الفصل 24
ﺣﻤﺪ ﻭﻳﻤﺴﻚ ﻋﻠﻴﺎ ﻣﻦ ﻳﺪﺍﻫﺎ : ﻳﺎﻟﻠﻪ ﻋﻠﻮﻱ .. ﻣﺨﺘﺎﺭ ﻟﻚ ﺍﺣﻠﻰ
ﻣﻄﻌﻢ ﺑﺎﻟﺮﻳﺎﺽ ﺑﺲ ﺍﻧﺘﻲ ﺑﺴﺮﻋﻪ ﻗﻮﻣﻲ ﻗﺒﻞ
ﻻ ﻳﺠﻮﻥ ﻗﺼﺪﻱ ﺍﻥ ﻋﺒﺪﺍﻟﺮﺣﻤﻦ ﻳﻨﺘﻈﺮﻧﺎ ﻋﻨﺪ ﺍﻟﺴﻴﺎﺭﻩ ﻣﺎ ﻧﺒﻲ
ﻧﺘﺄﺧﺮ ﻋﻠﻴﻪ ﻳﺎﻟﻠﻪ ﻋﺠﻠﻮ
ﺳﺠﻰ ﻭﻫﻲ ﺗﻘﻮﻡ : ﻳﺎﻟﻠﻪ ..
ﺣﻤﺪ ﻭﻫﻮ ﻣﺎ ﺳﻚ ﻋﻠﻴﺎ ﻣﻦ ﻳﺪﻫﺎ : ﻳﺎﻟﻠﻪ ﻋﻤﻪ ﺑﺴﺮﻋﻪ .. ﻣﺎ ﻧﺒﻲ
ﻧﺘﺄﺧﺮ ﻋﻠﻰ ﻋﺒﺪﺍﻟﺮﺣﻤﻦ
ﺳﺠﻰ ﻭﺣﺎﺳﻪ ﺍﻥ ﻓﻲ ﺷﻲﺀ ﻭﺗﺼﺮﻓﺎﺕ ﺣﻤﺪ ﻣﻮ ﻃﺒﻴﻌﻴﻪ ﻭﻛﺎﻧﻪ
ﻳﺤﺎﻭﻝ ﻳﺠﻨﺐ ﻭﻗﻮﻉ ﻛﺎﺭﺛﻪ ﺍﻭ ﻳﺪﺍﺭﻱ ﺷﻲﺀ ﺻﺎﺭ
ﺗﺤﺎﻭﻝ ﺳﺠﻰ ﺗﺴﺮﻉ ﺑﺨﻄﻮﺍﺗﻬﺎ ﻋﻠﺸﺎﻥ ﺗﻠﺤﻖ ﻋﻠﻴﻬﻢ .. ﻭﺗﺘﻔﺎﺩﻯ
ﺍﻧﻬﺎ ﺗﺼﺘﺪﻡ ﺍﻭ ﺗﺤﺘﻚ ﻓﻲ ﺍﺣﺪ
ﻋﻠﻴﺎ ﻭﺗﺤﺎﻭﻝ ﺗﻔﻚ ﻳﺪﻫﺎ ﺍﻟﻲ ﻣﺎ ﺳﻜﻬﺎ ﺣﻤﺪ .. : ﺣﻤﺪ ﻋﻼﻣﻚ
ﻣﺴﺘﻌﺠﻞ ﻭﻛﺎﻥ ﺍﺣﺪ ﻻ ﺣﻘﻚ
ﺣﻤﺪ ﺣﺎﻭﻝ ﻳﺨﻔﻒ ﺳﺮﻋﺔ ﺧﻄﻮﺍﺗﻪ ﻋﻠﺸﺎﻥ ﻳﻤﺸﻲ ﻓﻲ ﺻﻒ ﻋﻠﻴﺎ
ﻭﺳﺠﻰ ﺍﻟﻲ ﻳﻤﺸﻮﻥ ﺑﺒﻄﺄ : ﻻ ﺑﺲ ﻗﻠﺖ ﻧﺴﺮﻉ ﻋﻠﺸﺎﻥ ﻧﻮﺻﻞ
ﺍﻟﺴﻴﺎﺭﻩ ﺑﺴﺮﻋﻪ ﻭﺑﻌﺪﻳﻦ ﺗﺪﻳﻦ ﺯﺣﻤﺔ ﺍﻟﺸﻮﺍﺭﻉ ﻭ ﻋﻠﻰ ﻣﺎ ﻧﻮﺻﻞ
ﻣﻄﻌﻢ ﻭﻧﻄﻠﺐ ﺍﻛﻞ ﻭﻭﻭ
ﻭﺑﻌﺪﻳﻦ ﺍﻧﺘﻮ ﺗﻘﻮﻟﻮﻥ ﺟﺎﻳﻌﻴﻦ ﺧﻼﺹ ﺍﺟﻞ ﺣﺎﻭﻟﻮ ﺗﺴﺮﻋﻮﻥ ﻓﻲ
ﻣﺸﻴﻜﻢ ﻭﺍﻧﺴﻮ ﺷﻮﻱ ﻣﺸﻴﺖ ﺍﻻﻧﻮﺛﻪ ﻭﺍﻟﺮﻗﻪ
ﻋﻠﻴﺎ ﺑﺒﺘﺴﺎﻣﻪ ﻭﺗﺤﺎﻭﻝ ﺗﻮﺳﻊ ﺧﻄﻮﺍﺗﻬﺎ ﻋﻠﺸﺎﻥ ﻳﻮﺻﻠﻮﻥ ﺑﺴﺮﻋﻪ
ﻋﻨﺪ ﺍﻟﺒﻮﺍﺑﻪ : ﻃﻴﺐ
ﻏﺎﺯﻱ ﻛﺎﻥ ﻓﻲ ﻫﺬﻱ ﺍﻟﻠﺤﻈﻪ ﻣﺘﺠﻪ ﺍﻟﻰ ﺍﻟﺒﺎﺏ ﻋﻠﺸﺎﻥ ﻳﻄﻠﻊ ﻳﻤﺸﻲ
ﺑﺨﻄﻮﺍﺕ ﺑﻄﻴﺄﻩ ﻭﻓﻜﺮﻩ ﺷﺎﺭﺩ ﻭﻋﻴﻨﻪ ﻣﻌﻠﻘﻪ ﻋﻠﻰ ﺑﺎﺏ ﺍﻟﺨﺮﻭﺝ ..
( ﻣﺎ ﻛﻨﺖ ﻣﺘﻮﻗﻊ ﻳﻮﻡ ﺍﻧﻲ ﺑﻠﺘﻘﻲ ﺑﺎﺣﺪ ﻣﻦ ﻃﺮﻑ ﻋﻠﻴﺎ ﻓﻲ
ﺍﻟﺮﻳﺎﺽ .. ﻋﺒﺪﺍﻟﺮﺣﻤﻦ ﺣﻤﺪ ﺗﺮﻛﻲ ﻭﺍﻓﻲ ﻛﺎﻥ ﺍﺧﺮ ﻟﻘﺎﺀ ﺑﻴﻨﺎ ﻣﻦ
ﺳﺖ ﺷﻬﻮﺭ ﻳﻮﻡ ﺳﻠﻤﺘﻬﻢ ﻭﺭﻗﺔ .. ( ﺣﺲ ﺑﻀﻴﻘﻪ ﻓﻲ ﺻﺪﺭﻩ ﻟﻤﺎ
ﺗﺬﻛﺮ ) .. ﻭﺑﻌﺪﻫﺎ ﻣﺎ ﻋﺪﺕ
ﻛﻠﻤﺘﻬﻢ ﺍﻭ ﺳﺄﻟﺖ ﻋﻨﻬﻢ ﻭﺧﺎﺻﻪ ﻋﻦ ﻋﻠﻴﺎ ﻳﺎﺗﺮﻯ ﻭﻳﻨﻚ ﻳﺎ ﻋﻠﻴﺎ ﻭﺵ
ﻣﺴﻮﻳﻪ ﺑﺪﻧﻴﺘﻚ .. ﻭﺍﻟﻠﻪ ﺍﻟﺪﻧﻴﺎ ﺩﻭﺭﺍﻩ .. ﻭﺵ ﻓﻴﻪ
ﻋﺒﺪﺍﻟﺮﺣﻤﻦ ﻛﺎﻧﻪ ﻣﻮ ﻣﺴﺘﻠﻄﻔﻨﻲ ﻣﺎ ﺍﻟﻮﻣﻪ ﻳﻌﻨﻲ ﻭﺵ ﻛﻨﺖ ﻣﺘﻮﻗﻊ
ﻣﻨﻪ ﻳﺎ ﺧﺬﻧﻲ ﺑﺎﻻﺣﻀﺎﻥ ﻭﻳﻘﻮﻟﻲ ﺧﺼﺮﻧﺎ ﻏﺎﻟﻲ
ﻭﻭﺍﺣﺪ ﺷﻬﻢ ﻭﻗﺪ ﻛﻤﻠﺘﻪ ﻣﺜﻠﻚ .. ﻫﻬﻬﻬﻬﻬﻬﻪ ﺷﺮ ﺍﻟﺒﻠﻴﻪ ﻣﺎ ﻳﻀﺤﻚ
.. ﻣﻦ ﺍﻟﻤﻔﺮﻭﺽ ﺍﻧﻲ ﻣﺎ ﺭﺣﺖ ﺳﻠﻤﺖ ﻋﻠﻴﻬﻢ ﺑﺲ ﻭﺍﻟﻠﻪ ﻓﺮﺣﺖ
ﻳﻮﻡ ﺷﻔﺘﻬﻢ .. ﺻﺤﻴﺢ ﺍﻥ ﻣﺎ ﻟﻲ ﻭﺟﻪ ﺍﻛﻠﻤﻬﻢ ﺑﺲ ﻭﺍﻟﻠﻪ ﻓﺮﺣﺖ
ﻟﻤﺎ ﺷﻔﺘﻬﻢ )
ﺑﺒﺘﺴﺎﻣﻪ ﻛﺎﻧﺖ ﻋﻴﻮﻥ ﻏﺎﺯﻱ ﻋﻠﻰ ﺍﻟﺒﺎﺏ ﺍﻭ ﺑﺎﻻﺧﺺ ﻋﻠﻰ ﺍﻟﻨﺎﺱ ﺍﻟﻲ
ﻳﺪﺧﻠﻮﻥ ﻭﻳﺨﺮﺟﻮﻥ ﻣﻦ ﺧﻼﻟﻪ .. ﻟﻤﺎ ﻟﻤﺢ
ﺣﻤﺪ ﻭﻣﻌﻪ ﻋﻠﻴﺎ ﻭﺳﺠﻰ .. ﺭﻛﺰ ﺍﻟﻨﻈﺮ ﻋﻠﻴﻬﻢ .. ﻭﺑﻌﺪﻳﻦ ﻭﺳﻌﺖ
ﻋﻴﻮﻧﻪ ﻋﻠﻰ ﺍﻻﺧﺮ ﻭﺍﺧﺘﻔﺖ ﺍﻻﺑﺘﺴﺎﻣﻪ .. ﻭﻗﻒ ﻣﻜﺎﻧﻪ ﻣﺎ ﻛﺄﻥ .. ﻣﺎ
ﻗﺎﺩﺭ ﻳﺴﺘﻮﻋﺐ ﺍﻟﻲ ﺍﻟﺘﻘﻄﺘﻪ ﻋﻴﻨﻪ .. ﻣﺎ ﻛﺄﻥ .. )) ﻣﺤﺎﻭﻟﻪ ﻟﺘﻜﺬﻳﺐ
ﻣﺎ ﺭﺍﺗﻪ ﻋﻴﻮﻧﻪ (( .. ﻣﺎ ﻛﺄﻥ
ﻣﺤﺎﻭﻟﺖ ﺗﺮﺟﻤﻪ .. ﻣﺎ ﻛﺄﻥ ﻫﺬﻱ ﻋﻠﻴﺎ ﺃﻱ ﻭﺍﻟﻠﻪ ﻋﻠﻴﺎ .. ﺗﺼﺪﻳﻖ
ﺍﻟﺮﺍﻳﻪ .. ﺑﺤﺮﻛﻪ ﺳﺮﻳﻌﻪ ﻣﻦ ﻳﺪﻩ ﻣﺴﻚ ﺍﻃﺮﺍﻑ
ﺷﻤﺎﺧﻪ ﻭﺭﻣﺎﻫﻢ ﻓﻮﻕ ﺑﻌﺾ ( ﺣﺮﻛﺔ ﺷﺮﻳﺒﻮﻩ ) ﺭﻓﻊ ﺛﻮﺑﻪ ﻭﻣﺸﻰ
ﺑﺨﻄﻮﺍﺕ ﺳﺮﻳﻌﻪ ﻭﺛﺎﺑﺘﻪ ﺑﺘﺠﺎﻩ ﺍﻟﺒﺎﺏ ﺍﻟﻲ ﺍﻃﻠﻌﻮ
ﻣﻨﻪ ﻋﻠﻴﺎ ﻭﺣﻤﺪ ﻭﺳﺠﻰ ﻣﺴﺮﻋﻴﻦ .. ﻭﻫﻮ ﺣﺎﻭﻝ ﻳﺰﻳﺪ ﺍﻟﺴﺮﻋﻪ ﻟﻤﺎ
ﺗﺨﻄﺎ ﺍﻟﺒﺎﺏ ﻭﻃﻠﻊ ﻟﺸﺎﺭﻉ .. ﻋﻠﺸﺎﻥ ﻳﺠﺎﺭﻱ
ﺳﺮﻋﺘﻬﻢ ﺍﺧﺬﺕ ﻋﻴﻨﻪ ﺗﺘﻨﻘﻞ ﻳﻤﻴﻦ ﻭﺷﻤﺎﻝ .. ﻭﺑﻴﻦ ﺍﻟﻨﺎﺱ .. ﻛﺎﻧﺖ
ﺧﻴﺒﺔ ﺍﻻﻣﻞ ﺳﺘﺤﻞ ﻋﻠﻴﻪ ﻓﻲ ﻫﺬﻩ ﺍﻟﻠﺤﻈﻪ ﻟﻜﻨﻬﺎ
ﺳﺮﻋﺎﻥ ﻣﺎ ﺗﺒﺪﻟﺖ ﻋﻨﺪﻣﺎ ﺭﺍﻫﺎ ﺑﺮﻓﻘﺖ ﺣﻤﺪ ﻳﺤﺎﻭﻟﻮﻥ ﺍﻥ ﻳﺨﻄﻔﻮ
ﺍﻟﺸﺎﺭﻉ ﻟﻜﻨﻬﻢ ﺗﻮﻗﻔﻮ ﻋﻠﻰ ﺍﻟﺮﺻﻴﻒ ﻳﻨﺘﻈﺮﻭﻥ ﺍﺷﺎﺭﻩ ﻟﻴﻌﺒﺮﻭ ..
ﺯﺍﺩ ﻏﺎﺯﻱ ﻣﻦ ﺳﺮﻋﺘﻪ ﻭﻫﻮ ﻳﻨﺎﺩﻱ ﺑﺼﻮﺕ ﻣﺮﺗﻔﻊ .. ﻋﻠﻴﺎ ﻳﺎ ﻋﻠﻴﺎ ..
ﻣﺘﻨﺎﺳﻲ ﺍﻟﻨﺎﺱ ﺍﻟﻲ ﺣﻮﻟﻪ
ﺣﺴﺖ ﻋﻠﻴﺎﻥ ﺍﻥ ﻓﻲ ﺍﺣﺪ ﻳﻨﺎﺩﻳﻬﺎ ﻣﻦ ﺑﻌﻴﺪ .. ﻟﻜﻨﻬﺎ ﻣﺎ ﺣﺒﺖ
ﺗﻠﺘﻔﺖ .. ﻭﺑﻌﺪﻳﻦ ﻫﺬﻱ ﺍﻛﻴﺪ ﺗﺨﻴﻼﺕ
ﻭﻟﻜﻦ ﺍﻟﺼﻮﺕ ﻛﻠﻤﺎ ﻭﻳﻜﻮﻥ ﻗﺮﻳﺐ ﻣﻨﻬﺎ ﻭﻣﻦ ﺧﻠﻔﻬﺎ .. ﻭﻭﻧﺒﺮﺕ
ﺍﻟﺼﻮﺕ ﻣﻮ ﻏﺮﻳﺒﻪ ﻋﻠﻴﻬﺎ
ﺣﺴﺖ ﺑﻴﺪ ﺗﻤﺴﻜﻬﺎ ﻣﻦ ﺫﺭﺍﻋﻬﺎ .. ﻣﺎ ﺑﺪﺭ ﻣﻦ ﻋﻠﻴﺎ ﺃﻱ ﺭﺩﺕ ﻓﻌﻞ
ﻣﻦ ﻫﺬﻱ ﺍﻟﺤﺮﻛﻪ ﻟﻜﻨﻬﺎ ﺍﻟﺘﻔﺘﺖ ﻟﻤﺎ ﺍﺳﻤﻌﺖ ﺍﻟﺸﺨﺺ ﺍﻟﻲ ﺧﻠﻔﻬﺎ
ﻳﻨﺎﺩﻳﻬﺎ ﺑﺴﻤﻬﺎ
ﺍﻟﺘﻔﺖ ﺣﻤﺪ ﺑﻌﺼﺒﻴﻪ ﻭﺳﺠﻰ ﺑﻬﺪﻭﺀ ﻟﻤﺎ ﺳﻤﻌﻮ ﻏﺎﺯﻱ ﻳﻨﺎﺩﻱ ﻋﻠﻴﺎ
ﻏﺎﺯﻱ ﻭﻣﺎ ﺯﺍﻝ ﻣﺎ ﺳﻚ ﻋﻠﻴﺎ ﻣﻦ ﻳﺪﻫﺎ : ﻋﻠﻴﺎ .. ﻋﻠﻴﺎ .. ( ﺣﻂ
ﻳﻌﻨﻴﻪ ﺑﻌﻴﻨﻬﺎ ﻳﺤﺎﻭﻝ ﻳﻘﺮﺍ ﺭﺩﺕ ﻓﻌﻠﻬﺎ ﻣﻦ ﻋﻴﻨﻬﺎ ﺍﻭ ﻳﻘﺮ ﺍ ﺍﻓﻜﺎﺭﻫﺎ
.. ﺑﺲ ﺗﻔﺎﺟﺎ ﻟﻤﺎ ﺷﺎﻑ ﺩﻣﻮﻋﻬﺎ ﺑﺪﺕ ﺗﻨﺰﻝ )
ﻏﺎﺯﻱ ﻭﻣﺎ ﺯﺍﻝ ﻣﺎ ﺳﻚ ﻳﺪﻫﺎ ﻭﻫﻮ ﺧﺎﻳﻒ : ﻋﻠﻴﺎ
ﺣﻤﺪ ﻣﺎ ﻗﺪﺭ ﻳﻤﺴﻚ ﺍﻋﺼﺎﺑﻪ ﻣﻦ ﺍﻟﻔﻠﻢ ﺍﻟﻬﻨﺪﻱ ﺍﻟﻲ ﻳﺼﻴﺮ ﻗﺪﺍﻣﻪ
ﻭﻗﺪﺍﻡ ﺍﻟﻨﺎﺱ ﻓﻲ ﻣﻜﺎﻥ ﻋﺎﻡ ﻃﻠﻌﺖ ﺍﻟﺸﺮﺍﺭﻩ ﻣﻦ
ﻋﻴﻮﻧﻪ ﻭﺻﺎﺭ ﻭﺟﻬﻪ ﺟﻤﺮ ﻣﺴﻚ ﻳﺪ ﻏﺎﺯﻱ ﺑﻘﻮﻩ ﻭﺧﺮﻫﺎ ﻋﻦ ﻋﻠﻴﺎ
ﻭﻣﺴﻚ ﻋﻠﻴﺎ ﻣﻦ ﻳﺪﻫﺎ ﻭﺯﺍﺣﻬﺎ ﺷﻮﻱ ﺑﺤﻴﺚ ﺗﻜﻮﻥ ﺧﻠﻔﻪ ﻭﻫﻮ
ﻗﺪﺍﻣﻬﺎ ﻋﻠﺸﺎﻥ ﻣﺎ ﻳﺸﻮﻓﻬﺎ ﻏﺎﺯﻱ ﻭﻳﺼﻴﺮ ﻫﻮ ﻗﺒﺎﻟﻪ
ﺣﻤﺪ ﻭﻳﺮﻓﻊ ﺻﻮﺗﻪ ﻭﻫﻮ ﻋﺎﻗﺪ ﺣﻮﺍﺟﺒﻪ ﺑﻌﺼﺒﻴﻪ : ﺍﻧﺖ ﻭﺷﻠﻮﻥ
ﺗﺠﻲ ﻭﺗﻤﺴﻚ ﻳﺪ ﻋﻤﺘﻲ .. ﺑﺎﻱ ﺻﻔﻪ ﺗﻤﺴﻚ ﻳﺪﻫﺎ ﻭﺗﻨﺎﺩﻱ ﺍﺳﻤﻬﺎ ..
ﻳﻤﺎﻣﺎ ﺍﺻﺤﻰ ﻣﻦ ﺍﻭﻫﺎﻣﻚ ﺍﻟﺤﻴﻦ ﺍﻧﺖ ﻭﻻ ﺷﻲﺀ ﻭﻻ ﻟﻚ ﺣﻜﻢ ﻋﻠﻴﻬﺎ
ﻳﺎ ﻭﻟﺪ ﺍﻟﻜﻠﺐ
ﻏﺎﺯﻱ ﺑﻌﺼﺒﻴﻪ : ﺍﻗﻮﻝ ﺣﻤﺪ ﺍﺣﺘﺮﻡ ﻧﻔﺴﻚ .. ﻭﺍﺣﻔﻆ ﺍﻟﺴﺎﻧﻚ ..
ﻭﺍﺣﺘﺮﻡ ﺍﻟﻲ ﺍﻛﺒﺮ ﻣﻨﻚ
ﺣﻤﺪ ﺑﺴﺘﻬﺰﺍﺀ : ﻳﻌﻨﻲ ﻭﺍﺫﺍ ﻣﺎ ﺣﺘﺮﻣﺖ ﻧﻔﺴﻲ ﻭﺵ ﺭﺍﺡ ﺗﺴﻮﻱ ..
( ﻭﻛﻤﻞ ﺑﺴﺘﻬﺰﺍﺀ ) .. ﻳﺎ ﻭﻟﺪ ﺍﻟﻜﻠﺐ
ﻏﺎﺯﻱ ﺑﺴﺮﻋﻪ ﺭﻓﻊ ﻳﺪﻩ ﻭﻃﺒﻊ ﻛﻒ ﻗﻮﻱ ﻋﻠﻰ ﺧﺪ ﺣﻤﺪ ﺭﺩ ﻓﻌﻞ
ﺳﺮﻳﻌﻪ ﻭﻗﻮﻳﻪ ﻣﺎ ﻛﺎﻥ ﻣﺘﻮﻗﻌﻬﺎ ﺣﻤﺪ
ﺣﻤﺪ ﻋﺼﺐ ﻭﻃﻠﻌﺖ ﺍﻟﻨﺎﺭ ﻣﻦ ﺧﺸﻤﻪ ﻭﻋﺾ ﻋﻠﻰ ﺷﻔﺎﻳﻔﻪ ﺑﻌﺼﺒﻴﻪ
.. ﺣﻤﺪ ﻫﻮ ﺭﺍﻓﻊ ﻳﺪﻩ ﻭﻳﻬﺪﺩ ﺑﺴﺒﺎﺑﻪ
ﺣﻤﺪ ﺑﻌﺼﺒﻴﻪ ﻭﺑﺼﻮﺕ ﻋﺎﻟﻲ :.. ﻫﺬﻱ ﺍﻟﻲ ﻧﺎﻗﺼﻨﻲ ﺩﺟﺎﺟﺔ ﺍﻣﻪ
ﻳﺮﻓﻊ ﻳﺪﻩ ﻋﻠﻲ ﺍﻗﻮﻝ ﺭﺡ ﺭﺡ ﻋﻨﺪ ﺍﻣﻚ
ﻏﺎﺯﻱ ﺑﻌﺼﺒﻴﻪ : ﺍﻗﻮﻝ ﻻ ﺗﺠﻴﺐ ﻃﺎﺭﻱ ﺍﻣﻲ ﻋﻠﻰ ﺍﻟﺴﺎﻧﻚ ..
ﻻﻭﺭﻳﻚ ﺷﻲﺀ ﻣﺎ ﺷﻔﺘﻪ
ﺣﻤﺪ ﺑﻌﺼﺒﻴﻪ ﻭﺍﺳﺘﻬﺰﺍﺀ ﻭﻛﺎﻥ ﺣﻠﺖ ﻟﻪ ﺍﻟﺴﺎﻟﻔﻪ : ﻳﻌﻨﻲ ﻭﺵ ﺭﺍﺡ
ﺗﺴﻮﻱ .. ﺑﺘﺠﻴﺐ ﻟﻲ ﺍﻣﻚ .. ﺗﺨﻮﻓﻨﻲ ﻓﻴﻬﺎ
ﻏﺎﺯﻱ ﻓﻘﺪ ﺍﻋﺼﺎﺑﻪ ﻭﺻﻞ ﺣﺪﻩ .. ﺭﻓﻊ ﻳﺪﻩ ﻭﺿﺮﺏ ﺣﻤﺪ ﻛﻔﻴﻦ
ﻭﺍﺣﺪ ﻋﻠﻰ ﺧﺪﻩ ﺍﻟﻴﻤﻴﻦ ﻭﺑﺴﺮﻋﻪ ﺍﻟﺜﺎﻧﻲ ﺟﺎ ﺑﻌﺪﻩ ﻋﻠﻰ ﺧﺪﻩ ﺍﻟﻴﺴﺎﺭ
ﺣﻤﺪ ﺟﺎﺕ ﻫﺬﻱ ﺍﻟﻤﺮﻩ ﺭﺩﺕ ﻓﻌﻠﻪ ﺍﻧﺘﻘﺎﻣﻴﻪ ﺑﺎﻟﻤﺜﻞ ﺑﺤﺮﻛﻪ ﺳﺮﻳﻌﻪ
ﺭﻓﻊ ﺍﻛﻤﺎﻣﻪ ﻭﺭﻓﻊ ﺛﻮﺑﻪ ﻭﺭﺑﻄﻪ ﻋﻠﻰ ﺧﺼﺮﻩ
ﻭﺭﻛﻞ ﻏﺎﺯﻱ ﻓﻲ ﺑﻄﻨﻪ ﺭﻛﻠﻪ ﻗﻮﻳﻪ .. ﻟﺪﺭﺟﻪ ﺍﻥ ﻏﺎﺯﻱ ﻣﺴﻚ ﺑﻄﻨﻪ
ﻣﻦ ﺍﻻﻟﻢ ﻭﻃﺎﺡ ﺷﻤﺎﺧﻪ ﺣﻤﺪ ﺍﺳﺘﻐﻞ ﻫﺬﺍ ﺍﻟﻮﺿﻊ
ﻭﻧﺤﻨﺎﺀ ﻏﺎﺯﻱ ﻭﺿﺮﺑﻪ ﺑﻜﻮﻋﻪ ﻋﻠﻰ ﻇﻬﺮﻩ ﺿﺮﺑﻪ ﻗﻮﻳﻪ ﻋﻠﻰ ﺍﻟﻌﺎﻣﻮﺩ
ﺍﻟﻔﻘﺮﻱ ( ﺣﻤﺪ ﻛﺎﻥ ﺩﺍﺧﻞ ﻣﻌﻬﺪ ﻛﺮﺗﻴﻞ ﻳﻮﻡ
ﻫﻮ ﻓﻲ ﻣﺘﻮﺳﻂ ﻟﻜﻨﻪ ﻃﻠﻊ ﻭﻣﺎ ﻛﻤﻞ ﻟﻤﺎ ﺣﺲ ﺍﻥ ﻫﻮ ﻣﻮ ﺑﺤﺎﺟﻪ
ﻟﻬﺬﻱ ﺍﻟﺤﺮﻛﺎﺕ ﺍﻟﺪﻓﺎﻋﻴﻪ .. ﻟﻜﻦ ﺍﻟﺤﻴﻦ ﺟﺎﺕ ﻋﻠﻲ ﺑﺎﻟﻪ ﻓﺒﺤﺐ
ﻳﻄﺒﻘﻬﺎ )
ﺣﻤﺪ ﻫﻮ ﻳﻀﺮﺏ ﻏﺎﺯﻱ : ﻭﺍﻟﻠﻪ ﻟﻮﺭﻳﻚ ﻣﻨﻮ ﺣﻤﺪ ﻭﻟﺪ ﺑﻮ ﺗﺮﻛﻲ
ﺍﺷﺘﺪ ﺍﻟﻀﺮﺏ ﺑﻴﻦ ﺣﻤﺪ ﻭﻏﺎﺯﻱ ﻣﺮﻩ ﺣﻤﺪ ﻓﻲ ﺣﺎﻟﻪ ﻫﺠﻮﻡ ﻭﻣﺮﻩ
ﻏﺎﺯﻱ ﻓﻲ ﺣﺎﻟﺔ ﻫﺠﻮﻡ .. ﺗﺠﻤﻮﻉ ﺍﻟﻨﺎﺱ ﺣﻮﻟﻬﻢ
ﻟﻜﻦ ﻣﺎ ﻓﻲ ﺍﺣﺪ ﻣﻨﻬﻢ ﺣﺎﻭﻝ ﻳﺪﺧﻞ ﺑﻴﻨﻬﻢ ﻭﻳﻔﻜﻜﻬﻢ ﻭﻛﺎﻧﻬﻢ
ﻣﺒﺴﻮﻃﻴﻦ ﺑﺎﻟﻤﻀﺎﺭﺑﻪ .. ﺣﻤﺪ ﻭﻏﺎﺯﻱ ﻧﺴﻮ ﺍﻟﺴﺒﺐ ﺍﻟﻲ ﺗﻀﺎﺭﺑﻮ
ﻋﻠﺸﺎﻧﻪ ﻭﺻﺎﺭ ﺍﻻﻧﺘﻘﺎﻡ ﻭﺗﺤﻄﻴﻢ ﺍﻻﺧﺮ ﺍﻟﻬﺪﻑ ﺍﻻﺳﺎﺳﻲ
ﻛﺎﻧﺖ ﻋﻠﻴﺎ .. ﺗﻨﺎﻇﺮ ﺍﻟﻤﻀﺎﺭﺑﻪ ﺑﺬﻫﻮﻝ ﻭﻋﺪﻡ ﺗﺼﺪﻳﻖ ﻭﻋﻴﻨﻬﺎ
ﻏﺮﻗﺎﻧﻪ ﺑﺎﻟﺪﻣﻮﻉ .. ﻣﻮ ﻗﺎﺩﺭﻩ ﺗﺘﺤﺮﻙ ﺍﻭ ﺗﻘﻮﻝ ﺷﻲﺀ
ﻣﺎ ﻫﻲ ﻗﺎﺩﺭﻩ ﺗﻄﻠﻊ ﺻﻮﺗﻬﺎ ﻭﻻ ﻫﻲ ﻗﺎﺩﺭﻩ ﺗﺤﺮﻙ ﺻﺒﻌﻬﺎ ﺗﺤﺲ
ﺑﺘﺸﻨﺞ ﻓﻲ ﺍﻃﺮﺍﻓﻬﺎ ﻭﻏﺸﺎﻭﻩ ﻋﻠﻰ ﻋﻴﻮﻧﻬﺎ ﻛﻠﻤﺎ
ﻭﻳﺰﻳﺪ ﺍﻟﺴﻮﺍﺩ ﻭﻳﺨﺘﻔﻮﻥ ﺍﻻﺷﺨﺎﺹ ﺍﻟﻲ ﺣﻮﻟﻬﺎ .. ﺗﺤﺲ ﺍﻥ ﻓﻲ
ﺟﻤﺮﺗﻴﻦ ﻳﺸﺘﻌﻠﻮﻥ ﻓﻲ ﻭﺳﻂ ﻋﻴﻨﻬﺎ ﻭﺩﻫﺎ ﺗﺼﺮﺥ ﻭﺗﻘﻮﻝ ﻛﻔﺎﻳﻪ ..
ﺣﺎﻭﻟﺖ ﺗﻨﻄﻖ ﺑﺴﻢ ﻏﺎﺯﻱ ﻟﻜﻨﻬﺎ ﻣﺎ
ﻗﺪﺭﺕ .. ﺗﺤﺎﻭﻝ ﻗﺪ ﻣﺎ ﺗﻘﺪﺭ ﺗﻀﻞ ﺛﺎﺑﺘﻪ ﻣﻜﺎﻧﻪ ﻭﺗﺠﻤﻊ ﻗﻮﺗﻬﺎ ﻓﻲ
ﻗﺪﻣﻬﺎ .. ﺗﺤﺲ ﺍﻥ ﺍﻟﺪﻧﻴﺎ ﺗﺪﻭﺭ ﻓﻴﻬﺎ ﺗﺪﻭﺭ ﺗﺪﻭﺭ
ﺑﻘﻮﻩ ﻣﺎ ﻫﻲ ﻗﺎﺩﺭﻩ .. ﺗﺘﺤﻤﻞ ﺗﻼﺷﺖ ﺍﻟﺮﺍﻳﻪ ﻭﺍﺻﺒﺤﺖ ﻛﻠﻬﺎ ﺳﻮﺩﺍﺀ
ﻭﺭﻣﺎﺩﻳﻪ .. ﺿﺎﻗﺖ ﺍﻟﺪﻧﻴﺎ ﻋﻠﻴﻬﺎ ﻭﻛﺘﻤﺖ ﻋﻠﻰ
ﺍﻧﻔﺎﺳﻬﺎ .. ﺍﺻﺒﺢ ﺍﻟﻬﻮﺍﺀ ﻳﻄﻠﻊ ﺑﺲ ﻣﺎ ﻳﺪﺧﻞ .. ﺣﺴﺖ ﺑﺤﺮﺍﺭﻩ
ﻓﻀﻴﻌﻪ ﻓﻲ ﻭﺟﻬﺎ ﻭﺑﺪﺕ ﻗﻄﺮﺍﺕ ﺍﻟﻌﺮﻕ ﺗﺘﺒﻠﻞ ﺟﺒﻬﺘﻬﺎ .. ﺍﺧﺘﻔﺖ
ﺍﺻﻮﺍﺕ ﺍﻟﻨﺎﺱ ﻣﻦ ﺣﻮﻟﻬﺎ ..
