺍﻟﺴﻨﻴﻤﺎ
ﺩﻻﻝ ﻣﻦ ﺳﻤﻌﺖ ﻛﻠﻤﻪ (ﺍﺧﻮﻱ ) ﺍﻟﺘﻲ ﺗﺪﻝ ﻋﻠﻰ ﻭﺍﻓﻲ .. ﺣﺴﺖ
ﺑﺸﻌﻮﺭ ﻏﺮﻳﺐ .. ﻭﺍﻧﺒﺴﻄﺖ ﻣﻦ ﺗﻮﺍﺭﺩ ﺍﻻﻓﻜﺎﺭ
ﺩﺧﻞ ﻓﻲ ﻫﺬﻱ ﺍﻟﺤﻈﻪ ﻭﺍﻓﻲ ﻭﻭﻗﻒ ﻋﻨﺪ ﺍﻟﺒﺎﺏ ﻟﻤﺎ ﺷﺎﻑ ﻋﻠﻴﺎ
ﺟﺎﻟﺴﻪ ﻋﻠﻰ ﺍﻟﺴﺮﻳﺮ ﻭﻧﺰﻟﻪ ﺭﺍﺳﻬﺎ ﺷﻮﻱ ﻭﺗﻜﻠﻢ ﺟﻮﺍﻝ ( ﻏﺮﻳﺒﻪ ﻋﻠﻴﺎ
ﺍﺧﺘﻲ ﺗﻜﻠﻢ ﺟﻮﺍﻝ ﻣﻦ ﺗﻜﻠﻢ ﺍﺫﺍ ﺍﻧﺎ ﻫﻨﺎ ﻭﺍﻗﻒ ﻳﻌﻨﻲ ﺍﻛﻴﺪ ﻣﻮ ﺍﻧﺎ
.. ﻭﻣﺎ ﺍﻋﺘﻘﺪ ﺗﻜﻠﻢ ﺍﺧﺘﻲ ﺍﻡ ﻣﻄﻠﻖ ﻻﻧﻬﺎ ﺗﻮﻫﺎ ﻣﺴﻜﺮﻩ ﻣﻦ ﻋﻨﺪﻱ
.. ﻻﺣﻆ ﻣﻼﻣﺢ ﻋﻠﻴﺎ ﺍﻟﻲ ﻭﺍﺿﺢ ﻋﻠﻴﻪ ﺍﻟﺮﺍﺣﻪ ﻭﺍﻻﺭﺗﻴﺎﺡ ﻣﻦ ﺍﻟﻄﺮﻑ
ﺍﻻﺧﺮ ﺍﻟﻲ ﺟﺎﻟﺴﻪ ﺗﻜﻠﻤﻪ .. ﻣﻌﻘﻮﻟﻪ ﻭﺣﺪﻩ ﻣﻦ ﺻﺪﻳﻘﺎﺗﻬﺎ ﺑﺲ ﺣﺴﺐ
ﻋﻠﻤﻲ ﻋﻠﻴﺎ ﻣﺎ ﻋﻨﺪﻫﺎ ﺻﺪﻳﻘﺎﺕ ﻳﺪﻗﻮﻥ ﻋﻠﻴﻬﺎ ﻋﻠﻴﺎ ﻋﻨﺪﻫﺎ ﺯﻣﻴﻼﺕ
ﺑﺎﻟﻜﻠﻴﻪ ﻭﺍﻟﺤﻴﻦ ﻣﻮ ﻭﻗﺖ ﺩﺭﺍﺳﻪ ﻋﻠﺸﺎﻥ ﻳﻜﻠﻤﻮﻧﻬﺎ .. ﻭﺍﻟﻠﻪ ﻟﻮ ﺍﻋﺮﻑ
ﻣﻦ ﻫﺬﻱ ﺍﻟﻲ ﺗﻜﻠﻤﻬﺎ ﻻﻛﺘﺐ ﻟﻬﺎ ﺭﺳﺎﻟﺔ ﺷﻜﺮ ﻭﻣﺘﻨﺎﻥ .. ﻋﻠﻰ
ﺟﻬﻮﺩﻫﺎ ﺍﻟﻄﻴﺒﻪ ﻭﻣﻜﺎﻟﻤﺘﻬﺎ ﻟﻌﻠﻴﺎ ﻭﺳﺆﺍﻟﻬﺎ ﻋﻨﻬﺎ ﺧﻠﻴﻨﻲ ﺍﻟﺘﻔﺖ ﻭﺍﻃﻠﻊ
ﻣﻦ ﺍﻟﻐﺮﻓﻪ ﻗﺒﻞ ﻻ ﺗﻨﺘﺒﻪ ﻋﻠﻴﺎ ﻣﺎ ﺍﺑﻲ ﺍﺯﻋﺠﻬﻢ ﻭﺍﺧﺮﺏ ﻋﻠﻴﻬﻢ )
ﺍﻟﺘﻔﺖ ﻭﺍﻓﻲ ﻭﺗﻮﻩ ﺑﻴﻄﻠﻊ ﻣﻦ ﺍﻟﻐﺮﻓﻪ
ﻋﻠﻴﺎ ﻭﻫﻲ ﺗﻜﻠﻢ ﺟﻮﺍﻝ ﻭﻟﻤﺎ ﺍﻧﺘﺒﻬﺖ ﻟﻮﺍﻓﻲ : ﺩﻻﻝ ﻟﺤﻈﻪ ﺷﻮﻱ
ﺑﻌﺪﺕ ﺍﻟﺠﻮﺍﻝ ﻋﻦ ﺍﺫﻧﻬﺎ ﺷﻮﻱ ﻭﻗﺎﻟﺖ : ﻭﺍﻓﻲ
ﺍﻟﺘﻔﺖ ﻭﺍﻓﻲ ﺑﺴﺮﻋﻪ ﻟﻤﺎ ﺳﻤﻊ ﺍﺳﻢ ﺩﻻﻝ ( ﻣﻌﻘﻮﻟﻪ ﺗﻜﻮﻥ ﺩﻻﻝ ﻫﻲ
ﺩﻻﻝ ) ﻗﺮﺏ ﻭﺍﻓﻲ ﻣﻦ ﺍﻟﺴﺮﻳﺮ ﻭﺟﻠﺲ ﺟﻨﺐ ﻋﻠﻴﺎ ﺑﺎﻟﻀﺒﻂ
.. ﻭﺳﺄﻟﻬﺎ ﺑﺴﺮﻋﻪ ﻭﺑﻠﻬﻔﻪ : ﻣﻦ ﺗﻜﻠﻤﻴﻦ
ﻋﻠﻴﺎ : ﺍﻛﻠﻢ ﺩﻻﻝ ﺻﺪﻳﻘﺖ ﺳﺠﻰ
ﻛﺎﻧﺖ ﺩﻻﻝ ﻋﻠﻰ ﺍﻟﺨﻂ ﻓﻲ ﻋﺎﻟﻢ ﺛﺎﻧﻲ ﻟﻨﺎ ﺳﻤﻌﺖ ﺻﻮﺕ ﻭﺍﻓﻲ
ﻋﻠﻴﺎ ﻭﻫﻲ ﺗﻜﻠﻢ ﺟﻮﺍﻝ : ﺩﻻﻝ ﻣﻀﻄﺮﻩ ﺍﺳﻜﺮ ﺍﻟﺤﻴﻦ ﻻﻥ ﺟﺎ ﺍﺧﻮﻱ
ﻭﺍﻓﻲ ( ﻛﻤﻠﺖ ﺑﻌﻔﻮﻳﻪ ) ﺍﻟﻲ ﺍﻣﺲ ﻓﺘﺢ ﺑﺎﺏ ﺍﻟﻐﺮﻓﻪ ﺑﺪﻭﻥ ﻗﺼﺪ
ﺗﺬﻛﺮﺗﻴﻪ
ﺩﻻﻝ ( ﺍﻧﺎ ﻟﺤﻘﺔ ﺍﻧﺴﺎﻩ ﻋﻠﺸﺎﻥ ﺍﺗﺬﻛﺮﻩ ) : ﺍﻫﺎﺍﺍ ﺗﺬﻛﺮﺗﻪ .. ﻃﻴﺐ
ﺳﻠﻤﻲ ﻋﻠﻰ ﺍﻟﻜﻞ
ﻋﻠﻴﺎ : ﺍﻟﻠﻪ ﻳﺴﻠﻤﻚ
ﻭﺍﻓﻲ ﺑﻨﻈﺮﺓ ﺧﺎﺋﺒﻪ : ﻟﻴﻪ ﺳﻜﺮﺕ ﻣﻨﻬﺎ .. ﻛﺎﻥ ﻛﻤﻠﺘﻮ ﺳﻮﺍﻟﻔﻜﻢ ..
ﻋﺎﺩﻱ ﺍﻧﺎ ﺍﺟﻠﺲ ﺟﻨﺒﻚ ﺍﺳﺘﻨﺎﻙ ﻟﻤﻦ ﺗﺨﻠﺼﻴﻦ
( ﻳﺒﻲ ﻳﺴﻤﻊ ﺍﻟﺴﻮﺍﻟﻒ )
ﻋﻠﻴﺎ ﺑﺒﺘﺴﺎﻣﻪ : ﻣﺘﻰ ﺟﻴﺖ .. ﺍﻧﺖ ﻣﺎ ﻗﻠﺖ ﺍﻧﻚ ﻣﺎﺭﺍﺡ ﺗﺠﻲ ﺍﻟﻴﻮﻡ
ﻭﺍﻓﻲ : ﺃﻱ ﺻﺤﻴﺢ ﻗﻠﺖ .. ﻟﻜﻦ ﺷﺴﻮﻱ ﺍﺷﺘﻘﺖ ﻟﻚ ﻭﺟﻴﺖ
ﻋﻠﻴﺎ ﺑﺒﺘﺴﺎﻣﻪ ﻋﺮﻳﻀﻪ : ﺗﺸﺘﺎﻕ ﻟﻚ ﺍﻟﻌﺎﻓﻴﻪ .. ﻣﻊ ﺍﻧﻲ ﻣﺘﺎﻛﺪﻩ ﺍﻥ
ﻣﻮ ﻫﺬﺍ ﺍﻟﺴﺒﺐ ﺍﻟﻲ ﺧﻼﻙ ﺗﺮﺟﻊ ﺍﻟﺪﻣﺎﻡ ﺍﻛﻴﺪ ﻓﻲ ﺳﺒﺐ ﺛﺎﻧﻲ
ﻭﺍﻓﻲ ﺑﺒﺘﺴﺎﻣﻪ : ﺟﺎﻧﻲ ﺍﻟﻴﻮﻡ ﻣﺸﺎﺭﻱ ﻟﻤﺎ ﺧﻠﺺ ﺩﻭﺍﻣﻲ ﻭﺗﻤﺸﻴﻨﺎ ..
