الفصل 28
ﻭﺍﻓﻲ ﺑﺼﻮﺕ ﻫﺎﺩﺀ : ﻋﻠﻴﺎ
ﻋﻠﻴﺎ ﻧﺎﻇﺮﺕ ﻓﻲ ﻭﺍﻓﻲ ﻭﺗﻨﺘﻈﺮﻩ ﻳﻜﻤﻞ ﻛﻼﻣﻪ
ﻭﺍﻓﻲ ﻭﻳﺤﺎﻭﻝ ﻳﺘﺠﻨﺐ ﺍﻟﻨﻈﺮ ﻓﻲ ﻋﻴﻨﻬﺎ : ﻋﻠﻴﺎ ﺍﻟﻴﻮﻡ ﻛﻠﻤﻨﻲ ﻏﺎﺯﻱ
ﻭﻗﺎﻝ ﻟﻲ ﺍﻧﻪ ﻳﺒﻲ ... ﻳﺘﺰﻭﺟﻚ
ﻭﺍﻓﻲ ﻟﻤﺎ ﻗﺎﻝ ﻛﻠﻤﺘﻪ ﺍﻻﺧﻴﺮﻩ ﻧﺎﻇﺮ ﻓﻲ ﻣﻼﻣﺢ ﻋﻠﻴﺎ .. ﺍﻟﻲ ﻣﺒﻴﻦ
ﻋﻠﻴﻬﺎ ﺍﻧﻬﺎ ﻟﻠﺤﻴﻦ ﻣﺎ ﺍﺳﺘﻐﺒﻠﺖ ﺍﻟﻜﻼﻡ ﻭﻟﻠﺤﻴﻦ ﺍﻟﻌﻘﻞ
ﻣﺎ ﺗﺮﺟﻤﻪ ﻓﻌﻠﻴﺎ .. ﻫﻮ ﻛﺎﻥ ﻣﺘﺎﻛﺪ ﺍﻥ ﺑﺘﻜﻮﻥ ﻣﻼﻣﺤﻬﺎ ﺍﻛﺜﺮ ﻫﺪﻭﺀ
ﺍﻭﻝ ﻣﺎ ﻳﻔﺎﺗﺤﻬﺎ ﺑﺎﻟﻤﻮﺿﻮﻉ ﻟﻜﻦ ﻫﻮ ﻳﻨﺘﻈﺮ ﻣﺎ ﺑﻌﺪ
ﻫﺬﺍ ﺍﻟﻬﺪﻭﺀ .. ﺍﺩﺍﺭ ﻭﺟﻬﻪ ﻭﻧﺎﻇﺮ ﻓﻲ ﺷﺎﺷﺖ ﺍﻟﺘﻠﻔﺰﻳﻮﻥ ﻭﻛﺎﻧﻪ
ﻳﻘﻮﻝ ﻟﻬﺎ ﻓﻜﺮﻱ ﺍﻭ ﺍﺳﺘﻘﺒﻠﻲ ﺍﻟﻤﻮﺿﻮﻉ ﻭﺣﺎﻭﻟﻲ
ﺗﺘﺮﺟﻤﻴﻨﻪ ﺑﻬﺪﻭﺀ ﻭﺗﺘﻌﺎﻳﺸﻴﻦ ﻣﻌﻪ ﺑﺮﺍﺣﻪ ﺑﺪﻭﻥ ﻣﺤﺪ ﻳﻨﺎﻇﺮ ﻓﻴﻚ ﺍﻭ
ﺗﺤﺴﻴﻦ ﺍﻥ ﻓﻲ ﺍﺣﺪ ﻣﻮﺟﻮﺩ
ﺍﻣﺎ ﻋﻠﻴﺎ ﻓﻜﺎﻧﺖ ﻋﻴﻮﻧﻬﺎ ﻣﻌﻠﻘﻪ ﻋﻠﻰ ﻭﺟﻪ ﻭﺍﻓﻲ ﺗﺮﺍﻏﺐ ﻣﻼﻣﺤﻪ ﺍﻟﻲ
ﺗﺤﺴﻬﺎ ﺑﻌﻴﺪﻩ ﻛﻞ ﺍﻟﺒﻌﺪ ﻋﻦ ﺍﻟﻜﻠﻤﺎﺕ ﺍﻟﺘﻲ ﻗﺎﻟﻬﺎ
ﺑﻠﺴﺎﻧﻪ ﻛﺎﻧﺖ ﻣﻼﻣﺤﻪ ﻋﺎﺩﻳﻪ ﻭﺑﺎﺭﺩﻩ ﻭﺍﻟﻜﻠﻤﺎﺕ ﺍﻟﻲ ﻧﻄﻖ ﻓﻴﻬﻢ ﻣﺜﻞ
ﺍﺳﻬﻢ ﻓﻲ ﺭﺅﺳﻬﺎ ﻟﻬﺐ ﻗﺬﻓﻬﺎ ﺍﻟﻰ ﺻﺪﺭﻫﺎ
ﻣﺒﺎﺷﺮﻩ ﻟﻴﺸﺐ ﺑﺎﻗﻲ ﺍﻻﻫﺎﺕ ﺍﻟﻤﺘﻄﺎﻳﺮ ﻓﻲ ﺩﺍﺧﻠﻬﺎ ﻭﺗﺨﺘﻠﻂ ﻣﻊ ﻏﺒﺎﺭ
ﺍﻟﻤﺎﺿﻲ ..
ﻟﻠﺤﻈﺎﺕ ﺍﺣﺴﺖ ﻭﻫﻲ ﺗﺘﺎﻣﻞ ﻣﻼﻣﺢ ﺍﺧﻴﻬﺎ ﻭﻧﻈﺮﺍﺗﻪ ﺍﻟﻤﻌﻠﻘﻪ ﻋﻠﻰ
ﺷﺎﺷﺔ ﺍﻟﺘﻠﻔﺰﻳﻮﻥ ﺍﻧﻬﺎ ﻛﺎﻧﺖ ﺗﺘﺨﻴﻞ ﺍﻥ ﻣﺴﺎﻣﻌﻬﺎ ﻗﺪ ﺳﻤﻌﺖ ﺻﻮﺕ
ﺍﺧﻴﻬﺎ ﻭﻫﻮ ﻳﻘﻮﻝ ﻛﻠﻤﺎﺗﻪ ..
ﺍﻏﻤﻀﺖ ﺍﺧﻔﺎﻧﻬﺎ ﻭﺍﺧﺬ ﺻﻮﺕ ﺍﺧﻴﻬﺎ ﻳﺮﻥ ﻓﻲ ﻣﺴﺎﻣﻌﻬﺎ ﺑﻘﻮﻩ
ﻭﺑﺼﺪﻯ ﻣﺘﻜﺮﺭ .. ﻟﻢ ﺗﺘﺤﻤﻞ ﺍﻟﺠﻠﻮﺱ ﺍﻛﺜﺮ ﻋﻠﻰ ﻫﺬﻩ ﺍﻟﻜﻨﺒﻪ ﺍﻟﺘﻲ
ﺍﺣﺴﺖ ﺍﻧﻬﺎ ﺫﺍﺑﺖ ﺗﺤﺘﻬﺎ
ﻭﻗﻔﺖ ﻭﻟﻢ ﺗﻨﻈﺮ ﺍﻟﻰ ﺍﺧﻴﻬﺎ ﻓﻲ ﺛﻮﺍﻧﻲ ﺍﺧﺘﻔﺖ ﻣﻦ ﺍﻟﺼﺎﻟﻪ ﻭﻟﻢ
ﺗﺘﺮﻙ ﺑﻌﺪﻫﺎ ﺍﻟﻰ ﺍﺧﻴﻬﺎ ﺍﻟﺬﻱ ﺍﺣﺲ ﺍﻧﻪ ﻗﺪ ﺍﺟﺒﺮﻫﺎ ﻋﻠﻰ ﻓﺘﺢ ﺍﺑﻮﺍﺏ
ﺍﻟﻤﺎﺿﻲ ﻭﺩﻓﻌﺎ ﺑﻘﻮﻩ ﺍﻟﻰ ﺍﻟﺪﺍﺧﻞ ..
ﻭﺍﻓﻲ ﺑﺘﻨﻬﻴﺪﻩ ﻭﻫﻮ ﻳﻨﺎﻇﺮ ﺍﻟﻜﻨﺒﻪ ﺍﻟﻲ ﻛﺎﻧﺖ ﺟﺎﻟﺴﻪ ﻋﻠﻴﻬﺎ ﻣﻦ
ﻟﺤﻈﺎﺕ .. ( ﺍﻧﺎ ﺍﺳﻒ ﻳﺎ ﻋﻠﻴﺎ ﻣﺎ ﻛﺎﻥ ﻣﻦ ﺍﻟﻤﻔﺮﻭﺽ
ﺍﻧﻲ ﺍﻓﺘﺢ ﻣﻌﻚ ﺍﻟﻤﻮﺿﻮﻉ ﺍﻟﻴﻮﻡ .. ﻭﺍﺳﻒ ﻻﻧﻲ ﺑﺮﺟﻌﻚ ﻟﻠﻤﺎﺿﻲ
ﻭﺑﺨﻠﻴﻚ ﻟﺤﺎﻟﻚ ﺗﻌﻴﺸﻴﻨﻪ .. ﺍﺳﻒ ﻻﻧﻲ ﻋﺎﺭﻑ ﺍﻧﻚ
ﺍﺿﻌﻒ ﻣﻦ ﺍﻧﻲ ﺍﺧﻠﻴﻚ ﺗﻌﺸﻴﻨﻪ .. )
ﻓـــﻲ ﻏﺮﻓﺔ ﻋﻠﻴﺎ .. ﻟﻲ ﻛﺎﻧﺖ ﺍﻻﺟﻮﺍﺀ ﻓﻴﻬﺎ ﻛﺎﻟﻌﺎﺩﻩ ﻓﻲ ﻛﻞ ﻟﻴﻠﻪ
ﻣﻈﻠﻤﻪ ﻭﻓﻲ ﺍﺣﺪ ﺍﻟﺰﻭﺍﻳﺎ ﺿﻮﺀ ﺧﺎﻓﺖ ﻭﻓﻲ ﺍﻟﺰﺍﻭﻳﻪ
ﺍﻻﺧﺮ ﻛﺎﻥ ﻫﻨﺎﻙ ﺟﺴﺪ ﻣﺘﻜﻮﺭ ﺑﺨﻮﻑ ﻭﻣﻠﻤﻮﻡ ﻓﻲ ﺯﺍﻭﻳﺔ ﺍﻧﻜﺴﺎﺭ
ﺍﻟﺠﺪﺍﺭ ﺭﺟﻠﻬﺎ ﻣﻀﻤﻮﻣﻪ ﺍﻟﻰ ﺟﺴﺪﻫﺎ ﻭﺫﺭﺍﻋﻴﻬﺎ
ﺗﻄﻮﻕ ﺭﺟﻠﻴﻬﺎ ﻭﻭﺟﻬﻬﺎ ﻣﺨﺘﺐ ﺑﻴﻦ ﺭﻛﺒﺘﻴﻬﺎ ﻭﺧﺼﻼﺕ ﻣﻦ ﺷﻌﺮﻫﺎ
ﺗﺘﺤﺮﺭﺕ ﻣﻦ ﻗﻴﻮﺩﻫﺎ ﻟﺘﻨﺰﻝ ﻋﻠﻰ ﺟﺒﻬﺘﻬﺎ
ﺍﻟﻤﻠﺘﻬﺒﻪ ﻭﺍﻟﻤﻠﻴﺌﻪ ﺑﻘﻄﺮﺍﺕ ﺍﻟﻌﺮﻕ .. ﻋﻴﻨﺒﻬﺎ ﻛﺎﻟﺠﻤﺮ ﻳﻘﺬﻑ ﻟﻬﻴﺒﺎ ..
ﺗﺒﻜﻲ ﺑﻼ ﺍﻫﺎﺕ .. ﺗﺒﻜﻲ ﺑﺪﻣﻮﻋﺎ ﺻﺎﻣﺘﻪ .. ﺗﺒﻜﻲ
ﺑﺎﻃﺮﺍﻓﺎ ﺳﺎﺧﻨﻪ .. ﺗﺒﻜﻲ ﺑﻘﻠﺒﺎ ﻣﻤﺰﻕ .. ﺗﺒﻜﻲ ﺑﺸﻔﺎﻳﻒ ﺗﺮﺗﺠﻒ ..
ﺗﺒﻜﻲ ﻻﻧﻬﺎ ﺧﺎﺋﻔﻪ .. ﺗﺒﻜﻲ ﻻﻧﻬﺎ ﻏﻴﺮ ﻗﺎﺩﺭﻩ ..
ﺗﺒﻜﻲ ﺿﻌﻔﺎ .. ﺗﺒﻜﻲ ﻋﻠﻰ ﻣﺎﺿﻴﻬﺎ .. ﺗﺒﻜﻲ ﻋﻠﻰ ﻗﺪﺭﻫﺎ .. ﺗﺒﻜﻲ
ﻣﻦ ﺍﺟﻞ ﺍﺑﺘﺴﺎﻣﺘﺎ ﻗﺪ ﺭﺣﻠﺖ ﺣﺘﻰ ﻗﺒﻞ ﺍﻥ ﺗﺴﺘﻘﺮ .. ﺗﺒﻜﻲ ﺟﻮﻋﺎ
ﻭﻋﻄﺸﺎ .. ﺗﺒﻜﻲ ﺑﺮﺩﺍ ﻭﺣﺮﺍ .. ﺗﺒﻜﻲ ﺣﺰﻧﺎ .. ﺗﺒﻜﻲ ﺣﺒﺎ .. ﺗﺒﻜﻲ
ﺣﺴﺮﻩ ..
ﺭﻓﻌﺖ ﺭﺍﺳﻬﺎ ﻣﻦ ﺑﻴﻦ ﺭﻛﺒﺘﻴﻬﺎ ﻭﺍﺣﺴﺖ ﺑﺪﻣﻮﻉ ﺗﺴﺮﻱ ﻭﺗﺪﺧﻞ ﺑﻴﻦ
ﻣﻔﺘﺮﻕ ﺷﻔﺘﻴﻬﺎ ﺍﻟﺠﺎﻓﺘﻴﻦ ﺍﻏﻤﻀﺖ ﻋﻨﻴﻬﺎ ﻟﺘﺤﺲ
ﺑﺴﺨﻮﻧﺖ ﺩﻣﻮﻋﻬﺎ .. ﺭﻓﻌﺖ ﻳﺪﻫﺎ ﻭﻓﺘﺤﺖ ﺩﺭﺟﺎ ﻛﺎﻥ ﺑﺎﻟﻘﺮﺏ ﻣﻨﻬﺎ
ﻭﺍﺧﺮﺟﺖ ﻣﻨﻪ ﻋﻠﺒﻪ ﺻﻐﻴﺮﻩ ﻟﻮﻧﻬﺎ ﺳﻤﺎﻭﻱ ﻓﺎﺗﺢ
ﻓﺘﺤﺖ ﺍﻟﻌﻠﺒﻪ ﺑﺎﺻﺎﺑﻊ ﺗﺮﺗﺠﻒ .. ﻧﻈﺮﺕ ﺍﻟﻰ ﻣﺎ ﺑﺪﺍﺧﻠﻬﺎ ﻭﺍﺧﺮﺟﺖ
ﻣﻨﻬﺎ ﻇﺮﻑ ﺻﻐﻴﺮ .. ﻗﺮﺑﺘﻪ ﻣﻦ ﺻﺪﺭﻫﺎ
ﻭﺍﺣﺘﻀﻨﺘﻪ ﻭﺍﺣﺴﺖ ﺑﺪﻑ ﻣﺎ ﻳﺤﺘﻮﻳﻪ .. ﻧﺰﻟﺖ ﺩﻣﻮﻋﺎ ﻣﺨﺘﺮﻗﻪ
ﺟﻔﻮﻧﻬﺎ ﺍﻟﻤﻐﻤﻀﻪ .. ﻭﺭﻣﻮﺷﻬﺎ ﺍﻟﺜﻘﻴﻠﻪ
ﺗﻨﻔﺴﺖ ﺍﻟﻬﻮﺍﺀ ﻋﻠﻰ ﺩﻓﻌﺎﺕ ﻣﺘﻘﻄﻌﻪ .. ﻭﻓﺘﺤﺖ ﻋﻴﻨﻴﻬﺎ ﻭﻧﻈﺮﺕ
ﺍﻟﻰ ﺍﻟﻈﺮﻑ ﺍﻟﺬﻱ ﺗﺤﺘﻀﻨﻪ ﺍﻧﺎﻣﻠﻬﺎ ﻓﺘﺤﺘﻪ ﺑﺴﺮﻋﻪ
ﻭﺍﺧﺮﺟﺖ ﻣﻨﻪ ﺭﺳﺎﻟﻪ .. ﺗﺎﻣﻠﺖ ﻛﻞ ﻛﻠﻪ ﻓﻴﻬﺎ ﺑﻨﻈﺮﺍﺕ ﻣﻦ ﺑﻴﻦ
ﺩﻣﻮﻋﻬﺎ ﺍﻟﻤﺘﺰﺍﺣﻤﻪ ﻓﻲ ﻋﻨﻴﻬﺎ ..
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﺍﻟﻰ ﻏﺎﻟﻴﺘـــــﻲ .. ﻋﻠﻴﺎ
ﻳﻤﻮﺕ ﺣﺒﺮ ﺍﻟﻘﻠﻢ ﻓﻲ ﺩﻓﺘﺮﻱ .. ﻋﺎﺟﺰ ﻳﺼﻮﺭ ﻫﻮﺍﺟﻴﺴﻪ ﻭﺍﺷﻮﺍﻗﻪ
ﻻ ﺍﺩﺭﻱ ﻣﻦ ﺍﻳﻦ ﺍﺑﺪﺍ .. ﻭﻻ ﺍﺩﺭﻱ ﻛﻴﻒ ﺍﺗﺮﺟﻢ ﻟﻚ ﻣﺎ ﺍﺷﻌﺮ .. ﻟﻢ
ﺍﺗﺨﻴﻞ ﻳﻮﻣﺎ ﺍﻧﻲ ﺳﺎﻣﺴﻚ ﺑﻘﻠﻢ ﻭﺍﻛﺘﺐ ﺍﻟﻰ ﺍﻧﺴﺎﻥ
ﻻ ﻟﻴﺲ ﺃﻱ ﺍﻧﺴﺎﻥ .. ﻟﻴﺲ ﺍﻧﺴﺎﻧﺎ ﻋﺎﺩﻳﺎ .. ﺍﻧﻤﺎ ﺍﻧﺴﺎﻧﺎ ﻟﻢ ﺍﻧﺴﺎﻩ ﻣﺎ
ﺣﻴﻴﺖ
ﺍﺷﻌﺮ ﺑﺎﻟﺨﺠﻞ ﻣﻨﻚ .. ﻭﺍﻧﺎ ﺍﻛﺘﺐ ﺍﻟﻴﻚ ﻛﻠﻤﺎﺗﻲ .. ﻻﻧﻲ ﻣﺠﺮﺩ ﺍﻧﺴﺎﻧﺎ
ﺿﻌﻴﻒ .. ﺍﺳﺘﺴﻠﻤﺖ ﻟﻀﻌﻔﻲ .. ﻭﺭﻓﻌﺖ ﻳﺪﻱ ..
ﺍﻟﻴﺲ ﻣﻦ ﺍﻟﻤﻀﺤﻚ ﺍﻥ ﺍﺗﺠﺮﺍ ﻭﺍﻛﺘﺐ ﻟﻚ ﻭﺍﻧﺎ ﺍﻧﺴﺎﻥ ﻫﺎﺭﺏ ﻣﻦ
ﺍﺭﺽ ﺍﻟﻤﻌﺮﻛﻪ .. ﻫﺎﺭﺏ ﻗﺒﻞ ﺣﺘﻰ ﺍﻥ ﺗﺸﺘﻌﻞ ﺍﻟﺤﺮﺏ
ﻫﺎﺭﺏ ﻗﺒﻞ ﺣﺘﻰ ﺍﻥ ﺍﺭﻓﻊ ﺳﻴﻒ ﻭﺍﻟﻮﺡ ﻓﻴﻪ .. ﻫﺎﺭﺏ ﻗﺒﻞ ﺣﺘﻰ ﺍﻥ
ﺍﺷﻌﺮ ﺑﺤﺮﺍﺭﺕ ﺍﻟﺸﻤﺲ
ﻫﺎﺭﺏ ﻭﺗﺎﺭﻙ ﺍﻟﺮﻳﺎﺡ ﺗﻠﻌﺐ ﺑﺎﻟﺮﻣﺎﻝ ﻭﺍﻟﻐﺒﺎﺭ ﺍﻟﺒﺎﻗﻲ ﻣﻦ ﻫﺮﻭﺑﻲ ..
ﺍﻟﻴﺲ ﻣﻦ ﺍﻟﻤﺤﺰﻥ ﺍﻥ ﺗﻘﺮﺍ ﻛﻠﻤﺎﺕ ﺍﻧﺴﺎﻧﺎ ﻣﻬﺰﻭﻡ .. ﻟﻢ ﻳﺤﺘﺮﻣﺎ
ﺿﻌﻔﻚ ﻭﻫﺮﺏ ﻭﺗﺮﻛﻜﻲ .. ﻻ ﺍﺩﺭﻱ ﻣﺎ ﺷﻌﻮﺭﻙ
ﻭﺍﻧﺘﻲ ﺗﻘﺮﺍﻳﻦ ﻛﻠﻤﺎﺗﻲ .. ﺣﺰﻳﻨﻪ ﻓﺮﺣﻪ ﻣﺸﺘﺎﻗﻪ ﻣﺘﺤﺴﺮﻩ ﻛﺎﺭﻫﺎ
ﻣﺤﺘﻘﺮﺗﻨﻲ .. ﻻﺗﺒﺎﻟﻴﻦ ﺑﻲ .. ﻻﺗﻌﻴﺮﻳﻦ ﻟﻜﻠﻤﺎﺗﻲ ﻭﺯﻧﺎ
ﻭﻗﻴﻤﻪ .. ﻻ ﺍﺩﺭﻱ ﻫﻞ ﺍﺣﺒﺒﺘﻨﻲ .. ﻭﺍﺭﺗﺤﺘﻲ ﻟﻲ .. ﺍﺷﺘﻘﺘﻲ ﻟﻲ ..
ﻭﻫﻞ ﺳﺘﺸﺘﺎﻗﻴﻦ ﻟﻲ
ﻋﺰﻳﺰﺗـــﻲ .. ﻋﻠﻴﺎ
ﺍﺩﺭﻱ ﺭﺑﻤﺎ ﺍﻧﺘﻲ ﻗﺪ ﻓﻘﺪﺗﻲ ﺍﻟﺜﻘﻪ ﺑﻲ .. ﻻﻛﻨﻲ ﺍﺭﺩﺕ ﺍﻥ ﺍﺧﺒﺮﻙ ﺍﻧﻲ
ﻣﺎ ﺯﻟﺖ ﻋﻨﺪ ﻭﻋﺪﻱ ﻟﻚ ﺑﺄﻧﻲ ﻟﻢ ﺍﺗﺨﻠﻰ ﻋﻨﻚ
ﻭﺳﻴﺎﺗﻲ ﺍﻟﻴﻮﻡ ﺍﻟﺬﻱ ﺳﺎﻫﺰﻡ ﻓﻴﻪ ﺧﻮﻓﻲ ﻭﺿﻌﻔﻲ .. ﻭﺍﺳﻌﻰ
ﻟﻠﺤﺼﻮﻝ ﻋﻠﻴﻚ ﺑﻘﻮﻩ ﺑﻌﺪ ﺍﻥ ﻓﻘﺪﺗﻚ ﺑﻐﺒﺎﺋﻲ ﻭﺿﻌﻔﻲ
ﺍﻟﻰ ﺍﻥ ﻳﺎﺗﻲ ﺫﻟﻚ ﺍﻟﻴﻮﻡ ﺍﻟﺬﻱ ﺍﺗﻤﻨﻰ ﺍﻥ ﻻ ﻳﻜﻮﻥ ﺑﻌﻴﺪﺍ .. ﺳﺎﺣﻤﻠﻜﻲ
ﺑﻘﻠﺒﻲ ﻭﺑﻴﻦ ﺍﺿﻠﻌﻲ
ﻭﺍﺗﻤﻨﻰ ﺍﻥ ﻻ ﻳﺎﺗﻲ ﻫﺬﺍ ﺍﻟﻴﻮﻡ ﻣﺘﺎﺧﺮ ﻭﺍﻋﻮﺩ ﻭﺍﺟﺪﻛﻲ ﻗﺪ ﻓﻘﺪﺗﻲ
ﺍﻻﻣﻞ ﺑﻲ ﻭﻛﺮﻫﺘﻨﻲ ﻭﻟﻢ ﻳﺒﻘﻰ ﺑﻘﻠﺒﻚ ﻟﻲ ﺃﻱ ﺷﻲﺀ .. ﻓﺎﻋﻮﺩ ﺧﺎﺋﺒﺎ
ﻭﻣﻨﻜﺴﺮﺍ ﻭﻣﺴﺘﺤﻘﺮﺍ ﺿﻌﻔﻲ
.. ( ﻓﻲ ﺍﻟﺤﺐ ﻭﺍﻟﺤﺮﺏ ﻛﻞ ﺷﻲﺀ ﻣﺒﺎﺡ ) ..
ﻣﻦ ﻗﻠﺒﻲ .. ﺳﺎﺷﺘﺎﻕ ﻟﻜﻲ ..
ﻫﺎﺭﺏ ﻭﻟﻜﻦ .. ﺍﻧﺘﻈﺮﻳﻨﻲ ﺳﺎﻋﻮﺩ ﻳﻮﻣﺎ ..
ﻛﻢ ﺭﺩﺩﺕ ﻋﻠﻴﺎ ﻓﻲ ﺳﺮﻫﺎ ﻭﻣﺎ ﺯﺍﻟﺖ ﺗﺮﺩﺩ ﺍﻧﺘﻈﺮﻳﻨﻲ ﺳﺎﻋﻮﺩ ﻳﻮﻣﺎ ..
ﻓﻲ ﻛﻞ ﻳﻮﻣﺎ ﺗﺮﺩﺩ ﻫﺬﻩ ﺍﻟﻌﺒﺎﺭﻩ ﺍﻻﻑ ﺍﻟﻤﺮﺍﺕ
ﺣﺘﻰ ﺍﺣﺴﺖ ﺍﻥ ﺍﻟﻴﻮﻡ ﻫﺬﺍ ﻟﻦ ﻳﺎﺗﻲ ﻭﻟﻢ ﻳﻌﺪ ﻟﻪ ﻭﺟﻮﺩ ﺑﻴﻦ ﺍﻳﺎﻡ
ﻋﻤﺮﻫﺎ .. ﻛﻞ ﻳﻮﻡ ﻳﻬﺘﻒ ﻗﻠﺒﻬﺎ ﻋﻨﺪﻣﺎ ﺗﺴﺘﻴﻘﻆ ﻣﻦ
ﺍﻟﻨﻮﻡ (ﻋﻠﻴﺎ ﺭﺑﻤﺎ ﻫﺬﺍ ﻫﻮ ﺍﻟﻴﻮﻡ ) .. ﻭﻓﻲ ﺳﺎﻋﺎﺕ ﺍﻟﻴﻞ ﺍﻻﺧﻴﺮﻩ
ﺗﺒﻜﻲ ﺑﺤﺮﻗﻪ ﻻﻥ ﻫﺬﺍ ﺍﻟﻴﻮﻡ ﻟﻴﺲ ﻫﻮ ﺍﻟﻴﻮﻡ ﺍﻟﻤﻨﺘﻈﺮ
ﺭﺑﻤﺎ ﻏﺪﺍ ﺍﻭ ﺑﻌﺪ ﻏﺪﺍ .. ﻛﻢ ﺑﻜﺖ ﻟﻴﺎﻟﻲ ﺷﻮﻗﺎ ﺍﻟﻴﻪ .. ﻛﻢ ﺑﻜﺖ ﻟﻴﺎﻟﻲ
ﺍﻟﻢ ﻭﺣﺰﻧﺎ .. ﻛﻢ ﺑﻜﺖ ﻟﻴﺎﻟﻲ ﺑﻨﺘﻈﺮﺍﻩ .. ﻛﻢ ﺑﻜﺖ ﻟﻴﺎﻟﻲ ﻣﻦ ﺍﺟﻞ
ﺍﻣﻞ ﺑﺪﺍ ﺑﺎﻟﺘﻼﺷﻲ .. ﺑﻜﺖ ﻟﻴﺎﻟﻲ ﺍﺣﺘﻴﺎﺟﺎ .. ﻭﺣﻨﺎﻧﺎ ..
ﻭﻫﺬﺍ ﻫﻮ ﺍﻟﻴﻮﻡ ﻳﺎﺗﻲ ﻟﻜﻦ ﺍﺟﺪ ﻧﻔﺴﻲ ﻓﻴﻪ ﻋﺎﺟﺰﻩ ﻋﻦ ﺍﻟﺘﻔﻜﻴﺮ ..
ﻛﻞ ﺷﻲﺀ ﻓﻴﻨﻲ ﻳﺮﺗﺠﻒ .. ﻻ ﺍﺩﺭﻱ ﻟﻤﺎﺫﺍ ﻓﻘﺪﺕ
ﺍﻟﺴﻴﻄﺮﻩ ﻋﻠﻰ ﺍﻃﺮﺍﻓﻲ .. ﻟﻘﺪ ﺷﻞ ﺗﻔﻜﻴﺮﻱ ﻻ ﺍﺩﺭﻱ ﻟﻤﺎﺫﺍ ﻫﻞ ﻫﻮ
ﺷﻞ ﻣﻔﺎﺟﺄﺗﺎ ﻭﻻ ﺷﻞ ﺭﻫﺒﻪ ﻣﻦ ﺍﻥ ﻳﻌﻮﺩ ﺍﻟﻤﺎﺿﻲ
ﻧﻌﻢ ﺍﻟﻤﺎﺿﻲ ﺫﺍﻟﻚ ﺍﻟﻤﺎﺿﻲ ﺍﻟﺘﻌﻴﺲ ﺍﻟﻤﺄﻟﻢ ﺗﻠﻚ ﺍﻻﻳﺎﻡ ﺍﻟﺴﻮﺩﺍﺀ
.. ﺍﻟﺤﻤﺮﺍﺀ ﺍﻟﺪﻣﻮﻳﻪ ﺍﻟﺤﺎﺭﻗﻪ .. ﺗﻠﻚ ﺍﻻﻳﺎﻡ ﺍﻟﺘﻲ ﺗﺤﻮﻟﺖ
ﻓﻴﻬﺎ ﺍﻟﻜﻠﻤﺎﺕ ﺍﻟﻲ ﺭﻣﺎﺡ ﻣﺼﻮﺑﻪ ﺍﻟﻰ ﺻﺪﺭﻱ .. ﺗﻠﻚ ﺍﻻﻳﺎﻡ ﺍﻟﺘﻲ
ﻧﺰﻓﺖ ﻓﻴﻬﺎ ﺩﻣﺎ ﻭﺩﻣﻮﻋﺎ
ﺭﻓﻌﺖ ﻳﺪﻫﺎ ﻭﺍﻣﺴﻜﺖ ﺭﺍﺳﻬﺎ ﺑﻘﻮﻩ ﻭﺑﻜﺖ ﺑﺼﻮﺕ ﻣﺴﻤﻮﻉ ..
ﺍﻟﻤﺎﺿﻲ ﻳﺘﻤﺜﻞ ﺍﻣﺎﻡ ﻧﺎﻇﺮﻳﻬﺎ ﺑﺎﻟﻮﺍﻧﻪ ﺍﻟﺴﻮﺩﺍﺀ
ﺑﺎﻟﺪﺭﺟﺎﺗﻪ ﺍﻟﺮﻣﺎﺩﻳﻪ .. ﻭﺍﻟﻤﺴﺘﻘﺒﻞ ﻳﻨﺎﺩﻳﻬﺎ ﺑﻼ ﺍﻟﻮﺍﻥ
ﻛﺎﻥ ﻓﻲ ﺷﺨﺺ ﻣﻦ ﺧﻠﻒ ﺑﺎﺏ ﻏﺮﻓﺘﻬﺎ ﻳﺴﻤﻊ ﺑﻜﺎﺋﻬﺎ ﻭﻗﻠﺒﻪ ﻳﺘﻘﻄﻊ
ﺍﻟﻤﺎ .. ﺍﺳﻨﺪ ﻇﻬﺮﻩ ﻋﻠﻰ ﺍﻟﺒﺎﺏ ﻭﺍﻏﻤﺾ ﻋﻴﻨﻪ
( ﻳﺎﺭﻳﺖ ﻟﺤﺰﻧﻚ ﻧﻬﺎﻳﻪ .. ﻛﺎﻥ ﺟﺒﺖ ﺍﺟﻠﻪ ) ( ﻭﻳﺎﺭﻳﺖ ﻟﻼﺑﺘﺴﺎﻣﻪ
ﺑﺪﺍﻳﻪ ﻛﺎﻥ .. ﻋﺸﻨﺎ ﺑﺎﻟﺒﺪﺍﻳﺎﺕ ) ﻣﺴﻚ ﻭﺍﻓﻲ ﻣﻘﺒﺾ
ﺍﻟﺒﺎﺏ ﺑﻘﻮﻩ ﻟﻜﻨﻪ ﺍﺿﻌﻒ ﻣﻦ ﺍﻥ ﻳﺪﺧﻞ ﻟﻬﺎ ..
ﺑﺴﺮﻋﻪ ﻟﻒ ﻭﺩﺧﻞ ﻏﺮﻓﺘﻪ ﻭﻃﻠﻊ ﺟﻮﺍﻟﻪ ﻭﺩﻕ ﻋﻠﻰ ﺧﻮﻳﻪ ﻓﻲ ﺍﻟﻌﻤﻞ
ﻭﺍﻓﻲ ﺑﺼﻮﺕ ﻫﺎﺩﺀ : ﻣﺮﺣﺒﺎ
ﻧﺎﺻﺮ : ﻣﺮﺍﺣﺐ ﻫﻼ ﺑﺎﻟﻄﻴﺐ ﻫﺎ ﻭﺻﻠﺖ ﻭﻻ ﻟﺴﻰ
ﻭﺍﻓﻲ : ﻻ ﻣﺎ ﺑﻌﺪ ﺍﻃﻠﻊ ﻣﻦ ﺍﻟﺒﻴﺖ ﺍﻗﻮﻝ ﻧﻮﻳﺼﺮ ﺗﻘﺪﺭ ﺗﻐﻄﻲ ﻣﻜﺎﻧﻲ
ﺑﻜﺮﻩ ﺑﻌﺪ ﻻﻥ ﻋﻨﺪﻱ ﺷﻮﻳﺖ ﻣﺸﺎﻛﻞ
ﻗﺒﻞ ﻻ ﻳﻜﻤﻞ ﻭﺍﻓﻲ ﻛﻼﻣﻪ ﻗﺎﻃﻌﻪ ﻧﺎﺻﺮ : ﺍﻗﻮﻝ ﺍﻧﺖ ﺗﻌﺎﻝ ﻗﻠﻲ
ﻟﻴﻜﻮﻥ ﻋﻴﻨﻮﻙ ﻣﺸﺮﻑ ﺍﺟﺘﻤﺎﻋﻲ ﻛﻞ ﺭﺍﺯ ﻓﻴﺴﻚ ﺗﺤﻞ ﻣﺸﺎﻛﻞ ﺍﻟﻨﺎﺱ
ﻭﺗﺎﺭﻙ ﻋﻤﻠﻚ .. ﻋﺎﺩ ﻋﻨﺪﻙ ﻣﺸﺎﻛﻞ ﻋﻨﺪﻙ ﻗﻀﺎﻳﺎ ﺑﺘﺠﻲ ﺗﺪﺍﻭﻡ
ﻳﻌﻨﻲ ﺑﺘﺠﻲ ﺍﻭﻛﻲ ﺣﺒﻴﺒﻲ
ﻭﺍﻓﻲ : ﻳﺎﻟﻠﻪ ﻛﺎﻧﻲ ﺟﺎﻱ ﺑﺎﻟﻄﺮﻳﻖ .. ﻭﺣﺴﺎﺑﻲ ﻣﻌﻚ ﺑﻌﺪﻳﻦ ﻟﻤﺎ
ﺍﻭﺻﻞ
ﻧﺎﺻﺮ : ﺍﻧﺖ ﺍﻭﺻﻞ ﻭﻧﺘﺤﺎﺳﺐ .. ﺑﺲ ﺑﺘﺠﻲ ﺗﺪﺍﻭﻡ
ﻭﺍﻓﻲ : ﺳﻼﺍﺍﺍﺍﻡ
ﻭﺳﻜﺮ ﻭﺍﻓﻲ ﺍﻟﺠﻮﺍﻝ ﻭﺣﺲ ﺑﻀﻴﻘﻪ ﻛﺒﻴﺮ ﻭﺷﻠﻮﻥ ﻳﺮﻭﺡ ﺍﻟﻌﻤﻞ
ﻭﺍﺧﺘﻪ ﺑﻬﺬﻱ ﺍﻟﺤﺎﻝ ﻭﺍﻟﻤﺸﻜﻠﻪ ﻋﺎﺩ ﻫﻮ ﺯﻭﺩﻫﺎ ﺣﺒﺘﻴﻦ
ﻣﻊ ﺧﻮﻳﻪ ﻧﺎﺻﺮ ﻛﻞ ﻳﻐﻄﻲ ﻣﻜﺎﻧﻪ .. ﻭﻣﺎ ﻟﻪ ﻭﺟﻬﻪ ﺑﻌﺪ ﻳﺘﺮﺟﺎﻩ
ﻳﻐﻄﻲ ﻣﻜﺎﻧﻪ ﺑﻜﺮﻩ .. ﻳﻌﻨﻲ ﻣﺠﺒﻮﺭ ﻳﺮﻭﺡ ﺍﻟﻌﻤﻞ
ﺍﻓﻀﻞ ﺷﻲﺀ ﺧﻠﻴﻨﻲ ﺍﺩﻕ ﻋﻠﻰ ﻋﺒﺪﺍﻟﺮﺣﻤﻦ ﺍﻗﻮﻝ ﻟﻪ ﺑﻜﺮﻩ ﻳﺠﻲ
ﻳﻄﻤﻦ ﻋﻠﻰ ﻋﻠﻴﺎ ..
ﺟﻠﺲ ﻋﻠﻰ ﻃﺮﻑ ﺍﻟﺴﺮﻳﺮ ﺑﺜﻘﻞ .. ﻭﺩﻕ ﺭﻗﻢ ﻋﺒﺪﺍﻟﺮﺣﻤﻦ ..