ﻛﺎﻧﺖ ﺳﺠﻰ ﻭﺍﻗﻔﻪ ﻗﺮﻳﺐ ﻣﻦ ﻋﻠﻴﺎ ﻭﻋﻴﻨﻬﺎ ﻣﻌﻠﻘﻪ ﻋﻠﻰ ﺣﻤﺪ
ﻭﻏﺎﺯﻱ ﻭﺩﻫﺎ ﺗﺼﺮﺥ ﻭﺗﻘﻮﻝ ﻟﻬﻢ ﻛﻔﺎﻳﻪ ﺧﻼﺹ ﻣﺎ ﻋﺪﻧﺎ ﻧﺘﺤﻤﻞ
ﻟﻜﻨﻬﺎ
ﻣﺎ ﺍﻗﺪﺭﺕ ﺑﺴﺒﺐ ﺗﺠﻤﻬﺮ ﺍﻟﻨﺎﺱ ﺣﻮﻟﻬﻢ .. ﻣﻮ ﻋﺎﺭﻓﻪ ﻛﻴﻒ ﺗﺘﺼﺮﻑ
.. ﻓﻲ ﻟﺤﻈﻪ ﺗﺬﻛﺮﺕ ﻋﻤﺘﻬﺎ ﻋﻠﻴﺎ ﻭﻟﺘﻔﺘﺖ ﻋﻠﻰ
ﻃﻮﻝ ﺟﻬﺖ ﺍﻟﻴﻤﻴﻦ ﺣﻴﺚ ﺗﻘﻒ ﻋﻠﻴﺎ .. ﺭﺍﻗﺒﺖ ﻋﻴﻨﻬﺎ ﺍﻟﻲ ﻏﺮﻗﺎﻧﻪ
ﺑﺎﻟﺪﻣﻮﻉ .. ﻟﻜﻦ ﻟﻤﺎ ﺷﺎﻓﺖ ﺟﻔﻨﻬﺎ ﺑﺪ ﺑﻘﻔﻞ ﺧﺎﻓﺖ
ﻟﺤﻈﺎﺕ ﻭﺗﻬﺎﻭ ﺟﺴﺪ ﻋﻠﻴﺎ ﻭﺳﻘﻂ ﻋﻠﻰ ﺍﻻﺭﺽ ﺟﺴﺪ ﺧﺎﻭﻱ ..
ﻣﺘﺤﺠﺮ ﺍﻻﻃﺮﺍﻑ .. ﻓﺎﻗﺪ ﺍﻟﻮﻋﻲ .. ﺫﺍﺑﻞ ﺍﻻﺣﺴﺎﺱ ﺑﻘﺎﻳﺎ ﺍﻟﻢ ..
ﺿﻌﻴﻔﺎ ﻣﻨﻜﺴﺮ .. ﻻ ﺣﻮﻟﻪ ﻭﻻ ﻗﻮﻩ ..
ﺳﺠﻰ .. ﺣﺎﻭﻟﻪ ﺗﺴﻨﺪﻫﺎ ﻻﻛﻨﻬﺎ ﺗﺎﺧﺮﺕ ﺛﻮﺍﻧﻲ ﻭﻛﺎﻧﺖ ﺍﺳﺘﺠﺎﺑﺘﻬﺎ
ﺑﻄﻴﺌﻪ .. ﺟﻠﺴﺖ ﺳﺠﻰ ﻋﻠﻰ ﺭﻛﺒﺘﻴﻬﺎ ﻭﺭﻓﻌﺖ ﺭﺍﺱ
ﻋﻠﻴﺎ .. ﻣﻮ ﻋﺎﺭﻑ ﻭﺵ ﺗﺴﻮﻱ .. ﻋﻠﻰ ﺍﻟﺮﻏﻢ ﻣﻦ ﻫﺬﺍ ﺍﻻﺯﺩﺣﺎﻡ ﺍﻟﻰ
ﺍﻧﻬﺎ ﺗﺤﺲ ﺍﻧﻬﺎ ﻟﺤﺎﻟﻬﺎ .. ﻭﻣﺎ ﻣﻌﻬﺎ ﺍﺣﺪ
ﻳﺴﺎﻋﺪﻫﺎ .. ﺑﻜﺖ ﺑﺼﻮﺕ ﻣﺮﺗﻔﻊ .. ﻭﺻﺮﺧﺖ ﺑﺒﻜﺎﺀ ﻫﺴﺘﺮﻱ ..
ﻋﻤﺘﻲ ﻋﻠﻴﺎ ﻋﻤﺘﻲ ﻋﻠﻴﺎ .. ﺣﻤﺪ ﺧﻼﺹ ﻛﻔﺎﻳﻪ
ﺧﻼﺹ ﺗﻌﺎﻝ ﺷﻮﻑ ﻋﻤﺘﻲ ﻋﻠﻴﺎ ﻭﺵ ﺻﺎﺭ ﻓﻴﻬﺎ .. ﻳﺎﻧﺎﺱ ﺗﻜﻔﻮﻥ
ﺳﺎﻋﺪﻭﻧﻲ .. ﺗﻜﻔﻮﻥ ﺳﺎﻋﺪﻭﻧﻲ ﻭﺍﺧﻨﻘﺘﻬﺎ ﺍﻟﻌﺒﺮﻩ
ﺟﺎ ﺻﻮﺕ ﻣﻦ ﺍﻟﺨﻠﻒ
ﺍﻟﻤﺮﺍﺀﻩ ﺑﻬﺪﻭﺀ : ﺍﺭﻓﻌﻲ ﺑﺮﻗﻌﻬﺎ ﺧﻠﻴﻬﺎ ﺗﺘﻨﻔﺲ
ﺳﺠﻰ ﻣﺎ ﺭﺍﻗﺖ ﻟﻬﺎ ﺍﻟﻔﻜﺮﻩ ﺳﺠﻰ ﻭﻫﻲ ﺗﺒﻜﻲ : ﻻ ﻣﺎ ﺍﻗﺪﺭ ﺍﺷﻴﻞ
ﺑﺮﻗﻌﻬﺎ .. ﻣﺎ ﺗﺸﻮﻓﻴﻦ ﺍﻟﻨﺎﺱ ﺣﻮﻟﻨﺎ ﻛﻴﻒ
ﺍﻟﻤﺮﺍﺀﻩ : ﻃﻴﺐ ﺍﺭﻓﻌﻴﻪ ﺷﻮﻱ ﻻ ﺗﺸﻴﻠﻴﻨﻪ ﻛﻠﻪ .. ﺧﻞ ﺍﻟﺒﻨﺖ
ﺗﺘﻨﻔﺲ .. ﺍﻟﺒﺮﻗﻊ ﻳﺤﺒﺲ ﺍﻟﻬﻮ ﻋﻨﻬﺎ
ﺳﺠﻰ ﺑﺴﺘﺴﻼﻡ ﺍﺭﻓﻌﺖ ﺷﻮﻱ ﻣﻦ ﺑﺮﻗﻊ ﻋﻠﻴﺎ : ﻃﻴﺐ ... ﻭﺭﺟﻌﺖ
ﺗﺒﻜﻲ ﻣﻦ ﺟﺪﻳﺪ
ﻣﻦ ﺟﻬﺎ ﺍﺧﺮﻯ ﻛﺎﻥ ﻋﺒﺪﺍﻟﺮﺣﻤﻦ ﻳﺘﻤﺸﻰ ﺑﻴﺪﺧﻞ ﺍﻟﺒﺮﺝ ﻳﻨﺎﺩﻳﻬﻢ
ﻻﻧﻬﻢ ﻃﻮﻟﻮ ﻋﻠﻴﻪ ﻭﺩﻕ ﻋﻠﻰ ﺟﻮﺍﻝ ﺣﻤﺪ ﺍﻛﺜﺮ ﻣﻦ
ﻣﺮﻩ ﻣﺎﺭﺩ ﻋﻠﻴﻪ ﻭﺩﻕ ﻋﻠﻰ ﺟﻮﺍﻝ ﺳﺠﻰ ﻫﻢ ﻣﺎ ﺭﺩﺕ ﻭﻓﻲ ﺍﻻﺧﻴﺮ
ﺩﻕ ﻋﻠﻰ ﺟﻮﺍﻝ ﻋﻤﺘﻪ ﻋﻠﻴﺎ ﻭﻫﻲ ﺑﻌﺪ ﻣﺎ ﺭﺩﺕ ﻗﺎﻝ
ﺍﻓﻀﻞ ﺷﻲﺀ ﺍﻧﻲ ﺍﺩﺧﻞ ﺍﺷﻮﻓﻬﻢ ﻳﻤﻜﻦ ﻣﻊ ﺯﺣﻤﺔ ﺍﻟﻨﺎﺱ ﻭﺍﻟﻔﻮﺿﺎ
ﻣﺎ ﻳﺴﻤﻌﻮﻥ ﺟﻮﺍﻻﺗﻬﻢ .. ﻭﻳﻤﻜﻦ ﺑﻌﺪ ﻣﻨﺪﻣﺠﻴﻦ
ﻣﻊ ﺍﻻﻛﻞ ﻭﻻ ﻃﻌﻴﻨﻲ ﺍﻧﺎ ﺑﺮﻩ ﺍﺳﺘﻨﺎﻫﻢ .. ﻣﻊ ﺍﻧﻲ ﻣﻮﺻﻲ ﺣﻤﺪ ﺍﻥ
ﻧﻄﻠﻊ ﻭﻧﺘﻔﺎﺩﻯ ﻏﺎﺯﻱ .. ﺍﻟﻤﺼﻴﺒﻪ ﻟﻮ ﺷﺎﻓﺘﻪ ﻋﻤﺘﻲ ﻋﻠﻴﺎ
ﺷﺎﻑ ﺗﺠﻤﻊ ﻛﺒﻴﺮ ﻣﻦ ﺍﻟﻨﺎﺱ ﻋﻨﺪ ﺍﻟﺒﺎﺏ .. ﻭﻋﻠﻰ ﻃﻮﻝ ﺟﺎﺕ ﻋﻠﻰ
ﺑﺎﻟﻪ ﺍﻥ ﺍﻛﻴﺪ ﻫﻮﺷﻪ .. ﺍﺗﺠﻪ ﺟﻬﺖ ﻫﺬﺍ ﺍﻟﺘﺠﻤﻊ
ﻟﻘﺎﻓﻪ ﻭﺣﺐ ﺍﺳﺘﻄﻼﻉ ﻟﻴﺲ ﺍﻛﺜﺮ ﻟﻤﺎ ﻗﺮﺏ ﻣﻦ ﺍﻟﻨﺎﺱ ﺣﺎﻭﻝ ﻳﺪﺧﻞ
ﺑﻴﻨﻬﻢ ﻋﻠﺸﺎﻥ ﻳﺸﻮﻑ ﺍﺷﻜﺎﻝ ﺍﻟﻲ ﻣﺘﺨﺎﻧﻘﻴﻦ ﻭﻛﻴﻒ
ﻫﻮ ﺣﺎﻟﻬﻢ .. ( ﻣﻊ ﺍﻧﻪ ﺍﺳﺘﻐﺮﺏ ﻇﻦ ﺍﻥ ﺍﻫﻞ ﺍﻟﺮﻳﺎﺽ ﺍﺭﻗﻰ ﻣﻦ ﺍﻥ
ﻳﺘﺨﺎﻧﻘﻮﻥ ﻓﻲ ﻣﻜﺎﻥ ﻋﺎﻡ ﻭﻣﺰﺩﺣﻢ )
ﻟﻤﺎ ﺷﺎﻑ ﺣﻤﺪ ﻭﻏﺎﺯﻱ ﻳﺘﻀﺎﺭﺑﻮﻥ ﺩﺧﻞ ﺑﺴﺮﻋﻪ ﺑﻴﻨﻬﻢ ﻭﻣﺴﻚ ﺣﻤﺪ
ﻣﻦ ﻳﺪﻩ ﻭﺩﻓﻪ ﺑﻘﻮﻩ ﺑﻌﻴﺪ ﺷﻮﻱ ﻋﻦ ﻏﺎﺯﻱ ﺍﻟﻲ
ﻛﺎﻥ ﻃﺮﻳﺢ ﺍﻻﺭﺽ ﻻ ﺣﻮﻟﻪ ﻭﻻ ﻗﻮﻩ ﻗﺮﺏ ﻣﻦ ﻏﺎﺯﻱ ﻭﺣﺎﻭﻝ
ﻳﺴﺎﻋﺪﻩ ﻋﻠﺸﺎﻥ ﻳﻮﻗﻒ ﻭﻟﻜﻦ ﻏﺎﺯﻱ ﺭﻓﺾ ﻣﺴﺎﻋﺪﺕ
ﻋﺒﺪﺍﻟﺮﺣﻤﻦ ﻭﻓﻲ ﻧﻔﺲ ﺍﻟﻠﺤﻈﻪ ﺟﺎ ﻧﺎﺩﺭ ﺧﻮﻱ ﻏﺎﺯﻱ .. ﻭﺑﺴﺮﻋﻪ
ﺳﺎﻋﺪ ﻏﺎﺯﻱ ﻋﻠﻰ ﺍﻟﻮﻗﻔﻪ ﻣﺴﻚ ﻏﺎﺯﻱ ﻳﺪ ﺧﻮﻳﻪ
ﻧﺎﺩﺭ ﺑﻘﻮﻩ ﻋﻠﺸﺎﻥ ﻳﻘﻮﻡ .. ﻭﺑﻴﺪﻩ ﺍﻟﺜﺎﻧﻴﻪ ﻛﺎﻥ ﻳﺘﺤﺴﺲ ﻭﺟﻬﻪ
ﻭﺍﻟﺪﻡ ﺍﻟﻲ ﺳﺎﻝ ﻣﻦ ﺟﺒﻴﻨﻪ
ﻟﻤﺎ ﺭﻓﻊ ﻋﻴﻨﻪ ﻭﺷﺎﻑ ﺗﺠﻤﻬﺮ ﺍﻟﻨﺎﺱ ﻣﻦ ﺣﻮﻟﻪ ﺗﻔﺎﺟﺎ .. ﻧﺎﻇﺮ ﺟﻬﺖ
ﺣﻤﺪ ﺍﻟﻲ ﻛﺎﻥ ﻋﺒﺪﺍﻟﺮﺣﻤﻦ ﻣﺎ ﺳﻜﻪ ﻭﻳﻬﺪﻳﻪ ﻭﺷﻜﻠﻪ ﻟﻠﺤﻴﻦ ﻓﻲ
ﻋﻀﻼﺗﻪ ﺟﺮﻋﺎﺕ ﻟﻜﻤﺎﺕ .. ﻭﺿﺮﺑﺎﺕ ﺍﺛﺮﻫﺎ ﺍﻧﻄﺒﻊ ﻋﻠﻰ ﺟﺴﺪ ﻏﺎﺯﻱ
..
ﺣﺲ ﻏﺎﺯﻱ ﺑﺎﻟﻢ ﻓﻀﻴﻪ ﻟﻤﺎ ﺣﺎﻭﻝ ﻳﺤﺮﻙ ﺭﺟﻠﻪ ﺍﻟﻴﻤﻨﻪ .. ﻓﺠﻤﻊ
ﺑﻘﺎﻳﺎ ﻗﻮﺗﻪ ﻓﻲ ﻗﺪﻣﻪ ﺍﻟﻴﺴﺮﻯ ﻭﺣﺎﻭﻝ ﻳﺴﻨﺪ ﺛﻘﻞ ﺟﺴﺪﻩ ﻋﻠﻴﻬﺎ ..
ﺗﻮﻩ ﺑﻴﺘﺤﺮﻙ ﻟﻜﻨﻪ ﺗﻮﻗﻒ ﻟﻤﺎ ﺳﻤﻊ ﺻﻮﺕ ﺍﻟﺸﺮﻃﻪ
ﻣﻦ ﺟﻬﺎ ﺍﺧﺮﻯ ﻛﺎﻥ ﻋﺒﺪﺍﻟﺮﺣﻤﻦ ﻣﻌﺼﺐ ﻋﻠﻰ ﺍﻻﺧﺮ ﻣﻦ ﺗﺼﺮﻑ
ﺣﻤﺪ ﻭ ﻭﺩﻩ ﻳﻀﺮﺑﻪ ﺯﻳﺎﺩﻩ ﻋﻠﻰ ﻫﺬﺍ ﺍﻟﻀﺮﺏ ﺍﻟﻲ ﺟﺎﻩ ﻣﻦ ﻏﺎﺯﻱ ..
ﻟﻜﻦ ﺣﺎﻭﻝ ﻓﻲ ﺍﻟﺒﺪﺍﻳﻪ ﻳﻬﺪﻳﻪ ﻻﻧﻪ ﻣﺎ ﺯﺍﻝ ﻓﻲ ﻧﻮﺑﺎﺕ ﺟﻨﻮﻧﻪ
ﺣﻤﺪ ﺑﻌﺼﺒﻴﻪ ﻭﻫﻮ ﻳﺤﺎﻭﻝ ﻳﺰﻳﺢ ﻋﺒﺪﺍﻟﺮﺣﻤﻦ ﻣﻦ ﻃﺮﻳﻘﻪ : ﺍﻗﻮﻟﻚ
ﺧﻠﻨﻲ ﺍﻛﺴﺮ ﻟﻪ ﻋﻈﺎﻣﻪ ﻋﻠﺸﺎﻥ ﻳﻌﺮﻑ ﻣﻦ ﻫﻮ ﺍﻧﺎ
ﻋﺒﺪﺍﻟﺮﺣﻤﻦ ﺑﻌﺼﺒﻴﻪ ﻭﻫﻮ ﻳﺤﺎﻭﻝ ﻳﻤﺴﻚ ﺣﻤﺪ : ﺍﻧﺖ ﺗﻔﻜﺮ ﺍﻥ
ﺍﻟﻤﺮﺟﻠﻪ ﺑﻬﺬﻱ ﺍﻟﻄﺮﻳﻘﻪ ﻳﺎ ﻭﻟﺪ ﺑﻮﺗﺮﻛﻲ
ﺣﻤﺪ ﺑﻌﺼﺒﻴﻪ : ﺍﺟﻞ ﺍﻟﻤﺮﺟﻠﻪ ﺍﺧﻠﻴﻪ ﻳﻠﻤﺲ ﻋﻤﺘﻲ ﻭﻳﻨﺎﺩﻳﻬﺎ ﺑﺴﻤﻬﺎ
ﻋﻴﻨﻲ ﻋﻴﻨﻚ ﻭﻛﺎﻧﻲ ﺟﺪﺍﺭ ﻗﺪﺍﻣﻪ
ﻋﺒﺪﺍﻟﺮﺣﻤﻦ ﺻﺤﻴﺢ ﺍﻧﻪ ﻣﺎ ﻋﺮﻑ ﻭﺵ ﺍﻟﻲ ﺻﺎﺭ ﺑﺲ ﻣﻬﻤﺎ ﻳﻜﻮﻥ
ﺍﻟﻲ ﺣﺼﻞ ﻣﺎ ﺗﻮﺻﻞ ﺍﻟﻤﻮﺍﺻﻴﻞ ﻟﺪﺭﺟﻪ ﺿﺮﺏ ﻭﺧﻨﺎﻕ : ﺍﻗﻮﻝ ﻫﺬﻱ
ﺍﻟﺸﺮﻃﻪ ﺟﺖ ﻭﺭﻳﻨﺎ ﻣﺮﺍﺟﻠﻚ ﻳﺎ ﺑﻮﺣﻤﻴﺪ ﺑﺎﻟﻤﺮﻛﺰ
ﺗﺬﻛﺮ ﻋﺒﺪﺍﻟﺮﺣﻤﻦ ﻋﻤﺘﻪ ﻋﻠﻴﺎ .. ﻟﻤﺎ ﺍﺳﺘﻮﻋﺐ ﻛﻼﻡ ﺣﻤﺪ ﻳﻌﻨﻲ
ﻋﻤﺘﻲ ﻋﻠﻴﺎ ﺷﺎﻓﺖ ﻏﺎﺯﻱ .. ﻭﺵ ﺫﻱ ﺍﻟﻤﺼﻴﺒﻪ
ﻋﻠﻰ ﻃﻮﻝ ﺣﺮﻙ ﺟﻬﺖ ﺍﻟﻲ ﻓﻴﻬﺎ ﺗﺠﻤﻊ ﺧﻔﻴﻒ ﻣﻦ ﺍﻟﻨﺴﻮﺍﻥ .. ﺣﺲ
ﺍﻥ ﺍﻛﻴﺪ ﻋﻤﺘﻪ ﺻﺎﺭ ﻟﻬﺎ ﺷﻲﺀ ﺣﺎﻭﻝ ﻳﺴﺮﻉ ﺑﺨﻄﻮﺍﺗﻪ .. ﻟﻤﺎ ﻭﺻﻞ
ﺍﺳﺘﺄﺫﻥ ﻣﻦ ﺍﻟﺤﺮﻳﻢ ﻋﻠﺸﺎﻥ ﻳﺘﻨﺤﻮﻥ ﺷﻮﻱ ﺑﻌﻴﺪ ﻭﺧﻠﻮﻧﻪ ﻳﺸﻮﻑ
ﻋﻤﺘﻪ ﻋﻠﻴﺎ
ﻋﺒﺪﺍﻟﺮﺣﻤﻦ ﺑﺨﻮﻑ : ﺳﺠﻰ ﻋﻤﺘﻲ ﻋﻠﻴﺎ ﻭﺵ ﻓﻴﻬﺎ
ﺳﺠﻰ ﻭﻫﻲ ﺗﺒﻜﻲ ﻭﺯﺍﺩﺕ ﺑﻜﻰ ﻟﻤﺎ ﺷﺎﻓﺖ ﺍﺧﻮﻫﺎ ﻋﺒﺪﺍﻟﺮﺣﻤﻦ ﻻﻧﻬﺎ
ﺍﺟﻬﺪﺕ ﻭﻫﻲ ﺗﺤﺎﻭﻝ ﺗﺒﻘﻰ ﻗﻮﻳﻪ : ﻋﺒﺪﺍﻟﺮﺣﻤﻦ .. ﻋﺒﺪﺍﻟﺮﺣﻤﻦ
ﻣﺪﺭﻱ ﻭﺵ ﻓﻴﻬﺎ ﻋﻤﺘﻲ ﻋﻠﻴﺎ ﺍﻏﻤﻰ ﻋﻠﻴﻬﺎ ..
ﻋﺒﺪﺍﻟﺮﺣﻤﻦ ﺑﺨﻮﻑ : ﺧﻠﻴﻨﺎ ﻧﻮﺩﻳﻬﺎ ﺍﻟﻤﺴﺘﺸﻔﻰ ﺑﺴﺮﻋﻪ .. ﺭﺍﻳﺢ
ﺍﺟﻴﺐ ﺍﻟﺴﻴﺎﺭﻩ ﻭﺍﻗﺮﺑﻬﺎ ﻣﻦ ﻫﻨﺎ
ﺳﺠﻰ ﻭﻫﻲ ﺗﺤﺎﻭﻝ ﺗﻤﻨﻊ ﻋﺒﺪﺍﻟﺮﺣﻤﻦ ﻣﻦ ﺍﻟﺬﻫﺎﺏ ﻻﻥ ﻣﺎ ﺗﺒﻲ
ﻳﺨﻠﻴﻬﺎ ﻟﺤﺎﻟﻬﺎ : ﻻ ﻋﺒﺪﺍﻟﺮﺣﻤﻦ ﺍﺳﺘﻨﻰ ﻭﺣﺪﻩ ﻣﻦ ﺍﻟﻤﻮﺟﻮﺩﻳﻦ ﺩﻗﺖ
ﻋﻠﻰ ﺍﻻﺳﻌﺎﻑ ﻭﺍﻟﺤﻴﻦ ﻫﻮ ﺑﻴﺠﻲ
ﻋﺒﺪﺍﻟﺮﺣﻤﻦ ﺑﻨﻔﺎﺫ ﺻﺒﺮ : ﻭﺵ ﻳﺼﺒﺮﻧﺎ ﻟﻤﻦ ﻳﺠﻮﻥ ﻧﺠﻠﺲ ﻧﺤﻂ
ﻳﺪﻧﺎ ﻋﻠﻰ ﺧﺪﻧﺎ ﻭﻧﺸﻮﻑ ﻋﻤﺘﻲ ﻣﻐﻤﻰ ﻋﻠﻴﻬﺎ ﻗﺪﺍﻣﻨﻬﺎ .. ﺑﺮﻭﺡ
ﺍﺟﻴﺐ ﺍﻟﺴﻴﺎﺭﻩ ﺑﺴﺮﻋﻪ
ﺗﻮﻩ ﺑﻴﺘﺤﺮﻙ ﻋﺒﺪﺍﻟﺮﺣﻤﻦ ﻟﻜﻨﻪ ﺗﻮﻗﻒ ﻟﻤﺎ ﺳﻤﻊ ﺻﻮﺕ ﺳﻴﺎﺭﻩ
ﺍﻻﺳﻌﺎﻑ ..
ﺟﺎﺕ ﺍﻻﺳﻌﺎﻑ ﻭﺷﺎﻟﺖ ﻋﻠﻴﺎ ..
ﻋﺒﺪﺍﻟﺮﺣﻤﻦ ﻭﻳﺎﻣﺮ ﺳﺠﻰ : ﺳﺠﻰ ﺍﻧﺘﻲ ﺭﻭﺣﻲ ﻣﻌﻬﻢ ﺍﻟﻤﺴﺘﺸﻔﻰ
ﻭﺍﻧﺎ ﺭﺍﺡ ﺍﻟﺤﻘﻜﻢ ﺑﺲ ﺑﺸﻮﻑ ﺣﻤﺪ .. ﻭﻟﻤﺎ
ﺗﻮﺻﻠﻮﻥ ﻃﻤﻨﻴﻨﻲ ﺍﻭﻛﻲ
ﺳﺠﻰ ﻣﺎ ﻛﺎﻥ ﻟﻬﺎ ﺧﻴﺎﺭ ﺍﺧﺮ ﺍﻛﻴﺪ ﺭﺍﺡ ﺗﺮﻭﺡ ﻓﻲ ﻫﺬﻱ ﺍﻟﺤﻈﻪ ﺭﻥ
ﺟﻮﺍﻝ ﺳﺠﻰ .. ﻟﻤﺎ ﺷﺎﻓﺖ ﺍﻟﺮﻗﻢ ﺭﺩﺕ ﺑﺪﻭﻥ ﺗﺮﺩﺩ
ﺳﺠﻰ ﺑﻨﻔﻌﺎﻝ ﻭﺑﻜﻰ ﻭﺻﻮﺕ ﺑﺨﻨﻮﻕ : ﻋﻤﻲ ﻭﺍﻓﻲ .. ﻋﻤﻲ ﻭﺍﻓﻲ
ﺍﻟﺤﻖ ﻋﻠﻴﻨﺎ .. ﻋﻤﺘﻲ ﻋﻠﻴﺎ ( ﻭﺑﻜﺖ )
ﻭﺍﻓﻲ ﺑﻨﻔﻌﺎﻝ ﻭﺧﻮﻑ ﻭﺗﻔﺎﺟﺄ ﻣﻦ ﺻﻮﺕ ﺳﺠﻰ : ﺳﺠﻰ ﻭﺵ ﻓﻴﻚ
.. ﻭﺵ ﻓﻴﻬﺎ ﺍﺧﺘﻲ ﻋﻠﻴﺎ ﻭﺵ ﺣﺼﻞ ﻟﻬﺎ ﻗﻮﻝ ﻟﻲ
ﺳﺠﻰ ﻭﺻﻮﺗﻬﺎ ﻣﺨﻨﻮﻕ : ﻋﻤﺘﻲ ﻋﻠﻴﺎ ﺍﻏﻤﻰ ﻋﻠﻴﻬﺎ
.
.
.
ﻓـــــﻲ ﻣﻜﺎﻥ ﺛﺎﻧﻲ .. ﻭﺗﺤﺪﻳﺪﺍ ﻓــﻲ ﺍﻟﺪﻣﺎﻡ
ﺍﻣﺎﻡ ﻣﺪﺧﻞ ﺑﻴﺖ ﺑﻮﺿﺎﺭﻱ ﻟﻠﻔﻠﻪ ﻛﺎﻧﺖ ﻭﺍﻗﻔﻪ ﺳﻴﺎﺭﺓ ﻃﻼﻝ ..
ﺑﻨﺘﻈﺎﺭ ﺍﻧﻔﺎﻝ .. ﻟﻢ ﺗﻄﻞ ﺍﻟﻮﻗﻮﻑ ﻻﻥ ﺍﻧﻔﺎﻝ ﺍﻭﻝ ﻣﺎ ﺩﻕ
ﻋﻠﻴﻬﺎ ﻋﻤﻬﺎ ﻃﻼﻝ ﻋﻠﻰ ﻃﻮﻝ ﺍﻃﻠﻌﺖ .. ﻃﺒﻌﺎ ﻟﻤﺎ ﺷﺎﻓﺖ ﻣﻴﻼﻑ
ﻗﺪﺍﻡ ﺍﺭﻛﺒﺖ ﺑﺎﻟﺨﻠﻒ ﻭﻫﺬﺍ ﺍﻟﺸﻲ ﻣﺎ ﺍﺯﻋﺠﻬﺎ ﻻﻧﻬﺎ
ﺍﻭﻻ ﺗﺒﻲ ﺗﺠﻠﺲ ﻣﻊ ﺻﺪﻳﻘﺎﺗﻬﺎ ﺑﺎﻟﺨﻠﻒ .. ﻋﻠﺸﺎﻥ ﺗﺼﻴﺮ ﺟﻨﺒﻬﻢ
ﻭﺛﺎﻧﻴﺎ .. ﺍﻻﻣﺮ ﻃﺒﻴﻌﻲ ﻻﻥ ﻋﻤﻲ ﻃﻼﻝ ﻣﺮ ﻋﻠﻰ ﻣﻴﻼﻑ ﻗﺒﻞ ﻳﻌﻨﻲ
ﻻﺯﻡ ﺗﺮﻛﺐ ﻗﺪﺍﻡ ..
ﺍﻧﻔﺎﻝ ﻓﺘﺤﺖ ﺍﻟﺒﺎﺏ ﺍﻟﺨﻠﻔﻲ ﻭﺟﻠﺴﺖ .. ﺍﻧﻔﺎﻝ ﻭﻫﻲ ﺗﺴﻜﺮ ﺍﻟﺒﺎﺏ :
ﺍﻟﺴﻼﻡ ﻋﻠﻴﻜﻢ
ﻃﻼﻝ : ﻭﻋﻠﻴﻜﻢ ﺍﻟﺴﻼﻡ .. ( ﺍﻧﺒﺴﻂ ﻻﻥ ﺍﻧﻔﺎﻝ ﻣﺤﺎﻓﻈﻪ ﻋﻠﻰ
ﻣﻮﺍﻋﻴﺪﻫﺎ ﻭﻣﺎ ﺗﺘﺄﺧﺮ )
ﺍﻧﻔﺎﻝ : ﻫﻼﺍﺍﺍ ﻋﻤﻲ ﻃﻼﻝ ﺷﺨﺒﺎﺭﻙ .. ﻭﻛﻴﻒ ﺍﻟﻌﻤﻞ ﺍﻟﻴﻮﻡ ..
ﻃﻼﻝ ﺑﺒﺘﺴﺎﻣﻪ : ﻭﺍﻟﻠﻪ ﺍﻟﺤﻤﺪﻟﻠﻪ .. ﺍﻧﺖ ﺷﺨﺒﺎﺭﻙ
ﺍﻧﻔﺎﻝ : ﺑﺨﻴﺮ .. ( ﻛﻤﻠﺖ ﻭﻫﻲ ﺗﻮﺟﻪ ﻛﻼﻣﻬﺎ ﻟﻤﻴﻼﻑ ) .. ﺷﺨﺒﺎﺭﻙ
ﻣﻴﻼﻑ ﻋﺴﺎﻛﻲ ﺑﺨﻴﺮ
ﺍﻧﻔﺎﻝ ﻣﺎ ﺗﻮﻗﻌﺖ ﺍﻥ ﻣﻴﻼﻑ ﺭﺍﺡ ﺗﺮﺩ ﻋﻠﻴﻬﺎ .. ﻟﻜﻨﻬﺎ ﺣﺒﺖ ﺗﺴﺎﻝ
ﻣﻦ ﺑﺎﺏ ﻛﺴﺮ ﺍﻟﺤﻮﺍﺟﺰ ﻭﻋﻠﺸﺎﻥ ﻣﺎ ﺗﻘﺎﺑﻠﻬﺎ ﺑﺎﻟﻤﺜﻞ
ﻣﻴﻼﻑ : ﺣﺎﻟﻲ ﺍﺣﺴﻦ ﻣﻦ ﺣﺎﻟﻚ
ﻃﻼﻝ ( ﻳﺎ ﺭﻳﺘﻚ ﻣﺎ ﺗﻜﻠﻤﺘﻲ ﻳﺎ ﻣﻴﻼﻑ ) ﺑﺴﺮﻋﻪ ﺣﺎﻭﻝ ﻳﻐﻴﺮ ﺍﻟﺠﻮ
ﻗﺒﻞ ﻻ ﻳﺘﻜﻬﺮﺏ : ﺍﻧﻔﺎﻝ ﻣﺎ ﻗﻠﺘﻲ ﻟﻲ ﻭﻳﻦ ﺑﻴﺖ ﺻﺎﺣﺒﺘﻚ ﺍﻟﻲ ﺑﻨﻤﺮ
ﻋﻠﻴﻬﺎ
.
.
ﻓــــﻲ ﺑﻠﺪ ﻏﻴﺮ ﻫﺬﻱ ﺍﻟﺒﻠﺪ ﻭﻓﻲ ﺍﺭﺽ ﻏﻴﺮ ﻫﺬﻱ ﺍﻻﺭﺍﺿﻲ ..
ﻛﺎﻥ ﺷﻬﺎﺏ ﻳﺘﻤﺸﻰ ﻓﻲ ﺍﻟﺸﻮﺍﺭﻉ ﻭﺑﻴﻦ ﺍﻟﻨﺎﺱ .. ﻛﺎﻥ ﻻﺑﺲ ﺑﺮﻣﻮﺩﻩ
ﺯﻳﺘﻲ ﻣﻊ ﻗﻤﻴﺺ ﺍﺑﻴﺾ ﻭﻗﺒﻌﻪ ﺯﻳﺘﻴﻪ
ﻳﺤﺲ ﺍﻥ ﺍﻟﺤﻴﺎﻩ ﺣﻠﻮﻩ ﻭﺍﻟﻨﺎﺱ ﻓﻲ ﺣﺮﻛﻪ ﻣﺴﺘﻤﺮﻩ ﺑﺪﻭﻥ ﺗﻮﻗﻒ ..