ﻟﻤﺎ ﺟﺎ ﺑﻴﺮﺟﻊ ﻗﻠﺖ ﻟﻪ ﺧﺬﻧﻲ ﻣﻌﺎﻙ ﻭﺑﻌﺪﻳﻦ ﺍﺩﻭﺭ ﻟﻲ ﺍﺣﺪ ﻳﺮﺟﻌﻨﻲ
.. ﺍﻟﻤﻬﻢ ﺍﻧﺘﻲ ﺷﺨﺒﺎﺭﻙ .. ﻛﻴﻒ ﻛﺎﻥ ﻳﻮﻣﻚ ؟
ﻋﻠﻴﺎ : ﺍﻟﺤﻤﺪﻟﻠﻪ .. ﺗﻤﺎﻡ .. ( ﻛﻤﻠﺖ ﺑﺒﺘﺴﺎﻣﻪ ) .. ﺗﺼﺪﻕ ﺗﻮﻧﺎ
ﺑﻄﺎﺭﻳﻚ
ﻭﺍﻓﻲ ﺑﻠﻬﻔﻪ : ﻭﺵ ﻛﻨﺖ ﺗﻘﻮﻟﻮﻥ ﻋﻨﻲ
ﻋﻠﻴﺎ ﺑﺒﺘﺴﺎﻣﻪ : ﻛﻨﺖ ﺍﻗﻮﻝ ﻟﺪﻻﻝ ﻋﻦ ﺳﻴﻨﻤﺎ ﺍﻟﻲ ﺳﻮﻳﺘﻬﺎ ﻓﻲ ﺍﻟﺒﻴﺖ
ﻟﻤﺎ ﻗﻠﺖ ﻟﻚ ﻣﺸﺘﻬﻴﻪ ﺍﺭﻭﺡ ﺍﻟﺴﻴﻨﻤﺎ .. ﻭﻟﻤﺎ ﺑﺪﻯ ﺍﻟﻔﻠﻢ ﻧﻤﺖ
ﻭﺍﻓﻲ : ﻫﻬﻬﻬﻬﻪ ﻫﻬﻬﻬﻬﻪ ﻇﻠﻴﺖ ﻳﻮﻣﻴﻦ ﺍﺟﻬﺰ ﻟﻚ ﺩﺍﺭ ﺍﻟﻌﺮﺽ
ﺍﻟﺴﻴﻨﻤﺎﺋﻲ ﺍﻟﻔﺮﻳﺪ ﻣﻦ ﻧﻮﻋﻪ ﻭﺍﻻﻭﻝ ﻓﻲ ﺍﻟﻤﻨﻄﻘﻪ ﻭﻳﻮﻡ ﺍﻻﻓﺘﺘﺎﺡ
ﻛﻨﺖ ﺍﻭﻝ ﺍﻟﻨﺎﺋﻤﻴﻦ .. ﺍﻥ ﺷﺄﻟﻠﻪ ﺍﺫﺍ ﺻﺎﺭ ﻋﻨﺪﻱ ﻓﺮﺻﻪ ﺭﺍﺡ ﺍﻭﺩﻳﻚ
ﺍﻟﺒﺤﺮﻳﻦ ﻭﺑﺪﺧﻠﻚ ﺍﻟﺴﻴﻨﻤﺎ
ﺩﺧﻠﺖ ﻓﻲ ﻫﺬﻱ ﺍﻟﺤﻈﻪ ﺳﺠﻰ ..
ﺳﺠﻰ ﻭﻫﻲ ﺗﻘﺮﺏ ﻣﻦ ﺍﻟﺴﺮﻳﺮ : ﻛﺎﻧﻲ ﺳﻤﻌﺖ ﺳﻴﻨﻤﺎ ﻭﺍﻟﺒﺤﺮﻳﻦ ..
ﻳﻌﻨﻲ ﺷﻲﺀ ﻣﻦ ﻛﺬﺍ
ﻭﺍﻓﻲ : ﺍﻟﻨﺎﺱ ﻳﺴﻠﻤﻮﻥ ﺑﺎﻻﻭﻝ
ﺳﺠﻰ ﻭﻫﻲ ﺗﺠﻠﺲ ﻋﻠﻰ ﺍﻟﺴﺮﻳﺮ : ﻣﺎ ﺍﻣﺪﺍﻙ ﻧﺴﻴﺖ ﻳﺎﻋﻤﻲ ﺗﻮﻧﻲ ﻟﻤﺎ
ﻛﻨﺖ ﺗﺤﺖ ﺳﻠﻤﺖ ﻋﻠﻴﻚ
ﻭﺍﻓﻲ : ﻫﺎ ﺧﻠﺺ ﺍﻟﻔﻠﻢ
ﺳﺠﻰ : ﺍﻳﻮﻩ ﺑﺲ ﻣﺎ ﻋﺠﺒﺘﻨﻲ ﺍﻟﻨﻬﺎﻳﻪ
ﻭﺍﻓﻲ : ﻣﻮ ﻛﻞ ﻧﻬﺎﻳﻪ ﺳﻌﻴﺪﻩ .. ﻭﻳﻦ ﻋﺒﺪﺍﻟﺮﺣﻤﻦ ﻣﺎ ﺷﻔﺘﻪ ﻟﻤﺎ
ﺩﺧﻠﺖ ﺍﻟﺒﻴﺖ ﻭﺳﻴﺎﺭﺗﻪ ﻣﻮ ﻣﻮﺟﻮﺩﻩ ﻋﻨﺪ ﺍﻟﺒﺎﺏ ﻏﺮﻳﺒﻪ ﻃﺎﻟﻊ ﻓﻲ ﻫﺬﺍ
ﺍﻟﻮﻗﺖ
ﺳﺠﻰ : ﻣﺪﺭﻱ ﻋﻨﻪ ﺗﺨﺎﻧﻖ ﻣﻊ ﺣﻤﺪ ﻭﻃﻠﻊ ﺣﻤﺪ ﻣﻌﺼﺐ ﻭﺑﻌﺪﻳﻦ
ﻃﻠﻊ ﻋﺒﺪﺍﻟﺮﺣﻤﻦ
ﻭﺍﻓﻲ ﻭﻫﻮ ﻳﻘﻮﻡ ﻣﻦ ﺍﻟﺴﺮﻳﺮ : ﻳﺎﻟﻠﻪ ﺍﻧﺎ ﺑﺮﻭﺡ ﺍﺩﻕ ﻋﻠﻰ ﻋﺒﺪﺍﻟﺮﺣﻤﻦ
ﻭﺍﺷﻮﻑ ﻭﺵ ﻓﻴﻪ
ﺳﺠﻰ : ﺍﺫﺍ ﻋﺮﻓﺖ ﺍﻟﺴﺎﻟﻔﻪ ﺧﺒﺮﻧﻲ .. ﻻﻧﻲ ﻣﻦ ﺍﻟﻈﻬﺮ ﻭﺍﻧﺎ ﺍﺣﺎﻭﻝ
ﺍﻋﺮﻑ ﺍﻟﺴﺎﻟﻔﻪ ﻟﻜﻦ ﻣﺎ ﻗﺪﺭﺕ
ﻭﺍﻓﻲ : ﻃﻴﺐ .. ( ﻭﻃﻠﻊ ﻣﻦ ﺍﻟﻐﺮﻓﻪ )
ﻋﻠﻴﺎ ﻭﺗﻨﺎﻇﺮ ﺳﺠﻰ : ﺗﺴﻠﻢ ﻋﻠﻴﻚ ﺩﻻﻝ
ﺳﺠﻰ ﺑﺒﺘﺴﺎﻣﻪ : ﺗﺼﺪﻗﻴﻦ ﺍﺷﻘﺖ ﻟﻬﺎ ﺑﻘﻮﻡ ﺍﻛﻠﻤﻬﺎ
.
.
.
ﻓﻲ ﻣــﻜﺎﻥ ﺍﺧﺮ .. ﻣﻦ ﺍﻟﻌﺎﻟﻢ ..
ﻟﻢ ﺗﻘﻠﻊ ﺍﻟﻄﺎﺋﺮﻩ ﻣﻦ ﻣﻄﺎﺭ ﺍﻟﻘﺎﻫﺮﻩ ﺍﻟﻰ ﻓﻲ ﺍﻟﺴﺎﻋﻪ 2:15 ﻇﻬﺮﺍ
ﺩﻗﻴﻘﻪ ﻭﻗﺪ ﺗﺎﺧﺮﺕ ﻓﻲ ﺍﻗﻼﻋﻬﺎ ﺳﺎﻋﻪ ﺗﻐﺮﻳﺒﺎ ﻭﺳﻴﻈﻬﺮ ﺍﺛﺮ ﻫﺬﺍ
ﺍﻟﺘﺄﺧﻴﺮ ﻓﻲ ﻣﻄﺎﺭ ﺷﺎﺭﻟﻲ ﺩﻳﻐﺎﻝ ﺑﺒﺎﺭﻳﺲ .. ﻟﻢ ﻳﻜﻦ ﻓﻲ ﺍﻟﺮﺣﻠﻪ
ﺷﻲﺀ ﻳﺴﺘﺤﻖ ﺍﻟﺬﻛﺮ .. ﻓﻘﺪ ﻛﺎﻧﺖ ﺍﻻﺟﻮﺍﺀ ﺑﺎﺭﺩﻩ ﻭﻛﻞ ﻣﻨﻬﻢ ﻳﻌﻴﺶ
ﻓﻲ ﻋﺎﻟﻤﺎ ﺍﺧﺮ .. ﻟﻜﻦ ﺍﻟﺸﻲﺀ ﺍﻟﺬﻱ ﺣﺼﻞ ﻓﻌﻼ ﺑﺎﻥ ﺷﻬﺎﺏ ﻟﻢ ﻳﻜﻦ
ﻣﻐﻤﺾ ﺍﻟﻌﻴﻨﻴﻦ ﻓﻘﻂ ﻣﻦ ﺍﺟﻞ ﺗﻔﺎﺩﻱ ﺍﻟﻨﻈﺮ ﻭﺍﻻﺣﺘﻜﺎﻙ ﺑﺎﻧﻔﺎﻝ ..
ﺑﻞ ﻛﺎﻥ ﻓﻌﻼ ﻳﺰﻭﺭ ﻋﺎﻟﻢ ﺍﻻﺣﻼﻡ .. ﻭﻳﻘﻄﻮ ﻓﻲ ﻧﻮﻣﺎ ﻋﻤﻴﻖ .. ﺍﻣﺎ
ﺍﻧﻔﺎﻝ ﻓﺘﺤﺎﻭﻝ ﺍﻥ ﺗﻨﺴﻰ ﻓﻜﺮﺕ ﺍﻥ ﺗﻨﺎﻡ .. ﻓﻈﻠﺖ ﺗﺘﺄﻣﻞ ﺍﻟﺒﺤﺮ
ﺍﻟﻮﺍﺳﻊ ﻣﻦ ﺗﺤﺘﻬﺎ .. ﻭﺍﻟﺴﻤﺎﺀ ﺍﻟﺰﺭﻗﺎﺀ ﺍﻟﺼﺎﻓﻴﻪ .. ﺍﻟﺘﻲ ﺗﺸﻘﻮ
ﺍﻟﻄﺎﺋﺮﻩ ﺍﺟﻮﺍﺋﻬﺎ ﻟﺘﺄﺧﺬﻫﻢ ﻋﺒﺮﻫﺎ ﺍﻟﻰ ﻣﻜﺎﻧﺎ ﺍﺧﺮ ﺑﻌﻴﺪ ﻛﻞ ﺍﻟﺒﻌﺪ ﻋﻦ
ﺍﺭﺽ ﺍﻟﻮﻃﻦ .. ﺍﻟﻲ ﻣﻜﺎﻥ ﻗﺪ ﻳﺘﻄﻠﺐ ﺍﻟﻮﺻﻮﻝ ﺍﻟﻴﻪ ﻋﺒﺮ ﺍﻻﺭﺽ
ﺍﻳﺎﻣﺎ ﻛﺜﻴﺮﻩ .. ﻣﺎ ﺍﻋﻈﻢ ﻫﺬﺍ ﺍﻻﺧﺘﺮﺍﻉ ﺍﻟﺬﻱ ﻳﺸﺒﻪ ﺍﻟﻄﺎﺋﺮ ﺍﻟﻜﺎﺳﺮ
ﺑﺠﻨﺎﺣﻴﻪ ﺍﻟﻜﺒﻴﺮﻳﻦ .. ﻗﺪﻣﺖ ﺍﻟﻤﻀﻴﻔﻪ ﺍﻟﻄﻌﺎﻡ ﻻﻧﻔﺎﻝ ﻟﻜﻨﻬﺎ ﺭﻓﻀﺖ
ﺍﻥ ﺗﺎﻛﻞ ﻻﻥ ﺯﻭﺟﻬﺎ ﻧﺎﺋﻢ .. ﺭﻏﻢ ﺍﻥ ﻋﺼﺎﻓﻴﺮ ﺑﻄﻨﻬﺎ ﺗﺎﻛﻞ ﺑﻌﻀﻬﺎ
ﻣﻦ ﺷﺪﺕ ﺍﻟﺠﻮﻉ ..
ﺗﻜﻠﻢ ﺍﻟﻜﺒﺘﻦ ﺑﺎﻟﻤﻜﺮﻓﻮﻥ .. ﻣﻌﻠﻨﺎ ﻋﻦ ﻭﺻﻮﻟﻬﻢ ﺍﻟﻰ ﻣﻄﺎﺭ ﺷﺎﺭﻟﻲ
ﺩﻳﻐﺎﻝ ﺑﺒﺎﺭﺱ .. ﻭﺭﺍﺟﻴﺎ ﻣﻨﻬﻢ ﺭﺑﻂ ﺍﻻﺣﺰﻣﻪ ﻭﺍﻻﺳﺘﻌﺪﺍﺩ ﻟﻨﺰﻭﻝ ..