ﻋﺒﺪﺍﻟﺮﺣﻤﻦ : ﻫﻼﺍﺍﺍ ﻋﻤﻲ
ﻭﺍﻓﻲ ﻫﻮ ﻣﻀﺎﻳﻖ : ﻫﻼﺍﺍﺍ ﻋﺒﺪﺍﻟﺮﺣﻤﻦ ﺍﻗﻮﻝ ﻋﺒﺪﺍﻟﺮﺣﻤﻦ ﺍﻧﺎ ﺍﻟﺤﻴﻦ
ﺑﻤﺸﻲﺀ ﺍﻟﻌﻤﻞ ﻻ ﺗﻨﺴﻰ ﺑﻜﺮﻩ ﺗﻄﻤﻦ ﻋﻠﻰ ﻋﻤﺘﻚ ﻋﻠﻴﺎ ﺍﻭﻛﻲ
ﻋﺒﺪﺍﻟﺮﺣﻤﻦ : ﻋﻤﻲ ﻭﺵ ﻓﻴﻚ ﻣﺘﻀﺎﻳﻖ .. ﺍﻛﻴﺪ ﻗﻠﺖ ﻟﻬﺎ ﻋﻨﻴﺪ ﻣﺎ
ﺗﺴﻤﻊ ﺍﻟﻜﻼﻡ .. ﻭﻳﻌﻨﻲ ﺍﻟﺤﻴﻦ ﺍﻧﺖ ﻗﻠﻲ ﻭﺵ ﺍﻟﻲ
ﺍﺳﺘﻔﺪﺗﻪ ﻭﺍﻛﻴﺪ ﻋﻤﺘﻲ ﻋﻠﻴﺎ ﺍﻟﺤﻴﻦ ﻓﻲ ﻋﺎﻟﻢ ﺍﺧﺮ ﻭﺣﺎﻟﺘﻬﺎ ﻣﺎ ﺗﺴﺮ
ﻭﺍﻓﻲ : ...
ﻋﺒﺪﺍﻟﺮﺣﻤﻦ : ﺧﻼﺹ ﺍﻟﺤﻴﻦ ﺍﻧﺖ ﺗﻮﻛﻞ ﻋﻠﻰ ﺍﻟﻠﻪ ﻭﺍﻣﺶ ﺍﻟﻌﻤﻞ ﻭﺍﻧﺎ
ﺑﻜﺮﻩ ﺑﻤﺮ ﻋﻤﺘﻲ ﻋﻠﻴﺎ ﻭﺑﻄﻤﻦ ﻋﻠﻴﻬﺎ ﻭﺑﺪﻕ ﻋﻠﻴﻚ ﺍﻃﻤﻨﻚ .. ﺑﺲ ﺍﻧﺖ
ﻭﺳﻊ ﺻﺪﺭﻙ
ﻭﺍﻓﻲ : ﻃﻴﺐ ﻳﺎﻟﻠﻪ ﺍﻧﺎ ﺑﻤﺸﻲ ﺳﻠﻢ ﻋﻠﻰ ﺍﻟﻜﻞ
ﻋﺒﺪﺍﻟﺮﺣﻤﻦ : ﻳﻮﺻﻞ
.
.
.
ﻓـــﻲ ﺳﻴﺎﺭﺕ ﺷﻬﺎﺏ ﺍﻟﻲ ﻣﺘﺠﻬﻪ ﺍﻟﻰ ﺍﻟﺪﻭﺍﻧﻴﻪ ..
ﻛﺎﻥ ﺷﻬﺎﺏ ﻣﺮﺗﺎﺡ ﻭﻣﺴﻨﺪ ﻇﻬﺮﻩ ﻋﻠﻰ ﻇﻬﺮ ﺍﻟﻜﺮﺳﻲ .. ﺻﻮﺕ ﺍﻟﻴﺴﺎ
ﻳﺪﻏﺪﻕ ﻣﺴﻤﻌﻪ ﻳﺘﺬﻛﺮ ﺣﻔﻠﺔ ﻗﺮﻃﺎﺝ ﺍﻟﻲ
ﺣﻈﺮﻫﺎ ﻟﻬﺎ ﻓﻲ ﺗﻮﻧﺲ .. ﺻﺤﻴﺢ ﺍﻧﻬﺎ ﻛﺎﻧﺖ ﻓﻮﺿﻪ ﻟﻜﻨﻪ ﺍﺳﺘﻤﺘﻊ
ﻓﻴﻬﺎ ..ﺍﻟﻨﺎﺱ ﻫﻨﺎﻙ ﻏﻴﺮ ﻫﻨﺎ .. ﻫﻨﺎ ﺍﻟﻨﺎﺱ ﻟﻤﺎ
ﻳﺤﻈﺮﻭﻥ ﺣﻔﻠﻪ ﻳﻜﻨﻮﻥ ﺍﺭﻗﻰ ﻭﻳﺤﻈﺮﻭﻥ ﻣﻮ ﺣﺐ ﺑﺎﻟﻔﻨﺎﻥ ﻧﻔﺴﻪ ﺣﺒﺎ
ﺑﺼﻮﺗﻪ ﻭﺍﻏﺎﻧﻴﻪ ﻭﺍﻟﻲ ﺗﻄﺮﺑﻬﻢ ﺍﻣﺎ ﻫﻨﺎ ﺍﻟﻨﺎﺱ
ﻣﻨﺪﻓﻌﻴﻦ ﺑﻘﻮﻩ ﻭﻣﺘﺪﺍﻓﻌﻴﻦ ﺗﻘﻮﻟﻮﻥ ﺷﺎﻳﻔﻴﻦ ﻣﻼﻙ ﻣﻮ ﺑﺸﺮ ..
ﺑﺤﺮﻛﻪ ﺳﺮﻳﻌﻪ ﻣﻦ ﻳﺪﻩ ﻗﺼﺮ ﻋﻠﻰ ﺻﻮﺕ ﺍﻟﻤﺴﺠﻞ ﻟﻤﺎ ﺳﻤﻊ ﺻﻮﺕ
ﺟﻮﺍﻟﻪ ..
ﺭﻓﻊ ﺟﻮﺍﻟﻪ ﻭﻧﺎﻇﺮ ﺍﻟﺸﺎﺷﻪ ﻭﺍﺑﺘﺴﻢ ..
ﺷﻬﺎﺏ : ﻫﻼﺍﺍﺍ ﺑﺎﻟﻄﻴﺐ .. ﻣﺎ ﻣﺪﺍﻙ ﺗﺸﺘﺎﻕ ﻟﻲ
ﻣﺴﺎﻋﺪ : ﻻ ﺗﺼﺪﻕ ﻋﻤﺮﻙ ﻣﺎ ﻧﻲ ﻣﺸﺘﺎﻕ ﻟﻚ ﺑﺲ ﺩﺍﻕ ﺍﻃﻤﻦ ﻋﻠﻴﻚ
ﻫﺎ ﺍﻗﻮﻟﻚ ﺍﻋﺰﺏ ﻭﻻ ﻣﺘﺰﻭﺝ
ﺷﻬﺎﺏ ﺑﺘﻨﻬﻴﺪﻩ : ﻣﻊ ﺍﻻﺳﻒ ﺍﻟﺜﺎﻧﻴﻪ
ﻣﺴﺎﻋﺪ ﺑﺒﺘﺴﺎﻣﻪ : ﻣﺒﺮﻭﻭﻭﻭﻭﻙ ﺍﻟﻒ ﻣﺒﺮﻭﻭﻭﻙ
ﺷﻬﺎﺏ : ﻣﺴﺎﻋﺪ ﺍﻗﻮﻝ ﻻ ﺗﺴﺘﻬﺒﻞ ﻋﻠﻲ ﺗﺮﺍﻧﻲ ﻣﺎﻧﻲ ﻧﺎﻗﺼﻚ
ﻣﺴﺎﻋﺪ : ﻃﻴﺐ ﻗﻠﻲ ﻭﺵ ﺳﻮﻳﺖ ﻓﻜﺮﺕ ﺑﻜﻼﻣﻲ ﻭﻻ
ﺷﻬﺎﺏ : ﻧﺺ ﻧﺺ .. ﻟﺤﺪ ﺍﻻﻥ ﺍﻗﻠﺐ ﻓﻴﻪ
ﻣﺴﺎﻋﺪ : ﻃﻴﺐ ﺍﻧﺖ ﻭﻳﻦ ﺍﻟﺤﻴﻦ .. ﺑﺒﻴﺖ ﻋﻤﻚ
ﺷﻬﺎﺏ : ﻻ ﺑﺮﻭﺡ ﻟﺪﻭﺍﻧﻴﻪ ﻋﻨﺪ ﺍﻟﺸﺒﺎﺏ ﻣﻦ ﺯﻣﺎﻥ ﻣﺎ ﺷﻔﺘﻬﻢ
ﻣﺴﺎﻋﺪ ﻣﺘﻔﺎﺟﺄ : ﻣﺎ ﻣﺪﺍﻛﻢ ﺗﻤﻠﻜﻮﻥ .. ﻭﺗﺘﻌﺸﻮﻥ .. ﻭﺗﺠﻠﺲ ﻣﻌﻬﺎ
ﺷﻬﺎﺏ : ﻻ ﺍﻟﺤﻴﻦ ﺣﻨﺎ ﺑﻌﺼﺮ ﺍﻟﺴﺮﻋﻪ ﻛﻞ ﺷﻲﺀ ﺻﺎﺭ ﻋﻠﻰ ﺍﻟﺴﺮﻳﻊ
.. ﻳﺎﻟﻠﻪ ﺍﺷﻮﻓﻚ ﺑﻜﺮﻩ ﺑﺎﻟﺰﻭﺍﺝ ﺧﻠﻴﻨﻲ ﺍﻟﺤﻴﻦ
ﺍﺭﻭﺡ ﺍﻧﺒﺴﻂ ﻭﻭﺳﻊ ﺻﺪﺭﻱ ﻣﻊ ﺍﻟﺸﺒﺎﺏ ﻗﺒﻞ ﻻ ﻳﻀﻴﻖ ﺑﻜﺮﻩ
ﻣﺴﺎﻋﺪ : ﻫﻬﻬﻬﻬﻪ ﺍﻟﻠﻪ ﻳﻌﻴﻨﻚ .. ﻳﺎﻟﻠﻪ ﺳﻠﻢ ﻋﻠﻴﻬﻢ
ﺳﻜﺮ ﺷﻬﺎﺏ ﺍﻟﺴﻤﺎﻋﻪ ﻣﻦ ﻣﺴﺎﻋﺪ ﻭﺗﺬﻛﺮ ﺍﻟﺤﺪﻳﺚ ﺍﻟﻲ ﺩﺍﺭ ﺑﻴﻨﻬﻢ
ﻗﺒﻞ ﻟﻴﻠﺔ ﺍﻟﺴﻔﺮ ﻟﻤﺎ ﻛﺎﻧﻮ ﺟﺎﻟﺴﻴﻦ ﺑﺎﻟﻤﻘﻬﻰ ﺍﻟﻰ
ﻋﻠﻰ ﻇﻔﺎﻑ ﻧﻬﺮ ﺍﻟﻨﻴﻞ ﻭﺍﻟﻬﻮﺍﺀ ﻳﻠﻌﺐ ﺑﺸﻌﻮﺭﻫﻢ ﻭﺻﻮﺕ ﺍﻟﻤﻮﺳﻴﻘﻰ
ﺍﻟﺸﺮﻗﻴﻪ ﻭﺍﻟﻄﺒﻠﻪ ﻣﻀﻴﻔﻪ ﻟﻠﺠﻮ ﻧﻜﻪ ﻃﺮﺑﻴﻪ
ﻭﺭﻳﺤﺖ ﺍﻟﺒﺤﺮ ﻣﻤﺰﻭﺟﻪ ﻣﻊ ﺭﻳﺤﺖ ﺍﻟﺸﻴﺸﻪ ﻭﺍﻟﺪﺧﺎﻥ .. ﻟﻴﺎﻟﻲ ﻻ
ﺗﻨﺴﻰ ﻣﻦ ﻟﻴﺎﻟﻲ ﻣﺼﺮ ﺍﻟﺤﺒﻴﺒﻪ ..
ﻣﺴﺎﻋﺪ ﻫﻮ ﻳﻤﺰ ﻣﺰﻩ ﻣﻦ ﺍﻟﺸﻴﺸﻪ : ﺍﻗﻮﻝ ﻳﺎﺷﻬﺎﺏ ﻋﻼﻣﻚ ﻭﺍﻧﺎ
ﺧﻮﻳﻚ ﻣﻦ ﻛﻠﻤﻚ ﻋﻤﻚ ﻭﺍﻧﺖ ﻣﺘﻀﺎﻳﻖ ﻭﻛﻞ ﺳﺎﻛﺖ
ﺷﻬﺎﺏ ﺑﻀﻴﻘﻪ ﻫﻮ ﻳﺘﺎﻣﻞ ﺍﻟﻨﻬﺮ : ﻋﻤﻲ ﻳﺒﻴﻨﻲ ﺍﺭﺟﻊ ﺑﻜﺮﻩ ﺍﻟﺸﺮﻗﻴﻪ
ﻋﻠﺸﺎﻥ ﺑﻜﺮﻩ ﻣﻠﻜﺘﻲ ﻋﻠﻰ ﺑﻨﺖ ﻋﻤﻲ
ﻣﺴﺎﻋﺪ : ﻫﺬﺍ ﺍﻟﻲ ﻣﻀﻴﻖ ﺻﺪﺭﻙ .. ﺍﻗﻮﻝ ﻻ ﺗﻜﺪﺭ ﺧﺎﻃﺮﻙ ﻭﺵ
ﻓﻴﻬﺎ ﻳﻌﻨﻲ ﺍﺫﺍ ﺗﺰﻭﺟﺖ ﺑﻨﺖ ﻋﻤﻚ ﻛﻠﻨﺎ ﻋﻠﻰ ﻫﺬﺍ ﺍﻟﻨﻬﺞ .. ﻛﻠﻨﺎ
ﺑﻨﺘﺰﻭﺝ ﻭﻛﻠﻨﺎ ﺑﻨﺠﺐ ﻋﻴﺎﻝ
ﺷﻬﺎﺏ ﻭﻫﻮ ﻳﻨﺎﻇﺮ ﻣﺴﺎﻋﺪ ﺑﻌﺼﺒﻴﻪ : ﺍﻧﺖ ﺩﺍﺋﻤﺎ ﺑﺎﺭﺩ ﻛﺬﺍ .. ﺍﺩﺭﻱ
ﺍﻥ ﻛﻠﻨﺎ ﺑﻨﺘﺰﻭﺝ ﺑﺲ ﺍﻧﺎ ﺍﺑﻲ ﺍﺗﺰﻭﺝ ﺍﻧﺴﺎﻧﻪ ﺑﺎﻟﻤﻮﺍﺻﻔﺎﺕ ﺍﻟﻲ ﺍﻧﺎ ﺍﺑﻴﻬﺎ
.. ﻭﺑﻌﺪﻳﻦ ﺑﺪﺭﻱ ﻋﻠﻰ ﺍﻟﺰﻭﺍﺝ
ﻣﺴﺎﻋﺪ : ﻃﻴﺐ ﻳﻤﻜﻦ ﺑﻨﺖ ﻋﻤﻚ ﻓﻴﻬﺎ ﻫﺬﻱ ﺍﻟﻤﻮﺍﺻﻔﺎﺕ
ﺷﻬﺎﺏ ﻫﻮ ﻳﺘﺎﻣﻞ ﺍﻟﻨﻴﻞ : ﻣﺎ ﺍﻇﻦ
ﻣﺴﺎﻋﺪ : ﺗﺮﺍﻙ ﻣﻜﺒﺮ ﺍﻟﻤﻮﺿﻮﻉ ﻭﺑﻌﺪﻳﻦ ﺍﻟﺸﺮﻉ ﺣﻠﻞ ﻟﻚ ﺍﺭﺑﻌﻪ ..
ﺷﻬﺎﺏ ﻫﻮ ﻳﻨﺎﻇﺮ ﻣﺴﺎﻋﺪ ﺑﺤﺪﻩ : ﺗﺒﻴﻨﻲ ﺍﺗﺰﻭﺝ ﻋﻠﻰ ﺑﻨﺖ ﻋﻤﻲ ..
ﻭﺍﻟﻠﻪ ﻛﺎﻥ ﻗﺎﻣﻮ ﻋﻠﻲ ﻭﻗﻮﻣﻮ ﺍﻟﻘﺒﻴﻠﻪ
ﻣﺴﺎﻋﺪ : ﻃﻴﺐ ﻓﻲ ﺣﻞ ﺛﺎﻧﻲ ﺍﻟﻄﻼﻕ
ﺷﻬﺎﺏ ﺑﺒﺘﺴﺎﻣﺔ ﺳﺨﺮﻳﻪ : ﻫﺬﻱ ﻋﺎﺩ ﻟﻮ ﺑﺴﻮﻳﻬﺎ ﻧﻔﻲ ﻣﻦ ﺍﻟﻮﺟﻮﺩ .
ﻭﺑﻌﺪﻳﻦ ﺍﻧﺎ ﻣﺎ ﺍﺑﻲ ﺍﻛﻮﻥ ﺻﻐﻴﺮ ﻗﺪﺍﻡ ﺍﺑﻮﻱ ﻭ ﻋﻤﻲ
ﻣﺴﺎﻋﺪ : ﻭﺍﻟﻠﻪ ﻣﺎ ﻋﺮﻓﻨﺎ ﻟﻚ ﻛﻞ ﻣﺎ ﺍﻓﺘﺢ ﻟﻚ ﺑﺎﺏ ﺗﺴﻜﺮﻩ
ﺷﻬﺎﺏ ﺑﺘﻨﻬﻴﺪﻩ : ﻻﻥ ﺣﻠﻮﻟﻚ ﻣﺜﻞ ﻭﺟﻬﻚ
ﻣﺴﺎﻋﺪ : ﺍﻓﺎﺍﺍﺍﺍﺍﺍ ﺍﻧﺎ ﺣﻠﻮﻟﻲ ﻣﺜﻞ ﻭﺟﻬﻲ ﺍﻟﺸﺮﻫﺎ ﻋﻠﻲ ﺍﺑﻲ ﺍﺧﻔﻒ
ﻋﻨﻚ .. ﺍﻗﻮﻝ ﻣﺎ ﻟﻚ ﺍﻟﻰ ﺗﺨﻠﻴﻬﺎ ﺗﻄﻠﺐ ﺍﻟﻄﻼﻕ
ﺷﻬﺎﺏ ﻭﻫﻮ ﻋﺎﻗﺪ ﺣﻮﺍﺟﺒﻪ : ﻛﻴﻒ ﻳﻌﻨﻲ
ﻣﺴﺎﻋﺪ : ﻛﻴﻒ ﺗﺠﻲ ﻣﺪﺭﻱ ﻫﺬﻱ ﺍﻧﺖ ﻭﺷﻄﺎﺭﺗﻚ .. ﺑﺲ ﺣﻂ ﻓﻲ
ﺑﺎﻟﻚ ﺍﻥ ﺍﻟﻤﺮﺍﻩ ﺩﺍﺋﻤﺎ ﺗﻜﺘﻢ ﺗﻜﺘﻢ ﻭﺑﻌﺪﻳﻦ ﺗﻨﻔﺠﺮ
ﺷﻬﺎﺏ ﺑﺘﻨﻬﻴﺪﻩ ﻫﻮ ﻳﺘﺎﻣﻞ ﺍﻟﻨﻴﻞ : ﻳﺎﻟﻴﻞ ﻣﺎ ﺍﻃﻮﻟﻜـــ
.
.
ﻓــﻲ ﺑﻴﺖ ﺑﻮ ﺿﺎﺭﻱ ﻭﺗﺤﺪﻳﺪﺍ ﻓﻲ ﺍﻟﻐﺮﻓﻪ ﺍﻟﻲ ﻛﺎﻥ ﻓﻴﻬﺎ ﺍﻭﻝ ﻟﻘﺎﺀ
ﺟﻤﻊ ﺍﻟﺰﻭﺟﻴﻦ ..
ﻛﺎﻧﺖ ﺟﺎﻟﺴﻪ ﺍﻧﻔﺎﻝ ﻣﺜﻞ ﻣﺎ ﺗﺮﻛﻬﺎ ﺷﻬﺎﺏ ﻟﻢ ﻳﺼﺪﺭ ﻣﻨﻬﺎ ﺃﻱ ﺣﺮﻛﻪ
ﻭﻋﻴﻨﻬﺎ ﻣﺎ ﺯﺍﻟﺖ ﻣﻌﻠﻘﻪ ﻋﻠﻰ ﺍﻻﺭﺽ ﻋﻠﻰ
ﺍﻟﻤﻜﺎﻥ ﺍﻟﻲ ﻭﻃﻰ ﻋﻠﻴﻪ ﺷﻬﺎﺏ ﻭﻣﺸﻰ ﻣﻦ ﻗﺪﺍﻣﻬﺎ ﻣﻦ ﻏﻴﺮ ﺣﺘﻰ ﻣﺎ
ﻳﻘﻮﻝ ﻟﻬﺎ ﻣﻊ ﺍﻟﺴﻼﻣﻪ .. ﺍﻭ ﻋﻠﻰ ﺍﻻﻗﻞ ﻧﻈﺮﺕ
ﺍﺳﺘﺄﺫﺍﻥ .. ﻟﻢ ﺗﺴﻮﻋﺐ ﻣﺎ ﺣﺼﻞ .. ﻛﻞ ﺷﻲﺀ ﺻﺎﺭ ﺑﺴﺮﻋﻪ ﻭﻓﻲ
ﺗﺠﺎﻩ ﻣﻌﺎﻛﺲ ﻋﻦ ﺗﺼﻮﺭﻫﺎ .. ﻭﻫﺬﺍ ﺍﻟﺸﻲﺀ ﺧﻠﻬﺎ
ﺗﺤﺼﺮ ﻧﻔﺴﻬﺎ ﻓﻲ ﺯﺍﻭﻳﻪ ﺿﻴﻘﻪ ﻣﺎ ﺑﻴﻦ ﺍﻟﻮﺍﻗﻊ ﻭﺍﻟﺘﺼﻮﺭ ..ﻣﻌﻘﻮﻟﻪ
ﺷﻬﺎﺏ ﻣﺸﻰ ﻭﺗﺮﻛﻨﻲ ﻟﺤﺎﻟﻲ .. ﻻﻳﻤﻜﻦ ﺑﻴﺮﺟﻊ
ﺍﻛﻴﺪ ﺑﻴﺮﺟﻊ .. ﻫﻮ ﺣﺘﻰ ﻣﺎ ﻗﺎﻟﻲ ﻣﺒﺮﻭﻭﻙ ﻣﺎ ﺳﺄﻟﻨﻲ ﺷﺨﺒﺎﺭﻱ ﻣﺎ
ﻧﺎﻇﺮ ﻓﻴﻨﻲ ﻳﻤﻜﻦ ﺷﻬﺎﺏ ﻣﻦ ﺍﻟﻨﻮﻉ ﺍﻟﻲ ﻣﺎ ﻳﻬﺘﻢ ﺑﺎﻟﻤﻈﺎﻫﺮ ﺍﻫﻢ
ﺷﻲﺀ ﻋﻨﺪ ﺟﻮﻫﺮ ﺍﻻﻧﺴﺎﻥ
ﺍﺭﻓﻌﺖ ﺍﻧﻔﺎﻝ ﺭﺍﺳﻬﺎ ﻭﺗﻨﻘﻠﺖ ﻧﻈﺮﺍﺗﻬﺎ ﺑﻴﻦ ﺍﺛﺎﺙ ﺍﻟﻐﺮﻓﻪ ﺍﻟﻲ ﺍﻭﻝ
ﻣﺮﻩ ﺗﺪﺧﻠﻬﺎ ﻭﻇﻠﺖ ﻓﺘﺮﻩ ﺗﺘﺎﻣﻞ ﺍﻟﻤﻨﻈﺮ ﺍﻟﻤﻌﻠﻖ ﻋﻠﻰ
ﺍﻟﺤﺎﺋﻂ ﺍﻟﻲ ﻛﺎﻥ ﻟﻪ ﺍﻟﻨﺼﻴﺐ ﺍﻻﻛﺒﺮ ﻣﻦ ﻧﻈﺮﺍﺕ ﻭﺍﻫﺘﻤﺎﻡ ﻭﻟﺪ ﺍﻟﻌﻢ
( ﻣﺎ ﺍﺑﻲ ﺍﺗﺴﺮﻉ ﺑﺤﻜﻤﻲ ﻋﻠﻴﻪ ﻭﻣﺎ ﺍﺑﻲ ﺍﺷﻴﻞ ﺑﺨﺎﻃﺮﻱ ﺷﻲﺀ ..
ﻭﻣﺎ ﺍﺑﻲ ﺍﺳﻴﺊ ﺍﻟﻈﻦ ﻓﻴﻪ .. ﺑﺎﻟﻌﻜﺲ ﺍﻟﻤﻔﺮﻭﺽ ﺍﻥ
ﺍﺩﻭﺭ ﻟﺘﺼﺮﻓﺎﺗﻪ ﺍﻋﺬﺍﺭ ﻋﻠﺸﺎﻥ ﻣﺎ ﺍﻇﻠﻤﻪ ﻭﻣﺎ ﺍﺑﻨﻲ ﺣﻮﺍﺟﺰ ﺑﻴﻨﻲ
ﻭﺑﻴﻨﻪ ﻭﻻ ﺍﻧﺴﻰ ﺍﻥ ﻫﻮ ﺻﺎﺭ ﺍﻟﺤﻴﻦ ﺯﻭﺟﻲ .. ﻭﻫﻢ
ﺍﻧﺎ ﺍﺑﻲ ﺍﺭﺗﺎﺡ ﻭﻣﺎ ﺍﺑﻲ ﺍﺳﺘﺴﻠﻢ ﻟﻼﻓﻜﺎﺭ .. ﻭﺍﻟﺤﻴﺎﻩ ﺗﺠﻤﻌﻨﺎ ﻣﻊ
ﺍﺷﺨﺎﺹ ﻋﺎﻟﻤﻬﻢ ﻭﺷﺨﺼﻴﺘﻬﻢ ﺑﻌﻴﺪﻩ ﻛﻞ ﺍﻟﺒﻌﺪ ﻋﻨﺎ
ﻭﺍﻟﻤﻔﺮﻭﺽ ﺍﻥ ﺣﻨﺎ ﻧﺤﺎﻭﻝ ﻧﻔﻬﻤﻬﻢ )
ﺍﻧﻔﺎﻝ ﺣﺴﺖ ﺑﺮﺍﺣﻪ ﻟﻤﺎ ﺍﺳﻠﻜﺖ ﻫﺬﺍ ﺍﻟﻄﺮﻳﻖ ﻣﻦ ﺍﻟﺘﻔﻜﻴﺮ ﺍﻟﻲ ﻳﻌﻴﺪ
ﺑﺪﺍﺧﻠﻬﺎ ﺍﻻﻣﻞ ﻭﻳﺰﺭﻉ ﺍﻟﻔﺮﺣﻪ ﺍﻟﻲ ﺑﺪﺍﺕ ﺗﺬﺑﻞ ﻣﻦ
ﻟﺤﻈﺎﺕ .. ﺍﺭﻓﻌﺖ ﻳﺪﻫﺎ ﻭﻧﺎﻇﺮﺕ ﺍﻟﺴﺎﻋﻪ ..
ﺧﺬﺕ ﻧﻔﺲ ﻋﻤﻴﻖ ﻭﺍﺑﺘﺴﻤﺖ ﻭﻃﻠﻌﺖ ﻣﻦ ﺍﻟﻐﺮﻓﻪ ..
ﻓـــﻲ ﺍﻟﺼﺎﻟﻪ ﻛﺎﻥ ﺍﻟﻜﻞ ﺟﺎﻟﺲ ﺑﻌﺪ ﻣﺎ ﺟﺎﺕ ﺍﻡ ﻋﺒﺪﺍﻟﻌﺰﻳﺰ ﻭﺑﻨﺎﺗﻬﺎ
ﺗﻌﺸﻮ ﻭﺍﺟﻠﺴﻮ ﻳﺤﻠﻮﻥ ﺑﺎﻟﺼﺎﻟﻪ ﻭﻳﺘﻜﻠﻤﻮﻥ ﻋﻦ
ﺯﻭﺍﺝ ﺍﻧﻔﺎﻝ ..
ﻓﻲ ﺯﺍﻭﻳﻪ ﻛﺎﻧﺖ ﺟﺎﻟﺴﻪ ﺍﻡ ﺿﺎﺭﻱ ﻣﻊ ﺍﻡ ﻧﺼﺎﺭ ﻣﻊ ﺍﻡ ﻋﺒﺪﺍﻟﻌﺰﻳﺰ
ﻭﺍﻡ ﺷﻬﺎﺏ ﺍﻣﺎ ﺍﻟﺒﻨﺎﺕ ﻓﻜﺎﻧﻮ ﺟﺎﻟﺴﻴﻦ ﻓﻲ ﺯﺍﻭﻳﻪ ﻗﺮﻳﺒﻪ ﻣﻦ
ﺍﻟﺘﻠﻔﺰﻳﻮﻥ ﻭﺟﺎﻟﺴﻴﻦ ﻳﺘﺎﺑﻌﻮﻥ ﻋﺮﺽ ﺍﺯﻳﺎﺀ ..
ﻣﻴﻼﻑ : ﻟﻴﻠﻰ ﻭﺵ ﻟﻮﻥ ﻓﺴﺘﺎﻧﻚ ﻟﺰﻭﺍﺝ
ﻟﻴﻠﻰ ﺑﺒﺘﺴﺎﻣﻪ : ﺫﻫﺒﻲ ﻭﻋﻨﺎﺑﻲ ﻭﺍﻧﺖ
ﻣﻴﻼﻑ : ﻣﺎ ﺭﺍﺡ ﺍﻗﻮﻝ ﻣﻔﺎﺟﺎﻩ
ﻟﻴﻠﻰ : ﻳﺎﺛﻘﻞ ﻃﻴﻨﺘﻚ .. ﻳﺎﻟﻠﻪ ﻋﺎﺩ ﻗﻮﻟﻲ .. ﻳﻌﻨﻲ ﻭﺵ ﺭﺍﺡ ﻳﻜﻮﻥ
ﻟﻮﻧﻪ ﺍﺳﻄﻮﺭﻱ .. ﻳﺎﻟﻠﻪ ﻗﻮﻟﻲ
ﻣﻴﻼﻑ : ﺑﻨﻔﺴﺠﻲ .. ﻭﻣﻴﻌﺎﺩ ﺍﺳﻮﺩ
ﻟﻴﻠﻰ : ﺣﻠﻮﻭﻭ
ﻣﻴﻼﻑ ﺑﺨﺒﺚ : ﺍﻗﻮﻝ ﻟﻴﻠﻰ ﺍﻧﻔﺎﻝ ﺑﻜﺮﻩ ﻭﺵ ﺭﺍﺡ ﺗﻠﺒﺲ .. ﻓﺴﺘﺎﻥ
ﺯﻭﺍﺝ ﺍﻣﻬﺎ
ﻟﻴﻠﻰ ﻭﻫﻲ ﺗﺘﻜﻠﻢ ﺑﺸﻮﻳﺶ : ﻗﺼﺮﻱ ﺻﻮﺗﻚ ﻻ ﺗﺴﻤﻌﻚ ﺍﻡ ﺍﻧﻔﺎﻝ ..
ﻫﻬﻬﻪ ﻫﻬﻬﻬﻪ ﻻ ﺍﻣﻲ ﻭﺍﻡ ﺿﺎﺭﻱ ﻣﺴﻮﻳﻦ ﻟﻬﺎ
ﻣﻔﺎﺟﺎﻩ ﻭﻣﺼﻤﻴﻦ ﻟﻬﺎ ﻓﺴﺘﺎﻥ ﻳﻄﻴﺮ ﺍﻟﻌﻘﻞ .. ﻭﺣﺎﻟﻔﻴﻦ ﺍﻥ ﻣﺎ
ﻳﻮﺭﻭﻧﻬﺎ ﺍﻳﺎﻩ ﺍﻟﻰ ﺑﻜﺮﻩ ﻟﻤﺎ ﺗﺠﻲ ﺗﻠﺒﺴﻪ ﻋﻠﺸﺎﻥ
ﻳﺤﻄﻮﻧﻬﺎ ﺍﻣﺎﻡ ﺍﻻﻣﺮ ﻭﺗﺼﻴﺮ ﻣﺠﺒﻮﺭﻩ ﺗﻠﺒﺴﻪ ﻣﻮ ﺯﻱ ﺍﻟﻴﻮﻡ ﻋﻴﺖ
ﺗﻠﺒﺲ ﺍﻟﻔﺴﺘﺎﻥ ﺍﻟﻲ ﺷﺮﻭﻩ ﻟﻬﺎ
ﻣﻴﻌﺎﺩ : ﻃﻴﺐ ﻭﺍﺫﺍ ﻣﺎ ﻃﻠﻊ ﺑﻜﺮﻩ ﻣﻀﺒﻮﻁ ﻋﻠﻴﻬﺎ
ﻟﻴﻠﻰ : ﻻ ﻫﻢ ﻣﺨﺬﻳﻦ ﻣﻘﺎﺳﺎﺗﻬﺎ ﻣﻀﺒﻮﻁ ﻛﺬﺍ ﻣﺮﻩ .. ﺍﻛﻴﺪ ﺑﻴﻄﻠﻊ
ﻣﻀﺒﻮﻁ
ﻓﻲ ﻫﺬﻱ ﺍﻟﺤﻈﻪ ﺍﺩﺧﻠﺖ ﺍﻧﻔﺎﻝ ﺍﻟﺼﺎﻟﻪ ﻭﺍﻟﻜﻞ ﺗﻔﺎﺟﺎ ﻻﻥ ﻣﺎ ﻃﻮﻟﺖ
ﻭﺑﺴﺮﻋﻪ ﺟﺖ ﺣﺘﻰ ﺭﺑﻊ ﺳﺎﻋﻪ ﻣﺎ ﺧﺬﺕ
ﺍﻟﻌﻴﻮﻥ ﻛﻠﻬﺎ ﻣﻌﻠﻘﻪ ﻋﻠﻰ ﺍﻧﻔﺎﻝ .. ﺍﻟﺘﻲ ﺗﺤﺎﻭﻝ ﺍﻥ ﺗﺒﺘﺴﻢ ﻓﻲ ﻭﺟﻪ
ﻛﻞ ﺷﺨﺺ ﻳﺮﺍﻫﺎ ﺩﺧﻠﺖ ﺍﻟﻰ ﺍﻟﺼﺎﻟﻪ ﻭﺟﻠﺴﺖ
ﺑﺎﻟﻘﺮﺏ ﻣﻦ ﻟﻴﻠﻰ .. ﻭﻫﻲ ﺗﺤﺲ ﺑﺎﻟﺤﺮﺍﺭﻩ ﻓﻲ ﺟﺴﺪﻫﺎ ﻭﺍﻃﺮﺍﻓﻪ
ﺑﺴﺒﺐ ﺍﻟﻌﻴﻮﻥ ﺍﻟﻤﻌﻠﻘﻪ ﻋﻠﻴﻬﺎ << ﻫﻨﺎ ﺍﺿﺒﻄﺖ ﺍﻟﻨﻈﺮﻳﻪ
ﻟﻴﻠﻰ ﻗﺮﺑﺖ ﻣﻦ ﺍﻧﻔﺎﻝ ﻭﻫﻤﺴﺖ ﻟﻬﺎ ﻓﻲ ﺍﺫﻧﻬﺎ : ﻟﺤﻘﺘﻮ ﺗﺸﻔﻮﻥ ﺑﻌﺾ
ﺍﻧﻔﺎﻝ ﺑﺒﺘﺴﺎﻣﻪ : ﺗﺼﺪﻗﻴﻦ ﺍﺣﺲ ﺑﺠﻮﻉ ﻓﻀﻴﻊ .. ﻗﻮﻣﻲ ﻣﻌﻲ
ﺧﻠﻴﻨﻲ ﺍﺭﻭﺡ ﺍﺗﻌﺸﻰ
ﻟﻴﻠﻰ ﺑﺴﺘﻐﺮﺍﺏ ﻭﻫﻲ ﺗﻨﺎﻇﺮ ﻓﻲ ﻣﻼﻣﺢ ﺍﻧﻔﺎﻝ ﻭﺗﺤﺲ ﺍﻥ ﻓﻲ ﺷﻲﺀ
ﻣﻮ ﻃﺒﻴﻌﻲ : ﻃﻴﺐ ﻳﺎﻟﻠﻪ ﻗﻮﻣﻲ
ﻗﺒﻞ ﻻ ﻳﻘﻮﻣﻮﻥ ﺟﺎﻫﻢ ﺻﻮﺕ ﺍﻡ ﻋﺒﺪﺍﻟﻌﺰﻳﺰ ﻭﻫﻲ ﺗﻨﺎﻇﺮ ﺍﻧﻔﺎﻝ ﻣﻦ
ﻓﻮﻕ ﺍﻟﻰ ﺗﺤﺖ : ﺍﻛﻴﺪ ﺷﺎﻓﻚ ﻛﺬﺍ ﻣﻞ ﻭﻃﻠﻊ ﻭﺍﻟﻠﻪ
ﻣﺴﻜﻴﻦ ﻭﻟﺪ ﺍﺧﻮﻱ
ﺍﻧﻔﺎﻝ ﻣﺎ ﺣﺒﺖ ﺗﺮﺩ ﻋﻠﻰ ﺍﻡ ﻋﺒﺪﺍﻟﻌﺰﻳﺰ ﻭﺳﻮﺕ ﻧﻔﺴﻬﺎ ﻣﺎ ﺍﺳﻤﻌﺖ
ﻭﻣﺴﻜﺖ ﻟﻴﻠﻰ ﻣﻦ ﻳﺪﻫﺎ ﻭﻃﻠﻌﺖ ﻣﻦ ﺍﻟﺼﺎﻟﻪ
ﺍﻡ ﺷﻬﺎﺏ ﺍﻟﻲ ﻛﺎﻧﺖ ﺟﺎﻟﺴﻪ ﺟﻨﺐ ﺍﻡ ﻋﺒﺪﺍﻟﻌﺰﻳﺰ ﺗﻀﺎﻳﻘﺖ ﻣﻦ
ﻛﻼﻣﻬﺎ ﻭﺧﺎﺻﻪ ﺍﻥ ﺍﻟﻲ ﻭﺟﻬﺖ ﻟﻬﺎ ﺍﻟﻜﻼﻡ ﺧﻼﺹ
ﺻﺎﺭﺕ ﺣﺴﺒﺖ ﺑﻨﺘﻬﺎ ﻭﻣﺮﺕ ﻭﻟﺪﻫﺎ ﺍﻟﻐﺎﻟﻲ ﺷﻬﺎﺏ ﻭﺍﻟﻲ ﺍﻗﺼﺪﺗﻪ ﻓﻲ
ﻛﻼﻣﻬﺎ ﻫﻮ ﺷﻬﺎﺏ ﻭﻟﺪﻫﺎ
ﻗﺮﺑﺖ ﺍﻡ ﺷﻬﺎﺏ ﻣﻦ ﺍﻡ ﻋﺒﺪﺍﻟﻌﺰﻳﺰ ﻭﻫﻤﺴﺖ ﻟﻬﺎ : ﻟﻴﻪ ﻗﻠﺖ ﻛﺬﺍ ﻳﺎ
ﺍﻡ ﻋﺒﺪﺍﻟﻌﺰﻳﺰ ﻫﺬﺍ ﺑﺪﻝ ﻣﺎ ﺗﻘﻮﻟﻴﻦ ﻟﻬﺎ ﻣﺒﺮﻭﻭﻙ
ﺍﻡ ﻋﺒﺪﺍﻟﻌﺰﻳﺰ ﻛﺸﺮﺕ ﻭﻋﻘﺖ ﺣﻮﺍﺟﺒﻬﺎ ﻭﻗﺮﺑﺖ ﻓﻨﺠﺎﻝ ﺍﻟﺸﺎﻫﻲ ﻣﻦ
ﻓﻤﻬﺎ ﻭﻫﻲ ﺗﻘﻮﻝ ﺑﺼﻮﺕ ﻣﺎ ﻳﻨﺴﻤﻊ ( ﻫﺬﺍ ﺍﻟﻲ
ﻧﺎﻗﺺ ﺍﻗﻮﻝ ﻟﻬﺎ ﻣﺒﺮﻭﻙ )
ﺍﻡ ﺿﺎﺭﻱ ﺣﺴﺖ ﺍﻟﺠﻮ ﺑﺪﻯ ﻳﺘﻜﻬﺮﺏ ﺍﻡ ﻋﺒﺪﺍﻟﻌﺰﻳﺰ ﺍﻟﻠﻪ ﻳﻬﺪﺍﻫﺎ ﻛﻞ
ﻓﻲ ﻣﺸﺎﺣﻨﺎﺕ ﻛﻼﻣﻴﻪ ﻳﺎ ﻣﻊ ﺍﻡ ﺍﻧﻔﺎﻝ ﻭﻻ ﻣﻊ ﺍﻧﻔﺎﻝ
ﺍﻡ ﺿﺎﺭﻱ ﻭﺗﺤﺎﻭﻝ ﺗﻐﻴﺮ ﺍﻟﻤﻮﺿﻮﻉ : ﻫﺎ ﻳﺎﻡ ﺷﻬﺎﺏ ﺳﻨﻌﺘﻮ ﺟﻨﺎﺡ
ﺍﻟﻌﺮﻭﺳﻴﻦ
ﺍﻡ ﺷﻬﺎﺏ : ﻻ ﻭﺍﻟﻠﻪ ﻣﺎ ﺑﻌﺪ ﻗﺎﻝ ﺑﻮ ﺷﻬﺎﺏ ﻟﻤﺎ ﻳﺴﺎﻓﺮﻭﻥ ﺑﺮﺗﺐ ﻭ
ﺑﻀﺒﻂ ﺍﻟﺠﻨﺎﺡ .. ﺍﻻﺛﺎﺙ ﻛﻠﻪ ﻣﺨﺘﺎﺭﻳﻨﻪ ﻭﺩﺍﻓﻌﻴﻦ
ﻗﻴﻤﺘﻪ ﺑﺲ ﻟﺴﻰ ﻣﺎ ﺟﺎﺑﻮﻩ
ﺍﻣﺎ ﻣﻴﻼﻑ ﻛﺎﻧﺖ ﻣﺸﻐﻮﻟﻪ ﺗﺤﻮﺱ ﺑﺠﻮﺍﻟﻬﺎ ﺍﻟﻲ ﺍﻟﻴﻮﻡ ﻣﺎ ﻫﺪﺀ ﻣﻦ
ﻛﺜﺮ ﺍﻟﻤﺴﺠﺎﺕ ﺍﻟﻲ ﺗﺠﻴﻪ ﻣﻦ ﺣﻤﺪ ﻫﻲ ﻣﺴﺠﺎﺕ
ﺣﺐ ﻭﻏﺮﺍﻡ .. ﻫﻲ ﻛﻠﻤﺎﺕ ﺷﻮﻕ .. ﻫﻲ ﺭﺳﺎﻳﻞ ﻓﺎﺿﻴﻪ .. ﻫﻲ
ﺭﺳﺎﺋﻞ ﻭﺳﺎﺋﻂ ﻭﻓﻲ ﺑﻌﺾ ﺍﻟﺮﺳﺎﻳﻞ ﻛﺎﺗﺒﻬﻢ ﺑﺲ ﻣﺎ
ﻓﻬﻤﺖ ﻭﺵ ﻳﻘﺼﺪ ﻓﻴﻬﻢ .. ﺍﻧﺘﻈﺮ ﻟﺤﻈﺔ ﻟﻘﺎﻙ ... ﻣﺸﺘﺎﻕ ﺍﺷﻮﻓﻚ
.. ﺍﻟﺸﻮﻕ ﺟﺒﺮﻧﻲ ﺍﻣﺮ ﺟﻨﺐ ﺑﻴﺘﻜﻢ .. ( ﻣﺎ ﺍﺩﺭﻱ
ﻭﺵ ﻓﻴﻪ ﺣﻤﺪ ﻫﺬﻱ ﺍﻻﻳﺎﻡ ﻛﺜﻴﺮ ﻳﺪﻕ ﻋﻠﻲ ﻭﺯﺍﻳﺪ ﻛﻼﻡ ﺍﻟﻌﺸﻖ
ﻫﺬﻱ ﺍﻻﻳﺎﻡ ﻭﺑﻌﺪﻳﻦ ﺍﻧﺎ ﻣﺘﻰ ﻗﻠﺖ ﻟﻪ ﺍﻧﻲ ﺑﺸﻮﻓﻚ ﻭﻻ
ﻧﺒﻲ ﻧﻠﺘﻘﻲ ﻭﻣﺘﻰ ﺍﺳﺎﺱ ﺩﻟﻴﺘﻪ ﺑﻴﺘﻨﺎ ﻋﻠﺸﺎﻥ ﻳﻤﺮ ﻣﻦ ﺟﻨﺒﻪ ..