ﻣﻊ ﺍﻧﻪ ﺗﻤﻨﻰ ﺍﻥ ﺍﻟﺰﻣﺎﻥ ﻳﻮﻗﻒ ﻋﻨﺪ ﻫﺬﻱ ﺍﻟﻠﺤﻈﻪ
ﺻﺤﻴﺢ ﺍﻧﻪ ﺗﺬﻛﺮ ﺍﺑﻮﻩ ﻭﺍﻣﻪ .. ﻟﻜﻦ ﻣﺎ ﺣﺲ ﺑﺬﺍﻙ ﺍﻟﺸﻮﻕ ﺍﻟﺠﺎﺭﻑ
ﻟﻬﻢ ﻳﻤﻜﻦ ﻻﻥ ﻣﺎ ﺻﺎﺭ ﻟﻪ ﻓﺘﺮﻩ ﻣﻦ ﺑﻌﺪ ﻋﻨﻬﻢ
ﻭﻓﻲ ﺍﻟﻮﻗﺖ ﺍﻟﺤﺎﻟﻲ ﻣﺎ ﻳﻘﺪﺭ ﻳﻜﻠﻤﻬﻢ .. ﺭﻥ ﺟﻮﺍﻟﻪ .. ﻃﺒﻌﺎ
ﺍﻟﺸﺮﻳﺤﻪ ﺍﻟﻤﺼﺮﻳﻪ ﺍﻟﻲ ﺍﻣﺲ ﻣﺮﻛﺒﻬﺎ ﺑﻌﺪ ﻣﺎ ﻛﺴﺮ
ﺍﻟﺸﺮﻳﺤﻪ ﺍﻟﺴﻌﻮﺩﻳﻪ .. ﻭ ﻭﺯﻉ ﺍﻟﺮﻗﻢ ﺍﻟﻤﺼﺮﻱ ﻋﻠﻰ ﺭﺑﻌﻪ
ﺍﻟﻤﺘﻮﺍﺟﺪﻳﻦ ﻓﻲ ﻣﺼﺮ ﻓﻘﻂ
ﻛﺎﻥ ﻧﻐﻤﺘﻪ ﻏﻨﻴﺖ ﺷﻴﺮﻳﻦ )) ﺍﻧﺖ ﺍﺧﺮ ﻭﺍﺣﺪ ﻓﻲ ﺍﻟﺪﻧﻴﺎ ﺩﻱ ﻣﻤﻜﻦ
ﺍﺑﻜﻲ ﻋﻠﻴﻪ ((
ﺷﻬﺎﺏ : ﻫﻼﺍﺍﺍﺍﺍ ﻭﻏﻼﺍﺍ
ﻣﺴﺎﻋﺪ ﻭﻳﺘﻜﻠﻢ ﻣﺼﺮﻱ : ﺩﻩ ﻣﻮﺑﺎﻳﻞ ﻣﺪﺣﺖ ﻓﻮﺯﻱ
ﺷﻬﺎﺏ : ﻫﻬﻬﻬﻬﻬﻬﻬﻬﻪ ﻻ ﻣﻮﺑﺎﻳﻞ ﻣﺪﻳﺤﻪ ﻭﺍﻻﺟﺮ ﻋﻠﻰ ﺍﻟﻠﻪ
ﻣﺴﺎﻋﺪ : ﺍﺯﻳﻚ
ﺷﻬﺎﺏ : ﻛﻮﻳﺲ .. ﺍﻗﻮﻝ ﻣﺎ ﻧﻲ ﻓﺎﺿﻲ ﻟﻚ ﺍﺧﻠﺺ ﻛﻞ ﺷﻮﻱ ﺩﺍﻕ
ﻋﻠﻲ ﻣﺎ ﺻﺎﺭ ﺣﻄﻴﺖ ﺭﻗﻢ ﻣﺼﺮﻱ
ﻣﺴﺎﻋﺪ : ﺍﺟﻞ ﺍﻧﺖ ﻟﻴﻪ ﺣﺎﻃﻪ .. ﻳﻌﻨﻲ ﻣﺘﺮﺟﻲ ﻣﻦ ﻣﺼﺮﻱ ﻭﻻ
ﻣﺼﺮﻳﻪ ﻳﺪﻗﻮﻥ ﻋﻠﻴﻚ ﻣﺎ ﻓﻲ ﺍﻟﻰ ﺍﻧﺎ ﻭﻛﻢ ﻭﺍﺣﺪ ﻣﻦ
ﺍﻟﺮﺑﻊ ﻭﺑﻌﺪﻳﻦ ﺧﻠﻨﺎ ﻧﺪﻕ ﻋﻠﻴﻚ .. ﻳﻌﻨﻲ ﻣﺎ ﺗﺒﻲ ﺗﺤﺲ ﺍﻧﻚ ﺷﺨﺺ
ﻣﻬﻢ
ﺷﻬﺎﺏ : ﺍﺳﺎﺳﺎ ﺍﻧﺎ ﺷﺨﺺ ﻣﻬﻢ ﺑﺘﺼﺎﻻﺗﻜﻢ ﻭﺑﺪﻭﻥ ﺍﺗﺼﺎﻻﺗﻜﻢ ..
ﺑﻮﺟﻮﺩﻛﻢ ﻭﻋﺪﻡ ﻭﺟﻮﺩﻛﻢ ﻣﺎ ﻳﻘﻠﻞ ﻣﻦ ﺍﻫﻤﻴﺘﻲ
ﻣﺴﺎﻋﺪ : ﺍﺧﻠﺺ ﻋﺎﺩ ﻗﺎﻡ ﻳﻨﻔﺦ ﺭﻭﺣﻪ ﺍﻟﻮﻟﺪ ﻋﻠﻴﻨﺎ .. ﺍﻗﻮﻝ ﺑﺘﺠﻲ
ﻣﻌﻨﺎ ﺍﻟﻴﻮﻡ
ﺷﻬﺎﺏ : ﻭﻳﻦ ؟
ﻣﺴﺎﻋﺪ : ﻳﺒﻲ ﻟﻬﺎ ﻭﺍﺣﺪ ﺛﻨﻴﻦ ﻳﻌﻨﻲ ﻭﻳﻦ .. ﺧﻠﺼﻨﺎ ﺑﺘﺠﻲ ﻭﻻ ﻣﺎ
ﺭﺍﺡ ﺗﺠﻲ
ﺷﻬﺎﺏ : ﺍﻧﺖ ﺗﻌﺮﻓﻨﻲ ﺍﻧﻲ ﻣﺎ ﺍﺣﺐ ﻫﺬﺍ ﺍﻟﻨﻮﻉ ﻣﻦ ﺍﻟﺤﻔﻼﺕ
ﻭﺍﻟﺴﻬﺮﺍﺕ ﻣﺎ ﻧﻲ ﺭﺍﻳﺢ ﻣﻌﻜﻢ ﺭﻭﺡ ﻟﺤﺎﻟﻜﻢ
ﻣﺴﺎﻋﺪ : ﺍﻧﺎ ﺍﺑﻴﻚ ﺗﻔﻬﻤﻨﻲ ﺍﻧﺖ ﻟﻴﻪ ﺟﺎﻱ ﻣﺼﺮ .. ﻻ ﺗﻘﻮﻟﻲ ﺟﺎﻱ
ﺗﺘﺴﻮﺡ ﻭﺗﺸﻮﻑ ﻣﻌﺎﻟﻢ ﺍﻟﺒﻼﺩ
ﺷﻬﺎﺏ : ﺍﻧﺖ ﺗﺪﺭﻱ ﺍﻧﺎ ﻟﻴﻪ ﺟﺎﻱ
ﻣﺴﺎﻋﺪ : ﺍﻳﻮﻩ ﻋﺎﺭﻑ .. ﺑﺲ ﺩﺍﻡ ﺍﻧﻚ ﻃﺒﻴﺖ ﺍﺭﺽ ﻣﺼﺮ .. ﺗﻌﺎﻝ
ﻣﻌﻨﺎ ﺑﺲ ﻫﺬﻱ ﺍﻟﻠﻴﻠﻪ ﻭﺭﺍﺡ ﻳﻌﺠﺒﻚ ﺍﻟﺠﻮ ﺻﺪﻗﻨﻲ
ﺷﻬﺎﺏ ﻭﺭﺍﻛﺐ ﺭﺍﺳﻪ : ﻻ ﺗﺤﺎﻭﻝ .. ﻣﺴﺎﻋﺪ ﺍﻧﺎ ﺍﻓﻜﺮ ﺍﺭﻭﺡ ﺗﻮﻧﺲ
ﻭﺍﻟﻤﻐﺮﺏ ﻛﻢ ﻳﻮﻡ ﻣﺎ ﺍﺑﻲ ﺍﻗﻀﻲ ﺍﻟﺸﻬﺮ ﻛﻠﻪ ﺑﻤﺼﺮ .. ﺑﺘﺠﻲ ﻣﻊ ﻭﻻ
.. ﻓﻲ ﺗﻮﻧﺲ ﻓﻲ ﺣﻔﻠﻪ ﻟﻨﺎﻧﺴﻲ ﻭﺍﻟﻴﺴﺎ ﺑﺮﻭﺡ ﺍﺣﻈﺮﻫﻢ
ﻣﺴﺎﻋﺪ : ﻻ ﻣﺎ ﻧﻲ ﺭﺍﻳﺢ ﺭﻭﺡ ﻟﺤﺎﻟﻚ .. ﺍﻗﻮﻝ ﺳﻠﻢ ﻟﻲ ﻋﻠﻰ ﻧﺎﻧﺴﻲ
ﻭﺍﻟﻴﺴﺎ ﻭﻗﻮﻟﻬﻢ ﻣﺴﺎﻋﺪ ﻣﺎ ﻫﻮ ﻓﺎﺿﻲ ﻟﻜﻢ
ﺷﻬﺎﺏ : ﻫﻬﻬﻬﻬﻬﻬﻬﻬﻬﻬﻬﻪ .. ﻭﺻﻞ ﻟﻬﻢ
.
.
ﻧﺮﺟﻊ ﺍﻟﻰ ﺍﺭﺽ ﺍﻟﻮﻃﻦ .. ﻭﺗﺤﺪﻳﺪﺍ ﻓﻲ ﺍﻟﺸﺮﻗﻴﻪ ..
ﺍﻣﺎﻡ ﺑﻴﺖ ﺩﻻﻝ ﻛﺎﻧﺖ ﺳﻴﺎﺭﻩ ﻃﻼﻝ ﻭﺍﻗﻔﻪ .. ﻃﻼﻝ ﺗﻔﺎﺟﺎ ﻟﻤﺎ
ﺷﺎﻑ ﺑﻴﺖ ﺩﻻﻝ ﻣﺎ ﺗﻮﻗﻊ ﺍﻥ ﺍﻧﻔﺎﻝ ﺑﻨﺖ ﺍﺧﻮﻩ ﺻﺎﺣﺒﺎﺗﻬﺎ
ﻣﻦ ﻣﺴﺘﻮﻯ ﻋﺎﻟﻲ .. ﻣﺴﺘﻮﻯ ﺑﻴﺘﻬﻢ ﺗﻘﺮﻳﺒﺎ ﺑﻨﻔﺲ ﻣﺴﺘﻮﻯ ﺑﻴﺖ ﺑﻮ
ﺷﻬﺎﺏ ﻃﺒﻌﺎ ﺑﻴﺖ ﺑﻮ ﺿﺎﺭﻱ ﺍﻛﺒﺮ .. ﺟﺎ ﻋﻠﻰ ﺑﺎﻟﻪ
ﺳﺆﺍﻝ ﻛﻴﻒ ﺗﺘﻌﺎﻣﻞ ﺍﻧﻔﺎﻝ ﻣﻊ ﺩﻻﻝ ﻻ ﺑﻤﻌﻨﺎ ﺍﺻﺢ ﻛﻴﻒ ﺗﺘﻌﺎﻣﻞ
ﺩﻻﻝ ﻣﻊ ﺍﻧﻔﺎﻝ .. ﻣﺎ ﺣﺐ ﻳﻔﻜﺮ ﻛﺜﻴﺮ ﺑﺎﻻﺟﺎﺑﻪ ﻻﻥ ﻣﺎ
ﺗﻬﻤﻪ ﻛﺜﻴﺮ .. ﻭﺑﻌﺪﻳﻦ ﻓﺨﺎﻣﺔ ﺍﻟﺒﻴﺖ ﻣﻮ ﺩﺍﺋﻤﺎ ﺩﻟﻴﻞ ﻋﻠﻰ ﺗﻌﺠﺮﻑ
ﻭﻏﺮﻭﺭ ﺍﺻﺎﺣﺒﻪ .. ﺍﻟﻤﺎﻝ ﻣﻮ ﺩﺍﺋﻤﺎ ﻳﻌﻨﻲ ﺍﻟﺴﻴﺎﺩﻩ
ﻳﻤﻜﻦ ﺩﻻﻝ ﻣﻦ ﺍﻟﻨﻮﻉ ﺍﻟﻤﺘﻮﺍﺿﻊ ﻭﺍﻟﻜﺮﻳﻢ .. ﻗﻄﻊ ﺗﻔﻜﻴﺮﻩ ﺻﻮﺕ
ﻣﻴﻼﻑ ﺍﻟﻲ ﺟﺎﻟﺴﻪ ﺗﺘﺄﻓﻒ ﻣﻦ ﺍﻭﻝ ﻣﺎ ﺩﺭﺕ ﺍﻥ ﺻﺎﺣﺒﺎﺕ ﺍﻧﻔﺎﻝ
ﺑﺠﻮﻥ ﻣﻌﻬﻢ ..
ﻣﻴﻼﻑ ﺑﻀﺠﺮ : ﻫﺬﻱ ﻭﺵ ﻓﻴﻬﺎ ﺗﺄﺧﺮﺕ
ﻃﻼﻝ ( ﺍﺳﻤﻊ ﻣﻦ ﻳﺘﻜﻠﻢ ) : ﻣﺎ ﺻﺮ ﻟﻨﺎ ﺩﻗﻴﻘﻪ ﻣﻦ ﻭﻗﻔﻨﺎ ﻗﺪﺍﻡ
ﺑﻴﺘﻬﻢ ﻣﺎ ﻣﺪﺍﻫﺎ ﺗﺘﺎﺧﺮ
ﺍﻧﻔﺎﻝ : ﺑﺪﻕ ﻋﻠﻴﻬﺎ ﺍﻟﺤﻴﻦ ﺍﺳﺘﻌﺠﻠﻬﺎ
ﻃﻼﻝ : ﻻ ﻻ ﺗﺪﻗﻴﻦ ﻫﺬﻱ ﻫﻲ ﺟﺖ
ﻃﻼﻝ ﻛﺎﻥ ﻳﻨﺎﻇﺮ ﺍﻟﻨﺎﻓﺬﻩ ﺍﻟﻲ ﺟﻨﺒﻪ ﺍﻟﻲ ﻛﺎﻧﺖ ﺟﻬﺖ ﺍﻟﻤﺪﺧﻞ
ﺍﻟﺮﺋﻴﺴﻲ ﻟﻠﻔﻠﻪ .. ﻃﻠﻌﺖ ﺩﻻﻝ ﺗﺘﻤﺸﻰ ﺑﺪﻟﻊ ﻭﻣﺎﺳﻜﻪ ﺑﻴﺪﻫﺎ ﺷﻨﻄﻪ
ﻟﻮﻧﻬﺎ ﺍﺧﻀﺮ ﺑﺪﺭﺟﻪ ﺯﺍﻫﻴﻪ ﻣﻊ ﺻﻨﺪﻝ ﻧﺎﻋﻢ ﺑﻜﻌﺐ ﺿﻌﻴﻒ ﺑﻨﻔﺲ
ﻟﻮﻥ ﺍﻟﺸﻨﻄﻪ ﻭﻧﻔﺲ ﺍﻟﺪﺭﺟﻪ ﻻﻧﻬﻢ ﻃﻘﻢ ﻣﻊ ﺑﻌﺾ .. ﻛﺎﻧﺖ ﻃﺎﻟﻌﻪ
ﻭﺗﺤﺎﻭﻝ ﺗﻜﻮﻥ ﺍﺳﺮﻉ ﻓﻲ ﺧﻄﻮﺍﺗﻪ ﻋﻠﺸﺎﻥ ﻣﺎ ﺗﺘﺎﺧﺮ ﻋﻠﻴﻬﻢ ﻟﻤﺎ
ﻗﺮﺑﺖ ﻣﻦ ﺍﻟﺴﻴﺎﺭﻩ
ﻃﺎﺣﺖ ﻋﻴﻨﻬﺎ ﺑﻌﻴﻦ ﻃﻼﻝ ﺍﻟﻲ ﻣﺎ ﻭﺧﺮ ﻋﻴﻨﻪ ﻣﻦ ﻋﻠﻴﻬﺎ ﻣﻦ ﺍﻭﻝ ﻣﺎ
ﻃﻠﻌﺖ ﻣﻦ ﺑﺎﺏ ﺍﻟﻔﻠﻪ ﺍﻟﻰ ﺍﻥ ﻭﺻﻠﺖ ﻗﺮﻳﺐ ﻣﻦ ﺍﻟﺴﻴﺎﺭﻩ
ﻃﻼﻝ .. ﻳﺎﻟﻠﻪ ﻫﻲ ﻭﺍﻟﻠﻪ ﻫﻲ ﻣﺎ ﺧﻄﺮ ﻋﻠﻰ ﺑﺎﻟﻲ ﺍﻥ ﻫﻲ ﺻﺪﻳﻘﺖ
ﺍﻧﻔﺎﻝ ﺻﺤﻴﺢ ﺍﻧﻲ ﺷﻔﺘﻬﺎ ﻓﻲ ﺑﻴﺖ ﺑﻮ ﺿﺎﺭﻱ ﺑﺲ
ﺍﺳﺘﺒﻌﺪﺕ ﺍﻧﻬﺎ ﺗﻜﻮﻥ ﺻﺪﻳﻘﺖ ﺍﻧﻔﺎﻝ .. ﻭﺭﺑﻲ ﻧﻔﺲ ﺍﻟﻄﻠﻪ ﺍﺫﺍ ﻫﻲ
ﺍﻗﺒﻠﺖ .. ﺗﺄﺳﺮ ﺍﻟﻌﻴﻮﻥ .. ﻭﺗﺸﺘﺖ ﺍﻟﻔﻜﺮ
ﻇﻞ ﻃﻼﻝ ﻳﻨﺎﻇﺮ ﻓﻴﻬﺎ ﻟﻜﻦ ﺗﻔﺎﺟﺎ ﻟﻤﺎ ﺷﺎﻓﻬﺎ ﻭﻗﻔﺖ ﻭﻟﻔﺖ
ﺩﻻﻝ ﻓﻲ ﻫﺬﻱ ﺍﻟﺤﻈﻪ ﺍﻟﻲ ﺷﺎﻓﺖ ﻓﻴﻬﺎ ﻃﻼﻝ .. ﻻﺷﻌﻮﺭﻱ ﻟﻔﺖ
ﻭﺭﺟﻌﺖ ﺍﺩﺧﻠﺖ ﺍﻟﺒﻴﺖ ﺑﺴﺮﻋﻪ
ﻳﻌﻨﻲ ﻛﺎﻥ ﺿﺮﻭﺭﻱ ﻧﺮﻭﺡ ﻣﻊ ﻋﻢ ﺍﻧﻔﺎﻝ ﻛﺎﻥ ﻛﻞ ﻭﺣﺪﻩ ﺭﺍﺣﺖ
ﺑﺴﻮﺍﻗﻬﺎ ﻣﻮ ﺍﻓﻀﻞ .. ﻭﺍﻟﻠﻪ ﻣﻮ ﺣﻠﻮ ﻣﻮﻗﻔﻲ ﻭﺍﻧﺎ
ﻣﻌﻄﺘﻬﻢ ﻇﻬﺮﻱ ﻭﺭﺍﺟﻌﻪ ﻭﺵ ﺭﺍﺡ ﻳﻘﻮﻟﻮﻥ ﻋﻨﻲ ﺑﺲ ﺍﻧﺎ ﻣﺎ ﺍﻗﺪﺭ
ﺍﺭﻛﺐ ﻣﻌﻪ ﺍﺣﺴﻬﺎ ﺻﻌﺒﻪ ﻣﺪﺭﻱ ﻛﻴﻒ .. ﻓﻲ ﻫﺬﻱ
ﺍﻟﺤﻈﻪ ﺗﺬﻛﺮﺕ ﻋﻢ ﺳﺠﻰ ﻭﺍﻓﻲ ﻟﻤﺎ ﺍﺭﻛﺒﺖ ﻣﻌﻪ ﻭﺍﻛﺘﺸﻔﺖ ﺑﻌﺪﻳﻦ
ﺍﻥ ﻫﻮ ﻋﻢ ﺳﺠﻰ ﻧﻔﺲ ﺍﻟﺸﺨﺺ ﺍﻟﻲ ﺍﻟﺘﻘﺖ ﻓﻴﻪ
ﻟﻜﻦ ﻛﺎﻥ ﻋﺎﺩﻱ ﻣﺎ ﺗﻐﻴﺮ ﺷﻲﺀ ﻣﺎ ﺣﺴﺖ ﺑﺎﻻﺣﺮﺍﺝ ﺍﻟﻲ ﺗﺤﺴﻪ ﺍﻟﺤﻴﻦ
ﺍﻭ ﺑﻤﻌﻨﻰ ﺍﺻﺢ ﺑﺎﻟﺨﺠﻞ
ﻓـــﻲ ﺍﻟﺴﻴﺎﺭﻩ ..
ﺍﻧﻔﺎﻝ ﻭﻃﻼﻝ ﻭﻣﻴﻼﻑ .. ﻛﺎﻧﻮ ﻣﺴﺘﻐﺮﺑﻴﻦ ﻣﻦ ﺣﺮﻛﺔ ﺩﻻﻝ .. ﻳﻌﻨﻲ
ﻛﻴﻒ ﺗﻮﺻﻞ ﻟﺤﺪ ﺍﻟﺴﻴﺎﺭﻩ ﻭﺑﻌﺪﻳﻦ ﻓﺠﺎﺀﻩ ﺗﻠﻒ
ﻭﺗﺮﺟﻊ ﺍﻟﺒﻴﺖ .. ﻭﻃﺒﻌﺎ ﻣﻴﻼﻑ ﺍﻭﻝ ﻣﻦ ﻋﻠﻘﺖ ﻋﻠﻰ ﻫﺬﻱ ﺍﻟﺤﺮﻛﻪ
ﻣﻴﻼﻑ ﺑﻼ ﻣﺒﺎﻟﻪ : ﻣﺤﻨﺎ ﻓﺎﺿﻴﻦ ﻟﺤﺮﻛﺎﺕ ﺍﺳﺘﻬﺒﺎﻝ ﺻﺪﻳﻘﺎﺗﻚ
ﺍﻧﻔﺎﻝ ﺣﺴﺖ ﺑﺎﻻﺣﺮﺍﺝ ﻣﺎ ﺗﺪﺭﻱ ﻭﺵ ﺗﻘﻮﻝ ﺣﺘﻰ ﻫﻲ ﻧﻔﺴﻬﺎ
ﺍﺳﺘﻐﺮﺑﺖ ﻣﻦ ﺗﺼﺮﻑ ﺩﻻﻝ ﻳﻌﻨﻲ ﻭﺻﻠﺖ ﻟﺤﺪ ﺑﺎﺏ
ﺍﻟﺴﻴﺎﺭﻩ ﻭﺭﺟﻌﺖ : ﺑﺪﻕ ﻋﻠﻴﻬﺎ ﺑﺸﻮﻑ ﻭﺵ ﻓﻴﻬﺎ
ﻣﻴﻼﻑ ﺑﻨﺒﺮﺕ ﺍﻣﺮ : ﺩﻗﻲ ﻋﻠﻴﻬﺎ ﻭﺧﻠﺼﻴﻨﺎ ﺍﺫﺍ ﻣﺎ ﺗﺒﻲ ﺗﺮﻭﺡ ﻣﻌﻨﺎ ﻻ
ﺗﻌﻄﻠﻴﻨﺎ ﺧﻠﻴﻨﺎ ﻧﻤﺸﻲ .. ﻣﺤﻨﺎ ﻓﺎﺿﻴﻦ ﻟﻬﺎ
ﺍﻧﻔﺎﻝ ﻣﺎ ﺭﺩﺕ ﻋﻠﻴﻬﺎ ﻃﻠﻌﺖ ﺟﻮﺍﻟﻬﺎ ﻭﺩﻗﺖ ﻋﻠﻰ ﺩﻻﻝ
ﺟﺎﻫﺎ ﺻﻮﺕ ﺩﻻﻝ ﺑﻨﺒﺮﺕ ﻫﺪﻭﺀ ﻭﻧﻌﻤﻮﻣﻪ ﻏﻴﺮ ﺍﻋﺘﻴﺎﺩﻳﻪ : ﻫﻼﺍﺍ
ﺍﻧﻔﺎﻝ
ﺍﻧﻔﺎﻝ ﺑﺴﺘﻐﺮﺍﺏ : ﻫﻼﺍﺍ ﺩﻟﻮﻟﻮ .. ﺩﻻﻝ ﻭﺵ ﻓﻴﻚ ﺭﺟﻌﺘﻲ
ﺩﻻﻝ ( ﻭﺵ ﺍﻗﻮﻝ ﻟﻬﺎ ﻣﻮ ﺣﻠﻮﻩ ﺍﻗﻮﻝ ﻟﻬﺎ ﻣﻨﻲ ﺑﺮﺍﻳﺤﻪ ﻣﻌﻜﻢ ﻭﺵ
ﺭﺍﺡ ﺗﻘﻮﻝ ﻋﻨﻲ ) : ﻣﻤﻢ .. ﻧﺴﻴﺖ ﺑﻮﻛﻲ ﻭﺭﺟﻌﺖ ﺍﺟﻴﺒﻪ .. ﻳﺎﻟﻠﻪ
ﺛﻮﺍﻧﻲ ﻭﻃﺎﻟﻌﻪ
ﺍﻧﻔﺎﻝ ﺑﺮﺍﺣﻪ : ﺍﻫﺎﺍﺍﺍﺍ ﻃﻴﺐ ﻳﺎﻟﻠﻪ ﻧﺴﺘﻨﺎﻛﻲ
ﺍﻧﻔﺎﻝ ﻟﻤﺎ ﻏﻔﻠﺖ ﻣﻦ ﺩﻻﻝ ﺣﺒﺖ ﺗﻮﺿﺢ ﺗﺼﺮﻑ ﺩﻻﻝ ﻟﻌﻤﻬﺎ ﻃﻼﻝ
ﻭﻣﻴﻼﻑ ﻋﻠﺸﺎﻥ ﻣﺎ ﻳﻈﻨﻮﻥ ﺗﺼﺮﻓﻬﺎ ﻗﻠﺖ ﺫﻭﻭﻕ
ﺍﻭ ﻋﺪﻡ ﺍﻫﺘﻤﺎﻡ ﻭﺍﺣﺘﺮﺍﻡ .. : ﺗﻘﻮﻝ ﺍﻧﻬﺎ ﻧﺴﺖ ﺑﻮﻛﻬﺎ ﻭﺭﺍﺣﺖ
ﺗﺠﻴﺒﻪ ﺛﻮﺍﻧﻲ ﻭﺑﺘﻄﻠﻊ
ﻣﻴﻼﻑ ﺭﺩﺕ ﻋﻠﻰ ﻃﻮﻝ : ﻳﺎﺭﻳﺘﻬﺎ ﻧﺎﺳﻴﻪ ﻋﻤﺮﻫﺎ ﺍﺯﻳﻦ ﻟﻨﺎ
ﻃﻼﻝ ﺣﺲ ﺍﻥ ﺩﻻﻝ ﻣﺎ ﺗﺒﻲ ﺗﺮﻛﺐ ﻣﻌﻪ .. ﻭﻣﺎ ﺣﺲ ﺍﻧﻬﺎ ﺣﻠﻮ ﻟﻤﺎ
ﻧﺎﻇﺮﻫﺎ ﻭﻫﻲ ﻃﺎﻟﻌﻪ ﻣﻦ ﺍﻟﺒﻴﺖ ﻟﻮ ﺑﻴﻦ ﻟﻬﺎ ﺍﻧﻲ ﻣﺎ ﻋﺮﻓﺘﻬﺎ ﺍﻭ ﻣﺎ
ﺍﻧﺘﺒﻬﺖ ﻟﻬﺎ ﺍﻓﻀﻞ
ﺟﺎ ﺻﻮﺕ ﺍﻧﻔﺎﻝ ﻣﻦ ﺍﻟﺨﻠﻒ : ﻫﺬﺍ ﻫﻲ ﺟﺖ
ﻃﻼﻝ ﻣﻨﻊ ﻧﻔﺴﻪ ﺍﻥ ﻳﻠﻒ ﻭﻳﻨﺎﻇﺮﻫﺎ .. ﺍﻟﻤﻬﻢ ﺍﻧﻬﺎ ﺟﺖ
ﺩﻻﻝ ﻭﻫﻲ ﻃﺎﻟﻌﻪ ﻋﻴﻨﻬﺎ ﻋﻠﻰ ﺍﻟﺒﺎﺏ ﺍﻟﺨﻠﻔﻲ ﻣﺎ ﺗﺒﻲ ﺗﻄﺎﻟﻊ ﻻ ﻳﻤﻴﻦ
ﻭﻻ ﻳﺴﺎﺭ ﺗﺨﺎﻑ ﺗﻄﻴﺢ ﻋﻴﻨﻬﺎ ﺑﻌﻴﻨﻪ ﻣﺮﻩ ﺛﺎﻧﻴﻪ
ﺍﻓﺘﺤﺖ ﺑﺎﺏ ﺍﻟﺴﻴﺎﺭﻩ ﻭﺍﺭﻛﺐ ..
ﺩﻻﻝ : ﺍﻟﺴﻼﻡ ﻋﻴﻜﻢ
ﺍﻧﻔﺎﻝ ﺑﻔﺮﺡ : ﻭﻋﻠﻴﻜﻢ ﺍﻟﺴﻼﻡ
ﺍﻣﺎ ﻃﻼﻝ ﺭﺩ ﺍﻟﺴﻼﻡ ﺑﺼﻮﺕ ﻭﺍﻃﻲ .. ﻳﻜﺎﺩ ﻳﻨﺴﻤﻊ
ﺍﻧﻔﺎﻝ ﺑﺒﺘﺴﺎﻣﻪ : ﻛﻴﻔﻚ ﺩﻻﻝ ﺍﻥ ﺷﺄﻟﻠﻪ ﻃﻴﺒﻪ
ﺩﻻﻝ : ﺍﻟﺤﻤﺪ ﻟﻠﻪ .. ( ﺭﺩﺕ ﻭﻫﻲ ﺗﻨﺎﻇﺮ ﻣﻦ ﺟﺎﻟﺲ ﻓﻲ ﺍﻟﻤﻘﻌﺪ
ﺍﻻﻣﺎﻣﻲ ﺟﻨﺐ ﻃﻼﻝ ﻭﺍﺳﺘﻐﺮﺏ ﻟﻴﻪ ﺍﻧﻔﺎﻝ ﻣﺎ ﺟﻠﺴﺖ ﻗﺪﺍﻡ )
ﺍﻧﻔﺎﻝ : ﺩﻻﻝ ﺩﻗﻲ ﻋﻠﻰ ﻫﻴﺎﻡ ﺧﻠﻴﻬﺎ ﺗﺠﻬﺰ ﻧﻔﺴﻬﺎ ﺍﻟﺤﻴﻦ ﺑﻨﻤﺮﻫﺎ
ﻣﻴﻼﻑ ﻭﺗﺪﺧﻞ ﻋﺮﺽ : ﺑﻌﺪ ﺑﻨﻤﺮ ﻋﻠﻰ ﻣﺼﻴﺒﻪ ﺛﺎﻧﻴﻪ .. ﺍﻟﻠﻪ ﻳﻌﻴﻨﺎ
ﺩﻻﻝ ﻟﻤﺎ ﺍﺳﻤﻌﺖ ﺍﻟﺼﻮﺕ ﺍﻧﻘﻬﺮﺕ ( ﻫﺬﺍ ﻭﺵ ﺟﻴﺒﻬﺎ ﻣﻌﻨﺎ ﺍﻡ
ﺍﻟﻤﺼﺎﻳﺐ ) ﺭﺩﺕ ﺑﺼﻮﺕ ﺣﺎﺩ : ﻭﺍﻟﻠﻪ ﺍﻟﻤﺼﺒﻴﻪ ﺗﻬﻮﻥ ﻋﻦ ﻣﺠﻤﻊ
ﻣﺼﺎﻳﺐ
ﺍﻧﻔﺎﻝ ﺗﻔﺎﺟﺎﺕ ﻟﻤﺎ ﺍﺳﻤﻌﺖ ﺭﺩ ﺩﻻﻝ .. ﻣﺎ ﺍﻋﺘﻘﺪﺕ ﺍﻥ ﺩﻻﻝ ﺑﺘﺮﺩ
ﻋﻠﻴﻬﺎ ﺻﺤﻴﺢ ﻫﻲ ﺗﻌﺮﻑ ﺍﻥ ﺑﻴﻨﻬﻢ ﺗﻨﺎﻓﺮ ﺑﺲ ﻣﺎ ﺗﻮﻗﻌﺖ ﺍﻧﻬﺎ ﺑﺘﺮﺩ
ﻋﻠﻴﻬﺎ ﺩﻻﻝ ﻋﻠﻰ ﺍﻭ ﺗﻌﻠﻴﻖ ﺗﻘﻮﻟﻪ
.
.
ﻓـــﻲ ﺳﻴﺎﺭﺓ ﺗﺮﻛﻲ ﺍﻟﻲ ﻛﺎﻧﺖ ﻣﺘﺠﻪ ﺍﻟﻰ ﺑﻴﺖ ﺑﻮﺗﺮﻛﻲ ..