ﻣﺘﻤﻨﻴﺎ ﻟﻬﻢ ﺳﻔﺮﺍ ﺳﻌﻴﺪﺍ
ﻓﺘﺢ ﺷﻬﺎﺏ ﻋﻴﻨﻴﻪ ﻋﻠﻰ ﺻﻮﺕ ﺍﻟﻜﺒﺘﻦ .. ﺩﻭﻥ ﺍﻥ ﻳﺤﺮﻙ ﺭﺍﺳﻪ
ﻭﺑﺤﺮﻛﻪ ﺑﻄﻴﺄﻩ ﺭﺑﻂ ﺣﺰﺍﻣﻪ ..
ﻧﺰﻟﺖ ﺍﻟﻄﺎﺋﺮﻩ ﺑﺴﻼﻡ ﻭﺍﺧﺬﺕ ﻣﻜﺎﻧﻬﺎ ﺑﻴﻦ ﺍﻟﻄﺎﺋﺮﺍﺕ .. ﻭﺑﻌﺪ ﻭﻗﻮﻓﻬﺎ
ﺑﺪﻗﺎﺋﻖ .. ﻓﺘﺤﺖ ﺍﺑﻮﺍﺏ ﺍﻟﻄﺎﺋﺮﻩ .. ﻭﻗﺎﻣﺖ ﺍﻟﻨﺎﺱ ﻣﻦ ﺍﻣﺎﻛﻨﻬﺎ
ﺗﺒﺤﺚ ﻋﻦ ﺍﺷﻴﺎﺋﻬﺎ ﻭﺗﺤﻤﻞ ﺣﻘﺎﺋﺒﻬﺎ .. ﻭﺗﻤﺴﻚ ﺑﺎﻃﻔﺎﻟﻬﺎ .. ﻣﻨﻬﻢ
ﻣﻦ ﻛﺎﻥ ﻓﺮﺣﺎ ﺑﺎﻟﻮﺻﻮﻝ .. ﻭﻣﻨﻬﻢ ﻣﻦ ﻛﺎﻥ ﻣﻨﻬﻜﺎ ﻣﻦ ﺍﻟﺠﻠﻮﺱ ..
ﻭﻣﻨﻬﻢ ﻣﻦ ﻳﺰﺍﺣﻢ ﺍﻟﻨﺎﺱ ﻟﻴﻨﺰﻝ ﺍﻭﻻ .. ﻣﻨﻬﻢ ﻣﻦ ﻟﻢ ﻳﺘﺤﺮﻙ ﻣﻦ
ﻣﻜﺎﻧﻪ
ﺍﻧﺘﻈﺮ ﺷﻬﺎﺏ ﻗﻠﻴﻞ ﺣﺘﻰ ﻳﺨﻒ ﺍﻟﻨﺎﺱ .. ﻭﺑﻌﺪﻫﺎ ﻭﻗﻒ ﻭﺍﻧﺰﻝ
ﺣﻘﻴﺒﺘﻪ ﺍﻟﺼﻐﻴﺮﻩ ﺍﻟﻤﺤﻤﻮﻟﻪ ﻣﻦ ﺍﻟﺮﻑ ﺍﻟﻌﻠﻮﻱ
ﻭﻗﻔﺖ ﺍﻧﻔﺎﻝ ﻟﻤﺎ ﺷﺎﻓﺖ ﺷﻬﺎﺏ ﻭﻗﻒ .. ﻭﻣﺸﺖ ﺧﻠﻔﻪ .. ﻫﺬﻩ ﺍﻟﻤﺮﻩ
ﻛﺎﻧﺖ ﻋﺎﺭﻓﻪ ﻓﻲ ﺃﻱ ﻣﻄﺎﺭ ﺑﻨﺰﻟﻮﻥ ﻭﻫﻢ ﻓﻲ ﺃﻱ ﺍﺭﺽ ﻻﻧﻬﺎ ﻛﺎﻧﺖ
ﺻﺎﺣﻴﻪ ﻃﻮﻝ ﺍﻟﺮﺣﻠﻪ .. ﻟﻜﻨﻬﺎ ﺍﺳﺘﻐﺮﺑﺖ ﻣﻦ ﻧﺰﻭﻟﻬﻢ ﻫﻨﺎ ﻭﻫﻢ
ﺭﺣﻠﺘﻬﻢ ﺍﻟﻰ ﺍﺳﺒﺎﻧﻴﺎ ﻭﻫﺬﺍ ﻣﻄﺎﺭ
ﺑﺎﺭﻳﺲ ﻣﻌﻘﻮﻟﻪ ﺷﻬﺎﺏ ﻏﻴﺮ ﺍﻟﺮﺣﻠﻪ .. ﻳﺎﻟﻠﻪ ﺣﺘﻰ ﺑﺎﺭﻳﺲ ﺧﻴﺎﻝ ..
ﺍﻭﻝ ﻣﺎ ﻃﻠﻌﻮ ﻣﻦ ﺑﻮﺍﺑﺖ ﺍﻟﻄﺎﺋﺮﻩ .. ﺷﻌﺮﻭ ﺑﺒﺮﻭﺩﺓ ﺍﻟﺠﻮ .. ﻭﻫﺒﺖ
ﺭﻳﺎﺡ ﺑﺎﺭﺩﻩ ﺍﺛﻠﺠﺖ ﺍﻃﺮﺍﻑ ﺍﻧﻔﺎﻝ ﺍﻟﺘﻲ ﻟﻢ ﻳﺪﺍﻋﺒﻬﺎ ﺑﺮﺩﺍ ﻛﻬﺬﺍ ..
ﺭﺑﻤﺎ ﻻﻧﻬﻢ ﻣﺎ ﺯﺍﻝ ﻣﺮﺗﻔﻌﻴﻦ ﻋﻦ ﺍﻻﺭﺽ .. ﻧﺰﻟﺖ ﺍﻧﻔﺎﻝ ﻣﻦ ﺍﻟﺪﺭﺝ
ﻭﻛﺎﻥ ﺟﺴﺪ ﺷﻬﺎﺏ ﺍﻣﺎﻣﻬﺎ ﻛﻞ ﺍﻟﻤﻌﺘﺎﺩ .. ﺗﺎﻣﻠﺖ ﻓﻲ ﺍﻟﺴﻤﺎﺀ
ﺍﻟﻤﺘﻠﺒﺪﻩ ﺑﺎﻟﺴﺤﺐ ﺍﻟﺒﻴﻀﺎﺀ ﺍﻟﻨﺎﺻﻌﻪ .. ﺍﺧﺬ ﺗﺒﺤﺚ ﻋﻦ ﺍﻟﻘﻤﺮ ﻭﻧﻮﺭﻩ
ﻟﻜﻦ ﻟﻢ ﻳﺪﻡ ﺑﺤﺜﻬﺎ ﻻﻧﻬﺎ ﺩﺧﻠﺖ ﺍﻟﻰ ﺍﻟﻤﻄﺎﺭ ..
ﺍﺗﺴﻌﺖ ﻋﻨﻴﻬﺎ ﻋﻨﺪﻣﺎ ﺩﺧﻠﺖ .. ﻛﺎﻥ ﺍﻟﻤﻄﺎﺭ ﻭﺍﺳﻊ ﻭﺭﺍﺋﻊ .. ﻭﻛﺒﻴﺮ ..
ﻭﺍﻟﻨﺎﺱ ﺍﺷﻜﺎﻟﻬﻢ ﻭﺍﻟﻮﺍﻧﻬﻢ ﻣﺨﺘﻠﻔﻪ ﻛﻞ ﺍﻻﺧﺘﻼﻑ ﻋﻦ ﺍﻟﻨﺎﺱ ﺍﻟﺘﻲ
ﺭﺍﺗﻬﻢ ﻓﻲ ﻣﻄﺎﺭ ﺍﻟﺸﺮﻗﻴﻪ .. ﻫﻨﺎ ﻛﺎﻧﺖ ﺍﻟﻮﺍﻥ ﺍﻟﺰﺍﻫﻴﻪ ﺍﻟﻨﺼﺐ ﺍﻟﻜﺒﻴﺮ
ﻣﻦ ﻟﺒﺴﻬﻢ .. ﻭﺍﻟﺸﻌﺮ ﺍﻻﺷﻘﺮ ﺑﺪﺭﺟﺎﺗﻪ .. ﺗﺎﺝ ﺭﺍﺱ ﺍﻟﻐﺎﻟﺒﻴﻪ
ﺍﻟﻌﻀﻤﻰ ﻣﻦ ﺍﻟﻨﺎﺱ ﺭﺟﺎﻝ ﻭﺍﻃﻔﺎﻝ ﻭﻧﺴﺎﺋﺎ .. ﺍﺧﺬﺕ ﺗﺒﺤﺚ ﺑﻴﻦ
ﻣﻼﻣﺢ ﺍﻟﻨﺎﺱ ﻋﻦ ﻣﻼﻣﺢ ﻣﺄﻟﻮﻓﻪ ﻟﻬﺎ ﻭﺭﺍﺗﻬﺎ ﻓﻲ ﺍﻟﻄﺎﺋﺮﻩ .. ﺗﺬﻛﺮﺕ
ﺍﻟﺴﻴﺪﻩ ﺍﻟﺘﻲ ﺗﺤﺪﺛﺖ ﻣﻌﻬﺎ ﻟﻤﺎ ﻛﺎﻧﺖ ﺍﻟﻄﺎﺋﺮﻩ ﻣﺘﻮﻗﻔﻪ ﻓﻲ ﻣﻄﺎﺭ
ﺍﻟﻘﺎﻫﺮﻩ .. ﺗﻤﻨﺖ ﺍﻥ ﺗﺮﻫﺎ ﻟﺘﺤﻴﻬﺎ .. ﻭﺗﺘﻤﻨﻰ ﻟﻨﺎ ﺳﻔﺮﺍ ﻣﻤﺘﻌﺎ ..
ﻧﻈﺮﺕ ﺍﻟﻰ ﺟﺴﺪ ﺷﻬﺎﺏ ﺍﻟﺬﻱ ﻛﺎﻥ ﺍﻣﺎﻣﻬﺎ .. ﻭﻛﺎﻧﺖ ﻫﻲ ﺗﺤﺎﻭﻝ ﺍﻥ
ﺗﻮﺳﻊ ﺧﻄﻮﺍﺗﻬﺎ ﻟﺘﻠﺤﻖ ﺑﻪ .. ﻟﻜﻨﻪ ﻓﺠﺄﻩ ﺑﺪﻯ ﻳﺴﺎﺭﻉ ﻓﻲ ﺧﻄﻮﺍﺗﻪ
..
ﺷﻬﺎﺏ ﻟﻤﺎ ﻧﺰﻝ ﻣﻦ ﺍﻟﻄﺎﺋﺮﻩ ﻭﺩﺧﻞ ﺍﻟﻤﻄﺎﺭ .. ﺭﻓﻊ ﻳﺪﻩ ﻭﻧﺎﻇﺮ ﺳﺎﻋﺘﻪ
( ﺍﻟﺤﻴﻦ ﺍﻟﺴﺎﻋﻪ 6:45 ﺩﻗﻴﻘﻪ ﻣﺴﺎﺀ ﻭﻃﺎﺋﺮﺓ ﺍﻟﻤﺘﺠﻪ ﺍﻟﻰ ﺑﺮﺷﻠﻮﻧﻬﺎ
ﺑﺘﺘﺤﺮﻙ ﺍﻟﺴﺎﻋﻪ 7:15 .. ﻳﻌﻨﻲ ﻣﺎ ﺑﻘﻰ ﺍﻟﻰ ﻧﺼﻒ ﺳﺎﻋﻪ ..