ﺍﺑﺘﺴﻤﺖ ﻣﻴﻼﻑ ﻭﻫﻲ ﺗﻨﺎﻇﺮ ﺻﻮﺭﺓ ﺣﻤﺪ ﺍﻟﻲ ﺭﺳﻠﻬﺎ
ﻟﻬﺎ ﻋﻦ ﻃﺮﻳﻖ ﺭﺳﺎﺋﻞ ﻭﺳﺎﺋﻂ .. ﺍﻟﻲ ﻳﻌﺠﺒﻬﺎ ﻓﻴﻪ ﺍﻧﻪ ﻃﻔﻞ ﻛﻠﻤﻪ
ﺗﻮﺩﻳﻪ ﻭﻋﺸﺮﻩ ﺗﺠﻴﺒﻪ ﻭﺣﺘﻰ ﻟﻮ ﺣﺎﻭﻝ ﻳﺴﻮﻱ ﻟﻪ
ﺷﺨﺼﻴﻪ ﻭﺣﺮﻛﺎﺕ ﺑﻜﻠﻤﺘﻴﻦ ﻳﻄﺦ ﻣﻦ ﺗﺘﺪﻟﻊ ﻭﺗﻄﻠﺐ ﻣﻨﻪ ﻃﻠﺐ
ﻋﻠﻄﻮﻝ ﻟﺒﻴﻪ .. ﻣﺴﻮﻳﺘﻪ ﻣﺜﻞ ﺍﻟﺨﺎﺗﻢ ﺑﺼﺒﻌﻬﺎ ﻭﺧﺎﺻﻪ
ﺍﻥ ﻓﺮﻕ ﺍﻟﻌﻤﺮ ﻳﻠﻌﺐ ﺩﻭﺭ .. ﺩﺍﺋﻤﺎ ﺗﻘﻮﻟﻪ ﺍﻧﺖ ﺭﺟﺎﻝ ﻭﻳﻌﺘﻤﺪ ﻋﻠﻴﻚ
ﺍﻧﺖ ﺷﻴﺦ ﺍﻟﺮﺟﺎﻝ .. ﻋﺎﺩ ﻫﻮ ﻳﺼﺪﻕ
ﻓــﻲ ﻏﺮﻓﺔ ﺍﻟﻄﻌﺎﻡ .. ﻛﺎﻧﺖ ﺍﻧﻔﺎﻝ ﻣﻊ ﻟﻴﻠﻰ ﺟﺎﻟﺴﻴﻦ ﻋﻠﻰ ﺍﻟﻄﺎﻭﻟﺔ
ﺍﻟﻄﻌﺎﻡ ﺑﻌﺪ ﻣﺎ ﺷﻜﻠﺖ ﻟﻬﺎ ﺍﻧﻔﺎﻝ ﻓﻲ ﺻﺤﻨﻬﺎ ﻣﻦ ﺟﻤﻴﻊ ﺍﻻﻃﺒﺎﻕ
ﺍﻣﺎ ﻟﻴﻠﻰ ﺍﻛﺘﻔﺖ ﺑﻜﺎﺱ ﻋﺼﻴﺮ ﻟﻴﻤﻮﻥ .. ﻻﻥ ﻫﻲ ﻣﺘﻌﺸﻴﻪ ﻣﻊ
ﺍﻟﺤﺮﻳﻢ
ﻣﻦ ﺍﻭﻝ ﻣﺎ ﻃﻠﻌﻮ ﻣﻦ ﺍﻟﺼﺎﻟﻪ ﻭﻫﻢ ﻳﺘﺒﺎﺩﻟﻮﻥ ﺍﻟﻨﻈﺮﺍﺕ ﻭﺍﻻﺑﺘﺴﺎﻣﺎﺕ
ﻟﻴﻠﻰ ﺟﺎﻟﺴﻪ ﺗﺮﺍﻏﺐ ﺍﻧﻔﺎﻝ ﺍﻟﻲ ﺟﺎﻟﺴﻪ ﺗﺎﻛﻞ ﺑﺸﺮﺍﻫﺎ ﻭﺑﻨﻔﺴﻴﻪ
ﻣﻔﺘﻮﺣﻪ ﻋﻠﻰ ﺍﻻﺧﺮ ﺗﺤﺲ ﺍﻥ ﻓﻴﻬﺎ ﺷﻲﺀ ﻣﺘﻐﻴﺮ ﻭﻳﻦ
ﺑﺮﻳﻖ ﺍﻟﻔﺮﺡ ﻭﻟﻤﻌﺔ ﺍﻟﺨﺠﻞ ﺍﻟﻲ ﺑﻌﻴﻮﻧﻬﺎ .. ﺻﺤﻴﺢ ﺍﻧﻬﺎ ﻣﺒﻴﻨﻪ ﺍﻛﺜﺮ
ﺳﻌﺎﺩﻩ ﻭﺭﺍﺣﻪ ﻭﺑﻌﺪﻳﻦ ﻟﻴﻪ ﺍﻃﻠﻌﺖ ﺑﺪﺭﻱ ﻣﻦ
ﺍﻟﻐﺮﻓﻪ ﻣﻌﻘﻮﻟﻪ ﻣﺎ ﻋﺠﺒﻬﺎ ﺍﺧﻮﻱ ﺷﻬﺎﺏ ﻃﻴﺐ ﻟﻴﻪ ﻣﺎ ﺍﻗﻮﻝ ﺍﻟﻌﻜﺲ
ﻫﻲ ﻣﺎ ﻋﺠﺒﺖ ﺷﻬﺎﺏ ﻻ ﻻ ﺣﺘﻰ ﻟﻮ ﻣﺎ ﻋﺠﺒﺘﻪ ﻣﺎ
ﺭﺍﺡ ﻳﺒﻴﻦ ﻟﻬﺎ ﻭﺑﻌﺪﻳﻦ ﻫﻲ ﻟﻮ ﻣﺎ ﻋﺠﺒﻬﺎ ﺷﻬﺎﺏ ﻣﺎ ﻛﺎﻥ ﺍﺗﺴﻌﺖ
ﺍﺑﺘﺴﺎﻣﺘﻬﺎ ﻭﺗﻬﻠﻬﻞ ﻭﺟﻬﻬﺎ .. ﺍﻻﻓﻀﻞ ﺍﻧﻲ ﺍﺳﺄﻟﻬﺎ
ﺍﻥ ﻗﺎﻟﺖ ﻟﻲ ﻛﺎﻥ ﺑﻬﺎ ﻭﺍﻥ ﻣﺎ ﻗﺎﻟﺖ ﻟﻲ ﺍﺫﺍ ﺭﺟﻌﺖ ﺍﻟﺒﻴﺖ ﺍﻛﻠﻢ
ﺷﻬﺎﺏ .. ﻃﻴﺐ ﻭﺷﻠﻮﻥ ﺍﺻﻴﻎ ﻟﻬﺎ ﺍﻟﺴﺆﺍﻝ
ﻟﻴﻠﻰ ﺑﺘﺮﺩﺩ ﻭﻫﻲ ﺗﻨﺎﻇﺮ ﺍﻧﻔﺎﻝ : ﺍﻧﻔﺎﻝ
ﺭﻓﻌﺖ ﺍﻧﻔﺎﻝ ﻋﻴﻨﻬﺎ ﻭﻧﺎﻇﺮﺕ ﻟﻴﻠﻰ ﺑﺒﺘﺴﺎﻣﻪ ﺗﻨﺘﻈﺮﻫﺎ ﺗﻜﻤﻞ ﻛﻼﻣﻬﺎ
ﻟﻴﻠﻰ ﻭﻫﻲ ﺗﻨﺎﻇﺮ ﻛﺎﺱ ﺍﻟﻌﺼﻴﺮ ﺍﻟﻲ ﺑﻴﻦ ﺍﻳﺪﻫﺎ : ﻭﺵ ﺭﺍﻳﻚ ﻓﻲ
ﺍﺧﻮﻱ ﺷﻬﺎﺏ
ﺍﻧﻔﺎﻝ ﺍﻛﺘﻔﺖ ﺑﺒﺘﺴﺎﻣﻪ ﻋﺮﻳﻀﻪ .. ﻭﻫﺬﻱ ﺍﻻﺑﺘﺴﺎﻣﻪ ﺍﺭﺍﺣﺖ ﻟﻴﻠﻰ
ﻧﻮﻋﺎ ﻣﺎ ﻳﺒﻘﻰ ﺍﻟﺴﺆﺍﻝ ﺍﻻﻫﻢ ﻟﻴﻪ ﻃﻠﻌﺖ ﺍﻧﻔﺎﻝ ﻣﻦ ﺍﻟﻐﺮﻓﻪ ﺑﺴﺮﻋﻪ
ﻟﻴﻠﻰ ﻭﺗﺸﺠﻌﺖ ﺗﺘﻜﻠﻢ ﻣﻊ ﺍﻧﻔﺎﻝ : ﺍﻧﻔﺎﻝ ﻟﻴﻪ ﻃﻠﻌﺘﻲ ﺑﺪﺭﻱ ﻣﻦ
ﺍﻟﻐﺮﻓﻪ ﻣﺎ ﻟﺤﻘﺘﻮ ﺗﺠﻠﺴﻮﻥ ﻣﻊ ﺑﻌﺾ ﻭﺗﺴﻮﻟﻔﻮﻥ
ﺍﻧﻔﺎﻝ ﻭﻫﻲ ﺗﺤﻂ ﺍﻟﺸﻮﻛﻪ ﺍﻟﻲ ﻛﺎﻧﺖ ﺑﻴﺪﻫﺎ ﻋﻠﻰ ﻃﺮﻑ ﺍﻟﺼﺤﻦ
ﺑﺒﺘﺴﺎﻣﻪ : ﺍﻧﺎ ﺍﺳﺘﺄﺫﻧﺖ ﻭﻃﻠﻌﺖ ﻻﻧﻲ ﺣﺴﻴﺖ ﺑﺤﺮﺍﺝ
ﻛﺒﻴﺮ ﻭﺧﺎﺻﻪ ﺍﻥ ﻫﺬﺍ ﺍﻭﻝ ﻟﻘﺎﺀ ﺑﻴﻨﺎ .. ﻳﻤﻜﻦ ﻻﻧﻲ ﺑﻌﺪ ﻣﺘﻮﺗﺮﻩ
ﻋﻠﺸﺎﻥ ﺑﻜﺮﻩ ﻋﻠﻰ ﻃﻮﻝ ﺯﻭﺍﺟﻨﺎ ﻳﻌﻨﻲ ﻛﻞ ﺷﻲﺀ
ﺍﺣﺴﻪ ﺑﺴﺮﻋﻪ
ﻟﻴﻠﻰ ﺍﻗﻨﻌﻬﺎ ﻛﻼﻡ ﺍﻧﻔﺎﻝ ﺻﺤﻴﺢ ﻛﻞ ﺷﻲﺀ ﺑﺼﻴﺮ ﺑﺴﺮﻋﻪ ﻭﺍﻛﻴﺪ ﻫﺬﺍ
ﺑﻌﻴﺸﻬﺎ ﺑﺤﻠﻘﻪ ﻣﻦ ﺍﻟﺘﻮﺗﺮ ﻭﺍﻟﻀﻐﻂ ﺍﻟﻨﻔﺴﻲ
ﻟﻴﻠﻰ ﺑﺒﺘﺴﺎﻣﻪ : ﻃﻴﺐ ﻛﻴﻒ ﻧﻔﺴﻴﺘﻚ ﺍﻟﺤﻴﻦ .. ﺍﻥ ﺷﺄﻟﻠﻪ ﺧﻒ
ﺍﻟﺘﻮﺗﺮ
ﺍﻧﻔﺎﻝ : ﺍﻟﺤﻤﺪﻟﻠﻪ
ﻟﻴﻠﻰ : ﺍﻧﻔﺎﻝ ﺻﺪﻳﻘﺎﺗﻚ ﺑﺤﻈﺮﻭﻥ ﺑﻜﺮﻩ ﺍﻟﺰﻭﺍﺝ
ﺍﻧﻔﺎﻝ ﺑﺒﺘﺴﺎﻣﺔ ﺛﻘﻪ : ﺍﻛﻴﺪ .. ﺍﻧﺎ ﻗﻠﺖ ﻟﻬﻢ ﻳﺠﻮﻥ ﺍﻟﻴﻮﻡ ﺑﺲ ﻫﻢ
ﻋﻴﻮ ﻳﻘﻮﻟﻮﻥ ﻳﺴﺘﺤﻮﻥ
ﻓﻲ ﻫﺬﻱ ﺍﻟﺤﻈﻪ ﺍﺩﺧﻠﺖ ﻣﻴﻼﻑ ﻣﻊ ﻣﻴﻌﺎﺩ ﺍﻟﻐﺮﻓﻪ ﻭﺟﻠﺴﻮ ﻋﻠﻰ
ﺍﻟﻜﺮﺍﺳﻲ ﺟﻨﺐ ﻟﻴﻠﻰ
ﻣﻴﻼﻑ : ﻟﻴﻠﻰ ﺩﻗﻲ ﻋﻠﻰ ﺍﺧﻮﻙ ﻛﻤﺎﻝ ﺧﻠﻴﻪ ﻳﻘﻮﻝ ﻟﻌﻤﻲ ﻳﻄﻠﻌﻨﺎ
ﻣﻠﻴﻨﺎ ﻣﻦ ﺍﻟﺠﻠﺴﻪ ﻫﻨﺎ
ﻟﻴﻠﻰ : ﻃﻴﺐ ﻟﻴﻪ ﻣﺎ ﺗﺪﻗﻴﻦ ﻋﻠﻰ ﺟﻮﺍﻝ ﻋﻤﻲ ﻃﻼﻝ
ﻣﻴﻼﻑ : ﺍﺩﻕ ﻋﻠﻴﻪ ﻣﺎ ﻳﺮﺩ
ﻟﻴﻠﻰ : ﺑﻌﺪﻳﻦ ﻣﺎ ﺍﻋﺘﻘﺪ ﺍﻥ ﻋﻤﻲ ﻃﻼﻝ ﺑﻴﺮﺿﻰ ﻳﻄﻠﻌﻚ ﻭﻳﺨﻠﻲ
ﺍﻟﺮﺟﺎﻝ .. ﻭﺑﻌﺪﻳﻦ ﺍﻧﺖ ﻭﻳﻦ ﺗﺒﻴﻦ ﺗﺮﻭﺣﻴﻦ ﺑﺎﻟﻴﻞ
ﻣﻴﻼﻑ ﺑﺪﻟﻊ : ﻋﻤﻲ ﻣﺎ ﻳﺮﻓﺾ ﻟﻲ ﻃﻠﺐ .. ﻳﻌﻨﻲ ﻭﻳﻦ ﺑﺮﻭﺡ
ﻧﺘﻤﺸﻰ
ﻣﻴﻌﺎﺩ : ﻃﻴﺐ ﻧﺨﻠﻲ ﻛﻤﺎﻝ ﻭﻋﺒﺪﺍﻟﻌﺰﻳﺰ ﻳﻄﻠﻌﻮﻧﺎ
ﺟﺎﻟﺲ ﻋﻠﻰ ﺍﻟﻜﻨﺐ ﺑﺘﻮﺗﺮ ﻭﻫﻮ ﻳﻬﺰ ﺭﺟﻠﻪ ﺍﻟﻴﻤﻴﻦ ﺑﺴﺮﻋﻪ ﻭﻳﺪﻩ
ﻣﺸﻐﻮﻟﻪ ﺗﻌﺪﻝ ﺷﻤﺎﺧﻪ ﻛﻞ ﻣﺮﻩ ﻳﻔﺘﺤﻪ ﻭﻳﺮﺟﻊ
ﻳﻀﺒﻄﻪ ﻣﺮﻩ ﺛﺎﻧﻴﻪ ﺍﻭﻝ ﻣﺮﻩ ﻳﺤﺲ ﺍﻧﻪ ﻣﻮ ﻗﺎﺩﺭ ﻳﻀﺒﻂ ﺍﻟﺤﺮﻛﻪ
ﻣﺎﻳﺪﺭﻱ ﻳﺤﺲ ﺍﻥ ﺍﻟﺜﻮﺏ ﺿﺎﻕ ﺟﻬﺖ ﺍﻟﺼﺪﺭ ﻭﻣﻮ
ﻗﺎﺩﺭ ﻳﺘﻨﻔﺲ ﺑﻬﺪﻭﺀ ﻻﺯﻡ ﻳﺎﺧﺬ ﺍﻛﺴﺠﻴﻦ ﻛﺜﻴﺮ ﻋﻠﺸﺎﻥ ﻳﺴﺘﺸﻌﺮ
ﺍﻟﻘﻠﻴﻞ ﻣﻦ ﺍﻟﺮﺍﺣﻪ ﻋﻴﻮﻧﻪ ﻣﻌﻠﻘﻪ ﻋﻠﻰ ﺍﻟﺒﺎﺏ
ﻳﻨﺘﻈﺮﻩ ﺑﺎﻱ ﻟﺤﻈﻪ ﻳﻨﻔﺘﺢ ﻭﺗﺪﺧﻞ ﻣﻨﻪ .. ﻳﺤﺎﻭﻝ ﻗﺪ ﻣﺎ ﻳﻘﺪﺭ ﻣﺎ
ﻳﺮﻣﺶ ﻛﺜﻴﺮ ﻳﺨﺎﻑ ﺗﻐﻤﺾ ﻋﻴﻮﻧﻪ ﻟﻮ ﺟﺰﺀ ﻣﻦ
ﺍﻟﺜﺎﻧﻴﻪ ﻭﺗﺪﺧﻞ ﻣﺸﺘﺎﻕ ﻳﺸﻮﻑ ﻋﻴﻮﻧﻬﺎ .. ﺭﻓﻊ ﻳﺪﻩ ﺑﺘﻮﺗﺮ ﻭﻧﺎﻇﺮ
ﺍﻟﺴﺎﻋﻪ .. ﻭﻛﺎﻧﻪ ﻳﺘﺎﻛﺪ ﺍﺫﺍ ﺍﻟﻮﻗﺖ ﻳﻤﺸﻲ ﻭﻻ ﻭﻗﻒ
ﻓﺠﺄﻩ .. ﺟﺎﻩ ﺻﻮﺕ ﻫﺎﺩﺀ
ﺯﻳﺎﺩ : ﻃﻼﻝ ﻋﻼﻣﻚ.. ﺛﻮﺍﻧﻲ ﻭﺭﺍﺡ ﺗﺠﻲ
ﻃﻼﻝ ﻧﺎﻇﺮ ﻓﻲ ﺯﻳﺎﺩ ﻭﻛﺎﻧﻪ ﻳﻘﻮﻟﻪ ﻭﺵ ﻳﺼﺒﺮﻧﻲ ﺛﻮﺍﻧﻲ .. ﻭﺭﺟﻊ
ﻧﺎﻇﺮ ﺍﻟﺒﺎﺏ ﺑﺴﺮﻋﻪ ﻭﺟﻠﺲ ﻳﺮﺩﺩ ﺑﺪﺍﺧﻠﻪ ﺍﻟﺤﻴﻦ ﺑﺘﺪﺧﻞ .. ﺍﻛﻴﺪ
ﺍﻟﺤﻴﻦ ﺑﺘﺪﺧﻞ .. ﺗﻜﻔﻰ ﻳﺎﺑﺎﺏ ﺍﻧﻔﺘﺢ ..
ﻓﻲ ﻫﺬﻱ ﺍﻟﺤﻈﻪ ﺍﻧﻔﺘﺢ ﺍﻟﺒﺎﺏ ﺑﻬﺪﻭﺀ ﻭﻛﺎﻧﻪ ﺍﺳﺘﺠﺎﺏ ﻟﻄﻠﺐ ﻭﺷﻘﻒ
ﻃﻼﻝ ..
ﻣﺠﺮﺩ ﻣﺎ ﺷﺎﻑ ﻃﻼﻝ ﺍﻟﺒﺎﺏ ﻳﻨﻔﺘﺢ ﺯﺍﺩ ﺗﻮﺗﺮﻩ .. ﻭﻗﻒ ﻋﻠﻰ ﻃﻮﻝ
ﻓﺘﺤﺖ ﺍﻟﺒﺎﺏ ﻛﺎﻧﺖ ﻣﺘﻮﺳﻄﻪ ﺗﻜﻔﻲ ﻟﺪﺧﻮﻝ ﺷﺨﺺ ﺭﻓﻴﻊ ﺍﻟﻘﻮﺍﻡ ..
ﺍﺩﺧﻠﺖ ﺑﻬﺪﻭﺀ ﻭﻋﻴﻨﻬﺎ ﻣﻌﻠﻘﻪ ﻋﻠﻰ ﺍﻻﺭﺽ
ﺧﻄﺖ ﺧﻄﻮﺍﺗﻬﺎ ﺑﺪﻟﻊ ﻭﺑﺜﻘﻪ ﺍﻟﻰ ﺍﻥ ﻭﺻﻠﺖ ﺍﻟﻰ ﺟﻨﺐ ﺍﺧﻮﻫﺎ ..
ﺍﺭﻓﻌﺖ ﺭﺍﺳﻬﺎ ﻟﻤﺎ ﺣﺴﺖ ﺑﺎﻻﻣﺎﻥ ﺟﻨﺐ ﺍﺧﻮﻫﺎ ﺯﻳﺎﺩ
ﻭﻧﺎﻇﺮﺕ ﻓﻲ ﻃﻼﻝ ﺑﺒﺘﺴﺎﻣﻪ ﻭﺑﺴﺮﻋﻪ ﻧﺰﻟﺖ ﺭﺍﺳﻬﺎ
ﻃﻼﻝ ( ﻓﺪﻳﺖ ﺍﻧﺎ ﺫﺍ ﺍﻟﻤﺒﺴﻢ .. ﺍﺫﻭﺏ ﺍﻧﺎ ) .. ﻃﻼﻝ ﺑﺒﺘﺴﺎﻣﻪ
ﻭﻫﻮ ﻳﻨﺎﻇﺮﻫﺎ : ﻛﻴﻒ ﺣﺎﻟﻚ ﻳﺎ ﻧﺠﻼ
ﻧﺠﻼ ﺑﺼﻮﺕ ﻫﺎﺩﺀ : ﺑﺨﻴﺮ
ﺯﻳﺎﺩ ﻭﻫﻮ ﻳﻤﺸﻲ ﺑﺘﺠﺎﻩ ﺍﻟﺒﺎﺏ : ﻳﺎﻟﻠﻪ ﺍﺧﻠﻴﻜﻢ ﺗﺎﺧﺬﻭﻥ ﺭﺍﺣﺘﻜﻢ
ﻃﻼﻝ ﻛﺎﻧﺖ ﻋﻴﻮﻧﻪ ﻣﻌﻠﻘﻪ ﻋﻠﻴﻬﺎ .. ﻟﻤﺎ ﺳﻤﻊ ﺻﻮﺕ ﺍﻟﺒﺎﺏ ﺗﺎﻛﺪ ﺍﻥ
ﺯﻳﺎﺩ ﻃﻠﻊ
ﻃﻼﻝ ﺑﺒﺘﺴﺎﻣﻪ ﻫﻮ ﻳﺎﺷﺮ ﻋﻠﻰ ﺍﻟﻜﻨﺒﻪ : ﺗﻔﻀﻠﻲ
ﻧﺠﻼ ﺍﺭﻓﻌﺖ ﻳﺪﻫﺎ ﻭﺑﺎﻃﺮﺍﻑ ﺍﺻﺎﺑﻌﻬﺎ ﻭﺧﺮﺕ ﺧﺼﻼﺕ ﻣﻦ ﺷﻌﺮﻫﺎ
ﺍﻟﻲ ﺟﺎﺕ ﻋﻠﻰ ﻋﻴﻮﻧﻬﺎ ﻭﻋﻠﻘﺘﻬﻢ ﺧﻠﻒ ﺍﺫﻧﻬﺎ ﻟﻜﻦ
ﻣﺒﻴﻦ ﺍﻥ ﻫﺬﻱ ﺍﻟﺨﺼﻼﺕ ﻣﺘﻤﺮﺩﻩ ﻣﺎ ﺗﺤﺐ ﺍﻟﻘﻴﻮﺩ ﺑﺴﺮﻋﻪ ﺍﺭﺟﻌﺖ
ﻟﺘﺨﺒﺄ ﺟﺰﺀ ﻣﻦ ﻣﻼﻣﺤﻬﺎ .. ﺍﺑﺘﺴﻤﺖ ﻟﻄﻼﻝ
ﺑﺨﺠﻞ ﻭﺟﻠﺴﺖ .. ﻃﻼﻝ ﻃﺎﺑﻌﺎ ﻛﺎﻥ ﻭﺍﻗﻒ ﻳﻨﺘﻈﺮﻫﺎ ﺗﺠﻠﺲ ﻋﻠﺸﺎﻥ
ﻳﺠﻠﺲ ﺑﻌﺪﻫﺎ .. ﻟﻤﺎ ﺷﺎﻓﻬﺎ ﺟﻠﺴﺖ ﺧﻂ ﺧﻄﻮﻩ
ﻭﺣﺪﻩ ﻭﺟﻠﺲ ﻋﻠﻰ ﺍﻟﻜﻨﺐ ﺍﻟﻲ ﻗﺮﻳﺒﻪ ﻣﻨﻬﺎ .. ﻭﻫﺬﺍ ﺍﻟﺸﻲﺀ ﺍﻟﻲ ﺯﺍﺩ
ﻣﻦ ﺧﺠﻞ ﻧﺠﻼ ﻭﻟﻤﺖ ﺟﺴﺪﻫﺎ ﻓﻲ ﻃﺮﻑ ﺍﻟﻜﻨﺐ
ﻃﻼﻝ ﻫﻮ ﻳﺘﺎﻣﻞ ﻣﻼﻣﺤﻬﺎ ﺑﺤﺐ : ﻣﺒﺮﻭﻭﻭﻙ
ﻧﺠﻼ ﺑﺒﺘﺴﺎﻣﻪ : ﺍﻟﻠﻪ ﻳﺒﺎﺭﻙ ﻓﻴﻚ
ﺍﻧﺘﺸﻠﻪ ﻣﻦ ﺫﻛﺮﻯ ﺍﻟﻤﺎﺿﻲ .. ﻣﻦ ﺍﺟﻤﻞ ﺍﻟﺤﻈﺎﺕ ﺍﻟﺘﻲ ﻋﺎﺷﻬﺎ .. ﻣﻦ
ﺛﻮﺍﻧﻲ ﻛﺎﻧﺖ ﺗﻤﺸﻲ ﺑﺒﻄﺎ ﻓﻲ ﺳﺎﻋﺎﺕ **** ﺑﻬﺎ
ﺳﺮﻳﻌﺖ ﺍﻟﺪﻭﺭﺍﻥ .. ﻣﻦ ﺍﻳﺎﻡ ﺗﻤﻨﻰ ﺍﻥ ﺗﻌﻮﺩ ﻭﻳﻌﻴﺶ ﻓﻴﻬﺎ ﻟﻼﺑﺪ ..
ﻣﻦ ﺍﺣﺴﺎﺳﺎ ﻛﺎﻥ ﻓﻲ ﺷﺒﺎﺑﻪ ﺍﻟﻰ ﺍﺣﺴﺎﺳﺎ ﺷﺎﺏ
ﻭﻫﻮ ﻓﻲ ﺷﺒﺎﺑﻪ .. ﻣﻦ ﻗﻠﺒﺎ ﻛﺎﻥ ﻳﻨﺒﺾ ﺑﺤﺐ .. ﺍﻟﻰ ﻗﻠﺐ ﻣﺎﺯﺍﻝ
ﻟﺤﺒﻬﺎ ﻧﺎﺑﺾ ..
ﻛﻤﺎﻝ ﻫﻮ ﻳﻬﺰ ﻛﺘﻒ ﻋﻤﻪ ﻃﻼﻝ ﺍﻟﻲ ﻛﺎﻥ ﻣﻐﻤﺾ ﻋﻴﻮﻧﻬﺎ ﻭﺟﺎﻟﺲ
ﻋﻠﻰ ﺍﻟﻜﺮﺳﻲ ﻓﻲ ﺍﻟﺤﺪﻳﻘﻪ ﻟﺤﺎﻟﻪ : ﺍﻳﻮﻫﺎ ﺍﻟﻌﻢ ﻣﺎ ﺫﺍ ﺑﻚ ﻗﺪ ﻏﻔﻮﺓ
ﻃﻼﻝ ﻫﻮ ﻋﺎﻗﺪ ﺣﻮﺍﺟﺒﻪ : ﺍﻗﻮﻝ ﻭﺧﺮ ﻳﺪﻙ .. ﻫﺰﻳﺘﻨﺎ
ﻛﻤﺎﻝ : ﺻﺎﺭ ﻟﻲ ﻓﺘﺮﻩ ﻭﺍﻧﺎ ﺍﻧﺎﺩﻳﻚ ﻣﺎ ﺳﻤﻌﺘﻨﻲ ﻗﻠﺖ ﻣﺎﻟﻲ ﺍﻟﻰ
ﺍﺳﺘﻌﻤﻞ ﻗﻮﺓ ﺍﻻﻫﺘﺰﺍﺯ ﺍﻟﺠﺴﺪﻱ ﻋﻠﺸﺎﻥ ﺗﺠﻠﺲ .. ﻭﺵ
ﻧﻮﻣﻚ ﺑﺬﺍ ﺍﻟﺤﺮ .. ﻭﺑﻌﺪﻳﻦ ﺍﺫﺍ ﺗﻌﺒﺎﻥ ﺭﻭﺡ ﻧﺎﻡ ﺑﺠﻨﺎﺣﻚ
ﻃﻼﻝ ﻫﻮ ﻳﻌﺪﻝ ﺷﻤﺎﺧﻪ ﺍﻟﻰ ﺗﻌﻔﺲ : ﻻ ﻣﺎ ﻛﻨﺖ ﻧﺎﻳﻢ ﺑﺲ ﻣﺎ ﺧﺬ
ﻏﻔﻮﻩ .. ﺍﻗﻮﻝ ﻛﻤﺎﻝ ﻣﺎ ﻛﺎﻥ ﺷﻬﺎﺏ ﻃﻮﻝ ﺩﺍﺧﻞ
ﻛﻤﺎﻝ : ﻫﻬﻬﻬﻬﻬﻬﻪ ﻫﻬﻪ ﺷﻬﺎﺏ ﻣﻦ ﺯﻣﺎﻥ ﻃﺎﻟﻊ .. ﻳﻤﻜﻦ ﺻﺎﺭ ﻟﻪ
ﺍﻟﺤﻴﻦ ﺳﺎﻋﺘﻴﻦ
ﻃﻼﻝ ﺑﺴﺘﻐﺮﺍﺏ : ﻭﺍﻟﻠﻪ .. ﻃﻴﺐ ﻭﻳﻦ ﺭﺍﺡ
ﻛﻤﺎﻝ : ﻭﺍﻟﻠﻪ ﻣﺪﺭﻱ ﻃﻠﻊ ﻣﻦ ﺩﺍﺧﻞ ﺍﻟﺒﻴﺖ ﻭﻋﻠﻰ ﻃﻮﻝ ﻋﻠﻰ ﺳﻴﺎﺭﺗﻪ
ﺣﺘﻰ ﻣﺎ ﻣﺮ ﺍﻟﻤﺠﻠﺲ ﻳﺴﻠﻢ ﻋﻠﻰ ﺍﻟﺮﺟﺎﻝ .. ﺍﻗﻮﻝ ﻋﻤﻲ ﺍﻧﺖ ﺣﺎﻁ
ﺟﻮﺍﻟﻚ ﻋﻠﻰ ﺍﻟﺼﺎﻣﺖ
ﻃﻼﻝ : ﻟﻴﻪ
ﻛﻤﺎﻝ : ﺩﺍﻗﻪ ﻋﻠﻲ ﻟﻴﻠﻰ ﺗﻘﻮﻝ ﻳﺪﻗﻮﻥ ﻋﻠﻰ ﺟﻮﺍﻟﻚ ﻣﺎ ﺗﺮﺩ ﻋﻠﻴﻬﻢ
ﻃﻼﻝ : ﺍﻟﻴﻮﻡ ﻓﻲ ﺭﻗﻢ ﻣﺰﻋﺠﻨﻲ .. ﻛﻞ ﻳﺪﻕ ﻋﻠﻲ ﻭﺍﺫﺍ ﺟﻴﺖ ﺑﺮﻓﻊ
ﻳﺴﻜﺮﻭﻥ ﺍﻟﺨﻂ ﺑﻮﺟﻬﻲ ﻭﺍﺫﺍ ﺭﺟﻌﺖ ﺩﻗﻴﺖ ﻋﻠﻰ ﺍﻟﺮﻗﻢ ﻣﺎ ﻳﺮﺩﻭﻥ ..
ﻭﻳﺮﺳﻞ ﻟﻲ ﺭﺳﺎﻳﻞ ﺗﻬﺪﻳﺪ ﻭﻛﻼﻡ ﻣﺎﻧﻲ ﻓﺎﻫﻤﻪ .. ﻗﻠﺖ ﺧﻠﻴﻨﻲ ﺍﺣﻄﻪ
ﺻﺎﻣﺖ ﺍﺯﻳﻦ ﻟﻲ
ﻛﻤﺎﻝ : ﺍﻛﻴﺪ ﻫﺬﻭﻟﻲ ﻧﺎﺱ ﻓﺎﺿﻴﻪ ﻣﺎ ﻋﻨﺪﻫﻢ ﻻﺷﻐﻠﻪ ﻭﻻ ﻣﺸﻐﻠﻪ
ﻃﻼﻝ : ﻧﺪﺭﻱ ﺍﻥ ﻫﻢ ﻧﺎﺱ ﻓﺎﺿﻴﻪ ﺑﺲ ﻋﺎﺩ ﻣﺎ ﻳﻘﻄﻮﻥ ﺑﻼﻫﻢ ﻋﻠﻴﻨﺎ
.. ﺣﻨﺎ ﻣﺤﻨﺎ ﻓﺎﺿﻴﻦ ﻟﻬﻢ .. ﺍﻟﻌﺼﺮ ﺩﻗﻴﺖ ﻋﻠﻰ
ﺧﻮﻳﻲ ﻓﻲ ﺷﺮﻛﺔ ﺍﻻﺗﺼﺎﻻﺕ ﻭﻗﻠﺖ ﻟﻪ ﻳﻄﻠﻊ ﻟﻲ ﻫﺬﺍ ﺍﻟﺮﻗﻢ ﺑﺎﺳﻢ
ﻣﻴﻦ
ﻛﻤﺎﻝ : ﻃﻴﺐ ﻃﻠﻊ ﺑﺎﺳﻢ ﻣﻴﻦ
ﻃﻼﻝ : ﻃﻠﻊ ﺑﺪﻭﻥ ﺍﺳﻢ .. ﻃﻴﺐ ﻣﺎﻋﻠﻴﻨﺎ ﻗﻠﻲ ﻟﻴﻠﻰ ﻭﺵ ﺑﻘﺖ
ﻛﻤﺎﻝ : ﻭﺍﻟﻠﻪ ﺑﻨﺎﺕ ﺍﺧﻮﺍﻧﻚ ﻧﺎﺱ ﻓﺎﺿﻴﻪ ﻳﺒﻮﻧﻚ ﺗﻄﻠﻌﻬﻢ ﺗﻤﺸﻴﻬﻢ ..