ﺑﻌﺪ ﺟﻬﺪﺍ ﺟﻬﻴﺪ ﻓﻲ ﺍﻗﻨﺎﻉ ﺍﻡ ﻣﺸﺎﺭﻱ ﺍﻥ ﻧﺎﺩﻳﻪ ﺗﺮﻭﺡ ﻣﻊ ﺗﺮﻛﻲ
ﻳﻮﻣﻴﻦ ﺑﻴﺘﻬﻢ ﻭﺑﻌﺪﻳﻦ ﺗﺮﺟﻊ .. ﻭﺍﻓﻘﺖ ﺍﻡ ﻣﺸﺎﺭﻱ
ﻟﻜﻦ ﺷﻜﻞ ﺍﺟﻮﺍﺀ ﺍﻟﺴﻴﺎﺭﻩ ﻣﻮ ﺍﺟﻮﺍﺀ ﺗﺤﻤﻞ ﺷﺤﻨﺎﺕ ﻓﺮﺡ .. ﻛﺎﻥ
ﺍﻟﺼﻤﺖ ﻣﺨﻴﻢ ﺑﻘﻮﻩ ﻋﻠﻰ ﺍﻻﺟﻮﺍﺀ ﻣﻦ ﻟﺤﻈﺖ
ﻣﺎ ﺗﺤﺮﻛﺔ ﺍﻟﺴﻴﺎﺭﻩ ﻣﻦ ﺍﻣﺎﻡ ﺑﻴﺖ ﺑﻮ ﻣﺸﺎﺭﻱ ﺍﻟﻰ ﻫﺬﻱ ﺍﻟﻠﺤﻈﻪ ﺍﻟﻲ
ﻗﺮﺭﺕ ﻓﻴﻬﺎ ﻧﺎﺩﻳﻪ ﺗﻜﺴﺮ ﺍﻟﺼﻤﺖ
ﻫﻲ ﻋﺎﺭﻓﻪ ﺍﻥ ﻧﻔﺲ ﺍﻟﻤﻮﺿﻮﻉ ﻭﻧﻔﺲ ﺍﻻﻓﻜﺎﺭ ﺍﻟﻲ ﺗﺪﻭﺭ ﻓﻲ ﺑﺎﻟﻬﺎ
ﻫﻲ ﻧﻔﺴﻬﺎ ﻣﺤﺘﻠﻪ ﺗﻔﻜﻴﺮ ﺗﺮﻛﻲ ﻓﺤﺒﺖ ﺍﻥ
ﻳﻜﻮﻥ ﺍﻟﺘﻔﻜﻴﺮ ﺑﺼﻮﺕ ﻣﺴﻤﻮﻉ .. ﻧﺎﻇﺮﺕ ﻓﻲ ﺍﻟﺒﺪﺍﻳﻪ ﺍﻟﻤﻘﻌﺪ
ﺍﻟﺨﻠﻔﻲ ﺷﺎﻓﺖ ﺭﺷﺎ ﺗﺤﺎﻭﻝ ﺗﻘﻮﺍﻡ ﺍﻟﻨﻮﻡ ﻭﺍﺫﺍ ﺟﻔﻨﻬﺎ
ﺑﻴﺘﺴﻜﺮ ﺗﻔﺘﺤﻪ ﺑﺴﺮﻋﻪ .. ﺍﺑﺘﺴﻤﺖ ﻟﻤﺎ ﺷﺎﻓﺘﻬﺎ ﻭﻧﺎﻇﺮﺕ ﺗﺮﻛﻲ
ﻭﺭﺍﻗﺒﺖ ﻣﻼﻣﺤﻪ ﻗﺒﻞ ﻻ ﺗﺘﻜﻠﻢ .. ﻫﻲ ﻓﻲ ﺷﻲﺀ ﻳﻌﺠﺒﻬﺎ ﺑﺘﺮﻛﻲ
ﻣﺪﺭﻱ ﺗﺤﺴﻪ ﻣﻤﻴﺰ ﺍﻥ ﻟﻤﺎ ﻳﻔﻜﺮ ﺩﺍﺋﻤﺎ ﺗﻜﻮﻥ ﻣﻼﻣﺤﻪ ﻫﺎﺩﻳﻪ ﻣﻬﻤﺎ
ﻛﺎﻧﺖ ﻧﻮﻋﻴﺖ ﺍﻻﻓﻜﺎﺭ ﺍﻟﻤﺰﺩﺣﻤﻪ ﻓﻲ ﺭﺍﺳﻪ ﺗﻈﻞ ﻣﻼﻣﺤﻪ ﺗﺤﻤﻞ
ﺍﻟﻄﺎﺑﻊ ﺍﻟﻬﺎﺩﻱ ﺍﻟﺒﻌﻴﺪ ﻋﻦ ﺍﻻﻧﻔﻌﺎﻝ .. ﻟﺬﺍ ﻟﻤﺎ ﺗﻨﺎﻇﺮﻩ ﻭﻫﻮ ﺳﺮﺣﺎﻥ
ﻳﻔﻜﺮ ﺗﺤﺲ ﺑﺤﻴﺮﻩ ﻻﻥ ﻣﻼﻣﺤﻪ ﻣﺎ ﺗﻌﻜﺲ ﻭﺵ ﺍﻟﻲ ﻳﺪﻭﺭ ﻓﻲ ﺑﺎﻟﻪ
..
ﺣﺎﻭﻟﺖ ﻧﺎﺩﻳﻪ ﺍﻥ ﻳﻜﻮﻥ ﺻﻮﺗﻬﺎ ﺍﺷﺒﻪ ﺑﺎﻟﻬﻤﺲ ﻋﻠﺸﺎﻥ ﻣﺎ ﺗﻠﺨﺒﻂ
ﺍﻓﻜﺎﺭﻩ : ﺗﺮﻛﻲ
ﺑﻄﺒﻌﺎ ﻻ ﺟﻮﺍﺏ ﺑﺲ ﻣﺒﻴﻦ ﻣﻦ ﻣﻼﻣﺤﻪ ﺍﻥ ﺳﻤﻌﻬﺎ ﻛﻤﻠﺖ : ﻭﺵ
ﺭﺍﻳﻚ ﻓﻲ ﺍﻟﻜﻼﻡ ﺍﻟﻲ ﻗﺎﻟﺘﻪ ﺍﻣﻲ ﺍﻟﻴﻮﻡ
ﺗﺮﻛﻲ ﺑﺤﺮﻛﻪ ﺳﺮﻳﻌﻪ ﺗﻐﻂ ﻋﻠﻰ ﺍﻟﻤﺴﺠﻞ ﻭﺷﻐﻠﻪ .. ﺍﻋﺮﻓﺖ ﻧﺎﺩﻳﻪ
ﺍﻥ ﻫﻮ ﻣﻮﻣﺴﺘﻌﺪ ﻳﺘﻨﺎﻗﺶ ﻣﻌﻬﺎ ﻓﻲ ﻫﺬﺍ ﺍﻟﻤﻮﺿﻮﻉ
ﺍﺣﺘﺮﻣﺖ ﺭﻗﺒﺖ .. ﻭﺑﺤﺮﻛﻪ ﺳﺮﻳﻌﻪ ﻣﻦ ﻳﺪﻫﺎ ﺳﻜﺮﺕ ﺍﻟﻤﺴﺠﻞ
ﻭﻧﺎﻇﺮﺕ ﺗﺮﻛﻲ
ﻧﺎﺩﻳﻪ ﺑﺒﺘﺴﺎﻣﻪ : ﺗﺮﻛﻲ ﻣﺎ ﻭﺩﻱ ﺍﺭﺟﻊ ﺍﻟﺒﻴﺖ .. ﺧﻠﻨﺎ ﻧﺮﻭﺡ ﺃﻱ
ﺳﻮﺑﺮ ﻣﺎﻛﺖ ﻧﺘﻤﺸﻰ ﻭﻧﺘﺴﻮﻕ
ﺗﺮﻛﻲ ﺍﺑﺘﺴﻢ ﺑﻤﻌﻨﺎ ﺍﻟﻤﻮﺍﻓﻘﻪ : ﻃﻴﺐ .. ﻻﻥ ﺣﺘﻰ ﺍﻧﺎ ﻣﺎ ﻭﺩﻱ ﻧﺮﺟﻊ
ﺍﻟﺒﻴﺖ
.
.
ﻓـــــﻲ ﺳﻴﺎﺭﺓ ﻃﻼﻝ ﺍﻟﻲ ﺗﻮﻫﺎ ﻣﺘﺤﺮﻛﻪ ﻣﻦ ﺍﻣﺎﻡ ﺍﻟﻤﺸﻐﻞ .. ﻟﻤﺎ
ﺭﻛﺒﺖ ﻫﻴﺎﻡ ﺑﺴﺮﻋﻪ
ﻫﻴﺎﻡ ﻣﺎ ﻛﺎﻥ ﻓﻲ ﺑﺎﻟﻬﺎ ﺍﻥ ﻋﻢ ﺍﻧﻔﺎﻝ ﺑﻬﺬﻱ ﺍﻟﻮﺳﺎﻣﻪ ﻣﻊ ﺍﻧﻬﺎ ﻣﺎ
ﺷﺎﻓﺘﻪ ﻋﺪﻝ ﺑﺲ ﻣﻦ ﻧﻈﺮﺗﻬﺎ ﻟﻪ ﻟﻤﺎ ﻃﻠﻌﺖ ﺑﺴﺮﻋﻪ
ﻣﻦ ﺍﻟﻤﺸﻐﻞ ﺍﺣﻜﻤﺖ ﻋﻠﻴﻪ ﺍﻧﻪ ﻭﺳﻴﻢ .. ﻭﺣﺘﻰ ﺳﻴﺎﺭﺗﻪ ﻛﺸﺨﻪ ..
ﺍﺑﺘﺴﻤﺖ ( ﻳﻌﻨﻲ ﻭﺵ ﻛﻨﺖ ﺍﻇﻦ ﺍﻋﻴﺎﻝ ﻋﺰ ﺍﻛﻴﺪ
ﻛﺸﺨﻪ ﺍﻟﻤﻬﻢ ﺍﻥ ﺗﻌﺪﻱ ﻫﺬﻱ ﺍﻟﻴﻠﻪ ﻋﻠﻰ ﺧﻴﺮ ﻻﻧﻲ ﺧﺎﻳﻔﻪ .. ﺧﺎﻳﻔﻪ
ﻣﻦ ﺧﺎﻟﻲ ﺍﻥ ﻳﺮﺍﻗﺒﻨﻲ ﻭﺍﻧﺎ ﻃﺎﻟﻌﻪ ﻣﻦ ﺍﻟﻤﺸﻐﻞ )
ﺣﺎﻭﻟﺖ ﻫﻴﺎﻡ ﺗﺘﻨﺎﺳﻰ ﺧﻮﻓﻬﺎ .. ﻓﺤﺒﺖ ﺗﺘﻜﻠﻢ ﻋﻠﻰ ﺩﻻﻝ
ﻫﻴﺎﻡ ﺗﻘﺮﺏ ﻣﻦ ﺩﻻﻝ ﻭﺗﻬﻤﺲ ﻟﻬﺎ ﻭﺗﺤﺎﻭﻝ ﺍﻥ ﺻﻮﺗﻬﺎ ﻣﺎ ﻳﻜﻮﻥ
ﻋﺎﻟﻲ : ﺩﻟﻮﻝ ﺃﻱ ﺳﻮﻕ ﺑﻨﺮﻭﺡ
ﺩﻻﻝ ﺑﻬﻤﺲ : ﺗﺼﺪﻗﻴﻦ ﻣﺪﺭﻱ ﺍﺳﺘﺤﻲ ﺍﺳﺄﻝ
ﻫﻴﺎﻡ ﺑﻬﻤﺲ : ﺍﺳﺄﻟﻲ ﺍﻧﻔﺎﻝ ﺑﺼﻮﺕ ﻭﺍﻃﻲ .. ﻭﻳﻔﻀﻞ ﻣﺎ ﻧﺮﻭﺡ
ﻣﺠﻤﻊ ﻭﻻ ﺳﻮﻕ ﺑﻌﻴﺪ ﺗﺪﺭﻳﻦ ﺍﻧﻲ ﻣﺎ ﺍﻗﺪﺭ ﺍﺗﺄﺧﺮ
ﺩﻻﻝ ﺑﻬﻤﺲ : ﻃﻴﺐ ﺍﻟﺤﻴﻦ ﺑﺴﺄﻟﻬﺎ
ﺩﻻﻝ ﺍﻟﺘﻔﺘﺖ ﻋﻠﻰ ﺍﻧﻔﺎﻝ ﻭﻗﺮﺑﺖ ﻣﻨﻬﺎ ﻭﻫﻤﺴﺖ ﻟﻬﺎ ﺑﺼﻮﺕ ﻭﺍﻃﻲ :
ﺍﻧﻔﺎﻝ ﺃﻱ ﺳﻮﻕ ﺭﺍﺡ ﻧﺮﻭﺡ
ﺍﻧﻔﺎﻝ ﺍﻧﺤﺮﺟﺖ ﻣﻦ ﺳﺆﺍﻝ ﺩﻻﻝ ﻻﻥ ﻫﻲ ﻣﺎ ﺗﺪﺭﻱ ﺍﻭﻻ ﺛﺎﻧﻴﺎ ﻫﻲ ﻣﺎ
ﻋﻨﺪﻫﺎ ﺧﺒﺮﻩ ﻛﺎﻓﻴﻪ ﻋﻦ ﺍﻻﺳﻮﺍﻕ ﻫﻲ ﺣﺪﻫﺎ
ﺍﻟﺴﻮﻕ ﺍﻟﻲ ﺧﻨﺐ ﺣﺎﺭﺗﻬﻢ ﺑﺼﻮﺕ ﻭﺍﻃﻲ : ﻭﺍﻟﻠﻪ ﻣﺪﺭﻱ ﺧﻠﻴﻨﻲ
ﺍﺳﺄﻝ ﻋﻤﻲ ﻃﻼﻝ ﻭﺍﺷﻮﻑ
ﺍﻧﻔﺎﻝ ﺑﺼﻮﺕ ﻋﺎﻟﻲ : ﻋﻤﻲ ﻃﻼﻝ ﺃﻱ ﺳﻮﻕ ﺑﻨﺮﻭﺡ
ﺟﺎ ﺻﻮﺕ ﻃﻼﻝ ﻣﻦ ﺍﻻﻣﺎﻡ ﺑﻬﺪﻭﺀ : ﻭﺍﻟﻠﻪ ﻣﺪﺭﻱ ﺑﺮﺍﺣﺘﻜﻢ ﺍﻧﺘﻮ ﺃﻱ
ﺳﻮﻕ ﻭﺩﻛﻢ ﺗﺮﻭﺣﻮﻧﻪ ﺑﻮﺩﻳﻜﻢ
ﺩﻻﻝ ﺍﺑﺘﺴﻤﺖ ﻟﻤﺎ ﺳﻤﻌﺖ ﺻﻮﺕ ﻃﻼﻝ ﺗﺤﺴﻪ ﻓﻲ ﻧﺒﺮﻩ ﺭﺍﻗﻴﻪ
ﻣﻴﻼﻑ ﺑﺼﻮﺕ ﺍﻣﺮ : ﺍﺑﻲ ﺍﺭﻭﺡ ﻣﺠﻤﻊ ﺍﻟﻈﻬﺮﺍﻥ
ﻃﻼﻝ .. ﺍﻧﺘﻈﺮ ﻳﺴﻤﻊ ﺻﻮﺕ ﻣﻦ ﺍﻟﻲ ﺟﺎﻟﺴﻴﻦ ﺑﺎﻟﺨﻠﻒ ﻣﺎ ﺟﺎﻩ
ﺻﻮﺕ ﺑﺎﻟﻤﻮﺍﻓﻘﻪ ﻭﻻ ﺍﻟﺮﻓﺾ ﺑﺤﺐ ﺑﺴﺄﻝ ﺍﻧﻔﺎﻝ
ﻃﻼﻝ : ﺍﻧﻔﺎﻝ ﻭﺵ ﺭﺍﻳﻚ ﺗﺒﻮﻥ ﺗﺮﻭﺣﻮﻥ ﻣﺠﻤﻊ ﺍﻟﻈﻬﺮﺍﻥ ﻭﻻ ﻣﺠﻤﻊ
ﺛﺎﻧﻲ
ﺩﻻﻝ ﻭﻫﻴﺎﻡ ﺍﺳﺘﻐﺮﺑﻮ ﻣﻦ ﻃﻼﻝ ﻭﺧﺎﺻﻪ ﻣﻦ ﻃﻠﺐ ﺍﻻﺳﺘﺸﺎﺭﻩ ﻣﻦ
ﺍﻧﻔﺎﻝ ﻫﺬﺍ ﻳﻌﻨﻲ ﺍﻥ ﺍﻟﻌﻼﻗﻪ ﺣﻠﻮﻩ ﺑﻴﻨﻬﻢ ﻭﺍﻥ ﺍﻧﻔﺎﻝ
ﺭﺍﻳﻬﺎ ﻳﺎﺧﺬ ﺑﻌﻴﻦ ﺍﻻﻋﺘﺒﺎﺭ
ﺍﻧﻔﺎﻝ ﺗﺴﺄﻝ ﺩﻻﻝ ﺑﺼﻮﺕ ﻋﺎﻟﻲ ﻭﻫﺬﺍ ﺍﻟﻲ ﺍﺣﺮﺝ ﺩﻻﻝ : ﻫﺎ ﻭﺵ
ﺭﺍﻳﻚ ﻳﺎ ﺩﻻﻝ ﻧﺮﻭﺡ ﻣﺠﻤﻊ ﺍﻟﻈﻬﺮﺍﻥ
ﺩﻻﻝ ﻣﺎ ﺣﺒﺖ ﺗﻌﺎﺭﺽ ﻻﻥ ﻣﺠﻤﻊ ﺍﻟﻈﻬﺮﺍﻥ ﺑﻨﺴﺒﻪ ﻟﻬﺎ ﻣﺠﻤﻊ ﻣﻤﺘﻊ
ﻟﺘﺴﻮﻕ : ﻃﻴﺐ
ﺍﻧﻔﺎﻝ ﻭﺗﻜﻠﻢ ﻋﻤﻬﺎ : ﺧﻼﺹ ﺑﻨﺮﻭﺡ ﻣﺠﻤﻊ ﺍﻟﻈﻬﺮﺍﻥ
ﻣﻴﻼﻑ ﺍﻧﻘﻬﺮﺕ ﻣﻦ ﻋﻤﻬﺎ ﻟﻤﺎ ﺍﺳﺘﺸﺎﺭ ﺍﻧﻔﺎﻝ ﻭﻣﻦ ﻫﻲ ﻋﻠﺸﺎﻥ
ﻳﺴﺘﺸﻴﺮﻫﺎ ﻭﺍﻧﺒﻄﺖ ﺍﻛﺜﺮ ﻟﻤﺎ ﺳﻤﻌﺖ ﺍﻧﻔﺎﻝ ﺗﺴﺘﺸﻴﺮ ﺩﻻﻝ .. ﻳﻌﻨﻲ
ﻣﺴﻮﻱ ﻓﻴﻬﺎ ﻣﻬﻤﻪ .. ﻟﻜﻨﻬﺎ ﻣﺎ ﺣﺒﺖ ﺗﻌﻠﻖ ﻟﻤﺎ ﺍﺗﻔﻘﻮ ﻛﻠﻬﻢ ﺍﻥ
ﻳﺮﻭﺣﻮﻥ ﻣﺠﻤﻊ ﺍﻟﻈﻬﺮﺍﻥ
ﻫﻴﺎﻡ ﺍﻟﻮﺣﻴﺪﻩ ﺍﻟﻲ ﻗﺎﻋﺪﻩ ﻋﻠﻰ ﺍﻋﺼﺎﺑﻬﺎ ﻣﻦ ﺩﺭﺕ ﺍﻥ ﺑﺮﻭﺣﻮﻥ
ﻣﺠﻤﻊ ﺍﻟﻈﻬﺮﺍﻥ ﻻﻧﻪ ﺑﻌﻴﺪ ﻭﻧﺴﺒﻪ ﻛﺒﻴﺮﻩ ﺍﻧﻬﺎ ﺗﺘﺎﺧﺮ
ﻓﻲ ﺍﻟﺮﺟﻌﻪ ﻻﻥ ﺍﻟﻮﻗﺖ ﻛﻠﻪ ﺑﺮﻭﺡ ﻋﻠﻰ ﺍﻟﺮﻭﺣﻪ ﻭﺍﻟﺮﺟﻌﻪ ﻭﻣﺎ ﺑﺼﻴﺮ
ﻟﻬﺎ ﻭﻗﺖ ﺗﺘﺴﻮﻕ ﻭﺑﻌﺪﻳﻦ ﺍﻧﺤﺮﺟﺖ ﺗﻌﺎﺭﺽ ﻳﺎﻟﻠﻪ ﺑﻨﺘﺄﺧﺮ ﺍﻟﻲ ﻳﺼﻴﺮ
ﻳﺼﻴﺮ .. ﻣﺎ ﺑﻴﺪﻱ ﺷﻲﺀ ﺍﻟﺤﻴﻦ
ﺍﻧﻔﺎﻝ ﻛﺎﻧﺖ ﺗﻨﺎﻇﺮ ﺍﻟﻨﺎﻓﺬﻩ ﺍﻟﻲ ﺟﻨﺒﻬﺎ ﻭﺗﻔﻜﺮ ﻓﻲ ﻫﺬﺍ ﺍﻟﻤﺸﻮﺍﺭ ﺍﻟﻲ
ﺭﺍﻳﺤﻴﻨﻪ ﻫﻲ ﺍﻭﻝ ﻣﺮﻩ ﺗﺘﺴﻮﻕ ﻓﻲ ﻣﻜﺎﻥ ﺑﻌﻴﺪ ﻋﻦ
ﺣﺎﺭﺗﻬﻢ .. ﻣﺎ ﻋﻨﺪﻫﺎ ﻓﻜﺮﻩ ﻋﻦ ﺍﻟﻤﺪﻳﻼﺕ ﻭﺍﻻﻟﻮﺍﻥ ﻭﺍﺍﻻﺳﻌﺎﺭ ..
ﺍﻻﺳﻌﺎﺭ ﻻﻭﻝ ﻣﺮﻩ ﻣﺎ ﺗﺸﻴﻞ ﻫﻤﻬﺎ ﻻﻥ ﺍﺑﻮﻫﺎ ﻗﺒﻞ
ﻻ ﺗﻄﻠﻊ ﻋﻄﺎﻫﺎ ﺍﺭﺑﻊ ﺍﻻﻑ ﻭﺑﺎﻟﻤﻮﺕ ﺭﺿﺖ ﺗﺎﺧﺬﻫﻢ ﺗﺤﺲ ﺍﻥ ﺍﺭﺑﻊ
ﺍﻻﻑ ﻣﺒﻠﻎ ﻛﺒﻴﺮ ﻣﺎ ﺗﻘﺪﺭ ﺗﺸﻴﻠﻪ ﻣﻌﻬﺎ ﻭﻛﺎﻥ
ﺑﻌﺪ ﻭﺩﻩ ﻳﻌﻄﻴﻬﺎ ﺍﻛﺜﻴﺮ ﻳﻘﻮﻝ ﺍﻥ ﺍﺭﺑﻊ ﺍﻻﻑ ﻣﺎ ﺗﻜﻔﻲ ﺷﻲﺀ ﻟﻜﻨﻬﺎ
ﻋﺎﺭﺽ ﻭﻗﺎﻟﺖ ﻟﻪ ﻫﺬﺍ ﺍﻟﻤﺒﻠﻎ ﻳﻜﻔﻴﻬﺎ ﻭﺯﻳﺎﺩﻩ
ﻭﻣﻦ ﻳﻮﻡ ﻣﺎ ﺣﻄﺖ ﺍﻟﻤﺒﻠﻎ ﻓﻲ ﺑﻮﻛﻬﺎ ﻭﻫﻲ ﻣﺎﺳﻜﻪ ﺷﻨﻄﺘﻬﺎ ﺑﻘﻮﻩ
ﻭﻛﻞ ﺷﻮﻱ ﺗﻔﺘﺢ ﺍﻟﺒﻮﻙ ﺗﻄﻞ ﻋﻠﻴﻬﻢ ﺗﺘﺎﻛﺪ ﺍﺫﺍ
ﻣﻮﺟﻮﺩﻳﻦ ﻭﻻ ﻻ ﺗﺤﺲ ﺑﺎﻟﺨﻮﻑ ﻭﺍﻟﺤﺮﺹ ﺍﻟﺸﺪﻳﺪ ﻭﺧﺎﺻﻪ ﺍﻥ ﺑﻴﻦ
ﻳﺪﻫﺎ ﻫﺬﺍ ﺍﻟﻤﺒﻠﻎ ﺍﻟﻀﺨﻢ .. ﻣﻦ ﺟﺎﻧﺐ ﺛﺎﻧﻲ
ﺗﺤﺲ ﺷﻮﻱ ﺑﺎﻟﺮﺍﺣﻪ ﻻﻥ ﺩﻻﻝ ﻭﻫﻴﺎﻡ ﻣﻌﻬﺎ ﺍﻛﻴﺪ ﺑﺴﺎﻋﺪﻭﻧﻬﺎ
ﻭﺑﻌﺪﻳﻦ ﻫﻢ ﻳﺪﺭﻭﻥ ﺍﻧﻲ ﺍﻭﻝ ﻣﺮﻩ ﺍﺭﻭﺡ ﺍﺗﺴﻮﻕ ﻓﻲ ﻫﺬﻱ ﺍﻻﻣﺎﻛﻦ
.
.
ﻓـــــﻲ ﺍﺟﻮﺍﺀ ﺛﺎﻧﻴﻪ .. ﻭﺗﺤﺪﻳﺪﺍ ﻓﻲ ﻣﺪﻳﻨﺔ ﺍﻟﺮﻳﺎﺽ ..
ﻓـﻲ ﻣﺮﻛﺰ ﺍﻟﺸﺮﻃﻪ .. ﻛﺎﻥ ﺍﻟﺠﻮ ﻣﺘﻌﻜﺮ ﺑﻘﻮﻩ ﺑﻴﻦ ﺍﻟﻄﺮﻓﻴﻦ ﻏﺎﺯﻱ
ﺭﺍﻓﻊ ﻋﻠﻴﻬﻢ ﻗﻀﻴﺖ ﺿﺮﺏ ﻭﺍﻋﺘﺪﺍﺀ ﻭﺣﻤﺪ ﻭﻋﺒﺪﺍﻟﺮﺣﻤﻦ ﺭﺍﻓﻌﻴﻦ
ﻋﻠﻰ ﻏﺎﺯﻱ ﻗﻀﻴﺖ ﺗﺤﺮﺵ .. ﺻﺎﺭ ﻟﻬﻢ 3 ﺳﺎﻋﺎﺕ ﻭﺍﻛﺜﺮ ﻭﻫﻢ ﻋﻠﻰ
ﻫﺬﻱ ﺍﻟﺤﺎﻝ ﻣﺤﺪ ﺭﺍﺿﻲ
ﻳﺘﻨﺎﺯﻝ ﻭﻻ ﺣﺪ ﺭﺍﺿﻲ ﻳﺘﻔﺎﻫﻢ .. ﻭﻻ ﺣﺪ ﻣﺤﺘﺮﻡ ﺍﻟﻤﻜﺎﻥ ﺍﻟﻲ ﻫﻮ
ﻗﺎﻋﺪ ﻓﻴﻪ .. ﻛﻞ ﺭﺑﻊ ﺳﺎﻋﻪ ﺗﺼﻴﺮ ﺑﻴﻨﻬﻢ ﻣﺸﺎﺣﻨﻪ ﻛﻼﻣﻴﻪ ﺗﻮﺻﻞ
ﺍﻟﻰ ﺣﺪ ﺍﻻﻫﺎﻧﻪ ﺑﻴﻦ ﺍﻟﻄﺮﻓﻴﻦ .. ﻭﻣﺎ ﺗﻮﻗﻒ ﺍﻻ ﻋﻠﻰ ﺻﻮﺕ ﺿﺎﺑﻂ
ﺍﻟﺸﺮﻃﻪ .. ﻭﺗﺒﺘﺪﻱ ﺑﻴﻨﻬﻢ ﻧﻈﺮﺍﺕ
ﺍﻟﺤﻘﺪ ﻭﺍﻟﺘﻌﺎﻟﻲ .. ﻣﻊ ﺍﻥ ﺍﻟﺤﺎﻝ ﻣﺎ ﻳﺴﻤﺢ ﻟﻬﻢ ﻳﻘﻮﻣﻮﻥ ﻳﺘﻀﺎﺭﺑﻮﻥ
ﺍﻻ ﺍﻥ ﻭﺩﻫﻢ .. ﻏﺎﺯﻱ ﻣﻠﻔﻮﻑ ﺭﺍﺳﻪ ﺑﺸﺎﺵ
ﻭﺭﺟﻠﻪ ﻣﻠﻔﻮﻓﻪ .. ﻣﻮ ﻛﺴﺮ ﺑﺲ ﻣﺠﺮﺩ ﺭﺿﻮﺽ .. ﻓﻲ ﺟﺮﻭﺡ ﻭﺍﺭﻣﻪ
ﻓﻲ ﻭﺟﻬﻪ ﻭﻳﺪﻩ .. ﺍﻣﺎ ﺣﻤﺪ ﻛﺎﻥ ﻣﻜﺴﻮﺭ ﺧﺸﻤﻪ ﻭﺍﺭﻣﻪ ﻋﻴﻨﻪ
ﺍﻟﻴﺴﺮﻯ ﻭﻣﻨﻜﺴﺮ ﻭﺍﺣﺪ ﻣﻦ ﺍﺻﺎﺑﻊ ﻳﺪﻩ ﺍﻟﻴﻤﻨﻰ .. ﻭﺷﻮﻳﺖ ﺍﻟﻢ ﻓﻲ
ﺭﻛﺒﺘﻪ ﻭﺭﺟﻠﻪ
ﺍﻣﺎ ﻋﺒﺪﺍﻟﺮﺣﻤﻦ ﻛﺎﻥ ﺷﺎﻳﻞ ﻫﻢ ﺣﻤﺪ ﻭﻫﻢ ﻏﺎﺯﻱ ﻭﻣﺎ ﻭﺩﻩ ﺍﻻﻣﻮﺭ
ﺗﻮﺻﻞ ﺍﻟﻰ ﻣﺎ ﻫﻲ ﻋﻠﻴﻪ ﻭﺩﻩ ﻳﻮﺻﻠﻮﻥ ﻟﻠﺘﻔﺎﻫﻢ
ﻭﻛﻞ ﻭﺍﺣﺪ ﻳﺮﻭﺡ ﺑﻄﺮﻳﻘﻪ ﻟﻜﻦ ﻛﻠﻤﺎ ﺣﺎﻭﻝ ﻳﺘﻜﻠﻢ ﻏﺎﺯﻱ ﻳﺼﺪ ﻋﻨﻪ
ﻭﺣﻤﺪ ﻳﻨﺎﻇﺮﻩ ﺑﻨﻈﺮﺍﺕ .. ﻭﻋﻘﻠﻪ ﻣﺸﻠﻮﻝ ﻭﺩﻩ
ﻳﺮﻭﺡ ﺍﻟﻤﺴﺘﺸﻔﻰ ﻭﻳﻄﻤﻦ ﻋﻠﻰ ﻋﻤﺘﻪ ﻋﻠﻴﺎ .. ﺻﺤﻴﺢ ﺍﻧﻪ ﻛﻞ ﺷﻮﻱ
ﻳﺪﻕ ﻋﻠﻰ ﺳﺠﻰ ﺑﺲ ﻫﺬﺍ ﻣﺎ ﻳﺮﻳﺤﻪ ..
ﻭﻳﺮﻥ ﺟﻮﺍﻝ ﻋﺒﺪﺍﻟﺮﺣﻤﻦ ﻋﻠﻰ ﻃﻮﻝ ﻃﻠﻌﻪ ﻻﻥ ﻳﻤﻜﻦ ﺳﺠﻰ ﻫﻲ
ﺍﻟﻤﺘﺼﻠﻪ .. ﺗﺨﺒﺮﻩ ﻭﺵ ﺻﺎﺭ ﺟﺪﻳﺪ
ﻋﻠﻰ ﻃﻮﻝ ﻋﺒﺪﺍﻟﺮﺣﻤﻦ ﻳﺮﺩ ﺑﺪﻭﻥ ﻣﺎ ﻳﺸﻮﻑ ﺍﻻﺳﻢ ..
ﻋﺒﺪﺍﻟﺮﺣﻤﻦ : ﻫﺎ ﻃﻤﻨﻴﻨﻲ
ﺟﺎ ﺻﻮﺕ ﻭﺍﻓﻲ ﺑﺎﻧﻔﻌﺎﻝ ﻭﻫﺬﺍ ﺷﻲﺀ ﻓﺎﺟﺄ ﻋﺒﺪﺍﻟﺮﺣﻤﻦ : ﺍﻗﻮﻝ ﺍﻧﺖ
ﻭﻳﻦ ﺍﻟﺤﻴﻦ
ﻋﺒﺪﺍﻟﺮﺣﻤﻦ ﺍﺳﺘﻐﺮﺏ ﻣﻦ ﺍﺗﺼﺎﻝ ﻋﻤﻪ ﻭﺍﻓﻲ ﻭﺍﺳﺘﻐﺮﺏ ﺍﻛﺜﺮ ﻣﻦ
ﺳﺆﺍﻟﻪ ﻭﺍﻧﻔﻌﺎﻟﻪ : ...