ﻭﺍﻟﻤﺴﺎﻓﻪ ﻣﻦ ﺻﺎﻟﺔ ﺍﻟﻮﺻﻮﻝ )) 2f ) ﺇﻟﻰ ﺻﺎﻟﺔ ﺍﻟﻤﻐﺎﺩﺭﺓ ( 2c ) ﻋﺸﺮ
ﺩﻗﺎﻳﻖ ﻣﺸﻲ ﺳﺮﻳﻊ ﺍﺷﺒﻪ ﺑﺎﻟﺮﻛﺾ .. ﻫﺬﺍ ﺍﻟﻲ ﻛﺎﻧﺖ ﺧﺎﻳﻒ ﻣﻨﻪ ﺍﻥ
ﺗﺄﺧﺮ ﺍﻟﻲ ﺣﺼﻞ ﻓﻲ ﻣﻄﺎﺭ ﺍﻟﻘﺎﻫﺮﻩ ﻣﻤﻜﻦ ﻳﻀﻴﻊ ﻋﻠﻴﻨﺎ ﺭﺣﻠﺔ
ﺍﻟﺴﺎﻋﻪ 7:15 .. ﺧﻠﻴﻨﻲ ﺍﺳﺎﺭﻉ ﻓﻲ ﺧﻄﻮﺍﺗﻲ ﻋﻠﺸﺎﻥ ﺍﻟﺤﻖ ﻋﻠﻰ
ﺍﻟﻄﻴﺎﺭﻩ )
ﻛﺎﻧﺖ ﺍﻧﻔﺎﻝ ﻣﺘﻔﺎﺟﺎﻩ ﻣﻦ ﺗﺰﺍﻳﺪ ﺳﺮﻋﺔ ﺷﻬﺎﺏ ﻭﻛﺒﺮ ﺧﻄﻮﺍﺗﻪ ..
ﻳﺰﺩﺍﺩ ﺧﻮﻓﻬﺎ ﻛﻠﻤﻬﺎ ﺍﺯﺩﺍﺕ ﺳﺮﻋﺘﻪ ﻭﻟﻢ ﺗﺘﻤﻜﻦ ﻣﻦ ﻣﺠﺎﺭﺍﺗﻬﺎ ﻭﺍﻟﺤﺎﻕ
ﻓﻴﻪ .. ﻛﺮﻫﺖ ﻓﻜﺮﻩ ﺍﻥ ﺗﺤﺲ ﺑﺎﻟﻀﻴﺎﻉ ﻣﺮﻩ ﺍﺧﺮﻯ ﻓﺤﺎﻭﻟﺖ ﺍﻥ
ﺗﺮﻛﺾ ﺑﺪﻝ ﺍﻟﻬﺮﻭﻟﻪ ﻭﺗﻨﺎﺳﺖ ﺍﻟﻨﺎﺱ ﻣﻦ ﺣﻮﻟﻬﺎ ﻟﺘﺼﻞ ﺍﻟﻴﻪ ﺍﻭ ﻋﻠﻰ
ﺍﻻﻗﻞ ﺗﻜﻮﻥ ﺍﻟﻤﺴﺎﻓﻪ ﺑﻴﻨﻬﻢ ﻗﻠﻴﻠﻪ ... ﺍﺣﺴﺖ ﺑﻘﻠﻴﻞ ﻣﻦ ﺍﻟﺮﺍﺣﻪ
ﻋﻨﺪﻫﺎ ﺍﺻﺒﺤﺖ ﻗﺮﻳﺒﻪ ﻣﻨﻪ ﻭﺧﻠﻔﻪ ﺗﻤﺎﻣﺎ ..
ﻓﺠﺄﻩ ﺍﺣﺴﺖ ﺑﻴﺪ ﻗﻮﻳﻪ ﺗﻤﺴﻚ ﺑﻴﺪﻫﺎ ﺑﺸﺪﻩ .. ﻭﺗﺤﺎﻭﻝ ﺍﻥ ﺗﺠﺮﻫﺎ
.. ﻭﻫﻲ ﺗﺤﺎﻭﻝ ﺑﺠﺴﺪﻫﺎ ﺗﺘﻔﺎﺩ ﺍﻻﺷﺨﺎﺹ ﺍﻟﺬﻳﻦ ﻳﻜﻨﻮﻥ ﻓﻲ ﻃﺮﻳﻘﻬﺎ
.. ﻭﻗﺪﻣﻬﺎ ﺗﺤﺎﻭﻝ ﺍﻥ ﺗﺴﺮﻉ ﻻﻥ ﻳﺪﻫﺎ ﺍﻟﻤﺸﺪﻭﺩﻩ ﻭﺟﺴﺪﻫﺎ ﺍﻟﻤﻨﺸﺪ
ﺍﺳﺮﻉ
ﻭﺻﻠﻮ ﺍﻟﻰ ﺻﺎﻟﺔ ﺍﻟﻤﻐﺎﺩﺭﻩ .. ﻭﻛﺎﻧﺖ ﺍﺑﻮﺍﺏ ﺍﻟﺼﻌﻮﺩ ﺍﻟﻰ ﺍﻟﻄﺎﺋﺮﻩ
ﻣﻔﺘﻮﺣﻪ .. ﻣﺎﺯﺍﻝ ﺷﻬﺎﺏ ﻣﺎﺳﻚ ﺍﻧﻔﺎﻝ ﻣﻦ ﻳﺪﻫﺎ ﺑﺸﺪﻩ .. ﻋﻨﺪﻣﺎ
ﻭﺻﻠﻮ ﻋﻨﺪ ﺍﻟﺒﻮﺍﺑﻪ ﻭﻗﻔﻮ ﻟﻴﺄﺧﺬﻭﺍ ﻧﻔﺎﺳﻬﻢ ﺍﻟﺘﻲ ﺍﻧﻘﻄﻌﺖ ﻣﻦ
ﺍﻟﺴﺮﻋﻪ ﻭﻳﺘﻨﻔﺴﻮﻥ ﺑﻌﻤﻖ .. ﻭﺧﺎﺻﻪ ﺍﻧﻔﺎﻝ ﺍﻟﺘﻲ ﺗﺤﺲ ﺑﺎﻟﻢ ﻓﻲ
ﺑﺎﻃﻦ ﻗﺪﻣﻬﺎ ﻭﻓﻲ ﻇﻬﺮﻫﺎ ﺭﻓﻊ ﺷﻬﺎﺏ ﻳﺪﻩ ﻭﻧﺎﻇﺮ ﺍﻟﺴﺎﻋﻪ 7:6 ..
ﻋﻨﺪﻣﺎ ﺭﻓﻊ ﻳﺪﻩ ﻟﻴﺴﻠﻢ ﺍﻟﺘﺬﺍﻛﺮ .. ﺍﺩﺭﻙ ﺑﺎﻧﻪ ﻣﻤﺴﻚ ﺑﻴﺪ ﺍﻧﻔﺎﻝ ..
ﻓﺘﺮﻙ ﻳﺪﻫﺎ ﺑﺴﺮﻋﻪ
ﻋﻄﺎﻫﺎ ﻧﻈﺮﻩ ﻭﻣﺸﻰ ﺍﻟﻰ ﺩﺍﺧﻞ ﺍﻟﻄﺎﺋﺮﻩ .. ﺍﻣﺎ ﺍﻧﻔﺎﻝ ﻟﻤﺎ ﺗﺮﻙ ﺷﻬﺎﺏ
ﻳﺪﻫﺎ ﻋﻠﻰ ﻃﻮﻝ ﺗﺤﺴﺴﺖ ﻣﻜﺎﻥ ﻗﺒﻀﺘﻪ ﺑﻴﺪﻫﺎ ﺍﻻﺧﺮﻯ .. ﻭﻻﺣﻈﺔ
ﺍﺣﻤﺮﺍﺭ ﺍﻟﻤﻨﻄﻘﻪ ﺍﻟﺘﻲ ﺍﻣﺴﻚ ﺑﻬﺎ .. ﻭﺍﻧﻄﺒﻌﺖ ﺍﺻﺎﺑﻊ ﺷﻬﺎﺏ ﺍﻟﻘﻮﻳﻪ
ﻋﻠﻰ ﻣﻌﺼﻤﻬﺎ .. ﻣﺎﺗﺪﺭﻱ ﻟﻴﻪ ﺣﺴﺖ ﺑﻨﺸﻮﻩ ﻓﺮﺡ ﻣﻔﺎﺟﺄﻩ ..
ﻓــﻲ ﺩﺍﺧﻞ ﺍﻟﻄﺎﺋﺮﻩ ..ﺟﻠﺴﺖ ﺍﻧﻔﺎﻝ ﺑﺎﻟﻜﺮﺳﻲ ﺍﻟﻲ ﺟﻨﺐ ﺍﻟﻨﺎﻓﺬﻩ
ﻭﺷﻬﺎﺏ ﺟﻠﺲ ﺟﻨﺒﻬﺎ .. ﻛﻠﻬﺎ ﻛﻢ ﺩﻗﻴﻘﻪ .. ﻭﻧﺎﺩﺍ ﺍﻟﻜﺒﺘﻦ ﻣﻌﻠﻨﺎ ﻋﻦ
ﺍﻗﻼﻉ ﺍﻟﻄﺎﺋﺮﻩ ﻭﺭﺍﺟﻴﺎ ﻣﻦ ﺍﻟﺮﻛﺎﺏ ﺍﻟﻤﺴﺎﻓﺮﻳﻦ ﺭﺑﻂ ﺍﻻﺣﺰﻣﻪ
ﻛﺎﻧﺖ ﻫﺬﻱ ﺍﻟﺮﺣﻠﻪ ﻣﺨﺘﻠﻔﻪ ﻓﻲ ﻛﻞ ﺷﻲﺀ ﺍﻟﻄﺎﺋﺮﻩ ﻭﺍﺷﻜﺎﻝ
ﺍﻟﻤﺴﺎﻓﺮﻳﻦ ﻭﺍﺟﻨﺎﺳﻬﻢ .. ﻭﺷﻜﻞ ﺍﻟﻤﻀﻴﻔﺎﺕ .. ﻭﺍﺧﺘﻼﻑ ﺑﺴﻴﻂ
ﻓﻲ ﺷﻜﻞ ﻭﻟﻮﻥ ﺍﻟﻤﻘﺎﻋﺪ .. ﻭﻛﺎﻥ ﻓﻲ ﺍﺧﺘﻼﻑ ﺑﺴﻴﻂ ﻓﻲ ﺷﻌﻮﺭ
ﺍﻧﻔﺎﻝ ﻭﺷﻬﺎﺏ ..
ﺍﻧﻔﺎﻝ ﻛﺎﻧﺖ ﺗﺸﻌﺮ ﺑﺎﻟﻔﺮﺡ ﻭﻗﻠﻴﻞ ﻣﻦ ﺍﻻﻣﻞ ﻭﻛﺜﻴﺮﺍ ﻣﻦ ﺍﻻﻣﺎﻥ ..
ﻣﻦ ﻣﺴﻚ ﺷﻬﺎﺏ ﻳﺪﻫﺎ ﻭﻫﻲ ﺗﺤﺲ ﺑﺎﺣﺴﺎﺱ ﻏﺮﻳﺐ ﻳﻤﻜﻦ
ﺍﺣﺴﺎﺳﻬﺎ ﺑﺎﻟﻔﺮﺡ ﻻﻥ ﻟﻤﺴﻬﺎ ﻭﺍﻣﺴﻚ ﺑﻴﺪﻫﺎ .. ﺻﺤﻴﺢ ﻣﺎ ﻣﺴﻜﻬﺎ
ﺑﻠﻄﻒ ﻭﺭﻗﻪ ﻭﻛﺎﻧﺖ ﻣﺴﻜﺘﻪ ﺍﺷﺒﻪ ﺑﺎﻟﻘﺒﺾ ﻋﻠﻰ ﺍﻟﻠﺺ ﺍﻟﻬﺎﺭﺏ ..