ﻃﺒﻌﺎ ﻫﻢ ﻃﻠﺒﻮ ﻣﻨﺎ ﺍﻧﺎ ﻭﻋﺒﺪﺍﻟﻌﺰﻳﺰ ﻧﻄﻠﻌﻢ ﺑﺲ
ﻋﺒﺪﺍﻟﻌﺰﻳﺰ ﻳﻘﻮﻝ ﺍﻥ ﻣﺎﻟﻪ ﺧﻠﻘﻬﻢ .. ﻭﺍﻧﺎ ﺍﻧﺴﺎﻥ ﺧﻠﺺ ﻣﺨﺰﻭﻥ
ﺍﻟﻄﺎﻗﻪ ﺣﻘﻲ ﻭﺍﻟﺤﻴﻦ ﺟﺎﻟﺲ ﺍﺳﺘﻌﻤﻞ ﺍﻟﻤﺨﺰﻭﻥ
ﺍﻻﺣﺘﻴﺎﻃﻲ .. ﺑﻨﺘﻈﺮ ﺷﻮﻱ ﻭﺑﺮﻭﺡ ﺍﻟﺒﻴﺖ ﻭﺑﺤﻂ ﺭﺍﺳﻲ ﻭﺑﻨﺎﻡ ..
ﺍﻛﻴﺪ ﺑﻜﺮﻩ ﺍﺑﻮﻱ ﺑﺰﻟﺰﻟﻨﻲ ﻣﻦ ﺍﻟﺼﺒﺢ ﺍﺟﻴﺐ ﻭﺍﻭﺩﻱ
ﻓــﻲ ﺍﻟﺼﺎﻟﻪ ..
ﻛﺎﻧﺖ ﺟﺎﻟﺴﻪ ﺍﻡ ﺿﺎﺭﻱ ﻣﻊ ﺍﻡ ﻧﺼﺎﺭ ﻣﻊ ﺍﻡ ﻋﺒﺪﺍﻟﻌﺰﻳﺰ ﻭﺍﻧﻔﺎﻝ
ﻭﻟﻴﻠﻰ ﻭﻣﻴﻼﻑ ﺑﻌﺪ ﻣﺎ ﻓﻘﺪﻭ ﺍﻻﻣﻞ ﺍﻥ ﺍﺣﺪ ﻳﻄﻠﻌﻬﻢ ﺟﻠﺴﻮ ﻣﻊ
ﺍﻟﺤﺮﻳﻢ ﻓﻲ ﺍﻟﺼﺎﻟﻪ
ﺍﻡ ﺿﺎﺭﻱ : ﻫﺎ ﻳﺎ ﺍﻡ ﻧﺼﺎﺭ ﻛﻔﻮﻙ ﺍﻟﺒﻄﺎﻗﺎﺕ ﺍﻟﻲ ﻋﻄﻴﺘﻚ ﺍﻳﺎﻫﻢ ﻭﻻ
ﺗﺒﻴﻦ ﺯﻭﺩ
ﺗﻤﺎﺿﺮ : ﻻ ﻛﻔﻮﻧﻲ ﺑﺲ ﻟﻴﻪ ﻣﻜﺘﻮﺏ ﻓﻴﻬﻢ ﻣﻤﻨﻮﻉ ﺍﺻﻄﺤﺎﺏ
ﺍﻻﻃﻔﺎﻝ .. ﻭﻳﻦ ﻳﻮﺩﻭﻥ ﺍﻟﻨﺎﺱ ﺍﻋﻴﺎﻟﻬﻢ
ﺍﻡ ﺿﺎﺭﻱ : ﻳﺨﻠﻮﻧﻬﻢ ﻋﻨﺪ ﺍﺑﻮﻫﻢ ﻭﻻ ﻋﻨﺪ ﺍﻟﺨﺪﺍﻣﻪ ﻭﻻ ﻋﻨﺪ ﺍﻟﺠﻴﺮﺍﻥ
ﻛﻞ ﻭﺍﺣﺪ ﻳﺘﺼﺮﻑ
ﺗﻤﺎﺿﺮ : ﻃﻴﺐ ﻭﺍﺫﺍ ﺍﻻﺑﻮ ﻣﺸﻐﻮﻝ ﻭﻣﺎﻋﻨﺪﻫﻢ ﺧﺪﺍﻣﻪ ﻭﻻ ﻋﻨﺪﻫﻢ
ﺍﺣﺪ ﻳﻤﺴﻚ ﺍﻋﻴﺎﻟﻬﻢ
ﺍﻡ ﻋﺒﺪﺍﻟﻌﺰﻳﺰ ﺩﺍﺧﻠﻪ ﻋﺮﺽ : ﻻ ﻳﺠﻮﻥ ﺍﻟﺰﻭﺍﺝ .. ﻗﻠﺘﻬﻢ ﺍﻓﻀﻞ
ﺍﻡ ﺿﺎﺭﻱ ﻧﺎﻇﺮﺕ ﺍﻡ ﻋﺒﺪﺍﻟﻌﺰﻳﺰ : ﺍﻟﻔﺮﺡ ﻣﺎ ﻳﺘﻢ ﺍﻟﻰ ﺑﺎﻟﻤﻌﺎﺯﻳﻢ
ﺗﻤﺎﺿﺮ : ﺍﻧﺎ ﺑﻜﺮﻩ ﺑﻮﻗﻒ ﻋﻨﺪ ﺍﻟﺒﺎﺏ ﺍﻟﻲ ﺍﻋﺮﻓﻪ ﻣﻦ ﺍﻻﻫﻞ ﺑﺪﺧﻠﻪ ﻣﻊ
ﺍﻋﻴﺎﻟﻪ
ﺍﻡ ﻋﺒﺪﺍﻟﻌﺰﻳﺰ : ﺍﺟﻞ ﺍﻟﻌﺮﺱ ﺑﺼﻴﺮ ﺭﻭﺿﺔ ﺍﻃﻔﺎﻝ
ﻗﺎﻃﻌﻬﻢ ﺳﺎﻟﻢ ﻭﻫﻮ ﺩﺍﺧﻞ ﺍﻟﺼﺎﻟﻪ ﺑﺒﺮﺍﺀﻩ : ﻳﻤﺎ ﻳﻘﻮﻟﻚ ﺍﺑﻮﻱ ﻳﺎﻟﻠﻪ
ﺑﻨﺮﻭﺡ ﺍﻟﺒﻴﺖ
ﺗﻤﺎﺿﺮ : ﻃﻴﺐ .. ﻳﺎﻟﻠﻪ ﺍﻧﻔﺎﻝ ﻳﻤﺎ ﻗﻮﻣﻲ ﻟﺒﺴﻲ ﻋﺒﺎﺗﻚ
ﺍﻧﻔﺎﻝ ﻭﻫﻲ ﻗﺎﻳﻤﻪ : ﺍﻥ ﺷﺄﻟﻠﻪ
ﺍﻡ ﺿﺎﺭﻱ ﻭﻫﻲ ﺗﻨﺎﻇﺮ ﺍﻧﻔﺎﻝ : ﺍﻧﻔﺎﻝ ﺧﻠﻴﻚ ﻋﻨﺪﻧﺎ ﺍﻟﻴﻮﻡ
ﺍﻧﻔﺎﻝ ﺑﺒﺘﺴﺎﻣﻪ : ﻭﺩﻱ ﺍﻧﺎﻡ ﺍﻟﻴﻠﻪ ﻋﻨﺪ ﺍﻣﻲ
ﺍﻡ ﺿﺎﺭﻱ : ﺑﺮﺍﺣﺘﻚ ﺑﺲ ﻋﺎﺩ ﺑﻜﺮﻩ ﺑﻮﺻﻲ ﺍﻟﺴﺎﻳﻖ ﻳﻤﺮ ﻋﻠﻴﻚ ﺑﺪﺭﻱ
ﺍﻟﺴـــﺎﻋﻪ 3 ﻭﻧﺼﻒ .. ﻟﻴﻼ .. ﻓﻲ ﻏﺮﻓﺔ ﺷﻬﺎﺏ ..
ﻛﺎﻧﺖ ﺍﻟﻐﺮﻓﻪ ﺷﺒﻪ ﻣﻈﻠﻤﻪ ﻭﺍﻻﺛﺎﺙ ﻣﺎ ﻳﺒﻴﻦ ﻣﻨﻪ ﺍﻻ ﻫﻴﺄﺗﻪ .. ﻛﺎﻥ
ﺷﻬﺎﺏ ﻣﻨﺴﺪﺡ ﻋﻠﻰ ﺳﺮﻳﺮﻩ ﻭﻳﺤﺎﻭﻝ ﻳﻨﺎﻡ ﻟﻜﻨﻪ ﻣﺎ
ﻳﻘﺪﺭ .. ﺍﻻﻓﻜﺎﺭ ﺗﺘﻀﺎﺭﺏ ﻓﻲ ﺭﺍﺳﻪ ﻟﺪﺭﺟﻪ ﺍﻧﻪ ﻣﺎ ﻳﻘﺪﺭ ﻳﻤﻴﺰ ﺑﻴﻦ
ﻓﻜﺮ ﻭﻓﻜﺮﻩ ﻛﻞ ﺷﻲﺀ ﻣﻠﺨﺒﻂ .. ﺗﻤﺮ ﻋﻠﻴﻪ ﺻﻮﺭ
ﻣﻦ ﺍﻟﻤﺎﺿﻲ ﺍﻟﻘﺮﻳﺐ .. ﻭﺻﻮﺭ ﻳﺮﻛﺒﻬﺎ ﻟﻠﻤﺴﺘﻘﺒﻞ ﺍﻟﻐﺮﻳﺐ ﻻ ﻳﺪﺭﻱ ﻣﺎ
ﺍﻟﻐﺮﺍﺑﻪ ﻓﻴﻪ ﻟﻜﻨﻪ ﺧﺎﺭﺝ ﻋﻦ ﺍﺭﺍﺩﺗﻲ ﻟﺬﺍ ﺳﻴﻈﻞ
ﻏﺮﻳﺒﺎ ﻋﻠﻲ ﻭﻻ ﺍﺳﺘﻄﻴﻊ ﺍﻥ ﺍﻋﻴﺶ ﻭﺍﺗﻌﺎﻳﺶ ﻣﻌﻪ .. ﻭﻻ ﺍﺭﻳﺪ ﺍﻥ
ﺍﺣﺎﻭﻝ ﻻﻧﻲ ﻻ ﺍﺧﻀﻊ ﻟﻘﺪﺭﺍ ﻭﺿﻴﻌﺘﻮ ﻓﻴﻪ ﻣﻦ ﻏﻴﺮ
ﺭﺿﻰ ﻣﻨﻲ ( ﻳﺎﺍﻟﻠﻪ ﻣﺎﻧﻲ ﻗﺎﺩﺭ ﺍﺗﺼﻮﺭ ﺍﻥ ﺑﻜﺮﻩ ﺯﻭﺍﺟﻲ ﻣﻦ ﺑﻨﺖ
ﻋﻤﻲ .. ﻣﺎﻧﻲ ﻣﺘﻘﺒﻞ ﻓﻜﺮﺓ ﺍﻥ ﻳﺮﺑﻄﻨﻲ ﺷﻲﺀ ﺑﻬﺬﻱ
ﺍﻻﻧﺴﺎﻧﻪ ﺍﻟﻲ ﺷﻔﺘﻬﺎ ﺍﻟﻴﻮﻡ .. ﻛﻴﻒ ﺑﺘﻌﺎﻣﻞ ﻣﻌﻬﺎ .. ﺃﻱ ﺍﺳﻠﻮﺏ
ﺍﺗﺒﻌﻪ ﻓﻲ ﺍﻟﺘﻌﺎﻣﻞ ﻣﻌﻬﺎ .. ﺍﻧﺎ ﻣﺎﻧﻲ ﻃﺎﻳﻖ ﺍﺳﻤﻬﺎ ﻛﻴﻒ
ﺑﺘﺤﻤﻞ ﻗﺮﺑﻬﺎ ﻣﻨﻲ .. ﺍﻓﻀﻞ ﺷﻲﺀ ﺍﻥ ﺍﺻﺎﺭﺣﻬﺎ ﻣﻦ ﺍﻟﺒﺪﺍﻳﻪ ﻭﺍﻗﻮﻝ
ﻟﻬﺎ ﺍﻧﻲ ﺑﺘﺰﻭﺟﻬﺎ ﺑﺲ ﻋﻠﺸﺎﻥ ﺍﺭﺿﻲ ﺍﺑﻮﻱ
ﻭﻋﻤﻲ ﻭﺍﻧﺎ ﺯﻭﺍﺟﻨﺎ ﺑﺼﻴﺮ ﺑﺲ ﻋﻠﻰ ﻭﺭﻕ ﻭﻗﺪﺍﻡ ﺍﻻﻫﻞ .. ﻭﺑﺮﺳﻢ ﻟﻬﺎ
ﺧﻄﻮﻁ ﺗﻮﻗﻒ ﻋﻨﺪﻫﺎ ﻭﻣﺎ ﺗﺘﺪﺧﻞ ﺑﺤﻴﺎﺗﻲ
ﻭﺑﻘﻮﻝ ﻟﻬﺎ ﺗﻌﻴﺶ ﺣﻴﺎﺗﻬﺎ ﻭﺗﺨﻠﻴﻨﻲ ﺍﻋﻴﺶ ﺣﻴﺎﺗﻲ ﻣﺜﻞ ﻣﺎ ﺍﺑﻲ ..
ﻃﻴﺐ ﺍﻟﻰ ﻣﺘﻰ ﺑﻨﻈﻞ ﻛﺬﺍ .. ( ﺿﺎﻗﺖ ﻋﻴﻮﻧﻪ ﻟﻤﺎ ﻓﻜﺮ
ﺑﻜﻼﻡ ﻣﺴﺎﻋﺪ ) .. ﻛﻴﻒ ﺍﺧﻠﻴﻬﺎ ﺗﻄﻠﺐ ﺍﻟﻄﻼﻕ .. ﺍﻫﻤﻠﻬﺎ .. ﺍﺟﺮﺣﻬﺎ
.. ﺍﻫﻴﻨﻬﺎ .. ﺍﺫﻟﻬﺎ .. ﺍﺳﺘﺼﻐﺮﻫﺎ .. ﻻ ﻻ . ﺑﺲ
ﻫﺬﻱ ﻣﻮ ﻣﻦ ﺍﻃﺒﺎﻋﻲ .. ﻭﺍﻟﻠﻪ ﺍﻟﺪﻧﻴﺎ ﻏﺮﻳﺒﻪ ﺍﻟﻮﺍﺣﺪ ﻳﺴﻬﺮ ﻣﻦ
ﺍﻟﻔﺮﺣﻪ ﺑﺰﻭﺍﺟﻪ ﻭﻭﺩﻩ ﻳﻐﻤﺾ ﻋﻴﻮﻧﻪ ﻭﻳﻔﺘﺤﻬﺎ ﻋﻠﻰ
ﺯﻓﺘﻪ .. ﻟﻜﻦ ﺍﻧﺎ ﺍﻟﻨﻮﻡ ﻣﺠﺎﻓﻴﻨﻲ ﻣﻦ ﻛﺜﺮ ﺍﻟﺘﻔﻜﻴﺮ ﻛﻴﻒ ﺍﺗﺨﻠﺺ ﻣﻦ
ﻫﺬﺍ ﺍﻟﺰﻭﺍﺝ .. ﻭﻭﺩﻱ ﺍﻏﻤﺾ ﻋﻴﻮﻧﻲ ﻭﺍﻓﺘﺤﻬﺎ
ﻭﺍﻧﺎ ﻣﺴﻠﻤﻬﺎ ﻭﺭﻗﺔ ﺍﻟﻄﻼﻕ .. ﺍﻟﻤﺼﻴﺒﻪ ﺍﻧﻬﺎ ﺑﻨﺖ ﻋﻤﻲ ﻳﻌﻨﻲ ﻻﺯﻡ
ﺍﺣﻂ ﻋﻠﻰ ﻫﺬﻱ ﺍﻟﻜﻠﻤﻪ ﻋﺸﺮ ﺧﻄﻮﻁ ﻭﺍﺣﺴﺐ
ﺣﺴﺎﺑﻬﺎ ﻓﻲ ﺃﻱ ﺧﻄﻮﻃﻪ ﻧﺎﻭﻱ ﺍﺧﻄﻴﻬﺎ ﻣﻌﻬﺎ .. ﻳﻌﻨﻲ ﻫﻲ ﻣﻮ
ﻟﺤﺎﻟﻬﺎ ﺍﻭ ﻣﺎﻟﻬﺎ ﺳﻨﺪ ﻭﺭﺍﻫﺎ ﺭﺟﺎﻝ ﻋﻤﻲ ﺑﻮ ﺿﺎﺭﻱ
ﻭﻋﻤﻲ ﻃﻼﻝ .. ﻳﻌﻨﻲ ﻣﻮ ﺑﻌﻴﺪﻩ ﺗﻘﻮﻝ ﻟﻬﻢ ﺃﻱ ﺷﻲﺀ ﻳﺼﻴﺮ ﺑﻴﻨﺎ
ﻭﻳﺪﺧﻠﻮﻥ ﻭﺗﻜﺒﺮ ﺍﻟﺴﺎﻟﻔﻪ ﻭﻳﺪﺧﻞ ﺑﻌﺪ ﺍﺑﻮﻱ
( ﺭﻓﻊ ﺷﻬﺎﺏ ﻳﺪﻩ ﻭﺑﻌﺜﺮ ﺷﻌﺮﻩ ﻭﻛﺎﻧﻪ ﻳﺤﺎﻭﻝ ﻳﻌﻄﻞ ﻋﻘﻠﻪ ﻭﻳﺒﻌﺪ
ﺍﻻﻓﻜﺎﺭ ﻋﻨﻪ ) .. ﻳﻮﻭﻭﻩ ﺍﻧﺎ ﻭﺵ ﻓﻴﻨﻲ ﻗﻤﺖ ﺍﺳﺘﺒﻖ
ﺍﻻﺣﺪﺍﺙ .. ﺧﻠﻴﻨﻲ ﺍﻧﺎﻡ ﻭﺑﻜﺮﻩ ﻳﺼﻴﺮ ﺧﻴﺮ ﺩﺍﻡ ﺍﻧﺎ ﻭﻫﻲ ﺑﻘﺮﺍﺏ
ﻭﺍﺣﺪ ﻭﺍﻧﺎ ﺟﺎﻟﺲ ﻓﻲ ﻣﻘﺪﻣﺔ ﺍﻟﻘﺎﺭﺏ ﻭﻭﺍﺣﺪ ﻣﻦ ﺍﻟﻤﺠﺎﺩﻳﻒ ﺑﻴﺪﻱ
ﺍﻗﺪﺭ ﺍﺗﺤﻜﻢ ﺑﺴﻴﺮ ﺍﻟﻘﺎﺭﺏ ﻭﺍﺣﺮﻛﻪ ﺑﺎﻻﺗﺠﺎﻩ ﺍﻟﻲ ﻳﻌﺠﺒﻨﻲ
ﺑﺤﺮﻛﻪ ﺳﺮﻳﻌﻪ ﻣﻦ ﻳﺪﻩ ﺿﻐﻂ ﻋﻠﻰ ﺯﺭ ﺍﻟﻤﺴﺠﻞ .. ﺍﻟﻤﻮﺟﻮﺩ ﻋﻠﻰ
ﺍﻟﻄﺎﻭﻟﻪ ﺍﻟﻘﺮﻳﺒﻪ ﻣﻦ ﺍﻟﺴﺮﻳﺮ ﻭﺑﺪﻯ ﺻﻮﺕ
ﺍﻟﻤﻮﺳﻴﻘﻰ ﻟﻜﻼﺳﻜﻴﻪ ﻳﺘﺴﻠﻞ ﺍﻟﻰ ﺟﻮ ﺍﻟﻐﺮﻓﻪ ﻟﻢ ﻳﻀﻐﻂ ﻋﻠﻰ ﺍﻟﺰﺭ
ﻋﺸﻘﺎ ﻟﻼﺟﻮﺍﺀ ﺍﻟﺮﻭﻣﻨﺴﻴﻪ ﻭﺍﻧﻤﺎ ﺑﺤﺚ ﻋﻠﻰ ﺍﻟﻘﻠﻴﻞ ﻣﻦ ﺍﻟﻬﺪﻭﺀ
ﻭﺍﻟﺴﻜﻴﻨﻪ
ﺍﺷـــﺮﺕ ﺷﻤﺲ ﺍﻟﻴﻮﻡ ﺍﻟﺬﻱ ﺳﻴﺒﻘﻰ ﻣﺨﻠﺪ ﻓﻲ ﺍﻟﺘﺎﺭﻳﺦ ﻭﺭﺍﺳﺨﺎ ﻓﻲ
ﺍﺫﻫﺎﻥ ﺍﻟﺒﻌﺾ ﺑﺠﻤﻴﻊ ﻟﺤﻈﺎﺗﻪ ﺍﻟﻤﻔﺮﺣﻪ
ﻭﺍﻟﻤﺤﺰﻧﻪ ﻣﻨﻬﻢ ﻣﻦ ﺍﻧﺘﻈﺮ ﺷﻤﺲ ﻫﺬﺍ ﺍﻟﻴﻮﻡ ﺍﻥ ﺗﺸﺮﻕ ﻭﻣﻨﻬﻢ ﻣﻦ
ﺍﻏﻤﺾ ﺍﺟﻔﺎﻧﻪ ﺍﻣﻼ ﺍﻥ ﺍﻟﻴﻞ ﻳﻄﻮﻝ ﻭﻻ ﻳﺮﻯ ﻧﻮﺭ
ﺍﻟﺸﻤﺲ ﺍﻟﻤﺸﺮﻗﻪ .. ﻭﻣﻨﻬﻢ ﻣﻦ ﻛﺎﻥ ﻫﺬﺍ ﺍﻟﺼﺒﺎﺡ ﻛﺄﻱ ﺻﺒﺎﺡ ﻣﺸﺮﻗﺎ
ﻭﺻﺎﻓﻴﺎ
ﺍﻟﺴﺎﻋﻪ 8 ﻭﺍﻟﻨﺼﻒ .. ﻛﺎﻥ ﻋﺒﺪﺍﻟﺮﺣﻤﻦ ﺑﻄﺮﻳﻘﻪ ﺍﻟﻰ ﺍﻟﺒﻴﺖ ﺑﻌﺪ ﺍﻥ
ﺍﻭﺻﻞ ﻭﺍﻟﺪﻩ ﺍﻟﻤﺰﻭﻋﻪ ..
ﺣﻠﻮﻩ ﺷﻤﺲ ﺍﻟﺼﺒﺎﺡ .. ﻭﺣﻠﻮ ﺍﻟﺸﻮﺍﺭﻉ ﺑﻬﺬﺍ ﺍﻟﻮﻗﺖ ﻫﺎﺩﺀﻩ ﻟﻜﻦ
ﻣﻀﻮﻳﻪ .. ﻟﻜﻦ ﺍﻟﻮﺍﺣﺪ ﻳﺜﻴﻘﻞ ﻳﺠﻠﺴﺖ ﺍﻟﺼﺒﺎﺡ ﻭﺍﻟﻠﻪ
ﻣﺎ ﻓﻲ ﺍﺣﻠﻰ ﻣﻦ ﺍﻟﻨﻮﻡ .. ﻭﻳﻨﻚ ﻳﺎ ﺍﻟﺴﺮﻳﺮ ﻧﺎﻓﺬﻳﻦ ﻭﺍﻧﺎ ﻭﺍﺻﻞ ﻟﻚ
ﻭﻣﺘﺪﻓﻲ ﻓﻴﻚ ﺧﻠﻴﻨﻲ ﺍﻧﺎﻡ ﺍﻟﺤﻴﻦ ﻭﺑﻌﺪﻳﻦ ﻧﺼﺒﺢ
ﻋﻠﻰ ﺷﻤﺲ ﺍﻟﻈﻬﺮ ﺍﻟﺤﺮﺍﻗﻪ .. ﺳﻤﻊ ﻋﺒﺪﺍﻟﺮﺣﻤﻦ ﺻﻮﺕ ﺟﻮﺍﻟﻪ ﻳﺮﻥ
ﺍﺳﺘﻐﺮﺏ ﻣﻦ ﺩﺍﻕ ﺑﻬﺬﺍ ﺍﻟﻮﻗﺖ ﺍﻟﻴﻮﻡ ﺍﻟﺨﻤﻴﺲ ﻣﺤﺪ ﺟﺎﻟﺲ ﻣﻦ
ﺍﻟﺼﺒﺎﺡ ﺍﻛﻴﺪ ﺍﻟﻮﺍﻟﺪ ﻳﺒﻲ ﺷﻲﺀ ﻭﻻ ﻧﺎﺳﻲ ﺷﻲﺀ
ﺑﺎﻟﺴﻴﺎﺭﻩ ..
ﻃﻠﻊ ﻋﺒﺪﺍﻟﺮﺣﻤﻦ ﺟﻮﺍﻟﻪ ﻣﻦ ﻣﺨﺒﺎﺕ ﺍﻟﺜﻮﺏ ﻭﻗﺮﺑﻪ ﻣﻦ ﺍﺫﻧﻪ ﻋﻠﻰ
ﻃﻮﻝ ﻭﺭﺩ ﺑﺪﻭﻥ ﻣﺎ ﻳﺸﻮﻑ ﺍﻟﺮﻗﻢ
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ : ﻳﺎﻫﻼﺍﺍ
ﻋﻠﻴﺎ ﺑﺼﻮﺕ ﻣﺨﻨﻮﻕ : ﻫﻼﺍ ﻋﺒﺪﺍﻟﺮﺣﻤﻦ
ﻋﺒﺪﺍﻟﺮﺣﻤﻦ ﺍﺗﺼﺎﻝ ﻋﻠﻴﺎ ﻣﻔﺎﺟﺎﻩ ﻟﻪ ﻭﻟﻜﻦ ﺍﻟﻤﻔﺎﺟﺎﻩ ﺍﻻﻛﺒﺮﻯ ﻧﺒﺮﺓ
ﺻﻮﺗﻬﺎ : ﻫﻼﺍ ﻋﻤﻪ .. ﺻﺒﺎﺡ ﺍﻟﺨﻴﺮ
ﻋﻠﻴﺎ : ﺻﺒﺎﺡ ﺍﻟﻨﻮﺭ .. ﻋﺒﺪﺍﻟﺮﺣﻤﻦ ﺍﻧﺖ ﻭﻳﻦ
ﻋﺒﺪﺍﻟﺮﺣﻤﻦ : ﺭﺍﺟﻊ ﺍﻟﺒﻴﺖ
ﻋﻠﻴﺎ ﺑﺘﺮﺩﺩ : ﻋﺒﺪﺍﻟﺮﺣﻤﻦ ﺗﻘﺪﺭ ﺗﻤﺮ ﻋﻠﻲ ﺍﺑﻲ ﺍﺭﻭﺡ ﻣﻌﻚ ﺍﻟﺒﻴﺖ
ﻋﺒﺪﺍﻟﺮﺣﻤﻦ : ﻣﻦ ﻋﻴﻮﻧﻲ ﺧﻠﻚ ﺟﺎﻫﺰﻩ ﻧﺼﻒ ﺳﺎﻋﻪ ﻭﺍﻧﺎ ﻋﻨﺪﻙ
ﻋﻠﻴﺎ : ﻃﻴﺐ
ﺳﻜﺮ ﻋﺒﺪﺍﻟﺮﺣﻤﻦ ﻣﻦ ﻋﻠﻴﺎ ﻭ ﻫﻮ ﻣﺴﺘﻐﺮﺏ ﻣﻦ ﻧﺒﺮﺓ ﺻﻮﺗﻬﺎ ﺷﻜﻠﻬﺎ
ﻣﻦ ﺍﻣﺲ ﻣﺎ ﻧﺎﻣﺖ ﻭﻣﻮ ﺑﻌﻴﺪﻩ ﻗﻀﺖ ﺍﻟﻴﻞ
ﺑﻄﻮﻟﻪ ﺗﺒﻜﻲ .. ﻟﻜﻦ ﻓﺮﺡ ﻟﻤﺎ ﺩﻗﺖ ﻋﻠﻴﻪ ﻭﻗﺎﻟﺖ ﻟﻪ ﺍﻥ ﺑﺘﺮﻭﺡ ﻣﻌﻪ
ﺍﻟﺒﻴﺖ ﻋﻠﻰ ﺍﻻﻗﻞ ﻣﺎ ﺗﻈﻞ ﻟﺤﺎﻟﻬﺎ ﻭﻳﻬﺰﻣﻬﺎ ﺍﻟﺘﻔﻜﻴﺮ ﻧﻜﻮﻥ ﺣﻨﺎ ﺣﻮﻟﻬﺎ
ﻭﻣﺎ ﻧﻌﻄﻲ ﺃﻱ ﻣﺠﺎﻝ ﻟﻠﺘﻔﻜﻴﺮ .. ﻭﻫﺬﻱ ﺧﻄﻮﻩ ﺣﻠﻮﻩ ﻣﻦ ﻋﻤﺘﻪ ﻋﻠﻴﺎ
ﻏﻴﺮ ﻣﺘﻮﻗﻌﻪ
ﺑﻌﺪ ﻣﺎ ﻣﺮ ﻋﺒﺪﺍﻟﺮﺣﻤﻦ ﻋﻤﺘﻪ ﻋﻠﻴﺎ .. ﻣﺮ ﺑﻮﻓﻴﻪ ﻭﺷﺮﺍ ﻋﺒﺪﺍﻟﺮﺣﻤﻦ
ﺳﻨﺪﻭﻳﺸﺎﺕ ﻓﻼﻓﻞ ﻭﻋﺼﻴﺮ ﺑﺮﺗﻘﺎﻝ ﻟﻠﻔﻄﻮﺭ
ﻭﺻﻠﻮ ﺍﻟﺒﻴﺖ ﺍﻭﻝ ﻣﺎ ﺍﺩﺧﻠﻮ ﻃﺒﻌﺎ ﻛﺎﻥ ﺍﻟﺒﻴﺖ ﻫﺎﺩﺀ .. ﺍﺟﻠﺴﻮ
ﺑﺎﻟﺼﺎﻟﻪ ﻳﻔﻄﺮﻭﻥ ..
ﻋﺒﺪﺍﻟﺮﺣﻤﻦ : ﻋﻤﻪ ﺗﺒﻴﻦ ﺍﺟﻴﺐ ﻟﻚ ﻛﺎﺱ ﻓﻲ ﺛﻠﺞ ﻭﻻ ﺗﺤﺒﻴﻦ
ﺍﻟﻌﺼﻴﺮ ﻛﺬﺍ ﻣﻌﺘﺪﻝ ﺍﻟﺒﺮﻭﺩﻩ
ﻋﻠﻴﺎ : ﻻ ﻛﺬﺍ ﺍﻓﻀﻞ .. ﻋﺒﺪﺍﻟﺮﺣﻤﻦ
ﻋﺒﺪﺍﻟﺮﺣﻤﻦ : ﻫﻼ
ﻋﻠﻴﺎ : ﺍﻧﺖ ﺩﺍﺋﻤﺎ ﺗﺠﻠﺲ ﻣﻦ ﺍﻟﺼﺒﺎﺡ
ﻋﺒﺪﺍﻟﺮﺣﻤﻦ : ﻻﻻ .. ﺑﺲ ﺍﻟﻴﻮﻡ ﺟﻠﺴﻨﻲ ﺍﺑﻮﻱ ﻋﻠﺸﺎﻥ ﺍﻭﺻﻠﻪ
ﺍﻟﻤﺰﻭﻋﻪ ﻻﻥ ﺳﻴﺎﺭﺗﻪ ﺗﻌﻄﻠﺖ .. ( ﻳﻜﻤﻞ ﻫﻮ ﻳﺘﺎﻣﻞ ﻣﻼﻣﺢ
ﻋﻤﺘﻪ ) .. ﻋﻤﻪ ﺷﻜﻠﻚ ﻣﺎ ﻧﻤﺘﻲ ﻣﻦ ﺍﻣﺲ .. ﻭﺟﻬﻚ ﺫﺑﻼﻥ
ﻋﻠﻴﺎ ﺍﻛﺘﻔﺖ ﺑﻬﺰ ﺭﺍﺳﻬﺎ ﻭﺣﺒﺖ ﺗﻐﻴﺮ ﺍﻟﻤﻮﺿﻮﻉ : ﻭﻳﻦ ﺳﺠﻰ ﻭﺣﻤﺪ
ﻋﺒﺪﺍﻟﺮﺣﻤﻦ : ﺍﻛﻴﺪ ﻧﺎﻳﻤﻴﻦ ﺣﻤﺪ ﻃﺒﻌﺎ ﺍﺧﺮ ﻭﺍﺣﺪ ﻳﺠﻠﺲ ﺑﺎﻟﺒﻴﺖ ﻻﻥ
ﻫﻮ ﺍﺧﺮ ﻭﺍﺣﺪ ﻳﻨﺎﻡ ﻭﺳﺠﻰ ﻣﺴﻮﻱ ﺣﺎﻟﺔ ﺍﺿﺮﺍﺏ
ﻭﺍﻋﺘﻜﺎﻑ ﺻﺎﺭ ﻟﻬﺎ ﻛﻢ ﻳﻮﻡ ﻣﺎ ﺗﻄﻠﻊ ﻣﻦ ﺍﻟﻐﺮﻓﻪ ﻭﻣﺎ ﺗﻜﻠﻢ ﺍﺣﺪ
ﻳﻌﻨﻲ ﻣﺴﻮﻱ ﻓﻴﻬﺎ ﺯﻋﻼﻧﻪ ﺑﻘﻮﻩ
ﻋﻠﻴﺎ ﺑﻬﺘﻤﺎﻡ : ﻟﻴﻪ ﻣﻦ ﺍﻟﻲ ﻣﺰﻋﻠﻬﺎ
ﻋﺒﺪﺍﻟﺮﺣﻤﻦ : ( ﻭﻗﺎﻝ ﻟﻬﺎ ﻛﻞ ﺍﻟﻲ ﺻﺎﺭ ) .. ﻭﻫﺬﺍ ﺍﻟﻲ ﺻﺎﺭ ﺑﺨﺘﺼﺎﺭ
.. ﻋﺎﺩ ﻋﻤﻲ ﻭﺍﻓﻲ ﻗﺎﻝ ﻳﺒﻲ ﻳﻜﺴﺮ ﺭﺍﺳﻬﺎ
ﻭﺻﺎﻧﺎ ﺍﻥ ﻣﺎ ﻧﻘﺮﺏ ﻣﻨﻬﺎ ﻭﻣﺤﺪ ﻳﺮﺍﺿﻴﻬﺎ
ﻋﻠﻴﺎ ﺑﺒﺘﺴﺎﻣﻪ ﺑﺎﻫﺘﻪ : ﻃﻴﺐ ﺍﻟﻰ ﻣﺘﻰ
ﻋﺒﺪﺍﻟﺮﺣﻤﻦ : ﻣﺪﺭﻱ ﻟﻤﻦ ﺗﻔﻚ ﻣﻦ ﻋﻨﺎﺩﻫﺎ .. ﺍﻗﻮﻝ ﺧﺬﺗﻨﺎ ﺍﻟﺴﻮﺍﻟﻒ
ﻭﺣﻤﺖ ﺍﻟﺸﻤﺲ ﻳﺎﻟﻠﻪ ﻗﻮﻣﻲ ﻧﻨﺎﻡ
ﻋﻠﻴﺎ ﺍﺳﺘﺤﺖ ﺗﻘﻮﻟﻪ ﻭﻳﻦ ﺗﻨﺎﻡ ﻭﺧﺎﺻﻪ ﺍﻥ ﻫﻲ ﺻﺎﺭ ﻟﻬﺎ ﻓﺘﺮﻩ ﻃﻮﻳﻠﻪ
ﻣﺎ ﺟﺎﺕ ﻫﻨﺎ ﺣﺘﻰ ﺗﺤﺲ ﺍﻥ ﺍﻟﺒﻴﺖ ﻣﺘﻐﻴﺮ ﻋﻠﻴﻬﺎ ﻛﺜﻴﺮ
ﻋﺒﺪﺍﻟﺮﺣﻤﻦ ﻋﺮﻑ ﻣﻦ ﺗﺮﺩﺩﻫﺎ ﻓﻲ ﺍﻟﻮﻗﻮﻑ ﺍﻧﻬﺎ ﻣﻮ ﻋﺎﺭﻓﻪ ﻭﻳﻦ
ﺗﺮﻭﺡ : ﻋﻤﻪ ﺗﻌﺎﻟﻲ ﻣﻊ ﻓﻮﻕ ﻭﻧﺎﻡ ﻓﻲ ﻏﺮﻓﺔ ﺍﻟﻀﻴﻮﻑ ﻭﺍﺫﺍ ﻣﺎ
ﻋﺠﺒﺘﻚ ﻧﺎﻣﻲ ﻓﻲ ﻏﺮﻓﺘﻲ
ﻋﻠﻴﺎ : ﻃﻴﺐ
ﻋﺒﺪﺍﻟﺮﺣﻤﻦ ﺣﺎﻭﻝ ﻗﺪﺭ ﻣﺎ ﻳﻘﺪﺭ ﺍﻥ ﻳﺤﺴﺲ ﻋﻠﻴﺎ ﺑﺎﻻﻣﺎﻥ ﻻﻧﻬﺎ ﻓﻌﻼ
ﻣﺤﺘﺎﺟﻪ ﻟﻬﺬﺍ ﺍﻻﺣﺴﺎﺱ ﻭﺧﺎﺹ ﺍﻥ ﻫﻮ ﻋﺎﺭﻑ
ﺍﻥ ﻋﻠﻴﺎ ﺗﺤﺎﻭﻝ ﺍﻥ ﺗﻬﺮﺏ ﻣﻦ ﺷﻲﺀ ﺑﺪﺍﺧﻠﻬﺎ ﺍﻭ ﺷﻲﺀ ﺗﺤﺲ ﺍﻧﻬﺎ ﻟﻮ
ﺟﻠﺴﺖ ﻟﺤﺎﻟﻬﺎ ﻣﻤﻜﻦ ﻳﺴﻴﻄﺮ ﻋﻠﻴﻬﺎ ﻭﻳﺸﻞ
ﻋﻘﻠﻬﺎ ﻟﺬﺍ ﻋﺒﺪﺍﻟﺮﺣﻤﻦ ﻣﺎ ﺣﺎﻭﻝ ﻳﺒﻴﻦ ﻟﻬﺎ ﺍﻥ ﻫﻮ ﻋﺎﺭﻑ ﻋﻦ
ﺍﻟﻤﻮﺿﻮﻉ ﺍﻟﻲ ﻓﺎﺗﺤﻬﺎ ﻓﻴﻪ ﻭﺍﻓﻲ ﻭﻻ ﺣﺎﻭﻝ ﻳﺴﺄﻟﻬﺎ ﻋﻦ
ﺳﺒﺐ ﺳﻬﺮﻫﺎ ﺍﻭ ﺳﺒﺐ ﺍﻟﺒﺤﻪ ﺍﻟﻲ ﻓﻲ ﺻﻮﺗﻬﺎ .. ﻫﻮ ﺻﺤﻴﺢ ﻣﺎ ﻳﺒﻲ
ﻳﺴﺒﻖ ﺍﻻﺣﺪﺍﺙ ﻟﻜﻨﻪ ﺍﺳﺘﻨﺘﺞ ﻣﻦ ﺧﻄﻮﺓ ﻋﻠﻴﺎ
ﻭﺟﻴﺘﻬﺎ ﻫﻨﺎ ﻫﺬﺍ ﻳﻌﻨﻲ ﺍﻥ ﻫﻲ ﺭﺍﻓﻀﻪ ﻓﻜﺮﺓ ﺍﻟﺮﺟﻮﻉ ﻟﻐﺎﺯﻱ ﻭﻫﺬﺍ
ﺍﻟﺸﻲ ﺍﺳﻌﺪﻩ ﻓﻲ ﺳﺮﻩ ..