ﻭﺍﻓﻲ : ﻋﺒﺪﺍﻟﺮﺣﻤﻦ .. ﺍﻧﺖ ﺗﺴﻤﻌﻨﻲ ﺍﻗﻮﻟﻚ ﺍﻧﺖ ﻓﻲ ﺃﻱ ﻣﺮﻛﺰ
ﺷﺮﻃﻪ
ﻋﺒﺪﺍﻟﺮﺣﻤﻦ ﻟﻠﺤﻴﻦ ﻣﺴﺘﻐﺮﺏ : ﻋﻤﻲ ﻣﻦ ﺍﻟﻲ ﻗﺎﻟﻚ
ﻭﺍﻓﻲ : ﺑﻌﺪﻳﻦ ﺍﻗﻮﻟﻚ .. ﺍﺧﻠﺺ ﺃﻱ ﻣﺮﻛﺰ
ﻧﺼﻒ ﺳﺎﻋﻪ ﺍﻻ ﺟﺎ ﻭﺍﻓﻲ .. ﺍﻟﻤﺮﻛﺰ .. ﻭﻫﺬﺍ ﺍﻟﺸﻲ ﻓﺎﺟﺄ ﺍﻟﺠﻤﻴﻊ
ﺍﻭﻝ ﻣﺎ ﺩﺧﻞ ﻛﺎﻥ ﺷﻜﻠﻪ ﻛﺎﻧﻪ ﺟﺎﻱ ﻣﻦ ﺍﻟﺸﺮﻗﻴﻪ
ﺟﺮﻱ ﺭﺍﻓﻊ ﺍﻛﻤﺎﻡ ﺛﻮﺑﻪ ﻭﺷﻌﺮﻩ ﻣﻨﻔﻮﺵ ﻟﻜﻦ ﺻﺎﻳﺮ ﺷﻜﻠﻪ ﺣﻠﻮ
ﻭﺍﻓﻲ ﻇﻞ ﻓﺘﺮﻩ ﻳﻨﺎﻇﺮ ﻓﻲ ﺍﺷﻜﺎﻟﻬﻢ ﻣﺮﻩ ﻳﻨﺎﻇﺮ ﻓﻲ ﻏﺎﺯﻱ ﻭﻣﺮﻩ
ﻳﻨﺎﻇﺮ ﻓﻲ ﺣﻤﺪ ﻭﻋﺒﺪﺍﻟﺮﺣﻤﻦ .. ﺍﺑﺘﺴﻢ ﻓﻲ ﺑﺪﺍﻳﺖ
ﺍﻻﻣﺮ ﺑﻌﺪﻳﻦ ﺑﺪﻯ ﺻﻮﺕ ﺿﺤﻜﺎﺗﻪ ﺗﻌﻠﻰ ﻭﺍﻓﻲ : ﻫﻬﻬﻪ ﻫﻬﻬﻬﻪ
ﻫﻬﻬﻬﻪ
ﺣﻤﺪ ﻣﻌﺼﺐ : ﻭﺵ ﺍﻟﻤﻀﺤﻚ ﻓﻲ ﺍﺷﻜﺎﻟﻨﺎ ﻋﻠﺸﺎﻥ ﺗﻀﺤﻚ
ﻭﺍﻓﻲ ﺑﺒﺘﺴﺎﻣﻪ : ﺷﺮ ﺍﻟﺒﻠﻴﻪ ﻣﺎ ﻳﻀﺤﻚ .. ( ﺍﻟﺘﻔﺖ ﻋﻠﻰ ﻏﺎﺯﻱ
ﻭﺑﺘﺴﻢ ﻟﻪ ﻭﺭﺩ ﻟﻪ ﻏﺎﺯﻱ ﺍﻻﺑﺘﺴﺎﻣﻪ )
ﻭﺍﻓﻲ ﺟﻠﺲ ﺟﻨﺒﻬﻢ ﻋﻠﻰ ﺍﻟﻜﺮﺳﻲ ﻭﺑﻬﺪﻭﺀ : ﺧﺒﺮﻭﻧﻲ ﺑﻠﻲ ﺻﺎﺭ
ﻋﺒﺪﺍﻟﺮﺣﻤﻦ ﻧﺎﻇﺮ ﺣﻤﺪ ﻭﺑﻌﺪﻳﻦ ﻧﺎﻇﺮ ﻏﺎﺯﻱ ﻭﻓﻬﻢ ﻣﻦ ﻧﻈﺮﺍﺗﻬﻢ ﺍﻥ
ﻫﻢ ﻣﻮ ﻣﺴﺘﻌﺪﻳﻦ ﻳﺤﻜﻮﻥ ﺍﻟﻲ ﺻﺎﺭ ﻗﺎﻡ ﻋﺒﺪﺍﻟﺮﺣﻤﻦ ﻭﺟﻠﺲ ﺟﻨﺐ
ﻋﻤﻪ ﻭﺍﻓﻲ ﺑﺼﻮﺕ ﻭﺍﻃﻲ ﻗﺎﻟﻪ ﻋﻦ ﻛﻞ ﺍﻟﻲ ﺻﺎﺭ
ﻭﺍﻓﻲ ﻧﺎﻇﺮ ﺣﻤﺪ ﻭﺑﻌﺪﻳﻦ ﻧﺎﻇﺮ ﻏﺎﺯﻱ : ﻳﻌﻨﻲ ﺍﻓﻬﻢ ﺍﻥ ﻛﻞ ﻭﺍﺣﺪ ﻣﺎ
ﺭﺍﺡ ﻳﺘﻨﺎﺯﻝ
ﻣﺤﺪ ﻣﻨﻬﻢ ﺗﻜﻠﻢ .. ﻧﺎﻇﺮ ﻭﺍﻓﻲ ﻓﻲ ﺣﻤﺪ ﻭﺑﻨﻈﺮﻩ ﺣﺎﺩﻩ ﻭﺗﻜﻠﻢ
ﺑﻨﺒﺮﺓ ﺍﻣﺮ : ﺍﻗﻮﻝ ﺣﻤﺪ ﻗﻢ ﺗﻨﺎﺯﻝ ﻭﺧﻠﻨﺎ ﻧﻤﺸﻲ
ﺣﻤﺪ ﻟﻒ ﺭﺍﺳﻪ ﺍﻟﺠﻬﺎ ﺍﻟﺜﺎﻧﻴﻪ ﺑﻤﻌﻨﻰ ﺍﻟﺮﻓﺾ .. ﻗﺎﻡ ﻭﺍﻓﻲ ﻭﺟﻠﺲ
ﺟﻨﺐ ﺣﻤﺪ ﻭﻛﻠﻤﻪ ﺑﻬﺪﻭﺀ ﻭﺭﺿﻰ
ﻧﺎﻇﺮ ﻭﺍﻓﻲ ﻏﺎﺯﻱ ﺑﺒﺘﺴﺎﻣﻪ .. ﻏﺎﺯﻱ ﺭﺩ ﻟﻪ ﺍﻻﺑﺘﺴﺎﻣﻪ
ﻏﺎﺯﻱ ( ﻃﻮﻝ ﻋﻤﺮﻙ ﻳﺎ ﻭﺍﻓﻲ ﻋﺴﻞ ﻭﻗﻠﺒﻚ ﺍﺧﻀﺮ ﻭﺻﺎﻓﻲ ) :
ﺑﺘﻨﺎﺯﻝ ﻋﻠﺸﺎﻥ ﻋﻴﻮﻧﻚ
ﻋﺒﺪﺍﻟﺮﺣﻤﻦ ( ﻫﻢ ﻭﻧﺰﺍﺡ ) : ﻳﺎﻟﻠﻪ ﺳﺮﻳﻨﺎ .. ﻧﻨﻬﻲ ﺍﻟﻤﻮﺿﻊ ﻭﻧﻤﺸﻲ
ﻗﺎﻣﻮ ﻛﻠﻬﻢ ﻭﺣﻤﺪ ﻣﺎ ﺯﺍﻟﺖ ﻣﻼﻣﺤﻪ ﻣﺘﺤﺠﺮﻩ
ﻏﺎﺯﻱ ﻭﻫﻮ ﻳﻨﺎﻇﺮ ﻓﻲ ﻭﺍﻓﻲ : ﻛﻴﻒ ﺣﺎﻟﻚ ﻳﺎ ﻭﺍﻓﻲ
ﻭﺍﻓﻲ ﺑﺒﺘﺴﺎﻣﻪ : ﻣﺎﺷﻲ ﺣﺎﻟﻲ .. ﻭﺍﻟﻠﻪ ﻳﺎﻏﺎﺯﻱ ﻭﺩﻱ ﺍﺳﺄﻟﻚ ﻋﻦ
ﺍﺣﻮﺍﻟﻚ .. ﺑﺲ ﺷﻜﻞ ﺣﺎﻟﻚ ﻣﺎ ﻳﺴﺮ ﻣﺎ ﺳﻮﻯ ﻓﻴﻚ ﺳﻮﺍ ﻭﻟﺪ ﺍﺧﻮﻱ
.. ﺍﻟﻠﻪ ﻳﻬﺪﻳﻪ ..
ﻗﺮﺏ ﻭﺍﻓﻲ ﻣﻦ ﻏﺎﺯﻱ ﻭﺑﺎﺳﻪ ﻓﻲ ﺧﺪﻩ ﺍﻻﻳﺴﺮ : ﺍﻟﺴﻤﻮﺣﻪ ..
ﻏﺎﺯﻱ ﺭﺩ ﻟﻮﺍﻓﻲ ﺍﻟﺒﻮﺳﻪ ﺑﻮﺳﻪ ﻋﻠﻰ ﺧﺪ ﻭﺍﻓﻲ ﺍﻟﻴﻤﻴﻦ : ﻭﺍﻟﻠﻪ ﺍﻧﻲ
ﺳﻌﻴﺪ ﺍﻟﺤﻆ ﺻﺤﻴﺢ ﺍﻧﻲ ﺍﻧﻀﺮﺑﺖ ﻣﻦ ﻭﻟﺪ ﺍﺧﻮﻙ .. ﺑﺲ ﺷﻮﻓﺘﻚ
ﺗﻄﻴﺒﻨﻲ .. ﺣﻴﺎﻙ ﻭﺍﻓﻲ ﻋﻨﺪﻧﺎ ﺑﺎﻟﺒﻴﺖ
ﻭﺍﻓﻲ ﻣﺎ ﺣﺐ ﻳﻘﻮﻟﻪ ﺍﻥ ﻫﻢ ﺍﻟﺤﻴﻦ ﻭﺍﻗﻔﻴﻦ ﻋﻠﻰ ﻧﺎﺭ ﻳﺒﻮﻥ ﻳﻤﺸﻮﻥ
ﺑﺴﺮﻋﻪ ﻋﻠﺸﺎﻥ ﻳﺮﻭﺣﻮﻥ ﻟﻠﻤﺴﺘﺸﻔﻰ ﻳﻄﻤﻨﻮﻥ
ﻋﻠﻰ ﺍﺧﺘﻪ ﻋﻠﻴﺎ : ﻻ ﻭﺍﻟﻠﻪ ﻋﻨﺪﻧﺎ ﻛﻢ ﺷﻐﻠﻪ ﻧﺒﻲ ﻧﺨﻠﺼﻬﺎ ﻭﺣﻨﺎ ﻣﺎ
ﺷﻴﻦ ﻳﺎﻟﻠﻪ ﻧﺸﻮﻓﻚ ﻋﻠﻰ ﺧﻴﺮ .. ﻭﺩﻳﺮ ﺑﺎﻟﻚ ﻋﻠﻰ ﺣﺎﻟﻚ
ﻏﺎﺯﻱ ﺑﺒﺘﺴﺎﻣﻪ ﻗﺮﺏ ﻣﻦ ﻭﺍﻓﻲ ﻭﻫﻤﺲ ﻟﻪ ﻓﻲ ﺍﺫﻧﻪ : ﺳﻠﻢ ﻋﻠﻰ
ﻋﻠﻴﺎ
ﻭﺍﻓﻲ ﻣﺎ ﻋﻠﻖ ﻭﻣﺸﻰ ﻟﺤﻖ ﻋﺒﺪﺍﻟﺮﺣﻤﻦ ﻭﺣﻤﺪ ﺍﻟﻲ ﺍﺳﺒﻘﻮﻩ ﻭﻃﻠﻌﻮ
ﻣﻦ ﺍﻟﻤﺮﻛﺰ ﺑﻌﺪ ﻣﺎ ﺧﻠﺼﻮ ﺍﻻﺟﺮﺍﺋﺎﺕ
.
.
.
ﻓـــﻲ ﺍﻟﺸﺮﻗﻴﻪ .. ﻭﺗﺤﺪﻳﺪﺍ ﺍﻣﺎﻡ ﻣﺠﻤﻊ ﺍﻟﻈﻬﺮﺍﻥ ..
ﻭﻗﻔﺖ ﺳﻴﺎﺭﺓ ﻃﻼﻝ ﺍﻣﺎﻡ ﺍﻟﺒﻮﺍﺑﻪ ..
ﻃﻼﻝ : ﻳﺎﻟﻠﻪ ﻫﺬﺍ ﺣﻨﺎ ﻭﺻﻠﻨﺎ .. ( ﻭﻳﻜﻤﻞ ﻭﻳﻮﺟﻪ ﻛﻼﻣﻪ ﻻﻧﻔﺎﻝ ) :
ﺍﻧﻔﺎﻝ ﻣﺘﻰ ﺗﺒﻴﻨﻲ ﺍﻣﺮﻛﻢ
ﻣﻴﻼﻑ ﻭﺍﻧﻘﻬﺮﺕ ﻣﻦ ﻋﻤﻬﺎ ﻃﻼﻝ ﺍﻟﻴﻮﻡ ﻣﺎ ﺍﺩﺭﻱ ﻭﺵ ﻓﻴﻪ ﺯﺍﻳﺪﻩ
ﺍﻻﺳﺘﺸﺎﺭﺍﺗﻪ ﻻﻧﻔﺎﻝ ﻣﻌﻄﻴﻬﺎ ﺍﻛﺒﺮ ﻣﻦ ﻗﺪﺭﻫﺎ
ﻣﻴﻼﻑ : ﻟﻴﻪ ﻋﻤﻲ ﻣﺎﺭﺍﺡ ﺗﻨﺰﻝ ﻣﻌﻨﺎ
ﻃﻼﻝ ﻭﻳﻨﺎﻇﺮ ﻓﻲ ﻣﻴﻼﻑ ﺑﺴﺘﻐﺮﺍﺏ : ﻟﻴﻪ ﺍﻧﺰﻝ ﻣﻌﻜﻢ
ﻣﻴﻼﻑ : ﻳﻌﻨﻲ ﺍﻧﺰﻝ ﺍﺗﺴﻮﻕ ﻟﺤﺎﻟﻲ
ﻃﻼﻝ : ﻟﺤﺎﻟﻚ ! .. ﻫﺬﻱ ﺍﻧﻔﺎﻝ ﻭﺻﺪﻗﺎﺗﻬﺎ ﻣﻮﺟﻮﺩﻳﻦ ﺗﺴﻮﻗﻲ
ﻣﻌﻬﻢ .. ﻭﺑﻌﺪﻳﻦ ﺍﻧﺎ ﻭﺵ ﺍﺳﻮﻱ ﺍﻧﺰﻝ ﻣﻌﻜﻢ ﻛﻠﻜﻢ ﺑﻨﺎﺕ
ﻣﻴﻼﻑ : ﺍﻧﺎ ﻣﺎ ﺍﺣﺐ ﺍﺗﺴﻮﻕ ﻣﻊ ﻧﺎﺱ ﻗﻠﻴﻠﻴﻦ ﺫﻭﻭﻕ
ﺩﻻﻝ ﺩﺧﻠﺖ ﻋﺮﺽ ﺑﺒﺮﻭﺩ : ﻭﺣﻨﺎ ﻣﺎ ﻧﻘﺪﺭ ﻧﻤﺸﻲ ﺍﻛﺜﺮ ﻣﻦ ﺛﻼﺛﻪ
ﺑﻨﺎﺕ
ﺍﺑﺘﺴﻢ ﻃﻼﻝ ﻣﻦ ﻛﻼﻡ ﺩﻻﻝ .. ﻻﻧﻪ ﺍﻛﻴﺪ ﻛﻼﻣﻬﺎ ﺭﺍﺡ ﻳﻘﻴﺾ
ﻣﻴﻼﻑ
ﻣﻴﻼﻑ : ﻋﻤﻲ ﺍﻧﺰﻝ ﻣﻌﻲ .. ( ﻭﻛﻤﻠﺖ ﺑﺪﻟﻊ ﻭﻋﻤﺪ ﻗﺎﻟﺖ ﻫﺬﺍ
ﺍﻟﻜﻼﻡ ) ﻭﺑﻌﺪﻳﻦ ﺍﻧﺖ ﻣﺎ ﻗﻠﺖ ﻟﻲ ﺍﺷﺘﺮﻱ ﺍﻟﻲ ﻧﻔﺴﻲ ﻓﻴﻪ ﻋﻠﻰ
ﺣﺴﺎﺑﻚ
ﻃﻼﻝ ﻭﺗﺬﻛﺮ : ﺃﻱ ﺻﺤﻴﺢ ﺧﻼﺹ ﺍﻋﻄﻴﻚ ﻓﻠﻮﺱ ﻭﺷﺘﺮﻱ ﺍﻟﻲ
ﻧﻔﺴﻚ ﻓﻴﻪ
ﻣﻴﻼﻑ ﺑﺪﻟﻊ : ﻻ ﻋﻤﻲ ﺍﺧﺎﻑ ﻣﺎ ﻳﻜﻔﻮﻧﻲ
ﻃﻼﻝ ( ﻟﻴﻪ ﻫﺬﻱ ﻧﺎﻭﻳﻪ ﺗﺸﺘﺮﻱ ﺍﻟﺴﻮﻕ ﻛﻠﻪ ) ﻣﺎ ﺣﺐ ﻳﻨﺎﻗﺸﻬﺎ ﻻﻧﻪ
ﻋﺎﺭﻑ ﺍﻥ ﺭﺍﺳﻬﺎ ﻳﺎﺑﺲ : ﻃﻴﺐ
ﻫﻴﺎﻡ ﻛﺎﻧﺖ ﻣﻮ ﻣﺮﺗﺎﺣﻪ ﻛﻞ ﺷﻮﻱ ﺗﻨﺎﻇﺮ ﺳﺎﻋﺘﻬﺎ ﻭﺗﺤﺴﺐ ﺍﻟﺜﻮﺍﻧﻲ
ﻗﺒﻞ ﺍﻟﺪﻗﺎﻳﻖ ﻓﻲ ﻟﺤﻈﻪ ﺍﻧﺪﻣﺖ ﺍﻧﻬﺎ ﺟﺖ ﻣﻌﻬﻢ ﻣﻊ
ﺍﻧﻬﺎ ﻣﺒﺴﻮﻃﻪ ﺑﺲ ﺷﻌﻮﺭ ﺍﻟﺨﻮﻑ ﻏﻼﺏ .. ﻭﺗﺤﺲ ﺍﻥ ﻣﺎ ﺭﺍﺡ
ﻳﻜﻔﻲ ﺍﻟﻮﻗﺖ ﻳﺘﺴﻮﻗﻮﻥ ﻭﺗﻔﻜﺮ ﺑﺮﺟﻌﻪ ﺣﺘﻰ ﻗﺒﻞ ﻻ
ﻳﺪﺧﻠﻮﻥ ﺍﻟﻤﺠﻤﻊ ﻟﻤﺎ ﺍﺳﻤﻌﺖ ﻣﻴﻼﻑ ﺗﺪﻟﻊ ﻋﻠﻰ ﻋﻤﻬﺎ ﻭﻫﻮ ﺑﻴﺪﻓﻊ ﻟﻬﺎ
.. ﺻﻌﺒﺖ ﻋﻠﻴﻬﺎ ﺣﺎﻟﻬﺎ .. ﻧﺎﺱ ﻋﻨﺪﻫﻢ ﻋﻤﺎﻡ
ﻳﺪﻟﻌﻮﻥ ﻋﻠﻴﻬﻢ .. ﻭﻧﺎﺱ ﻋﻨﺪﻫﻢ ﺧﻮﺍﻝ ﺍﻟﺰﻟﻪ ﺑﻤﻠﻴﻮﻥ ﺟﻠﺪﻩ .. ﻭﺍﻟﻠﻪ
ﺍﻟﺪﻧﻴﺎ ﺣﻈﻮﻅ ﻭﻫﻨﺎ ﺣﻈﻨﺎ ﻣﻴﺖ ﻣﻦ ﺯﻣﺎﻥ
.
.
ﻓــــﻲ ﺍﻟﺮﻳﺎﺽ .. ﻭﺗﺤﺪﻳﺪﺍ ﻓﻲ ﺳﻴﺎﺭﺕ ﻋﺒﺪﺍﻟﺮﺣﻤﻦ ﺍﻟﻤﺘﺠﻪ ﺍﻟﻰ
ﺍﻟﻤﺴﺘﺸﻔﻰ ..
ﻋﺒﺪﺍﻟﺮﺣﻤﻦ : ﻋﻤﻲ ﻭﺍﻓﻲ ﺍﻧﺖ ﻣﺎ ﻗﻠﺖ ﻟﻲ ﻣﻦ ﺍﻟﻲ ﺧﺒﺮﻙ
ﻭﺍﻓﻲ : ﺍﻟﻄﻴﺮ .. ﻳﻌﻨﻲ ﻣﻦ ﺍﻟﻲ ﺧﺒﺮﻧﻲ ﺳﺠﻰ
ﻋﺒﺪﺍﻟﺮﺣﻤﻦ : ﻭﺳﺠﻰ ﻫﺬﻱ ﺍﻟﻠﻪ ﻳﻬﺪﺍﻫﺎ ﻛﺎﻥ ﻻﺯﻡ ﺗﺨﺒﺮﻙ
ﻭﺍﻓﻲ : ﻟﻴﻪ ﺍﻧﺖ ﻛﻨﺖ ﻧﺎﻭﻱ ﺗﺨﺒﻲ ﻋﻠﻲ ﻳﺎ ﺍﻟﺪﺏ ﺍﻟﻘﻄﺒﻲ
ﻋﺒﺪﺍﻟﺮﺣﻤﻦ : ﻻ ﻣﻮ ﻗﺼﺪﻱ ﻛﺬﺍ .. ﺗﻌﺮﻑ ﺍﻧﻲ ﻣﺎ ﺍﻗﺪﺭ ﺍﺧﺒﻲ ﻋﻨﻚ
ﺷﻲﺀ .. ﺑﺲ ﻣﺎ ﻛﻨﺖ ﻧﺎﻭﻱ ﺍﻗﻮﻟﻚ ﺍﻻ ﻟﻤﺎ ﻧﺮﺟﻊ
ﻭﺑﻌﺪﻳﻦ ﺍﻧﺖ ﻋﻠﻤﻨﻲ ﻣﺘﻰ ﺩﺭﻳﺖ ﻭﻣﺘﻰ ﻗﺮﺭﺕ ﺗﺠﻲ ﻭﻣﺘﻰ ﺟﻴﺖ
ﻭﻣﻴﻦ ﺍﻟﻲ ﺟﺎﺑﻚ
ﻭﺍﻓﻲ : ﺩﻗﻴﺖ ﻋﻠﻰ ﺳﺠﻰ ﻟﺤﻈﺔ ﺍﻟﻲ ﺍﻏﻤﻰ ﻋﻠﻰ ﺍﺧﺘﻲ ﻋﻠﻴﺎ
ﻭﻛﺎﻧﺖ ﺗﺒﻜﻲ ﻗﺎﻟﺖ ﻟﻲ ﻛﻞ ﺍﻟﻲ ﺻﺎﺭ ﻣﻌﻜﻢ ﻋﺎﺩ ﺍﻧﺎ ﻣﺎ
ﺗﺤﻤﻠﺖ ﻭﻣﺎ ﻗﺪﺭﺕ ﺍﺻﺒﺮ ﻳﺤﺘﺮﻕ ﻗﻠﺒﻲ ﻋﻠﻰ ﺍﺧﺘﻲ ﺭﺣﺖ ﺍﻟﻤﻄﺎﺭ
ﻭﻛﺎﻧﺖ ﻓﻲ ﺭﺣﻠﻪ ﻟﺮﻳﺎﺽ ﺑﻌﺪ ﻧﺼﻒ ﺳﺎﻋﻪ ﻭﻛﺎﻧﺖ
ﻣﻤﺘﻸﻩ .. ﻋﺎﺩ ﻛﻠﻤﺖ ﻭﺍﺣﺪ ﻣﻦ ﺍﺧﻮﻳﺎﻱ ﺍﻟﻲ ﻳﺸﺘﻐﻠﻮﻥ ﻫﻨﺎﻙ ﻭﻗﻠﺖ
ﻟﻪ ﺗﻄﻠﻊ ﻟﻲ ﺣﺠﺰ ﻋﻠﻰ ﻫﺬﻱ ﺍﻟﺮﺣﻠﻪ ﻟﻮ ﻣﻦ ﺗﺤﺖ
ﺍﻻﺭﺽ ﻗﻠﺖ ﻟﻪ ﻣﻮ ﻣﻬﻢ ﻛﺮﺳﻲ .. ﺣﺘﻰ ﻟﻮ ﺍﻭﻗﻒ ﻋﻦ ﺑﺎﺏ ﺍﻟﻄﻴﺎﺭﻩ
.. ﺍﻭ ﺍﺗﻌﻠﻖ ﺑﺎﻟﺠﻨﺎﺡ ﺣﻘﻬﺎ ﺍﻟﻤﻬﻢ ﺍﻧﻲ ﺍﺟﻲ ﻣﻦ
ﺣﺴﻦ ﺣﻈﻲ ﺍﻥ ﻓﻲ ﺭﻛﺎﺏ ﻣﺎ ﺟﻮ ﻭﺭﺍﺡ ﻋﻠﻴﻬﻢ ﺍﻟﺤﺠﺰ ﻭﺭﻛﺒﺖ
ﺑﺪﺍﻟﻬﻢ .. ﻟﻤﺎ ﻭﺻﻠﺖ ﺍﻟﺮﻳﺎﺽ ﺩﻗﻴﺖ ﻋﻠﻰ ﺳﺠﻰ
ﻭﻗﺎﻟﺖ ﻟﻲ ﺍﻧﻜﻢ ﻓﻲ ﻣﺮﻛﺰ ﺍﻟﺸﺮﻃﻪ .. ﻗﻠﺖ ﻣﺎ ﻛﻮ ﺍﻻ ﺍﺩﻕ ﻋﻠﻰ
ﻋﺒﺪﺍﻟﺮﺣﻤﻦ ﻭﻳﻌﻠﻤﻨﻲ ﺍﺟﺮﺕ ﺗﻜﺴﻲ ﻭﺟﻴﺘﻜﻢ
ﻋﺒﺪﺍﻟﺮﺣﻤﻦ : ﻭﺍﻟﻠﻪ ﺍﻧﺖ ﻳﺎ ﻋﻤﻲ ﻣﺘﻬﻮﺭ ﺍﻧﺎ ﻟﻤﺎ ﺷﻔﺘﻚ ﺟﻴﺖ
ﺍﺧﺘﺮﻋﺖ .. ﺷﻜﻠﻚ ﻛﺄﻧﻚ ﺟﺎﻱ ﺗﺮﻛﺾ
ﻭﺍﻓﻲ : ﻭﺍﻟﻠﻪ ﺍﺳﻮﻳﻬﺎ .. ﻋﻨﺪ ﻭﺍﻓﻲ ﻣﺎ ﻓﻲ ﺷﻲﺀ ﻣﺴﺘﺤﻴﻞ
ﻋﺒﺪﺍﻟﺮﺣﻤﻦ ﻭﻳﻮﺟﻪ ﻛﻼﻣﻪ ﻟﺤﻤﺪ ﺍﻟﻲ ﺟﺎﻟﺲ ﻓﻲ ﺍﻟﻤﻘﻌﺪ ﺍﻟﺨﻠﻔﻲ
ﻭﺑﻴﻦ ﻋﻠﻴﻪ ﺍﻟﻌﺼﺒﻴﻪ ﻭﻣﺎ ﻟﻪ ﺧﻠﻖ ﻳﺘﻜﻠﻢ ﻭﻣﻦ ﺍﻭﻝ ﻣﺎ ﺭﻛﺐ ﺍﻟﺴﻴﺎﺭﻩ
ﻣﺎ ﻧﻄﻖ ﺑﻜﻠﻤﻪ : ﺣﻤﺪ ﻭﺵ ﺑﻼﻙ
ﻭﺍﻓﻲ ﻭﻫﻮ ﻳﻨﺎﻇﺮ ﻓﻲ ﺣﻤﺪ : ﻭﺳﻊ ﺻﺪﺭﻙ ﻭﺍﻧﺎ ﻋﻤﻚ ﻭﻟﻴﻪ ﻣﺘﻀﺎﻳﻖ
ﻋﺒﺪﺍﻟﺮﺣﻤﻦ : ﺍﻛﻴﺪ ﻋﻠﺸﺎﻥ ﻏﺎﺯﻱ .. ﺍﻻ ﻋﻤﻲ ﺑﺴﺄﻟﻚ ﻟﻴﻪ ﺗﻌﺎﻣﻞ
ﻏﺎﺯﻱ ﺑﻄﻴﺐ ﺑﻌﺪ ﻛﻞ ﺍﻟﻲ ﺣﺼﻞ
ﻭﺍﻓﻲ ﺑﻌﺪ ﻟﺤﻈﺔ ﺷﺮﻭﺩ ﺗﻜﻠﻢ ﻭﻋﻴﻨﻪ ﻣﻌﻠﻘﻪ ﻋﻠﻰ ﺍﻟﺸﺎﺭﻉ ﻗﺪﺍﻣﻪ :
ﻻﻧﻲ ﺍﺣﺲ ﺑﺬﻧﺐ
ﻋﺒﺪﺍﻟﺮﺣﻤﻦ ﺑﺴﺘﻐﺮﺍﺏ : ﻟﻴﻪ ﺗﺤﺲ ﺑﺎﻟﺬﻧﺐ
ﻭﺍﻓﻲ ﺑﺤﺰﻥ : ﻻﻧﻲ ﻣﺎ ﺧﺒﺮﺕ ﻏﺎﺯﻱ ﻳﻮﻡ ﺟﺎ ﺧﻄﺐ ﻋﻠﻴﺎ ﺍﻻ ﺑﻌﺪ ﻣﺎ
ﻣﻠﻚ ﻭﺑﻌﺪ ﺷﻬﺮ ﻭﻣﻮ ﺍﻧﺎ ﺑﻌﺪ ﺍﻟﻲ ﺧﺒﺮﺗﻪ ﻳﻮﻡ ﺳﻤﻊ ﻣﻦ ﺍﻟﻨﺎﺱ ﺣﺐ
ﻳﺘﺄﻛﺪ ﻭﺟﺎ ﻗﺎﻟﻲ ﻭﺍﻧﺎ ﻣﺎ ﻗﺪﺭﺕ ﺍﻧﻜﺮ .. ﻭﻣﻦ ﻳﻮﻣﻬﺎ ﻭﺍﻧﺎ ﺍﺣﺲ
ﺑﺬﻧﺐ ﻻﻧﻲ ﻣﺎ ﻋﻠﻤﺘﻪ
ﻋﺒﺪﺍﻟﺮﺣﻤﻦ ﺑﻬﺘﻤﺎﻡ : ﻭﺍﻧﺖ ﻟﻴﻪ ﻣﺎ ﻋﻠﻤﺘﻪ
ﻭﺍﻓﻲ ﺑﺤﺰﻥ ﻭﻣﺮﺍﺭﻩ : ﻣﺪﺭﻱ ﻟﻴﻪ ﺍﻧﺮﺑﻂ ﻟﺴﺎﻧﻲ ﻭﺑﻌﺪﻳﻦ ﺻﻌﺐ
ﺍﻟﻮﺍﺣﺪ ﻳﺘﻜﻠﻢ ﻋﻦ ﺍﺧﺘﻪ ﻗﺪﺍﻡ ﻭﺍﺣﺪ ﻳﻌﺘﺒﺮ ﻏﺮﻳﺐ
ﻭﻳﻘﻮﻝ ﺍﻧﻬﺎ ﻣﻄﻠﻘﻪ ﻣﺮﺗﻴﻦ ﻭﻓﻴﻬﺎ ﺣﺎﻟﻪ ﻧﻔﺴﻴﻪ ﻭﻋﻘﻴﻢ ﻣﺎ ﺗﺠﻴﺐ
ﻋﻴﺎﻝ ﻭﻓﻴﻬﺎ ﻛﺬﺍ ﻭﻛﺬﺍ ﻭﺣﺼﻞ ﻟﻬﺎ ﻭ ﺻﺎﺭ ﻟﻬﺎ .. ﻭﺍﻧﺎ
ﻛﻨﺖ ﻣﻌﺘﻤﺪ ﻋﻠﻰ ﺍﺧﺘﻲ ﺍﻡ ﺳﺎﻣﻲ ﻭﺣﺮﻳﻢ ﺍﺧﻮﺍﻧﻲ ﻳﺨﺒﺮﻭﻥ ﺍﻣﻪ
ﻭﺍﻣﻪ ﺗﺨﺒﺮﻩ ﻟﻜﻨﻬﻢ ﻓﻀﻠﻮ ﻳﺴﻜﺘﻮﻥ ﻻﻧﻬﻢ ﻛﺎﻧﻮ ﻳﺒﻮﻥ
ﻳﺰﻭﺟﻮﻧﻬﺎ .. ﻭﺧﺎﺻﻪ ﺍﻥ ﻏﺎﺯﻱ ﻣﻦ ﺍﻟﺮﻳﺎﺽ ﻭﻣﺎ ﻋﻨﺪﻩ ﺍﻫﻞ ﻛﺜﻴﺮ
ﻣﻦ ﺍﻟﺸﺮﻗﻴﻪ ﻳﻌﻨﻲ ﻣﺎ ﻳﺪﺭﻱ ﻭﻣﺎ ﺭﺍﺡ ﻳﺪﺭﻱ ﺍﻻ ﺑﻌﺪ ﺍﻟﺰﻭﺍﺝ ..
ﻭﺑﻌﺪﻳﻦ ﻋﺎﺩ ﺻﺎﺭ ﺍﻟﻲ ﺻﺎﺭ
ﺟﺎ ﺻﻮﺕ ﺣﻤﺪ ﻣﻦ ﺍﻟﺨﻠﻒ ﺑﺴﺆﺍﻝ ﻓﺘﺢ ﺟﺮﻭﺡ ﻗﺪﻳﻤﻪ : ﻟﻴﻪ ﻋﻤﺘﻲ
ﻋﻠﻴﺎ ﻣﺎ ﺗﺠﻴﺐ ﻋﻴﺎﻝ
ﻭﺍﻓﻲ ﻭﺑﺪﺕ ﻋﻴﻮﻧﻪ ﺗﺪﻣﻊ ﻟﻤﺎ ﺳﻤﻊ ﺳﺆﺍﻝ ﺣﻤﺪ .. ﻟﻤﺎ ﻻﺣﻆ
ﻋﺒﺪﺍﻟﺮﺣﻤﻦ ﻣﻼﻣﺢ ﻋﻤﻪ ﺍﻟﻲ ﻳﺨﻴﻢ ﻋﻠﻴﻬﺎ ﺍﻟﺤﺰﻥ
ﻗﺎﻝ ﻋﻠﻰ ﻃﻮﻝ : ﺣﻤﺪ ﻻ ﺗﺘﻜﻠﻢ .. ﻭﺑﺘﻨﻬﻴﺪﻩ ﻛﻤﻞ .. ﺣﺴﺒﻲ ﺍﻟﻠﻪ
ﻋﻠﻰ ﻣﻦ ﻛﺎﻥ ﺍﻟﺴﺒﺐ
ﻭﺍﻓﻲ ﻭﻧﺰﻟﺖ ﺩﻣﻌﻪ ﻣﻦ ﻋﻴﻨﻪ ﻭﻣﺴﺤﻬﺎ ﻋﻠﻰ ﻃﻮﻝ ﺑﻴﺪﻩ : ﻟﻤﺎ ﺷﻔﺖ
ﻏﺎﺯﻱ ﻓﻲ ﺍﻟﻤﺮﻛﺰ ﺍﻟﻴﻮﻡ ﺗﺬﻛﺮﺕ ﻛﻞ ﺍﻟﻲ ﺻﺎﺭ
ﻛﺎﻥ ﻭﻣﺎﺯﺍﻝ ﺍﻧﺴﺎﻥ ﻃﻴﺐ ﻭﺍﻧﺎ ﻣﺎ ﺯﻟﺖ ﺍﻛﻨﻪ ﻟﻪ ﺍﻻﺣﺘﺮﺍﻡ ﺫﺍﺗﻪ ..