ﻗﺒﻀﺘﻪ ﻛﺎﻧﺖ ﺷﺪﻳﺪﻩ ﻭﻣﺄﻟﻤﻪ ﻭﻛﺎﻧﻪ ﻳﺨﺎﻑ ﺗﻔﻠﺖ ﻣﻦ ﻳﺪﻩ .. ﺑﺲ
ﻛﺎﻧﺖ ﻇﺎﻫﺮﻳﺎ ﺣﻠﻮﻩ ﻭﺩﺍﺧﻠﻴﺎ ﻭﻟﺪ ﺍﺣﺴﺎﺱ ﺍﻻﻣﺎﻥ ﻳﻌﻨﻲ ﺷﻬﺎﺏ
ﻻﻳﻤﻜﻦ ﻳﺨﻠﻴﻬﺎ ﻟﺤﺎﻟﻬﺎ
ﺍﻣﺎ ﺷﻬﺎﺏ ﻓﻜﺎﻥ ﻳﻠﻮﻡ ﻧﻔﺴﻪ ﻋﻠﻰ ﺗﺼﺮﻓﻪ .. ﺍﻧﺎ ﻟﻴﻪ ﻣﺴﻜﺖ ﻳﺪﻫﺎ
.. ﻛﺎﻥ ﺧﻠﻴﺘﻬﺎ ﺗﻀﻴﻊ ﻓﻲ ﺍﻟﻤﻄﺎﺭ .. ﻭﺍﻟﻠﻪ ﻛﺎﻧﺖ ﻣﺴﻜﺘﻲ ﻻ ﺍﺭﺍﺩﻳﻪ
ﻟﻤﺎ ﺧﻔﺖ ﺍﻥ ﻧﺘﺄﺧﺮ ﻋﻠﻰ ﺍﻟﻄﺎﺋﺮﻩ ﻭﺧﻔﺖ ﺍﻧﻬﺎ ﻣﺎ ﺗﻘﺪﺭ ﺗﻠﺤﻘﻨﻲ .. ﻳﺎ
ﺍﻟﻠﻪ ﻭﺍﻟﻠﻪ ﺍﻧﻲ ﺍﺑﺘﻠﺸﺖ ﺑﺎﺳﺒﺎﻧﻴﺎ ﻳﻌﻨﻲ ﻛﺎﻥ ﺭﺣﺖ ﻟﻲ ﺍﺳﺒﻮﻉ ﻣﺼﺮ
ﻭﻻ ﻣﺎﻟﻴﺰﻳﺎ .. ﻣﻮ ﺍﺯﻳﻦ ﻟﻲ ﻛﺎﻥ ﺣﻨﺎ ﻣﻦ ﺍﻟﻈﻬﺮ ﻫﻨﺎﻙ ﻣﻮ ﺍﺣﺴﻦ ﻟﻲ
ﻣﻦ ﻋﻮﺍﺭ ﺍﻟﻘﻠﺐ ﻭﻭﺟﻊ ﺍﻟﺮﺍﺱ .. ﺗﻌﺒﺖ ﻣﻦ ﺟﻠﺴﺖ ﺍﻟﻄﻴﺎﺭﻩ ﻣﻦ
ﺍﻟﺴﺎﻋﻪ 9 ﺍﻟﺼﺒﺎﺡ ﻭﺍﻟﺤﻴﻦ ﺍﻟﺴﺎﻋﻪ 7 ﺍﻟﻤﻐﺮﺏ ﻳﻌﻨﻲ ﻳﻮﻡ ﻛﺎﻣﻞ ﻫﻨﺎ
ﺑﺎﻟﺠﻮ .. ﺍﻟﻤﻔﺮﻭﺽ ﻟﻤﺎ ﺍﺳﺘﺸﺎﺭﻧﻲ ﺍﺑﻮﻱ ﻓﻲ ﺳﻔﺮﺕ ﺷﻬﺮ ﺍﻟﻌﺴﻞ
ﻗﻠﺖ ﻟﻪ ﻣﺎﻟﻴﺰﻳﺎ ﺍﻭ ﺃﻱ ﺩﻭﻟﻪ ﺛﺎﻧﻴﻪ ﻟﻬﺎ ﺭﺣﻠﻪ ﺑﺪﻭﻥ ﻣﺤﻄﺔ ﻭﻗﻮﻑ
ﻭﺗﻐﻴﺮ ﻃﻴﺎﺭﻩ .. ﻭﺍﻟﻤﻔﺮﻭﺽ ﺍﻧﻲ ﻟﻤﺎ ﺭﺣﺖ ﻟﻤﻜﺎﺗﺐ ﺍﻟﺴﻔﺮﻳﺎﺕ
ﺍﺳﺘﻔﺴﺮ ﻋﻦ ﺍﻟﺮﺣﻼﺕ ﻭﺍﻟﺨﻄﻮﻁ .. ﻭﺷﻔﺖ ﺍﻥ ﺟﻤﻴﻊ ﺍﻟﺨﻄﻮﻁ
ﺭﺣﺎﻟﺘﻬﺎ ﻻﺯﻡ ﻓﻲ ﻣﺤﻄﺔ ﺗﻮﻗﻒ ﻏﻴﺮﺕ ﺭﺍﻱ .. ﺑﺲ ﺍﻧﺎ ﻛﺎﻥ ﻭﺩﻱ
ﺣﻴﻞ ﺑﺎﺳﺒﺎﻧﻴﺎ ﺑﻼﺩ ﺍﻻﻧﺪﻟﺲ ..
ﺍﻟﺘﻔﺖ ﺷﻬﺎﺏ ﻋﻠﻰ ﺍﻧﻔﺎﻝ ﺍﻟﻲ ﻛﺎﻧﺖ ﺗﻨﺎﻇﺮ ﻓﻲ ﻳﺪﻫﺎ ﻭﺗﺘﺤﺲ ﻣﻜﺎﻥ
ﻗﺒﻀﺘﻪ ﻭﻻﺣﻆ ﺍﻥ ﻳﺪﻫﺎ ﺻﺎﺭﺕ ﺣﻤﺮﻩ
ﺷﻬﺎﺏ ﺑﺼﻮﺕ ﻭﺍﻃﻲ ﻭﻫﻮ ﻳﻨﺎﻇﺮ ﺍﻧﻔﺎﻝ : ﺃﻟﻤــــﺘﻚ
ﺍﻧﻔﺎﻝ ﺑﺼﻮﺕ ﻭﺍﻃﻲ : ﻻ
ﺍﻧﻔﺎﻝ ﺣﺴﺖ ﺑﺮﺍﺣﻪ ﻟﻤﺎ ﻛﻠﻤﻬﺎ ﻭﺍﻟﺘﻔﺖ ﻋﻠﻴﻬﺎ .. ﻭﺣﺒﺖ ﺗﺘﻜﻠﻢ ﻣﻌﻪ
ﻋﻠﻰ ﺍﻻﻗﻞ ﻳﻬﺘﺰ ﺟﺪﺍﺭ ﺍﻟﺼﻤﺖ ﺍﻟﻲ ﺑﻴﻨﻬﻢ
ﺍﻧﻔﺎﻝ ﺍﻟﺘﻔﺘﺖ ﻋﻠﻰ ﺷﻬﺎﺏ ﻭﻗﺎﻟﺖ ﺑﺼﻮﺕ ﻭﺍﻃﻲ : ﻫﺬﻱ ﺍﺧﺮ ﻃﻴﺎﺭﻩ
ﻧﺮﻛﺒﻬﺎ
ﺷﻬﺎﺏ ﺍﻛﺘﻔﻰ ﺑﻬﺰ ﺭﺍﺳﻪ ﺑﻨﻌﻢ .. ﻫﺬﺍ ﺍﻟﺸﻲﺀ ﺧﻴﺐ ﺍﻣﻞ ﺍﻧﻔﺎﻝ ﻓﻲ
ﺑﺪﺍ ﺍﻭﻝ ﺣﻮﺍﺭ ﺑﻴﻨﻬﻢ .. ﺍﻟﺘﻔﺘﺖ ﺍﻧﻔﺎﻝ ﻋﻠﻰ ﺍﻟﻨﺎﻓﺬﻩ ﻭﻇﻠﺖ ﺗﻨﺎﻇﺮ
ﺍﻟﻤﺴﺎﺣﺎﺕ ﺍﻟﺨﻀﺮﺍﺀ ﺍﻟﺘﻲ ﺗﻤﺘﺪ ﺗﺤﺘﻬﺎ .. ﻭﺗﺘﺎﻣﻞ ﺍﻟﻮﻥ ﺍﻻﺯﺭﻕ ﺍﻟﺬﻱ
ﻳﻤﺜﻞ ﺍﻟﺒﺤﺮ .. ﻭﺍﺷﻜﺎﻝ ﺍﻟﺴﺤﺐ ﻣﻦ ﺗﺤﺘﻬﺎ .. ﺍﺩﻫﺸﻬﺎ ﻛﺜﻴﺮ ﻣﻨﻈﺮﻫﺎ
ﻭﺍﺫﻫﻠﺘﻬﺎ ﻓﻜﺮﻩ ﺍﻥ ﺗﺤﻠﻖ ﻓﻮﻕ ﺍﻟﺴﺤﺎﺏ .. ﺗﺴﺄﻟﺖ ﻛﻴﻒ ﻫﻮ ﺣﺎﻝ
ﺍﻟﺠﻮ ﻓﻲ ﺍﻟﺨﺎﺭﺝ ﻭﻋﻠﻰ ﻫﺬﺍ ﺍﻻﺭﺗﻔﺎﻉ ﺍﻟﺸﺎﻫﻖ ﺍﻛﻴﺪ ﺑﺮﺩ ﺷﺪﻳﺪ
.. ﻗﻄﻊ ﻋﻠﻴﻬﺎ ﺗﺄﻣﻠﻬﺎ ﺻﻮﺕ ﺣﺮﻛﻪ ﺑﻘﺮﺏ ﻣﻨﻬﺎ ..
ﺍﻟﺘﻔﺘﺖ ﻭﺭﺍﺕ ﺷﻬﺎﺏ ﻳﻔﺘﺢ ﺍﻟﻄﺎﻭﻟﻪ ﺍﻟﺘﻲ ﻓﻲ ﺑﺎﻃﻦ ﻇﻬﺮ ﺍﻟﻤﻘﻌﺪ
ﺍﻻﻣﺎﻣﻲ ﻟﻬﺎ .. ﻗﺪﻣﺖ ﺍﻟﻤﻀﻴﻔﻪ ﻟﻬﻢ ﺍﻟﻄﻌﺎﻡ .. ﻣﺎ ﺍﻥ ﺭﺍﺕ ﺍﻧﻔﺎﻝ
ﺍﻟﺼﻨﻴﻪ ﻭﺍﻻﻛﻞ ﺣﺘﻰ ﺑﺪﺍ ﺍﻟﻌﺎﺏ ﻳﺴﻴﻞ ﻣﻦ ﻓﻤﻬﺎ ﻭﺑﺪﺍﺕ ﺗﺤﻴﺎ
ﻋﺼﺎﻓﻴﺮ ﺑﻄﻨﻬﺎ ﺍﻟﻤﻴﺘﻪ ﻣﻦ ﺍﻟﺠﻮﻉ ..
ﻛﺎﻥ ﺍﻟﻮﺟﺒﻪ ﻣﻜﻮﻧﻪ ﻣﻦ ( ﻗﻄﻊ ﻣﻦ ﺍﻟﻠﺤﻢ .. ﻭﺳﻠﻄﻪ .. ﻭﺧﺒﺰ ..
ﻭﺯﺑﺪﻩ ..ﻭ ﻗﻄﻌﺔ ﻓﺎﻛﻬﻪ .. ﻭﺟﺒﻦ .. ﻭﻛﻮﻻ )
ﻟﻤﺎ ﺑﺪﺍ ﺷﻬﺎﺏ ﻳﺄﻛﺪ ﺳﻤﺖ ﺑﺄﺳﻢ ﺍﻟﻠﻪ ﻭﺑﺪﺍﺕ ﺗﺎﻛﻞ .. ﺗﻮﻫﺎ ﺗﺄﺧﺬ
ﻗﻄﻌﺔ ﺍﻻﺣﻤﻪ ﺍﺳﺘﻮﻗﻔﻬﺎ ﺻﻮﺕ ﺷﻬﺎﺏ ..