ﺍﻟﺴﺎﻋﻪ 3 ﺍﻟﻌﺼﺮ ﻓﻲ ﻏﺮﻓﺔ ﺳﺠــﻰ ..
ﺭﻗﻢ ﺿﻴﻘﺘﻬﺎ ﺑﺴﺒﺐ ﺣﺎﻟﻬﺎ ﺍﻻ ﺍﻧﻬﺎ ﻣﺒﺴﻮﻃﻪ ﻻﻥ ﻳﻮﻡ ﻋﺮﺱ ﺻﺎﺑﺘﻬﺎ
ﺍﻧﻔﺎﻝ .. ﻋﻠﻰ ﺍﻻﻗﻞ ﺑﺘﻄﻠﻊ ﻣﻦ ﺍﻟﺒﻴﺖ ﻭﺑﺘﺠﻠﺲ
ﻣﻊ ﻧﺎﺱ ﺗﺴﻮﻟﻒ ﻣﻌﻬﻢ
ﻣﻨﻬﻤﻜﻪ ﻓﻲ ﺗﺮﺗﻴﺐ ﺣﻘﻴﺒﺘﻬﺎ ﻭﺗﺠﻬﻴﺰ ﺍﻻﺷﻴﺎﺀ ﺍﻟﻲ ﺑﺘﺎﺧﺬﻫﻢ ﻣﻌﻬﻢ
ﻻﻧﻬﺎ ﻣﻮ ﻧﺎﻭﻳﻪ ﺗﺮﺟﻊ ﻫﻨﺎ .. ﺍﻻﻛﺴﺴﻮﺭﺍﺕ
ﻭﺍﻟﻤﻜﻴﺎﺝ ﺍﻟﻲ ﺑﺘﺤﻄﻪ ﻓﻲ ﺷﻨﻄﺘﻬﺎ ﺍﻟﺼﻐﻴﺮﻩ ﻭﺍﻟﻌﻄﺮﺍﺕ ﻭﺍﻻﻫﻢ
ﺍﻟﻔﺴﺘﺎﻥ .. ﺗﻐﺮﻳﺒﺎ ﺧﻠﺼﺖ ﻛﻞ ﺷﻲﺀ ﻭﺧﺬﺕ ﻣﻌﻬﺎ ﻛﻞ
ﺍﻟﻲ ﺗﺤﺘﺎﺟﻪ ﻭﺑﻌﺾ ﺍﻻﺷﻴﺎﺀ ﺍﻟﻲ ﻳﻤﻜﻦ ﺗﺤﺘﺎﺟﻬﺎ .. ﺩﻗﺖ ﻋﻠﻰ ﺍﻣﻬﺎ
ﻋﻠﺸﺎﻥ ﺗﺼﻌﺪ ﻟﻬﺎ ﻓﻮﻕ ﻭﺗﺸﻮﻑ ﻟﻬﺎ ﺍﻟﻄﺮﻳﻖ
ﻻﻥ ﻫﻲ ﻣﺎ ﺗﺒﻲ ﺗﺸﻮﻑ ﺍﺣﺪ ﻣﻦ ﺍﻫﻞ ﺍﻟﺒﻴﺖ .. ﻭﺩﻗﺖ ﻋﻠﻰ ﺣﻤﺪ
ﻋﻠﺸﺎﻥ ﻳﻮﺻﻠﻬﺎ ﺑﻴﺖ ﺩﻻﻝ ..
ﺑﻌﺪ ﻣﺎ ﺳﻜﺮﺕ ﻣﻦ ﺣﻤﺪ ﺭﻥ ﺟﻮﺍﻟﻬﺎ .. ﻛﺎﻧﺖ ﺍﻟﻤﺘﺼﻞ ﺩﻻﻝ ..
ﺳﺠﻰ ﺑﺒﺘﺴﺎﻣﻪ : ﻫﻼﺍﺍ ﺩﻟﻮﻝ
ﺩﻻﻝ : ﻫﻼﺍﺍ .. ﻳﺎﻟﻠﻪ ﻋﺎﺩ ﻣﺎ ﺟﻴﺘﻲ
ﺳﺠﻰ : ﻣﺴﺎﻓﺔ ﺍﻟﺴﻜﻪ ﻭﺍﻧﺎ ﻋﻨﺪﻙ
ﺩﻻﻝ ( ﻛﺎﻥ ﻓﻴﻬﺎ ﻓﻀﻮﻝ ﺗﺴﺄﻝ ﺳﺠﻰ ﻣﻦ ﺑﺠﻴﺒﻚ ﻟﻜﻨﻬﺎ ﺍﺟﻠﺖ ﻫﺬﺍ
ﺍﻟﺴﺆﺍﻝ ﻟﻤﻦ ﺗﺠﻲ ﻋﻨﺪﻫﺎ ) : ﻃﻴﺐ ﻳﺎﻟﻠﻪ ﺍﺳﺘﻨﺎﻛﻲ
ﺳﺠﻰ : ﺟﺎﻭ ﺗﻴﻨﺎ ﻭﻣﻨﺎﻝ
ﺩﻻﻝ : ﺍﻳﻮﻩ ﺗﻮﻫﻢ ﺟﺎﻳﻦ
ﺳﺠﻰ ﻭﻫﻲ ﺗﻨﺘﻈﺮ ﺍﻣﻬﺎ ﻭﻫﻲ ﺩﺍﺧﻠﻪ ﻣﻦ ﺑﺎﺏ ﺍﻟﻐﺮﻓﻪ : ﻃﻴﺐ ﺩﻻﻝ
ﺍﺧﻠﻴﻚ .. ﺑﺎﻱ
ﺍﻡ ﺗﺮﻛﻲ ﻭﻫﻲ ﺗﻨﺎﻇﺮ ﺍﻟﻌﻔﺴﻪ ﺍﻟﻲ ﻋﻠﻰ ﺍﻟﺴﺮﻳﺮ : ﻫﺎ ﻳﺎﺑﻨﺘﻲ
ﺑﺘﺮﻭﺣﻴﻦ
ﺳﺠﻰ : ﺍﻳﻮﻩ .. ﺩﻗﻴﺖ ﻋﻠﻰ ﺣﻤﺪ ﻭﻗﻠﺖ ﻟﻪ ﻳﻮﺻﻠﻨﻲ
ﺍﻡ ﺗﺮﻛﻲ ﺑﻀﻴﻘﻪ : ﺍﻻ ﻣﺘﻰ ﻳﺴﺠﻰ ﺫﺍ ﺍﻟﻌﻨﺎﺩ .. ﻟﻴﻪ ﻣﺎ ﺗﺮﻭﺣﻴﻦ
ﺗﺘﻔﺎﻫﻤﻴﻦ ﻣﻊ ﺍﺧﻮﻙ ﺗﺮﻛﻲ .. ﻳﺎ ﺑﻨﺘﻲ ﺗﻜﻠﻢ ﻣﻌﻪ ﺗﺮﺍﺿﻮ ﻣﺎ ﻳﺼﻴﺮ
ﻛﺬﺍ ﻣﺎ ﻳﺸﻮﻓﻮﻧﻚ ﻭﻻ ﺗﺸﻮﻓﻴﻨﻬﻢ
ﺳﺠﻰ ﺣﺴﺖ ﺑﺨﺠﻞ ﺻﺤﻴﺢ ﻛﻼﻡ ﺍﻣﻬﺎ ﺣﺘﻰ ﻫﻲ ﻣﻠﺖ ﻣﻦ ﻫﺬﻱ
ﺍﻟﺤﺎﻟﻪ : ﻳﻤﺎ ﻣﻮ ﻣﻮﻗﺘﻪ ﺍﻟﺤﻴﻦ ﺑﻄﻠﻊ .. ﺍﻥ ﺷﺄﻟﻠﻪ ﻟﻤﻦ
ﺍﺭﺟﻊ ﻳﺼﻴﺮ ﺧﻴﺮ .. ﻳﻤﺎ ﻣﺎ ﺑﺘﺠﻴﻦ ﺍﻟﺰﻭﺍﺝ ﺗﺮﺍﻙ ﻣﻌﺰﻭﻣﻪ
ﺍﻡ ﺗﺮﻛﻲ : ﻻ ﻣﺎ ﺍﻋﺘﻘﺪ .. ﺍﻧﺘﻲ ﻛﻠﻤﻴﻨﻲ ﻗﺒﻞ ﻻ ﺗﺮﻭﺣﻴﻦ ﻭﺍﻧﺎ ﻳﻤﻜﻦ
ﺍﺭﻭﺡ ﻣﻌﻚ .. ﻃﻴﺐ ﻭﻧﺎﺩﻳﻪ ﻣﻮ ﻣﻌﺰﻭﻣﻪ
ﺳﺠﻰ ﺑﺼﻮﺕ ﻭﺍﻃﻲ : ﻣﻌﺰﻭﻣﻪ
ﺍﻡ ﺗﺮﻛﻲ : ﻃﻴﺐ ﻟﻴﻪ ﻣﺎ ﻗﻠﺖ ﻟﻬﺎ .. ﺧﻠﻴﻬﺎ ﺗﺮﻭﺡ ﻣﻌﻚ ﺗﻨﺒﺴﻂ
ﺳﺠﻰ : ﺍﻧﺖ ﻳﻤﺎ ﻗﻮﻝ ﻟﻬﺎ ﻭﺍﺫﺍ ﺗﺒﻲ ﺗﺮﻭﺡ ﻫﺬﺍ ﺯﻭﺟﻬﺎ ﺗﺮﻛﻲ
ﻣﻮﺟﻮﺩ ﻳﻮﺩﻳﻬﺎ ﻭﺍﻭ ﺗﻌﺎﻟﻲ ﻣﻌﻬﺎ ﺑﺎﻟﺴﺎﻳﻖ
ﺍﻡ ﺗﺮﻛﻲ ﺑﻌﺼﺒﻴﻪ : ﺍﻧﺖ ﺭﺍﺳﻚ ﺣﺠﺮ ﻣﺎ ﻳﻠﻴﻦ .. ﺍﺟﻴﻚ ﺷﻤﺎﻝ
ﺗﺠﻴﻨﻲ ﺟﻨﻮﺏ .. ﻭﺗﺮﻯ ﻋﻤﺘﻚ ﻋﻠﻴﺎ ﺑﻌﺪ ﻋﻨﺪﻧﺎ
ﺳﺠﻰ ﻭﻓﺎﺗﺤﻪ ﻋﻴﻮﻧﻬﺎ ﻋﻠﻰ ﺍﻻﺧﺮ : ﻭﺍﻟﻠﻪ ﻣﺘﻰ ﺟﺎﺕ
ﺍﻡ ﺗﺮﻛﻲ : ﺟﺎﺕ ﺍﻟﻴﻮﻡ ﺍﻟﺼﺒﺎﺡ ﻣﻊ ﻋﺒﺪﺍﻟﺮﺣﻤﻦ
ﺳﺠﻰ ( ﻳﺎﺍﻟﻠﻪ ﻭﺵ ﻫﺬﻱ ﺍﻟﺒﻠﻮﻩ ) : ﻃﻴﺐ ﻭﺵ ﺍﺳﻮﻱ ﻟﻬﺎ ﻳﻌﻨﻲ ..
ﺍﻟﺒﻴﺖ ﺑﻴﺘﻬﺎ
ﺍﻡ ﺗﺮﻛﻲ ﻭﺗﻨﺎﻇﺮ ﺳﺠﻰ ﺑﻄﺮﻑ ﻋﻴﻨﻬﺎ : ﻭﺵ ﺗﺴﻮﻳﻦ ﻟﻬﺎ .. ﻫﺬﻱ
ﻋﻤﺘﻚ ﺭﻭﺡ ﺳﻠﻤﻲ ﻋﻠﻴﻬﺎ ﺟﻠﺴﻲ ﻣﻌﻬﺎ ﻋﻠﻰ ﺍﻻﻗﻞ
ﺍﺳﺘﺎﺫﻧﻲ ﻣﻨﻬﺎ ﻗﺒﻞ ﻻ ﺗﻄﻠﻌﻴﻦ ﻣﻮ ﺣﻠﻮ ﺗﺠﻲ ﻫﻲ ﻭﺍﻧﺘﻲ ﺗﻄﻠﻌﻴﻦ
ﻭﺵ ﺗﺒﻴﻬﺎ ﺗﻘﻮﻝ ﻋﻨﻚ
ﺳﺠﻰ ﺣﺴﺖ ﺍﻥ ﻛﻼﻡ ﺍﻣﻬﺎ ﺻﺤﻴﺢ ( ﺑﻀﻴﻘﻪ ) : ﻃﻴﺐ ﺑﺮﻭﺡ
ﺍﻟﺤﻴﻦ ﺍﺳﻠﻢ ﻋﻠﻴﻬﺎ .. ﻭﻳﻦ ﻫﻲ
ﺍﻡ ﺗﺮﻛﻲ : ﻓﻲ ﻏﺮﻓﺔ ﺍﻟﻀﻴﻮﻑ .. ﻳﺎﻟﻠﻪ ﺭﻭﺡ ﺳﻠﻢ ﻋﻠﻴﻬﺎ ﻭﻗﺒﻞ ﻻ
ﺗﺮﻭﺣﻴﻦ ﺑﻴﺖ ﺩﻻﻝ ﻣﺮﻱ ﻋﻠﻲ ﺍﻟﻤﻄﺒﺦ
ﻃﻠﻌﺖ ﺍﻡ ﺗﺮﻛﻲ ﻣﻦ ﻏﺮﻓﺔ ﺳﺠﻰ .. ﺳﺠﻰ ﺿﻠﺖ ﻭﺍﻗﻔﻪ ﻣﻜﺎﻧﻬﺎ
ﺗﻨﺎﻇﺮ ﺍﻟﺒﺎﺏ ﺑﻀﻴﻘﻪ .. ﻣﺎﺗﺪﺭﻱ ﻟﻴﻪ ﻣﺴﺘﺜﻘﻠﻪ ﺗﺮﻭﺡ
ﻟﻌﻤﺘﻬﺎ ﻋﻠﻴﺎ ﺗﺴﻠﻢ ﻋﻠﻴﻬﺎ ﻳﻤﻜﻦ ﻻﻧﻬﺎ ﺗﺤﺲ ﺑﺎﻻﺣﺮﺍﺝ ﻣﻨﻬﺎ ﻻﻧﻬﺎ ﻣﻦ
ﺟﺎ ﻣﻦ ﺍﻟﺮﻳﺎﺽ ﻣﺎ ﺩﻗﺖ ﻋﻠﻴﻬﺎ .. ﻭﻻ ﺗﻄﻤﻨﺖ
ﻋﻠﻰ ﺣﺎﻟﻬﺎ ﻭﻻ ﺭﺍﺣﺖ ﺯﺍﺭﺗﻬﺎ .. ﻭﻓﺸﻠﻪ ﺍﺭﻭﺡ ﺍﺳﻠﻢ ﻋﻠﻴﻬﺎ ﺑﺴﺮﻋﻪ
ﻭﺍﻗﻮﻟﻬﺎ ﻳﺎﻟﻠﻪ ﺑﻄﻠﻊ ﺑﺮﻭﺡ ﺑﻴﺖ ﺻﺎﺣﺒﺘﻲ
ﺑﺘﺼﺮﻭﻓﻲ ﻫﺬﺍ ﺑﺒﻌﺪ ﺍﻟﻤﺴﺎﻓﻪ ﺑﻴﻨﺎ ﺍﻛﺜﺮ ﻣﻦ ﻛﺬﺍ ﻭﺑﺼﻴﺮ ﺍﻟﺘﻘﺮﺏ
ﻣﻨﻬﺎ ﻣﺴﺎﻟﻪ ﺻﻌﺒﻪ ﻭﻳﺒﻲ ﻟﻬﺎ ﻭﻗﺖ ﻃﻮﻳﻞ .. ﻳﻌﻨﻲ
ﻋﻤﺘﻲ ﺍﻟﻠﻪ ﻳﺤﻔﻈﻬﺎ ﻣﺎ ﻟﻘﺖ ﺗﺠﻲ ﺍﻻ ﺍﻟﻴﻮﻡ ﻛﺎﻥ ﺟﺎﺕ ﺑﻜﺮﻩ ..
( ﺍﺭﻓﻌﺖ ﻳﺪﻫﺎ ﻭﻧﺎﻇﺮﺕ ﺍﻟﺴﺎﻋﻪ ) .. ﻳﻮ ﺗﺎﺧﺮ ﺍﻟﻮﻗﺖ
ﺍﻟﺤﻴﻦ ﺩﻻﻝ ﺗﻌﺼﺐ ﻋﻠﻲ .. ﻭﺍﻧﺎ ﻗﺎﻳﻠﻪ ﻟﻬﺎ ﻣﺴﺎﻓﺔ ﺍﻟﺴﻜﻪ ﻭﺍﻧﺎ
ﻋﻨﺪﻙ .. ﻭﺍﻛﻴﺪ ﺣﻤﺪ ﻳﻨﺘﻈﺮﻧﻲ ﺑﺎﻟﺴﻴﺎﺭﻩ .. ﻣﺪﺭﻱ
ﺍﺭﻭﺡ ﺍﺳﻠﻢ ﻋﻠﻴﻬﺎ ﻭﻻ ﻣﺎ ﺍﺭﻭﺡ .. ﻟﻮ ﺑﺮﻭﺡ ﺍﺳﻠﻢ ﻋﻠﻴﻬﺎ ﻳﺒﻲ ﻟﻲ ﻣﻦ
ﺍﻟﻮﻗﺖ ﺳﺎﻋﻪ ﻋﻠﺸﺎﻥ ﺍﺟﻠﺲ ﻣﻌﻬﺎ .. ﻭﻟﻮ ﻣﺎ
ﺑﺮﻭﺡ ﺍﺳﻠﻢ ﻋﻠﻴﻬﺎ ﻣﺎ ﺑﺤﺲ ﺑﺮﺍﺣﻪ ﺍﻟﻴﻮﻡ .. ﻳﺎﻟﻠﻪ ﺧﻠﻴﻨﻲ ﺍﺭﻭﺡ
ﺍﺳﻠﻢ ﻭﺩﻕ ﻋﻠﻰ ﺩﻻﻝ ﻭﺍﻗﻮﻟﻬﺎ ﺑﺘﺎﺧﺮ ﺷﻮﻱ
ﺍﺭﻓﻌﺖ ﺟﻮﺍﻟﻬﺎ ﻭﺩﻗﺖ ﻋﻠﻰ ﺩﻻﻝ ..
ﺩﻻﻝ : ﻫﺎ ﻭﺻﻠﺘﻲ
ﺳﺠﻰ ﺑﻀﻴﻘﻪ : ﻻ ﻟﺴﻰ ﺣﺘﻰ ﻣﺎ ﻃﻠﻌﺖ ﻣﻦ ﻏﺮﻓﺘﻲ
ﺩﻻﻝ ﺑﺸﻮﻳﺖ ﻋﺼﺒﻴﻪ : ﻳﺎ ﺑﺮﺩﻙ ﻳﺎ ﺳﺠﻰ .. ﻣﺘﻰ ﻧﺎﻭﻳﻪ ﺗﺠﻴﻦ
ﺳﺠﻰ : ﺩﻻﻝ ﺑﺘﺎﺧﺮ ﺷﻮﻱ ﻻﻥ ﻋﻤﺘﻲ ﻋﻠﻴﺎ ﺟﺎﻳﻪ ﺍﻟﻴﻮﻡ ﻋﻨﺪﻧﺎ
ﻭﺍﺳﺘﺤﻲ ﺍﺳﻠﻢ ﻋﻠﻴﻬﺎ ﻭﺍﻃﻠﻊ ﻳﻌﻨﻲ ﻭﺩﻱ ﻋﻠﻰ ﺍﻻﻗﻞ ﻧﺼﻒ ﺳﺎﻋﻪ
ﺍﺟﻠﺲ ﻣﻌﻬﺎ
ﺩﻻﻝ ( ﺣﻠﻮﻭﻭ ) : ﺍﻗﻮﻝ ﺳﺠﻰ ﻟﻴﻪ ﺍﻧﺎ ﻣﺎ ﺍﺟﻲ ﻋﻨﺪﻛﻢ ﻭﻧﻀﺒﻂ
ﻋﻤﺮﻧﺎ ﻓﻲ ﺑﻴﺘﻜﻢ
ﺳﺠﻰ ﺑﻔﺮﺡ : ﻭﺍﻟﻠﻪ .. ﺧﻼﺹ ﺍﺟﻞ ﺍﺳﺘﻨﺎﻙ
ﺩﻻﻝ ﻣﺎﺗﺮﻱ ﻟﻴﻪ ﺗﺤﺲ ﺑﻔﺮﺡ ﻳﻤﻜﻦ ﻋﻨﺪﻫﺎ ﺍﻣﻞ ﺍﻧﻬﺎ ﺗﺸﻮﻓﻬﻢ :
ﺑﺮﺗﺐ ﺍﻏﺮﺍﺿﻲ ﻭﺑﻜﻠﻢ ﺗﻴﻨﺎ ﻭﻣﻨﺎﻝ
ﺳﺠﻰ ( ﻫﻢ ﻭﺍﻧﺰﺍﺡ ) : ﺍﺫﺍ ﻭﺻﻠﺘﻲ ﻋﻄﻴﻨﻲ ﺧﺒﺮ .. ﺍﻭﻛﻲ
ﺩﻻﻝ : ﻃﻴﺐ
ﺳﻜﺮﺕ ﺩﻻﻝ ﻣﻦ ﺳﺠﻰ ﻭﻫﻲ ﺗﺤﺲ ﺑﻨﺸﻮﺕ ﻓﺮﺡ .. ﻋﻠﻰ ﺍﻻﻗﻞ ﺍﺫﺍ
ﺭﺣﺖ ﺑﻴﺖ ﺳﺠﻰ ﻓﻲ ﺍﻣﻞ ﺍﻧﻲ ﺍﺷﻮﻓﻪ ﺍﻭ ﺍﺣﺲ
ﺍﻥ ﻫﻮ ﻣﻮﺟﻮﺩ .. ﺧﻠﻴﻨﻲ ﺍﻃﻠﻊ ﻣﻦ ﺍﻟﻐﺮﻓﻪ ﻭﺍﺭﻭﺡ ﺍﻗﻮﻝ ﻟﺘﻴﻨﺎ
ﻭﻣﻨﺎﻝ .. ﻭﺍﻋﻄﻲ ﺍﻟﺴﺎﻳﻖ ﺧﺒﺮ
ﻗﺒﻞ ﻣﺎ ﺗﻄﻠﻊ ﻣﻦ ﺍﻟﻐﺮﻓﻪ ﺗﺬﻛﺮﺕ ﻣﻄﻠﻖ ﺍﻛﻴﺪ ﺑﻜﻮﻥ ﺟﺎﻟﺲ ﺑﺎﻟﺼﺎﻟﻪ
ﺭﺟﻌﺖ ﻭﻟﺒﺴﺖ ﻋﺒﺎﻳﺘﺎ ﻭﺣﻄﺖ ﺍﻟﻄﺮﺣﻪ ﻋﻠﻰ ﺭﺍﺳﻬﺎ ﻭﻃﻠﻌﺖ ..
ﻓﻌﻼ ﺷﺎﻓﺘﻪ ﻓﻲ ﺍﻟﺼﺎﻟﻪ ﺟﺎﻟﺲ ﻳﻘﻠﺐ ﺑﻴﻦ ﻗﻨﻮﺍﺕ
ﺍﻟﺘﻠﻔﺰﻳﻮﻥ ﺑﻀﺠﺮ .. ﻭﻻﺑﺲ ﺷﺮﺕ ﺍﺻﻔﺮ ﻣﻊ ﺑﻠﻮﺯﻩ ﺑﺪﻭﻥ ﺍﻛﻤﺎﻡ
ﺑﻴﻀﻪ .. ﻟﺒﺲ ﻭﺍﺣﺪ ﻧﺎﻭﻱ ﺍﻟﻴﻮﻡ ﻳﺮﻭﺡ ﺍﻟﺒﺤﺮ
ﻗﺮﺑﺖ ﻣﻨﻪ ﻭﺍﺑﺘﺴﻤﺖ ﻟﻪ : ﺭﻳﺘﺸﺎﺭﺩ ﻭﻳﻦ ﺍﺧﻮﻱ ﺑﺪﺭ
ﺭﻳﺸﺎﺭﺩ ﻭﻫﻮ ﻳﻨﺎﻇﺮ ﻓﻴﻬﺎ : ﻣﺪﺭﻱ .. ﺩﻻﻝ ﻭﻳﻦ ﺑﺘﺮﻭﺣﻴﻦ
ﺩﻻﻝ : ﺍﻟﻴﻮﻡ ﺯﻭﺍﺝ ﺻﺎﺣﺒﺘﻲ .. ﺑﺮﻭﺡ ﺑﻴﺖ ﺧﻮﻳﺘﻲ ﻋﻠﺸﺎﻥ ﻧﺘﺠﻬﺰ
ﻟﻠﺰﻭﺍﺝ
ﺭﻳﺘﺸﺎﺭﺩ ﺑﻀﻴﻘﻪ ( ﺣﺐ ﻳﺴﺘﻘﻞ ﺍﻟﻔﺮﺻﻪ ﻋﻠﺸﺎﻥ ﻳﻜﻠﻤﻪ ) : ﺩﻻﻝ ﺍﻧﺎ
ﻣﻦ ﺟﻴﺖ ﻋﻨﺪﻛﻢ ﻣﺎ ﻣﺮﻩ ﺟﻠﺴﻨﺎ ﻣﻊ ﺑﻌﺾ ﻟﺤﺎﻟﻨﺎ ﺍﻭ ﻃﻠﻌﻨﺎ ﻣﻊ
ﺑﻌﺾ .. ﻭﺵ ﺍﻟﻲ ﺗﻐﻴﺮ
ﻟﻠﻴﻪ ﺗﺘﻬﺮﺑﻴﻦ ﻣﻨﻲ ﻣﺎ ﺗﺤﺒﻴﻦ ﺗﺠﻠﺴﻴﻦ ﻣﻌﻲ .. ﻭﺍﻟﻠﻪ ﺍﻧﻲ ﻣﺸﺘﺎﻕ
ﻟﻚ ﻭﻣﺸﺘﺎﻕ ﻟﻘﺮﺑﻚ ﻣﻨﻲ .. ﻭﻣﺎ ﺍﺷﻮﻓﻚ ﺍﻻ ﻻﺑﺴﻪ
ﻋﺒﺎﺗﻚ ﻳﺎ ﺗﻮﻙ ﺟﺎﻳﻪ ﻭﻻ ﺑﻄﻠﻌﻴﻦ .. ﺣﺘﻰ ﻟﻤﺎ ﻧﻄﻠﻊ ﻣﻊ ﺑﻌﺾ ﺍﻧﺎ
ﻭﺑﺪﺭ ﻭﺳﻠﻄﺎﻥ ﻭﺟﺎﺳﻢ ﻭﺷﺠﻮﻥ ﻣﺎ ﺗﺠﻴﻦ ﻣﻌﻨﺎ ..
ﺗﻜﺒﺮﺗﻲ ﻋﻠﻴﻨﺎ
ﺩﻻﻝ ( ﻫﻲ ﻧﻔﺴﻬﺎ ﻣﺎ ﺗﺪﺭﻱ ﻭﺵ ﺍﻟﻲ ﺗﻐﻴﺮ ﻓﻴﻬﺎ ﺻﺎﺭﺕ ﻣﺎ ﺗﺤﺐ
ﺗﺠﻠﺲ ﻣﻌﻬﻢ ﻛﺜﻴﺮ ﻭﺩﺍﺋﻤﺎ ﺗﺠﻠﺲ ﻓﻲ ﻏﺮﻓﺘﻬﺎ ﻭﺣﺘﻰ ﻟﻮ ﺍﺟﻠﺴﺖ
ﻣﻌﻬﻢ ﻣﺎ ﺗﺤﺲ ﺍﻧﻬﺎ ﻣﺮﺗﺎﺣﻪ ﻭﺩﻫﺎ ﺗﻘﻮﻡ ﺑﺴﺮﻋﻪ )
ﺩﻻﻝ : ﺍﻋﺬﺭﻧﻲ ﻻﻧﻲ ﻫﺬﻱ ﺍﻻﻳﺎﻡ ﻣﺸﻐﻮﻟﻪ ﺷﻮﻱ .. ﻳﺎﻟﻠﻪ ﺑﻤﺸﻲ
ﺍﻟﺤﻴﻦ
ﺭﻳﺘﺸﺎﺭﺩ ﻧﺎﻇﺮ ﺩﻻﻝ ﺍﻟﻰ ﺍﻥ ﺍﺧﺘﻔﺖ ﻣﻦ ﻗﺪﺍﻣﻪ .. ﻣﻦ ﺟﺎﻩ ﺍﻟﻤﻤﻜﻠﻪ
ﻭﻫﻮ ﻳﺤﺲ ﺍﻥ ﺍﻟﺤﻴﺎﻩ ﺑﺪﺕ ﺗﺼﻴﺮ ﻣﻤﻠﻪ ﺑﻘﻮﻩ ﻣﺎ
ﻓﻲ ﺷﻲﺀ ﺟﺪﻳﺪ ﺣﺘﻰ ﺍﺫﺍ ﻃﻠﻊ ﻣﻊ ﺑﺪﺭ ﻣﺎ ﻳﺸﻮﻑ ﺷﻲﺀ ﺣﻠﻮﻭ ﺭﺍﺡ
ﺍﻣﺲ ﺍﻟﺮﺍﺷﺪ ﻣﻊ ﺑﺪﺭ ﺣﺲ ﺑﻀﻴﻘﻪ ﻣﺎﻓﻲ ﺑﻨﺎﺕ
ﺳﻔﻮﺭ ﻛﻞ ﻭﺣﺪﻩ ﻣﺨﺒﻪ ﻣﻼﻣﺤﻬﺎ ﺧﻠﻒ ﻗﻨﺎﻉ ﺍﻟﻴﻨﺠﺎ ﻭﻣﻮ ﺑﻴﻨﻪ ﺍﻟﻰ
ﻋﻴﻮﻧﻬﺎ ﻭﺵ ﺍﺑﻲ ﻓﻌﻴﻮﻧﻬﺎ ﺍﻟﻮﺍﺣﺪ ﻭﺩﻩ ﻳﺸﻮﻑ
ﺷﻲﺀ ﻳﺜﻴﺮﻩ ﻳﺸﺪﻩ .. ﻭﺩﻩ ﻳﺸﻮﻑ ﻗﻮﺍﻡ ﺑﺎﺭﺯ ﻃﺎﻏﻲ .. ﻣﺎ ﻏﻴﺮ
ﺍﻧﺎﻇﺮ ﻓﻲ ﺍﻟﻤﺤﻼﺕ ﻭﺍﻟﻨﺎﺱ ﺣﺘﻰ ﻟﻤﺎ ﺗﻜﻮﻥ ﻭﺣﺪﻩ ﻣﻊ
ﺯﻭﺟﻬﺎ ﺍﻭ ﺧﻄﻴﺒﻬﺎ ﺍﻭ ﺻﺎﺣﺒﻬﺎ ﺍﻭ ﺍﺧﻮﻫﺎ ﻣﺎ ﻣﺪﺍﻙ ﺗﻨﺎﻇﺮ ﻓﻴﻬﺎ
ﻭﺗﺘﻔﺤﺼﻬﺎ ﺍﻟﻰ ﻧﺎﻇﺮ ﻓﻴﻚ ﺍﻻ ﻣﻌﻬﺎ ﺑﺤﺪﻩ ﻭﺗﻮﻋﺪ
ﺍﺟﻞ ﻣﻦ ﻧﻄﺎﻟﻊ ﻭﻻ ﻋﺎﺩ ﻣﻌﺎﻛﺴﺘﻬﻢ ﻣﺜﻞ ﻭﺟﻬﻬﻢ .. ﻳﺎ ﺗﺼﻴﺐ ﻳﺎ
ﺗﺨﻴﺐ .. ﻭﺍﻟﻠﻪ ﺍﺷﺘﻘﺖ ﻻﻣﺮﻳﻜﺎ ﻭﺍﺷﺘﻘﺖ ﻟﺸﻠﺘﻲ ﻛﻞ
ﺍﺳﺒﻮﻉ ﻧﻄﻠﻊ ﺍﻟﺸﺎﻟﻴﻪ ﻋﻠﻰ ﺍﻟﺒﺤﺮ .. ﺍﺷﺘﻘﺖ ﻻﻧﺠﻲ .. ﻭﻛﺎﺗﺮﻳﻨﺎ ..
ﺣﻮﺭﻳﺎﺗﻲ ﺍﻟﺠﻤﻴﻼﺕ .. ﺍﺷﺘﻘﺖ ﻟﻠﻤﺨﻴﻢ ﺍﻟﺼﻴﻔﻲ ..
ﻭﺍﻟﺮﻗﺺ ﺍﺧﺮ ﺍﻟﻴﻞ .. ﻳﺎﻟﻠﻪ ﺍﻟﺤﻴﺎﻩ ﺣﻠﻮﻭ ﻫﻨﺎﻙ .. ﺍﻣﺎ ﻫﻨﺎ ﻫﻢ
ﻭﺿﻴﻘﻪ ﻭﻻ ﻓﻲ ﺣﺮﻳﻪ ﺣﺘﻰ ﻓﻲ ﺍﻟﻜﻼﻡ ﻛﻠﻤﺎ ﻃﻠﻌﺖ ﻣﻊ
ﺑﺪﺭ ﻭﺳﻠﻄﺎﻥ ﺍﺣﺲ ﻛﺎﻧﻲ ﻣﻘﻴﺪ ﻻﺗﺴﻮﻱ ﻫﻲ ﺍﻟﺤﺮﻛﻪ ﻻ ﺗﻘﻮﻝ ﻫﺬﺍ
ﺍﻟﻜﻼﻡ .. ﻻ ﺗﻨﺎﻇﺮ .. ﻻ ﺗﻠﺒﺲ ﻫﺬﻱ ﺍﻟﺴﻼﺳﻞ ﺍﻟﻲ
ﻓﻴﻬﺎ ﻫﺬﻱ ﺍﻟﺮﺳﻮﻣﺎﺕ .. ﺍﺭﻓﻊ ﺍﻟﺒﻨﻄﻠﻮﻥ ﺷﻮﻱ .. ﻻ ﺗﻤﺸﻲ ﻫﺬﻱ
ﺍﻟﻤﺸﻴﻪ ..
ﺣﺘﻰ ﺩﻻﻝ ﺍﻟﻲ ﻟﻤﺎ ﻋﺮﻓﺖ ﺍﻧﻬﺎ ﻣﺎﺭﺍﺡ ﺗﺠﻲ ﺍﻣﺮﻳﻜﺎ ﻫﺬﺍ ﺍﻟﺼﻴﻒ ..
ﻣﺎ ﺗﺮﺩﺩﺕ ﺍﻧﻲ ﺍﺟﻲ ﺍﺷﻮﻓﻬﺎ ﻻﻧﻲ ﻣﺸﺘﺎﻕ ﻟﻬﺎ ﻭﻛﻨﺖ ﺍﻇﻦ ﺍﻥ ﺑﺘﻔﺮﺡ
ﻟﻤﺎ ﺗﺸﻮﻓﻨﻲ ﻭﺑﺘﺤﻄﻨﻲ ﺑﻌﻴﻮﻧﻬﺎ ﺑﺲ
ﻫﻲ ﻋﻼﻣﻬﺎ ﺻﺎﻳﺮﻩ ﺛﻘﻴﻠﻪ ﻭﻛﺒﺮ ﺭﺍﺳﻬﺎ ﻋﻠﻴﻨﺎ .. ﺳﻼﻣﻬﺎ ﻣﻦ ﺑﻌﻴﺪ
ﻟﺒﻌﻴﺪ ﻛﻞ ﻣﺎ ﺣﺎﻭﻝ ﺍﺗﻘﺮﺏ ﻣﻨﻬﺎ ﺗﺒﻌﺪ ﻛﻠﻤﺎ ﺣﺎﻭﻝ ﺍﻓﺘﺢ ﻣﻌﻬﺎ
ﻣﻮﺿﻮﻉ ﺗﻘﻔﻞ
ﺑﻮﺟﻬﻲ ﺣﺘﻰ ﻧﻈﺮﺍﺗﻬﺎ ﺗﻐﻴﺮﺕ ﻗﻤﺖ ﺍﺣﺲ ﻓﻴﻬﺎ ﺑﻌﺾ ﺍﻻﻣﺒﺎﻻﻩ ..
ﻭﻋﺪﻡ ﺍﻻﻫﺘﻤﺘﺎﻡ ﻟﻴﻪ ﺍﻧﺎ ﻭﺵ ﺳﻮﻳﺖ ﻟﻬﺎ ﻭﺵ ﺍﻟﻲ
ﺗﻐﻴﺮ ﻓﻴﻨﻲ .. ﺑﺸﻮﻑ ﻭﺵ ﺍﺧﺮﺗﻬﺎ ﻣﻌﻚ ﻳﺎ ﺩﻻﻝ .. ﺍﻟﻰ ﻣﺘﻰ ﻫﺬﺍ
ﺍﻟﺼﺪ ﻣﻨﻚ .. ﺍﻟﻰ ﻣﺘﻰ ﺑﺘﺘﻬﺮﺑﻴﻦ ﻣﻨﻲ .. ﺍﻧﺎ
ﺭﻳﺘﺸﺎﺭﺩ ﺍﻟﻲ ﺑﺲ ﺑﺎﺷﺎﺭﻩ ﻣﻨﻲ ﺗﻨﺎﻡ ﺑﺤﻀﻨﻲ ﺍﺣﻠﻰ ﺍﻟﺒﻨﺎﺕ .. ﻣﺎ
ﺍﻗﺪﺭ ﺍﺟﻴﺐ ﺭﺍﺳﻚ ﻳﺎ ﺑﻨﺖ ﺍﻟﻌﻢ .. ﺍﻧﺎ ﺭﻳﺘﺸﺎﺭﺩ ﻣﻠﻚ
ﺟﻤﺎﻝ ﺍﻟﺠﺎﻣﻌﻪ ﻟﺴﻨﻪ ﺍﻟﺜﺎﻧﻴﻪ ﻋﻠﻰ ﺍﻟﺘﻮﺍﻟﻲ ﻭﺍﻻﻛﺜﺮ ﺟﺎﺫﺑﻴﻪ ﻭﻭﺳﺎﻣﻪ
.. ﺗﺼﺪﻳﻨﻲ ﻭﺗﻬﻤﻠﻴﻨﻲ . . ﻣﻨﺘﻲ ﺑﺎﺣﻠﻰ ﻣﻦ
ﻛﺎﺗﺮﻳﻨﺎ .. ﺑﺲ ﻭﺍﻟﻠﻪ ﻓﻴﻚ ﺷﻲﺀ ﻳﺠﺬﺑﻨﻲ ﻟﻚ ﻣﺪﻱ ﻭﺵ
ﺧﻠﻴﻨﻲ ﺍﻗﻮﻡ ﺍﺗﺮﻭﺵ ﻭﺍﺩﻕ ﻋﻠﻰ ﺩﺍﺩﻱ ﻭﻣﺎﻣﻲ ﺍﺳﻠﻢ ﻋﻠﻴﻬﻢ
.