ﺣﺘﻰ ﻟﻤﺎ ﺩﺭﻯ ﻭﺳﻤﻊ ﻣﻦ ﺍﻟﻨﺎﺱ ﺻﺤﻴﺢ ﺍﻧﻪ ﺟﺎﻱ ﻭﻋﺎﺗﺒﻨﻲ ﻭﺯﻋﻞ
ﻋﻠﻲ ﻭﻟﻤﺎ ﻓﻬﻤﺘﻪ
ﻭﻗﻠﺖ ﻟﻪ ﻛﻞ ﺍﻟﻲ ﺻﺎﺭ .. ﻗﺎﻝ ﺍﻥ ﻣﺎ ﺭﺍﺡ ﻳﺘﺨﻠﻰ ﻋﻦ ﻋﻠﻴﺎ ﻭﺍﻥ
ﺑﺤﺎﻭﻝ ﻳﻄﻠﻌﻬﺎ ﻣﻦ ﺍﻟﻲ ﻫﻲ ﻓﻴﻪ .. ﺑﺲ ﺍﻫﻠﻪ ﻭﻣﺎ ﺍﺩﺭﺍﻙ ﻣﺎ ﺍﻫﻠﻪ
ﺣﺎﻟﻮ ﺑﻴﻨﻪ ﻭﺑﻴﻨﻬﺎ
ﻋﺒﺪﺍﻟﺮﺣﻤﻦ ﺑﻨﺘﻬﻴﺪﻩ : ﺃﻱ ﻭﺍﻟﻠﻪ ﻋﻤﻲ ﻻ ﺗﺬﻛﺮﻧﻲ ﺑﺎﻻﻳﺎﻡ ﺍﻟﺴﻮﺩﻩ
ﻳﻮﻡ ﻳﺠﻮﻥ ﻋﻤﺎﻣﻪ ﻭﺧﻮﺍﻟﻪ ﻭﺭﺑﻌﻬﻢ ﻭﺳﺐ ﻭﻟﻌﻦ
ﻭﻛﻞ ﻋﻠﻰ ﻇﻬﺮ ﺍﺧﻮﻱ ﺗﺮﻛﻲ ﻭﺍﺑﻮﻱ ﻭﻋﻤﻲ ﻣﺎ ﺗﻢ ﺍﺣﺪ ﻣﺎ ﺟﺎ ﻣﻦ
ﺍﻫﻠﻪ ﻋﻠﺸﺎﻥ ﻫﺬﺍ ﺍﻟﺰﻭﺍﺝ ﻣﺎ ﻳﺘﻢ ﺍﻟﻠﻪ ﻻ ﻳﻌﻮﺩﻫﺎ
ﺫﻳﻚ ﺍﻻﻳﺎﻡ ﻣﺎ ﺫﻗﻨﺎ ﻓﻴﻬﺎ ﻃﻌﻢ ﺍﻟﻨﻮﻡ ﻻ ﺟﻮﺍﻻﺕ ﺗﺴﻜﺖ ﻭﻻ ﺗﻠﻔﻮﻥ
ﺍﻟﺒﻴﺖ ﻭﻻ ﺟﺮﺱ ﺍﻟﺒﻴﺖ ﻳﻮﻗﻒ ﻋﻦ ﺍﻟﺮﻥ ﻋﻢ ﺩﺍﺧﻞ
ﻭﻋﻢ ﻃﺎﻟﻊ ﻫﺬﺍ ﻳﻘﻮﻝ ﻟﻌﺒﻨﺎ ﺑﻌﻘﻠﻪ ﻭﻫﺬﺍ ﻳﺴﺐ ﻭﻳﻠﻌﻦ ﺟﺪﺍ ﺟﺎﺑﻨﺎ
ﻭﺫﺍﻙ ﻳﻬﺪﺩ ﻭﺫﺍﻙ ﻳﺘﻮﻋﺪ ﺣﺘﻰ ﺑﺰﺍﺭﻳﻨﻬﻢ ﻛﺴﺮﻭ
ﺳﻴﺎﺭﺍﺗﻨﺎ ﺍﻟﻠﻪ ﻳﺎﺧﺬﻫﻢ .. ﻣﺎ ﺧﻔﻮ ﻋﻨﺎ ﺍﻻ ﻟﻤﺎ ﺗﻄﻠﻘﻮ ﻭﻛﻞ ﻭﺍﺣﺪ
ﺭﺍﺡ ﺑﻄﺮﻳﻘﻪ .. ﻭﺑﻌﺪﻳﻦ ﺑﺪﻯ ﻛﻼﻡ ﺍﻟﻨﺎﺱ ﺍﻟﻲ ﺍﻟﻰ ﻳﻮﻣﻚ ﻣﺎ ﺧﻠﺼﻨﺎ
ﻣﻨﻪ
ﻭﺍﻓﻲ ﺑﺘﻨﻬﻴﺪﻩ : ﻭﺍﻟﻠﻪ ﻳﺎ ﺧﻮﻓﻲ ﺍﻟﺤﻴﻦ ﻳﺸﻮﻓﻮﻥ ﻭﻟﺪﻫﻢ ﻣﺘﻌﻮﺭ
ﻭﻣﺘﻜﺴﺮ ﺗﺒﺪﺍ ﺣﺮﺏ ﺛﺎﻧﻴﻪ
ﺟﺎ ﺻﻮﺕ ﺣﻤﺪ ﻣﻦ ﺍﻟﺨﻠﻒ : ﺍﻟﻠﻪ ﻟﻮ ﻳﺠﻮﻥ ﻋﻤﺎﻣﻪ ﻟﻮﺭﻳﻚ ﻓﻴﻬﻢ
ﻭﺍﻓﻲ ﺍﺑﺘﺴﻢ ﻏﺼﺐ ﻋﻨﻪ ﻟﻤﺎ ﺳﻤﻊ ﺣﻤﺪ ( ﺣﻨﺎ ﻣﺎ ﻗﺪﺭﻧﺎ ﻋﻠﻴﻬﻢ
ﺍﺻﻐﺮ ﻋﻴﺎﻟﻨﺎ ﺑﻴﻘﺪﺭ ) : ﺧﻼﺹ ﺍﺫﺍ ﺟﻮ ﺑﻨﻘﻮﻝ ﻟﻬﻢ ﺗﻔﺎﻫﻤﻮ ﻣﻊ ﺣﻤﺪ
ﺣﻨﺎ ﻣﺎ ﻟﻨﺎ ﺷﻐﻞ
ﺣﻤﺪ : ﻭﺍﻟﻠﻪ ﻟﺠﻤﻊ ﺭﺑﻌﻲ ﻛﻠﻬﻢ ﻭﻧﻄﻴﺢ ﻓﻴﻬﻢ ﺿﺮﺏ ﻟﻤﻦ ﻧﻜﺴﺮ
ﻋﻈﺎﻣﻬﻢ ﻋﻈﻤﻪ ﻋﻈﻤﻪ
ﻋﺒﺪﺍﻟﺮﺣﻤﻦ : ﻣﻮ ﻛﻞ ﺷﻲﺀ ﻳﻨﺤﻞ ﺑﺎﻟﻀﺮﺏ .. ﻋﻤﻲ ﺩﻕ ﻋﻠﻰ ﺳﺠﻰ
ﻭﺗﻄﻤﻦ ﻋﻠﻰ ﻋﻤﺘﻲ ﻋﻠﻴﺎ ﻣﺎ ﻓﻴﻨﻲ ﺻﺒﺮ ﻭﻫﺬﻱ ﺍﻟﺸﻮﺍﺭﻉ ﺯﺣﻤﻪ
ﻣﺪﺭﻱ ﻣﺘﻰ ﺭﺍﺡ ﻧﻮﺻﻞ
.
.
ﻓــــﻲ ﺍﻟﺸﺮﻗﻴﻪ .. ﻭﺗﺤﺪﻳﺪﺍ ﻓﻲ ﻣﺠﻤﻊ ﺍﻟﻈﻬﺮﺍﻥ
ﻛﺎﻧﺖ ﻣﻴﻼﻑ ﻣﺎﺳﻜﻪ ﻃﻼﻝ ﻣﻦ ﻳﺪﻩ ﻭﻻ ﺻﻘﻪ ﻓﻴﻪ ﻣﺜﻞ ﺍﻟﻤﺨﻄﻮﺑﻴﻦ
ﻭﺗﺘﻤﺸﻰ ﻣﻌﻪ .. ﻛﺎﻧﺖ ﺑﻬﺬﻱ ﺍﻟﺤﺮﻛﻪ ﺗﺒﻲ ﺗﻘﻬﺮ
ﺩﻻﻝ ﻭﻫﻴﺎﻡ ﻭﺍﻧﻔﺎﻝ .. ﻭﻣﻮ ﺑﺲ ﻫﺬﺍ ﺗﺒﻲ ﺗﺪﻟﻊ ﻗﺪﺍﻡ ﺍﻟﺒﻨﺎﺕ
ﺍﻟﻤﻮﺟﻮﺩﻳﻦ ﻓﻲ ﺍﻟﻤﺠﻤﻊ ﺍﻧﻬﺎ ﺗﻤﺸﻲ ﻣﻊ ﻭﺍﺣﺪ ﺣﻠﻮﻭ
ﻭﻭﺳﻴﻢ .. ﻫﻲ ﻋﺎﺭﻓﻪ ﺍﻥ ﻛﻞ ﺍﻟﺒﻨﺎﺕ ﻋﻴﻨﻬﻢ ﻋﻠﻴﻬﺎ ﻫﻲ ﻭﻋﻤﻬﺎ
ﻃﻼﻝ ﻭﺍﻛﻴﺪ ﻳﻘﻮﻟﻮﻥ ﻓﻲ ﺧﺎﻃﺮﻫﻢ ﺣﻈﻬﺎ ﺧﻄﻴﺒﻬﺎ ﺍﻭ
ﺧﻮﻳﻬﺎ ﺍﻭ ﺣﺒﻴﺒﻬﺎ ﻳﻬﺒﻞ ﻗﻤـــﺮ .. ﻋﺎﺩ ﻫﻲ ﺗﻨﺒﺴﻂ ﻟﻤﺎ ﺗﺸﻮﻑ ﻋﻴﻦ
ﺍﻟﺒﻨﺎﺕ ﻛﻠﻬﺎ ﻋﻠﻴﻬﺎ ﻧﺎﻇﺮﺕ ﻋﻤﻬﺎ ﻃﻼﻝ ﺍﻟﻲ ﻛﺎﻥ
ﻳﻤﺸﻲ ﺟﻨﺒﻬﺎ ( ﻭﺍﻟﻠﻪ ﻟﻮ ﻫﻮ ﻣﻮ ﻋﻤﻲ ﻛﺎﻥ ﺣﺒﻴﺘﻪ ﻭﺗﺰﻭﺟﺘﻪ ﻳﺎﺣﻆ
ﺍﻟﻲ ﺑﺘﺎﺧﺬﻙ ﻳﺎ ﻋﻤﻲ ﺟﻤﺎﻝ ﻭﻭﺳﺎﻣﻪ ﻭﺷﺨﺼﻴﻪ ﻭﻓﻠﻮﺱ ﻭﺵ ﺗﺒﻲ
ﺍﻛﺜﺮ ﻣﻦ ﻛﺬﺍ )
ﻛﺎﻧﺖ ﺩﻻﻝ ﻭﻫﻴﺎﻡ ﻭﺍﻧﻔﺎﻝ ﻳﺘﻤﺸﻮﻥ ﺍﻧﻔﺎﻝ ﻋﻴﻮﻧﻬﺎ ﺗﻨﺎﻇﺮ ﻓﻲ ﻛﻞ
ﺷﻲ ﻭﻛﻞ ﺷﻮﻱ ﺗﻮﻗﻒ ﺗﺘﺎﻣﻞ ﻭﺍﺟﻬﺖ ﻣﺤﻞ ﺍﻭﺍﻟﺒﺪﻻﺕ ﺍﻟﻤﻌﺮﻭﺿﻪ
ﺍﻭ ﺗﻮﻗﻒ ﺗﻨﺎﻇﺮ ﺍﻃﻔﺎﻝ ﻳﺘﻤﺸﻮﻥ ﻣﻊ ﺍﻫﻠﻬﻢ ﻭﻻﺑﺴﻴﻦ ﺍﺣﺴﻦ ﺍﻟﺒﺲ
ﻫﻴﺎﻡ ﺍﺳﺘﻐﻠﺖ ﺳﺮﺣﺎﻥ ﺍﻧﻔﺎﻝ ﻭﻧﺸﻐﺎﻟﻬﺎ ﺑﺎﻟﺘﺎﻣﻞ ﻭﻗﺮﺑﺖ ﻣﻦ ﺩﻻﻝ
ﻭﻛﻠﻤﺘﻬﺎ ﺑﺼﻮﺕ ﻭﺍﻃﻲ : ﺩﻟﻮﻝ ﺷﻔﺘﻲ ﻋﻢ ﺍﻧﻔﺎﻝ
ﺩﻻﻝ ﺑﺼﻮﺕ ﻭﺍﻃﻲ : ﺃﻱ ﺷﻔﺘﻪ ﻭﺵ ﻓﻴﻪ
ﻫﻴﺎﻡ ﺑﺼﻮﺕ ﻭﺍﻃﻲ : ﻗﻮﻟﻲ ﻭﺵ ﻣﺎ ﻓﻴﻪ .. ﺳﺒﺤﺎﻥ ﺍﻟﻠﻪ ﻭﺵ ﺫﺍ
ﺍﻟﺠﻤﺎﻝ ﺍﻟﻲ ﻋﻠﻴﻪ ﻻ ﻭﻫﻲ ﻣﺸﻴﻪ ﻫﻲ ﻛﺸﺨﻪ ﻫﻮ ﺷﻤﺎﺥ ﻫﻮ ﺛﻮﺏ ﻫﻮ
ﻋﻄﺮ ﺭﺍﺷﻪ ﻫﻲ ﻧﻌﺎﻝ ﻫﻲ ﺳﻴﺎﺭﻩ ﻫﻲ ﺷﺨﺼﻴﻪ ﻛﻠﻪ ﻋﻠﻰ ﺑﻌﻀﻪ
ﺟﺬﺍﺏ
ﺩﻻﻝ ﻓﻲ ﺩﺍﺧﻠﻬﺎ ﻣﺎ ﺍﻧﻜﺮﺕ ﻫﺬﺍ ﺍﻟﺸﻲﺀ ﻭ ﻟﻮ ﺍﻥ ﻫﻴﺎﻡ ﻣﺒﺎﻟﻐﻪ ﻛﺜﻴﺮ
ﻓﻲ ﻛﻼﻣﻬﺎ ﺑﺲ ﻫﻲ ﻣﺎ ﺗﻨﻜﺮ ﺟﺎﺫﺑﻴﺘﻪ ﻭﺷﺨﺼﻴﺘﻪ
ﺣﺘﻰ ﻟﻤﺎ ﻳﺨﻄﻮ ﺑﺮﺟﻠﻪ ﺧﻄﻮﻩ ﻟﻘﺪﺍﻡ ﻳﻔﺮﺽ ﻧﻔﺴﻪ ﻋﻠﻰ ﻛﻞ ﺍﻟﻲ
ﺣﻮﻟﻪ ﻭﻻ ﺣﻈﺖ ﻫﺬﺍ ﺍﻟﺸﻲ ﺍﻭﻝ ﻣﺎ ﺩﺧﻠﻮ ﺍﻟﻤﺠﻤﻊ
ﻛﻞ ﺍﻟﺒﻨﺎﺕ ﺍﻟﻲ ﻳﻤﺮ ﺟﻨﺒﻬﻢ ﻻﺯﻡ ﻳﻨﺎﻇﺮﻭﻧﻪ .. ﺑﺲ ﻏﺮﻭﺭﻫﺎ ﻣﺎ ﺳﻤﺢ
ﻟﻬﺎ ﺗﻌﺘﺮﻑ ﺑﻬﺬﺍ ﺍﻟﺸﻲﺀ
ﺩﻻﻝ ﻭﺣﺒﺖ ﺗﻐﻴﺮ ﺍﻟﻤﻮﺿﻮﻉ : ﺧﻠﻴﻨﺎ ﻧﺘﺴﻮﻕ ﻣﻦ ﺍﻭﻝ ﻣﺎ ﺩﺧﻠﻨﺎ
ﺍﻟﻤﺠﻤﻊ ﻣﺎ ﻭﻃﺖ ﺭﺟﻠﻨﺎ ﺩﺍﺧﻞ ﺃﻱ ﻣﺤﻞ ﻳﺎﻟﻠﻪ ﺗﻌﺎﻟﻲ
ﻧﺪﺧﻞ ﻫﺬﺍ ﺍﻟﻤﺤﻞ ﺍﻟﻲ ﻗﺒﺎﻟﻨﺎ
ﺩﻻﻝ ﻭﺗﻠﺘﻔﺖ ﻋﻠﻰ ﺍﻧﻔﺎﻝ ﺍﻟﻲ ﻣﻦ ﺍﻭﻝ ﻣﺎ ﺩﺧﻠﻮ ﺍﻟﻤﺠﻤﻊ ﻭﻫﻲ ﻋﻠﻰ
ﻫﺬﻱ ﺍﻟﺤﺎﻝ ﻣﺎ ﻏﻴﺮ ﺗﺘﻠﻔﺖ ﻳﻤﻴﻦ ﻭﺷﻤﺎﻝ ﻭﺗﻨﺎﻇﺮ
ﻫﺬﺍ ﻭﺫﺍﻙ : ﺍﻧﻔﺎﻝ ﻋﻤﺮﻱ ﺗﻌﺎﻟﻲ ﻧﺪﺧﻞ ﻫﺬﺍ ﺍﻟﻤﺤﻞ
ﺍﻧﻔﺎﻝ : ﻃﻴﺐ
ﻣﻴﻼﻑ ﻟﻤﺎ ﺷﺎﻓﺖ ﺩﻻﻝ ﻭﻫﻴﺎﻡ ﻭﺍﻧﻔﺎﻝ ﻣﺘﺠﻬﻴﻦ ﻟﻠﻤﺤﻞ ﺍﻟﻲ ﻗﺒﺎﻟﻬﻢ
ﺣﺒﺖ ﺗﻤﺮ ﺟﻨﺒﻬﻢ ﻫﻲ ﻭﻋﻤﻬﺎ
ﻭﻗﺎﻟﺖ ﺑﺼﻮﺕ ﻋﺎﻟﻲ ﻋﻠﺸﺎﻥ ﻳﺴﻤﻌﻮﻥ ﻭﺑﺪﻟﻊ : ﻋﻤﻲ ﺧﻠﻴﻨﺎ ﻧﺪﺧﻞ
ﻫﺬﺍ ﺍﻟﻤﺤﻞ
ﺩﻻﻝ ﻟﻤﺎ ﺷﺎﻓﺖ ﻣﻴﻼﻑ ﺍﺩﺧﻠﺖ ﺍﻟﻤﺤﻞ ﺍﻟﻰ ﻛﺎﻧﺖ ﻧﺎﻭﻳﻪ ﺗﺪﺧﻠﻪ ﻫﻲ
ﻭﺻﺪﻳﻘﺎﺗﻬﺎ ﺍﻧﻘﻬﺮﺕ ﺑﺲ ﺗﻌﻤﺪﺕ ﺍﻥ ﻫﻲ ﺗﺪﺧﻞ ﻭﺭﺍﻫﻢ ﻫﻴﺎﻡ
ﺍﺗﺠﻬﺖ ﻟﺠﻬﺖ ﺍﻟﺒﻨﻄﻮﻟﻮﻧﺎﺕ ﺗﺸﻮﻓﻬﻢ ﺍﻣﺎ ﺩﻻﻝ ﻭﺍﻧﻔﺎﻝ ﺍﺗﺠﻬﻮ ﻟﺠﻬﺖ
ﺍﻟﺒﻼﻳﺰ
ﺍﻧﻔﺎﻝ ﻛﺎﻧﺖ ﺗﺤﺲ ﺑﻀﻴﺎﻉ ﻭﺍﻟﺤﻴﺮﻩ ﻣﺎ ﻓﻲ ﺷﻲﺀ ﻋﺎﺟﺒﻬﺎ ﺍﻭ ﺑﻤﻌﻨﻰ
ﺍﺻﺢ ﻣﺎ ﻫﻲ ﻣﺘﻌﻮﺩﻩ ﻋﻠﻰ ﻫﺬﻱ ﺍﻻﻟﻮﺍﻥ ﺍﻭ ﺍﻟﺤﺮﻛﺎﺕ .. ﻓﻤﺎ ﺣﺒﺖ
ﺗﻌﻠﻖ ﻋﻠﻰ ﺃﻱ ﺷﻲﺀ ﻭﺍﻛﺘﻔﺖ ﺑﻨﻈﺮ ﺑﺲ
ﺩﻻﻝ : ﺍﻧﻔﺎﻝ ﺷﻮﻓﻲ ﻫﺬﻱ ﺍﻟﺒﻠﻮﺯﻩ ﺑﺘﻄﻠﻊ ﺣﻠﻮﻩ ﻋﻠﻴﻚ
ﺍﻧﻔﺎﻝ : ﻭﺍﻟﻠﻪ ..! ﺑﺲ ﻣﺎ ﻛﺎﻥ ﻟﻮﻧﻬﺎ ﻏﺮﻳﺐ ﺷﻮﻱ ﻳﻌﻨﻲ ﺍﻧﺎ ﻣﻮ
ﻣﺘﻌﻮﺩﻩ ﻋﻠﻰ ﻫﺬﻱ ﺍﻻﻟﻮﺍﻥ
ﺩﻻﻝ ﺑﺴﺘﻐﺮﺍﺏ : ﻭﺵ ﻓﻴﻪ ﺍﻟﻠﻮﻥ ﺍﻻﺣﻤﺮ ﻣﻮ ﺣﻠﻮﻭ .. ﻭﺑﻌﺪﻳﻦ ﺍﻧﺘﻲ
ﺗﺠﻬﺰﻳﻦ ﻟﺰﻭﺍﺟﻚ ﻳﻌﻨﻲ ﺍﻟﻤﻔﺮﻭﺽ ﺗﻜﺜﻴﺮﻥ ﻣﻦ
ﻫﺬﻱ ﺍﻻﻟﻮﺍﻥ ﺍﻻﺣﻤﺮ ﺍﻻﺳﻮﺩ ﺍﻟﻮﺭﺩﻱ ﺍﻟﻔﻮﺷﻲ
ﺍﻧﻔﺎﻝ ﺧﺬﺕ ﺍﻟﺒﻠﻮﺯﻩ ﻭﺟﻠﺴﺖ ﺗﻘﻠﺐ ﻓﻴﻬﺎ ﺣﺒﺖ ﺗﺸﻮﻑ ﺳﻌﺮﻫﺎ ..
ﻟﻤﺎ ﻗﺮﺕ ﺍﻟﺴﻌﺮ ﺍﻧﺼﺪﻣﺖ 198 ﻻ ﻣﺴﺘﺤﻴﻞ ﺍﻧﺎ
ﺍﻟﺒﺲ ﺑﻠﻮﺯﻩ ﺑﻬﺬﺍ ﺍﻟﺴﻬﺮ ﻣﺠﻨﻮﻧﻪ .. ﻭﺍﻟﻠﻪ ﺣﺮﺍﻡ .. ﺑﺴﺮﻋﻪ ﺭﺟﻌﺖ
ﺍﻟﺒﻠﻮﺯﻩ ﻣﻜﺎﻧﻬﺎ ﻭﻗﺎﻟﺖ
ﺍﻧﻔﺎﻝ : ﺩﻻﻝ ﺧﻠﻴﻨﺎ ﻧﻐﻴﺮ ﺍﻟﻤﺤﻞ
ﺩﻻﻝ : ﻃﻴﺐ
ﺍﺗﺠﻬﺖ ﺩﻻﻝ ﻭﺍﻧﻔﺎﻝ ﻭﻫﻴﺎﻡ ﺍﻟﻰ ﺟﻬﺖ ﺍﻟﺒﺎﺏ .. ﻃﻼﻝ ﺍﺳﺘﻐﻞ
ﺍﻧﺸﻐﺎﻝ ﻣﻴﻼﻑ ﺑﺎﻟﺒﻼﻳﺰ
ﻃﻼﻝ : ﺍﻧﻔﺎﻝ .. ﻣﺎ ﻋﺠﺒﻚ ﺷﻲﺀ ﻣﻦ ﺍﻟﻤﺤﻞ
ﺍﻧﻔﺎﻝ ﻭﻫﻲ ﺗﻨﺎﻇﺮ ﻋﻤﻬﺎ ﺍﻟﻲ ﻭﺍﻗﻒ ﻋﻠﻰ ﺟﻨﺐ : ﻋﺠﺒﻨﻲ .. ﺑﺲ
ﻣﺪﺭﻱ ﻗﻠﺖ ﻧﺒﻲ ﻧﺸﻮﻑ ﻣﺤﻞ ﺛﺎﻧﻲ
ﻃﻼﻝ : ﺍﻧﻔﺎﻝ ﺗﻌﺎﻟﻲ ﺍﺑﻲ ﺍﻛﻠﻤﻚ
ﺩﻻﻝ ﻭﻫﻴﺎﻡ ﺍﻓﻬﻤﻮ ﺍﻥ ﻫﻮ ﻳﺒﻲ ﻳﻜﻠﻤﻬﺎ ﻋﻠﻰ ﺍﻧﻔﺮﺍﺩ ﻭﻣﺎ ﻳﺒﻴﻬﻢ
ﻳﺴﻤﻌﻮﻥ
ﺩﻻﻝ ﻭﺗﻮﺟﻪ ﻛﻼﻣﻬﺎ ﻻﻧﻔﺎﻝ : ﻫﻨﺎ ﻧﺴﺘﻨﺎﻛﻲ ﺑﺮﻯ ﺍﻟﻤﺤﻞ
ﺍﻧﻔﺎﻝ ﻭﻫﻲ ﻣﺎﺷﻴﻪ ﻣﻦ ﺟﻨﺒﻬﻢ : ﻃﻴﺐ
ﻟﻤﺎ ﻗﺮﺑﺖ ﻣﻦ ﻋﻤﻬﺎ ﻭﻗﻔﺖ ﺟﻨﺒﻪ
ﻃﻼﻝ ﺑﺒﻨﺴﺎﻣﻪ : ﺍﻧﻔﺎﻝ ﻣﺤﺘﺎﺟﻪ ﻓﻠﻮﺱ .. ﺍﺫﺍ ﻣﺤﺘﺎﺟﻪ ﻻ ﺗﺴﺘﺤﻴﻦ
ﻭﺍﻧﺎ ﻋﻤﻚ
ﺍﻧﻔﺎﻝ ﺑﺒﺘﺴﺎﻣﻪ ﻣﻦ ﺗﺤﺖ ﺑﺮﻗﻌﻬﺎ : ﻻ ﻣﺸﻜﻮﺭ ﻋﻤﻲ ﻗﺒﻞ ﻻ ﺍﻃﻠﻊ
ﻣﻦ ﺍﻟﺒﻴﺖ ﺍﺑﻮﻱ ﻋﻄﺎﻧﻲ
ﻃﻼﻝ ﺑﺒﺘﺴﺎﻣﻪ : ﺍﺫﺍ ﻣﺤﺘﺎﺟﻪ ﺯﻭﺩ ﻻ ﻳﺮﺩﻙ ﺍﻻ ﻟﺴﺎﻧﻚ .. ﻭﻻ
ﺗﺒﺨﻠﻴﻦ ﻋﻠﻰ ﻧﻔﺴﻚ ﺍﺷﺘﺮﻱ ﻛﻞ ﺍﻟﻲ ﺧﺎﻃﺮﻙ ﻓﻴﻪ
ﺍﻧﻔﺎﻝ ﻣﺎ ﺣﺒﺖ ﺗﻘﻮﻟﻪ ﺍﻧﻬﺎ ﻣﻨﺼﺪﻣﻪ ﻣﻦ ﺍﻻﺳﻌﺎﺭ ﻳﻤﻜﻦ ﻫﺬﺍ ﺍﻟﻤﺤﻞ
ﺍﻟﻮﺣﻴﺪ ﺍﻟﻐﺎﻟﻲ ﻳﻤﻜﻦ ﺍﻟﻤﺤﻼﺕ ﺍﻟﺜﺎﻧﻴﻪ ﺍﺭﺧﺺ
ﻣﺎ ﺗﺒﻲ ﺗﺤﻜﻢ ﻣﻦ ﺍﻭﻝ ﻣﺤﻞ ﺗﺪﺧﻠﻪ : ﺍﻥ ﺷﺄﻟﻠﻪ .. ﻳﺎﻟﻠﻪ ﺗﺒﻲ ﺷﻲﺀ
ﻋﻤﻲ ﺑﺮﻭﺡ ﻟﺼﺪﻳﻘﺎﺗﻲ ﻳﺴﺘﻨﻮﻧﻲ ﺑﺮﻯ
ﻃﻼﻝ : ﻻ ﻣﺎ ﺍﺑﻲ ﺍﻻ ﺳﻼﻣﺘﻚ
ﺍﻧﻔﺎﻝ ﺍﻃﻠﻌﺖ ﺑﺮﻯ ﻭﺷﺎﻓﺖ ﺻﺪﻗﺎﺗﻬﺎ ﻳﻨﺘﻈﺮﻭﻧﻬﺎ ﺭﺍﺣﺖ ﺟﻨﺒﻬﻢ
ﺍﻧﻔﺎﻝ : ﻳﺎﻟﻠﻪ ﺍﻟﺤﻴﻦ ﻧﺪﺧﻞ ﺃﻱ ﻣﺤﻞ
ﺩﻻﻝ ﺑﻠﻘﺎﻓﻪ : ﺍﻧﻔﺎﻝ ﻭﺵ ﻛﺎﻥ ﻳﺒﻲ ﻣﻨﻚ ﻋﻤﻚ ﻃﻼﻝ
ﺍﻧﻔﺎﻝ ﺑﺒﺘﺴﺎﻣﻪ : ﻳﻘﻮﻟﻲ ﺍﺫﺍ ﻣﺤﺘﺎﺟﻪ ﻓﻠﻮﺱ ﻗﻮﻝ ﻟﻲ ﻻ ﺗﺴﺘﺤﻴﻦ
ﻗﻠﺖ ﻟﻪ ﻻ ﻣﺸﻜﻮﺭ ﺍﺑﻮﻱ ﻋﻄﺎﻧﻲ
ﻫﻴﺎﻡ ﺍﻧﺎ ﺍﻗﻮﻝ ﻫﺬﺍ ﺍﻟﻌﻢ ﻧﺎﺩﺭ ﺍﻟﻮﺟﻮﺩ .. ﺍﻧﺎ ﻟﻮ ﻣﻦ ﺍﻧﻔﺎﻝ ﻛﺎﻥ ﺍﺧﺬ
ﻣﻨﻪ ﺯﻳﺎﺩﺓ ﺍﻟﺨﻴﺮ ﺧﻴﺮﻳﻦ
ﻫﻴﺎﻡ ﻭﻫﻲ ﺗﻨﺎﻇﺮ ﺍﻟﺴﺎﻋﻪ : ﻳﺎﻟﻠﻪ ﺗﺎﺧﺮ ﺍﻟﻮﻗﺖ ﻣﺎ ﻧﺒﻲ ﻧﻄﻮﻝ .. ﻟﻮ
ﻃﻮﻟﺖ ﻋﺮﻓﻮ ﺍﻥ ﻣﻮﺗﻲ ﻭﺍﻗﻊ ﻻ ﻣﺤﺎﻝ ﻫﺬﻱ ﺍﻟﻤﺮﻩ
ﺍﻧﻔﺎﻝ ﻭﺗﻨﺎﻇﺮ ﺍﻟﺴﺎﻋﻪ : ﺗﻮ ﺍﻟﻨﺎﺱ ﻣﺎ ﺻﺎﺭ ﻟﻨﺎ ﺳﺎﻋﻪ ﻣﻦ ﻭﺻﻠﻨﺎ
ﺩﻻﻝ ﻭﻫﻲ ﺗﺴﺘﻌﺠﻠﻬﻢ : ﻳﺎﻟﻠﻪ ﺧﻠﻴﻨﺎ ﻧﺪﺧﻞ ﻫﺬﺍ ﺍﻟﻤﺤﻞ .. ﻭﺑﻌﺪﻳﻦ
ﺍﻧﺎ ﺑﺪﻕ ﻋﻠﻰ ﺍﻟﺴﻮﺍﻕ ﻳﺠﻲ ﻳﺎﺧﺬﻧﻲ ﺍﻧﺎ ﻭﻫﻴﺎﻡ
ﺍﻧﻔﺎﻝ ﺑﺰﻋﻞ : ﻟﻴﻪ
ﺩﻻﻝ ﻭﻫﻲ ﺗﺪﺧﻞ ﺍﻟﻤﺤﻞ : ﺍﻭﻝ ﻫﻴﺎﻡ ﻣﺎ ﺗﻘﺪﺭ ﺗﺘﺎﺧﺮ ﻋﻦ ﺍﻟﺴﺎﻋﻪ
11 ﻭﺩﺍﻡ ﺍﻥ ﻣﻌﻨﺎ ﺍﻟﻠﻴﻔﻪ ﺍﻟﻤﻌﻔﻨﻪ ﻣﻴﻼﻑ ﻋﺮﻓﻲ
ﺍﻥ ﺑﻨﺘﺄﺧﺮ .. ﻭﺛﺎﻧﻴﺎ ﺍﺧﻮﻱ ﺍﻟﻴﻮﻡ ﻣﺤﻈﺮ ﻟﻲ ﻣﻔﺎﺟﺎﻩ ﻋﻠﻰ ﺍﻟﺴﺎﻋﻪ
12 ﻭﻧﺺ
ﻫﻴﺎﻡ ﺑﻔﻀﻮﻝ : ﻭﺵ ﻫﻲ ﺍﻟﻤﻔﺎﺟﺄﻩ
ﺩﻻﻝ : ﻭﺍﻟﻠﻪ ﻣﺪﺭﻱ ﺍﺫﺍ ﻋﺮﻓﺖ ﺭﺍﺡ ﺍﺩﻕ ﻋﻠﻴﻚ
ﺍﻧﻔﺎﻝ : ﺩﻟﻮﻝ ﻣﺎ ﻛﻠﻤﺘﻲ ﺳﺠﻰ .. ﻭﺗﻄﻤﻨﺘﻲ ﻋﻠﻴﻬﺎ
ﺩﻻﻝ : ﻻ ﻭﺍﻟﻠﻪ ﻣﻦ ﻛﻠﻤﺘﻬﺎ ﻗﺒﻞ ﻻ ﺗﺴﺎﻓﺮ ﺑﻴﻮﻡ ﻣﺎ ﻛﻠﻤﺘﻬﺎ .. ﺍﻛﻴﺪ
ﺍﻟﺤﻴﻦ ﺗﺤﺼﻠﻴﻨﻬﺎ ﻣﺒﺴﻮﻃﻪ ﻋﻠﻰ ﺍﻻﺧﺮ ﻭﻣﺎ ﻫﻲ ﻓﺎﺿﻴﻪ ﻟﻨﺎ .. ﻭﺍﻧﺎ
ﺑﺼﺮﺍﺣﻪ ﺍﺳﺘﺤﻲ ﺍﺩﻕ ﻋﻠﻴﻬﺎ ﺍﺧﺎﻑ ﺍﺧﺮﺏ ﻋﻠﻴﻬﻢ ﺍﻟﺠﻮ ﻭﺍﻟﻔﺮﺡ
.