ﺷﻬﺎﺏ ﺑﺄﻣﺮ : ﻻ ﺗﺎﻛﻠﻴﻦ ﺍﻟﻠﺤﻢ ﻳﻤﻜﻦ ﻣﻮ ﺣﻼﻝ .. ﺍﻭ ﻳﻤﻜﻦ ﻟﺤﻢ
ﺧﻨﺰﻳﺮ
ﺍﻧﻔﺎﻝ ﻛﺎﻥ ﻭﺩﻫﺎ ﺗﺎﻛﻞ ﻗﻄﻌﺖ ﺍﻟﻠﺤﻢ ﻻﻥ ﻛﺎﻥ ﺷﻜﻠﻬﺎ ﻣﺸﻬﻲ ﻭﻫﻲ
ﻻﻧﻬﺎ ﻣﻴﺘﻪ ﻣﻦ ﺍﻟﺠﻮﻉ .. ﺑﺪﺍﺕ ﺗﺎﻛﻞ ﺍﻟﺴﻠﻄﻪ ﻭﺍﻟﺨﺒﺰ ﻣﻊ ﺍﻟﺠﺒﻦ
ﻭﺍﻟﺰﺑﺪﻩ ﺗﻘﺮﻳﺒﺎ ﻛﻠﺖ ﻛﻞ ﺍﻟﻮﺟﺒﻪ ﻣﺎﻋﺪﺍ ﻗﻄﻌﺔ ﺍﻟﻠﺤﻢ .. ﻭﺑﻌﺪﻫﺎ
ﺟﻮﻋﺎﻧﻪ .. ﺑﻌﺪﻫﺎ ﺟﺎﺏ ﻟﻬﻢ ﻗﻄﻌﺔ ﻛﻴﻚ ﻭﻋﺼﻴﺮ ﺑﺮﺗﻘﺎﻝ .. ﻛﺎﻧﺖ
ﺍﻟﻜﻴﻜﻪ ﻟﺬﻳﺬﻩ ﻭﺍﺷﺮﺑﺖ ﺍﻟﻌﺼﻴﺮ .. ﺣﺴﺖ ﺑﺮﺍﺣﻪ ﺍﻛﺜﺮ ﻟﻤﺎ ﻛﻠﺖ
ﺍﻟﺘﻔﺘﺖ ﻋﻠﻰ ﺷﻬﺎﺏ ﺍﻟﻲ ﻛﺎﻥ ﺟﺎﻟﺲ ﻳﺸﺮﺏ ﺍﻟﻌﺼﻴﺮ
ﺍﻧﻔﺎﻝ ﺑﺼﻮﺕ ﻭﺍﻃﻲ : ﺑﻘﻰ ﻛﻢ ﺳﺎﻋﻪ ﻭﻧﻮﺻﻞ
ﺷﻬﺎﺏ ﺑﺪﻭﻥ ﻣﺎ ﻳﻨﺎﻇﺮ ﻓﻴﻬﺎ : ﺗﻘﺮﻳﺒﺎ ﺳﺎﻋﻪ ﻭﻧﺼﻒ
ﺍﻟﺘﻔﺘﺖ ﺍﻧﻔﺎﻝ ﻋﻠﻰ ﺍﻟﻨﺎﻓﺬﻩ ﻭﺭﺟﻌﺖ ﺗﺘﺄﻣﻞ ﺍﻟﺴﻤﺎﺀ ﺑﺎﻋﻴﻮﻧﺎ ﺣﺎﻟﻤﻪ ..
ﻭ ﻛﻠﻬﺎ ﺷﻮﻕ ﻻﺳﺘﻨﺸﺎﻕ ﻫﻮﺍﺀ ﺍﺳﺒﺎﻧﻴﺎ ﻭﺍﻟﻤﺸﻲ ﻓﻲ ﺍﺭﺍﺿﻴﻬﺎ
ﻭﺍﻛﺘﺸﺎﻑ ﺍﺳﺮﺍﺭﻫﺎ .. ﻭﺍﻟﺘﺰﻭﺩ ﻣﻦ ﺛﻘﺎﻓﺘﻬﺎ .. ﻭﺍﻻﻃﻼﻉ ﻋﻠﻰ
ﺣﻀﺎﺭﺗﻬﺎ ﻭﺗﺎﺭﻳﺨﻬﺎ
ﺍﻧﻨﻲ ﻗﺎﻣﻪ ﺍﻟﻴﻚ ﻳﺎ ﺍﺳﺒﺎﻧﻴﺎ .. ﺍﺗﻤﻨﻰ ﺍﻥ ﺗﻀﻤﻴﻨﻲ ﻓﻲ ﺍﺣﻀﺎﻥ
ﺣﻀﺎﺭﺗﻚ ..
.
.
.
ﻓــﻲ ﻣﻜﺎﻥ ﻗﺮﻳﺐ ﻣﻦ ﺍﻟﺒﺤﺮ .. ﻛﺎﻧﺖ ﺗﻘﻒ ﺳﻴﺎﺭﺓ ﺣﻤﺪ
ﺣﻤﺪ ﻛﺎﻥ ﻣﺘﺴﻨﺪ ﻋﻠﻰ ﺑﺎﺏ ﺍﻟﺴﻴﺎﺭﻩ ﻭﻋﻠﻰ ﻭﺟﻬﻪ ﻋﻼﻣﺎﺕ ﺍﻟﻀﻴﻘﻪ
ﻭﺍﻟﺤﻴﺮﻩ .. ﻳﻨﺰﻝ ﺑﺠﺴﺪﻩ ﻭﻳﺄﺧﺬ ﻣﺠﻤﻮﻋﻪ ﻣﻦ ﺍﻟﺤﺼﻰ ﻭﻳﺮﻣﻴﻬﻢ
ﺑﻜﻞ ﻗﻮﺗﻪ ﻓﻲ ﺍﻟﻬﻮﺍﺀ .. ﻟﻴﺲ ﻣﻬﻤﻨﺎ ﺍﻳﻨﺎ ﺳﻘﻄﺖ ﻭﻋﻠﻰ ﻣﻦ
ﺳﻘﻄﺖ .. ﺍﻟﻤﻬﻢ ﺍﻧﻪ ﻣﻊ ﻛﻞ ﺭﻣﻴﻪ ﻳﺤﺲ ﺑﺎﻟﻘﻮﻩ ﺍﻟﺘﻲ ﺍﻓﺘﻘﺪﻫﺎ ﺍﻟﻴﻮﻡ
.. ﻭﻳﺤﺎﻭﻝ ﺍﺳﺘﺮﺟﺎﻋﻬﺎ ﺗﺬﻛﺮ ﺷﻜﻞ ﻋﺒﺪﺍﻟﺮﺣﻤﻦ ﻭﻫﻮ ﻣﻌﺼﺐ ﻟﻢ
ﻳﺮﺍﻩ ﻫﻜﺬﺍ ﻣﻦ ﻗﺒﻞ ﻟﻢ ﻳﺒﺪﺭ ﻣﻨﻪ ﺗﺼﺮﻓﺎ ﻳﺴﺘﺪﻋﻲ ﻛﻞ ﻫﺬﺍ
ﺍﻟﺘﻌﺼﻴﺐ ﻫﺬﺍ ﻣﺎ ﻛﺎﻥ ﻳﻘﺘﻊ ﻧﻔﺴﻪ ﻓﻴﻪ ﺑﺎﻧﻪ ﻟﻴﺲ ﺍﻟﻤﺨﻄﺄ ﺑﻞ
ﺟﻤﻴﻌﻬﻢ ﻻ ﻳﻔﻬﻤﻮﻧﻪ ﻭ ﻻ ﻳﺪﺭﻛﻮﻥ ﺣﺠﻢ ﺍﻟﺤﺐ ﺍﻟﺬﻱ ﻳﻜﻮﻧﻪ ﻟﺪﻻﻝ ..
ﻭﺍﺷﺘﻴﺎﻗﻪ ﻟﻬﺎ ﻓﻲ ﻛﻞ ﻟﺤﻈﻪ .. ﺗﺼﺎﺑﻪ ﺍﺣﻴﺎﻧﺎ ﻧﻮﺑﺔ ﺟﻨﻮﻥ ﺍﻥ ﻟﻢ
ﻳﺴﻤﻊ ﺻﻮﺗﻬﺎ ﻭﻳﻔﺮﺡ ﻛﺜﻴﺮ ﻋﻨﺪﻣﺎ ﺗﻤﺪﺣﻪ ﻭﺗﻘﻮﻝ ﻟﻪ ﻛﻼﻣﺎﺕ ﺟﻤﻴﻠﻪ
.. ﻛﻢ ﻳﻌﺸﻖ ﺩﻟﻌﻬﺎ ﻭﺍﺳﻤﻬﺎ ﻭﻛﻼﻣﻬﺎ ﻭﻻ ﻳﺘﺼﻮﺭ ﺣﻴﺎﺗﻬﺎ ﻣﻦ ﺩﻭﻧﻬﺎ
ﻛﺴﺮﺕ ﻧﻈﺮﺍﺗﻪ ﺍﻧﻮﺍﺭ ﺍﻟﺴﻴﺎﺭﻩ ﺍﻻﻣﺎﻣﻴﻪ ﺍﻟﺘﻲ ﻭﻗﻔﺖ ﺍﻣﺎﻣﻪ .. ﻭﻧﺰﻝ
ﻣﻨﻬﺎ ﺳﻌــﺪ ﻭﻣﻄﻠﻖ ..
ﺳﻌــﺪ ﻭﻳﻮﻗﻒ ﺟﻨﺐ ﺣﻤﺪ : ﺧﻴﺮ ﻳﺎ ﺑﻮﺣﻤﻴﺪ ﻟﻴﻪ ﻣﻀﺎﻳﻖ ﺍﻗﻠﻘﺘﻨﺎ
ﻋﻠﻴﻚ ..
ﻣﻄﻠﻖ ﻭﻫﻮ ﻳﻨﺎﻇﺮ ﻣﻼﻣﺢ ﺣﻤﺪ : ﻭﺵ ﻓﻴﻚ ﺩﺍﻕ ﻋﻠﻴﻨﺎ ﺗﻌﺎﻝ ﺍﺑﻴﻜﻢ
.. ﻭﺵ ﺻﺎﻳﺮ
ﺣﻤﺪ ﺑﺤﺰﻥ : ﺍﻟﻴﻮﻡ ﺗﺨﺎﻧﻘﺖ ﻣﻊ ﺍﺧﻮﻱ ﻋﺒﺪﺍﻟﺮﺣﻤﻦ .. ﻭﻃﻠﻌﺖ ﻣﻦ
ﺍﻟﺒﻴﺖ
ﺳﻌــﺪ : ﻋﺎﺩﻱ ﺗﺼﻴﺮ ﻛﺜﻴﺮ ﻳﻤﺎ ﺗﺨﺎﻧﻘﻨﺎ ﻣﻊ ﺍﺧﻮﺍﻧﺎ ﻭﺍﺑﻮﻫﺎﺗﻨﺎ ﻭﻃﻠﻌﻨﺎ
ﻣﻦ ﺍﻟﺒﻴﺖ ﻣﻌﺼﺒﻴﻦ .. ﻭﺍﺫﺍ ﻫﺪﺕ ﺍﻻﻭﺿﺎﻉ ﺭﺟﻌﻨﺎ .. ﻭﺍﺫﺍ ﻣﺎ ﻫﺪﺕ
ﻧﻤﻨﺎ ﺑﺮ ﺍﻟﺒﻴﺖ
ﻣﻄﻠﻖ : ﻭﺵ ﺳﺒﺐ ﺍﻟﺨﻨﺎﻗﻪ
ﺣﻤﺪ ﻭﻣﺎﺣﺐ ﻳﻘﻮﻝ ﺍﻟﺴﺎﻟﻔﻪ ﺑﺎﻟﺘﻔﺼﻴﻞ : ﺍﻧﺎ ﻗﻠﺖ ﻻﻣﻲ ﺍﺑﻲ ﺍﺗﺰﻭﺝ
ﻭﺍﻣﻲ ﻗﺎﻟﺖ ﻻﺧﻮﻱ ﻋﺒﺪﺍﻟﺮﺣﻤﻦ ﻭﺟﺎ ﻫﻮ ﻋﺎﺩ ﻭﺗﺨﺎﻧﻖ ﻣﻌﻲ ﻛﻠﻤﻪ
ﻣﻨﻲ ﻭﻛﻠﻤﻪ ﻣﻨﻪ .. ﻋﺼﺒﺖ ﻭﻃﻠﻌﺖ ﻣﻦ ﺍﻟﺒﻴﺖ
ﺳﻌــﺪ ﺑﺒﺘﺴﺎﻣﻪ : ﺍﺣﻠﻰ ﻳﺎ ﻣﻌﺮﺳﻨﺎ .. ﻟﻠﺤﻴﻦ ﻣﺼﺮ ﺗﺘﺰﻭﺝ ﺧﻮﻳﺘﻚ
ﺍﻟﻲ ﺍﺳﻤﻬﺎ ﺩﻻﻝ
ﺣﻤﺪ : ﺍﻳﻮﻩ ﺃﺑﻲ ﺍﺗﺰﻭﺟﻬﺎ .. ﺑﺲ ﺍﻟﻤﺸﻜﻠﻪ ﺍﻫﻠﻲ ﻛﻴﻒ ﺍﻗﻨﻌﻬﻢ ﺍﻧﻲ
ﻣﺎ ﺍﻗﺪﺭ ﺍﻋﻴﺶ ﺑﺪﻭﻧﻬﺎ ﻫﻲ ﻫﻮﺍﻱ ﺍﻟﻲ ﺍﺗﻨﻔﺴﻪ
ﻣﻄﻠﻖ ﺑﺒﺘﺴﺎﻣﻪ : ﺍﺣﻠﻰ ﻳﺎ ﺭﻭﻣﻴﻮ ﺯﻣﺎﻧﻚ .. ﻭﻗﻤﺖ ﺗﺸﻌﺮ ..