.
ﻓـــﻲ ﺑﻴﺖ ﺑﻮ ﺗﺮﻛﻲ .. ﻭﺗﺤﺪﻳﺪﺍ ﻓﻲ ﻏﺮﻓﺔ ﺍﻟﻀﻴﻮﻑ ..
ﻛﺎﻧﺖ ﻋﻠﻴﺎ ﻓﺎﺗﺤﻪ ﺷﻨﻄﺘﻬﺎ ﻭﺍﻟﻲ ﺟﺎﺑﺘﻬﺎ ﻣﻌﻬﺎ ﻭﺻﻔﺖ ﻓﻴﻬﺎ ﺑﻌﺾ
ﺍﻟﻤﻼﺑﺲ ﺍﻟﻲ ﺗﻜﻔﻴﻬﺎ ﻟﻴﻮﻣﻴﻦ ﺍﻭ ﺛﻼﺛﻪ ﺳﻤﻌﺖ
ﻃﺮﻗﺎﺕ ﺧﻔﻴﻔﻪ ﻋﻠﻰ ﺑﺎﺏ ﺍﻟﻐﺮﻓﻪ .. ﺍﻛﻴﺪ ﻋﺒﺪﺍﻟﺮﺣﻤﻦ ﺻﺢ ﻣﻦ
ﺍﻟﻨﻮﻡ ﺟﺎ ﻳﻄﻤﻦ ﻋﻠﻲ
ﺑﺒﺘﺴﺎﻣﻪ : ﺗﻔﻀﻞ
ﺍﻧﻔﺘﺢ ﺍﻟﺒﺎﺏ ﺑﻬﺪﻭﺀ ﻭﺑﺒﻄﺎ ﻓﺘﺤﻪ ﺻﻐﻴﺮﻩ ﺩﺧﻠﺖ ﺳﺠﻰ ﺭﺍﺳﻬﺎ ﻣﻦ
ﻓﺘﺤﺖ ﺍﻟﺒﺎﺏ ﻗﺒﻞ ﻣﺎ ﺗﻔﺘﺤﻪ ﺑﺎﻟﻜﺎﻣﻞ ﻭﻧﺎﻇﺮﺕ
ﻋﻤﺘﻬﺎ ﺍﻟﻲ ﻛﺎﻧﺖ ﺗﻌﺪﻝ ﺷﻨﻄﺘﻬﺎ .. ﺑﻨﻈﺮﺍﺕ ﺍﺳﺘﺎﺫﺍﻥ
ﻋﻠﻴﺎ ﺍﺭﻓﻌﺖ ﺭﺍﺳﻬﺎ ﻭﻧﺎﻇﺮﺕ ﺳﺠﻰ ﺑﺒﺘﺴﺎﻣﻪ ﺧﻔﻴﻔﻪ ﻭﻋﻠﻰ ﻃﻮﻝ
ﻧﺰﻟﺖ ﺭﺍﺳﻬﺎ ﻭﺗﺎﺑﻌﺖ ﺗﺮﺗﻴﺐ ﻣﻼﺑﺴﻬﺎ
ﺳﺠﻰ ﺍﻟﻤﺤﺖ ﻃﻴﻒ ﺍﻻﺑﺘﺴﺎﻣﻪ ﺍﻟﻲ ﺍﺭﺳﻤﺖ ﻟﻠﺤﻈﺎﺕ ﻋﻠﻰ ﺷﻔﺎﻳﻒ
ﻋﻠﻴﺎ ﻭﺗﻼﺷﺖ ﺑﺴﺮﻋﻪ .. ﺍﻓﺘﺤﺖ ﺍﻟﺒﺎﺏ ﺑﺎﻟﻜﺎﻣﻞ ﻭﺧﻄﺖ ﺧﻄﻮﺗﻴﻦ
ﺍﻟﻰ ﻣﻨﺘﺼﻒ ﺍﻟﻐﺮﻓﻪ .. ﻭﻗﻔﺖ ﻗﺒﺎﻝ ﻋﻠﻴﺎ .. ﺗﻨﺘﻈﺮﻫﺎ ﺗﺮﻓﻊ ﺭﺍﺳﻬﺎ
ﺳﺠﻰ ﺑﺨﺠﻞ ﻫﻲ ﺗﻤﺪ ﻳﺪﻫﺎ : ﻫﻼﺍﺍ ﻋﻤﻪ ..
ﺍﺭﻓﻌﺖ ﻋﻠﻴﺎ ﺭﺍﺳﻬﺎ ﻭﻧﺎﻇﺮﺕ ﻳﺪ ﺳﺠﻰ ﺍﻟﻤﻤﺪﻭﺩﻩ ﺛﻮﺍﻧﻲ ﻭﻣﺪﺕ ﻳﺪﻫﺎ
ﻭﺻﺎﻓﺤﺘﻬﺎ ﺑﺒﺘﺴﺎﻣﻪ
ﺳﺠﻰ ﻭﻫﻲ ﺗﻔﻚ ﻳﺪﻫﺎ ﻣﻦ ﻳﺪ ﻋﻤﺘﻬﺎ : ﻛﻴﻒ ﺣﺎﻟﻚ
ﻋﻠﻴﺎ : ﺍﻟﺤﻤﺪﻟﻠﻪ .. ﺍﻧﺖ ﺷﺨﺒﺎﺭﻙ ﻭﻛﻴﻒ ﺣﺎﻟﺔ ﺍﻻﺿﺮﺍﺏ ﻣﻌﻚ ﺍﻟﻰ
ﺍﻻﻥ ﻣﺴﺘﻤﺮﻩ
ﻧﺎﻇﺮﺕ ﺳﺠﻰ ﻋﻤﺘﻬﺎ ﺑﻨﻈﺮﺍﺕ ﺍﺳﺘﻐﺮﺍﺏ ﻭﻛﺎﻧﻬﺎ ﺗﻘﻮﻝ ﻟﻬﺎ ﻛﻴﻒ
ﻋﺮﻓﺘﻲ ﺍﻧﻲ ﻋﻨﺪﻱ ﺣﺎﻟﺔ ﺍﺿﺮﺍﺏ
ﻋﺮﻓﺖ ﻋﻠﻴﺎ ﻣﻦ ﻧﻈﺮﺍﺕ ﺳﺠﻰ ﻭﺵ ﺍﻟﻲ ﻳﺪﻭﺭ ﻓﻲ ﺑﺎﻟﻬﺎ ﺗﻜﻠﻤﺖ
ﺑﺒﺘﺴﺎﻣﻪ : ﻋﺒﺪﺍﻟﺮﺣﻤﻦ ﺧﺒﺮﻧﻲ
ﺳﺠﻰ ﺣﺴﺖ ﺑﺨﺠﻞ ﺍﻻﻫﻞ ﻛﻠﻬﻢ ﻋﺮﻓﻮ ﺑﺎﻟﻲ ﺻﺎﺭ ﻣﻌﻬﺎ ﺍﻟﻲ ﻫﻲ ﻣﺎ
ﺗﺪﺭﻱ ﻭﺵ ﺍﻟﺠﺰﺀ ﺍﻟﻤﻔﻘﻮﺩ ﻣﻦ ﺍﻟﺴﺎﻟﻔﻪ ﻛﻞ ﺍﻟﻲ
ﺗﻌﺮﻓﻪ ﺍﻧﻬﺎ ﻓﻲ ﺣﺎﻟﺔ ﺍﺿﺮﺍﺏ ﻭﻣﻘﺎﻃﻌﻪ ﻣﻊ ﺍﻟﻜﻞ .. ﻭﺍﻟﻤﺼﻴﺒﻪ ﺍﻥ
ﻛﻠﻬﻢ ﻋﺎﺭﻓﻴﻦ ﻭﻣﺤﺪ ﻣﺘﻨﺰﻝ ﻳﺠﻲ ﻳﺮﺍﺿﻴﻬﺎ ﻭﻻ
ﻳﻄﻴﺐ ﺧﺎﻃﺮﻱ .. ﺧﻼﺹ ﻫﻲ ﻳﺄﺳﺖ ﻣﺎ ﺗﺒﻲ ﺍﺣﺪ ﻳﺮﺍﺿﻴﻬﺎ ..
ﺣﺘﻰ ﻟﻮ ﻳﻌﻄﻴﻬﺎ ﻛﻒ ﻳﻬﺰﺋﻬﺎ .. ﻳﻌﺎﺗﺒﻬﺎ .. ﺍﻟﻤﻬﻢ ﺍﻥ ﻓﻲ ﺍﺣﺪ ﻳﺠﻲ
ﻳﻜﻠﻤﻬﺎ ﻳﻔﻬﻤﻬﺎ .. ﻣﻠﺖ ﻣﻦ ﺍﻟﻮﺿﻊ ﺍﻟﻲ ﻫﻲ ﻓﻴﻪ
ﺟﺎﻫﺎ ﺻﻮﺕ ﻋﻠﻴﺎ ﻗﻄﻊ ﺳﺮﺣﺎﻧﻬﺎ
ﻋﻠﻴﺎ ﺑﺒﺘﺴﺎﻣﻪ : ﺳﺠﻰ ﻛﻴﻒ ﻃﻠﻌﺘﻲ ﻣﻦ ﻏﺮﻓﺘﻚ ﻣﻮ ﻋﻠﻰ ﺍﺳﺎﺱ ﻣﺎ
ﺗﺒﻴﻦ ﺍﺣﺪ ﻳﺸﻮﻓﻚ
ﺳﺠﻰ ﺑﺤﻴﺎ : ﺧﻠﻴﺖ ﺍﻟﺨﺪﺍﻣﻪ ﺗﺮﺍﻗﺐ ﻟﻲ ﺍﻟﻄﺮﻳﻖ
ﻋﻠﻴﺎ ﺍﺑﺘﺴﻤﺖ ﺍﺑﺘﺴﺎﻣﻪ ﻋﺮﻳﻀﻪ ﻭﻫﻲ ﺗﺎﺷﺮ ﻋﻠﻰ ﺍﻟﺴﺮﻳﺮ : ﺟﻠﺴﻲ ﻳﺎ
ﺳﺠﻰ ﻟﻴﻪ ﻭﺍﻗﻔﻪ
ﺳﺠﻰ ﺣﺴﺖ ﺑﺮﺍﺣﻪ ﻣﻦ ﺍﺳﻠﻮﺏ ﻋﻤﺘﻬﺎ ﻭﻫﺪﻭﺀﻫﺎ ﻭﺍﺑﺘﺴﺎﻣﺘﻬﺎ ..
ﻭﺣﺴﺖ ﺑﺎﻟﺨﺠﻞ ﻣﻦ ﻧﻔﺴﻬﺎ ﻟﻤﺎ ﻣﻦ ﺷﻮﻱ ﻛﺎﻧﺖ
ﺗﺘﺤﻠﻄﻢ ﻓﻲ ﺍﻟﻐﺮﻓﻪ ﻭﻣﺎ ﺗﺒﻲ ﺗﺠﻲ ﺗﺴﻠﻢ ﻋﻠﻰ ﻋﻤﺘﻬﺎ ﻭﺗﺤﺲ ﺍﻥ
ﻫﻤﻮﻡ ﺍﻟﺪﻧﻴﺎ ﻛﻠﻬﺎ ﺗﺠﻤﻌﺖ ﺑﺪﺍﺧﻠﻬﺎ
ﺟﻠﺴﺖ ﻋﻠﻰ ﻃﺮﻑ ﺍﻟﺴﺮﻳﺮ ﻭﺭﺍﻗﺒﺖ ﻋﻤﺘﻬﺎ ﻭﻫﻲ ﺗﻌﺪﻝ ﻣﻼﺑﺴﻬﺎ ..
ﻓﻲ ﺷﻲﺀ ﻣﺘﻐﻴﺮ ﻓﻴﻬﺎ ﺻﺎﻳﺮﻩ ﺍﻛﺜﺮ ﺍﺑﺘﺴﺎﻣﻪ
ﻭﻫﺪﻭﺀ ﻋﻠﻰ ﻋﻜﺲ ﺍﻟﺘﻮﻗﻊ .. ﻭﺗﺴﺎﺋﻠﺔ ﺑﺪﺍﺧﻠﻬﺎ ﻋﻦ ﺳﺒﺐ ﻣﺠﻴﺄ
ﻋﻤﺘﻬﺎ ﻋﻨﺪﻫﻢ ﻭﻣﺒﻴﻦ ﻣﻦ ﺣﺠﻢ ﺷﻨﻄﺘﻬﺎ ﻭﻣﻼﺑﺴﻬﺎ
ﺍﻧﻬﺎ ﻧﺎﻭﻳﻪ ﺗﺠﻠﺲ ﻋﻨﺪﻧﺎ ﻓﺘﺮﻩ ﻣﺎ ﺣﺒﺖ ﺗﺴﺄﻝ ﻋﻤﺘﻬﺎ ﻟﻴﻪ ﺟﺎﻳﻪ
ﺗﺨﺎﻑ ﻋﻤﺘﻬﺎ ﺗﻔﻬﻤﻬﺎ ﺧﻄﺄ ﻭﺗﻈﻦ ﺍﻥ ﻫﻲ ﻣﺘﻀﺎﻳﻘﻪ
ﻣﻦ ﺟﻴﺘﻬﺎ ﻋﻨﺪﻫﻢ
ﺳﺠﻰ ﺑﺘﺮﺩﺩ : ﻋﻤﻲ ﻭﺍﻓﻲ ﻣﺸﻰ ﺍﻟﻌﻤﻞ
ﻋﻠﻴﺎ ﺑﺒﺘﺴﺎﻣﻪ : ﺍﺷﺘﻘﺘﻲ ﻟﻪ ﺻﺤﻴﺢ
ﺳﺠﻰ ﻣﺎ ﺗﻘﺪﺭ ﺗﻨﻜﺮ ﻫﺬﺍ ﺍﻟﺸﻲﺀ ﺍﻟﻠﻪ ﻳﺮﺣﻢ ﺫﻳﻚ ﺍﻻﻳﺎﻡ ﺍﻟﻲ ﺗﻌﺮﻑ
ﻋﻤﻬﺎ ﻭﻳﻦ ﺍﺭﺿﻪ ﻭﻳﻦ ﺳﻤﺎﻫﺎ ﻭﺍﺫﺍ ﻣﺸﻰ ﻭﻻ ﻭﺻﻞ ﻋﻠﻰ ﻃﻮﻝ ﻳﺪﻕ
ﻋﻠﻴﻬﺎ ﺍﻣﺎ ﺍﻟﺤﻴﻦ ﻳﺎﺣﺴﺮﻩ ﺗﻄﺮ ﺍﺧﺒﺎﺭﻩ ﻃﺮﺍﺭﺍﻩ
ﻋﻠﻴﺎ : ﻣﺸﻰ ﺍﻣﺲ ﺑﺎﻟﻴﻞ
^
^
ﻓــﻲ ﻏﺮﻓﺔ ﺣﻤﺪ ..
ﺣﻤﺪ : ﺫﺑﺤﻨﻲ ﺍﻟﺸﻮﻕ ﻭﻳﻨﻚ ﻣﻦ ﺍﻣﺲ ﻣﺎ ﺳﻤﻌﺖ ﺻﻮﺗﻚ
ﻣﻴﻼﻑ : ﻗﻠﺖ ﻟﻚ ﺍﻥ ﺍﻣﺲ ﻣﻌﺰﻭﻣﻪ ﻭﻣﺎ ﺭﺟﻌﺖ ﺍﻟﻰ ﻣﺘﺎﺧﺮ ..
ﻭﻛﻨﺖ ﺗﻌﺒﺎﻧﻪ ﻧﻤﺖ ﻋﻠﻰ ﻃﻮﻝ
ﺣﻤﺪ : ﻛﻴﻒ ﺍﻟﻌﺰﻳﻤﻪ ﺍﻧﺒﺴﻄﺘﻲ
ﻣﻴﻼﻑ : ﺍﻳﻮﻩ .. ﺍﻧﺖ ﻗﻠﻲ ﺍﻣﺲ ﻭﻳﻦ ﺭﺣﺖ
ﺣﻤﺪ : ﻣﺜﻞ ﻛﻞ ﻟﻴﻠﻪ ﻋﻨﺪ ﺍﻟﺸﺒﺎﺏ ﻓﻲ ﺍﻻﺳﺘﺮﺍﺣﻪ ﺍﻗﻮﻝ ﺩﻻﻝ ﺍﻟﻴﻮﻡ
ﻋﻨﺪﻙ ﺯﻭﺍﺝ ﺻﺢ
ﻣﻴﻼﻑ ( ﻛﻴﻒ ﻋﺮﻑ ﻳﻤﻜﻦ ﺍﻧﺎ ﻗﻠﺖ ﻟﻪ ﻭﻧﺎﺳﻴﻪ ) : ﺍﻳﻮﻩ ﺯﻭﺍﺝ ﻭﻟﺪ
ﺧﺎﻟﻲ
ﺣﻤﺪ ( ﻻﺯﻡ ﺗﺰﻳﺪﻳﻦ ﺑﻬﺎﺭﺍﺕ ﻋﻠﻰ ﺍﻟﺴﺎﻟﻔﻪ ﻗﻮﻟﻲ ﺯﻭﺍﺝ ﺧﻮﻳﺘﻚ ﻻﺯﻡ
ﺗﻠﺼﻘﻴﻦ ﻓﻴﻬﺎ ﻭﺗﺴﻮﻳﻨﻬﺎ ﻭﺣﺪﻩ ﻣﻦ ﺍﻻﻫﻞ ) : ﻃﻴﺐ ﻗﻮﻝ ﻟﻲ ﺃﻱ
ﻟﻮﻥ ﻓﺴﺘﺎﻧﻚ
ﻣﻴﻼﻑ : ﺑﻨﻔﺴﺠﻲ .. ﻃﻴﺐ ﺣﻤﺪ ﺍﺧﻠﻴﻚ ﺍﻟﺤﻴﻦ ﻻﻥ ﺍﻣﻲ ﺗﻨﺎﺩﻳﻦ
ﺑﺮﻭﺡ ﺍﻟﺼﺎﻟﻮﻥ ﻧﺘﺠﻬﺰ ﻟﺰﻭﺍﺝ
ﺣﻤﺪ : ﺍﻣﻮﺕ ﺍﻧﺎ ﺑﻬﺬﺍ ﺍﻟﻮﻥ .. ﺍﻛﻴﺪ ﺑﻄﻠﻌﻴﻦ ﺍﻟﻴﻮﻡ ﻗﻤﺮ .. ﻃﻴﺐ
ﻳﺎﻟﻠﻪ ﺑﺎﻱ
ﻃﻠﻊ ﺣﻤﺪ ﻣﻦ ﺍﻟﻐﺮﻓﻪ ﻭﺭﺍﺡ ﻏﺮﻓﻪ ﺳﺠﻰ ﻭﻣﺎ ﺷﺎﻓﻬﺎ ﻣﻮﺟﻮﺩﻩ ﺳﺎﻝ
ﺍﻟﺨﺪﺍﻣﻪ ﻭﻗﺎﻟﺖ ﻟﻪ ﺍﻧﻬﺎ ﻓﻲ ﻏﺮﻓﺔ ﺍﻟﻀﻴﻮﻑ ﻣﻊ ﻋﻤﺘﻬﺎ ﻋﻠﻴﺎ .. ﺭﺍﺡ
ﻏﺮﻓﺔ ﺍﻟﻀﻴﻮﻑ ..
ﺣﻤﺪ : ﺍﺷﻮﻑ ﺍﻧﺎ ﺍﻟﺒﻴﺖ ﺍﻟﻴﻮﻡ ﺯﺍﻳﺪ ﻧﻮﺭﻩ .. ﺍﺗﺎﺭﻱ ﺍﻟﻌﻤﻪ ﻋﻠﻴﺎ ﻋﻨﺪﻧﺎ
ﻋﻠﻴﺎ ﺍﺑﺘﺴﻤﺖ ﻟﺤﻤﺪ ﺍﻟﻲ ﻭﺍﺿﺢ ﻋﻠﻴﻪ ﺍﻟﻔﺮﺣﻪ ﻟﻤﺎ ﺷﺎﻓﻬﺎ ﻭﻫﺬﺍ
ﺍﻟﺸﻲﺀ ﺧﻠﻬﺎ ﺗﺤﺲ ﺑﺮﺍﺣﻪ ﻭﺍﻥ ﻭﺟﻮﺩﻫﺎ ﺑﻬﺬﺍ ﺍﻟﺒﻴﺖ
ﻣﺮﺣﺐ ﻓﻴﻪ ﻣﻦ ﺍﺻﺤﺎﺏ ﺍﻟﺒﻴﺖ
ﺣﻤﺪ : ﻫﻼﺍﺍﺍ ﺑﺎﻟﻌﻤﻪ .. ﻛﻴﻒ ﺣﺎﻟﻚ ﻋﺴﺎﻙ ﺑﺨﻴﺮ
ﻋﻠﻴﺎ : ﺍﻟﻠﻪ ﻳﺴﻠﻤﻚ
ﺣﻤﺪ : ﻣﺘﻰ ﺟﻴﺘﻲ
ﻋﻠﻴﺎ : ﺍﻟﻴﻮﻡ ﺍﻟﺼﺒﺎﺡ ﻣﺮ ﻋﻠﻰ ﻋﺒﺪﺍﻟﺮﺣﻤﻦ ﻭﺟﻴﺖ ﻣﻌﻪ
ﺣﻤﺪ : ﻭﺍﻟﻠﻪ ﺍﻧﻲ ﺟﺎﻳﻊ ﻭﻟﻤﺎ ﺷﻔﺘﻚ ﻳﺎ ﻋﻤﻪ ﺍﻧﻔﺘﺤﺖ ﺷﻬﻴﺘﻲ
ﻭﺷﺮﺍﻳﻜﻢ ﺍﺭﻭﺡ ﺍﺷﺘﺮﻱ ﻟﻜﻢ ﻏﺪﺍ
ﻋﻠﻴﺎ ﺑﺒﺘﺴﺎﻣﻪ : ﺣﺘﻰ ﺍﻧﺎ ﺍﺣﺲ ﺑﺠﻮﻉ
ﺣﻤﺪ ﺑﺒﺘﺴﺎﻣﻪ : ﻭﺵ ﻧﻔﺴﻚ ﻓﻴﻪ .. ﺑﺮﻳﺎﻧﻲ .. ﻣﻨﺪﻱ .. ﻏﻮﺯﻱ
ﺳﺠﻰ : ﺍﻧﺎ ﺍﻃﻠﺐ ﻟﻲ ﻭﺟﺒﻪ ﻣﻦ ﻛﻮﺩﻭ ﺍﻧﺎ ﻭﺻﺎﺣﺒﺘﻲ ﺩﻻﻝ ﻻﻥ
ﺍﻟﺤﻴﻦ ﻫﻲ ﺑﺘﺠﻲ
ﺣﻤﺪ ﺍﺗﺴﻌﺖ ﻋﻴﻮﻧﻪ ﻟﻤﺎ ﻗﺎﻟﺖ ﺳﺠﻰ ﺍﻥ ﺩﻻﻝ ﺍﻟﺤﻴﻦ ﺭﺍﺡ ﺗﺠﻲ
( ﺍﻫﺎﺍﺍ ﺗﻌﺠﻠﻴﻨﻲ ﺗﺒﻴﻨﻲ ﺍﺳﻜﺮ ﻋﻠﺸﺎﻥ ﺑﺘﺮﻭﺡ ﺍﻟﺼﺎﻟﻮﻥ
.. ﺍﺗﺎﺭﻳﻬﺎ ﺑﺘﺠﻴﻦ ﻫﻨﺎ ﻋﻨﺪﻧﺎ ﺗﺘﺠﻬﺰﻳﻦ ﻣﻊ ﺳﺠﻮﻱ .. ﺩﻻﻝ ﻣﺸﻜﻠﺘﻬﺎ
ﺗﺤﺐ ﺗﺤﺮﻑ ﺍﻟﺤﻘﺎﺋﻖ ﺷﻮﻱ ﻭﺗﻌﻄﻴﻬﺎ ﺷﻜﻞ ﺍﺭﻗﻰ )
ﺣﻤﺪ ﺑﺒﺘﺴﺎﻣﻪ : ﻃﻴﺐ
ﺍﻟﺴﺎﻋﻪ .. 5 ﺍﻟﻌﺼﺮ ﺟﺎﺕ ﺩﻻﻝ ﻭﻣﻌﻬﺎ ﺗﻴﻨﺎ ﻭﻣﻨﺎﻝ ..
ﺗﻌﺮﻓﺖ ﺩﻻﻝ ﻋﻠﻰ ﻋﻠﻴﺎ ﻋﻤﺖ ﺳﺠﻰ ﺍﻟﻲ ﺍﻭﻝ ﻣﺮﻩ ﺗﺸﻮﻓﻬﺎ ..
ﻭﺗﺴﻠﻢ ﻋﻠﻴﻬﺎ ﻃﺒﻌﺎ ﻋﻠﻴﺎ ﻣﺎ ﺗﻘﺒﻠﺖ ﻭﺟﻮﺩ ﺩﻻﻝ ﻻﻧﻬﺎ ﻣﺎ ﺗﺤﺐ ﻛﺜﻴﺮ
ﺗﺠﻠﺲ ﻣﻊ ﺍﻧﺎﺱ ﻣﺎ ﺗﻌﺮﻓﻬﻢ ..
ﺳﺠﻰ ﻭﻫﻲ ﺗﻨﺎﻇﺮ ﺩﻻﻝ : ﻭﻳﻦ ﻣﻨﺎﻝ ﻭﺗﻴﻨﺎ
ﺩﻻﻝ : ﺩﺧﻠﺘﻬﻢ ﻏﺮﻓﺘﻚ ﻭﺟﻠﺴﺘﻬﻢ ﻫﻨﺎﻙ ﻗﻠﺖ ﻟﻬﻢ ﺷﻮﻱ ﻭﺟﺎﻳﻪ
ﻟﻜﻢ
ﺳﺠﻰ : ﺍﻫﺎﺍﺍﺍ ( ﺍﺭﻓﻌﺖ ﻳﺪﻫﺎ ﻭﻧﺎﻇﺮﺕ ﺍﻟﺴﺎﻋﻪ ) .. ﻣﺎﻛﺎﻥ ﺣﻤﺪ
ﺗﺎﺧﺮ ﺑﻤﻮﺕ ﻣﻦ ﺍﻟﺠﻮﻉ
ﺩﻻﻝ : ﻟﻴﻪ ﻣﺎ ﺗﻐﺪﻳﺘﻮ
ﺳﺠﻰ : ﻻ ﻣﺎ ﺗﺸﻮﻓﻴﻨﻲ ﻓﺎﺻﻠﻪ ﺷﻮﻱ ﻻﻥ ﻣﻦ ﺍﻣﺲ ﻣﺎ ﻃﺐ ﺷﻲﺀ
ﻓﻲ ﺑﻄﻨﻲ ﻭﺍﻧﺘﻲ ﻟﻴﻜﻮﻥ ﺗﻐﺪﻳﺘﻲ ﻻﻧﻲ ﻭﺻﻴﺘﻪ
ﻳﺸﺘﺮﻱ ﻟﻚ ﻏﺪﺍ ﻣﻌﻨﺎ
ﺩﻻﻝ : ﻻ ﻣﺘﻐﺪﻳﺖ ﻻﻧﻲ ﻣﻮ ﻣﺸﺘﻬﻴﻪ .. ﺳﺠﻰ ﻗﻮﻣﻲ ﺟﻴﺒﻲ
ﻓﺴﺘﺎﻧﻚ ﺧﻠﻴﻨﻲ ﺍﺷﻮﻓﻪ
ﺳﺠﻰ ﺑﺒﺘﺴﺎﻣﻪ ﻭﻫﻲ ﻗﺎﻳﻤﻪ : ﺑﺮﻭﺡ ﺍﺟﻴﺒﻪ ﻭﺑﺠﻲ
ﺩﻻﻝ ﺍﺳﺘﻘﻠﺖ ﺧﺮﻭﺝ ﺳﺠﻰ ﻣﻦ ﺍﻟﻐﺮﻓﻪ ﻭﺣﺎﻭﻟﺖ ﺗﺘﻘﺮﺏ ﻣﻦ ﻋﻠﻴﺎ
ﺍﻟﻲ ﻣﻦ ﺍﺟﻠﺴﻮ ﻣﻌﻬﺎ ﻭﻫﻲ ﺳﺎﻛﺘﻪ ﺗﻨﺎﻇﺮ ﻓﻴﻬﻢ
ﻭﻛﻞ ﻣﺎ ﻳﺴﺎﻟﻮﻧﻬﺎ ﺍﻭ ﻳﺤﺎﻭﻟﻮﻥ ﻳﺸﺎﻛﻮﻧﻬﺎ ﻓﻲ ﺍﻟﺤﺪﻳﺚ ﻣﺎ ﺗﺘﺠﺎﻭﺏ
ﻣﻌﻬﻢ ﻭﻣﺎ ﺗﺠﻮﺍﺏ ﺍﻟﻲ ﻋﻠﻰ ﻗﺪ ﺍﻟﺴﺆﺍﻝ ﻫﻴﺄﺗﻬﺎ
ﻣﺜﻞ ﻭﺻﻒ ﺳﺠﻰ ﻟﻬﺎ ﻃﺮﻳﻘﺔ ﻧﻈﺮﺍﺗﻬﺎ ﻭﺍﺳﻠﻮﺑﻬﺎ ﺣﺰﻧﻬﺎ ﺍﻟﻼﻣﻊ ﻓﻲ
ﻋﻴﻨﻬﺎ .. ﻣﻼﻣﺤﻬﺎ ﺍﻟﻄﺎﻓﻴﻪ .. ﻫﺪﻭﺀﻫﺎ ﺍﻟﻐﺎﻣﺾ
ﻟﺒﺴﻬﺎ .. ﺷﻌﺮﻫﺎ
ﺩﻻﻝ ﺑﺒﺘﺴﺎﻣﻪ : ﻋﻠﻴﺎ ﺍﻧﺖ ﻭﺵ ﺗﺪﺭﺳﻴﻦ
ﻋﻠﻴﺎ ﺑﺤﺬﺭ : ﺍﺩﺭﺱ ﺑﺎﻟﻜﻠﻴﻪ ﻗﺴﻢ ﺭﻳﺎﺿﻴﺎﺕ
ﺩﻻﻝ : ﺗﺼﺪﻗﻴﻦ ﺍﻧﺎ ﺍﺣﺐ ﻫﺬﻱ ﺍﻟﻤﺎﺩﻩ ﻻﻥ ﻓﻴﻬﺎ ﺗﻔﻜﻴﺮ ﻭﺗﺮﻛﻴﺰ ..
ﺑﺲ ﻣﺎﻫﻲ ﻣﻴﻮﻟﻲ
ﻋﻠﻴﺎ : ﺍﻳﻮﻩ ﻫﻲ ﻳﺒﻲ ﻟﻬﺎ ﻛﺜﻴﺮ .. ﺍﻧﺖ ﻭﺵ ﻣﻴﻮﻟﻚ
ﺩﻻﻝ ﺍﻧﺒﺴﻄﺖ ﻣﻦ ﺗﺠﺎﻭﺏ ﻋﻠﻴﺎ ﻣﻌﻬﺎ : ﻣﺪﺭﻱ ﺗﻘﺪﺭﻳﻦ ﺗﻘﻮﻟﻴﻦ ﺃﻱ
ﺷﻲﺀ ﻓﻲ ﺍﺑﺪﺍﻉ ﻭﺫﻭﻕ .. ﺳﺠﻠﻨﺎ ﺍﻧﺎ ﻭﺳﺠﻰ ﻓﻲ
ﺟﺎﻣﻌﺔ ﺍﻟﻤﻠﻚ ﻓﻴﺼﻞ ﺗﺨﺼﺺ ﺗﺼﻤﻴﻢ ﺩﺍﺧﻠﻲ .. ﻫﻲ ﺗﺤﺐ ﺍﻟﺮﺳﻢ
ﻭﺍﻧﺎ ﻟﻲ ﻓﻴﻪ ﺑﺲ ﻣﻮ ﻛﺜﻴﺮ ﻭﺍﻧﺎ ﻋﻨﺪﻱ ﺍﻻﺑﺘﻜﺎﺭ ﻭﺍﻟﺬﻭﻭﻕ
ﺍﺩﺧﻠﺖ ﻓﻲ ﻫﺬﻱ ﺍﻟﺤﻈﻪ ﺳﺠﻰ ﻭﻣﻌﻬﺎ ﺍﻟﻜﻴﺴﻪ ﺍﻟﻲ ﻓﻴﻬﺎ ﻓﺴﺘﺎﻧﻬﺎ ..
ﺑﺒﺘﺴﺎﻣﻪ ﺍﺟﻠﺴﺖ ﺟﻨﺒﻬﻢ ﻭﻓﺘﺤﺖ ﺍﻟﻜﻴﺴﻪ ﻭﻃﻠﻌﺖ ﺍﻟﻔﺴﺘﺎﻥ .. : ﻫﺎ
ﻗﻮﻝ ﻟﻲ ﻭﺵ ﺭﺍﻳﻚ ﻓﻴﻪ
ﺩﻻﻝ ﺑﺒﺘﺴﺎﻣﻪ : ﺭﻭﻭﻭﻋﻪ .. ﺷﻜﻠﻚ ﻧﺎﻭﻳﻪ ﺍﻟﻴﻮﻡ ﺗﺎﺧﺬﻳﻦ ﺍﻟﺠﻮﻭ
ﺳﺠﻰ : ﻻ ﻋﺎﺩ ﻣﺎ ﺍﻗﺪﺭ ﺍﺧﺬ ﺍﻟﺠﻮ ﻣﻨﻚ .. ﻃﻴﺐ ﺍﻧﺖ ﻭﻳﻦ ﻓﺴﺘﺎﻧﻚ
ﺩﻻﻝ : ﻫﻨﺎﻙ ﻓﻲ ﻏﺮﻓﺘﻚ .. ﺍﺫﺍ ﻃﻠﻌﻨﺎ ﻣﻦ ﻫﻨﺎ ﺍﺧﻠﻴﻚ ﺗﺸﻮﻓﻴﻨﻪ
ﺳﺠﻰ ﺑﺘﺮﺩﺩ : ﺩﻻﻝ ﻣﺎ ﺗﻌﺮﻓﻴﻦ ﺍﻧﻔﺎﻝ ﻭﺵ ﺭﺍﺡ ﺗﻠﺒﺲ ﺍﻟﻴﻮﻡ
ﺩﻻﻝ : ﺳﺎﻟﺘﻬﺎ ﻟﻤﺎ ﺩﻗﻴﺖ ﻋﻠﻴﻬﺎ ﺍﻟﻴﻮﻡ ﺍﻟﻈﻬﺮ ﺍﺳﻠﻢ ﻋﻠﻴﻬﺎ ﻭﻃﻤﻦ
ﻋﻠﻴﻬﺎ ﺑﻌﺪ ﻳﻮﻡ ﺍﻣﺲ .. ﻗﺎﻟﺖ ﺍﻥ ﻫﻲ ﻧﻔﺴﻬﺎ ﻣﺎ ﺗﺪﺭﻱ ﻭﺵ ﺗﻠﺒﺲ
ﺍﻡ ﺿﺎﺭﻱ ﻭﺍﻡ ﺷﻬﺎﺏ ﻣﺼﻤﻤﻴﻦ ﻟﻬﺎ ﻓﺴﺘﺎﻥ ﻋﻠﻰ ﺫﻭﻭﻗﻬﻢ ﻭﻟﺴﻰ ﻣﺎ
ﺷﺎﻓﺘﻪ
ﺳﺠﻰ ﺑﻔﺮﺡ : ﺍﻛﻴﺪ ﺭﺍﺡ ﻳﻄﻠﻊ ﺣﻠﻮﻭ ﻭﺭﺍﻗﻲ ﺩﺍﻡ ﺍﻥ ﻣﻦ ﺫﻭﻭﻕ ﺍﻡ
ﺿﺎﺭﻱ
ﺩﻻﻝ : ﺍﻳﻮﻩ ﺣﺘﻰ ﺍﻧﺎ ﻟﻤﺎ ﻗﺎﻟﺖ ﻟﻲ ﻗﻠﺖ ﺍﻛﻴﺪ ﺭﺍﺡ ﻳﻄﻠﻊ ﺭﺍﻗﻲ
ﺩﻻﻝ ﻭﺳﺠﻰ ﻧﺴﻮ ﺍﻧﻔﺴﻬﻢ ﻭﺧﺬﺗﻬﻢ ﺍﻟﺴﻮﺍﻟﻒ ﻋﻦ ﺍﻟﻔﺴﺎﺗﻴﻦ
ﻭﺍﻟﺰﻭﺍﺝ ﻭﻛﻞ ﻭﺣﺪﻩ ﻭﺵ ﺭﺍﺡ ﺗﻠﺒﺲ ﻭﻛﻴﻒ ﺗﺒﻲ ﻳﻜﻮﻥ
ﻣﻜﻴﺎﺟﻬﺎ ﻭﺷﻌﺮﻫﺎ .. ﻭﻣﺎ ﺣﻄﻮ ﻓﻲ ﺑﺎﻟﻬﻢ ﺍﻥ ﻋﻠﻴﺎ ﺟﺎﻟﺴﻪ ﺟﻨﺒﻬﻢ
ﺗﺴﻤﻊ ﻛﻼﻣﻬﻢ
ﺩﻻﻝ ﺍﻧﺘﺒﻬﺖ ﻟﻨﻔﺴﻬﺎ ﻭﻋﻠﻰ ﻃﻮﻝ ﻧﺎﻇﺮﺕ ﻋﻠﻴﺎ ﻭﻗﺎﻟﺖ : ﻋﻠﻴﺎ ﻟﻴﻪ ﻣﺎ
ﺗﺮﻭﺣﻴﻦ ﺍﻟﻴﻮﻡ ﻣﻌﻨﺎ ﺍﻟﺰﻭﺍﺝ
ﻋﻠﻴﺎ ﻧﺎﻇﺮﺕ ﻓﻲ ﺩﻻﻝ ﻧﻈﺮﺍﺕ ﺍﺳﺘﻐﺮﺍﺏ .. ﺍﻣﺎ ﺳﺠﻰ ﻓﺨﺎﻓﺖ ﺍﻥ
ﻋﻠﻴﺎ ﺗﺘﻀﺎﻳﻖ ﻣﻦ ﻛﻼﻡ ﺩﻻﻝ ﻓﻀﻠﺖ ﺗﺮﺍﻗﺐ ﻣﻼﻣﺢ
ﻋﻠﻴﺎ ﻭﻣﺪﻯ ﺗﻘﺒﻠﻬﺎ ﻟﻜﻼﻡ ﺩﻻﻝ .. ﻭﻳﺪﻫﺎ ﻋﻠﻰ ﻗﻠﺒﻬﺎ
ﻋﻠﻴﺎ ﻣﺎ ﺭﺣﺒﺖ ﺑﺎﻟﻔﻜﺮﻩ ﻭﻣﺎ ﻋﺮﺿﺘﻬﺎ ﻫﺰﺕ ﺍﻛﺘﺎﻓﻬﺎ ﻭﻗﺎﻟﺖ : ﻻ ﻣﺎ
ﺍﻗﺪﺭ ﺍﺭﻭﺡ ﻣﻌﻜﻢ
ﺩﻻﻝ ﺑﺎﺻﺮﺍﺭ : ﻟﻴﻪ ﻣﺎ ﺗﺮﻭﺣﻴﻦ ﻣﻌﻨﺎ ﺗﻐﻴﺮﻳﻦ ﺟﻮ .. ﺻﺪﻗﻴﻨﻲ
ﺑﺘﻨﺒﺴﻄﻴﻦ
ﺳﺠﻰ ﻣﺎ ﻋﺠﺒﻬﺎ ﺍﻟﺤﺎﺡ ﺩﻻﻝ ﻋﻠﻰ ﺍﻟﻤﻮﺿﻮﻉ ﻭﺧﺎﻓﺖ ﺍﻛﺜﺮ ﺍﻥ
ﺗﺘﻀﺎﻳﻖ ﻋﻠﻴﺎ ﻓﺤﺒﺖ ﺗﻐﻴﺮ ﺍﻟﻤﻮﺿﻮﻉ : ﺩﻻﻝ ﻛﻠﻤﺘﻲ ﻫﻴﺎﻡ
ﺩﻻﻝ ﻧﺎﻇﺮﺕ ﺳﺠﻰ ﻭﻋﺮﻓﺖ ﺍﻧﻬﺎ ﺗﺤﺎﻭﻝ ﺗﻐﻴﺮ ﺍﻟﻤﻮﺿﻮﻉ : ﺩﻗﺖ
ﻫﻲ ﻋﻠﻲ ﺗﺒﻴﻨﺎ ﻧﻤﺮﻫﺎ ﺍﺫﺍ ﺧﻠﺼﻨﺎ ﻭﻧﺎﺧﺬﻫﺎ ﻣﻌﻨﺎ
ﻭﺑﺴﺮﻋﻪ ﺍﻟﺘﻔﺘﺖ ﻋﻠﻰ ﻋﻠﻴﺎ ﻭﻗﺎﻟﺖ : ﻫﺎ ﻭﺵ ﻗﻠﺘﻲ
ﻋﻠﻴﺎ ﻭ ﺍﻟﻔﻜﺮﻩ ﺗﺘﺄﺭﺟﺢ ﻓﻲ ﺑﺎﻟﻬﺎ ﻳﻌﻨﻲ ﺑﻴﻦ ﺗﺮﻭﺡ ﻭﻣﺎ ﺗﺮﻭﺡ :
ﻣﺪﺭﻱ ﺑﺲ ﺍﻧﺎ ﻣﻦ ﺯﻣﺎﻥ ﻣﺎﺭﺣﺖ ﺯﻭﺍﺝ
ﺩﻻﻝ ﺑﺒﺘﺴﺎﻣﻪ : ﻳﻌﻨﻲ ﻣﻮﺍﻓﻘﻪ ..