.
ﻓـــــــﻲ ﺍﻟﺮﻳﺎﺽ .. ﻭﺗﺤﺪﻳﺪﺍ ﻓﻲ ﺍﻟﻤﺴﺘﺸﻔﻰ ..
ﻓﻲ ﺍﺣﺪ ﻏﺮﻑ ﺍﻟﻤﺴﺘﺸﻔﻰ .. ﻛﺎﻥ ﻳﺮﺳﻢ ﺍﻟﺤﺰﻥ ﻭﺍﻻﻟﻢ ﺷﻌﺎﺭﺍﺗﻪ
ﺍﻟﻘﺎﺗﻠﻪ ﻋﻠﻰ ﺟﺪﺭﺍﻥ ﺍﻟﻐﺮﻓﻪ ﻭﺍﺛﺎﺛﻬﺎ ﻭﻳﻌﺰﻑ ﺳﻨﻔﻮﻧﻴﺘﻪ ﺍﻟﺘﻲ ﺗﻘﺘﻞ
ﺑﺒﻄﺄ ..
ﻛﺎﻥ ﺟﺴﺪ ﻋﻠﻴﺎ ﻣﻤﺪﺩ ﻋﻠﻰ ﺍﻟﺴﺮﻳﺮ ﺑﺎﻃﺮﺍﻓﺎ ﺑﺎﺭﺩﻩ ﻣﺒﻠﻞ ﺑﻘﻄﺮﺍﺕ
ﺍﻟﻌﺮﻕ ﺍﻟﺘﻲ ﺗﻨﺰﻝ ﻣﻦ ﻓﻮﺭﺕ ﺭﺍﺳﻬﺎ ﺣﺘﻰ ﺭﻗﺒﺘﻬﺎ
ﺍﺭﺗﺴﻤﻰ ﺍﻟﺴﻮﺍﺩ ﺗﺤﺖ ﻋﻴﻨﻴﻬﺎ ﻭﺟﻔﺖ ﺷﻔﺘﻬﺎ ﻣﻦ ﻛﺜﺮ ﺍﻟﺼﺮﺍﺥ
ﻭﺍﻻﻟﻢ .. ﻟﻢ ﺗﻬﺪ ﺍﻟﻰ ﺑﻤﻨﺬﻭ ﻗﻠﻴﻞ
ﻛﺎﻥ ﻋﻠﻰ ﻳﻤﻴﻦ ﺍﻟﺴﺮﻳﺮ ﻛﺮﺳﻲ ﺣﻤﻞ ﺍﻧﺴﺎﻧﻪ ﻣﻦ ﻛﺜﺮ ﺩﻣﻮﻋﻬﺎ
ﺍﺻﺒﺤﺖ ﺗﺠﺎﺭﻱ ﻋﻠﻴﺎ .. ﻟﻴﺲ ﻟﺪﻣﻮﻋﻬﺎ ﻧﻬﺎﻳﻪ ﻣﻦ
ﻟﺤﻈﺖ ﻣﺎ ﺍﻏﻤﻰ ﻋﻠﻰ ﻋﻠﻴﺎ .. ﻭﻫﻲ ﺗﺸﻌﺮ ﺑﺎﻟﻮﺣﺪﻩ .. ﻟﻢ ﻳﻀﻌﻬﺎ
ﺍﻟﻘﺪﺭ ﻳﻮﻣﺎ ﺑﻤﺜﻞ ﻫﺬﻱ ﺍﻟﻤﻮﺍﻗﻒ ﺍﻟﺼﻌﺒﻪ ﺍﻟﺘﻲ
ﺗﺤﺘﺎﺝ ﺍﻟﻰ ﺟﻬﺪ ﻛﺒﻴﺮ ﻟﺘﺤﺎﻓﻆ ﻋﻠﻰ ﻣﺎ ﺗﺒﻘﻰ ﻣﻦ ﻗﻮﺗﻬﺎ .. ﺗﺤﺴﺐ
ﺍﻟﺪﻗﺎﺋﻖ ﺍﻟﺘﻲ ﺗﻌﻴﺸﻬﺎ ﻛﺎﻧﻬﺎ ﺳﺎﻋﺎﺕ .. ﺗﺘﺮﻏﺐ
ﺩﺧﻮﻝ ﺍﺣﺪﺍ ﻣﻦ ﻫﺬﺍ ﺍﻟﺒﺎﺏ ﻏﻴﺮ ﺍﻟﻤﻤﺮﺿﺎﺕ .. ﺍﺷﺘﺎﻗﺖ ﺍﻟﻰ
ﻋﺒﺪﺍﻟﺮﺣﻤﻦ .. ﺍﺷﺘﺎﻗﺖ ﺍﻟﻰ ﻋﺎﻟﻤﻬﺎ ﺍﻟﺨﺎﺹ
ﻭﻓﻲ ﻧﻔﺲ ﺍﻟﻮﻗﺖ ﺣﺰﻧﻬﺎ ﻋﻠﻰ ﻣﺎ ﺣﻞ ﺑﻌﻤﺘﻬﺎ ﻳﻤﻨﻌﻬﺎ ﻣﻦ ﺍﻟﺘﻔﻜﻴﺮ
ﻓﻲ ﻏﻴﺮ ﺍﺟﻮﺍﺀ ﻫﺬﻩ ﺍﻟﻐﺮﻓﻪ
ﻓﺠﺄﻩ .. ﻳﺮﺣﻞ ﺻﻤﺖ ﺍﻟﻐﺮﻓﻪ ﻟﺘﺤﻞ ﻣﻜﺎﻧﻪ ﺻﺮﺧﺎﺗﺎ ﻋﻠﻴﺎ ﺍﻟﻌﺎﻟﻴﻪ
ﻋﻠﻴﺎ ﺍﺻﺒﺢ ﺟﺴﺪﻫﺎ ﻳﺮﺗﺠﻒ ﻭﻋﻴﻨﺎﻫﺎ ﻛﺎﻧﻬﺎ ﺟﻤﺮﺍ ﻣﺸﺘﻌﻞ .. ﺟﺴﺪﺍ
ﺑﻼ ﺭﻭﺡ ﻭﻻ ﻭﻋﻲ
ﻋﻠﻴﺎ ﺗﻜﻮﺭﺕ ﻓﻲ ﺍﻟﺴﺮﻳﺮ ﺑﺨﻮﻑ ﻭﻫﻲ ﺗﺮﺗﺠﻒ ﺑﺨﻮﻑ ﺿﻤﺖ ﺭﺟﻠﻬﺎ
ﺑﺬﺭﺍﻋﻴﻬﺎ ﺑﻘﻮﻩ
ﻋﻠﻴﺎ ﺑﺼﻮﺕ ﻳﺮﺗﺠﻒ : ﺧﻠﻮﻩ ﻳﺒﻌﺪ ﻋﻨﻲ ﻻﻻﻻﺍﺍﺍﺍﺍﺍﺍﺍﺍﺍﺍﺍﺍﺍ ﻻﺍﺍﺍﺍ
ﺗﻀﺮﺑﻨﻲ .. ﺍﻗﻮﻟﻚ ﻻ ﺗﻠﻤﺴﻨﻲ ﻻﺍﺍﺍﺍﺍﺍﺍﺍ ﺗﻠﻤﺴﻨﻲ
ﻭﺑﺪﻯ ﺻﻮﺕ ﺿﺮﺧﺎﺗﻬﺎ ﺗﻌﻠﻰ ﺑﻜﻠﻤﺎﺕ ﻏﻴﺮ ﻣﻔﻬﻮﻣﻪ
ﺳﺠﻰ ﻗﺎﻣﺖ ﻣﻦ ﺍﻟﻜﺮﺳﻲ ﻣﺬﻋﻮﺭﻩ ﻭﺗﺴﻨﺪﺕ ﻋﻠﻰ ﺍﻟﺠﺪﺍﺭ ﻣﻦ ﺧﻠﻔﻬﺎ
ﻭﺯﺍﺩ ﺑﻜﺎﺋﻬﺎ ﻭﺷﻞ ﺗﻔﻜﻴﺮﻫﺎ ﻋﻨﺪﻣﺎ ﺭﺍﺕ ﻋﻤﺘﻬﺎ ﻋﻠﻴﺎ ﻻﻭﻝ ﻣﺮﻩ ﻓﻲ
ﻣﺜﻞ ﻫﺬﻱ ﺍﻟﺤﺎﻻﺕ .. ﻻ ﺗﺪﺭﻱ ﺍﻳﻦ ﺗﺬﻫﺐ ﻭﻻ ﻛﻴﻒ ﺗﺘﺼﺮﻑ ..
ﻫﻞ ﺍﻗﺘﺮﺏ ﻣﻨﻬﺎ ﺍﻭ ﺍﺿﻞ ﺳﺎﻛﻨﻪ ﺭﺑﻤﺎ ﺗﻬﺪﺀ
ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ ﻣﻤﺮﺿﺘﺎﻥ ﺑﺴﺮﻋﻪ
ﺍﻻﻭﻻ ﺍﺧﺬﺕ ﺗﻬﺪﺀ ﻋﻠﻴﺎ .. ﻭﺍﻟﺜﺎﻧﻴﻪ ﺗﺠﻬﺰ ﺍﻻﺑﺮﻩ ﺍﻟﻤﻬﺪﺀﻩ .. ﻋﻨﺪﻣﺎ
ﺧﺮﺟﺘﺎ ﻋﺎﺩ ﺍﻟﺤﺰﻥ ﻳﻌﺰﻑ ﺳﻨﻔﻮﻧﻴﺘﻪ ﺑﺒﻄﺄ
ﺳﺠﻰ ﺑﺨﻮﻑ ﺟﻠﺴﺖ ﻣﺮﻩ ﺍﺧﺮ ﻋﻠﻰ ﺍﻟﻜﺮﺳﻲ ﻭﻫﻲ ﺗﺘﺎﻣﻞ ﻣﻼﻣﺢ
ﻋﻤﺘﻬﺎ ﻋﻠﻴﺎ
ﺍﺧﺮﺟﺖ ﻣﻦ ﺣﻘﺒﺘﻬﺎ ﺩﻓﺘﺮ ﻣﺬﻛﺮﺍﺗﻬﺎ .. ﻟﻌﻞ ﻟﻬﻮ ﻳﺴﺎﻋﺪﻫﺎ ﻓﻲ
ﺗﻔﺮﻳﻖ ﻣﺎ ﺑﺪﺍﺧﻠﻬﺎ
ﻭﺑﺪﺍﺕ ﺑﺎﻟﻜﺘﺎﺑﻪ ..
ﻟﻢ ﺍﺟﺘﻤﻊ ﻳﻮﻣﺎ ﻣﻌﻬﺎ ﻋﻠﻰ ﺍﻧﻔﺮﺍﺩ .. ﻭﻟﻢ ﺍﺭﻫﺎ ﺍﻻ ﻓﻲ ﺍﻟﻤﻨﺎﺳﺒﺎﺕ ..
ﻟﻴﺲ ﺗﺠﺎﻫﻼ ﻣﻨﻲ ﻟﻜﻨﻲ ﻛﻨﺖ ﺍﺧﺠﻞ ﻣﻨﻬﺎ ﻟﻦ
ﺍﻋﺮﻑ ﻳﻮﻣﺎ ﺍﻭ ﺍﺣﺎﻭﻝ ﺍﻥ ﺍﻛﺘﺸﻒ ﻛﻴﻒ ﻛﺎﻧﺖ ﺣﻴﺎﺗﻬﺎ .. ﻛﻨﺘﻮ
ﺍﻛﺘﻔﻲ ﺑﻤﺎ ﻳﻘﻮﻟﻪ ﺍﻟﻨﺎﺱ ﻋﻨﻬﺎ .. ﻭﻫﺬﺍ ﻳﻜﻔﻲ ﻻﺑﺘﻌﺪ
ﻛﺜﻴﺮﺍ ﻋﻨﻬﺎ .. ﻛﻨﺖ ﺍﺧﺠﻞ ﺍﻥ ﺍﺧﺒﺮ ﺻﺪﻳﻘﺎﺗﻲ ﻋﻨﻬﺎ .. ﺍﺫﻛﺮ ﻋﻨﺪﻣﺎ
ﻛﺎﻧﺖ ﻓﻲ ﺍﻟﻤﺮﺣﻠﺖ ﺍﻟﻤﺘﻮﺳﻂ ﺟﺄﺕ ﺍﻟﻲ ﻓﺘﺎﻩ
ﻭﺳﺄﻟﺘﻨﻲ ﻣﺎ ﺫﺍ ﺗﻘﺮﺏ ﻟﻚ ﻋﻠﻴﺎ ﺍﻟﻔﻼﻥ ﺍﻟﻔﻼﻧﻲ .. ﺍﻧﻜﺮﺗﻮ ﻗﺮﺍﺑﺘﻬﺎ ﻟﻲ
.. ﻗﺘﻠﻨﻲ ﻓﻀﻮﻟﻲ ﻓﺒﺎﺩﺭﺗﻮ ﻓﻲ ﺳﺆﺍﻟﻬﺎ ﻟﻤﺎﺫﺍ
ﺗﺴﺄﻟﻴﻨﻲ .. ﻗﺎﻟﺖ ﺍﻥ ﻫﻲ ﺯﻭﺟﺔ ﺍﺣﺪ ﺍﻗﺮﺑﺎﺋﻬﺎ ﻭﻃﻠﻘﻬﺎ ﻻﻧﻬﺎ ﻣﺠﻨﻮﻧﻪ
ﻭﻗﺎﻣﺖ ﺑﻀﺮﺑﻪ ﻭﺍﻧﺎ ﻫﻲ ﺗﻜﺮﻩ ﺍﻟﺮﺟﺎﻝ .. ﺣﻤﺪﺕ
ﺭﺑﻲ ﻟﺤﻈﺘﻬﺎ ﺍﻧﻲ ﻟﻢ ﺍﺧﺒﺮﻫﺎ ﺑﺎﻧﻬﺎ ﻋﻤﺘﻲ .. ﺣﺘﻰ ﺻﺪﻳﻘﺘﻲ ﺍﻟﻤﻘﺮﺑﻪ
ﺩﻻﻝ ﻟﻢ ﺍﺧﺒﺮﻫﺎ ﻳﻮﻣﺎ ﺑﻤﺎ ﺗﻌﺎﻧﻴﻪ ﻋﻤﺘﻲ ﻋﻠﻴﺎ
ﻻ ﺍﺩﺭﻱ ﻟﻤﺎﺫﺍ ﺍﺧﺠﻞ ﻣﻦ ﺍﻟﺠﻠﻮﺱ ﻣﻌﻬﺎ .. ﻭﻫﺬﺍ ﻫﻮ ﺍﻟﻘﺪﺭ ﻳﺴﺨﺮ
ﻣﻨﻲ ﻭﻳﺤﺘﺠﺰﻧﻲ ﻓﻲ ﻏﺮﻓﻪ ﻣﻌﻬﺎ ﻭﻓﻲ ﺍﻟﺠﺰﺀ
ﺍﻟﻤﻈﻠﻢ ﻣﻦ ﺣﻴﺎﺗﻬﺎ .. ﻟﻲ ﺍﺭﺍﻯ ﺑﻌﻴﻨﻲ ﺳﺒﺐ ﺧﺠﻠﻲ ﻣﻨﻬﺎ .. ﺍﻟﻴﺲ
ﻣﻦ ﺍﻟﻌﻴﺐ ﺍﻥ ﺍﻧﻜﺮ ﻗﺮﺍﺑﺘﻲ ﺍﻟﻴﺲ ﻣﻦ ﺍﻟﻌﻴﺐ ﺍﻥ
ﺍﺗﺠﺮﺩ ﻣﻦ ﺩﻣﻲ .. ﻻ ﻻ ﺍﻧﺎ ﻟﻦ ﺍﺧﺠﻞ ﺑﻌﺪ ﺍﻟﻴﻮﻡ .. ﻓﺎﻥ ﻋﻤﺘﻲ
ﺑﺎﻣﺲ ﺍﻟﺤﺎﺟﻪ ﻟﻲ .. ﻭﺍﻧﺎ ﺍﻻﻥ ﺑﺎﻣﺲ ﺍﻟﺤﺎﺟﻪ ﺍﻻ ﻣﻦ
ﺍﺗﻤﻨﻰ ﺍﻥ ﺍﺭﺍﻩ ﻳﺪﺧﻞ ﻣﻦ ﻫﺬﺍ ﺍﻟﺒﺎﺏ ..
ﻓــﻲ ﻫﺬﻱ ﺍﻟﺤﻈﻪ ﺩﺧﻞ ﻭﺍﻓﻲ ﻭﻋﺒﺪﺍﻟﺮﺣﻤﻦ ﻭﺣﻤﺪ ﺍﻟﻐﺮﻓﻪ ..
ﻭﺭﺃﻳﺘﻬﻢ ﺍﻋﺎﺩ ﺟﺰﺀ ﻣﻦ ﺭﻭﺡ ﺳﺠﻰ
ﺳﺠﻰ ﻭﻫﻲ ﻗﺎﻳﻤﻪ : ﻋﻤﻲ ﻭﺍﻓﻲ ﺍﻧﺖ ﺟﻴﺖ .. ﻛﻴﻒ
ﻭﺍﻓﻲ ﻣﺎ ﺭﺩ ﻋﻠﻰ ﺳﺆﺍﻟﻬﺎ ﻭﻋﻠﻰ ﻃﻮﻝ ﺭﺍﺡ ﺟﻨﺐ ﺍﻟﺴﺮﻳﺮ : ﻛﻴﻒ
ﺣﺎﻟﻬﺎ ﺍﻟﺤﻴﻦ
ﺳﺠﻰ ﺑﺤﺰﻥ : ﺗﻮﻩ ﻣﻦ ﺍﺷﻮﻱ ﺍﺿﺮﺑﻮﻫﺎ ﺍﺑﺮﺕ ﻣﻬﺪﺀ
ﻭﺍﻓﻲ ﻭﻫﻮ ﻳﺪﺍﻋﺐ ﺧﺼﻼﺍﺕ ﺷﻌﺮ ﻋﻠﻴﺎ ﺍﻟﻤﺒﻠﻪ ﺑﺎﻟﻌﺮﻕ ﺑﺎﻃﺮﺍﻑ
ﺍﺻﺎﺑﻌﻪ : ﺟﺴﻤﻬﺎ ﺳﺎﺧﻦ
ﻋﺒﺪﺍﻟﺮﺣﻤﻦ ﻟﻤﺎ ﺷﺎﻑ ﻋﻠﻴﺎ ﺣﺲ ﺑﺬﻧﺐ ﻻﻥ ﻫﻮ ﺍﻟﻲ ﺟﺎﺑﻬﻢ ﻣﻦ
ﺍﻟﺸﺮﻗﻴﻪ ﺍﻟﻰ ﺍﻟﺮﻳﺎﺽ ﻳﻌﻨﻲ ﻟﻮ ﻣﺎ ﺟﺎﺑﻬﻢ ﻛﺎﻥ
ﻣﺎ ﺻﺎﺭ ﺍﻟﻲ ﺻﺎﺭ .. ﻭﺣﻤﺪ ﻟﻤﺎ ﺷﺎﻓﻬﺎ ﺍﺳﺘﻐﺮﺏ ﺣﻴﻞ ﺫﺑﻼﻧﻪ
ﻭﺍﻓﻲ ﻃﺒﻊ ﻗﺒﻠﻪ ﻋﻠﻰ ﺟﺒﻴﻦ ﻋﻠﻴﺎ ﻭﺟﻠﺲ ﺟﻨﺒﻬﺎ ﻋﻠﻰ ﺍﻟﺴﺮﻳﺮ ..
ﻭﺑﺪﻯ ﻳﻘﺮﺍ ﻋﻠﻴﻬﺎ ﺍﻳﺎﺕ ﻗﺮﺍﻧﻴﻪ
ﺳﺠﻰ ﺗﻔﺎﺟﺄﺕ ﻣﻦ ﺣﻨﻴﻦ ﻋﻤﻬﺎ ﻭﺍﻓﻲ .. ﻣﺎ ﻣﺮﻩ ﺍﺟﺘﻤﻌﺖ ﻣﻌﻪ
ﺑﻤﻮﻗﻒ ﻓﻴﻪ ﻟﻄﻒ ﻭﺣﻨﻴﻪ ﺩﺍﺋﻤﺎ ﺗﺸﻮﻑ ﺍﻟﺠﺎﻧﺐ
ﺍﻟﻤﺘﻬﻮﺭ ﻭﺍﻻﻧﺪﻓﺎﻋﻲ ﻣﻦ ﻋﻤﻬﺎ ﻭﺍﻓﻲ .. ﻓﻲ ﻟﺤﻈﺘﻬﺎ ﺗﻤﻨﺖ ﺗﻜﻮﻥ
ﻫﻲ ﺍﻟﻤﺮﻳﻀﻪ ﻭﻋﻤﻬﺎ ﻭﺍﻓﻲ ﻳﺠﻠﺲ ﺟﻨﺒﻬﺎ
ﻭﺭﺍﻋﻴﻬﺎ .. ﻭﻳﻘﺮﺍ ﻋﻠﻴﻬﺎ ﻭﺳﻢ ﻋﻠﻴﻬﺎ
ﻭﺍﻓﻲ ﻟﻤﺎ ﻗﺮﺍ ﻗﺮﺍﻥ ﺭﻓﻊ ﺭﺍﺳﻪ : ﺍﻗﻮﻝ ﻋﺒﺪﺍﻟﺮﺣﻤﻦ ﻗﻢ ﻭﺻﻠﻨﻲ
ﺍﻟﻤﻄﺎﺭ
ﻋﺒﺪﺍﻟﺮﺣﻤﻦ ﻣﺘﻔﺎﺟﺄ : ﻟﻴﻪ
ﻭﺍﻓﻲ : ﻳﻌﻨﻲ ﻟﻴﻪ ﺑﺘﻌﺸﻰ ﻫﻨﺎ ﻣﺜﻼ .. ﺑﺮﺟﻊ ﺍﻟﺸﺮﻗﻴﻪ ﺑﻜﺮﻩ ﻋﻨﺪﻱ
ﺩﻭﺍﻡ
ﻋﺒﺪﺍﻟﺮﺣﻤﻦ : ﻟﻴﻪ ﻣﺎ ﺗﻈﻞ ﺍﻟﻰ ﺑﻜﺮﻩ ﻭﺍﺭﺟﻊ ﻣﻌﻨﺎ
ﻭﺍﻓﻲ : ﻻ ﺍﻧﺎ ﻣﺎ ﺍﺑﻲ ﻋﻠﻴﺎ ﺗﺼﺤﻰ ﻭﺗﺸﻮﻓﻨﻲ .. ﻭﺑﻌﺪﻳﻦ ﺍﻧﺎ ﻣﺎ
ﺧﺬﻳﺖ ﺍﺟﺎﺯﻩ ﻣﻦ ﺍﻟﻌﻤﻞ ﻳﻌﻨﻲ ﻻﺯﻡ ﺍﺭﺟﻊ ﺍﺩﺍﻭﻡ
ﻋﺒﺪﺍﻟﺮﺣﻤﻦ : ﻃﻴﺐ ﻓﻲ ﺭﺣﻠﻪ ﺍﻟﺤﻴﻦ
ﻭﺍﻓﻲ : ﻣﺪﺭﻱ ﺑﺲ ﻛﺄﻥ ﻓﻲ .. ﻭﺣﺘﻰ ﻟﻮ ﻣﺎ ﻓﻲ ﺑﺨﻠﻴﻬﻢ ﻳﺪﺑﺮﻭﻥ
ﻟﻲ ﺻﺎﺭﻭﺥ ﺍﻭ ﻏﻮﺍﺻﻪ ﺑﺮﻳﻪ ﺍﻟﻤﻬﻢ ﺍﺭﺟﻊ
ﻋﺒﺪﺍﻟﺮﺣﻤﻦ ﺑﺒﺘﺴﺎﻣﻪ : ﻃﻴﺐ ﻳﺎﻟﻠﻪ ﻗﻢ .. ﺍﻭﺻﻠﻚ ﺑﺴﺮﻋﻪ ﻭﺍﺭﺟﻊ
ﻭﺍﻓﻲ ﻭﻫﻮ ﻳﻨﺎﻇﺮ ﺳﺠﻰ : ﻣﺸﻜﻮﺭﻩ .. ﻣﺎ ﺍﻧﺘﻈﺮ ﻣﻨﻬﺎ ﺭﺩ ﻭﻣﺸﻰ
ﻟﻤﺎ ﻃﻠﻌﻮ ﻋﺒﺪﺍﻟﺮﺣﻤﻦ ﻭ ﻭﺍﻓﻲ .. ﻗﺎﻣﺖ ﺳﺠﻰ ﻭﺟﻠﺴﺖ ﺟﻨﺐ
ﺍﺧﻮﻫﺎ ﺣﻤﺪ
ﺳﺠﻰ : ﺣﻤﺪ ﻋﻤﻲ ﻭﺍﻓﻲ ﻣﺘﻰ ﺟﺎ
ﺣﻤﺪ : ﺟﺎ ﻭﻳﺎﺭﻳﺘﻪ ﻣﺎ ﺟﺎ ﺍﻧﺎ ﻗﺎﻳﻞ ﺍﻧﺘﻮ ﻋﺎﻳﻠﻪ ﺑﺘﺒﺮﻯ ﻣﻨﻬﺎ ﺩﺍﻡ
ﻋﻤﻚ ﻣﻨﻬﺎ .. ﻓﻲ ﻛﻞ ﺍﻟﻤﻮﺍﻗﻒ ﺗﺸﻮﻓﻴﻨﻪ ﺭﺍﺯ ﻓﻴﺴﻪ
ﺣﺘﻰ ﻟﻮ ﻫﻮ ﻓﻲ ﺍﻟﻘﻄﺐ ﺍﻟﺠﻨﻮﺑﻲ ﻭﺍﻧﺖ ﻓﻲ ﺍﻟﻘﻄﺐ ﺍﻟﺸﻤﺎﻟﻲ
ﻳﺠﻴﻠﻚ ﺭﻛﺾ
ﺳﺠﻰ : ﻟﻴﻪ ﻃﻴﺐ ﻭﺵ ﺳﻮﻯ ﻟﻚ
ﺣﻤﺪ : ﺑﻌﺪ ﺍﻟﻀﺮﺏ ﻭﺗﻜﺴﻴﺮ ﺍﻟﻌﻈﺎﻡ .. ﻳﺠﻲ ﻋﻤﻚ ﻭﺍﻓﻲ ﺑﻜﻞ
ﺑﺴﺎﻃﻪ ﻭﺑﺒﺘﺴﺎﻣﻪ ﻳﻨﻬﻲ ﻛﻞ ﺷﻲﺀ ﻭﻳﻤﺸﻲ
ﻭﺍﻟﻠﻪ ﻟﻠﺤﻴﻦ ﻣﻘﻬﻮﺭ ﻣﻦ ﻋﻤﻚ .. ﻃﻴﺐ ﻗﻮﻝ ﻟﻲ ﺷﺨﺒﺎﺭ ﻋﻤﺘﻲ ﻋﻠﻴﺎ
ﺳﺠﻰ ﺑﺘﻨﻬﻴﺪﻩ : ﻫﺬﺍ ﻫﻮ ﺣﺎﻟﻬﺎ
.
.
ﻓـــﻲ ﺍﻟﺸﺮﻗﻴﻪ .. ﻭﺗﺤﺪﻳﺪﺍ ﻓﻲ ﻣﺠﻤﻊ ﺍﻟﻈﻬﺮﺍﻥ
ﻓﻲ ﻣﺤﻞ ﺳﻴﺘﻲ ﺑﻼﺯﻩ .. ﻛﺎﻥ ﺍﻟﺒﻨﺎﺕ ﺩﺍﺧﻞ ﻳﺘﺴﻮﻗﻮﻥ ﻭﻃﺒﻌﺎ
ﻣﻴﻼﻑ ﻣﻦ ﻳﺪﺧﻠﻮﻥ ﻣﺤﻞ ﻳﺪﺧﻞ ﻭﺭﺍﻫﻢ ﻣﻮ ﺣﺒﺎ ﻓﻴﻬﻢ ﺑﺲ ﺗﺒﻲ
ﺗﻘﻴﻀﻬﻢ .. ﻭﺗﺪﻟﻊ ﻗﺪﺍﻣﻬﻢ ﺑﻌﻤﻬﺎ ﻃﻼﻝ ﺍﻟﻮﺳﻴﻢ
ﺩﻻﻝ : ﻋﺎﺩ ﻫﺬﻱ ﺍﻟﺒﻠﻮﺯﻩ ﻳﺎ ﺍﻧﻔﺎﻝ ﻣﺎ ﻋﻠﻴﻬﺎ ﻛﻼﻡ ﺗﺠﻨﻦ
ﺍﻧﻔﺎﻝ : ﻣﻤﻤﻢ ﺑﺲ ﻣﺎ ﻛﺎﻥ ﻓﺘﺤﺖ ﺍﻟﺼﺪﺭ ﺷﻮﻱ ﻧﺎﺯﻟﻪ
ﺩﻻﻝ ﺑﺒﺘﺴﺎﻣﻪ : ﻭﻫﺬﺍ ﺍﻟﺤﻠﻮ ﻓﻴﻬﺎ .. ﺭﺍﺡ ﺗﻄﻠﻊ ﺣﻠﻮﻩ ﻋﻠﻴﻚ ﺧﻠﻴﻨﺎ
ﻧﺎﺧﺬﻫﺎ ﻭﺍﻧﺴﻘﻬﺎ ﻟﻚ ﻣﻊ ﺑﻨﻄﻠﻮﻥ
ﺍﻧﻔﺎﻝ ﺑﺘﺮﺩﺩ : ﻻﺍ ﻣﺎ ﺍﻟﺒﺲ ﺍﻧﺎ ﻛﺬﺍ ﻣﺎ ﺍﺣﺐ .. ﺷﻮﻑ ﻟﻲ ﺷﻲﺀ
ﺛﺎﻧﻲ
ﺩﻻﻝ ( ﺍﻟﻠﻪ ﻳﺼﺒﺮﻧﻲ ﻋﻠﻴﻬﺎ ﻫﺬﺍ ﺧﺎﻣﺲ ﻣﺤﻞ ﻧﺪﺧﻠﻪ ﻭﻛﻞ ﻧﻔﺲ
ﺍﻟﻤﻮﺍﻝ ﻛﺄﻥ ﻫﺬﺍ ﻓﺘﺤﺘﻪ ﻭﺳﻴﻊ ﻭﻫﺬﻱ ﻟﻮﻧﻬﺎ ﺷﺎﺟﻊ .. ﻻ ﻫﺬﻱ
ﺳﻌﺮﻫﺎ ﻏﺎﻟﻲ .. ﻻ ﻫﺬﺍ ﺍﻟﺒﻨﻄﻠﻮﻥ ﺣﻮﺿﻪ ﺻﻐﻴﺮ .. ﻻ ﻫﺬﻱ ﺍﻟﺒﻠﻮﺯﻩ
ﻇﻬﺮﻫﺎ ﻳﺒﻴﻦ .. ﻻ ﻫﺬﻱ ﺑﻄﻠﻨﻬﺎ ﺷﻔﺎﻑ ..
ﻻ ﻫﺬﻱ ﺍﻟﺘﻨﻮﺭﻩ ﻗﺼﻴﺮﻩ ﺣﻴﻞ .. ﻳﻮﻩ ﺍﺫﺍ ﻋﻠﻰ ﻛﺬﺍ ﻣﺎ ﺭﺍﺡ ﻧﺸﺘﺮﻱ
ﻭﺍﻧﺎ ﻣﺎ ﺍﺑﻲ ﺍﺿﻐﻂ ﻋﻠﻴﻬﺎ ﻻﻥ ﺍﺫﺍ ﻫﻲ ﺑﺘﺸﺘﺮﻱ ﻣﻦ ﻏﻴﺮ ﺍﻗﺘﻨﺎﻉ ﻣﺎ
ﺭﺍﺡ ﺗﻠﺒﺴﻬﻢ .. ﻫﺬﺍ ﺣﻨﺎ ﺑﻌﺪ ﻟﻠﺤﻴﻦ ﻧﻔﺤﻂ ﻓﻲ ﺍﻟﻤﻼﺑﺲ ﻣﺎ ﺗﻄﺮﻗﻨﺎ
ﻟﻐﻤﺼﺎﻥ ﺍﻟﻨﻮﻡ ﻭﺍﻟﻤﻼﺑﺲ ﺍﻟﺪﺍﺧﻠﻴﻪ ﻭﺍﻻﻛﺴﺴﻮﺭﺍﺕ ﻭﻛﺮﻳﻤﺎﺕ ﺍﻟﺠﺴﻢ
ﻭﺍﻟﻌﻄﺮﺍﺕ )
ﺍﻧﻔﺎﻝ ﻣﺎﺳﻜﻪ ﺑﻠﻮﺯﻩ ﻓﻲ ﻳﺪﻫﺎ : ﺩﻟﻮﻝ ﻭﺵ ﻓﻴﻚ ﺳﺮﺣﺎﻧﻪ .. ﻗﻮﻝ
ﻟﻲ ﻭﺵ ﺭﺍﻙ ﻓﻲ ﻫﺬﻱ ﻣﻮ ﺣﻠﻮﻩ
ﺩﻻﻝ ﺍﻣﺴﻜﺖ ﺿﺤﻜﺘﻬﺎ ﻻﻥ ﺷﻜﻞ ﺍﻟﺒﻠﻮﺯﻩ ﻳﻀﺤﻚ : ﻳﻌﻨﻲ ﻫﺬﺍ
ﻋﺎﺟﺒﺘﻚ
ﺍﻧﻔﺎﻝ : ﻣﺪﺭﻱ ﻳﻌﻨﻲ ﺍﻃﻠﺐ ﺭﺍﻳﻚ
ﺩﻻﻝ : ﺗﺒﻴﻦ ﺭﺍﻱ ﻣﺎ ﻫﻲ ﺣﻠﻮﻩ .. ﺗﻌﺎﻟﻲ ﻣﻌﻲ ﺧﻠﻴﻨﺎ ﻧﺸﻮﻑ ﺍﻟﺠﻬﺎ
ﺍﻟﺜﺎﻧﻴﻪ ..