ﻭﺗﺘﺬﻭﻕ ﻣﻦ ﻛﺄﺱ ﺍﻟﺤﺐ ﺍﻟﻤﺮ
ﺣﻤﺪ : ﺍﻧﺎ ﻣﺎ ﻗﻠﺖ ﻟﻜﻢ ﺗﻌﺎﻝ ﻫﻨﺎ ﻋﻠﺸﺎﻥ ﻛﻞ ﻭﺍﺣﺪ ﻳﺘﻤﺴﺨﺮ ..
ﺍﺑﻴﻜﻢ ﺗﺴﺎﻋﺪﻭﻧﻲ
ﺳﻌــﺪ : ﻳﻌﻨﻲ ﻭﺵ ﺗﺒﻴﻨﺎ ﻧﺴﻮﻱ ﻧﺮﻭﺡ ﻧﻘﻨﻊ ﺍﻫﻠﻚ ﺑﻀﺮﻭﺭﺕ ﺯﻭﺍﺟﻚ
ﻣﻦ ﻓﺎﺗﻨﺖ ﺍﻟﻌﺼﺮ ﺩﻻﻝ
ﺣﻤﺪ ﻋﺼﺐ ﻟﻤﺎ ﺣﺲ ﺍﻥ ﺍﻻﺳﺘﻬﺰﺍﺀ ﺑﺎﻳﻦ ﻓﻲ ﻛﻼﻣﻬﻢ : ﺍﻗﻮﻝ ﺭﻭﺣﻮ
ﺭﺟﻌﻮ ﻣﻦ ﻣﻜﺎﻥ ﻣﺎ ﺟﻴﺘﻮ ﺍﻧﺎ ﻣﻮ ﻧﺎﻗﺺ .. ﻭﺍﻟﻠﻪ ﺍﻧﻲ ﻏﻠﻄﺎﻥ ﻟﻤﺎ
ﺩﻗﻴﺖ ﻋﻠﻴﻜﻢ .. ﻛﻨﺖ ﺍﻇﻦ ﺍﻧﻜﻢ ﻛﻔﻮ .. ﻭﺭﻭﺍﻋﻲ ﻓﺰﻋﺎﺕ
ﺳﻌــﺪ : ﺍ ﻓــﺎﺍﺍﺍ .. ﺣﻨﺎ ﻣﺤﻦ ﺭﻭﺍﻋﻲ ﻓﺰﻋﺎﺕ ﺍﻧﺖ ﺟﺮﺑﻨﺎ .. ﻃﻴﺐ
ﻭﺵ ﺭﺍﻳﻚ ﺗﺘﺰﻭﺟﻬﺎ ﺑﺪﻭﻥ ﻋﻠﻢ ﺍﻫﻠﻚ
ﺣﻤﺪ ﻭﻋﺼﺐ ﺯﻳﺎﺩﻩ : ﺍﻗﻮﻝ ﺳﻌــﺪ ﺑﺘﻤﺸﻲ ﻭ ﻻ ﺍﻓﻠﻌﻚ ﺑﻬﺬﻱ
ﺍﻟﺤﺼﻪ ﺍﻃﺸﺮ ﺩﻣﻚ .. ﻭﻳﻦ ﺣﻨﺎ ﺟﺎﻟﺴﻴﻦ ﻓﻴﻪ .. ﺍﺭﻭﺡ ﺍﺧﻄﺒﻬﺎ
ﻭﺍﻫﻠﻲ ﻣﺎ ﻳﺪﺭﻭﻥ .. ﻃﻴﺐ ﻭﺍﺫﺍ ﺳﺄﻟﻮﻧﻲ ﻭﻳﻦ ﺍﻫﻠﻚ ﻭﺵ ﺍﻗﻮﻝ ﻟﻬﻢ
ﻣﻘﻄﻮﻉ ﻣﻦ ﺷﺠﺮﻩ ﻭﻋﺎﻳﺶ ﺑﺪﺍﺭ ﺍﻳﺘﺎﻡ
ﺳﻌﺪ : ﻳﺎ ﺑﻌﺪ ﻛﺒﺪﻱ ﻋﻼﻣﻚ ﻣﻌﺼﺐ ﺍﻫﺪﻯ ﺷﻮﻱ ﻭﺍﻧﺎ ﺟﺎﻳﻚ
ﺑﺎﻟﻜﻼﻡ .. ﺣﺒﻪ ﺣﺒﻪ ﻭﺧﻠﻨﺎ ﺍﺣﺒﻪ
ﺣﻤﺪ ﺧﺬ ﻧﻔﺲ ﻋﻤﻴﻖ ﻭﻗﺎﻝ : ﻳﺎﻟﻠﻪ ﻗﻮﻝ ﺍﻟﻲ ﻋﻨﺪﻙ ﻣﻦ ﺍﻓﻜﺎﺭ
ﻣﺠﻨﻮﻧﻪ
ﺳﻌﺪ : ﻳﺎ ﺍﺧﻲ ﺍﺳﻤﻌﻨﻲ ﺍﻧﺎ ﻣﺎ ﻗﻠﺖ ﻟﻚ ﺭﻭﺡ ﺍﺧﻄﺒﻬﺎ ﻟﺤﺎﻟﻚ .. ﺣﻨﺎ
ﺭﺍﺡ ﻧﻜﻮﻥ ﻟﻚ ﻋﺎﺋﻠﻪ ﻭﻫﻤﻴﻪ ﻭﻧﺴﻮﻱ ﻓﻴﻚ ﺧﺪﻣﻪ ﺍﻧﺴﺎﻧﻴﻪ ﻭﻧﺮﻭﺡ
ﻧﺨﻄﺐ ﻟﻚ .. ﺍﻧﺎ ﻋﻨﺪﻱ ﻭﻟﺪ ﻋﻢ ﻋﻠﻰ ﺑﻮﺍﺑﺔ ﺍﻟﺨﻤﺴﻴﻦ ﻻﺷﻐﻠﻪ ﻭﻻ
ﻣﺸﻐﻠﻪ ﺣﻂ ﻓﻲ ﺟﻴﺒﻪ ﻓﻠﻮﺱ ﻭﻳﻤﺸﻲ ﻋﻠﻰ ﻣﺰﺍﺟﻚ ﻭﻋﻨﺪﻱ ﺑﻌﺪ
ﻭﻟﺪ ﺧﺎﻝ ﺍﺻﻐﺮ ﻣﻨﻪ ﻳﻤﻜﻦ ﻓﻲ ﺍﻟﺜﻼﺛﻴﻨﺎﺕ ﻫﻢ ﻧﻔﺲ ﺍﻟﺤﺮﻛﻪ ﺣﻂ
ﻓﻲ ﺟﻴﺒﻪ ﻛﻢ ﻣﻴﻪ ﻭﻳﻤﺸﻲ ﻣﻌﻚ ﻣﻀﺒﻮﻁ ﻣﺜﻞ **** ﺏ ﺍﻟﺴﺎﻋﻪ ..
ﻧﺎﺧﺬﻫﻢ ﻣﻌﻨﺎ ﻋﻠﻰ ﺍﺳﺎﺱ ﻭﺍﺣﺪ ﺍﺑﻮﻙ ﻭﺍﻟﺜﺎﻧﻲ ﺍﺧﻮﻙ ﺍﻭ ﻋﻤﻚ ..
ﻭﺍﺫﺍ ﺣﺼﻨﺎ ﺑﻌﺪ ﻭﺍﺣﺪ ﺣﻄﻴﻨﺎ ﻓﻲ ﺟﻴﺒﻪ ﻓﻠﻮﺱ ﻭﺧﺬﻳﻨﺎﻩ ﻣﻌﻨﺎ
ﻭﺳﻮﻳﻨﺎﻩ ﺧﺎﻟﻚ .. ﻭﺍﺫﺍ ﺗﺒﻲ ﺑﻌﺪ ﺍﺭﻭﺡ ﺍﻧﺎ ﻭﻣﻄﻠﻖ ﻳﻌﻨﻲ ﺍﺧﻮﺍﻧﻚ
ﻭﺗﻜﻤﻞ ﺍﻟﻌﺎﺋﻠﻪ ﺍﻟﻜﺮﻳﻤﻪ
ﺣﻤﺪ ﻭﺭﺍﻗﺖ ﻟﻬﺎ ﺍﻟﻔﻜﺮﻩ ﻭﺑﺪﻯ ﻳﻘﻠﺒﻬﺎ ﻓﻲ ﻣﺨﻪ : ﻃﻴﺐ ﻭﺍﺫﺍ ﺟﺎﻭ
ﻳﺴﺄﻟﻮﻥ ﻋﻨﻲ
ﺳﻌﺪ ﺑﺒﺘﺴﺎﻣﻪ : ﻳﺎ ﺑﺎﺑﺎ ﻫﺬﺍﻙ ﺍﻭﻝ ﺍﻟﻲ ﻛﺎﻥ ﺳﺄﻟﻮﻥ ﻣﻀﺒﻮﻁ
ﻭﻳﻜﺸﻔﻮﻥ ﺍﻭﺭﺍﻕ ﺍﻟﺮﺟﺎﻝ ﻛﻠﻬﺎ ﻣﺎﺿﻴﻪ ﻭﺣﺎﻇﺮﻩ ﻭﺑﺤﺜﻮﻥ ﻋﻦ ﺍﺻﻠﻪ
ﻭﻓﺼﻠﻪ .. ﺍﻣﺎ ﺍﻟﺤﻴﻦ ﺍﻟﻮﺿﻊ ﺗﻐﻴﺮ .. ﺍﻟﻨﺎﺱ ﻣﺎ ﻫﻤﻬﺎ ﺍﻟﻰ ﺍﻟﻈﺎﻫﺮ ..
ﻭﺍﺫﺍ ﺟﺎ ﺍﻟﺮﺟﺎﻝ ﻳﺨﻄﺐ ﻳﻮﺯﻧﻮﻥ ﺟﻴﺒﻪ ﻭﻳﺸﻔﻮﻥ ﻛﻢ ﻳﺴﻮﻯ .. ﻋﻨﺪﻩ
ﻛﺜﻴﺮ ﻫﻼ ﻭﺳﻬﻼ ﻣﺎ ﻋﻨﺪﻩ ﺷﻲﺀ ﺍﻟﺒﺎﺏ ﻳﻮﺳﻊ ﺟﻤﻞ .. ﻭﺑﻌﺪﻳﻦ ﺍﻧﺖ
ﻣﺎ ﺗﻘﻮﻝ ﺍﻥ ﺍﻟﺒﻨﺖ ﻋﺎﻳﺸﻪ ﺣﻴﺎﺗﻬﺎ ﺑﺤﺮﻳﻪ ﻭﻫﻲ ﺣﺮﺓ ﻧﻔﺴﻬﺎ .. ﺍﻥ
ﺍﻫﻠﻬﺎ ﻣﻨﻔﺘﺤﻴﻦ ﻭﺍﺑﻮﻫﺎ ﻣﺘﻮﻓﻲ .. ﻭﺍﺧﻮﻫﺎ ﻣﺎ ﻳﺪﺧﻞ ﺑﺤﻴﺎﺗﻬﺎ ﺧﻼﺹ
ﻗﻮﻝ ﻟﻬﺎ ﻭﺍﺗﻔﻖ ﻣﻌﻬﺎ .. ﺍﺫﺍ ﺟﻴﻨﺎ ﻧﺨﻄﺒﻬﺎ .. ﻋﻠﻰ ﻃﻮﻝ ﺗﻮﺍﻓﻖ
ﻭﺗﺼﺮ ﻋﻠﻴﻚ ﺍﺫﺍ ﻛﺎﻧﺖ ﺗﺒﻴﻚ
ﺣﻤﺪ : ﻭﺍﻟﻠﻪ ﺍﻧﻚ ﻳﺎ ﺳﻌﻮﺩ ﻋﺰ ﺍﻟﺨﻮﻱ .. ﺧﻼﺹ ﺍﻧﺎ ﺍﻟﻴﻮﻡ ﺍﻛﻠﻤﻬﺎ
ﻭﺑﻜﺮﻩ ﻧﺮﻭﺡ ﻧﺨﻄﺒﻬﺎ ﺑﺲ ﻋﺎﺩ ﺍﻧﺖ ﺷﻮﻑ ﻟﻨﺎ ﺍﻻﺑﻮ ﻭ ﺍﻟﻌﻢ
ﻭﺍﻟﻮﻫﻤﻴﻦ .. ﺑﺲ ﻋﺎﺩ ﺍﺧﺎﻑ ﻳﻔﺸﻠﻮﻧﺎ ﻭﻻ ﻳﺨﺮﺑﻄﻮﻥ
ﺳﻌﺪ : ﺍﻗﻮﻟﻚ ﻳﻤﺸﻮﻥ ﻣﻌﻚ ﻣﻀﺒﻮﻁ .. ﻭﺑﻌﺪﻳﻦ ﺍﻧﺎ ﺍﻇﻤﻨﻬﻢ ﻟﻚ ..