ﻋﻠﻴﺎ ﻣﻮ ﺍﻧﻄﻮﺍﺋﻴﻪ ﻟﺪﺭﺟﻪ ﺍﻟﻌﺰﻻ ﺍﻟﺘﺎﻣﻪ ﺑﺎﻟﻌﻜﺲ ﻫﻲ ﻓﻲ ﺻﻮﺕ
ﺑﺪﺍﺧﻠﻬﺎ ﻳﻨﺎﺩﻱ ﻟﻠﺤﺮﻳﻪ .. ﻟﻜﻦ ﻳﺒﻲ ﻣﻦ ﻳﺴﻤﻌﻪ
ﻳﻔﻬﻤﻪ ﺍﻭﻝ ﻣﺮﻩ ﺍﺣﺪ ﻳﻌﺰﻣﻬﺎ ﻋﻠﻰ ﺯﻭﺍﺝ ﺍﻟﻨﺎﺱ ﻛﻠﻬﻢ ﻋﻨﺪﻫﻢ ﺍﻥ
ﺍﻟﻤﻄﻠﻘﻪ ﺍﻧﺘﻬﻰ ﺩﻭﺭﻫﺎ ﺍﻟﻤﻔﺮﻭﺽ ﺍﻧﻬﺎ ﺣﻴﺎﺗﻬﺎ
ﺗﺴﺘﻤﺮ ﺑﻴﻦ ﺍﺭﻛﺎﻥ ﺍﻟﻤﻨﺰﻝ ﻣﺎ ﺗﻄﻠﻊ ﻣﺎ ﺗﺘﻤﺸﻰ ﻣﺎ ﺗﺴﺎﻓﺮ ﻣﺎ ﺗﻜﺸﺦ
ﻻﻥ ﺧﺬﺕ ﻓﺮﺻﺘﻬﺎ ﻭﻓﺸﻠﺖ .. ﻋﻠﻴﺎ ﺗﻌﺘﺒﺮ ﺣﺎﻟﻪ
ﺧﺎﺻﻪ ﻣﺘﻀﺨﻤﻪ ﻛﺎﻥ ﻟﻠﻨﺎﺱ ﺍﻟﺪﻭﺭ ﺍﻻﻛﺒﺮ ﻓﻲ ﻧﺒﺬﻫﺎ ﻭﺗﺠﺮﻳﺪﻫﺎ ﻣﻦ
ﻣﻤﺎﺭﺳﺔ ﺍﻻﻣﻮﺭ ﺍﻟﺤﺎﻳﺘﻴﻪ ﺑﺸﻜﻞ ﻃﺒﻴﻌﻲ
ﻳﻌﻨﻲ ﻟﻮ ﺭﺍﺣﺖ ﺯﻭﺍﺝ ﺍﻭ ﻋﺰﻳﻤﻪ ﺍﻟﻨﺎﺱ ﺑﺘﻘﻮﻝ ﻳﻮ ﻟﻬﺎ ﻋﻴﻦ ﺗﺠﻲ ..
ﻋﻠﻴﺎ ﻫﺰﺕ ﺭﺍﺳﻬﺎ ﺑﻤﻌﻨﻰ ﻣﻮﺍﻓﻘﻪ .. ﻭﻫﺬﺍ ﺍﻟﺸﻲﺀ ﺍﺛﺎﺭ ﺍﺳﺘﻐﺮﺍﺏ
ﺳﺠﻰ ﺍﻟﻴﻮﻡ ﻋﻤﺘﻬﺎ ﻋﻠﻴﺎ ﻋﻠﻴﻬﺎ ﺣﻼﻛﺎﺕ ﻏﺮﻳﺒﻪ ﻭﻛﺎﻥ ﺑﻌﺾ ﺍﻟﻘﻴﻮﺩ
ﺑﺪﺕ ﺗﻨﻔﻚ .. ﺑﺲ ﻫﺬﺍ ﻣﺎ ﻳﻤﻨﻊ ﺍﻧﻲ ﺍﻓﺮﺡ ﻭﺍﻧﺒﺴﻂ ﻻﻧﻬﺎ ﺑﺘﺮﻭﺡ
ﻣﻌﻨﺎ
ﻋﻠﻴﺎ ﺑﺘﺮﺩﺩ ﻭﻫﻲ ﺗﻨﺎﻇﺮ ﻓﻲ ﺩﻻﻝ : ﺑﺲ ﺍﻧﺎ ﻣﺎ ﻋﻨﺪﻱ ﺷﻲﺀ ﺍﻟﺒﺴﻪ
ﺩﻻﻝ ﺑﺒﺘﺴﺎﻣﻪ ﻋﺮﻳﻀﻪ : ﺑﺲ ﻛﺬﺍ ﺍﻟﺤﻴﻦ ﺍﺩﻕ ﻋﻠﻰ ﺍﻣﻲ ﻭﺧﻠﻴﻬﺎ
ﺗﻄﺮﺵ ﻓﺴﺎﺗﻴﻨﻲ ﻣﻊ ﺍﻟﺴﺎﻳﻖ ﻭﻟﺒﺴﻲ ﺍﻟﻲ ﻳﻌﺠﺒﻚ ﻭﺗﺮﻯ ﺑﻌﻀﻬﻢ ﻣﺎ
ﻟﺒﺴﺘﻬﻢ .. ﺍﻟﺤﻴﻦ ﺍﻛﻠﻢ ﺍﻣﻲ
ﺑﻌﺪ ﻧﺼﻒ ﺳﺎﻋﻪ ﻛﺎﻧﺖ ﺍﻟﻔﺴﺎﺗﻴﻦ ﻋﻨﺪ ﺩﻻﻝ ..
ﺩﻻﻝ ﻭﻫﻲ ﻣﺎﺳﻜﻪ ﻓﺴﺘﺎﻥ ﺍﺧﻀﺮ ﻓﻲ ﻳﺪﻫﺎ : ﻭﺵ ﺭﺍﻳﻚ ﻓﻲ ﻫﺬﺍ
ﺑﻴﻄﻠﻊ ﻳﺠﻨﻦ ﻋﻠﻴﻚ
ﻋﻠﻴﺎ ﻛﺎﻥ ﻓﻲ ﺷﻲﺀ ﻳﻤﻨﻌﻬﺎ ﻣﻦ ﺍﻥ ﺗﻠﺒﺲ ﻫﺬﺍ ﺍﻟﻔﺴﺘﺎﻥ ﻣﻊ ﺍﻧﻪ
ﻋﺎﺟﺒﻬﺎ ﻛﺜﻴﺮ ﻭﻣﺴﺘﺤﻴﻪ ﺗﻘﻮﻝ ﻟﺪﻻﻝ
ﺩﻻﻝ ﻭﻫﻲ ﺗﻨﺎﻇﺮ ﻋﻠﻴﺎ : ﻣﺎ ﻗﻠﺖ ﻟﻲ ﻭﺵ ﺭﺍﻳﻚ ﻓﻴﻪ
ﻋﻠﻴﺎ ﺑﺘﺮﺩﺩ ﻭﺑﻨﻈﺮﺍﺕ ﺣﺰﻳﻨﻪ : ﺣﻠﻮﻭ
ﺩﻻﻝ ﻭﻫﻲ ﺗﻤﺴﻚ ﻋﻠﻴﺎ ﻣﻦ ﻳﺪﻫﺎ : ﻭﺵ ﺗﻨﺘﻈﺮﻳﻦ ﻳﺎﻟﻠﻪ ﻟﺒﺴﻴﻪ
ﺧﻠﻴﻨﻲ ﺍﺷﻮﻓﻪ ﻋﻠﻴﻚ
ﻋﻠﻴﺎ ﺧﺬﺕ ﺍﻟﻔﺴﺘﺎﻥ ﻣﻦ ﻳﺪ ﺩﻻﻝ .. ﻭﻫﻲ ﻣﺴﺘﺤﻴﻪ ﺗﻠﺒﺴﻪ
ﺩﻻﻝ ﻭﻫﻲ ﺗﻠﻒ ﻭﺟﻬﺎ ﺟﻬﺖ ﺍﻟﺒﺎﺏ ﻭﺗﻐﻤﺾ ﻋﻴﻮﻧﻬﺎ : ﻳﺎﻟﻠﻪ ﻣﺎﺭﺍﺡ
ﺍﻃﺎﻟﻊ ﻣﺎﺑﻲ ﺍﻟﺘﻔﺖ ﻭﻣﺎ ﺍﺷﻮﻓﻚ ﻻﺑﺴﺘﻪ
ﺑﻌﺪ ﺧﻤﺲ ﺩﻗﺎﻳﻖ
ﺩﻻﻝ ﻭﻫﻲ ﺗﻠﺘﻔﺖ ﻋﻠﻰ ﻋﻠﻴﺎ ﺑﺒﺘﺴﺎﻣﻪ : ﻭﺍﻟﻠﻪ ﺭﻭﻭﻋﻪ ﻋﻠﻴﻚ
ﺍﻟﻔﺴﺘﺎﻥ ﻣﻊ ﺍﻧﻪ ﺷﻮﻱ ﻭﺍﺳﻊ ﻋﻨﺪ ﺍﻟﺨﺼﺮ ﺑﺲ ﻣﺎ ﻳﺎﺛﺮ
ﻋﻠﻴﺎ ﻣﻦ ﺯﻣﺎﻥ ﻣﺎ ﻟﺒﺴﺖ ﻓﺴﺘﺎﻥ ﻛﺬﺍ ..ﻛﺎﻥ ﺍﻟﻔﺴﺘﺎﻥ ﺍﺧﻀﺮ ﺣﺮﻳﺮ
ﻭﻓﻴﻪ ﺷﺮﻳﻂ ﻛﺮﺳﺘﺎﻝ ﺍﺑﻴﺾ ﺗﺤﺖ ﺍﻟﺼﺪﺭ ﻭﻃﻮﻕ
ﻓﻲ ﺍﻟﺮﻗﺒﻪ ﻣﻦ ﺍﻟﻜﺮﺳﺘﺎﻝ ﻓﻴﻪ ﻓﺘﺤﺎﺕ ﻓﻲ ﺍﻟﺠﻨﺒﻴﻦ ﻭﺍﻟﻈﻬﺮ ﻣﻦ
ﺍﻟﺨﻠﻒ ﺷﻮﻱ ﻋﺎﺭﻱ ﻭﻓﻴﻪ ﻋﻠﻤﺎﺕ ﺿﺮﺏ ﻣﻦ
ﺍﻟﻜﺮﺳﺘﺎﻝ ﺍﻻﺑﻴﺾ ﻛﺎﻥ ﺭﺍﻗﻲ ﺑﻤﻌﻨﺎ ﺍﻟﻜﻠﻤﻪ .. ﻟﻤﺎ ﻗﺮﺑﺖ ﺩﻻﻝ ﻣﻦ
ﻋﻠﻴﺎ ﺣﺴﺖ ﻋﻠﻴﺎ ﺑﺎﻻﺣﺮﺍﺝ ﻭﻧﻘﻠﺐ ﻭﺟﻬﺎ ﻣﻼﻫﻲ
ﻭﻛﻞ ﻣﺎ ﺣﺎﻭﻟﺖ ﺩﻻﻝ ﺗﻌﺪﻝ ﻟﻬﺎ ﺍﻟﻔﺴﺘﺎﻥ ﻣﻦ ﺍﻟﺨﻠﻒ ﻣﺎ ﺗﺮﺿﻰ ﺗﻠﻒ
.. ﻟﻜﻦ ﺩﻻﻝ ﺍﺻﺮﺕ ﺍﻥ ﺗﻌﺪﻝ ﻟﻬﺎ ﺍﻟﻔﺴﺘﺎﻥ ﻣﻦ
ﺍﻟﺨﻠﻒ ﻋﻠﺸﺎﻥ ﻳﺠﻲ ﻣﻀﺒﻮﻁ ﻋﻠﻰ ﺟﺴﻤﻬﺎ
ﺍﻧﺼﺪﻣﺖ ﺩﻻﻝ ﻣﻦ ﺍﻟﻲ ﺷﺎﻓﺘﻪ ﻓﻲ ﻇﻬﺮ ﻋﻠﻴﺎ ﻭﻋﺮﻓﺖ ﻟﻴﻪ ﻋﻠﻴﺎ
ﻣﺮﺗﺒﻜﻪ ﻭﺧﺎﻳﻔﻪ .. ﻭﻣﺎ ﻭﺩﻫﺎ ﺗﻠﺒﺲ ﻫﺬﺍ ﺍﻟﻔﺴﺘﺎﻥ
ﻭﺣﺴﺖ ﺑﺬﻧﺐ ﻻﻧﻬﺎ ﺍﺿﻐﻄﺖ ﻋﻠﻴﻬﺎ ﻭﺧﻠﺘﻬﺎ ﺗﻠﺒﺴﻪ .. ﻟﻜﻦ ﻫﺬﺍ ﺍﺛﺎﺭ
ﺍﻟﻔﻀﻮﻝ ﺑﺪﺍﺧﻠﻬﺎ
ﺩﻻﻝ ﺑﻬﺪﻭﺀ : ﻋﻠﻴﺎ ﻭﺵ ﻣﺼﺪﺭ ﻫﺬﻱ ﺍﻟﺤﺮﻭﻕ ﺍﻟﻲ ﺑﻈﻬﺮﻙ ﻭﻓﻲ
ﻳﺪﻙ
ﺩﻻﻝ ﺍﺳﺎﻟﺖ ﺳﺆﺍﻟﻬﺎ ﻣﻦ ﺑﺎﺏ ﺍﻟﻤﻔﻀﻮﻝ ﻭﺍﻟﻤﻌﺮﻓﻪ ﻣﺎ ﻛﺎﻧﺖ ﻣﺘﻮﻗﻌﻪ
ﺍﻥ ﻋﻠﻴﺎ ﺑﺘﻘﻮﻟﻬﺎ ﻟﻜﻦ ﻳﻜﻔﻴﻬﺎ ﻃﺮﺡ ﺍﻟﺴﺆﺍﻝ ﻻﺷﺒﺎﻉ ﺍﻟﻘﻠﻴﻞ ﻣﻦ
ﺍﻟﻔﻀﻮﻝ
ﻋﻠﻴﺎ ﻣﺎﺗﺪﺭﻱ ﻟﻴﻪ ﺣﺒﺖ ﺗﻘﻮﻝ ﻟﺪﻻﻝ ﻳﻤﻜﻦ ﻋﻠﺸﺎﻥ ﺍﻟﺘﻤﺴﺖ ﻓﻴﻬﺎ
ﺍﻟﻄﻴﺒﻪ ﻭﺍﻟﻌﻔﻮﻳﻪ .. ﻭﺍﺻﺮﺍﺭﻩ ﻋﻠﻰ ﺍﻥ ﺗﻀﻌﻬﺎ ﺍﻣﺎﻡ
ﺍﻣﻮﺭ ﻏﻴﺮ ﺍﻋﺘﻴﺎﺩﻳﻪ ﺑﻨﺴﺒﻪ ﻟﻌﻠﻴﺎ .. ﻣﺤﺎﻭﻟﺘﻬﺎ ﻟﺮﻓﻊ ﺍﻟﺤﻮﺍﺟﺰ ..
ﻭﺣﺴﺖ ﺍﻧﻬﺎ ﻗﺮﻳﺒﻪ ﻣﻨﻬﺎ ﻭﻛﺎﻧﻬﺎ ﺗﻌﺮﻑ ﻛﻞ ﺷﻲﺀ ..
ﻭﺑﺎﻻﺿﺎﻓﻪ ﺍﻥ ﺩﻻﻝ ﺍﻧﺴﺎﻧﻪ ﺗﺪﺧﻞ ﺍﻟﻘﻠﺐ
ﻋﻠﻴﺎ ﺑﺼﻮﺕ ﻭﺍﻃﻲ : ﻫﺬﺍ ﺍﻟﺤﺮﻭﻕ ﺳﺒﺒﻬﺎ ﺿﺮﺏ ﺯﻭﺟﻲ ﻟﻲ
ﺩﻻﻝ ﺗﻔﺎﺟﺎﺕ ﻣﻦ ﺭﺩ ﻋﻠﻴﺎ ﻋﻠﻰ ﺳﺆﺍﻟﻬﺎ .. ﻭﻫﺬﺍ ﺷﻲﺀ ﻃﻴﺐ ﻣﻌﻨﺎﺗﺎ
ﺍﻥ ﻋﻠﻴﺎ ﺑﺪﺕ ﺗﺘﺨﻄﺎ ﺍﻟﺤﻮﺍﺟﺰ .. ﻫﻲ ﻣﺎﺗﺪﺭﻱ ﻟﻴﻪ
ﻣﻬﺘﻤﺎ ﺑﻌﻠﻴﺎ ﻭﻓﻴﻬﺎ ﺍﺻﺮﺍﺭ ﻗﻮﻱ ﺑﺪﺍﺧﻠﻬﺎ ﺍﻧﻬﺎ ﺗﺤﻮﺍﻝ ﺗﺘﻘﺮﺏ ﻣﻨﻬﺎ
ﻭﺗﺪﺧﻞ ﻋﺎﻟﻤﻬﺎ ﺍﻭ ﺑﻤﻌﻨﻰ ﺍﺻﺢ ﺍﻧﻬﺎ ﺗﺤﺎﻭﻝ
ﺗﻌﻴﺸﻬﺎ ﺑﺎﻻﺭﺽ ﺍﻟﻮﺍﻗﻊ ﺍﻟﻲ ﺍﻟﻤﻔﺮﻭﺽ ﺍﻧﻬﺎ ﺗﻮﺍﺟﻪ ﺑﺪﻭﻥ ﺧﻮﻑ ﺍﻭ
ﺧﺠﻞ .. ﻓﻲ ﺻﻮﺕ ﻓﻲ ﺩﺍﺧﻠﻬﺎ ﻣﺼﺪﺭﻩ ﻣﻦ
ﺍﻻﻋﻤﺎﻕ ﻳﻘﻮﻝ ﺍﻥ ﺳﺒﺐ ﺍﻫﺘﻤﺎﻣﻬﺎ ﺑﻌﻠﻴﺎ ﻫﻮ ﻭﺍﻓﻲ ﻳﻤﻜﻦ ﻻﻧﻬﺎ ﺍﺧﺖ
ﻭﺍﻓﻲ ﻭﻗﺮﺑﻬﺎ ﻣﻦ ﻋﻠﻴﺎ ﻣﻌﻨﺎﺗﺎ ﻗﺮﺑﻬﺎ ﻣﻦ ﻭﺍﻓﻲ
ﻭﺧﺎﺻﻪ ﺍﻧﻬﺎ ﻋﺎﺭﻓﻪ ﺍﻥ ﻋﻠﻴﺎ ﻗﺮﻳﺒﻪ ﺣﻴﻞ ﻣﻦ ﻭﺍﻓﻲ .. ﻟﻜﻨﻬﺎ ﺗﺤﺎﻭﻝ
ﺗﻨﻜﺮ ﻣﺼﺪﺍﻗﻴﺖ ﻫﺬﺍ ﺍﻟﺼﻮﺕ ﺍﻟﻌﻤﻴﻖ ﻭﺷﻮﺷﺮﻩ ﺑﺎﺻﻮﺍﺕ ﻣﻦ
ﻣﺨﻴﻠﺘﻬﺎ ﺗﻘﻮﻝ ﺍﻥ ﺍﻫﺘﻤﺎﻣﻬﺎ ﺑﻌﻠﻴﺎ ﻻﻧﻬﺎ ﻋﻤﺔ ﺳﺠﻰ
ﺩﻻﻝ ﻣﺎﺣﺒﺖ ﺗﺨﻮﺽ ﻛﺜﻴﺮ ﻓﻲ ﺍﻟﻤﺎﺿﻲ ﻭﺧﻠﺖ ﺍﻟﻴﻮﻡ ﻭﺍﻟﻐﺪﺍ
ﻭﺍﻟﻤﺴﺘﻘﺒﻞ ﻣﺤﻮﺭ ﺗﻌﺎﻣﻠﻬﺎ ﻣﻊ ﻋﻠﻴﺎ ..
ﺩﻻﻝ ﺑﺒﺘﺴﺎﻣﻪ : ﺍﻟﻔﺴﺘﺎﻥ ﻫﺬﺍ ﻣﻌﻪ ﺷﺎﻝ ﺭﻭﻭﻋﻪ ﻓﻴﻪ ﻟﻤﻌﻪ ﺑﺪﻕ ﻋﻠﻰ
ﺍﻣﻲ ﺍﻟﺤﻴﻦ ﺍﺧﻠﻴﻬﺎ ﺗﺠﻴﺒﻪ ﻭﺵ ﺭﺍﻳﻚ
ﻋﻠﻴﺎ ﺍﻛﺘﻔﺖ ﺑﺎﺑﺘﺴﺎﻣﻪ ﻋﺮﻳﻀﻪ ﻛﻞ ﺷﻲﺀ ﻋﻨﺪ ﺩﻻﻝ ﻟﻪ ﺣﻞ ..
ﺍﺩﺧﻠﺖ ﻓﻲ ﻫﺬﻱ ﺍﻟﺤﻈﻪ ﺳﺠﻰ .. ﻭﺗﻔﺎﺟﺎﺕ ﻟﻤﺎ ﺷﺎﻓﺖ ﻋﻠﻴﺎ ﻻﺑﺴﻪ
ﻫﺬﺍ ﺍﻟﻔﺴﺘﺎﻥ
ﻗﺮﺑﺖ ﻣﻨﻬﺎ ﺑﺒﺘﺴﺎﻣﻪ : ﻃﺎﻟﻌﻪ ﺭﻭﻭﻋﻪ ﻳﺎﻋﻤﻪ .. ﻣﺎﺩﺭﻱ ﻣﻦ ﺍﻟﻴﻮﻡ
ﺑﻴﺎﺧﺬ ﻋﻠﻴﻨﺎ ﺍﻟﺠﻮ
ﺩﻻﻝ : ﻫﻬﻬﻬﻬﻬﻬﻬﻬﻬﻪ ﻭﺍﻧﺖ ﻫﺬﺍ ﺍﻟﻲ ﻫﻤﻚ .. ﺗﻄﻤﻨﻲ ﻣﺤﺪ ﺑﻴﺎﺧﺬ
ﺍﻟﺠﻮ ﻋﻨﻲ ﻭﺭﺍﺡ ﺗﺸﻮﻓﻴﻦ
ﻛﺎﻧﺖ ﺳﺠﻰ ﻣﺴﺘﺸﻮﺭﻩ ﺷﻌﺮﻫﺎ ﻭﻻﻓﻪ ﺍﻃﺮﺍﻑ ﺍﻟﻄﺒﻘﺎﺕ ﻟﻔﻮﻕ : ﻫﺎ
ﻗﻮﻝ ﻟﻲ ﻭﺵ ﺭﺍﻳﻜﻢ ﺑﺸﻌﺮﻱ ﺣﻠﻮﻭ
ﺩﻻﻝ : ﺣﻠﻮﻭﻭ ﺑﺲ ﻟﻴﻪ ﻣﺎ ﺗﻘﺼﻴﻨﻪ ﺍﻛﺜﺮ ﻣﻦ ﻗﺪﺍﻡ ﻳﻄﻠﻊ ﺍﺣﻠﻰ
ﺳﺠﻰ : ﻃﻴﺐ .. ﻳﺎﻟﻠﻪ ﺭﻭﺡ ﺳﻮﻱ ﺷﻌﺮﻙ ﺍﺫﺍ ﺑﺘﻈﻠﻮﻥ ﻋﻠﻰ ﻫﺬﺍ
ﺍﻟﺒﺮﻭﺩ ﻣﺎ ﺑﻨﺨﻠﺺ ﺷﻮﻓﻮ ﺍﻟﺴﺎﻋﻪ ﻛﻢ ﺍﻟﺤﻴﻦ 6
ﺩﻻﻝ ﻭﻫﻲ ﻣﺘﺠﻬﺎ ﻟﻠﺒﺎﺏ : ﻃﻴﺐ ﻫﺬﺍ ﺍﻧﺎ ﺍﻟﺤﻴﻦ ﺑﺮﻭﺡ
ﻗﺒﻞ ﻻ ﺗﻘﺮﺏ ﻣﻦ ﺍﻟﺒﺎﺏ ﺍﻧﻔﺘﺢ ﺍﻟﺒﺎﺏ ﺑﺴﺮﻋﻪ ﻭﺩﺧﻞ ﻭﺍﻓﻲ
ﻣﺴﺘﻌﺠﻞ ﻭﻫﻮ ﻳﻘﻮﻝ ﺑﺒﺘﺴﺎﻣﻪ ﻋﺮﻳﻀﻪ : ﻋﻠﻴﺎ ﻗــ ...
ﺍﺗﺴﻌﺖ ﻋﻴﻮﻧﻪ ﻭﺿﺎﻋﺖ ﺍﻟﻜﻠﻤﺎﺕ ﻣﻨﻪ ﻭﺯﺍﺩﺕ ﺩﻗﺎﺕ ﻗﻠﺒﻪ ﻟﻤﺎ ﻃﺎﺣﺖ
ﻋﻴﻨﻪ ﺑﻌﻴﻮﻧﻬﺎ ﻇﻞ ﻓﺘﺮﻩ ﻣﻔﻬﻲ ﻓﻴﻬﺎ ﻭﻫﻮ ﻣﻮ
ﺣﺎﺱ ﺑﻨﻔﺴﻪ .. ﺍﻟﺨﻼﻳﺎ ﺍﻟﻌﺼﺒﻴﻪ ﻛﺎﻥ ﺍﺭﺳﺎﻟﻬﺎ ﺑﻄﻲﺀ ﻟﻠﻤﺦ ﻻﺻﺪﺍﺭ
ﺍﻻﻭﺍﻣﺮ ﻟﻠﻘﺪﻣﻴﻦ ﻭﺍﻟﻴﺪﻳﻦ ﺑﺎﻟﺨﺮﻭﺝ ﻣﻦ ﺍﻟﻐﺮﻓﻪ
ﻟﻜﻦ ﺍﻟﻘﻠﺐ ﻭﺩﻩ ﻳﺘﻌﻄﻞ ﺟﻬﺎﺯ ﺍﻻﺭﺳﺎﻝ .. ﺑﺲ ﻳﻜﻔﻴﻨﻲ ﺍﻻﺭﺳﺎﻝ ﻣﻦ
ﺍﻟﻘﻠﺐ ﺍﻟﻰ ﺍﻟﻘﻠﺐ
)).. ﺍﻟﻠﻪ ﻳﺴﺎﻣﺢ ﺭﻣﻮﺵ ﻋﻴﻮﻧﻚ ﺍﻟﺨﺠﻼ .. ﻳﺎﻟﻠﻲ ﻃﻌﻨﺘﻲ ﺍﻟﺨﻔﻮﻕ
ﻭﺳﺎﻟﺖ ﺍﺷﻮﺍﻗﻲ (( ..
ﺑﻠﻊ ﺭﻳﻘﻪ ﺑﺎﺣﺮﺍﺝ ﻭﻃﻠﻊ ﻣﻦ ﺍﻟﻐﺮﻓﻪ ﻭﻗﺒﻞ ﻻﻳﻄﻠﻊ ﻧﺎﻇﺮ ﻓﻴﻬﺎ ﻧﻈﺮﺓ
ﺷﻮﻕ ﻭﻟﻤﺢ ﺍﺑﺘﺴﺎﻣﻪ ﻋﻠﻰ ﺷﻔﺎﻳﻔﻬﺎ
ﺍﻣﺎ ﺩﻻﻝ ﺑﻌﺪ ﻣﺎ ﺗﺴﻜﺮ ﺍﻟﺒﺎﺏ ﺣﺴﺖ ﺍﻥ ﻭﺩﻫﺎ ﺗﻘﻔﺰ ﻭﺗﺼﺮﺥ ﻭﺗﺴﻮﻱ
ﺣﺮﻛﺎﺕ ﺍﺳﺘﻬﺒﺎﻝ ﻭﺗﺮﻗﺺ ﺃﻱ ﺷﻲﺀ ﻣﺜﻞ
ﺍﻻﻓﻼﻡ ﺍﻟﻬﻨﺪﻳﻪ ﺍﻟﻤﻬﻢ ﺍﻧﻬﺎ ﺗﻌﺒﺮ ﻋﻦ ﺍﻟﻲ ﺑﺪﺍﺧﻠﻬﺎ .. ﺗﻨﻔﺴﺖ ﺑﻌﻤﻖ
ﻭﺍﻻﺑﺘﺴﺎﻣﻪ ﻣﺎ ﺯﺍﻟﺖ ﻋﻠﻰ ﺷﻔﺎﻳﻔﻬﺎ ﻣﺎﺩﺭﻱ ﻟﻴﻪ
ﻣﻦ ﻃﺎﺣﺖ ﻋﻴﻨﻲ ﻓﻲ ﻋﻴﻨﻪ ﻟﺤﻈﺎﺕ ﺗﻮﻗﻔﺖ ﺩﻗﺎﺕ ﻗﻠﺒﻲ ﻭﺷﻔﺎﻳﻔﻲ
ﺗﻠﻘﺎﺋﻴﺎ ﺍﺑﺘﺴﻤﺖ ﻟﻴﻪ ﺍﺣﺲ ﺍﻥ ﺟﺴﺪﻱ ﺑﺎﺭﺩ ﻭﺩﻱ
ﺍﺣﺪ ﻳﺪﻓﻴﻨﻲ ..
ﻃﺒﻌﺎ ﻫﺬﺍ ﺍﻟﻤﻮﻗﻒ ﺻﺎﺭ ﻋﻔﻮﻱ ﻭﺑﺴﺮﻋﻪ ﻟﻜﻨﻪ ﻣﺴﺠﻞ ﺑﺒﻄﺄ ﻓﻲ ﻋﻘﻞ
ﺳﺠﻰ ﺍﻟﻰ ﻛﺎﻧﺖ ﺗﺮﺍﻗﺐ ﺍﺩﻕ ﺍﻟﺘﻔﺎﺻﻴﻞ ﻣﻦ
ﻟﺤﻈﺔ ﺩﺧﻮﻝ ﻋﻤﻬﺎ ﻭﺍﻓﻲ ﺍﻟﻰ ﻟﺤﻈﻪ ﺍﻏﻼﻕ ﺍﻟﺒﺎﺏ ﻭﻭﻗﻮﻑ ﺩﻻﻝ ﻓﻲ
ﺣﺎﻟﺔ ﺳﻜﻮﻥ ﺗﺎﻡ .. ﺣﺘﻰ ﻋﻠﻴﺎ ﻻﺣﻈﺖ ﻣﻼﻣﺢ
ﻭﺍﻓﻲ ﻭﻧﻈﺮﺍﺗﻪ ﻟﺪﻻﻝ .. ﻟﻜﻨﻬﺎ ﻣﺎ ﺍﻧﻈﺮﺕ ﻟﻠﻤﻮﻗﻒ ﻣﻦ ﻋﺪﺕ ﺟﻮﺍﻧﺐ
ﻛﺎﻧﺖ ﻣﺠﺮﺩ ﺻﺪﻓﻪ ﻭﻋﺪﺕ .. ﺍﻣﺎ ﺳﺠﻰ ﻫﺬﻱ
ﺍﻟﺼﺪﻓﻪ ﺍﻛﺪﺕ ﻭﺍﻗﺮﺕ ﻣﺪﻯ ﻣﺼﺪﺍﻗﻴﺖ ﺍﺳﺘﻨﺘﺎﺟﺎﺗﻬﺎ
ﻗﺮﺑﺖ ﺳﺠﻰ ﻣﻦ ﺩﻻﻝ ﺍﻟﻲ ﻛﺎﻧﺖ ﻋﻴﻮﻧﻬﺎ ﻣﻌﻠﻘﻪ ﻋﻠﻰ ﺍﻟﺒﺎﺏ
ﻭﺍﻻﺑﺘﺴﺎﻣﻪ ﺍﻟﺤﺎﻟﻤﻪ ﻣﺎﺯﺍﻝ ﺧﻴﺎﻟﻬﺎ ﻋﻠﻰ ﺷﻔﺎﻳﻒ ﺩﻻﻝ
ﺭﺍﻏﺒﺖ ﺳﺠﻰ ﻣﻼﻣﺢ ﺩﻻﻝ ﻗﺒﻞ ﺍﻥ ﺗﺘﻜﻠﻢ : ﺍﻗﻮﻝ ﺑﺴﻚ ﻣﻦ ﻣﻨﺎﻇﺮ
ﺍﻟﺒﺎﺏ ﺗﺮﻯ ﻣﺎ ﺭﺍﺡ ﻳﺮﺟﻌﻮﻥ
ﺩﻻﻝ ﻭﻫﻲ ﺗﺤﺎﻭﻝ ﺍﻧﻬﺎ ﺗﺮﺟﻊ ﻃﺒﻴﻌﻴﻪ ﻭﺧﺎﺻﻪ ﻟﻤﺎ ﺣﺴﺖ ﺑﺸﻲﺀ
ﻓﻲ ﻧﺒﺮﺓ ﺻﻮﺕ ﺳﺠﻰ
ﺍﻣﺎ ﻭﺍﻓﻲ ﻟﻤﺎ ﻃﻠﻊ ﻣﻦ ﺍﻟﻐﺮﻓﻪ ﻳﻤﺸﻲ ﻓﻲ ﺍﻟﻤﻤﺮ ﺟﺴﺪ ﻳﻬﻴﻢ ﺑﻼ ﺭﻭﺡ
.. ﺟﺰﺀ ﻣﻦ ﺭﻭﺣﻪ ﺗﻌﻠﻘﺖ ﺩﺍﺧﻞ ﻭﻣﺎ ﺭﺿﺖ
ﺗﻄﻠﻊ ﻣﻌﻪ .. ( ﺯﻳﻦ ﻣﺎ ﺗﻌﻠﻖ ﻫﻮ ﺑﻜﺒﺮﻩ ﺩﺍﺧﻞ ﻭﻣﺎ ﻃﻠﻊ ) .. ﻧﺴﻰ
ﻫﻮ ﻟﻴﺶ ﺟﺎﻱ ﻭﻧﺴﻰ ﻫﻮ ﻣﻦ ﻭﻳﻦ ﺟﺎ ﻭﺿﻴﻊ
ﺍﻟﻄﺮﻳﻖ ﺍﻟﻤﺆﺩﻱ ﺍﻟﻰ ﺍﻟﻄﺎﺑﻖ ﺍﻟﺴﻔﻠﻲ .. ﺍﻟﻠﻘﻄﻪ ﺗﻨﺎﻋﺎﺩ ﻓﻲ ﺑﺎﻟﻪ ..
ﻭﻳﺤﺲ ﺍﻧﻪ ﻟﻠﺤﻴﻦ ﺗﺤﺖ ﺗﺎﺛﺮ ﺍﻟﺼﺪﻓﻪ .. ﻟﻠﺤﻴﻦ
ﻣﺴﺤﻮﺭ ﺑﺒﺘﺴﺎﻣﺘﻬﺎ .. ﻭﻧﻈﺮﺍﺗﻬﺎ ﺍﻟﻲ ﻻﻭﻝ ﻣﺮﻩ ﻳﺸﻮﻑ ﻓﻴﻬﺎ ﺑﺮﻳﻖ
ﻳﺸﻌﻞ ﻓﺘﻴﻞ ﺍﻟﻐﺮﺍﻡ ﺑﺼﻤﻴﻢ ﺣﺲ ﺑﻨﻈﺮﺍﺗﻬﺎ
ﻭﺍﺑﺘﺴﺎﻣﺘﻬﺎ ﺭﺳﺎﻟﻪ ﺳﻄﻮﺭﻫﺎ ﺣﺐ ﻭﻏﺮﺍﻡ .. ﺭ ﻏﻢ ﺍﻥ ﺍﻟﻘﺎﺀ ﻛﺎﻥ
ﺛﻮﺍﻧﻲ ﺍﻻ ﺍﻧﻪ ﻛﺎﻓﻲ ﻟﻴﻬﺰ ﺷﻤﻮﺥ ﺍﻟﻤﺸﺎﻋﺮ ﻭﻳﺨﺘﺮﻕ ﺟﺪﺍﺭ ﺍﻟﻘﻠﺐ
ﺑﺒﻄﺄ .. ﻟﻴﺜﻴﺮ ﺍﺿﻄﺮﺑﺎﺕ ﺑﺪﺍﺧﻠﻪ ..
ﺍﻻﺑﺘﺴﺎﻣﻪ ﻣﺮﺳﻮﻣﻪ ﻋﻠﻰ ﺷﻔﺎﻳﻔﻪ .. ﻭﺍﻟﻨﻈﺮﺍﺕ ﺍﺻﺒﺤﺖ ﻣﺸﺘﺘﻪ ..