ﺍﻧﻔﺎﻝ ﻭﻫﻲ ﺗﻨﺎﻇﺮ ﻳﻤﻴﻨﻬﺎ : ﻭﻳﻦ ﻫﻴﺎﻡ ﻣﺎ ﺍﺷﻮﻓﻬﺎ
ﺩﻻﻝ : ﻫﻴﺎﻡ ﺗﺘﺴﻮﻕ .. ﻣﺪﺭﻱ ﻳﻤﻜﻦ ﺍﻟﺠﻬﺎ ﺍﻟﺜﺎﻧﻴﻪ
ﻛﺎﻧﺖ ﻫﻴﺎﻡ ﻃﻮﻝ ﺍﻟﻮﻗﺖ ﺗﺮﺍﻏﺐ ﻃﻼﻝ .. ﻣﺎ ﺷﺎﺕ ﻋﻴﻨﻬﺎ ﻣﻦ ﻋﻠﻴﻪ
.. ﻭﺩﻫﺎ ﺗﺮﻭﺡ ﺗﻜﻠﻤﻪ ﺑﺲ ﻣﻨﺤﺮﺟﻪ ﻭﺑﻌﺪﻳﻦ ﻫﺬﻱ
ﺍﻟﻌﻠﻪ ﻣﻴﻼﻑ ﻛﻞ ﻻﺻﻘﻪ ﻓﻴﻪ ..
ﺍﺳﺘﻐﻠﺖ ﺍﻧﺸﻐﺎﻝ ﻣﻴﻼﻑ ﻓﻲ ﺍﻟﺒﻼﻳﺰ ﻭﻗﺮﺑﺖ ﻣﻨﻪ .. ﻣﺎ ﺗﺪﺭﻱ ﻭﺵ
ﺗﻘﻮﻝ
ﻫﻴﺎﻡ ﺑﺪﻟﻊ : ﻃﻼﻝ
ﻃﻼﻝ ﺑﺴﺘﻐﺮﺍﺏ ﻭﻳﻨﺎﻇﺮﻩ ﺑﻨﻈﺮﺍﺕ ﻻ ﻣﺒﺎﻻﻩ : ﻧﻌﻢ
ﻫﻴﺎﻡ ﺑﺪﻟﻊ : ﻻ ﺑﺲ ﺍﻧﻔﺎﻝ ﺗﺒﻚ
ﻃﻼﻝ ﺑﺎﻫﺘﻤﺎﻡ : ﻫﻲ ﻭﻳﻦ
ﻫﻴﺎﻡ : ﺭﺍﺣﺖ ﻣﻊ ﺩﻻﻝ ﻣﻦ ﻫﺬﻱ ﺍﻟﺠﻬﺎ
ﻃﻼﻝ : ﻋﻦ ﺍﺫﻧﻚ ﺑﺮﻭﺡ ﻟﻬﺎ .. ﻣﺮ ﻣﻦ ﻗﺪﺍﻡ ﻫﻴﺎﻡ ﺑﺨﻄﻮﺍﺕ ﺛﺎﺑﺘﻪ
ﻭﻻ ﻋﺒﺮﻫﺎ ﺑﻨﻈﺮﻩ
ﻫﻴﺎﻡ ﻟﻤﺎ ﺷﻤﺖ ﺭﻳﺤﺖ ﻋﻄﺮﻩ .. ﺫﺍﺑﺖ .. ﻗﺴﻢ ﺑﺎﻟﻠﻪ ﺷﺨﺼﻴﻪ ..
ﻳﺎﻟﻠﻪ ﻣﺎ ﺍﺣﻼﻩ
ﻫﻴﺎﻡ ﻛﺎﻧﺖ ﻧﺎﺳﻴﻪ ﻧﻔﺴﻬﺎ ﺑﺴﻮﻕ ﻫﺬﺍ ﺍﻟﻲ ﺗﻘﻮﻝ ﻣﺎ ﺭﺍﺡ ﺗﻄﻮﻝ
ﺍﻟﺤﻴﻦ ﺍﻟﺴﺎﻋﻪ ﺩﺍﺧﻠﻪ ﻋﻠﻰ 12 ﻭﻫﻲ ﺫﺍﻳﺒﻪ ﻓﻲ
ﺍﻟﻌﺴﻞ ﻭﻣﺒﺴﻮﻃﻪ ﺑﻤﺮﺍﻏﺐ ﺍﻟﺤﻠﻮﻳﻦ .. ﺣﺘﻰ ﻟﻤﺎ ﻗﺎﻟﺖ ﻟﻬﺎ ﺩﻻﻝ ﺍﻥ
ﻫﻲ ﺑﺘﻜﻠﻢ ﺍﻟﺴﻮﺍﻕ ﻳﺠﻲ ﻳﺎ ﺧﺬﻫﻢ ﻣﺎ ﺭﺿﺖ
ﻭﻗﺎﻟﺖ ﺍﻥ ﺗﺒﻲ ﺗﺮﺟﻊ ﻣﻊ ﻃﻼﻝ ﻋﻢ ﺍﻧﻔﺎﻝ .. ﻫﻲ ﻣﺮﻩ ﻓﻲ ﺍﻟﻌﻤﺮ
ﻭﻳﻤﻜﻦ ﻣﺎ ﺭﺍﺡ ﺗﺘﻜﺮﺭ ﻟﻴﻪ ﺍﻓﻮﺗﻬﺎ
ﻋﻨﺪ ﺩﻻﻝ ﻭﺍﻧﻔﺎﻝ ..
ﺩﻻﻝ : ﻃﻴﺐ ﻭﺵ ﺭﺍﻳﻚ ﻓﻲ ﻫﺬﻱ ﻣﺎ ﻋﻠﻴﻬﺎ ﻛﻼﻡ
ﺍﻧﻔﺎﻝ : ﺃﻱ ﺻﺤﻴﺢ ﺣﻠﻮﻩ .. ﺑﺲ ﺑﺴﻌﺮﻫﺎ ﻛﺎﻧﻪ ﻣﺮﺗﻔﻊ
ﺩﻻﻝ : ﻭﺍﻟﻠﻪ ﺳﻌﺮﻫﺎ ﺣﻠﻮ .. ﻭﺍﻧﺎ ﻣﺴﺘﻌﺪﻩ ﺍﺷﺘﺮﻳﻬﺎ ﻟﻚ ﻫﺪﻳﻪ ﺑﺲ
ﺍﺷﺘﺮﻱ ﺷﻲﺀ ﻳﺎ ﺍﻧﻔﺎﻝ ﻣﺎ ﻳﺼﻴﺮ ﻛﺬﺍ ﻛﻞ
ﻣﺎ ﺍﺧﺘﺮﺕ ﻟﻚ ﺷﻲﺀ ﺗﻄﻠﻌﻴﻦ ﻓﻴﻪ ﻋﺸﺮﻳﻦ ﻋﻴﺐ .. ﺷﻮﻓﻲ ﻣﻴﻼﻑ
ﺑﻨﺖ ﻋﻤﺘﻚ ﻣﺎ ﺗﺪﺧﻞ ﻣﺤﻞ ﻭﺭﺍﻧﺎ ﻫﻨﺎ ﻧﻄﻠﻊ
ﻳﺪﻧﺎ ﻓﺎﺿﻴﻪ ﻭﺍﺣﻴﺎﻧﺎ ﻧﻄﻠﻊ ﺑﻜﻴﺴﻪ ﻳﺎ ﻟﻲ ﺍﻭ ﻟﻬﻴﺎﻡ .. ﻭﻓﻲ ﻣﻦ ﻛﻞ
ﻣﺤﻞ ﺗﺎﺧﺬ ﻣﻦ ﻛﻞ ﻣﺪﻳﻞ ﻗﻄﻌﻪ .. ﺍﻛﻴﺎﺱ
ﺍﻧﻔﺎﻝ ﺣﺴﺖ ﺑﺎﻻﺣﺮﺍﺝ : ﻃﻴﺐ ﺧﻼﺹ ﺭﺍﺡ ﺍﺷﺘﺮﻱ .. ﻫﺬﻱ ﺭﺍﺡ
ﺍﺧﺬﻫﺎ ﻭﻫﺬﻱ ﺑﻌﺪ ﻭﻫﺬﻱ
ﺩﻻﻝ : ﻫﻬﻬﻬﻬﻬﻬﻪ ﻫﻬﻬﻬﻬﻬﻬﻬﻪ ﻋﺎﺩ ﺍﻧﺎ ﻣﺎ ﻗﻠﺖ ﻟﻚ ﺳﻮﻱ ﻣﺜﻞ ﺑﻨﺖ
ﻋﻤﻚ ﺍﻟﺨﺒﻠﻪ ﻭﺧﺬﻱ ﻣﻦ ﻛﻞ ﻣﻮﺩﻳﻞ ﻗﻄﻌﻪ
ﺍﻧﻔﺎﻝ : ﻫﻬﻬﻬﻬﻬﻬﻬﻬﻬﻬﻪ ﻫﻬﻬﻬﻬﻪ ﺯﻳﺤﻲ ﻣﻨﺎﻙ ﺷﻮﻱ ﺧﻠﻴﻨﻲ ﺍﺷﻮﻑ
ﺍﻟﺘﻨﺎﻧﻴﺮ
ﻛﺎﻥ ﻃﻼﻝ ﻭﺍﻗﻒ ﻗﺮﻳﺐ ﻣﻨﻬﻢ ﻳﺴﻤﻊ ﻛﻼﻣﻬﻢ .. ﻭﻳﺒﺘﺴﻢ ﻋﻠﻰ ﻛﻼﻡ
ﺩﻻﻝ .. ﻓﻲ ﻫﺬﻱ ﺍﻟﺒﻨﺖ ﺷﻲﺀ ﻳﻤﻴﺰﻫﺎ ﺟﺮﺍﺋﺘﻬﺎ
ﻭﺻﺮﺍﺣﺘﻬﺎ ﻭﺍﻟﺠﺎﺭﺣﻪ ﺍﺣﻴﺎﻧﺎ .. ﻣﻦ ﻳﻮﻡ ﻣﺎ ﺟﺎﺕ ﻣﻌﻨﺎ ﻭﻫﻲ ﺗﺮﺍﺩﺩ
ﻣﻴﻼﻑ ﺑﺎﻟﻜﻼﻡ .. ﻟﺪﺭﺟﻪ ﺍﻥ ﻣﻴﻼﻑ ﻗﺎﻣﺖ
ﺗﺘﻔﺎﺩﺍﻫﺎ ﻋﻠﺸﺎﻥ ﻣﺎ ﺗﺴﻤﻊ ﺗﻌﻠﻘﺎﺗﻬﺎ .. ﺣﺪﺕ ﻧﻈﺮﺍﺗﻬﺎ ﻭﺍﻟﻐﺮﻭﺭ ﺍﻟﺒﺎﻳﻦ
ﻓﻴﻬﻢ .. ﺻﺤﻴﺢ ﺍﻥ ﻳﻤﻠﻮﻛﻦ ﻧﻔﺲ ﺍﻟﻄﻠﻪ ﻭ
ﺭﺳﻤﺖ ﺍﻟﻌﻴﻦ ﻭﺍﻟﻄﻮﻝ ﻭﺍﻟﻤﺸﻴﻪ ﻟﻜﻦ ﺍﻛﺘﺸﻒ ﺍﻟﻴﻮﻡ ﺍﺧﺘﻼﻑ ﻛﺒﻴﺮ
ﺑﻴﻨﻬﻢ .. ﺩﺍﺋﻤﺎ ﺍﻻﺻﻞ ﻫﻲ ﺍﻻﻏﻠﻰ .. ﺑﺲ ﺣﺘﻰ
ﺩﻻﻝ ﻓﻴﻬﺎ ﺷﻲﺀ ﺟﺬﺍﺏ ..
ﻭﻫﻮ ﺟﺎﻟﺲ ﻳﺘﺄﻣﻞ ﺍﻟﺒﻼﻳﺰ .. ﻇﻞ ﻳﻨﺎﻇﺮ ﻓﻲ ﺑﻠﻮﺯﻩ ... ﻭﻗﻔﻪ ﻣﻊ
ﺍﻟﺬﺍﻛﺮﻩ ..
ﻃﻼﻝ : ﻭﺍﻟﻠﻪ ﻫﺬﺍ ﺑﺘﻄﻠﻊ ﺭﻭﻋﻪ ﻋﻠﻴﻚ
.... : ﺻﺤﻴﺢ .. ﻭﻻ ﺗﻘﺺ ﻋﻠﻲ ﺗﺒﻴﻦ ﺍﺧﺬ ﺃﻱ ﺷﻲﺀ ﻭﻧﻤﺸﻲ
ﻃﻼﻝ : ﻭﺍﻟﻠﻪ ﺍﻧﺘﻲ ﻳﺎ ﻗﻠﺒﻲ ﻛﻞ ﺷﻲﺀ ﻋﻠﻴﻚ ﺣﻠﻮﻭ ﻻﻥ ﺍﻧﺖ ﺍﻟﻲ
ﺗﺤﻠﻴﻨﻪ .. ﺣﺘﻰ ﻟﻮ ﺗﻠﺒﺴﻴﻦ ﺧﻴﺸﻪ ﺣﻠﻮﻩ ﻋﻠﻴﻚ
.... ﺑﺤﻴﺎ : ﻃﻼﻝ ﻻ ﻳﺴﻤﻌﻨﺎ ﺍﺣﺪ ﻭﺍﻧﺖ ﺗﺘﻐﺰﻝ ﻓﻴﻨﻲ
ﻃﻼﻝ : ﻋﺎﺩ ﺧﻠﻬﻢ ﻳﺴﻤﻌﻮﻥ ﻭﺍﺣﺪ ﻭﺟﺎﻟﺲ ﻳﺘﻐﺰﻝ ﻓﻲ ﺣﺒﻴﺒﺘﻪ
ﻓﻴﻬﺎ ﺷﻲﺀ ﻫﺬﻱ ﻣﺎ ﻓﻴﻬﺎ ﺷﻲﺀ
... : ﺍﺫﺍ ﺭﺣﻨﺎ ﺍﻟﺒﻴﺖ ﺗﻐﺰﻝ ﻋﻠﻰ ﻛﻴﻔﻚ ﺍﻟﺤﻴﻦ ﺣﻨﺎ ﻓﻲ ﻣﻜﺎﻥ ﻋﺎﻡ
ﻃﻼﻝ : ﻣﻜﺎﻥ ﻋﺎﻡ ﻳﻌﻨﻲ ﻣﻦ ﺣﻖ ﺍﻟﻌﺎﻣﻪ ﻣﻦ ﺍﻟﻨﺎﺱ ﻭﺣﻨﺎ ﻣﻨﻬﻢ
.... : ﻃﻴﺐ ﻭﺵ ﺭﺍﻳﻚ ﻓﻲ ﻫﺬﻱ
ﻃﻼﻝ : ﻣﻤﻤﻤﻢ ﺣﻠﻮﻩ .. ﺑﺲ ﻫﺬﻱ ﻛﺎﻧﻬﺎ ﺍﺣﻠﻰ
... : ﻻ ﻫﺬﻱ ﺧﺎﻟﻌﻪ ﺣﻴﻞ
ﻃﻼﻝ ﺑﺒﺘﺴﺎﻣﺔ ﺧﺒﺚ : ﻫﺬﺍ ﺍﻟﺤﻠﻮ ﻓﻴﻬﺎ
... ﺑﺨﺠﻞ : ﺍﻣﺶ ﻧﻄﻠﻊ ﻣﺎ ﻋﺠﺒﻨﻲ ﺷﻲﺀ
ﻃﻼﻝ : ﻋﺎﺩ ﺍﻧﺎ ﺟﻌﺖ ﻣﻦ ﻛﺜﺮ ﻣﺎ ﺍﻃﺎﻟﻊ ﺍﻟﻤﻼﺑﺲ
... : ﻫﻬﻬﻬﻬﻬﻬﻬﻬﻬﻪ ﺧﻒ ﺷﻮﻱ ﻫﺬﻱ ﺍﻻﻳﺎﻡ ﻣﻼﺣﻈﻪ ﻋﻠﻴﻚ ﻛﺮﺵ
ﻃﻼﻝ : ﻛﻞ ﻛﺮﺷﺎ ﻛﺒﻴﺮ ﻭﺭﺍﻩ ﺍﻣﺮﻩ ﻃﺒﺎﺧﻪ
ﺍﺑﺘﺴﻢ ﻟﻤﺎ ﺗﺬﻛﺮ .. ﺍﻟﻤﻮﻗﻒ .. ﻭﺭﺟﻊ ﻳﻨﺎﻇﺮ ﺍﻟﺒﻠﻮﺯﻩ ﺍﻟﻲ ﻣﻌﻠﻘﻪ
ﺟﺪﺍﻣﻪ .. ﻟﻮ ﻫﻲ ﺍﻟﺤﻴﻦ ﻣﻌﻲ ﻛﺎﻥ ﺧﺬﺕ ﻫﺬﻱ
ﺍﻟﺒﻠﻮﺯﻩ .. ﻻﻧﻬﺎ ﺗﺤﺐ ﻫﺬﺍ ﺍﻟﻤﻮﺩﻳﻞ .. ﻭﻫﺬﺍ ﺍﻟﻠﻮﻥ .. ﺗﻨﻬﺪ ﺗﻨﻬﻴﺪﻩ
ﻋﻤﻴﻘﻪ ﻭﺑﻌﺪﻫﺎ ﻣﺸﻰ
ﺷﺎﻑ ﺍﻧﻔﺎﻝ ﻭﺍﻗﻔﻪ ﻟﺤﺎﻟﻪ ﺍﺳﺘﻘﻞ ﻫﺬﻱ ﺍﻟﻔﺮﺻﻪ ﻭﺭﺍﺡ ﻟﻬﺎ
ﻃﻼﻝ : ﺍﻧﻔﺎﻝ ﺧﺒﺮﻳﻦ ﻭﺵ ﺑﻘﻴﺘﻲ
ﺍﻧﻔﺎﻝ : ﻻ ﻣﺎ ﺑﻘﻴﺖ ﺷﻲﺀ
ﻃﻼﻝ ﺑﺴﺘﻐﺮﺍﺏ ( ﻣﺎ ﺣﺐ ﻳﻘﻮﻝ ﺍﻥ ﻫﻴﺎﻡ ﻗﺎﻟﺖ ﻟﻪ ﺍﻥ ﺍﻧﻔﺎﻝ
ﺗﺒﻴﻪ ) : ﻃﻴﺐ ﺷﺮﻳﺘﻲ
ﺍﻧﻔﺎﻝ : ﺍﻳﻮﻩ .. ﻳﺎﻟﻠﻪ ﺑﻨﻄﻠﻊ ﺑﺲ ﺍﻧﺘﻈﺮ ﺩﻻﻝ ﻭﻫﻴﺎﻡ ﻳﺸﺘﺮﻭﻥ ﻟﻬﻢ
ﻭﺑﺮﻭﺡ ﻧﺤﺎﺳﺐ .. ﺍﺣﺲ ﺍﻧﻲ ﺗﻌﺐ ﻳﺎﻟﻠﻪ
ﻧﺒﻲ ﻧﺮﺟﻊ ﺍﻟﺒﻴﺖ
ﻃﻼﻝ : ﺑﺲ ﺍﻧﺘﻲ ﻣﺎ ﺷﺮﻳﺘﻲ ﺷﻲﺀ
ﺍﻧﻔﺎﻝ ﻭﻫﻲ ﺗﻨﺎﻇﺮ ﻋﺮﺑﺎﻧﺘﻬﺎ ﺍﻟﻲ ﻛﺎﻧﺖ ﺷﺒﻪ ﺧﺎﻟﻪ ﺑﺎﻟﻤﻘﺎﺭﺑﻪ ﻣﻊ
ﻋﺮﺑﺎﻧﻚ ﻏﻴﺮﻫﺎ : ﻛﻢ ﺑﻠﻮﺯﻩ ﺗﻜﻔﻴﻨﻲ
ﻋﻨﺪ ﺍﻟﻤﺤﺎﺳﺒﻪ .. ﺑﻌﺪ ﻣﺎ ﺧﻠﺼﻮ ﺍﻟﺒﻨﺎﺕ
ﻃﻼﻝ : ﻳﺎﻟﻠﻪ ﻛﻞ ﻭﺣﺪﻩ ﺗﺠﻴﺐ ﻋﺮﺑﻨﺘﻬﺎ ﻭﺗﺼﻔﻬﻢ ﻭﺭﺍﻯ ﺑﻌﺾ
ﻭﺧﻠﻮﻧﻲ ﺍﺣﺎﺳﺒﻬﻢ
ﺍﻧﻔﺎﻝ : ﻻ ﻋﻤﻲ ﺧﻠﻴﻨﻲ ﺍﺣﺎﺳﺐ .. ﺍﺑﻮﻱ ﻋﻄﺎﻧﻲ ﻓﻠﻮﺱ
ﻃﻼﻝ : ﺍﻓﺎﺍﺍﺍﺍ ﻳﺎ ﺍﻧﻔﺎﻝ ﺗﺮﺩﻳﻦ ﻋﻤﻚ
ﺍﻧﻔﺎﻝ ﺑﺨﺠﻞ : ﻻ ﺧﻼﺹ ﺣﺎﺳﺐ
ﻃﺒﻌﺎ ﻫﻴﺎﻡ ﻳﻮﻡ ﻗﺎﻝ ﺑﺤﺎﺳﺐ ﺻﻔﺖ ﻋﺮﺍﺑﻨﺘﻬﺎ ﻣﻌﻬﻢ ﺑﻔﺮﺡ ﻻﻥ
ﺍﻟﻤﻼﺑﺲ ﺍﻟﻲ ﺧﺬﺗﻬﻢ ﻣﺎ ﺗﻜﻔﻲ ﺍﻟﻔﻠﻮﺱ ﺍﻟﻲ ﻣﻌﻬﺎ
ﻭﻫﻲ ﻗﺎﻳﻠﻪ ﺑﺘﺘﺴﻠﻒ ﻣﻦ ﺍﻧﻔﺎﻝ ﺍﻭ ﺩﻻﻝ .. ﺑﺲ ﻟﻤﺎ ﻗﺎﻝ ﻃﻼﻝ
ﺑﺤﺎﺳﺐ ﺍﻓﺮﺣﺖ ﻭﺭﺍﺣﺖ ﺟﺎﺑﺖ ﺑﻠﻮﺯﻩ ﻛﺎﻥ ﻧﻔﺴﻬﺎ ﻓﻴﻬﺎ
ﺑﺲ ﻛﺎﻧﺖ ﻏﺎﻟﻴﻪ ﺣﻴﻞ ..
ﺍﻣﺎ ﺩﻻﻝ ﻣﺎﺣﺒﺖ ﻫﺬﺍ ﺍﻟﺸﻲ .. ﻭﺭﺍﺣﺖ ﺣﺎﺳﺒﺖ ﻓﻲ ﺍﻟﺠﻬﺎ ﺍﻟﺜﺎﻧﻴﻪ
ﻃﻼﻝ ﺍﺣﺘﺮﻡ ﺭﻏﺒﺖ ﺩﻻﻝ .. ﺍﺳﺎﺳﺎ ﻛﺎﻥ ﻣﺘﻮﻗﻊ ﻣﻨﻬﺎ ﻫﺬﺍ ﺍﻟﺘﺼﺮﻑ
ﺑﺲ ﻻﺣﻆ ﺷﻲﺀ ﻏﺮﻳﺐ ﺧﻼﻩ ﻳﺒﺘﺴﻢ ﺍﻟﺒﻠﻮﺯﻩ
ﺍﻟﻲ ﻣﻦ ﺷﻮﻱ ﻭﺍﻗﻒ ﻋﻨﺪﻫﺎ ﻭﻗﺎﻝ ﻟﻮ ﻫﻲ ﺍﻟﺤﻴﻦ ﻣﻮﺟﻮﺩﻩ ﻛﺎﻥ
ﺷﺮﺗﻬﺎ .. ﺷﺎﻓﻬﺎ ﺑﻴﺪ ﺩﻻﻝ ﺗﺤﺎﺳﺐ ﻋﻠﻴﻬﺎ ﻭﻧﻔﺲ ﺍﻟﻮﻥ ﺍﻟﻲ ﻛﺎﻧﺖ
ﺗﻌﺸﻘﻪ ﻫﺬﺍ ﺩﻟﻴﻞ ﺍﻥ ﻫﻨﺎﻙ ﺗﻘﺎﺭﺏ ﻓﻲ ﺍﻟﺬﻭﻭﻕ
ﻋﻨﺪ ﻣﺸﻐﻞ ﻫﻴﺎﻡ .. ﺍﻟﻲ ﻛﺎﻥ ﺷﺒﻪ ﻇﻠﻤﻪ ﻻﻥ ﻣﻐﻠﻖ ﻣﻦ ﺯﻣﺎﻥ ﺑﺲ
ﻫﻲ ﻋﻨﺪﻫﺎ ﺍﻟﻤﻔﺘﺎﺡ ﺑﺘﺪﺧﻞ ﺩﺍﺧﻞ
ﻭﺑﺘﻨﺎﻡ ﻻﻧﻬﺎ ﻣﺎ ﺗﻘﺪﺭ ﺗﺮﺟﻊ ﺍﻟﺒﻴﺖ ﺍﻟﺤﻴﻦ .. ﺍﻭ ﻻﻧﻬﺎ ﺗﺨﺠﻞ ﺗﻮﺻﻒ
ﻟﻄﻼﻝ ﺑﻴﺘﻬﻢ ﺗﺨﺎﻑ ﻳﺸﻮﻓﻮﻧﻪ ﻭﻳﺘﺸﻤﺘﻮﻥ ﻓﻴﻬﺎ
ﻫﻴﺎﻡ ﻭﻫﻲ ﻧﺎﺯﻟﻪ ﻣﻦ ﺍﻟﺴﻴﺎﺭﻩ : ﻳﺎﻟﻠﻪ ﻣﻊ ﺍﻟﺴﻼﻣﻪ
ﺩﻻﻝ : ﻣﻊ ﺍﻟﻒ ﺳﻼﻣﻪ .. ﻫﻴﺎﻡ ﻃﻤﻨﻴﻨﻲ ﻋﻠﻴﻚ
ﻫﻴﺎﻡ : ﻃﻴﺐ
ﻣﻴﻼﻑ ﻭﺗﺪﺧﻞ ﻋﺮﺽ : ﻭﺍﻟﻠﻪ ﺍﻧﻲ ﺗﻌﺒﺖ ﻣﻦ ﺍﻟﻤﺸﻲ ﻭﺍﻟﺘﺸﺮﻱ ..
ﻭﺩﻱ ﺑﺴﺮﻋﻪ ﺍﻭﺻﻞ ﺍﻟﺒﻴﺖ ﺑﺲ ﺍﻟﻤﺼﻴﺒﻪ ﺍﻥ
ﻋﻨﺪﻧﺎ ﺛﻨﺘﻴﻦ ﻣﺠﺒﻮﺭﻳﻦ ﻧﺮﻣﻴﻬﻢ ﺑﻴﺘﻬﻢ .. ﻭﺍﻟﻤﺸﻜﻠﻪ ﺍﺫﺍ ﻭﺻﻠﻨﺎﻫﻢ ﻻ
ﺣﻤﺪ ﻭﻻ ﺷﻜﺮ .. ﺑﺲ ﻣﺴﻜﻴﻦ ﻋﻤﻲ
ﻳﻠﻔﻠﻒ ﻓﻴﻬﻢ ﺑﺎﻟﺴﻴﺎﺭﻩ ﻳﻮﺻﻠﻬﻢ ﺑﺤﺪ ﺑﺎﺑﻬﻢ
ﺩﻻﻝ : ﺍﺫﺍ ﻣﻘﻬﻮﺭﻩ ﻋﻠﻰ ﺍﻟﺘﻮﺻﻴﻠﻪ ﺑﻨﺪﻓﻊ ﺣﻘﻬﺎ ﻭﺯﺍﻳﺪﻩ
ﻃﻼﻝ : ﻻ ﻭﺵ ﺩﻋﻮﻩ .. ﻭﻟﻮ ﻟﻨﺎ ﺍﻟﺸﺮﻑ ﺍﻥ ﻧﻮﺻﻠﻜﻢ << ﻭﻛﺎﻧﻪ
ﻳﺤﺎﻭﻝ ﻳﻐﻄﻰ ﻭﻳﺪﺍﺭ ﻋﻠﻰ ﺍﻟﻜﻼﻡ ﺍﻟﻲ ﻗﺎﻟﺘﻪ ﻣﻴﻼﻑ
ﻛﺎﻥ ﻓﻲ ﻋﻴﻦ ﺗﺮﺍﻏﺐ ﻣﻦ ﺯﻣﺎﻥ ﻣﺪﺧﻞ ﺍﻟﻤﺸﻐﻞ ﻣﻦ ﺍﻭﻝ ﻣﺎ ﻃﻠﻌﺖ
ﻫﻴﺎﻡ ﻭﺍﺭﻛﺒﺖ ﺍﻟﺴﻴﺎﺭﻩ ﺍﻟﻰ ﻫﺬﻱ ﺍﻟﻠﺤﻈﻪ
ﺍﻟﻲ ﺍﻧﺰﻟﺖ ﻣﻨﻬﺎ ﻣﻦ ﺍﻟﺴﻴﺎﺭﻩ ﻭﺍﺩﺧﻠﺖ ﺍﻟﻤﺸﻐﻞ .. ﺑﺤﺮﻛﻪ ﺳﺮﻳﻌﻪ
ﻃﻠﻊ ﻭﺭﻗﻪ ﻭﻗﻠﻢ ﻭﺳﺠﻞ ﺭﻗﻢ ﺍﻟﺴﻴﺎﺭﻩ ﻭﻟﻮﻧﻬﺎ
ﻋﻠﻰ ﺍﻟﺴﺎﻋﻪ 12 ﻭﻧﺼﻒ ﻓﻲ ﺳﻴﺎﺭﻩ ﺑﺪﺭ ﺍﻟﻰ ﻣﺘﺠﻬﺎ ﺍﻟﻰ ﺍﻟﻤﻄﺎﺭ
ﻛﺎﻥ ﺳﻠﻄﺎﻥ ﺟﺎﻟﺲ ﻗﺪﺍﻡ ﻭﺩﻻﻝ ﻭﺷﺠﻮﻥ ﻭﺭﻯ
ﺑﺪﺭ : ﻫﺎ ﺩﻟﻮﻟﻮ ﻭﺵ ﺳﻮﻳﺖ ﻓﻲ ﺍﻟﺴﻮﻕ ﺍﻧﺒﺴﻄﺘﻲ
ﺩﻻﻝ : ﻳﻮ ﻻ ﺗﺬﻛﺮﻧﻲ ﺍﻭﻝ ﻣﺮﻩ ﺍﺣﺲ ﺍﻥ ﺍﻟﺘﺴﻮﻕ ﺷﻲﺀ ﻣﺘﻌﺐ
ﻭﻣﻤﻞ
ﺳﻠﻄﺎﻥ : ﻭﺍﻟﻠﻪ ﻏﺮﻳﺒﻪ ﻫﺬﺍ ﺍﻟﻜﻼﻡ ﻳﻄﻠﻊ ﻣﻨﻚ .. ﺳﺒﺤﺎﻥ ﻣﻐﻴﺮ
ﺍﻻﺣﻮﺍﻝ
ﺩﻻﻝ : ﻣﺎ ﻋﻠﻴﻨﺎ ﻣﺎ ﻛﺄﻥ ﻫﺬﺍ ﻃﺮﻳﻖ ﺍﻟﻤﻄﺎﺭ ﻻ ﺗﻘﻮﻟﻮﻥ ﻟﻲ ﺍﻥ
ﺍﻟﻤﻔﺎﺟﺄﻩ ﺳﻔﺮﻩ .. ﺍﺫﺍ ﺳﻔﺮﻩ ﺑﺴﺮﻋﻪ ﻧﺰﻟﻮﻧﻲ ﻫﻨﺎ
ﻣﺎ ﺭﺍﺡ ﺍﺭﻭﺡ ﻣﻌﻜﻢ
ﺳﺠﻮﻥ : ﻣﺎ ﺍﻋﺘﻘﺪ ﺳﻔﺮﻩ ﻣﺎ ﻳﺼﻴﺮ ﻧﺴﺎﻓﺮ ﺑﺪﻭﻥ ﺷﻨﺎﻃﻨﺎ ﻭﻣﻼﺑﺴﻨﺎ
ﺑﺪﺭ : ﺍﺫﺍ ﻭﺻﻠﻨﺎ ﺍﻟﻤﻄﺎﺭ ﺭﺍﺡ ﺗﻌﺮﻭﻓﻮﻥ .. ﻭﺍﻧﺎ ﻋﺎﺭﻑ ﺍﻧﻜﻢ ﺭﺍﺡ
ﺗﻄﻴﺮﻭﻥ ﻣﻦ ﺍﻟﻔﺮﺡ
ﻓـــﻲ ﺍﺭﺽ ﺍﻟﻤﻄﺎﺭ .. ﻛﺎﻧﺖ ﺍﻟﻄﻴﺎﺭﻩ ﻭﺍﺻﻠﻪ ﻣﻦ ﻧﺼﻒ ﺳﺎﻋﻪ ﻻﻧﻬﻢ
ﺗﺄﺧﺮ ﺷﻮﻱ ﻋﻠﻰ ﻣﺎ ﺟﺎﺕ ﺩﻻﻝ ﻣﻦ ﺍﻟﺴﻮﻕ
ﺑﺪﺭ : ﻭﻳﻨﻪ ﻫﺬﺍ ﻣﺎ ﺍﺷﻮﻓﻪ ﺑﻴﻦ
ﺩﻻﻝ ﺑﺴﺘﻐﺮﺍﺏ : ﻣﻦ ﻫﺬﺍ ﺍﻟﻲ ﺗﺪﻭﺭ ﻋﻠﻴﻪ
ﺑﺪﺭ : ﺍﻧﺘﻈﺮﻱ ﺛﻮﺍﻧﻲ ﻭﺭﺍﺡ ﺗﻌﺮﻓﻴﻦ
ﺩﻻﻝ : ﺍﻟﻠﻪ ﻳﺼﺒﺮﻧﻲ
ﺳﻠﻄﺎﻥ ﻭﻳﺎﺷﺮ ﺑﻔﺮﺡ : ﻫﺬﺍ ﻫﻮ ﺟﺎ .. ﺭﻳﺘــــــﺸﺎﺭﺩ .. ﻭﺻﻞ