ﻳﺎ ﺍﺧﻲ ﻣﺠﺮﺑﻴﻨﻬﻢ ﻣﻦ ﻗﺒﻞ .. ﻭﺟﺎﺑﻮ ﻧﺘﻴﺠﻪ
ﻣﻄﻠﻖ : ﻃﻴﺐ ﺍﻧﺖ ﺗﺪﻝ ﺑﻴﺘﻬﺎ
ﺣﻤﺪ : ﺍﻛﻴﺪ ﻭﺍﻧﺎ ﻣﻐﻤﺾ .. ( ﻛﻤﻞ ﺑﺨﻴﺒﻪ ) .. ﻃﻴﺐ ﻭﺍﺫﺍ ﺩﺭﻭ ﺍﻫﻠﻲ
ﻣﻄﻠﻖ : ﺣﻄﻬﻢ ﺍﻣﺎﻡ ﺍﻻﻣﺮ ﺍﻟﻮﺍﻗﻊ
.
.
.
ﻓــﻲ ﺳﻴﺎﺭﺓ ﻣﺸﺎﺭﻱ ﺍﻟﻲ ﺗﻮﻫﺎ ﻣﺘﺤﺮﻛﻪ ﻣﻦ ﻗﺒﺎﻝ ﺑﻴﺖ ﺑﻮﺗﺮﻛﻲ ..
ﺑﻌﺪ ﻣﺎ ﺭﻛﺐ ﻭﺍﻓﻲ ..
ﺳﺎﺩ ﺍﻟﺼﻤﺖ ﺑﻌﺾ ﺩﻗﺎﺋﻖ ﻗﺒﻞ ﺍﻥ ﻳﺘﻜﻠﻢ ﻣﺸﺎﺭﻱ
ﻣﺸﺎﺭﻱ : ﺧﺎﻟﺘﻲ ﻭﺑﻨﺘﻬﺎ ﻭﺯﻭﺟﻬﺎ ﺗﻮﻫﻢ ﻃﺎﻟﻌﻴﻦ ﻣﻦ ﺑﻴﺘﻨﺎ
ﻭﺍﻓﻲ : ﺯﻳﺎﺭﻩ ﻭﻻ ﻋﺎﺯﻣﻴﻨﻬﻢ
ﻣﺸﺎﺭﻱ : ﻫﻢ ﻛﻞ ﻳﻮﻡ ﻳﺠﻮﻥ ﻳﺘﻐﺪﻭﻥ ﻋﻨﺪﻧﺎ .. ﻭﻣﺎ ﻳﻄﻠﻌﻮﻥ ﺍﻟﻰ
ﺍﻟﻤﻐﺮﺏ ﻭﺍﺣﻴﺎﻧﺎ ﻳﺠﻠﺴﻮﻥ ﻳﺘﻌﺸﻮﻥ ﻋﻨﺪﻧﺎ ﻭﺧﺎﺻﻪ ﻟﻤﺎ ﺍﺑﻮﻱ ﻳﻠﺰﻡ
ﻋﻠﻴﻬﻢ .. ( ﻛﻤﻞ ﺑﺤﺰﻥ ) .. ﺍﺑﻮﻱ ﻫﺬﻱ ﺍﻻﻳﺎﻡ ﺻﺎﻳﺮ ﺣﻴﻞ ﻣﻊ ﺯﻭﺝ
ﺧﺎﻟﺘﻲ ﻛﻞ ﻳﻄﻠﻌﻮﻥ ﻣﻊ ﺑﻌﺾ
ﻭﺍﻓﻲ : ﻭﺍﻧﺖ ﺗﺠﻠﺲ ﺗﺘﻐﺪﺍ ﻭﺗﺘﻌﺸﻰ ﻣﻌﻬﻢ
ﻣﺸﺎﺭﻱ ﺍﻛﺘﻔﻰ ﺑﻬﺰ ﺭﺍﺳﻪ ﺑﻨﻌﻢ ..
ﻭﺍﻓﻲ ﺣﺲ ﺑﺼﻌﻮﺑﺔ ﺍﻟﻤﻬﻤﻪ ﺍﻟﻲ ﺭﺍﺡ ﻳﺴﻮﻳﻬﺎ .. ﻭﺧﺎﺻﻪ ﻟﻤﺎ ﻗﺎﻝ
ﻣﺸﺎﺭﻱ ﺍﻥ ﺑﻮﻣﺸﺎﺭﻱ ﻭﺯﻭﺝ ﺧﺎﻟﺘﻪ ﺭﻓﻘﻪ ﺍﻟﻤﺼﻴﺒﻪ ﺍﻥ ﺍﺧﻮﺍﻧﻪ ﺑﻮ
ﻣﺸﺎﺭﻱ ﻭﺑﻮ ﺗﺮﻛﻲ ﻟﻬﻢ ﻧﻔﺲ ﺍﻟﻄﺒﺎﻉ ﺭﻏﻢ ﺍﻧﻬﻢ ﻣﻮ ﻗﺮﺍﺏ ﺣﻴﻞ ﻣﻦ
ﺑﻌﺾ .. ﻃﺎﻟﻌﻴﻦ ﻋﻠﻰ ﺍﻟﻮﺍﻟﺪ ﺍﻟﻠﻪ ﻳﺮﺣﻤﻪ .. ﺭﺍﺳﻬﻢ ﺣﺠﺮ ﻭﺍﻟﻲ ﻓﻲ
ﺭﺍﺳﻬﻢ ﻻﺯﻡ ﻳﻤﺸﻮﻧﻪ .. ﻭﺍﺫﺍ ﻗﺎﻟﻮ ﻛﻠﻤﺘﻬﻢ ﻣﺎ ﻳﺜﻨﻮﻧﻬﺎ .. ﻭﻣﺎﻓﻲ
ﻣﺠﺎﻝ ﻟﻨﻘﺎﺱ ..ﻭﻣﺠﺮﺩﻳﻦ ﻣﻦ ﺍﻟﻌﺎﻃﻔﻪ .. ﻭﻋﻼﻗﺘﻬﻢ ﺑﻌﻴﺎﻟﻬﻢ ﻣﻮ
ﺣﻴﻞ ﺑﺲ ﻟﻮ ﺳﻮﻯ ﺍﺣﺪ ﻣﻨﻬﻢ ﺷﻲﺀ ﺍﻭ ﻣﺸﻜﻠﻪ ﻭﻻ ﻣﺼﻴﺒﻪ .. ﻣﺎ
ﻳﺮﺣﻤﻮﻥ .. ﻭﺍﻟﻌﻴﺎﻝ ﻋﻼﻗﺘﻬﻢ ﺑﺎﺑﻮﻫﻢ ﻣﺠﺮﺩ ﺍﺣﺘﺮﺍﻡ ﻻ ﻏﻴﺮ .. ﻭﺍﻱ
ﻭﺍﺣﺪ ﻓﻴﻬﻢ ﻳﻄﻴﺢ ﻓﻲ ﻣﺼﻴﺒﻪ ﺍﻭ ﺗﺼﻴﺮ ﻋﻨﺪﻩ ﻣﺸﻜﻠﻪ ﻋﻠﻰ ﻃﻮﻝ
ﻳﻘﻮﻝ ﻟﻌﻤﻪ ﻭﺍﻓﻲ ..ﻭﻋﻤﻬﻢ ﻭﺍﻓﻲ ﺍ ﻟﻲ ﻣﺎ ﻋﻤﺮﻩ ﻗﺎﻝ ﻟﻬﻢ ﺭﻭﺣﻮ
ﻟﺒﻮﻛﻢ ﺧﻞ ﻳﺤﻞ ﻣﺸﻜﻠﺘﻜﻢ ﻻﻧﻪ ﻋﺎﺭﻑ ﺍﻥ ﺍﺧﻮﺍﻧﻪ ﻗﺎﺳﻴﻦ ﺣﻴﻞ ﻋﻠﻰ
ﻋﻴﺎﻟﻬﻢ ﻭﺟﺎﻓﻴﻦ ﻣﻌﻬﻢ .. ﻟﺬﺍ ﻛﺎﻥ ﻣﺎ ﻳﺘﺮﺩﺩ ﻓﻲ ﻣﺴﺎﻋﺪﺗﻬﻢ .. ﻳﻤﺎ
ﺩﺧﻞ ﻣﺮﺍﻛﺰ ﺷﺮﻃﻪ ﻣﻌﻬﻢ ﺍﻟﻲ ﻣﺴﻮﻱ ﺣﺎﺩﺙ ﺑﺴﻴﻂ ﻭﻟﻲ ﻣﺘﺨﺎﻧﻖ
ﻣﻊ ﺍﺧﻮﻳﺎﺀﻩ ﻭﻳﺎﻣﺎ ﺩﻓﻊ ﻓﻠﻮﺱ ﻟﻬﻢ ﻳﺼﻠﺢ ﺳﻴﺎﺭﺍﺗﻬﻢ ﻭﻻ ﻳﻌﻄﻴﻬﻢ
ﻓﻠﻮﺱ ﻟﺮﺣﻼﺕ .. ﻭﺧﺎﺻﻪ ﺣﻤﺪ ﻓﻠﺘﺖ ﺯﻣﺎﻧﻪ .. ﻋﺒﺪﺍﻟﺮﺣﻤﻦ ﻭ ﻭﺍﻓﻲ
ﺩﺍﺋﻤﺎ ﻫﻢ ﺍﻟﻲ ﻭﺭﺍﻩ ﻭﻳﺤﻠﻮﻥ ﻣﺸﺎﻛﻠﻪ ﺍﻟﻲ ﻣﺎ ﺗﺨﻠﺺ .. ﺑﺲ ﻛﻞ
ﻭﺍﺣﺪ ﺍﻟﻠﻪ ﻋﻄﺎﻩ ﺯﻭﺟﻪ ﺣﻨﻮﻧﻪ ﻭﻗﻠﺒﻬﺎ ﻋﻠﻰ ﺍﻋﻴﺎﻟﻬﺎ ﻣﺜﻞ ﺍﻡ ﺗﺮﻛﻲ
ﺍﻟﻲ ﺣﻴﻞ ﻗﺮﻳﺒﻪ ﻣﻦ ﻋﻴﺎﻟﻬﺎ ﻭﺣﻨﻮﻧﻪ ﻋﻠﻴﻬﻢ .. ﺣﺘﻰ ﺍﻡ ﻣﺸﺎﺭﻱ ﺑﺲ
ﺍﻡ ﻣﺸﺎﺭﻱ ﻣﻮ ﺣﻜﻴﻤﻪ ﻣﺜﻞ ﺍﻡ ﺗﺮﻛﻲ ﺍﻟﻲ ﺩﺍﺋﻤﺎ ﻟﻬﺎ ﺍﻟﺪﻭﺭ ﺍﻟﻜﺒﻴﺮ ﻓﻲ
ﺣﻞ ﻣﺸﺎﻛﻞ ﻋﻴﺎﻟﻬﺎ ﻋﻠﻰ ﺍﻻﻗﻞ ﺑﻨﺼﺢ .. ﻭﺍﻟﺤﻤﺪﻟﻠﻪ ﺍﻥ ﻣﺎﻓﻲ ﺍﺣﺪ
ﻣﻦ ﺍﻟﻌﻴﺎﻝ ﻃﻠﻊ ﻋﻠﻰ ﺍﺑﻮﻩ .. ﺍﻻ ﺗﺮﻛﻲ ﺷﻮﻱ .. ﺑﺲ ﺗﺮﻛﻲ ﻗﻠﺒﻪ
ﻃﻴﺐ