ﻭﺍﻟﻔﻜﺮ ﺍﺑﺘﻌﺪ ﻛﺜﻴﺮ ﻋﻦ ﺍﺭﺽ ﺍﻟﻮﺍﻗﻊ ﻳﻤﺸﻲ
ﺑﺨﻄﻮﺍﺕ ﺧﻔﻴﻔﻪ ﻭﻣﺘﻘﺎﺭﺑﻪ ﻭﻛﺎﻧﻪ ﻻﻳﺮﻳﺪ ﺍﻥ ﻳﺒﺘﻌﺪ ﻋﻦ ﺑﺎﺏ ﻫﺬﻩ
ﺍﻟﻐﺮﻓﻪ .. ﺍﻟﺘﻔﺖ ﻋﻠﻰ ﻣﻨﻈﺮ ﻛﺎﻥ ﻣﻌﻠﻖ ﻋﻠﻰ ﺍﻟﺤﺎﺋﻂ
ﺫﺍ ﺯﺟﺎﺝ ﻋﺎﻛﺴﺎ ﻗﻠﻴﻼ .. ﻧﺎﻇﺮ ﺻﻮﺭﺗﻪ ﺍﻟﺘﻲ ﻋﻜﺴﺖ ﻋﺒﺮ ﺯﺟﺎﺝ ﻫﺬﺍ
ﺍﻟﻤﻨﻈﺮ .. ﻟﻢ ﺗﻜﻦ ﺑﻮﺿﻮﺡ ﺍﻟﻤﺮﺍﻳﻪ ﻟﻜﻨﻬﺎ ﺗﺒﻴﻦ
ﺣﺎﻟﺔ ﺍﻟﻤﻼﻣﺢ .. ﻭﺗﻌﺎﺑﻴﺮ ﺍﻟﻮﺟﻪ ..
ﺭﻓﻊ ﻳﺪﻩ ﻭﻣﺴﺢ ﻋﻠﻰ ﺷﻌﺮﻩ ﻻﺑﺎﺩﺕ ﺗﻤﺮﺩ ﺑﻌﺪ ﺍﻟﺸﻌﺮﺍﺕ ﺍﻟﻐﻴﺮ
ﻣﺴﺘﻮﻳﻪ .. ﺑﺒﺘﺴﺎﻣﻪ ( ﻛﻴﻒ ﻛﺎﻥ ﺷﻜﻠﻲ ﻟﻤﺎ ﺷﺎﻓﺘﻨﻲ
ﺍﻛﻴﺪ ﻣﺜﻞ ﻛﻞ ﻣﺮﻩ ﻛﺎﻧﻲ ﻭﺍﺣﺪ ﻣﺨﺘﺮﻉ ﻭﻻ ﻣﻔﻬﻲ .. ﻭﻻ ﻋﺎﺩ
ﺷﻌﺮﻱ ﻓﻮﺿﻪ .. ﻭﺛﻮﺑﻲ ﺣﺎﻟﺘﻪ ﺣﺎﻟﻪ .. ﺯﻳﻦ ﺍﻧﻲ ﺣﻠﻘﺖ
ﺍﻟﻴﻮﻡ ﻗﺒﻞ ﻻ ﺍﺟﻲ ﻭﻻ ﻛﺎﻥ ﻟﻮﻋﺔ ﻛﺒﺪﻫﺎ .. ﺍﻩ ﺍﻩ ﻓﺪﻳﺖ ﺍﻧﺎ ﺫﺍ
ﺍﻟﻮﺟﻪ .. ﻭﻻ ﻋﺎﺩ ﺍﻻﺑﺘﺴﺎﻣﻪ ﺍﻩ ﻣﻨﻬﺎ .. ﻣﺎﻧﻲ ﻣﺼﺪﻕ ﺍﻥ
ﻫﻲ ﺍﺑﺘﺴﻤﺖ ﻟﻲ .. ﻣﻌﻘﻮﻟﻪ ﻟﻲ .. ﺍﻛﻴﺪ ﻟﻲ ﻳﻌﻨﻲ ﻟﻤﻴﻦ ﻟﻠﺒﺎﺏ ..
ﻋﺎﺩ ﺍﻧﺎ ﺍﻟﺤﻴﻦ ﻣﻦ ﻗﺪﻱ ﻻﺯﻡ ﺍﺷﻮﻑ ﻧﻔﺴﻲ )
ﺧﺬ ﻧﻔﺲ ﻋﻤﻴﻖ ﻭﻣﺸﻰ ﻭﺍﻻﺑﺘﺴﺎﻣﻪ ﻣﺤﺘﻠﻪ ﻣﺴﺎﺣﻪ ﻛﺒﻴﺮﻩ ﻣﻦ
ﺍﻟﺠﺰﺀ ﺍﻟﺴﻔﻠﻲ ﻟﻠﻮﺟﻪ .. ﺷﺎﻑ ﻋﺒﺪﺍﻟﺮﺣﻤﻦ ﻭﻫﻮ ﻳﺎﺷﺮ ﻟﻪ ﺷﻜﻠﻪ ﺗﻮﻩ
ﺻﺎﻋﺪ ﻣﻦ ﺍﻟﺪﺭﺝ ﻭﻣﺘﺠﻪ ﺟﻬﺘﻪ ..
ﻋﺒﺪﺍﻟﺮﺣﻤﻦ : ﻋﻤﻲ ﻧﺴﻴﺖ ﺍﻗﻮﻝ ﻟﻚ ﺗﺮﻯ ﺻﺎﺣﺒﺖ ﺳﺠﻰ ﻋﻨﺪﻫﺎ
ﻭﺍﻟﻈﺎﻫﺮ ﺍﻧﻬﻢ ﻣﻊ ﻋﻤﺘﻲ ﻋﻠﻴﺎ ﺑﺎﻟﻐﺮﻓﻪ
ﻭﺍﻓﻲ ﻧﺎﻇﺮ ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ .. ﻭﺑﺤﺮﻛﻪ ﺳﺮﻳﻌﻪ ﻭﻋﻔﻮﻳﻪ ﺿﻤﻪ
ﻭﻫﻮ ﻳﻘﻮﻝ ﺑﺨﺎﻃﺮﻩ ( ﺍﺷﻜﺮﻙ ﻟﻜﻨﻚ ﻣﺎﻗﻠﺖ ﻟﻲ
.. ﻫﺬﺍ ﻋﻴﺎﻝ ﺍﻻﺧﻮ ﻭﻻ ﺑﻼﺵ .. ﺻﺤﻴﺢ ﺍﻟﻨﺴﻴﺎﻥ ﻧﻌـــﻤﻪ )
ﻋﺒﺪﺍﻟﺮﺣﻤﻦ ﻭﻫﻮ ﻳﻨﺎﻇﺮ ﻓﻲ ﻣﻼﻣﺢ ﻭﺍﻓﻲ ﺍﻟﻤﺸﻌﻪ ﺑﺴﺘﻐﺮﺍﺏ :
ﻋﻼﻣﻚ ﻳﺎ ﻋﻤﻲ .. ﻟﻴﻪ ﻫﺬﻱ ﺍﻻﺑﺘﺴﺎﻣﻪ .. ﻭﺵ ﻭﺭﻯ ﻫﺬﻱ ﺍﻟﺤﺮﻛﺎﺕ
ﻭﺍﻓﻲ ﺑﺒﺘﺴﺎﻣﻪ : ﻭﻻ ﺷﻲﺀ ﺑﺲ ﻓﺮﺣﺎﻥ ﻻﻧﻲ ﺷﻔﺘﻚ ﻣﺮﻩ ﺛﺎﻧﻴﻪ
ﻋﺒﺪﺍﻟﺮﺣﻤﻦ : ﻫﻬﻬﻬﻬﻬﻬﻬﻬﻬﻬﻪ ﻫﻬﻬﻬﻬﻪ ﻟﻴﻪ ﺍﻧﺖ ﺗﻈﻦ ﺍﻧﻚ ﻣﺎﺭﺍﺡ
ﺗﺸﻮﻓﻨﻲ
ﻭﺍﻓﻲ ﻭﻳﻤﺴﻚ ﻋﺒﺪﺍﻟﺮﺣﻤﻦ ﻣﻦ ﻳﺪﻩ : ﺍﻣﺶ ﻧﻨﺰﻝ ﺗﺤﺖ
ﻓــﻲ ﻏﺮﻓﺔ ﺳﺠﻰ ..
ﻛﺎﻧﺖ ﻋﻮﺍﻟﻢ ﻣﺘﺒﺎﻋﺪﻩ ﺗﺠﻤﻌﻬﺎ ﻗﺮﺍﺑﺖ ﺍﺻﺎﺣﺒﻬﺎ .. ﺻﺤﻴﺢ ﺍﻥ
ﺍﻻﺟﻮﺍﺀ ﻓﻲ ﺍﻟﻐﺮﻓﻪ ﺑﻌﻴﺪ ﻋﻦ ﺍﻟﻬﺪﻭﺀ ﺻﻮﺕ
ﺍﻻﺳﺘﺸﻮﺍﺭ .. ﻭﻓﻮﺿﺖ ﺍﻟﺒﻨﺎﺕ ﻭﺗﺤﺎﻭﺭﻫﻢ .. ﺑﺲ ﻫﺬﺍ ﻣﺎ ﻳﻤﻨﻊ ﺍﻥ
ﺗﺸﻄﺢ ﺍﻻﻓﻜﺎﺭ ﻭﺗﻨﺘﻘﻞ ﺑﻴﻦ ﻋﺎﻟﻤﻴﻦ ﻣﺨﺘﻠﻔﻴﻦ
ﺩﻻﻝ ﻣﻦ ﻧﺎﻇﺮﺕ ﻓﻲ ﻋﻴﻮﻥ ﻭﺍﻓﻲ ﻭﻫﻲ ﻣﺎﻫﻲ ﻗﺎﺩﺭﻩ ﺗﺴﻴﻄﺮ ﻋﻠﻰ
ﻧﻔﺴﻪ ﺍﺣﻴﺎﻧﺎ ﺗﺼﺪﺭ ﻣﻨﻬﺎ ﺗﺼﺮﻓﺎﺕ ﻻ ﺷﻌﻮﺭﻳﻪ
ﻣﺜﻞ ﺗﻮﻗﻒ ﺍﻣﺎﻡ ﺍﻟﻤﺮﺍﻳﻪ ﻭﺗﺴﺮﺡ ﻭﻫﻲ ﺗﻨﺎﻇﺮ ﺷﻜﻠﻬﺎ ﻭﻓﺠﺎ ﺗﺒﺘﺴﻢ
.. ﺣﺘﻲ ﻓﻲ ﻧﺼﻒ ﺍﻟﺤﻮﺍﺭ ﺗﺴﺮﺡ ﻟﻠﺤﻈﺎﺕ
ﻭﺗﺘﺸﺘﺖ ﻧﻈﺮﺍﺗﻬﺎ .. ﺍﻣﺎ ﺳﺠﻰ ﺍﻟﺨﻴﻮﻁ ﻛﻠﻬﺎ ﻣﺘﺸﺎﺑﻜﻪ ﻣﺎ ﺗﺪﺭﻱ ﺃﻱ
ﺧﻴﻂ ﻣﻨﻬﻢ ﺗﺘﻤﺴﻚ ﻓﻴﻪ .. ﻟﺤﻈﺎﺕ ﺗﺤﺲ ﺍﻧﻬﺎ
ﻣﺘﻀﺎﻳﻘﻪ ﻋﻠﻰ ﺣﺎﻟﻬﺎ ﺗﺤﺲ ﺍﻧﻬﺎ ﻣﻮ ﻃﺒﻴﻌﻴﻪ ﻭﺍﻥ ﻓﻲ ﺷﻲﺀ
ﻧﺎﻗﺼﻬﺎ .. ﻟﻮ ﻛﺎﻧﺖ ﺍﻟﻌﻼﻗﻪ ﺑﻌﻤﻬﺎ ﻭﺍﻓﻲ ﻭﻋﺒﺪﺍﻟﺮﺣﻤﻦ
ﻭﻛﻞ ﺍﻟﻲ ﻓﻲ ﺍﻟﺒﻴﺖ ﺯﻱ ﻣﺎ ﻛﺎﻧﺖ ﻛﺎﻥ ﺻﺎﺭﺕ ﻫﺬﻱ ﺍﻟﺤﻈﺎﺕ ﺍﺣﻠﻰ
ﺑﻜﺜﻴﺮ ﺑﻮﺟﻮﺩﻫﻢ .. ﻭﻟﺤﻈﺎﺕ ﺗﺤﺲ ﺑﻔﺮﺡ ﻻﻥ
ﺩﻻﻝ ﻭﻋﻠﻴﺎ ﻣﻮﺟﻮﺩﻳﻦ ﺣﻮﻟﻬﺎ ﻭﺧﺎﺻﻪ ﺍﻥ ﻋﻤﺘﻬﺎ ﻋﻠﻴﺎ ﻣﻨﺴﺠﻤﻪ
ﻣﻌﻬﻢ ﺻﺤﻴﺢ ﻟﺤﻈﺎﺕ ﺗﻠﻤﺢ ﺍﻟﺤﺰﻥ ﻓﻲ ﻣﺤﺠﺮ
ﻋﻴﻮﻧﻬﺎ ﻟﻜﻦ ﺍﻻﺑﺘﺴﺎﻣﻪ ﻟﻬﺎ ﺍﻟﺴﻴﺎﺩﻩ .. ﺗﺤﺲ ﺍﻧﻬﺎ ﻣﺘﺸﻮﻗﻪ ﻟﺤﻈﻮﺭ
ﻫﺬﺍ ﺍﻟﺰﻭﺍﺝ ﻭﻓﺮﺣﺎﻧﻪ ﻻﻧﻔﺎﻝ ﺑﻘﻮﻩ .. ﻭﻟﺤﻈﺎﺕ
ﺗﺤﺲ ﺑﻮﻏﺰﺕ ﺟﻨﻮﻥ ﻣﻦ ﺗﺼﺮﻓﺎﺕ ﺩﻻﻝ ﺍﻟﻐﻴﺮ ﺍﻋﺘﻴﺎﺩﻳﻪ ..
ﻭﺳﺮﺣﺎﻧﻬﺎ ﺍﻟﻤﺘﻜﺮﺭ ﻭﺩﻟﻌﻬﺎ ﺍﻟﺰﺍﻳﺪ .. ﻭﺍﻟﻨﺼﻴﺐ ﺍﻻﻛﺒﺮ
ﻣﻦ ﻣﺸﺎﻋﺮﻫﺎ ﻛﺎﻥ ﻟﻤﺸﺎﺭﻱ ﻋﺎﺻﻔﺔ ﺷﻮﻕ ﺗﻌﺼﻒ ﺑﺪﺍﺧﻠﻬﺎ ﻟﺘﺜﻴﺮ
ﻣﻌﻬﺎ ﺍﻧﻮﺍﻉ ﺍﻟﻤﺸﺎﻋﺮ .. ﺩﺍﺧﻞ ﺩﻭﺍﻣﺖ ﻋﺘﺎﺏ ..
ﻣﻌﻘﻮﻟﻪ ﺫﺍ ﺍﻟﺠﻔﺎ ﻭﺍﻟﺘﺠﺎﻫﻞ .. ﻭﺍﻻ ﻣﺒﺎﻟﻪ .. ﻭﺍﻟﺒﺮﻭﺩ .. ﻣﺎﻋﺮﻓﺘﻚ
ﺑﺬﺍ ﺍﻟﺒﺮﻭﺩ ﻳﺎ ﻣﺸﺎﺭﻱ
ﺍﻣﺎ ﻋﻠﻴﺎ ﻟﻢ ﺗﻜﻦ ﺍﻗﻠﻬﻢ ﺗﻔﻜﻴﺮ .. ﻓﻬﻲ ﻟﻬﺎ ﻋﺎﻟﻤﻬﺎ ﺍﻟﺨﺎﺹ ﺍﻟﺬﻱ
ﻳﺴﺘﺪﻋﻴﻬﺎ .. ﻭﻳﺴﻠﺒﻬﺎ ﻣﻦ ﺍﺭﺽ ﺍﻟﻮﺍﻗﻊ ﻟﺤﻈﺎﺕ
ﺗﺤﺎﻭﻝ ﺍﻥ ﺗﺘﻜﻠﻢ ﻛﺜﻴﺮ ﻭﻫﺬﺍ ﻟﻴﺲ ﻣﻦ ﻋﺎﺩﺗﻬﺎ .. ﺗﺤﺎﻭﻝ ﺍﻥ ﺗﺒﺘﺴﻢ
.. ﺗﺤﺎﻭﻝ ﺍﻥ ﺗﺴﻴﻄﺮ ﻋﻠﻰ ﻭﺟﺪﺍﻧﻬﺎ ﻻ ﺗﺮﻳﺪ ﺍﻥ
ﺗﻔﻜﺮ ﻓﻴﻪ .. ﺑﻜﻞ ﻣﺨﺎﻟﺒﻬﺎ ﻣﺘﻤﺴﻜﻪ ﺑﻮﺍﻗﻌﻬﺎ ﺍﻟﺬﻱ ﺗﻌﻴﺸﻪ ﺣﺎﻟﻴﻴﻦ
ﻟﻴﺲ ﺣﺒﺎ ﻓﻴﻪ ﻟﻜﻦ ﻫﺮﻭﺑﺎ ﻣﻦ ﻋﺎﻟﻤﻬﺎ ﺫﺍﻙ ﻋﺎﻟﻤﻬﺎ
ﺍﻟﺬﻱ ﻳﻀﻌﻬﺎ ﺍﻣﺎﻡ ﻣﻔﺘﺮﻕ ﻃﺮﻳﻘﻴﻦ ﻭﻛﻠﻴﻬﻤﺎ ﺑﻼﻧﻬﺎﻳﻪ ﺍﻭ ﺑﻤﻌﻨﻰ
ﺍﻋﻤﻖ ﺗﺤﻴﻂ ﺑﻨﻬﺎﻳﺘﻬﻢ ﻫﺎﻟﻪ ﺿﺒﺎﺑﻴﻪ ﺗﺤﺠﺐ ﺍﻟﺮﺍﻳﻪ
ﺑﻮﺿﻮﺡ ﻣﻦ ﺧﻼﻟﻬﻢ
ﺍﻳﻐﻀﻬﺎ ﺻﻮﺕ ﺩﻻﻝ
ﺩﻻﻝ : ﻳﺎﻟﻠﻪ ﻳﺎ ﻋﻠﻴﺎ ﺍﻓﺘﺤﻲ ﻋﻴﻨﻚ
ﻋﻠﻴﺎ ﻭﻫﻲ ﺗﻔﺘﺢ ﻋﻴﻮﻧﻬﺎ ﻭﺗﻨﺎﻇﺮ ﺷﻜﻠﻬﺎ ﻓﻲ ﺍﻟﻤﺮﺍﻳﻪ ﺑﺴﺘﻐﺮﺍﺏ ..
ﺷﻜﻠﻬﺎ ﺗﻐﻴﺮ ﻛﺜﻴﺮ ﻣﻊ ﻗﺼﺖ ﺍﻟﺸﻌﺮ ﺍﻟﻲ ﺍﺻﺮﺕ
ﺩﻻﻝ ﺍﻥ ﺗﻴﻨﺎ ﺗﻘﺼﻬﺎ ﻟﻬﺎ ﻭﺍﻟﻤﻜﻴﺎﺝ ﺍﻟﺼﺎﺭﺥ ﺍﻟﻲ ﺍﻭﻝ ﻣﺮﻩ ﺑﺤﻴﺎﺗﻬﺎ
ﺗﺤﻄﻪ ﻛﺎﻥ ﻋﺒﺎﺭﻩ ﻋﻦ ﺷﺎﺩﻭ ﺑﻠﻮﻥ ﺍﻻﺧﻀﺮ
ﺍﻟﺰﺍﻫﻲ ﻣﻊ ﻃﺒﻄﺒﻪ ﺑﺴﻴﻄﻪ ﻣﻦ ﺍﻻﺳﻮﺩ ﺍﻟﻼﻣﻊ ﻓﻲ ﻋﻈﻤﺔ ﺍﻟﺠﻔﻦ
ﺍﻟﻤﺘﺤﺮﻙ .. ﻭﺍﺻﻔﺮ ﺑﺮﺍﻕ ﺗﺤﺖ ﺍﻟﺤﺎﺟﺐ ﻣﻊ ﺭﻭﺝ ﻋﻨﺎﺑﻲ ﺑﺪﺭﺟﻪ
ﻣﺎﺋﻠﻪ ﻟﻼﺣﻤﺮ
ﺩﻻﻝ ﺑﺒﺘﺴﺎﻣﻪ : ﻫﺎ ﻭﺵ ﺭﺍﻳﻚ
ﻋﻠﻴﺎ ﺍﻛﺘﻔﺖ ﺑﺒﺘﺴﺎﻣﻪ ﺭﺿﺎ
ﺳﺠﻰ ﻭﻫﻲ ﺗﻨﺎﻇﺮ ﻓﻲ ﻋﻤﺘﻬﺎ : ﺗﺠﻨﻨﻴﻦ ﻳﺎ ﻋﻤﻪ
ﺭﻥ ﺟﻮﺍﻝ ﺳﺠﻰ .. ﻛﺎﻥ ﺣﻤﺪ ﺍﻟﻤﺘﺼﻞ .. ﺭﺩﺕ ﺳﺠﻰ
ﺳﺠﻰ : ﻫﻼﺍﺍ ﺑﻮﺣﻤﻴﺪ
ﺣﻤﺪ : ﻫﻼﺍﺍ ﺑﺎﺧﺘﻲ ﺍﻟﻐﺎﻟﻴﻪ .. ﻫﻼﺍﺍ ﺑﺴﺠﻮﻱ
ﺳﺠﻰ ﺑﺴﺘﻐﺮﺍﺏ ﺍﻭﻝ ﻣﺮﻩ ﺣﻤﺪ ﻳﻄﻠﻊ ﻣﻨﻪ ﻛﻼﻡ ﺣﻠﻮﻭ : ﻫﻼﺍﺍ ﻓﻴﻚ
ﺣﻤﺪ : ﻫﺎﺍﺍ ﺧﻠﺼﺘﻮ
ﺳﺠﻰ : ﻻ ﻟﺴﻰ ﺑﻘﻴﺖ ﺍﻧﺎ ﻳﻌﻤﻠﻮﻥ ﻟﻲ ﻣﻜﻴﺎﺝ ﻭﺍﺧﻠﺺ
ﺣﻤﺪ : ﺍﺫﺍ ﺧﻠﺼﺘﻮ ﺩﻗﻮ ﻋﻠﻲ .. ﺍﻧﺎ ﺟﺎﻫﺰ .. ﻭﺑﺎﻟﺨﺪﻣﻪ
ﺳﺠﻰ ( ﺳﺒﺤﺎﻥ ﻣﻐﻴﺮ ﺍﻻﺣﻮﺍﻝ ) : ﻃﻴﺐ ﺑﺲ ﻧﺨﻠﺺ ﻧﺪﻕ ﻋﻠﻴﻚ
.. ﻻ ﺗﺒﻌﺪ
ﺣﻤﺪ : ﻻ ﺍﻧﺎ ﻓﻲ ﺍﻟﺒﻴﺖ .. ﻣﺎ ﺭﺍﺡ ﺍﻃﻠﻊ .. ﺍﻧﺘﻈﺮﻛﻢ .. ﻃﻴﺐ ﺗﺒﻮﻥ
ﺷﻲﺀ ﺍﺟﻴﺐ ﻟﻜﻢ ﺷﻲﺀ .. ﺗﺮﻯ ﻋﻴﻮﻧﻲ ﻟﻜﻢ
ﺳﺠﻰ ﻭﻋﻼﻣﺔ ﺗﻌﺠﺐ ﻛﺒﻴﺮﻩ : ﺗﺴﻠﻢ ﻋﻴﻮﻧﻚ
ﺳﻜﺮﺕ ﺳﺠﻰ ﻣﻦ ﺣﻤﺪ ﻭﻫﻲ ﻣﺴﺘﻐﺮﺑﻪ .. ﺍﻟﻴﻮﻡ ﺍﻟﻨﺎﺱ ﺍﻟﻲ ﺣﻮﻟﻬﺎ
ﻳﺘﺼﺮﻓﻮﻥ ﺗﺼﺮﻓﺎﺕ ﻏﺮﻳﺒﻪ .. ﻭﺵ ﺍﻟﻲ ﺻﺎﻳﺮ ﺑﺪﻧﻴﺎ ﻣﺤﺪ ﻓﻴﻬﺎ ﻋﻠﻰ
ﺣﺎﻟﻪ
ﺳﺠﻰ ﻭﻫﻲ ﺗﻨﺎﻇﺮ ﻓﻲ ﺩﻻﻝ ﻭﻋﻠﻴﺎ : ﻳﺎﻟﻠﻪ ﺧﻠﻨﺎ ﻧﺨﻠﺺ ﻻﻥ ﺣﻤﺪ
ﻳﻨﺘﻈﺮﻧﺎ ﺗﺤﺖ
ﺍﺧﺘﻔﺖ ﺍﻻﺑﺘﺴﺎﻣﻪ ﺍﻟﻲ ﻋﻠﻰ ﻭﺟﻪ ﺩﻻﻝ ﻟﻤﺎ ﺍﺳﻤﻌﺖ ﺍﻥ ﺣﻤﺪ ﻫﻮ ﺍﻟﻲ
ﺑﻮﺻﻠﻬﻢ ﻛﺎﻧﺖ ﺗﻈﻦ ﺍﻥ ﻭﺍﻓﻲ ﻫﻮ ﺍﻟﻲ ﺑﻮﺻﻠﻬﻢ
ﻣﺎ ﺣﺒﺖ ﺗﺴﺄﻝ ﺗﺠﻨﺒﺎ ﻟﻨﻈﺮﺍﺕ ﺳﺠﻰ
ﻋﻠﻴﺎ ﺑﻌﻔﻮﻳﻪ : ﺣﻤﺪ ﻫﻮ ﺍﻟﻲ ﺑﻮﺻﻠﻨﺎ .. ﻟﻴﻪ ﻣﺎ ﻳﻮﺻﻠﻨﺎ ﺍﺧﻮﻱ ﻭﺍﻓﻲ
ﺳﺠﻰ ﺭﺩﺕ ﻭﻫﻲ ﺗﻨﺎﻇﺮ ﻓﻲ ﻣﻼﻣﺢ ﺩﻻﻝ ﺍﻟﻲ ﺑﺎﻳﻦ ﻋﻠﻴﻬﺎ ﺍﻻﻫﺘﻤﺎﻡ
ﻭﺍﻧﺘﻈﺎﺭ ﺍﻟﺮﺩ ﻣﻦ ﺳﺠﻰ
ﺳﺠﻰ ﻭﻫﻲ ﺗﻨﺎﻇﺮ ﺩﻻﻝ : ﻻ ﺗﻨﺴﻴﻦ ﺍﻧﻲ ﻣﻘﺎﻃﻌﻪ ﺍﻟﻜﻞ ﺍﻻ ﺣﻤﺪ
ﻓــﻲ ﺍﻟﻄﺎﺑﻖ ﺍﻻﺭﺿﻲ .. ﻭﺗﺤﺪﻳﺪﺍ ﻓﻲ ﺍﻟﺼﺎﻟﻪ ..
ﻛﺎﻥ ﻭﺍﻓﻲ ﻣﻊ ﻋﺒﺪﺍﻟﺮﺣﻤﻦ ﺟﺎﻟﺴﻴﻦ ﺑﺎﻟﺼﺎﻟﻪ
ﻭﺍﻓﻲ : ﺍﻗﻮﻝ ﻋﺒﺪﺍﻟﺮﺣﻤﻦ ﻣﺎ ﺟﺎﺑﺖ ﻋﻠﻴﺎ ﻃﺎﺭﻱ ﺍﻟﻤﻮﺿﻮﻉ ﻟﻤﺎ ﺟﺒﺘﻬﺎ
ﻫﻨﺎ
ﻋﺒﺪﺍﻟﺮﺣﻤﻦ : ﻻ .. ﻭﻣﺎ ﺍﻋﺘﻘﺪ ﺍﻧﻬﺎ ﺭﺍﺡ ﺗﺠﻴﺐ ﻃﺎﺭﻳﻪ
ﻭﺍﻓﻲ : ﺗﺼﺪﻕ ﺍﻧﺎ ﺍﻧﺒﺴﻂ ﻟﻤﺎ ﻗﻠﺖ ﻟﻲ ﺍﻥ ﻋﻠﻴﺎ ﺟﺎﺕ ﻣﻌﻚ ﻫﻨﺎ ..
ﺣﻴﻞ ﻛﻨﺖ ﺍﺣﺎﺗﻴﻬﺎ
ﺩﺧﻞ ﻓﻲ ﻫﺬﻱ ﺍﻟﺤﻈﻪ ﺣﻤﺪ .. ﻭﻫﻮ ﻣﺒﺴﻮﻁ ﻋﻠﻰ ﺍﻻﺧﺮ ﻭﻣﺮﻭﻕ
ﻭﺟﺎﻟﺲ ﻳﻐﻨﻲ ( ﻳﺎﻟﻲ ﻋﻠﻰ ﺍﻟﺒﺎﻝ ﺗﻄﺮﻱ ﻭﺍﻧﺖ ﻣﺎ
ﺗﺪﺭﻱ .. ﻭﺵ ﺫﻧﺐ ﺍﻟﻲ ﻳﺤﺒﻚ ﻭﺍﻧﺖ ﺧﻠﻴﺘﻪ ) ﻛﺎﻥ ﻻﺑﺲ ﺛﻮﺏ
ﻭﺷﻤﺎﺥ ﻭﻻﻭﻝ ﻣﺮﻩ ﻳﻠﺒﺲ ﺷﻤﺎﺥ ﻓﻲ ﻏﻴﺮ ﺍﻟﻤﻨﺎﺳﺒﺎﺕ
ﺍﻟﺮﺳﻤﻴﻪ ﻭﺍﻟﻀﺮﻭﺭﻳﻪ .. ﻛﺎﻥ ﻣﺤﻠﻖ .. ﻭﺭﻳﺤﺖ ﺍﻟﻌﻄﺮ ﺍﻟﻤﻨﺒﻌﺜﻪ ﻣﻨﻪ
ﻣﺎﻟﻴﻪ ﺍﻟﻤﻜﺎﻥ .. ﻭﺻﺎﻟﺐ ﻃﻮﻟﻪ ﻭﻳﺤﺎﻭﻝ ﻳﺪﺧﻞ
ﻓﻲ ﺟﻮ ﻣﺮﺣﻠﻪ ﻋﻤﺮﻳﻪ ﺍﺭﻗﻰ ﻣﻦ ﺍﻟﻤﺮﺣﻠﻪ ﺍﻟﻲ ﻫﻮ ﻓﻴﻬﺎ .. ﻋﻠﺸﺎﻥ
ﻳﺒﻴﻦ ﺍﻛﺜﺮ ﻧﻀﺠﺎ
ﺣﻤﺪ ﺑﺼﻮﺕ ﻳﺤﺎﻭﻝ ﻳﻜﻮﻥ ﺍﺛﻘﻞ ﺷﻮﻱ : ﻫﻼﺍ ﻋﻤﻲ ﺷﺨﺒﺎﺭﻙ
ﻭﺍﻓﻲ ﻭﻫﻮ ﻳﻨﺎﻇﺮ ﻓﻲ ﺣﻤﺪ ﻣﻦ ﻓﻮﻕ ﺍﻟﻰ ﺗﺤﺖ : ﺗﻤﺎﻡ ﻛﻴﻒ ﺣﺎﻟﻚ
ﻳﺎ ﺷﻴﺦ ﺍﻟﺸﺒﺎﺏ ﻋﺴﺎﻙ ﺑﺨﻴﺮ
ﺣﻤﺪ ﻭﻫﻮ ﻳﺠﻠﺲ ﺟﻨﺐ ﻋﻤﻪ : ﺑﺨﻴﺮ ﺍﻟﻠﻪ ﻳﺴﻠﻤﻚ
ﻋﺒﺪﺍﻟﺮﺣﻤﻦ ﻭﻫﻮ ﻳﻨﺎﻇﺮ ﻓﻲ ﺣﻤﺪ ﺑﺴﺘﻐﺮﺍﺏ : ﺍﻟﻄﻴﺐ ﺭﺍﻳﺢ ﺣﻔﻠﻪ
ﺗﻨﻜﺮﻳﻪ ﻭﻻ ﺍﻳﺶ
ﻭﺍﻓﻲ ﻭﻳﺤﺎﻭﻝ ﻳﻜﺘﻢ ﺍﻟﻀﺤﻜﻪ : ﻫﻪ ﻫﻪ ﻫﻪ .. ﻭﺵ ﻫﺬﺍ ﺍﻟﺰﻳﻦ ﻳﺎ
ﺣﻤﺪ .. ﻫﺬﻱ ﺍﻟﻜﺸﺨﻪ ﻛﻠﻬﺎ ﻟﻤﻴﻦ
ﺣﻤﺪ ﺑﺜﻘﻪ : ﻳﻌﻨﻲ ﺍﻟﻮﺍﺣﺪ ﻣﺎ ﻳﻜﺸﺦ .. ﻣﺸﺘﻬﻲ ﺍﻟﻴﻮﻡ ﺍﻛﺸﺦ ﻓﻴﻬﺎ
ﺷﻲﺀ ﻫﺬﻱ
ﻋﺒﺪﺍﻟﺮﺣﻤﻦ : ﻻ ﻣﺎ ﻓﻴﻬﺎ ﺷﻲﺀ ﺑﺲ ﻣﻮ ﺑﺎﻟﻌﺎﺩﻩ .. ﺍﻧﺖ ﻓﻲ
ﺍﻟﻤﻨﺎﺳﺒﺎﺕ ﺍﻟﺮﺳﻤﻴﻪ ﻭﺍﻻﻋﻴﺎﺩ ﺍﺫﺍ ﻟﺒﺴﺖ ﻟﺸﻤﺎﺥ ﻳﺼﺪﻉ ﺭﺍﺳﻚ
ﻭﺍﻟﻨﻔﺴﻴﻪ ﺗﺼﻴﺮ ﻧﻌﺎﻝ .. ﻭﺍﻧﺎ ﺧﺒﺮﻱ ﺍﻟﻴﻮﻡ ﻣﺎ ﻓﻲ ﻣﻨﺎﺳﺒﻪ ﺭﺳﻤﻴﻪ
ﻋﻠﺸﺎﻥ ﺗﻠﺒﺲ ﺷﻤﺎﺥ
ﺣﻤﺪ ﻫﻮ ﻳﻮﻗﻒ : ﺍﻧﺎ ﺍﻟﻐﻠﻄﺎﻥ ﺍﻟﻲ ﺍﺟﻠﺲ ﻣﻌﻜﻢ ﺧﻠﻨﻲ ﺑﺲ ﺍﺩﻕ
ﻋﻠﻰ ﺳﺠﻰ ﻭﺍﻋﺠﻠﻬﺎ ﻋﻠﺸﺎﻥ ﻳﻨﺰﻟﻮﻥ ﺍﻭﺻﻠﻬﻢ
ﻭﺍﻓﻲ ﻗﺎﻡ ﻭﻫﻮ ﻳﻨﺎﻇﺮ ﺣﻤﺪ : ﻟﻴﻪ ﺍﻧﺖ ﺑﺘﻮﺻﻠﻬﻢ
ﺣﻤﺪ : ﺍﻳﻮﻩ ﻫﻲ ﺗﻮﻫﺎ ﻣﻜﻠﻤﺘﻨﻲ ﻋﻠﺸﺎﻥ ﺍﻭﺻﻠﻬﻢ ﻫﻲ ﻭﺻﺎﺣﺒﺘﻬﺎ
ﻭﻋﻤﺘﻲ ﻋﻠﻴﺎ
ﻭﺍﻓﻲ ﺑﺴﺘﻐﺮﺍﺏ : ﻟﻴﻪ ﺍﺧﺘﻲ ﻋﻠﻴﺎ ﺑﺘﺮﻭﺡ ﻣﻌﻬﻢ
ﺣﻤﺪ : ﻣﺪﺭﻱ ﺗﻘﻮﻝ ﺳﺠﻰ
ﻭﺍﻓﻲ ﻭﻫﻮ ﻳﻨﺎﻇﺮ ﺣﻤﺪ ﺑﺎﻣﺮ : ﺍﻧﺖ ﺍﻧﺜﺒﺮ ﻭﺍﻧﺎ ﺍﻟﻲ ﺑﻮﺻﻠﻬﻢ
ﺣﻤﺪ ( ﻫﺬﺍ ﺍﻟﻲ ﻧﺎﻗﺺ ) : ﻻ ﺍﻧﺎ ﺍﻟﻲ ﺑﻮﺻﻠﻬﻢ
ﻭﺍﻓﻲ ﺑﺎﺻﺮﺍﺭ : ﺍﻗﻮﻟﻚ ﺍﻧﺎ ﺍﻟﻲ ﺑﻮﺻﻠﻬﻢ
ﺣﻤﺪ ( ﺍﻧﺘﻈﺮﻫﻢ ﻣﻦ ﺍﻟﻈﻬﺮ ﻋﻠﻰ ﺍﻋﺼﺎﺑﻲ .. ) : ﻻ ﺍﺳﻤﺢ ﻟﻲ ﻳﺎ
ﻋﻤﻲ .. ﺍﻧﺎ ﺍﻟﻲ ﺑﻮﺩﻳﻬﻢ ﻭﺑﻌﺪﻳﻦ ﻻ ﺗﻨﺴﻰ ﺍﻥ ﺳﺠﻰ
ﻣﻘﺎﻃﻌﻪ ﺍﻟﻜﻞ .. ﺍﻛﻴﺪ ﻣﺎ ﺭﺍﺡ ﺗﺮﺿﻰ ﺍﻧﻚ ﺗﻮﺻﻠﻬﻢ
ﻭﺍﻓﻲ ( ﻛﻴﻒ ﺭﺍﺣﺖ ﻋﻦ ﺑﺎﻟﻲ ﻫﺬﻱ .. ﻭﺍﻟﻠﻪ ﺗﻮﻗﻴﺖ ﻏﻴﺮ ﻣﻨﺎﺳﺐ
ﺑﺎﻟﻤﺮﻩ ﻳﻌﻨﻲ ﻟﺰﻭﻡ ﺗﺘﻔﺬ ﺧﻄﺖ ﻛﺴﺮ ﺍﻟﻌﻨﺎﺩ ﻓﻲ ﻫﺬﻱ
ﺍﻟﻔﺘﺮﻩ .. ﻭﺍﻟﻠﻪ ﺣﻆ ﻃﺎﻳﺢ .. ﻓﺮﺻﺔ ﺍﻟﻌﻤﺮ ﺍﻟﺬﻫﺒﻴﻪ ﺗﻀﻴﻊ .. )
ﺣﻤﺪ ﻭﻫﻮ ﻳﻮﺟﻬﻪ ﻛﻼﻣﻪ ﻟﻌﺒﺪﺍﻟﺮﺣﻤﻦ : ﺩﺣﻮﻣﻲ ﻋﻄﻴﻨﻲ ﻣﻔﺎﺗﻴﺢ
ﺳﻴﺎﺭﺗﻚ .. ﺑﻮﺻﻠﻬﻢ ﻓﻴﻬﺎ
ﻋﺒﺪﺍﻟﺮﺣﻤﻦ : ﻟﻴﻪ ﻣﺎ ﺗﻮﺻﻠﻬﻢ ﺑﺴﻴﺎﺭﺗﻚ
ﺣﻤﺪ : ﻻ ﺳﻴﺎﺭﺗﻲ ﺯﺑﺎﻟﻪ ( ﻭﺍﻧﺘﻮ ﺑﻜﺮﺍﻣﻪ ) ﻭﻣﻌﻔﻮﺳﻪ .. ﺍﻧﺖ
ﺳﻴﺎﺭﺗﻚ ﺍﺭﺗﺐ ﻭﺍﺭﻗﻰ ﺗﻠﻴﻖ ﺑﺎﻟﻤﻘﺎﻡ